<a href="https://kyzylorda-news.kz/">Kyzylorda-news.kz</a> “Ауыл” партиясы Қызылорда облыстық филиалының ұйымдастыруымен Қорқыт ата атындағы Қызылорда университетінде “Кітап – руханият өзегі”&nbsp; тақырыбында акция ұйымдастырылды.Акцияның мақсаты&nbsp; – үйдің сөресіндегі кітаптарды жинап,&nbsp;кітап сүйер оқырманға ұсыну.Шара барысында Сыр жұртшылығы акцияға белсенді қатысып, бір мезетте 700 ге жуық кітаптар жиналды. Детективты жанрдың шебері, белгілі жазушы, партия мүшесі Алдажар Әбілов те атсалысып, төл туындысы “Зауал” кітабының 30 данасын белсенді оқырмандарға сыйға тартты.Акция барысында жиналған кітаптар университет кітапханасының қорына тапсырылды.<img src="https://knadmin.beoblood.kz/uploads/yzylordada_o_yrmandar_partiyany_bastamasyn_oldady_1_cadb8718ec.jpg" alt="Қызылордада оқырмандар партияның бастамасын қолдады 1.jpg">

Қызылордада оқырмандар партияның бастамасын қолдады

<a href="https://kyzylorda-news.kz/">Kyzylorda-news.kz</a> Жалағаш ауданының&nbsp;әкімі Ардақ Ибраимовтың төрағалығымен көктемгі егін егу және дала жұмыстарына дайындық барысы туралы мәжіліс отырысы өтті.Күн тәртібінде 2025 жылғы Сырдария өзенінің су шаруашылығы жағдайы, егісті әртараптандыру, су үнемдеу технологияларын кеңінен пайдалану мәселелері талқыланды.Аудан әкімі Ардақ Ибраимов 2025 жылы егіс орналастыру жұмыстарын уақытылы, сапалы әрі тиімді ұйымдастыру қажеттігін атап өтті.Суға қарызы бар шаруашылықтарға қысқа мерзімде қарызды қайтару қажеттігін қатаң ескертті.Күн тәртібіне сәйкес, берілген тапсырмалардың орындалуын бақылау сала бойынша жауапты аудан әкімінің орынбасары Ә.Байнахатовқа тапсырылды.<img src="https://knadmin.beoblood.kz/uploads/Zhala_ash_audany_ae6797af61.jpg" alt="Жалағаш ауданы.jpg">Фото: Қармақшы ауданының әкімдігі

Көктемгі егін егу жұмыстарын пысықтады

<a href="https://kyzylorda-news.kz/">Kyzylorda-news.kz</a> Есепті мерзімде мемлекеттік еңбек инспекторларының қарауына жеке және заңды тұлғалардан 1403 өтініш түскен. Оның 310 қанағаттандырылса, 431 өтініш қарау реттілігімен басқа органға жолданған. Ал 662 өтінішке заңнама талаптарына сәйкес жауаптар берілді. Өтініштерді қарау тәртібі мен мерзімдерін бұзу деректері орын алған жоқ. Мемлекеттік еңбек инспекторларымен жалпы жүргізілген 223 тексеру нәтижесімен 162 нұсқама берілді. Бұл туралы мемлекеттік еңбек инспекциясы комитеті Қызылорда облысы бойынша департаменті басшысының міндетін атқарушы Болат Досымов баяндады.<blockquote>- Негізгі бұзушылық түрлері – жалақыны немесе басқада төлемдерді уақытылы төлемеу, еңбек шарты тоқтатылған кезде төленуге жататын төлемдердің жүргізілмеуі, еңбек жағдайлары өзгеру тәртібін сақтамау және басқа да бұзушылықтар. Жүргізілген тексерулер нәтижесімен еңбек заңнамасы талаптарын бұзған тұлғаларға қатысты 220 әкімшілік құқық бұзушылық туралы іс қозғалып, 79 тұлғаға «ескерту» түріндегі жаза қолданылып, айыппұл салынды. Қызылорда облысы бойынша Еңбек шарттарын есепке алудың бірыңғай жүйесіндегі 4773 кәсіпорынның 4400 -не еңбек шарттары енгізілген,- деді Болат Бекайдарұлы.</blockquote>Фото: Өңірлік коммуникациялар қызметі

Еңбек құқығының қорғалуы аса маңызды

<a href="https://kyzylorda-news.kz/">Kyzylorda-news.kz</a> Облыстық мәслихат төрағасы Мұрат Тілеуімбетов және мәслихат депутаттары Жанкелді Ысқақ, Ібайдулла Тілеп, Нұрлан Имандосов Қазалы ауданына қарасты Абай, Ақтан батыр, Жанқожа батыр, Бекарыстан би ауылдарына барып, тұрғындармен кездесті. Кездесулерге аудан әкімінің орынбасары Жалғас Сүйеубаев, аудандық мәслихат төрағасы Ғазиз Әліш, аудандық мәслихат депутаттары, ауыл әкімдері мен тиісті сала мамандары қатысты.Облыстық мәслихат төрағасы облыс әкімінің бастамасымен атқарылған, қолға алынған, алдағы уақытқа жоспарланған жобалар туралы айтты. Мәслихаттың жұмысына, депутаттардың көтерген мәселелеріне тоқталып өтті.Ауыл тұрғындары көшелерді асфальттау, электр желілерін жөндеу, балабақша, жанармай бекетін ашу, каналдарды тазарту, қауіпсіздікті қамтамасыз ету мақсатында ауылға қосымша полиция инспекторын бекіту, полиция бөлімшесіне қызметтік автокөлік, өрт сөндіру көлігін алу, аурухана &nbsp;салу туралы ұсыныстарын айтты. Сонымен қатар, халықтың өмір сүру сапасын жақсартуға бағытталған аймақ басшысының жүйелі жұмыстарына оң пікірлерін білдіріп, ризашылықтарын жеткізді.Кездесуден кейін халық қалаулылары Жанқожа батыр ауылындағы «Жайлы мектеп» ұлттық жобасы аясында бой көтерген 300 орындық мектеп құрылысымен, Бекарыстан би ауылындағы №24, Ғани Мұратбаев ауылындағы №91 мектептердің жұмысымен танысты.Фото: Облыс әкімінің баспасөз қызметі

Облыстық мәслихат депутаттары Қазалы ауданының тұрғындарымен кездесті

Кредит бойынша төлем мерзімі өткен жағдайда не істеу керек

<a href="https://kyzylorda-news.kz/">Kyzylorda-news.kz</a> Мемлекет басшысы «Әділетті Қазақстанның экономикалық бағдары» атты халыққа Жолдауында су ресурстарына қолжетімділік пен олардың сапасын арттыру мәселесіне ерекше назар аударған болатын. Осыған орай, елімізде су ресурстарын сақтау және қауіпсіздігін қамтамасыз ету бағытында ауқымды шаралар қолға алынуда.Атап айтқанда, Су ресурстары және ирригация министрлігі құрылғаннан бері су қоймаларын, гидротехникалық құрылыстарды, ирригациялық жүйелерді салу мен реконструкциялау, су үнемдеу технологияларын цифрландыру жұмыстары қарқынды жүргізілуде.Осы бастамалар шеңберінде Ислам Даму Банкі есебінен қаржыландырылатын су шаруашылығы жобаларының тиімділігін зерттеу мақсатында Қызылорда облысы бойынша арнайы жұмысшы топ құрылды.Су ресурстары және ирригация министрлігінің Су шаруашылығы имараттарын дамыту департаменті, суару және дренаж басқармасының бас сарапшысы Е. Қалдыбеков бастаған жұмысшы топ іс сапармен Арал ауданында болды.Осы ретте, Су ресурстары және ирригация министрлігінің Су шаруашылығы имараттарын дамыту департаменті, суару және дренаж басқармасының бас сарапшысы Е. Қалдыбеков бастаған жұмысшы топ іссапармен Арал ауданына келді. Аудан әкімінің орынбасары Е. Әбішев, сондай-ақ облыстық су шаруашылығы саласының өкілдері, басқарма және мекеме басшылары жұмысшы топ құрамында болып, Жаңақұрылыс және Қаратерең ауылдық округтеріндегі «Қараарық» каналы мен «Құйылыс» қорғаныс бөгетінің техникалық жағдайымен танысты. Қаржыландырылатын су нысандарына жан-жақты зерделеу жұмыстары жүргізілді.Айта кетейік, ұсынылған жобалар жүзеге асқан жағдайда, Қаратерең ауылдық округіндегі «Құйылыс» қорғаныс бөгетін жөндеу және шлюз салу арқылы 6 мың гектарға дейін шабындық алқап суландырылып, жергілікті халықтың экономикалық-әлеуметтік жағдайының жақсаруына септігін тигізбек. Сонымен қатар, бұл нысан елді мекен тұрғындары мен көршілес Қазалы ауданының халқына қыстық мал азығын дайындауда үлкен көмек болмақ.Бұдан бөлек, «Қараарық» каналы толықтай тазаланып, қажетті жерлерге су тоспалары салынған жағдайда, Жайындыкөл, Дауылдыкөл, Айдарқұл, Ақшұңгел, Ақүрме, Алтынтапқан шабындықтары мен Тәбекен, Әулиетөбе көлдері суландырылып, 500-1000 гектар жерге дейін егін шаруашылығын дамытуға мүмкіндік туғызады.Фото: Арал ауданы әкімдігі

Су шаруашылығы нысандарын зерделеу жұмыстары жүргізілді

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев ауданға ғылыми-зерттеу мақсатында келген Ресей, Жапония және еліміздің ғалымдарын қабылдады.Кездесуге Ресей ғылым академиясының Зоология институтының ғалымы Аладин Николай Васильевич, Нагоя университетінің халықаралық қатынастар саласындағы зерттеушісі Чида Тецуро, ҚР Ұлттық Ғылым Академиясы Зоология институтының ғылыми қызметкері Талғарбай Қонысбаев, «Тоттори» университетінің (Жапония) профессоры Дзиро Иида және Қазақстандағы Жапон елшілігінің өкілі Комия Шимион қатысты.Ғалымдардың сапарының негізгі мақсаты – Арал теңізінің экологиялық мәселелерін және шалғай ауылдардың әлеуметтік-экономикалық жағдайын зерттеу.Кездесу барысында Арал өңірінің экологиялық ахуалы, теңізді қалпына келтіру мүмкіндіктері және халықаралық ғылыми әріптестікті дамыту туралы өзара пікір алмасты.Ғалымдар Арал теңізінің тартылу үдерісі, оның себептері мен салдарын ғылыми зерттеу тұрғысынан қарастырудың маңыздылығын атап өтті. Сонымен қатар, Арал аумағында жүзеге асырылатын басым бағыттағы ғылыми жобалар мен ықтимал халықаралық гранттар мәселесі де қозғалды.Аудан әкімі өз кезегінде, Арал өңірінің экологиялық және әлеуметтік жағдайын жақсарту үшін ғылыми қауымдастық пен халықаралық серіктестердің зерттеулерін қолдайтынын жеткізді.Кездесу соңында аудан басшысы аудан әкімінің орынбасары Ш. Есжановқа халықаралық сарапшыларға өңірдің негізгі мәселелері туралы толық ақпарат беруді тапсырды.Фото: Арал ауданы әкімдігі

Арал өңірінің экологиялық мәселесі халықаралық сарапшылар назарында

<a href="https://kyzylorda-news.kz/">Kyzylorda-news.kz</a> Премьер-министрдің орынбасары Қанат Бозымбаевтың төрағалығымен қалалар мен ауылдарды таза ауыз сумен қамтамасыз ету мәселесі талқыланған кеңес өтті. Басқосуда Өнеркәсіп және құрылыс министрі Қанат Шарлапаев Сыр өңіріндегі қалалар түгелдей 100 пайыз ауыз сумен қамтылғанын, ал облыстың ауыз сумен қамту көрсеткіші 98,6 пайызға жеткенін айтты.&nbsp;Кеңеске облыс әкімі Нұрлыбек Нәлібаев селекторлық режим арқылы қатысты. Облыс аумағында 4 қала және 223 ауылдық елді мекен бар. Өткен жылы орталықтандырылған ауыз су жүйесіне қосылмаған 27 елді мекеннің екеуіне су тұщытқыш қондырғы орнатылды. Екі ауылдан елді мекен статусы алынып, оңтайландырылды. Мемлекет басшысының тапсырмасына сәйкес, қалған 23 елді мекенге жыл соңына дейін сапалы ауыз су жеткізу үшін арнайы Жол картасы әзірленіп, жоспарға сәйкес жұмыс жүргізілуде. &nbsp;Биыл «Ерімбетжаға», «Тастүбек», Шәкен, «Шилі», «Сарбұлақ», «Шитүбек» елді мекендеріне таза ауыз су қосу үшін республикалық бюджеттен қаржы бөлінді. Мердігер мекемелер анықталып, құрылыс жұмыстары басталуда.Фото: Қызылорда облысы әкімінің баспасөз қызметі

Облыстың ауыз сумен қамту көрсеткіші 98,6 пайызға жетті

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Тоқаев 2025 жылды «Жұмысшы мамандықтар жылы» деп жариялады.Осыған орай, Қазақстан Халық партиясы "Еңбек адамы" жобасы аясында түрлі еңбек ұжымдарымен кездесулер ұйымдастыруда. Осы бағытта бүгін ҚХП Қызылорда облыстық филиалы «Dalatex» тігін фабрикасында болып, ұжым жұмысымен танысты.&nbsp;Бүгінде ерлер, әйелдер және балалар жейдесін, арнайы жұмыс киімдері мен күштік құрылымдардың формаларын тігетін фабрикада 100 ге жуық адам еңбек етеді.&nbsp;ҚХП Қызылорда облыстық филиал өкілдері Қытай, Түркия, Қырғызстан және Өзбекстан мемлекеттерімен бәсекелес болып жүрген ұжымға толағай табыс тіледі.Фото: ҚХП Қызылорда облыстық филиалы

ҚХП: Филиал өкілдері тігін фабрикасының жұмысымен танысты

<a href="https://kyzylorda-news.kz/">Kyzylorda-news.kz</a> “AMANAT” партиясы Қызылорда облыстық филиалы жанындағы партиялық бақылау комиссиясы мүшелері №3 қалалық емханада болып, емханаға қарасты аумақ тұрғындарының қажетті дәрі-дәрмектермен жеткілікті мөлшерде қамтамасыз етілуі мен емхананың жабдықталуына партиялық мониторинг жасады. Іс-шараға партияның облыстық филиалының төрағасы Алмасбек Есмаханов, облыстық мәслихаттағы «AMANAT» партиясы депутаттық фракциясының мүшелері, жауапты сала мамандары қатысты.&nbsp;Атап өту керек, «AMANAT» партиясының 2023-2027 ж.ж. арналған Сайлауалды бағдарламасында азаматтардың медициналық көмекке қол жетімділігін арттыру қаралған. Оның ішінде ауылдық елді мекендерде дәрігерлік амбулаториялар салу, медицина мамандарының тапшылығын болдырмау, сонымен бірге халықтың қажетті дәрі- дәрмекпен қамтамасыз етілуі де арнайы қарастырылып отыр.Қазіргі таңда өңірде тегін медициналық көмектің кепілдік берілген көлемі (ГОБМП) бойынша 7,4 млрд теңгені, ал міндетті әлеуметтік медициналық сақтандыру (ОСМС) бойынша 1,4 млрд теңгені құрайтын дәрі дәрмек бар. Жеткізуші тараптан қазіргі уақытта әлі де ГОБМП бойынша 436 млн теңгеге, ОСМС бойынша 145 млн теңгеге арналған түпкілікті өтінім позициялары күтілуде.<blockquote>«Осы ақпан айында ГОБМП бойынша 584 млн теңгеге, ОСМС бойынша 248 млн теңгеге қосымша өтінім жасалып, қажетті дәрі-дәрмектер жинағы тиісті органға ұсынылған. Қазіргі уақытта Қазақстан Республикасы бойынша бірыңғай дистрибьютер болып табылатын «СК-Фармация» арқылы 2,6 млрд теңгеге дәрілік заттар мен медициналық бұйымдар жеткізілді»,- дейді облыстық денсаулық сақтау басқармасының «Мемлекеттік көрсетілетін қызметтер және дәрі-дәрмекпен қамтамасыз ету» бөлімінің маманы Баянсұлу Мамакова.</blockquote>Мониторинг барысында №3 қалалық емханада қажетті дәрі – дәрмектердің жеткілікті және талап сай сақталып жабдықталуы анықталды.Емхананың бас дәрігері Жанат Қожарипова тұтынушылар «eGov mobile» мобильді қолданбасындағы «e-Densaulyq» сервисі арқылы QR-код көрсетіп, дәрі-дәрмекті ала алатындығын айтады.<blockquote>«Бұл сервис пациенттерге дәрі-дәрмекті қағаз құжатын көрсетпей-ақ, рецепті бойынша алуға мүмкіндік береді. Яғни, науқастың сәйкестендіру QR коды арқылы жүзеге асырылады және медициналық көмектің ашықтығын қамтамасыз етіп, жалған позитив жағдайларды азайтады. Сонымен бірге, дәріханалар үшін рецепттерді тезірек және дәлірек өңдеуге, тұтынушыларға қызмет көрсету сапасына оң әсер етеді, олардың күту уақытын қысқартады»,-дейді Жанат Қожарипова.&nbsp;</blockquote>Бүгінгі күні облыстағы емдеу ұйымдарында 43 546 науқасқа 72 219 рецепті жазылып, 695,5 млн теңгеге дәрілік заттарға игерілу жұмыстары жасалған.Мониторингтік топ мүшелері жұмысты жетілдіру, қаражаттың мақсатты жұмсалуы, халыққа қажетті дәрі-дәрмектің тапшылығын болдырмау бағытында өз ұсыныстарын айтты.<img src="https://knadmin.beoblood.kz/uploads/Whats_App_Image_2025_02_12_at_16_16_17_1b10be9cfc.jpeg" alt="WhatsApp Image 2025-02-12 at 16.16.17.jpeg">Фото: “AMANAT” партиясы Қызылорда облыстық филиалы

AMANAT: Емхананың дәрі-дәрмекпен қамтамасыз етілуіне партиялық бақылау жасалды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен кадрлық өзгерістерге қатысты мәжіліс өтті. Жиында су ресурстарын реттеу, қорғау және пайдалану жөніндегі «Арал-Сырдария» бассейндік инспекциясының жаңа басшысы Зейнулла Қазтоғанов таныстырылды. Алдымен аймақ басшысы осыған дейін Су ресурстары және ирригация министрлігі «Арал-Сырдария» бассейндік инспекциясының басшысы қызметін атқарып келген Қайратбек Сәрсенбаевты құрметті еңбек демалысына шығуымен құттықтады.<blockquote>«Әріптесіміз Сырдария ауданы әкімінің бірінші орынбасары, облыстық қаржы басқармасының басшысы, Шиелі, Жалағаш аудандарының әкімі, облыстық жұмылдыру дайындығы басқармасының басшысы, ауыл шаруашылығы және жер қатынастары басқармасы басшысының орынбасары қызметтерін абыроймен атқарды. Кәсіби біліктілігі мен азаматтық ұстанымы жас мамандарға үлгі болды. Әр шешімінде әділдік пен адалдықты алға қойып, өңіріміздің әлеуметтік-экономикалық дамуына зор үлесін қосты. Барша Сыр жұртшылығының атынан деніңізге саулық, отбасыңызға амандық тілейміз», – деді аймақ басшысы.</blockquote>Жиында Қайратбек Әубәкірұлы Қызылорда облысының Құрмет грамотасымен марапатталды. Облыс әкімі Зейнулла Қазтоғановтың жаңа қызметіне &nbsp;сәттілік тілеп, бірқатар міндеттерді айқындады.<blockquote>«Жаңа басшыға Халықаралық Аралды құтқару қоры мен мемлекетаралық су шаруашылығын үйлестіру комиссиясының шешімдерін жүзеге асыруды, егіс алқаптарын сумен қамтамасыз ету бойынша нақты шаралар қабылдауды, Солтүстік Арал теңізін сақтап қалу бағытындағы жұмыстарды тапсырамын»,– деді Н.Нәлібаев.</blockquote>Зейнулла Молдағалиұлы 1972 жылы Арал ауданында дүниеге келген. Қызылорда агроөнеркәсіп өндіріс инженерлері институтында инженер-мелиоратор мамандығы бойынша білім алған. 1998-1999 жылдары Су ресурстары комитеті «Арал-Сырдария» бассейндік су шаруашылығы бірлестігінің инженері, 2000-2023 жылдары Су ресурстарын пайдалануды реттеу және қорғау жөніндегі «Арал-Сырдария» бассейндік инспекциясында түрлі қызметте болған. 2023 жылдан бастап осы күнге дейін инспекция басшысының орынбасары болды.<img src="https://knadmin.beoblood.kz/uploads/Ta_ajyndau_c4625c4474.jpg" alt="Тағайындау.jpg">Фото: Қызылорда облысы әкімінің баспасөз қызметі

"Арал-Сырдария" бассейндік инспекциясының басшысы тағайындалды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Қазақстан халқына» ҚҚ басқарма төрағасы Ләззат Шыңғысбаевамен кездесті. Кездесуде қордың Сыр елінде атқарған, қолға алған жұмыстары сараланды.«Мемлекет басшысының бастамасымен құрылған «Қазақстан халқына» қоры арқылы Сыр елінде 4,8 млрд. теңгенің денсаулық сақтау жобалары қаржыландырылды.Бұл қаржыға Арал, Жаңақорған аудандары мен Қызылорда қаласында «Қамқорлық» оңалту орталықтары ашылды. Оған қоса 1 млрд. 100 млн. теңгеге скрининг жүргізуге арналған жылжымалы медициналық кешендер алынды. Бүгінде кешендер шалғай елді мекендер тұрғындарына тұрақты медициналық қызмет көрсетуде», – деді Н.Нәлібаев.Сонымен қатар, қор қаржысына сирек кездесетін, онкологиялық және онкогематологиялық ауруға шалдыққан науқастарға дәрі-дәрмек, перинаталдық орталық пен аудандық ауруханаларға диагностикалық линзалар, офтальмоскоптар мен офтальмологиялық лазерлер, басқа да құрал-жабдықтар сатып алынды. Қан тамырлары патологиясы бар балалар емделді. Генетик, УДЗ маманы, трансплантология үйлестірушісі білім жетілдірді. Көз қабығын ауыстыруды қажет ететін науқастардың еміне қаржы қаралды.Басқосуда Ләззат Шыңғысбаева «Қазақстан халқына» қоғамдық қоры мен Қызылорда облысы арасындағы жолға қойылған тұрақты әріптестік байланыс одан әрі жалғасатынын жеткізді және алдағы уақытта Сыр өңірінде жүзеге асырылатын жобаларды талқылады.Айта кетейік, бүгін Шиелі ауданының Досбол би ауылында «Қазақстан халқына» қорының қолдауымен салынған спорт кешенінің ашылу рәсімі өтті.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам