<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының өкілдері партияның «Кітап-AMANAT» жобасы аясында 14 ақпан – Халықаралық кітап сыйлау күніне орай, №1 Қызылорда арнаулы әлеуметтік қызметтер көрсету орталығында қызмет алушы қазыналы қарттарға кітап сыйлады.Алдымен орталыққа келушілерге жасалған жағдаймен танысып, &nbsp;мұнан соң ардагерлер қауымымен кездесіп пікірлесті. &nbsp;Партияның Қызылорда облыстық филиалының төрағасы Алмасбек Есмаханов қазыналы қариялармен кездесуде ұрпаққа қалдырар ең үлкен мұра – кітап екендігін, өткеннің рухы, келешектің кілті, мәдениеттің биік шыңы да осы кітапта жатқандығын атап өтіп, сыйлаған әрбір кітап өз оқырманын табатынына сенім білдірді. Сонымен қатар, өңірімізде мәдениет пен руханиятты қолдау бағытында партия мен жергілікті әкімдік тарапынан атқарылып жатқан жұмыстар жөнінде ақпарат беріп, олардың ұсыныс - пікірлерін тыңдады.&nbsp;Өз кезегінде ардагерлер қауымы үлкеннің жағдайын білісіп, құрмет пен сыйластықтың белгісі ретінде сыйлыққа кітап ұсынып жатқан партия өкілдеріне ақ батасын беріп, орталық кітапханасының қорына сыйға тартқан кітаптар үшін шексіз алғыс білдірді.&nbsp;Кітап оқу, кітап сыйлау үрдісі тарихқа өңілсек біздің халқымызда &nbsp;ежелден бар. Түркі халқынан шыққан әйгілі ойшыл дана Жүсіп Баласағұн өзінің «Құтты білік» атты даналық кітабын 1070 жылы Қарахандар әулетінің негізін қалаушы Сүлеймен Арсылан ханға &nbsp;тарту еткені тарихтан белгілі. Сондықтан кітап оқу мен кітап сыйлау адамзат қоғамымен бірге жалғасын таба берері сөзсіз.Барша оқырмандарды, кейінгі толқын жастарды кітап оқуға, сол арқылы білімдерін жетілдіруге шақырамыз!Ақпарат үшін: Орталық денсаулығының &nbsp;жай-күйі бойынша басқа адамның &nbsp;тұрақты күтіміне және медициналық көмекке мұқтаж &nbsp;зейнеткерлер мен &nbsp;I, II топ &nbsp;мүгедектігі бар адамдардың &nbsp;тұрақты тұруына арналған коммуналдық мемлекеттік мекеме болып табылады. Бүгінгі күні мұнда стационарлық &nbsp;және &nbsp;жартылай стационарлық жағдайда 255 азаматқа қызмет көрсетілуде.<img src="https://knadmin.beoblood.kz/uploads/Whats_App_Image_2025_02_14_at_14_34_51_bf837ad1d3.jpeg" alt="WhatsApp Image 2025-02-14 at 14.34.51.jpeg">Фото: «AMANAT» партиясы Қызылорда облыстық филиалы

Қазыналы қарттарға кітап сыйлады

<a href="https://kyzylorda-news.kz/">Kyzylorda-news.kz</a> Балаларды бұл қауіптерден қорғау үшін Freedom Life Қаржы нарығын реттеу және дамыту агенттігінің Fingramota.kz қаржылық сауаттылық жобасының қолдауымен «Балалар мен жасөспірімдерге арналған цифрлық гигиена дағдылары» атты тегін онлайн-курсты іске қосты.Курс 8-14 жас аралығындағы балаларға арналған. Оқу платформасы: Freedom Camp. Курс интернеттегі қауіпсіз мінез-құлықтың практикалық дағдыларын үйретеді.Курсқа қатысушылар мынаны үйренеді:<ul><li style="text-align:justify;">- Қауіпсіз парольдер құру және жеке деректерді қорғау;</li><li style="text-align:justify;">- Алаяқтар мен жалған ақпаратты тану;</li><li style="text-align:justify;">- Әлеуметтік желілерде дұрыс қарым-қатынас жасау;</li><li style="text-align:justify;">- Құрылғыларды вирустардан қорғау;</li><li style="text-align:justify;">- Сыни ойлауды дамыту.</li></ul>Курс бағдарламасы қазіргі киберқауіпсіздік талаптары мен балалар психологиясы негізінде жасалған. Барлық материалдар балалардың жас ерекшеліктеріне сай бейімделіп, қызықты форматта және интерактивті тапсырмалармен ұсынылады.Курс тек қауіпсіздікті үйретіп қоймайды, сонымен қатар балаларды қызықтырады. Әр сабақ – кішкентай саяхат, күнделікті өмірден алынған түсінікті мысалдар мен бірден қолдануға болатын практикалық дағдылар қамтылған.Курсқа қосылу үшін: campdigital.ffin.life сайтына кіріңіз. Қатысу үшін компьютер немесе планшет және интернет қажет. &nbsp;Ата-аналар балаларының жетістіктерін жеке кабинет арқылы бақылай алады.Фото: fingramota.kz

Балаларға арналған онлайн-курс іске қосылды

<a href="https://kyzylorda-news.kz/">Kyzylorda-news.kz</a> «Халықты ауызсумен қамтамасыз ету және су қорын келешек ұрпаққа сақтау үшін жан-жақты шаралар қабылдау – біздің тікелей міндетіміз», – деді Қазақстан Республикасының Президенті Қасым-Жомарт Тоқаев.2024 жылы 3100 шақырым сумен жабдықтау желісі салынып, қайта жаңартылды. Былтырғы жыл қорытындысы бойынша қазақстандықтардың 98,9%-ы сумен жабдықтау қызметтерімен қамтамасыз етілген: қала тұрғындарының 99,4%-ы және ауыл тұрғындарының 97,8%-ына сапалы ауызсу қолжетімді.(Анықтама үшін: 2020 жылы ауыз сумен 93,8% азамат қамтылды, 2021 жылы – 95,6% , 2022 жылы – 96,5% , 2023 жылы – 97,8%).Мемлекет басшысының тапсырмаларын іске асыру шеңберінде 2024 жылы еліміздің 6 өңірінде: Ақмола, Алматы, Қызылорда, Солтүстік Қазақстан, Маңғыстау және Ұлытау облыстарында топтық су құбырларын салу және реконструкциялау бойынша 8 жоба аяқталды. Бұл 208 мың тұрғыны бар 49 елді мекенді сумен қамту сапасын жақсартты.&nbsp;Еліміздің 9 облысы: Ақмола, Атырау, Алматы, Қызылорда, Маңғыстау, Түркістан, Батыс Қазақстан, Солтүстік Қазақстан және Ұлытау облыстарында топтық су құбырларын салу және реконструкциялау бойынша 23 жобаны іске асыру басталды.&nbsp;Барлық жобаларды жүзеге асыру нәтижесінде 420 елді мекенді сумен қамту сапасын жақсарту үшін 2100 шақырымнан астам су құбыры салынады. 162 мың тұрғыны бар 67 елді мекен орталықтандырылған су жүйесіне қосылады.&nbsp;2024 жылы ауызсудың сапасына санитарлық-эпидемиологиялық қадағалауды қамтамасыз ету үшін 241 су құбыры тексерілді. Оның 209-ы ауылдық жерде, 24-і қалаларда, 8–і топтық су құбырлары. Анықталған заң бұзушылықтарды жою туралы 44 нұсқама берілді. Жалпы алғанда, еліміздің су құбырларынан алынған 66 мыңнан астам сынама зерттелді.&nbsp;<blockquote>«Бізге жалпы мемлекеттік бағдарлама қажет. Бау-бақшаны суару үшін ауызсуды пайдалануға болмайды. Оның орнына су үнемдеу технологиясын қолданысқа енгізіп, жер астынан жаңа су көздерін іздеу қажет»,- деп атап өтті Қазақстан Республикасының Президенті Қасым-Жомарт Тоқаев.</blockquote>Мемлекет басшысының тапсырмасы бойынша 2024 жылы «Қазгидрогеология» ұлттық гидрогеологиялық қызметі құрылды. Мекеме еліміздегі су тапшылығы бар өңірлерде жерасты су ресурстарын игеру және пайдалану үшін іздеу-барлау жұмыстарын жүзеге асырады. Республиканың батысындағы елді мекендерді жерасты көздерінен ауызсумен қамтамасыз етуге ерекше назар аударылды.&nbsp;Болжам бойынша, Қазақстандағы жерасты суларының қоры шамамен 40 млрд текше метр, оның 15 млрд текше метрі пайдалануға дайын. Елімізде жыл сайын ауызсу қажеттілігі үшін 1,2 млрд текше метр су жұмсалатынын айта кеткен жөн.&nbsp;Жерүсті суларының көлемін ұлғайту үшін 2030 жылға қарай жалпы көлемі 2,6 млрд текше метр су жинай алатын 42 жаңа су қоймасын салу жоспарланып отыр.&nbsp;&nbsp;<blockquote>«Біз қоғамда ресурстарды үнемдеп пайдалану мәдениетін қалыптастыру маңызды екенін талай жылдан бері айтып келеміз. Бірақ азаматтарға үндеу тастау жеткіліксіз. Бұдан бөлек, ресурстарды тұтынудың әлеуметтік нормаларын енгізу қажет. Үлгі етуге болатын жақсы мысалдар бар»,- деді Қазақстан Республикасының Президенті Қасым-Жомарт Тоқаев.</blockquote>Су ресурстарын тиімді пайдалану мақсатында су саласын цифрландыру, заманауи су үнемдеу технологияларын енгізуді ынталандыру және құрғақшылыққа төзімді ауыл шаруашылығы дақылдарына көшу, сондай-ақ ірі елді мекендерде тазартылған сарқынды суды қайта пайдалану бойынша кешенді жұмыс жүргізілуде. Сонымен қатар тұрмыстық жағдайда су үнемдеу бойынша әдістемелік нұсқаулық бекітілді.&nbsp;Су үнемдеу озық технологияларын енгізуді жеделдету аясында кәсіпорындарды өнеркәсіпте суды қайта пайдалану жүйелеріне көшуге ынталандыру бойынша іс-шаралар әзірленді.Су кодексінің жаңа редакциясында кәсіпорындарда бес жыл мерзім ішінде суды айналымды және (немесе) қайта пайдалану жүйелеріне көшу жоспарының болуы жөніндегі талап қарастырылған. Әр облыстағы өнеркәсіп орындарында суды қайта пайдалануды ұлғайту бойынша 2030 жылға дейін модельдік жоспар әзірленді және бекітілді.2030 жылдың соңына дейін экономика салаларындағы суды қайта пайдалану үлесін 17%-дан 28%-ға дейін ұлғайту жоспарланып отыр.Сонымен қатар, тұрмыстық жағдайда су үнемдеу бойынша Әдістемелік нұсқаулық бекітілді, құжат крандардағы ақауды уақытылы жою, аэрациялық кранды пайдалану, екі түймелі су ағызу цистерналарын қолдану, автоматты сенсорлық су араластырғыштарды орнату, кір жуатын машинаны толық жүктеме кезінде ғана қосу және т.б. іс-шараларды қамтиды.2024 жылы еліміздің 6 өңірінде жеке тұлғалар үшін ауызсуды тарифтеу тәртібі қайта қаралды. Тұтынудың әлеуметтік нормалары енгізілді(айына 3 м3 артық су тұтынған жағдайда, нормадан асып кеткен су көлемі үшін тариф жоғарылайды).Бұл шара 6 өңірде: Ақмола, Ақтөбе, Түркістан, Ұлытау облыстары мен Алматы және Шымкент қалаларында айына орта есеппен 1,65 млн текше метр су үнемдеуге мүмкіндік берді. Тұтынудың әлеуметтік нормалары енгізілгенге дейін барлық 6 өңір бойынша ауызсуды тұтынудың орташа көлемі 21,1 млн текше метр еді, бүгінгі таңда бұл көрсеткіш 19,5 млн текше метрге дейін төмендеді.&nbsp;Су шаруашылығы инфрақұрылымын толық жаңғырту, суды үнемдейтін озық технологияларды енгізу, суды есепке алу жүйесін цифрландыру, халық пен кәсіпорындар арасында суды үнемдеу мәдениетін дамыту Қазақстан халқын жоғары сапалы сумен қамтамасыз етуге мүмкіндік береді.Фото: Нұрболат Нұржаубай

Қазақстан халқының 98,9% жаппай ауызсумен қамтылған

<a href="https://kyzylorda-news.kz/">Kyzylorda-news.kz</a> Шиелі ауданының әкімі Айтбай Жандарбеков “AMANAT” партиясы Шиелі аудандық филиалының қоғамдық қабылдау кестесіне сәйкес кезектілік тәртібімен аудан тұрғындарын жеке мәселелері бойынша қабылдады.Қабылдауға келген азаматтардың басым көпшілігі жұмысқа орналасу, әлеуметтік көмек, денсаулық сақтау салаларына, тұрғын үй және жер мәселесіне қатысты сауалдар көтерді.Аудан әкімі тұрғын үй кезегі мәселесін көтерген тұрғындарға заңдылығын түсіндіріп, кезектілікке сәйкес берілетіндігін жеткізді. Сондай-ақ, педагог мамандығы бойынша жұмыс сұраған азаматтарға, бұл мәселе заң аясында, конкурс арқылы шешілетінін жеткізді. Ал әлеуметтік мәселелерге қатысты жауапты сала басшыларымен мәселелер оң шешімін тапты.Өтініш-тілектерін жеткізген әрбір тұрғынның мәселесі маңызды екендігін айтқан аудан басшысы қатаң бақылауда болатындығын ескертті.Фото: Шиелі ауданы әкімдігінің баспасөз қызметі

Шиелі: Аудан әкімі партия алаңында тұрғындарды жеке қабылдады

Арал ауданы әкімдігінің мәжіліс залында аудандық деңгейдегі ауқымды іс-шаралар қызметі жөніндегі ұсыныстарды әзірлейтін аудандық көркемдік кеңестің (идеологиялық кеңес) алғашқы отырысы өтті.Кеңес құрамында мәдениет, қоғамдық даму, БАҚ, өнер және білім беру салаларының өкілдері, сондай-ақ, қала, кент және ауылдық округ әкімдері бар.Жиында ең алдымен аудан әкімінің орынбасары, көркемдік кеңес жетекшісі Н. Бохаев сөз сөйлеп, бүгінгі жиынның маңыздылығына тоқталды.Мұнан соң, мәдени-бұқаралық іс-шараларды ұйымдастырушылардың қызметін үйлестіру бағытында құрылған кеңестің ережесі құрам мүшелері келісімімен бекітілді.Отырыстың күн тәртібінде наурыз айында өткізілетін мәдени көпшілік іс – шаралардың дайындығы талқыланды.Жиын барысында аудандық мәдениет үйінің директоры А. Молжігітов алдағы айтулы күндердің маңызы мен оларды өткізу шаралары бойынша баяндап өтті.Кеңес мүшелері 1 наурыз – Алғыс айту күні, Қазақстан халқы Ассамблеясының 30 жылдығы, 8 наурыз – Халықаралық әйелдер күні және 22 наурыз – Ұлыстың ұлы күні мерекелерін жоғары деңгейде атап өту үшін өз ұсыныстарын ортаға салды. Іс-шараларға ұлттық дәстүрлерді дәріптеу, мәдениет пен өнерді насихаттау бағытында жаңашыл идеялар енгізу ұсынылды.Кеңес отырысында айтылған мәселелер назарға алынып, аудан әкімінің қарауына ұсынылатын болады.Айта кетейік, кеңес отырысы жыл бедерінде өткізілетін мәдени шаралар бойынша дәстүрлі түрде бас қосатын болады.Фото: Арал ауданы әкімдігі

Арал: Көркемдік кеңестің алғашқы отырысы өтті

<a href="https://kyzylorda-news.kz/">Kyzylorda-news.kz</a> Ақшаны қате аудару – &nbsp;бұл кез-келген адаммен болуы ықтимал жағымсыз жағдай. Кейде бұл шоттың нөмірін немесе телефон нөмірін қате теру, ал кейде ақшаны басқа адамға аударып жіберетін кездер болады. Қалай болғанда да, ақшаны қайтару, әсіресе, ақшаны алған адам &nbsp;байланысқа шыққысы &nbsp;келмеген жағдайда қиынға соғуы мүмкін.Мұндай жағдайларда не істеу керек, ақшаны қайтарудың қандай жолдары бар және болашақта мұндай қателіктер жібермеудің жолдары жөнінде Fingramota.kz-пен бірге &nbsp;қарастырып көрелік.Қате ақша аударымы - бұл ақша жіберуші абайсызда немесе техникалық қателіктердің салдарынан ақшаны басқа алушыға аударатын жағдай. Мұндай жағдайлар картаның немесе телефон нөмірін дұрыс енгізбеген кезде болуы мүмкін; жылдам төлемдер жүйесінде (ЖТЖ) басқа пайдаланушыға ақша жіберу; банктік қосымша арқылы аудару кезіндегі қате; жүйедегі іркілістің себебінен бір соманы екі рет аудару және өзгертілген немесе ескірген деректемелер бойынша аударым жасау.Бұл ретте, қате жасалған аударымдардың барлығын сол сәтте болдырмау мүмкін еместігін түсіну қажет. Егер ақшаңыз алушының шотына аударылып кетсе, оны қайтару процесі қиынға соғады.Егер сіз ақшаны қателесіп аударып жіберсеңіз не істеу керек?1-қадам. Дереу банкпен байланысыңыз. Егер сіз аударым жасағаннан кейін қателескеніңізді бірден білсеңіз, дереу өз банкіңізбен байланысыңыз. Кейбір жағдайларда, әсіресе, егер аударым әлі өңделіп үлгермесе, банк транзакцияны болдырмауы мүмкін.Банкпен қалай тезірек байланысуға болады? Мобильді қосымшадағы чатты пайдаланыңыз немесе қолдау қызметіне жедел түрде қоңырау шалыңыз.Егер ақша сіздің шотыңыздан алынып, басқа шотқа аударылса, онда басқа шешім талап етіледі.2-қадам. Алушымен байланысуға тырысыңыз.&nbsp;Егер сіз ақшаны кездейсоқ басқа адамға жіберген болсаңыз, оның байланыс деректерін табуға тырысыңыз (мысалы, мобильді банк немесе төлем тарихы арқылы) және тікелей хабарласыңыз. Жағдайды сыпайы түрде түсіндіріп, қаражатты қайтаруды сұраңыз.Алушы жауап бермесе не істеу керек? Клиенттермен байланыс жасау туралы өтінішпен банктің қолдау қызметіне жазуға болады.3-қадам. Алушының банкіне хабарласыңыз. Егер тікелей байланыс мүмкін болмаса, ақша жіберілген банкке хабарласыңыз. Қате аударымды &nbsp;қайтару туралы өтініш жазыңыз. Бұл жағдайда банк алушыны сұрау салу туралы хабардар ете алады және ақшаны өз еркімен қайтаруды ұсына алады.Қандай деректер қажет болады? Аударым күні мен уақыты, сомасы, ақша жіберілген шот немесе карта нөмірі және қатенің сипаттамасы.Егер алушы ақшаны қайтарудан бас тартса, онда ақшаны өндіріп алу туралы талап-арыз беруге болады, себебі қолданыстағы заңнамада, ҚР Азаматтық кодексіне сәйкес бұл әрекет «негізсіз байыту» ретінде қарастырылады. Сондай-ақ, сіз ҚР Ұлттық Банкінің қолданыстағы қайта қаржыландыру мөлшерлемесі бойынша ақшаңызды пайдаланғаны үшін сыйақы өндіріп ала аласыз. Ол үшін алушы сотқа дейінгі өтінішті жіберуі, ақша аударымын растауы (банктен үзінді көшірме) және сотқа арыз беруі қажет.Сот көп жағдайда ақшаны қайтаруға міндеттейді, бірақ бұл процесс бірнеше айға созылуы мүмкін.Егер сізге ақша қателесіп түссе ше?Кейде жағдай керісінше дамиды - сізге күтпеген жерден ақша келіп түседі. Бұл қаражат сіздікі емес екенін және оларды пайдалану заңды салдарға әкелуі мүмкін екенін түсіну маңызды.Қалай дұрыс істеу керек?&nbsp;Банкке хабарласыңыз және белгісіз қаражаттың аударылғаны туралы хабарлаңыз. Сондай-ақ, бұл ақшаны жұмсамауға тырысыңыз, банктің ресми өтінішін күтіңіз – егер жіберуші қайтару туралы өтініш білдірсе, қаражат сіздің қатысуыңызсыз есептен шығарылуы мүмкін.Егер ақшаны алаяқ жіберген болсаАлаяқтар көбінесе ақшаны әдейі аз мөлшерде жібереді, содан кейін оларды басқа шотқа қайтаруды талап етеді. Бұл ақшаны жылыстату, сізді «қаржылық схемаға қатысушы» мәртебесіне ауыстыру немесе жеке деректеріңізді сұрау әрекеті болуы мүмкін.Сақ болыңыз! «Қате аударымдары» бар схемаларды көп жағдайда дропперлер пайдаланады. Егер сіз оларға көмектесіп, ақшаны олар көрсеткен шотқа аударсаңыз, олар сізге «мазалағаны үшін» деп, қаражаттың бір бөлігін қалдыруды ұсынуы мүмкін. Алайда, кейіннен зардап шеккен адам сізден барлық соманы азаматтық тәртіппен өндіріп алуы мүмкін.Бұл жалған емес, қате аударым екеніне міндетті түрде көз жеткізіңіз. Егер сіз ақша аударымының қате екеніне 100% сенімді болсаңыз және жөнелтуші сізге хабарласпаса, банкке жүгініңіз. Соманы қайтаруға келісім беру туралы жазбаша өтініш жазыңыз, қаржы институты ҚР заңнамасы бойынша төлемдерді қайтару рәсімдеріне сәйкес кері төлем жүргізеді.Қалай қате аударымдар жасамауға болады?Жібермес бұрын деректемелерді екі рет тексеріңіз.&nbsp;Әсіресе ірі соманы аударатын болсаңыз, асықпаңыз. SMS немесе биометрия арқылы растауды пайдаланыңыз.&nbsp;Бұл кездейсоқ төлемдер қаупін азайтады. Жеке аударымдар үшін шаблондар жасаңыз.&nbsp;Бұл карта нөмірлері мен шоттарда қателерді болдырмауға көмектеседі. Аударымдарға лимит қойыңыз.&nbsp;Көптеген банктер бір төлемнің ең жоғары мөлшерін шектеуге мүмкіндік береді. Аударым растауларын сақтаңыз.&nbsp;Егер даулы жағдайлар туындаса, сізде дәлелдер болады. Егер сіз қате аударым жасасаңыз, ең бастысы – үрейге берілмеңіз. Бұл – жағымсыз, бірақ шешілетін мәселе. Тез әрекет ету маңызды: дереу банкке хабарласыңыз, алушымен байланысуға тырысыңыз және қажет болған жағдайда заңды құралдарды пайдаланыңыз.Фото: fingramota.kz

Fingramota: Ақшаны қателесіп аударып қойса не істеу керек?

<a href="https://kyzylorda-news.kz/">Kyzylorda-news.kz</a>&nbsp;Қызылорда облысы ПД Есірткі қылмысына қарсы іс-қимыл басқармасының бастамаларын қолдай отырып, облыс оқушылары мен студенттері салауатты өмір салтын насихаттауға бағытталған есірткіге қарсы акциялар өткізді.Облыстың оқу орындары «Біз есірткіге қарсымыз!» ұранын ұстана отырып, акция барысында есіркіге қарсы үгіт бригадалар үндеуін, концерттік бағдарлама, есірткіге қарсы профилактикада ерекшеленгендерді алғыс хаттармен марапаттау, есірткіге қарсы би – театр қойылымдар бағдарламалары мен әндер орындап, полиграфиялық өнімдерді таратып, әлеуметтік роликтерді көрсетіп , тағы да басқа іс-шараларды іске асырды.Ұйымдастырылған іс-шараларға 2000-нан астам көрермен, ұйымдастырушылар мен қатысушылар қатысты. Есірткіге қарсы үздік акцияларды Арал ауданының №62 мектеп-лицейі, Сырдария ауданының №37 мектеп – лицейі және Жалағаш ауданының №118 орта мектеп оқушылары дайындады.

Қызылордалық полицейлер өңірде есірткіге қарсы акциялар өткізді

<a href="https://kyzylorda-news.kz/">Kyzylorda-news.kz</a> Қала әкімдігі жанындағы экстремизм мен терроризм профилактикасы бойынша жұмыс тобының отырысы өткізіліп, онда жұмыс тобының хаттамалық шешімдерінің орындалуы, 2025 жылға арналған мақсаттары мен міндеттері, Қызылжарма, Ақсуат ауылдық округіндегі діни ахуал, террористік тұрғыда осал объектілерінің терроризмге қарсы қорғалудың жай-күйі туралы мәселелер қаралды.Қала әкімінің орынбасары Дархан Тұрсынбаев сала жетекшілеріне, кент, ауылдық округ әкімдеріне тұрғындар арасында діни экстремизмнің алдын алуға бағытталған жұмыстарды күшейтуді, ақпараттық-түсіндірмелік шараларды көбейтуді тапсырды.Фото: Қызылорда қаласы әкімдігі

Экстремизмнің алдын алу мәселелері қаралды

<a href="https://kyzylorda-news.kz/">Kyzylorda-news.kz</a> «Адамдардың құқықтық мәдениетін дәйекті түрде арттыру, қоғамдық санада жасампаз құндылықтарды дамыту қажет. Әрбір азамат өз сөздері мен іс-әрекеттерін заң тұрғысынан бағалап, өз іс-әрекеттерінің құқықтық салдарын нақты түсінуі тиіс», ҚР Президенті Қасым-Жомарт Тоқаев.Мемлекет басшысының тапсырмаларын орындау аясында Әділет министрлігі тұрақты негізде халықтың құқықтық сауаттылығын арттыру бойынша түсіндіру жұмыстарын жүргізуде.Мәселен, Қызылорда облысы Әділет департаментімен 2024 жылы «Халық заңгері», «Әділет кеңес береді», «Ашық есік күні», «Тегін заң көмегі күндері» акциялары іске қосылды. Өткен жылы өңіріміздің барлық аудандары мен Қызылорда қаласында 937 консультативтік-түсіндіру іс-шаралары өткізілді. Алыс шалғайдағы елді мекендерде қамтылды.Ауылдық елді мекендер тұрғындарының құқықтық сауаттылығын арттыру мақсатында 147 «Құқық кабинеттері» ашылды, олар аудандық, ауылдық клубтардың ғимараттарында, демалыс орталықтарында және т. б. «Egov» бұрыштарының базасында жұмыс істейді. Кабинеттерде қолданыстағы нормативтік құқықтық актілермен танысу үшін «Әділет» АҚЖ, «Заң» ДБ қолжетімділігімен, сондай-ақ ақпараттық жүйелерге&nbsp;(e-otinish, «Ашық НҚА» порталы және т.б.) қолжетімділігімен толық техникалық жабдықталған.«Әрбір цифрлық реформа, әсіресе заң көмегіне қол жеткізу шектелген шалғай аймақтардағы адамдар үшін қол жетімді сот төрелігіне қадам болып табылады.», ҚР Президенті Қасым-Жомарт Тоқаев.«E-ZanKomegi» заң көмегінің бірыңғай ақпараттық жүйесі іске қосылды, ол eup.kz. сайтында онлайн режимде заң қызметтерін ұсынуға және алуға арналған. Сондай-ақ, «Zan Komegi» мобильді қосымшасы қазір қолжетімді, оның шеңберінде азаматтар өздерін қызықтыратын құқықтық сұрақтарға бейне қоңырау арқылы жауап ала алады. Жүйе 2000 мыңға жуық адвокаттар мен заң кеңесшілерінің қатысуымен азаматтардың білікті заң көмегіне қол жеткізуін қамтамасыз етуге және жеңілдетуге бағытталған.Сонымен қатар, «Е-нотариат» бірыңғай нотариаттық ақпараттық жүйесі жұмыс істейді, ол бейнеқоңырау арқылы онлайн режимде мүлікті басқаруға қатысты сенімхаттарды қоспағанда, сенімхаттар мен ерлі-зайыптылардың келісімдерінің барлық түрлерін алуға мүмкіндік береді.Бұдан бөлек, заңсыз әрекеттерді болдырмау мақсатында клиенттерді биометриялық сәйкестендіру қолданылады, өтініштерге қол қою кезінде QR-қол қою сервисі пайдаланылады, қызмет нәтижелері 24/7 режимінде EgovMobile «Цифрлық құжаттар» сервисінде қолжетімді. Осылайша, осы қызметтің арқасында республика бойынша Қазақстан азаматтары нотариусқа бармай-ақ 200 мыңға жуық сенімхат пен ерлі-зайыптылардың 70 мың келісімін заңды түрде ресімдей алды.Маңызды жетістіктердің бірден бірі – «Сот орындаушысы роботын» енгізу болып табылады.&nbsp;Мемлекет басшысы 2024 жылғы 19 маусымда «Қазақстан Республикасының кейбір заңнамалық актілеріне кредит беру кезінде тәуекелдерді барынша азайту, қарыз алушылардың құқықтарын қорғау, қаржы нарығын реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойған болатын.Осы орайда, «Атқарушылық іс жүргізу және сот орындаушыларының мәртебесі туралы» Қазақстан Республикасы Заңынан толықтырулар мен өзгерістер енгізіліп, «Оңайлатылған іс жүргізу» қызметі жұмыс жасай бастады.Оңайлатылған іс жүргізу дегеніміз – аумақтық әділет органы атқарушылық іс жүргізудің мемлекеттік автоматтандырылған ақпараттық жүйесі арқылы жүзеге асыратын атқарушылық құжаттардың автоматтандырылған орындалуы.Мәселен, жеке тұлғалармен 20 АЕК-ке дейінгі әкімшілік айыппұлдар уақытылы төленбеген жағдайда, сот, уәкілетті орган мәліметтерді ЖСО қатысуынсыз іс жүргізуді қозғайтын Робот сот орындаушысына береді.&nbsp; оңайлатылған іс жүргізу қозғалғаннан кейін азаматтар іс туралы егжей-тегжейлі ақпараты бар EGov Mobile-да 1414-тен SMS хабарлама және push-хабарлама алады, сол арқылы азаматтар айыппұл сомасының 25% - жеке сот орындаушысының қызметіне қосымша төлеуден және сот орындаушысына барудан босатылады, өйткені барлық әрекеттер онлайн режимінде жүргізіледі.Цифрлық сот орындаушысы іске қосылған сәттен бастап 2024 жылдың 31 желтоқсанын қоса алғанда облыс бойынша&nbsp;297,3 млн.теңге сомасын құрайтын&nbsp;13 102 атқарушылық іс қозғалды.&nbsp;Үнемдеу сомасы азаматтардың пайдасына 12,2 млн. теңгені құрады.Оңайлатылған іс жүргізу шеңберіндегі атқарушіліқ құжаттың орындалуын қамтамасыз ету мақсатында Департаменттің 1 мемлекеттік қызметкері департаментке келген немесе телефон байланысы хабарласқан азаматтарға құқықтық көмек көрсетіп, жұмыстар атқаруда.2025 жылы адамдардың өмірін цифрлық дәуірде жеңілдету және ыңғайлы ету, сондай-ақ уақыт пен ақшаны үнемдеу үшін әділет органдарының жұмысын жақсарту жоспарлануда. Негізгі өзгерістер:ЖИ – «Әйтеке» көмекшісі-қарапайым заңгерлік консультациялар мен құжаттарды жинауға көмектесу үшін чат-бот.Робот-сот орындаушысының құзыреті кеңейіп, ол айналысатын берешек мөлшерінің шегі 20-дан 40 АЕК-ке дейін өседі, бұл азаматтарды жылына 12,2 млрд теңгеге дейін үнемдейді.Бұл құралдар тәуліктің кез келген уақытында пайдалануға мүмкіндік бере отырып, қарапайымдылығымен, жеделдігімен және қолжетімділігімен ерекшеленетін болады.Қабылданған шаралар азаматтардың құқықтық сауаттылық жөніндегі санасын нығайтуға және олардың құқықтары мен міндеттерін түсінуді жақсартуға ықпал етеді. Қызметтерді оңайлату жөніндегі жұмыстардың нәтижесінде қазақстандықтар уақыт пен ақшаны үнемдейді, осы қызметтерді алуда қолжетімділік пен ыңғайлылық артады, сондай-ақ әкімшілік кедергілер азаяды, бұл процесті неғұрлым ашық және тиімді етеді.Қызылорда облысы Әділет департаментінің сот орындаушыларының қызметін реттеу және бақылау бөлімінің басшысы &nbsp;Абсат Жандос Дәуренбекұлы

Цифрлық Әділет – Қазақстан құқықтық сауаттылықты қалай арттыруда және заң көмегінің қолжетімділігі

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбек Жосалы кентінде жүргізіліп жатқан құрылыс жұмыстарымен танысты.Алдымен аудан басшысы Тәуелсіздік ықшам ауданындағы тұрғын үйлердің қоршауларын қалпына келтіру жұмыстарының барысын тексерді. Сонымен қатар, «Шығыс» каналының абаттандырылуын, жаяу жүргіншілер жолының салынуын және қоршау орнату жұмыстарының сапасын бақылап, бірқатар нақты тапсырмалар берді.Жосалы кентінің әкіміне және жауапты мердігер ұйымға құрылыс-монтаж жұмыстарының сапалы орындалуын қамтамасыз ету, сондай ақ тұрғындардың жайлы өмір сүруіне қажетті барлық жағдайларды жасау жөнінде міндеттер жүктеді.Фото: Қармақшы ауданының әкімдігі

Құрылыс нысандарын аралап, жұмысымен танысты

<a href="https://kyzylorda-news.kz/">Kyzylorda-news.kz</a> EXPO көрме алаңында болашақ мамандардың, жұмыс берушілер мен кәсіптік-техникалық ұйымдардың басын қосқан «Жұмысшы мамандықтарының қаласы» фестивалі өтіп жатыр, деп хабарлайды <a href="https://www.akorda.kz/kz/prezident-zhumysshy-mamandyktarynyn-kalasy-festivaline-bardy-1314328">Ақорданың</a> баспасөз қызметі.Бұл&nbsp;— Мемлекет басшысы Қасым-Жомарт Тоқаевтың бастамасымен жарияланған «Жұмысшы мамандықтары жылындағы» алғашқы ауқымды іс-шара.Фестиваль Оқу-ағарту министрлігінің ұйымдастыруымен және басқа да салалық ведомстволардың, ұлттық компаниялар мен ірі кәсіпорындардың қолдауымен өтіп жатыр. Қалашықтағы 40 интерактивті көрмеде 200-ден астам мамандықтың қыр-сырына қанығып, экономика секторларының ерекшеліктерімен танысуға болады.Фестиваль аясында бірнеше күн бойы түрлі семинарлар, шеберлік сағаттары, инновациялық сессиялар мен жұмыс жәрмеңкелері ұйымдастырылады. Алғашқы екі күнде іс-шараға 15 мыңнан астам адам келген.Қасым-Жомарт Тоқаев энергетика, тау-кен, металлургия, мұнай-газ, құрылыс, ауыл шаруашылығы және тағы да басқа салаларға маман даярлау үдерісімен танысты. Сондай-ақ Президентке еңбек нарығындағы сұранысқа және әр өңірдің ерекшелігіне қарай кәсіптік-техникалық білім беру ұйымдарын трансформациялау мысалдары баяндалды.Президент атом электр стансасы секілді ірі жобаларды жүзеге асыру қарсаңында сапалы білім мен кәсіби дағдыны меңгерген мамандар өте қажет екенін айтты. Мемлекет басшысы «Жұмысшы мамандықтарының қаласын» аралап көрген соң өңірлерден келген жастармен жүздесті. Президент кез келген еңбек қадірлі, құрметке лайық екеніне назар аударып, жастарды аянбай еңбек етуге шақырды.<img class="image_resized" style="width:99.74%;" src="https://knadmin.beoblood.kz/uploads/Zh_mysshy_mamandy_tar_k_rmesi_21833acd9a.jpg" alt="Жұмысшы мамандықтар көрмесі.jpg"><img src="https://knadmin.beoblood.kz/uploads/Zh_mysshy_mamandy_tar_k_rmesi_1_3461d783e0.jpg" alt="Жұмысшы мамандықтар көрмесі 1.jpg">Фото: Akorda.kz

Президент «Жұмысшы мамандықтарының қаласы» фестиваліне барды

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен республикалық кеңес өтті. Күн тәртібінде су тасқынының алдын алу шаралары талқыланды.Жиынға облыс әкімі Нұрлыбек Нәлібаев селекторлық режим арқылы қатысып, аймақтағы су шаруашылығының жағдайын, су тасқынының алдын алу жұмыстары туралы баяндады.<blockquote>«Қазіргі таңда Шардара су қоймасынан Сырдария өзенінің төменгі ағысына секундына 650 текше метр су жіберілсе, оның 150 текше метрін Көксарай су реттегіші алады. Облыс аумағына секундына 469 текше метр су келіп түсуде (12.02.2024 жылы секундына 242 текше метр). «2024-2025 жылдардағы қысқы-көктемгі кезеңде Сырдария өзенінен үлкен көлемдегі суды қауіпсіз өткізу жоспары» бекітілді. Су деңгейін төмендету үшін магистральды каналдар мен көлдердің су алу кестесі әзірленді. Мұздан тазарған соң секундына 1 000 текше метрге дейін су қабылдауға болады. Су басу қаупі бар 29 аймаққа арнайы техника, күш-құралдары жеткілікті 135 жауапты мекеме бекітілді. Оларда 410 арнайы техника және 1 234 адам күші бар. Су тасқынына қарсы қолданылатын 129,7 тонна жанармай, 95 110 дана қап және басқа да материалдар қоры толық жасақталған. 61 эвакуациялық жинақтау және 71 қабылдау пункті бар. Облыс аумағындағы су шаруашылығының жағдайы тұрақты бақылауда, қауіп жоқ», – деді Н. Нәлібаев.</blockquote>Айта кету керек, тиісті сала мамандары («Қазгидромет» және «Қазсушар» РМК Қызылорда филиалдары) Сырдария өзені арнасындағы 10 бекет мен 4 тораптағы су деңгейіне күнделікті мониторинг жүргізеді. Жергілікті атқарушы органдар мен су шаруашылығы мамандары тәулік бойы кезекшілікте.Арнайы мамандандырылған мекемемен мұз жару бойынша да келісім-шарт жасалды.Өткен жылы 3 нысандағы қорғаныс бөгеттерін жөндеу-қалпына келтіруге облыстық бюджеттен қаржы бөлінді, бюджеттен тыс көздер есебінен 20 нысанда да осындай жұмыстар атқарылды.Облыс аумағында 37 гидротехникалық құрылыс бар, коммуналдық меншіктегі 3 су қоймасына тексеру жүргізіліп, қауіпсіздік декларациясы рәсімделді. Биылғы күрделі жөндеу жұмыстарына қаржы қарастырылуда.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам