Kyzylorda-news.kz Қызылорда облыстық жастар ресурстық орталығының ұйымдастыруымен аймақ жастары арасында нашақорлықтың алдын алу, зиянды әдеттерден алшақ болуға үндеу және салауатты өмір салтын кеңінен насихаттау мақсатында «Есірткіге қарсы – Әзіл» атты облыстық «Jaіdarman» жастар фестивалі өтті.
Шараға жоғары оқу орындарының студенттері, колледж және мектеп оқушылары қатысып, әзіл арқылы қоғамдағы өзекті мәселеге назар аударды. Командалар үш кезең бойынша бақ сынады:
- «Сәлемдесу»;
- «Сұрақ-жауап»;
- Есірткіге қарсы арнайы тақырыптық бөлім.
Фестиваль жастардың креативті ойлауын дамытып, әлеуметтік жауапкершілігін арттыруға бағытталды. Бағалау үдерісі арнайы құрылған әділқазылар алқасының сараптауымен жүргізілді.
Құрамында:
- ҚР Бас прокуратурасы Құқықтық статистика және арнайы есепке алу жөніндегі комитетінің Қызылорда облысы бойынша департамент бастығы Асхат Абилдаев;
- Департамент бастығының орынбасары Фархат Иманғалиев;
- Азаматтық қоғам институттарымен жұмыс және жастар бөлімінің басшысы Ернұр Бихожаев;
- Ардагер жайдарманшы, «Қорқыт» құрамасының ойыншысы Асылхан Дүкенбаев;
- КВН Одағы РЖҚБ Қызылорда филиалының директоры Нұрлан Сипанов бар.
Фестиваль қорытындысы бойынша жүлдегерлер анықталды:
- III орын — BRAND командасы (еркін құрама), 100 000 теңге;
- II орын — AMG командасы (Айым өнер мектебі), 150 000 теңге;
- Үздік ойыншылар — Бағымжан мен Әмина;I орын — «Матриархат» командасы (Қорқыт ата атындағы Қызылорда университеті), 200 000 теңге.
Жастардың әзіл арқылы салмақты мәселеге ой салған бұл шарасы тәрбиелік мәнімен ерекшеленіп, қатысушылар мен көрермендерге жағымды әсер қалдырды.