<a href="https://kyzylorda-news.kz/">Kyzylorda-news.kz</a> Қызылорда қаласында ақпараттық-коммуникациялық технологиялар мен инновациялар саласындағы стартап жобаларды қолдауға бағытталған DEEPSCALE инкубациялық бағдарламасы іске қосылатынын хабарлаймыз.&nbsp;Бағдарламаның басты мақсаты – MVP деңгейіндегі стартаптарды келесі даму сатысына шығару. Егер сіздің стартапыңыз MVP деңгейінде болса және pre-seed/seed инвестицияларын тартуды жоспарласаңыз, онда бұл бағдарлама сіз үшін тамаша мүмкіндік.Инкубациялық бағдарлама аясында қатысушыларға прототип дайындау, нарыққа шығу стратегиясын әзірлеу, тиімді сату жүйесін құру үйретіледі. Сонымен қатар стартап иелері тәжірибелі менторлар мен сала сарапшыларынан практикалық кеңес алып, өз жобаларын кәсіби деңгейде дамыта алады.DEEPSCALE – бұл стартапты идеядан нақты бизнеске айналдыруға арналған кешенді платформа. Бағдарлама 2025 жылдың 26 наурызы мен 18 сәуірі аралығында өтеді. Қатысу форматы – онлайн және офлайн.Мекенжайы: Қызылорда қаласы, Жахаев көшесі, 11.Айта кетейік, бағдарламаның ұйымдастырушылары – Қызылорда облысының ақпараттық технологиялар орталығы, Қорқыт ата атындағы Қызылорда университеті және Kyzylorda Business Hub.

Жаңа инкубациялық бағдарлама басталады

<a href="https://kyzylorda-news.kz/">Kyzylorda-news.kz</a>&nbsp; «Наурызнама» тұжырымдамасының онкүндігі аясында 18 наурыз – Ұлттық киімдер күніне орай аудандық орталық алаңда ұлттық киімдер шеруі өтті.Мерекелік шарада халқымыздың ұлттық киім үлгілері насихатталып, сән-салтанаты жарасқан ерекше көрініске айналды. Шеруді аудан өнерпаздары әсем әнмен ашып, кішкентай биші бүлдіршіндер ұлттық биімен әрледі. Олардың ізін ала кимешек киген әжелер мен шапан жамылған ақсақалдар жүрсе, ұлттық киімдегі қыз-жігіттер қазақтың бай мұрасын паш етті.Бұл мерекелік шеру ата-бабамыздан қалған рухани мұраны жаңғыртып, ұлттық құндылықтарды дәріптеуге бағытталды. Ұлттық киімдер күніне арналған шара аудан тұрғындарының ерекше қызығушылығын тудырып, ұлттық дәстүрге деген құрметін арттыра түсті.<img src="https://knadmin.beoblood.kz/uploads/ltty_kiim_sherui_a3abd24465.jpg" alt="Ұлттық киім шеруі.jpg">

Қармақшыда ұлттық киім шеруі өтті

<a href="https://kyzylorda-news.kz/">Kyzylorda-news.kz</a>&nbsp; «Наурызнама» онкүндігіне орай Жалағаш ауданы Таң ауылында отау құрғандарына 50 жыл болған «Алтын той» иелеріне құрмет көрсетілді. Ақ некенің қадірін терең түсініп, жарты ғасыр бір шаңырақ астында ғұмыр кешкен жарасымды жұптар Ердан Еспембетов пен Ақырыс Сүлейменова, Атымтай Нәсиұлы мен Мейрамкүл Тынымбаеваға аудан әкімінің орынбасары Ғани Сүлейменов аудан әкімінің құттықтауын жеткізді.Салтанатты шараға облыстық Әйелдер кеңесінің төрайымы Райкүл Байназарова, облыс әкімі жанындағы әйелдер істері және отбасылық-демографиялық саясат жөніндегі комиссия хатшысы Қаламқас Кәрімова арнайы қатысып, облыс әкімінің орынбасары, облыс әкімі жанындағы әйелдер істері және отбасылық-демографиялық саясат жөніндегі комиссия төрағасы Шахмардан Баймановтың құттықтауын табыстады.Сонымен бірге, Қазақстанның Еңбек Ері, «Таң ЛТД» ЖШС төрағасы Имамзада Шағыртаев «Алтын той» иелерін құттықтап, шапан жауып, сый-құрмет көрсетті.Таң ауылында отбасы құндылығын сақтап, тамырын тереңге жіберген, жапырағын жайған өнегелі, іргелі әулеттер жетерлік. Отасқандарына 50 жыл болған Ердан Еспембетов пен Ақырыс Сүлейменова, Атымтай Нәсиұлы мен Мейрамкүл Тынымбаева бүгінде ұлды ұяға, қызды қияға қондырып, немере, шөберелерінің арасында бақуатты ғұмыр кешіп отырған өнегелі әулет.Мерекелік шара барысында Жалағаш аудандық азаматтық хал актілерін тіркеу бөлімінің басшысы Айжамал Ақбергенова 50 жыл отасқан жарасымды да үлгілі жұбайларға Алтын той неке куәлігін табыстады.Мерекелік шара арнайы Қызылорда қаласынан келген және аудан өнерпаздарының мерекелік концерттік бағдарламасымен жалғасын тапты.<img src="https://knadmin.beoblood.kz/uploads/Altyn_toj_ieleri_d6e2ae9499.jpg" alt="Алтын той иелері.jpg"><img src="https://knadmin.beoblood.kz/uploads/Zhala_ash_nauryznama_998856eca8.jpg" alt="Жалағаш наурызнама.jpg">Фото: Жалағаш ауданы әкімдігі

"Алтын той" иелеріне құрмет көрсетті

<a href="https://kyzylorda-news.kz/">Kyzylorda-news.kz</a>&nbsp; Наурызнаманың 10 күндігі аясында бекітілген,17 наурыз-"мәдениет және салт-дәстүр" күніне орай, Бала би ауылдық мәдениет үйінің ұйымдастыруымен қазақы салт-дәстүрімізді өскелең ұрпаққа дәріптеу, мұра етіп қалдыру мақсатында "Салт-дәстүрім, атадан қалған қазынам" атты шара өттіШарада, көнеден кележатқан дәстүрлеріміз жайлы оқушыларға кеңінен сөз қозғап, атадан қалған асыл мұрамызды, көздің қарашығындай қорғауға, санадан өшірмей, насихаттауға шақырды.Әрбір ұлттың тарихи өткені мен мәдениеті – оның болашағына негіз қалаушы маңызды факторлар. Қазақ халқының бай мәдени мұрасы мен салт-дәстүрі – ұлттың рухани байлығының негізі екені сөзсіз.Фото: Шиелі ауданы әкімдігінің баспасөз қызметі

Шиелі: Аудан тұрғындары салт-дәстүрді дәріптеуге шақырды

<a href="https://kyzylorda-news.kz/">Kyzylorda-news.kz</a>&nbsp; Облыста көктемгі мерзімді әскери қызметке шақыру науқаны басталды. Биыл көктемде 900-ге жуық сырбойылық азамат Отан алдындағы борышын өтеуге аттанады. Бұл туралы Өңірлік коммуникациялар қызметінің ақпарат алаңында облыстық қорғаныс істері жөніндегі депаратементі бастығының орынбасары Жасұлан Шаңқұлов айтты.<blockquote>– 1 наурыз бен 30 маусым аралығында 18-27 жастағы 900-ге жуық қызылордалық азамат еліміздің Қарулы күштері мен әскери құрылымдарында қызметтерін өтейді. Нақтырақ айтқанда, 120-ға жуық азамат ҚР ҰҚК Шекара қызметіне, 430 азамат ҚР Қарулы күштерінің қатарына, 270-і Ұлттық ұланға жіберіледі. Сонымен қатар, 15-ке жуық сарбаз Мемлекеттік күзет қызметіне, ал 20-ға жуық азамат Төтенше жағдайлар министрлігіне жолданады. Қазіргі таңда ҚР ҰҚК Шекара қызметіне аттандыру жұмыстары жүргізілуде. Осыған орай, Қызылорда облысы бойынша 80-ге жуық азамат әскери борышын өтеуге жөнелтілді. Айта кету керек, сарбаздардың мерзімді қызмет кезінде несие мерзімін 1 жылға тоқтатуға және білім беру секторында жеңілдіктер қарастырылған,- деді Жасұлан Бөгенбайұлы.</blockquote>Фото: Қызылорда облысының өңірлік коммуникациялар қызметі

Мерзімді әскерге шақыру науқаны басталды

<a href="https://kyzylorda-news.kz/">Kyzylorda-news.kz</a>&nbsp; Биыл Қазалы ауданындағы бір ғасырдан астам тарихы бар теміржол вокзалына күрделі жөндеу жұмыстары жүргізіліп, ғимарат қайта жаңғыртудан өткізілмек. Сонымен қатар вокзал маңындағы теміржол үстінен өтетін жаяу жүргіншілер көпіріде қайта салынатын болады.Қазіргі таңда вокзал маңындағы жаяу жүргіншілер көпірінің құрылыс жұмыстары басталып кетті. Осыған сәйкес Қазалы ауданының әкімі Мейрамбек Шермағанбет теміржол вокзалына барып, құрылыс жұмыстарымен айналысатын мердігер мекеменің басшыларымен кездесті.Кездесуде аудан әкімі теміржол вокзалының сырт келбетіне, ондағы жолаушылар мен тұрғындарға жасалған жағдайға қарап өңір имиджі қалыптасатынын атап өтті. Сонымен қатар вокзал маңындағы көпір арқылы Әйтеке би кентінің теміржолдың арғыбетіндегі аймағына күніне 500-ден астам тұрғын қатынайтын жеткізді. Соған сәйкес, вокзал ғимаратын қайта жаңғыртумен көпір құрылысында тезірек, сапалы аяқтау керектігін айтып, бұл жұмыстарға әкімдік тарапынан жан-жақты қолдау көрсетілетіндігін жеткізді.Тарихи ғимаратты қайта жаңғыртуға «Қазақстан Темір Жолы» компаниясынан 861.2 млн. теңге қаржы бөлінбек. Эскиздік жобаға сәйкес ғимараттың сыртқы бетіне травертин плиталарын монтаждау, шатырын ауыстыру, мүмкіндігі шектеулі азаматтарға арналған пандустар орнату, брусчатка төсеу, ғимараттың есік-терезелерін толық ауыстыру, вокзал аумағын көгалдандыру жұмыстары жүргізілетін болады.Ал, вокзал маңындағы теміржол үстінен өтетін жаяу жүргіншілер көпірінің құрылысына «Қазақстан Темір жолы» компаниясы тарапынан 1.3 млрд.теңге қаржы бөлініп, бүгінгі таңда көпірдің құрылыс жұмыстары басталды. Мердігер мекеме - "ҚазТеміржол Engineering" ЖШС. Ал, теміржол вокзалын қайта жаңғырту жұмыстары сәуір айында басталатын болады.<img src="https://knadmin.beoblood.kz/uploads/Temirzhol_vokzaly_k_pir_rylysy_dc868a1039.jpg" alt="Теміржол вокзалы көпір құрылысы.jpg">Фото: Қазалы ауданы әкімінің баспасөз қызметі

Теміржол вокзалы жанындағы көпір құрылысы басталды

<a href="https://kyzylorda-news.kz/">Kyzylorda-news.kz</a> Қызылорда облысында&nbsp;партияның облыстық филиалы жанындағы Партиялық бақылау комиссиясының көшпелі отырысы өтті. Онда партияның «Ардагерлерді ардақтайық» жобасы аясында ардагерлерге көрсетілетін әлеуметтік және медициналық қолдаулар мен көмектер мәселесі талқыланды.Ардагерлер үйінде өткен жиынға партияның облыстық филиалының төрағасы Алмасбек &nbsp;Есмаханов, облыстық ардагерлер кеңесінің төрағасы Серік Дүйсенбаев, облыстық Партиялық бақылау комиссиясы мен ардагерлер кеңесінің мүшелері мен жауапты мемлекеттік органдар &nbsp;басшылары мен орынбасарлары қатысты.Бүгінде облыста 85 мыңнан астам ардагер бар. 2 мыңнан аса егде жастағы адамдар арнаулы әлеуметтік қызметтермен қамтылған. &nbsp;Оларды әлеуметтік қолдау әрдайым басты назарда. Жыл сайын ардагерлерді қолдау мақсатында облыстық бюджеттен қаржы бөлініп, әлеуметтік қолдауға бағытталған іс-шаралар ұйымдастырылуда. Жиын барысында осы бағытта істеліп жатқан жұмыстар мен әлеуметтік қызмет көрсету жүйесін трансформациялау шеңберінде арнаулы әлеуметтік қызметтер көрсету саласындағы енгізілген өзгерістер төңірегінде облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Азамат Мыңбаев кеңінен айтып берді.Негізгі өзгерістердің қатарында арнаулы әлеуметтік қызметтер көрсететін ұйымдар үшін жан басына шаққандағы қаржыландыруға көшу және арнаулы әлеуметтік қызметтер көрсетуді лицензиялау бар. Бүгінде арнаулы әлеуметтік қызметтер көрсетуге арналған лицензияны біздің облыста 20 орталық алды. Орталықтарда қарттар мен мүгедектігі бар адамдарға әлеуметтік-тұрмыстық, әлеуметтік-медициналық, әлеуметтік-психологиялық, әлеуметтік – педагогикалық секілді стандартқа сәйкес 8 бағыт бойынша арнаулы қызметтер көрсетіледі. Оған облыстық бюджеттен бөлінетін қаржы көлемі жылдан жылға артып, орталықтардың материалдық техникалық базалары да&nbsp;жаңартылған.<blockquote>«Облыста бірнеше жылдан бері «Сыр мейірімі» жобасы жүзеге асуда. Бұл жобаға облыстық бюджеттен қаржы бөлініп, көмекке мұқтаж 225 жалғызбасты ардагерлер мен мүгедектер тегін түскі аспен қамтылуда. Өткен жылы облыс әкімінің қолдауымен және ардагерлер кеңесінің ұйымдастыруымен облыс ардагерлері Ұлытау аймағының Хан ордасы, Жошыхан, Алтыншоқы жерлері мен Оңтүстік өңірдегі Қорасан баба, Оқшы ата, Төлегетай ата, Қылышты ата, Сунақ ата секілді тарихи орындарымен танысып, Түркістан аймағындағы Қожа Ахмет Яссауи, Арыстан баб, Укаш ата кесенелеріне зиярат жасауға мүмкіндік алды. Ардагерлерді сауықтыру мақсатында 2024 жылы 140 ардагер Мерке, Сарыағаш, Манкент, Жаңақорған шипажайларында тынығуға мүмкіндік алған. 1 қазан Қарттар күні аясында облыстық іс-шаралар жоспары бекітіліп, әрбір мекеме, кәсіпорындарда өз ардагерлеріне құрмет көрсету шаралары ұйымдастырылды. Жалғызбасты ардагерлердің үйлеріне барып қажеттілігіне қарай көмек түрлері ұсынылды, қайырымдылық көмектер көрсетілуде», - деді Азамат Мыңбаев.</blockquote>Егде жастағы тұрғындардың денсаулығын нығайтуда сапалы медициналық қызметтің рөлі ерекше. Осы бағыттағы жұмыстар төңірегінде облыстық денсаулық сақтау басқармасы басшысының орынбасары &nbsp;Жаңыл Абубакирова айтып өтті.<blockquote>«Қазіргі таңда әрбір емханада «Қарттар денсаулығы мектебі» жұмыс атқаруда. Денсаулық мектебінде егде жас кезеңіндегі жиі кездесетін аурулардың алдын алу, &nbsp;дұрыс тамақтану, салауатты өмір салтын ұстану бойынша кеңестер беріледі. 2024 жылы Қарттар денсаулығы мектебінде егде жастағы пациенттерге 7 882 &nbsp;профилактикалық кеңес берілді. 2024 жылы 100 000 адамға шаққанда егде жастағы тұрғындардың аурушаңдық көрсеткіші 2023 жылмен салыстырғанда - 5,5%-ға төмендеп отыр. Егде жастағы тұрғындар арасында алғаш рет диагноз қойылған аурушаңдық көрсеткіші 100 000 адамға шаққанда барлығы 2023 жылмен салыстырғанда - 1,4%-ға төмендеді»,- деді Жаңыл Абубакирова.</blockquote>Жалпы жиында «АMANAT» партиясымен «Ардагерлерді ардақтайық» жобасы аясында Жеңістің 80 жылдығын мерекелеу бойынша бекітілген арнайы жоспарға сәйкес ардагерлерге көрсетілетін көмектер жан-жақты талқылады.Ардагерлер қауымы көкейде жүрген бірқатар сауалдарын ортаға салып, жауапты мамандардан жауап алды. Жұмысты жетілдіруге қатысты ұсыныстарын да білдірді.Комиссия отырысының қорытындысында көтерілген әрбір ұсыныс хаттамаға енгізіліп, жергілікті атқарушы органдардың, республикалық комиссияның, облыстық мәслихаттағы партия фракциясының назарына ұсынылатын болды. Сонымен қатар, «AMANAT» партиясы облыстық филиалы мен облыстық Ардагерлер кеңесі арасында ынтымақтастық туралы Меморандумға қол қойылды. Меморандум мақсаты ардагерлерге жан-жақты қолдау көрсету.<img src="https://knadmin.beoblood.kz/uploads/1_Partiyaly_ba_ylau_komissiyasyny_k_shpeli_otyrysy_tti_e785dd1bad.jpg" alt="1 Партиялық бақылау комиссиясының көшпелі отырысы өтті.jpg">

«АMANAT»: Партиялық бақылау комиссиясының көшпелі отырысы өтті

<a href="https://kyzylorda-news.kz/">Kyzylorda-news.kz</a>&nbsp; «Азаматтарға арналған үкімет» Мемлекеттік корпорациясы» коммерциялық емес Акционерлік қоғамы алаңында «AMANAT» партиясы Қызылорда облыстық филиалы жанындағы Сыбайлас жемқорлыққа қарсы іс-қимыл жөніндегі аймақтық кеңестің көшпелі отырысы өтті. Кеңес мүшелері алдымен орталықта халыққа көрсетілетін мемлекеттік қызметтің қол жетімділігі мен тиімділігіне &nbsp;мониторинг жасап, жұмысымен танысты. Мұнан соң бас қосып, орталықтағы мемлекеттік қызметтер көрсету кезінде сыбайлас жемқорлық тәуекелдерін болдырмау бағытында атқарылған жұмыстарды талқылады. Кеңес құрамына өзгеріс енгізіп, Кеңес төрағасының орынбасарын сайлады.Азаматтарға арналған үкімет - мемлекеттiк қызмет көрсету саласында қызметтердi «бiр терезе» қағидаты бойынша жүзеге асыратын Қазақстан Республикасындағы бiрегей ұйым. Бұл жерде ең бастысы мемлекет қызметінің халыққа қол жетімділігі ғана емес, оның тиімді және ашық болуы маңызды. Осы орайда «Азаматтарға арналған үкімет» мемлекеттік корпорациясы» коммерциялық емес Акционерлік қоғамының Қызылорда облысы бойынша филиалы директоры Аида Әбибуллаева хабарлама жасап, халыққа жасалып жатқан жағдайлар мен сыбайластықтың алдын алуда атқарылған жұмыстарды баяндады.Корпорация барлық мемлекеттік қызметтерді ҚР Үкіметінің қаулыларымен бекітілген қағидаларға сәйкес көрсетеді. Қағидаларда қызмет көрсету тәртібі, орындалу мерзімі, алым сомасы, күту уақыты мен қабылдау уақыттары, қажетті құжаттар тізбесі және т.б. талаптар белгіленген. 9 бағыт бойынша 1300-ге жуық мемлекеттік қызмет түрлерін көрсетеді. Сыбайлас жемқорлықтық алдын алу мақсатында 11 бағыт бойынша жұмыс жасалуда. Соның бірі өткен жылдың қыркүйек айында іске қосылған «Жасыл дәліз» жобасы. Өткен жылы жоба аясында 451 қызмет көрсетілген.<blockquote>«Бұл жоба сыбайлас жемқорлық тәуекелдерін алдын-алу, сыбайлас жемқорлыққа қарсы мәдениетті қалыптастыру және тұрғындарға көрсетілетін қызметтер сервисін жетілдіруге ықпал етіп отыр. Өздеріңіз білесіздер әрбір қызметтің заңды бекітілген мерзімі бар. Мәселен, бір азамат жылжымайтын мүлікті тіркеу, техникалық паспорт сызу секілді т,б қызметтерді заңды &nbsp;белгіленген мерзімнен жылдам алу үшін орталық қызметкерлеріне ақша ұсынып, сыбайластық әрекеттеріне әкелуі мүмкін. &nbsp;Осындай фактілердің алдын алу үшін осы жоба арқылы біз оңай, әрі жылдам мүмкіндікті ұйымдастырып отырмыз. Яғни, жылжымайтын мүлікті тіркеу 3 жұмыс күні орындалуға тиіс болса, оны 2 сағатта жүргізуге, Техникалық паспорт сызу 3 және 7 жұмыс күнінде орындалу керек болса, 7-12 сағат аралығында, Жер учаскесіне сәйкестендіру құжатын дайындау және беру 4 жұмысы күні болса, оны 5 сағатта орындау секілді жұмыстарды жүзеге асырып отырмыз. Пилоттық жобамыз қазір өз нәтижесін беруде»,- деді Аида Әбибуллаева.</blockquote>Кеңестің көшпелі отырысына арнайы қатысқан облыстық мәслихат төрағасы Мұрат Тлеумбетов, партияның облыстық филиалының төрағасы Алмасбек Есмахановтар халыққа көрсетілетін қызмет пен сыбайластықтың алдын алу бағытында атқарылған жұмыстар бойынша өз пікірлерін білдіріп, ұсыныстарын айтты.<blockquote>«Бұл орталық халықтың күнделікті және түрлі сұрақтары бойынша келетін орны. Халық мекеме жағалап жүрмей мемлекеттік қызметті ең бірінші кезекте осы жерден алады. Орталық органдармен тікелей байланыс орнатып, сұраныстарын да шұғыл алуға мүмкіндігі бар. Жаңа мекеменің халыққа көрсететін қызметінің бірқатарымен таныстық. Баяндама барысында да көп ақпарат алынды. Қазір технологияның озық үлгілері қолданыста. Сондықтан бұл салада жемқорлық немесе сыбайластық фактілері болмауы қажет және орын алмайды деген ойдамыз»,- деді өз сөзінде Алмасбек Есмаханов.</blockquote>Жиын барысында сонымен қатар Кеңес құрамынан басқа қалаға қызмет ауыстыруына байланысты Қазақстан Республикасындағы Адам құқықтары жөнінде уәкілдің Қызылорда облысы бойынша өкілі қызметін атқарған Шәріпбаев Дәурен Сақтапбергенұлы шығарылып, орнына осы қызметке келген Байхожаев Берікбол Ұзақұлы сайланды.Атап өтейік, кеңестің көшпелі отырысына облыстық мәслихаттағы «AMANAT» партиясы депутаттық фракциясының мүшелері, жергілікті атқарушы органдар мен құқық қорғау органдары басшылары мен өкілдері де қатысты.<img class="image_resized" style="width:99.53%;" src="https://knadmin.beoblood.kz/uploads/Whats_App_Image_2025_03_18_at_09_17_13_e8f6a4ece9.jpeg" alt="WhatsApp Image 2025-03-18 at 09.17.13.jpeg"><img class="image_resized" style="width:99.17%;" src="https://knadmin.beoblood.kz/uploads/Whats_App_Image_2025_03_18_at_09_17_13_1_4eb85d541d.jpeg" alt="WhatsApp Image 2025-03-18 at 09.17.13 (1).jpeg">Фото: «AMANAT» партиясы Қызылорда облыстық филиалы

Сыбайлас жемқорлықты болдырмау мәселесін талқылады

<a href="https://kyzylorda-news.kz/">Kyzylorda-news.kz</a> Ғасырлар бойы қалыптасқан болмыс, дәуірлерді жаңғыртқан құндылық қазақ дүниетанымынан әлі алшақтай қойған жоқ. Керісінше уақыт алға озған сайын көмескі дәстүрлер түрленіп, бүгінгі буынмен қайта қауышуда. Орталық алаңда «Салт-дәстүрім берекем» қойылым-концертімен бастау алған бүгінгі шаралар сол дәстүрлерді тағы бір мәрте жаңғырта түсті.«Дәстүрімнің балқаймағы – Әжелер!» атты әжелер ансамбльінің аудандық байқауы бүгінгі күннің мән-маңызын айшықтай түскендей. Себебі игі дәстүрді жас буынға насихаттаушы, ескінің үнін жеткізуші сол қазыналы қариялар.Қаз-қатар тігілген киіз үйлерде әрі қарай «Дәстүрдің озығы – бесік құда», «Ұрын бару», «Босаға майлау», «Аушадияр», «Наурыз тойы – мереке, салт-дәстүрім – береке», «Ұлттық құндылық – ұлт қазынасы» және «Ұлттық құндылық тәрбиенің түпқазығы» мен «Беташар», «Тұсау кесер» салт-дәстүрлерінің қойылымы жоғары деңгейде ұйымдастырылды.Сондай-ақ «Ауылымның бір күні» театрландырылған қойылымымен қатар ұлттық спорт түрі «Арқан тарту» және «Ләңгі тебу» ойындарынан сайыс, кондитерлік және тұрмыстық тұтыну өнімдерінің көрмесі мен еліміздің ежелгі тұрмысынан сыр шертетін мұражай көрмесі келушілерді мәдени және рухани сусындатты.&nbsp;Қазақ халқының ғасырлар бойы жинақтаған мәдениетін жаңғыртуға және оны болашақ ұрпаққа жеткізуге бағытталған бұл күннің қорытындысы Аманөткел, Мергенсай, Сазды ауылдық округтеріндегі білім беру ұйымдары мен ауылдық клуб үйі өнерпаздарының «Көктем құшағындағы Наурыз» атты мерекелік театрландырылған концертімен түйінделді.Наурызнама онкүндігі аясында өтіп жатқан шаралар легі ертең де жалғасын табады. 18 наурыз – Ұлттық киім күніне орай орталық алаңда түрлі шаралармен қатар Бөген, Қосжар, Аралқұм, Сапақ ауылдық округтеріндегі білім беру ұйымдары мен ауылдық клуб үйінің қызметкерлерінің қатысуымен кешкілік сағат 20:00 де «Берекелі Наурыз» атты мерекелік концерті өтетін болады.<img src="https://knadmin.beoblood.kz/uploads/Aral_audany_nauryznama_56020b3810.jpg" alt="Арал ауданы наурызнама.jpg">Фото: Арал ауданы әкімінің баспасөз қызметі

Ұлттық мәдениет ұлықталды

<a href="https://kyzylorda-news.kz/">Kyzylorda-news.kz</a>&nbsp; Қазақстанда автокөлік салығын өзгерту мәселесі талқылануда. Бұл өзгерістер, әсіресе, ескі көлік иелеріне тиімді болуы мүмкін, деп хабарлайды&nbsp;<a href="https://egemen.kz/">Egemen.kz</a>.Алайда, экология мамандары бұл бастаманың қоршаған ортаға кері әсерін алға тартуда.Не өзгеруі мүмкін?Жаңа Салық кодексі жобасына сәйкес, көлік салығына көліктің жасына қарай төмендетілген коэффициент енгізу ұсынылып отыр:• 10-20 жыл аралығындағы көліктер – салық 30%-ға төмендеуі мүмкін;• 20 жылдан асқан көліктер – салық 50%-ға қысқаруы мүмкін.Бұл өзгеріс ескі көлік иелерінің салықтық жүктемесін жеңілдетіп, оларды ұзақ пайдалану мүмкіндігін арттырады.Экологтар неге алаңдап отыр?Экология және табиғи ресурстар министрлігі бұл өзгеріс ескі көліктердің көбеюіне және қоршаған ортаның ластануына себеп болуы мүмкін деп санайды. Өйткені, ескі көліктер атмосфераға көбірек зиянды қалдық шығарады.Экономистердің пікіріҰлттық экономика министрлігі, керісінше, салықты төмендету автопарктің ескіруіне әкелмейді деп есептейді. Олардың айтуынша, халық бұл өзгерісті ұзақ уақыт бойы талап етіп келеді, өйткені жаңа көлік сатып алу бәріне бірдей қолжетімді емес.Салық төмендесе, басқа төлемдер өзгере ме?Салық жеңілдіктері енгізілгенімен, басқа төлемдер өзгеріссіз қалады:• Кедендік баж салығы• ҚҚС (Қосылған құн салығы)• Акциздер• Утилизациялық алым• Алғашқы тіркеу алымыБұл төлемдер көліктің өндірілген жылына және техникалық жағдайына байланысты есептеледі.Бұл өзгерістер неге әсер етеді?• Қолданылған көлік нарығы жанданады – халыққа қолжетімді бағада автокөлік алу жеңілдейді.• Жаңа көліктерге сұраныс төмендеуі мүмкін – ресми автодилерлердің бизнесіне әсер етеді.• Шетелден ескі көліктер көптеп әкелінуі мүмкін – Қырғызстан, Армения, Ресей және Оңтүстік Кореядан автокөліктер импорты артуы ықтимал.Басқа елдерде қалай?Көптеген елдерде көлік салығы автокөліктің экологияға әсеріне қарай есептеледі:• Германия – салық қозғалтқыш көлемі мен көмірқышқыл газының (CO₂) шығарындыларына байланысты.• Франция – ластайтын көліктерге қосымша салық салынады, ал экологиялық таза көліктерге жеңілдіктер беріледі.• Нидерланды – экологияға зияны жоғары көліктерге сатып алу кезінде үлкен салық салынады.• АҚШ – кейбір штаттарда көлік салығы жоқ, бірақ жүрілген қашықтыққа қарай төленетін салық жүйесі бар.Қазақстан үшін қандай шешім тиімді?Егер салық төмендесе, мемлекет экологиялық таза көліктерді сатып алуды ынталандыру үшін қосымша шаралар енгізуі мүмкін. Бұл экологияға зиянды азайтуға және халықтың қаржылық жағдайын ескеруге мүмкіндік береді.Фото: Нұрболат Нұржаубай

Көлік салығы арзандауы мүмкін

<a href="https://kyzylorda-news.kz/">Kyzylorda-news.kz</a> &nbsp;Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде Мемлекет басшысының IV Ұлттық құрылтайда берген тапсырмаларын орындау мәселесі қаралды. Оған облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен өткен мәжілісте осы және өзге де мәселелерге орай бағыт-бағдар белгіленіп, Қызылорда қаласы, аудан әкімдері мен жауапты сала басшыларына тапсырмалар жүктелді.<blockquote>«Құрылтайда еліміздегі салық саясаты, нақты секторды дамыту, инвестиция тартумен қатар, қазіргі қоғамдағы уақыт белдеуі, ұрпақ тәрбиесі, ономастика саласы, үкіметтік емес ұйымдарды қолдау секілді өзекті мәселелер көтерілді.Президентіміз Қасым-Жомарт Кемелұлы өз сөзінде «Биыл ел астанасын Қызылордаға көшіру туралы тарихи шешімнің қабылданғанына және халқымызға «қазақ» атауының қайтарылғанына бір ғасыр толды. Мұндай маңызды оқиғалар ел жадында сақталуы тиіс» деп ерекше атап өтті. Ұлттық құрылтайдың келесі отырысын Қазақ елінің астанасы болған Қызылорда қаласында өткізуді ұсынды.Бұл бастама барша Сыр жұртшылығына артылған сенім және абыройлы міндет екенін түсінуіміз қажет. Құрылтайдың кезекті отырысын Алаштың анасы атанған қасиетті Сыр өңірінде өткізудің тарихи тұрғыдан маңызы зор. Дайындыққа осы бастан кірісіп, құрылтайды жоғары деңгейде ұйымдастыруымыз керек.Облыстық қоғамдық даму басқармасына Ұлттық құрылтай отырысын ұйымдастыру жөніндегі жұмыс тобын құруды тапсырамын. Жұмыс тобының құрамына облыс әкімінің орынбасарларын, басқарма, департамент басшыларымен қатар зиялы қауым, азаматтық қоғам өкілдерін, тарихшы ғалымдарды қосу қажет. Топ жұмысын үйлестіру облыс әкімінің орынбасары Шахмардан Баймановқа жүктеледі», – деді Н.Нәлібаев.</blockquote>Жиында Мемлекет басшысы берген тапсырмаларды мерзімінде және сапалы орындау міндеттелді. Экономиканың нақты секторына жұмсалатын қаржы көлемін ұлғайтуға, салық реформасына, әлеуметтік осал топтағы азаматтардың баспанаға қолжетімділігін арттыруға қатысты тапсырмалар берілді. Сонымен қатар, әлеуметтік нысандар салынатын аумақтың инфрақұрылыммен қамтылуы бірінші кезекте ескерілуі тиіс.Құрылтайда қаралған тағы бір маңызды мәселе – инвестиция тарту, инвестициялық жобаларды іске асыру. Мемлекет басшысы алдағы төрт жыл ішінде жыл сайын 200-ге жуық инвестициялық жоба іске қосылатынын атап өтті. Бүгінде өңірге инвестиция тарту жұмыстары қарқынды жүргізілуде. Облыс әкімі бастаған делегацияның Италия, Испания, Қытайға барған жұмыс сапарларының алғашқы нәтижесі көріне бастады. Алдағы уақытта бұл бағыттағы жұмысты тоқтатпай, әрі қарай күшейту қажет.Құрылтайда көтерілген өзекті мәселенің бірі – ономастика. Осы ретте тұрғындарға ономастика талаптарын кеңінен түсіндіру, тарихи жер-су атауларын және халық ішінде кең таралған дәстүрлі атауларды қою тәртібін берік ұстану керек. Аймақ басшысы көшелер мен елді мекендерге атау беру немесе атауларды өзгертуде құрылтайда айтылған ұстанымдарды қатаң басшылыққа алуды тапсырды.Фото: Қызылорда облысы әкімінің баспасөз қызметі

Ұлттық құрылтай отырысын ұйымдастыру жөніндегі жұмыс тобы құрылады

<a href="https://kyzylorda-news.kz/">Kyzylorda-news.kz</a> Шиелі ауданында Наурызнама мерекесі аясында ұлттық құндылықтарды ұлықтауға арналған Шаңырақ күні кең көлемде аталып өтті. Бұл мереке – отбасы құндылықтарын дәріптеп, ұрпақтар сабақтастығын нығайтуды көздейтін ерекше күн.Іс-шара неке қию рәсімімен басталып, жас отбасылардың қуанышты сәтіне куә болдық. Оларға ақжарма тілектер айтылып, аудан әкімінің орынбасары Самат Қыдырбекұлы аудан әкімінің атынан құттықтау сөз сөйлеп, шаңырақ шаттығына толсын деген ізгі ниетін білдірді. Сондай-ақ, жаңа өмірге қадам басқан жұбайларға естелік сыйлықтар табыс етілді.Мерекелік шара Наурыз батамен жалғасып, ақсақалдар жаңа отау иелеріне ақ тілектерін арнады. Аудан өнерпаздары әсем әндерін орындап, жиынға ерекше әсерлі көңіл күй сыйлады.Шараның келесі бөлімі тағылымды кездесуге ұласты. Кездесуді аудан әкімінің орынбасары жүргізіп, Жосалы кентінің ардагерлер кеңесінің төрағасы Ерболат Ұзақбаев, аудандық ата-аналар комитетінің төрағасы Мағауия Әлиев, Ақсақалдар кеңесінің төрағасы Шегебай Құндақбаев отбасы құндылығы, оның қоғамдағы орны туралы маңызды ойларын ортаға салды. Олар жастарға берекелі шаңырақ көтеру, өзара сыйластық пен татулықты сақтау, адалдық пен жауапкершілік жайында ақыл-кеңестерін айтты.Отбасылық құндылықтарды дәріптеу мақсатында кездесу барысында алтын шаңырақ иелері – отасқандарына 50 жыл бірге ғұмыр кешкен жандар арнайы құттықталып, оларға аудан әкімінің атынан сый-сияпат табыс етілді.

Қазақстан және Қызылорда облысының жаңалықтары: Қоғам