<a href="https://kyzylorda-news.kz/">Kyzylorda-news.kz</a> Облыстық әділет департаменті есепті кезеңде алимент төлемдерін өндіріп алу санаты бойынша 13 177 атқарушылық құжатты орындалып, оның 583-ін толық аяқтаған. Қалған 12 571 істің 6 240-ы мерзімді орындау тізімінде болса, ал 4 576 борышкер алимент төлемдерін өз еркімен төлеуде. Бұл туралы &nbsp;Өңірлік коммуникациялар қызметінің ақпарат алаңында облыстық әділет департаментінің басшысы Ирина Бәкішева мәлімдеді.<blockquote>– Қазіргі таңда Қызылорда облысының әділет департаментінде 10 мемлекеттік сот орындаушы мен 72 жеке сот орындаушы қызмет атқарады. Есепті кезеңде 10 жеке сот орындаушының қызметіне жоспарлы бақылау жүргізілген. Сондай-ақ, атқарушылық әрекеттерді орындау кезінде жасаған заңдылықты бұзу фактілері негізінде 21 жоспардан тыс бақылау жүргізіліп, 7 ЖСО тәртіптік жауапкершілікке тартылған. Ал, жалпы сот орындаушыларының өндірісіндегі атқарушылық құжаттар бойынша барлығы 98 тұлғаға айыппұл салынды. Өздеріңіз білесіздер, өткен жылы Заңға өзгерістер мен толықтырулар енгізіліп, «Оңайлатылған іс жүргізуді жүзеге асыру қағидаларын бекіту туралы» бұйрығы қабылданды. Оңайлатылған іс жүргізу шеңберінде атқарушылық құжат бойынша берешекті төлеу және сот орындаушысының қызметіне ақы төлемеу жүзеге асырылады. Осыған дейін азаматтар салынған айыппұлды уақытында өтей алмаған жағдайда айыппұлдың 25 пайызын жеке сот орындаушыға төлеуге міндетті болса, енді бұл қызметті робот атқарады,- деді Ирина Жұмабайқызы.</blockquote><img src="https://knadmin.beoblood.kz/uploads/Oblysta_aliment_t_lemderi_bojynsha_12_my_nan_asa_is_araluda_7dcb0824be.jpg" alt="Облыста алимент төлемдері бойынша 12 мыңнан аса іс қаралуда.jpg">Фото: freepik.com

Облыста алимент төлемдері бойынша 12 мыңнан аса іс қаралуда

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен облыс аумағындағы құрылыстардың сапасы, мерзімінде қолданысқа берілуі, жаңа нысандар маңайының абаттандырылуы талқыланған жиын өтті.&nbsp;Оған қала, аудан әкімдері, жауапты сала басшылары қатысты.Бұған дейінгі жиындарда аймақ басшысы жауапты тұлғаларға құрылыс нысандардағы жұмысты қатаң бақылауға алып, кемшіліктерді дер кезінде анықтап, жою туралы тапсырма берген болатын. Жиында осы тапсырмалардың орындалу мәселесі қаралды.<blockquote>«Құрылыс алаңының орнында сапалы салынған, сәулеті мен сәні келіскен, жылдар бойы халық игілігіне жарайтын ғимарат болуы тиіс. Ол үшін, әрине сапалы материалдар пайдаланылып, кемшілік кетсе уақытында анықталуы керек. Мердігер мекемелермен ұдайы байланыста болып, құрылыстың басына барып тексеріңіздер. Бірінші әрі басты талап – сапа, сосын жұмысты мерзімінде аяқтау да әрдайым назарда болсын, – деді Нұрлыбек Машбекұлы.</blockquote>Сондай-ақ, облыс әкімі жаңа нысандардың аумағын абаттандыруға қатысты бірқатар тапсырма берді.Фото: Қызылорда облысы әкімінің баспасөз қызметі

Тапсырмалардың орындалуы қатаң бақылауда

<a href="https://kyzylorda-news.kz/">Kyzylorda-news.kz</a> &nbsp;Бүгін ҚР Премьер-министрі Олжас Бектеновтің төрағалығымен республикалық кеңес өтті. Күн тәртібінде жаңа энергетикалық қуат көздерін ұлғайту, батыс өңірінің желілерін бірыңғай энергетикалық жүйеге қосу, оңтүстік өңір желілерінің қуатын күшейту, энергия үнемдеу және тиімділігін арттыру мәселелері қаралды. Оған облыс әкімі Нұрлыбек Нәлібаев селекторлық режим арқылы қатысты.Мемлекет басшысының тікелей қолдауымен Қызылорда қаласында 215 млрд. теңгеге қуаттылығы 240 мегаваттық жаңа жылу-электр орталығы салынуда. Бүгінде инвестор «Акса Энерджи» түрік компаниясы жылу орталығының құрылысына 137 млрд. теңгеден астам инвестиция құйып, жұмыстың 70 пайызы аяқталды.Жаңа станция облыстың электр энергиясына деген қажеттілігін толығымен қамтамасыз етіп, өндірілген электр энергиясының бір бөлігін өзге өңірлерге сатуға мүмкіндік береді. Биыл 4 тоқсанда аймақ үшін ерекше маңызы бар нысан ел игілігіне пайдалануға беріледі. Жаңа орталыққа бюджет есебінен 15 млрд. теңгеге газ құбыры тартылды.Президент тапсырмасына сәйкес, оңтүстік өңірлерде электр энергиясының тапшылығын болдырмау үшін Катар еліне іссапар кезінде қуаттылығы 1100 МВт, құны 800 млрд теңге болатын бу-газ қондырғысын салу келісілді. Жаңа бу-газ қондырғылары Сырдария ауданының аумағынан берілген 280 гектар жерге салынады. Аталған мегажобаны 2028 жылы толығымен іске қосу жоспарланған.Қазіргі таңда техника-экономикалық негіздемесі әзірленуде. Жоба аясында «Қызылорда-Жезқазған» және «Қызылорда-Шымкент» 500 киловольттық жоғары қуатты электр желісі тартылады.Аймақта 10 мыңнан аса шақырым электр желісі мен 2 000 аса қосалқы станция бар.Олардың тозу деңгейі 62% құрайды. Энергия үнемдеудің жаңа технологияларын қолданып, тозған желілерді азайту үшін өткен жылы 741 шақырым электр желісі мен 127 қосалқы станция жаңғыртылды. Биыл 15 млрд. теңгеге 3 ірі қосалқы станция, 314 шақырым әуе желісі және 127 қосалқы станцияны қайта жаңғыру қолға алынбақ.Фото: Қызылорда облысы әкімінің баспасөз қызметі

 Жаңа жылу-электр орталығының құрылысы қарқынды жүргізілуде

<a href="https://kyzylorda-news.kz/">Kyzylorda-news.kz</a> Қызылорда облысындағы мемлекеттік қызмет көрсету сапасын арттыру мақсатында «Азаматтарға арналған үкімет» мемлекеттік корпорациясы жұмыс барысымен таныстыруды бастаймыз. <a href="tg://search_hashtag?hashtag=%D0%91%D1%96%D0%B7%D0%B1%D0%B5%D0%BD%D0%A2%D0%B0%D0%BD%D1%8B%D1%81%D0%91%D0%BE%D0%BB">#БізбенТанысБол</a> айдарында №3 халыққа қызмет көрсету орталығы жұмысымен таныстырамыз.Бұл бөлім мемлекеттік қызметтерді электронды және дәстүрлі түрлерін Шанхай, Гагарип, Титов, Әл Фараби мөлтек аудандары және Қызылжарма, Талсуат, Қарауылтөбе ауылдық округ тұрғындарына қызметтерін ұсынуда.№3 ХҚКО-да электронды кезек жүйесі енгізілген, бұл азаматтарға уақыт үнемдеуге мүмкіндік береді. Мұнда кәсіби мамандар әрбір тұрғынға сапалы және жедел қызмет көрсетеді.№3 ХҚКО Қызылорда қаласында Ұ.Қараманов 98 мекен жайы бойынша орналасқан. Орталық жұмыс күндері сағат 09:00-ден 18:00-ге дейін үзіліссіз қызмет көрсетеді.Фото: ХҚКО

№3 халыққа қызмет көрсету орталығы жұмысымен таныстырамыз

<a href="https://kyzylorda-news.kz/">Kyzylorda-news.kz</a>&nbsp;«AMANAT» партиясы Қызылорда облыстық филиалы жанындағы партиялық бақылау комиссиясының өкілдері Сайлауалды бағдарлама аясында мал басын көбейту, асылдандыру мен өнімін ұлғайту бағытында атқарылған жұмыстарды саралау масқатында Қызылорда қаласына қарасты Қосшыңырау ауылдық округінде орналасқан «Аруана» шаруа қожалығы жұмысына партиялық бақылау жасады.Мониторинг жұмысына партияның облыстық филиалының төрағасы Алмасбек Есмаханов, партиялық бақылау комиссиясы төрағасының орынбасары, облыстық мәслихаттағы «AMANAT» партиясы депутаттық фракциясының мүшесі Ержан Искендер, облыстық ауыл шаруашылығы және жер қатынастары басқармасының мал шаруашылығын дамыту бөлімі басшысы Даулетбек Абдирасулов, сонымен қатар қалалық ауыл шаруашылығы және жер қатынастары бөлімінің басшысының орынбасары Нұрбек Әзірбек қатысты.Атап өту керек, Қызылорда қаласы бойынша түрлі бағытта жұмыс жасап тұрған 279 шаруа қожалық бар. Солардың бірі «Аруана» шаруа қожалығы. Қожалық 2004 жылдан бастап, мал шарушалығы бағытында &nbsp;жұмыс істейді. Бүгінде қожалықта 363 ірі қара, 93 жылқы мен 75 түйе бар. Оның ішінде 180 бас аналық «Ақбас» породасы өсіріледі. Шаруа қожалығының аумағы 1000 га жайылымдық жерді құрайды.&nbsp;Бір ғана түйенің сүтін сатып, кәсіп бастаған Бақыт Жакешбаев, үлкен шаруа қожалығын ұстап тұруда мемлекет тарапынан қолдау жасалғандығын атап өтті.&nbsp;<blockquote>«Аграрлық сектор капиталды көп қажет ететін өндіріс. 2022 жылы «Аграрлық несие корпорациясы» АҚ арқылы ауылшаруашылығы техникасына және мал шаруашылығына 30 млн. теңге несие алдық. &nbsp;Сондай-ақ, ірі қара малдың асыл тұқымды аналық басымен селекциялық және асыл тұқымдық жұмысты жүргізуге субсидия алып отырымыз. Жұмыс істесең перспиктивасы бар, бірақ кәсіби көзқарасты талап етеді. Қолдан келгенше жұмыс істеудеміз. Қазір 4 азаматты жұмыспен қамтып отырмыз. Ауыл шарушылығына мемлекет тарапынан қолдау жеткілікті. «Сыбаға» бағдарламасын сәтті іске асырып, бүгінгі күні өз төлдерін сататын репродуктор шаруашылық деңгейіне жетіп отырмыз»,- деді қожалық иесі Бақыт Жакешбаев.</blockquote>Өз кезегінде сөз алған партияның облыстық филиалының төрағасы Алмасбек Есмаханов агроөнеркәсіпті қолдау, ауыл халқының табысын арттыру Мемлекет басшысы мен «AMANAT» партиясының стратегиялық міндеттерінің бірі екенін атап өтіп, осы бағытта атқарылып жатқан жұмыстарды жеткізді.&nbsp;<blockquote>«Мемлекет басшысы ауылшарушылығы еңбеккерлерінің бірінші форумында &nbsp;агроөнеркәсіп саласындағы қызметтер мен процестерді толығымен электронды форматқа көшіруді жеделдету қажеттігін атап өтіп, субсидия алу мен жеңілдіктерді пайдалану алгоритмдері фермерлер үшін барынша қарапайым және түсінікті болуы керектігін айтты. Расында цифрландыру агроөнеркәсіп кешенінің бәсекеге қабілетін арттырады, көлеңкелі сектордың үлесін азайтуға септігін тигізеді»,-деді ол.</blockquote><img src="https://knadmin.beoblood.kz/uploads/Amanat_partiyasy_2_5b3d70a38c.jpeg" alt="Аманат партиясы 2.jpeg">Фото: «AMANAT» партиясы Қызылорда облыстық филиалы

Атқарылған жұмыстарға мониторинг жасалды

<a href="https://kyzylorda-news.kz/">Kyzylorda-news.kz</a> Кеше партияның облыстық филиалының төрағасы Алмасбек Есмаханов азаматтарды жеке мәселелері бойынша қабылдады.Тұрғындар тарапынан алаяқтық мәселесі, еңбек дауы мен тұрақты жұмысқа орналасу бойынша ұсыныстар мен өтініштерін білдірді.Интернет алаяқтық мәселесі бойынша қолданыстағы заң нормалары түсіндірілді. Партия филиалы тарапынан заңгерлік көмек көрсетіліп, толық сүйемелдеу жүргізілетіні айтылды.Еңбек қатынастары бойынша құзырлы мекемелермен бірлесіп шешілуіне ықпал жасалатыны, жұмыс беруші тараппен байланыс орнатып, мәселені оң шешу мүмкіндіктері қарастырылатыны айтылды.Сондай-ақ еңбек нарығындағы бос жұмыс орындары анықталып, тұрақты жұмысқа орналастыру бойынша тиісті шаралар жасалатын болды.Фото: Аманат партиясы

Партия филиалының төрағасы азаматтарды қабылдады

<a href="https://kyzylorda-news.kz/">Kyzylorda-news.kz</a>&nbsp; Түркістан облысының прокуратурасы Telegram желісіне талдау жүргізу барысында порнографиялық сипаттағы, cоның ішінде кәмелетке толмағандарға қатысты фото/видео көруге арналған ақылы арнаны тапты, - деп хабарлады <a href="https://kaz.tengrinews.kz/kazakhstan_news/kazakstanda-telegram-arnanyin-8-myin-jazyilushyisyin-365957/">Tengrinews.kz</a>Тексеріс барысында Telegram желісінде 2500 теңгеге порнографиялық бейнероликтер, оның ішінде кәмелетке толмағандар мен мектеп оқушыларына қатысты материалдар ұсынылғаны анықталды.Сайтта барлығы 8012 жазылушы тіркелген.<blockquote>"Желі аудиториясы - Қазақстан және ТМД елдерінің жазылушылары. Арнайы іс-шаралар нәтижесінде сайт ұйымдастырушылары, қарау, кіру және жазылу үшін ақша төленетін дроперлер анықталды", - деп жазылған хабарламада.</blockquote>Топ мүшелері Түркістан және Қызылорда облыстарында ұсталған. Ұйымдастырушы бұған дейін ауыр қылмыс жасағаны үшін сотты болған, қазір ол қамауға алынды.<blockquote>"Бұл деректерге қатысты ҚР Қылмыстық кодексінің 311-бабы және 312-бабы 1-бөлігі бойынша соталды тергеп-тексеру басталды", - деп жазылған хабарламада.</blockquote>Фото: freepik.com

Порнографиялық видео сатқандар ұсталды

<a href="https://kyzylorda-news.kz/">Kyzylorda-news.kz</a> Мұрағатқа иек артқанымызбен құнды құжаттардың қолды болып кетпеуін қадағалап, көздің қарашығындай сақтап жүрген мұрағатшының еңбегін бағалай бермейтініміз рас. Мұрағатта жатқан әрбір құжатты, адамның тағдырына қатысты нағыз айғақ, сонымен қатар шешім қабылдауға негіз бола алатын баға жетпес дерек деп білсек, ал мұрағатшы – осы құжаттарды ретке келтіріп, үмітсіз болып көрінетін құжаттардың үйінділерін сұрыптап, сақтау оның жауапкершілігіндегі іс.Солай демекші Қызылорда қалалық ҚАЖ департаментіне қарасты №60 мекемесінің Мұрағат ісінің тәжірибелі маманы Айгүл Жагыпарованың ұжым арасында беделді, адамгершілігі мол, қарапайым, бойында шығармашылық қасиеттері бар, жас мамандарға жол көрсетуден аянбайтын, ұжымның абройын көтеріп, әріптестерінің зор ықыласына бөленген қызметкер ретінде білеміз. Ия, расында Айгүл Берікболқызының жұмыстағы ұқыптылығы, құжаттармен жұмыс істеуге бейімділігі, ауқымды ақпаратты талдай алу және жүйелей алу қабілеті өте зор. Сонымен қатар оның қызметінде ана тілі, әдебиет, қоғамтану, тарих пәндерін жақсы білу, кітапхана ісін меңгеруі өте маңызды. Оның негізгі лауазымдық міндеттері мұрағат ісін электронды немесе қағаз түрінде ұйымдастыру, кіріс құжаттарды қабылдау және мұрағатқа енгізу, мұрағаттық құжаттарды немесе оның көшірмелерін уақытша пайдалануға беру, сұрау түскен ұйымға мұрағаттық құжаттарды жеткізу болып табылады.Кез келген адам мұрағатшы бола алмайды. Алдымен, білім, екіншіден, мұрағаттық терминологияны білу шарт. Ал, үшіншіден, құқықтық жағынан сауатты, ең бастысы, қазіргі заманға сай, компьютерлік технологияның құлағында ойнау қажет. Ал, әріптесіміздің осындай кәсіпқойлығымен жай-жапсарға деген мұқияттылығының арқасында әрбір құжат өз орнында.Фото: ҚАЖД №60 мекеме баспасөз қызметі

Аманатқа адал мұрағатшы 

<a href="https://kyzylorda-news.kz/">Kyzylorda-news.kz</a>&nbsp;Биыл «Дипломмен ауылға» бағдарламасы аясында 2,8 мыңнан аса маманға 25 млрд теңге бюджеттік кредит беріледі. Бұл туралы Орталық коммуникациялар қызметіндегі брифингте Ұлттық экономика вице-министрі Бауыржан Омарбеков айтты, – деп хабарлайды <a href="https://kaz.inform.kz/news/diplommen-auilga-timdlgn-korsett-uem-789399/">Қазақпарат.</a><blockquote>— Ауылдарда кадр тапшылығын шешу үшін «Дипломмен ауылға» жобасы іске сәтті жүзеге асырылып жатыр. 2024 жылы 3,7 мың маманға тұрғын үй сатып алуға 30 млрд теңге көлемінде қаржы бөлінді. Осы жылы 2,8 мыңнан аса маманға 25 млрд теңге көлемінде бюджеттік кредит беру жоспарланып отыр. Жалпы, осы «Дипломмен ауылға» бағдарламасының тиімділігін зерделеп көрдік. Осы уақытқа дейін берілген бюджеттік несиелерді, көтерме қолдау алған азаматтардың 95 пайызы өздеріне алған міндеттемелерін — 3 жыл жұмысын атқарып, көпшілігі ары қарай сол ауылдарда қызмет етуге қалғанын көріп отырмыз, — деді Бауыржан Омарбеков.</blockquote>Сонымен қатар ауылдарда жаңа бизнес идеяларды жүзеге асыруға қолдау ретінде 1,5&nbsp;млрд теңгеге 400 грант беру жоспарланып отырғанын айтты.Фото: freepik.com

«Дипломмен ауылға» тиімділігін көрсетті — ҰЭМ  

<a href="https://kyzylorda-news.kz/">Kyzylorda-news.kz</a>&nbsp;27 наурызда еліміздің 11 өңірінде ауа райына байланысты ескерту жасалды, деп хабарлайды <a href="https://baq.kz/zhanbyr-qar-tuman-birneshe-onirde-dauyldy-eskertu-zhariyalandy-200010391/">BAQ.KZ</a> "Қазгидромет" РМК-ға сілтеме жасап.Қызылорда облысында жел солтүстік-шығыстан соғады, облыстың солтүстігінде, орталығында күші 15-20 м/с күтіледі.Фото: <span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">freepik.com

Бірнеше өңірде дауылды ескерту жарияланды

<a href="https://kyzylorda-news.kz/">Kyzylorda-news.kz</a>&nbsp;Қызылорда облысы Жаңақорған ауданындағы №286 орта мектептің 6-сынып оқушысы Нұрсері Айтжан адам өмірі үшін қауіпсіз лифт жобасын ойлап тапты, – деп хабарлайды <a href="https://kaz.inform.kz/news/kizilordalik-okushi-kaupsz-lift-zhobasin-oylap-tapti-871d5d/">Қазақпарат.</a>Статистикаға сүйенсек, Қазақстандағы әрбір төртінші лифт қауіпті. Басым бөлігі жөндеуді немесе толық ауыстыруды қажет етеді. Жалпы лифттің қауіпсіздігіне ешкім кепілдік бере алмайды.Талапты жастың жобасында қауіпсіздік мәселесіне айрықша көңіл бөлінген.<blockquote>- Қазіргі лифт тростары өте әлсіз, үзіліп кетсе, адамды аман алып қалу мүмкін емес. Сондықтан оған автокөліктегі сияқты қауіпсіздік жастығын орнатуды жөн көрдім. Қандай да бір ақау шыққан жағдайда жастық ашылып, адам өмірін сақтап қалуға көмектеседі, - деді Нұсрері Айтжан.</blockquote>Оқушы көркем еңбек пәнінің мұғалімдері Өркен Ақбаев, Құдабай Тастанбеков, Ерлан Райымбек және робототехника мұғалімі Айдос Арасаттың көмегімен су диірмені, су үсті көпірі сияқты өзге де ерекше жобалар жасап шығарды.&nbsp;Фото: Назерке Саниязова/Қазақпарат

Қызылордалық оқушы қауіпсіз лифт жобасын ойлап тапты

<a href="https://kyzylorda-news.kz/">Kyzylorda-news.kz</a>&nbsp;Мемлекет басшысы "Ұлы Отан соғысындағы Жеңіске 80 жыл" медалі туралы Жарлыққа қол қойды. Бұл туралы <a href="https://stan.kz/ardagerler-medalmen-marapattaladi-tokaev-zharlikka-kol-415557/">Stan.kz</a> ақпарат агенттігі хабарлайды.Жарлыққа сәйкес Ұлы Отан соғысының ардагерлері, тыл еңбеккерлері және басқа да тұлғалар "Ұлы Отан соғысындағы Жеңіске 80 жыл" бірыңғай мерейтойлық медалімен марапатталатын болады.Жарлықтың&nbsp;әзірленуіне ТМД мемлекет басшылары кеңесінің 2024 жылғы 10 маусымдағы "1941-1945 жылдардағы Ұлы Отан соғысының 80 жылдығына арналған бірыңғай мерейтойлық медальді белгілеу туралы" шешімі негіз болғаны айтылған.Ұлы Отан соғысының 80 жылдығына арналған мерейтойлық медальмен соғыс кезінде армия, флот, штабтар мен әскери мекемелерде қызмет еткен әскери қызметшілер, партизандар мен астыртын әрекет етушілер, сондай-ақ соғыс кезінде жарақат, контузия, мертігу немесе ауруға шалдығу салдарынан мүгедектік белгіленген әскери қызметшілер, жұмысшылар мен қызметшілер марапатталады.Бұдан бөлек, соғыс ардагерлері мен партизандардың, сондай-ақ "Ленинградты қорғағаны үшін" медалімен марапатталғандардың қайта некеге тұрмаған жұбайлары және соғыста қаза тапқан жауынгерлердің жесірлері де медальмен марапатталады.<blockquote>"Мерейтойлық медальді тапсыру Қазақстан Республикасының жергілікті атқарушы органдары арқылы Қазақстан Республикасының Президенті атынан және оның тапсырмасы бойынша наградталушылар тізімдері бекітілген күннен бастап алты айдан кешіктірілмей жүзеге асырылады. Медаль наградталушы тұлғаның тізімге енгізілген жерінде табысталады", – делінген жарлыққа берілген түсіндірмеде.</blockquote>Мерейтойлық медальмен бірге марапатталушыға медаль куәлігі де тапсырылады. Жарлық ресми жарияланған күнінен бастап күшіне енеді.Фото: Ақорда

Қазақстан және Қызылорда облысының жаңалықтары: Қоғам