<a href="https://kyzylorda-news.kz/">Kyzylorda-news.kz</a> Қазақстандық десантшылар Ұлы Отан соғысындағы Жеңістің 80 жылдығына арналған 9 мамыр парадына қатысу үшін Мәскеуге барды. Бұл туралы Stan.kz ақпарат агенттігі хабарлайды.&nbsp;Қорғаныс министрлігінің мәліметінше, Мәскеудегі парадқа Қазақстан атынан Десанттық-шабуылдау әскерлері Кеңес Одағының Батыры генерал-майор Иван Панфилов атындағы 37 десанттық-шабуылдау бригадасының әскери қызметшілерінен құралған парадтық есептоп шығады.Чкаловский әскери әуеайлағында қазақстандық десантшыларды Ресей Федерациясындағы Қазақстан Қорғаныс министрлігінің қорғаныс мәселелері жөніндегі атташесі генерал-лейтенант Талғат Қойбақов қарсы алды. Ол жауынгерлерге тарихи маңызы бар шарада елдің атынан абыроймен сап түзеп өтуіне тілектестік білдірді.Салтанатты лекті 37-ші десанттық-шабуылдау бригадасының командирі, екінші дәрежелі "Айбын" орденімен және "Жауынгерлік ерлігі үшін" медалімен марапатталған полковник Алмас Төлегенов басқарады.Парадтың есептобында барлығы 80 адам бар. Оның ішінде 11 офицер, 24 келісімшарт бойынша әскери қызметші және 45 мерзімді қызметтің сарбазы.Министрліктің хабарлауынша, 37-ші десанттық-шабуылдау бригадасы Ұжымдық қауіпсіздік туралы шарт ұйымы Жедел ден қою ұжымдық күштерінің құрамына кіреді. Бұл әскери құрылым жауынгерлік тұрғыда әркез дайын. Бейбіт уақытта ол төтенше жағдай режимінде қоғамдық қауіпсіздікті қамтамасыз ету, мемлекеттік шекараны күшейту, аса маңызды объектілерді күзету және қорғау, бөлімшелерді терроризмге қарсы операцияларда, табиғи және техногендік сипаттағы жағдайларда қолдану міндеттерін орындайды.

Қазақстандық десантшылар 9 мамырдағы парадқа қатысу үшін Мәскеуге барды

<a href="https://kyzylorda-news.kz/">Kyzylorda-news.kz</a> Арал ауданында «Таза Қазақстан» экологиялық акциясы аясында кезекті сенбілік жұмыстары қолға алынды. Бұл жолғы сенбілік жұмыстарының мәні бөлек, маңызы зор деуге болады.«Таза Қазақстан» акциясы – бұл жай ұран емес, еліміздің өзекті экологиялық мәселелерін шешуге бағытталған кешенді бағдарлама. Ол кең ауқымды іс-шараларды қамтиды. Бүгін сол шараның лайықты жалғасы ретінде өткен сенбілік жұмыстарына қала бойынша түрлі мекеме қызметкерлерінен бөлек ауданнан жалпы саны 10 мың оқушы туған жерлерінің тазалығына атсалысты. Бұдан бөлек 2 мыңдай ұстаздар мен ата-аналар қауымы да сенбілік жұмыстарына белсене қатысты.Кең ауқымдағы «Таза Қазақстан» акциясы аясындағы сенбілік жұмыстарын аудан әкімі Аманжол Оңғарбаев аралап көріп, қаланың шет аймақтары мен маңызды көшелерінде жүрігізіп жатқан жұмыстарға куә болды. Сондай-ақ бірқатар құрылыс насандарын да аралады. Бұл бағыттағы жұмыстарды бәсеңдетпеу керек екенін алға тартып, ауданымыздың тазалығы баршаға ортақ екенін жеткізді.Сенбілік аясында скверлер мен парктер, тарихи-мәдени ескерткіштер, әлеуметтік, өнеркәсіп және бизнес нысандары, орталық көшелер мен қоғамдық орындардағы бордюр жиектерін құмнан тазалау, әкетеу және сырлау жұмыстары жүргізілді. Сондай-ақ туған өлке ретсіз өскен өсімдіктерден, күл-қоқыстар мен тұрмыстық қаты қалдықтардан тазаланып, арнайы техниканың көмегімен қала аумағынан шығарылды.Таза қала, таза табиғат – бұл біздің ортақ міндет. Тазалыққа жаны жақын жас өрендер тарапынан қоршаған ортаға қамқорлық, туған өлкені тазарту, көгалдандыру сынды жұмыстар әлі де жалғасын табатын болады.Әрбір кішкене қадам туған жердің көркейіп, таза әрі жайлы болуына себеп болады. Бұл аймақ жастарының басты ұраны, өмірлік ұстанымы деуге болады.<img src="https://knadmin.beoblood.kz/uploads/O_ushylar_senbilik_44d9550147.jpg" alt="Оқушылар сенбілік.jpg">

Он мың оқушы "Таза Қазақстан" акциясына үлес қосты

<a href="https://kyzylorda-news.kz/">Kyzylorda-news.kz</a> «Тағзым» алаңы аумағында Чернобыль апатының аяқталғанына 39 жыл толуына орай апат салдарын жоюға қатысқан азаматтарды &nbsp;еске алу шарасы өтті.&nbsp;Шарада қала әкімінің орынбасары Бақытжан Омаров және қалалық ардагерлер кеңесінің төрағасы Шакизат Төребаев, қалалық «Чернобыль» қоғамдық бірлестігінің төрағасы Жұмабек Шахатов &nbsp;ардагерлерге ізгі лебіздерін білдірді.<blockquote>- Бүгін біздер өр кеуде, рухты бауырларымыздың рухына бас иіп, тағзым етеміз. Бейбіт еліміздің аспаны ашық, шекарасы бекем, тыныштығы мәңгілік болғай,- деді қала әкімінің орынбасары Бақытжан Бауыржанұлы.</blockquote>Шараға жиналған қауым ізгі қоғам, жарқын болашақ үшін жасампаз қадам жасап, Чернобыль апатының салдарын жоюға қатысқан азаматтардың рухына бас иіп, бір сәт үнсіздікпен еске алды. Рухтарына арнап құран бағышталып, гүл шоқтары қойылды.<img src="https://knadmin.beoblood.kz/uploads/Chernobyl_rbandaryn_eske_alu_2_d5d16b3330.jpg" alt="Чернобыль құрбандарын еске алу 2.jpg">

Чернобыль апаты құрбандарын еске алды

<a href="https://kyzylorda-news.kz/">Kyzylorda-news.kz</a> Аймақ басшысы Нұрлыбек Нәлібаевтың қолдауымен, облыстық ардагерлер кеңесінің ұйымдастыруымен өңірде алғаш рет республикалық әжелер форумы өтті.Алғашында 2023 жылы Түркістан облысында өткен форум аясында «Аялы әже» мүсін-таңбасы әзірленген еді. Содан бері әжелер мектебін дамыту тәжірибесін басқа өңірлерде де насихаттау үшін аймақтарға «Аялы әже» мүсінін тапсыру челленджі өткізіліп келеді.​Биыл 14 наурыз - Амал күні Маңғыстау облысының ардагерлер кеңесінің өкілдері мүсінді Қызылорда облысының ардагерлер кеңесінің төрағасы Серік Дүйсенбаевқа табыстаған.Бүгін Қызылорда қаласындағы «Достық үйінде» өткен форумға 200-ден астам қонақ жиналды.Басқосуда облыс әкімінің бірінші орынбасары Данияр Жаналинов әжелердің қоғамдағы рөліне тоқталып, форум қатысушыларын құттықтады.Өңірлерден арнайы келген қадірлі меймандар мен аймақтағы ардагерлер қозғалысының дамуына өзіндік үлес қосқан жандарға облыс әкімінің Алғыс хаты табысталды.Сонымен қатар, облыстық ардагерлер кеңесінің төрағасы Серік Дүйсенбаев жастарға ұлттық тәрбие беру арқылы ардагерлер қозғалысының белсендісі атанған әжелерді кеңестің Құрмет грамотасымен марапаттады.Форумға қатысушылар жергілікті өнерпаздардың концерттік бағдарламасын тамашалады.Қызылорда облыстық әжелер алқасының төрайымы Разия Қалжанова форум үндеуін жариялады.Жас ұрпақтың тәрбиесі мен тәлімін дәріптейтін ақ жаулықты, аяулы әжелердің құрметіне арналған «Аялы әже» форумының эстафетасын Ұлытау облыстық ардагерлер кеңесі төрағасының орынбасары Сәрсенкүл Қазымбетоваға салтанатты түрде табыстады.<img src="https://knadmin.beoblood.kz/uploads/zheler_forumy_3_9993453767.jpg" alt="Әжелер форумы 3.jpg"><img src="https://knadmin.beoblood.kz/uploads/zheler_forumy_2_8e30c92194.jpg" alt="Әжелер форумы 2.jpg">Фото: Қызылорда облысы әкімінің баспасөз қызметі

Республикалық әжелер форумы өтті

<a href="https://kyzylorda-news.kz/">Kyzylorda-news.kz</a> «Қазгидромет» РМК бүгінге, 27 сәуірге арналған ауа райы болжамын жариялады, деп хабарлайды<a href="https://baq.kz/bugin-elimizdin-basym-boliginde-nayzagay-oynap-zhanbyr-zhauady-200012508/"> BAQ.KZ.</a>Синоптиктердің болжамынша, бүгін Қазақстанның басым бөлігіне батыстан келген циклон әсер етеді. Көптеген өңірлерде найзағай ойнап, жаңбыр жауады. Солтүстік пен батыс өңірлерде қатты жаңбыр жауып, бұршақ түсуі мүмкін. Сондай-ақ, республиканың оңтүстігінде жел күшейіп, шаңды дауыл тұрады, ал оңтүстік-шығыста түнгі және таңғы сағаттарда тұман түседі.Шығыс Қазақстан облысының солтүстігі мен шығысында түнде 1 градус үсік жүреді.Қызылорда облысында, Түркістан облысының солтүстігі, батысы, орталығы мен таулы аудандарында, сондай-ақ Маңғыстау облысының солтүстік-шығысы мен шығысында өрт қаупі жоғары деңгейде сақталады. Жамбыл облысының солтүстік-батысында және Ақтөбе облысының оңтүстігінде де жоғары өрт қаупі сақталады.Фото: Нұрболат Нұржаубай

Бүгін еліміздің басым бөлігінде найзағай ойнап, жаңбыр жауады

<a href="https://kyzylorda-news.kz/">Kyzylorda-news.kz</a> «Таза Қазақстан» республикалық экологиялық акциясы аясында өңірдің барлық елді мекенінде санитарлық тазарту, абаттандыру және көркейту-көгалдандыру жұмыстары жүргізілуде.Сенбілікке шыққан 128 мыңнан астам ерікті, қоғам қайраткерлері, бюджет саласы мен кәсіпорын қызметкерлері 4 000 тоннадан астам қоқыс қалдықтарын жинады. Скверлер мен парктер, тарихи-мәдени ескерткіштер, әлеуметтік, өнеркәсіп және бизнес нысандары, өзен, көлдер аумағы, жасанды су айдындары, субұрқақтар, арықтар тазаланды. Көшелердің бойында, көпқабатты, жер үйлердің аулаларында тазалық жұмыстары атқарылды. Жұмыс барысында 900-ден астам техникамен қоқыс тасымалданды, жер тегістелді.Еске салайық, жыл басынан облыс аумағына климатқа жерсінетін 95 353 көшет егілген.<img src="https://knadmin.beoblood.kz/uploads/Senbilik_2_85a3c779e0.jpg" alt="Сенбілік 2.jpg">Фото: Қызылорда облысы әкімінің баспасөз қызметі

Таза Қазақстан: Көркейту-көгалдандыру жұмыстары жалғасуда

<a href="https://kyzylorda-news.kz/">Kyzylorda-news.kz</a> Аудан әкімі Ардақ Ибраимовтың төрағалығымен "Заң мен тәртіп" тақырыбында кеңейтілген мәжіліс өтті.Бұл басқосу Мемлекет басшысы мен облыс әкімінің тапсырмасына сәйкес, қоғамдағы, әсіресе жастар мен жасөспірімдер арасындағы құқық бұзушылықтардың алдын алу, қоғамдық тәртіп пен қауіпсіздікті қамтамасыз ету мақсатында ұйымдастырылды.Мәжіліске аудандық құқық қорғау органдарының басшылары, кент және ауылдық округ әкімдері, бөлім және мекеме басшылары, қоғамдық кеңес, ардагерлер кеңесі төрағалары, әйелдер, аналар кеңесінің төрайымдары, мектеп директорлары мен тәрбие ісі жөніндегі орынбасарлары қатысты.Кеңесте аудандық полиция бөлімінің басшысы Мақсат Баймағанбетов баяндама жасап, құқық бұзушылықтың, интернет алаяқтықтың алдын алу бағытында атқарылып жатқан жұмыстармен таныстырды.Аудандық білім бөлімінің басшысы Талғат Садықов мектеп оқушылары арасында құқық бұзушылықтың алдын алу бағытындағы тәрбие жұмыстары жөнінде хабарлама жасады.Мәжіліс барысында аудандық ардагерлер кеңесінің төрағасы Садық Әлиев сөз сөйлеп, жасөспірімдерге бағытталған тәрбиелік ықпалда зиялы қауым мен ақсақалдардың, қоғам қайраткерлерінің рөлі ерекше екенін атап өтті. Сонымен бірге, жастарды бұқаралық спортқа тарту мәселесі бойынша жауапты сала басшыларының хабарламалары тыңдалды.Кеңесте күн тәртібіндегі өзекті мәселелер талқыланып, нақты ұсыныстар мен міндеттер қойылды.Сонымен қатар ардагерлер, ұстаздар мен жастар өз ұсыныс-пікірлерін ортаға салып, тәрбие мен тәртіп мәселесіне қатысты ойларын білдірді.Аудан әкімі Ардақ Ибраимов құқық бұзушылықтың алдын алу – баршамыздың ортақ міндетіміз екенін атап өтіп, жауапты сала жетекшілеріне нақты тапсырмалар жүктеді.<img src="https://knadmin.beoblood.kz/uploads/Zhala_ash_audany_zhiyn_2_cf78ac3ae1.jpg" alt="Жалағаш ауданы жиын 2.jpg">

Құқықтық тәртіп мәселесі қаралды

<a href="https://kyzylorda-news.kz/">Kyzylorda-news.kz</a> «Таза Қазақстан» экологиялық акциясы аясында Сырдария ауданы Іңкәрдария және Ақжарма елді мекендерінде тал егіліп, жаппай тазалық жұмыстары жүргізілді.Тал егу акциясына мекеме қызметкерлері, білім беру мекемелерінің өкілдері мен ауыл тұрғындары белсенді түрде атсалысты. Олар елді мекен аумағын, саябақтар мен көшелерді, тазартып, тал егу жұмыстарын жүргізді.Елді мекеннің тазалығы мен әсем табиғаты ауыл тұрғындарының жанашырлығына байланысты. Сондықтан, барша сырдариялықтарды акцияға белсене атсалысуға шақырамыз.Фото: Сырдария ауданы әкімінің баспасөз қызметі

Экологиялық акция аясында тал егу жұмыстары жүйелі жүргізілуде

<a href="https://kyzylorda-news.kz/">Kyzylorda-news.kz</a> Биыл мамыр айында Қазақстан халқын көптеген мереке мен демалыс күндері күтуде, деп хабарлайды <a href="https://baq.kz/biyl-mamyrda-qazaqstandyqtar-qansha-kun-demalady-200012436/">BAQ.KZ.</a>Мамыр айында қандай мемлекеттік мерекелер бар?Мамыр айында Қазақстан үш маңызды мемлекеттік мерекені атап өтеді:<ul><li style="text-align:justify;">1 мамыр (бейсенбі) – Қазақстан халқының бірлігі күні;</li><li style="text-align:justify;">7 мамыр (сәрсенбі) – Отан қорғаушы күні;</li><li style="text-align:justify;">9 мамыр (жұма) – Жеңіс күні.</li></ul>Бұл күндердің барлығы ресми демалыс күндері болып табылады. Сондықтан әдеттегі сенбі-жексенбіге қосымша бірнеше демалыс күндері қосылады.2025 жылы 1 мамырда қазақстандықтар қалай демалады?Бес күндік жұмыс аптасы барлар үшін:<ul><li style="text-align:justify;">1 мамыр (бейсенбі) – демалыс;</li><li style="text-align:justify;">2 мамыр (жұма) – жұмыс күні;</li><li style="text-align:justify;">3-4 мамыр (сенбі-жексенбі) – демалыс күндері.</li></ul>Алты күндік жұмыс аптасы барлар үшін:<ul><li style="text-align:justify;">1 мамыр – демалыс;</li><li style="text-align:justify;">2 және 3 мамыр – жұмыс күндері;</li><li style="text-align:justify;">4 мамыр – демалыс.</li></ul>Биылғы 7 және 9 мамырда қалай демаламыз?Мамыр айының екінші аптасында бірден екі мереке бар.Бес күндік жұмыс аптасы барлар үшін:<ul><li style="text-align:justify;">7 мамыр (сәрсенбі) – демалыс;</li><li style="text-align:justify;">9 мамыр (жұма) – демалыс;</li><li style="text-align:justify;">10-11 мамыр (сенбі-жексенбі) – демалыс күндері.</li></ul>Алты күндік жұмыс аптасы барлар үшін:<ul><li style="text-align:justify;">7 мамыр – демалыс;</li><li style="text-align:justify;">9 мамыр – демалыс;</li><li style="text-align:justify;">10 мамыр (сенбі) – жұмыс күні;</li><li style="text-align:justify;">11 мамыр (жексенбі) – демалыс.</li></ul>2025 жылдың мамырында қазақстандықтар жалпы қанша күн демалады?<ul><li style="text-align:justify;">Бес күндік жұмыс аптасы барлар үшін – мамырда 12 демалыс күні болады (мерекелерді қоса алғанда), ал жұмыс күндерінің саны – 19.</li><li style="text-align:justify;">Алты күндік жұмыс аптасы барлар үшін – 8 демалыс күні, жұмыс күндерінің саны – 23.</li></ul>Фото: istockphoto.com

Биыл мамырда қазақстандықтар қанша күн демалады?

<a href="https://kyzylorda-news.kz/">Kyzylorda-news.kz</a> "Қазгидромет" РМК синоптиктерінің мәліметінше, 26, 27 және 28 сәуір күндері еліміздің басым аумағында атмосфералық фронттардың әсерінен тұрақсыз ауа райы сақталады, деп хабарлайды <a href="https://baq.kz/elimizde-37-gradusqa-deyin-ystyq-kutilude-200012422/">BAQ.KZ</a> тілшісі.Көптеген өңірлерде жаңбыр жауып, найзағай ойнап, жел күшейеді. Кей жерлерде бұршақ жаууы мүмкін. Әсіресе, 27 сәуірде Батыс Қазақстан және Ақмола облыстарында, 28 сәуірде Қостанай, Ақмола және Солтүстік Қазақстан облыстарында толассыз жауын жауады деп күтілуде.Бұдан бөлек, республиканың батысында, шығысында және оңтүстік-шығысында тұман түседі. 26 сәуір түнінде Абай облысында, 26–27 сәуір аралығында Шығыс Қазақстан облысында 1–3 градусқа дейін үсік жүруі ықтимал.Ауа температурасы қалай өзгереді?Батыс өңірлерде түнгі ауа температурасы 10–15 градустан 2–10 градусқа дейін төмендейді. Күндіз 20–27 градустан 6–14 градусқа дейін салқындайды.Оңтүстік-батыста түнгі температура 12–20 градустан 7–15 градусқа дейін түсіп, 28 сәуірде күндізгі температура 10–18 градусқа дейін төмендейді.Солтүстік-батыста түнде 10–17 градустан 7–12 градусқа дейін төмендейді, күндіз 20–28 градустан 12–22 градусқа дейін түседі.Солтүстік өңірлерде түнгі температура 5–10 градустан 10–17 градусқа дейін көтеріледі, ал күндіз 21–28 градустан 18–23 градусқа дейін төмендейді.Орталық Қазақстанда түнде 5–15 градустан 12–17 градусқа дейін, ал күндіз 23–30 градус аралығында жылы ауа райы сақталады.Шығыста түнде 1–8 градус жылы болып, солтүстік-шығыста 1–3 градус үсік жүруі мүмкін. Күндіз 20–27 градустан 23–31 градусқа дейін жылынады.Оңтүстікте түнгі температура 15–20 градустан 17–23 градусқа дейін жоғарылап, күндіз 28–33 градустан 32–37 градусқа дейін ыси түседі.Оңтүстік-шығыста түнде 5–17 градустан 10–20 градусқа дейін көтеріледі, күндіз 22–30 градустан 27–35 градусқа дейін ысиды.Сәуір айының жалпы ауа райы қандай болады?Бұған дейін Қазгидромет мамандары 2025 жылғы сәуір айына арналған кеңес сипатындағы болжамды ұсынған болатын. Онда айдың алғашқы онкүндігінде жаңбыр жауып, солтүстікте қар мен көктайғақ болуы мүмкін екені айтылған. Желдің екпіні кей жерлерде 20 м/с-қа дейін жетеді. Ай ортасында жаңбыр мен сулы қар жауады деп күтілсе, ай соңында көбіне жауын-шашынды ауа райы сақталады. Температуралық ауытқулар -5 градустан +32 градусқа дейін жетуі ықтимал.Фото: freepik.com

Елімізде 37 градусқа дейін ыстық күтілуде

<a href="https://kyzylorda-news.kz/">Kyzylorda-news.kz</a> Қазақстан Республикасы Президенті Қ.Тоқаевтың 2024 жылдың 17 шілдедегі №602 Жарлығымен бекітілген Қазақстан Республикасының мемлекеттік қызметін дамытудың 2024-2029 жылдарға арналған тұжырымдамасында мемлекеттік қызметті кәсібилендіру тетіктері көрсетілген. Онда, кәсібилендіру талант-менеджмент, кадрларды тиімді іріктеу, кәсіби қызметті бағалаумен, оқытумен және әділ еңбекақы төлеу жүйесімен байланысты дағдылар мен білімді жетілдіруге арналған мансаптық ілгерілету сияқты персоналды басқару тәсілдері қамтылған. &nbsp;Осыған орай, 25 сәуір күні «Жұмысшы мамандықтар жылы» аясында ҚР Мемлекеттік қызмет істері агенттігінің Қызылорда облысы бойынша департаменті, облыстық жұмыспен қамтуды үйлестіру және әлеуметтік бағдарламалар басқармасы және Қорқыт ата университетінің ұйымдастыруымен «MANSAP NAVIGATOR ІІ» бос жұмыс орындары жәрмеңкесі мен ашық есік күні өткізілді.Шараның мақсаты - жұмыс берушілер мен жастар арасындағы еркін диалог алаңын қалыптастыру арқылы бос жұмыс орындарымен таныстырып, орналастыру. Жәрмеңкеге қатысушы 500-ден аса азаматқа 26 мемлекеттік және жеке меншік мекеме ұйымдарынан 207 бос жұмыс орындары ұсынылды.Сондай-ақ, «Ашық есік күні» аясында «М. Ықсанов атындағы Қызылорда техникалық-IT жоғары колледжі» және «Сырдария Мұнай» жауапкершілігі шектеулі серіктестігі, «Нұрсұлтанов» жеке кәсіпкер, «ХАН» жауапкершілігі шектеулі серіктестігімен бітіруші түлектерді тұрақты жұмысқа қабылдау туралы өзара ынтымақтастық меморандум жасалды. Меморандум нәтижесінде бітіруші 3 түлекке тұрақты жұмысқа жолдама ретінде сертификат табысталды.Онымен қоса, қатысушыларға мемлекеттік қызметке орналасудың тәртібі, оның ішінде, мемлекеттік тапсырыс шеңберінде білім беру ұйымдарын үздік GPA 3.33-тен жоғары бітірген түлектер үшін бір жыл ішінде конкурс өткізілместен "Б" корпусының кейбір мемлекеттік әкімшілік &nbsp;лауазымдарына орналасу мүмкіндіктері туралы кеңінен ақпарат беріліп, қызмет берушілер мен жұмыс іздеуші жастар арасында ашық сұхбат ұйымдастырылып, еңбек нарығындағы сұранысқа ие мамандықтар мен қажетті дағдылар талқыланды. Атаулы шара жастардың кәсіби бағыт-бағдарын анықтауға, өз мүмкіндіктерін бағалауға және нақты еңбек жолын таңдауға себеп болды.<img src="https://knadmin.beoblood.kz/uploads/Whats_App_Image_2025_04_25_at_18_29_22_1_7615a4a554.jpeg" alt="WhatsApp Image 2025-04-25 at 18.29.22 (1).jpeg">

Жұмысшы мамандықтар жылы аясында ашық есік күні өтті

<a href="https://kyzylorda-news.kz/">Kyzylorda-news.kz</a> Биыл қазақ театр өнерінің қарашаңырағы саналатын Н.Бекежанов атындағы Қызылорда облыстық қазақ академиялық музыкалық драма театры 70 жылдық мерейтойын атап өтуде. Осы айтулы мерекеге орай, Сыр елінде тұңғыш рет «Сырдың Сәбирасы» атты I халықаралық театр фестивалі бастауын алды.Фестиваль ұлы өнерге өлшеусіз үлес қосқан, сахна саңлағы, Халық әртісі Сәбира Майқанованың рухына арналмақ. Бұл шара – театр өнеріне тағзым, сахнагерлер еңбегіне құрмет, көрерменмен шығармашылық байланысты тереңдете түсуге бағытталған рухани жаңғырудың жарқын көрінісі. Бүгін Өңірлік коммуникациялар қызметі ұйымдастырған көшпелі брифингте Асанәлі Әшімов бастаған әділ қазы алқалары және фестивалді ұйымдастырушылар БАҚ өкілдерінің сұрақтарына жауап берді.<blockquote>- Біздің атқарған жұмыстың нәтижелі болуына, әсіресе, журналистердің қосар үлесі орасан. Сіздер – өнер мен көрермен арасындағы алтын көпірсіздер. Сол себепті, бүгінгі мереке – баршамызға ортақ. Қызылорда – мәдениеттің ордасы. Бұл өңірден талай дарабоздар, өнер майталмандары шыққан. Сұлу Сырға тағы бір мәрте келгенімізге, сіздермен дидарласқанымызға бек қуаныштымын. Мен Қалибек Қуанышбаевтың қолына су құйып, шапанын жамылған шәкіртпін – соған мақтанамын. Ал Сәбира Майқановамен бір сахнада серіктес болып, өнердің биігін бірге бағындырғанымды – тағдырымның ең үлкен сыйы деп білемін. Сәбира – сахнаның шынары еді. Оның есімі қазақ театр тарихында алтын әріппен жазылған,- деді Асанәлі Әшімұлы.</blockquote>&nbsp;<blockquote>- Қысқа мерзім ішінде мұндай ауқымды шараны саралау, бағдарлама құру, халықаралық деңгейде үйлестіру — қажырлы еңбекті, ұжымдық жауапкершілікті талап етеді. Кеше болып өткен салтанатты ашылудан-ақ ұйымдастырушылардың жоғары деңгейдегі дайындығын, барынша кәсіби тұрғыда қаралғанын байқадық. Фестиваль бағдарламасында шетелдік театр ұжымдарының қойылымдарымен қатар, соңғы жылдары елімізде жасалған сапалы туындылар да ұсынылуда. Бұл – отандық драматургия мен режиссерлік мектептің үздіксіз дамып келе жатқанын, жаңашыл ізденістердің жемісін көрсетеді,- деді Анар Саимжанқызы.</blockquote>&nbsp;<blockquote>– Сыр еліне, қазақ даласына табан тірегеніме, осындай үлкен рухани шараның куәсі болғаныма шексіз қуаныштымын. Бұл – мен үшін үлкен мәртебе.Осы орайда, Қызылорда облысының әкімдігі мен театр ұжымына алғысым шексіз. Бұл – жай фестиваль емес, бұл — өнердің, достықтың және болашақтың мерекесі,- деді әділқазы мүшесі Лаша Чхартишвили.</blockquote>&nbsp;<blockquote>– Өз басым Асанәлі Әшімов сынды аңыз адаммен бір сахнада қатар отырудың өзін үлкен бақыт деп білемін. Оның шығармашылығы – бүкіл түркі жұрты үшін ортақ мұра. Фестивальдің жоғары деңгейде өтуі – ұйымдастырушылардың қажырлы еңбегінің нәтижесі. Әсіресе, Қызылорда облысы әкімдігі мен театр ұжымына ерекше алғыс айтамын. Қысқа уақыт ішінде халықаралық форматтағы кәсіби алаң ұйымдастыру – үлкен жауапкершілік пен шынайы сүйіспеншіліктің көрінісі,- деді Халықаралық театр сыншылары бірлестігінің вице президенті Элеонора Маратқызы.</blockquote>&nbsp;<blockquote>– Осындай халықаралық деңгейдегі шараның өтуіне себепкер, дәнекер болғанымызға біз де ерекше қуаныштымыз. Ат жарысқа шықса, оның бәйгеден үміті болатыны секілді, біз де осы фестивальге үлкен үмітпен қарап отырмыз. Алдағы 6 күн бойы көрермендерге терең мазмұнды, мағыналы қойылымдар ұсынылады. Бұл – театр мен көрермен арасындағы үлкен рухани байланыс, өнер мерекесі. Еліміздің атынан келіп жатқан барлық қонақтарға шын жүректен алғыс айтамыз! Қош келдіңіздер,- деді Н. Бекежанов атындағы Қызылорда облыстық қазақ академиялық музыкалық драма театрының басшысы Мұхтар Мәуленұлы.</blockquote>Айтулы фестиваль аясында еліміздің түкпір-түкпірінен және шетелден келген 11 театр ұжымы өз өнерлерін ортаға салып, сахналық қойылымдарымен Сыр жұртшылығын қуантпақ. Бұл тек өнер додасы ғана емес, тәжірибе алмасу мен рухани байланысты нығайтатын тағылымды шара болмақ.<img src="https://knadmin.beoblood.kz/uploads/Syrdy_s_birasy_brifing_2_5af5589046.jpg" alt="Сырдың Сәбирасы брифинг 2.jpg">

Қазақстан және Қызылорда облысының жаңалықтары: Қоғам