<a href="https://kyzylorda-news.kz/">Kyzylorda-news.kz.</a> Қызылорда қаласында «112» нөміріне О.Исаев көшесіндегі №18 үйден өрт шыққандығы жөнінде хабарлама&nbsp; түскен.
Оқиға орнына №5 өрт сөндіру бөлімінің жауынгерлік есебі барып, барлау жұмыстарын жүргізді. Тексеру кезінде тұрғын үйдің ағаштан салынған сарайы жанып, соның салдырынан көрші үйдің жалпы көлемі 30 шаршы метр болатын асхана мен бу қазандығы бөлмесінің төбесі &nbsp;жанғаны анықталды.
Өрт сөндірушілер өрттің үй ішіне таралуына тосқауыл қойылды. Тұрмыстық заттар сыртқа шығарылып, тез арада өрт сөндірілді. &nbsp;
Тілсіз жаудың салдарынан зардап шеккендер мен қаза болғандар жоқ. Қазіргі уақытта өрттің шығу себебі мен шығыны анықталуда.
<img src="https://kyzylorda-news.kz/wp-content/uploads/2019/11/22ort2.jpg" alt="" />
<img src="https://kyzylorda-news.kz/wp-content/uploads/2019/11/22ort3.jpg" alt="" />
<img src="https://kyzylorda-news.kz/wp-content/uploads/2019/11/22ort4.jpg" alt="" />
<img src="https://kyzylorda-news.kz/wp-content/uploads/2019/11/22ort5.jpg" alt="" />

Қызылордада тұрғын үйден шыққан өрттен көршісінің үйі де зардап шекті (ФОТО)

<a href="https://kyzylorda-news.kz/">Kyzylorda-news.kz.</a> Келесі жылы «Рухани жаңғыру» Қазақстан қоғамдық даму институты бастамасымен «Ерекше адамдар» жобасы басталмақ, деп хабарлайды <a href="https://www.inform.kz/kz/2020-zhyly-erekshe-adamdar-zhobasy-bastalady_a3587679">ҚазАқпарат</a>.
Жобаға өзінің қызмет саласына қарамастан кез-келген азамат қатыса алады. Қатысушылардың жас ерекшелігі бойынша шектеу жоқ. Ruh.kz республикалық порталында, өмірі қызықтырған, кішкентай, тіпті, үлкен сенсация жасаған кейіпкерлер туралы материалдар жарияланатын болады.
«Ерекше адамдар» айдарына қойылатын талаптар жоғарыда айтылған құндылықтарды дәріптейтін, Отаны үшін қызмет етіп жүрген адам болуы қажет. Сондай-ақ, өзінің ерекшелігін толық сипаттайтын нақты материалдар жіберілуі керек. Ақпараттың ішінде тұлғаның толық аты-жөні, туған жері мен мекенжайы, ерекшелігі көрсетіледі. Материал TimesNewRoman шрифтіндегі 14-өлшеммен жазылып, фотосуреттер JPEG форматында (20 данадан кем емес) берілуі тиіс. Бұл айдарды Ruh.kz порталында жариялау мерзімі қосымша хабарланады.
Айта кетерлігі, порталда үміткердің бірегейлігін тиісті түрде сипаттамайтын немесе талаптарға сәйкес келмейтін материалдар жарияланбайды. Қатысушылар өздері туралы немесе басқа адамдар туралы жиналған материалдарды жоба офисінің project_office_pvl@mail.ru электронды поштасына «Ерекше адам» тақырыбын жазып жібере алады.

2020 жылы «Ерекше адамдар» жобасы басталады

<a href="https://kyzylorda-news.kz/">Kyzylorda-news.kz.</a> “Атамекен” алаңында бизнес-қоғамдастық және ҚР Экология, геология және табиғи ресурстар министрлігі жаңа экологиялық кодекске енгізілетін түзетулерді қарастырды.
Жаңа заңнаманың негізгі принципі – “ластаушы төлейді”. Кешенді экологиялық рұқсатты, сондай-ақ салынып жатқан зауыттың табиғатқа әкелетін залалын міндетті бағалауды енгізу. 2021 жылы қандай механизмдер іске қосылмақ?
Қалпына келтіру, майсыздандыру және зиянды қалдықтарды жою саласында лицензиялауды енгізу
Осыған дейін: лицензиялау болмаған.
Күтілетіні: қайта өңдеу, майсыздандыру, зиян қалдықтарды утилизациялау (энергия алу мақсатында қалдықтарды инсинерациялау бөлігінде), жою бойынша жұмысты атқару үшін кәсіпкерлік субъектілерін лицензиялау.
І категориядағы жаңадан құрылған объектілерді пайдалануға беру үшін кешенді экологиялық рұқсаттары (КЭР) міндетті алу туралы талапты енгізу
Осыған дейін: КЭР міндетті емес сипатта болды.
Күтілетіні: І категориядағы жаңадан құрылған объектілерге КЭР-ды алу міндетті. Кодекс жобасы КЭР жаңадан құрылатын объектілер үшін ғана емес, қайта қалпына келтірілген объектілер үшін де міндеттелмек (шығарындылардың көлемі артқан жағдайда).
Тексеру және кәсіпорынға барып, профилактикалық бақылау жүргізу үшін мерзімдерді ұзарту
Осыған дейін: тексеруге 15 жұмыс күні берліген.
Күтілетіні: зертханалық зерттеулер нәтижесін алу қажет болған жағдайда тексеру мерзімін ұзарту мүмкіндігі (қоршаған ортаны қорғау саласындағы сынамаларды зертханалық зерттеу нәтижелерін алу қажет болған жағдайларда мерзімді мына мерзімге ұзартуды қарастыру: жоспардан тыс тексеру үшін – 10 жұмыс күннен артық емес; кәсіпорынға келумен профилактикалық бақылау үшін – 15 жұмыс күннен артық емес).
І категориядағы объектілер үшін қоршаған ортаға эмиссияларға автоматтандырылған мониторинг жүйесін енгізу
Осыған дейін: табиғатты арнайы пайдалануды жүзеге асыратын ластаушы – ірі кәсіпорындарға мониторингтің автоматтандырылған жүйесін енгізу ерікті сипатта болды.
Күтілетіні: өндірістік экоологиялық бақылау және мониторинг бойынша шынайы уақыт режиімінде (онлайн) алынған деректердің сенімділігін қамтамасыз ету мақсатында қоршаған ортаны қорғау саласындағы өкілетті органның ақпараттық онлайн-байланысы арқылы шынайы уақыт режимінде деректерді таратуды жүзеге асыратын І категориядағы объектілерде Мониторингтің автоматтандырылған жүйесін орнату бойынша міндеттемелерді енгізу.
Метеорологиялық мониторинг саласында қызметті жүзеге асыратын тұлғаларға ескертпе тәртібін енгізу
Осыған дейін: республикада осы жұмыстар мен қызметтердің жалғыз жеткізушісі ретінде ұлттық гидрометеорологиялық қызметтің құзыреті шегінде метеорологиялық мониторинг жүргізу функциялары сақталған.
Күтілетіні: метеорологиялық мониторинг саласында қызметті жүзеге асыратын тұлғаларға ескертпе тәртібін енгізу (метеорологиялық мониторинг саласын либерализациялау, яғни жеке тұлғаларға аталған қызмет түрін коммерциялық негізде жүргізуге құқық беру, осы ретте қызметтің басталуы немесе тоқтатылуы туралы тиісті мемлекеттік органдарға хабарлама жіберу қажеттілігі ескеріледі).
<a href="https://massaget.kz/men_kasipkermin/59779/">Massaget.kz</a>

2021 жылы Экологиялық кодекстің жаңа 5 механизмі іске қосылады

<a href="https://kyzylorda-news.kz/">Kyzylorda-news.kz.</a> Қызылорда облыс әкімдігі ғимаратында жалпыреспубликалық азаматтарды қабылдау күні шеңберінде қоғамдық қабылдау өткізілді.
Аймақ басшысы Қуанышбек Ысқақов пен облыс әкімінің орынбасарлары, қала әкімінің міндетін атқарушы Бектас Нуридинов және басқарма басшылары жеке және заңды тұлғаларды мәселелері бойынша қабылдады.
Азаматтардың көтерген негізгі мәселелері тұрғын үй, жер кезегі, әлеуметтік сала, қайрымдылық көмек пен жұмыспен қамтуға қатысты болды. Бүгінгі қабылдауға облыс бойынша 689 адам келді.
Тұрғындардың көтерілген мәселесі мен өтініштері тек заң аясында шешімін табатын болады.
<img src="https://kyzylorda-news.kz/wp-content/uploads/2019/11/22akimatpriem2.jpg" alt="" />
<img src="https://kyzylorda-news.kz/wp-content/uploads/2019/11/22akimatpriem3.jpg" alt="" />
<img src="https://kyzylorda-news.kz/wp-content/uploads/2019/11/22akimatpriem4.jpg" alt="" />
<img src="https://kyzylorda-news.kz/wp-content/uploads/2019/11/22akimatpriem5.jpg" alt="" />

Қызылордада жалпыреспубликалық азаматтарды қабылдау күні ұйымдастырылды

<a href="https://kyzylorda-news.kz/">Kyzylorda-news.kz.</a> «Қазгидромет» РМК 22 қарашаға арналған ауа райы болжамын ұсынады.
&nbsp;Антициклон әсерінен республиканың басым бөлігінде көбінесе жауын-шашынсыз, аязды ауа райы күтіледі, тек солтүстік, оңтүстік және оңтүстік-шығыс аудандардан атмосфералық ағындрдың өтуімен кей жерлерде қар жауады, бұрқасын, тұман, көктайғақ күтіледі, жел күшейеді.
Түркістан облысының кей жерлерінде тұман, көктайғақ, бұрқасын болып, желдің жылдамдығы 15-20 м/с жетеді.
Жамбыл облысының кей жерлерінде – тұман, жаяу бұрқасын, жел 15-20 м/с күшейеді, күндіз көктайғақ күтіледі.
Қызылорда облысының кей жерлерінде тұман түсіп, жел 15-20 м/с жетеді.
Маңғыстау, Қостанай, Қарағанды, түнде Алматы, Шығыс Қазақстан облыстарының кей жерлерінде тұман күтіледі.

Аяз, қар, көктайғақ- жұмаға арналған ауа райы

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Бүгін, 22 қараша күні жергілікті уақытпен сағат 15.20-да ҚР Президенті жанындағы Орталық коммуникациялар қызметінде Қызылорда облысының әкімі Қуанышбек Ысқақовтың қатысуымен брифинг өтеді.
Брифингте аймақ басшысы өңірдің әлеуметтік-экономикалық дамуы, мемлекеттік және салалық бағдарламалардың іске асырылуы туралы баяндайды.
Сондай-ақ, облыс әкімі бұқаралық ақпарат құралдары өкілдерінің тарапынан қойылған сауалдарға жауап береді.

Бүгін Нұр-Сұлтан қаласында Қызылорда облысы әкімінің қатысуымен брифинг өтеді

Дүниежүзілік ұл балалар күні
Мерекенің пайда болу тарихы белгісіз. Алайда бұл мереке бүкіл әлемде халықтың қолдауына ие болды, себебі барлық ата-аналар өз балаларына, ұлдарына – болашақ әкелерге бар жақсылықты тілейді, өмірлері махаббатқа жетістікке толы болса дейді. Сондықтан 22 қарашада барлық ата-аналар ұлдарын айтулы мейраммен құттықтайды.
1997 жылы Алматыда Қазақстан дәрігерлерінің І съезі өтті.
1998 жылы Алматыда ақын Хамит Ерғалиев тұрған үйге ескерткіш тақта орнатылды.
2012 жылы Халықаралық көрмелер бюросының 161 мүше-мемлекеті өкілдерінің жасырын дауыс беруі барысында Астана бельгиялық Льеж қаласын артқа тастап, ЕХРО-2017 Халықаралық мамандандырылған көрмесін өткізетін қала болып таңдалды. Қазақстан елордасы ұсынған тақырып – «Болашақтың энергиясы» – энергияның баламалы көздеріне және «жасыл» технологияларға арналған. Астанадағы ЕХРО-2017 Орталық Азия аймағы мен ТМД елдерінде өткізілген алғашқы халықаралық көрме болды.
2016 жылы Астанада Қазақстанда жасалған» брендін басқару агенттігі құрылды. Оның аясында «Халық маркасы» 100 ұлттық брендті құру жобасы іске қосылды. Аталмыш жобаға танымал әртістер, спортшылар мен депутаттар да тартылды. Жаңа 100 ұлттық бренд тамақ өнеркәсібі, жиһаз, үй қажеттіліктері, киім-кешек және аяқ киім салаларында пайда болды.

22 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 22 қарашаға арналған жұлдыз-жорамалы.
Тоқты
Өсекке ілініп, алданып қалудан сақ болыңыз. Сізге келген ақпараттарға сенбеңіз және қарсылық танытпаңыз. Қауіпті әсері бар.
Торпақ
Материалдық және рухани жағынан ашкөз болмаңыз, өзгелермен байланысыңызды уақытша шектеу керек. Бүгін сіздің күніңіз емес.
Егіздер
Бүгінгі күн сізге табыс әкеледі. Өзіңіз туралы қажет емес ақпаратпен бөліспеңіз, бұл тек өсек пен қызғаныш тудырады.
Шаян
Өзіңізді жайсыз сезіну жанжал мен жарақат алуға әкелуі мүмкін. Көлік жүргізу кезінде абай болыңыз. Шешім қабылдауды басқа күнге қалдырыңыз.
Арыстан
Ұзақ уақыт бойы тіл табыса алмаған адамдармен татуласуға мүмкіндік туып тұр. Жоғалған заттарыңыз табылуы мүмкін.
Бикеш
Керемет күн. Күш, жігер, интуиция – бәрі сіз үшін жұмыс істейді. Бұл күні пайдалы мәмілелерге келіп, бизнес бастау үшін қолайлы.
**Таразы 
**Бұл күні созылмалы ауруларыңыз өршуі мүмкін. Кедергілер мен түсінбеушіліктер орын алуы мүмкін. Қаржылық проблемалар болмауы үшін, ақшаңызды үнемдеңіз.
Сарышаян
Бүгін жан-жалдан аулақ болыңыз. Техникаларды қолдану барасында және автокөлік жүргізуде абай болғаныңыз жөн.
Мерген
Жаңа жұмысқа кіріспеңіз немесе бизнес бастамаңыз. Сондай-ақ бұрын таныс емес адамдармен байланыс орнатпағаныңыз жөн.
Тауешкі
Егер барлығына сақтықпен қарап, дұрыс ойлана білсеңіз барлығы оңынан болмақ. Жалқаулыққа, еркелікке жол бермеңіз.
Суқұйғыш
Бастықтармен және әріптестеріңізбен ұрыспаңыз. Үй шаруасымен айналысыңыз. Мәселелерді шешуде сізге өзіңізден үлкен адамдар көмектеседі.
Балықтар
Бүгін алаяқтарға алданып қалудан сақ болыңыз. Орталарыңызда біреу өз міндеттерін білмей, сізге жауапкершілік жүктеуі мүмкін.

Жұлдыздар не дейді?

<a href="https://kyzylorda-news.kz/">Kyzylorda-news.kz.</a> Тағы бір жыл аяқталуда. Алдымыздағы 2020 жылы міндетті әлеуметтік медициналық сақтандыру жүйесін жаппай енгізудің бастапқы кезеңі алдымызда тұр. Жауапты кезең қарсаңында журналистер мен&nbsp; блогерлер оқырмандар мен көрермендерге міндетті әлеуметтік медициналық сақтандыру тақырыбын жариялау үшін «Баршаға қолжетімді медицина» шығармашылық байқауының аясында өз материалдарын ұсынады.
Мақсаты – денсаулық сақтау саласында қоғамның, мемлекеттің және бизнестің ортақ жауапкершілігі идеясын ілгерілетуге ықпал ету, медицина қызметкерлерінің мәртебесін көтеру, халықты тегін медициналық көмектің кепілдік көлемі мен міндетті әлеуметтік медициналық сақтандыру туралы хабардар ету.
Қызылорда облысының бірқатар журналистері байқауға қатысуға ниет білдірді. Олар өздерін қызықтырған мәселелерімен әлеуметтік медициналық сақтандыру қорының филиалына жүгінді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Филиал директоры Руслан Бектубаевтың айтуынша, байқауға республикалық және өңірлік деңгейдегі барлық қазақстандық БАҚ-тың штаттық, штаттан тыс қызметкерлері және тәуелсіз авторлар қатыса алады.&nbsp; Байқауына қатысушылардың әр номинацияға бірнеше өтінім беруге мүмкіндігі бар. Байқау жұмыстары қазақ және орыс тілдерінде қабылданады.
Байқауды өткізу мерзімі: 2019 жылдың 14 қарашасы мен 14 желтоқсаны аралығы.
Барлық БАҚ өкілдерінің Әлеуметтік медициналық сақтандыру қорының байқауына қатысуға шақырамыз. Қатысуға ниет білдіргендер бізге хабарласыңыз немесе жеке парақшаға жазуыңызды сұраймыз. Байланыс телефондар: 8 /7242/ 29-05-69, 8 705 787 08 70.
<img src="https://kyzylorda-news.kz/wp-content/uploads/2019/11/21ahanova2.jpg" alt="" />
<img src="https://kyzylorda-news.kz/wp-content/uploads/2019/11/21ahanova3.jpg" alt="" />
<img src="https://kyzylorda-news.kz/wp-content/uploads/2019/11/21ahanova4.jpg" alt="" />

Қызылордалық журналистер МӘМС филиалының жұмысымен танысты

<a href="https://kyzylorda-news.kz/">Kyzylorda-news.kz.</a> ҚР Білім және ғылым министрлігінде облыстардың білім басқармалары басшыларының қатысуымен балалардың қауіпсіздігін қамтамасыз ету мәселесі бойынша кеңес өтті, деп хабарлайды <a href="http://lenta.inform.kz/kz/mektepterde-beynebakylau-zhuyesine-zhauapty-kyzmetker-bekitiledi_a3587521">ҚазАқпарат</a>.
Ведомство мәліметінше, кеңес барысында жергілікті атқарушы органдар әрдайым орындай бермейтін қолданыстағы нормативтік құжаттарда көзделген қауіпсіздік шаралары аталып өтілген.
Олар:
1. ҚР БҒМ және ІІМ-нің бейнебақылау жүйесі арнайы бөлінген үй-жайда немесе орталықтандырылған күзет бекетінде (бар болса) орнатылатын «Мектепке дейінгі және орта білім беру ұйымдарын бейнебақылау жүйелері мен жарақтандыруға қойылатын стандарттар мен талаптарды бекіту туралы» бірлескен бұйрығы. Ақпараттың сақталу мерзімі – 30 тәуліктен кем емес.
2. Бейнебақылау жүйесін орнату және жұмыс істеуі негізге алынған ҚР БҒМ-ның «Мектепке дейінгі және орта білім беру ұйымдарын, сондай-ақ, арнайы білім беру ұйымдарын жабдықтармен және жиһазбен жарақтандыру нормаларын бекіту туралы» бұйрығына сәйкес бейнебақылау жүйесін міндетті орнату қарастырылған.
Осыған байланысты, өңірлік білім басқармаларына келесі міндеттерді атқару қажет:
– біріншіден, нормативтік талаптарға сәйкес келетін бейнебақылау жүйелерімен барлық білім беру ұйымдарын қамтамасыз ету бойынша шаралар қабылдау; Балалардың білім беру ұйымдарында болу кезеңінде штаттан тыс жағдайларда уақытылы әрекет ету үшін сабақ кестесіне, секциялар мен үйірмелерге сәйкес бейнебақылау жүйесіне жауапты қызметкер белгілеу;
– екіншіден, барлық мектепке дейінгі және орта білім беру ұйымдарының бейнебақылау жүйесін Ішкі істер органдарының жедел басқару орталығына қосу мәселесін көтеру;
– үшіншіден, мектептер мен балабақшалар аумағында өткізу пунктімен қамтамасыз ету бойынша шаралар қабылдау; білім беру ұйымдарының жарғыларында бөгде адамдардың, оның ішінде балалардың ата-аналары мен заңды өкілдерінің, олардың жақындары мен туыстарының болу тәртібін қарастыру, осы мәселелерді білім беру ұйымдарының ата-аналар және қамқоршылық кеңестерімен талқылау;
– төртіншіден, білім беру ұйымдарының аумағын сәулет, қала құрылысы және құрылыс саласындағы мемлекеттік нормативтердің талаптарына сәйкес барлық шеңбер бойынша қоршаумен қамтамасыз ету;
– бесіншіден, міндетті талаптарға жауап беретін білім беру ұйымдарының ғимараттарында жылы дәретханаларды жабдықтау үшін жоспарды бекіту және қаражат бөлу;
– алтыншыдан, облыс орталықтарының, қалалық және басқа да ірі білім беру ұйымдарының жағдайында білім беру ұйымдарында арнайы күзет қызметіне рұқсат бере отырып, олардың жұмысын үйлестіруді ескеру міндетті;
– жетіншіден, балалардың қауіпсіздік шараларын қамтамасыз ету және күшейту бойынша нұсқаулықтың орындалуын қамтамасыз ету.
<blockquote>
 «Білім беру қызметкерлерінің тамыз кеңесіндегі ұсынымдарын іске асыру аясында білім беру ұйымдарын спорт залдармен және жылы дәретханалармен қамтамасыз ету бойынша шаралар атқарылуда. Аталған мәселелерді шешу жолдары ҚР Білім және ғылымды дамытудың 2020-2025 жылдарға арналған жаңа мемлекеттік бағдарламасын әзірлеу барысында қарастырылуда», – деп атап өтті министрлік.
</blockquote>

Мектептерде бейнебақылау жүйесіне жауапты қызметкер  бекітіледі

<a href="https://kyzylorda-news.kz/">Kyzylorda-news.kz.</a> Қаптамасындағы «ҚМДБ халал» таңбасы KFC-дің сертификатты қайта алғанын білдірмейді, деп хабарлайды Қазақстан мұсылмандары Діни басқармасы.
<blockquote>
 «Халал өнімдерін стандарттау бөлімі 2018 жылдың 12 желтоқсанында The Caspian International Restaurants Company компаниясына тиесілі KFC ресторандар желісіне берілген «ҚМДБ халал» сертификатын қайтарып алған болатын. Басты себеп – «ҚМДБ халал стандарты» талаптарының сақталмауы. Аталған компанияның Алматы қаласындағы басшылығына KFC ресторандар желісі ғимараттарынан сертификатты және «ҚМДБ халал» таңбасын өнімдерінен алып тастау және қолданбау жөнінде ескерту хаты жолданған болатын. Осы мәселе бойынша, «Халал Даму» ЖШС-ның өңірлердегі жауапты өкілдері тарапынан да бірнеше рет тексеріс жұмыстары жүргізілді», – делінген&nbsp; хабарламада.
</blockquote>
Дегенмен, The Caspian International Restaurants Company-дің «ҚМДБ халал» таңбасын әлі де өз өнімдерінің қаптамаларында пайдаланып келгендігі анықталып отыр.
<blockquote>
 «Олай дейтін себебіміз, бізге тұтынушылар тарапынан келіп жатқан толассыз арыз-шағымдар мен хаттар, фотодеректер бар. Қазақстан мұсылмандары діни басқармасына қарасты Халал өнімдерін стандарттау бөлімінің мақсаты – халал өнімді талапқа сай ұсыну. Жауапкершілік пен сенімді өз деңгейінде атқару. Бұл – бізге жүктелген міндет. «Халал Даму» мен The Caspian International Restaurants Company KFC мекемесі арасында сертификаттауға қатысты қайта келісімшарт жасалмағанын хабарлай отырып, KFC өніміндегі қаптамадағы «ҚМДБ халал» таңбасы халал сертификатын қайта алғанын білдірмейді», – дейді баспасөз қызметі.
</blockquote>
<a href="https://www.kfc-kazakhstan.kz/halal-info">Kkfc-kazakhstan.kz</a>&nbsp;сайтында «Қазақстандағы KFC мейрамханалары тек халал өнімдермен жұмыс істейтіндігін мәлімдейді» деп жазылған. Ондағы мәліметке сүйенсек, KFC Қазақстан командасы 2018 жылдың 11 желтоқсанынан бастап «Қазақстанның Халал Индустриясы Қауымдастығы» ЗТБ Халал сертификаттау жөніндегі Халықаралық органымен ынтымақтастықта жұмыс жүргізеді.
Десе де, ҚМДБ «халал стандарты» бір жылда жаңартылып отыруы керектігін, аталмыш компания ол сертификатты жаңартпағанын хабарлайды.
<img src="https://kyzylorda-news.kz/wp-content/uploads/2019/11/21kfc2.jpg" alt="" />
<img src="https://kyzylorda-news.kz/wp-content/uploads/2019/11/21kfc3.jpg" alt="" />
<img src="https://kyzylorda-news.kz/wp-content/uploads/2019/11/21kfc4.jpg" alt="" />

KFC-ге берілген «ҚМДБ халал» сертификаты қайтарып алынды

<a href="https://kyzylorda-news.kz/">Kyzylorda-news.kz.</a> Қазақстанның қалаларында есірткінің жасырын жарнамасы бар сегіз баннер анықталды, деп хабарлайды&nbsp;<a href="https://stan.kz/kazakstanda-esirtki-zharnamasi-bar-8-banner-aniktaldi-324462/">Stan.kz</a>.
Ведомствоның хабарлауынша, әлеуметтік желілерде есірткіні тарату сайтына жіберетін баннерлер туралы ақпарат пайда болды. Осыдан кейін полиция тексеру жүргізді, нәтижесінде сегіз баннер анықталып, бөлшектелді. Олардың жарнамалық компанияның тапсырысымен орнатылғаны атап өтілді.
<blockquote>
 «Баннер жарнамаларын тапсырыс беруге және орналастырумен айналысатын адамдар анықталды, оларды ұстау және жауапкершілікке тарту шаралары қабылдануда. ІІМ Есірткі қылмысына қарсы күрес департаменті жарнама бизнесінің қатысушыларына және полиграфиялық қызметтер компанияларына есірткіге қарсы заңнаманың сақталуы үшін тапсырыстар мен өнімдерді міндетті түрде тексеру қажеттілігі туралы ескертеді», – деп атап өтті ішкі істер министрлігінде.
</blockquote>
Ақпараттық-коммуникациялық жүйелердің дамуымен есірткіні Интернет-ресурстар арқылы сату және жылжыту кеңейе түскені атап өтілді. Ішкі істер министрлігінің мәліметінше, жыл басынан бері арнайы топтар есірткі тарататын бес мыңнан астам сайтты анықтап бұғаттаған. Заңнаманы бұзған жағдайда, есірткі заттарын анық және жасырын жарнамалау фактілерін анықтаған қазақстандықтардан WhatsApp арқылы хабарлауды сұрайды.
Нөмірлер&nbsp;ІІМ порталында және облыстық полиция басқармаларының ішкі порталдарында жарияланған.

Қазақстан және Қызылорда облысының жаңалықтары: Қоғам