Kyzylorda-news.kz. А.Тоқмағамбетов атындағы мәдениет үйінде облыстық «Сыр бойы» және «Кызылординские вести» газеттерінің 90 жылдығы аясында “Заманауи медиа кеңістіктегі аймақтық баспасөздің маңызы мен рөлі” атты облыстық ғылыми-тәжірибелік конференция өтуде. Салтанатты шарада қос басылымның 90 жылдық мерейтойына орай серіктестік қызметкерлері марапатталды.
Облыстың Құрмет грамотасы:
1. Ақсақалов Жолдасбек Әленұлы –облыстық «Сыр бойы» газетінде 36 жылдан бері табан аудармастан еңбек етіп келеді. Еңбек жолын корректорлықтан бастаған ол газет жұмысының барлық сатыларынан өткен. 2010-2012 жылдары «Сыр бойы» газетінің бас редакторы болған. Қазіргі таңда газеттің экономика бөлімінің меңгерушісі. Қазақстан Журналистер одағының мүшесі. Бірнеше публицистикалық кітаптардың авторы.
<ol start="2">
<li>Жакибаева Гүлмира Ақтілекқызы – облыстық «Кызылординские вести» газетінде 2000 жылдан бері қызмет атқарып келеді. Еңбек жолын облыстық газеттің кіші тілшілігінен бастаған ол бүгінде «Экономика» бөлімінің аға тілшісі. 2017 жылы «Ауыл шаруашылығы саласындағы жылдың үздік журналисі» атанған.</li>
<li>Шегенбаева Айгүл Жолайқызы –еңбек жолын 2009 жылы «Сыр бойы» газетінің есепші-кассирі қызметінен бастаған. Кейін, 2010 жылы «Сыр медиа» серіктестігі құрылғанда медиахолдингтің есепшісі қызметіне ауысқан. Қазіргі таңда «Сыр медиа» жауапкершілігі шектеулі серіктестігінің аға есепшісі.</li>
</ol>
Облыс әкімінің Алғыс хаты:
<ol>
<li>Өтешова Гүлмира Төлебайқызы – облыстық «Сыр бойы» газетінде 30 жылдан бері еңбек етіп келеді. Осы жылдар аралығында басылымның көркемдік жағынан сапалы шығуына зор еңбек сіңіріп келе жатқан ол бүгінде аталған облыстық басылымның компьютер орталығының дизайнері.</li>
<li>Алдамжарова София Үрістембекқызы – «Кызылординские вести» газетіндегі еңбек жолын 2000 жылы дизайнерліктен бастаған. Кейін осы басылымда жауапты хатшы, түрлі бөлімдерде тілші қызметін атқарған. Бүгінде аталған облыстық газеттің аға тілшісі. 2010, 2012 жылдары «Қанатты қалам» фестивалінің жеңімпазы атанған.</li>
</ol>
3. Көшербаев Сәбит Сәйпенұлы – «Сыр медиа» жауапкершілігі шектеулі серіктестігінде 2011 жылдан бастап еңбек етіп келеді. «Сыр медиа» ЖШС-да Ақпараттық талдау орталығының, Жарнама бөлімдерінің басшысы қызметтерін атқарған ол бүгінде медиахолдингтің Әкімшілік бөлімінің шаруашылық жөніндегі бас маманы болып жұмыс жасайды. Сондай-ақ, ол әр жылдары мемлекеттік қызмет саласында түрлі лауазымдарды атқарған.
<ol start="4">
<li>Қарапаева Айсауле Сағатбекқызы – «Сыр бойы» газетінде 2010 жылдан бері тілшілік қызмет атқарады. Осынау 10 жылдың ішінде оның есімі оқырмандарына экономика тақырыбына төселген журналист ретінде танылды. Қазақстан Журналистер одағының мүшесі.</li>
<li>Скорняков Виталий Владимирович – облыстық «Кызылординские вести» газетінде 2006 жылдан бері еңбек етіп келеді. Еңбек жолын дизайнерліктен бастаған ол 2018 жылдан бастап аталған облыстық газеттің компьютер орталығының меңгерушісі.</li>
</ol>
Қазақстан Республикасының Журналистер одағының төрағасы Сейітқазы Бейсенғазыұлы Матаевтың марапаты:
«Қазақстанның құрметті журналисі» атағы:
1. Мырзахметұлы Қайырбек – ардагер-журналист. Облыстың бас басылымы «Сыр бойы» газетінде 50 жылға жуық қызмет еткен. Еңбек жолын қарапайым хат тіркеушіден бастап, бөлім меңгерушісі қызметіне дейін көтерілген. 85 жастағы ардагер ағамыз бүгінгі таңда өзінің сүйікті басылымынан қол үзбей, оқырмандарын ескірмейтін естелік, ойлы очетерімен қуантып келеді.
2. Қасымов Тимур Равильұлы – облыстық «Кызылординские вести» газетінде 40 жыл бойы еңбек етіп, биылғы жылы зейнеткерлікке шыққан. Еңбек жолын тілшіліктен бастаған ол соңғы 11 жылда облыстық «Кызылординские вести» басылымының бас редакторы қызметін атқарған. Қазақстан Республикасы Құрмет Грамотасымен марапатталған.

Қос басылымның 90 жылдық мерейтойына орай серіктестік қызметкерлері марапатталды

<a href="https://kyzylorda-news.kz/">Kyzylorda-news.kz.</a> А.Тоқмағамбетов атындағы мәдениет үйінде облыстық «Сыр бойы» және «Кызылординские вести» газеттерінің 90 жылдығы аясында “Заманауи медиа кеңістіктегі аймақтық баспасөздің маңызы мен рөлі” атты облыстық ғылыми-тәжірибелік конференция өтуде. Салтанатты шарада облыс әкімі Қуанышбек Ысқақов “Сыр медиа” ЖШС-не автокөлік кілтін табыстады.&nbsp;
Мемлекеттік мүддені қалың көпшілікке жеткізіп, қоғамдағы өзгерістерге сай көзқарас қалыптастыруда аймақтық медианың маңызы зор. Осы орайда облыстағы бірнеше басылымды бір шаңырақ астына топтастырған «Сыр медиа» серіктестігі елдік асыл мұраттарға қызмет ету жолында сенім биігінен түскен емес.
Он жылға жуық тарихы бар медиабірлестік құрамында әуелгі жылдары бір өзеннің қос саласындай қатар өрілген «Сыр бойы» және «Кызылординские вести» газеттері болды. 2013 жылы оған қалалық, аудан­дық ресми басылымдар қосылып, жұмыс ауқымы кеңейді. Облыс әкімдігінің қол­дауы нәтижесінде содан бері «Сыр медиа» еліміз бойынша өз өнімін өз баспаханасынан шығарып, өзі тарататын іргелі ұйымға айналды.
«Сыр медиа» ЖШС мем­лекеттік саясатты, республика мен өңір жаңалықтарын ха­лық­қа дер кезінде мазмұнды түрде жеткізу қызметін қа­зіргі заман талаптарына сәй­кес жаңашылдықпен жүр­гі­зіп келеді. Бүгінде бар­лық басы­лымның сайттары, сондай-ақ 2011 жылы ашылған «Kyzylorda-news.kz» ақпарат агент­тігі саясат, экономика, білім беру, денсаулық сақтау, спорт, мәдениет және өзге де салалар бойынша қоғамның тыныс-тіршілігі туралы оқыр­манға жедел әрі сенімді ақпарат таратуды жолға қойды. Оның ішінде аймақ жылнамашысы болған қос аға басылымның веб-сайттары өз аудиториясын қалыптастырып үлгерді. Журна­листер де жаңа медиа мүмкіндіктерін тиімді пайда­лануға машықтанды. Мұның бәрі медиахолдинг жұ­мысының жүйеленгенін көр­сетсе керек.
Бүгінде 500-ден астам адам еңбек ететін «Сыр медиа» серіктестігі ел игілігіне жарайтын бастамаларымен қалың бұқараға жақсылықтың жаршысы, ұлағатты істердің ұйытқысы ретінде белгілі.

Аймақ басшысы &#8220;Сыр медиа&#8221; ЖШС-не автокөлік кілтін табыстады

<a href="https://kyzylorda-news.kz/">Kyzylorda-news.kz.</a> А.Тоқмағамбетов атындағы мәдениет үйінде облыстық «Сыр бойы» және «Кызылординские вести» газеттерінің 90 жылдығына арналған шаралар басталды. «Заманауи медиа кеңістіктегі аймақтық баспасөздің маңызы мен рөлі» атты облыстық ғылыми-тәжірибелік конференцияға облыс әкімі Қуанышбек Ысқақов қатысуда.&nbsp;
Аймақ басшысы алдымен Сыр елінің тарихымен біте қайнасқан қос басылым – «Сыр бойы» және «Кызылординские вести» газеттерінің 90 жылдық мерекесімен құттықтады.
<blockquote>
 «Мемлекеттік-ақпараттық саясаттың салмақты жүгін арқалап, бір өзеннің қос саласындай қатар өрілген байырғы басылымдарды дәуір дерегінің жаршысы деуге болады. Сондықтан қаламгерлер қауымына, қос бірдей басылымның шығармашылық ұжымына бүгінгі мерейтойларыңыз құтты болсын! «Тәуелсіз Қазақстан – біздің ең қымбат, ең асыл құндылығымыз. Сол құндылықты қорғау һәм қадірлеу секілді мәртебелі миссияны жүзеге асыруда бұқаралық ақпарат құралдарының алар орны ерекше» деген болатын Елбасы Нұрсұлтан Әбішұлы Назарбаев. Демек, мемлекет мүддесінің қорғаушысы саналатын сала өкілдерінің басы қосылған бүгінгі мерекенің маңызы зор», – деді облыс әкімі.
</blockquote>
Айта кету керек, мерекелік шаралар легі фототілшілер Болат Омарәлиев, Игорь Титенок және Нұрболат Нұржаубайдың еңбектерінен дайындалған «Суреттер сыр шертеді» атты көрмеден бастау алды. Сондай-ақ, бүгін «Атыңнан айналайын, Атамекен!» атты қос газеттің 90 жылдығына арналған ақындар мүшәйрасының жеңімпаздары марапатталатын болады.
<img src="https://kyzylorda-news.kz/wp-content/uploads/2019/11/28bastaldy2.jpg" alt="" />

«Сыр бойы» және «Кызылординские вести» газеттерінің 90 жылдығына арналған шаралар басталды

Құрметті қызылордалықтар!
Сіздерді Алашқа ана, талайға пана болған қасиетті Сыр елінің байырғы басылымдарының 90 жылдық мерейтойымен құттықтаймын!
Ұлттық рух жаршысына айналған, елдің рухани-мәдени әлеуетінің дамуына және әлеуметтік-экономикалық дамуын ақпараттандыруға зор үлес қосып, ұлт руханиятының өркендеуіне қызмет етіп жүрген аға басылымдарға &nbsp;– «Сыр бойы» мен «Кызылординские вести» газеттерінің жарық көргеніне – 90 жыл. &nbsp;
Ғасырға жуық тарихы бар басылымдар елдің сөзін сөйлеп, атқарушы билік пен халық арасында дәнекер болып, талай майталман қаламгерлер, ақын-жазушылар, белгілі журналистердің еңбек еткен қара шаңырағына айналды.
Сыр елінің сенімді рухани серігіне айналған қос басылымдарда қаламы қарымды ел ағаларының сара жолы жатыр. Қос газет 90 жылдың ішінде адамның санасына зерделі ой, өнегелі тәрбие қалыптастырып, өз оқырмандарына рухани азық бере білді. Сондықтан, «Сыр бойы» мен «Кызылординские вести» газеттері ақпарат ағыны толас таппайтын заманда бәсекелестіктің бәсін жеңіп, өзінің сындарлы қалпын сақтап, биік белестерден көріне беретініне сенеміз.
Құрметті жерлестер!
Сіздерді «Сыр бойы» мен «Кызылординские вести» аға басылымдарының айтулы мерейтойымен тағы да құттықтаймын!&nbsp;
Қос басылым ұжымының мемлекеттік ақпараттық саясатты насихаттауда, ұрпақты еңбекке, шығармашылыққа баулуда өлшеусіз еңбегіне сәттілік, береке-бірлік тілеймін!&nbsp;
Сыр елінің ақпарат ағынындағы «Сыр бойы» мен «Кызылординские вести» басылымдарының 90 жылдық мерейтойы – Сыр халқына ортақ той!&nbsp;
Баршамызға құтты болсын!
Құрметпен,
облыс әкімі Қуанышбек ЫСҚАҚОВ.

Қызылорда облысының әкімі қос газетті 90 жылдық мерейтойымен құттықтады

<a href="https://kyzylorda-news.kz/">Kyzylorda-news.kz.</a> Қазақстан Республикасының Мемлекеттік хатшысы&nbsp; Қырымбек Көшербаев «Сыр бойы» және «Кызылординские вести» газеттерінің 90 жылдық мерейтойымен құттықтады.
&nbsp;«Сыр бойы» және «Кызылординские вести» газеттерінің ұжымдарына
Құрметті газет редакцияларының ұжымы!
Сіздерді облыстық «Сыр бойы» және «Кызылординские вести» газеттерінің жарық көргеніне 90 жыл толған торқалы тойларыңызбен шын жүректен құттықтаймын.
Алты Алаштың анасы саналған Сыр өңірінің тыныс-тіршілігін халыққа жеткізіп келе жатқан қос басылымның тарихы тереңде жатыр. Аталған ата басылымдар Қызылорда жүртшылығына ғана емес, еліміздегі көзі қарақты оқырман қауымға етене таныс. Қос газет ғасырға жуық уақытта аймақтың жарқын жетістіктері мен жасампаз істерін тасқа басып, өлкенің жылнамасын жасауға еңбек сіңіріп келеді.
Байырғы басылымдар өскелең ұрпаққа өнеге көрсетер тәрбие құралы және жас дарынды қанаттандыратын шығармашылық шеберхана 
ретінде де ерекшеленеді. Осының арқасында қасиетті құтхана ұлт зиялыларының бірнеше буынының тұлға болып қалыптасуына игі ықпалын тигізді.
Облыс өмірінен жан-жақты ақпарат беріп отырған «Сыр бойы» және «Кызылординские вести» газеттерінің редакция ұжымдары алдыңғы буын салып кеткен кәсіби сара жолды абыроймен жалғастырып, талғамы биік оқырман сұранысын қанағаттандырып, сапалы дүниелерімен сусындатып келе жатқаны қуанышты жайт.
Қызылорда облысының қос басылымында қажырлы қызмет еткен ардагерлер мен бүгінгі жас буынды және газеттер оқырмандарын айтулы 90 жылдық мерейтоймен құттықтай отырып, баршаңызға еңбекте табыс, шығармашылық шабыт, отбасыларыңызға бақыт тілеймін!
Құрметпен,
Қазақстан Республикасының Мемлекеттік хатшысы&nbsp; Қырымбек КӨШЕРБАЕВ

Қырымбек Көшербаев қос басылымның мерейтойымен құттықтады

<a href="https://kyzylorda-news.kz/">Kyzylorda-news.kz.</a> ҚР ДСМ Қоғамдық денсаулық сақтау ұлттық орталығы екпе алудың алты негізгі себебін атап өтті, деп хабарлайды&nbsp;<a href="https://sn.kz/densaulyk/62544-ekpe-aludyn-6-negizgi-sebebi">Skifnews.kz</a>.&nbsp;
Иммундау адам өмірін құтқарады&nbsp;
Балалардың жоспарлы иммундауы енгізілгенге дейін инфекциялық аурулар әлемде болатын балалар өлімінің жетекші себептерінің бірі болған еді. Мысалы, бүкіл әлемде балалар өлімінің жетекші себептерінің бірі болып саналатын қызылша ауруынан 2003 жылы Еуропа елдерінде 4,5 мыңнан аса баланың өмірі қиылды. Дүниежүзілік денсаулық сақтау ұйымының деректері бойынша, қызамық жыл сайын шамамен 300 мыңнан астам баланы мүгедек қылуда.&nbsp;
Инфекциялық аурулардың таралуы үнемі күрделі қауіп төндіреді
Дифтерия.&nbsp;Бұл мыңдаған адамның өмірін жалмаған ауру Еуропада ХХ ғасырдың бірінші жартысында кеңінен тарала бастады. 60-шы жылдардан бастап балаларды жаппай дифтериялық анатоксинмен иммундау аурудың бірден төмендеуіне әкелді, ал 70-80 жылдары дифтерия сирек кездесетін ауруға айналды.
Қызамық.&nbsp;Соңғы жылдары Еуропа өңірінің елдері ірі және кездейсоқ пайда болатын аурулармен, әсіресе қызылшамен күресуге мәжбүр болуда. 2017 жылдан бастап қызылшаның таралуы &nbsp;Аустрия, Болгария, Германия, Италия, Ирландия, Нидерланд, Біріккен Әмірлік, Франция және Швейцария, &nbsp;Украина, Ресей, Қазақстанды қоса, көптеген Еуропа елдерінде тіркеле бастады, өйткені бірнеше жылдарда вирус келгеннен кейін ауруға шалдыққан адамдар тобы кеңінен және жылдам тарай бастады.&nbsp;
Инфекциялық аурулар көптеген өмірлерді әкетуде, сонымен қатар, көп адамдарды мүгедек қылуды жалғастыруда;
Вакцинамен ескертілетін ауруларды жеңуге және жоюға болады;
Бүкіл әлемде жыл сайын 5 миллионнан аса адам көз жұмған шешек ауруы толығымен 1978 жылы жойылды, және бүгінгі таңда бұл індет жайында барлығы ұмытқан.&nbsp;
2002 &nbsp;жылы Қазақстан Республикасы полиомиелиттен азат мемлекет ретінде Дүниежүзілік денсаулық сақтау ұйымынан сертификат алған.&nbsp;
Иммундау экономикалық шығындар тұрғысынан өте тиімді шара болып табылады
2002-2003 жылдары Батыс Еуропада таралған қызылша ауруымен байланысты шығындарды талдау барысында жүргізілген бағалауларға сәйкес, тікелей кеткен шығыстар 9,9-12,4 миллион евроны құрады, бұл 95% қамтылу деңгейінде екі вакцина дозасымен 1 358&nbsp;100 баланы вакцинациялау үшін қажетті сомаға тең.&nbsp;
Әр бала вакцинация алуы тиіс
Сіреспе сияқты басқарылатын инфекциядан ұжымдық иммунитет есебінен қорғану мүмкін емес, өйткені бұл ауру сіреспе таяқшаларының өзегі &nbsp;орналасқан шаң арқылы беріледі. Егер Сіздің балаңыз сіреспеге қарсы екпе алмаған болса, онда басқа балалардың екпе алғаны не алмағаны маңызды емес – балаңыз бәрібір аурудан қорғалмаған болып саналады.

Екпе алудың 6 негізгі себебін білесіз бе?

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақовтың қатысуымен қайырымдылық жасаушылар мен меценаттардың III облыстық форумы өтті. Шара аясында «Қайырымдылық балалар көзімен» суреттер көрмесі мен «Қайырымдылықтың озық тәжірибелері» ақпараттық стенді ұсынылды.
Аймақта &nbsp;жыл басынан бері жомарт жандардың қолдауымен 686 қайырымдылық шарасы ұйымдастырылған, нәтижесінде 40 520 мұқтаж жанға 514,7 млн теңгенің көмегі көрсетілген. Сонымен қатар, Қазақстан халқы Ассамблеясының бастамасымен қайырымдылық жасаушы меценаттарды насихаттау, қолдау жүйесі жұмыс істеуде. «Үлкен ел – үлкен отбасы» жалпыұлттық жобасы шеңберінде «20 игі іс» акциясы, «Тайқазан» эстафетасы, «Қайырымды ел» жобалары сәтті өткізіліп, «Қамқор» акциясы аясында Ұлы Отан соғысы және еңбек, тыл ардагерлеріне көмек беру жұмыстары тұрақты түрде жүргізіліп келеді. Сондай-ақ, Ұлы Даланың дәстүрлеріне негізделген «Қайырымдылық керуені» жалпыұлттық науқаны халықтық қолдауға ие болуда.
<blockquote>
 &nbsp;«Қайырымдылықты жанына жалау етіп, аймақтың өркендеуіне үлес қосып жүрген азаматтар туралы «Қайырымдылықтың алтын кітабын» әзірлеуіміз қажет. Себебі, өскелең жас ұрпаққа аға буын азаматтардың ел үшін жасаған еңбектерін, толымды жетістіктерін үлгі ету баршамызға ортақ міндет», – деді облыс әкімі Қуанышбек Ысқақов.
</blockquote>
Апат айтып келмейді. Түркістан облысы, Арыс қаласының әскери бөлімінде орын алған төтенше жағдай бейқам отырған жұртты баспанасыз қалдырды.
<blockquote>
 &nbsp;«Қабырғасы қайысқан қазақстандықтар жедел көмек көрсету мақсатында апат орын алған Арыс маңынан табылды. Қысылтаяң&nbsp; сәтте бір үдеден табылатын адами қасиеттің, ең бастысы елдіктің, береке мен бірліктің белгісін танытты. Арыстықтардың иығына түскен ауыртпалық барша елдің басын біріктіре, топтастыра түсті. Арыстықтарға риясыз пейілмен көмек білдірген шынайы қолдаушылардың қатарында Қызылорда облысының халқы да болды. Оқиға туралы хабар тараған сәттен бастап арнайы штаб құрылып, зардап шеккен тұрғындарға гуманитарлық көмек көрсету жұмыстарын қолға алды. Облыстық Қазақстан халқы Ассамблеясының белсенділері де 1 млн теңгеге жуық қаржылай және материалдық көмек көрсетті», – деді аймақ басшысы.
</blockquote>
Форуым аясында қайырымдылық көрсетіп жүрген бірқатар азаматтар «Жылдың қайырымды адамы», «Денсаулық сақтау саласына қолдау көрсеткені үшін»,&nbsp; «Жыл меценаты», «Аймақтың өркендеуіне қосқан үлесі үшін», «Спортты дамытып, оны қолдағаны үшін», «Жылдың қайырымды компаниясы»,&nbsp; «Ардагерлерге көрсеткен құрметі үшін», «Отбасыларды қолдауға қосқан үлесі үшін», «Жыл еріктісі», «Мүмкіндігі шектеулі жандарға көрсеткен қамқорлығы үшін» номинациялары бойынша марапатталып, облыс әкімінің Алғыс хаттары табысталды.

Қызылордада қайырымдылық жасаушылар мен меценаттардың III облыстық форумы өтті

<a href="https://kyzylorda-news.kz/">Kyzylorda-news.kz.</a> Аймақ аттас басылым – «Кызылординские вести» газетінің 90 жылдық кезеңін сараласақ, көп дүниені, атап айтқанда, облыстағы баспасөз тарихын, сарғайған парақтарда қатталған тағылымды, бүгінгі медиадағы дәстүр сабақтастығын көз алдыңызға әкеледі. Бұл – Алашқа ана, талайға пана болған қасиетті өңірдің өмір бүлкілімен біте қайнасып жатқан қазыналы шежіре.
Өткен ғасырда «Ленинский путь» атты шағын газеттерден бастау алған басылым осынау жылдар ішінде қызығы мен қиындығы мол үлкен жолдан өтті. Газет «Путь Ленина» болып шыққан әр жылдары қызылордалықтардың ел ырысын молайту жолындағы ерен еңбегінің насихатшысы болды.
«Кызылординсике вести» газетінің тарихы 1930 жылдың 1 қаңтарынан бастау алады. Дәл осы күні Қызылорда қаласында «Ленинский путь» газетінің бірінші саны жарық көрді.
Бұл басылым да алғашқыда партия, кеңес және округтік комитеттердің ресми органы саналды.
Округтік комитеттің «Ленинский путь» газетінің жарыққа шығуы Қызылорда округтік комитеті партиясының бірінші хатшысы, қоғам және мемлекет қайраткері Абдолла Розыбакиевтің идеясымен жүзеге асты.
Басылымның алғашқы редакторы болып В. Клопотюк тағайындалды.
Бұл газет өз тарихында бірнеше рет жабылып, қайта ашылуымен оқырмандардың ерекше есінде қалды. Басылым алғашқы рет 1930 жылдың 15 қыркүйегінде округтердің жойылып, жаңа аудандық бөліністің пайда болуымен жабылған.
Екі жылдық үзілістен соң, 1932 жылдың 23 қазанында «Ленинский путь» газетін қайта жарыққа шығару туралы шешім қабылданады. Басылым сол уақытта не бары 250-300 данамен ғана жарыққа шығады.
1933 жылдың 2 ақпанында облыстық екі газетті ұстап тұруға қаржының жеткіліксіздігіне байланысты орыс тілді басылымды жабу туралы бұйрық шығады.
1938 жылы жаңадан құрылған облыс орталығының әкімшілігі Қызылорда қаласы болып бекітілуіне байланысты, облыстық комитеттің бюросы екі тілде газет шығаруды қолға алады. Қазақ тілінде бұрыннан жарық көріп келе жатқан «Ленин туы» газетінің атауы «Ленин жолы» болып өзгертіледі де, ал, орыс тілінде бұрын жабылып қалған «Ленинский путь» газеті қайтадан ашылады. Сол 1938 жылы «Ленинский путь» газетінің таралымы бұрын-соңды болмаған 8700 данаға жетіп, газет тек Қызылорда облысына ғана емес, Мәскеу, Ленинград, Куйбышев, Оренбург секілді қалаларға дейін тарайды. Дәл осы жылдары «Ленинский путь» газетінің атағы бүкіл КСРО-ға жайылды.
1964 жылы республикадағы әкімшілік-территориялық өзгерістерге байланысты газет уақытша жабылып, 1965 жылдың 2 наурызында қайта ашылған. Осы күні газеттің таралымы 13000 данамен таралып, «Путь Ленина» деген жаңа атаумен жарық көрді.
1975 жылы 3 маусымда газеттің 10 мыңыншы данасы жарыққа шықты. Басылым сол жылы Қазақ ССР Жоғарғы кеңесінің Құрмет Грамотасымен марапатталды.
Ал, 1980 жылдың 22 қаңтарында газеттің жарық көргеніне 50 жыл толуына орай КСРО Жоғарғы кеңесі Президиумының Жарлығымен «Путь Ленина» газеті «Құрмет белгісі» («Знак Почета») орденімен наградталды. Басылымды аталған орденмен марапаттау туралы Жарлыққа Президиум төрағасы Л. Брежнев, хатшысы М. Георгадзе қол қойған. Газеттің таралымы сол жылдары 18000 данаға дейін жеткен.
1991 жылы Қазақ елі қол жеткізген тәуелсіздікпен бірге, «Путь Ленина» газеті де еркіндікке қол жеткізіп, құлашын кеңге сермеп, жаңаша тыныстай бастады. Сол жылдың күзінде басылым атауы «Кызылординсике вести» болып өзгерді.
Ел егемендігін алып, тәуелсіз мемлекетке айналған, қай өңірге де оңайға соқпаған елең-алаң тұста облысымыздың қайта түлеп, жаңғырып, жаңаруына да газет тілшілері белсене атсалысты. Сол қиын уақыттың салмағын газет журналистері бірге көтеріп, басылымның игі дәстүрлерін сақтап қалды. Ол кезең қазір облыс тарихының жарқын беті ретінде жазылып қалғаны – газет ұжымы үшін үлкен мәртебе.
Бүгінгі таңда аталған басылым тәуелсіздік аясында өркендеген Қазақ елінің іргелі өңірі Қызылорда облысының келешегі зор, берекесі мол бүгіні мен ертеңін жаңа қырынан жазып келеді.
Бір сөзбен айтқанда, бүгінгі «Кызылординские вести» газеті – Елбасы мен Мемлекет басшысының саясатын халыққа жеткізіп отырған, айтар ойы салмақты, заманауи дизайнмен әдіптелген басылым.
<blockquote>
 Ерекше атап өтерлігі – әр жылдары басылымның атауы өзгеріп отырғанмен, қазыналы өмірдің төл газеті бір орында қайырлап, не тұралап қалған жоқ. Талай-талай шыңдалу белестерінен өтті. Қалай аталса да, халықтың көзі мен құлағы, сенімді мінбері бола білді.
</blockquote>
«Kyzylorda-news.kz» ақпарат агенттігінің ұжымы да Сыр елінің ата басылымы «Кызылординские вести» газетінің 90 жылдығымен құттықтай отырып, басылымдағы әріптестерімізге шығармашылық табыстар тілейміз!
<img src="https://kyzylorda-news.kz/wp-content/uploads/2019/11/28kv2.jpg" alt="" />
<img src="https://kyzylorda-news.kz/wp-content/uploads/2019/11/28kv3.jpg" alt="" />
<img src="https://kyzylorda-news.kz/wp-content/uploads/2019/11/28kv4.jpg" alt="" />
<img src="https://kyzylorda-news.kz/wp-content/uploads/2019/11/28kv5.jpg" alt="" />
<img src="https://kyzylorda-news.kz/wp-content/uploads/2019/11/28kv6.jpg" alt="" />
<img src="https://kyzylorda-news.kz/wp-content/uploads/2019/11/28kv7.jpg" alt="" />
<img src="https://kyzylorda-news.kz/wp-content/uploads/2019/11/28kv8.jpg" alt="" />
<img src="https://kyzylorda-news.kz/wp-content/uploads/2019/11/28kv9.jpg" alt="" />
<img src="https://kyzylorda-news.kz/wp-content/uploads/2019/11/28kv10.jpg" alt="" />
<img src="https://kyzylorda-news.kz/wp-content/uploads/2019/11/28kv11.jpg" alt="" />
<img src="https://kyzylorda-news.kz/wp-content/uploads/2019/11/28kv12.jpg" alt="" />
<img src="https://kyzylorda-news.kz/wp-content/uploads/2019/11/28kv13.jpg" alt="" />

«Кызылординские вести» газеті: қасиетті өлкенің қазыналы шежіресі (ФОТО)

<a href="https://kyzylorda-news.kz/">Kyzylorda-news.kz.</a> Уақыт деген ұлы күш тарихқа тағы бір зер салудың сәтін әкелді. Өйткені, аймақ аттас ата басылым – «Сыр бойы» газеті 90 жасқа толды.
Ғасырға жуық ғаламат кезең саралай отырсаңыз, көп дүниені көз алдыңызға жайып бермек. Бұл – Алашқа ана, талайға пана болған қасиетті өңірдің өмір бүлкілімен біте қайнасып жатқан қазыналы шежіре.
Алғашқы саны 1929 жылдың 1 шілдесінде Қызылорда қаласында жарық көрген басылым әдепкіде партия, кеңес комитеттерінің және кәсіпкерлер бюросының органы саналған. Десе де, Жаңақорған, Қармақшы, Қазалы аудандарынан хабар таратып тұрды. Ал, 1930 жылғы 101-санынан бастап біраз уақытқа дейін Қызылорда, Шиелі, Тереңөзек, Аламесек, Қармақшы, Қарсақбай, Қазалы, Арал аудандық партия, кеңес комитеттері одақтарының органына айналды.
Газеттің алғашқы редакторы – фельетонист Жиенғали Тілепбергенов. Ол кісімен кейіндері есімдері жалпақ жұртқа танылған әдебиет сыншысы, жазушы-ғалым Әуелбек Қоңыратбаев, ақын Асқар Тоқмағанбетов, Абдолла Құрманаевтар қызмет істеді. Басылымның беделі көтерілді, таралымы артты. 1932 жылдың қаңтарында газет атауы «Ленин туы» болып өзгертілді. 1938 жылы облыс құрылғаннан кейін 22 наурыздан бастап облыстық «Ленин жолы» газеті деп аталды. Оның 1939 жылдың 2 ақпанындағы №26 (239) санына редактор ретінде М.Сәтбаев қол қойған. Редакцияның мекен-жайы Қызылорда қаласындағы Дзержинский көшесі 10 үй болатын. 1939 жылдар «Ленин жолының» жаңа кезеңге аяқ басу сәттері саналады. Жоғары білімді З.Жарқынбаев, Б.Әлменов, Ж.Құлымбетов сынды қаламгерлердің қызметке келіп, шабыттарын шыңдай түсуі, басылымға өзіндік серпін әкелді. Жылдан жылға беделі артып, оқырманның рухани олжасын толықтырды. Ал, Ұлы Отан соғысы жылдарында «Барлығы да майдан үшін, барлығы да жеңіс үшін!» деген жалпыхалықтық ұранға бұл ұжымның қосқан үлесі аз емес. Сол жылдарда газет бетінде халықтық поэзия жанры кеңінен насихатталды. Халық батырлары туралы мақалалар жиі жарық көрді. Елдің рухын көтеруге аянбай қызмет жасады. Редакцияда қызмет атқаратын біршама журналистер майданға аттанды. Д.Тасекеев, А.Нұрекеев, Б.Әлменов, Ә.Жанұзақов, Қ.Алдоңғаровтар сұрапыл соғыстан абыроймен елге оралса, К.Шоматов, Ә.Аманбаев, Ә.Қарқынбаев секілді журналистер Отан үшін кеудесін оққа төседі. Соғыстан кейінгі жылдары ел еңсесін көтеруге рухани күш-жігер берген газеттің ықпалы аз болған жоқ. Сол жылдары басылым Қызылорда облыстық комитеті мен еңбекшілер депутаттарының облыстық кеңесінің органы саналды. Ол кезде газеттің әр данасы 20 тиын еді. Белгілі ақын Ә.Оңалбаев, М.Киікбаев, Ж.Шакенов. Ж.Құлымбетов, С.Алдабергенов, С.Сейтенов сынды азаматтар редакцияда қызмет етті.
Елуінші жылдардың басында газеттің хабар тарату қызметі, оның ауқымдылық өлшемі өсе бастады. Журналистер одақтағы, республикадағы, облыстағы оқиғаларды кеңінен насихаттады. Әлемде болып жатқан ТАСС хабарлары арқылы газеттің әр санында жарияланды. Облыстық деңгейдегі шараларға басымдық беріліп, ел-жұрт өңірдің тыныс-тіршілігімен кеңінен танысты. Мәселен, ауылшаруашылық жұмыстарын механикаландыру, суландыру жүйелерін реттеу, олардағы кемшіліктерді жою журналистердің жіті назарына алынды. Газетте арнаулы «Әдебиет беті» ашылып, онда жергілікті ақын-жазушылардың еңбектері жарыққа шықты. Сын мен сынаққа да көңіл аударылды. Бұл жылдарда газет оқырмандары Қ.Бөршиев, А.Қойшыбаев, Н.Есімова, М.Қарақонақова, З. Өмірбеков, Ж.Жаңабергенов, Ж.Ахметов, О.Нұрқабаев, М.Исаев, Қ.Ажаров, А.Тоқмағанбетов, Ш.Ералиев сынды қаламгерлердің мақалаларын оқып жүрді. Сол кездерде арнайы беттермен қатар «Біздің календарь» деген айдар арқылы ұлы адамдар жайлы мақалалар берілген екен. Оны Н.Гоголь атындағы пединституттың оқытушылары дайындап тұрған. Спорт тақырыбы да назардан тыс қалмай, тіпті Англияда футболдан өткен әлем біріншілігі жөнінде жаңалықтар да жазылып отырды.
1962 жылдың тамыз айында газетке&nbsp; белгілі журналист кейіннен республикалық «Социалистік Қазақстан» газетінің бас редакторы болған Ұзақ Бағаев басшылыққа келді. Ұжымда А.Құрманаев, Ш.Қайырбеков, Н.Уәлиев, Н.Оспанов, М.Сәрсенов, С.Есмаханов, А.Ержан, З.Сахиев, Д.Сапаров, Ә.Айдаров, Қ.Мырзахметұлы, Ш.Дәрмағанбетов, А.Сопыбеков, Қ.Бәкіров секілді журналистер қызмет атқарды. Олар түрлі-түрлі тақырыптарды кеңінен қамтып, қызықты репортаждар, очерктер, публицистикалық мақалалар жазды. Газеттің аудандардағы белсенді тілшілерінің саны көбейді. Осылайша «Ленин жолы» газетінің оқырман аудиториясы кеңейе түсті. Алпысыншы жылдардың соңында газетке жазылу бағасы – 6 айға 2 сом 64 тиын болып бекітілген.
Жетпісінші жылдар да газетке жаңа мазмұндық сапа әкелді. Әсіресе тілшілер еңбек адамдарымен белсене араласып, олардың өмірінен қызғылықты очерктер мен мақалалар жазды. «Малшы еңбегі – мақтаныш» деген айдар талай шопанның шынайы еңбегін әйгіледі. Мұның қабатында күрішшелер еңбегі де үзбей жарияланып тұрды. Сонымен бірге, республикада басқа облыстардың тыныс-тіршілігіне арналған беттер ұйымдастырылған. Мәселен, 1970 жылдың тамыз-қыркүйек айларында Қарағанды, Целиноград, Гурьев, Оңтүстік Қазақстан, Жамбыл облыстары жайлы арнайы бет дайындалған. Сол кезеңде айтыс өнеріне де мән беріліп, облыстық ақындар айтысында сөз қағыстырған жаңақорғандық М.Көкенов пен шиелілік Ш.Өтеевтің сөз айтысы да жарық көрген екен.
Газет редакторлығына Қалқабай Әбенов келгеннен кейін де басылым өз биігін алуға белсене қызмет ете берді. «Бұлар сендерге қызмет етеді» деген айдар түрлі мамандық иелерінің тіршілігіне үңілді. «Қала проблемасы» айдары орталықтың ойсыраған мәселелерін нысанаға алды. Редакцияның шығармашылық құрамы нығайды. Ш.Рахметбеков, А.Сәдібекұлы, А.Мәдединов, Қ.Сүйеніш. Р.Бекбергенова, Қ.Мырзахметұлы, М.Исаев, Ү.Әбшенов, Б.Омарәлиев, Қ.Әбдешов, Д.Смайылов, Ж.Түменбаев, Ә.Рахымбекұлы, Н.Байғараев, Ә.Уәлиұлы, Ә.Айдаров, Ә.Бәйменов тәрізді журналистер белсене еңбек етті. 1973 жылы редакция жаңа қонысқа көшіп, Коммунистік проспектісі (қазіргі Абай даңғылы) 60 үйге орналасты. Сол кездері газеттің таралымы 40 мың данаға жетті.
Бертін келе газет редакторы Қ.Әбеновті Нұрділді Уәлиев алмастырды. Газет өзінің таралымын одан әрі ұлғайтып, 1983 жылы 53 мың дана болды. Газетте жаңа толқын қалыптасты. Ж.Рахматулла, Қ.Сыдықов, А.Кіребаев, Ж.Ақсақалов, Ж.Әлмашұлы, О.Мақсұтұлы, Қ.Данабаев, Н.Рахмет, С.Бихожа, М.Нұрханов, А.Қарабалаев сынды алғыс журналистер жұмыс істеді. Ал, Ш.Дәрмағанбетов, Ү.Әбшенов, Қ.Ысмайылов, Р.Жарылқасынов тәрізді тәжірибелі мешікті тілшілер аудан өмірінен үзбек мақалалар жолдап тұрды.
Сексенінші жылдардың соңында Кеңес Одағының сетіне бастағаны мәлім. Талай жыл Одақтың қарарларын басып, әбден мезі болған мемлекеттік басылымдар да енді еркіндікке қол жеткізе бастады. Осындай өзгерістер тұсында, мәселен, 1989 жылы газет 65450 данамен тараған екен.
&nbsp;1991 жылы ел Тәуелсіздікке қол жеткізді. Сол жылдың 20 сәуірінде белгілі ақын, журналист Әскербек Рахымбекұлы газет редакторлығына тағайындалды. Тәуелсіздікпен бірге газет өзінің байырғы «Сыр бойы» атауын қайта иеленді. Жаңа қоғамның қалыптасу кезеңінде басылым бетінен жаңалықтарға көп орын беріліп, ұжым үлкен белсенділікпен қызмет етті.
1996 жылдың басында белгілі журналист-жазушы Жақсылық Рахматулла бас редакторлық қызметке кірісті. Республика, облыс өңіріндегі маңызды оқиғалар, жедел хабарлар газет бетінен орын алды. Сол уақыттағы сұраныстарға сай газет жанынан қосымша басылымдар шығарылды. 1998 жылдың қарашасынан газет компьютерлік терімге көшті. Редакцияға жас толқын өкілдері келді. Д.Аяшұлы, Қ.Әбдуов, А.Тұңғышбаева, Ә.Үмбет секілді журналистер қызмет ете бастады.
Жаңақорған, Шиелі аудандарында Н.Елтай, Арал, Қазалы аудандарында Ж.Жақып меншікті тілші қызметін атқарды.
Жаңа ғасырдың жаңашыл сұраныстарына облыстық басылым өз дәрежесінде үн қосып, қоғам мен билік арасындағы алтын көпір арқауын сәтті сабақтастыра алды. 2008 жыл мен 2018 жыл аралығында газетке Серік Пірназар, Жолдасбек Ақсақалов, Нұрболат Аманжолов және Жұматәлі Әбдіраман бас редакторлық етті. Ал, 2010 жылы «Сыр медиа» ЖШС құрамына енді. Жаңа құрылымға сол кезден бастап Аманжол Оңғарбаев жетекшілік етіп келеді.
Аймақта мемлекеттік ақпараттық саясатты жүргізудің тың тәсілі бүгінде өз жемісін беріп отыр. 2013 жылы серіктестік жаңа Шығармашылық үйіне көшті. Қаламгерлер үшін ерекше сый болған еңселі ғимаратқа қазақтың біртуар перзенті Темірбек Жүргеновтің есімі берілсе, сол жылдың басында аймақтағы барлық аудандық ресми басылымдар серіктестік құрамына бірікті. Қазірде «Сыр Медиа» ЖШС өзіне қарасты газеттерді жаздыру, тарату қызметін қатар жүргізіп келеді. Әрине, тоқсан жылдық тарих аз дүниенің ауқымы емес. Ең бастысы, Тәуелсіздікпен бірге «Сыр бойы» атауын иеленген аймақтың ата басылымы дәстүрлі жолы,басты ұстанымынан айнымақ емес. Ол – егемен елдің бірлігі мен ынтымағы, қасиетті өңірдің жарқын жетістігі жолындағы қалам қуаты.
«Kyzylorda-news.kz» ақпарат агенттігінің ұжымы да Сыр елінің ата басылымы «Сыр бойы» газетінің 90 жылдығымен құттықтай отырып, басылымдағы әріптестерімізге шығармашылық табыстар тілейміз!
<img src="https://kyzylorda-news.kz/wp-content/uploads/2019/11/28sb2.jpg" alt="" />
<img src="https://kyzylorda-news.kz/wp-content/uploads/2019/11/28sb3.jpg" alt="" />
<img src="https://kyzylorda-news.kz/wp-content/uploads/2019/11/28sb4.jpg" alt="" />
<img src="https://kyzylorda-news.kz/wp-content/uploads/2019/11/28sb5.jpg" alt="" />
<img src="https://kyzylorda-news.kz/wp-content/uploads/2019/11/28sb6.jpg" alt="" />
<img src="https://kyzylorda-news.kz/wp-content/uploads/2019/11/28sb7.jpg" alt="" />
<img src="https://kyzylorda-news.kz/wp-content/uploads/2019/11/28sb8.jpg" alt="" />
<img src="https://kyzylorda-news.kz/wp-content/uploads/2019/11/28sb9.jpg" alt="" />
<img src="https://kyzylorda-news.kz/wp-content/uploads/2019/11/28sb10.jpg" alt="" />
<img src="https://kyzylorda-news.kz/wp-content/uploads/2019/11/28sb11.jpg" alt="" />
<img src="https://kyzylorda-news.kz/wp-content/uploads/2019/11/28sb12.jpg" alt="" />
<img src="https://kyzylorda-news.kz/wp-content/uploads/2019/11/28sb13.jpg" alt="" />
<img src="https://kyzylorda-news.kz/wp-content/uploads/2019/11/28sb14.jpg" alt="" />
<img src="https://kyzylorda-news.kz/wp-content/uploads/2019/11/28sb15.jpg" alt="" />
<img src="https://kyzylorda-news.kz/wp-content/uploads/2019/11/28sb16.jpg" alt="" />

«Сыр бойы» газеті: әр парағы – жасампаз өңірдің жарқын жылнамасы (ФОТО)

<a href="https://kyzylorda-news.kz/">Kyzylorda-news.kz.</a> Қазақстан өңірлерінде ауа райына байланысты өзгерістер күтілмейді. Еліміздің басым бөлігі антициклон жотасының ықпалында болғандықтан, күн райы көбінесе жауын-шашынсыз болады. Республиканың тек солтүстік, шығыс және батыс аумақтарында атмосфералық фронтальды бөліктердің өтуімен құбылмалы ауа райы сақталады, кей жерлерде аздаған қар жауады. Батыста – жел күшейеді. Жекелеген аумақтарда тұман болжанады, деп хабарлайды Қазгидромет.
Манғыстау облысының кей жерлерінде 15-20 м/с жел соғады, екпіні 23 м/с күшейеді.
Атырау облысының кей жерлерінде тұман болады, жел 15-20 м/с артады.
Ақмола, Жамбыл, Қызылорда, Батыс Қазақстан, Ақтөбе, Қостанай, Солтүстік Қазақстан, Павлодар, Қарағанды, Шығыс Қазақстан, түнде Алматы, Түркістан облыстарының кей жерлерінде тұман күтіледі.

28 қараша күнгі ауа райы болжамы

Бүкіләлемдік қамқорлық күні
Осы мейрамның негізін үнді ақыны, журналист, продюсер, саясаткер, қоғам белсендісі Притиш Нанди қалады.
Бүкіләлемдік қамқорлық күні алғаш рет Мумбайда тойланды. Ол жануарлар тағдырына, Жер бетіндегі бүкіл жәндік атаулыға қамқорлық етуге, өрісі кеңейіп келе жатқан вегетариандықтың маңыздылығына арналады.
1934 жылы&nbsp;Қазақ ұлттық мәдени ғылыми-зерттеу институты өз жұмысын бастады. Қазақ ұлттық мәдени ғылыми-зерттеу институтының мақсаты ұлттық мәдени құрылыс саласындағы барлық ғылыми-зерттеу жұмыстарын интеграциялау және үйлестіру, қорытындылап, ғылыми-зерттеу нәтижелерін бірыңғай базаға салу, Қазақстаның мәдени саясатының іргесін қалау болды.
1998 жылы&nbsp;Ұлыбританияда Елбасы Нұрсұлтан Назарбаевтың «Уақыт туралы, тағдырлар туралы, өзім туралы» атты кітабы ағылшын тілінде жарық көрді.
2000 жылы&nbsp;«Қазақстан меценаттары клубы» жыл сайынғы «Тарлан» жалпыұлттық тәуелсіз сыйлығын жариялады. Сыйлық әдебиет, музыка, театр, бейнелеу өнері, кинематограф, ғылым және ағарту секілді жеті бағытта беріледі.
2011 жылы&nbsp;«KazSat-2» спутнигі Қазақстан Республикасының меншігіне берілді. Қазақстан Республикасы Ұлттық ғарыш агенттігі комиссиясының «KazSat-2» ғарыштық жүйесін Қазақстан Республикасының меншігіне беру жөніндегі отырысында «KazSat-2» ғарыштық жүйесін меншік құқығына алу хаттамасын комиссия төрағасы «РҒБО» АҚ директорлар кеңесінің төрағасы, ҚР Ұлттық ғарыш агенттігі төрағасының орынбасары Еркін Шаймағамбетов бекітті.

28 қараша: Атаулы күндер мен оқиғалар

<a href="https://kyzylorda-news.kz/">Kyzylorda-news.kz</a> ақпараттық агенттігінің 28 қарашаға арналған жұлдыз-жорамалы.
Тоқты
Бүгін сіздің көңіл-күйіңіз жоқ. Барлық шаруа тоқтап қалғандай күй кешесіз. Бірақ алаңдауға еш себеп жоқ. Күш-жігеріңізді жинаңыз.
Торпақ
Ұстамдылық таныта біліңіз. Ойланбай қабылданған шешімнің салдарынан қиындыққа тап боласыз.
Егіздер
Бүгін жұмыста белсенділік танытудың қажеті жоқ. бұған дейін жасаған ісіңіздің жемісін көретін кез келді.
Шаян
Кез келген мақсатқа жетуге мүмкіндігіңіз бар. Алайда бүгін сіздің белсенділігіңіз өте төмен.
Арыстан
Бүгін таңдау жасайсыз. Не жеке өмір, не болмаса қызмет. Мұндай жағдайда өз түйсігіңізге сүйеніңіз.
Бикеш
Алдағы күндерге жоспар құрыңыз. Барлық шаруаны өзіңіз атқарып, ретке келтіресіз.
Таразы
Жолыңызда кедергілер кездеседі. Бірақ оған мойынсұнбаңыз. Ерік-жігеріңіздің мықты болғандығынан барлығын жеңетін боласыз.
Сарышаян
Оттан абай болыңыз. Жарақат алу қауіпі бар. «Сақтансаң, сақтаймын» дегенді естен шығармаңыз.
Мерген
Жақындарыңызға көп көңіл бөліңіз. Олардың арман-мақсаттарын тыңдап, көңілдерін аулауға тырысыңыз.
Тауешкі
Жақын жандарға ғана арқа сүйеңіз. Онда да олар сізге көмек көрсетуде жалқаулық танытпаса ғана сенуіңізге болады.
Суқұйғыш
Бүгін өзіңіздің түйсігіңізге сеніңіз. Өзіңізге керек дүниені тура сұраңыз. Сонда ғана дегеніңізге жетесіз.&nbsp;
Балықтар
Айтар сөзіңізге абай болыңыз. Әйтпесе, өз сөзіңізге жауап беру кейін қиынға соғуы мүмкін.

Қазақстан және Қызылорда облысының жаңалықтары: Қоғам

Қос басылымның 90 жылдық мерейтойына орай серіктестік қызметкерлері марапатталды

Аймақ басшысы “Сыр медиа” ЖШС-не автокөлік кілтін табыстады

«Сыр бойы» және «Кызылординские вести» газеттерінің 90 жылдығына арналған шаралар басталды

Қызылорда облысының әкімі қос газетті 90 жылдық мерейтойымен құттықтады

Қырымбек Көшербаев қос басылымның мерейтойымен құттықтады

Екпе алудың 6 негізгі себебін білесіз бе?

Қызылордада қайырымдылық жасаушылар мен меценаттардың III облыстық форумы өтті

«Кызылординские вести» газеті: қасиетті өлкенің қазыналы шежіресі (ФОТО)

«Сыр бойы» газеті: әр парағы – жасампаз өңірдің жарқын жылнамасы (ФОТО)

28 қараша күнгі ауа райы болжамы

28 қараша: Атаулы күндер мен оқиғалар

Жұлдыздар не дейді?

Қазақстан және Қызылорда облысының жаңалықтары: Қоғам

Қос басылымның 90 жылдық мерейтойына орай серіктестік қызметкерлері марапатталды

Аймақ басшысы &#8220;Сыр медиа&#8221; ЖШС-не автокөлік кілтін табыстады

«Сыр бойы» және «Кызылординские вести» газеттерінің 90 жылдығына арналған шаралар басталды

Қызылорда облысының әкімі қос газетті 90 жылдық мерейтойымен құттықтады

Қырымбек Көшербаев қос басылымның мерейтойымен құттықтады

Екпе алудың 6 негізгі себебін білесіз бе?

Қызылордада қайырымдылық жасаушылар мен меценаттардың III облыстық форумы өтті

«Кызылординские вести» газеті: қасиетті өлкенің қазыналы шежіресі (ФОТО)

«Сыр бойы» газеті: әр парағы – жасампаз өңірдің жарқын жылнамасы (ФОТО)

28 қараша күнгі ауа райы болжамы

28 қараша: Атаулы күндер мен оқиғалар

Жұлдыздар не дейді?

Аймақ басшысы “Сыр медиа” ЖШС-не автокөлік кілтін табыстады