<a href="https://kyzylorda-news.kz/">Kyzylorda-news.kz</a> Бүгін Президент саябағында облыс әкімі Мұрат Ергешбаевтың қатысуымен коммуналдық мекемелерге 37 арнайы техника табысталды.Аймақ басшысы сала еңбеккерлерін құттықтап, игі тілегін жеткізді.<img src="https://knadmin.beoblood.kz/uploads/Kommunalnym_predpriyatiyam_peredana_specztehnika1_22a308e26a.jpg" alt="Коммунальным предприятиям передана спецтехника1.jpg"><blockquote>«Мемлекет басшысы Қасым-Жомарт Кемелұлы атап өткендей: «Тазалық әр адамнан, әр үйден, әрбір көше мен әр қаладан басталуы керек. Өйткені, «Таза Қазақстан» – бір күндік науқан емес. Бұл – біздің өмір салтымыз». &nbsp;Президентіміздің бұл игі бастамасы аясында Сырдың бас шаһары – Қызылордада ауқымды жұмыс жүйелі атқарылып келеді. Аймақ тұрғындары да елді мекендердің тазалығы мен көркеюіне ерекше үлес қосуда. Туған өлкеміз өзге өңірлерге үлгі болып, тазалық жаршысы атанды. Осы шара тек тазалықты ғана емес, елдіктің белгісін, &nbsp;ауызбірлік пен ынтымақты паш етті. Бұл – біздің нағыз жасампаз мекен екеніміздің айқын айғағы», – деді Мұрат Нәлқожаұлы.</blockquote>Рәсімде облыстық ардагерлер кеңесінің төрағасы Серік Дүйсенбаев сөз сөйледі. «Таза Қазақстан» бағдарламасын өңірде нәтижелі жүзеге асыруға белсене атсалысып, қаланың тазалығы мен көркеюіне үлес қосып жүрген бірқатар қызметкерге облыс әкімінің Алғыс хаты табысталды.Бүгін берілген 37 арнайы техниканың 32-сі«Қызылорда тазалығы» мекемесінің иелігіне өтті. Олардың 15-і – қатты тұрмыстық қалдық тасу көлігі, 5-еуі – қысқы және жазғы мезгілге арналған аралас қызмет техникасы және 12-сі көше тазалығына арналған.<img src="https://knadmin.beoblood.kz/uploads/Kommunalnym_predpriyatiyam_peredana_specztehnika2_644c21a306.jpg" alt="Коммунальным предприятиям передана спецтехника2.jpg">Ал «Қызылорда су жүйесінің» автопаркі вакумдық ассенизаторлармен және жылжымалы жөндеу техникаларымен толықты. Озықтехникалар коммуналдық саланың жұмысын айтарлықтай жеңілдетіп, тұрғындарға көрсетілетінқызмет сапасын арттыра түседі.Айта кетейік, кейінгі жылдары барлық саланыматериалдық-техникалық жағынан жарақтандыруғаерекше басымдық берілді. Жаңа автобустаралынып, қоғамдық көлік мәселесі шешілді. Мектеп оқушыларын тасымалдауға автобустар, денсаулық сақтау саласына жедел жәрдем көліктері сатып алынды.&nbsp;Сонымен қатар орман шаруашылығы, ветеринария салаларына және құқық қорғау органдарына қызметтік автокөліктер берілді.Қалалық коммуналдық қызметтерге де жан-жақты қолдау көрсетілуде. Төрт жылдың ішіндеоблыстық бюджеттен 3,1 млрд теңге бөлініп,заманауи үлгідегі 82 арнайы техника алынды.

Коммуналдық мекемелерге арнайы техникалар табысталды

<a href="https://kyzylorda-news.kz/">Kyzylorda-news.kz</a> 12-13 қыркүйек күндері Астанадағы Qazaq Creative Hub алаңында республикалық Creative Aimaq жобасы аясында Қызылорда облысының креативті индустриялар жәрмеңкесі өтті. Екі күнде жәрмеңкеге 4,9 мыңға жуық адам барды. Жалпы өңір креаторлары 12,1 млн теңгенің өнімін сатты, деп хабарлайды ҚР Мәдениет және ақпарат министрлігі.Креативті жәрмеңкеде ұлттық музыкалық аспаптар, кілемдер мен картиналарға сұраныс жоғары болды. Сондай-ақ зергерлік бұйымдар, ұлттық киімдер, ағаш пен сүйектен жасалған заттар және басқа да авторлық өнімдер сатылды.Жәрмеңкеде креативті индустрияның 21 бағыты бойынша өнімдер мен жобалар таныстырылды. Qyzylorda Hub-тың цифрлық әзірлемелері мен өңірдегі заманауи медиа жобалар да көпшілікке ұсынылды.Жәрмеңке аясында «Анаға тағзым» креативті индустриялар орталығында әзірленген Syr Style Collection сән топтамасының таныстырылымы өткізілді. Аталмыш топтамада ұлттық нақыш пен заманауи дизайн үйлесім тапқан.Бағдарлама аясында ұлттық қолөнер бойынша шеберлік сабақтары өтіп, концерттік бағдарламалар мен сән көрсетілімі ұйымдастырылды.Көпшілік «Алтын домбыра» және «Күміс домбыра» секілді бірегей музыкалық аспаптарды және өңірдің көрнекті тұлғаларына қатысты тарихи-мәдени жәдігерлерді тамашалады.Жәрмеңке Қызылорда облысының шығармашылық әлеуетін кеңінен танытып, жергілікті шеберлер мен дизайнерлердің өнімдеріне деген сұраныстың жоғары екенін көрсетті. Сонымен қатар өңірлік брендтерді ілгерілетуге мүмкіндік берді.Сурет: ortcom.kz

Қызылорда облысының креаторлары Астанадағы жәрмеңкеде 12,1 млн теңгенің өнімін сатты

<a href="https://kyzylorda-news.kz/">Kyzylorda-news.kz</a> Екі күн бойы елорда тұрғындары Сыр өңірінің өнімдерін тікелей өндірушілерден сатып ала алады. Жәрмеңкеге 500 тоннадан астам өнім жеткізіледі, – деп хабарлайды <a href="https://baq.kz/kurish-balyq-qauyn-qarbyz-astanada-qyzylorda-zharmenkesi-otedi-320044287/">BAQ.KZ.</a>Астанада 19-20 қыркүйек күндері Қызылорда облысының ауыл шаруашылығы өнімдерінің жәрмеңкесі өтеді. Екі күн бойы елорда тұрғындары мен қонақтары Сыр өңірінің өнімдерін өндіруші бағамен сатып ала алады.Жәрмеңкені Қызылорда облысының әкімдігі ұйымдастырады. Сатып алушыларға өңірдің брендіне айналған ақ күріш, жаңа ауланған балық, табиғи ас тұзы, сондай-ақ қауын-қарбыз, көкөніс пен жеміс-жидек және ұлттық сусындар ұсынылады.Ұйымдастырушылардың мәліметінше, жәрмеңкеге Қызылорда облысының диқандары мен шаруашылықтары 500 тоннадан астам ауыл шаруашылығы өнімін жеткізеді. Барлық өнім өндіруші бағасымен сатылады.Жәрмеңкеде ұсынылатын өнімдердің көлемі:<ul><li style="text-align:justify;">200 тоннадан астам күріш;</li><li style="text-align:justify;">10 тонна ет өнімдері;</li><li style="text-align:justify;">25 тонна балық өнімдері;</li><li style="text-align:justify;">200 тонна бақша өнімдері;</li><li style="text-align:justify;">50 тоннадан астам көкөніс пен жеміс-жидек;</li><li style="text-align:justify;">15 тоннаға жуық сүт және кондитер өнімдері;</li><li style="text-align:justify;">5 тонна ас тұзы.</li></ul>Осылайша, елорда тұрғындары Сыр бойының ауыл шаруашылығы өнімдерін делдалсыз, тікелей өндірушілерден сатып алуға мүмкіндік алады.Жәрмеңке 19-20 қыркүйек күндері сағат 09:00-ден 18:00-ге дейін өтеді.Өтетін орны – «Қазанат» ипподромына қарама-қарсы, Қарқаралы тас жолының бойы.Сурет: gov.kz

Күріш, балық, қауын-қарбыз: Астанада Қызылорда жәрмеңкесі өтеді

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев БРИКС саммитінде экономиканы, қоғамды және күштердің жаһандық теңгерімін өзгерте бастаған жасанды интеллектінің рөліне тоқталды. Бұл туралы <a href="https://stan.kz/preziten-briks-elderin-zasandy-intellekt-salasy-boiynsa-biriguge-saqyr-439612/">Stan.kz</a> ақпарат агенттігі хабарлайды.&nbsp;Тоқаевтың сөзінше, БРИКС қарқынды дамып келе жатқан мемлекеттердің технологиялық әлеуетін олардың ауқымымен ұштастырып, инновация, инвестиция және тұрақты экономикалық өсімнің жаңа мүмкіндігін ұсына алады.<blockquote>“Қазақстан үшін жасанды интеллект стратегиялық басымдыққа ие. Бұл ретте еліміз БРИКС плюс аясындағы тиімді ынтымақтастықтың аясын кеңейту үшін алдыңғы қатарлы есептеу инфрақұрылымын, сондай-ақ БҰҰ-ның ұлттық және цифрлық орталықтарын жұмылдыруға дайын. Нақты шара ретінде жасанды интеллект саласы бойынша БРИКС плюс серіктестігін іске қосуды ұсынамын. Оның аясында ұлттық ЖИ орталықтарын біріктіруге, зертханалар мен ғылыми жобаларды қолжетімді етуге, сондай-ақ бірлесіп көптілді шешімдер әзірлеуге болады”, – деді Президент.&nbsp;</blockquote>Қасым-Жомарт Тоқаевтың пікірінше, орнықтылық технологиялық тұрғыдан алға басумен ғана өлшенбейді.<blockquote>“Бәріміз үшін зор маңызға ие су ресурстары мәселесін көтергім келеді. Жаһандық деңгейде су ресурстарын басқару ісі шашыраңқы жүргізіліп келеді. Осы орайда, әлем елдерінің күш-жігерін бір арнаға тоғыстырып, мемлекетаралық үйлестіру жұмыстарын нығайту үшін Халықаралық су ұйымын құруды ұсындық. Ол БҰҰ-ның арнаулы құрылымы ретінде қызмет етеді. БРИКС-ке мүше мемлекеттер мен серіктестерімізді осы маңызды жобаны қолдау үшін Қазақстан бастамашы болған халықаралық консультацияларға қосылуға шақырамын”, – деді Мемлекет басшысы.</blockquote>Президент сөзін түйіндей келе, тиімді көпжақты ынтымақтастық болмаса, көпполярлы жүйе жікке бөлінуді одан сайын ушықтырып, адамзатқа қауіп төндіретінін айтты. Оның пікірінше, Қазақстан егемендікке, мүдделердің теңгеріміне және ортақ жауапкершілікке негізделген жасампаз көпполярлы жүйені қолдайды.Қасым-Жомарт Тоқаев Нью-Делидегі саммит нақты ынтымақтастық пен бірлескен прогресс арқылы осы көзқарасты ілгерілетуге ықпал етеріне сенім білдірді.&nbsp;

Президент БРИКС елдерін жасанды интеллект саласы бойынша бірігуге шақырды

<a href="https://kyzylorda-news.kz/">Kyzylorda-news.kz</a> Қазақстандықтарды қазан айында Республика күніне байланысты қатарынан үш күндік демалыс күтіп тұр. Бес күндік жұмыс аптасында еңбек ететіндер 24, 25 және 26 қазанда, яғни сенбі, жексенбі және дүйсенбі күндері демалады. Бұл туралы <a href="https://stan.kz/qazaqstandyqtar-qazan-aiynda-qansa-kun-demalady-439601/">Stan.kz</a> ақпарат агенттігі хабарлайды.Алты күндік жұмыс аптасындағылар 24 және 25 қазанда демалады.Жалпы, қазан айында бес күндік жұмыс аптасында 10 демалыс күні болса, алты күндік жұмыс аптасында 6 күн демалыс болады.Республика күні қазақстандықтарға қатарынан бірнеше жыл демалысты ұзартуға мүмкіндік беріп келеді. 2024 жылы мереке жұмаға түсіп, үш күн қатарынан демалуға мүмкіндік берген. Ал 2023 жылы Республика күні сәрсенбіге сәйкес келіп, жұмыс аптасының ортасында бір күн демалыс болған.Салыстырсақ, қыркүйек айында Қазақстанда ресми мереке болған жоқ. Бес күндік жұмыс аптасында қазақстандықтар 8 күн, алты күндік жұмыс аптасында 4 күн демалды.Сурет: pexels.com

Қазақстандықтар қазан айында қанша күн демалады?

<a href="https://kyzylorda-news.kz/">Kyzylorda-news.kz</a> Қазақстан Республикасы Ұлттық ұланының 5547 әскери бөлімінің 30 сарбазы Әбділда Тәжібаев атындағы облыстық әмбебап ғылыми кітапханасында өткен «KitapTime-2026» V республикалық кітап фестиваліне белсене қатысты.Іс-шараның негізгі мақсаты – жастар мен әскери қызметшілердің кітап оқуға деген қызығушылығын арттыру, рухани-патриоттық тәрбиені нығайту және ағартушылық бастамаларды қолдау.Фестиваль барысында әскери қызметшілер кітапхана қорымен, сирек кездесетін басылымдармен танысып, түрлі мәдени-ағартушылық платформалардың жұмысын тамашалады. Мұндай шаралар сарбаздардың ой-өрісін кеңейтіп, логикалық ойлау қабілетін дамытуға және бос уақыттарын тиімді пайдалануға мүмкіндік береді.Ұлттық ұлан қатарында әскери шеберлікті арттырумен қатар, сарбаздардың рухани және кәсіби дамуына да баса мән беріледі. Кітап оқу мен білімге ұмтылу – саналы, жауапты әрі тәртіпті азамат қалыптастырудың маңызды негізі. Бұл ретте рухани тұрғыдан кемелденген, заң талаптарын құрметтейтін және Отан алдындағы борышын адал атқаратын әскери қызметшілерді тәрбиелеу «Заң мен тәртіп» қағидатын нығайтуға ықпал етеді.

Ұлттық ұлан сарбаздары «Kitaptime-2026» V республикалық кітап фестиваліне қатысты

<a href="https://kyzylorda-news.kz/">Kyzylorda-news.kz</a> Қазақстанның бірнеше өңірінде ауа райы құбылып, жаңбыр, найзағай, екпінді жел мен тұман күтіледі. Кей аймақтарда өрт қаупі де жоғары деңгейде сақталады. Бұл туралы <a href="https://stan.kz/zanbyr-naizagai-tuman-elimizdin-birnese-onirinde-aua-raiy-buzylady-439623/">Stan.kz</a> ақпарат агенттігі хабарлайды.Еліміздің солтүстігінде жаңбыр жауып, найзағай ойнайды. Кей жерлерде жауын-шашын күшейеді. Түнде және таңертең жекелеген аудандарды тұман басуы мүмкін.Ақмола, Солтүстік Қазақстан, Павлодар, Қарағанды, Ұлытау және Абай облыстарында жел күшейіп, екпіні секундына 15-20 метрге, кей жерлерде одан да жоғары жылдамдыққа жетуі ықтимал.Ал Жетісу, Қызылорда, Түркістан, Қарағанды, Ұлытау, Шығыс Қазақстан және Абай облыстарының бірқатар аумағында жоғары және төтенше өрт қаупі сақталады.Сонымен қатар түнгі және таңғы уақытта Батыс Қазақстан, Атырау, Маңғыстау, Шығыс Қазақстан, Қостанай және өзге де облыстардың кей аудандарында тұман түседі деп болжанып отыр.Мамандар тұрғындарды ауа райының қолайсыздығына байланысты сақтық шараларын ұстануға шақырады.Сурет: &nbsp;freepik.com

Жаңбыр, найзағай, тұман: Еліміздің бірнеше өңірінде ауа райы бұзылады

<a href="https://kyzylorda-news.kz/">Kyzylorda-news.kz</a> Kurs.kz мәліметінше, қазіргі уақытта елорданың ақша айырбастау пункттерінде:<ul><li style="text-align:justify;">доллар 448,0 теңгеден сатып алынады, 455,0 теңгеден сатылады;</li><li style="text-align:justify;">еуро: сатып алу — 520,00 теңге, сату — 530,00 теңге;</li><li style="text-align:justify;">рубль: сатып алу — 5,07 теңге, сату — 5,27 теңге;</li><li style="text-align:justify;">юань 68,5 теңгеден сатып алынады, 72,00 теңгеден сатылады.</li></ul>Алматының ақша айырбастау пункттерінде:<ul><li style="text-align:justify;">доллар: сатып алу — 447,5 теңге, сату — 452,5 теңге;</li><li style="text-align:justify;">еуро: сатып алу — 521 теңге, сату — 527,5 теңге;</li><li style="text-align:justify;">рубль: 4,3-5,4 теңге аралығында саудаланады.</li><li style="text-align:justify;">юань: 65-75 теңге аралығында саудаланып жатыр.</li></ul>Сурет: freepik.com

Бүгінгі доллар бағамы қандай?

<a href="https://kyzylorda-news.kz/">Kyzylorda-news.kz</a> Жаңақорған ауданының әкімі Ерлан Төралиев Жалағаш кентіндегі теміржол вокзалы ғимаратында жүргізіліп жатқан құрылыс жұмыстарын аралап көрді.Құрылыс барысымен танысқан аудан әкімі мердігер мекемеге нысан құрылысын белгіленген мерзімде аяқтап, вокзал аумағын абаттандыру жұмыстарын сапалы жүргізуді тапсырды.Жалағаш кентіндегі теміржол жолаушыларына қызмет көрсету пунктінің ғимаратын күрделі жөндеу және қайта жаңғырту жұмыстарын жүргізу үшін теңгерім иесі «Қазақстан Темір Жолы» ҰК АҚ мен «Р и А Сервис ЛТД» ЖШС арасында келісімшарт жасалған.Қазіргі таңда ғимараттың ішкі қабырғаларына әрлеу жұмыстары жүргізіліп, нысан аумағы жобаға сәйкес абаттандырылуда.Аудан әкімі әрбір құрылыс нысанының уақытылы әрі сапалы аяқталып, мерзімінде халық игілігіне берілуі тиіс екенің ескертті.

Теміржол вокзалының құрылыс жұмысымен танысты

Жыл бойы маңдай терін төккен диқан қауымының еңбегі ақталатын жауапты кезең басталды. Бұл – еңбек пен ырыстың сабақтастығын дәріптейтін тағылымды мереке. Осы мақсатта бүгін Ақжар ауылында ел ырысын еселеген еңбек адамдарының еңбегін ұлықтап, 2026 жылғы егін жинау науқанының басталуына арналған «Алғашқы орақ – 2026» салтанатты іс-шара өткізілді.Кездесуде аудан әкімі Жандос Еркінбек сөз сөйлеп, құттықтауын жеткізді.– Егін егу – үлкен еңбек болса, оны ысырапсыз жинап алу – одан да үлкен жауапкершілік. Алдымызда аса маңызды егін жинау науқаны тұр. Осы кезеңде барлық шаруашылықтар мен жауапты мекемелер ұйымшылдық танытып, техникалардың дайындығына, еңбек қауіпсіздігіне және жиналған өнімнің ысырапсыз сақталуына ерекше назар аударуы қажет. Құрметті жерлестер! Егін жинау науқаны сәтті өтіп, әрбір шаруашылықтың қамбасы астыққа толсын! Ақ күріштің атасы атанған Сыр елінің мерейі әрдайым үстем болсын! Өніміміз мол, қамбамыз астыққа толы болсын,-деді аудан басшысы.Қармақшы ауданы бойынша биыл 25 231 гектар жерге егіс орналастырылып, оның ішінде негізгі дақыл – күріш 11 449 гектарға егілген. Сондай-ақ су тапшылығы жағдайында суды тиімді пайдалану мақсатында 600 гектар егістік алқапта су үнемдеу технологиялары қолданылуда.Іс-шарада аудандық ардагерлер кеңесінің төрағасы Асқар Мереков пен «Ораз Ахун ЛТД» ЖШС директоры Жомарт Жалғасбев ауыл шаруашылығы саласының еңбеккерлеріне ақжарма тілектерін айтып, диқандардың еңбегін ерекше атап өтті.Сондай-ақ ауыл шаруашылығы өнімдерінің көрмесі ұйымдастырылып, «Ақ әжелер» ансамблі мен аудан өнерпаздары өз өнерлерін ортаға салса, қарияларымыз ақ батасын беріп, көптен күткен «Алғашқы орақ» рәсімі өтті.<img src="https://knadmin.beoblood.kz/uploads/FB_IMG_1789279369580_626aecfd13.jpg" alt="FB_IMG_1789279369580.jpg">

«АЛҒАШҚЫ ОРАҚ – 2026»: Еңбек пен берекенің бастауы

Сырдария ауданының әкімі Берік Сәрменбаев Тереңөзек кентінде күрделі жөндеуден өтіп жатқан көшелердің жұмысымен танысты.Биыл осы бағытқа бюджеттен 500 млн. теңге бөлініп, «РиА Сервис ЛТД» ЖШС-мен келісімшарт жасалған. Қазіргі таңда аталған қаржы есебінен кент аумағындағы 9 көшеге асфальт төсеу жұмыстары жүргізілуде.<img src="https://knadmin.beoblood.kz/uploads/FB_IMG_1789279092468_2ac422e237.jpg" alt="FB_IMG_1789279092468.jpg">Аудан әкімі жол жөндеу жұмыстарының сапалы орындалуын және белгіленген мерзімнің сақталуын тапсырды.Аудан басшысы кент көшелерінің жай-күйін жақсарту тұрғындар үшін қолайлы орта қалыптастырудың маңызды бөлігі екенін айтып, жұмыстарды сапалы әрі жүйелі жүргізу қажеттігін атап өтті және тиісті тапсырмаларды жүктеді

Тереңөзек кентінде асфальт төсеу жұмыстары жүргізілуде

Сырдария ауданы Шіркейлі ауылындағы «Мәді Қажы» ЖШС-нің егіс алқабына орақ түсті. Егінге орақ салу рәсіміне аудан әкімі Берік Сәрменбаев, қоғам қайраткері, Сырдария және Жалағаш аудандарының Құрметті азаматы Батырбек Мәншарипов, аудандық мәслихат төрағасы Ержан Әжікенов, облыстық мәслихат депутаты Жұмабек Ембергенов, ауыл шаруашылығы құрылымдарының төрағалары мен ардагерлер, шаруашылық қызметкерлері қатысты.Аудан әкімі ауыл шаруашылығы саласының аудан экономикасындағы маңызына тоқталып, диқандардың тынымсыз еңбегін атап өтті.– Сыр күріші – ел ырысы. Осы ел ырысын еселеуде Мемлекет басшысы Қасым-Жомарт Кемелұлы Тоқаевтың, Үкіметтің қолдауымен ауданда жүйелі жұмыстар жүргізілуде. Нәтижесінде, жыл сайын аграрлы ауданымыз егін шаруашылығы бойынша жоғары көрсеткіштерге қол жеткізіп келеді. Биыл да сырдариялық дала еңбеккерлері күріштен мол өнім жинайды деген сенім бар. Жалпы, биыл ауданда 33 939 гектарға ауыл шаруашылығы дақылдары орналастырылса, оның ішінде күріштің көлемі 18 541 гектарды құрады. Мемлекет басшысының тапсырмасы негізінде су үнемдеу және суды тиімді пайдалану мақсатында аудан бойынша 16 шаруашылық 38 дана заманауи лазерлік жер тегістегіш техникасымен 17 500 гектар жерге тегістеу жұмыстарын жүргізді. Ауданда Сыр күрішін егетін ірі шаруашылықтардың жұмысы жолға қойылған. Солардың қатарындағы «Мәді Қажы» серіктестігі де ауданның ауыл шаруашылығы саласының дамуына өз үлесін қосып келеді. Шіркейлі ауылының егінжай ерлері тынымсыз еңбек етіп, Сыр дақылының күтімін жасады. Серіктестікте биыл 1000 гектарға күріш егіліп, 1000 гектар жоңышқа алқабы күтімге алынған. Шіркейлілік диқандар ала жаздайғы еңбектің өтеуін көретін алтын күзге жарқын көңілмен жетті. Бүгінгі алғашқы орақ – маңдай термен атқарылған жұмыстың нәтижесін айқындайтын маңызды кезең. Дала еңбеккерлерінің еңбегі еселеніп, науқанды науқанды табысты аяқтайтынына сенім білдіремін, – деді Берік Әбдіғаппарұлы.Іс-шара аясында ауыл шаруашылығы өнімдері және жеке кәсіпкерлер көрмесі ұйымдастырылды. Сонымен қатар, халқымыздың салт-дәстүрі мен ұлттық мәдениетін дәріптейтін көрмелер жасақталып, онда қазақ халқының дәстүрлі тұрмыс-тіршілігі мен жөн-жоралғылары кеңінен көрсетілді.Дала күні іс-шарасында қоғам қайраткері, Сырдария және Жалағаш аудандарының Құрметті азаматы Батырбек Мәншарипов сөз сөйлеп, дала еңбеккерлерін жаңа егін орағының басталуымен құттықтады. Мерекелік іс-шарада ауыл шаруашылығы саласының дамуына үлес қосып жүрген бірқатар азаматқа аудан әкімінің "Алғыс хаты" табысталды.<img src="https://knadmin.beoblood.kz/uploads/FB_IMG_1789276911052_8307af4b85.jpg" alt="FB_IMG_1789276911052.jpg">

Қазақстан және Қызылорда облысының жаңалықтары: Қоғам