<a href="https://kyzylorda-news.kz/">Kyzylorda-news.kz</a> &nbsp;Түркістан қаласында халықтың цифрлық сауаттылығын арттыруға және мемлекеттік қызметтерді өздігінен алуға бағытталған жаңа форматтағы Smart Point цифрлық ХҚКО өз жұмысын бастады. Заманауи орталық азаматтардың мемлекеттік сервистермен өзара іс-қимылын барынша ыңғайлы, жылдам әрі қолжетімді етуге мүмкіндік береді.Салтанатты ашылу рәсіміне «Азаматтарға арналған үкімет» мемлекеттік корпорациясы» Басқарма төрағасы Арман Кенжеғалиев пен Түркістан облысы әкімінің орынбасары&nbsp;Нұрбол Тұрашбеков қатысты.Цифрлық ХҚКО мемлекеттік қызметтерді өздігінен алуға және цифрлық дағдыларды дамытуға арналған заманауи кеңістік. Smart Point концепциясы &nbsp;мемлекеттік қызметтерді алудың жаңа мәдениетін қалыптастыруға бағытталған, яғни азаматтар тек қызмет алып қана қоймай, мемлекеттік цифрлық сервистерді өз бетінше пайдаланып, қажеттілігіне қарай мамандардан кеңес ала алады.<blockquote>«Түркістандағы Smart Point орталығының ашылуы - жаңа форматтағы ХҚКО-ның іске қосылуы ғана емес, мемлекеттік қызметтерді өздігінен алу мәдениетін қалыптастыруға бағдарланған маңызды қадам. Бүгінде біздің мақсатымыз - азаматтарға сапалы қызмет көрсетумен қатар, мемлекеттік цифрлық мүмкіндіктерді сенімді пайдалануға көмектесу. Smart Point өңір тұрғындары үшін сұранысқа ие болатын алаңға айналады деп сенемін», - &nbsp;деді Мемлекеттік корпорацияның Басқарма төрағасы Арман Кенжеғалиев.</blockquote>«Мемлекет басшысы Қасым-Жомарт Тоқаев халыққа көрсетілетін қызметтерді барынша жеңілдетуді және цифрландыруды тапсырып, атқарылған жұмыстарды бақылауында ұстап келеді. Бұл бағытта облысымыз жемісті еңбек етуде. Бүгінгі ашылып отырған заманауи кеңсе — соның нақты дәлелі. Облыс әкімдігі мен Мемлекеттік корпорация арасындағы тиімді ынтымақтастықтың нәтижесінде халық сұранысына сай келетін заманауи сервистік хаб құрылған», -&nbsp;деп атап өтті&nbsp;Түркістан облысы әкімінің орынбасары Нұрбол Тұрашбеков.Smart Point цифрлық ХҚКО бірнеше функционалдық аймақтан тұрады. Экспресс-аймақта азаматтар құжаттандыру терминалы арқылы жеке куәлік немесе паспорт алуға өтінімді өздігінен рәсімдей алады, сондай-ақ арнайы ақпараттық экрандар арқылы AlemGPT сервисінің мүмкіндіктерімен танысады. Цифрлық аймақ мемлекеттік қызметтерді өздігінен алу және құжаттармен онлайн форматта жұмыс істеу үшін моноблоктармен және жоғары жылдамдықты сканерлермен жабдықталған. Сараптамалық аймақта келушілер күрделі мәселелер бойынша мамандардың кеңесін ала алады. Сонымен қатар цифрлық сауаттылықты арттыруға және жаңа электрондық сервистерді меңгеруге арналған оқыту және ақпараттандыру аймақтары қарастырылған. Ал жайлы демалыс аймағында келушілер үшін қолайлы жағдай жасалған.Жоба Түркістан облысы әкімдігінің қолдауымен жүзеге асырылып, өңір тұрғындары үшін заманауи сервистік инфрақұрылымды дамыту мен қолайлы цифрлық ортаны қалыптастыру жолындағы кезекті маңызды қадам болды.Айта кетейік, Smart Point цифрлық ХҚКО форматын алғаш болып енгізген өңір – Ұлытау облысы.&nbsp;Орталық 2026 жылғы 4 маусымда ашылды.

Түркістанда Apple Store қағидаты бойынша жаңа форматтағы ХҚКО ашылды

<a href="https://kyzylorda-news.kz/">Kyzylorda-news.kz</a> &nbsp;Бүгін Сенаттың жалпы отырысында «Қазақстан Республикасының кейбір заңнамалық актілеріне нотариаттық қызмет және заң көмегі мәселелері бойынша өзгерістер мен толықтырулар енгізу туралы» Заңы екі оқылымда қаралып, <a href="https://kaz.inform.kz/news/senat-makuldagan-songi-zan-notariustardin-zhauapkershlg-kusheytled-a78e111f">мақұлданды.</a>&nbsp;<blockquote>– Заңның мақсаты – нотариат туралы заңнаманы жетілдіру, нотариаттық қызметі саласындағы мемлекеттік бақылаудың тиімділігін арттыру, нотариаттық іс-әрекеттерді жасау кезінде заңдылықтың сақталуын қамтамасыз ету және нотариаттық қызметтердің сапасын арттыруға жағдай жасау, – деді сенатор Советбек Медебаев.</blockquote>Заңда мынадай тұжырымдамалық ережелер көзделген:–&nbsp;нотариат қызметіне бақылауды Қазақстан Республикасының Кәсіпкерлік кодексінен алып тастап, оны «Нотариат туралы» салалық Заңда регламенттеу.<blockquote>–&nbsp;Азаматтық процестік кодекске мемлекеттік сатып алу және квазимемлекеттік сектордың сатып алуы туралы шарттар негізінде атқарушылық жазбаларды жасау тек бұйрықтық іс жүргізу тәртібімен соттар арқылы жүзеге асырылатынын көздейтін толықтыру енгізіледі. Қазіргі уақытта мұндай атқарушылық жазбаларды өндіріп алу сомасына қарамастан нотариустар жасайды.</blockquote>–&nbsp;Бірыңғай нотариаттық ақпараттық жүйеде атқарушылық жазбаны жасау туралы өтініштерді нотариустар арасында автоматты түрде бөлу тетігін енгізу көзделеді.<blockquote>–&nbsp;Атап айтқанда, заң қабылданғаннан кейін, атқарушылық жазбаны жасау туралы өтініш нотариустар арасында автоматты түрде бөлінетін болады. Бұл тәсіл атқарушылық жазбаны жасау процесінің ашықтығын қамтамасыз етуге, нотариустар арасындағы жүктемені тең бөлуге, сондай-ақ мүдделілік пен алдын ала уағдаластық (сөз байласу) фактілерін болдырмауға бағытталған. Атқарушылық жазбаны тек борышкердің (жеке немесе заңды тұлғаның) тіркелген жері бойынша жасау талабы бекітіледі. Мұнымен қоса, нотариустардың лицензиясының қолданылуын тоқтата тұру және лицензиядан айыру негіздерін кеңейту арқылы олардың жауапкершілігі күшейтіледі,&nbsp;— деді депутат.</blockquote>Оның айтуынша, нотариат институтын цифрландыру мақсатында электрондық нысандағы нотариаттық құжаттарды орталықтандырылған түрде жинауға, сақтауға және есепке алуға арналған бірыңғай нотариаттық цифрлық жүйенің құрамдас бөлігі ретінде нотариаттық цифрлық архив туралы норма енгізіледі. Сонымен қатар, нотариустың жақын туыстары басшы, құрылтайшы немесе акционер саналатын заңды тұлғаларға қатысты нотариаттық іс-әрекеттерді жасауға шектеулер белгіленеді.<blockquote>–&nbsp;Республикалық нотариаттық палатаның, аумақтық нотариаттық палаталардың төрағаларының, сондай-ақ тәртіптік комиссиялар төрағалары мен мүшелерінің өкілеттік мерзімі бір рет қайта сайлану құқығымен төрт жыл болып шектеледі. Мемлекет кепілдік берген заң көмегінің түрлері адвокаттар мен заң консультанттарының конституциялық іс жүргізуде азаматтардың заңды мүдделеріне өкілдік етуімен толықтырылады. Бұл шара конституциялық іс жүргізу аясында мемлекет кепілдік берген заң көмегін көрсетуге мүмкіндік береді,&nbsp;— деді сенатор.</blockquote>Бұған дейін Мәжіліс депутаты Нұрсұлтан Байтілесов нотариустарда дербес деректерді қорғау тетіктеріне қатысты түсінік берді.Бұған дейін хабарланғандай, биыл 1 қыркүйектен бастап жаңа Парламент - Құрылтай өз жұмысына кіріседі.Фото: Uztag.info

Сенат мақұлдаған соңғы заң: нотариустардың жауапкершілігі күшейтіледі  

<a href="https://kyzylorda-news.kz/">Kyzylorda-news.kz</a> &nbsp;Бүгін Қазақстан Республикасы Премьер-Министрінің орынбасары – Жасанды интеллект және цифрлық даму министрі Жаслан Мәдиевтің төрағалығымен жасанды интеллект мәселелері бойынша тренинг-семинар өтті. Оған облыс әкімі Мұрат Ергешбаев селекторлық режим арқылы қатысты.Жиында Мемлекет басшысының цифрландыру және жасанды интеллектті дамыту жөніндегі тапсырмаларының, өңірлердегі цифрлық жобалардың орындалуы, мемлекеттік басқару жүйесіне заманауи технологияларды енгізу барысы талқыланды.Бүгінде өңірде білім беру, денсаулық сақтау және қоғамдық қауіпсіздік салаларында бірқатар жоба іске асырылып жатыр. Қорқыт ата атындағы Қызылорда университеті базасында 2023 жылдан бері Сеул ұлттық ғылым және технология университетімен бірлескен жасанды интеллект институты жұмыс істейді. Онда 240 студент білім алуда, 200 студент бірлескен білім беру бағдарламалары бойынша, 40 студент қос диплом бағдарламасында оқиды.Облыстағы 21 медициналық ұйымда жасанды интеллект көмегімен онкологиялық ауруларды ерте анықтауға арналған радиологиялық зерттеулерді орталықтандыру технологиясы кезең-кезеңімен енгізілуде.Барлық жеті ауданда талшықты-оптикалық байланыс желісі арқылы 539 бейнебақылау камерасы мен 49 жылдамдық өлшеу құрылғысы орнатылып, жедел басқару орталықтары жаңғыртылды. Осындай жұмыстар Байқоңыр қаласы, Ақай және Төретам кенттерінде де жүзеге асырылды.Облыс орталығында 1400 бейнебақылау камерасы, 80 зияткерлік қиылыс және 96 стационарлық жылдамдық өлшегіш іске қосылды. Жедел басқару орталығына жасанды интеллект негізіндегі бейнеаналитикалық жүйе енгізіліп, оған Ішкі істер министрлігі, облыс әкімдігі, Ұлттық қауіпсіздік комитеті және полиция департаментінің ақпараттық жүйелері ықпалдастырылды.Биылғы сәуір айынан бастап республикада алғашқы болып Қызылорда облысында «Сұңқар» аппараттық-бағдарламалық кешендері арқылы жүргізушілердің қауіпсіздік белдігіне, көлік айдағандағы ұялы телефон пайдалануына қатысты заңбұзушылықтары жасанды интеллект көмегімен автоматты түрде анықталуда.ҚР Бас прокуратурасының бастамасымен жүзеге асырылып жатқан жасанды интеллект элементтері бар «Цифрлық қадағалау» пилоттық жобасы өңірлер арасында бірінші болып Қызылорда облысында іске қосылды.Мемлекет басшысының қатысуымен өткен Tomorrow School жасанды интеллект мектебінің ресми ашылуына Қызылорда облысы қатысып, «Құзыреттілік орталығында» заманауи техникамен жабдықталған оқу кеңістігі пайдалануға берілді.Фото: Қызылорда облысы әкімінің баспасөз қызметі

Аймақта жасанды интеллект негізіндегі жобалар кезең-кезеңімен іске асырылуда

<a href="https://kyzylorda-news.kz/">Kyzylorda-news.kz</a> Қызылорда облысында Конго-Қырым геморрагиялық қызбасының табиғи ошақтарында кенеге қарсы залалсыздандыру жұмыстары кезең-кезеңімен жүргізілуде.Қазақстан Республикасы Денсаулық сақтау министрінің 2021 жылғы 12 қарашадағы №114 бұйрығына сәйкес аса қауіпті инфекциялық аурулардың алдын алу мақсатында мал басы, мал қоралары және буферлік аймақтарда (суаттар мен шаңлақтарда) кенеге қарсы залалсыздандыру жұмыстарын ұйымдастыру жергілікті атқарушы органдардың құзыретіне жатады.Осыған байланысты Қызылорда облысының жұмылдыру дайындығы, аумақтық және азаматтық қорғаныс басқармасына қарасты «Жұмылдыру дайындығы және шұғыл жұмыстар орталығы» коммуналдық мемлекеттік мекемесі өңірдегі Конго-Қырым геморрагиялық қызбасы бойынша қолайсыз деп танылған елді мекендерде кенеге қарсы залалсыздандыру жұмыстарын тұрақты түрде жүргізіп келеді.2026 жылы облыстық санитариялық-эпидемиологиялық бақылау департаментінің мәліметіне сәйкес, облыс бойынша 74 елді мекен қолайсыз аймақ ретінде анықталған. Көктемгі және күзгі залалсыздандыру жұмыстарын жүргізуге жергілікті бюджеттен 257 млн теңгеден астам қаржы бөлінді.Облыстық ветеринария басқармасының дерегіне сәйкес, жұмыстар барысында 431 мыңнан астам ауыл шаруашылығы малы, 21 мыңнан астам мал қорасы және 705 суат пен шаңлақ залалсыздандырылды. Бұл мақсатта кенелерге қарсы жоғары тиімділікке ие «Ципертрин» ерітіндісі қолданылды.Көктемгі кезеңдегі жұмыстарды мемлекеттік сатып алу конкурсының жеңімпазы атанған мердігер мекеме жүзеге асырды. Нәтижесінде залалсыздандыру шараларының орташа тиімділігі 97,8 пайызды құрады.Қазіргі таңда күзгі кезеңдегі кенеге қарсы залалсыздандыру жұмыстарына дайындық жүргізіліп, бұл бағытқа 106,9 млн теңге көлемінде қаржы қарастырылған. Мамандардың айтуынша, жоспарлы профилактикалық жұмыстар өңірдегі эпидемиологиялық ахуалды тұрақты ұстап, аса қауіпті жұқпалы аурулардың таралу қаупін төмендетуге мүмкіндік береді.

Кенеге қарсы залалсыздандыру жұмыстары жоспарлы түрде жүргізілуде

<a href="https://kyzylorda-news.kz/">Kyzylorda-news.kz</a> «Дарын» мемлекеттік жастар сыйлығы ғылым, шығармашылық және қоғамдық қызмет салаларында жемісті еңбегімен көзге түскен, сондай-ақ спортта жоғары нәтижелер көрсеткен дарынды жастарды мемлекеттік қолдау мақсатында тағайындалады.Байқау «Әдебиет», «Ғылым», «Дизайн және бейнелеу өнері», «Журналистика», «Классикалық музыка», «Қоғамдық қызмет», «Спорт», «Театр және кино», «Эстрада», «Халық шығармашылығы» атты 10 номинация бойынша өтеді.Мемлекеттік сыйлыққа халықаралық және республикалық деңгейдегі байқаулар мен фестивальдердің лауреаттары, спорттық жарыстардың жүлдегерлері мен жеңімпаздары, сондай-ақ аталған салалар мен тұтастай қоғамды дамытуға ықпал еткен Қазақстан Республикасының 35 жасқа дейінгі азаматтары үміткер бола алады.«Дарын» жастар сыйлығын алуға кандидатураларды орталық, жергiлiктi және өзге де мемлекеттік органдар, қоғамдық бiрлестiктер және Қазақстан Республикасының аумағында тіркелген басқа да заңды тұлғалар іріктейді. Үміткерлер мынадай құжаттарды қағаз және электронды түрде жіберуі қажет:1) кандидаттың жеке басын куәландыратын құжаттың көшірмесі;2) осы Қағидаларға қосымшаға сәйкес нысан бойынша «Дарын» мемлекеттік жастар сыйлығын алуға арналған тіркеу өтінімі;3) өтінішхат пен сыйлық алуға ізденушінің жетістіктері туралы анықтама;4) марапаттау дипломдарының, грамоталардың, алғыс хаттардың көшірмелері (болған жағдайда);5) кандидаттың немесе кандидат туралы мақалалардың, жарияланымдардың көшірмелері (болған жағдайда);6) банктік шоттың болуы туралы анықтаманың көшірмесі;7) кандидаттың жетістіктерін растайтын материалдар (болған жағдайда).Жеңімпаздарға «Дарын мемлекеттік жастар сыйлығының лауреаты» атағы беріледі. Мемлекеттік сыйлық иегерлері дипломмен, төсбелгімен, сондай-ақ қаржылай сыйлықпен марапатталады.«Дарын» жастар сыйлығы 1992 жылы тағайындалған. Әр жылдары аталған сыйлықты түрлі саладағы 380-дан астам азамат иеленген болатын.Конкурсқа қатысуға құжат 2026 жылғы 17 маусымнан 17 қыркүйек аралығында (қоса алғанда) қабылданады. Құжаттың қағаз нұсқасын мына мекенжай бойынша тапсыру қажет: Астана қаласы, Мәңгілік ел даңғылы 8, «Министрліктер үйі» ғимаратының 14-кіреберісі. Электронды нұсқа daryn2026kz@gmail.com поштасы арқылы қабылданады.Анықтама телефондары: 8 (7172) 74-05-25, 8 (7172) 74-18-43, (жұмыс күндері, сағ. 9:00-ден 18:30-ға дейін).«Дарын» мемлекеттік жастар сыйлығының қағидасы: https://www.gov.kz/memleket/entities/mam/documents/details/861853?lang=kkФото: ҚР Мәдениет және ақпарат министрлігінің баспасөз қызметі

«Дарын» мемлекеттік жастар сыйлығына байқау жарияланды

<a href="https://kyzylorda-news.kz/">Kyzylorda-news.kz</a> Алматы облысында полиция автоматтандырылған жүйемен жабдықталған жасырын есірткі зертханасын жойды. Арнайы операция барысында 29 түп қарасора, 27 келі дайын есірткі, қару-жарақ пен 3 миллион теңге тәркіленіп, қылмыстық топтың екі мүшесі ұсталды. Бұлш туралы Polisia.kz <a href="https://kaz.inform.kz/news/vip-klientterge-esrtk-satkan-top-ustaldi-zhertoleden-avtomattandirilgan-zerthana-6f4e1867">жазды.</a><blockquote>— «Қарасора — 2026» операциясы аясында ІІМ есірткі қылмысына қарсы іс-қимыл комитетінің қызметкерлері Алматы облысының полиция департаментімен бірлесіп, есірткіні заңсыз өндірудің толық циклін ұйымдастырған қылмыстық топтың әрекетін тоқтатты. Қылмыстық топ құрамында есірткісі бар өсімдіктерді жасырын өсіруден бастап дайын өнімді VIP-санаттағы клиенттерге өткізуге дейінгі барлық кезеңді жүзеге асырған. Жойылған фитозертхана автоматтандырылған желдету жүйесімен, температураны, жарықтандыруды және суаруды бақылайтын датчиктермен жабдықталған. Онда жыл бойы құрамында есірткісі бар өсімдіктердің жоғары концентрациялы сұрыптары өсірілген, — деді ІІМ есірткі қылмысына қарсы іс-қимыл комитетінің басқарма бастығы Бақытжан Әмірханов.</blockquote>Жасырын жеке кіреберісі бар жертөлені тінту барысында 29 түп қарасора, 27 кг дайын өнім, өсіруге арналған заманауи жабдық, электрондық ақпарат жеткізгіштер, байланыс құралдары, қылмыстық жолмен алынған үш миллион теңге көлеміндегі қаражат, сондай-ақ оқ-дәрілері бар тіркелмеген қару тәркіленді.<blockquote>— Аталған фитозертхананың ұйымдастырушысы — 40 жастағы ер адам ұзақ уақыт бойы каннабис тобына жататын есірткілерді өсіру технологиясын жан-жақты зерттеп, жер телімінде ауданы 100 шаршы метрден асатын арнайы салынған жеке ғимаратта жасырын өндірісті кеңейтуді жоспарлаған. Осы мақсатта ол алыс шет мемлекеттерге арнайы барып, сала мамандарынан кеңес алған, каннабистің элиталық сұрыптарын өсіруге арналған арнайы жабдықтарға тапсырыс берген, заманауи технологияларды енгізіп, құрамында есірткісі бар жоғары концентрациялы шикізатты каннабиноидтық экстрактілерге, яғни гашиш майына қайта өңдеу тәсілдерін жетілдірген. Жедел-тергеу іс-шаралары барысында оның қылмыстық байланысы анықталып, бұрын аса ауыр қылмыстар жасағаны үшін бірнеше рет сотталған 45 жастағы ер адам ұсталды. Оның гаражын тінту кезінде скотчпен оралған 4 кг гашиш, сондай-ақ бөлшектеп буып-түйілген есірткі өнімдері, zip-пакеттер және есірткі тұтынуға арналған құралдар тәркіленді. Қылмыстық сызбаның барлық қатысушыларын, жабдықтар мен тұқымдық материалдарды жеткізу арналарын, сондай-ақ өзге де заңсыз әрекеттерді анықтауға бағытталған тергеу әрекеттері жүргізілуде. Іс бойынша ұсталған күдіктілер уақытша ұстау изоляторына қамалды. Қылмыстық жолмен сатып алынған жылжымайтын мүлікке, қымбат автокөліктерге тергеп-тексеру аясында тыйым салынды. Есірткіні заңсыз өндіру мен дайындау фактілерінің жолын кесу бағытындағы жұмыс жалғасатын болады, — деді спикер.</blockquote>Видеодан алынған кадр

VIP-клиенттерге есірткі сатқан топ ұсталды: жертөледен автоматтандырылған зертхана табылды 

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, «Қазақстан Темір Жолы» ұлттық компаниясының құрылыс жөніндегі басқарушы директоры Марат Искалиев, облыстық мәслихат төрағасы Мұрат Тлеумбетов, Қорқыт ата атындағы Қызылорда университетінің Басқарма төрағасы-ректор Наурызбай Байқадамов, зиялы қауым өкілдері мен ел ағалары қайта жаңғыртудан өткен Қазалы теміржол вокзалының салтанатты ашылу рәсіміне қатысты.&nbsp;Аймақ басшысы аудан тұрғындарын құттықтап, жол-көлік инфрақұрылымын дамытудағы бастамалар, оларды жүзеге асырудың маңыздылығы туралы айтты.<blockquote>«Сыр өңірі тоғыз жолдың торабында орналасқандықтан аймағымыздан халықаралық және өңіраралық теміржол бағыттарымен мыңдаған жолаушы, шетелдік туристер қатынайды. Бүгін біз ғасырдан астам тарихы бар &nbsp;Қазалы теміржол вокзалын ресми түрде іске қосамыз. Күніне 350 жолаушы келіп-кететін, аумағы 8 860 шаршы метр ғимарат 1 млрд. 290 млн.теңгеден астам қаржыға қайта жаңғыртылды. Жаңа нысанда аудан тұрғындары мен қонақтарына сапалы қызмет көрсетіледі деп сенемін», – деді Мұрат Нәлқожаұлы.</blockquote>Ашылу салтанатында Марат Искалиев пен Қазалы аудандық ардагерлер кеңесінің төрағасы Оразғали Бекбанов сөз сөйлеп, теміржол саласында еңбек етіп жүрген қызметкерлер мен мердігер мекеме өкілдері облыс әкімінің Алғыс хатымен марапатталды.Айта кетейік, Мемлекет басшысының тапсырмасымен еліміздегі 124 вокзал жаңғыртылып жатыр. Қызылорда облысының аумағындағы вокзалдар өткен ғасырдың басындағы "Орынбор-Ташкент" магистралі жүргізілген кезеңде салынған. Тарихи ғимараттарды &nbsp;жаңғыртылатын нысандар тізіміне енгізу сол кездегі облыс әкімі Нұрлыбек Машбекұлының бастамасымен жүзеге асты. Барлық аудан орталығындағы және Төретам, Сексеуіл станцияларындағы вокзалдарды, Жаңақорған ауданындағы Талап бекетінің платформасын жаңғыртуға 10 млрд. теңгеге жуық қаржы бөлінді.Қазалы теміржол вокзалы – жай &nbsp;нысан емес, ғасырлық тарихтың куәсі, ауданның өсіп-өркендеу жолындағы маңызды символдардың бірі. Іргетасы ХХ ғасырдың басында &nbsp;Ақирек тауынан қашалып, түйе керуенімен жеткізілген тастан қаланған екен. Қабырғасы күйдірілген кірпіштен өрілген. Ерекше сәулетімен дараланған бұл ғимарат 1980 жылы архитектуралық ескерткіш ретінде арнайы есепке алынған.Бүгінде Қазалы ауданының аумағында 91 шақырым теміржол желісі бар, тәулігіне 12 жолаушылар пойызы өтеді. Соңғы рет 2013 жылы жөндеуден өткен. &nbsp;Былтыр сәуір айында &nbsp;«Қазақстан Темір Жолы» ұлттық компаниясының қаржыландыруымен «Бақ Береке» ЖШС ғимараттың іргетасы мен қабырғаларын күшейтіп, шатырын толық жаңартты. Есік-терезелерін ауыстырып, күту залдарын заманауи талаптарға сай жабдықтады. Мүмкіндігі шектеулі азаматтарға қолайлы орта жасалып, қауіпсіздік жүйелері орнатылды. Ана мен бала бөлмесі, медициналық пункт бар. Аумағы абаттандырылып, жаңа келбетке ие болды. Маңындағы инфрақұрылымды жақсарту бағытында да ауқымды жұмыстар атқарылды. Биыл қаңтар айында теміржол үстіндегі жаяу жүргіншілер көпірі пайдалануға берілді.Осылайша Әйтеке би кентінің теміржолдың арғы бетінде тұратын 13 мыңнан астам тұрғыны үшін қауіпсіз әрі ыңғайлы қатынау мүмкіндігі жасалды.<img src="https://knadmin.beoblood.kz/uploads/azaly_temirzhol_vokzaly_zha_yrtyldy_2_4c983baf36.jpg" alt="Қазалы теміржол вокзалы жаңғыртылды 2.jpg">

Қазалыдағы теміржол вокзалы қайта жаңғыртудан өтті

23 маусым - Қазақстан полиция күні кәсіби меркесіне орай облыс әкімі Мұрат Ергешбаевтың қатысуымен өңірдегі полиция қызметкерлеріне 94 арнайы қызметтік автокөліктің кілтін табыстау рәсімі өткен болатын.Бүгін Қазалы ауданында аудандық полиция бөліміне табысталған 7 арнайы қызметтік автокөлікті таныстыруға арналған шара өтті.Шара барысында аудан әкімі Алмасбек Есмаханов сөз сөйлеп, жаңа қызметтік автокөліктер полиция қызметкерлерінің жедел әрекет ету мүмкіндігін арттырып, қоғамдық қауіпсіздікті қамтамасыз ету, құқықбұзушылықтардың алдын алу және қызметтік міндеттерді тиімді орындауға үлкен мүмкіндік беретінін жеткізді. Сондай-ақ тәртіп сақшыларының қоғам алдындағы жауапкершілігіне тоқталды.<img src="https://knadmin.beoblood.kz/uploads/FB_IMG_1782622098640_2b0d5e6dc3.jpg" alt="FB_IMG_1782622098640.jpg">— Қоғам дамуының басты мұраты – елдің тыныштығы. Бұл орайда жоғары кәсібилікті, асқан жауапкершілікті талап ететін әрі өмірі қауіп-қатерге толы полиция қызметкерлерінің еңбегі қашанда зор құрметке лайық. Қоғамдық тәртіп пен қауіпсіздікті сақтап, қылмыстың алдын алу жолындағы Сіздердің күнді түнге жалғаған еселі еңбектеріңіз әрдайым ел есінде. Мемлекет тарапынан материалдық-техникалық базаны нығайту бағытында барлық жағдай жасалуда. Полиция күніне орай облыс орталығында аймақ басшысы Мұрат Нәлқожаұлының қатысуымен полиция қызметкерлеріне 94 арнайы автокөліктің кілті табысталды. Соның ішінде 7 қызметтік автокөлік Қазалы аудандық полиция бөліміне беріліп отыр. Бұл – құқық қорғау органдарының әлеуетін арттырып, халық қауіпсіздігін қамтамасыз етуге үлкен қолдау. Ел тыныштығы мен қоғамдық қауіпсіздікті сақтауда абыроймен қызмет ете беріңіздер!, — деді аудан әкімі.Айта кетейік, бүгінде аудан бойынша тұрғындардың қауіпсіздігін қамтамасыз ету мақсатында қоғамдық орындарда тәртіпті бақылауға және жол қозғалысы ережелерінің бұзылуын автоматты түрде анықтауға арналған 72 бейнебақылау камерасы орнатылған. Сонымен қатар, аудандық полиция бөлімі ғимаратында бейнебақылау жүйелері арқылы құқықбұзушылықтарды анықтайтын арнайы кіші Жедел басқару орталығы жұмыс істейді. Жергілікті атқарушы органдар мен полиция қызметкерлерінің бірлескен кешенді жұмыстарының нәтижесінде ауданымызда қылмыс деңгейі төмендеп келеді. Биыл өткен жылдың есепті кезеңімен салыстырғанда қылмыс деңгейі 50-ден 40-қа, яғни 10 пайызға азайған.Қазіргі таңда ауданымызда 100-ден астам полиция қызметкері ел тыныштығы мен қоғамдық қауіпсіздікті сақтау жолында абыройлы қызмет атқаруда.<img src="https://knadmin.beoblood.kz/uploads/FB_IMG_1782622107132_f79c4c68bd.jpg" alt="FB_IMG_1782622107132.jpg">

Қазалы аудандық полиция бөліміне берілген қызметтік автокөліктер таныстырылды 

Қазалы ауданында «Таза Қазақстан» республикалық экологиялық акциясы аясында жаппай сенбілік жұмыстары ұйымдастырылды.Аудан әкімі Алмасбек Есмахановтың тапсырмасына сәйкес аудан орталығы – Әйтеке би кентінің барлық аумағында тиісті бөлініске сәйкес тазалық жұмыстары қарқынды жүргізілді. Сондай-ақ барлық ауылдық округ бойыншада мекеме, кәсіпорын қызметкерлері мен тұрғындар тазалық акциясы аясында туған жердің тазалығына біркісідей атсалысты.Аудан орталығындағы ұйымдастырылған сенбілік жұмыстарын аудан әкімі аралап көріп, тазалық жұмыстарына қатысты кент әкімі мен жауапты сала басшыларына бірқатар тапсырмалар берді.Бүгінгі сенбілік барысында Әйтеке би кентіндегі теміржол вокзалы алдындағы Әйтеке би алаңы, вокзал аумағы, Жалаңтөс баһадүр саябағы, Әйтеке би кентінің бас қақпасынан теміржол өткеліне дейін, теміржол өткелінен бастап Роза Бағланова көшесінің бойындағы ретсіз өткен шөптерді шабу, қоқыстарды теру, бағаналар, қоршаулар, бордюрларды әктеу, сырлау, аялдамаларды жуу жұмыстары жүргізілді.Тазалық жұмыстары барысында тазалық мекемелері жиналған қоқыстар мен шабылған шөптерді техникалар арқылы арнайы орындарға шығарды.Жалпы бүгінгі аудан көлемінде жүргізілген сенбілік жұмыстарына барлығы 121 мекемеден 1 275 адам, 12 техника жұмылдырылып, полигондарға 13,4 тонна қоқыс шығарылды.<img src="https://knadmin.beoblood.kz/uploads/FB_IMG_1782621916211_5d8ec86862.jpg" alt="FB_IMG_1782621916211.jpg">

Қазалыда сенбілік жұмыстары ұйымдастырылды 

Облыс әкімі Мұрат Ергешбаев, ҚР Көлік вице-министрі Жәнібек Тайжанов, облыстық мәслихат төрағасы Мұрат Тлеумбетов, Қорқыт ата атындағы Қызылорда университетінің Басқарма төрағасы-ректор Наурызбай Байқадамов, зиялы қауым өкілдері мен ел ағалары қайта жаңғыртылған Шиелі &nbsp;теміржол вокзалының салтанатты ашылу рәсіміне қатысты.Аймақ басшысы аудан тұрғындарын құттықтап, жаңа ғимарат жолаушыларға сапалы қызмет көрсететін бірегей нысанға айналатынын атап өтті. &nbsp; «Бүгін Өздеріңізбен бірге аймағымыз үшін маңызды жобалардың бірі - Шиелі теміржол вокзалының қайта жаңғыртудан кейінгі салтанатты ашылу рәсімінде бас қосып отырмыз. Президентіміз Қасым-Жомарт Кемелұлының еліміздегі теміржол вокзалдарын қайта жаңғырту тапсырмасы аясында былтыр сол кездегі аймақ басшысы Нұрлыбек Машбекұлының тікелей бастамасымен &nbsp;жаңғыртудан өтетін вокзалдар тізіміне барлық аудан орталықтарындағы және Төретам, Сексеуіл станцияларындағы ғимараттар, Жаңақорған ауданы Талап бекетінің платформасы енгізілген болатын. Барлық вокзалдағы &nbsp;жаңғырту жұмыстарына 10 млрд. теңгеге жуық қаржы бөлінді. &nbsp;Аумағы 9 474 шаршы метр болатын Шиелі теміржол вокзалына 836 млн.теңгеден астам қаржы қаралған. Тәулігіне 200 жолаушыны қабылдайтын вокзал заманауи талаптарға сай жабдықталған.&nbsp; Мұнда да ғимараттың қасбеті мен іргетасы қапталып, төбе жабындысы мен есік-терезелері ауыстырылды. Электр желілері, жылу жүйесі жаңаланды және перрон аумағы абаттандырылды. &nbsp;Бүгін Жаңақорған &nbsp;теміржол вокзалын да іске қостық, Ертең Қазалы &nbsp;вокзалын ел игілігіне табыстаймыз. Жаңа нысандар баршаңызға құтты болсын!», - деді Мұрат Нәлқожаұлы.Шарада Жәнібек Тайжанов пен Шиелі кенті ардагерлер кеңесінің төрағасы Болат Күлімбетов сөз сөйлеп, &nbsp;сала қызметкерлері, мердігер мекеме өкілдері облыс әкімінің Алғыс хатымен марапатталды.

Шиелі теміржол вокзалы қайта жаңғыртудан кейін іске қосылды 

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, Сыр өңіріне жұмыс сапарымен келген ҚР Көлік вице-министрі Жәнібек Тайжанов, облыстық мәслихат төрағасы Мұрат Тлеумбетов, Қорқыт ата атындағы Қызылорда университетінің Басқарма төрағасы-ректор Наурызбай Байқадамов, зиялы қауым өкілдері мен ел ағалары қайта жаңғыртудан өткен Жаңақорған теміржол вокзалының ашылу рәсіміне қатысты.Еске салсақ, Мемлекет басшысының тапсырмасымен еліміздегі 124 вокзал жаңғыртылып жатыр. Былтыр сол кездегі облыс әкімі Нұрлыбек Машбекұлы жаңғыртудан өтетін вокзалдар тізіміне барлық аудан орталықтарындағы және Төретам, Сексеуіл станцияларындағы ғимараттарды, Жаңақорған ауданындағы Талап бекетінің платформасын енгізген болатын.Барлық вокзалдағы жаңғырту жұмыстарына 10 млрд. теңгеге жуық қаржыны бөлінді.Рәсімде Мұрат Нәлқожаұлы теміржол вокзалдары жолаушыларға қолайлы және қауіпсіз, өңірдің заманауи келбетін айшықтайтын нысандарға айналатынын атап өтті.<blockquote>«Облыс аумағы – тоғыз жолдың торабында орналасқан, өңірлер мен елдерді байланыстыратын маңызды көлік дәлізі.Бүгінде аймағымыздан халықаралық және өңіраралық теміржол бағыттарымен мыңдаған жолаушы, шетелдік туристер қатынайды. Сондықтан теміржол вокзалдарын заман талабына сай жаңғырту тұрғындар үшін де, қонақтар үшін де ерекше маңызға ие.Бүгін біз Жаңақорған кентінде 1 млрд.теңгеден астам қаржыға қайта жаңғыртылған, аумағы 8 838 шаршы метр болатын теміржол вокзалын ел игілігіне табыстағалы тұрмыз. Вокзал күніне 121 жолаушыны өткізуге қауқарлы. Ғимараттың қасбеті мен іргетасы қапталды, төбе жабындысы мен есік-терезесі ауыстырылды. Электр желілері монтаждалып, жылу жүйесі жүргізілді, перрон абатандырылды. Нысан заманауи талаптарға сай, жоғары сапалы жабдықтармен жарақталған. Бұдан бөлек, бүгін Шиелі, ертең Қазалы теміржол вокзалдарын табыстаймыз. Облыс аумағынан өтетін әрбір қонақ пен турист мұндағы қызмет сапасы мен жайлылыққа оң бағасын береді деп сенеміз», – деді Мұрат Нәлқожаұлы.</blockquote>Жиында Жәнібек Тайжанов пен еңбек ардагері Сәулебек Қалыбаев сөз сөйлеп, теміржол саласы қызметкерлері мен мердігер мекеме өкілдері облыс әкімінің Алғыс хатымен марапатталды.Бүгінде облыс аумағынан 15 жолаушы пойызы өтеді, облыс орталығынан Астана, Петропавл, Павлодар, Көкшетау, Семей, Түркістан қалаларына 6 жолаушылар пойызы жүреді.Өңірде 80 шақырымнан астам теміржол күрделі жөнделуде.Ел аумағындағы теміржол вокзалдарын қайта жаңғырту туралы Президент тапсырмасына сәйкес 2024 жылы Қызылорда теміржол вокзалы күрделі жөндеуден өтіп, абаттандырылды. Бұдан бөлек, аймақтағы 7 вокзал, Тереңөзек және Жалағаштағы 2 қызмет көрсету пункті күрделі жөнделіп жатыр. Талап бекетінде 322 млн.теңгеге 1 188 шаршы метрлік жолаушылар платформасын жаңғырту жұмыстары аяқталды.Фото: Қызылорда облысы әкімінің баспасөз қызметі

Қайта жаңғыртылған Жаңақорған теміржол вокзалы ашылды

Қармақшы ауданында өткен облыстық «Айбын – 2026» арнайы-тактикалық оқу-жаттығуы аяқталуда. Осыған орай №284 мамандандырылған мектеп-интернатында оқу-жаттығуға қатысушыларды марапаттау рәсімі ұйымдастырылды.Салтанатты іс-шараға аудан әкімі Жандос Еркінбек, аудандық мәслихат төрағасы Әділ Қошалақов, әскери бөлім басшылары мен қызметкерлері қатысты. Шара барысында алдымен әскери техникалар мен қару-жарақ көрмесі көрсетіліп, оқу барысында пайдаланылған арнайы құрал-жабдықтар тамашаланды.Жиында сөз сөйлеген Жандос Еркінбек барлық қатысушыларға өз алғысын білдірді:-Он күнге созылған оқу-жаттығу ұлттық қауіпсіздікті қамтамасыз ету бағытында ерекше маңызға ие, сондай-ақ мұнда қатысушылар жоғары дайындық деңгейін көрсетіп, жүктелген міндеттерді абыроймен орындады. Бұл – сіздердің Отан алдындағы адал қызметтеріңіздің көрінісі. Ауданымызда Мемлекет басшысы мен Үкіметтің және аймақ басшысының қолдауымен қорғаныс саласын дамытуға, әскери бөлімдердің материалдық-техникалық базасын нығайтуға тұрақты қолдау көрсетілуде. Алдағы уақытта да бұл жұмыстар жалғасатын болады. Еліміздің тыныштығы мен ұлттық қауіпсіздікті қамтамасыз ету жолындағы еңбектеріңіз үшін баршаңызға шынайы алғысымды білдіремін, – деді.Кездесуде өзінің кәсіби шеберлігімен ерекшеленіп, белсенділік танытқан азаматтар аудан әкімінің «Алғыс хатымен» марапатталды.Сондай-ақ аудан өнерпаздары патриоттық әндер орындап, шара соңында аға буын өкілдері батасын берді.Айта кетсек жыл сайын дәстүрлі түрде өткізілетін облыстық маңызы бар бұл шараға ауданымызда 100-ден астам қызметкер жұмылдырылды.Фото: Қармақшы ауданы әкімінің баспасөз қызметі

Қазақстан және Қызылорда облысының жаңалықтары: Қоғам