Елімізде картоп, көкөніс және жеміс-жидек сақтайтын орындардың жалпы сыйымдылығы 2 371 500 мың тонна. Бұл туралы Kazinform агенттігінің ресми сауалына Ауыл шаруашылығы министрлігі жолдаған ресми жауапта айтылған.— Ауыл шаруашылығы министрлігі жергілікті атқарушы органдармен бірлесіп, 2023-2025 жылдарға арналған көкөніс қоймаларын салу және жаңғырту жөніндегі кешенді жоспарды іске асырып жатыр. Бүгінгі күні республика бойынша жалпы сақтау сыйымдылығы 2 371,5 мың тонна болатын картоп, көкөніс пен жеміс-жидек сақтайтын 964 нысан бар, - делінген хабарламада.Ведомство дерегіне сай, 2024 жылдың қорытындысы бойынша сақтау сыйымдылығы 166,2 мың тонна болатын 27 нысан салынды. Ал 2023 жылы сыйымдылығы 292,7 мың тоннаны құрайтын 35 жоба іске асырылған. 2025 жылы жалпы сыйымдылығы 140,5 мың тонна болатын 23 жобаны іске асыру жоспарланған.Биылғы жоспарланған жобалар сәтті іске қосылған күннің өзінде елдегі мұндай қоймалардың сыйымдылығы 2,5 млн тоннадан сәл асады. Ал былтыр елімізде 2,9 млн тонна картоп, 3,9 млн тонна көкөніс және 2,6 млн тонна бақша дақылдары, яғни осы санатта 9,4 млн тонна өнім жиналды. Бұл сандардан елімізде мұндай өнім көлемі мен сақтау қоймалары сыйымдылығы арасындағы алшақтық 4 есеге жуықтайтынын аңғаруға болады.Фото: Нұрболат Нұржаубай

Картоп, көкөніс және жеміс-жидек қоймаларының сыйымдылығы өнім көлемінен төрт есе аз

Облыс әкімі Нұрлыбек Нәлібаев Парламент Сенатының депутаттары Наурызбай Байқадамов, Руслан Рүстемов және жауапты сала басшыларымен бірге 11 мың орындық стадионның құрылыс алаңына барды.Жаңа стадион жанында 1000 орындық автотұрақ алаңы, 40 орындық VIP автотұрақ бар. Ғимараттың батыс секторында спортшылардың жаттығу алаңы, жуыну аймағы және киім ауыстыруға, төрешілер мен жаттықтырушыларға арналған, емдік массаж &nbsp;бөлмелері қарастырылған. Медпункт, допингтік бақылау бөлмесі, комментатор кабиналары, конференц зал орналасқан.&nbsp;Ал шығыс секторында &nbsp;ауыр атлетика, бокс, гимнастика және акробатика, күрес, жаттығу залдары, қыздырыну бөлмесі бар.Сондай-ақ, жанкүйерлерге арналған санитарлық, тамақтану және демалыс аймақтары, кафетерий, VIP-аймақтармен және VIP-кабинеттермен қамтылған. &nbsp;4 автобусқа арналған автотұрағы, жылу қазандығы, қоқыс төгетін орын және резервуармен жабдықталған. Газон төселген стандартты өлшемдегі футбол алаңы бар. Сондай-ақ, мұнда балалар мен жастар үшін түрлі спорт секциялары жұмыс істейді. Стадион қыркүйек айында пайдалануға беріледі.&nbsp;Одан кейін аймақ басшысы өңірдегі электр және жылу энергиясының тапшылығын шешу мақсатында Мемлекет басшысының тапсырмасымен салынған жаңа жылу-электр орталығының құрылыс барысымен танысты.Инвестор «Акса энерджи» түрік компаниясы &nbsp;орталық құрылысына 137 млрд.теңгеден астам инвестиция салды.&nbsp;Жоба аясында 2 &nbsp;газ турбиналық қондырғы, 95 МВт-тық бу турбинасы, 2 &nbsp;бу, 4 &nbsp;жылу қазандығы &nbsp;салынады. Бүгінде құрылыстың 70 пайызға жуық жұмысы біткен.Бұдан бөлек, бюджет есебінен &nbsp;15 млрд.теңгеге &nbsp;орталыққа дейінгі 45 шақырым газ құбыры, автоматтандырылған газ тарату станциясы салынды.Құрылыс алаңында 1200-ден астам адам және 130 арнайы техника жұмыс жасауда. Жұмысшылардың негізгі бөлігі - жергілікті тұрғындар.Станцияны осы жылдың 4 тоқсанында іске қосу жоспарланған. Бірінші кезекте 1 газотурбиналық қондырғы мен 2 жылу қазандығы, 2026 жылы қалған қондырғылар қосылады.&nbsp;Жаңа станция облыстың электр энергиясына деген қажеттілігін толығымен қамтамасыз етеді.Сонымен қатар, өңірдің энергетикалық әлеуетін едәуір күшейтіп, &nbsp;ұзақ мерзімді тұрақты &nbsp;дамуына негіз қалайды.Облыс әкімі бұл жобалардың аймақтың әлеуметтік-экономикалық дамуында маңызды рөл атқаратынын айтып, сапаға баса мән беруді тапсырды.<img src="https://knadmin.beoblood.kz/uploads/FB_IMG_1754891530081_55c6c8d1a0.jpg" alt="FB_IMG_1754891530081.jpg">Фото: Қызылорда облысы әкімінің баспасөз қызметі

Ауқымды жобалар құрылысы бақылауда

Қызылорда облысының солтүстігінде қатты жаңбыр күтіледі. Облыстың солтүстігінде найзағай, күндіз бұршақ, дауыл күтіледі. Күндіз облыстың солтүстігінде, оңтүстігінде, орталығында шаңды дауыл күтіледі. Шығыстан соққан жел солтүстік-батысқа ауысады, күндіз екпіні 15-20, облыстың орталығында 25 м/с күтіледі. Күндіз 40 градус қатты ыстық күтіледі. Облыстың оңтүстік жартысында төтенше өрт қаупі, облыстың солтүстік жартысында жоғары өрт қаупі сақталады. Қызылорда қ.: 11 тамызда күндіз шаңды дауыл күтіледі. Жел шығыстан соғады, күндіз екпіні 15-20 м/с күтіледі. Күндіз 40 градус қатты ыстық күтіледі. Төтенше өрт қаупі сақталады.Фото: Нұрболат Нұржаубай

41 градус ыстық: Синоптиктер қатты ыстық болатынын ескертті

Аталған құжат қос мемлекет арасындағы ұзаққа созылған әскери қақтығысты түбегейлі тоқтатып, дипломатиялық қатынас орнатуға және берік бітім негізінде ынтымақтастықты дамытуға жол ашты.Мемлекет басшысының пікірінше, Әзербайжан мен Арменияның мұндай келісімге қол қоюы – АҚШ Президенті Дональд Трамптың тегеурінді әрі тиімді бітімгерлік миссиясының арқасы. Ол Әзербайжан және Армения басшыларын саяси ерік-жігер танытып, стратегиялық тұрғыдан көреген шешім қабылдауға көндіре алды.Президент Қасым-Жомарт Тоқаев Қазақстан да екі ел арасындағы осынау маңызды уағдаластыққа қол жеткізуге елеулі үлес қосты деп санайды.Еліміз бейбіт келісімнің негізгі шарттарына қатысты сыртқы істер министрлерінің деңгейіндегі келіссөз алаңы ретінде Алматы қаласын ұсынды.Министрлер арасындағы келіссөздер Алматыда өтті.&nbsp;Фото:&nbsp;Ақорда

Президент Қасым-Жомарт Тоқаев Вашингтонда Әзербайжан мен Армения елдері арасында қол қойылған келісімді тарихи жетістік деп санайды

Арал ауданы әкімдігінің мәжіліс залында 2025-2026 жылдардағы жылу беру маусымына дайындық жұмыстары бойынша штаб отырысы өтті. Аудан әкімінің орынбасары Ш. Есжанов төрағалық еткен жиынға қала әкімі, білім, денсаулық, мәдениет, спорт саласы, коммуналдық сала басшылары, көмір тасымалдаушы оператор өкілдері мен штаб мүшелері қатысып, кент, ауылдық округ әкімдері бейнеселектор желісі арқылы қосылды.Күн тәртібіндегі мәселе бойынша алдымен аудандық тұрғын үй-коммуналдық шаруашылығы жолаушылар көлігі және автомобиль жолдары бөлімі басшысының міндетін атқарушы &nbsp;Е. Нақыловтың хабарламасы тыңдалды.Аудан бойынша қатты отынға қажеттілік 11,9 мың тоннаны құраса, сұйық отын қажеттілігі 3108 мың тонна болып отыр. Көмір тасымалдайтын 3 оператор қызмет көрсететін болады. Бұдан бөлек, денсаулық сақтау және білім беру ұйымдарына дизель отынының қажеттілігі, газдандырылған елді мекендердегі ғимараттарды көгілдір отынға қосу, жаңадан салынған, күрделі жөндеуден өтіп жатқан мектептерді құжаттандыру жұмыстарын жедел әрі тиянақты түрде аяқтау жөнінде тапсырма берілді.Штаб отырысының қорытындысымен жылу беру маусымына дайындық жұмыстары мен оның тұрақты өтуі бойынша бірінші басшыларының жауаптылықта болатындықтары қатаң ескеріліп,қажетті отын қорын жасақтауды ағымдағы жылдың қазан айын дейін толық аяқтау тапсырылды. Мұнымен қоса жауапты бөлім және мекеме басшыларына жеке әлеуметтік нысандардың көгілдір отынға қосылуына қатысты жүйелі шаралар қабылдау, аудан көлеміндегі су айдау стансаларын резервті энергия көзімен қамтамасыз ету және барлық су құбыры желілерін қысқы маусымға әзірлігін пысықтау, тұрғындарды тұрақты үздіксіз электр энергиясымен қамтамасыз ету бойынша тиісті шараларды қабылдау жөнінде нақты тапсырмалар жүктелді.

Жылу беру маусымына дайындық барысы пысықталды

Қармақшы ауданының әкімі Жандос Еркінбектің тапсырмасына сәйкес, аудан аумағында күзгі кезеңге арналған кенеге қарсы дәрілеу және залалсыздандыру жұмыстарын тиімді ұйымдастыру мақсатында ауылдық округ әкімдіктеріне үй аулалары мен мал қораларында санитарлық тазалық жұмыстарын жүргізу туралы тиісті тапсырмалар берілген болатын.Осыған орай, бүгін Қармақшы ауданы әкімі аппаратының басшысы Диас Молдабаевтың қатысуымен Конго-Қырым геморрагиялық қызбасының алдын алуға бағытталған залалсыздандыру жұмыстары басталды. Аталған шараға аудандық санитариялық-эпидемиологиялық бақылау басқармасы мен ветеринария саласының мамандары қатысты.Залалсыздандыру жұмыстары бүгіннен бастап «SATTI TULIK» ЖШС мердігер мекемесі арқылы жүзеге асырылуда. Жұмысқа 7 қызметкер мен 6 арнайы техника жұмылдырылып, «Креолин-Х5%» дәрілік препараты қолданылуда.Қазіргі таңда бірінші кезеңдік залалсыздандыру жұмыстары Жосалы кентінде жүргізілуде. Келесі кезекте жұмыстар Қармақшы, Қызылтам, Ордазы, Қорқыт, Диірментөбе елді мекендерінде жалғасатын болады.

Кенеге қарсы күзгі дәрілеу жұмыстары басталды

<a href="https://kyzylorda-news.kz/">Kyzylorda-news.kz</a> Жаңа оқу жылынан бастап Қазақстанда алғаш рет барлық мектептер мен колледждерде балалар мен жасөспірімдер арасындағы буллинг оқиғаларын азайтуға, білім беру ұйымдарында қауіпсіз, қолдаушы және өзара құрметке негізделген орта қалыптастыруға бағытталған отандық «ДосболLIKE» профилактикалық бағдарламасы енгізіледі, деп хабарлайды ҚР Оқу-ағарту министрлігінің баспасөз қызметі.Бағдарлама балалардың әл-ауқаты индексінің қағидаттары мен халықаралық және отандық нормативтік-құқықтық актілерге сәйкес әзірленген және буллингке қарсы күрестегі үздік халықаралық тәжірибелерге сүйенеді.Бағдарламаның апробациясы еліміздің 9 өңіріндегі 50 мектепте жүргізіліп, буллингтің алдын алу жүйелері құрылды. Апробация нәтижесінде ең тиімді тәжірибелер Астана, Алматы қалалары мен Абай, Жамбыл облыстарының мектептерінде байқалды.Аталған мектептерде шағым талдау көмек жоспары қадағалау үлгісі сәтті қолданылды. Бұл процесте арнайы антибуллингтік топтар мен кейінгі бақылау шаралары іске қосылды.<blockquote>«Біз «ДосболLIKE» бағдарламасын буллингтің алдын алудағы тұрақты құрал ретінде қарастырамыз. Апробация нәтижелері көрсеткендей, мұғалімдер, ата-аналар мен балалардың бірлескен қатысу жанжалдасу деңгейін төмендетіп, сенім мен сыйластық мәдениетін қалыптастырады және мектеп ортасын анағұрлым қауіпсіз әрі қолайлы етеді», — деп атап өтті ҚР Оқу-ағарту министрлігі Балалардың құқықтарын қорғау комитетінің төрағасы Насымжан Оспанова.</blockquote>

Қазақстанда 1 қыркүйектен бастап «ДосболLIKE» антибуллингтік бағдарламасы іске қосылады

Қала әкімдігі жанындағы жұмыс тобы кейбір сауда орындарындағы ретсіз сауданы жою мақсатында рейд жұмыстарын тұрақты жүргізуде. &nbsp;Кезекті тексеру жұмыстары «Жаңа базар» сауда орнының аумағында жалғасып, сала мамандары заңсыз сауда қатарының артқанына байланысты кәсіпкерлерге түсіндірме жұмыстарын жүргізді.Айта кету керек, жол бойында көше саудасына жол берілмейді. Мұндай орындар тауар сатуға арналмаған. Санитарлық тазалық сақталмайды, жаяу жүргіншілер мен көлікке кедергі жасайды.Осыған байланысты жұмысшы топ жол бойында сауда жасайтын кәсіпкерлерге сауда-саттықты арнайы белгіленген жерлерде жүргізуі керек &nbsp;екендігін түсіндірді. Оларға қауіпсіз, заңды ортада жұмыс істеу қажеттігі ескертілді.

Заңсыз саудаға жол жоқ

<a href="https://kyzylorda-news.kz/">Kyzylorda-news.kz</a> Аймағымызда еңбек қатынастарының заңдылығын қамтамасыз ету бағытында нақты нәтижелерге қол жеткізілуде. Биыл 305 жұмыскердің бұзылған еңбек құқықтары қалпына келтіріліп, жалақы қарызы толық өтелген. Бұл туралы бүгін Өңірлік коммуникациялар қызметінің ақпараттық алаңында облыстық мемлекеттік еңбек инспекциясы департаментінің басшысы Бектемір Жұмағұлов мәлімдеді.<blockquote>- Мемлекеттік еңбек инспекциясы тарапынан жыл басынан бері еңбек заңнамасының сақталуына тұрақты бақылау жүргізілуде. Атап айтқанда, 7 айда 147 тексеру жүргізіліп, нәтижесінде 171 заңбұзушылық анықталды. Бұл деректер бойынша жұмыс берушілерге 120 нұсқама беріліп, олардың 91,6 пайызы орындалды. Сонымен қатар еңбек заңнамасын бұзған тұлғаларға қатысты 29 әкімшілік іс қозғалып, белгіленген тәртіппен жауапкершілікке тартылды. Жүргізілген шаралар нәтижесінде 305 жұмыскердің бұзылған еңбек құқықтары қалпына келтірілді. Бұл жалақының кешіктірілуі, еңбек шарттарының рәсімделмеуі, жұмыс уақыты мен демалыс режимінің бұзылуы сияқты мәселелерді қамтиды. Жалақы қарыздары да дер кезінде өтеліп, тиісті жұмыстар атқарылды. Сондай-ақ, жыл басынан бері департаментке жеке және заңды тұлғалардан 1 226 өтініш түсіп, барлығы заңнамаға сәйкес қаралды. Оның ішінде 393 өтініш қанағаттандырылып, 321 өтініш басқа органдарға жолданды. Бұл өтініштер азаматтардың еңбек саласындағы құқықтық сауаттылығы артқанын және инспекторларға деген сенімнің жоғары екенін көрсетеді. Одан бөлек еңбек тәуекелдер картасында облыс бойынша 52 кәсіпорын жоғары тәуекел аймағында тұр. Осыған байланысты арнайы іс-қимыл жоспары қабылданып, барлық аудандарда кездесулер мен түсіндірме жұмыстары жүргізілуде. Осы бағыттағы жұмыстар алдағы уақытта да жалғасын табатын болады. Біздің басты мақсатымыз - еңбек дауларының алдын алу, жұмыскерлердің еңбек құқықтарын қорғау және жұмыс орындарында қауіпсіз еңбек жағдайын қалыптастыру,- деді Бектемір Ұлыбекұлы.</blockquote>Фото:Қызылорда облысының өңірлік коммуникациялар қызметі

Еңбек заңнамасының орындалуы тұрақты бақылауда

<a href="https://kyzylorda-news.kz/">Kyzylorda-news.kz</a> Қызылорда облысының жолаушылар көлігі және автомобиль жолдары басқармасының басшысы Сыздықов Жәнібек Шәкімбайұлы партияның облыстық филиалының қоғамдық қабылдау бөлмесінде қабылдау өткізді.Қабылдау барысында тұрғындар облыс аумағындағы автомобиль жолдарының жағдайы, көпірлер мен өткелдер салу және өзге де тақырыптар бойынша сауалдарын білдірді.Қызылорда облысы аумағында жергілікті маңызы бар автомобиль жолдарының жалпы ұзындығы - 3580,5 км құрайды. Оның 1014,5 км республикалық, 555 км облыстық және 2011 км аудандық маңызы бар автомобиль жолдары екені айтылды. Қала аумағындағы құрылыс нысандары қарқынды жүргізіліп, уақытылы қолданысқа берілуі күтілуде. Тәуелсіздік даңғылының Саламатов көшесіне дейінгі аралығын салу, «Құмкөл» трасссасының және «Көне өткелдің» құрылыс жұмыстарының барысы түсіндірілді.Жол сапасы мен қолданысқа беру мерзімі облыс басшылығының тікелей бақылауында екені және құзырлы мекемелермен бірлесіп жүйелі негізде құрылыс сапасына бақылау жұмыстары жүргізіліп тұратыны түсіндірілді.

Тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Ақжарма ауылдық округінің әкімі Саттар Әбдіреев бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>- Баймұрат батыр ауылының жаңадан қалыптасқан көшелеріне тас жол салуға қаржы қаралып, 19 көшеде тиісті жұмыстар жүргізілді. Алдағы уақытта «Өңірлерді дамыту» бағдарламасы шеңберінде Талдыарал елді мекенінің 1-ші көшесіне көше жарығы орнатылады. Мұнан бөлек, бірқатар жобаларды жүзеге асыруға бюджетке өтінім берілді. Олардың қатарында, су тарату насосы мен аяқ су жүйесінің құрылысы, 5 көшеге жаяу жүргіншілер жолын салу жобалары бар. Ал, 10 көшеге ауыз су құбырын тартуға, жабық спорт кешенін салуға демеушілік негізінде жоба-сметалық құжаттары әзірленуде, - деді ауылдық округ әкімі Саттар Бейбітұлы.&nbsp;</blockquote>Кәсіпкерлікті қолдау бағыты бойынша мемлекеттік бағдарламалар аясында жылыжай мен көлік жөндеу орталығы бойынша ұсынылған жобалар қаржыландырылды.Баймұрат батыр ауылының жаңадан қалыптасқан көшелеріне тас жол салуға қаржы қаралып, 19 көшеде тиісті жұмыстар жүргізілді. Алдағы уақытта «Өңірлерді дамыту» бағдарламасы шеңберінде Талдыарал елді мекенінің 1-ші көшесіне көше жарығы орнатылады.

Ақжарма ауылдық округінде жүйелі жұмыс жүргізілуде

<a href="https://kyzylorda-news.kz/">Kyzylorda-news.kz</a> Бүгін Ә.Тәжібаев атындағы облыстық мамандандырылған әмбебап ғылыми кітапханасына қарасты «Сәулет» бастауыш партия ұйымында «Қазақтың ұлы ақыны - Абай» атты әдеби кеш өтті.&nbsp;Шараға партияның облыстық филиалының төрағасы Алмасбек Есмаханов, тарих ғылымдарының докторы Тастанбек Сәтбай, кітапханашылар, «ҰҚК» шекара қызметінің сарбаздары және оқырмандар қатысты.&nbsp; Қазақ халқының дара ақыны Абай Құнанбайұлы жайлы «AMANAT» партиясы Қызылорда облыстық филиалының төрағасы Алмасбек Әбілқасымұлы:&nbsp;<blockquote>- Абайдың қазақ өміріндегі маңыздылығы орасан. Өздеріңізге белгілі Мемлекет басшысы ұлы ақынның құрметіне Семей топырағын Абай облысы ретінде қайта құрды. Бұл ұлтымыздың біртуар азаматына деген ұрпағының үлкен құрметі. Бүгінгі күні партия бастамасымен, жергілікті әкімдіктің қолдауымен өңірімізде Абай күніне орай кең көлемді шаралар легі басталды. Шаралардың лайықты деңгейде өтуіне барша партияластарымыз атсалысуда. Келешекте де Абайды танып, оның ілімін зерттеп, әлі күнге дейін маңыздылығын жоғалтпаған қара сөздерін зерделеп, шығармаларын кеңінен насихаттайтын жастардың артатынына сенімім мол. Баршаңызды Абай күнімен құттықтаймын!,-деді.&nbsp;</blockquote>Абай &nbsp;мұрасы – сарқылмайтын &nbsp;мол &nbsp;қазына. Абайсыз қазақтың &nbsp;философиялық та, тарихи да, этикалық &nbsp;ақыл-ой &nbsp;дүниесін көзге &nbsp;елестету &nbsp;мүмкін &nbsp;емес. Абай &nbsp;ұлттық &nbsp;мәдениеттердің &nbsp;бір-біріне &nbsp;өзара &nbsp;ықпал &nbsp;етуіне &nbsp;және &nbsp;бірін-бірі &nbsp;байытуына алғаш &nbsp;рет &nbsp;жол &nbsp;салды. Пушкин &nbsp;мен &nbsp;Лермонтовтың, олар &nbsp;арқылы &nbsp;Байронның, Гетенің, Шиллердің &nbsp;және &nbsp;Мицкевичтің туындыларынан &nbsp;жасаған &nbsp;аудармалары &nbsp;біздің &nbsp;ұлттық &nbsp;көркемсөзіміздің &nbsp;алтын &nbsp;қорына енді.Танымдық кеште тарих ғылымдарының докторы Тастанбек Яхияұлы Абайдай дара тұлғаның қазақ өміріндегі ерекше орны мен оның шығармаларындағы қоғамдық маңызы бар мәселелердің рөліне тоқталды. Ғалым-ұстаз Абайдың терең ойлы шығармаларын әлі де зерттеп, оқырмандарға кеңінен насихаттау келешек ұрпақтың басты міндеттерінің бірі екенін атап өтті.&nbsp;Рухани шара аясында кеш қонақтары &nbsp;кітапхана төрінде Абайдың мұрасына арналған, еңбетері көрсетілген кітап көрмесімен танысты.&nbsp;Тарихтың &nbsp;талай &nbsp;қиын &nbsp;кезеңдерінде &nbsp;өз &nbsp;халқының &nbsp; адастырмас &nbsp;темірқазығы, &nbsp;бағдаршамы &nbsp;бола &nbsp;білген, қандай қысылтаяң, келеңсіз &nbsp; кезеңдерде &nbsp; &nbsp; халқымыздың &nbsp;қолтығынан &nbsp;сүйеп, иығынан &nbsp;демеген, табанын &nbsp;тайғызбаған, &nbsp;жігерін жасытпаған &nbsp;Абайдың &nbsp;ұлағаты халқымыздың әрқашан есінде болатыны анық.

Қазақстан және Қызылорда облысының жаңалықтары: Қоғам