<a href="https://kyzylorda-news.kz/">Kyzylorda-news.kz</a> Аймақ басшысының қолдауымен биыл қаланың жол-көлік инфрақұрылымын дамыту бағытында 17 жобаға бюджеттің барлық көздерінен 7,5 млрд.теңге бөлінді.Соның нәтижесімен алғашқылардың бірі болып мердігер «Сервис НС» ЖШС жүргізген «Тәуелсіздікке 25 жыл» даңғылы бойындағы «Қызылжарма» каналы арқылы өтетін автожол көпірі маусым айында пайдалануға берілді.Ал қаланың «Ескі базар» аумағындағы Әйтеке би, И.Тоқтыбаев, Училищная көшелеріне, И.Журба тұйығына жол жөндеу жұмыстары басталды. Бұл жоба «Ескі базар» аумағындағы көлік кептелісін болдырмау және тұрғындарға қолайлы жағдай жасау мақсатын жүзеге асырады.<img src="https://knadmin.beoblood.kz/uploads/Eski_bazar_zhol_rylysy_31f5cabe94.jpg" alt="Ескі базар жол құрылысы.jpg">Сонымен қатар қалаға қарасты Қызылөзек ауылдық округіндегі «Қожақ» каналы арқылы өтетін автомобиль көпіріне күрделі жөндеу жұмыстары жүргізілуде. Құрылыс жұмыстарын жүргізуші мердігер мекеме «Н Строй Сервис» ЖШС нысанды уақытында сапалы аяқтауға ерекше мән беруде. Жалпы жоба құны 292,3 млн. теңгені құрайды.Қаланы көгалдандыру жұмыстары бағытында мемлекеттік-жекешелік әріптестік аясында жаңа механизм енгізілді. Жоба қала аумағын жүйелі түрде көгалдандыру, жасыл желек көлемін арттыру және инфрақұрылымды жақсартуды көздейді. Бүгінде 250 қызметкері, 50 бірлік заманауи техникасы бар «КазСтройКапитал» компаниясы күндізгі және түнгі ауысыммен жұмыс жасауда.&nbsp;<img src="https://knadmin.beoblood.kz/uploads/K_galdandyru_zh_mystary_61546c59b2.jpg" alt="Көгалдандыру жұмыстары.jpg">Айта кету керек, қазір қала аумағында 46 100-ге жуық тал көшеті мен 800 000 дана біржылдық гүлдер, 13 500 дана көпжылдық гүл көшеттері отырғызылды және 10 000 шаршы метрден астам алаңға көгал төселді.Қазір қала аумағындағы 3 демалыс орны қайта жаңғыртылуда. Мұның ішінде қалалық мәдени және демалыс паркі абаттандырылып, пайдалануға берілді. Ал, Тұңғыш Президент саябағы мен Қорқыт ата атындағы саябақтарында абаттандыру жұмыстары қарқынды жүргізілуде. Қаладағы 18 көпқабатты тұрғын үйдің ауласын абаттандыруға және ойын алаңдарын салуға қалалық бюджеттен 1,3 млрд.теңге қаржы бөлінбек.&nbsp;<img src="https://knadmin.beoblood.kz/uploads/Prezident_sayaba_y_rylys_f5ee4dd9ef.jpg" alt="Президент саябағы құрылыс.jpg">Оған 19 шағын футбол, 25 жаттығу, 21 балалар ойын алаңын,15 аулаішілік шаруашылық алаңын және 13 демалыс орнын салу көзделген.Шаһардағы көпқабатты 20 үйдің қасбеттеріне күрделі жөндеу жұмысы басталды. Оған облыстық бюджеттен 1,4 млрд. теңге бөлінді.<img src="https://knadmin.beoblood.kz/uploads/T_r_yn_j_693a15cc22.jpg" alt="Тұрғын үй.jpg">

Жол-көлік инфрақұрылымын дамытуға арналған жоба жұмыстары жүргізілуде

<a href="https://kyzylorda-news.kz/">Kyzylorda-news.kz</a> Қызылорда қаласы өңірлер, мемлекет және әлемдік қоғамдастық Қазақстанда алғаш рет жанды, өзгермелі жүйелер ретіндегі қалалар туралы сөз &nbsp;қозғаған кеңістікке айналды, ал бұл қалалардың орталық өзегін &nbsp;құраушы әрине, &nbsp; адам. 8 шілдеде мұнда бірінші Ұлттық Урбан Форумы өтті , оны ұлттық урбанистикадағы жаңа тарауды бастаған оқиға деуге лайық.Форумды Қызылорда облысының әкімдігі UN-Habitat қолдауымен және Экология және табиғи ресурстар министрлігімен, Сыртқы істер министрлігімен, Индустрия және құрылыс министрлігімен, "Vision Zero Community" Қоғамдық Қорымен және ARCHICA халықаралық архитектуралық медиа платформасымен серіктестікте ұйымдастырды.Форум алаңшаларына сәулетшілер, урбанистер, мемлекеттік құрылымдардың, халықаралық институттардың, азаматтық қоғам мен бизнестің өкілдері жиналды.Талқылаудың басты тақырыбы қалаларды тұрақты, инклюзивті және климатқа бейімделген кеңістіктерге айналдыру болды. Бұл өзгерістерді жүзеге асыруда аймақтардың рөліне басты назар аударылды.<blockquote>"Біз бұл форумның дәл осы Қызылорда өткізілігендігін мақтан тұтамыз. Бұл маңызды сигнал: өңірлер өзгерістер драйверлеріне айналуда", - деді Қызылорда облысының әкімі Нұрлыбек Нәлібаев.</blockquote>Ол қала құрылысы туралы сөз етілгенде әңгіменің &nbsp;тек бетон мен жолдар туралы емес, жайлылық, теңдік және тұрақты болашақ туралы қозғалатындығын айтты.Экология министрі Ерлан Нысанбаев өз сөзінде еліміздің әлеуметтік және экономикалық жүйесіндегі қалалардың рөлін түсінбейінше тұрақты дамудың мүмкін еместігін &nbsp;айтты.&nbsp;<blockquote>"Кез келген мемлекеттің әлеуметтік-экономикалық дамуы қалалардың дамуымен тікелей байланысты. Бүгінгі форум-өңірлерді тұрақты дамытуға, урбанистік күн тәртібін жаңа деңгейге көтеруге және ортақ мақсаттарға қол жеткізуге бағытталған маңызды қадам", - деді ол.</blockquote>UN-Habitat-тың Орталық Азия бойынша өңіраралық кеңесшісі Катя Шефер модератор болған алғашқы сессиялардың бірі форумға гуманитарлық вектордың &nbsp;басымдығын айқындап берді. Оның айтуынша, қалалар тек кеңістік қана емес, сонымен қатар эмоциялардың, қажеттіліктердің, қауіпсіздік пен тиістілікті сезіне алу &nbsp; сезімдерінің көрінісі. Адамға бейімделмеген &nbsp; урбанистика мағынасынан айырылады.UN-Habitat-тың Жаһандық шешімдер бөлімінің директоры Рафаэль Тутс Қазақстан өзін жаһандық урбан қозғалысының белсенді қатысушысы ретінде сенімді түрде көрсетіп отырғандығын атап өтті.<blockquote>"Қала-болашақтың айнасы. Егер біз бүгінгі күнде &nbsp; әділ және тұрақты дамудың негізін қаламасақ, ертең дағдарыстарға тап боламыз. Қазақстан тек үйренуге ғана емес, өз шешімдерімен бөлісуге де дайын екенін көрсетіп отыр".</blockquote>Форум тек талқылау ғана емес, сонымен қатар Гарри Доббс (Ұлыбритания), Риккардо Марини (Ұлыбритания/Италия), Юрий Милевский (Ресей/Ұлыбритания), Мария Скрябина (Саха республикасы) сияқты танымал урбанистер мен сәулетшілер қатысқан халықаралық сарапшылармен тәжірибе алмасу алаңына айналды.Шараға қатысушылар климаттық өзгерістердің тәуекелдеріне , әсіресе елдің оңтүстік және батыс өңірлері үшін өзекті мәселелеріне ерекше назар аударды. Қалалардың тұрақтылығын арттырудың практикалық қадамдары талқыланды, оның ішінде &nbsp;табиғи шешімдерден бастап цифрлық басқару платформаларына дейінгі мәселелер сөз етілді.Аймақтық урбанизацияға арналған сессияда Катя Шефердің негізгі тезисі мынадай болды: "Дамуды орталықтандыру мүмкін емес. Біз әртүрлі адамдар үшін бірдей қалалар сала алмаймыз". Спикерлер нақты құралдарды ұсынды, оның ішінде цифрлық кадастрлар, деректерге қолжетімділік, климат пен мәдениетке сезімтал сәулет және тұрғындардың қалалық ортаны қалыптастыруға қатысу мысалдары.Форумның қорытынды тақырыбы қалалардың климаттық тұрақтылығы болды, бұл мәселе әсіресе жазғы кезеңде жоғары температура, су тапшылығы және жергілікті тұрғындардың күнделікті өміріне тікелей әсер ететін шөлейттену процестері байқалатын Қазақстанның оңтүстігі жағдайында аса өзекті мәселе. Форумға қатысушылар адаптивті архитектураның, микроклиматтық аймақтаудың, сонымен қатар жасыл дәліздер, суды ұстап қалу жүйелері және экожүйелерді қала құрылысына интеграциялау сияқты табиғи шешімдердің қажеттілігі туралы айтты.Сарапшылар Қызылордадағы форум жай ғана оқиға емес, абстрактілі тұжырымдамалардан - нақты шешімдерге, орталықтандырылған жоспарлаудан - өңірлік диалогқа жеткізген қалалық саясат ұстанымын ілгерлетудің нағыз маркері болғанын мойындады. Қазақстан халықаралық урбанистік қозғалысқа қосылып қана қоймай, өзегін қоғам, климат және әділ даму құрайтын бірегей күн тәртібін қалыптастыруға дайын ел ретінде танытты.Іс-шараны ұйымдастырушылардың айтуынша, форумның қорытындысы жаңа стратегиялық бастамаларға негіз болады, ал Қызылорда енді географиялық қана емес, сонымен қатар Қазақстандағы қалалық ортаны маңызды түрде түрлендірудің мазмұнды орталығына айналды.<blockquote>"Бүгінгі күнде Қызылорда Форум өткізген орын ғана емес, бүкіл ел үшін &nbsp;жаңа іс-қимыл кезеңі &nbsp;бастау алатын нүкте . Біз UN-Habitat халықаралық урбанистикалық диалогқа &nbsp;лайықты дәрежеде қатыса алдық, енді Қазақстан &nbsp;ұлттық және аймақтық қалалық форумдар желісінің картасында ресми түрде өз орнын ойып алып отыр. Біз үшін бұл үрдістің әріптесі болу үлкен құрмет, және қалаларымыздың &nbsp;тұрақты болашағы үшін бірлескен &nbsp; жұмысты жалғастыруға дайынбыз, - деді ARCHICA негізін қалаушы, Креативті индустриялар &nbsp;альянсы басқармасының мүшесі Индира Махметова.</blockquote>Форумды қорыта келе, Vision Zero Community ҚҚ &nbsp;жетекшісі, урбанистика және қаланың тұрақты дамуы саласындағы сарапшы Ерқанат Зайтов да өз пікірін білдірді.<blockquote>– Осындай маңызды форум тарихи және мәдени мұрасы мол Қызылорда қаласында өтіп жатқанын мақтан тұтамын. Дәл осы жерде 1925-1929 жылдары ҚазАССР-нің алғашқы астанасы болған, бұл жер &nbsp;дала &nbsp;мен қазақтың &nbsp;жан дүниесінің &nbsp;бейнесі &nbsp;саналатын Қорқыт Ата мен қобыздың отаны. Қызылорда-Қазақстанның әрбір өңірінің өзіндік бірегей әлеуеті бар екендігін дәлелдеді, – деді ол.</blockquote>

Ұлттық Урбан форумына әлемнің түрлі елдерінен сарапшылар жиналды

<a href="https://kyzylorda-news.kz/">Kyzylorda-news.kz</a> Мемлекеттік қызмет істері агенттігінің Қызылорда облысы бойынша департаментінің басшысы Ерлеген Мендалиев Президенттік жастар кадр резервіне іріктеудің екінші кезеңінің таяу қалғанына орай, өңірдегі қала, аудан әкімі аппараты басшыларымен ақпараттық – ұйымдастыру жұмыстарын пысықтап өтті.Айта кету керек, бірінші кезеңде облыс бойынша 420 адам тіркеліп, құжаттары толық тексеруден өтті. Алдағы екінші кезеңде мәтіндік және сандық ақпаратпен жұмыс істеу қабілетін бағалаудан тұрады. Бұл ретте, тестілеу процесі аудио-бейне фиксациямен өтіп, өз бетінше өту шартының сақталуын қамтамасыз ету прокторинг жүйесімен қадағаланатынын назарға алып, қатысушыларға осы бағыттағы ақпараттармен толық қамтамасыз етілуі тапсырылды.Бұдан бөлек, шілде айынан бастап барлық ЖОО-ғы студенттердің дипломдарын алып, бос жұмыс орындарын қарастырып жатқандығын ескеріп, мемлекеттік тапсырыс негізінде GPA көрсеткіштері 3,33-тен кем емес түлектерді жұмысқа тарту мәселесімен қарқынды айналысу қажеттігі туралы нақты тапсырмалар берілді.Сонымен бірге, облыс орталығы мен аудандарда қандай да болмасын бос мемлеккеттік әкімшілік қалыптасқан жағдайда «Өңірілік кадрлық резервте» тұрған мамандарға ұсыныс беру қажеттігі, оларға жеке-жеке байланысқа шығу қажеттігі айтылды.Кездесу соңында қатысушылар қойған сұрақтарға жауаптар беріліп, Департамент тарапынан әдістемелік, ақпараттық қолдау білдіруге дайын екендігі аталып өтті.<img src="https://knadmin.beoblood.kz/uploads/Kadrly_rezerv_2_9d1a093dad.jpg" alt="Кадрлық резерв 2.jpg">

Президенттік кадрлық резервке іріктеудің екінші кезеңі пысықталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілістің күн тәртібінде бюджет қаржысын игеру, суармалы су тапшылығы, санитарлық тазалық, қоғамдық-саяси ахуалдың тұрақтылығы мәселелері талқыланды. Оған қала және аудан әкімдері, сала басшылары қатысты.<blockquote>“Барлық макроэкономикалық көрсеткіштің орындалуы, бюджеттің, оның ішінде республикалық бюджеттің игерілуіне қатысты ешқандай мәселе туындамауы тиіс. Жоспарға сәйкес қаржы ай сайын толық игерілуі қажет. Су тапшылығы жағдайында алқаптарды кезектестіріп суару, насостар арқылы қашыртқыдан суару жұмыстарын бақылауда ұстаңыздар. Өңірдегі туристік аймақтарды, демалыс орындары мен жол бойындағы сервистік нысандарды талапқа сәйкестендіріп, қызмет көрсету сапасын тұрақты бақылаңыздар. Әсіресе, демалыс орындары мен рұқсат етілмеген су айдындарында азаматтар мен балалардың қауіпсіздігі басты назарда болуы керек”,- деді Н.Нәлібаев.</blockquote>Сонымен қатар, аймақ басшысы қоғамдық-саяси ахуалды қатаң бақылауда ұстауды, санитарлық-тазалық, сенбілік жұмыстарын тұрақты ұйымдастыруды жүктеді.Алдағы уақытта санитарлық-тазалық жұмыстары тұрақты түрде ұйымдастырылып, жоспарға сәйкес орындалады. Мұның барлығы облыс әкімінің тікелей бақылауында болмақ.

Бюджет қаржысының игерілуі тұрақты бақылауда болуы тиіс

<a href="https://kyzylorda-news.kz/">Kyzylorda-news.kz</a> Қазақстанның елордасы туристік әлеуетін арттыра отырып, өңірдегі ірі мәдени орталықтардың біріне айналады. Астана қаласының туризмді дамыту орталығының басшысы Артём Квашук осылай <a href="https://kaz.inform.kz/news/biil-astanaga-17-mln-turist-keled-degen-bolzham-bar-258188/">мәлімдеп отыр</a>.<ul><li style="text-align:justify;">Халықаралық әртістердің, ұйымдастырушылар мен туристердің Астанаға деген қызығушылығын байқап отырмыз. Өткен жылдың қорытындысы бойынша Астана 1,5 млн-нан астам туристі қабылдады, оның 340 мыңы шетелдік қонақ. Биыл бұл көрсеткіш одан да жоғары болады деп күтіп отырмыз, яғни шамамен 1,7 млн адам. Айта кетсек, биыл бірінші тоқсанда қаланы 300 мыңнан астам адам аралады, оның ішінде 68 мыңы шетелдік турист, – деді Артём Квашук орталық коммуникациялар қызметі алаңында өткен баспасөз мәслихатында.</li></ul>Оның айтуынша, елорда тек саяси және іскерлік іс-шаралар ғана емес, ауқымды мәдени оқиғалар алаңына айналды.<ul><li style="text-align:justify;">Айтар болсақ, Backstreet Boys тобының концерті сияқты ауқымды іс-шара төлем қабілеті жоғары туристерді тартады. Сонымен қатар қала экономикасын ынталандырып, халықаралық аренадағы беделін арттырады», – дейді ол.</li></ul>Сондай-ақ туристік орталық басшысы елорда инфрақұрылымы туристерді қабылдауға дайын екенін айтып отыр.<ul><li style="text-align:justify;">Қала инфрақұрылымы жақсы дамыған және қонақтарды қабылдауға толық дайын. Астанада 299 қонақүй жұмыс істеп тұр, оның 9-ы бес жұлдызды, сондай-ақ 3–4 жұлдызды 100-ге жуық қонақүй бар, – деп толықтырды спикер.</li></ul>Одан бөлек, елордада өтетін іскерлік іс-шара саны артқан.<ul><li style="text-align:justify;">Жыл сайын Астана қаласының оқиғалар қаласы ретіндегі мәртебесі нығайып келеді. Мысалы, былтыр 128 іс-шара өтсе, биыл 201 іс-шара жоспарланып отыр, – деді А. Квашук.</li></ul>Астана қаласына отандық және шетелдік туристерді тартуға қатысты маңызды іс-шараға тоқталсақ, Backstreet Boys тобының концертіне билет 14 шілдеде сатылымға шығады. Концерт Алматы және Астана қаласында өтеді.Сондай-ақ биыл 1 тамызда әлемге танымал поп-жұлдыз Дженнифер Лопес Астанада концерт береді.Фото: Түркістан облысы әкімдігі

Биыл Астанаға 1,7 млн турист келеді деген болжам бар

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаты, «AMANAT» партиясы фракциясының мүшесі Мұрат Ергешбаев 30 орындық жұқпалы аурулар ауруханасының құрылыс жұмысымен танысты.Бұл «AMANAT» партиясының сайлауалды бағдарламасына енген негізгі жобалардың бірі. Мердігер компания – «СКДанекер» ЖШС. Жобаның құны: 2 млрд. 300 млн. теңге.Құрылыс жұмыстары 92 % атқарылған. 2025 жылдың шілде айында пайдалануға берілуі мүмкін.Құрылыс жұмыстарын бақылаудағы басты мақсат – құрылыс сапасын, бөлінген қаражаттың тиімді игерілуін, қауіпсіздік ережелерінің сақталуын, жұмысшылардың әлеуметтік жағдайын, сондай-ақ жалақының уақытылы берілуі мен құрылыстың сапалы, мерзімінде аяқталуын пысықтау.Қазіргі таңда, құрылыс алаңында 70 – тен аса азамат жұмыс жасауда, оның 15 &nbsp;- і жергілікті тұрғындар. &nbsp;Жұмыс барысы қарқынды жүріп жатыр.Жаңадан салынған аурухананың ашылуы аудан тұрғындары үшін денсаулық саласындағы біршама түйткілді мәселелердің оң шешілуіне ықпалын тигізетін болады.Жаңа аурухана алдағы уақытта тұрғындардың игілігі үшін жұмыс жасайтын болады. Мердігер мекеме де құрылыс жұмыстарын уақытылы, сапалы түрде аяқтайтынын жеткізді.<img src="https://knadmin.beoblood.kz/uploads/FB_IMG_1752271670604_aabec47f67.jpg" alt="FB_IMG_1752271670604.jpg">

Аурухана құрылысымен танысты 

<a href="https://kyzylorda-news.kz/">Kyzylorda-news.kz</a> Мәжілістегі «AMANAT» партиясы фракциясының мүшесі Мұрат Ергешбаев Шиелі кентінде орналасқан 200 орындық оқушылар үйі және 50 орындық өнер мектебінің құрылысымен танысты.Бұл «AMANAT» партиясының сайлауалды бағдарламасына енген негізгі жобалардың бірі.Тапсырыс беруші: «Қызылорда облысының құрылыс, сәулет және қала құрылысы басқармасы» КММ. Жоба құны: 1 млрд 200 млн теңге. Аталған нысанның бас мердігері: «СМП-Қызылорда» ЖШС.Техникалық қадағалаушы: «Достар Строй Групп» ЖШС;Жоба авторы: «Градархпроект» ЖШС;Құрылыс жұмыстары 2025 жылдың наурыз айында басталып 2025 жылдың қыркүйек айында пайдалануға беру жоспарлануда.Өз сөзінде Мұрат Нәлқожаұлы, 200 орындық оқушылар үйі мен 50 орындық өнер мектебі жергілікті халықтың білімі, өнері мен салауатты өмір салтын қалыптастыруына үлкен серпін беретінін атап өтіп, жобаны уақытылы аяқталуы керектігін айтты.Айта кету керек, &nbsp;құрылыс алаңында 85 адам жұмыс жасайды, 70%-ы жергілікті Шиелі кенті, Шеген Қодаманов, Бала би және Бәйгеқұм ауылдарының азаматтары еңбек етуде. Осы кезеңге дейінгі құрылыс жұмыстары жоспарға сәйкес қарқынды жүріп жатыр. Алдағы уақытта тұрғындардың игілігі үшін жұмыс жасайтын болады.

Құрылыс жұмыстарымен танысты

ҚР Парламенті Мәжілісіндегі «AMANAT» партиясы депутаттық фракциясының мүшесі Мұрат Ергешбаев жұмыс сапарымен Шиелі ауданында болып, &nbsp;«РУ-6» ЖШС еңбек ұжымымен кездесті.Бүгінде «РУ-6» ЖШС «Қазатомөнеркәсіп» ҰАК» АҚ жетекші уран өндіруші кәсіпорындарының бірі ретінде танымал. Күрделі қалыптасу жолынан өткен кәсіпорын, қазір «Солтүстік және Оңтүстік Қарамұрын» кен орнында табысты уран өндіруші компанияға айналған. «Кен басқармасы - 6» жауапкершілігі шектеулі серіктестігі 1997 жылдан бастап «Қазатомөнеркәсіп» ҰАК» АҚ кәсіпорындары құрылымына кіреді.Құрылтайшысы: «Қазатомөнеркәсіп» ҰАК» АҚ. «РУ-6» ЖШС ашық атауы бар кәсіпорын 1983 жылдың 1 қаңтарында КСРО орта машина салу министрінің бұйрығымен Қазақ КСР-ң Қызылорда облысы Шиелі кентінде құрылды.«РУ-6» &nbsp;ЖШС Қызылорда облысының «Солтүстік Қарамұрын» және «Оңтүстік Қарамұрын» кен орындарында уран өндіруді жерасты ұңғымалы шаймалау әдісімен өндіріп, алқашқы өңдеу жүргізумен айналысады.№6 Кен Басқармасының негізгі қызмет түрлері: уран кенін өндіру, басқалай бейорганикалық химиялық заттарды өндіру, қауіпті қалдықтарды жинау, қауіпсіз қалдықтарды жинау, қауіпті қалдықтарды өңдеу және жою, қауіпсіз қалдықтарды өңдеу және жою.Бүгінде «РУ-6» ЖШС - не қарасты өндіріс орынында 2500 – нан аса азаматтар табысты жұмыс жасап келеді.<img src="https://knadmin.beoblood.kz/uploads/FB_IMG_1752270980053_1f847bd207.jpg" alt="FB_IMG_1752270980053.jpg">

Мәжіліс депутаты «РУ-6» еңбек ұжымымен кездесті 

<a href="https://kyzylorda-news.kz/">Kyzylorda-news.kz</a> Сыр спорты тағы бір тарихи белесті бағындырды. Жуырда қызылордалық баскетболшылар ел ішінде өткен маңызды додаларда жоғары нәтижелерге қол жеткізіп, аймақ абыройын асқақтатты.&nbsp;Атап айтқанда, 1-4 шілде күндері Алматы облысы, Қонаев қаласында баскетболдан өткен Қазақстан Республикасының VI Жастар спорт ойындарында Қызылорда облысының қомандасы тартысты ойын өрнегін көрсетіп, жүлделі ІІІ орынды иеленді.&nbsp;Сондай-ақ, Талдықорған қаласында 4-8 шілде аралығында баскетболдан жасөспірім ұлдар мен қыздар арасында өткен Қазақстан Республикасының чемпионатында баскетболшыларымыз жүлделі орындарды еншілеп, марапат төрінен көрінді. Атап айтқанда 16 жас аралығындағы ұлдар арасында - І орын, 14 жас аралығындағы қыздар арасында жүлделі - ІІ орын, 12 жас аралығындағы қыздар арасында жүлделі - ІІІ орын иеленді.&nbsp;Осыған орай, бүгін облыстық дене шынықтыру, спорт және туризм басқармасының басшысы Бахтияр Ғарифоллаұлы команда жетекшілері, тәжірбиелі бапкерлер &nbsp;Александр Жавзмагин және Азамат Сыздықовты қабылдап, аймақ спортын дамытуға қосқан үлестері үшін алғыс білдіріп, бұдан да биік белестерді бағындыруға сенім білдірді. Сондай-ақ, алда өтетін ауқымды жарыстарға сәттілік пен жеңіс тіледі.&nbsp;Айта кетейік, &nbsp;31 тамыз бен 7 қыркүйек аралығында Моңғолияның Ұлан-Батыр қаласында баскетболдан Азия кубогы өтетін болады. Әр елден іріктелген үздік спортшылар қатарында қызылордалық Айтөре Сыздықов та бар. Ол жасөсіпірімдер арасында өтетін тартысты бәсекеде бақ сынамақ.&nbsp;

Қызылордалық баскетболшылар республикалық жарыста үздік нәтижеге қол жеткізді

<a href="https://kyzylorda-news.kz/">Kyzylorda-news.kz</a> Энергетика және тұрғын үй-коммуналдық шаруашылық салаларында Қызылорда облысында ауқымды инфрақұрылымдық жобалар жүзеге асырылуда. Жаңа жылу электр орталығының құрылысы мен қала аумағын ыстық сумен қамтамасыз ету жұмыстары - өңір үшін стратегиялық маңызы бар бастамалар саналады. Бұл туралы бүгін Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық басқармасы басшысының міндетін атқарушы Тахир Нәдірбек пен «Қызылордажылуэлектрорталығы» директоры Бақытжан Молдиманов мәлімдеді.<blockquote>- Мемлекет басшысының тапсырмасына сәйкес, Қызылорда қаласында қуаттылығы 240 мегаватт электр және 277 гигакалория жылу энергиясын құрайтын жаңа жылу электр орталығының құрылысы жүріп жатыр. Бұл жоба өңірдегі электр тапшылығын болдырмауға бағытталған. Құрылысқа қажетті барлық негізгі қондырғылар жеткізіліп, монтаж жұмыстары қарқынды жүруде. Қазіргі таңда жобаның орындалу деңгейі 70 пайыздан асты. Құрылыс алаңында 1200-ден аса маман мен 130-ға жуық техника жұмыс істеуде. Жобаны толығымен түркиялық инвестор - «Aksa Energy» компаниясы жүзеге асырып отыр. Жаңа орталықты 2025 жылдың соңында іске қосу көзделген, - деді Тахир Қуанышбекұлы.</blockquote>&nbsp;<blockquote>- Мемлекет басшысы 2023 жылғы жұмыс сапары аясында Қызылорда қаласын ыстық сумен қамтамасыз ету мәселесін шешуді тапсырған болатын. Осыған сәйкес, 423 көпқабатты тұрғын үйді ыстық су жүйесіне қосу мақсатында екі кезеңнен тұратын жоба қолға алынды. Бірінші кезеңде 187 үй қамтылып, биыл бұл жұмыстар толығымен орындалды. Енді 2025 жылы 236 үйге желі тарту жоспарлануда. Қазірдің өзінде Ақмешіт пен Мерей мөлтек аудандарындағы 60-тан астам үйде құрылғыларды орнату басталып кетті. Бұл жұмыстар толығымен аяқталғанда қала тұрғындары жыл он екі ай үздіксіз ыстық сумен қамтамасыз етіледі, - деді Бақытжан Молдабекұлы.</blockquote>

Өңірдің энергетикалық әлеуеті артуда

<a href="https://kyzylorda-news.kz/">Kyzylorda-news.kz</a> &nbsp;Облыс көлемінде елді мекендер арасындағы қатынасты жақсарту, жол желілерінің сапасын арттыру және көлік қатынасының қауіпсіздігін қамтамасыз ету бағытында бірқатар маңызды жобалар жүзеге асырылып келеді. Бұл туралы бүгін Өңірлік коммуникациялар қызметінің ақпарат алаңында облыстық жолаушылар көлігі және автомобиль жолдары басқармасының басшысы Жәнібек Сыздықов мәлімдеді.<blockquote>- Бүгінгі таңда Қызылорда облысы аумағындағы жергілікті маңызы бар автомобиль жолдарының жалпы ұзындығы 3545 шақырымды құрайды. Оның ішінде республикалық маңызы бар жолдар - 1024,5 шақырым, облыстық жолдар - 555 шақырым, ал 1965,5 шақырым аудандық маңызы бар жолдар санатына жатады. Ағымдағы жылы өңірде ұзындығы 330 шақырымға жуық жолдар мен көшелерге, сондай-ақ көпір өткелдеріне жөндеу жұмыстары жүргізілуде. Бұл - халықтың қауіпсіз әрі ыңғайлы қозғалысын қамтамасыз етуге бағытталған маңызды қадам. Атап айтқанда, Қызылорда қаласындағы «Әуежайға кіре беріс» жолы, сондай-ақ Шіркейлі, Сыздық, Жаңадария каналдары үстіндегі көпірлер қайта жаңғыртудан өтіп, пайдалануға берілді. Сонымен қатар, Тәуелсіздіктің 25 жылдығы даңғылы кеңейтіліп, «Қызылжарма» каналы арқылы өтетін автожол көпірінің құрылысы толық аяқталды. Бұдан бөлек, Әбілхайыр хан көшесінен Саламатов көшесіне дейінгі Сырдария бөгеті бойымен жаңа жол салу жұмыстары жүргізіліп жатыр. Бұл бағыттағы жұмыстар қала ішіндегі көлік ағынын қайта реттеуге және жол жүктемесін азайтуға оң әсер етеді. Жол - тек қатынас құралы емес, ел экономикасының қозғаушы күші. Сол себепті біз үшін әрбір бағыт, әрбір учаске маңызды. Басты мақсатымыз - тұрғындардың өмір сапасын жақсарту, шалғай ауылдарды сапалы жолмен байланыстыру және өңірлік көлік логистикасын дамыту, - деді Жәнібек Шәкімбайұлы.</blockquote>Сондай-ақ, облыс аумағында тұрғындардың аудан және облыс орталығына қатынауын қамтамасыз ету, көлік қатынасын жүйелеу мақсатында жолаушылар тасымалы бағытында нақты жұмыстар жүргізілуде. Қазіргі таңда елді мекендер арасындағы тұрақты қатынас жолға қойылып, халыққа қолайлы көлік қызметі ұсынылуда.<blockquote>- Қазіргі уақытта облыста 200-ден астам тұрақты жолаушылар бағыты ұйымдастырылған. Оның ішінде ауданаралық, ауданішілік, қалаішілік және қала маңына қатынайтын бағыттар бар. Сонымен қатар, еліміздің ірі қалаларына және Ташкентке дейін қатынайтын облысаралық және халықаралық бағыттар да халыққа тұрақты қызмет көрсетіп отыр. Жолаушыларды тасымалдау қызметін 30-дан астам жеке және заңды тұлғалар жүзеге асыруда. Автопарктерде әртүрлі сыйымдылықтағы автобустар бар. Жыл басынан бері тасымалданған жолаушылар саны артты. Бұл тұрғындардың қоғамдық көлікке деген сұранысының жоғары екенін білдіреді. Сондай-ақ, Қызылорда қаласы мен аудан орталықтарында орналасқан автовокзалдар мен автостансалар арқылы халыққа тұрақты қызмет көрсетілуде. Алдағы уақытта бағыттардың қолжетімділігін арттырып, жолаушыларға жайлы жағдай жасау бағытындағы жұмыстар жалғасады, - деді басқарма басшысы.</blockquote>Қызылорда облысында темір жол бағытындағы вокзалдар мен қызмет көрсету бекеттерін жаңарту жұмыстары басталды. Бұл шаралар Мемлекет басшысының «Әділетті Қазақстанның экономикалық бағдары» атты Жолдауын іске асыру аясында көлік инфрақұрылымын жаңғырту мақсатында қолға алынған. Өңірде жолаушыларға сапалы, қауіпсіз және заманауи стандарттарға сай қызмет көрсету бағытында нақты жобалар жүзеге асырылуда.&nbsp;<blockquote>- 2023 жылы Қызылорда қаласындағы темір жол вокзалы мен оның аумағы күрделі жөндеуден өтіп, абаттандырылды. Бұл жұмыстар өз жалғасын өңірдегі Жаңақорған, Шиелі, Жосалы, Төретам, Қазалы, Арал және Сексеуіл станцияларында тапты. Бүгінде аталған 7 вокзалда ішкі демонтаж жұмыстары басталып, жаңғырту жұмыстары жүргізілуде. Сондай-ақ, Тереңөзек пен Жалағаштағы қызмет көрсету пункттерін кеңейту немесе жаңа заманауи нысан салу мәселесі қарастырылып жатыр. Бұл бағыттағы жобаларды іске асыруға тәжірибелі мердігер, жобалаушы және техникалық қадағалаушы ұйымдар тартылған. Темір жол нысандарын жаңғырту - тұрғындарға қолайлы жағдай жасау мен өңірлік көлік инфрақұрылымын дамытуға бағытталған маңызды қадам, - деді Жәнібек Шәкімбайұлы.</blockquote><img class="image_resized" style="width:100%;" src="https://knadmin.beoblood.kz/uploads/Zh_nibek_Syzdy_ov_41a4da4c48.jpg" alt="Жәнібек Сыздықов.jpg">

Жол инфрақұрылымын жақсарту бағытында нақты жобалар жүзеге асуда

<a href="https://kyzylorda-news.kz/">Kyzylorda-news.kz</a> Бүгін Қармақшы ауданының әкімі Жандос Еркінбек тұрғындарды жеке мәселелері бойынша қабылдап, ұсыныстарын тыңдады.Қабылдауға келген азаматтар тұрғын үй, жер және тұрақты жұмысқа орналасу мәселелерін көтерді. Қабылдауға онлайн қосылып, өзінің ұсынысын жеткізген тұрғындар да болды. Аудан әкімі әрбір тұрғынның мәселесіне жеке тоқталып, заңдылыққа сәйкес түсіндіріп өтті.Жұмыссыздық мәселесін көтерген тұрғындарға, бүгінгі таңда аудан бойынша бос жұмыс орындарын ұсына отырып, мәселесін шешу үшін тиісті сала басшысына тапсырмалар жүктеді.Қабылдауға келген азаматтардың арыз-шағымдары мен ұсыныстары бойынша жауапты басшыларға мүмкіндіктерді қарастыра отырып, заң аясында шешу қажеттігін тапсырды.Айта кетейік, тұрғындар аудан әкімінің қабылдауына <a href="http://egov.kz/?fbclid=IwZXh0bgNhZW0CMTAAYnJpZBExczJ4UEJnNDg0R25UQWxtcAEeQAxpfh2TJEqN_NqYIPgH_avVE5r8OlKXv6nFT7njyPIBW1sBaGjLe29bTxg_aem_gSSLMbHQ_vpxvqwy4lSyPg">egov.kz</a> порталы, <a href="https://l.facebook.com/l.php?u=http%3A%2F%2Fe-otinish.kz%2F%3Ffbclid%3DIwZXh0bgNhZW0CMTAAYnJpZBExczJ4UEJnNDg0R25UQWxtcAEe6jwdDvM_6VBtCzYjqrgpxL7RVBIXwHOul5d2dbF26sORQkYT74b7nphPoMQ_aem_bnxWaIFKYkF2Yo6OjXzbOQ&amp;h=AT0W4NxDylslqfPYNtcXCofINIEo7BXy3kkyGHv8H3-paNUtO87u8NlN2Sv4v6ApzJdiPonr0yYWjBeDSQm9cZb5g8DwC7ccmokVYPCqMUGPaDcPpS32TdF3epxaIs5xjB6IHMBVlmZw4gRi&amp;__tn__=-UK-R&amp;c[0]=AT2yuheuuA3o8e1f9dKkntwBN0zYkw7uAhBnHQDXry26sKNqfRhemKv6TT7mAOAWRy9XuwXubnB9K4p1SHMmlQ4IoWQw3doskuTyLKMvA3AfUecThiC9fFjb23owaHtq99oWuLU35Nka-UtyXaaXUF4ED-TbbBNr6oKvjWBvOxDq0yyR39zV">e-otinish.kz</a> базасы немесе әкімдікке жазбаша өтініш беру арқылы жазыла алады.

Қазақстан және Қызылорда облысының жаңалықтары: Қоғам