<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен құқық бұзушылық профилактикасы жөніндегі ведомствоаралық комиссияның отырысы өтті. Жиынға құқық қорғау органдарының өкілдері, мемлекеттік мекемелердің басшылары, комиссия мүшелері және &nbsp;барлық ауылдық округ әкімдері қатысты.Күн тәртібі бойынша «алаяқтық қылмысының, оның ішінде интернет алаяқтық қылмыстардың алдын алу шаралары туралы» (аудандық полиция бөлімінің криминалдық полиция бөлімшесінің жедел уәкілі Е.Зайдағалиұлы), «жол-көлік оқиғаларын болдырмау және алдын алу бағытында атқарылған жұмыстар туралы» (баяндамашы аудандық полиция бөлімінің әкімшілік полиция тобының бастығы С.Кеукенов), «суицид профилактикасы, «тәуекел тобындағы» балалар мен жасөспірімдерге көмек көрсетудің бірлескен жұмыстары туралы» (аудандық полиция бөлімінің қоғамдық қауіпсіздік бөлімшесі бастығының м.а. А.Спатаев, аудан бойынша білім бөлімінің басшысы Е.Жақып, аудандық аурухана бас дәрігері Ж.Жұмабаева) үш бірдей мәселе қозғалды.<blockquote>– Бүгінгі күнде елімізде қарқынды белең алып келе жатқан «Интернет алаяқтық» қылмыстарының өсім алуы бәрімізді қатты алаңдатады. Былтырғы жылы аймақ басшысының төрағалығымен өткен облыс әкімдігі жанындағы құқық бұзушылық профилактикасы жөніндегі ведомствоаралық комиссия отырысында алаяқтыққа, оның ішінде қаржы пирамидалары мен интернет алаяқтығына қатысты құқық қорғау органдарына кешенді әрі нақты шараларды әзірлеуді тапсырған болатын. Себебі Елімізде қазір интернет алаяқтығына тыйым болмай тұр. Сонымен қатар, қазіргі өзекті мәселенің бірі жол қауіпсіздігіне байланысты жағдайлар алаңдатуда. Оның ішінде: жол-көлік оқиғасының салдарынан адам өлу, ауыр дене жарақатын алу, мал қағу және тағы басқа деректер жиі орын алуда. Сондықтан жол-көлік оқиғаларын алдын алу бағытындағы профилактикалық іс-шаралар күшейту керек. Сондай ақ, бүгінгі күннің басты мәселелерінің бірі – кәмелетке толмағандардың арасындағы суицид, яғни, өз-өзіне қол жұмсауы. Бұл мәселе кімді болсада алаңдатпай қоймайтыны анық. Жасөспірім шақта кездесетін қиындықтарды көтере алмау, айналасындағылармен тіл табыса алмау, психологияның толық қалыптаспағандығы, осы және тағы да басқа себептерден өскелең ұрпақ арасында суицид мәселесі артып отыр. Суицидтің алдын алу үшін ата-аналар, мұғалімдер психологтармен бірлесе отырып жұмыс атқару керек, – деді Берік Әбдіғаппарұлы.</blockquote>Комиссия отырысының қорытындысы бойынша аудан әкімі құқық қорғау органдары мен тиісті сала басшыларына тапсырмалар беріп, тиісті шаралар қабылдау жөнінде шешімдер қабылданды.

Құқық бұзушылықтың алдын алу мәселесі бойынша комиссия отырысы өтті

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаевтың төрағалығымен өткен мәжілісте халықты тұрғын үймен қамтамасыз етудегі мәселелер жан-жақты талқыланды.Жиында қала аумағындағы тұрғын үй құрылысының қарқыны, кезекте тұрған азаматтардың жағдайы, тұрғын үй инфрақұрылымын дамыту мәселелері қаралды.Аймақ басшысы тұрғын үйлерді белгіленген мерзімде әрі сапалы етіп салуды, мердігер мекемелер жұмысын тұрақты бақылауды міндеттеді.Сондай-ақ, үй кезегінде тұрған азаматтардың деректерін нақтылап, ашықтықты қамтамасыз ету, әлеуметтік жағынан осал топтарға басымдық беру қажеттігін атап өтті. Инженерлік-коммуникациялық желілерді уақытылы жүргізуді, жаңа тұрғын үйлерді пайдалануға беру мерзімін кешіктірмеуді қатаң тапсырды.<blockquote>«Құрылыс жұмыстары жоспар бойынша жүруі керек. Барлық жоба белгіленген мерзімде аяқталып, қаражат мақсатты жұмсалуы тиіс», – деді Нұрлыбек Машбекұлы.</blockquote>Еске салайық, тұрғын үй кезегінде тұрған азаматтарға 8 мыңға жуық пәтер, кейінгі 3 жылда барлық ауданда алғаш рет жаңадан 1800-ге жуық пәтер табысталды.Өткен жылы 2 477 пәтерлік тұрғын үй салуға бюджеттен 36 млрд. теңге қаралса, биыл кезекте тұрған азаматтарға 2 400 пәтер табыстау үшін 55 млрд. 600 млн. теңге жоспарланған.Соңғы жылдары қаламызда заманауи жаңа дизайнмен жеті, тоғыз және он екі қабатты тұрғын үйлер бой көтеруде.Фото: Қызылорда облысы әкімінің баспасөз қызметі

Тұрғын үй құрылысына қатысты мәселелер талқыланды

<a href="https://kyzylorda-news.kz/">Kyzylorda-news.kz</a> &nbsp;Қазіргі қоғамда жастардың рөлі ерекше. Себебі бүгінгі жас — ертеңгі елдің тірегі, мемлекеттің болашағы. Уақыт өзгерген сайын жастардың өмір салты, көзқарасы, қызығушылығы да өзгеріп келеді. Бүгінгі таңда жастар білімге, технологияға, жаңа мүмкіндіктерге жақын. Бұл — заман талабы. Алайда тек заманауи құралдарды пайдалану жеткіліксіз. Ең бастысы — сол мүмкіндіктерді дұрыс бағытта қолдана білу.Қазір жастар үшін білім алуға барлық жағдай жасалған. Интернет арқылы әлемнің кез келген ақпаратын алуға болады, шетелдік оқу орындарында білім алуға мүмкіндік бар, түрлі жобалар мен бағдарламалар ұйымдастырылуда. Осындай мүмкіндіктерді тиімді пайдаланған жас қана болашақта өз орнын таба алады. Білімді ұрпақ — елдің дамуына үлес қосатын басты күш.Сонымен қатар қазіргі жастардың бос уақытын қалай өткізетіні де маңызды мәселе. Кейбір жастар уақытын пайдалы іске жұмсаса, енді бірі әлеуметтік желіге тәуелді болып барады. Әлеуметтік желінің пайдасымен қатар зияны да бар. Ол адамның уақытын алады, шынайы қарым-қатынасты азайтады. Сондықтан әр жас өз уақытының қадірін білуі керек.Ұлы ақын Абай Құнанбайұлы: «Пайда ойлама, ар ойла, талап қыл артық білуге» деп жастарды білімге, ізденіске шақырған. Бұл сөз бүгінгі күні де өз маңызын жоғалтқан жоқ. Адам тек материалдық дүниені емес, рухани байлықты да қатар дамытуы қажет.Жастар арасында мамандық таңдауда қателік жіберіп жататындар да кездеседі. Кейбірі өз қызығушылығына емес, өзгенің таңдауына еріп кетеді. Нәтижесінде сүймейтін мамандықта жұмыс істеп, өз қабілетін толық аша алмай жатады. Сондықтан әр адам өз болашағына жауапкершілікпен қарап, саналы шешім қабылдауы тиіс.Елдің болашағы — саналы, білімді, тәрбиелі жастардың қолында. Жастар өз мақсатын айқындап, еңбектенуден қорықпаса, кез келген биікті бағындыра алады. Әрбір жас өзіне сеніп, арманына қарай қадам басса, еліміздің де болашағы жарқын болмақ.Назым Әбілхай,Қорқыт ата атындағы Қызылорда университетінің 4-курс студентіФото: pexels.webp

Жастар және уақыт: болашаққа бастар қадам

<a href="https://kyzylorda-news.kz/">Kyzylorda-news.kz</a> Парламент Сенаты мен Мәжілісінің депутаттары Руслан Рүстемов, Мұрат Ергешбаев, Мархабат Жайымбетов, облыс әкімінің орынбасары Бахыт Жаханов, қала әкімі Нұржан Ахатов Қызылордадағы құрылыс нысандарын аралады.Алдымен сол жағалаудағы 300 төсектік көпбейінді аурухана және тұрғын үйлердің құрылыс барысымен танысты. Бір ауысымда 100 келушіні қабылдайтын емхана және 100 төсекке арналған онкологиялық бөлімшесі қарастырылған нысан 10 блоктан тұрады. Онда емхана, қабылдау, операциялық, реанимация, химиотерапия, радиология бөлімдері, әкімшілік, тамақтандыру және конференц залдары орналасады. 54,3 млрд теңгенің жобасын «Мелиоратор» серіктестігі жүзеге асыруда. Қазіргі таңда монолит жұмыстары аяқталып, кірпішін қалау, инженерлік жүйелерді жүргізу жалғасуда. Құрылыс алаңында 300-ге жуық жұмысшы және 18 техника жұмылдырылған.Сол жағалаудағы әрқайсысы 60 пәтерлік 10 тұрғын үйдің құрылысы да қарқынды. Жобаға 11,3 млрд теңге бөлінген, 5 қабатты 7 үй және 9 қабатты 3 үй салынуда.Әрі қарай Президент паркіндегі 9 қабатты 15 тұрғын үй, Ботаникалық бақ және балалар лагері , Rixos бес жұлдызды қонақүйінің құрылыс алаңына барды.Бүгінде 9 қабатты 15 тұрғын үйді «Мелиоратор» серіктестігі 8,2 гектар аумаққа салуда. Қүрылыс біткенде 945 пәтер пайдалануға беріледі. Оның 135-і бір бөлмелі, 540-ы екі бөлмелі және 270-і үш бөлмелі пәтер.Ботаникалық білім беру орталығының құрылысын «Alem Qurylys AQ» серіктестігі қолға алған. Орталық экологиялық білім беруге әрі демалысқа арналған.300 орындық балалар лагерінің жобасы бойынша әкімшілік ғимарат, event-аймақ, 4 тұрғын корпус, қонақүй үлгісіндегі шағын ғимарат, 5 киіз үй, ашық бассейн, стадион, сахна, өзге де демалыс және техникалық нысандар салу көзделген.«Қызылорда Арена» спорт кешенінің де құрылысы жалғасуда. Жобаның құны 20 млрд теңгеден асады. Кешенде олимпиадалық бассейн, спорт алаңдары және 150 орындық конференц-зал болады. Қазір мұнда 214 адам жұмыс істейді, инженерлік желілердің 90%-ы дайын.Фото: Қызылорда облысы әкімінің баспасөз қызметі

Парламент депутаттары құрылыс нысандарындағы жұмыс барысымен танысты

Қазалы ауданы, Қожабақы ауылындағы спорт кешенінің құрылысы жоспарға сәйкес жүргізілуде.Қазіргі таңда құрылыс жұмыстарының негізгі кезеңдері аяқталуға жақын. Атап айтқанда, ғимараттың шатыр жабындысы толық жабылып, сыртқы қабырғалары жылу оқшаулау материалдарымен қапталып, заманауи линеарлы панельдермен әрлеу жұмыстары толық аяқталған. Сонымен қатар, ішкі және сыртқы кәріз жүйелері жүргізіліп, бу қазандығының іргетасы қаланған. Сыртқы ауыз су желісі де тартылды.<img src="https://knadmin.beoblood.kz/uploads/FB_IMG_1774761863926_563f069ab5.jpg" alt="FB_IMG_1774761863926.jpg">Қазіргі таңда нысанда ішкі әрлеу және сырлау жұмыстары қарқынды жүргізілуде. Құрылыс жұмыстарын «Намыс-Құрылыс» ЖШС мердігер мекемесі жүзеге асыруда.Бүгін аудан әкімінің орынбасары Жалғас Сүйеубаев Қожабақы ауылындағы спорт кешенінің құрылыс барысын арнайы барып көріп, нысанның құрылыс сапасын бақылады. Мердігер мекеменің басшысы мен құрылысшыларға жұмысты белгіленген мерзімде әрі сапалы аяқтау керектігін ескертті.Айта кетейік, «Ауыл - ел бесігі» жобасы аясында Қожабақы ауылымен қатар аудан орталығы - Әйтеке би кентіндегі мәдени-демалыс кешен ішінен тағы бір замануи спорт кешеннің құрылысы жүргізілуде.<img src="https://knadmin.beoblood.kz/uploads/FB_IMG_1774761873521_f665ef5213.jpg" alt="FB_IMG_1774761873521.jpg">

Спорт кешенінің құрылысы тұрақты бақылауда 

“AMANAT” &nbsp;партиясы облыстық филиалының төрағасы Жандос Базартайдың қатысуымен партия филиалы жанындағы экономика, кәсіпкерлік және аграрлық сектор мәселелері жөніндегі кеңестің отырысы өтті.Жиында кеңес құрамына өзгерістер енгізіліп, сайлауалды бағдарламаның орындалу барысы мен «Ауыл аманаты» жобасы аясында атқарылып жатқан жұмыстар жан-жақты қаралды.Атап өтейік, өткен жылы өңірге бағдарлама аясында 5,5 млрд теңге бөлініп, 443 жобаны іске асыру жоспарланған. Бүгінгі күнге бұл қаражаттың 2,3 млрд теңгесі игеріліп, 283 жоба қаржыландырылған. Ағымдағы жылға бөлінген 5,6 млрд. теңгеге аудандардан ұсынылып отырған 526 жобаны іске асыру көзделуде.Осы бағытта атқарылып жатқан жұмыстар төңірегінде облыстық ауыл шаруашылығы және жер қатынастары басқармасы басшысының орынбасары Рысбек Шайхиев баяндама жасап, алдағы жоспарлармен бөлісті.Оның айтуынша кооперативтік жобаларды насихаттау бойынша ауыл халқы арасында ақпараттық-түсіндірме жұмыстары жүргізіліп, 27 ауылдан 180 қатысушы қамтылған. Сонымен қатар бөлінген қаржыға биыл 33 ауыл шаруашылығы кооперативтерін қаржыландыру жоспарланған. Барлық бөлінген қаржы жоспарға сай игерілуде.«Бағдарлама аясында бөлінген қаражат кезең-кезеңімен игеріледі. Мәселен, қаржыландыру жоспарына сәйкес қалған қаражат сәуір айында қаралуда, қазіргі таңда сенім білдірілген өкілді анықтау жұмыстары жүргізілуде. Негізгі міндет – қаржыландыру тетіктерін нақтылап, қалған қаражатты тиімді бағыттау. Сондықтан жобалардың басым бөлігі ауыл тұрғындарының табысын арттыруға және жаңа жұмыс орындарын құруға бағытталып отыр», – деді ол.Бір атап өтерлігі 2026 жылдың 1 қаңтарына дейін бағдарлама аясында 2023–2025 жылдары несие алған тұлғалардан облыс бюджетіне 237,9 млн теңге көлемінде салық және міндетті төлемдер түсіп, бұл көрсеткіш өткен жылмен салыстырғанда 85,3%-ға артқан.Жиын барысында партияның облыстық филиалының төрағасы Жандос Базартай сөз алып, өз ұсыныстарын жеткізді. Ол өз сөзінде «Ауыл аманаты» жобасы – ауыл экономикасын жандандырып, халықтың табысын арттыруға бағытталған маңызды бастама. Сондықтан бөлінген қаражаттың тиімді әрі уақытылы игерілуін қамтамасыз ету – басты міндет. Әсіресе кооперацияны дамыту арқылы ауыл тұрғындарының кәсіпкерлік белсенділігін арттыруға ерекше көңіл бөлу қажет. Әр жоба нақты нәтижеге бағытталып, тұрғындардың әл-ауқатын жақсартуға қызмет етуі тиіс», – дедіЖиынды қорытындылаған кеңес төрағасы Бақдәулет Махашов Кеңес жұмысының нәтижелілігін атап өтті. Оның айтуынша өткен жылы аталған кеңестің 6 отырысы өтіп, 15 мәселе қаралған. Нәтижесінде 22 ұсыныс көтеріліп, олар тиісті республикалық және жергілікті органдарға жолданып, кері байланыс алынған. Сонымен қатар, көтерілген мәселелер бойынша 3 рет мониторинг жұмыстары жүргізіліп, нәтижесі бойынша кәсіп иелеріне ескертулер жасалған.&nbsp;

Ауыл кәсіпкерлігін дамыту – басты назарда 

Шаған ауылдық мәдениет үйінде «Құрмет» орденінің иегері Қожабек Кенжебекұлы Дәдікбаевты еске алуға арналған аудандық ақындар мүшәйрасы өтті. Тағылымы мол әдеби іс-шараға «AMANAT» партиясы облыстық филиалының төрағасы Жандос Базартай, аудан әкімінің орынбасары Димаш Байдушев, аудан мәслихат төрағасы Ержан Әжікенов, аудандық ардагерлер кеңесінің төрағасы Мұса Келдібаев, &nbsp;«AMANAT» партиясы аудандық филиалының атқарушы хатшысы Ақтөре Ибрагимұлы және ауыл тұрғындары қатысты.Шара барысында Қожабек Кенжебекұлының өмір жолы мен еңбек қызметінен сыр шертетін арнайы көрме ұйымдастырылды. Көрмеге оның марапаттары, архивтік құжаттары, фотосуреттері мен естелік дүниелері қойылып, тұлғаның өнегелі ғұмыры кеңінен таныстырылды.Мүшәйра барысында Жандос Нұртайұлы мұндай игі шаралар жастарды елжандылыққа тәрбиелеуде маңызды рөл атқаратынын атап өтті.– Қожабек Кенжебекұлы – өзінің саналы ғұмырын туған өлкесінің өркендеуіне, әсіресе ауданның ауыл шаруашылығы саласын жаңа деңгейге көтеруге арнаған нағыз еңбек майталманы. Ол Сырдың бойын ырысқа толтырып, аграрлық сектордың әлеуетін арттыруда аянбай қызмет етті. Білікті басшы ретінде аудан экономикасының қарыштап дамуына, жаңа технологиялардың енуіне және ауыл еңбеккерлерінің әлеуметтік жағдайының жақсаруына өлшеусіз үлес қосты. Еңбек жолында Тереңөзек совхозында инженер, аудандық партия комитетінде нұсқаушы, жауапты ұйымдастырушы, аудандық ауыл шаруашылығы басқармасында бөлім басшысы, өндірістік-техникалық кооперативтің бас инженері әрі директоры қызметтерін абыроймен атқарды. 1994 жылдан өмірінің соңына дейін «Шаған» агрофирмасын басқарды. Ол басқарған агрофирма қысқа мерзім ішінде заманауи агроөнеркәсіптік кешенге айналды. «Ер есімі – ел есінде» деген халқымыздың даналық сөзі осындай азаматтарға қарата айтылса керек. Бүгінгі мүшәйра – тұлғаны ұлықтау ғана емес, адал еңбек пен биік адамгершіліктің рухани көрінісін жырмен өрнектейтін тағылымды алаң. Сыр топырағына сіңірген өлшеусіз еңбегі ақындар өлеңінің арқауына айналары сөзсіз. Баршаңызға шығармашылық шабыт тілеймін, – деді Жандос Нұртайұлы.Кеш барысында аудан ақындары арнау өлеңдерін оқып, көрермендерге рухани әсер сыйлады. Мүшәйра қорытындысы бойынша үздік қатысушылар марапатталды.Айта кетейік, елді мекенде Қ.Дәдікбаевты еске алуға арналған волейболдан жарыс өткізілді.

Сырдария ауданында ақындар мүшәйрасы өтті 

«Достық үйінде» облыс әкімі Нұрлыбек Нәлібаев республикалық референдумды жоғары деңгейде өткізуге атсалысқан азаматтарға, құқық қорғау органдарының, басқармалардың басшыларына, қала, аудан әкімдеріне Президенттің Алғыс хаты мен "Барыс" төсбелгісін табыстады.<img src="https://knadmin.beoblood.kz/uploads/FB_IMG_1774761285273_1cfd81b27b.jpg" alt="FB_IMG_1774761285273.jpg">«Жақында ғана Елордада өткен салтанатты шарада Президентіміз Конституциялық реформа жөніндегі комиссияның нәтижелі еңбегіне айрықша тоқталып, Ата заңымыздың мән-мазмұнын жұртшылыққа кеңінен түсіндіріп, үгіт-насихат жұмыстарын жүргізген Жалпыұлттық коалиция мүшелері мен азаматтарға алғысын білдірді.Тарихи маңызды шарада еліміздің әлеуметтік-экономикалық дамуына, заң мен тәртіпті нығайтуға елеулі үлес қосқан тұлғалар мемлекеттік наградалармен марапатталды. Олардың арасында сырбойылық жерлестеріміз бар екенін зор мақтанышпен атап өтуіміз қажет.Бүгін міне, республикалық референдумды жоғары деңгейде өткізуге атсалысқан жерлестерімізге Президентіміздің Алғыс хаты мен "Барыс" төсбелгісін табыстаудамыз. Бұл – Мемлекет басшымыздың Сыр өңірі халқына ыстық ықыласы, жерлестеріміздің еңбекқорлығы мен ұйымшылдығына берген лайықты бағасы. Ерекше қолдау бізді жаңа жетістіктерге жетелейді, еселенген жауапкершілік жүктейді.Ұлттық жаңғыруымыздың жаңа кезеңіндегі референдумды өткізуге белсене қатысқандарыңыз үшін баршаңызға шынайы алғысымды, зор ризашылығымды білдіремін. Егемен еліміздің жарқын болашағы жолындағы істеріміз табысты болсын! Елдігіміз еңселі, Тәуелсіздігіміз тұғырлы болғай», – деді Нұрлыбек Машбекұлы.<img src="https://knadmin.beoblood.kz/uploads/FB_IMG_1774761288284_59bb9203ec.jpg" alt="FB_IMG_1774761288284.jpg">Сонымен қатар, ҚР Парламент Сенатының депутаты Руслан Рүстемұлы, облыс прокуроры Ризабек Кәрімұлы мен Қорқыт ата атындағы Қызылорда университетінің басқарма төрағасы - ректоры Наурызбай Сейтқалиұлы сөз сөйледі.Еске салайық, 15 наурыз күні ел азаматтары жаңа Конституцияға арналған референдумға белсенді қатысып, мемлекетіміздің келешек тағдырын айқындады. Ақордада өткен салтанатты жиында Президент бүкіл халық атынан жаңа Ата заңға, «Конституцияны іске асыру жөніндегі шаралар туралы» Жарлыққа қол қойды. Халықтық Конституция 1 шілдеден бастап ресми түрде күшіне енеді. Енді жыл сайын 15 наурызда Конституция күні мемлекеттік мереке ретінде ұлттық деңгейде атап өтіледі.

Белсенді азаматтар марапатталды 

<a href="https://kyzylorda-news.kz/">Kyzylorda-news.kz</a> 1 маусым - Балаларды қорғау күні демалыс болуы мүмкін деген болдамға Еңбек министрі жауап берді, деп хабарлайды <a href="https://baq.kz/1-mausym-qazaqstanda-demalys-kuni-bola-ma-enbek-ministri-zhauap-berdi-320020189/">BAQ.KZ тілшісі</a>.&nbsp;Еңбек министрі Асқарбек Ертаев 2026 жылы бұл мәселе күн тәртібінен алынғанын, бірақ оған кейінірек қайта оралуы мүмкін екенін хабарлады.Қазақстанда жаңа демалыс күнін енгізу тақырыбы қоғамда қайта көтерілгенімен, тез арада шешім қабылданады деп күтудің қажеті жоқ. Жақын арада 1 маусым - Балаларды қорғау күнінде қазақстандықтар үшін қосымша демалыс берілмейді.Еңбек және халықты әлеуметтік қорғау министрі Асқарбек Ертаев биыл бұл мәселе талқылаудан іс жүзінде алынғанын айтты.Бұл мәселеге бейінді мемлекеттік органдар ортақ ұстанымды әзірлегеннен кейін ғана қайта оралуға болады, - деп жауап берді ол Сенат кулуарында журналистердің сұрағына.1 маусымды мемлекеттік мереке жасау идеясы 2025 жылы айтылып, тіпті сол кезде Еңбек министрлігі тарапынан қолдау тапқан болатын.Алайда, кейін ведомстволар арасында талас-тартыс басталды. Нәтижесінде, ұсыныс мақұлданбай, енді тіпті келесі жылға дейін шегерілді.Сонымен қатар, министрлік бұл идеядан біржола бас тартқан жоқ. Ертаев жаңа мерекеге қатысты қоғамдық сұраныс бар екенін және билік бұл тақырыпқа мезгіл-мезгіл оралып отыратынын аңғартты. Бірақ басты мәселе күннің символикалық мәнінде емес, қаржы мен жұмыс берушілерге түсетін салмақта болып отыр.Әрбір жаңа демалыс күні - бұл тек тынығу мүмкіндігі емес, сонымен бірге бизнес үшін қосымша шығындар. Сондықтан нақты есептеулерсіз және барлық мүдделі тараптардың келісімінсіз мұндай шешім қабылданбайды, - деп түйіндеді министр.Осылайша, 2026 жылы Қазақстанда Балаларды қорғау күні әдеттегі жұмыс күні болып қала береді.Фото pexels.webp

1 маусымда Қазақстандықтарға демалыс беріледі ме? – Еңбек министрі жауап берді

<a href="https://kyzylorda-news.kz/">Kyzylorda-news.kz</a> Әскерге шақыру науқаны кезінде жастарға myarmy.kz платформасы арқылы мерзімді қызметке онлайн өтінім тапсыру мүмкіндігі беріліп отыр, – деп хабарлайды <a href="https://kaz.inform.kz/news/koktemg-askerge-shakiru-sarbaz-zhobasi-otnmd-onlayn-kabildaydi-8b4b22/">Қазақпарат.</a>Қорғаныс министрлігі мәліметінше, бұл бастама бүгінде шақырылушылар арасында үлкен қызығушылық тудырып отырған SARBAZ+ жобасы аясында жүзеге асырылмақ.Өтінім беру үшін сайтқа кіріп, қызмет шарттарымен танысып, тиісті форманы толтыру жеткілікті. Одан кейін жүйе үміткерді барлық кезең бойынша автоматты түрде бағыттайды.Алдымен қабылданған өтінім мұқият тексеріледі. Содан соң әскери комиссариатқа медициналық тексеруден өту үшін шақыру келеді. Кейін әскери бөлім өкілдерімен әңгімелесу өткізіледі. Соның нәтижесінде үміткерді қабылдау немесе бас тарту туралы шешім шығарылады. Барлық кезең түсінікті әрі ашық, ал қажетті құжаттар тізімі сайтта көрсетілген.SARBAZ+ жобасының басты ерекшелігі – жастарға заманауи дағдыларды үйрету. Қызмет барысында сарбаздар тек оқу-жауынгерлік тапсырмаларды орындап қана қоймай, сұранысқа ие мамандықтарды меңгеріп шығады. Жоба өзекті бағыттар бойынша маман даярлауға барынша басымдық береді.Rtel оқу сыныптарында әскери қызметшілер радиобайланысты меңгеріп, Ashik Aspan бағдарламасы арқылы дрондарды басқаруды үйренеді. Бұдан бөлек Eltex заманауи технологиялық жүйелерімен жұмыс істеуге бейімделеді. Сонымен бірге олар киберқауіпсіздік және деректерді қорғау негіздерін оқиды, жасанды интеллект элементтерімен танысып, цифрлық платформалар арқылы ағылшын тілін жетілдіреді.Әскери бөлімде қызмет етуге қолайлы жағдай жасалған. Спорт алаңдары, жаттығу залдары, белсенді демалыс аймақтары және электронды тир жұмыс істейді.Сондай-ақ бейнеаналитика жүйесі, «Ай-сұлу» боты және ARMIA.KZ платформасы сияқты қолдау сервистері жұмыс істейді.Аталған жобаға қызығушылық жоғары. Қазіргі таңда 268 өтінім берілген. Оның 90-ға жуығы іріктелді. Бір орынға шамамен үш адамнан келеді. Орын саны шектеулі болғандықтан, үміткерлердің бәрі бірдей қабылданбайды.SARBAZ+ жобасы мерзімді әскери қызметтің тек міндет қана емес, болашақ мамандыққа қажетті дағдыларды игерудің нақты мүмкіндігі екенін көрсетіп отыр.Алдағы уақытта жобаны кеңейтіп, басқа әскери бөлімдерге енгізу жоспарланып отыр. Қазіргі әскерге шақыру кезеңінде мерзімді қызметтен өту үшін ең қолжетімді әрі ыңғайлы тәсілдердің бірі – онлайн өтінім беру жеткілікті болып отыр.Фото: Gov.kz

Көктемгі әскерге шақыру: SARBAZ+ жобасы өтінімді онлайн қабылдайды

<a href="https://kyzylorda-news.kz/">Kyzylorda-news.kz</a> Сәуір айында бес күндік жұмыс аптасымен жұмыс істейтін қазақстандықтар 8 күн демалады, деп хабарлайды <a href="https://baq.kz/qazaqstandyqtar-sauir-ayynda-neshe-kun-demalady-320020197/">BAQ.KZ</a> тілшісі.&nbsp;2026 жылдың сәуірінде қазақстандықтар қанша күн демалады?Биыл сәуір айы «ұзақ демалыссыз» өтеді. Бұл айда ешқандай мемлекеттік мереке болмағандықтан, қазақстандықтар тек сенбі және жексенбі күндері демалады.Демалыс күндерінің саны жұмыс кестесіне байланысты болады:<ul><li style="text-align:justify;">Бес күндік жұмыс аптасы үшін: 8 демалыс күні және 22 жұмыс күні;</li><li style="text-align:justify;">Алты күндік жұмыс аптасы үшін: 4 демалыс күні және 26 жұмыс күні.</li></ul>Қазақстандықтар сәуір айында қандай мерекелерді атап өтеді?Сәуір айында қазақстандықтар бірқатар кәсіби, мерекелік және халықаралық даталарды атап өтеді:<ul><li style="text-align:justify;">5 сәуір - Қазақстанның көші-қон қызметі күні;</li><li style="text-align:justify;">7 сәуір - Дүниежүзілік денсаулық күні және Мемлекеттік қызмет көрсету саласы қызметкерлерінің күні;</li><li style="text-align:justify;">Сәуірдің бірінші жексенбісі (5 сәуір) - Геологтар күні;</li><li style="text-align:justify;">12 сәуір - Авиация және ғарышкерлік күні, сондай-ақ Ғылым қызметкерлері күні;</li><li style="text-align:justify;">15 сәуір - Қазақстандағы Ғашықтар күні («Қозы Көрпеш - Баян Сұлу» күні);</li><li style="text-align:justify;">16 сәуір - Тұрғын үй-коммуналдық шаруашылық саласы қызметкерлерінің күні;</li><li style="text-align:justify;">21 сәуір - Қазақстан Республикасы Мемлекеттік күзет қызметі күні;</li><li style="text-align:justify;">22 сәуір - Халықаралық Жер күні;</li><li style="text-align:justify;">23 сәуір - Ұлттық кітап күні.</li></ul>Фото pexels.webp

Қазақстандықтар сәуір айында неше күн демалады?

<a href="https://kyzylorda-news.kz/">Kyzylorda-news.kz</a>&nbsp;2026 жылы eGov жүйесінде құжаттарды дауыспен алуға мүмкіндік беретін жаңа сервис іске қосылады. Барлық рәсімді жасанды интеллект атқарады. Бұл туралы<a href="https://stan.kz/endi-kazakstandiktardin-kyzhattarin-zhasandi-intellekt-432179/"> Stan.kz</a> ақпарат агенттігі хабарлайды.Жасанды интеллект және цифрлық даму вице-министрі Дмитрий Мун мемлекет Қазақстан халқының күнделікті өмірінде қалай ЖИ қолданатынын айтып берді.Оның айтуынша, қазақстандықтар өз өтінішін дауыстап айтады, ал AlemGPT деп аталатын ЖИ-агент қажетті нұсқаларды өзі таңдап, тіпті рәсімдеуді де жүргізеді.<blockquote>“Бұл агент біздің суперкомпьютерде, біздің инфрақұрылымымызда және қазақ тілін түсінетін үлкен тілдік модельде орналасқан жабық желіде жұмыс істейді. Ол мемлекеттік қызметтерді адамның қатысуынсыз атқарады”, – деп түсіндірді вице-министр.</blockquote>Дмитрий Мун eGov Mobile қосымшасындағы ЖИ-кеңесшінің қазақстандықтарға мемлекеттік қызметтерді қазақ және орыс тілдерінде түсінуге көмектескенін мақтанып айтты. Онлайн-нотариус видео режимінде шамамен 19 мың мәміле жүргізді, ал ЖИ-терапевт ел бойынша 38 клиникада сынақтан өтіп жатыр.<blockquote>“Жалпы, 8,7 миллион мемлекеттік қызмет проактивті форматта көрсетілді, бұл 45-тен астам әртүрлі проактивті қызметтер, оларды біз мемлекеттік органдармен бірлесіп дамытамыз”, – деп нақтылады вице-министр.</blockquote>Фото: Оқу-ағарту министрлігі

Қазақстан және Қызылорда облысының жаңалықтары: Қоғам