<a href="https://kyzylorda-news.kz/">Kyzylorda-news.kz</a> 2009 жылы АҚШ-та бүкіл әлемді елең еткізген сот болды. Америка соты адамзат тарихындағы ең ірі қаржы пирамидасын ұйымдастырғаны үшін Бернард Мейдофф есімді алаяқты 150 жылға соттады. Ол Америкадағы ең бай адамның бірі еді. Байлыққа алаяқтықпен жеткендіктен АҚШ соты осындай шешім қабылдады. Бұл қадам арқылы Америка қаржы пирамидасын ұйымдастыратындарға қатаң шара қолданатынын көрсетті.Ескі жол, жаңа схемаНегізінен алаяқтықпен күрес мәселесі әрбір елде өзекті. Ұсталып, құрықталып, тұтқындалып жатса да елдің сеніміне кіріп, арампиғылын жүзеге асыратындар азаймай отыр. Әсіресе қаржы пирамидасын ұйымдастыратындар айылын жияр емес.&nbsp;Жалпы қаржы пирамидасының өзі заңсыз тұрғыда азаматтардан ақша өндіріп алудың бір түріне жатады. Анығын айтқанда сенімге кіріп жымқыру ғой. Олар көбіне инвестиция немесе бизнестің кез келген түрімен айналысатын адамның образын сомдауы мүмкін. Мұндай алаяқтар осы жолды негізгі қағидат етеді. Олар көбіне жаңа қатысушыларды тартуға және олардың жарналары арқылы пайды табуды көздейді. Қарапайым үлгісі ретінде «Өзің 10 мың теңге беріп кіресің, артыңнан 5 адам тартасың. Олардың әрқайсысы 5 адамнан тартқанда сен биікке көтеріліп, солардың аударған ақшасын алып отырасың», деп жұмыс істегендерін айтуға болады. Бұл схемаға да сенгендер аз емес.Бүгінде қаржы пирамидасының түрі де көбейді, деңгейі де жетілді. Халықтың қаржылық сауаттылығын көздейтін Fingramota.kz-тің мамандары осы сұраққа жауап іздепті.<blockquote>– Қаржы пирамидасының түрлері: көпдеңгейлі пирамидалар, желілік маркетинг қағидаты бойынша құрылған пирамидалар, мессенджерлерде шақыру жіберу схемасын қолданатын пирамидалар, эксклюзивті клубқа қатысу, – делінген Fingramota.kz ұсынған ақпаратта.</blockquote>Дерек көзіне сенсек, қаржы пирамидаларын ұйымдастырушылардың соңғы ойлап шығарған схемасының бірі биылғы сәуірде Алматы қаласында анықталған. Қаржы мониторингі агенттігінің мәліметі бойынша, Warner Bros, Roborock және NET+TRX деп аталатын компаниялар салымшыларды «трейлер көруден жоғары пайда аласың» деген сылтаумен жобаларға инвестиция салуға шақырған.Жоба тоғыз деңгейден тұрды, салымның орташа сомасы - 225 мың теңге, төлем тек USDT криптовалютасында қабылданған. Warner Bros компаниясында салымшылар арнайы қосымшаға тіркеліп, криптовалюта үшін трейлерлер көруге мүмкіндік алады және трейлерлерді көргені үшін, сондай-ақ жаңа салымшыларды шақырғаны үшін есептелетін сыйақы алды-мыс. Алайда, іс жүзінде олар ақшаларынан айырылып қалған. Қазір тергеу жұмыстары жүріп жатыр, сол себепті зардап шеккендер саны мен шығынның мөлшері жөнінде нақты деректер жоқ, бірақ соттың санкциясымен 3,8 миллион USDT крипто активтеріне тыйым салынғаны белгілі болды.Мейдоф пен Мавроди ісін жалғастырушыларМақаланың әлқиссасында қаржы пирамидасын құрғаны үшін АҚШ соты Бернард Мейдофты 150 жылға соттағанын жазғанбыз. Енді осы мәселеге нақтырақ тоқталсақ. Негізінен, Бернард дүние жүзіндегі ең бай адамдардың қатарында болған. Ол 1938 жылы Нью-Йоркте еуропалық азаматтардың отбасында өмірге келген. 1956 жылы сол қаладағы әйгілі&nbsp;Far Rockawayмектебін тәмамдайды. Жас кезінен жүзумен айналысқан Бернард араға төрт жыл салып Хофстра колледжін бітіреді. Оқып жүріп жағажайда құтқарушы және бақшалық қондырғылар құрылысын монтаждаумен айналысады. Жұмыс жасап тапқан бес мың долларына ол 1960 жылы &nbsp;Madoff Investment Securitiesдеп аталатын фирмасын ашады. Кәсіпте табысты бола бастаған Бернард он жылдан кейін бауыры Питер мен Роджер, Шан есімді жиендерін және Марк пен Эндрю атты ұлдарын &nbsp;өз ісіне тартады.Мейдоффтың бизнесі жыл өткен сайын өркендей береді. Ол тіпті,NASDAQатты америкалық қаржы қорын құруға қатысады. Madoff Investment Securities фирмасы осы биржаның саудасымен айналысатын ең ірі фирмалардың бірі болды. Б.Мейдофф 1990 жылдардың басында&nbsp;NASDAQ-тың директорлар кеңесінің мүшесі әрі оның төрағасы қызметін атқарды.Бәрі осылай жалғасып жатқан. Бір күні жинаған дүние мен байлықтың бәрі құрдымға кететінін кім білген? Өйткені, ол адамзат тарихындағы ең ірі қаржы пирамидасын ұйымдастырған болып шықты. Бернард құрған алаяқтық жүйе 50 миллиард қаржыны құрдымға жіберіп, 3 миллион адамды күйзеліске ұшыратқан. Бұл қаржы пирамидасының күйреуі 2007-2008 жылдардағы Америкадан бастау алған қаржы дағдарысымен тұспа-тұс келді. Оған көптеген америкалық банктер мен халықаралық қорлар ақша салған деседі. Дегенмен, 2009 жылы Бернард ұсталды. Көптің көз жасы жіберсін бе? &nbsp;Нью-Йорк соты оны 150 жылға соттапты. Бернард жайлы биыл «Лжец. Великий и Ужасный» деген фильм де шықты.&nbsp;Мейдоффтың рөлін&nbsp;Роберт Де Ниро сомдап шықты.ТМД елдеріндегі ең үлкен қаржы пирамидасын құрушы ретінде Сергей Мавродиді атап өтуге болады. Ол «МММ» компаниясын құрып, 15 миллионға жуық салымшы жинаған. Оның негізін қалаған Сергей Мавроди ұсталып, жазасын өтеп те шықты. Әйтсе де одан кейін де бірнеше қаржы пирамидасын құрған деген дерек бар.Зертеушілер алаяқтықтың бұл түрі 1919 жылы пайда болған деп тұжырым жасайды. Қазақстанда бұл қылмыс 1994 жылы анықталған. Содан бері халық қаржылық тұрғыдан сауаттанды десек те, қаржы пирамидасының құрбаны аз емес. Әлі күнге дейін солардың тұзағына түсетіндер бар. Мысалы, «Qnet», «Finiko», «Mudarabah Capital» секілді қаржы пирамидасын құрғандарталайды сан соқтырды. Басқасын айтпағанның өзінде криптовалюта саласына негізделген пирамида«Finiko оқиғасын» ғана мысал етейік. 2021 жылы Қазақстанда «Finiko» қаржылық пирамидасы жабылған кезде оның әсерінен 40 мыңнан астам азамат зардап шеккені белгілі болды. «Finiko» ұйымдастырушылары адамдардан айласын асырып, олардан 100 миллион доллардан астам ақша жымқырған.Алдаудың да, арбаудың да жолы көпОсы ретте букмекерлік пирамидалар мен жасырын ойын-казинолардың да бар екенін айта кеткен жөн. Fingramota.kz-те «заманауи қаржы пирамидалары букмекерлік кеңселер ретінде жасырынып, клиенттерді кепілдендірілген ұтыстар туралы уәделермен белсенді түрде қызықтырады. Лицензиясы бар және әр ставка бойынша кассалық немесе электронды чектер мен купондар беретін ресми букмекерлерден айырмашылығы, алаяқтық схемалар лицензиясыз жұмыс істейді және көп жағдайда мессенджерлер арқылы жалған чектер жібереді» деген дерек келтірілген.Мұндай «букмекерлік» пирамидаларды ұйымдастырушылар «серіктестік бағдарламалар» деп аталатын бағдарламаларды белсенді түрде енгізіп жатыр дейді мамандар. Қатысушыларға кіріс ставкаларды ұтып алудан емес, жаңа клиенттерді тартудан уәде етіледі. Қатысу үшін белгілі бір соманы салып, кем дегенде екі жаңа клиентті әкелу керек. Тартылған әрбір қатысушы үшін дивидендтер уәде етіледі, бұл іс жүзінде жаңа салымдар арқылы қаржы пирамидасын дамытудың классикалық схемасы болып табылады. Міне, мәселе қайда жатыр. Алдаудың да, арбаудың да жолы көп.Елімізде электронды казино мен интернет-казино қызметіне тыйым салынған. Әйтсе де, Fingramota.kz-тің мәліметіне сенсек, Алматыда Parimatch, Triumph, «Фаворит» және PROFITBetting букмекерлік кеңселерінің басшылары заңды бизнеспен қатар өз мекемелерінің қабырғаларында жасырын онлайн-казино ұйымдастырған.Қаржы пирамидасынан ақшаны қалай қайтаруға болады?Егер қаржы пирамидасының арбауына түссеңіз ақшаны алай қайтаруға болады? Хоум кредит банк сайтына жарияланған материалда Диана Жигалова осы сұрақтың жауабын іздепті. Оның сөзінше, қаржы пирамидасы құлдыраса ақшаны қайтару қиын. Әйтсе де мүмкіндікті жібермей қайтаруға тырысу керек.Мұндай жағдайда алдымен аударымды растайтын құжаттарды, хаттарды, хабарламаларды жинап, барлық ақпаратты, яғни салынған ақша сомаларын, күнін, пирамидаға шақырған адамдардың нөмірлерін сақтаған жөн. Полицияға жүгініп, алаяқтық туралы өтініш беріп, бар дәлелдемелерді ұсынған дұрыс. Сонымен қатар осы салада тәжірибелі әрі білікті адвокат жалдаған да артық болмайды. Өйткені мүддені заңды жақсы білетін маманның қорғағаны жөн.Бұдан кейін ақшаны алушыға оны қайтаруды талап етіп, шағым жіберген дұрыс. Онымен қоса Қаржы нарығын реттеу және дамыту агенттігіне шағым берген абзал.Сотқа жүгінуді ұмытпау керек. Сот ұйымдастырушылардың шоттары мен мүлкіне тыйым салуы мүмкін. Бұл – ұзақ және күрделі процесс, бірақ басқа жолмен ақша қайтару мүмкін емес.Көптің қарғысын емес, алғысын алған көгередіҚызылордада қаржы пирамидасының жұмыс істегені анықталып, 5 адам сотталды. Олар 2019-2022 жылдар аралығында 51 адамнан 63 млн теңгеден астам ақша жинаған. Тергеу кезінде адамдар 840 мыңнан 1,5 млн теңгеге дейін ақша салғаны белгілі болды.Қазақта «өтіріктің арты бір-ақ тұтам» деген сөз бар. Жұрттың көз-жасына қалып, арамдықпен жиған байлық алысқа апармайды. Мақаланың басын Бернардпен бастадық қой, Бернардпен аяқтайық. Байлығында есеп жоқ Бернард та әшкере болды. Шынында, қаншама байлығы оны сотталудан құтқара алмады. Балалары да қайғылы жағдайға ұшырады. Оның Марк есімді ұлы 2010 жылы өз үйінде дарға асылған күйінде табылды. Ал екінші баласы Эндрю 2014 жылы рактан қайтыс болды. Қазақта «көптің қарғысын емес, елдің алғысын алған көгереді» деген сөз бар. Біздің айтқымыз келгені де – осы.Әзиз ЖҰМАДІЛДӘҰЛЫФото: Fingramota.kz

Қаржы пирамидасы: алдаудың да, арбаудың да жолы көп

<a href="https://kyzylorda-news.kz/">Kyzylorda-news.kz</a> &nbsp;«Азаматтарға арналған үкімет» Мемлекеттік корпорациясы серіктес банктермен бірлесіп «Blockchain» технологиясы арқылы заңды тұлғалардың жылжымайтын мүлік кепіліне тіркеу сервисін іске қосты.Бұл сервис Мемлекеттік корпорация мен екінші деңгейлі банктер арасындағы ұзақ мерзімді ынтымақтастық аясындағы жобалардың жалғасы.Заңды тұлғалардың жылжымайтын мүлкін кепілге қойып, онлайн рәсімдеу арқылы несие беруді жеңілдету сынды банк саласындағы «Blockchain» технологиясының мүмкіндіктерінің арқасында мәмілелерді тіркеуге жұмсалатын уақыт бірнеше есе қысқарады. Нәтижесінде, құжат жинау қажеттілігі мен қызмет алушы мен қызмет көрсетушінің бетпе-бет кездесу талабының жойылуының арқасында кепілді тіркеу мерзімі 3 күннен 1 сағатқа қысқарады.Жалпы Мемлекеттік корпорация мен екінші деңгейлі банктер арасындағы ынтымақтастық аясында жеке тұлғаларға кепіл түріндегі ауыртпалықтарды тіркеу және оны тоқтату, әлеуметтік әлсіз топтарға арналған мемлекеттік бағдарлама бойынша жалдау шартын жасау, сондай-ақ жылжымайтын мүлікті сатып алу-сату және беру шарттарын рәсімдеу секілді қызметтер көрсетіледі.2024 жылы «Blockchain» технологиясы арқылы қарыз шарты бойынша талап ету құқығын беру, шарт талаптарының өзгеруіне байланысты ауыртпалықтарды өзгерту, сондай-ақ тұрғын емес үй-жайларды кепілге қою шартын тіркеу қызметтері де іске қосылды.Бүгінгі күнге дейін «Blockchain» технологиясы арқылы 360 мыңнан астам өтінім қарастырылды. Жылжымайтын мүлікке ауыртпалықтарды тіркеу 2024 жылы өткен жылмен салыстырғанда 1,5 есеге артты, яғни 87,8 мың операциядан 131,7 мыңға дейін өсті.Жаңа технологияны пайдалану бойынша Астана, Алматы және Шымкент қалалары, сондай-ақ Ақтөбе, Түркістан, Қарағанды және Алматы облыстары жоғары белсенділік танытты.Жаңа сервис «Blockchain» технологиясын қолдану арқылы көрсетілетін қызметтер қатарын кеңейтіп, банктер тарапынан түсетін шарттардың барлық ауқымын жылжымайтын мүлікті (ауыртпалық құқықтарын) электронды тіркеуге аудару.

«Blockchain» технологиясы мемлекеттік қызмет көрсету жылдамдығын қалай арттырады

<a href="https://kyzylorda-news.kz/">Kyzylorda-news.kz</a>&nbsp; «Қызылорда-Құмкөл» автожолындағы көлік жолайрығында, яғни Жаппасбай батыр мен Сұлтан Бейбарыс көшелерінің қиылысындағы көпірде күрделі жөндеу жұмыстарының жүргізілуіне байланысты көпірде жол қозғалысы шектелетіндігін (шамамен 15 күн) хабарлаймыз.Фото: egemen.kz&nbsp;

Көпірде көлік қозғалысы шектеледі 

<a href="https://kyzylorda-news.kz/">Kyzylorda-news.kz</a> Ресейлік блогер Михаил Гребенюк “Қазақстан” шоколадына қатысты пікірі үшін қазақстандықтардан кешірім сұрады. Бұл туралы <a href="https://stan.kz/men-ushin-sabak-boldi-kazakstan-shokoladin-kelemezhdege-421276/">Stan.kz</a> ақпарат агенттігі хабарлады.Блогер Telegram-арнасында жариялаған үндеуінде өз қателігін мойындап, видео үшін кешірім сұрады.<blockquote>"Қай жерде, не айтатыныңды ойланып сөйлеудің маңызын түсіндім. Біз шоколадтың дәмі туралы пікір білдірген видео жарияладық. Бірақ мен мәселенің дәмде ғана еместігін түсінуге ақылым жетпеді. Бұл жай ғана шоколад емес, бұл – қазақ бауырларымыздың&nbsp;ұлттық символы, мақтанышы мен махаббаты", – деп жазды блогер.</blockquote>Блогер әр адамның талғамы әртүрлі болуы мүмкін екенін және олар әрдайым бірдей бола бермейтінін атап өтті.<blockquote>"Мен бұл шоколадтың артында тұтас бір ұлттың дәстүрі, тарихы, сүйіспеншілігі мен мақтанышы жатқанын көре алмадым. Бұл дәмді миллиондаған адам, әсіресе аға буын өте жақсы көреді, олар үшін бұл&nbsp;балалық шақтың, күлкінің дәмі. Бұл – мен үшін аса құнды сабақ болды", – дейді блогер.</blockquote>Үндеуінің соңында блогер әкесінің Алматы туғанын, өзі де Қазақстанды жақсы көретінін айтып, қазақстандықтардан қазақ тілінде кешірім сұрады.<blockquote>“Кешіріңіздер мені, бауырларым мен апа-қарындастарым. Тағзым етемін және сабақ үшін алғысымды білдіремін”, –&nbsp;деп жазды блогер.</blockquote>Айта кетейік, бұған дейін желіде ресейлік блогердің танымал "Қазақстан" шоколады туралы жағымсыз пікір білдірген видеосы тараған еді.<blockquote>"Қазақтардың шоколады бар ғой, білесіздер ме, көк түсті, барлық қазақтар келген кезде сыйлыққа алып келетін. Ол шынымен де дәмсіз ғой. Осы ма сіздердің кәдесыйларыңыз? Басқа беретін нәрсе таппадыңыздар ма? Сол шоколадты өздеріңіз сатып аласыздар ма өзі?", – дейді ол видеода.</blockquote>Бұл пікір әлеуметтік желілерде үлкен сынға ұшырады. Қазақстандықтар блогердің өнім туралы айтқан сөздеріне наразылық білдірген еді.Коллаж Stan.kz

"Мен үшін сабақ болды": “Қазақстан” шоколадын келемеждеген ресейлік блогер халықтан кешірім сұрады

<a href="https://kyzylorda-news.kz/">Kyzylorda-news.kz</a> ҚР Парламенті Сенатының депутаттары, «AMANAT» партиясының мүшелері Наурызбай Байқадамов пен Руслан Рүстемов және партияның облыстық филиалының төрағасы Алмасбек Есмаханов Қызылорда қаласындағы КВАНТ зауытында болды.Кәсіпорын өз жұмысын заманауи талаптарға сай ұйымдастырып, жаңа технологияларды енгізу арқылы өндіріс көлемін жыл сайын ұлғайтып отыр. Қазіргі таңда мұнда 50 адам тұрақты жұмыспен қамтылып отыр.Бүгінде зауыт барлық ауылшаруашылық техникаларына жөндеу жұмыстарын жүргізеді, су үнемдеу құрылғыларын шығарады және шет елге экспорттайды.Сенат депуттары зауыт жұмысымен танысып, ұжымның өтініш-тілектеріне назар қойып, ұсыныстарын тыңдады.<img src="https://knadmin.beoblood.kz/uploads/Kvant_zauyty_e3ea49d564.jpg" alt="Квант зауыты.jpg">

Өңірлік өнеркәсіп: Сенаторлар КВАНТ зауытының жұмысымен танысты

<a href="https://kyzylorda-news.kz/">Kyzylorda-news.kz</a> Ағымдағы жылдың алғашқы жартыжылдығында аймағымызда кәсіпкерлік пен өнеркәсіп салаларында оң өсім қалыптасты. Өңдеу өнеркәсібі мен сауда көлемі артты, инвестиция тарту көрсеткіші жоғарылады. Сонымен қатар, шағын және орта бизнестің үлесі мен белсенділігі де елеулі түрде өскені байқалады. Бұл туралы бүгін Өңірлік коммуникациялар қызметінің ақпарат алаңында облыстық кәсіпкерлік және өнеркәсіп басқармасының басшысы Дәурен Әбілқайыров мәлімдеді.<blockquote>- Биылғы алты айда өңдеу өнеркәсібі мен сауда саласында айтарлықтай өсім бар. Шағын және орта кәсіпкерлік өнім көлемі артып, аймақ экономикасындағы үлесі 19 пайызға жетті. Жалпы өңірде 65 мыңға жуық кәсіпкерлік субъектісі жұмыс істеп тұр. Онда еңбекке жарамды халықтың үштен біріне жуығы жұмыспен қамтылған. Бұл &nbsp;кәсіпкерлік саласының әлеуметтік маңызын да айқындайды. Сонымен қатар, негізгі капиталға салынған инвестиция көлемі де артты. Өз кезегінде бұл көрсеткіш облысымыздың инвестициялық тартымдылығының артып келе жатқанын көрсетеді. Қазіргі таңда өңір экономикасын әртараптандыру бағытында жұмыс істеп жатырмыз. Ірі жобалар қатарында жаңа жылу электр орталығы, кірпіш зауыты, кондитерлік және макарон өнімдерін шығаратын кешен, түйе сүтінен құрғақ ұнтақ өндіретін зауыт, жолаушылар вагондарын жөндеу орталығы және қуаттылығы жоғары күн мен жел электр станциялары бар. Бұл жобалар іске қосылғанда жаңа жұмыс орындары ашылып, өндірістік әлеуетіміз арта түседі. Сонымен қатар, «Қорқыт Ата» арнайы экономикалық аймағы аясында бірқатар инвестициялық жобалар жүзеге асуда. Осы және өзге де бастамалар аймақтың әлеуметтік-экономикалық дамуына серпін беретіні сөзсіз, - деді Дәурен Тұрғанбайұлы.</blockquote>

Кәсіпкерлік пен өнеркәсіп салаларында тұрақты өсім бар

<a href="https://kyzylorda-news.kz/">Kyzylorda-news.kz</a> ҚР Парламенті Сенатының депутаттары, «AMANAT» партиясының мүшелері Наурызбай Байқадамов пен Руслан Рүстемов және партияның облыстық филиалының төрағасы Алмасбек Есмаханов Қызылорда қаласындағы Тәуелсіздікке 25 жыл даңғылын қайта жаңғырту жұмыстарын зерделеді.2024 жылдан бастап Тәуелсіздікке 25 жыл даңғылын Сұлтан Бейбарыс көшесінен Әбілқайыр хан көшесіне дейін Сырдария өзенінің қорғаныш бөгетін нығайтып, Тәуелсіздікке 25 жыл даңғылының 6,7 шақырымын қайта жаңғырту жұмыстары басталған болатын. &nbsp;Мердігер мекемесі «Уад» ЖШС.&nbsp;Жобаға аясында 6,7 шақырым кеңейтілетін аумақта жол негізінің құрылысы жүргізіліп, асфальт қабаттары төселген. Сонымен қатар, Сырдария өзенінің жиегіндегі қорғаныс бөгеті тазаланып, 1,4 шақырымға жуық дамбаны нығайту жұмыстары жүргізілген және 1,4 шақырым тіреу қабырғасы тұрғызылған. Одан бөлек, 8 жерге демалыс орындары белгіленіп, жаттығу құрылғылары орнатылған.Сонымен қатар, Тәуелсіздікке 25 жыл даңғылының жалғасы ретінде Әбілқайыр хан көшесінен Саламатов көшесіне дейін Сырдария өзенінің қорғаныс бөгетін нығайтумен 2,9 шақырым автомобиль жол құрылысын жүргізу жоспарлаған.Сенаторлар жобаның әлеуметтік маңыздылығын атап өтіп, жауапты өкілдерге сапа мен мерзімді қатаң сақтау қажеттігін жеткізді.<img src="https://knadmin.beoblood.kz/uploads/T_uelsizdikke_25_zhyl_zhol_rylysy_2_0533b64dcf.jpg" alt="Тәуелсіздікке 25 жыл жол құрылысы 2.jpg">

Сенаторлар жол құрылысын бақылады

<a href="https://kyzylorda-news.kz/">Kyzylorda-news.kz</a> 2025 жылдың алғашқы жартыжылдығында Жосалы және Иіркөл ауылдық округтерінде халықтың әл-ауқатын арттыруға, ауылдың инфрақұрылымын жақсартуға бағытталған бірқатар іргелі істер атқарылды. Аталған ауылдарға аудан әкімі Жандос Еркінбек тұрғындармен есептік кездесу өткізіп, аудан көлемінде атқарылған жұмыстардың нәтижелері мен алда тұрған жоспарлар туралы баяндады.Жосалы ауылдық округінің 2025 жылдың бірінші жартыжылдығына арналған бюджет көлемі 50,5 млн теңгені құрап, толықтай игерілді. Иіркөл ауылдық округі бойынша да осындай нәтиже байқалды – 44,8 млн теңге көлеміндегі қаражат мақсатты түрде жұмсалып, жоспарланған жұмыстар уақтылы орындалды. Мұның өзі ауыл экономикасының тұрақты дамып келе жатқанын көрсетеді.Халықтың тұрмыс сапасына тікелей әсер ететін маңызды мәселенің бірі – ауыз су. Қазіргі таңда Жосалы мен Иіркөл ауылдарының барлық тұрғындары таза, сапалы ауыз сумен толық қамтылған.Сондай-ақ аяқ су мәселесі де кезең-кезеңімен шешілуде. Жосалы ауылында Сырдария өзенінен арнайы насос арқылы 3,5 шақырым қашықтыққа су айдалып, арық жүйесімен үйлердің іргелік жерлеріне жеткізілсе, Иіркөл ауылында аяқ су Балажарма каналынан табиғи ағынмен келіп, ауылдың ішкі арықтарымен таратылады.Ауыл келбеті – сол елді мекеннің даму көрсеткіші. Осы ретте қос округте абаттандыру мен көгалдандыру бағытында ауқымды жұмыстар атқарылды:Жосалы ауылында П.Байшораұлы көшесіне жарықтандыру жүйесін орнатуға 27,8 млн теңге бөлініп, қазіргі таңда құрылыс жұмыстары жүргізілуде. Иіркөл ауылында ұзындығы 8,45 шақырым болатын Қазақстан көшесіне 41 жарық бағанасы орнатылып, жоба 24,4 млн теңгеге жүзеге асырылуда.Ауыл экономикасының маңызды секторы – шағын және орта кәсіпкерлік. Кәсіпкерлікті қолдау мақсатында «Ұлттық жоба» және «Ауыл аманаты» бағдарламалары арқылы бірнеше тұрғын жеңілдетілген несие мен қайтарымсыз грант алып, өз кәсібін ашты.Халықпен кері байланыс – басты назарда. Кездесу соңында аудан әкімі Жандос Еркінбек халық тарапынан қойылған сұрақтарға нақты жауаптар берді.<img src="https://knadmin.beoblood.kz/uploads/Audan_t_r_yndarymen_kezdesu_2_c45457b9e4.jpg" alt="Аудан тұрғындарымен кездесу 2.jpg">

Жосалы және Иіркөл ауылдары жаңару жолында

<a href="https://kyzylorda-news.kz/">Kyzylorda-news.kz</a> Жылдағы дәстүр бойынша тамыз айында ұстаздар жаңа оқу жылына тыңғылықты дайындалып, оқу үдерісін жүйелеп, алдағы міндеттерді айқындайды.Осы тұста «Назарбаев Зияткерлік мектептері» дербес білім беру ұйымы ауыл мұғалімдерінің кәсіби дамуын қолдау және үздік тәжірибені тарату мақсатында екі ірі республикалық іс-шара өткізуді жоспарлап отыр.2025 жылғы 7–8 тамызда Астанада «Назарбаев Зияткерлік мектептері» ДББҰ Педагогикалық шеберлік орталығының ұйымдастыруымен дәстүрлі «Жас ұстаз: табысқа апарар жол» республикалық форумы өтеді. Шараға еліміздің түкпір-түкпіріндегіауыл мектептерінде қызмет етіп жүрген 300-ге жуық жас педагог қатысады.Форумда инклюзивті білім беру, жасанды интеллектті оқыту процесіне енгізу және өзге де өзекті тақырыптарды қамтитын әдістемелік алаңдар, воркшоптар, педагогикалық квесттер мен шеберлік сабақтары ұйымдастырылады. Назарбаев Зияткерлік мектептерінің жас мұғалімдері өздерінің үздік тәжірибелерін бөлісіп, әріптестеріне кәсіби қолдау көрсетеді. Сондай-ақ шара барысында түрлі салада табысқа жеткен жас көшбасшылармен мотивациялық кездесу өткізу жоспарланған. Еске салсақ, «Жас ұстаз: табысқа апарар жол» форумы – NIS Педагогикалық шеберлік орталығының 2022 жылдан бері табысты жүзеге асырып келе жатқан жүйелі бастамасы. Жас мамандардың кәсіби қалыптасуына атсалысатын бұл форум қысқа мерзімде тәжірибе алмасу мен шабыт алу алаңына айналды.Ал 2025 жылғы 14 тамызда Назарбаев Зияткерлік мектептері алғаш рет республикалық педагогикалық отырысты ауыл мектебі базасында өткізбек.«Ауыл мектебі: тең мүмкіндіктер жолында» атты жиын Қарағанды облысы, Осакаров ауылындағы Әлихан Бөкейхан атындағы тірек мектепте ұйымдастырылады. Шараға еліміздің әр аймағынан 200-ге жуық тірек мектеп басшысы қатысады, ал 4 000-нан астам мұғалім қашықтан қосылады.Отырыста NIS сарапшылары мен тірек мектептердің директорлары білім беру ұйымдарын тиімді басқару, инклюзивті оқытуды жүзеге асыру және мектеп қауымдастығында жайлы орта қалыптастыруға бағытталған үздік тәжірибелерін бөліседі.Айта кетейік, «Назарбаев Зияткерлік мектептері» дербес білім беру ұйымы ауыл мектептерін қолдау және онда озық тәжірибені тарату жұмысын 2019 жылдан бері жүйелі түрде жүргізіп келеді. Қазіргі таңда NIS «Қазақстан халқына» қоры және Білім беру саласын тұрақты дамыту қорымен бірлесіп, «Ауылдық аймақтағы тірек мектептердің әлеуетін арттыру» қайырымдылық жобасын іске асыруда. Бүгінде аталған жобаға 135 тірек мектеп тартылған, ал жаңа оқу жылында бұл санды 200-ге дейін жеткізу жоспарда бар. Жоба аясында мектептердің материалдық-техникалық базасын жаңарту, жайлы орта қалыптастыру, заманауи оқыту тәсілдерін енгізу, педагогтердің кәсіби дамуын қолдау және әдістемелік сүйемелдеу арқылы ауыл мектептеріндегі білім сапасын көтеру көзделеді.<img src="https://knadmin.beoblood.kz/uploads/NI_Sh_6d7d961be5.jpeg" alt="НИШ.jpeg">

NIS ауыл мектептерімен ынтымақтастықты жаңа деңгейге көтеруде

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Сенатының депутаттары, «AMANAT» партиясының мүшелері Наурызбай Байқадамов пен Руслан Рүстемов, партияның облыстық филиалының төрағасы Алмасбек Есмаханов және қала әкімі Нұржан Ахатов бірқатар нысандарды аралап, құрылыс жұмыстарының барысын тексерді.Өздеріңізге белгілі, Тәуелсіздікке 25 жыл даңғылы Сұлтан Бейбарыс көшесінен Әбілқайыр хан көшесіне дейін кеңейтіліп, қайта жаңғыртудан өткен болатын. Осы ауқымды жобаның жалғасы Тәуелсіздікке 25 жыл даңғылының келесі кезеңі ретінде Әбілқайыр хан көшесінен Саламатов көшесіне дейінгі аралықта жаңа жол құрылысы жүргізілуде. &nbsp;Жоба аясында Сырдария өзенінің жиегіндегі қорғаныс бөгетін нығайту, 4 жолақты автомобиль жолының құрылысы мен ені 3 метр болатын жаяу жүргіншілер жолы қарастырылған.Сенаторлар жобаның әлеуметтік маңыздылығын атап өтіп, жауапты өкілдерге сапа мен мерзімді қатаң сақтау қажеттігін жеткізді.

Жаңа жол құрылысы бақылауда

«AMANAT» партиясының Қызылорда облыстық және қалалық филиалының ұжымы,«Таза Қазақстан» экологиялық акциясы аясында тазалық жұмыстарына үлес қосты.Тазалық жұмыстары әр аптаның сенбісінде барша қала тұрғындарының, партияластардың басын біріктіріп, кең көлемде ұйымдастырылып келеді.Партия тарапын бұдан бөлек әр аптаның бейсенбісінде «Таза бейсенбі» экологиялық акциясы өтіп, өңірдің тазалық шаралары қарқынды жүзеге асырылуда.

Таза Қазақстанға – таза үлес

Қармақшы ауданының әкімі Жандос Еркінбек ІІІ Интернационал және Жаңажол ауылдық округтерінің халқымен кездесті. Жиын барысында 2025 жылы атқарылған жұмыстардың қорытындысы жөнінде есеп беріп, ауданның әлеуметтік-экономикалық дамуы, әр саладағы жетістіктері туралы баяндады.Қос ауылдық округте ауыз су мәселесі толық шешімін тапқан. Ауылдар «Қазсушар» ШЖҚ РМК «Сыр Суы» филиалының «Октябрь топтық су құбыры» бөлімшесі арқылы үздіксіз әрі тұрақты түрде ауыз сумен қамтамасыз етілуде.ІІІ Интернационал ауылында маңызы зор жобалардың бірі ретінде шағын футбол және балалар ойын алаңының құрылысы атап өтілді. Құны 49,5 млн теңге болатын бұл жоба қазіргі таңда аяқталуға жақын.Сондай-ақ, этностар бірлігін ту еткен ауылда Цай Ден Хак, Наурыз, Сахи Жарылқасынов көшелеріне ағымдағы жөндеу жұмыстарына 11,4 млн теңге бөлінді. Бұдан бөлек, Қорқыт ата, Пак Чен Ир, Амангелді, Қазақ, Цай Ден Хак көшелерін жарықтандыру жұмыстарының жобалау-сметалық құжаттамалары әзірленіп, жалпы құны 11,7 млн теңгені құрады.Ауданымыз ауыл шаруашылығына бейімделген аудандардың бірі болып табылады. Бұл бағытта Жаңажол ауылдық округінің рөлі айрықша. Ауылдық округтің жалпы жер көлемі 5406 гектарды құрайды. Биыл «Жаңажол» ЖШС тарапынан 3100 га жерге күріш, 323 га жерге бидай, 469 га жаңа жоңышқа, 600 га ескі жоңышқа, 5 га алма бағы, 39 га жүгері, сондай-ақ 5 га жерге картоп егілді. Бұдан бөлек, жеке тұрғындар тарапынан 35 га жерге бақша дақылдары отырғызылды.Дүр Оңғар ауылында тұрғындардың өмір сүру сапасын жақсарту мақсатында табиғи газбен қамтамасыз ету жұмыстары жүргізілуде. Бұл – аудан әкімінің тікелей тапсырмасымен қолға алынған маңызды жоба.Халық денсаулығы – басты құндылық. Осы ретте ауыл тұрғындарына сапалы әрі уақытылы медициналық қызмет көрсету үшін дәрігерлік амбулатория тұрақты жұмыс істеп тұр.Кездесу барысында тұрғындар көкейлерінде жүрген сауалдарын қойып, нақты жауаптарын алды. Сонымен қатар, аудан әкімі Жандос Еркінбек азаматтарды жеке қабылдап, олардың ұсыныс-пікірлерін тыңдады.

Қазақстан және Қызылорда облысының жаңалықтары: Қоғам