<a href="https://kyzylorda-news.kz/">Kyzylorda-news.kz</a> Облыста «МЕДСТРОЙ-ШАНЫРАҚ» ЖШС бұрын болмаған жаңа протез өндірісі клиникасы «НЕЙРОМЕД» медицина орталығының базасында ашылмақ. Енді өңір тұрғындары қажетті протез өнімдерін басқа қалаларға бармай-ақ, өздеріне жақын жерден ала алады.Бұл жоба – өңірдегі медициналық қызметті кеңейтуге бағытталған маңызды бастама. Клиника 12 адамға тұрақты жұмыс орны ұсынады, жобаның жалпы құны 500 млн. теңгеден асады, ал құрал-жабдықтар Ресей мен Қытайдан жеткізілуде.Жоба өңір тұрғындарына сапалы қызмет пен жаңа мүмкіндіктер әкеледі. Әлеуметтік маңызды бастама ретінде әр адамға қажетті көмек пен қамқорлық көрсетеді. Медицина орталығы жақын арада өз жұмысын бастайды.Сондай-ақ, Қызылордада «Kyzylorda Refinery» ЖШС мұнай өңдеп, ішкі нарыққа және экспортқа мазут шығаратын зауыт жұмыс істейді.Зауыттың негізгі мақсаты – импортты алмастыру және ішкі нарықты дизель еріткіштермен қамтамасыз ету. Серіктестік қызметін кеңейтіп, бірнеше өнім түрін шығаруды жоспарлауда.&nbsp;Олар - навтат (ауыр және жеңіл), растворитель, керосин және түрлі отын түрлері. Бұл өнімдер өңірде энергетикалық қажеттілікті қанағаттандырып, сапалы отынмен қамтамасыз етеді.Сонымен қатар, серіктестік К4, К5 экологиялық класты мотор отындарын өндіруді жүзеге асыру үшін мұнай өңдеу зауытын жаңғырту жобасын жоспарлауда. Жобаның жалпы құны – 17,6 млрд теңге. Жобаның іске асуы өңірде экологиялық таза отын өндірісін дамытуға, энергетикалық қауіпсіздікті арттыруға және жергілікті экономикаға қосымша қолдау көрсетуге бағытталған.Одан кейін, Түркиялық Ardent Plastik – тамшылатып суару жүйесін шығаратын өндіріс орнымен танысты. Жобаның жалпы құны – 7,5 млрд теңге.Бұл бастама өңірде тиімді су пайдалану мен ауыл шаруашылығы өнімдерін арттыруға бағытталған маңызды инвестициялық жоба болып табылады.Түркиядан арнайы құрал-жабдықтар жеткізіліп, кедендік рәсімдеу жұмыстары толық аяқталды. Қазіргі уақытта қондырғылар монтаждау жұмыстары жүргізіліп, ауыл шаруашылық мекемелерімен келіссөздер жүргізілуде. Жоба тиімді суару жүйесін енгізіп, өңірдегі ауыл шаруашылығы өнімдерін арттыруға бағытталған.<img src="https://knadmin.beoblood.kz/uploads/K_sipkerlik_nysan_zh_mystary_2_35bea1142b.jpg" alt="Кәсіпкерлік нысан жұмыстары 2.jpg">

Бірқатар кәсіпкерлік нысан жұмысымен танысты

<a href="https://kyzylorda-news.kz/">Kyzylorda-news.kz</a> Қызылордада «AMANAT» партиясы облыстық филиалы «BIALI SPORT» ЖШС-мен бірлесіп, "BIALI MARATHON 2026"деп аталатын &nbsp;марафон өткізді. Ауқымды спорттық шараға 400 азамат қатысты.Марафонның басты мақсаты – өңірде бұқаралық спортты дамыту, салауатты өмір салтын насихаттау және тұрғындардың белсенділігін арттыру болды. «Кедергісіз келешек» партиялық жобасы аясында мүмкіндігі шектеулі азаматтар да қатысып, шараның әлеуметтік маңызын арттырды. Сонымен қатар, «Жастар рухы» жастар қанатының белсенділері мен аманаттықтар да марафонға белсене қатысып, қоғамдық белсенділік танытты.Жарыс 5 және 10 шақырым қашықтықта ерлер және әйелдер санаты бойынша өтті. Қатысушылар жас ерекшеліктеріне қарай сынға түсіп, өзара мықтыны анықтады.«AMANAT» партиясы облыстық филиалының төрағасы Жандос Базартай марафонның маңыздылығына тоқталып, бұқаралық спортты дамыту – ұлт саулығын нығайтудың маңызды бағыты екенін атап өтті. Сондай-ақ партияның сайлауалды бағдарламасы аясында өңірде бұқаралық спортты дамыту, спорт саласын қолдау бағытындағы жұмыстарды &nbsp;жеткізіп, алдағы жоспарларымен бөлісті.&nbsp;<blockquote>«AMANAT» партиясы «Халықпен бірге!» деп аталатын сайлауалды бағдарламасында ұлт саулығын нығайту бағытында ауқымды жұмыстарды жүзеге асырып келеді. Мәселен, өткен жылы өңірде 6 спорттық нысан пайдалануға беріліп, нәтижесінде халықты спорттық инфрақұрылыммен қамту 1000 адамға шаққанда 56,5 пайызға жетті. Бүгінгі «BIALI SPORT» серіктестігімен бірлескен марафон да салауатты өмір салтын қалыптастыру бағытындағы жұмыстардың бір көрінісі. Жақында «BIALI SPORT» серіктестігі, облыстық спорт басқармасымен бірлесіп, өңір тұрғындары аорасында «AMANAT health» таңғы жаттығу жобасын жүзеге асыруды көздеп отырмыз. &nbsp;Бұл жоба 6 ай бойы жүргізіліп, үздіксіз жаттығу жасаған тұрғын айфон телефонымен марапталатын болады»,- деді Жандос Базартай.</blockquote>Сондай-ақ, «BIALI SPORT» ЖШС төрағасы Асхат Шаукенбаев «AMANAТ» партиясымен бірлесіп, өңір спортын дамытуға, бұқаралық спортты дамыту бағытында жұмыстар жалғасытнын атап өтті.&nbsp;Атап өтейік, марафонның жалпы жүлде қоры 2 миллион теңгені құрады. Жүлдегерлер қаржылай сыйлықтармен марапатталып, барлық қатысушыларға арнайы медальдар табысталды.<img src="https://knadmin.beoblood.kz/uploads/Zh_giru_marafony_4e3c9353ab.jpg" alt="Жүгіру марафоны.jpg">

"BIALI MARATHON 2026" марафоны өтті

<a href="https://kyzylorda-news.kz/">Kyzylorda-news.kz</a> AMANAT партиясы Қызылорда облыстық филиалының төрағасы Жандос Базартай қатысуымен азаматтық қоғам мен мәдениетті дамыту бағытындағы «Miras» аймақтық кеңесінің отырысы өтті.Кеңестің күн тәртібінде материалдық емес мәдени мұраны сақтау, мұра элементтерін қайта түгендеу және цифрландыру, ұлттық құндылықтарды жергілікті халыққа насихаттау, сондай-ақ айтыс өнерін дамыту және жас таланттарды қолдау мәселелері кеңінен талқыланды.Өңірде Қазақстан Республикасы Мәдениет және ақпарат министрлігі, Қызылорда облысының әкімдігі және Материалдық емес мәдени мұраны қорғау жөніндегі Қазақстан Республикасының Ұлттық комитеті арасындағы ЮНЕСКО-ның техникалық грантын жүзеге асыру бойынша 2025 &nbsp;жылы ынтымақтастық туралы меморандум жасалған. &nbsp;Месорандум аясында материалдық емес мәдени мұраларды сақтау және дамытудың 2025-2026 жылдарға арналған өңірлік жұмыс жоспары бекітіліп, жоспарға сәйкес тиісті жұмыстар жүргізілуде.&nbsp;2018 жылы ЮНЕСКО-ның материалдық емес мәдени мұралары тізіміне Қорқыт ата мұралары енгізілген. Осы жұмыстар аясында облыстық филармония жанынан «Қорқыт сазы» қобызшылар ансамблі, аудан орталықтарында этно-фольклорлық ансамбльдер ашылған. Өткен жылдың қыркүйек айында ЮНЕСКО-ның материалдық емес мәдени мұраны қорғау жөніндегі Ұлттық коммисияның мүшесі, педагогика ғылымдарының кандидаты, профессор Жанерке Шайғозованың қатысуымен &nbsp;шалғай елді мекендердегі материалдық емес мәдени мұра элементтерін тасымалдаушыларды түгендеу, тізімін қалыптастыру және құжаттау мақсатында экспедиция ұйымдастырылған.Кеңес отырысында облыстық мәдениет, архивтер және құжаттама басқармасы басшысының орынбасары Қуаныш Жанұзақов осы бағытта атқарылып жатқан жұмыстарды жан-жақты баяндады.&nbsp;Ол Қазақстан Республикасы Мәдениет және ақпарат министрлігі, Қызылорда облысының әкімдігі және Материалдық емес мәдени мұраны қорғау жөніндегі Қазақстан Республикасының Ұлттық &nbsp;комитеті арасындағы ЮНЕСКО-ның техникалық гранты бойынша ағымдағы жылдың қараша айынан бастап «Түкті кілем» шеберлер мектебі ашылып, жоба аясында мектепке 10 дана кілем тоқу станогы және басқа да құрал жабдықтар берілгендігін атап өтті. &nbsp;Айтыс өнерінің дамуына тоқталаған басқарма басшысының орынбасары өңірде жыл сайын 5 республикалық ақындар айтысы, 50-ге жуық жыршы-жыраулар, күйшілер мен қобызшылар байқауы өткізіліп келетіндігін, сонымен қатар 1985–2023 жылдар аралығында Сыр бойында өткен 100 айтыстың дауыстары жазылған «Қанатты домбыра» аудио антологиясы жарық көріп, ұлттық мұраны сақтауға және келер ұрпаққа жеткізуге үлес қосуда екенін жеткізді.Партияның облыстық филиалының төрағасы Жандос Базартай: «Ұлттық мұраны сақтау – бұл тек мәдениет қызметкерлерінің ғана емес, қоғамның барлығының міндеті. «Miras» аймақтық кеңесі өңірдегі мәдени жұмыстарды жүйелеуге, нақты жобаларды іске асыруға және жастарға бағыт-бағдар беруге үлкен алаң екенін атап өтіп, өз ұсыныстарын білдірді. &nbsp;Кеңес қорытындысында аталған бағыттардағы жұмыстарды одан әрі жетілдіру, мәдени мұраны насихаттауды күшейту және аймақтық жобаларды іске асыру бойынша нақты ұсыныстар қабылданды. Бұл бастамалар Қызылорда өңіріндегі ұлттық мәдениет пен рухани құндылықтарды сақтау мен дамытуға айтарлықтай үлес қосатыны айтылды.

Ұлттық мұраны сақтап, айтыс өнерін дамыту мәселелері талқыланды

<a href="https://kyzylorda-news.kz/">Kyzylorda-news.kz</a> Қазіргі таңда Шардара су қоймасынан Сырдария өзенінің төменгі ағысына секундына 850 текше метр су жіберілуде. Ал аудан аумағына Сырдария өзені арқылы 365 текше метр су келіп түсуде.Осыған байланысты ауданға Қазақстан Республикасы Су ресурстары және ирригация министрлігінің Су ресурстарын реттеу, қорғау және пайдалану комитетінің төрағасы Сейілбек Нұрымбетов, «Қазсушар» РМК Қызылорда филиалы директорының орынбасары Айдос Асанбаев, сондай-ақ Арал-Сырдария бассейндік инспекциясының басшысы Зейнулла Қазтоғанов жұмыс сапарымен келді.Жұмыс сапары барысында арнайы делегация аудан әкімі Алмасбек Есмахановпен бірге Ә.Тыныбаев атындағы Қазалы су торабына барып, Сырдария өзеніне келіп жатқан суды тиімді пайдалану, оны реттеу және ауыл шаруашылығы саласына бағыттау мәселелерін талқылады.Кездесу барысында аудан аумағындағы барлық дарияаралық, шабындық каналдар мен көлдер жүйесіне суды дер кезінде жеткізіп, толықтыру қажеттігі атап өтілді. Сонымен қатар, егіс көлемін қажетті сумен қамтамасыз ету, вегетациялық кезеңді сапалы өткізу және су шығынын болдырмау бағытында нақты ұсыныстар айтылды.Су торабынан кейін ауданға жұмыс сапарымен келген делегация құрамын аудан басшысы Басықара ауылындағы «АралРыбторг» ЖШС-нің құны 650 млн теңге болатын тауарлы балық өсіру тоғанының жұмысымен таныстырды. Бұл жоба өңірде балық шаруашылығын дамытуға, жергілікті өнім көлемін арттыруға және ауыл шаруашылығы саласының әлеуетін күшейтуге бағытталған. Жалпы тоғанда балық өсіру жобасының 308 млн. теңге қаржысы кәсіпкердің өз қаражаты есебінен, қалған 342 млн.теңгесі «Байқоңыр Әлеуметтік Кәсіпкерлік корпорациясы» АҚ арқылы несие алуға құжаттары ұсынылып отыр.Кәсіпкердің айтуынша алдағы уақытта жобаға сәйкес мұнда барлығы 18 тоған салынып, биылғы жылы 500 тоннаға жуық тауарлы балық алу жоспарланып отыр. Айта кетейік, бұған дейін бұл аумақтағы тоғандарға 400 мың дана тұқым әкелініп салынған болатын.<img src="https://knadmin.beoblood.kz/uploads/Sudy_tiimdi_pajdalanu_9cc16bf407.jpg" alt="Суды тиімді пайдалану.jpg">

Су ресурстарын тиімді пайдалану – басты назарда

Қызылорда облысында 2025-2026 жылдардағы жылыту маусымы қорытындыланып, өңір тұрғындары қыс бойы үздіксіз жылумен қамтамасыз етілді. 1 сәуір күні Қызылорда қаласы, Арал және Жаңақорған аудандарында жылу беру тоқтатылса, 2 сәуірде Қармақшы, Жалағаш, Сырдария аудандарында маусым аяқталды. Ал Қазалы мен Шиелі аудандарында жылыту кезеңі 5 сәуірде толық ажыратылды. Жылыту маусымы барысында облыс бойынша 1079 әлеуметтік нысан мен орталық жылу жүйесіне қосылған 909 көпқабатты тұрғын үй тұрақты түрде жылумен қамтылды. Бұл туралы Өңірлік коммуникациялар қызметінің баспасөз алаңында сала мамандары мәлімдеді.Облыстық энергетика және тұрғын үй-коммуналдық шаруашылық басқармасы басшысының міндетін атқарушы Тахир Нәдірбектің айтуынша, жылыту маусымы штаттық режимде өткен. Барлық нысанды қамтамасыз етуші кәсіпорындар тұрақты жұмыс істеп, жылу беру сыртқы ауа температурасына сәйкес реттеліп отырған. «Қазіргі таңда жылу желілері мен энергия көздерінде гидравликалық және температуралық сынақтар жүргізілуде. Алдағы жылыту маусымына дайындық шеңберінде негізгі және қосалқы жабдықтарды жөндеу кестесі бекітілген. Сонымен қатар, Қызылорда қаласында инвестиция есебінен салынған жаңа жылу электр орталығы кезең-кезеңімен іске қосылуда. Бүгінде оның 176 МВт электр энергиясын өндіру қуаты пайдалануға беріліп, жобаны толық аяқтау мамыр айына жоспарланған. Бұл өз кезегінде өңірдің энергетикалық әлеуетін арттырып, өндіріс саласының дамуына оң серпін бермек» - деді Тахир Қуанышбекұлы.Өз кезегінде ҚР Энергетика министрлігі Мемлекеттік энергетикалық қадағалау және бақылау комитетінің Қызылорда облысы бойынша аумақтық департаменті басшысының міндетін атқарушы Тұрарбек Елеубекұлы өткен күзгі-қысқы кезеңнің тұрақты өткенін атап өтті. Оның айтуынша, тұтынушылар электр және жылу энергиясымен толық қамтамасыз етіліп, жөндеу жұмыстары уақытылы әрі сапалы орындалған. Нәтижесінде электр станцияларындағы технологиялық бұзушылықтар 57 пайызға, ал электр желілеріндегі ақаулар 5,5 пайызға төмендеген.Ал «Қызылордажылуэлектрорталығы» МКК филиалының директоры Хасанғали Иманғалиев қаладағы жылу жүйесінің жағдайына тоқталды.&nbsp; «Қызылорда қаласында жылыту маусымы 2025 жылғы 8 қазанда басталып, 2026 жылғы 1 сәуірде аяқталған. Қаладағы жалпы жылу желілерінің ұзындығы 204 шақырымды құрайды. Оның 36 шақырымы магистралдық, ал 168 шақырымы кварталаралық құбырлар. Қазіргі таңда жылу желілерінің тозу деңгейі 40 пайыз шамасында. Алдағы уақытта жөндеу және жаңғырту жұмыстары арқылы бұл көрсеткішті төмендету көзделуде. Сонымен қатар, қала тұрғындарын ыстық сумен қамтамасыз ету бағытындағы жұмыстар да жүйелі түрде жалғасуда. Бүгінде 158 көпқабатты тұрғын үй орталықтандырылған ыстық су жүйесіне қосылған», - деді &nbsp;Хасанғали Айғалиұлы.

Қызылордада жылу беру маусымы аяқталды 

Облыс әкімі Нұрлыбек Нәлібаевтың төрағалығымен cыбайлас жемқорлыққа қарсы іс-қимыл мәселелері жөніндегі комиссия отырысы өтті.Күн тәртібінде тікелей бағынысты мемлекеттік қызметшілердің сыбайлас жемқорлық қылмысы үшін басшыларды жауапкершілікке тарту, мемлекеттік қызметшілердің сыбайлас жемқорлыққа қарсы шектеулерді сақтау бағытында атқарылған шаралар, мемлекеттік сатып алу саласындағы сыбайлас жемқорлықтың алдын алу және ашықтықты қамтамасыз ету мәселелері талқыланды. «Мемлекеттік қызмет істері агенттігінің Қызылорда облысы бойынша департаментімен бірлесіп, әрбір деректі қосымша талдау керек.Тәртіптік жауапкершілікті қараудың бірыңғай алгоритмін әзірлеп, мерзімінің сақталуын тұрақты бақылауға алыңыздар. Біздің мақсатымыз – жазалау емес, жүйені түзету. Бірақ заң талаптарын елемеу немесе тәуекелге көз жұму деректері қайталанса, шешім де қатаң болады. Аймағымызда сыбайлас жемқорлыққа қарсы саясат нақты нәтижеге бағытталған жұмысқа айналуы тиіс. Аталған міндетті жүзеге асыруда әрқайсыңыздың жеке жауапкершілігіңіз бар. Бір ай мерзім ішінде сатып алулардың басым бөлігі өтетін тәсілдерді талдап, орталықтандыруды кезең-кезеңімен ұлғайту жөнінде нақты ұсыныстар енгізіңіздер. Барлық басқарма, қала, аудан әкімдері, мемлекеттік сатып алуды өткізгенде жеке жауапкершілікті күшейтіп, тәуекелді келісімшарттарға ішкі бақылауды қамтамасыз етіңіздер. Бұл жұмыс жүйелі жүргізілуі тиіс», – деді Нұрлыбек Машбекұлы.Комиссия отырысында ҚР Мемлекеттік қызмет істері агенттігі Қызылорда облысы бойынша департаментінің басшысы Ерлеген Мендалиев, облыстық мемлекеттік сатып алу басқармасының басшысы Бауыржан Шаменов баяндама жасады.

Сыбайлас жемқорлыққа қарсы іс-қимыл мәселелері жөнінде комиссия отырысы өтті 

Облыс әкімі Нұрлыбек Нәлібаевтың қатысуымен нашақорлық профилактикасы және есірткі қылмысына қарсы іс-қимыл бойынша мемлекеттік органдардың қызметін үйлестіру жөніндегі облыстық ведомствоаралық штаб отырысы өтті. Күн тәртібінде 2026-2028 жылдарға арналған кешенді жоспардың іске асырылуы талқыланды.Мемлекет басшысы Қауіпсіздік кеңесінің отырысында есірткі бизнесіне қарсы күресті күшейтуге қатысты нақты тапсырмалар берген болатын. Осы жұмыстарды үйлестіріп, азаматтардың қауіпсіздігін қамтамасыз ету мақсатында соңғы төрт жылда полиция органдарының материалдық-техникалық базасын жақсартуға облыстық бюджеттен 17,7 млрд теңге қаржы бөлініп, &nbsp;заманауи құралдар алынды.Өңірдің барлық ауданындағы полиция бөлімдерінде жедел басқару орталықтары ашылды. Аймақ басшысы есірткіге қарсы кешенді іс-шараларды тиімді жүзеге асыруды тапсырды. «Әлеуметтік желілердегі синтетикалық есірткі жарнамасын толық тоқтату үшін нақты бағыттарды анықтау, профилактика, жедел іздестіру, жасанды интеллектіні қолдану арқылы «Кибернадзор» жүйесінің тиімділігін арттыру керек.Есірткі алқаптарын анықтауда жүйелі жұмыс жүргізіп, оларды жоюды ұйымдастырыңыздар», – деді Нұрлыбек Машбекұлы. Штаб отырысында білім беру ұйымдарына жұмысқа қабылдағанда азаматтардың нашақорлық тәуекелдеріне бейімділігін анықтау үшін нақты ұсыныстар енгізу, әлеуметтік жағынан осал отбасынан шыққан оқушылардың жағдайына тұрақты мониторинг жүргізу міндеттелді.Мәдениет, спорт және сауда нысандарындағы LED экрандарда нашақорлықтың зияны, синтетикалық есірткінің қаупі туралы жастарға, орта буынға арналған ескерту роликтерін тұрақты көрсету тапсырылды. Отырыста облыстық полиция департаментінің бастығы Серік Ергешов баяндама жасады.

Кешенді жоспардың іске асырылу барысы қаралды 

<a href="https://kyzylorda-news.kz/">Kyzylorda-news.kz</a>&nbsp; &nbsp; Арал ауданы әкімі Аманжол Оңғарбаев жұмыс сапарымен Ақбасты ауылында болып, тұрғындармен кездесті.Заманында теңіз жағалауын мекендеген ауылдың бүгінгі негізгі тіршілік көзі – мал шаруашылығы. Жағалау елден алыстағанмен балықшы қауымның ұрпағы бейбіт елде табысты өмір кешуде.Аудан басшысы Аманжол Сақыпұлы №22 орта мектеп ғимаратында тұрғындармен кездесіп, ауданда өткен жылы қолға алынған жұмыстар туралы баяндап, елдің ұсыныс-пікірлерін мұқият тыңдады.Кездесу барысында тұрғындар алдымен шалғай орналасуына қарамастан сапалы ауыз су жеткізуге күш салған азаматтарға алғыстарын білдірді. Сондай-ақ, мобильді интернетпен қамту мен жол мәселелері де талқыланды.Аудан әкімі А.Оңғарбаев елдегі мәселелердің барлығынан хабардар екенін айтып, кездесуде ауылдағы ағайынның өтініштерін әрқашан назарда ұстайтынын, мүмкіндіктер шеңберінде шешім қабылдайтынын жеткізді.Айта кетейік, өткен жылы аудан бойынша 12,8 млрд теңге қаржыға 318 шақырым ауыз су желілері тартылды. Сол жобалардың бірі – Ақбасты ауылын сапалы ауыз сумен қамтамасыз ету. Қосамандағы су айдау насостық станциясынан 125 шақырым қашықтықта орналасқан ауыл тұрғындары бүгінде таза су тұтынып отыр.Сонымен қатар, Тоқабай, Ерімбетжа және Тастүбек елді мекендері толықтай орталықтандырылған ауыз су желісіне қосылды. Келесі кезекте Абай ауылын да желіге қосылатын болады.Бұл жобалар тұрғындардың өмір сапасын жақсартуға және әлеуметтік жағдайды нығайтуға бағытталған нақты қадам болып табылады.Фото: Арал ауданы

Аудан әкімі шалғайдағы ауыл тұрғындарымен кездесті

<a href="https://kyzylorda-news.kz/">Kyzylorda-news.kz</a> Жаз мезгілі басталысымен балалардың қауіпсіздігі басты назарда болуы тиіс. Өкінішке қарай, балалардың терезеден құлау фактілері ата-аналардың балаларды қараусыз қалдыруынан, терезелерде қорғаныс құралдарының болмауынан және балалардың терезе алдында ойнауынан туындап отыр. Осыған орай, облыстық Төтенше жағдайлар департаменті жыл басынан бері 3000-ға жуық тұрғынға 20-дан астам түсіндіру жұмыстарын жүргізді. Бұл туралы Өңірлік коммуникациялар қызметінің баспасөз алаңында облыстық ТЖД Төтенше жағдайдың алдын алу басқармасының бастығы Асхат Оразбеков мәлімдеді.<blockquote>– Бүгінде балалардың қауіпсіздігі — қоғамдағы ең өзекті мәселелердің бірі. Әсіресе, көпқабатты тұрғын үйлерде балалардың ата-анасының қарауынсыз қалып, терезеден немесе балконнан құлап кету жағдайлары алаңдаушылық туғызып отыр. Мұндай оқиғалар көбінесе ересектердің немқұрайлығы мен қауіпсіздік талаптарының сақталмауы салдарынан орын алады.Талдау көрсеткендей, балалардың терезеден құлау фактілерінің негізгі себептері — ата-аналардың балаларды қараусыз қалдыруы, терезелерде арнайы қорғаныс құралдарының, яғни блокираторлар мен бекіткіштердің болмауы, сондай-ақ балалардың терезе маңында ойнауы. Сонымен қатар, балалардың терезе алдына шығып кетпеуі үшін жиһаздарды терезе жанына қоймаған жөн. Ата-аналар балалармен қауіпсіздік тақырыбында тұрақты түрде әңгіме жүргізіп, үлкен балаларды кішілерге қамқор болуға үйретуі тиіс. Ең тиімді шаралардың бірі &nbsp;терезелерге арнайы блокираторлар орнату немесе тұтқаларына құлып қою , — деді Асхат Плалұлы.</blockquote>Спикердің айтуынша, өңірде балалардың терезеден құлау фактілерінің алдын алу мақсатында кешенді жұмыстар жүргізілуде. Атап айтқанда, көпқабатты тұрғын үйлердің кіреберістеріне, шағын маркеттер мен сауда орындарына ескерту парақтары ілініп, тұрғындармен түсіндіру іс-шаралары ұйымдастырылуда. Сонымен қатар, “Терезе” жедел алдын алу шарасы жүзеге асырылуда.

Қауіптің алдын алу — басты міндет

<a href="https://kyzylorda-news.kz/">Kyzylorda-news.kz</a>&nbsp; Президентке өңірдің әлеуметтік-экономикалық дамуы мен орнықты өсімін қамтамасыз ету бойынша атқарылып жатқан шаралар туралы баяндалды.Нұрымбет Сақтағанов 2025 жылдың қорытындысына сәйкес облыста оң динамика байқалатынын айтты.Инвестиция, құрылыс, ауыл шаруашылығы және сауда салалары өсім көрсетіп отыр. Негізгі капиталға салынған инвестиция көлемі 838 миллиард теңгеден асты. Инвестициялық портфельде 101 жоба бар.Құрылыс жұмыстарының көлемі 460 миллиард теңгеге жуықтады. Ауыл шаруашылығындағы жалпы өнім 550 миллиард теңгеден, ал сауда саласында 2 460 миллиард теңгеден асты.407 мың шаршы метрден астам тұрғын үй пайдалануға берілді. Жұмыссыздық деңгейі 4,6 пайыз деңгейінде тұрақтап, 29 мың адам еңбекпен қамтылды.Жұмыспен қамтудың өңірлік картасы аясында биыл 17 440 жұмыс орнын ашу (І тоқсанның қорытындысы бойынша 3 317 жұмыс орны ашылды) қарастырылып отырғаны жөнінде мәлімдеді.Әлеуметтік салада АӘК алушылар саны азайып келеді.Ауылдық аумақтарды дамыту және қоныстанушыларды қолдау бағдарламалары, соның ішінде «Шығыс шақырады» өңірлік жобасы жүзеге асырылып жатыр.Шығыс Қазақстанда инфрақұрылымды жаңғыртуға баса мән беріледі. Былтыр ұзындығы 856 шақырым болатын жолдар мен көшелерде жөндеу жұмыстары аяқталды.Мемлекет басшысы Экологиялық ахуалды жақсарту, экономиканы әртараптандыру, инвестиция тарту және өңірдегі туризмді дамыту жұмыстарын жалғастыру бойынша бірқатар тапсырма берді.Фото: Ақорда

Мемлекет басшысы ШҚО әкімі Нұрымбет Сақтағановты қабылдады 

<a href="https://kyzylorda-news.kz/">Kyzylorda-news.kz</a> &nbsp;Бүгін облыс әкімі Нұрлыбек Нәлібаевтың төрағалығымен актив отырысы өтті. Онда ҚР Президенті Әкімшілігінің, Мемлекеттік қызмет істері агенттігінің келісімдері негізінде, Әділет министрлігінің бұйрығымен облыстық әділет департаментінің басшысы болып тағайындалған Әлмеш Баукен Серікұлы таныстырылды.Облыс әкімі жаңа басшының қызметіне сәттілік тілеп, нотариалдық, адвокаттық, заң кеңесшілері қызметінің нәтижелілігін арттыру, құқықтық түсіндіру жұмыстарын жандандыруға қатысты міндеттерді айқындады.<blockquote>«Әділет министрлігімен өзара байланысты күшейтіп, өңірімізде нормативтік-құқықтық актілерді тіркеу және сараптау жұмыстарын ұйымдастыру қажет. Азаматтарымызға құқықтық қолдау көрсетуді, зияткерлік меншік құқықтарын қорғауды тапсырамын», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/658925380_1245793307741911_6523135102868722861_n_8846f10f15.jpg" alt="Облыстық әділет департаментінің басшысы таныстырылды"><figcaption>&nbsp;</figcaption></figure>Баукен Серікұлы 1991 жылы Түркістан облысында дүниеге келген. Қазтұтынуодағы Қарағанды экономикалық университетінде «Құқықтану» мамандығы бойынша білім алған.Еңбек жолын 2009 жылы Түркістан облыстық әділет департаментінде бастаған. Әр жылдары аталған департаментке қарасты Шымкент қалалық, Төлеби, Сарыағаш, Сайрам, Ордабасы аудандық әділет басқармаларында жауапты қызметтер атқарған.2017-2023 жылдары Алматы облысы Ескелді аудандық әділет басқармасының басшысы, Қызылорда облыстық әділет департаменті басшысының орынбасары болған.2023 жылдан бері Ақмола облыстық әділет департаментінің басшысы лауазымында қызмет еткен.Фото: Қызылорда облысы әкімінің баспасөз қызметі

Облыстық әділет департаментінің басшысы таныстырылды

<a href="https://kyzylorda-news.kz/">Kyzylorda-news.kz</a> Туризм және спорт министрі Ербол Мырзабосынов биыл Жапонияның Нагоя қаласында (19 қыркүйек – 4 қазан) ұйымдастырылатын XX жазғы Азия ойындарына ұлттық құраманы сапалы дайындауға арналған жұмыс кеңесін өткізді.Жиында ұлттық команданың құрамын қалыптастыру, спортшылардың бәсекеге қабілеттілігін арттыру және басым спорт түрлеріндегі дайындықты тиімді ұйымдастыру мәселелері талқыланды.Биылғы Азия ойындары бағдарламасына 43 спорт түрі енген. Спортшылар 438 медаль жиынтығы сарапқа салады. Алдын ала болжам бойынша, Қазақстан құрамасынан Азиадаға 30-дан астам спорт түрінен 500-ге жуық спортшы қатысады.Министрлік ұлттық спорт федерацияларымен бірлесе отырып дайындық жоспарын жасады. Онда оқу-жаттығу жиындарын өткізу, халықаралық жарыстарға қатысу, сондай-ақ спортшыларға медициналық, ғылыми және әдістемелік қолдау көрсету қарастырылған.Дайындық барысында арнайы штаб құрылып, ең көп медаль алу мүмкіндігі бар басым спорт түрлері анықталды.<img src="https://knadmin.beoblood.kz/uploads/Poryadka_500_sportsmenov_primut_uchastie_v_letnih_Aziatskih_igrah_2026_goda1_e64192d6a3.jpg" alt="Порядка 500 спортсменов примут участие в летних Азиатских играх 2026 года1.jpg">Ұлттық құраманы жасақтауда спортшыларды ашық және әділ іріктеуге баса назар аударылды. Іріктеу халықаралық жарыстардағы, соның ішінде әлемдік және Азия чемпионаттарындағы, сондай-ақ іріктеу турнирлеріндегі нәтижелерге негізделеді.

Қазақстан және Қызылорда облысының жаңалықтары: Қоғам