<a href="https://kyzylorda-news.kz/">Kyzylorda-news.kz</a> Маңдай тердің мөлшері, еселі еңбектің өрелі өлшемімен келген жетістік – әділ жеңіс. Әсіресе, жарғақ құлағы жастыққа тимей, анты мен борышын орындауда байыз таппайтын қызметкерлердің ісі құрметке лайық. Соның бірі – ҚАЖ департаментіне қарасты №68 мекемесінің режим және күзет бөлімінің аға бақылаушысы әділет старшинасы Шәдімханов Бағдаулет Ділдабайұлы.Салмақты саланың сан жұмысын жүйелі атқарып, мекеме табалдырығын аттағанына да тоғыз жылға жуық уақыт болыпты. Осы аралықта оның кәсіби біліктілігі мен айнымас ұстанымын аңғарта білгені бәріне мәлім. Табан аудармастан тегеурінді еңбек еткені де жетекшілік етуіне жол ашты.Бағдаулет Ділдабайұлы уақытпен санаспай қызмет етсе де, отбасына көңіл бөлуді ұмытқан емес. Әкесі ел қауіпсіздігі жолында қызмет ететін жан болса, оның тұлғасы қызының көз алдында тіпті биіктей түсетіні ақиқат. “Мен папаммен мақтанамын!” - деген Мединаның сөзі мекеме қабырғасында ерекше естілді. Бәлкім, әке еңбегінің шынайы бағасы осында шығар?!

Перзент мақтанышы: Қызметкер еңбегінің айнасы

<a href="https://kyzylorda-news.kz/">Kyzylorda-news.kz</a> &nbsp;Күрделі жағдайдан құрғақ сөздің құтқаруы екіталай. Сақадай сай дайындық қана сап түзеген қызметкерлерді күмілжіте қоймайды. Кәсіби жауапкершілікті қаперден шығармайтын №68 мекемесі жеке құрам қызметкерлерінің “дабыл сөмкесін” тексерді.Нақты нұсқау мен тәртіп барда көңіл де тоқ. Мұндай да кемшілік те көбеймейді. Сонымен, тексеру барысында қызметтік куәліктерге, сөмкелердің толық жабдықталуына, қажетті заттардың талапқа сәйкестігі мен сақталу мерзіміне мән берілді. Мұның бәрі қызметкерлердің төтенше жағдайда тыпырлап қалмай, жедел әрекет ету дайындығын пысықтау болатын.<blockquote>– Қызметтің тиімділігі – дайындықтан басталады. Қызметкерлердің дабыл сөмкесінің әзірлік деңгейін қарап шыққанымыз содан. Бұл – төтенше жағдай туындағанда уақыт жоғалтпай, нақты әрі үйлесімді әрекет ету үшін қажет қадам. Жалпы ахуал тұрақты. Жеке құрам қойылған талаптарды түсінеді және орындауға дайын. Алдағы уақытта да кәсіби даярлық пен тәртіпті күшейту бағытындағы жұмыстар жалғасады, - дейді мекеме бастығының тәрбие ісі жөніндегі орынбасары әділет майоры Мирамбек Ұзақұлы.</blockquote>Ал, мекеменің мәжіліс залында өткен аппараттық жиында апта ішінде атқарылған жұмыстар талқыланды. Сондай-ақ, мекеме бастығының жедел және режим жұмыстары жөніндегі орынбасарының міндетін атқарушы әділет майоры Медет Ізбасар жеке құрам қызметкерлеріне міндетті мүлтіксіз орындау жайын қадап айтты. Сайып келгенде, жұмылып жүріп қызмет етудің негізгі қағидалары осы болса керек-ті.

Дабыл сөмкесі: Дамылсыз дайындық жолы

<a href="https://kyzylorda-news.kz/">Kyzylorda-news.kz</a> «AMANAT» партиясы Шиелі аудандық филиалына қарасты «Мәдениет үйі» бастауыш партия ұйымы «Ұлттық мұра» партиялық жобасы аясында «Ұлттық мұра – ұлт қазынасы» атты танымдық-шығармашылық сайыс өткізді.Іс-шараның негізгі мақсаты – ұлттық құндылықтарды дәріптеу, салт-дәстүрді насихаттау және өскелең ұрпақтың тарихи-мәдени мұраға деген қызығушылығын арттыру.Сайыстың ашылуында «Мәдениет үйі» бастауыш партия ұйымының төрағасы Ғабит Мыханов сөз сөйлеп, қатысушыларға сәттілік тілеп, ұлттық мұраны сақтау мен ұрпақ сабақтастығын нығайтудың маңыздылығына тоқталды.<img src="https://knadmin.beoblood.kz/uploads/Amanat_ltty_m_ra_4_147a766431.jpg" alt="Аманат ұлттық мұра 4.jpg">Байқау үш кезең бойынша ұйымдастырылып, қатысушылар ұлттық салт-дәстүр, өнер және шығармашылық бағыттарында өзара бақ сынасты. Қатысушылардың өнері мен дайындық деңгейін арнайы қазылар алқасы бағалады. Қазылар алқасының шешімімен үздік деп танылған қатысушылар анықталып, жеңімпаздар дипломдармен және бағалы сыйлықтармен марапатталды.Аталған іс-шара ұлттық мәдениетті насихаттауға, жастардың рухани құндылықтарға деген құрметін арттыруға және қоғамда ұлттық мұраға деген қызығушылықты нығайтуға бағытталды.

«Ұлттық мұра – ұлт қазынасы» атты сайыс өтті

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың қатысумен «Таза Қазақстан» республикалық экологиялық акциясы аясында тал егу іс-шарасы өтті. Игі шараға ҚазГерМұнай жауапкершілігі шектеулі серіктестігі қызметкерлері, Сырдария орман және жануарлар дүниесін қорғау мекемесі қызметкерлері, аудан тұрғындары мен еріктілер белсене атсалысты.Акцияға қатысушылар белгіленген аумақта бірлесіп тал көшеттерін отырғызып, көгалдандыру жұмыстарын жүргізді. Жалпы саны 1700 түп көшет егілді. Бұл бастама ауданның көркейіп, экологиялық мәдениеттің қалыптасуына және тұрғындар үшін таза әрі қолайлы орта қалыптастыруға өз үлесін қосады.Алдағы уақытта да осындай экологиялық бағыттағы шаралар жүйелі түрде ұйымдастырылып, аудан аумағында көгалдандыру жұмыстары қарқын ала бермек. Бірлескен еңбектің нәтижесінде аудан келбеті жаңарып, табиғатпен үйлесімді дамудың жарқын үлгісі қалыптаса береді.

«Таза Қазақстан» акциясы аясында тал егу іс-шарасы өтті

<a href="https://kyzylorda-news.kz/">Kyzylorda-news.kz</a> Белгілі ирандық геолог, ЮНЕСКО-ның жаһандық геопарктер кеңесінің мүшесі, геотуризм саласының халықаралық сарапшысы Алиреза Амриказеми Қызылорда облысына іссапармен арнайы келген болатын.Халықаралық сарапшы өңірге жасаған жұмыс сапары барысында Қызылорда облысының дене шынықтыру, спорт және туризм басқармасының басшысы Бақтияр Артаев және Алматы қаласындағы ЮНЕСКО өңірлік кеңсесінің жаратылыстану ғылымдары бағдарламасының мамандарымен бірге Қазалы ауданындағы республикалық сипаттағы археологиялық ескерткіш – Жанкент қалашығымен танысты.Қазалы ауданына арнайы жұмыс сапарымен келген қонақтарды аудан әкімінің орынбасары Мұрат Әбсұлтанов күтіп алып, тарихи орынға апарады. &nbsp;Сапардың негізгі мақсаты – тарихи нысандарды сақтау, қорғау және оларды халықаралық деңгейде ілгерілету бағытындағы жұмыстарды жетілдіру, сондай-ақ өңірдің туристік және ғылыми әлеуетін арттыру.Іс-сапар барысында VII-ХІ ғасырлардағы Оғыздардың астанасы болған Жанкент қалашығының археологиялық ерекшеліктері, тарихы таныстырылып, оның туристік әлеуетін дамыту перспективалары талқыланды. Ортағасырлық қаланың тарихи ерекшелігі мен туристік бағыттағы әлеуеті сарапшы тарапынан жоғары бағаланды.Аталған маңызды қадам өңірдің тарихи-мәдени мұрасын әлемдік деңгейде танытуға және туризм саласын дамытуға жаңа серпін беруге мүмкіндіктер болады.Айта кету керек, Алиреза Амриказеми – геомұраларды сақтау мен тұрақты туризмді дамыту саласында мол тәжірибесі бар беделді халықаралық сарапшы. Ол әлемнің көптеген елдерінде геопарктерді қалыптастыру және дамыту жобаларына қатысып, кәсіби қауымдастықта жоғары беделге ие.<img src="https://knadmin.beoblood.kz/uploads/Geoturizm_salasyny_haly_araly_sarapshysy2_7d60ae70b2.jpg" alt="Геотуризм саласының халықаралық сарапшысы2.jpg">

Халықаралық сарапшы Жанкент қалашығымен танысты

<a href="https://kyzylorda-news.kz/">Kyzylorda-news.kz</a> Белгілі ирандық геолог, ЮНЕСКО-ның жаһандық геопарктер кеңесінің мүшесі, геотуризм саласының халықаралық сарапшысы Алиреза Амриказеми Қызылорда облысына іссапармен арнайы келді.&nbsp;Халықаралық сарапшы Сыр өңірінің табиғи-геологиялық әлеуетін зерттеуге ниет білдіріп отыр. Осылайша өңірдің геологиялық құрылымын және табиғи орындарын жан-жақты зерделеп, геопарк қалыптастыру мүмкіндіктерін кеңейту. Бұл аймақтың туристік әлеуетін арттырып қана қоймай, табиғи мұраны сақтауға және тұрақты туризмді дамытуға тың серпін бермек.&nbsp;Сапардың алғашқы күнінде халықаралық сарапшы Қорқыт ата атындағы Қызылорда университетінде орналасқан ғылыми музейге және заманауи тарихи-өлкетану музейіне барып, қорда сақталған құнды экспонаттармен танысып, аймақтың бай тарихи-мәдени мұрасына жоғары бағасын берді.Іссапар аясында Алиреза Амриказеми облыс әкімінің орынбасары Ардақ Темірханұлымен кездесіп, өңірде геотуризмді дамыту, халықаралық деңгейдегі геопарк құру мүмкіндіктері және бірлескен жобаларды жүзеге асыру мәселелерін талқылады.Айта кету керек, Алиреза Амриказеми – геомұраларды сақтау мен тұрақты туризмді дамыту саласында мол тәжірибесі бар беделді халықаралық сарапшы. Ол әлемнің көптеген елдерінде геопарктерді қалыптастыру және дамыту жобаларына қатысып, кәсіби қауымдастықта жоғары беделге ие.Іссапар барысында сарапшы Байқоңыр қаласы және Қармақшы, Қазалы аудандарындағы туристік нысандармен танысып, Арал өңірінің табиғи географиялық ерекшеліктерін кеңінен зерттеуді жоспарлап отыр.&nbsp;Бұл сапар Сыр өңірінің геотуризм саласындағы әлеуетін арттыруға және оны халықаралық деңгейде танытуға жаңа мүмкіндіктер ашпақ.<img src="https://knadmin.beoblood.kz/uploads/Geoturizm_salasyny_haly_araly_sarapshysy_3_c5a88916f2.jpg" alt="Геотуризм саласының халықаралық сарапшысы 3.jpg">

Геотуризм саласының халықаралық сарапшысы Сыр еліне іссапармен келді 

<a href="https://kyzylorda-news.kz/">Kyzylorda-news.kz</a> Қазалы ауданында бұқаралық спортты дамыту және тұрғындардың салауатты өмір салтын қалыптастыру мақсатында аймақ басшысы Нұрлыбек Машбекұлының қолдауымен өткен жылы ауданда 3 бірдей спорт кешенінің құрылысы басталған болатын.Қазіргі таңда сол нысандардың бірі – Бекарыстан би ауылындағы спорт кешені жыл басында пайдалануға беріліп, ел игілігіне қызмет етуде. Ал Әйтеке би кенті мен Қожабақы ауылындағы спорт кешендерінің құрылысы қарқынды жалғасуда.Бүгін аудан әкімі Алмасбек Есмаханов ауданға жұмыс сапарымен келген облыстық дене шынықтыру, спорт және туризм басқармасының басшысы Бақтияр Артаевпен бірге аталған спорт нысандарын аралады.Алдымен Әйтеке би кентіндегі Қазалы мәдени-демалыс кешені аумағында «Ауыл – Ел бесігі» бағдарламасы аясында салынып жатқан спорт кешенінің құрылысын көрді. Жалпы құны 643 млн теңгені құрайтын нысанның құрылысын мердігер мекеме – «Болашақ» ЖШС жүргізуде. Қазіргі таңда нысанда бу қазандығынан жылу жүйесін тарту, шатырын жабу және қасбетін қаптау жұмыстары жүргізілуде.Сонымен қатар, Бекарыстан би ауылындағы пайдалануға берілген спорт кешенінің жұмысы да назардан тыс қалмады.«Жылу ХХІ» ЖШС мердігерлігімен салынған бұл нысан бүгінде 3 мыңға жуық тұрғыны бар ауылда дене шынықтыру мен бұқаралық спортты дамытуға, сондай-ақ жастардың бос уақытын тиімді ұйымдастыруға үлкен мүмкіндік беріп отыр.Жұмыс сапары барысында Қожабақы ауылындағы спорт кешенінің құрылысы да қаралды. Жоба құны 537,1 млн теңгені құрайтын нысан да «Ауыл – Ел бесігі» бағдарламасы аясында жүзеге асуда. Қазіргі таңда ғимараттың сыртқы құрылыс жұмыстары толық аяқталып, ішкі әрлеу және сырлау жұмыстары жүргізілуде. Инженерлік желілер тартылып, нысанды пайдалануға беру бағытындағы жұмыстар жоспарлы түрде жалғасуда.<img src="https://knadmin.beoblood.kz/uploads/azaly_sport_keshenini_rylysy_2_77e22c5593.jpg" alt="Қазалы спорт кешенінің құрылысы 2.jpg">

Қазалы ауданында екі спорт кешенінің құрылысы жүруде

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде өрт қаупі күшейетін кезеңге дайындық мәселесі қаралды. Оған облыс әкімінің бірінші орынбасары Данияр Жаналинов селекторлық режим арқылы қатысты.Аймақта 7 млн 300 мың гектар мемлекеттік орман қоры бар. Осы жылы «Орман және дала өрттерінің туындау тәуекелдерін азайту жөніндегі арнайы іс-шаралар жоспары» бекітіліп, комиссия отырыстары өтті. Өңірлік төтенше жағдайлар департаментінің 16 бөлімінде 106 өрт сөндіру техникасы, 9 дрон аппараты бар және 634 қызметкер жұмыс істейді. Орман шаруашылығы мекемелерінде 17 өрт сөндіру автокөлігі, 13 дрон, 15 өрт бақылау мұнарасы және 65 тұрақты өрт сөндіру жасағы дайын.Соңғы төрт жылда облыстық бюджеттен бөлінген 2 млрд 61 млн теңгеге 130 арнайы техника және 200-ге жуық құрал-жабдық сатып алынды. Биыл облыстық бюджеттен лизинг бағдарламасы арқылы 2 млрд 816 млн теңге қарастырылған. Орман қоры жеріне 283 шақырым жаңа өрт жолақтары салынып, 6 мың шақырым ескісі қалпына келтірілуде.​Жыл басынан бері облыста 375 өрт оқиғасы тіркелді. Оның 17-сі мемлекеттік орман қоры жерінің 608 гектарын қамтыды, 3 өртке кінәлілер анықталып, олар әкімшілік айыппұл төледі және табиғатқа келтірілген залал толық өндірілді.Өрт қауіпсіздігін қамтамасыз ету және алдын алу мақсатында 158 адам 17 мобильді топқа біріккен, рейдтер тұрақты жүргізілуде. Өңірдегі 124 мың тұрғыны бар 90 елді мекенде 34 өрт сөндіру бекеті жұмыс істейді, 2 мыңға жуық адамнан құралған 137 ерікті топ бар.

Өрттің алдын алуға дайындық мәселелері пысықталды

<a href="https://kyzylorda-news.kz/">Kyzylorda-news.kz</a> Шаһар басшысы Нұржан Ахатов және қалалық мәслихат төрағасы Ибадулла Құттықожаев қалалық «AMANAT» партиясының ғимаратында тұрғындарды жеке мәселелері бойынша қабылдады.&nbsp;Бұл жолы қала әкімінің қабылдауына 40-қа жуық адам жазылған. Олардың басым бөлігі тұрғын үй кезегі, коммуналдық қызмет алу және жұмыспен қамту мәселелерін көтерді.Қала әкімі әрбір тұрғынның мәселесін мұқият тыңдап, заң аясында тиісті түсіндірмелер берді. Негізі қабылдауда көтерілген өтініштер заң тәртібімен және кезең-кезеңімен шешіліп келеді. Осы жолы да әрбір келушіні толғандырған түйткілге қатысты жауапты сала басшыларына тапсырмалар жүктелді. Кейбір мәселе бойынша орындалу мерзімі белгіленді.Айта кетейік, тұрғындар қала әкімінің қабылдауына egov порталы арқылы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.<img src="https://knadmin.beoblood.kz/uploads/T_r_yndardy_abyldau_ala_kimdigi_2_a49dcae071.jpg" alt="Тұрғындарды қабылдау қала әкімдігі 2.jpg">

Тұрғындардың талабын тыңдады

<a href="https://kyzylorda-news.kz/">Kyzylorda-news.kz</a> Бас прокуратурада Берік Асыловтың төрағалығымен отандық және шетелдік инвесторлар өкілдерінің қатысуымен инвестицияларды қорғау жөніндегі форум өттіФорум жұмысына Қазақстан Республикасы Президент Әкімшілігінің, Үкіметтің, Парламент Мәжілісінің, «Атамекен» ұлттық кәсіпкерлер палатасының, Біріккен Ұлттар Ұйымының, Еуропадағы қауіпсіздік және ынтымақтастық ұйымының, Қазақстан инвесторлары қауымдастығының өкілдері, сондай-ақ Еуропалық Одақтың елшісі қатысты.Сонымен қатар, бейнеконференция байланысы арқылы форумға өңірлердің әкімдері мен прокурорлары, сондай-ақ бизнес өкілдері қатысты.

Инвестицияларды қорғау жөніндегі форум өтті

<a href="https://kyzylorda-news.kz/">Kyzylorda-news.kz</a> Өңірде полиция, БАҚ өкілдерінің және жергілікті атқарушы органдардың қатысуымен ауқымды жедел-профилактикалық рейдтер жүргізілуде.&nbsp;Қоғам тыныштығы мен қауіпсіздігін сақтау — құқық қорғау органдарының басты міндеті. Ал осы жолда халық пен билік арасындағы сенімді арттыруда БАҚ-тың рөлі ерекше. Себебі журналистер рейд барысын көпшілікке шынайы әрі ашық түрде көрсетеді.&nbsp;Мұндай бірлескен іс-шаралар барысында қала көшелеріндегі тәртіп, қоғамдық орындардағы қауіпсіздік, жол қауіпсіздігі, заң бұзушылықтардың алдын алу мәселелері басты назарға алынды. &nbsp;Рейд барысында тәртіп сақшыларымен барлығы 358 әкімшілік құқық бұзушылықтың жолы кесілді. Мысалы қоғамдық орындарға масаң күйде келудің 64 дерегі, ортақ пайдаланылатын орындарды ластаудың - 5, тыныштықты бұзудың 44 дерегінің жолы кесілді. Құқық бұзушылықтың дер кезінде жолын кесу, алдын алу және әрбір тәртіп бұзушыны жауапқа тарту жауапкершілікті қалыптастырудың, халықтың құқықтық мәдениетін арттыру жөніндегі жүйелі жұмыстың маңызды құралы болып табылады.Сонымен қатар 42 жасөспірім заңды өкілдерінің еріп жүруінсіз түнгі уақытта ойын-сауық мекемелерінде немесе тұрғынжайдан тыс жерде болған.Баланы кешкі уақытта жалғыз жіберу арқылы оны қауіп-қатерге ұшыратып қана қоймай, заңды бұзуға дейін барады. Өйткені көбіне түнгі уақытта ересектердің еріп жүруінсіз жүрген кәмелетке толмағандармен және оларға қарсы жасалатын құқық бұзушылықтар мен қылмыстар жасалатыны жасырын емес. &nbsp;Рейд барысында ойын – сауық орындарында &nbsp;жастар арасында кальян тұтынуға жол берілмеді: темекі өнімдерін, оның ішінде кальянды тұтынудың 6 дерегінің жолы кесілді.Осындай бақылау мен түсіндіру жұмыстары жасөспірімдер арасындағы құқық бұзушылықтың азаюына, сондай-ақ олардың бос уақытын тиімді әрі қауіпсіз өткізуіне ықпал етеді.Рейд барысында 3 сәуір күні облыс орталығында полиция қызметкерлері есірткі құралдарын заңсыз сақтау, тасымалдау және тарату фактісінің жолын кесті. &nbsp;Бұл дерек бойынша қылмыстық іс қозғалып, тергеу жүргізілуде. Бұл дер кезінде қабылданған шаралар одан да ауыр салдардың алдын алуға мүмкіндік береді. &nbsp; &nbsp; &nbsp;&nbsp;<blockquote>«Қызылорда облысының Полиция департаменті қоғамдық тәртіп пен қауіпсіздікті қамтамасыз ету бағытындағы жұмыстарды тұрақты түрде жалғастырып келеді. Себебі мұндай шаралар халыққа құқықтық мәдениеттің маңызын түсіндіруге ықпал етпек. &nbsp;Өңірде жүргізіліп жатқан жүйелі профилактикалық шаралар мен бақылау жұмыстарының нәтижесінде «Заң мен тәртіп» толық орнатылған» деді Қызылорда облысы Полиция департаментінің бастығы С.Ергешов.</blockquote>

Полиция қызметкерлері журналистермен бірлесіп ауқымды рейд жұмыстарын жүргізді

<a href="https://kyzylorda-news.kz/">Kyzylorda-news.kz</a> Қазалы ауданында жасөспірімдер арасындағы құқық бұзушылықтардың алдын алу бағытындағы жұмыстар жүйелі түрде жалғасуда. Осы мақсатта аймақ басшысы Нұрлыбек Нәлібаевтың тапсырмасына сәйкес түнгі рейдтік шаралар тұрақты ұйымдастырылып, қоғамдық орындарда тәртіпті сақтау басты назарға алынып келеді.Кезекті рейдтік жұмыстарды Аудандық қоғамдық даму бөлімінің басшысы Жәнібек Әлиев жетекшілік ететін топ жүргізді. Рейд барысында арнайы топ мүшелері кешкі уақыттан бастап Әйтеке би кентіндегі ойын алаңдарын, саябақтарды, ойын-сауық орталықтарын, компьютер клубтарын, сондай-ақ тамақтану орындарын аралап, қоғамдық тәртіптің сақталуын бақылауға алды.Іс-шара барысында кәмелетке толмаған жасөспірімдерге түсіндірме жұмыстары жүргізіліп, олардың ата-аналарына тиісті ескертулер берілді. Сонымен қатар, түнгі уақытта қараусыз жүрген оқушылардың қауіпсіздігі басты назарда болды. Рейдтік топ құрамында құқық қорғау органдарының өкілдері, білім беру саласының қызметкерлері және тиісті бөлім мамандары қамтылды.<img src="https://knadmin.beoblood.kz/uploads/Rejd_auipsizdik_2_08226dea22.jpg" alt="Рейд қауіпсіздік 2.jpg">

Қазақстан және Қызылорда облысының жаңалықтары: Қоғам