<a href="https://kyzylorda-news.kz/">Kyzylorda-news.kz</a> 14 тамыз – Мемлекеттік кірістер органдарының құрылған күні. Осыған орай бүгін аудан әкімінің міндетін атқарушы Жалғас Сүйеубаев сала қызметкерлерін қабылдап, құрмет көрсетті.Аудан әкімдігінің мәжіліс залында өткен мерекелік басқосуда Жалғас Оңғарұлы ауданымыздағы мемлекеттік кірістер басқармасының әрбір қызметкері аудан бюджетінің артуы жолында, мемлекеттік, әлеуметтік бағдарламаларды жүзеге асыруда, аудан экономикасының дамуына зор үлес қосып келе жатқанын айтып, сала мамандарына шынайы алғысын жеткізді.Мұнан соң ауданның дамуына өзіндік үлес қосып жүрген Қазалы ауданы бойынша Мемлекеттік кірістер басқармасының қызметкерлері мен бірқатар ауылдық округтердің салықшы мамандарын, сондай-ақ бірқатар сала ардагерлерін Мемлекеттік кірістер комитеті төрағасының «Құрмет» грамотасымен, аудан әкімінің «Алғыс хаттарымен» марапаттады.Басқосуда аудандық мәслихат төрағасы Ғазиз Әліш пен салық саласының ардагері Кемалбай Көпжасаров сөз сөйлеп, сала мамандарын кәсіби мерекелерімен құттықтады.Салтанатты іс-шара соңында аудан өнерпаздары әсем ән шырқап, мереке иелеріне көтеріңкі көңіл-күй сыйлады.

Мемлекеттік кірістер органдарының құрылған күніне орай мерекелік қабылдау өтті

<a href="https://kyzylorda-news.kz/">Kyzylorda-news.kz</a> Жаз мезгілі басталысымен балалардың қауіпсіздігі басты назарда болуы тиіс. Өткен жылы балалардың терезеден құлауының 16 жағдайы тіркеліп, 17 бала түрлі жарақаттар алса, биыл 4 жағдай анықталған. Балалардың терезеден құлау фактісінің басты себебі ата-аналардың балаларды бақылаусыз қалдыруы, терезеде уақытша бекіткіш торлардың болмауы, балалардың терезе алдында ойнауынан болып отыр,- дейді мамандар. Жыл басынан бері Қызылорда облысы ТЖ департаментінің құрылымдық бөлімшелерінің ұйытқы болуымен тұрғын үйлерге 115 дана терезе блоктары орнатылды. Бұл туралы ТЖД төтенше жағдайларды алдын-алу басқармасының бастығы Бейбітхан Спанов айтты.<blockquote>- Қызылорда облысы бойынша балалардың көпқабатты тұрғын үйлердің терезелерінен құлап зардап шегуін немесе қаза болуын болдырмау мақсатында үгіттеу-түсіндіру жұмыстарын жүргізілуде. Сонымен қатар қала аумағында орналасқан көпқабатты тұрғын үйлердің және мини-маркет, сауда орындарының кіре беріс есіктерінің тұсына үгіттеу-түсіндіру парақтары ілініп, тұрғын үй ауласында ескерту, түсіндіру іс-шаралары жүргізілуде. Осындай жағдайларды болдырмау бағытында “Терезе” жедел алдын-алу шарасы жолға қойылды. Мақсат біреу. Балардың денсаулығы бәрінен де маңызды. Оған бәріміз де жауапкершілікпен қарауымыз керек. Әсіресе, тұрмысы төмен отбасыларда тұратын балалардың қауіпсіздігіне баса мән беріліп отыр. Біз мұндай отбасылардың тұрғын үйлеріндегі терезелерге қорғаныш құрылғыларын орнатуды жоспарлап отырмыз. Профилактикалық жұмыс жүйелі түрде жалғасын табады,- деді Бейбітхан Оразайұлы.</blockquote><img src="https://knadmin.beoblood.kz/uploads/T_Zh_brifing_6a86b4d49e.jpg" alt="ТЖ брифинг.jpg">Фото: Нұрболат Нұржаубай

Бала өмірі – біздің жауапкершілік

<a href="https://kyzylorda-news.kz/">Kyzylorda-news.kz</a> Партия алаңында облыстық денсаулық сақтау басқармасының басшысы Искаков Олжас Ермекұлы қоғамдық қабылдау өткізіп, тұрғындардың өтініштері мен сала бойынша ұсыныстарын тыңдады.Қабылдауда тұрғындар тарапынан медициналық қызметтердің сапасы, ем алуға көмек көрсету және өзге де мәселелер көтерілді.Қоғамдық қабылдауға келген азаматтардың өтініш-тілектері бойынша «Денсаулық сақтау жүйесі туралы» ҚР Заңына сәйкес барлық міндетті жұмыстар жүргізілетіні айтылып, ем-дом сапасы, тегін дәрі-дәрмектер беру жұмыстары бойынша айтылған ұсыныстар мен шағымдар толықтай қаралып, қажетті шаралар қабылданатыны айтылды.Ем шаралары бойынша айтылған өтініштер жедел түрде қаралып, басқармаға қарасты мекемелерге тиісті тапсырмалар мен ұсыныстар берілді.Қабылдау барысындағы барлық мәселе басқарманың жеке бақылауында алынып, толыққанды шешілгенше назарда болатыны айтылды.

Денсаулық сақтау саласы бойынша өтініш-тілектер тыңдалды

<a href="https://kyzylorda-news.kz/">Kyzylorda-news.kz</a> 15 тамыз – Спорт күні мерекесіне орай “Ұлттық мұра” жобасы аясында ұлттық спорты дамытып, партия филиалымен тығыз байлыста жұмыс жасап жүрген спортшыларды марапаттап, «AMANAT» партиясы Жалағаш аудандық филиалы атынан алғыс білдіру шарасы өтті.Іс-шара барысында партия филиалының Атқарушы хатшысы Қаншагүл Мұстафаева сөз сөйлеп, спортшылардың аудан намысын қорғаудағы жетістіктерін ерекше атап өтті. Сондай-ақ, Жалағаш аудандық дене шынықтыру, спорт және туризм бөлімінің басшысы Еркен Жантуғанов спорт саласындағы табысты еңбектері үшін спортшыларды құттықтап, сәттілік тіледі.Бұл – спортты серік еткен азаматтарға көрсетілген құрмет пен қолдаудың айқын көрінісі.<img src="https://knadmin.beoblood.kz/uploads/Amanat_sportshylarmen_kezdesu_4b13433167.jpg" alt="Аманат спортшылармен кездесу.jpg">

“Ұлттық мұра”: Ұлттық спортты дамытуға үлес қосып жүрген азаматтармен кездесу өтті

<a href="https://kyzylorda-news.kz/">Kyzylorda-news.kz</a> Қызылжарма ауылдық округінің әкімі Шәріп Әбдірахманов бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>- Ауылдық округтегі 4 көшеге түнгі жарық бағанасы мен 4 дана аялдама орнатылды. Сонымен қатар, жолдарға ағымдағы жол жөндеу жұмыстары жүргізіліп, «Тағзым» алаңы абаттандырылды. Қазір 3 дана ауыз су ұңғымасының құрылысы және жалпы ұзындығы 50 шақырымды құрайтын 67 көшеге электр бағаналары орнату орнатылуда,- деді ауылдық округ әкімі Шәріп Әкбарұлы.</blockquote>Ауылдық округте 494 кәсіпкерлік нысан жұмыс істеуде. Кәсіпкерлікті дамытудың түрлі мемлекеттік бағдарламалары аясында 21 жоба мақұлданып, 84,7 млн.теңгеге қаржыландырылды. Құны 15,7 млн. теңгені құрайтын 10 жоба мемлекеттік грантқа ие болды.

Қызылжармада қарқынды жұмыс жүргізілуде

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев жауапты сала басшыларымен бірге жаңадан бой көтерген "Достық үйінің" құрылыс жұмыстарының барысын тексерді.Ассамблеяның 30 жылдығы аясында «Қазатомөнеркәсіп» ҰАК» қолдауымен 3 млрд. 800 млн. теңгеге «Достық үйі» жаңадан салынуда.Мердігер мекеме - «Астана Сервис ЛТД» ЖШС, құны &nbsp;3,5 млрд.теңге. Құрылыс 11 сәуірде басталды, бүгінде бірінші және екінші қабаттың колонна-ригельдері құйылып бітті, екінші қабаттың жабын плитасы қойылуда. Цокольді қабаттың ішкі инженерлік желілері, ішкі сылақ жұмыстары, сыртқы инженерлік желілері жүргізілуде. Нысан басында 5 техника, 62 адам жұмысқа жұмылдырылған. Құрылысты қараша айында толық аяқтау жоспарлануда.Ғимарат ашық кеңістік астында түрлі форумдар, лекциялар, көрмелер, концерттер және т.б. іс-шараларды өткізуге арналған. Күн сәулесінен қорғайтын өрнектері бар сәндік панельдермен перфорацияланған. Офис бөлмелері екінші және үшінші қабаттарда орналасады.Аймақ басшысы құрылысқа қойылатын басты талап сапа екенін атап өтіп, жұмысты белгіленген мерзімде аяқтауды тапсырды.Айта кетейік, Мемлекет басшысының, Үкіметтің қолдауымен аймағымыз қарқынды құрылыс алаңына айналды. Облыс бойынша 166 млрд. 800 млн. теңгеге 96 жобаның құрылысы жүруде.Қызылорда қаласында қуаттылығы 240 мегаваттық &nbsp;жаңа жылу-электр орталығының құрылысы жылдың соңына дейін аяқталып, ел игілігіне пайдалануға беріледі деп күтілуде.Оңтүстік өңірлерде электр энергиясының тапшылығын болдырмау мақсатында, қуаттылығы 1100 МВт, құны 892 млрд теңге бу-газ қондырғысын салу келісілді. Бұл мегажоба 2028 жылы толығымен іске қосылады.Жақында облыс орталығында балалар мен жасөспірімдерге арналған, құны 11 млрд. теңге &nbsp;«Сыр жұлдыздары» шығармашылық-инновациялық академиясы өз жұмысын бастады.&nbsp;Физика-математика бағытындағы «Білім-инновация» лицей-интернаты, Қазанғап атындағы Қызылорда музыкалық жоғары колледжінің жаңа ғимараттары ел игілігіне берілді.Облыстық тарихи-өлкетану музейі салтанатты түрде ашылды. Президентіміздің қолдауымен Қызылорда қаласында 26 млрд. 500 млн. теңгеге 11 мың орындық жаңа стадион, «Қазақстан халқына» қорының демеушілігімен 2 млрд. 900 млн. теңгеге мүмкіндігі шектеулі жандарға арналған дене шынықтыру-сауықтыру кешенінің құрылысы қарқынды жүруде. Сыр жұртшылығы асыға күткен нысандар алдағы қыркүйек айында ашылады.Облыс орталығындағы &nbsp;құны 20 млрд. 500 млн. теңге болатын көпбейінді «Қызылорда Арена» спорт кешенінің құрылыс алаңында да қызу жұмыс атқарылуда.<img src="https://knadmin.beoblood.kz/uploads/Dosty_ji_rylys_2_ad15012ed0.jpg" alt="Достық үйі құрылыс 2.jpg">Фото: Қызылорда облысы әкімінң баспасөз қызметі

"Достық үйінің" құрылысы аймақ басшысының бақылауында

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «6ELLUCCI» тобының мүшелері мен продюсерлерін қабылдады. Кездесуде шығармашылық ұжымға сәттілік тілеп, Қызылорда өңіріндегі бастамаларды республикаға танытуға қосқан үлесі үшін «Сыр жұлдыздары» арнайы дипломын табыстады.<blockquote>«Президентіміз &nbsp;Қасым-Жомарт Кемелұлы: «Еліміздің келешегі ойы ұшқыр, терең білімді, заманауи көзқарастағы жастардың қолында» - деген болатын. Сыр өңірінде көшбасшы, озат, ғылым мен білімге құштар жастарымыз өте көп. Өздеріңізге белгілі, біздің аймақтан талай таланттар түлеген. «КЗО 11» заманауи әуенін орындаушы ретінде Сіздердің жетістіктеріңізді әлеуметтік желілерден, телеарналардан көрдік. Жастар арасында жоғары танымалдыққа ие болып, көпшіліктің құрметі мен қошеметіне бөлендіңіздер. &nbsp;Әлеуметтік желілерде Сіздердің әндеріңіз арқылы Қызылордада соңғы уақытта атқарылған ауқымды істер мен маңызды жобалар кеңінен насихатталуда. Өз шығармашылықтарыңыз арқылы аймағымыздың, Сыр өңірінің абыройын асқақтатуға зор үлес қосып келесіздер. Еңбектеріңіздің жемісін көріп, іздеріңізден ерген қаракөздерімізге үлгі-өнегелі көрсете беріңіздер», - деді Нұрлыбек Машбекұлы.</blockquote>Кездесу соңында топ мүшелері мен продюсерлер аймақ басшысына шынайы ризашылық білдіріп, бүгінгі қабылдаудың шығармашылыққа үлкен қолдау екенін атап өтті.2023 жылдың 26 мамырында құрылған «6ELLUCCI» тобы бүгінде қазақстандық рэп жанрын қарқынды дамытып, тыңдармандардың зор қызығушылығына ие болуда. Топ Алматы қаласында жұмыс істейді және елімізге танымал Jamal &amp; Ganja продюсерлік лейблінің құрамына енген.Білікті продюсерлердің кәсіби қолдауының арқасында «6ELLUCCI» шығармашылық тұрғыда өсіп, студиялық жазбалар мен музыкалық продакшн сапасын жаңа деңгейге көтеріп келеді.Топтың шығармашылығы музыкалық платформаларда кеңінен таралып, тыңдарман жүрегінен орын тапты. «Ideal» атты синглы жүздеген мың көрілім жинап, Қазақстандағы үздік музыкалық парадтар қатарына енді.Сондай-ақ, «Көбелек» трегі мен Ghetto Dogs тобымен бірлесіп жазған «KZO II» коллаборациясы да үлкен табысқа жетіп, тыңдармандардың ыстық ықыласына бөленді.Фото: Қызылорда облысы әкімінің баспасөз қызметі

Аймақ басшысы «6ELLUCCI» тобының мүшелері мен продюсерлерін қабылдады

<a href="https://kyzylorda-news.kz/">Kyzylorda-news.kz</a> Қазақстанда 2025-2026 оқу жылына арналған оқу мерзімі, оқушылардың каникул кестесі және қорытынды аттестация уақыты бекітілді.Құжатқа сәйкес, жаңа оқу жылы 2025 жылғы 1 қыркүйекте басталып, 2026 жылғы 25 мамырда аяқталады.1-11 (12) сыныптар үшін оқу тоқсандары мен каникул мерзімі:<ul><li style="text-align:justify;">1-тоқсан – 8 апта, күзгі каникул: 2025 жылғы 27 қазан – 2 қараша;</li><li style="text-align:justify;">2-тоқсан – 8 апта, қысқы каникул: 2025 жылғы 29 желтоқсан – 2026 жылғы 7 қаңтар;</li><li style="text-align:justify;">3-тоқсан – 10 апта, көктемгі каникул: 2026 жылғы 19-29 наурыз;</li><li style="text-align:justify;">1-сынып оқушыларына қосымша каникул: 2026 жылғы 9-15 ақпан;</li><li style="text-align:justify;">4-тоқсан – 8 апта.</li></ul>Қорытынды аттестация мерзімі:<ul><li style="text-align:justify;">9 (10) сыныптар – 2026 жылғы 29 мамыр – 11 маусым;</li><li style="text-align:justify;">11 (12) сыныптар – 2026 жылғы 2-15 маусым.</li></ul>9 (10) сыныптар үшін емтихан кестесі:<ul><li style="text-align:justify;">Математика (алгебра) – 29 мамыр;</li><li style="text-align:justify;">Таңдау пәні – 3 маусым;</li><li style="text-align:justify;">Қазақ/орыс/ана тілі (эссе немесе жазба жұмыс) – 8 маусым;</li><li style="text-align:justify;">Қазақ тілі мен әдебиеті немесе орыс тілі мен әдебиеті (оқыту тіліне байланысты) – 11 маусым.</li></ul>11 (12) сыныптар үшін:<ul><li style="text-align:justify;">Қазақстан тарихы (ауызша) – 2 маусым;</li><li style="text-align:justify;">Алгебра және анализ бастамалары – 5 маусым;</li><li style="text-align:justify;">Қазақ/орыс/ана тілі – 9 маусым;</li><li style="text-align:justify;">Таңдау пәні – 12 маусым;</li><li style="text-align:justify;">Қазақ тілі мен әдебиеті немесе орыс тілі мен әдебиеті – 15 маусым.</li><li style="text-align:justify;">Бекітілген бұйрық 2025 жылғы 24 тамыздан бастап күшіне енеді.</li></ul>Фото: Нұрболат Нұржаубай

Қазақстанда 2025-2026 оқу жылының мерзімі мен каникул кестесі бекітілді

<a href="https://kyzylorda-news.kz/">Kyzylorda-news.kz</a> Қазақстанда мобильді құрылғыларды тіркеу ережелері өзгерді. Енді смартфондар бұғатталмас үшін мемлекеттік деректер базасында тіркеліп, расталған IMEI-кодтары керек.Kaspi.kz сатушылар мен сатып алушылардың қамын ойлап, смартфондарды ыңғайлы тексеру қызметін іске қосты. Оның көмегімен Kaspi Магазиннің серіктестері тапсырысты бермес бұрын құрылғының IMEI-кодын енгізіп, оны мемлекеттік деректер базасында тексере алады.Сондай-ақ, құрылғыны сатып алғаннан кейін әрбір сатып алушы IMEI-кодты Kaspi.kz суперқосымшасындағы "Тапсырыс мәліметтері" арқылы өз бетінше тексере алады.Сүйікті клиенттеріміз Kaspi Магазиндегі смартфондардың ресми әкелінгеніне, тіркелгеніне және кез келген ұялы байланыс операторымен шектеусіз жұмыс істеуге дайын екеніне сенімді бола алады.Kaspi.kz туралыKaspi.kz миссиясы – клиенттер мен серіктестердің өмірін жақсартатын инновациялық өнімдер мен қызметтер жасау. Инновациялардың орталығында – елдегі ең танымал мобильді суперқосымша Kaspi.kz. Оны шамамен 15 миллион қазақстандық пайдаланады, ол елдегі электронды сауда, төлем және қаржылық жетекші сервистерді қамтиды.Kaspi.kz суперқосымшасы арқылы қазақстандықтар тегін жеткізу қызметі бар тиімді онлайн зат сатып алып, комиссиясыз төлемдер мен аударымдар жасайды, жеке қаржыларын басқарады, әуе және теміржол билеттерін сатып алады, турлар рәсімдейді және ең танымал мемлекеттік қызметтерді пайдаланады.Kaspi.kz бизнес үшін де Kaspi Pay суперқосымшасын әзірледі, оны Қазақстандағы шамамен 700 мың кәсіпкер пайдаланады. Kaspi Pay арқылы кәсіпкерлер бизнесін дамытуға қаржыландыру алады, төлем қабылдайды, жарнамалық науқандар жүргізеді, салық төлейді, электрондық сауда және жеткізу платформасына қосылады, оның көмегімен тауарларын бүкіл ел аумағында сатады.Гарвард Бизнес мектебі Kaspi.kz туралы екі оқу материалын әзірледі, оны бірнеше жылдан бері магистратура студенттері оқып келеді.&nbsp;

Kaspi Магазин смартфондарды тіркеуді тексеру қызметін іске қосты

<a href="https://kyzylorda-news.kz/">Kyzylorda-news.kz</a> 11–13 тамыз аралығында Қызылорда қаласының аумағында жол-көлік оқиғаларының алдын алу мақсатында «Балабақша» жедел профилактикалық іс-шарасы өтті.Облыстық полиция департаментінің баспасөз қызметі мәлімдегендей, іс-шара барысында 305 құқық бұзу дерегі тіркелді.&nbsp;<blockquote>– Оның ішінде міндетті сақтандыру туралы заңнама талабын бұзудың 26, жолаушылар тасымалдау қағидаларын бұзудың 62 дерегі анықталды. 30 көлік міндетті техникалық қарап-тексеруден өтпеген болса, 132 жағдайда артық жолаушы немесе балаларды ұстау құрылғысынсыз алып жүрген. 14 адам көлік құралын басқару құқығы жоқ бола тұра, ал 1 адам көлік басқару құқығынан айырылғанына қарамастан темір тұлпар тізгіндеген. Заң талабын бұзғандарға қатысты әкімшілік хаттамалар рәсімделіп, 28 көлік айыппұл тұрағына жіберілді, 23 мемлекеттік белгі тәркіленді, - делінген хабарламада.&nbsp;</blockquote>11 тамыз күні Шиелі ауданында полиция қызметкерлері бағдаршамның қызыл түсіне өтіп кеткен автокөлікті тоқтатып тексергенде ішінде балалар бар болып шықты. Автокөлік балабақшаға тиесілі екен, ал бүлдіршіндер сонымен балабақшаға бара жатқан.Фото: Нұрболат Нұржаубай

Қызылордада жүргізуші куәлігі жоқ адамдар балабақша көлігін жүргізген  

<a href="https://kyzylorda-news.kz/">Kyzylorda-news.kz</a> Жұмысшы &nbsp;мамандықтарының &nbsp;маңызы күннен-күнге артып келеді. Қазіргі &nbsp;таңда &nbsp;қоғамға &nbsp;түрлі салада кәсіби шеберлігі жоғары, тәжірибелі &nbsp;кадрлар қажет. Осы &nbsp;сұранысты &nbsp;өтеу &nbsp;жолында енбек етіп келе жатқан іргелі оқу орындарының бірі- Шиелі индустриалды-аграрлық колледжі.&nbsp;Колледждің басты миссиясы- теориялық білім мен тәжірибелік &nbsp;дағдыларды меңгерген, еңбек нарығында &nbsp;бәсекеге &nbsp;қабілетті &nbsp;білікті &nbsp;мамандарды &nbsp;даярлай отырып, &nbsp;өңірдің &nbsp;индустриялық &nbsp;дамуы барысында туындаған жұмысшы және орта буын мамандардың &nbsp;сұраныстарына сай &nbsp; білікті &nbsp;мамандар &nbsp;даярлау.Колледжде 18 мамандық, 28 біліктілік &nbsp;бойынша &nbsp;білім &nbsp;беріледі. Оқу &nbsp;ордасы мемлекеттік лицензияға &nbsp;ие және &nbsp;техникалық, кәсіптік &nbsp;бағыттағы заманауи &nbsp;маман &nbsp;даярлауға &nbsp;толық мүмкіндік &nbsp;беретін &nbsp;материалдық-техникалық базаға ие.Қазақстан Республикасының &nbsp;Президенті Қасым-Жомарт Кемелұлы Тоқаев 2025 жылды – «Жұмысшы &nbsp;мандықтар &nbsp;жылы » деп жариялады. Осыған &nbsp;орай елімізде &nbsp;жыл &nbsp;басынан &nbsp;бері жұмысшы &nbsp;мамандықтарының маңыздылығын арттыру мақсатында ауқымды шаралар ұйымдастырылып келеді.2025-2026 жаңа оқу жылында 300 талапкерді қабылдау жоспарлануда. Бүгінгі күнге дейін 160 талапкерлердің құжаттары қабылданды.2024-2025 оқу жылында 75 түлек бітірді. Оның ішінде 13 бітіруші түлекке аудан кәсіпорындарынан &nbsp;жолдама арқылы жұмысқа орналасты.<img src="https://knadmin.beoblood.kz/uploads/kolledzh_ccd0e35dc1.jpeg" alt="колледж.jpeg">

Жұмысшы мамандығы – өндірістің негізгі тірегі

<a href="https://kyzylorda-news.kz/">Kyzylorda-news.kz</a> Тұрақтылықты нығайту үшін жұмыстың тұралап қалмағаны игі. Сонда нәтиже нанымды болып, сенім де сетінемейді. ҚАЖ департаментіне қарасты №68 мекемесі қауіпсіздікке қырын қарамай, “Допинг” жедел-профилактикалық шарасын өткізді.&nbsp;Басты мақсат – тыйым салынған заттарға тосқауыл қойып, күдікті деп танылған тауарларды мекемеге кіргізбеу. Іс-шараға полиция қызметкерлері мен арнайы үйретілген қызметтік иттер жұмылдырылды. Сотталғандарға әкелінген сәлемдемелер тексеріліп, қауіпсіз екені анықталды. Қатаң қадағалау барысында қызметкерлер қырағылықпен жұмыс істеді.&nbsp;<blockquote>– Мекеме аумағында тәртіп пен қауіпсіздікті қамтамасыз ету – біздің басты міндетіміз. Сондықтан, тексерістерді тиянақты ұйымдастырып, жүйелі түрде жүргізудің жөні бөлек. Әрбір сәлемдемені тексеру барысында полиция қызметкерлері мен қызметтік иттер заңсыз заттардың мекемеге кіруіне жол бермейді. Алдағы уақытта да аялдап қалмай, бұл бағыттағы жұмыстарды жалғастыра береміз, - деді мекеменің жедел бөлім бастығы әділет майоры Медет Ізбасар.&nbsp;</blockquote>Көңілде күмән болмаса, іс те ілгері басады. Демек, тыныштық пен қауіпсіздікті күшейту ылғи қаперде деген сөз.

Қазақстан және Қызылорда облысының жаңалықтары: Қоғам