<a href="https://kyzylorda-news.kz/">Kyzylorda-news.kz</a>.&nbsp;Қазақстан президенті Ауғанстандағы этникалық қазақтарға барынша көмек беруді тапсырды. Бұл туралы сырты істер министрлігінің ресми өкілі Айбек Смадияров мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
<blockquote>
 «Ауғанстандағы этникалық қазақтардың өтінішіне байланысты мемлекет басшысы Қасым-Жомарт Тоқаев сыртқы істер министрлігіне олардың қауіпсіздігін қамтамасыз етуді және қажет болған жағдайда тарихи Отанына қайтару мәселесі бойынша барынша көмек көрсетуді тапсырды», – деді Смадияров арнайы брифингте.
</blockquote>
Қазіргі кезде Ауғанстандағы елшілікке тиісті тапсырма берілді. Осы орайда Смадияров ауған жерінде мыңдаған қазақ бар деген ақпаратты жоққа шығарды.
<blockquote>
 «Бізде бар мәліметтерге сәйкес, Ауғанстан аумағында 15-ке жуық этникалық қазақ отбасы тұрады. Ол шамамен 200 адам. Ал кейбір қазақстандық бұқаралық ақпарат құралдары ауған жерінде бірнеше мың қазақтың тұратыны туралы тексерілмеген ақпарат таратты. Бұл шындыққа сәйкес келмейді. Осыған байланысты ақпаратты мұқият тексеріп отыруды және халықты дүрліктірмеуді сұраймыз», – деп түйіндеді Смадияров.
</blockquote>
Оның айтуынша, соңғы кезде елшілікке өздерін “қазақпыз” деп таныстыратын түрлі топтар жиі келе бастаған. Бірақ іс жүзінде ешқандай дәлелі жоқ.
<blockquote>
 «Олардың кейбіреуі қазақ тілінде сөйлей алмайды. Сондай-ақ, ата-бабаларының Ауғанстан аумағына қоныс аудару тарихы мен ру-тайпалық байланыстары туралы айта алмайды. Біз этникалық қазақтардың тарихи Отанына оралуына көмек көрсету туралы өтініштерге мұқият тексеріс жүргіземіз», – дейді министрліктің ресми өкілі.
</blockquote>
Әрі қарай оқу:&nbsp;<a href="https://sputnik.kz/politics/20210818/17896442/Toqaev-Auganstan-qazaqtar.html">https://sputnik.kz/politics/20210818/17896442/Toqaev-Auganstan-qazaqtar.html</a>

Тоқаев Ауғанстандағы этникалық қазақтарға қатысты маңызды шешім қабылдады

<a href="https://kyzylorda-news.kz/">Kyzylorda-news.kz</a>.&nbsp;Антициклонның әсерінен Қазақстанның бүкіл аумағында жаңбырсыз ауа райы күтіледі.
Тек шығыс пен оңтүстік-шығыста, фронтальді бөліктердің өтуімен қысқа мерзімді жаңбыр, найзағай, бұршақ және екпінді жел болжанады. Солтүстікте 23-тен 30 градусқа, оңтүстікте және оңтүстік-шығыста 25-тен 40 градусқа, орталық пен шығыста 17-ден 35 градусқа дейін ауа температурасының жоғарылауы күтілуде. Ал Қазақстанның батысында ыстық ауа райы сақталады және негізгі фондық температура 32-ден 41 градус аралығын қамтитын болады.

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz</a>.&nbsp;Арал ауданы Қаршалаң ауылына Болат Өтемұратов қоры есебінен жөм жөнелтілді.
Биылғы қуаңшылық жағдайына байланысты Арал ауданына Болат Өтемұратов қорынан көмекке қомақты қаржы бөлінгені белгілі. Аталған қор көмегінің есебінен бүгінде ауданымызға малға қажетті бидай жемі жеткізіліп келеді. Соған сәйкес бүгін кезекті жем көлемі ауданға қарасты Қаратерең және Бөген ауылдық округтеріне жөнелтілді.
Айта кету керек, Бөген ауылдық округіне жөнелтілген 884 қап бидай жемінің 472-сі округке қарасты Қарашалаң елді мекенінің мал ұстап отырған шаруаларына таратылып берілмек. Қалған жем Бөген елді мекенінің тұрғындарына теңдей үлестірілетін болады.<a href="https://www.facebook.com/photo/?fbid=3052382891756743&set=a.1382418035419912&__cft__[0]=AZVNXL8FY4CuPtYvvfwtULaZuXpNYqu7IkGRK2um4HEeJUrgC3kdj8FXU4TitcrpzQlb2p6LVH0oAO0Hotag2vAGMYN56gsLsNJ9wwixuuGINbsQqjFAkgDTCOzMj8f7cZOW7x7CHDTW0jmldN8Z5h2aXYcIQ0rADzl1r2aIhdyPMg&__tn__=EH-R"></a>НравитсяКомментироватьПоделиться<a href="https://www.facebook.com/erakorda?__cft__[0]=AZX-gHLtMp8TVLUWdU9txw3yfO5chTKRt-bkQ1IzEo4zzYtum4MIfQFZmwuZDahZVcFbdTby7tH_3oznzBs2E_6YRQILBx0kFEOEsN9f4ZJn-8bQ_cnBJW6fI1eRZ5UXXksfdraoU-rCOZlo7f9VLQzQF-w3N4nTDp1MQkHeMEvE1sYe7OycqZXm2b2wJqZGCrc&__tn__=%3C%2CP-R"></a>

Арал: Қарашалаң ауылына жем жөнелтілді

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысы бойынша «Елбасы медалі» жобасының 52 қатысушысы ҚР жоғары оқу орындарына білім гранттарын алды.
Қызылорда облысының атынан Елбасы медалінің иегері атанған 52 жоба қатысушысы ҚР жоғары оқу орындарына білім гранттарын алды. Енді олар &nbsp;ұлттық бірыңғай тестілеуде және «Елбасы медалі» жобасында жоғары баллдардың арқасында тегін оқи алады.
Естеріңізге сала кетейік, «Елбасы медалінің» иегерлеріне Қазақстан Республикасының заңнамасында белгіленген тәртіппен ұпайлары тең болған жағдайда білім беру гранттарын алуға басымдық берілді.
Еліміз бойынша барлығы 605 медаль иегері грант алды.Гранттардың ең көп бөлігін Нұр-Сұлтан және Алматы қалаларынан, сондай-ақ Қызылорда және Павлодар облыстарынан келген болашақ студенттер алды. Ал жүлдегерлер арасында ең танымал оқу орындары – Әл-Фараби атындағы Қазақ ұлттық университеті, Л. Н.Гумилев атындағы Еуразия ұлттық университеті және Сүлеймен Демирел атындағы Университет және Astana IT University.
«Биыл мен таңдаған мамандыққа грант аз бөлінді. Ең төменгі өту баллы 125-тен 123-ті құрады. Мұндай жоғары бәсекелестікке таң қалдым. Алайда, өткен жылы «Елбасы медалі» бағдарламасына қатысып, қола медаль алдым. Бұл медаль маған грантқа түсу кезінде басымдық берді», – деді Instagram парақшасында жаңалығымен бөліскен Халықаралық ақпараттық технологиялар университетінің талапкері Динара Болатова.
«Елбасы Академиясы жобаларының әрбір қатысушысы – біздің &nbsp;мақтанышымыз. «Елбасы медалі» жобасы дарынды жастардың, әсіресе ауыл балалары үшін болашақ табыстарға жетуіне маңызды қолдау болатынын көріп отырмыз. Жақын арада осы мақсатта тағы да бірнеше жобаны жүзеге асыру жоспарда бар. Тұрғылықты жеріне қарамастан, әрбір жас қазақстандықты жобаларға қатысуға шақырамыз», – деді «Елбасы Академиясы» КҚ директоры Асланбек Амрин.
«Елбасы медалі» жобасына барлығы 21 мыңнан астам бала қатысады. Оның ішінде 6 078 қатысушы бағдарламаны аяқтап, қола және күміс медальдарға иеленді. Естеріңізге сала кетейік, бұл – жастарды кешенді дамытуға бағытталған ұлттық деңгейдегі жоба. Бағдарлама 7 негізгі бағыттан тұрады: спорт, дарын мен дағды, кітап оқу, ұлттық мұра, волонтерлік, саяхат мен жорықтар, еңбек тәжірибесі. Бағдарлама 14 пен 29 жас аралығындағы жастарға арналған.
2021-2022 оқу жылындағы Елбасы медалі мен білім беру гранттары иегерлерінің сандық деректері
№
Облыс атауы
Елбасы медалі мен білім гранты иегерлері
&nbsp;
1
Ақмола облысы
15
2
Алматы облысы
27
3
Ақтөбе облысы
18
4
Атырау облысы
11
5
Батыс Қазақстан облысы
21
6
Маңғыстау облысы
39
7
Шығыс Қазақстан облысы
27
8
Жамбыл облысы
9
9
Қарағанды облысы
18
10
Қызылорда облысы
52
11
Түркістан облысы
13
12
Қостанай облысы
28
13
Павлодар облысы
43
14
Солтүстік Қазақстан облысы
29
15
Нұр-Сұлан қаласы
64
16
Алматы қаласы
137
17
Шымкент қаласы
54
&nbsp;
Барлығы
605

«Елбасы медалі»: Қызылордада 52 қатысушы грантқа ие болды

<a href="https://kyzylorda-news.kz/">Kyzylorda-news.kz</a>.&nbsp;Ұлы ақын Абайдың туған күніне орай Қорқыт Ата атындағы Қызылорда университеті мен «Сыр үміті» жастар қауымдастығы поэзия кешін ұйымдастырды.
Шара Қызылорда қаласындағы Абай атындағы мамандандырылған мектепте өтті. Поэзия кешінде қатысушылар кемеңгер тұлғаның лирикаға толы жыр-шумақтарын мәнерлеп оқып, ақын ескерткішіне гүл шоқтары қойылды.
<blockquote>
 «Поэзия кешінде шоқтығы биік ақынның өлеңдері оқылып, артында қалдырған рухани бай мұралары сөз болды. Жастардың Абайды тұлға ретінде танып білуі мақсатында ұйымдастырылған шара жоғары деңгейде өтті. Әрбір жас буын келешегінің кемел болуын қаласа, алдымен Абайды оқуы керек деп ойлаймын»,-деді тәрбие жұмыстары және жастар саясаты бөлімінің әдіскері Насихат Смайыл.
</blockquote>
Рухани азық болар кеште ақынның «Көзімнің қарасы», «Айттым сәлем, Қаламқас», «Домбыраға қол соқпа», «Желсіз түнде жарық ай», «Сегіз аяқ» сынды өлеңдері нақышына келтіріліп орындалды. Сонымен қатар, жас бүлдіршіндер де Абай өлеңдерін жарыса жатқа оқыды.

Қызылордада поэзия кеші өтті

<a href="https://kyzylorda-news.kz/">Kyzylorda-news.kz</a>.&nbsp;Қазалы ауданының әкімі Мұхтар Оразбаев Ақтан батыр, Жанқожа батыр, Бекарыстан би және Ү.Түктібаев ауылдарына арнайы барып, мал қыстату науқанына шөп дайындау жұмыстарымен танысты.
Аудан басшысы алдымен Ақтан батыр ауылындағы «Сыр маржаны» ЖШС егіс алқабына ат басын бұрды. Егістік басында серіктестік директоры, облыстық мәслихат депутаты Мнажадин Өтеев шөп дайындау жұмыстарының барысымен таныстырды.
«Сыр маржаны» ЖШС 585 гектар жерге жаңа жоңышқа, 1104 гектар жерге ескі жоңышқа еккен. Қазіргі таңда серіктестіктің жұмысшылары арнайы техникалармен ескі жоңышқаны екінші рет орып жатыр. Одан бөлек, күріш алқабының етегі мен су келетін арықтардың жиегінен тұрғындар өздеріне қажетті шөптерін орып қойған. Қыстың қамына ерте кіріскен кейбір тұрғындар орған шөптерін автокөлікке тиеп жатыр. Сондай-ақ, қолына орағын алған кейбір азаматтар күннің ыстығына қарамастан көк майсаның ішінде қызу қимылдап жатыр.
Мұхтар Әуесұлы мұнан соң көршілес Жанқожа батыр ауылындағы шабындық басына барды. Бұл жерде Оңдасын Іскендіров басшылық жасайтын шаруа қожалықтың жұмысшылары шөп дайындауда.Шаруашылық басшысының айтуынша жыл сайын 10 гектарға жуық шабындық жерден 7 мыңнан астам пресс шөп дайындайды. Оның біршамасын ауыл тұрғындарына өткізсе, қалған бөлігін өзінің төрт түлігіне пайдаланады. Негізінен Жанқожа батыр ауылының тұрғыны Оңдасын Іскендіров асыл тұқымды мүйізді ірі қара өсірумен айналысады.
Шабындық басында аудан әкімі Мұхтар Оразбаев Жанқожа батыр ауылының тұрғыны Асқар Бисеналиевке шөп шабатын арнайы құрылғыны сыйға тартты.
Кеңес Одағының батыры Үрмәш Түктібаев атындағы ауыл тұрғындары да қысқы мал қыстату науқанына қызу кірісіп кеткен. Бір топ ауыл тұрғындары «Ақмаржан – Қазалы» ЖШС егістік басында қол орақпен пішен оруда. Қыстың қамын ойлаған азаматтар балаларымен бірге шаруашылық басшылары белгілеп берген жерден шөп дайындауда.
«Ақмаржан – Қазалы» ЖШС директоры Пәуедин Тәжімұратов аудан әкімі Мұхтар Оразбаевқа егіннің жай-күйімен таныстырып, күріш дақылы бүгінгі күнге дейін суда тұрғанын жеткізді.
Аудан әкімі Мұхтар Оразбаев қысқы мал қыстату науқанына дайындалып жатқан азаматтардың жұмыстарына сәттілік тілеп, өздеріне қажетті шөпті уақытылы орып алуға шақырды.
<img src="https://kyzylorda-news.kz/wp-content/uploads/2021/08/237446792_3133018130252446_8834252529892619434_n.jpg" alt="" />

Қазалыда шөп дайындау жұмыстары қарқынды жүруде

<a href="https://kyzylorda-news.kz/">Kyzylorda-news.kz</a>.&nbsp;Шекара қызметінде заман талабына сай ауқымды реформа жұмыстары жүргізілді. Мемлекеттік шекараны мінсіз күзету мақсатында кадрлық құрамды нығайту, заманауи арнайы техникалық құралдарымен жабдықтау, шекара бөлімшелеріндегі жеке құрамның қолайлы тұрмыстық жағдайларын жасау мен жақсарту сияқты кешенді шаралар біртіндеп жүзеге асырылуда.
Сондай-ақ, әскери қызметшілердің әлеуметтік жағдайлары, соның ішінде жалақылары да екі есеге өсті. Бұл туралы Өңірлік коммуникациялар қызметінде шекарашылар күніне орай өткен арнайы брифингте ҚР ҰҚК ШҚ Қызылорда облысы бойынша Департаментінің Тәрбие, идеологиялық және кадрлар жұмыстары бөлімінің аға офицері Өмірбек Аманбаев мәлімдеді.
<blockquote>
 «Мемлекеттік шекараны күзетуді ұйымдастырудың әдіс-тәсілдері қайта қарастырылып, әскериден жедел әдіс қызметіндегі жаңа форматқа ауыстырылды. Ұлттық қауіпсіздік комитеті жүйесіне толықтай интеграцияланып, нәтижесінде әскери қызметшілердің әлеуметтік жағдайлары, соның ішінде жалақылары екі есеге өсті. Департаменттен жергілікті азаматтар қатарынан жасөспірімдерді келісімшарт бойынша әскери қызметке шақыруға арналған арнайы топ құрылып жұмыс жасауда. Реформаны іске асыру барысында үміткерлерді іріктеу және зерделеуді сапалы ұйымдастыру мақсатында тәрбиелік идеологиялық және кадрлар жұмысы бөлімінің лауазымды тұлғаларымен бірегей үлгідегі жобасы әзірленіп, іске асырылды. Сонымен қатар, пандемияға байланысты шектеулерге қарамастан қазіргі таңда ел аумағында заңсыз еңбек етіп жатқан шетелдік мигранттар аз емес. Бұл бірінші ретте экономикамыздың тұрақтылығына кері әсерін тигізуде. Жыл басынан бері 11 адам анықталып, әкімшілік құқық бұзғандары үшін жауапқа тартылды», – деді Өмірбек Амангелдіұлы.
</blockquote>

Әскери қызметшілердің жалақысы екі есеге өсті

<a href="https://kyzylorda-news.kz/">Kyzylorda-news.kz</a>.&nbsp;Бүгін ҚР Премьер-Министрі Асқар Маминнің төрағалығымен өткен Үкімет отырысында жем-шөппен қамтамасыз ету және егін жинау науқанына дайындық мәселелері қаралды. Облыс әкімі Гүлшара Әбдіқалықова атқарылған жұмыстың барысын баяндады.
Биыл облыс бойынша 188 мың гектарға ауыл шаруашылығы дақылдары орналастырылды. Оның ішінде облыстың негізгі дақылы – күріш егісінің көлемі 83,6 мың гектарды құрады. Өткен жылмен салыстырғанда 6 мың гектарға күріш көлемі қысқартылып, орнына 9,8 мың гектар болатын суды аз қажет ететін майлы және мал азықтық дақылдармен қатар көкөніс, бақшаның егіс көлемдері артты.
Қазіргі таңда облыста егін жинау жұмыстары белгіленген кестеге сәйкес жүргізілуде. Негізгі дақыл – күрішке орақ салу жұмыстары тамыз айының үшінші онкүндігінде басталады.
Егін жинау жұмыстарына қатысатын қолда бар ауыл шаруашылығы техникаларының бүгінде 98 пайызы дайын. Жанар-жағар маймен қамтамасыз ету жұмыстары кестеге сәйкес жүргізілуде. Егін жинау жұмыстарын 15 қазаннан кешіктірмей толық аяқтау жоспарланып отыр. Аймақ басшысының айтуынша, зоотехникалық нормаларға сәйкес, биылғы жылы қысқа түсетін мал басына 770 мың тонна шөп, 8 мың тонна сүрлем және 213 мың тонна құрама жем қажет. Бекітілген жоспарға сәйкес қажетті жем-шөп қоры 220 мың тонна жоңышқа, 8 мың тонна сүрлем, 17 мың тонна астық жемі, 115 мың тонна күріш жемі және 550 мың тонна шабындық шөбі өз өндірісіміз есебінен қамтамасыз етіледі. Бұдан басқа, 170 мың тонна күріш сабанын дайындау жоспарлануда. Ал, қалған жетіспейтін құрама жем көлемін «Азық-түлік келісім шарт корпорациясы» акционерлік қоғамы арқылы және нарықтан сатып алынатын болады.
Сонымен қатар, облыста мал азығын дайындау үшін 114 бригада құрылып, 1000-нан астам адам және 170-тен астам ауылшаруашылық техникасы жұмылдырылған.
Облыс әкімі Арал ауданында орын алған қуаңшылық мәселесін қатысты атқарылып жатқан жұмыстарға да тоқталды.
<blockquote>
 «Арал ауданында орын алған құрғақшылық зардабын төмендету мақсатында төтенше жағдай жарияланды. Облыстың резерв қорынан 250 млн. теңге бөлінді. Оның ішінде жем-шөп тасымалдауға 49,5 млн. теңге және жайылымдықтар мен шабындықтарды, көлдер жүйесін суландыруға және мал суару құрылғыларына 200 млн. теңге бөлінді. Мұнымен қоса, «Байқоңыр» Әлуметтік кәсіпкерлік корпорациясы арқылы облысқа құрама жем жеткізу мақсатында 100 млн теңге қаралды. Облыс бойынша қайырымдылық көмек көрсету жұмыстары жүргізілуде. Бүгінгі күнге дейін Арал ауданының 3287 аз қамтылған отбасыларына 860 тонна шөп және 740 тоннадан астам құрама жем жеткізіліп, көмек көрсетілді», – деді Гүлшара Әбдіқалықова.
</blockquote>
Айта кету керек, Үкімет резервінен тауар өндірушілердің жем-шөп сатып алу шығындарын ішінара субсидиялауға 1,7 млрд. теңге қаржы бөлінген.

Гүлшара Әбдіқалықова: Аралда 3287 аз қамтылған отбасыға 860 тонна шөп және 740 тоннадан астам құрама жем жеткізілді

<a href="https://kyzylorda-news.kz/">Kyzylorda-news.kz</a>. Қызылорда облысында коронавирус індетін жұқтыру көрсеткіші едәуір төмендеп келеді. Бүгінгі тәулікте 150 жағдай тіркелген. Жалпы, жыл басынан бері вирус жұқтырған 13 826 адам тіркелсе, оның 80 пайызы жазылып шықты. Бұл туралы бүгін Өңірлік коммуникациялар қызметінде облыстық денсаулық сақтау басқарма басшысының орынбасары Жангелді Шаймбетов мәлімдеді.
Брифингте сонымен қатар басқарма басшысының орынбасары кешеден бастап өңір тұрғындарына “SinoVac” вакцинасы салынып жатқандығын атап өтті. Аймаққа бүгінде ДДСҰ мақұлдаған індетке қарсы “SinoVac” жаңа вакцинасының 11 500 дозасы келген. Қазіргі таңда оның 80 пайызы аудандарға жіберілген. Мәселен, Арал және Қазалы аудандарына – 2000, Қармақшы, Жалағаш, Сырдария және Шиелі аудандарына – 1000, Жаңақорған ауданына – 1500 доза жөнелтілді. Ал Қызылорда қаласына 2000 дозасы қалдырылған.
<blockquote>
 «Бұл жаңа вакцина инактивтелген. Үлкен кісілерге, науқасы бар жандарға салдыруға болады. Күтілетін реакциялар сирек кездеседі. Кең көлемде сұраныс болады деп ойлаймыз. Жалпы облыста екпе алуға қабілетті 401 мың тұрғын болса, бүгінде соның 63,9 пайызы вакцинацияланды», – деді Ж.Шаймбетов.
</blockquote>

Қызылордаға «Sinovac» жаңа вакцинасы әкелінді

<a href="https://kyzylorda-news.kz/">Kyzylorda-news.kz</a>. Өткен жылы өңірімізде ұлтымыздың мәдени мұрасын, ұлттық құндылықтарын жас ұрпақтың бойына сіңіру мақсатында «Сыр елі» мега жобасы бастау алған болатын. Биыл мега жоба шеңберінде Тәуелсіздігіміздің 30 жылдығына Елбасының «Рухани жаңғыру» бағдарламасы мен Мемлекет басшысы Қасым-Жомарт Тоқаевтың «Тәуелсіздік бәрінен қымбат» мақаласы негізінде «Сыр жұрты» танымдық-пассионарлық жобасы әзірленді. Өңірлік коммуникациялар қызметінде өткен баспасөз конференциясында облыс әкімінің орынбасары Серік Ахмет жобаның мақсаты мен жоба аясында атқарылар жұмыстарды жан-жақты айтып берді.
Өңірдің тарихи – саяси және мәдени – рухани даралығын айшықтап, насихаттауды негізге алған жаңа жоба 3 жылға жоспарланған. Қазіргі таңда «Сыр саңлақтары», «Туған жер – тұнған шежіре», «Тал бесіктен – жер бесікке дейін», «Сыр елі – Жыр елі», «Сыр өңірі – ұлттық құндылықтардың темірқазығы» сынды 5 бағытта жұмыс атқаруда.
<blockquote>
 «Өскелең ұрпақты отаншылдық рухта тәрбиелеп, қастерлі Тәуелсіздігіміздің құндылығын ұғындыру жобаның басты мақсаты. Биыл COVID-19 пандемиясына байланысты шектеу шараларын қатаң сақтай отырып, түрлі форматта барлығы 80-нен астам шара өткізілді. Оған 20 мыңға жуық адам қатысты. «Құнды жәдігер» телевизиялық жобасы мен өңіріміздегі бірқатар кесенелерге жасалған тарихи-этнографиялық экспедицияларды жоба аясында ұйымдастырылған ауқымды шаралар қатарына жатқыза аламыз», – деді облыс әкімінің орынбасары.
</blockquote>
Сонымен қатар, танымдық-пассионарлық жоба шеңберінде «Мәңгілік сарын – Қорқыт ата мұрасы» облыстық онлайн қыл қобызшылардың фестивалі, «Тұғыры биік Тәуелсіздік» республикалық ақындар айтысы өткізілді. Қорқыт ата атындағы Қызылорда университетінің археолог ғалымдарынан құралған «Жанкент археологиялық экспедициясы» Сақ заманының Бәбіш мола, ортағасырлық Жанкент қалашығында далалық зерттеу жұмыстарын жүргізуде. «Сығанақ» қалашығында археологиялық қазба жұмыстары да басталды. Сондай-ақ, жыл көлемінде аймағымызда өткен «Сыр дарыны» жастар шығармашылық байқауы, облыстық «Алтын белбеу» жарысы, «Музей радиосы», «Асыл мұра», «Жас өлкетанушы», «Киелі мұра», «Тәлімгерлер» жобалары мен қатар «Жаныңда жүр жақсы адам», «Отаныма 30 қайырымды қадам» акциялары, «Ұлы дала аманаты», «Сарын» , «Күй шежіре», «Жібек жолы саздары», «Күй – мұра» сазды кештері де «Сыр жұрты» танымдық-пассионарлық жобасы аясында ұйымдастырылған болатын.
<blockquote>
 «Жоба жоспарына сәйкес кешенді жұмыстар алдағы уақытта эпидемиологиялық ахуалды ескере отырып жалғасын тауып, Сыр елінің тарихы және мәдениеті жаңа жәдігерлер мен тың жаңалықтарға толығуына өз септігін тигізеді», – деді Серік Ахмет.
</blockquote>

«Сыр жұрты» жобасы жалғасуда

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова Токиода өтетін ХVI Паралимпиада ойындарына қатысатын қызылордалық парадзюдошы Даяна Федосовамен онлайн форматта кездесті.
Аймақ басшысы Даянаға алдағы спорт бәсекесіне сәттілік тілеп, Сыр елінің жанашыр жерлестері оған жанкүйер болатынын жеткізді.
<blockquote>
 «Сізді Токио ойындарына қатысуға құқық беретін лицензияны ұтып алуыңызбен шын жүректен құттықтаймын. Сіз Сыр өңірінің спорт тарихында тұңғыш Паралимпиадаға қатысушысыз, сондықтан мұның өзі зор жетістік деп білеміз. Токиода бар күш-жігеріңізді сарқа жұмсап, үздік болатыныңызға сенеміз», – деді облыс әкімі.
</blockquote>
Онлайн форматтағы жүздесуде облыс әкімі Сыр елі жұртшылығының атынан еліміздің абыройын қорғайтын спортшы қызға көрсетілетін сый-сияпат ретінде 500 мың теңгенің сертификатын ұсынды. Өз кезегінде, Даяна спорт бәсекесі алдында өзіне қолдау білдіріп, пікірлескен аймақ басшысына және барша спорт жанашырларына алғыс білдіріп, жерлестерінің үмітін ақтайтынын айтты.
Естеріңізге сала кетейік, коронавирус пандемиясына байланысты бір жылға шегерілген ХVI Паралимпиада ойындары биыл 24 тамыз бен 5 қыркүйек аралығында өтеді. Федосова Даяна Владимировна 2001 жылдың 13 шілдесінде Қызылорда қаласында дүниеге келген. Алматы қаласындағы дарынды балаларға арналған спорт интернатын, Қызылорда қаласындағы «Болашақ» колледжін аяқтаған.
Парадзюдомен 2019 жылдан бастап айналысады. Бапкері – дзюдодан ҚР еңбек сіңірген жаттықтырушысы Жанарбек Сансызбаев.Пара дзюдодан ҚР спорт шебері, ҚР чемпионатының жеңімпазы (2020 ж.), ҚР Кубогінің жеңімпазы (2021 ж.), Гран-при турнирінің қола жүлдегері, Уорик қаласы (Англия, 2021 ж.).
<img src="https://kyzylorda-news.kz/wp-content/uploads/2021/08/238608703_3627164567386586_5005639785439952551_n.jpg" alt="" />
<img src="https://kyzylorda-news.kz/wp-content/uploads/2021/08/234761557_3627164484053261_2250470612956358527_n.jpg" alt="" />

Аймақ басшысы Токио паралимпиадасына қатысатын спортшымен кездесті

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласындадағы Назарбаев Зияткерлік мектебінің 2020-2021 оқу жылы түлектерінің жоғары оқу орындарына түсу көрсеткіші 100 пайызды құрады. Жас зияткерлердің дерлігі қазақстандық және шетелдік университеттердің білім гранттарына қол жеткізді.
Биыл мектептен түлеп ұшқан 95 зияткердің 38 пайызы Назарбаев Университетіне қабылданды. Ал 13 сырбойылық жас зияткер Италия, Ресей, Гонконг, АҚШ, Венгрия, Оңтүстік Корея және Малайзия елдерінің озық білім ордаларынан тегін оқуға шақырту алды.
<blockquote>
 «Мектеп маған коммуникация, жауапкершілік, өз ойымды еркін жеткізе білу дағдыларын бойыма дарытты. Бұл өз кезегінде болашақта өзге елде білім алуда, жаңа ортаға бейімделуде өзінің үлкен септігін тигізетініне сенімдімін. Тандаған мамандығым ғылым саласына қатысты болғандықтан, келешекте туған жерде ғылыми жаңалықтарды ашуға және ғылымға халықаралық тәжірибені енгізуді жоспарлаймын», – дейді Оңтүстік Кореяның Кваджу технология мен ғылым институтының студенті Зарина Алтынбай.
</blockquote>
Мектеп шәкірттерінің басым бөлігі әдеттегідей медицина, ақпараттық технологиялар мен ғылым бағытындағы мамандықтарға таңдау жасады. Келешегін әлеуметтану, педагогика, экономика, бизнес, құрылыс пен халықаралық қатынастар саласымен байланыстырғысы келетіндер жоқ емес. Ринат Керімсал жоғары академиялық білімнің арқасында және NIS оқу бағдарламасының халықаралық мойындалуының нәтижесінде Назарбаев Университетінің тікелей бірінші курсына оқуға түсті. НУ-ға шақырту алуда мектептегі ұстаздардың қосқан үлесі зор деп санайды:
<blockquote>
 «Назарбаев Университетін таңдаудағы басты себебім – ол оқу ордасының әлемнің үздік университеттерінің ұстанатын жүйесі бойынша студенттерге сапалы білімді ұсынуы. Саясаттану және халықаралық қатынастар мамандығын игеру арқылы әлемдегі түрлі өзгерістерді саралап, Қазақстанның басқа елдермен достық қарым-қатынаста бірге дамуын қамтамасыз еткім келеді», – дейді жас түлек.
</blockquote>
Сондай-ақ, оқушылардың таңдауы Әл-Фараби атындағы Қазақ ұлттық университеті, С.Ж. Асфендияров атындағы Қазақ ұлттық медицина университеті, Астана медицина университеті, Қазақстан-Британ техникалық университеті, Сулеймен Демирел атындағы Университет, Astana IT University секілді беделді жоғары оқу орындарына түсті.

Қазақстан және Қызылорда облысының жаңалықтары: Қоғам