<a href="https://kyzylorda-news.kz/">Kyzylorda-news.kz</a>. Аймағымыздағы санитарлық эпидемиологиялық ахуал көпшілігімізді алаңдатып отыр. Күн өткен сайын коронавирус инфекциясына шалдығып жатқан науқастардың қатары артуда. Бұл туралы Өңірлік коммуникациялар қызметінде өткен брифингте №6 қалалық емхана бас дәрігерінің ана мен бала денсаулығығын қорғау жөніндегі орынбасары Мая Мирзанова сөз етті.
<blockquote>
 «Індет жеткелі бері салмақты жүк медицина саласының мамандарына артылып келеді. Күн демей, түн демей азаматтарды ажалдан арашалап жүрген ақ халатты әріптестерімнің еңбегі орасан. Дәрігерлер, орта және кіші буын қызметкерлері өздерінің міндетін мінсіз атқаруда. Өздеріңізге белгілі, өткен жылы талай жантүршігерлік жағдайдың куәсі болдық. Пандемия кезінде қаншама жақындарымыздан айырылдық. Салғырттықтың кесірінен сан соғып қалдық. Биыл мұндай жағдайға жол бермеуіміз керек.
 Вирустың бұл түрімен былтыр ересектер ғана ауырса, қазіргі уақытта балалар арасында да коронавирус індеті көптеп кездесуде. Балаларға инфекция вакцина алмаған ата-аналарынан жұғуда. Сондықтан да кеселді дертті жеңудің жалғыз ғана жолы – вакцина салдыру екендігін естеріңізге салғым келеді» – деді ол.
</blockquote>
Екпе ектіруге күмәнмен қараудың, қажеті жоқ. Вакцина салдыру арқылы Сіз өзіңіздің және өзгелердің өмірін сақтайсыз.
<img src="https://kyzylorda-news.kz/wp-content/uploads/2021/07/221689569_1339157409813101_6020174092608493379_n.jpg" alt="" />
Мая Мирзанова

Мая Мирзанова: Коронавирус жұқтырған балалар саны артуда

<a href="https://kyzylorda-news.kz/">Kyzylorda-news.kz</a>. Биыл Сырдария өзеніндегі су тапшылығымен қатар, көктемде жауын-шашынның мөлшерден аз түсуіне байланысты біздің өңірде қуаңшылық жағдайы орын алып отыр. Бұл негізгі кәсібі егін және мал шаруашылығы болып табылатын аудан шаруалары үшін үлкен проблемалық мәселе болып отыр.
Аталған мәселеге орай, бүгін Қазалы ауданының әкімі Мұхтар Оразбаевтың төрағалығымен өткен аппарат мәжілісінде бұл маңызды мәселе туралы тағы да сөз қозғалды.
Аудандық ауыл шаруашылығы бөлімі басшысының міндетін атқарушы Сапарбек Қуатов «Егінді суармалы сумен қамтамасыз ету және мал азығын дайындау туралы» баяндама жасап, атқарылып жатқан жұмыстарды тілге тиек етті.Баяндамашыны тыңдап болған соң аудан басшысы Сапарбек Қуатовқа мал қыстату науқанына дайындық жұмыстары туралы сұрақ қойып, ауданға қажетті жем-шөпті тезірек жинақтауды тапсырды. Мұнан соң Әйтеке би кенті мен Қазалы қаласы және ауылдық округ әкімдеріне не себептен шөп оруға бригадалар жібермей жатқанын сұрады.
<blockquote>
 «Шабындық жерлері жоқ ауылдық округтеріне біз тегін шөп оратын жерлерді белгілеп бердік. Өздеріңіз білесіздер, бұл жөнінде біз аудандағы 6 шаруа қожалығымен меморандумға отырдық. Ал, Сіздерден осы күнге дейін 1 бригада келмеді. Қыс қыр астында. Осылай жүре берсеңіздер ертең кеш болады. Сондықтан осы кезден бастап ауылдың азаматтарын ұйымдастыру қажет. Бізге ешкім келіп жем-шөп әкеліп бермейді. Қазір жемнің бағасы қолжетімді болып тұр. Осы кезден қысқа қажетті жем мөлшерін нақтылап, сатып алулары керек. Ертең бағасы шарықтап кетеді», – деген Мұхтар Әуесұлы әкімдерге жем-шөп дайындау жұмыстарын жүйелі ұйымдастыру қажеттігін қатаң тапсырды.
</blockquote>
Сондай-ақ, шабындық жерлері жоқ Әйтеке би кенті, Қазалы қаласы және Шәкен, Құмжиек, Майлыбас, Басықара, Сарбұлақ округтеріне жем-шөп дайындау мәселесіне жауапты тұлғаларды бекітті.
Күн тәртібіндегі мәселенің маңыздылығына байланысты аудан әкімінің орынбасары Күнтілес Назымбеков қосымша баяндама жасап, жем-шөп дайындауға немқұрайлылықпен қарамауға шақырды. Сол үшін Жалағаш, Сырдария аудандарындағы шаруашылықтармен меморандум жасалғанын жеткізді. Сонымен қатар, Қызылқұм, Бозкөл, Тасарық ауылдық округтеріндегі көлдерге зерделеу жұмыстары жүргізілгенін айтып, шабындық жерлер бар екенін тілге тиек етті.
Аппарат мәжілісінің алдында жоспарлы әкімдік мәжілісі өтті.Басқосуда алдымен 3 жылдан аса аудан әкімінің орынбасары қызметін абыроймен атқарған Ғалымжан Еркебайға аудан әкімінің «Алғыс хаты» табысталды. Өз кезегінде Сырдария аудан әкімінің орынбасары болып тағайындалған Ғалымжан Бақтығалиұлы әріптестеріне алғысын айтты. Мұнан соң аудан басшысы 25 шілдеде өткен сайлауда жеңіске жеткен Өркендеу, Қарашеңгел және Ғ.Мұратбаев ауылдық округтерінің әкімдерін таныстырып, жұмыстарына сәттілік тіледі.
Әкімдік мәжілісінде 2 мәселе қаралды. Күн тәртібіндегі «2021-2022 жылдар аралығындағы жылу беру маусымы кезеңіндегі әлеуметтік-мәдени нысандардың дайындығы туралы» аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов, «Қазалы ауданының 2021 жылдың бірінші жарты жылдығындағы әлеуметтік-экономикалық даму қорытындылары туралы» аудандық экономика және бюджеттік жоспарлау бөлімінің басшысы Ахметулла Аманов хабарлама жасады.
Аудан әкімі Мұхтар Оразбаев қысқы жылу беру маусымына дайындық пен жыл қорытындысымен барлық макроэкономикалық көрсеткіштердің жоспарлы межеде орындалуын тапсырды.

Мұхтар Оразбаев: Жем-шөп дайындау жұмыстары жүйелі жүргізілуі қажет

<a href="https://kyzylorda-news.kz/">Kyzylorda-news.kz</a>. «Жол активтерінің ұлттық сапа орталығы» Қызылорда облыстық филиалы республикада алғашқылардың бірі болып цифрлық жүйеге қадам басты.
Енді жол сапасын қадағалайтын мамандар жұмысы түгелдей электорнды форматқа көшеді. Бұл жаңашылдық өндірісте әзірге пилоттық жоба ретінде қолданылады.
Бұдан-былай жолдың жайын тексеретін мамандар бұрынғыдай бума-бума қағаз арқалап, олқылықтарды тізбектеп жазып отырмайды. Протоколға енетін ескертпелер мен ұсыныстар арнайы планшетке енгізіледі. Және де ол базада сақталып, жолдардың сапасына қатысты кез-келген мағлұмат қол жетімді болмақ. Яғни, жолшылардың жұмысы ашық әрі жариялылық қағидасына сәйкес жүреді. Бүгінде жергілікті сапа орталығына жаңа қондырғылар жетті. Қазір мамандар тың технологияны пайдаланудың қыр-сырын үйреніп, жаңашылдықты меңгеріп жатыр. Алдағы уақытта электронды формат оң нәтижесін берсе, жолшылар қағазбастылықтан құтылып, толықтай цифрлық жүйеге көшеді.
<blockquote>
 «Жол саласын цифрландыру қазіргі заманның талабы деп білемін. Өйткені, жолдарға шыққанда қағаз бастылық көп. Кейде тексерілген жолдардың қорытындысы том-том құжат болады. Оның бәрі қол байлайды. Ал енді жұмысты планшет арқылы жүргізсек, бізге өте тиімді әрі қолайлы болады деп ойлаймын. Біздің мамандар жаңашылдыққа дайын деп нық сеніммен айта аламын», – дейді «Жол активтерінің ұлттық сапа орталығы» РМК ҚОФ зертхана меңгерушісі Ержан Усманов.
</blockquote>

Қызылордалық жолшылар цифрлық жүйеге көшуде

<a href="https://kyzylorda-news.kz/">Kyzylorda-news.kz</a>. «Қазгидромет» РМК 29-31 шілдеге арналған ауа райы болжамын жариялады.
Қазақстанның басым бөлігінде атмосфералық фронттардың өтуіне байланысты найзағай жарқылдайды.
30-31 шілде аралығында – шығыста, 31 шілдеде – оңтүстік-шығыста қатты жаңбыр жауады.
<blockquote>
 «Тек еліміздің оңтүстік-батысы мен оңтүстігінде ауа райы жауын-шашынсыз, күн ашық болмақ. Республиканың барлық аумағында ауа температурасы күндіз батыста, солтүстік-батыста 25-41 градусқа, солтүстік пен шығыста 23-33 градусқа, орталықта 25-37 градусқа дейін көтеріледі деп болжанып отыр», — делінген «Қазгидромет» РМК хабарламасында.
</blockquote>

Алдағы үш күнге арналған ауа райы болжамы

<a href="https://kyzylorda-news.kz/">Kyzylorda-news.kz</a>. 29 шілде – 7 тамыз күндері аралығында республика көлемінде «Қауіпсіз жол» жедел-профилактикалық іс-шарасы өтеді.
&nbsp; Іс-шара барысында жергілікті полиция қызметі басқармасы, мемлекеттік кірістер және көліктік бақылау инспекциясы органдарымен бірлесіп, облыс көлемінде қоғамдық тәртіпті сақтау мен жол қозғалысы қауіпсіздігін қамтамасыз етпек. Жол көлік оқиғаларының алдын алу, жол қозғалысы ережелерін өрескел бұзушылықтың, әсіресе заңсыз жолаушы тасымалымен айналысатын автобус және такси көлік құралдарын анықтайтын болады.

Қызылордада «Қауіпсіз жол» жедел-профилактикалық іс-шарасы басталды

<a href="https://kyzylorda-news.kz/">Kyzylorda-news.kz</a>. Жалағаш ауданы халқының 72,1%-і вакцина алды.
Жалағаш аудандық ауруханасына «Гам-КОВИД-Вак» коронавирусты инфекцияға қарсы вакцинасын егу 2021 жылғы 9 наурыздан басталды. Осы уақытқа дейін облыстық денсаулық сақтау басқармасынан І тур – 14 300 доза вакцина, ІІ тур вакцинадан 11 300 доза келді. Аудан бойынша бүгінде 11 820 адам яғни 72,1 % вакцинамен қамтылды.
Вакцинаның ІІ компонентімен толық қамтылған адам саны – 7067 адам.
Халықты вакцинациялау жұмыстары аудандық емхананың егу бөлмесінде, жылжымалы медициналық кешенмен орталық алаңда және барлық елді мекендерде жүргізілуде. Сонымен қатар вакциналардың тасымалдау кезінде дұрыс сақталуын қамтамасыз ету мақсатында ауруханаға компрессорлы автохолодильник алынды.

Жалағаштықтардың 72,1%-і вакцина алды

<a href="https://kyzylorda-news.kz/">Kyzylorda-news.kz</a>. Арал ауданында орын алған қуаңшылыққа байланысты бүгінде Жалағаш ауданынан Арал, Қазалы ауданындағы шаруашылықтарға 7,5 мың тонна мал азығы жеткізілді. Шілде айының өзінде 11 мың дана жонышқа пресі Арал ауданының шаруашылықтарына сатылды.
<blockquote>
 «Біздің ауданға Арал ауданының Сапақ және Аралқұм ауылдық округтердегі шаруашылықтарға мал азығын дайындауға көмек көрсетуге тапсырылған болатын. Бүгінде осы елді мекендердегі шаруашылықтардың сұранысына сәйкес аудандағы Сәрке батыр, Аққұм Жер, Ақбостай шаруашылықтары арқылы табиғи шөп дайындауда. Жалағаш ауданында 116 шаруашылық мал шаруашылығымен, оның ішінде 88 шаруашылық «Сыбаға» бағдарламасымен айналысуда. Жыл басынан бері «Сыбаға» бағдарламасымен айналысып отырған 40 шаруашылық 79 бас асыл тұқымды бұқа сатып алды», – дейді аудан әкімі Асылбек Шәменов.
</blockquote>
Ал, аудан бойынша 2021 – 2022 жылдың қысына түсетін ауылшаруашылығы малдарына 78,1 мың тонна табиғи шөп, 28 мың тонна сабан, 15,6 мың тонна жем қажет деп жоспарланды. Бүгінгі күнге дайындалғаны 35065 тонна, оның ішінде 25040 тонна жонышқа шөбі, 10025 тонна қара шөп. Қазіргі таңда жоспар 45% орындалып отыр.

Жалағаштықтар Аралға 7500 тонна мал азығын жеткізді

<a href="https://kyzylorda-news.kz/">Kyzylorda-news.kz</a>. Биыл ауданда жүзеге асқан үлкен жобалардың бірі Жалағаш кентінің газдандыру жұмыстары толық пайдалануға берілді. Жоба жұмыстары үш жыл бойы атқарылды. Жобаның жалпы құны 3 млрд. 691 млн. теңгені құрайды.
Ауданда тұрғындарға газбен жабдықтау қызметін көрсету үшін «Қызылорда газ тарату жүйесі» шаруашылық жүргізу құқығындағы коммуналдық мемлекеттік кәсіпорны құрылды.
Айта кету керек, бүгінде 295 тұрғын үйге газ желісі тартылып, одан 65 үйге көгілдір отын берілді. Жеке секторды орталықтандырылған газ желісіне қосуға арнайы рұқсаты бар 12 жеке кәсіпкер өз қызметтерін ұсынуда.

Жалағаш кенті табиғи газға қосылды

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықованың төрағалығымен өткен КВИ жағдайы бойынша жедел штаб отысырында аймақтағы эпидемиологиялық жағдайды жақсарту мәселелері талқыланды. Жиынға әкім орынбасарлары, бірқатар басқарма және департамент басшылары мен онлайн режимде қала, аудан әкімдері қатысты.
Аймақ басшысы өңірде вирустың тәулігіне 100-ден астам жағдайы анықталып, індеттің өрши түскенін қаперге салып, сақтық шараларын қатаң түрде күшейтуді тапсырды.
<blockquote>
 «Республика бойынша жаңа үнділік «Дельта», оған қоса «Дельта плюс» штаммы тіркеліп, қазіргі таңда біздің облысымызда кең таралуда. Жағдай өте ауыр. Былтыр осы кезеңде, облысымызда коронавирусты инфекциясынан өлім-жітім саны көп болғаны белгілі. Биылғы жылы қайтыс болған адамдардың жылдық «астары» өткізілуде және тойлар кеңінен өткізіліп жатқандығы туралы мәліметтер түсуде. Күні кеше Қызылорда қаласында орналасқан «Арнау палас», «Бақ-Сарай» мейрамханаларында отбасылық шаралар өткізілген. Дегенмен, бұл шаралар мониторингтік топтардың назарынан тыс қалған. Дәл осындай шаралар аудандар көлемінде де өткізілуде. Сондықтан мониторингтік шаралардың жұмысын қатаң түрде күшейту қажет», – деді облыс әкімі.
</blockquote>
Облыс аумағында эпидемиологиялық жағдай туралы баяндама жасаған облыстық санитарлық-эпидемиологиялық қадағалау департаментінің басшысы Динара Жаңабергенова ағымдағы жылдың наурыз айындағы мерекелік күндерден кейін сәуір айында ауру санының күрт жоғарылап, тәуліктік тіркеменің артқанын жеткізді. Мұнан бөлек, департамент басшысы әлі де екпе алмаған жекеленген санатты азаматтардың вирус жұқтыру қаупі жоғары екенін, ал ұжымдық вакцина алған қызметкерлердің аурушаңдық деңгейі төмендеп келе жатқанын тілге тиек етті. Сондай-ақ, бас мемлекеттік санитариялық дәрігер Қызылорда қаласы тұрғындарының аурушаңдық көрсеткішінің жоғары болуы себепті Қызылорда қаласы үшін жаңа қаулы қабылданып, ертеңнен бастап күшейтілген түрде сақтық шаралары енетінін хабарлады. Яғни демалыс күндері қарым-қатынасты мейлінше шектеу үшін локдаун шаралары енгізілмек.
Ал, облыстық полиция департаментінің бастығы Бектөре Сұлтан өңірдегі мониторингтік топтардың жұмысын әлдеде күшейту үшін мониторингтік топ құрамына тәжірибелі, сала басшыларын қосып, жұмыстарын жіті бақылауда қажеттігін атап өтті.
Отырыста облыстық денсаулық сақтау басқармасының басшысы Сабит Пазилов ауруханалардағы төсек орындармен қамту және жаппай вакциналау жұмыстары барысын баяндады. Жүктеменің артуына байланысты коронавирус індетін емдеуге арналған инфекциялық төсек орындар саны 3 есеге ұлғайды. Яғни 1820 төсек-орын ұйымдастырылды.
Қажетілікке қарай инфекциялық және провизорлық стационарларда төсек-орын қорын 3200-ге дейін ұлғайтуға мүмкіндік бар. Сонымен бірге 518 орны орталықтандырылған оттегімен жабдықталған. Ал, үй жағдайында ем алуға мәжбүр азаматтарға 138 дәрігерлік мобильдік топ құрылған. Мобильдік топ дәрігерлерінің науқастарға шұғыл түрде жетуі үшін облыс әкімдігі мен қала әкімдігі тарапынан қосымша көліктер қарастырылды. Облыста вакцина салынуға тиіс 401 мың тұрғын болса, соның бүгінде І компоненті бойынша 211 445 екпе алып үлгерсе, II-ші кезеңді салдыру кестеге сәйкес жүргізілуде. Бүгінгі таңда вакцинациялау 106 егу кабинетінде жүргізілуде, оған 133 мейірбике мен 89 дублер тартылған.
Басқарма басшысы аймақтағы емдеу орындарында төсек орындар қоры жеткілікті екенін айтып, кеселді уақытылы анықтап, қажетті ем-дом шараларын қабылдауға шақырды.
Жиында Гүлшара Әбдіқалықова дәрі-дәрмек мәселесінің барысын саралады. Облыстық медициналық және фармацевтикалық қадағалау департаменті басшысының міндетін атқарушы Ғалима Азирова апта сайын коронавирустық инфекцияны амбулаториялық емдеу кезінде пайдаланылатын сұранысқа ие 10 дәрілік заттың мониторингін жүргізеді. Яғни қызуды түсіретін, қабынуға қарсы, антикоагулянттардың 2 айлық қажеттілік мөлшері жасақталғанын, қажет болған жағдайда қорлар толықтырылатынын хабарлады.
Департамент басшысының есебін саралаған облыс әкімі керекті дәрілердің ауылдар мен қала шетіндегі дәріханаларға уақытылы және қажетті мөлшерде тұрақты түрде жеткізілуін қадағалауды тапсырды.
Штаб отырысында облыстық кәсіпкерлік және туризм басқармасы басшысы Фердоуси Қожабергенов «Ashyq» жобасына кәсіпкерлерді белсенді түрді тарту жұмыстарының барысын баяндады. Бүгінде 252 нысан «Ashyq»-ға енген.
Облыс әкімі қоғамдық тамақтану мен сервистік қызмет орындарында қауіпсіздікті сақтау үшін кәсіпкерлік нысандар «Ashyq» жобасына белсене қатысу қажет екенін еске салып, бұл бағытта тиісті сала басшыларына жұмысты қысқа мерзім ішінде үйлестіруді тапсырды.
Жиынды қорытындылаған аймақ басшысы облыстық санитариялық эпидемиологиялық бақылау департаментіне науқастармен қарым-қатынаста болған тұрғындарды шұғыл түрде анықтап, аурудың таралуына жол бермеуді тапсырды. Сондай-ақ, облыстық санитариялық эпидемиологиялық бақылау және полиция департаменттеріне, Қызылорда қаласы және аудан әкімдіктерімен бірлесіп күнделікті мониторинг топтардың жұмысын күшейту тапсырылды.
Аймақ басшысы облыстық денсаулық сақтау басқармасына барлық медициналық мекемелердегі құрал-жабдықтарға, төсек-орындарға күнделікті ревизия жасап, белгіленген алгоритмге сәйкес кезең-кезеңімен қайта бейімдеу және қажет болған жағдайда қосымша төсек-орындар әзірлеу мен вакцинациялау жұмыстарын қатаң түрде күшейтуді міндеттеді.
<blockquote>
 «Қазіргі таңда вакцинациялау мәселесіне басты назар аударылуы тиіс, өйткені ол ауруды жұқтырмаудың бірден-бір жолы. Мұнан бөлек, төсек орынмен қамту мен реанимациялық бөлімдерінің дайындығы аса маңызды. Сондай-ақ, үйде емделіп жатқан науқастардың толыққанды ем алуын қамтамасыз ету қажет. Жағдайын ұшықтырып алмас үшін күнделікті олардың жағдайын қадағалауды тапсырамын. Барлық жұмыстар ұйымдасқан түрде жүргізіліп, тұрақты бақылауда болсын», – деді облыс әкімі.
</blockquote>
Жедел штаб отырысында берілген тапсырмалардың орындалуын бақылау облыс әкімінің орынбасары Балжан Шаменоваға жүктелді.

Гүлшара Әбдіқалықова індетпен күрес амалдарын қатаң түрде күшейтуді тапсырды

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 5096 адам коронавирус инфекциясынан жазылып шықты, деп хабарлайды&nbsp;<a href="https://coronavirus2020.kz/">coronavirus2020.kz</a>.
Аймақтар бойынша:
Нұр-Сұлтан қаласы – 1331
Алматы қаласы – 1369
Шымкент қаласы – 377
Ақмола облысы – 148
Ақтөбе облысы – 175
Алматы облысы – 33
Атырау облысы – 276
Жамбыл облысы – 66
Батыс Қазақстан облысы – 242
Қарағанды облысы – 306
Қостанай облысы – 211
Қызылорда облысы – 152
Маңғыстау облысы – 154
Павлодар облысы – 64
Солтүстік Қазақстан облысы – 136
Түркістан облысы – 56
Қазақстан бойынша жазылғандар саны – 457098.

COVID-19: Қызылордада 152 адам жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6925 адамнан коронавирус инфекциясы ПТР арқылы анықталды, деп хабарлайды&nbsp;<a href="https://coronavirus2020.kz/">coronavirus2020.kz</a>.
Аймақтар бойынша:
Нұр-Сұлтан қаласы – 1531
Алматы қаласы – 1250
Шымкент қаласы – 421
Ақмола облысы – 210
Ақтөбе облысы – 191
Алматы облысы – 220
Атырау облысы – 430
Шығыс Қазақстан облысы – 312
Жамбыл облысы – 137
Батыс Қазақстан облысы – 197
Қарағанды облысы – 920
Қостанай облысы – 213
Қызылорда облысы – 150
Маңғыстау облысы – 267
Павлодар облысы – 225
Солтүстік Қазақстан облысы – 134
Түркістан облысы – 117
Жалпы ел бойынша ауырғандар саны 549628.

Қызылордада 150 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. 28 шілде күні ел аумағының басым бөлігінде күн ашық болады, деп хабарлайды Қазгидромет.
Сәрсенбіде тек еліміздің солтүстік, солтүстік-батыс, батыс және оңтүстік-шығысында атмосфералық ауа ағындарының әсерінен өткінші жаңбыр жауады, бұршақ күтіледі. Республика бойынша кей жерлерде жел күшейіп, оңтүстік және оңтүстік-шығыста шаңды дауыл тұруы ықтимал.
Жамбыл, Түркістан, Қызылорда облыстарының кей жерлерінде шыңды дауыл, желдің күшеюі 15-20 м/с, Түркістан облысында екпіні 23 м/с.
Күндіз Ақмола, Алматы, Қостанай, Солтүстік Қазақстан облыстарының кей жерлерінде бұршақ түсіп, желдің жылдамдығы 15-20 м/с жетеді.
Қарағанды, Маңғыстау, күндіз Атырау, Ақтөбе облыстарының кей жерлерінде жел 15-20 м/с дейін күшейеді.
Күндіз Жамбыл, Алматы облыстарында аптап ыстық сақталады.
Қызылорда, Түркістан, Маңғыстау, Атырау, Жамбыл облыстарының басым бөлігінде, Алматы, Ақтөбе, Қарағанды облыстарының кей жерлерінде, Қостанай облысының оңтүстігінде, Ақмола, Шығыс Қазақстан облыстарының жекелеген аудандарында жоғары өрт қаупі сақталады.

Қазақстан және Қызылорда облысының жаңалықтары: Қоғам