<a href="https://kyzylorda-news.kz/">Kyzylorda-news.kz</a>.&nbsp;Қызылорда облыстық Қазақстан халқы ассамблеясының ұйымдастыруымен «Менің Қазақстаным» жобасы аясында жастардың қатысуымен «Өз қалаңды таны» интеллекталдық сайысы өтті.
Сайысқа «Жаңғыру жолы» жастар қозғалысының белсенділері, этнос жастары мен еріктілер қатысты.
Мақсаты жастар арасында қаламыздағы маңызы зор тарихи және мәдени ескерткіштер мен орындарды, шаһарымыздың басты құндылықтарын кеңінен таныту. Сондай-ақ қала тарихына қатысты білімдерін жетілдіру.
Барлығы 4 топқа бөлінген қатысушыларға тарихи орындарға қатысты түрлі сұрақтар мен тапсырмалар берілді. Тапсырмалар мен жасырылған сұрақтарды уақытында тапқан және сол тарихи тұлғаның немесе орынның толық мәліметін ұсынған топтар жүлделі орындарды иеленді. Интеллектуалдық сайыс Б. Шөкенов атындағы саябақтан бастау алып, Достық үйінде аяқталды.&nbsp;
Нәтижесінде қазылар алқасының шешіміне сәйкес «Сыр Ана» тобы жүлделі І орын, «Тұран» тобы ІІ орын, «11 аймақ» тобы ІІІ орынды иеленді. Шара соңында облыстық ішкі саясат басқармасының «Қоғамдық келісім» КММ директорының міндетін атқарушы Ф. Әбдібағдатұлы қатысушыларға алғысын білдіре отырып, жеңімпаздарды марапаттады. Жеңімпаздарға қаржылай сыйақылар мен дипломдар, барлық қатысушыларға Алғыс хаттар табысталды.

Қызылордада «Өз қалаңды таны» сайысы өтті

<a href="https://kyzylorda-news.kz/">Kyzylorda-news.kz</a>. Жалағаш ауданында дәстүрлі түрде еңбек лагері өтті.
Еңбек лагерьін аудандық жастар ресурстық орталығы және «Сұңқар» әлеуметтік қамқорлық орталығы қоғамдық қоры ұйымдастырды.
Еңбек лагері Таң ауылына қарасты «Манақ баба» шаруа қожалығында өткізілді. Шаруашылық басшысы Шағыртаев Берік ағамыз жастарға арнайы қой атап, өзінің қонақжайлығын көрсетті. Лагерь мақсаты жастарға ұмытылып бара жатқан қазақ дәстүрлерін дәріптеу, ұлттық ойындарды насихаттау болып табылады. Шаруашылықта атқарылатын жұмыстарды екі күн жастар өздері жасап, білетіндері өз ептілігін көрсетті, білмегендері сол жұмыстарды жасап үйренді. Ер балдар шаруашылық қызметкерлеріне көмектесіп, шөп жинап, қой қырқуға көмектесті, қой сойып, қыздар ішек-қарын тазалады, таңмен таласып сиыр сауып қатық ұйытып, айран пісті, қиға нан көмді. Лагерь қызығы одан әрі жалғасып ер балдар асық ату, гір тасын көтеру, ләңгі тебу сайыстарына қатысып өзара бақ сынасты, кешкі асқа қуырдақ жасап бірінші күніміз кешкі алау жанында ән шырқаумен жалғасты.
Екінші күні жастар атқа мініп жасанды серке тартып, балық аулап, ет асты, қонақ күтуге дайындық жасап қыздар бауырсақ пісірді, қолдан қамыр жайып бешбармақ қамына кірісті. Таң ауылының жастары бақшада өсіп тұрған жергілікті дәмі тіл үйіретін қауын, қарбыз ұсынып ауыл жастарымен таныстық жалғаса түсті. Лагерь аясында шаруашылық жұмыстарында белсенділік танытып көзге түскен жастар үшін ұйымдастырушылар «Лагерь Аруы», «Лагерь Сұлтаны» номинациясын табыстап арнайы диплом және бағалы сыйлықтармен марапаттады. Еңбек лагерінің басты мақсаты аудан жастарының ауызбіршілігін нығайтып, жаңа бір орта қалыптастыру.
Екі күнге созылған жастардың еңбек лагеріне аудан әкімінің орынбасары Еспенбет Жасұлан, облыстық жастар ресурстық орталығының орынбасарлары Дауылбай Мақсат, Гүлназ Айдарбекова, жыршы-термеші Марат Сүгірбай, ақын Мөлдір Айтбай, Қармақшы аудандық жастар ресурстық орталығының директоры Әділбеков Сырым қонақ болып келді. Арнайы Жалағаш ауданы жастарымен кездесіп, пікірлесіп өздерінің ыстық лебіздерін білдіріп жастарға әннен шашу шашып, арнау айтып лагердің сәнін келтірді.
<img src="https://kyzylorda-news.kz/wp-content/uploads/2021/09/241663751_3077941999140387_6917717188469480180_n.jpg" alt="" />
<img src="https://kyzylorda-news.kz/wp-content/uploads/2021/09/241717759_3077942359140351_5568858057942815905_n.jpg" alt="" />
<img src="https://kyzylorda-news.kz/wp-content/uploads/2021/09/241756923_3077942042473716_8149076496552828465_n.jpg" alt="" />
<img src="https://kyzylorda-news.kz/wp-content/uploads/2021/09/241678030_3077942442473676_3777993286768359242_n.jpg" alt="" />
<img src="https://kyzylorda-news.kz/wp-content/uploads/2021/09/241752039_3077941982473722_274168282199674627_n.jpg" alt="" />
<img src="https://kyzylorda-news.kz/wp-content/uploads/2021/09/241752556_3077942265807027_4664142957681430879_n.jpg" alt="" />
<img src="https://kyzylorda-news.kz/wp-content/uploads/2021/09/241752563_3077942145807039_6228933021922662554_n.jpg" alt="" />
<img src="https://kyzylorda-news.kz/wp-content/uploads/2021/09/241754410_3077942382473682_8918287279713366947_n.jpg" alt="" />
<img src="https://kyzylorda-news.kz/wp-content/uploads/2021/09/241775946_3077942099140377_938670429134110319_n.jpg" alt="" />
<img src="https://kyzylorda-news.kz/wp-content/uploads/2021/09/241810064_3077942329140354_7924259386396035629_n.jpg" alt="" />
<img src="https://kyzylorda-news.kz/wp-content/uploads/2021/09/241800046_3077942292473691_6909490702772684495_n.jpg" alt="" />
<img src="https://kyzylorda-news.kz/wp-content/uploads/2021/09/241820273_3077942075807046_3242382502903150174_n.jpg" alt="" />

Жалағашта еңбек лагері ұйымдастырылды (ФОТО)

<a href="https://kyzylorda-news.kz/">Kyzylorda-news.kz</a>. Халықаралық Ақпараттар Академиясының академигі, Еуразиялық кәсіби лидер медалінің иегері, Қазақстанның Құрметті журналисі, Алматы облысы, Еңбекшіқазақ ауданының Құрметті азаматы Ермек Жұмахметұлы Зәңгіров – Біріккен Ұлттар Ұйымы (БҰҰ) сыйлығының лауреаты атанды.
Жерлесімізге бұл жоғары дәрежелі атақ Арал-Байқоңыр өңірі экологиялық жағдайын зерттеу еңбегі үшін берілді.
Еңбек БҰҰ-ның ресми 5 тіліне аударылып, Нью-Йорктегі халықаралық ұйымның штаб пәтеріне тапсырылды.

Қызылордалық БҰҰ сыйлығының лауреаты атанды

<a href="https://kyzylorda-news.kz/">Kyzylorda-news.kz</a>. Қазалы ауданының әкімі Мұхтар Оразбаевтың төрағалығымен коронавирус індетінің алдын алуға байланысты штаб отырысы өтті.
Штаб отырысына аудан әкімінің орынбасары Жалғас Сүйеубаев, дербес бөлімдер мен тиісті мекеме басшылары қатысты.
Аудан басшысы Мұхтар Оразбаев еліміздегі эпидемиологиялық ахуал тұрақтала бастағанымен, қауіпсіздік шараларын естен шығармау қажеттігін айтты. Сондай-ақ, жұқпалы індеттен құтылудың бірден-бір жолы вакцинациялаудың маңызы зор екенін тілге тиек етті.
Штаб отырысында аудандық санитариялық-эпидемиологиялық қадағалау басқармасының бөлім басшысы Сақып Ақбаева, Қазалы ауданаралық ауруханасының бас дәрігері Бақыткүл Әлішева мен Қазалы теміржол ауруханасының бас дәрігері Айгүл Құлмағанбетова аудандағы вакцинациялау жұмыстары жөнінде хабарлама жасап, атқарылып жатқан жұмыстар жөнінде айтып берді.
Әрбір сала мамандарын мұқият тыңдаған аудан басшысы Мұхтар Оразбаев тұрғындар арасында түсіндірме жұмыстарын көбейту қажеттігін қатаң ескертті. Әсіресе, жұқпалы індетті жеңу үшін ұжымдық иммунитет қалыптастыру қажет екендігін түсіндірді.
Отырыс соңында аудан әкімі Мұхтар Оразбаев коронавирус инфекциясының алдын алуға бағытталған жұмыстарды күшейту үшін бірқатар тапсырмалар берді.

Мұхтар Оразбаев: Ұжымдық иммунитет қалыптастыру қажет

<a href="https://kyzylorda-news.kz/">Kyzylorda-news.kz</a>. Болат Өтемұратов қоры есебінен алынған 72 тонна жем тұрғындарға үлестірілді.
Биыл өңірдегі қуаңшылық жағдайына орай белгілі қоғам қайраткері, меценат, жерлесіміз Болат Өтемұратов қорынан бөлінген қаржы есебінен тұрғындарға мал азығынан қолдау шаралары жалғасуда.
Аталған қор есебінің кезекті легімен алынған 72 тонна бидай кебегі ауданға жеткізілді. Бидай кебегі Сексеуіл кенті мен Ақирек, Бөген ауылдық округтеріндегі тұрмысы төмен мал ұстап отырған отбасыларға жергілікті жердегі қоғамдастық кеңесінің шешімімен таратылды.

Болат Өтемұратов қоры есебінен алынған 72 тонна жем тұрғындарға үлестірілді

<a href="https://kyzylorda-news.kz/">Kyzylorda-news.kz</a>. Биыл полиция қызметкерлері есірткі саудалайтын 810 интернет порталдың жұмысын тоқтатты. Бұл туралы Ішкі істер министрлігінің басқарма бастығы Бақытжан Әмірханов хабарлады.
Оның айтуынша, мұндай сайттар есірткі сатуды әлдеқайда жеңілдетті. Соңғы бір жылда тексерістер нәтижесінде 12 тоннадан астам есірткі заттары тәркіленді. Олардың басым бөлігі марихуана, героин мен синтетикалық заттар. 11 есірткі лабораториясы жабылды. Тәртіп сақшылары есірткі заттарының заңды айналымын да тексерді. Мәселен дәріханаларда мұндай заттарды рецептсіз сатып жатқандар да аз емес болып шықты. Барлығы 18 қылмыстық бұзушылық анықталған.
<blockquote>
 «Бақылауға алынған заттар айналымында 93 әкімшілік құқық бұзушылық дерегі анықталды. Олардың 28-і техникалық талаптарға байланысты, қалғаны лицензия нормаларын бұзған. Есірткі препараттары 57 рет рецептіз сатылған. Барлығы 343 ампула, 1000 дәрі және 1200 психотропты зат тәркіледік», – дейді ҚР ІІМ есірткі қылмысына қарсы іс-қимыл департаментінің басқарма бастығы Бақытжан Әмірханов.
</blockquote>

Қазақстанда есірткі саудалайтын 810 сайт бұғатталды

<a href="https://kyzylorda-news.kz/">Kyzylorda-news.kz</a>. Бүгін қала әкімінің орынбасары Асқарбек Есжанов қаланың қоғамдық-саяси өміріне белсене араласып, елмен етене жүріп, мұқтаж жандарға көмек қолын созған дархан пейіл, кең жүректі қызылордалықтарды «Жомарт жүрек» байқауының қалалық кезеңінің қорытындысы бойынша марапаттады.
Игілікті іс-шара Елбасы Нұрсұлтан Әбішұлы Назарбаевтың «Рухани жаңғыру» бағдарламалық мақаласы аясында ұйымдастырылды.
«Жомарт жандар қаламыздың көркеюіне, әлеуметтік-экономикалық дамуына ерекше үлес қосып қана қоймай, әлемді шарпыған пандемия кезеңінде де жомарттық пен елжандылықтың жоғарғы үлгісін көрсетті. Қолында барын халықтың игілігіне жұмсап, ізгі іске атсалысқан рухы биік жандарға қала тұрғындарының атынан шынайы алғысымды білдіремін», – деді қала әкімінің орынбасары.
«Жомарт жүрек» сыйлығы 5 номинация бойынша табысталды.
Байқаудың «Жыл меценаты» номинациясы карантин уақытында да қайырлы ісін жалғастырған «Сыбаға» ЖШС директоры Ляйла Ризвановаға табысталса, «Туған өлке» номинациясымен ауылдың абаттануына ерекше үлес қосқан «Бақ-Береке-2030» ЖШС бас директоры, қалалық мәслихат депутаты Қайрат Ерназаров марапатталды. «Жыл тұлғасы» номинациясымен жыл көлемінде қаламыздың әлеуметтік саласына тұрақты түрде қолдау көрсеткен «Абай» шаруа қожалығының басшысы Мұрат Нұрсаитов, «Жылдың үздік ұйымы» номинациясымен «Қызылорда қалалық мүгедектер қоғамы» қоғамдық бірлестігінің төрағасы Сәкен Алдашбаев, «Жылдың үздік қамқоршысы» номинациясы «Қамқорлық» дағдарыс орталығының директоры Жандос Тұсмағамбетовке табысталды.

Қызылордада «Жомарт жүрек» байқауының жеңімпаздары марапатталды

<a href="https://kyzylorda-news.kz/">Kyzylorda-news.kz</a>. Облыстық стартап жобалар байқауының финалдық кезеңі қорытындыланды. Қызылорда облысы әкімдігінің қолдауымен биыл кәсіпкерлікті дамыту және бизнес-әлеуетті арттыру мақсатында «Kyzylorda Business Hub» байқауы 3 рет ұйымдастырылды. Шараға&nbsp; 16 мен 29 жас аралығындағы жастар қатысып, 214 адам өз жобасын ұсынды. Жобаның негізгі серіктестігі –&nbsp; Қорқыт ата атындағы Қызылорда университеті мен «Атамекен» ұлттық кәсіпкерлер палатасы.&nbsp;
<blockquote>
 «Ел экономикасының өркендеуіне, бизнестің алға жылжуына үлес қосу мақсатында Қорқыт Ата атындағы Қызылорда университеті базасында 2017 жылы «Бизнес-Старт» бизнес-инкубаторы ашылды. &nbsp;Жастар кәсіпкерлігі орталығында 118 жас кәсіпкер өз бизнестерін ашып, қанаттанды. Қазіргі таңда 33 студент бизнес-жобаларын үйлестіруде. Орталықтың ауқымды жобаларының бірі – KYZYLORDA BUSINESS HUB. Бұл жобаға облыс жастарынан 1200 астам өтінім түсіп, 420 жоба қатысып, 13 жас кәсіпкерге инвестиция тартылды», – деді Қорқыт Ата атындағы Қызылорда университетінің басқарма төрағасы-Ректор Бейбіткүл Кәрімова.
</blockquote>
Бұл орталықтың жалғыз жетістігі емес. 2018 жылы «Жас проджект» жобасы аясында орталық резиденттері 22 000 000 теңге қаржыландыруға қол жеткізді. «Almau project night» республикалық стартап жобалар&nbsp; байқауында университет командасы 1 орын иеленді. «Shevron» компаниясының байқауында экологиялық стартап жобамыз 800 доллар кіші грантына ие болып, республика бойынша 2 орын иеленді. «Unicef» халықаралық қорының байқауында білім саласындағы «КБХ-Финанс» стартап жобасы 1000 доллар қаржыға ие болып, 1 орын алды.
<blockquote>
 «Байқау сәуір-қыркүйек аралығында жүзеге асырылды. Жалпы 4 кезеңнен тұрады. Биыл Қызылорда, Байқоңыр қалалары мен 7 ауданда кәсіпкерлік негіздерін оқытып, бизнес-жобалар таңдалды. Қатысушыларға «Кәсіпкер психологиясы», «Маркетинг негіздері», «Дизайн-мышление», «SMM» және «Бизнес-жоспар» тақырыптарында 3 күндік семинар-тренингтер ұйымдастырылды»,-деді «Business Start» инновациялық жобаларды іске асыру орталығының басшысы Жанарыс Тубекбаев.
</blockquote>
Өткен жылы 11 жобаға 19,8 млн.теңге инвестиция тартылса, биыл 9 млн.теңгені құрады. Жартылай финалға 152 жобадан іріктелген 88 жоба қатысты.&nbsp; Нәтижесінде, 20 жоба финалдық кезеңге өтіп, инвесторлар алдында қорғауға мүмкіндік алды.
<blockquote>
 «Өнерге қызығушылығым, бүгін жеңіске жеткізді. Бұл жобаға Арал ауданынан қатысып отырмын. Жобаның атауы – сиырдың мүйізінен түрлі кәдесый жасау. Бұл өнермен айналысқаныма 4 жыл болды. Өзім Арал аудандық өнер мектебінің мұғалімімін. Осындай жастарға қолдау білдірген ұйымдастырушыларға алғыс айтамын», – деді жоба жеңімпазы Құрманғазы Бектұрсынов.
</blockquote>
Айта кету керек, университет ректоры Қорқыт Ата атындағы Қызылорда университетінің 2 курс студенті Дидар Сәрсенбекке өз жобасын ары қарай дамытуға мүмкіндік берді. Дидардың жобасы «3Д дизайнерлік студиясы». Алдағы уақытта жоба қатысушысы университет базасында бірлесе жұмыс істейтін болады.
<img src="https://kyzylorda-news.kz/wp-content/uploads/2021/09/2-18.jpg" alt="" />

Облыстық стартап жобалар байқауының жеңімпазы анықталды

<a href="https://kyzylorda-news.kz/">Kyzylorda-news.kz</a>. «ИТ-Резерв» компаниясының серіктесі әрі директоры Павел Мясоедов алаяқтар телефонға келген қоңырау кезінде нөмірді лезде ауыстыруды үйренгенін айтты, деп хабарлайды&nbsp;<a href="https://sputnik.kz/society/20210913/18110978/Maman-nomir-alaiaqtar.html">Sputnik.kz</a>.
Алаяқтар банктердің ресми телефонынан қоңырау шалатынына етіміз әбден үйренді. Алайда қазір олар адамдарды алдаудың жаңа әдісін ойлап тапты.
Енді қаскөйлер сіздің жеке нөміріңізден туысқандарыңызға хабарласып, тіпті deep fake технологиясының көмегімен сіздің даусыңызды пайдалануы мүмкін, деді сарапшы.
<blockquote>
 «Осылайша алаяқтарға жақындарыңыздан материалдық көмек сұрау немесе заңға қайшы әрекеттерге итермелеу әлдеқайда оңайға соғады», – деді Мясоедов.
</blockquote>
Маманның айтуынша, технологиялық тұрғыдан телефон нөмірін ауыстыру қиын емес. Ұялы байланыс бойынша қоңыраудың ерекше идентификаторы ауыстырылады. Ол Caller ID деп аталады.

Маман туыстардың нөмірінен алаяқтар қалай телефон шалуы мүмкін екенін айтты

<a href="https://kyzylorda-news.kz/">Kyzylorda-news.kz</a>. Кәсіпорын таатқан мәліметтерге қарағанда, антициклонның әсерінен күн жауын-шашынсыз болады. Атмосфералық фронталды бөліктердің әсерінен ҚР шығысында, солтүстік-батысында, оңтүстік-батысында, сондай-ақ оңтүстік-шығыстың таулы аудандарында жаңбыр жауады, найзағай ойнайды, деп хабарлайды Қазгидромет.
Түнде және таңертең солтүстік-батыс және орталық аймақтарда тұман түседі. Солтүстікте, күндіз еліміздің оңтүстігіндегі таулы аймақтарда жел 15-20 м/с жылдамдықпен соғады.
Күндіз Қостанай облысының солтүстік-батысында, солтүстігінде найзағай, түнде және таңертең облыстың шығысында тұман түседі.
Ақмола облысының солтүстігінде, солтүстік-батысында, Солтүстік Қазақстан облысының солтүстік-шығысында, күндіз Түркістан облысының таулы аудандарында жел 15-20 м/с жылдамдықпен соғады.
Түнде және таңертең Қарағанды облысының солтүстігінде және орталығында тұман түседі.
Түнде Ақмола облысының оңтүстік жартысында, Ақтөбе облысының солтүстігінде, Қостанай облысының оңтүстік-шығысында, Солтүстік Қазақстан облысының оңтүстік-батысында, Шығыс Қазақстан облысының солтүстік-шығысында 2 градус үсік жүреді.
Қарағанды облысының солтүстік-шығысында 3 градус үсік сақталады.
Алматы, Жамбыл, Түркістан, Қызылорда, Маңғыстау, Атырау, Ақтөбе облыстарының басым бөлігінде, Қостанай, Қарағанды облыстарының оңтүстік-батысында, батысында, Батыс Қазақстан облысының солтүстік-шығысында және оңтүстігінде, Шығыс Қазақстан облысының оңтүстік-батысында төтенше өрт қаупі сақталады.

Дүйсенбіге арналған ауа райы болжамы

Kyzylorda-news.kz. Нұр-Сұлтан қаласындағы «Хан Шатыры» сауда орталығының жанында Қызылорда облысының дәстүрлі ауылшаруашылық жәрмеңкесі бүгін де жалғасын тапты.
Жәрмеңкеде 70-ке жуық Сырдың диқандары мен кәсіпорындары 40 жүк автокөліктермен жалпы құны 100 млн теңгені құрайтын 400 тоннаға жуық өнімдер елордалық тұрғындарға ұсынуда.
Арқа төріндегі тұрғындар Қызылорда облысының брендіне айналған ақ күріш, балығы мен ас тұзы, қауыны мен қарбызынан дәм татуда.
<blockquote>
 – Қызылорданың жәрмеңкесін жылда асыға күтеміз. Биыл да жәрмеңке жақсы болды. Аралдың балығы, Қызылорданың етін қалағанымызша алдық, – дейді астаналық Света Балқыбаева.
</blockquote>
Ауқымды шараға аймақтағы барлық аудан шаруалары үлес қосты.
<blockquote>
 -Жәрмеңкеге Шиелі ауданынан 79 тонна әртүрлі ауылшаруашылығы өнімдерін әкелдік. Қызанақ, қияр, асқабақ секілді халық көп тұтынатын көкөністермен қатар, «Шиелі шұжық» өнімдерін де саудаға шығардық. Сондай-ақ, қауынқақ секілді елдің дәмін де әкелдік. Бүгін жәрмеңкенің екінші күні. Халық та, шаруашылық өкілдері де риза, – деді Шиелі аудандық ауылшаруашылығы бөлімінің басшысы Мұрат Әшірбеков.
</blockquote>

Бүгін – Елордадағы жәрмеңкенің екінші күні

Kyzylorda-news.kz. Бүгін облыс әкімі Гүлшара Әбдіқалықова Өзбекстаннан келген арнайы делегациямен кездесті. Отырысқа Өзбекстан Республикасы мемлекеттік орман шаруашылығы комитетінің төрағасы Низомидин Бакиров бастаған делегат өкілдері келді. Сонымен бірге ҚР Экология, геология және табиғи ресурстар министрлігі Орман шаруашылығы және жануарлар дүниесі комитеті төрағасының міндетін атқарушы Ерлан Құтпанбаев, облыстық орман шаруашылығы және жануарлар дүниесі аумақтық инспекциясының төрағасы Марат Нұрмағанбетов, облыстық табиғи ресурстар және табиғат пайдалануды реттеу басқармасының басшысы Бауыржан Шәменов қатысты.
Жиында Арал теңізінің жағдайы мен экология тақырыбы сөз болды. Аймақ басшысы Аралдың тартылуы Сыр еліне ғана емес көршілес мемлекеттер үшін де аса маңызды мәселеге айналғанын тілге тиек етті. Себебі теңіз акваториясының тартылуы балық шаруашылығына да қатты әсер етеді. Дегенмен 1993 жылы 26 наурызда Қызылордада өткен Орта Азия елдері басшыларының саммитінде Аралды құтқару бойынша халықарылық қор құру туралы шешім қабылданды. Бұл экологиялық ахуалды жақсартуға жасалған қадамдардың бірі болды.
<blockquote>
 Мемлекет басшыларының шешімімен халықаралық қаржы ұйымдары мен мүделі тараптардың қолдауы нәтижесінде Арал теңізінің тартылуы мен теңіздің солтүстік бөлігін сақтау бойынша бірқатар жұмыстар атқарылды. Соның бірі – «Сырдария өзенінің арнасын реттеу және Арал теңізінің солтүстік бөлігін сақтау» жобасы. Бұл арқылы теңіздің солтүстік бөлігінде балықтың 10-нан аса түрі пайда болды. Қазір Арал балығына Еуропа мен Азия елдерінен сұраныс жоғары. Теңіз табанындағы құмның көшуін тоқтату мақсатында «жасыл белдеуді» дамыту мәселесі де қолға алынды. Орман қорын көбейту жұмыстары шеңберінде 337 мың гектар жерге тал отырғызылды. 
 Бүгінде Президенттің Жолдаудағы тапсырмасы аясында 5 жылдың ішінде теңіз ұлтанының 1,1 миллион гектар жеріне сексеуіл отырғызуды жоспарлап отырмыз. Бұл ретте Өзбекстан Республикасының тәжірибесін пайдалануымыз қажет. Сондықтан екі елдің бірлескен жұмысының арқасында Аралдың кепкен табанын көгалдандыру мәселесіне оң ықпалын тигізеді деп ойлаймын, – деді Гүлшара Әбдіқалықова.
</blockquote>
Еске салайық, бауырлас елдің Өзбекстан аумағындағы Арал теңізі ұлтанын көгалдандыруда тәжірибелері мол. Яғни сексеуілдің тұқымын алып, қысқы мезгілде сексеуіл егіп, оны көктемде отырғызу жұмысын жолға қойған.
Алдағы кезеңде бірлескен серіктестік аясында облыс аумағындағы теңіз ұлтанына сексеуіл егу, отырғызу жұмыстары бойынша көрші елдің технологиясы қолданылады.
Жиын соңында облыс әкімі мүдделік танытқан Өзбек делегациясына алғысын білдіріп, ортақ мәселені шешуде жемісті еңбек ететініне сенім білдірді. 
Айта кетейік, делегация өкілдері іссапар барысында Арал теңізіне барып, нақты ахуалды бағамдап, өзіндік тәжірибелерімен бөліседі.

Қазақстан және Қызылорда облысының жаңалықтары: Қоғам