<a href="https://kyzylorda-news.kz/ru/obshestvo/">Kyzylorda-news.kz</a>. **Қызылорда қаласындағы жаңа бой көтерген көшелердің біріне Сыр өңірінің тумасы, ішкі істер органдарының ардагері, милиция капитаны **Оспан&nbsp; Оразовтың есімі берілді. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Қызылорда облыстық және қалалық маслихаттың ағымдағы жылдың наурыз айындағы бірлескен қаулысы мен шешімі бойынша қаладағы «Саяхат – 20» көшесіне&nbsp; 1972 жылы қызмет бабында қылмыскердің қолынан қаза тапқан милиция капитаны Оразов&nbsp; Оспан Дүйсенбайұлының &nbsp;&nbsp;есімі берілді.
Салтанатты ашылу рәсіміне&nbsp; арналған&nbsp; шараға&nbsp; ардагердің ұрпақтары, ақсақалдар және Полиция департаментінің қызметкерлері мен ардагерлері қатысып,&nbsp; Уразов&nbsp; Оспан Дүйсенбайұлы туралы естеліктерімен бөлісті. &nbsp;&nbsp;
Полиция капитаны Уразов Оспан 1934 жылы Қызылорда қаласында дүниеге келген.&nbsp;&nbsp;&nbsp;&nbsp;&nbsp;&nbsp;
1952 жылы Қызылорда қаласындағы 1 май атындағы орта мектепті бітіріп, осы жылы Қызылорда облысы ішкі істер Басқармасының жолдауымен&nbsp; Свердловск қаласындағы өрт сөндіру техникалық училищеге түсіп, 1955 жылы бітіріп келген.&nbsp;
1955 жылдан&nbsp; Қызылорда&nbsp; облыстық ішкі істер басқармасының жолдауымен Қызылорда қаласының ішкі істер өрт сөндіру саласында қызмет атқарды. 1960 – 1965 жылдары аралығында Қызылорда облыстық ішкі істер басқармасында қызмет атқарды.
1970 жылы Қызылорда қаласындағы Н.В. Гоголь атындағы педагогикалық институтты сырттай оқып бітірді. Облыстық ішкі істер басқармасының жолдауымен Қызылорда қаласындағы Спецкомендатурада&nbsp; жұмыс істеп жүріп 1972 жылы 12 ақпанда қылмыскердің қолынан қаза тапты. Полиция капитаны Оразов Оспан жұмыс істеп жүрген жылдар аралығында үздік қызметі үшін облыстық, қалалық ішкі істер басқармасының марапаттарына ие болған.&nbsp;&nbsp;
1972 жылы 2 маусым&nbsp; күні&nbsp; Кеңестік Социалистік Республикалар Одағының Жоғарғы Кеңесінің Жарлығымен қызмет бабында қаза тапқан полиция капитаны Оразов Оспан Дүйсенбайұлы «Қызыл Жұлдыз» орденімен марапатталды.&nbsp;
Салтанатты шара барысында&nbsp; Қызылорда облысы Полиция департаменті&nbsp; бастығының&nbsp; бірінші орынбасары &nbsp;Амитов Шамшидин Егенбердіұлы сөз сөйлеп, ашылғалы отырған көше&nbsp; атауы&nbsp;&nbsp; ішкі&nbsp; істер органдарының ардагері есімін иеленуі алдыңғы буын өкілдеріне деген құрметтің жарқын көрінісі екенін атап айтты.
Сондай – ақ,&nbsp; ішкі істер органдарының ардагері, Қазақстан Журналистер одағының мүшесі Қазбек Әшірбекұлы өзінің қызметтес ағасы Оразов Оспан Дүйсенбайұлына арнап жыр жолдарын оқыды.&nbsp;
<img src="https://kyzylorda-news.kz/wp-content/uploads/2021/09/whatsapp-image-2021-09-29-at-16.14.33.jpeg" alt="" />
<img src="https://kyzylorda-news.kz/wp-content/uploads/2021/09/whatsapp-image-2021-09-29-at-16.14.34.jpeg" alt="" />

Қылмыскердің қолынан қаза тапқан Оспан Оразовтың атына көше берілді

*<a href="https://kyzylorda-news.kz/ru/obshestvo/">Kyzylorda-news.kz</a>. Қазгидромет 30 қыркүйекке арналған ауа райы болжамын жариялайды*.
Республиканың басым бөлігінде фронтальды бөліктердің әсерінен жауын-шашын болады, еліміздің оңтүстігінде жаңбыр жауады. Республиканың тек батысына және оңтүстік-батысына солтүстік антициклон әсерін тигізеді, осыған байланысты жауын-шашынсыз ауа райы күтіледі.
Республика бойынша жел күшейеді, оңтүстік-шығысында шаңды дауыл, солтүстігінде және орталығында тұман, көктайғақ күтіледі, күндіз шығысында және оңтүстік – шығысында найзағай болады.
Қызылорда облысының орталығында жел 15-20 м/с күшейеді.

30 қыркүйекке арналған ауа райы болжамы

Kyzylorda-news.kz. Бүгін “Жастар” орталығында облыс әкімдігі жанындағы жастар ісі жөніндегі кеңестің кеңейтілген отырысы өткізілді.
Кеңес жұмысын аймақ басшысы Гүлшара Әбдіқалықова жүргізіп, жастар контингентін алаңдататын негізгі мәселелерді талқылап, ұсыныс-пікірлерін тыңдады.
Алдымен өңір басшысы жастардың идеясынан туындаған бірқатар жобалар топтастырылған көрмені аралап көрді. Өңірдің ерекше жастары әкімге «Dream liner» жобасын, виртуалды нұсқадағы «Садақшы» ойыны, «Электронды кітапхана жүйесі» жобалары таныстырылды. Сонымен бірге Арал ауданынан келген жас кәсіпкердің «Көкарал» консервіленген балық өнімі» таныстырылды.
Аймақ басшысы идеялы жастардан жобалардың тиімділігі мен оның аясын кеңейту туралы пікірлесіп, өңір үшін қажетті бастамаларға әрдайым қолдау барын тілге тиек етті.
Мұнан кейін облыс әкімі күн тәртінбіндегі қолжетімді және сапалы білім беруді қамтамасыз ету, жастардың ғылыми-техникалық әлеуетін дамыту және жастар арасында кәсіпкерлікті дамыту, стартап жобаларын қолдау мәселелерін қарады.
Отырысқа облыс әкімінің орынбасары Серік Ахмет, қала әкімі Ғанибек Қазантаев, облыстық басқарма басшылары, қоғамдық ұйым жетекшілері мен жастар ұйымының өкілдері, еріктілер қатысты.
Кеңейтілген жиында облыстық білім басқармасы басшысының міндетін атқарушы Бағдат Бердәулетов қолжетімді және сапалы білім беруді қамтамасыз ету бағытындағы негізгі басымдықтарға тоқталып, атқарылған жұмыстарды тізбеледі.
Баяндамадан соң жастар білім мәселесіндегі проблемаларды көтерді. «Jas Оtan» Жастар қанаты» Қызылорда облыстық филиалының төрағасы Медет Жорабек студент жастардың жатақханалардың жағдайы, ауылдан келетін студенттерді орынмен қамту мәселесін ортаға салды. Өзекті ұсынысты сарапқа салған облыс әкімі ұлттық бірыңғай тестілеуге қатыспаған шекті балл жинай алмаған түлектерді қайта оқытудың жоспарларын әзірлеп, колледждердегі жатақханалардың жағдайына мониторинг жүргізіп, бір ай мерзімінде нақты ұсыныспен келу туралы тапсырма жүктеді.
Кеңесте жастар кәсіпкерлігін жандандыру мен стартап жобаларды дамыту жайы сөз болды. Облыстық кәсіпкерлік және туризм басқармасының басшысы Фердоуси Қожабергенов жаңа идеяларға негізделген жобаларды қолдау және кәсіп бастауға мүмкіндік беретін мемлекеттік бағдарламалардың нәтижесіне тоқталды. Мәселен, жыл басынан бері 8612 жас жұмыспен қамтылса, оның 3805-і тұрақты жұмысқа орналасты. Ал, «Жас кәсіпкер» жобасы бойынша 123 жасқа шағын несие беріліп, 94 азамат өз кәсібін ашты. Мұнан бөлек, жаңа бизнес идеяларды жүзеге асыруға 800 жасқа 200 айлық есептік көрсеткіш көлемінде гранттар берілді.
Жиында «Қорқыт Ата атындағы Қызылорда университетінің» «Рекрутинг орталығының» жетекшісі Жандос Оразмаханов бизнес секторында жастардың үлесін арттыру үшін көршілес Өзбекстанның тәжірибесін зерттеп, оны іске асыру қажеттігін ұсыныс ретінде жолдады.
Сонымен бірге кәсіпкер жастарды оқыту және стартап жобаларға инвестор тарту мәселесін көтерді. Сондай-ақ Сыр мақтаныштары Мұхтар Ниязов пен Элизабет Тұрсынбаева сөз алып, мемлекет тарапынан жастарды қолдау шараларының қарқыны жоғары екенін тілге тиек етіп, әрбір жас ел мүддесі үшін қызмет етуі қажет екенін қаперге салды.
Кеңестің күн тәртібіндегі мәселелері қаралғаннан кейін облыс әкімі түрлі бағыттар бойынша қызмет етіп жүрген жастардың ойын тыңдап, ашық пікірлесті. «Жылы жүрек жастар» ҚБ-нің жетекшісі Сағатбек Сиюов мүмкіндігі шектеулі жастардың қоғамдық орындарында еркін қозғалуы, пандус мәселесін көтерсе, ІТ саласының маманы Евгений Демиденко жастардың қаржылық сауаттылығын көтеру, кибербуллинг мәселелеріне тоқталды. Ал, «Кітап құрттары» жас оқырмандар клубының жетекшісі Талғат Меңдібаев гуманитарлық бағыттағы 100 кітап жобасы аясында жаңа туындыларды жастарға оқыту, отбасылар арасында кітап оқу сайыстарын ұйымдастырып, қала аумағында кітап бұрыштарын қою қажеттігін атап өтсе, «Aslan Films Orda» киностудиясының директоры Жасұлан Алдабергенов аймақтағы киноиндустрияны дамыту, әлеуметтік роликтерді түсіруге қажетті арнайы кешенді жұмыстарды қолға алуды ұсынды. Ал, “Дарын” жастар сыйлығының лауреаты, кәсіби жыршы-термеші Күнсұлу Түрікпен жыраулық дәстүрді насихаттау және жас өнерпаздарды ұлттық өнерге жетелейтін жобаларды іске асыруға шақырды.
Кеңейтілген отырыста жастарды баспанамен қамту мәселесі тыс қалмады. «Жастар ресурстық орталығы» КММ-нің директоры Асқар Құрмаш жұмыс жасайтын жастар мен жас отбасыларға арналған өңірлік тұрғын үй бағдарламасын әзірлеу қажеттігін айтып, жастардың түрлі ұсыныстары негізінде өтетін іс-шараларды жаңа мазмұнда өткізу үшін жоспарлы қадамдарға дайын екендігін жеткізді.
Жастардың ұсыныс-пікірлерін саралаған облыс әкімі Гүлшара Әбдіқалықова басқосуда көтерілген мәселе әртүрлі санаттағы жастардың ортақ проблемасын шешуге мүмкіндік беретінін алға тартып, бірқатар бағыттар бойынша сала басшыларына тапсырмалар берді.
<blockquote>
 Бүгінде облыс халқының төрттен бір бөлігін жастар құрайды. Бүгін бірқатар мәселелер бойынша ашық пікірлерді естідім. Жан-жақты қарап, зерделеп, тиісті жұмыстарды үйлестіретін боламыз. Осы ретте, жастарды баспанамен қамту бағытында салаға жетекшілік жасайтын орынбасарыма, облыстық құрылыс, сәулет және қала құрылысы басқармасы, Қызылорда қаласы әкімдігімен бірлесіп, өзге өңірлер тәжірибесін зерттей отырып, өңірлік бағдарлама әзірлеу бойынша ұсыныс енгізуді тапсырамын, – деді облыс әкімі.
</blockquote>
Жастар кеңесінің соңында облыс әкімі аймақ дамуына үлесін қосып жүрген жастарды марапаттап, ықыласын білдірді. Атап айтқанда, Қызылорда облысының Құрмет Грамотасы Элизабет Тұрсынбаеваға табысталды. Облыс әкімінің Алғыс хатымен – Мұхтар Ниязов, Күнсұлу Түркпен, Евгений Деминенко, Сағатбек Сиюов, Елена Пак және Әлібек Ізбасаров мапаратталып, құрмет төрінен көрінді. Сондай-ақ, аймақ басшысы «Жастар ресурстық орталығына» бейнекамераны тарту етті.
Шара соңында өңір басшысы аймақтың белсенді жастарына ризашылығын білдіріп, еңбектерін бағалайтындығын жеткізді.
Айта кетейік, жыл басынан бері әкімдік жанындағы “Жастар істері жөніндегі Кеңес» 15 жиын өткізіп, әр түрлі бағыттағы 50-ге жуық мәселе қараған.
<img src="https://kyzylorda-news.kz/wp-content/uploads/2021/09/img-20210929-wa0120.jpg" alt="" />
<img src="https://kyzylorda-news.kz/wp-content/uploads/2021/09/img-20210929-wa0114.jpg" alt="" />
<img src="https://kyzylorda-news.kz/wp-content/uploads/2021/09/img-20210929-wa0121.jpg" alt="" />
<img src="https://kyzylorda-news.kz/wp-content/uploads/2021/09/img-20210929-wa0115.jpg" alt="" />
<img src="https://kyzylorda-news.kz/wp-content/uploads/2021/09/img-20210929-wa0116.jpg" alt="" />
<img src="https://kyzylorda-news.kz/wp-content/uploads/2021/09/img-20210929-wa0117.jpg" alt="" />
<img src="https://kyzylorda-news.kz/wp-content/uploads/2021/09/img-20210929-wa0122.jpg" alt="" />

Гүлшара Әбдіқалықова: Баспанамен қамту бағытында өңірлік бағдарлама әзірлеу бойынша ұсыныс енгізуді тапсырамын

<a href="https://kyzylorda-news.kz/ru/obshestvo/">Kyzylorda-news.kz</a>. Қызылордалық полицейлер бірнеше пәтер ұрлығына қатысы бар деген &nbsp;күдікпен 22 жастағы қала тұрғынын қолға түсірді. &nbsp;&nbsp;
22 жастағы жұмыссыз қызылордалық &nbsp;қала аумағында орналасқан 7 үйді тонаған. Ол үй &nbsp;иелерінің жұмыста болғанын &nbsp;пайдаланып, қымбат үлгідегі телефондарын, велосипед, алтын бұйымдарды, тұрмыстық техникаларды және үй иелеріне тиесілі ақшаларды қолды еткен. Ақыры&nbsp; ақшаны&nbsp; жұмсап, ұрлаған дүниелерді сатып, алтындарды ломбардқа өткізген.&nbsp;&nbsp;
&nbsp; Пәтер ұрысы кінәсін&nbsp; толық мойындады.&nbsp; Оның айтуынша,&nbsp; ұрлыққа түспес бұрын толықтай пәтерлерге барлау жұмыстарын жүргізген. Әр үйге әр түрлі жолдармен кірген.&nbsp; Біреуіне пластик терезені күштеп ашса, біреуіне ашық тұрған пәтер, үй есіктеріне жасырын түрде &nbsp;кірген.
<blockquote>
 «Бұл дерек&nbsp; бойынша Қазақстан Республикасы Қылмыстық кодексінің 188-бабының 3-бөлігінің 3-тармағы (Ұрлық, тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) бойынша сотқа дейінгі тергеп – тексеру амалдары жүргізілуде.&nbsp; Мұндай әдіспен жасалған ұрлық үшін күдікті 3-7 &nbsp;жылға дейін бас бостандығынан айырылуы мүмкін», – делінген полиция департаментінің таратқан хабарламасында.&nbsp;
</blockquote>
Полиция қызметкерлері&nbsp; күдіктінің басқа да&nbsp;осыған ұқсас&nbsp;қылмыстарға қатыстылығын&nbsp; тексеруде. Бұдан бөлек, күдіктінің сыбайластары&nbsp;бар-жоғы&nbsp;анықталып&nbsp;жатыр.

7 пәтерді тонаған қызылордалық тұрғын қолға түсті

<a href="https://kyzylorda-news.kz/ru/obshestvo/">Kyzylorda-news.kz</a>. Байзақ ауданында болған төтенше жағдай салдарынан қаза тапқан әскерилер мен құтқарушылардың отбасына тиісті барлық әлеуметтік көмек көрсетіліп жатыр. Бұл туралы Жамбыл облысының әкімі Бердібек Сапарбаев өңірлік коммуникациялар қызметі алаңында өткен брифингте айтты, деп хабарлайды ҚазАқпарат.
Аймақ басшысы ҚР Президенті Қасым-Жомарт Тоқаевтың тапсырмасына сәйкес, марқұмдардың және олардың отбасыларының банктегі, қаржы ұйымдарындағы берешектерін өтеу бойынша жұмыстар жүргізілгенін жеткізді.
<blockquote>
 «Үкімет, ҚР Қаржы нарығын реттеу және дамыту агенттігі Жамбыл облысының әкімдігімен, банктермен және өзге де қаржы ұйымдарымен бірлесіп қаза тапқандар отбасыларының борыштық жүктемесін азайту жөнінде шаралар қабылдады. Банктермен, микроқаржы ұйымдарымен және коллекторлық агенттіктермен жүргізілген жұмыс нәтижесінде қайтыс болған қарыз алушылар мен қалған жесірлердің берешектерін толық көлемде есептен шығару жөнінде бірыңғай шешім қабылданды. Бүгінгі таңда 47 қарыз бойынша барлық берешек өтелді»,- деді Б. Сапарбаев.
</blockquote>
Бұдан бөлек қаржылай түрде көмек көрсетілген.
Атап айтсақ, Мемлекеттік әлеуметтік сақтандыру қоры және республикалық бюджет қаражаты есебінен 14 отбасына асыраушысынан айырылу бойынша 76-мыңнан 260 мың теңгеге дейінгі ай сайынғы жәрдемақы тағайындалды.
Қазан айынан бастап белгіленген бұл жәрдемақының мөлшері отбасы асырауындағы адам санына қарай төленеді.
<blockquote>
 «Үкіметтік қордан қаза тапқандардың әр отбасына 10 миллион теңгеден қаржылай көмек көрсетуге жалпы 170 миллион теңге сомасында қаражат бөлінді. Сол секілді, облыстық бюджет (әрбір отбасына 5 миллион теңге) есебінен материалдық көмек көрсетуге 85 миллион теңге қаралды. Бұл қаражат толық көлемде қаза тапқандардың шотына аударылды»,- деді облыс әкімі.
</blockquote>
Қызметтік міндетін орындау кезінде қаза тапқан әскерилердің соңғы атқарған лауазымы бойынша еңбекақысына байланысты бес жылдық ақшалай қамтылым мөлшерінде мұрагерлеріне біржолғы өтемақы төлеу жүргізілетін болады.
<img src="https://www.inform.kz/radmin/fotofiles/a/2021/09/29/2109291642424900g.jpg" alt="" />

Жамбылда жарылыстан қаза тапқандардың бүкіл несиесі жабылды

<a href="https://kyzylorda-news.kz/ru/obshestvo/">Kyzylorda-news.kz</a>. Республика аумағындағы өтіп жатқан «Қарасора-2021» арнайы жедел-профилактикалық іс-шарасы барысында&nbsp; ағымдағы жылдың Арал ауданы Жеңішкеқұм ауылынан 100 шақырым жердегі есірткі алқабынан Қызылорда қаласының 35 және 58 жастағы тұрғындары 2479 түп сора өсімдігін өсіріп баптағаны үшін қылмыс үстінде айғақты заттарымен қоса құрықталды.
Аталған дерек бойынша Қазақстан Республикасы &nbsp;Қылмыстық кодексінің 300-бабының 2-бөлігі бойынша сотқа дейінгі тергеп-тексеру амалдары жүргізілуде.
Бұдан бөлек, тергеп-тексеру нәтижесінде қылмыстық топ мүшелерін азық-түлікпен және қаржылай көмек көрсеткен Қызылорда қаласының 39 және 42 жастағы тұрғындары, яғни қылмыстық топ басшыларының қылмыстық іс-әрекеттері дәлелденіп, топ басшылары уақытша ұстау абақтысына қамалды.
<img src="https://kyzylorda-news.kz/wp-content/uploads/2021/09/whatsapp-image-2021-09-28-at-17.30.37.jpeg" alt="" />

Арал ауданында ірі мөлшердегі есірткі алқабы анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Аймақта бірқатар карантиндік талаптар жеңілдетіліп, азаматтардың қалыпты өмір сүруіне тиісті жағдайлар жасалынуда. Дегенмен коронавирус індеті әлі күнге дейін толықтай жойылған жоқ. Өңірлік коммуникациялар қызметінде өткен баспасөз конференциясында облыстық мамандандырылған сәбилер үйінің дәрігері Нұргүл Скакова өңірдегі эпидахуалға тоқталып, тұрғындарды сақтық шараларын сақтап, індетке қарсы екпе алуға шақырды.
<blockquote>
 “Індеттен сақтанып, қауіпсіздікті барынша арттырудың ең тиімді жолы – оған қарсы екпе салдырып, ұжымдық иммунитет қалыптастыру болып табылалы. Бұл бұрынғы қалыпты өмір сүруімізге және жұқтыру қаупін азайтуға көмектеседі. Ұжымдық иммунитет қоғамдағы вирус айналымының жалпы үлесін азайтады және вакцина ала алмайтын әлсіз топтардың қауіпсіздігін қамтамасыз етуге мүмкіндік береді”, – деді Нұргүл Жанайқызы.
</blockquote>
Ал облыстық психикалық денсаулық орталығының маманы Умида Мирашқызы дертпен күрестегі өзінің тәжірибесімен бөлісіп, індетке қарсы вакцинаның маңыздылығына тоқталды.
<blockquote>
 “Ауру өршіп, дерт дендеген уақытта провизорлық стационарда жұмыс істеп, еңбек өтілі жоғары әріптестеріммен иық тіресе қызмет еттім. Жасыратыны жоқ өкпесі қысылып, ауа жетпеген науқастарды емдеп, оларды ажалдан арашалау оңай міндет болған жоқ. Сын сәтте біз өз қызметімізді жоғары деңгейде атқара алдық деп санаймын. Қазіргі күні облысымыздағы екпе алуға жататын тұрғындардың жетпіс пайыздан астамы вакцина қабылдаған. Ендігі кезекте осы көрсеткішті көбейтіп, ұжымдық иммунитет қалыптастыруға атсалысуымыз қажет. Әр адамның саулығы – өз қолында”, – деді облыстық психикалық денсаулық орталығының маманы.
</blockquote>

Умида Мирашқызы: Ұжымдық иммунитет қалыптастыруға атсалысуымыз қажет

<a href="https://kyzylorda-news.kz/ru/obshestvo/">Kyzylorda-news.kz</a>. «Қазгидромет» РМК 30 қыркүйек пен 2 қазан күндеріне ауа райы болжамын ұсынды.
Кезең басында Қазақстан аумағының көптеген бөлігі циклон ықпалында болады. Республиканың батыс аумағы Мәскеу аудандарынан жылжыған Солтүстік-батыс антициклонының ықпалында тұр. Еліміздің солтүстік, солтүстік-батыс, шығыс, орталығында және оңтүстік-шығыс аудандарда жаңбыр және қар жауады, одан кейін көктайғақ болуы мүмкін. Түнде және таңертең тұман түсуі ықтимал.
<blockquote>
 «1 қазаннан бастап Солтүстік-Батыс антициклонының батыстан шығысқа жылжуымен жауын-шашынның тоқталып, ауа температурасының одан әрі төмендеуі болжанып отыр: солтүстік, шығыс және орталықта 1-6 градус суық, күндіз 2-7 градус жылы болады. Республиканың солтүстік-батысында түнде термометр бағанасы 6 градус аязды көрсетеді, күндіз 3-13 градус жылы болады. Ал оңтүстік аймақта түнде 2 градусқа дейін суық болып, күндіз ауаның температурасы 8-13 градус жылы болады. Еліміздің батысында ғана түнде 3 градус суық – 5 градус жылы болып, күндізгі температура 10-15 градустан 13-18 градусқа дейін көтеріледі», – делінген синоптиктердің хабарламасында.
</blockquote>

Қазақстанда күн суытады

<a href="https://kyzylorda-news.kz/ru/obshestvo/">Kyzylorda-news.kz</a>. Облыс әкімінің өкімімен Қызылорда облысының энергетика және тұрғын үй-коммуналдық шаруашылық басқармасының басшысы лауазымына Жаңабаев Ерлан Мақсотұлы тағайындалды.
Жаңабаев Ерлан Мақсотұлы1983 жылы туған. Атырау мемлекеттік мұнай және газ институтын «инженер-экономист», Қазақстан Республикасы Президенті жанындағы басқару Академиясын «Мемлекеттік цифрлық басқару» мамандықтары бойынша бітірген.
Еңбек жолын 2006 жылы Атырау облысының әкімдігінде бас маман болып бастап, 2007-2011 жылдары Атырау облысының экономика және бюджеттік жоспарлау департаментінде бірнеше бөлімдерді басқарып, облыстық экономика және бюджеттік жоспарлау басқармасы басшысының орынбасары қызметтерін атқарған. 
2011-2015 жылдары – Атырау облысы Махамбет ауданы әкімінің орынбасары, аудан әкімі болған. 
2017-2018 жылдары Қызылорда облысының жолаушылар көлігі және автомобиль жолдары басқармасы басшысының орынбасары; 
2018 жылдың маусым айынан Қызылорда облысының энергетика және тұрғын үй-коммуналдық шаруашылық басқармасы басшысының орынбасары лауазымын атқарып келді.
<img src="https://kyzylorda-news.kz/wp-content/uploads/2021/09/243796086_3753522428084132_3618104288208935138_n.jpg" alt="" />

Басқарма басшысы тағайындалды

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысы ЗК-169/1 тергеу изоляторының шаруашылық бөлімінде 18 сотталған азамат еңбек етуде. Жалпы шаруашылық бөліміндегі жұмыстарға жеңіл түрде қылмыс жасаған сотталғандар өз өтінімі бойынша қалдырылады.
Мекеме әкімшілігі сотталғандарды икем дағдыларына, білімдеріне қарай жұмыспен қамтып отыр. Соның негізінде бүгінгі таңда, бұл сотталғандардың бірі аспазшы, бірі дәнекерлеуші, бірі құрылыс жұмыстарына тартылған.
<blockquote>
 «Менің дәнекерлеші мамандығына алған дипломым бар. Бостандықта жүргенде жеке көлік жөндеу шеберханасында жұмыс жасаған болатынмын. Енді міне сол кәсіби мамандығым бойынша жазамды өтеп жүріп, жұмыс тапқаныма мекеме басшылығы мен өтінішімнің орындалуына себепкер болған жасақ бастығы, әділет аға лейтенанты Н. Ниязовқа алғысымды білдіремін», – деді жазасын өтеуші.
</blockquote>
Келесі бір соталған азамат мекеме аумағындағы жөндеу жұмыстарына тартылған. Жатахана ғимаратының сыртқы жөндеу жұмыстарын ( сылау мен әктеу) ерекше ынтамен атқарды. Еңбек оның ерік-жігерін шыңдап, болашаққа деген үмітке жетелейді.
Сондай-ақ, бас бостандығынан айырылған азаматтардың бұл еңбегі тәрбиелік ықпалмен қатар, жазаны міндеттеушінің бірі болып табылады. Сотталғандарды еңбекке тарту негізінде, қылмыс жасаған кезде келтірілген шығындары мен зардаптарының орнын толтыру міндеттілігі де жатыр. Осы себептермен жыл басынан бері шаруашылық бөліміне қалдырылған 6 сотталған, сот белгілеген шығындарын айлық жалақысынан ұстау барысында толықтай өтеп, төлеп шықты.
<blockquote>
 «Ия, біздің тергеу изоляторындағы еңбек етіп жүрген азаматтардың барлық құқықтары қорғалған. Оларға жалақы төленеді. Зейнетақы қорына ақшалары аударылады. Ал өндірістік жарақат ала қалған жағдайда да көмек көрсетіледі. Сотталғандардың жұмыспен қамтылуы олардың пайдасына шешіліп, тек жақсылыққа бастайды», – дейді АКАӘПТЖ-ның бастығы, әділет капитаны А.Тұрманов.
</blockquote>
<img src="https://kyzylorda-news.kz/wp-content/uploads/2021/09/dsc_0061-scaled.jpg" alt="" />
<img src="https://kyzylorda-news.kz/wp-content/uploads/2021/09/dsc_0071-scaled.jpg" alt="" />

Жазасын өтеушілердің зейнетақы қорына ақша аударылып жатыр

*<a href="https://kyzylorda-news.kz/ru/obshestvo/">Kyzylorda-news.kz</a>. Биыл қылмыстық құқық бұзушылық картасына 2857 қылмыстық іс тіркелген. Олардың басым көпшілігі Қызылорда қаласына тиесілі. Бұл карта 5 жылдан бері жүйелі түрде жұмыс істеп келеді. ҚР Бас прокуратурасының Құқықтық статистика және арнайы есепке алу жөніндегі комитеті жасаған Картаға Қызылорда қаласы, 7 аудан орталығы және облыс аумағындағы 259 елді мекен толық енгізілген. Комитеттің Қызылорда облысы бойынша басқармасының аға прокуроры Әділ Қалыбековтың айтуынша картаны қолдану қоғамдық орындарда қылмыстарды азайтуға мүмкіндік береді.*
Қазір әлемнің көптеген елдерінде қылмыстық істер статистикасы картада бейнеленеді. Дәл осы түрінде бұл ақпаратты қабылдау жеңіл әрі қажетті ақпаратты жылдам алуға, қалалардың, аудандардың қауіпсіздік деңгейін салыстыруға болады. Кез келген адам Комитеттің Qamqor.gov.kz порталына кіріп, барлық қажетті ақпаратты ала алады. Айта кету керек «Qamgor» ақпараттық сервисіне соңғы аптада 46 731 қаралым жасалған.
<blockquote>
 «Картада қылмыс жасалған жер, уақыт пен қылмыс түрі көрсетіледі. Онда қылмыстың 60 түрі көрсетілген. Сонымен қатар аймақтағы қылмыс динамикасын және сол ауданда қылмыс қаншалықты екенін білуге болады. Сонымен қатар полиция жұмысының тиімділігін арттыру мақсатында жергілікті полиция қызметі патруль жүргізу бағыттарын құрудан немесе түзетуде Картаны пайдаланатынын атап өту керек. Осы Картада полицияға немесе басқа да органдарға тиісті шаралар қабылдау үшін арыз беруге болады», – деді Әділ Ыждахатұлы.
</blockquote>
Картада көрсетілген қылмыстық құқықбұзушылықтардың 33% ұрлық қылмыстары (931), 20% алаяқтық қылмыстары құрайды (585). Қылмыстық құқық бұзушылықтарды санаттарына бөліп қарайтын болсақ, онша ауыр емес қылмыстар-429; ауырлығы орташа қылмыстар- 1209; ауыр қылмыстар-793; аса ауыр қылмыстар саны-37. 
Аумақтығы қылмыстың ахуалына қарай аталған картада қызыл, сары, жасыл түске бөлініп көрсетіледі. Сонымен қатар, картадағы сілтемеге кіру арқылы қаладағы және аудандағы учаскелік полициялық бекеттерді және бейне бақылау камерасы орналастырылған жерлерді көруге болады.

Құқық бұзушылық картасы  қылмысты азайтуға мүмкіндік береді

*<a href="https://kyzylorda-news.kz/ru/obshestvo/">Kyzylorda-news.kz</a>. 29 қыркүйекте республиканың басым бөлігінде фронталды бөліктердің әсерінен жауын-шашын болады. Еліміздің орталығында және оңтүстік-батысында жаңбыр жауып, найзағай күтіледі. Республиканың тек батысына ғана солтүстік антициклон әсерін тигізеді, осыған байланысты жауын-шашынсыз ауа райы болжанады.*
Барлық өңірде жел күшейеді, оңтүстікте шаңды дауыл тұрады, солтүстікте және шығыста тұман, солтүстікте көктайғақ, оңтүстікте найзағай болады, деп хабарлайды «Қазгидромет» РМК.
Қызылорда облысының солтүстік-батысында найзағай күтіледі, орталығында 15-20 м/с екпінде жел соғады.

Қазақстан және Қызылорда облысының жаңалықтары: Қоғам