<a href="https://kyzylorda-news.kz/ru/obshestvo/">Kyzylorda-news.kz</a>. Әдiлет органдары халыққа заң қызметін ұсынып, азаматтардың бостандықтары мен мүдделерін қорғайтын бірден бір орган. 2012 жылдан бастап 30 қыркүйекте атаулы сала қызметкерлері төл мерекелерін атап өтіп келеді. Бұл туралы бүгін Өңірлік коммуникациялар қызметінде өткен брифингте облыстық әділет департаментінің басшысы Ирина Бакишева мәлімдеді.
<blockquote>
 «Тарихы тереңде жатқан Әділет органы 1919 жылы құрылып, өзі өмір сүрген жүзден аса жыл ішінде ел өмірінде болған аса елеулі тарихи оқиғалардың бел ортасында болып, саяси, құқықтық және әлеуметтік-экономикалық өмірдегі күрделі өзгерістерге атсалысты. 1920 жылы Әділет халық комиссариаты ретінде құрылса, 1946 жылы Әділет министрлігі болып қайта аталды. Ал, еліміз тәуелсіздік алғаннан соң Әділет органдары үшін жаңа кезең басталды. Әділет министрлігі және оның органдары түбірімен өзгеріп, жаңа сипатқа ие болды. Осылайша, өзінің сан қырлы қызметінің арқасында егеменді мемлекеттің құқықтық саясатын жүзеге асыру ісіне үлес қосып келеді. Бағдарланған міндеттер негізінде еліміздің әділет органдары жаңа кезең талабына орай мемлекеттік құқықтық реформаны қалыптастырып, жұмысын дамытып келеді. 
 Азаматтардың құқықтары мен мүдделерін қамтамасыз етуде Әділет департаментіне жүктелген міндеттерді орындау бойынша жұмыс жалғасын таба бермек. Әділет органдарының өз функцияларын сапалы орындауы, халыққа тиімді қызмет көрсетуі, құқық үстемдігін қамтамасыз етуі, Әділет органдары қызметкерлерінің кәсібиліктері мен күш-жігерлеріне тікелей байланысты. Бүгінгі кәсіби мерекеде әріптестерімді құттықтай отырып, мықты денсаулық, әр отбасына бақ-береке, әділет жолындағы қызметтеріне табыс тілеймін”,-деді сала басшысы Ирина Жұмабайқызы.
</blockquote>
Әділет департаментінің негізгі міндеттерінің бірі – құқықтық көмек пен заңгерлік қызмет көрсетуді ұйымдастыру және құқықтық насихат саласында мемлекеттік саясатты қалыптастыру және іске асыру болып табылады. Бүгінде департамент мемлекеттік қызметтің 12 түрі көрсетеді. Сондай-ақ АХАТ мәселесі бойынша жергілікті атқарушы органдардың қызметтерін әдістемелік қамтамасыз етеді, тіркеуге бақылау және мониторингтеу жұмыстарын жүргізеді және құжаттарға апостиль қояды.

Ирина Бакишева: Әдiлет департаментінде мемлекеттік қызметтің 12 түрі көрсетіледі

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облысының әкімі Гүлшара Әбдіқалықова Халықаралық қарттар күнімен құттықтады.
Біз – қартын қазынам деп білген халықпыз.
Замана алға жылжып, дүние өзгергенімен «Үлкенге – құрмет, кішіден – ізет» деген қалпымызды сақтап келеміз. 
Біріккен Ұлттар Ұйымының Бас Ассамблеясы 1990 жылы 1 қазанды Халықаралық қарттар күні деп арнайы бекіткені белгілі. 
Өткенімізді өшірмей, болашағымызға батыл қадам жасау үшін де өскелең ұрпаққа өнеге боларлық істерімізді жеткізіп, елдің берекелі бірлігі мен тату тірлігі жолында аянбай еңбек еткен ардагерлерді ардақтап, құрмет көрсетудің мәні зор. 
Осы ретте, Тәуелсіздігіне 30 жыл болған еліміздің бастауында тұрған Елбасымыз Нұрсұлтан Әбішұлы Назарбаевпен бірге Сыр еліндегі аға-апаларымыз да мемлекетіміздің, Сыр өңірінің аяғынан тік тұрып, өсіп-өркендеуіне зор үлес қосқанын айтуымыз қажет. 
Кезінде еселі еңбек етіп, ел мерейін өсірген, ізгілікті ісімен, ақыл-парасатымен, адамгершілік қасиеттерімен елге танылған Сыр еліндегі ардақты аға-апаларымыз зейнеткерлікке шықса да, қоғамға қажетті істерге араласып келеді. 
Бүгінде облысымызда 76 мыңнан астам зейнет жасындағы ардагерлеріміз бар. Олардың әлеуметтік мәселелерін біз әрдайым назарымыздан тыс қалдырмаймыз. Осы мақсатта Қызылорда облысында аға буын азаматтарының жағдайын жақсарту жөніндегі 2025 жылға дейінгі «Белсенді ұзақ өмір» іс-шаралар жоспарын қабылдадық. Жоспарға сәйкес егде жастағы азаматтарды әлеуметтік қорғауға бағытталған шаралар жүргізілуде. 
Президентіміз Қасым-Жомарт Кемелұлы Тоқаевтың биылғы Жолдауында айтылған сапалы білім беру, өңірлік саясатты жетілдіру, саяси жаңғыру және адам құқығын қорғау, ұлтты ұйыстырудағы іргелі істерде қазыналы қарттарымыздың алар орны бар. 
Жалпы адамзатқа ортақ қастерлі құндылықтарды жастардың бойына сіңіріп, насихаттауда, өңірдің болашағына әсер ететін әрбір маңызды мәселеде ардагерлеріміз үлгі-өнеге көрсетіп, алдымызда ақылшымыз болары анық. 
Ардақты ағаларым, аяулы апаларым! 
Сіздерге тек қана зор денсаулық, ұзақ ғұмыр, шаңырақтарыңызға құт-береке, амандық тілеймін! 
Еліміз еңселі, Тәуелсіздігіміз мәңгі болсын!

Гүлшара Әбдіқалықова Халықаралық қарттар күнімен құттықтады

<a href="https://kyzylorda-news.kz/ru/obshestvo/">Kyzylorda-news.kz</a>. Аймақ басшысы Гүлшара Әбдіқалықованың төрағалығымен облыс әкімдігінің алқа отырысы өтті. Жиынға облыс әкімінің орынбасарлары, басқарма мен департамент басшылары және онлайн режимде қала, аудан әкімдері қатысты.
Күн тәртібінде екі мәселе қаралды. Бірінші мәселе ретінде Қызылорда облысында жол жүрісі қауіпсіздігін қамтамасыз ету бағытындағы негізгі жағдайлар талданды. Облыстық жолаушылар көлігі және автомобиль жолдары басқармасының басшысы Мұрат Тлеумбетов пен облыстық полиция департаменті бастығының бірінші орынбасары Шамшидин Амитов өңірдегі жол-көлік оқиғаларының деректері мен оқыс жағдайларды болдырмау бағытына тоқталды.
Талдау барысында өткен жылғы жол көлік оқиғасы мен ағымдағы жылдың 8 айындағы жол көлік оқиғаларымен салыстырғанда аса бір төмендеушілік байқалмайтынын көруге болады. Жыл басынан бері 248 жол көлік оқиғасы орын алып, 56 азамат қайтыс болған. Ал, 313 жолаушы жарақат алғаны белгілі болды. Талдау көрсеткендей, жол көлік оқиғаларының басым бөлігі қарсы бағытқа шығу, маневр ережесін бұзу, жылдамдық асыру, арнайы белгіленген жаяу жүргіншілер жолынан өту ережесін бұзу және арақашықтықты сақтамау салдарынан орын алған.
Қазіргі кезде жол көлік оқиғасы жиі орын алатын Сырдария және Жалағаш аудандарының облыс орталығымен байланыстыратын ұзындығы 91 шақырымды құрайтын “Қызылорда-Жалағаш” жолына орташа жөндеу жұмыстары жүргізілуде. Ағымдағы жылы 35 шақырым жол бөлігі жөндеуден өткізілетін болады.
Басқарма басшысының айтуынша, үй жануарларының қараусыз жол үстіне шығу фактілері төмендемей отыр. Ағымдағы жылдың 8 айында 42 жол-көлік оқиғасы тіркеліп, оның салдарынан 29 адам қаза болып, 51 адам әртүрлі дене жарақатын алған.
Мұнымен қоса, жол көлік оқиғаларының себептері зерделеніп, жол жүрісін реттейтін техникалық құрылғыларға 947 рет тексеру өткізіліп, анықталған кемшіліктер бойынша жауапты мекемелерге 1152 нұсқама берілді. Кемшіліктерге жол берген 158 лауазым иелеріне 4 млн. 608 мың айыппұл салынып, 100 % өндірілген.
Мен аудандарға іссапармен жолға шыққан уақытта қараусыз қалған үй жануарларының жол үстіне шығу жағдайларын жиі байқаймын. Мұндай келеңсіздіктерді болдырмау үшін жауапты басшылар жұмыстың жүйелі жүруіне күш салуы керек,-деді облыс әкімі.
Облыс әкімі жол жүру ережелері мен талаптарын сақтау мақсатында бірлескен жұмыстарды жалғастырып, халықты заңсыз тасымалдап, салық төлеуден жалтарып жүрген көлік иелеріне тиісті шара қолдануды тапсырды. Сонымен қатар жол-көлік оқиғаларының алдын алу бағытындағы профилактикалық іс-шараларды жалғастыру қажет екенін айтып, облыс орталығы аумағында автобус аялдамасындағы азаматтардың қауіпсіздігін қамтамасыз ету мақсатында көлік құралдарының соғуын болдырмау үшін жол блокираторлардың болуын қарастыруды жүктеді. «ҚазАвтоЖол» ҰК» АҚ Қызылорда облысы филиалы басшысына республикалық маңызы бар жолдардағы қауіпсіздік шараларын қамтамасыз ету бағытында тиісті шаралар қабылдауды тапсырды. Жиында көтерілген тапсырмалардың орындалу барысы облыс әкімінің орынбасары Серік Сүлейменовтің бақылауында болады.
Күн тәртібіндегі екінші мәселе тұтынушылардың құқықтарын қорғау мәселелеріне арналды. Тұтынушылардың құқықтарын қорғау комитетінің Қызылорда облысы бойынша департаментінің басшысы Ерқасым Сүлейменов негізгі мәселелерді тізбектеді.
Жыл басынан бері департаментке тұтынушылардың құқықтарының бұзылуы туралы барлығы 196 өтініш келіп түскен. Өтініштерді заңға сәйкес қарау қорытындысымен 146-өтініш қанағаттандырылды, 37-өтініш түсіндіріліп, 13-өтініш басқа мемлекеттік органдарға жолданды. Нәтижесінде, тұтынушыларға барлығы 2,1 млн.теңгенің қаражаты қайтарылуына ықпал жасалған.
Аймақ басшысы тұтынушылардың құқықтарын ескеруде нақты мәселелерге мән беріп, тұрғындардың сын-ескертпелерін ескеру қажеттігін атап өтіп, жауапты сала басшысына бірқатар тапсырмалар берді.
<blockquote>
 Тұтынушылардың көтерген мәселелерін заң шеңбері аясында оң шешілуіне көмек көрсетіліп, тұтынушы құқықтарын қорғау бағытында түсіндірме жұмыстар жүргізілу қажет. Сондай-ақ, тұтынушы тұрғындардың үйлерінде орналасқан газ есептеуіш құралын уақытылы жаңартып отыру жөніндегі ескертпе хабарламалар жауапты мекеменің әлеуметтік желілерінде, телеарналарда тұрақты түрде жариялансын. Тапсырмалардың орындалуын бақылау орынбасарым Нұрлан Тілешевке жүктеледі, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/10/243376163_3757861457650229_1066315311868420172_n.jpg" alt="" />
<img src="https://kyzylorda-news.kz/wp-content/uploads/2021/10/243356488_3757861820983526_6085266685032253367_n.jpg" alt="" />

Г.Әбдіқалықова: Жол-көлік оқиғаларын алдын алу салғырттықты көтермейді

*<a href="https://kyzylorda-news.kz/ru/obshestvo/">Kyzylorda-news.kz</a>. Алдағы жылу беру маусымына дайындық жұмыстары қарқынды жүруде. Бүгінде қаладағы жылу желілері сумен толтырылып, жоғары қысыммен сынақтан өткізілуде. Облыста жылу беру уақыты екі аптадан кейін басталмақ.*
Бұл жөнінде Өңірлік коммуникациялар қызметінде өткен баспасөз конференциясында облыстық энергетика және тұрғын үй-коммуналдық шаруашылық басқармасы басшысының орынбасары Ерлан Жоламанов мәлімдеді.
<blockquote>
 “Биылғы жылы қазандықтар мен турбогенераторларға күрделі жөндеу жұмыстары жүргізілді. Алдағы жылу беру маусымына дайындық жұмыстары қала және аудан әкімдерімен бекітілген шараларға сәйкес жүруде. Оның ішінде “Қызылорда электр тарату тораптары” АҚ бойынша жалпы көлемі 1,1 шақырым болатын әртүрлі кенеудегі электр желілеріне күрделі жөндеу көзделген болатын. Қазіргі таңда аталған жұмыстар 100 пайызға орындалды. Сонымен қатар, Қызылжарма ауылдық округінде тұрғындар өз бетінше жүргізген электр желілеріне құрылыс жұмыстары басталды. Келесі жылы Титов және Арай шағын аудандарындағы электр желілерін құрылысын жүргізу жоспарда бар. Әлеуметтік нысандар бойынша жоспарланған 527 білім беру мекемелері мен 288 мәдениет және 247 денсаулық сақтау нысандары 100 пайыз дайын деп айта аламыз. Ал көмір бағасын бірқалыпты ұстау үшін әкімдік пен көмірді сатумен айналысатын өңірлік операторлар арасында меморандум жасалды”,- деді Ерлан Ералыұлы.
</blockquote>
Облыста 186,8 шақырым жылу желілері бар болса оның 40 пайызының тозығы жеткен. Биыл осы бағытта “ҚЖЭО” МКК инвестициялық бағдарламасы аясында кәсіпорын өз қаражаты есебінен жылу құбыларын толығымен ауыстырды.
<blockquote>
 “Осы жылдың 10 қыркүйектен бастап магистралдық және кварталаралық жылу құбыларына сынақ жұмыстары толығымен жүргізілді. Жылу желілеріндегі желілік су салқан айналымға қойылды. Қала бойынша орталықтандырылған жылу жүйесіне 1 538 нысан қосылған.Жалпы саны 350 көпқабатты тұрғын үйде жылу есептегіш құралдары орнатылған” , -деді “Қызылорда жылу электр орталығы” МКК директоры Наурыз Сатханов.
</blockquote>

Қызылордаға жылу қашан беріледі?

<a href="https://kyzylorda-news.kz/ru/obshestvo/">Kyzylorda-news.kz</a>. Қазгидромет 1 қазанға арналған ауа райы болжамын жариялайды.
Мәскеу аудандарынан жылжып жатқан солтүстік-батыс антициклонның ықпалынан батыс және оңтүстік аймақтарды қоспағанда, ҚР аумағының басым бөлігі әлі де өтіп бара жатқан циклон жырасының ықпалында болады.
Еліміздің солтүстігінде, солтүстік-батысында, орталығында және оңтүстік-шығыстың таулы аудандарында жаңбыр мен қар түрінде жауын-шашын жауады, олар көктайғақ құбылыстарымен бірге болады. Еліміздің оңтүстігі мен солтүстігінде жел күшейіп, түңгі және таңғы сағаттарда тұман күтіледі.

1 қазанға арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қызылордада «Учаске» жедел – профилактикалық іс шарасы 01 қыркүйек пен 01 желтоқсан аралығында өткізілуде. Жүргізіліп жатқан жедел-профилактикалық іс-шараларға 284 – ден астам полиция қызметкері жұмылдыруда.
&nbsp;Іс-шараның 1 ай мерзімінде 7550 көп қабатты үйлердің пәтерлері мен 8535 жеке меншік үйлер тексеріліп, тұрғындармен танысу, визитка тарату жұмыстары жүргізілуде. Сонымен бірге, көпқабатты үйлерде жалға берілетін 148 пәтер тексерілумен қамтылып, 7 пәтер заңсыз жалға берілетіні анықталып, тексеру жүргізу мақсатында мемлекеттік кірістер басқармасына хаттар жолданды. Сондай-ақ, қалаға қарасты саяжай алқаптары, ауылдық жерлер мен елді-мекендердегі қыстақтар мен шаруа қожалықтары, құрылыс объектілері, оның ішінде тоқтатылған және тасталған объектілер, шатырлар, жертөлелер, канализациялық құдықтар мен өзге де орындар тексерумен қамтылып отыр.
Басқарманың әр түрлі санаттағы профилактикалық есебінде тұратын 1141 тұлға мекен-жайлары бойынша тексеріліп, олармен құқық бұзушылықтың алдын алу барысында профилактикалық әңгіме жүргізілді.
Іс-шара барысында, учаскелік полиция инспекторларымен 935 әкімшілік құқық бұзушылықтар анықталды.
Қызылорда қаласында аңшы мылтығы бар 151 2 қару иелері тексеріліп, қаруды сақтау ережесін бұзған 5 азамат әкімшілік жауапкершілікке тартылып, 3 аңшы мылтығы тәркіленді. Тұрғылықты мекен-жайлар жоқ азаматтарды, шетел азаматтардың көші-қон ережесін бұзу, тыйым салынған заттарды сақтау фактілерін анықтау бойынша жұмыстар жүргізіліп, іс-шара күнделікті өз жалғасын табуда.

«Учаске»: 935 қызылордалыққа хаттама толтырылды

<a href="https://kyzylorda-news.kz/ru/obshestvo/">Kyzylorda-news.kz</a>. 2021 жылдың 29 қыркүйектегі қалалық сайлау комиссиясының шешіміне сәйкес Ахетов Еркін Абдрайханұлы Қарауылтөбе ауылдық округінің әкімі қызметіне сайланды.
Бұған дейін Қарауылтөбе ауылдық округінің әкімі болған Сейілбек Таймановтың басқа қызметке ауысуына байланысты қалалық сайлау комиссиясының қаулысына сәйкес Қарауылтөбе ауылдық округі әкімінің сайлауы 26 қыркүйекке тағайындалған. Өз елінің, туып-өскен жерінің көркеюіне үлес қосар азаматтарды таңдауға қала бойынша бірінші болып Қарауылтөбе ауылдық округінің тұрғындары мүмкіндік алды. Сайлау қорытындысымен үміткер, осы ауылдың тумасы Ахетов Еркін Абдрайханұлына сайлаушылардың басым бөлігі дауыс беріп, кандидатурасы қолдау тапты.
Осыған орай бүгін шаһар басшысы Ғанибек Қазантаев ауыл тұрғындарымен кездесіп, жаңадан сайланған ауыл әкімін таныстырды.
Еркін Абдрайханұлы 1973 жылы Қызылорда қаласы, Қарауылтөбе ауылдық округінде дүниеге келген. Жоғары білімді. 2007 жылы Қорқыт Ата атындағы Қызылорда мемлекеттік университетін «Экология және биология пәнінің мұғалімі, эколог» мамандығы, 2020 жылы Болашақ университетін «Құқықтану» мамандығы бойынша бітірген. 
Еңбек жолын 1991 жылы «Қарауылтөбе» тәжірибе шаруашылығының малшысы ретінде бастаған. 2005-2008 жылдары Қызылорда облысының Статистика басқармасының маманы, 2010-2014 жылдары Қарауылтөбе ауылдық округі әкімі аппаратының бас маманы, 2017-2018 жылдары Қызылорда облысының табиғи ресурстар және табиғат пайдалануды реттеу басқармасының маманы, 2018-2019 жылдары Қызылорда облыстық орман шаруашылығы және жануарлар дүниесі аумақтық инспекциясының бас маманы, 2019-2021 жылдары Қызылорда облыстық орман шаруашылығы және жануарлар дүниесі аумақтық инспекциясы, балық шаруашылығы бөлімінің бас маманы, 2021 жылдың наурыз айынан бастап Қазақстан Республикасы Экология, геология және табиғи ресурстар министрлігінің «Балық шаруашылығы комитеті» Арал-Сырдария облысаралық бассейндік балық шаруашылығы инспекциясының бас маманы қызметін атқарып келді.
Қала әкімі Ғанибек Қонысбекұлы жаңа әкімнің қызметіне сәттілік тілеп, алдағы уақытта ауыл тұрғындарының сенімдерін ақтап, осы аймақтың одан әрі өсіп өркендеуіне аянбай еңбек етіп, әкімдік алдындағы міндеттерді нақтылап, елмен етене жұмыс істеуді тапсырды.

Қарауылтөбе ауылдық округіне жаңа әкім сайланды

*<a href="https://kyzylorda-news.kz/ru/obshestvo/">Kyzylorda-news.kz</a>. Бүгін «Nur Otan» партиясы облыстық филиалында республикалық ауған соғысы ардагерлері ұйымдары Орталық Кеңесінің ел тәуелсіздігінің 30 жылдығына арналған конференциясы өтті.*
Жиынға еліміздің барлық өңірлеріндегі ауған соғысы ардагерлері ұйымдарының өкілдері қатысып, тәуелсіздік жылдарында қалыптасқан барша қазақстандықтарды біріктіретін және елдің баянды болашағына берік іргетас қалайтын басты құндылықтарды сақтау мен кейінгі ұрпаққа дәріптеу турасында ой бөлісті. Олар қазіргі бейбіт заманның өзінде де жер шарының бір бұрышында соғыс өрті лаулап, онда жазықсыз жандардың мерт болып жатқанын тілге тиек етіп, кейінгі ұрпақты Отанды сүюге, қазақ елінде туып-өскендерін мақтан тұтатындай етіп, патриоттық рухта тәрбиелеуде ортақ мүделлі екеніндіктерін алға тартты.
Жиында «QAZAQSTAN ARDAGERLERI» ассосациясының төрағасы, ҚР Парламенті Мәжілісінің депутаты, Мәжілістегі «Nur Otan» партиясы фракциясының мүшесі Бақытбек Смағұл сөз алып, Қазақстанның тарихындағы барлық жетістіктері, қазақ халқының егеменді заманда жаңаша ерекше өрлеуі, рухани-экономикалық өркендеуі, әлемдік қоғамдастық пен дүние жүзінің дамыған озық мемлекеттерімен терезесі тең, дәулетті елдермен бірдей қарым – қатынас жасау жетістіктеріміздің барлығының алтын бастауы – мемлекеттің Тәуелсіздігінде екенін атап өтті.
<blockquote>
 «Біз үшін Тәуелсіздік – ең қастерлі ұғым. Біз бүгінгі барлық жетістіктерімізге Тәуелсіздіктің арқасында қол жеткіздік. Тәуелсіздік, Мәңгілік ел, бірлік және өркендеу – біздің асыл мұраттарымыз. Оған қол жеткізуде ардагерлеріміздің рөлі мен қызметі айрықша маңызға ие. Сондықтан, елдегі барлық ардагерлер ұйымдары ұлтқа қызмет етудің ұлағатты үлгісіне айналып, ізгілікті істің бір үйлестіруші орталығына айналуға тиіс. Орталық кеңестің бүгінгі конференциясы біздің бәрімізді ортақ мақсат-мүддеге жұмылдырып, жігерлендіріп, ілгері жетелей түсері сөзсіз»,-дейді Бақытбек Смағұл.
</blockquote>
Жиында сондай-ақ, ардегерлердің әлеуметтік жағдайын жақсарту бағытындағы ортақ мәселелер де сөз болып, талқыға салынды. Атап өтейік, Ауғанстандағы соғысқа 22 259 қазақстандық қатысса, олардың 800-ге жуығы Сыр өңірінен. Бүгінде өңірде Ауған соғысының 600 – ге жуық ардагері бар.
<img src="https://kyzylorda-news.kz/wp-content/uploads/2021/09/243390876_1249789438766897_5320847784948861826_n.jpg" alt="" />
<img src="https://kyzylorda-news.kz/wp-content/uploads/2021/09/243682288_1249747852104389_8353235359787138457_n.jpg" alt="" />

Республикалық Ауған соғысы ардагерлері ұйымдарының  конференциясы өтті

<a href="https://kyzylorda-news.kz/ru/obshestvo/">Kyzylorda-news.kz</a>. Бүгін облыс әкімі Гүлшара Әбдіқалықова Қазақстан Республикасы Парламенті Мәжілісінің депутаты, «Qazaqstan Ardagerleri» қауымдастығының төрағасы Бақытбек Смағұлмен кездесті. Жиынға «Ауғанстан және жергілікті соғыстар ардагерлері» одағының төрағасы Шәріпбай Өтегенов, Қызылорда облысының «Ауған соғысының ардагерлері одағы» қоғамдық бірлестігінің төрағасы Қайраддин Баймаханов, Қызылорда облысының «Ауған соғысының ардагерлері мен мүгедектерінің кеңесі» қоғамдық бірлестігінің төрағасы Жарас Оспанов қатысып, бірқатар маңызды мәселелерді талқылады.
<blockquote>
 «Биыл Тәуелсіздігіміздің 30 жылдығы, сондай ақ, Кеңес әскерлерінің Ауғанстан аумағынан шығарылғанына 32 жыл толып отыр. Ауған соғысына қатысып, бүгінгі бейбіт күні елге болсын деп қызмет жасап жүрген ардагерлеріміз қашанда құрметке лайық. Олардың ғибратты ғұмырын көпке үлгі, өскелең жас ұрпаққа өнеге ету біздің басты мақсатымыз. Сіздерге, ерлік пен елдік сынға түскен сәтте Отан алдындағы әскери антына адалдық танытып, ел намысын қорғаған жауынгерлердің ерлігін ұлықтап, жастардың бойына патриоттық сезімнің қалыптасуына қосқан үлестеріңіз үшін Сыр жұртшылығының атынан алғыс білдіремін», – деді Гүлшара Әбдіқалықова.
</blockquote>
Кезедсуде Бақытбек Смағұл көрсетілген құрметке ризашылығын білдіріп, Ауған соғысы ардагерлері жастарға отаншылдық рухпен ерліктің үлгісін көрсетуге мүдделі екенін және бірлесе жұмыс атқаруға дайын екенін айтты. 
Ал, Шәріпбай Өтегенов аудан соғысы ардагерлеріне қаралған әлеуметтік көмекті ұлғайту бойынша ұсыныстарын жеткізді.
Облыс әкімі көтерілген мәселелер алдағы уақытта кезең-кезеңімен қаралатынын айтып, «Қазақстан ардагерлері» қауымдастығының бастамасымен ұйымдастырылған «Республикалық ауған соғысы ардагерлері ұйымдарының орталық кеңесінің ҚР Тәуелсіздігінің 30 жылдығына» арналған конференция жұмысына сәттілік тіледі. 
Еске салайық, Ауған соғысына елімізден 22 мың сарбаз қатысса, оның 942-і туған жерге оралмады. Сыр өңірінен 827 адам аттанып, оның 18-і Ауған жерінде ажал құшты. Бірқатары мүгедек болып елге оралды.
<img src="https://kyzylorda-news.kz/wp-content/uploads/2021/09/244030962_3757219454381096_8803212921338465021_n.jpg" alt="" />

Аймақ басшысы ауған соғысы ардагерлерімен кездесті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін – бүкіләлемдік теңіз күні. Айтулы күнді БҰҰ 1978 жылы теңіздер алқабын қорғау мақсатында қабылдаған. Басты мүдде халықаралық қоғамдастықтардың шектен тыс балық аулау мен суаттарды және теңіз суының мұнайдан ластанудың алдын алу үшін назарын аудару.
Әлемде 30 теңіз бар, оның екеуі біздің елімізде орналасқан: Арал және Каспий теңізі. Бүгінде Каспий әлемдегі шаруашылық маңызы зор ең ірі тұйық су алабы. Атырау облысы Каспий теңізінің солтүстік шығыс жағалауында орналасқан. Теңізге құятын өзендер мен қоректік заттың мол тасымалдануына байланысты Каспий теңізі түрлі балыққа бай, итбалық та көп кездеседі. Каспийде өсімдіктердің 500 түрі, балық пен жануарлардың 769 түрі мекендейді. Оның ішінде әлемде сирек кездесетін бағалы Құртпа балығы да бар. Бекіре тәріздес дүниежүзілік өнімнің 90%-і Каспий теңізінен ауланады.Теңізден мұнай өндіру мен жосықсыз балық аулау және ластанған суларды теңізге төгудің салдарынан экологиялық ахуал біршама нашарлаған.
1960 жылға дейін Арал теңізі көлемі бойынша әлемдегі төртінші ағыссыз тұйық көл-теңіз болған. Теңіздің орташа көпжылдық деңгейі 1911 жылдан 1960 жылға дейін 53,0 (абс) м белгіде тұрды.
1960 жылдардың басында ирригация мұқтажына ағынды суды қайтарымсыз алудың нәтижесінде теңізге өзен суларының ағып келуі едәуір азая бастады. Осының себебінен теңіздің су және тұзды теңгерімі мен гидрохимиялық режимі күрт бұзылды. Теңіз деңгейінің тез төмендеуі, суының тұздылығының артуы, оның ауданы мен көлемінің азаюына әкеліп соқтырды.
Солтүстік Арал теңізіндегі су көтеру бөгеті САРАТС жобасы аясында салынған. 
Жалпы САРАТС жобасының бірінші кезеңі сәтті өтті. Ия, бұрынғы Арал енді болмайды, тек Қазақстандық бөлігі ғана толады.
Кіші теңізді жапқаннан кейінгі бір жылдың ішінде балық аулау шамамен 4 есеге өсті және 1,6 мың тоннаға жетті. Қазірдің өзінде теңізде балықтың 13 түрі өсірілуде. Бұл судың тұздылық деңгейінің төмендегенін көрсетеді. Ақлақ су торабының аяқталуы жергілікті халыққа балық аулаумен ғана айналысып қоймай, мал басын едәуір арттыруға да мүмкіншілік жасады. Себебі жаңа су торабы көлдердің, шабындық пен жайылымдардың көлемін көбейтуге мүмкіндік туғызды.
Зейнулла ҚАЗТОҒАНОВ,
Су ресурстарын пайдалануды реттеу және қорғау жөніндегі Арал-Сырдария бассейндік инспекциясының бөлім басшысы
<img src="https://kyzylorda-news.kz/wp-content/uploads/2021/09/243413093_1382019448860230_489846325265392388_n.jpg" alt="" />

Зейнулла Қазтоғанов: Кіші теңізді жапқаннан кейін балық аулау 4 есеге өсті

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстан Республикасы бәсекелестікті қорғау және дамыту агенттігінің Қызылорда облысы бойынша департаменті мен «Гежуба Шиелі Цемент» ЖШС-нің қатысумен «Цементті өндіру және өткізу нарығындағы мәселелері» тақырыбында «Open Space» кеңсе отырысы өткізілді.
<blockquote>
 «Қазіргі таңда облыс бойынша цемент бағасы өткен жылымен салыстырғанда біршама өскен. Бұл өңірде тауарлық бетон, құрылыс компаниялары салып жатқан үйлердің де бағаларының өсуіне әкеп соғып отыр. Сондай-ақ, баға өсу жағдайы әсіресе халықтың наразылығын тудырып жатыр. Сондықтан аталған компанияның басшылығына өз ұсынысымызды жеткізіп отырмыз», – дейді департамент басшысы Е.Орынбаев.
</blockquote>
Бас қосуда «Гежуба Шиелі Цемент» ЖШС-нің бас басқарушысының сату жөніндегі орынбасары Сун Вэнбиньцемент бағасының өсу себептерін түсіндіріп, бағаны түсіру үшін тиісті жұмыстар атқаруға уәде берген.
&nbsp;Бүгінде «Гежуба Шиелі Цемент» ЖШС-нің ұсынған мәліметтеріне сәйкес, департаментпен өткізілген «Open Space» кеңсе отырысында айтылған ұсыныстар ескерілді. Қазіргі таңда ЦЕМ ll/А-Ш 32,5 Н (ПЦ400 Д20) цемент маркасының бағасы – 1 тоннасына 500 теңгеге төмендетілді.

Қызылордада халық сұранысына сай цемент бағасы түсті

<a href="https://kyzylorda-news.kz/ru/obshestvo/">Kyzylorda-news.kz</a>. Біріккен Ұлттар Ұйымы Бас ассамблеясының 1990 жылғы 14 желтоқсандағы кезекті отырысында 1 қазан – Дүниежүзілік қарттар күні деп белгіленгеннен бері елімізде жыл сайын осы күн кеңінен аталып өтіліп, қарияларымызға құрмет көрсетеліп келеді. Айтулы күнге орай қызылордалық полицейлер де қарттарымызды ұлықтауға асықты.
Басқарма бастығының бірінші орынбасары Азамат Оспанов, ардагерлер кеңесінің төрағасы Алмағанбетов Жақсылық, кадр саясаты бөлімшесінің бастығы Мақсат Садыбеков елеулі еңбегі бар Төлеш Әлиев, Серік Есмағанбетов және Абдулла Мұхтаров қарт ардагерлерімізді үйіне барып, мерекемен құттықтап қайтты.
Олар өз кезегінде Қазақстанның өсіп-өркендеуіне, еліміздің бейбітшілік, тыныш өмір кешуіне өз үлестерін қосқан осы ардақты да аяулы қарттарды мерекелерімен құттықтап, еңбектің зейнетін көріп отырған шақта әр ұрпаққа игілік пен ізгіліктің, пайым-парасаттың үлгісін танытқаны үшін алғыстарын білдіріп, басқарма бастығының атынан алғыс хаттар мен бағалы сыйлықтар табыстады.
<blockquote>
 «Құқық қорғау саласында аянбай еңбек етіп, зейнетке кеткен полицейлеріміз – бүгінгі күні ардақты ардагерлер. Олардың осы қызмет жолында біздерге көрсетер үлгі-өнегелері өте көп. Қызметтегі әрбір жетістігіміз осы жандардың көрсеткен бағыт бағдарымен» -, деп Азамат Айдуллаұлы ерекше ыстық лебізін жеткізді.
</blockquote>
<img src="https://kyzylorda-news.kz/wp-content/uploads/2021/09/image-30-09-21-09-41-3.jpeg" alt="" />

Қазақстан және Қызылорда облысының жаңалықтары: Қоғам