Kyzylorda-news.kz. Циклон жырасы және онымен байланысты атмосфералық фронттар бұрынғысынша Қазақстанның шығыс жартысына өзінің әсерін тигізеді, деп хабарлайды Қазгидромет.
Онда құбылмалы ауа райы сақталып, жауын-шашын жауады.
Оңтүстік-шығыстың таулы аудандарында кей уақытта қатты жауын-шашын болып, жел күшейеді.
Түнде тұман, көктайғақ болжанады. Қазақстанның батыс жартысы ауқымды еуропалық антициклонның ықпалында болады.
Түнде және таңертең Қостанай облысының солтүстігінде, солтүстік-шығысында тұман, көктайғақ шаңды дауыл күтіледі, облыстың солтүстігінде, солтүстік-шығысында жел 15-20 м/с күшейеді.
Солтүстік Қазақстан облысының батысында тұман күтіледі, облыстың шығысында желдің жылдамдығы 15-20 м/с жетеді.
Түркістан облысының таулы аудандарында, Павлодар облысының басым бөлігінде жел 15-20 м/с күшейеді.
Шығыс Қазақстан облысының солтүстік жартысында, Қарағанды облысының солтүстігінде және шығысында тұман, көктайғақ күтіледі, Шығыс Қазақстан облысының солтүстік жартысында және оңтүстігінде жел 15-20 м/с жылдымдықпен соғады.
Алматы, Жамбыл облыстарының оңтүстік бөлігінде және таулы аудандарында жел 15-22 м/с күшейеді, түнде және таңертең солтүстігінде және таулы аудандарда тұман түседі.

2 қазанға арналған ауа райы болжамы

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Аймақта өрт оқиғасы өткен жылмен салыстырғанда 21,8% азайған. Бүгінде алдағы жылу беру маусымы кезіндегі өрт оқиғасының алдын алу бағытында тиісті шаралар қабылданған. Мәселен тамыз және қазан айларының аралығында өңірде «Өрт қауіпсіздігі айлығы» жарияланып, жауаптылар тұрғындарға қауіпсіздік шараларын түсіндіруде. Бұл жөнінде Өңірлік коммуникациялар қызметінің ақпараттық алаңында өткен жиында облыстық төтенше жағдайлар департаментінің бастығы Руслан Қайрақбаев мәлімдеді.
<blockquote>
 ««Өрт қауіпсіздігі айлығы» аясында департамент қызметкерлері әр аптаның сәрсенбі, жұма және сенбі күндері түсіндірме жұмыстарын жүргізуде. Сондай-ақ жағдайы төмен отбасылардың үйлеріне көмірқышқыл газын анықтайтын құрылғы сатып алу процесі ұйымдастылып жатыр. Өрт қауіпсіздігі бойынша 97 отбасының жылыту пештеріне жөндеу қажет етсе, 42 тұрғын үйдің электр желілерінің тозығы жеткен», – деді Руслан Қайрақбаев.
</blockquote>
Департамент бастығы одан әрі жаңадан бекітілген «2021-2023 жылдарға арналған су тасқыны іс-шаралары» жол картасына тоқталып, картаға енген іс-шараларды тарқатып берді. Айтуынша жергілікті бюджет есебінен қарастырылған қаржы бойынша 6 іс-шара орындалған. Сондай-ақ «Халықты және Қызылорда облысының басқару органдарын құлақтандырудың кешенді жүйесін құру» жұмыстары қарқынды жүруде. Қазіргі уақытта Қызылорда қаласында 25 құлақтандыру құрылғысы орнатылып, аудандар бойынша Шиелі және Жаңақорғанға 10 құрылғы қойылған.

Қызылордада өрт оқиғасы 21,8% азайған

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Сырдария ауданында ұрпақтарының бойына өнегелі өсиеттері мен асыл қасиеттерін ұялатып жүрген ардақты аталарымыз бен ақ жаулықты әжелеріміз жетерлік.
Отан алдындағы, ел алдындағы қасиетті парызы мен борышын сақтаған, ел басына күн туғанда ат үстінен түспеген әкелеріміз тылда еңбек еткен.
Бүгін аудан әкімі Мұрат Ергешбаев ұрпақтарына мәуелі бәйтерек болып отырған тыл ардагері Рақымжан Бәйменовтің шаңырағына арнайы барып, халықаралық қарттар күні мерекесімен құттықтап, сый-құрмет көрсетті.
Мерейлі мереке иесін кент әкімі Нұржан Бисенбаев, аудандық «Нұр Отан» партиясы төрағасының орынбасары Еркебұлан Жақып пен аудандық ардагерлер кеңесінің төрағасы Мұса Келдібаевта құттықтап, жылы лебіздерін жеткізді.
Тыл ардагері Рақымжан Әбдіхалықұлы құттықтай келген аудан әкіміне ризашылығын білдіріп, ақ батасын берді.

Мұрат Ергешбаев тыл ардагеріне құрмет көрсетті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін Қызылорда облысының әкімі Гүлшара Әбдіқалықова Халықаралық қарттар күніне орай Ұлы Отан соғысының ардагері Әбдірахман Бәйтіковтың үйіне барып, майдангерді мерейлі мерекесімен құттықтады.
Аймақ басшысы соғыс ардагерінің өнегелі өмірі кейінгі ұрпаққа үлгі екенін тілге тиек етіп, ардагерге құрмет көрсетіп, ыстық ықыласын жеткізді.
<blockquote>
 «Біз өткенімізді өшірмей, елдің бірлігі мен ынтымағы жолында аянбай еңбек еткен ардагерлерімізді әрдайым дәріптеп, жас ұрпаққа үлгі етуіміз керек. Өйткені, біз Елбасы Нұрсұлтан Әбішұлы Назарбаев айтқандай, ақсақалын ардақтаған, салт-дәстүрін салмақтаған жасампаз ұлттың ұрпағымыз. Үлкенге – құрмет, кішіге – ізет көрсете білген бізге тағылымды жол көрсеткен аға ұрпақ, Сіздердің еңбектеріңіз өлшеусіз. Осындай бейбіт өмірді асқан ерлікпен алып бердіңіздер. Қарты бар ел – бақытты ел. Небір сын сағаттарда халқына сүйеу, жұртына демеу болып жүрсіздер. Аман болыңыз. Ұрпағыңыз қуанышына бөлесін. Жүз жылдығыңызды тойлайық. Бүгінгі мерекеңіз құтты болсын», – деді облыс әкімі.
</blockquote>
Ардагер қарт аймақ басшысына өзінің ризашылығын білдіріп, ақ батасын берді.
Әбдірахман Бәйтіков 1942 жылы Ашхабад қаласында командирлер дайындайтын курсқа оқуға түсіп, аяқталмастан майданға аттанған. 1943 жылы Курск доғасында ауыр жарақат алып, ІІ топ мүгедегі болып, 1944 жылы 20 жасында елге оралған. Көрсеткен ерлігі үшін Кеңес Одағының маршалы Г.Жуковтың ІІ дәрежелі медалімен, «Ұлы Жеңістің 40, 55, 60, 70, 75 жылдығы» мерекелік медальдарымен марапатталған. Соғыстан оралған соң Комсомол колхозының қой шаруашылығында есепші және зейнет жасына дейін бригадир болып жұмыс атқарған. Бүгінде 9 баладан 30 немере, 6 шөбере сүйіп отыр.
Айта кетейік, осыдан 31 жыл бұрын, яғни 1990 жылы 14 желтоқсанда БҰҰ Бас ассамблеясы 1 қазанды «Халықаралық қарттар күні» деп жариялаған болатын. Бүгінде облыс көлемінде 76 мыңнан астам зейнеткер тұрады. Оларды жан-жақты әлеуметтік қолдау үшін іс-шаралар жоспары қабылданып, жүзеге асырылуда.
<img src="https://kyzylorda-news.kz/wp-content/uploads/2021/10/243490639_3760501137386261_2283759334903719383_n.jpg" alt="" />

Аймақ басшысы соғыс ардагері Әбдірахман Бәйтіковты мерекемен құттықтады

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысында жол-көлік оқиғаларының алдын алу мақсатында 29 қыркүйек – 2 қазан аралығында «Заңсыз жолаушы тасымалдаушы» жедел профилактикалық іс-шарасы өткізілуде.
Іс-шараның 2 күнінде жол қозғалысы ережесін бұзудың барлығы – 935 дерегі анықталса, оның ішінде 117 дерегі шет елде тіркелген көлік құралдарының жүргізушілермен жасалған құқық бұзушылықтар.
Тиiстi тiркеусiз, рұқсатсыз немесе хабарлама жібермей кәсіпкерлік немесе өзге де қызметпен айналысу, сондай-ақ әрекеттердi (операцияларды) жүзеге асырудың (ҚР ӘҚБтК-нің 463-бап) – 7, жолаушыларды, багажды және жүктерді тасымалдау қағидаларын бұзу (571-бап) – 86 дерегі анықталды.
Сонымен қатар, Қазақстан Республикасының міндетті сақтандыру туралы заңнамалық актісіне сәйкес сақтандыру шартын жасасуға міндетті тұлғаның шартты жасаспаудың (230-бап) – 42 дерегі анықталып, 69 автокөлік айып тұрағына қойылды.
Бұл бағыттағы жұмыстар өз жалғасын табуда.
<img src="https://kyzylorda-news.kz/wp-content/uploads/2021/10/whatsapp-image-2021-10-01-at-17.02.40-2-1.jpeg" alt="" />

Қызылордада «Заңсыз жолаушы тасымалдаушы» шарасы өтуде

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылордада 9 қазан күні қала күніне орай өтетін «Салауатты Qyzylorda» марафоны өтеді.
Қызылордалықтар жүгіруге қатысу арқылы өздерінің күш пен төзімділігін сынау мүмкіндігіне ие болады. Марафонның жүлде қоры І орын үшін – 100 мың теңге, ІІ орын үшін – 75 мың теңге, ІІІ орын үшін – 50 мың теңгені құрайды.
«Салауатты Qyzylorda» марафонына тіркелу 9 қазан күні сағат 07:00-ден 08:30-ға дейін «Сыр-Ана» монументі аумағында жүргізіледі.
Марафон «Сыр-Ана» монументінен «Теміржолшылар» саябағына дейінгі аралықты қамтиды.

Қызылорда қаласында «Салауатты Qyzylorda» марафоны өтеді

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылордада «Ashyq» жүйесі арқылы анықталған «қызыл» мәртебесі бар оқшаулану режимін бұзғандығы үшін әкімшілік айыппұл салынған&nbsp;азаматтардың&nbsp;тізімі жарияланды.
1. Есенгелдиев Нұрбек, Шиелі ауданы. &nbsp;
2. Изгенова Сабина, Шиелі ауданы.
3. Смайлова Аманкул, Шиелі ауданы.
4. Зотов Леонид, Шиелі ауданы.
5. Әлжан Әбдіазиз, Шиелі ауданы.
6. Мырзабай Майра, Шиелі ауданы.
7. Шәкірбек Жанайдар, Шиелі ауданы.
8. Байболова Әсемкүл, Шиелі ауданы.
9. Уалиева Айзада, Қызылорда қаласы.
10.Шин Анжелика, Қызылорда қаласы.
11.Ысқақ Әділбек, Қызылорда қаласы.
12.Абдиханова Гүлжанат, Қызылорда қаласы.
13.Совет Бейбінұр, Қызылорда қаласы.
14.Әбдіхалықова Мира, Қызылорда қаласы.
15.Серикбаева Лаззат, Қызылорда қаласы.
16.Аубакиров Нурболат, Қызылорда қаласы.
17.Ермаханов Қайрат, Қызылорда қаласы.
18.Жолтайлақова Жаухар, Қызылорда қаласы.
19.Шайменов Нурбол,Қызылорда қаласы.
20.Курманбаев Акназар, Қызылорда қаласы.
21.Темирланова Эльмира, Қызылорда қаласы.
22. Досенова Аружан, Қызылорда қаласы.
23.Оқан Есімқан, Қызылорада қаласы.
24. Қыстаубаев Болатбек, Қызылорда қаласы.
<ul>
<li>Бисембай Айгүл, Қызылорда қаласы.</li>
<li>Ерманова Бақытгүл, Қызылорда қаласы.</li>
<li>Абдукаева Айзада, Қызылорда қаласы.</li>
<li>Ержанова Раушан, Қызылорда қаласы.</li>
</ul>
29. Сейтенов Нариман, Қызылорда қаласы.
30.Абдукамал Досбол, Қызылорда қаласы.
31. Жаукебаева Канымкул, Қызылорда қаласы.
&nbsp;&nbsp;&nbsp;&nbsp;&nbsp; 32.Бидаш Акзада, Қызылорда қаласы.
&nbsp;&nbsp;&nbsp;&nbsp;&nbsp; 33. Ким Оксана, Қызылорда қаласы.
&nbsp;&nbsp;&nbsp;&nbsp;&nbsp; 34. Садвакасова Шолпан, Қызылорда қаласы.
35. Кымызбаев Алмат, Қызылорда қаласы.
36. Балабатыров Болатжан, Қызылорда қаласы
<ul>
<li>Исламкулов Марсель, Қызылорда қаласы.</li>
<li>Сембиева Гүлдана, Қызылорда қаласы.</li>
<li>Ахметов Болат, Қызылорда қаласы.</li>
<li>Минайдарова Айзада, Қызылорда қаласы.</li>
<li>Жумабаева Мархабат, Қызылорда қаласы.</li>
<li>Абдрасуллаева Айнажан, Қызылорда қаласы.</li>
<li>Ахметова Бисенкуль, Қызылорда қаласы.</li>
<li>Хожаева Махаббат, Қызылорда қаласы.</li>
<li>Ержанов Алибек, Қызылорда қаласы.</li>
<li>Жукашева Замира, Қызылорда қаласы.</li>
<li>Нурымбетов Галым, Қызылорда қаласы.</li>
<li>Жаксылык Маулен, Қызылорда қаласы.</li>
<li>Жусупбеков Қайрат, Қызылорда қаласы.</li>
<li>Оспанова Айнур, Қызылорда қаласы.</li>
<li>Әміртаева Айдана, Қызылорда қаласы.</li>
<li>Аманбай Айгерім, Қызылорда қаласы.</li>
<li>Ибрагимова Тоғжан, Қызылорда қаласы.</li>
<li>Серік Мақсат, Қызылорда қаласы.</li>
<li>Альназарова Меруерт, Қызылорда қаласы.</li>
<li>Жолдасбаева Ақмарал, Қызылорда қаласы.</li>
<li>Ғайнулла Асия, Қызылорда қаласы.</li>
<li>Баймағамбетова Нургул, Қызылорда қаласы.</li>
</ul>

Қызылордада «қызыл» мәртебесі бар азаматтар тізімі жарияланды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Бүгін Тәуелсіздіктің 30 жылдығы аясында Қызылорда облысының әкімі, облыстық Қазақстан халқы ассамблеясы төрағасы Гүлшара Әбдіқалықованың төрағалығымен Қазақстан халқы ассамблеясы Аналар кеңесінің көшпелі отырысы өтті.
Жиынға ҚР Премьер-Министрі орынбасарының кеңесшісі, ҚР Мәдениет қайраткері, Қазақстан халқы Ассамблеясы Аналар кеңесінің төрайымы Нәзипа Шанаи бастаған іскер әйелдер және облыстық Аналар кеңесінің мүшелері, этномәдени бірлестік басшылары, көшбасшы әйелдер мен ақ жаулықты әжелер қатысты. Сонымен бірге, онлайн режимде аудандық және Байқоңыр қаласының Аналар кеңестерінің төрайымдары қатысты.Көшпелі отырысқа қатысушыларды Достық үйінде қарсы алған облыстық Аналар кеңесінің төрайымы Рахима Ахметова арнайы ұйымдастырылған фотокөрме арқылы өңірлік кеңес тарапынан атқарылған жұмыстармен таныстырып, сыйлы қонақтарға ізгілік пен тектілік нышаны ретінде ақ орамал тарту етті.
Аймақ басшысы кеңес отырысына қатысушыларға алғыс білдіріп, облыстық Аналар кеңесі ұлттық дәстүрлер мен отбасылық құндылықтарды нығайту және сақтауға өзіндік үлесін қосып келетінін атап өтті.
<blockquote>
 «Мемлекет басшысы Қасым-Жомарт Кемелұлы Тоқаевтың 2021 жылғы 1 қыркүйектегі Жолдауы көптеген міндеттерді жүктеді. Президент еліміздегі демографиялық жағдайға, отбасылық құндылықтарды сақтауға, жастар тәрбиесіне айрықша мән берді. Біздің қоғам дені сау, рухани мықты ұрпақ тәрбиелеуге қабілетті отбасылардың көп болуына мүдделі. Міне, сондықтан да, Қазақстан халқы Ассамблеясы отбасылық құндылықтар мен дәстүрлерді жастар арасында ілгерілетуді мақсат етуде», – деді облыс әкімі.
</blockquote>
Қазақстан халқы Ассамблеясы Аналар кеңесінің төрайымы Нәзипа Шанаи ұйымның жұмыс бағыттары мен алдағы міндеттерді тізбектеді. «Мәдениетті ана – мәдениетті ұлт» қағидасын ұстанатын Аналар кеңесінің негізгі мақсаты – саналы ұрпақ тәрбиелеу екендігін тілге тиек етті және қазіргі таңда мемлекеттік тілдің дәрежесін асқақтату аса маңызды екенін атап өтті. Сондай-ақ, Нәзипа Ыдырысқызы еңбек нарығында қажетті мамандары даярлау, масылдық көзқарастан айырылу секілді мәселелерді көтеріп, аналар қоғамдық билік және халық арасындағы делдал болуы қажет деп назарға салды.
Жазушы, ақын, аудармашы, филология ғылымдарының кандидаты Камал Әлпеисова Сыр өңірі қашан да тектілік пен парасаттылық мекені атағына ие болғанын атап өтіп, «Әкелер одағы» және «Қазақтану» республикалық жобаларының маңыздылығын айтты.Ал, «Қарашаңырақ» республикалық қоғамдық бірлестігінің жетекшісі, «ТәйТәйstar» жауапкершілігі шектеулі серіктестігі балабақшалар желісінің директоры, Қазақстан жеке балабақшалар Ассоциациясының мүшесі Баян Ахатай елімізде жуырда бастау алған қазақ және әлем әдебиетіндегі үздік ертегілерді жинақтап, калың жұртқа таныстыру үшін әзірленетін «Мұнарат» жобасының іске асу барысын баяндады.
Кездесу ашық пікірлесу форматында аяқталды.
<img src="https://kyzylorda-news.kz/wp-content/uploads/2021/10/o.jpg" alt="" />
<img src="https://kyzylorda-news.kz/wp-content/uploads/2021/10/n.jpg" alt="" />
<img src="https://kyzylorda-news.kz/wp-content/uploads/2021/10/r.jpg" alt="" />

Гүлшара Әбдіқалықова: Біздің қоғам рухани мықты ұрпақ тәрбиелеуге қабілетті отбасылардың көп болуына мүдделі

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Қазан айында Плутон, Сатурн, Юпитер мен Меркурий ретроградты болудан қалады, ал бұл дегеніміз бірнеше жұлдыз белгісінің өмірі жақсы жаққа қарай өзгереді. Назарларыңызға 2021 жылдың қазан айына арналған жұлдыз жорамалды ұсынамыз.
Тоқты (21.03 –&nbsp;20.04)
Ай басында тоқтылар өздерін әлсіз сезінуі мүмкін. Айналадағылардың бәрі қарсы тұрғандай көрінеді, шын мәнінде, олай емес. Сұлулық қарап тұрған адамның көзінде&nbsp;дейді.
Елдің шабуылына жауап беруге іштей дайын жүрсеңіз, олар расымен де сізге тиісе бастайды. Барлығына жеңіл қарауды, адамдарға сенім артуды үйреніңіз.&nbsp;
Торпақ (21.04 –&nbsp;21.05)
Қазан торпақтар үшін инвестиция айы болмақ. Бұл белгі иелері болашақта жақсы табыс алып келетін жеке ісін ашуы мүмкін. Алайда осы ай уайым алып келуі де ғажап емес. “Қолымнан келмейді” деп көрінуі мүмкін. Алайда бұл бар болғаны ешқандай негізі жоқ ішкі қорқыныштар ғана.&nbsp;
Егіздер (22.05 –&nbsp;21.06)
Егіздер үшін қазан бірқалыпты өтпек. Әрине, олар да болашақ жайлы ойлап, түрлі жоспар құрады. Бірақ жұлдыздар өз ойларыңызды жүзеге асыруда асықпауға кеңес береді. Егіздерге тек бір кеңес беруге болады. Айналаға жіті қараңыздар. Онда сізге көмек қолын ұсынуға әзір адамдар бар. Алайда сіз оларға емес, екіжүзді адамдарға энергияңызды көп жұмсап жүрсіз.
Шаян (22.06 –&nbsp;22.07)
Шаяндар шарықтауға дайын болсын. Бар потенциалыңызды жүзеге асыруға болатын уақыт келді. Шабыт пен шығармашылық бойыңызды билеп, бұл көңіл&nbsp;күй өз ісіңізді табуға немесе мансап баспалдағымен көтерілуге көмектеседі. Бірақ тек жұмысыңыз өзіңізге ләззат сыйлаған жағдайда ғана.&nbsp;
Арыстан (3.07 –&nbsp;21.08)
Айдың алғашқы жартысында өзіне және өзін өзгертуге мән беру керек. Шаш үлгісін өзгертуге, диетаға отыруға ең қолайлы ай. Ай соңында сәттілік сізден теріс айналуы мүмкін. Оған бола уайымдамаңыз, сәттілік қайта серігіңіз болып, ақша табу үшін жаңа ниша табасыз.
Бикеш (22.08 – 23.09)
Бикештер үшін маңызды ай. Ойдағының бәрін жүзеге асыруға мүмкіндік бар. Алайда ол үшін қажырлы еңбек қажет. Бұл белгі иелері бұған тек қуанады, себебі тағдырдың сыйларын қашанда қырағы көзбен қабылдайды. Тағы бір атап өтетін жайт, алғашқыда сәтсіздікке тап болсаңыз, салыңыз бірден суға кетпесін.&nbsp;
Таразы (24.09 – 23.10)
Таразылар сақ болсын, себебі ай бойы жұмыста қателік жіберуге үлкен қауіп төніп тұр. Сондай-ақ, бұл белгі иелеріне сынды жылы қабылдауға кеңес беріледі. Адамның барлығы сізге жау емес. Жағымды жаңалық, барлық таразыларға екінші жартылары романтикалық тосынсый жасайды. Ал жалғызбасты адамдар осы айда өмірлік серігін кездестіруі әбден мүмкін.
Сарышаян (24.10 – 22.11)
Сарышаяндарға жұмыс бойынша өте тиімді ұсыныс түседі. Оған таңғалудың немесе қандай да астар іздеудің қажеті жоқ. Тағдыр сізге жаңа өмір бастауға мүмкіндік береді, алайда жоспарларыңызды 18 қазаннан кейін жүзеге асыруға кеңес беріледі. Сондай-ақ, сарышаяндарға шамадан тыс жұмыс істеп, ауырлық түсірудің қажеті жоқ. Эмоционалды шаршау мен неврозды болдырмау үшін күніңізді алдын ала жоспарлаңыз.
Мерген (23.11 – 21.12.)
Мергендер айдың көп бөлігін оңашада өткізгені дұрыс. Аздап жеке өмір сүру ішіңізде болып жатқан дүниелерді анықтап, маңызды істерді алдыңғы орынға қоюға көмектеседі. Сондай-ақ, потенциалыңызды ашуға кедергі келтіріп жүрген ішкі қорқыныштарыңыздан&nbsp;арыла аласыз. Таңдау жасайтын сәт келгенде ішкі түйсігіңізге құлақ асыңыз.
Тауешкі (22.12 – 20.01)
Тауешкілер үшін бұл ай оңайға соқпайын деп тұр. Тағдыр тағы да сіздің төзімділігіңізді сынайды. Жоғарғы күштер сіздің биік шыңға шығатыныңызға, алайда оған бойыңыздағы жалқаулықтың кері әсері тиіп тұрғанына сенімді. Ай соңында қомақты қаржыға ие болуыңыз мүмкін. Ақшаны ақылмен жұмсауға кеңес беріледі.
Суқұйғыш (21.01 – 18.02)
Соңғы уақытта суқұйғыштар ештеңеге қуанбайды. Олар өміріндегі жақсы дүниелерді байқаудан қалып барады. Мұңаюды қойып, жаңа өмірдің есігін ашуға болатын сәтті жіберіп алмаңыз. Дәл осы қазан айында болатын кездейсоқтықтар кездейсоқтықтан емес. Тағдыр қолыңыздан жетелеп, жеңіске алып келеді.
Балықтар (19.02 – 20.03)
Қазан ғашықтық сезімін бастан өткеріп жүрген балықтар үшін оңайға соқпайды. Олардың бар ойы сүйіктісінің ыңғайы болмақ. Алайда бірінші кезекте өзіңізді ойлауға кеңес беріледі. Осы айда байып кетуге мүмкіндігіңіз жоғары. Ол үшін алдымен серігіңізден ажырап, іске кірісу керек. Дана болыңыз. Өміріңіздің тек бір саласын таңдаудың қажеті жоқ. Жеке өмір мен жұмыстың арасында үндестік табуға тырысыңыз.
<a href="https://stan.kz/2021-zhildin-kazan-ayina-arnalgan-zhyldiz-zhoramal-353186/">Stan.kz</a>

2021 жылдың қазан айына арналған жұлдыз жорамал

<a href="https://kyzylorda-news.kz/ru/obshestvo/">Kyzylorda-news.kz</a>. 1 қазан − қазыналы қарттар күні. Бұл күнді 1990 жылы БҰҰ Бас Ассамблеясы «Халықаралық қарттар күні» деп жариялады. Бүгінде облыста 76 мыңнан аса зейнеткер болса, 1200 ден астам қариялар арнаулы әлеуметтік қызметтермен қамтылған. Өңірлік коммуникациялар қызметінде өткен баспасөз конференциясында облыстық жұмыспен қамтуды үйлестіру және әлеуметтік бағдарламалар басқармасы басшысының міндетін атқарушы Айгүл Ибраева қарттарға жасаланып жатқан іс-шараларды баяндады.
<blockquote>
 “Бүгін − Халықаралық қарттар күні. Осы атаулы дата аясында өңірдегі зейнеткерлерімізге арналған шаралар жүргізілуде. Мәселен биыл “Nur Otan” партиясының «Өзгеріс жолы: әркімге лайықты өмір!» бағдарламасы аясында үлкен буын қариялардың жағдайын жақсарту жөніндегі 2025 жылға дейінгі «Белсенді ұзақ өмір сүру» шаралар жоспары бекітілді. Осыған байланысты облыста да “Белсенді ұзақ өмір сүру” орталығын ашу көзделген. Мұндай орталықтардың қызметі егде жастағы белсенді азаматтардың санын көбейту болып саналады. Қарттардың өмір сүру сапасы мен әл-ауқатын, денсаулық жағдайын жақсартуға мүмкіндік береді. Сонымен қатар, осы жыл ішінде жергілікті бюджеттен 3573 Ұлы Отан соғысының ардагерлеріне және оларға теңестірілген азаматтарға біржолғы материалдық көмек көрсетілді”, – деді Айгүл Болатқызы.
</blockquote>
Одан әрі облыстық ардагерлер кеңесінің төрағасы Серік Дүйсенбаев барша ардагерлер мен қарттарды құттықтап, ізгі тілегін білдірді.
<blockquote>
 “Қариясы бар ел қазыналы” деген асыл сөз бар. Бүгін шынында ерекше күн. Өйткені 90 жылдардан бастап бұл мереке халықаралық түрде өтіп келеді. Ең басты мақсаты − әртүрлі деңгейдегі қарттарымызға құрмет көрсету олардың тұрмыстық әлеуметтік жағынан жайдайын жақсартуға ықпал жасау болып табылады. Бүгінде қала және аудандарда ардагерлер ұйымы бар. Сол арқылы біз олардың жағдайларын біліп отырамыз. Қарттарымыз әрқашан үлкен құрметке лайық. Олардың әрбір сөзі қасиетті қазына. Сондықтан осы мейрамға орай барша қарияларымызды мерекелерімен құттықтаймын. Өскелең ұрпаққа мәңгі үлгі болатын осы кісілер”, – деді Серік Дүйсенбаев.
</blockquote>

Қызылорда облысында 76 мыңнан аса зейнеткер бар

*<a href="https://kyzylorda-news.kz/ru/obshestvo/">Kyzylorda-news.kz</a>. «Қазгидромет» РМК-сы қазанның 2-4 аралығындағы күн райы болжамын жариялады.*
Кәсіпорын таратқан деректерге қарағанда, Қазақстан аумағының басым бөлігі циклонның ықпалында болады да ол жаңбыр мен жаңбар аралас қар жаууына ықпал етеді.
Елдің оңтүстік-шығысындағы таулы аудандарда нөсер жауын жауады Сондай-ақ республика бойынша тұман, солтүстік-батыста, солтүстікте, орталықта және шығыста – көктайғақ, солтүстік өңірлерде – боран болжанады.
Республиканың батысы мен оңтүстік-батысында ғана солтүстік-батыс антициклон жотасының ықпалымен күн жауын-шашынсыз болады. Еліміздің батысы мен оңтүстік-батысында түнде 1-8 жылы болады, солтүстікте 2 градусқа дейін үсік жүреді, күндіз 10-17, оңтүстікте 20 жылы болады.
Солтүстік-батыста температураның негізгі бағыты: түнде 5 аяз – 3 жылы, күндіз 5-15 жылудан 0-8 жылуға дейін аздап төмендейді, өңірдің оңтүстігінде 12 жылу, солтүстікте және орталықта температураның негізгі фоны: түнде 5 аяз-3 жылы, күндіз 2-11 жылудан 0-8 жылуға дейін аздап төмендейді. Шығыста түнде 3 аяз-5 жылу, күндіз 3-11-ден 7-15-ке дейін жылу көтеріледі. Оңтүстікте ауа температурасы түнде 0-8 градус, солтүстікте және таулы аудандарда 3 градусқа дейін, күндіз 12-20 градус жылу аралығында болады. Оңтүстік-шығыста ауа температурасы түнде 0-8 градус, солтүстікте және таулы аудандарда 3 градусқа дейін, күндіз 4-12-ден 7-15 градус аралығында көтеріледі.

Алдағы үш тәуліктегі күн  райы болжамы жарияланды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылордада 7 айда 718 кәсіпкерлік субъектісі тексерілді. Бұл туралы Қызылорда облысы кәсіпкерлер палатасының директоры Ғалымбек жақсылықов бизнес-қауымдастық алдындағы «Бірыңғай есеп беру күнінде» айтты.
Шара облыс әкімінің орынбасары Нұрлан Тілешевтің төрағалығымен мемлекеттік органдар мен ұйымдар, қаржы институттары, кәсіпкерлердің қатысуымен өтті.
Мәжілісте бақылау-қадағалау қызметін жүзеге асыратын органда бизнес қауымдастық алдында есеп берді.
Палата директоры хабарламасында «Атамекен» Ұлттық кәсіпкерлер палатасымен республика бойынша&nbsp; бизнеске әкімшілік қысым индексі бойынша талдау жасалғандығын атап өтті.&nbsp;
Талдау&nbsp; барысында&nbsp; санитарлық-эпидемиологиялық қауіпсіздік,&nbsp; өрт қауіпсіздігі, жер, еңбек қатынастары және салық міндетемелері құрылыс салалары қамтылған.
Жалпы талдау 6 индекс бойынша жүргізілді:
1-индекс – бақылау және қадағалау&nbsp; органдарымен тексеру жүргізілуі тиіс болған жағдайлары мен іс-жүзінде тексеру жүргізілген&nbsp; жеке кәсіпкерлер мен заңды тұлғалар қатынасы.
2-индекс – барлық жүргізілген тексерулер саны мен тексеру нәтижесімен анықталған заңбұзушылықтар санының қатынасы;
3-индекс – тексеру нәтижесімен&nbsp; көрілген шаралар саны мен ескерту берілген жағдайлар санының қатынасы;
4-индекс – тексеру жүргізілмей жауапқа тартылған&nbsp; жағдайлар саны мен жалпы көрілген шаралар санының қатынасы;
5-индекс – тексеру қорытындыларына кәсіпкерлермен келтірілген шағымдар саны;
6-индекс – қадағалау және бақылау шараларын бұзғаны үшін шара қолданылған лауазымды тұлғалар саны.
1-индекс бойынша талдау, тексерудің ең көбі салық (67 пайыз) сантиралық-эпидемиологиялық қауіпсіздік (16 пайыз), өрт қауіпсіздігі&nbsp; және жер қатынастары (6 пайыз) салаларында жүргізілгендігін көрсетті.
Аталған индекстер бойынша талдау Қызылорда облысында да жүргізілді.
<blockquote>
 «Жалпы мемлекеттік органдардың жоспарына сәйкес өткен жылы 315 және биыл 7 айда 221 тексеру жүргізілуі қажет болса, іс-жүзінде&nbsp; кәсіпкерлерге қатысты 2020 жылы 1114, осы жылы 718&nbsp; тексеру жүргізілген. Жүргізілген тексеру жағдайларының 50 пайызында кәсіпкерлік субъектілерінің әрекеттерінде заң бұзушылықтар анықталған. Соның ішінде ең көп заң бұзушылық салық (211 тексеру бойынша) және санитарлық-эпидемиологиялық қауіпсіздік (149 тексеру бойынша) салаларында орын алған. 3-индекс бойынша тексеру қорытындысымен кәсіпкерлерге қатысты көрілген жазалау шараларының 83 пайызында кәсіпкерлерге ескертулер&nbsp; берілген. Ескерту жазасы қолданған үлестің жоғары болуы&nbsp; қадағалау және бақылау қызметі репресивтілігінің төмендегенін көрсетуде», – деді жиында Ғалымбек Жақсылықов.
</blockquote>
Палата басшысының айтуынша, 4-индекс бойынша Қызылорда облысы бойынша тексеру жүргізілмей кәсіпкерлік субъектілерін жауапқа тарту жағдайларының жиынтығы айтарлықтай төмен көрсеткішке ие екен. Жалпы жаза қолданылған жағдайлар 13 пайызды құрап отыр. Бұнда да басым бөлігі экология, салық және санитарлық-эпедимиологиялық қауіпсіздік салаларына келеді.
5-индекс бойынша облыста тексеру қорытындыларына шағым келтірген кәсіпкелердің саны аз. Тек, экология,&nbsp; еңбек қатынастары және салық міндеттемелері бойынша жүргізілген тексерулерге кәсіпкерлер шағымданған.
Соның ішінде ең көп шағым саны еңбек қатынастары саласына келеді. 2020 жылы салаға қатысты 314 шағым болса, оның 138-і (44 пайызында), 2021 жылдың 7 айында 174 болса, оның 99-ында (57 пайызында) шағымдар қанағаттандырылған.
6-индекске қатысты талдау жүргізілген 7 сала бойынша&nbsp; қадағалау және бақылау шараларын бұзғаны үшін шара қолданылған лауазымды тұлғалар жоқ деп көрсетілген.
<blockquote>
 «Алайда мемлекеттік органдармен жүргізілген тексерулердің 510-на кәсіпкерлермен шағым келтіріліп, оның 238-інде шағымдары қанағаттандырлса да, бірде-бір лауызымды тұлға заңсыз әрекеттері үшін жауапкершілікке тартылмаған. Бұл ойлантарлық жағдай. Жалпы талдау нәтижелері&nbsp; мемелекеттік органдардың&nbsp; жүргізген тексерулері бойынша есептері, қадағалау және бақылау қызметтері туралы мәліметтің бірде бір жергілікті атақарушы органдардың сайттарында орналастырмағандығын көрсетті», – дейді Кәсіпкерлер палатасының директоры.
</blockquote>
Мәлімет болған жағдайдың өзінде, мемлекеттік органдардың талдаусыз,&nbsp;&nbsp; тек «құрғақ» статистикалық сандарымен ғана шектелген көрінеді. Кәсіпкерлік субъектілерінің қызметінде&nbsp; жиі кездесетін заң бұзушылықтар туралы&nbsp; ақпарат, оларға қатысты талдаулар&nbsp; жоқтың қасы екен.
<blockquote>
 «Кәсіпкерлерді талдау ақпараттарымен қамтамасыз ету – бизнес тарапынан алдағы уақытта орын алуы мүмкін заң бұзушылықтардың алдын алуға сеп болар еді», – деген Ғалымбек Жақсылықұлы шарада бұл мәселелерге қатысты ұсыныстарын жеткізді.
</blockquote>
Қызылорда облысы кәсіпкерлер палатасы барлық жергілікті басқару әкімшілік деңгейлерінде біріңғай есеп беру күндерін енгізуді, жергілікті атқарушы органдардың ресми сайттарында мемлекеттік органдардың бақылау-қадағалау қызметтері бойынша есептерін орналастыруды, бақылау-қадағалау қызметтіндегі «құрғақ» статаистикалық мәліметтерді ақпараттық-талдау, түсіндірме жұмыстарымен алмастыруды, жергілікті атқарушы органдардың ресми сайттарында «Бизнес-қауымдастығының алдында біріңғай есеп беру күні» қосымша айдарын (вкладка) ұйымдастыруды, санитарлық-эпидемиологиялық қауіпсіздік,&nbsp; өрт қауіпсіздігі, құрылыс, жер қатынастары, еңбек қатынастары және салық міндетемелері салалары бойынша әкімшілік қысым индекстерін ендіруді ұсынды.
<img src="https://kyzylorda-news.kz/wp-content/uploads/2021/10/813db181-5e02-4434-951a-f223e9f762f6.jpg" alt="" />
<img src="https://kyzylorda-news.kz/wp-content/uploads/2021/10/de6f68ea-474e-4def-aa4c-fdd70c0f9338.jpg" alt="" />

Қазақстан және Қызылорда облысының жаңалықтары: Қоғам