<a href="https://kyzylorda-news.kz/ru/obshestvo/">Kyzylorda-news.kz</a>. Осы жылы көктемгі науқанда Қызылордадан 143 азамат әскер қатарына жіберілді. ҚР ҰҚК Шекара қызметі – 14, ҚР Қарулы Күштері – 65,&nbsp; ҚР Ұлттық Ұланына – 64 сарбаз әскери міндетін орындауға аттанды. Күзгі мерзімді әскери қызметке шақыру жұмыстарына 869 азамат шақырылса, бүгінгі күні оның тек 178-і келген. Әскерге шақырылушыларға шақыру қағаздары қалалық әкімдіктен бөлінген әскери есеп жүргізу мамандары мен қоғамдық қызметкерлердің күшімен таратылуда.
<blockquote>
 «Құқық қорғау органдарына, ұлттық қауіпсіздік комитетіне және емдеу-профилактикалық мекемелеріне сұраныстар жіберіліп, әскерге шақырушылардың тізімі және картотекасы құрылды. Мемлекеттің шекарасын күзету, халықтың тыныштығын қорғау – үлкен абырой мен сенім екендігін жас ұрпаққа түсіндіру маңызды қадамдардың бірі. Дегенмен, әскерге шақыру жұмыстары барысында әскери қызметке шақырылғандардың тұрғылықты мекен-жайы бойынша болмауы, әскерден түрлі себеппен жалтару сынды мәселелер туындайды. Осы орайда, ата-аналар, оқу орындары мен бұқаралық ақпарат құралдары өкілдерінен жас ұрпақ арасында Отан алдындағы борышты өтеуге шақыруда қолдау көрсетуін сұраймыз», – деді қалалық қорғаныс істері басқармасының бастығы Алмас Чункунов.
</blockquote>
Жастар мен жасөспірімдерге әскери-патриоттық тәрбие беру және ер-азаматтың Отан алдындағы борышының маңыздылығын насихаттау мақсатында Қызылорда қаласында алғаш рет «Жастар арасында әскери-патриоттық шара ұйымдастыру» әлеуметтік қызметі қолға алынды.&nbsp;&nbsp;
<blockquote>
 «Аталған әлеуметтік жоба аясында Қызылорда қаласының қорғаныс істері жөніндегі басқармасымен келісе отырып әскери-патриоттық іс-шаралар жоспары бекітілді. Жоспар аясында жастарды әскерге шақыру бойынша бейнероликтер әзірленіп, әскерден келген белсенді сарбаздармен сұхбаттар, тікелей эфирлер ұйымдастырылады және «Жас сарбаз» әскери-патриоттық қозғалысының штабы құрылатындығын жеткізді», –&nbsp; қалалық ішкі саясат бөлімінің басшысы Парасат Жаңабергенов.&nbsp;
</blockquote>
Сондай-ақ, жоба аясында әскери қызметкерлер мен соғыс ардагерлерін жоғарғы және орта арнаулы оқу орындарының студенттерімен кездестіру, бұдан бөлек қалалық әскери-патриоттық форум өткізу де жоспарланған.

Қызылордалық жастар әскери борышын өтеуге неге асықпайды?

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстан құрамасы футзалдан әлем чемпионатының ширек финалында Иранмен шеберлік байқасты, деп хабарлайды ҚазАқпарат.
Бүгінгі кездесу аса тартысты өтті. Алғашқы минуттарда ирандық спортшылар тізгінді өз қолына алуға тырысты. Нәтижесінде бірінші кезеңнің 8-минутында Мослем Оладгобад есеп ашса, 15-минутта Ахмад Эсмаилпур есепті үстемелей түсті.
Екінші кезеңде қазақстандық футзалшылар алға қарай ұмтылды. Ойынның 25-минутында Дәурен Тұрсағұлов көздеген нысанадан мүлт кеткен жоқ. Ал 29-минутта Арнольд Кнауб таразы басын теңестірді. Ойынның 39-минутында қазақстандық Тайнан жеңіс голын соқты.
Осылайша Қазақстан қарсыласын&nbsp;3:2 есебімен жеңді.
Топтық кезеңде Қазақстан құрамасы Коста-Рикадан 6:1, Литвадан 3:0 есебімен басым болды. Ал Венесуэламен 1:1 есебімен тең түсті. Одан кейін 1/8 финалда Таиландты 7:0 есебімен&nbsp;тізе бүктірді.
Бұдан бұрын 1/4 финалда Бразилия Марокконы 1:0 есебімен жеңген болатын. Ал Аргентина мен Ресей кездесуінің негізгі кезеңі 1:1 есебімен аяқталып, пенальтиде аргентиналықтар 5:4 есебімен жеңіске жетті. Бүгін Португалия – Испания кездесуі португалиялықтар пайдасына 4:2 есебімен аяқталды.
Енді 29 қыркүйекте өтетін жартылай финалда Бразилия мен Аргентина кездессе, 30 қыркүйекте Қазақстан мен Португалия ойнайды.
Қазақстан құрамасы бұдан бұрын әлем чемпионатының финалдық сатысында екі мәрте бақ сынаған еді. 2000 жылы бірінші кезеңнен аса алмаса, 2016 жылы 1/8 финалға дейін жетті.
Әлем чемпионатының финалы 3 қазанға белгіленген.

Футзалдан әлем чемпионаты: Қазақстан құрамасы жартылай финалға шықты

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; 28 қыркүйекте республиканың басым бөлігінде құбылмалы ауа райы сақталады. Елдің солтүстігінде, солтүстік-батысында, орталығында жаңбыр мен қар түрінде қатты жауын-шашын күтіледі.
Барлық аймақта жел күшейіп, оңтүстікте, оңтүстік-шығыста шаңды дауыл тұрады, оңтүстік-батыста, солтүстік-батыста тұман, солтүстік-батыста, оңтүстікте найзағай болжанады, деп хабарлайды «Қазгидромет» РМК.
Түнде және таңертең&nbsp;Қызылорда облысының&nbsp;солтүстік-батысында найзағай ойнап, облыстың орталығында желдің күші 15-20 м/с артады. шаңды дауыл тұрады.

Сейсенбіге арналған ауа райы болжамы

*<a href="https://kyzylorda-news.kz/ru/obshestvo/">Kyzylorda-news.kz</a>. Кіші Арал теңізінде және облыстың су айдындарында браконьерліктің алдын алу жөніндегі 2021-2022 жылдарға арналған іс-шаралар жоспары бекітілді. Облыс әкімімен бекітілген іс-шаралар жоспары 1 қазаннан бастап өз күшіне енетін болады. Бұл туралы Өңірлік коммуникациялар қызметінде өткен баспасөз конференциясында облыстық табиғи ресурстар және табиғат пайдалануды реттеу басқармасының басшысы Бауыржан Шаменов мәлімдеді.*
Басқарма басшысының айтуынша қазан айы балық аулау науқаны. Науқан кезінде Кіші Арал теңізі мен жергілікті маңызы бар су айдындарында жұмысшы топпен зерделеу жұмыстары жүзеге асырылады. Жұмысшы топ мониторинг барысында жергілікті атқарушы органдармен бірлесіп, заңсыз балық аулағандарға оны сақтап, тасымалдағандарға қылмыстық және әкімшілік жауаптылық қаралатындығы жөнінде заңнама талаптарын халық арасында түсіндіреді. Сонымен қатар Арал, Қазалы аудандарында орналасқан балық өнімдерін сақтауға арналған шаруашылық субъектілеріне де талдау жасап, өнімдерді экспорттау кезінде заңдылықтың сақталуын да назарға алады.
Балық броконьерлігіне қарсы құқық қорғау саласымен бірге тиісті шаралар жүргізілгенімен балық оның ішінде көксерке броконьерлігі тоқтар емес дейді облыстық табиғат қорғау прокуроры Дабыл Аянұлы.
<blockquote>
 «Биыл Арал ауданының полиция бөлімімен заңсыз балық аулаудың 9 фактісі анықталды. Оның 3-не қылмыстық іс қозғалды, қалғаны тергелуде. Сонымен қатар 23 қыркүйекте жүргізілген рейд барысында Шиелі ауданында орналасқан «Телкөлканалы-3» көпірінен аудан тұрғындарының автокөліктерінен 3 қапқа салынған балық, 2 дана аккумулятор, 1 дана қолдан жасалған балық аулауға арналған тоқ аппараты, өткір шам, 2 дана резеңке қайық және қытай аулары табылды», – деді прокурор.
</blockquote>
Айта кету керек, броконьерлік әрекеттерге қылмыстық және әкімшілік жауапкершілік көзделген. Балық ресурстарын заңсыз алғандарға белгілі бір лауазымдарды атқару немесе белгілі бір қызметпен айналысу құқығынан 3 жылға дейінгі мерзімге айырып, 160 айлық есептік көрсеткіштен (404 000 тг) 2000 АЕК (5 050 000 тг) дейінгі мөлшерде айыппұл салынады. Сондай-ақ 160-600 сағатқа дейін қоғамдық жұмысқа тартылып, 40 тәулікке дейін қамаққа алынуы мүмкін. 2 жылдан 5 жылға дейінгі мерзімге бас бостандығынан айыру жазасы да көзделген.

Заңсыз балық аулағандар жазаға тартылады

<a href="https://kyzylorda-news.kz/ru/obshestvo/">Kyzylorda-news.kz</a>. Жыл басынан бері кеден бекеттерімен үш мыңға жуық тауарға декларация рәсімделген. Бұл өткен жылмен салыстырғанда 9,1 пайызға жоғары. Тауар айналымы бойынша импорт көлемі – 1983 ТАД болса, экспорт көлемі – 950 ТАД құрады. Сондай-ақ кедендік тексеру жүргізу барысында 301 заң бұзушылық фактілері анықталған. Оларға “ҚР кедендік реттеу туралы” кодексіне сәйкес тиісті шаралар қолданылған.
Бұл жөнінде Өңірлік коммуникациялар қызметінде өткен брифингте облыс бойынша мемлекеттік кірістер департамені бастығының орынбасары Нұрлыбек Бимырзаев мәлімдеді.
<blockquote>
 “Кедендік рәсімдер бойынша импорт айналымы 7,6 пайызға азайды. Әкелінген тауарлардың алдын ала декларациялау бойынша рәсімделгені 71 пайызды құрап отыр. Тиісінше, алдын ала декларациялаудың есепті кезеңінде 1 408 ТАД рәсімделген. Бұл өткен жылмын салыстырғанда 13,1 пайызға азайғанын көрсетеді. Сондай-ақ “Астана-1″ АЖ әртүрлі дәліздер арқылы барлығы 2 933 ТАД кедендік тазартудан өтті. Оның ішінде сары, қызыл, көк және жасыл дәліздер арқылы тауарлар барлық процедуралар бойынша автоматты түрде өтеді. Сонымен қатар тауарларға арналған декларацияларға 1061 арнайы түзетулер жүргізілді. Жалпы облыс бойынша сыртқы сауда айналымы 264 млн. доллар құрап отыр. Бұл салыстырмалы түрде жеті пайызға кемігендігін көрсетеді. Сыртқа сауда айналымының күрт төмендеуі пандемия мен әлемдік нарықтағы шикі мұнай бағасының төмендеп кетуінен орын алды”, – деді Нұрлыбек Шонжарұлы.
</blockquote>
<img src="https://kyzylorda-news.kz/wp-content/uploads/2021/09/242981795_1380154365713405_8394859424262277089_n.jpg" alt="" />

Нұрлыбек Бимырзаев: Кедендік рәсімдер бойынша импорт айналымы 7,6 пайызға азайды

<a href="https://kyzylorda-news.kz/ru/obshestvo/">Kyzylorda-news.kz</a>. Қайырымдылық көмек жасауды игі дәстүрге айналдырған Қазалы аудандық пробация қызметі бұл жолы &nbsp;«Халық» қоғамдық қорымен және аудандық әлеуметтік бағдарламалар және хал актілер тіркеу бөлімімен бірлесіп, пробация қызметінің есебіндегі тұрмыс жағдайы төмен төрт отбасыға азық-түлік таратты.
<blockquote>
 «Халқымызда «Қайырымдылық – қайырлы іс» деген даналық сөз бар. Қоғамдық қорлармен, аудандық әлеуметтік бағдарламалар және хал актілер тіркеу бөлімімен бірлесіп, пробация есебіндегі тұрмыс жағдайы төмен отбасыларға күнделікті тұрмысқа қажетті азық-түлік өнімдерін әкеліп, қайырымдылық көмек көрсетіп келеміз. Жыл басынан 10-нан астам отбасыға қайырымдылық көмек көрсетілді. Әлеуметтік –құқықтық көмектің нәтижесінде жұмыссыз жүрген 12 сотталған азаматты жұмысқа орналастырылды. Ал бес сотталған мемлекеттен қайтарымсыз грант ұтып алып, жеке кәсібін ашты»,-деді аудандық пробация қызметінің бастығы Е.Сражатов.
</blockquote>
<img src="https://kyzylorda-news.kz/wp-content/uploads/2021/09/whatsapp-image-2021-09-27-at-10.43.31-1.jpeg" alt="" />

Қазалыда пробация есебіндегілерге қайырымдылық көмек көрсетілді

*<a href="https://kyzylorda-news.kz/ru/obshestvo/">Kyzylorda-news.kz</a>. Биыл 58,8 мың адамға алғаш рет жұмысынан айырылуына байланысты әлеуметтік төлем тағайындалды.*
Еңбек және халықты әлеуметтік қорғау министрлігінің ақпаратынша, 1 қыркүйектегі жағдай бойынша Мемлекеттік әлеуметтік сақтандыру қорынан жұмысынан айырылуына байланысты әлеуметтік төлем алушылар саны 82,6 мың адамға жетті.
<blockquote>
 “Бұл ретте биыл 58,8 мың адамға төлем алғаш рет тағайындалды”, – делінген хабарламада.
</blockquote>
Қолданыстағы заңнамаға сәйкес жұмыстан босатылған адамдарға міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлем тағайындалады.
Оның мөлшері жоғалған кірістің 40%-ін құрайды.
Әлеуметтік төлем алу үшін не істеу керек:
<ul>
<li><a href="https://egov.kz/cms/kk">eGov.kz</a>&nbsp;порталында авторизация жасау;</li>
<li>“Жұмысқа орналастыру және жұмыспен қамту” бөлімінде “Жұмыс іздеуші адамдарды тіркеу” қызметін таңдау;</li>
<li>онлайн қызметке тапсырыс беріп, барлық бағанды толтыру және оған ЭЦҚ-мен қол қойып, өтінімді жіберу қажет;</li>
<li>бір күн ішінде тұрғылықты жеріңіздегі халықты жұмыспен қамту орталығы бос жұмыс орындарын ұсынады;</li>
<li>егер жұмыс табылмаса, 3 жұмыс күні ішінде қашықтан жұмыссыз мәртебесі беріледі (қажет болған жағдайда сізге ХЖҚО қызметкері қосымша ақпарат жинау үшін хабарласады).</li>
</ul>
Бұл қызметті онлайн режимде Электронды еңбек биржасы (<a href="https://enbek.kz/kk">enbek.kz</a>) арқылы да алуға болады.
Жұмыссыз ретінде тіркелу туралы мәлімет болған кезде еңбек министрлігінің ақпараттық жүйесі проактивті форматта МӘСҚ-тан төлем тағайындау бойынша қызмет көрсетуге келісу үшін ұялы телефонға SMS жібереді. Келіскен жағдайда, SMS-хабарламаға жауап беру қажет. Төлем автоматты түрде тағайындалады.

Жұмысынан айырылған қазақстандықтарға жәрдемақы тағайындалады

<a href="https://kyzylorda-news.kz/ru/obshestvo/">Kyzylorda-news.kz</a>. Оқу жылының басталуымен мемлекет МӘМС жарналарын төлейтін жеңілдікті санаттардың бірінің өкілдері ретінде студенттердің сақтандырылған мәртебесін алу мәселесі ерекше өзектілікке ие болды. Әлеуметтік медициналық сақтандыру қоры бұл мүмкіндіктің шетелде оқитын қазақстандықтар үшін қалай қарастырылғанын, сондай-ақ студенттердің неге кейде сақтандырылмайтынын түсіндірді.
Жеңілдік бойынша сақтандыру кімге беріледі?
МӘМС туралы заңға сәйкес (26-баптың 1-тармағының 13-тармақшасы), жасына қарамастан, күндізгі оқу нысаны бойынша оқитындардың барлығы (мейлі ол 18 жасқа толған мектеп оқушылары болсын, колледж, ЖОО немесе басқа да оқу орындарының студенттері болсын) азаматтардың жеңілдікті санатына кіреді, олар үшін МӘМС жарналарын мемлекет төлейді.
Қазақстанда 500 мыңнан астам студент мемлекет есебінен сақтандырылған болып табылады және МӘМС пакетінде көрсетілетін медициналық қызметтерге қол жеткізе алады.
Бұл жеңілдік санатындағылардың 2 тобы бар:
– Қазақстанның аумағында білім алушылар;
– шетелде күндізгі оқу нысаны бойынша білім алушылар.
Қазақстанда &nbsp;оқитын студенттер үшін сақтандырылған мәртебесін алу алгоритмі:
Сақтандырылғандар мәртебесі Қазақстан аумағында оқитын азаматтарға жеңілдік ретінде беріледі және олардың деректері оқу орнының ақпараттық жүйесіне енгізіледі. Ол, өз кезегінде Қазақстан Республикасы Білім және ғылым министрлігінің қарамағындағы Ұлттық білім беру деректер базасымен (ҰБДҚ) біріктірілген.
Деректерді енгізуге студенттер оқитын оқу орындарының әкімшілігі немесе деканаттарының қызметкерлері жауапты болады. ЖСН, Т.А.Ә., оқу кезеңі және оқыту нысанын дұрыс толтыру міндетті шарт болып табылады. Егер бұл жолдар дұрыс толтырылмаған жағдайда, онда сақтандырудың жеңілдетілген мәртебесі автоматты түрде берілмейді.
Егер отандық ЖОО студенті сақтандырылмаған болса не істеу керек?
Мәртебе ҰБДҚ-да студент туралы тиісті ақпараттың болуына байланысты берілетіндіктен, сіз өзіңіздің оқу орныңыздағы жауапты қызметкерге &nbsp;хабарласып, ақпараттық жүйеде деректерді тексеруді сұрауыңыз қажет. Кейде ақпараттың жаңартылмағаны анықталады.
Оқу орындарына арналған жадынама:
<ul>
<li>Оқу орнының ақпараттық жүйесіне білім алушылар туралы мәліметтерді (оның ішінде оқу жылы ішінде келгендер бойынша) уақтылы және дұрыс енгізу қажет, өйткені студенттерге ҰБДҚ-да біріктірілген деректердің болуы арқылы жеңілдік мәртебесі беріледі.&nbsp;</li>
<li>Егер бір жылдың ішінде білім алушы оқудан шығарылса немесе басқа оқу орнына ауыстырылса, онда ол туралы мәліметтерді өзінің оқу орнының ақпараттық жүйесінен алып тастау қажет.</li>
<li>Егер оқу орнының ақпараттық жүйесінде оқуды бұрын аяқтаған білім алушылар туралы деректер болса, оларды аталған жүйеден шығару қажет, өйткені бұл адамдар жұмысқа орналасу кезінде МӘМС жарналарын төлей алмайды.</li>
</ul>
Есіңізде болсын: Білім алушылардың МӘМС жүйесінде медициналық көмек алу мүмкіндігі ақпараттық жүйеде олар &nbsp;туралы мәліметтердің дұрыс және уақтылы толтырылуына &nbsp;байланысты болады.
Шетелде оқитын қазақстандықтар үшін сақтандырылған мәртебесін алу алгоритмі:
Шетелдік оқу орындарында оқитын қазақстандық күндізгі оқу нысанының студенттері МӘМС жүйесінде сақтандырылған тұлғалардың автоматты түрде жеңілдік мәртебесін ала алмайды. Ол үшін олар жүйеге өздігінен тіркелуі керек.
Ол үшін электрондық үкімет порталындағы egov.kz сервисін пайдалану қажет:
<ol>
<li>Ізденіс жолына келесіні енгізу: «Шетелде оқитын студенттерді тіркеу».</li>
<li>Ашылған терезедегі өтінішті толтыру және оқуды растайтын құжаттарды қоса беру қажет.</li>
<li>Өтінішке ЭЦҚ көмегімен қол қою.</li>
<li>Көптеген жағдайларда сақтандырудың жеңілдікті мәртебесі жолдарды дұрыс толтырған жағдайда 10 жұмыс күні ішінде беріледі.</li>
</ol>
5.&nbsp;&nbsp;&nbsp;&nbsp; Егер сақтандырудың жеңілдікті мәртебесін беру көрсетілген мерзім ішінде орындалмаса, онда ҚР Білім және ғылым министрлігінің Халықаралық департаментіне жүгіну қажет. Әр семестр аяқталғаннан кейін сақтандыру мәртебесін тексеру және оқудың өзектілігін растау қажет екенін есте ұстаған жөн, өйткені дерекқордағы мәліметтер өзгеруі мүмкін.
Кері байланыс
Өкінішке орай, күндізгі нысанда оқитын студенттердің барлығы МӘМС туралы заң бойынша өздерінің жеңілдік берілгендер санатында екендігін және МӘМС-ке жарналар мен аударымдарды төлеулері қажет еместігін біле бермейді. Әсіресе шетелде білім алып жүрген студенттер. Сондықтан Қор мемлекет есебінен олардың МӘМС жүйесінде сақтандырылған мәртебеге ие екендіктерін тағы да еске салады.
Егер студент көрсетілген тәсілдермен жеңілдік мәртебесін ала алмаса немесе мәртебесінен айрылып, оқу орнының қабырғасында шешім таба алмаса, онда ол өтінішті Қордың кеңсесі арқылы пошта арқылы жібере алады: kanc@fms.kz немесе Qoldau 24/7 мобильді қосымшасы арқылы. Қор өзіне жүгінген тұлғаға сақтандырылған мәртебесін беру үшін ҚР Білім және ғылым министрлігімен, ҚР Сыртқы істер министрлігімен ынтымақтастықта қажетті жұмысты жүргізеді.
Егер сұрақтарыңыз болса, Қорға келесі қол жетімді байланыс арналары арқылы хабарласа аласыз: fms.kz ресми сайты, 1406 байланыс орталығы, Qoldau 24/7 және Telegramдағы Saqtandyry-Bot мобильді қосымшасы.

500 мыңнан астам студент мемлекет есебінен медициналық көмек ала алады

*<a href="https://kyzylorda-news.kz/ru/obshestvo/">Kyzylorda-news.kz</a>. Елордада «Astana Media Week – 2021» жыл сайынғы медиа апталығы өтіп жатыр, деп хабарлайды ҚазАқпарат.*
AMW-2021 барысында халықаралық медиақауымдастық мүшелері ақпараттық күн тәртібінің өзекті мәселелерін көтереді. Іс-шараға беделді әлемдік БАҚ-тың топ-менеджерлері, мемлекеттік аппарат өкілдері, танымал журналисттер, документалистер және АҚШ, Ұлыбритания, Ресей, Қазақстан, Өзбекстан, Қырғызстан блогерлері қатысады.
«Astana Media Weeк» – бұл барынша өмірге бейімді идеяларға, авангардтық шешімдерге, соны пікірлерге арналған бесінші жыл сайынғы оқиға әрі ғалам бейнесін сәл айқындау етуге тырысатын адамдардың көзқарасы таласқа түсетін және қорғалатын орын.
Astana Media Week-2021 екі күнге созылады. AMW-2021 іс-шарасы онлайн және офлайн-алаңдарда да жоспарланған. Сонымен, онлайн режимінде «Деректі кино: тәжірбиесі мен болашағы» дөңгелек үстелі және «Медианы дамыту стратегиясы» конференциясы өтеді. Осы оқиғалардағы талқылауларға 5 елдің спикерлері қосылады. «Өткір әлеуметтік тақырыптарды қамту ерекшеліктері» және «Қазақ тілді баспалардың болашағы» атты дөңгелек үстелдері сарапшылардың, медиаменеджерлердің, журналисттер мен қоғамдық пікір көшбасшыларының басын қосады.
Сонымен қатар Formats Day іс-шарасы ұйымдастырылады. Онда әлемдегі ең ірі телеөнім дистрибьютор-компанияларының өкілдері өнімдерінің тұсаукесерлерін өткізеді.

«Astana Media Week – 2021» медиа апталығы өтіп жатыр

<a href="https://kyzylorda-news.kz/ru/obshestvo/">Kyzylorda-news.kz</a>. Компания Директорлар кеңесінің шешімімен Айымбетов Айдын Ақанұлы «Қазақстан Ғарыш Сапары» ҰК» АҚ Басқармасының төрағасы лауазымына тағайындалды, деп хабарлайды ҚР Цифрлық даму, инновациялар және аэроғарыш өнеркәсібі министрлігінің&nbsp;<a href="https://www.gov.kz/memleket/entities/mdai/press/news/details/261149?lang=kk">баспасөз қызметі</a>.
Айдын Айымбетов 1972 жылы Талдықорған облысында дүниеге келген.
ҚР Әскери-әуе күштері қатарында ұшқыш-жауынгер және әуе командирі ретінде қызмет атқарды. 2015 жылғы қыркүйекте «Союз ТМА-18М» ғарыш кемесінің бортинженері ретінде Халықаралық ғарыш станциясына ұшты.
Қазақстан Республикасының квазимемлекеттік және мемлекеттік секторларында басшылық лауазымдарында жұмыс атқарды:
2009-2010 жж. – ҚР Ұлттық ғарыш агенттігі Төрағасының кеңесшісі;
2010-2011 жж. – ҚР ҰҒА Ғарыш қызметін дамыту департаментінің директоры;
2011-2014 жж. – «ҰҒЗТО» АҚ «Сұлтанғазин атындағы ғарыштық зерттеулер институты» ЕЖШС Ғарыштық технологияларды ақпараттық-оқытушылық қамтамасыз ету басқарма басшысының орынбасары;
2014-2016 жж. – «ҰҒЗТО» АҚ «Ғарыштық техника және технологиялар институты» ЕЖШС директорының орынбасары;
2016-2019 жж. – «Қазақстан Ғарыш Сапары» ҰК» АҚ Ғарыш жүйелерін жасау және пайдалану жөніндегі Вице-президенті.
2019-2021 жж. – «Қазақстан Ғарыш Сапары» ҰК» АҚ Басқарма төрағасының орынбасары-Өндіріс жөніндегі Басқарма мүшесі.
2021 жылғы 13 қыркүйектен бастап «Қазақстан Ғарыш Сапары» ҰК» АҚ Басқарма төрағасы болып табылады.
Айдын Айымбетов – ҚР ұшқыш-ғарышкері, әуе генерал-майоры. Мемлекеттік награда мен құрмет атақтарына ие: «Халық Қаһарманы», «Қазақстанның ғарышкер-ұшқышы», «Отан» ордені.

Айдын Айымбетов «Қазақстан Ғарыш Сапары» ҰК Басқарма төрағасы қызметіне тағайындалды

<h4 id="kyzylordanewskzhttpskyzylordanewskzruobshestvonbspnbspnbspmatchtvhttpsmatchtvrufigureskatingmatchtvnews_ni1410486_vrozhdennyje_problemy_s_pozvonochnikom_nevernoje_reshenije_vystupat_za_kazahstan_i_dobryje_slova_treneram_match_tv_obshhajetsa_s_mamoj_elizabet_tursynbajevojnbsp"><a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Мәнерлеп сырғанаушы Элизабет Тұрсынбаеваның анасы Падишахан Сұлтаналиева қызының Қазақстан атынан өнер көрсету&nbsp;туралы шешіміне өкінетінін мәлімдеді. Бұл туралы ол&nbsp;<a href="https://matchtv.ru/figure-skating/matchtvnews_NI1410486_Vrozhdennyje_problemy_s_pozvonochnikom_nevernoje_reshenije_vystupat_za_Kazahstan_i_dobryje_slova_treneram_Match_TV_obshhajetsa_s_mamoj_Elizabet_Tursynbajevoj">Match TV</a>&nbsp;телеарнасына берген сұхбатында айтты.</h4>
Жақында 21 жастағы Тұрсынбаева&nbsp;өз мансабын аяқтағанын жариялады. Оған спортты жалғастыруға жарақаты кедергі келтіреді.
Элизаветаның анасы&nbsp;Падишахан Сұлтаналиева&nbsp;ата-бабалары үшін Қазақстан атынан өнер көрсетуге&nbsp;шешім қабылдағанын айтады.
<blockquote>
 “Тіпті күйеуім екеумізге бұл бала үшін негізгі старттарға&nbsp;апаратын жолды тездететін сияқты көрінді. Бірақ мен бұл шешіміме қатты өкінемін! Біз мәнерлеп сырғанау спорты жоқ ел үшін өнер көрсету қиындықтарға жетелейтінін алдын ала болжай алмадық. Егер сіз ұсынатын ел әлемдік аренада мәнерлеп сырғанау ортасы ретінде бағаланбаса… бұл тозақ. Олардың судьялары да, техникалық бақылаушылар да жоқ, сахна артында ешқандай қолдау жоқ. Ғасырлар бойы көшбасшылық үшін күресіп келе жатқан державаларда жеңіске жетуге барлық жағдай жасалған. Олар өз спортшыларын қорғап, төрешілермен жұмыс жасайды. Үлкен спорт үлкен саясатпен тең. Мен мұны процесте, тым кеш болғанда ғана түсіндім. Егер немерелерім мәнерлеп сырғанаушы болғысы келсе, мен оларға тек Ресей атынан өнер көрсетуді кеңес беремін. Өзімнің қателігімді ескеремін, Қазақстанда жағдай өзгермесе дәл осындай шешім қабылдаймын. Бірақ бұл тек менің пікірім екенін атап өткім келеді”, –&nbsp;деді ол.
</blockquote>
Падишахан Сұлтаналиева спортта бәсекелестік болғаны дұрыс деп есептейді.
<blockquote>
 “Бұл керек нәрсе. Бәсекелестік жоқ болса, спорт ретінде мәнерлеп сырғанау жоқ. Элизаның әлем чемпионатындағы жетістігі Этери Георгиевна тобындағы атмосфераның көмегімен болды. Бұрын, қызым 9-11-ші орындарды иеленетін. Ресей құрамасында қалуымыз керек деп ойлаймын. Әрине, қиындықтар бар, бірақ біз тезірек жетістікке жетер едік”, –&nbsp;деді спортшының анасы.
</blockquote>
Ол қателігі үшін Элизадан кешірім сұраған.
<blockquote>
 “Ол жасөспірім еді және үнсіз келісті. Қызымның олимпиада медалін жеңіп алмағаны – менің кінәм. Бүгін мен өз қателігімді мойындасам, өмір сүру оңайырақ болады. Қалай болғанда да, біз қызымыздың қойылымдарын ұзақ жылдар бойы қаржыландырған Қазақстанның Ұлттық Олимпиада комитетіне, ол туралы фильм түсіргені үшін Нұрсұлтан Назарбаев қорына ризамыз”, –&nbsp;деді&nbsp;Падишахан Сұлтаналиева.
</blockquote>
Сұхбат кезінде Падишахан Сұлтаналиева Қазақстандағы мәнерлеп сырғанау спортының жағдайына пікір білдірді.
<blockquote>
 “Мұз айдындары мен жаттықтырушылар көп, бірақ Мәскеумен салыстыруға болмайды. Астанада үш мұз айдыны бар, ал жаттығулар аз. Барлығы тырысады, бірақ деңгейі өте төмен. Көрдіңіз бе, менталитет басқаша: балалардың спорттық өсуіне жанын салатын тәртіп пен ата-аналар жетіспейді”, –&nbsp;дейді ол.
</blockquote>
Падишахан Сұлтаналиеваның сөзінше, қазір&nbsp;Элизабет Тұрсынбаева&nbsp;МГИМО-да халықаралық журналистика бөлімінде оқиды. Ол бір жыл оқып, Олимпиада үшін академиялық демалыс алды. Ал енді сабаққа оралудың уақыты келді.
<blockquote>
 “Қызым&nbsp;оқуын жалғастырады, ол университетін жақсы көреді. Спорт академиясына да оқуға түсті. Қазір көп жұмыс істейді – Қазақстанда балаларды жаттықтырады және жақын арада&nbsp;мұз академиясын ашады, оған өзінің аты беріледі,&nbsp;республикада мәнерлеп сырғанау деңгейін көтереді. Өз хоббиіне де уақыт бөледі – скрипка мен фортепианода ойнайды, ән айтады, өлең жазады. Өз формасында болса, шоуларға&nbsp;қатысуды жоспарлап отыр.
</blockquote>
Мен Элизаға бос уақыты туралы ойлануға кеңес беремін. “Қызға айнал, киноға бар, достарыңмен&nbsp;жиі кездесіп, демал!” – деймін. Ол көптеген жылдар бойы тынымсыз еңбек етті. Болашақты болжауға асықпаймын. Ең бастысы, менің баламның жан дүниесінде үйлесімділік бар. Ол спортта өзін танытты, рекордтар жасады және мәнерлеп сырғанау тарихына енді”, –&nbsp;деді&nbsp;Падишахан Сұлтаналиева.

Элизабет Тұрсынбаеваның анасы мәлімдеме жасады

Kyzylorda-news.kz. Йод – адам ағзасына аса қажет микроэлементтердің бірі. Ол жетіспесе, адамның ми дамуы тоқтайды. Әсіресе, баланың ақыл-ой жетіспеушілігі, психологиялық ауытқуы пайда болуы мүмкін.
Йод тапшылығы холестерин көбею, салмақ бұзылу, летаргия мен күйзеліске әкеледі. Йод жетпесе, қалқанша безінен бөлінетін гормон азаяды. Содан гипотиреоз, басқа да ағзалық ауытқулар пайда болады.
Сондықтан йодтың бар-жоғына аса мән берген жөн. Қазақстанда йод тапшылығы себебінен ас тұзына йод қосу өндірістік қажеттілікке айналған.
Ендеше йоды мол тағамдарға не жатады, соны қарастырып көрейік.
Картоп
Иә, картоптың құрамында йод жетерлік. Әрі бұл өнімнің бағасы да арзан. Суға не буға піскен картоптың қабығында 60 мг йод болады. Байқағаныңыздай, картоп пайдалы болсын десеңіз, қуырмай және қабығымен жеген жөн.
Тұз
Ас тұзының бәрінде йод болады. Бірақ өндірістік өңдеу кезінде жойылып кетуі мүмкін. Кейбір тұзда йод мол болады. Мәселен, гималай тұзының құрамында 500 мг йод болады екен. Сондықтан мүмкіндік болса, гималай тұзын тауып тұтыну керек.
Мүкжидек/клюква
Мүкжидек – жақсы антиоксидант (қатерлі ісіктің алдын алушы). Құрамында йод мол. 120 грамм мүкжидекте 400 мкг йод болады. Йодтың күндік нормасын алғыңыз келсе, аздап мүкжидек жеңіз. Немесе бір стақан балғын шырынын ішсеңіз жеткілікті.
Асбұршақ/фасоль
Жарты стақан асбұршақ пен теңіз асбұршағының құрамында 32 мгк йод болады.
Теңіз орамжапырағы мен балдыр
Теңіз мен мұхит – йодтың нағыз қайнар көзі. Сондықтан теңіз өнімдерінің құрамында микроэлемент мол болады. Мәселен, теңіз орамжапырағының бір мәзіріндегі йод мөлшері бір күндік нормадан 4 есе көп. Оны салат не сорпаға қосып ішсеңіз болады.
<a href="https://massaget.kz/layfstayl/Zdorove/66248/">Massaget</a>

Қазақстан және Қызылорда облысының жаңалықтары: Қоғам