<a href="https://kyzylorda-news.kz/">Kyzylorda-news.kz.</a> Аймақта жыл басынан бері тұтынушылар құқығын қорғау органына 435 арыз-шағым түскен. Бұл өткен жылмен салыстырғанда 2,8 есеге көп. Яғни басым бөлігі тұрмыстық қызмет, қаржылық, медициналық, жолаушылар тасымалы, тұрғын үй коммуналдық шаруашылығы, бөлшек сауда саласына қатысты. Бұл туралы Өңірлік коммуникациялар қызметінің ақпараттық алаңында өткен брифингте облыс бойынша тұтынушылардың құқықтарын қорғау департаментінің басшысы Ерқасым Сүлейменов мәлімдеді.
Брифингте сала басшысы құзырлы органга түскен өтініштердің 352-не жауап берілгенін және 63-і түсіндіріліп, 19-ы басқа мемлекеттік органга жолданғанын айтты. Нәтижесінде тұтынушыларға 2,3 млн. теңге қаражат қайтарылған.
<blockquote>
 «Департамент жанынан тұтынушылардың сұрақтарына жауап беру мақсатында «үйлестіру комиссиясы» құрылды. Осы кезеңге дейін аталған комиссияның 3 отырысы өткізілді. Алғашқы жиында бірқатар әлеуметтік-проблемалық мәселелер талқыланды. Мәселен, су, жылу, газбен жабдықтауда қызметтердің тиісті деңгейде көрсетілмеуі, қоқыс шығару бойынша сапасыз қызметтерге, пәтер иелері кооперативі ұйымның төрағасымен міндеттерінің тиісті деңгейде орындалмауына, медициналық қызметтер бойынша жедел жәрдемнің уақытылы және сапалы жұмыс істемеуі, ауруханаға жатқызудан негізсіз бас тарту, мекемелерде санитарлық нормаларының сақталмауы, медициналық мекемелердегі ұзын сонар кезектер және т.б. Осыған орай, әлеуметтік проблемалық мәселелерді шешу жөніндегі іс-шаралар жоспары әзірленіп, облыс әкімдігімен бекітілді. Сондай-ақ тиісті мемлекеттік органдар тарапынан жұмыстар жүргізілуде»,-деді Ерқасым Жайбергенұлы.
</blockquote>
Айта кетейік, алдағы уақытта да департамент қызметкерлері әрбір тұтынушының көтерген мәселесін Заңға сәйкес оң шешілуі бағытында жұмыстарын жүргізе бермек.

Қызылорда: Тұтынушыларға 2,3 млн. теңге қайтарылған

<a href="https://kyzylorda-news.kz/">Kyzylorda-news.kz.</a> Мемлекеттік мереке – ҚР Тұңғыш Президенті күніне байланысты 1 желтоқсан күні Қазақстанның ХҚО-лары мен мамандандырылған ХҚО-лары жұмыс істемейді.
Бүгінгі таңда елімізде 334 Халыққа қызмет көрсету бөлімі, оның ішінде 32 мамандандырылған бөлім бар, онда азаматтар мемлекеттік қызметтердің 662 түрі бойынша жүгіне алады. Сондай-ақ азаматтар электрондық анықтамалар мен қызметтерді мереке күндеріне қарамастан, egov.kz порталы, egovkzbot2.0 телеграм-боты, egov mobile қосымшасы арқылы онлайн түрде кез келген жерден рәсімдей алады.
<blockquote>
 «Біз қазақстандықтарды желтоқсан айында атап өтілетін мерекелерімен құттықтаймыз. Көпшілік демалыс және мереке күндеріне дейін барлық құжатын түгендеп-жинастыруға, қандай да бір анықтамасын жаңартып қалуға тырысады. ХҚО-лар дүйсенбіден жұмаға дейін үзіліссіз сағат 9.00-ден 18.00-ге дейін жұмыс істейтінін еске саламын. Сенбі, жексенбі және мемлекеттік мереке күндері – демалыс», – деді Мемлекеттік корпорацияның қоғаммен байланыс жөніндегі басқарушы директоры Байрам Азизов.
</blockquote>
Халыққа қызмет көрсету орталықтары, сондай-ақ 16-17 желтоқсанда ҚР Тәуелсіздік күніне байланысты жұмыс істемейді.

ХҚО-лар қай күндері жұмыс істемейді?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы бойынша «Жол активтерінің ұлттық сапа орталығы» РМК филиал мамандары жыл басынан бері 223 нысанға 473 рет жолдардың сапасын қадағалауға шықты. Бұл туралы «Жол активтерінің ұлттық сапа орталығы» РМК Қызылорда облыстық филиалының директоры Ерболат Көштаев мәлімдеді.
<blockquote>
 «Ішінара тексеру барысында барлығы 1297 сынама алынды. Соның ішінде 460 жол құрылыс материалдарының сынамасы нормативтік құжаттардың талаптарына сай болмай шықты. Аспаптық тексеру кезінде анықталған 190 ақаудың, 59-ы өрескел олқылықтар. Біздің тарапымыздан берілген ескертпе нәтижесінде 22 700&nbsp;000 теңге 8404 м² асфальт бетон жамылғысы ауыстырылып қайта салынды. Тапсырыс берушілер мен мердігерлерге табылған кемшіліктер бойынша хаттар жолданды», – дейді Ерболат Көштаев.&nbsp;
</blockquote>
Қазіргі уақытта жоғарыда айтылған 460 нормативке сай келмеген жол құрылыс материалдарының 189 сынамасы қалпына келтірілді. Аспаптық тексеру барысында табылған 190 ақаудың 123-і қалпына келтірілді.
<blockquote>
 «Қызылорда облысы бойынша «Жол активтерінің ұлттық сапа орталығы» РМК филиал қызметкерлері 5 нысанға 158 рет жолға тексеру жұмыстарына шықты. Ішінара тексеру барысында 47 сынама алынып тексерілді, оның ішінде 1 жол құрылыс материалының сынамасы нормативтік құжаттардың талаптарына сай болмай шықты. Аспаптық тексеру бойынша 130 ақаулар анықталды. Біздің тарапымыздан берілген ескертпе ақаулардың нәтижесінде 3&nbsp;600 000 теңге 360 м² асфальт бетон жамылғысы ауыстырып қайта салынды. Тапсырыс берушілер мен Мердігерлерге табылған кемшіліктер бойынша хат жолданды», – деді филиал директоры.
</blockquote>
Қазіргі уақытта анықталған сапасыз жол құрылыс материалы толық қалпына келтірілді,&nbsp; аспаптық тексеру бойынша табылған 130 ақаудың, 114-і қалпына келтірілді, 16 ақауды жөндеу жұмыстары жоспарлануда.
<blockquote>
 «Сонымен қатар жергілікті маңыздағы жолдардың 150 нысанына 224 рет тексеру жүргізілді. Ішінара тексеру барысында 971 сынама алынып тексерілді, оның ішінде 383 жол құрылыс материалдарының сынамалары нормативтік құжаттардың талаптарына сай болмай шықты. Аспаптық тексеру бойынша 54 ақаулар анықталды. Тапсырыс берушілер мен Мердігерлерге кемшіліктер бойынша хат жолданды. Бүгінгі күнге жіберілген кемшіліктер толығымен қайта қалпына келтірілді. Жоғарыда айтылған кемшіліктердің көбісі аудандарда және ауылдық округтерде салынып жатқан жолдарда анықталып отыр», – дейді Ерболат Көштаев.
</blockquote>
Айта кету керек, жолдардың сапалы салынуына ең бірінші кезекте жеке техникалық қадағалаушылар жауапты. Олар олқылықтарды дер кезінде анықтап, құрылыстың талапқа сай жүруіне ықпал етуі тиіс. Бірақ, техникалық қадағалаушылар көбіне өз міндетіне немқұрайлықпен қарап, мердігердің кемшілігін елемей жатады. Жол құрылысында жауапсыздық танытқан екі маманға жол активтерінің ұлттық сапа орталығы шағым келтіріп, құзырлы мекеме тарапынан шара көрілді. Яғни, екі техникалық қадағалаушы 6 айға дейін лицензиясынан айрылып, оларға заңға сәйкес айыппұл салынды.
<img src="https://kyzylorda-news.kz/wp-content/uploads/2021/11/whatsapp-image-2021-11-30-at-15.18.34.jpeg" alt="" />

Ерболат Көштаев: Жолдардың сапасына бірінші кезекте техникалық қадағалаушы жауапты

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен 1 желтоқсан – ҚР Тұңғыш Президенті күніне арналған «Тұңғыш Президент және Тәуелсіз Қазақстан: өркендеудің 30 жылы» атты республикалық ғылыми-практикалық конференция өткізілді.
Конференцияға ҚР Парламенті Сенатының Әлеуметтік-мәдени даму және ғылым комитетінің төрағасы, саяси ғылымдар докторы Мұрат Бақтиярұлы, облыстық мәслихаттың хатшысы Наурызбай Байқадамов, Ұлттық ғылым академиясының академигі, облыстық Қоғамдық кеңестің төрағасы Бақберген Досманбетов, облыстық ардагерлер кеңесінің төрағасы Серік Дүйсенбаев, белгілі әнші-композитор Жеңіс Сейдоллаұлы, айтыскер ақын, үш дүркін «Алтын домбыра» иегері Мұхтар Ниязов, Сыр толағайы, ауыр атлетші Илья Ильин, зиялы қауым өкілдері, облыстық Қазақстан халқы Ассамблеясының белсенділері, жоғары оқу орындарының басшылары мен ғалымдары, басқарма басшылары, үкіметтік емес ұйым өкілдері және онлайн байланыс арқылы аудан әкімдері мен зиялы қауым өкілдері қатысты.
Аймақ басшысы Сыр халқын ҚР Тұңғыш Президенті күнімен құттықтап, Тәуелсіз Қазақстанның даму белесінде Елбасының рөлі мен жаңғыру кезеңіндегі Сыр елінің жетістігін тізбектеп берді.
<blockquote>
 Баршаңызды Тәуелсіз еліміздің мәртебелі мерекесі – Қазақстан Республикасының Тұңғыш Президенті күнімен құттықтаймын! Биыл бірлігі бекем, татулығы жарасқан Қазақстан халқы Тәуелсіздіктің 30 жылдығын атап өтуде. Елбасының көшбасшылығы арқасында саяси жүйесі тұрақты, экономикалық әлеуеті мықты, ұлттық рухы берік, халықаралық беделі зор қуатты мемлекетті құрдық. Осы жасампаз істерді Елбасының серігі, Президентіміз Қасым-Жомарт Кемелұлы Тоқаев жүйелі түрде жүзеге асыруда. Еліміз тәуелсіздік жылдары қаншалықты толымды табыстарға қол жеткізсе, оған Сыр елі де өз үлесін қосуда. 
 «Сыр – Алаштың анасы», бұл – қазақ елінің алғашқы астанасы Қызылорда жайлы Елбасының сөзі. 
 Екіншіден, Отандық ғарыш кеңістігінің өркендеуі. Қызылорда облысы – Қазақстанда ғана емес әлемде ғарыштық кешен орналасқан стратегиялық маңызы бар өңір. 
 Үшіншіден, халықаралық сарапшылар тарапынан «Ғасыр жобасы» аталған Арал теңізін сақтап қалу идеясы. Экологиялық апат аймағы ретінде тарап кеткелі тұрған облысымыз Тұңғыш Президентіміздің дана саясатымен Тәуелсіздік тарихында өз орнын сақтап қалды. 
 Төртіншіден, «Батыс Еуропа – Батыс Қытай» жолы арқылы ел мен елді, жер мен жерді жақындатты. Бұл барлық ауданы теміржол мен автокөлік жолының бойында орналасқан Сыр елі үшін ең тиімді инфрақұрылымдық шешім, – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2021/11/262919220_196208636033722_4509026016156636189_n.jpg" alt="" />
Конференцияда Мұрат Бахтиярұлы «Елбасы және ел тәуелсіздігі», Наурызбай Байқадамов «ҚР Тұңғыш Президенті – Елбасы Н.Ә.Назарбаевтың Тәуелсіз Қазақстанды қалыптастырудағы рөлі», Бақберген Досманбетов «Елбасы – елорда архитекторы», Серік Дүйсенбаев «Тұңғыш Президент және Сыр өңіріндегі дамудың өрелі 30 жылы» тақырыбында баяндама жасап, Ұлт көшбасшысы Ұлы даланың ұлы есімдерінің тікелей жалғасы, Тәуелсіз Қазақстанның негізін қалаушы ұлы реформатор Нұрсұлтан Назарбаевтың сарабдал саясаты туралы сөз қозғады.
Сонымен қатар облыстық Қазақстан халқы Ассамблеясы төрағасының орынбасары, неміс этномәдени бірлестігінің төрағасы Ирина Шек «Елбасы және Қазақстан халқы Ассамблеясы: бейбітшілік пен келісім жолы» тақырыбында баяндама жасаса, Жеңіс Сейдоллаұлы, Мұхтар Ниязов, Илья Ильин мен Талғат Тілес Тәуелсіз Қазақстанды қалыптастыру жолындағы азаматтардың үлесі туралы ой қозғап, жүрекжарды пікірлерін жеткізді.
<img src="https://kyzylorda-news.kz/wp-content/uploads/2021/11/262902757_196209012700351_1272248834876290106_n.jpg" alt="" />
<img src="https://kyzylorda-news.kz/wp-content/uploads/2021/11/262859428_196208939367025_6213194692619163956_n.jpg" alt="" />
<img src="https://kyzylorda-news.kz/wp-content/uploads/2021/11/262719848_196208972700355_9178996250587879210_n.jpg" alt="" />

Елбасының ерен еңбегі: Қызылордада Тұңғыш Президент күніне арналған республикалық конференция өтті

<a href="https://kyzylorda-news.kz/">Kyzylorda-news.kz.</a>&nbsp;Орал қаласында каратэ шито-рюден балалар, жасөспірімдер, жастар және ересектер арасында Қазақстан чемпионаты өтті. Байрақты бәсекеде Қорқыт Ата атындағы Қызылорда университетінің студенті Әсемгүл Ердәулет 55 кг салмақта ҚР чемпионы атанды.
<blockquote>
 «Отбасында ер балалардың ортасында өскендіктен болар, ата-әжем спортты жаныма серік етті. 8 жастан бастап денемді шынықтырып, үлкен спортқа дайындалдым десем де болады. Бүгінгі жеткен жетістіктерім – қалыптасқан әдеттер мен спортқа деген махаббатымның арқасы. Осының нәтижесінде Халықаралық дәрежедегі спорт шебері, Әлем чемпионатынан алтын медаль және Әлем кубогі маған бұйырды. Міне, кезекті жарыста жеңіске жетіп, Қазақстан чемпионатының 7 дүркін жеңімпазы атандым. Болашақта нәзік те батыл қадамдарыммен елімнің абыройын асқақтата берсем деген ниетім бар»,- деді спортшы.
</blockquote>
Оралда өткен жарыста чемпион 3 кездесу өткізіп, ақтық сайыста маңғыстаулық спортшымен белдесті. Қарсыласын 6-1 есебімен жеңіп, жеңіс тұғырынан көрінді.
Айта кетейік, Әсемгүл Ермекқызы 2003 жылы Қызылорда қаласында дүниеге келген. Қазіргі таңда Қорқыт Ата атындағы Қызылорда университетінің «Дене шынықтыру және спорт» мамандығында 2-курс оқиды.
<img src="https://kyzylorda-news.kz/wp-content/uploads/2021/11/2-1.jpg" alt="" />

Қызылордалық студент Қазақстан чемпионатының 7 дүркін жеңімпазы

<a href="https://kyzylorda-news.kz/">Kyzylorda-news.kz.</a>&nbsp; 1 желтоқсан – Қазақстан Республикасының Тұңғыш Президенті күні. Бүкіл ел ауқымында атап өтілетін айтулы мереке қарсаңында Қызылорда облысының Полиция департаментінде мерекелік іс-шара өтті.
Қызылорда облысы Полиция департаментінің бастығы полиция полковнигі Сұлтан Бектөре халықтың бейбіт өмірі мен егемендігіміздің құндылықтарын қорғау жолында еңбегімен ерекшеленген тәртіп сақшыларын марапаттады.
Шара барысында Қазақстан Республикасының Ішкі істер министрі Ерлан Тұрғымбаевтың құттықтау хаты оқылды.
Қызылорда облысы Полиция департаментінің бастығы полиция полковнигі Сұлтан Бектөре сөз алып, жеке құрамды айтулы мерекемен құттықтады.
Мерекелік шара барысында қоғамдық тәртіпті қамтамасыз етіп, халықтың құқығы мен бостандығының қорғалуы жолында ерекше көзге түсіп, үздік нәтижелерге қол жеткізгені үшін барлығы 158 полиция қызметкерлері марапатталды.
«Құқық тәртібін қамтамасыз етуге қосқан үлесі медалімен» полиция подполковнигі Сыздық Сәкен, полиция капитаны Оспанов Ғабит, ІІ дәрежелі «ІІМ-дегі Үздік қызметі» төс белгісімен полиция капитаны Еркінбекұлы Табиғат, полиция капитаны Агибаев Бахытжан, полиция лейтенанты Кункабаев Аскар, ҚР ІІМ-нің «Алғыс хатымен» полиция полковнигі Маншарипов Айдарбек марапатталды. Еңбегі еленген тәртіп сақшыларының бұл жетістіктері әріптестері үшін үлгі, туыстары үшін мақтаныш.
Айта кетерлік жайт, марапатталғандардың қатарында құқық бұзушылықтармен күресіп, құқықтық тәртіптің қамтамасыз етілуі жолында аянбай еңбек етіп жүрген төменгі құрылым қызметкерлері, аудандық Полиция бөлімдері, Қалалық Полиция басқармасының қызметкерлері де бар.
Салтанатты жиын барысында полиция қызметкерлері еліміздің Тұңғыш Президенті Нұрсұлтан Назарбаевтың биографиясымен, жасампаз идеяларымен, бастамаларымен танысты.
Сонымен қатар, «1 желтоқсан – Тұңғыш Президент күні» мерекесіне арнайы түсірілген «Тұңғыш Президенттің өмір жолы» бейнеролигі департамент қызметкерлерінің назарына ұсынылып, Нұрсұлтан Әбішұлы Назарбаевтың ел игілігі жолындағы сіңірген еңбектері атап өтілді.

«Тұңғыш Президент күні»: Қызылордалық полицейлер марапатталды

<a href="https://kyzylorda-news.kz/">Kyzylorda-news.kz.</a> Бүгін Ә.Тыныбаев атындағы 11 мектеп-лицейінде 1990 жығы түлектердің демеушілігімен 2000-нан астам оқушының рухани тәрбиеленуіне үлес қосатын домбыра сыныбы ашылды.
Домбыра сыныбын Қазақстан Республикасының еңбек сіңірген қайраткері Байбосынова Ұлжан Мәлікайдарқызы мен үш дүркін «Алтын домбыра» иегері, ақын Мұхтар Ниязов салтанатты түрде лентасын қиды.
Салтанатты шарада домбыра сыныбының ашылуына мұрындық болған қазақтың жыр өнерін әлемге паш етіп жүрген жыршы, филология ғылымдарының кандидаты, ҚР еңбек сіңірген қайраткері Байбосынова Ұлжан Мәлікайдарқызы мектеп оқушыларына өз атынан 20 домбыра тарту етті.

Қызылорда қаласындағы мектепте домбыра сыныбы ашылды

<a href="https://kyzylorda-news.kz/">Kyzylorda-news.kz.</a>&nbsp;Міндетті әлеуметтік медициналық сақтандыру жүйесінің аясында қымбат тұратын медициналық қызметтер, еліміздің клиникаларында емделу қолжетімді.
Қызылорда облысы Шиелі ауданы Қарғалы ауылының тұрғыны Шырынкүл Әбілтаева көп жылдан бері ревматоидты артритпен ауыруда. Жыл сайын аудандық және облыстық ауруханалардыңда емделеді. Сондай-ақ, дәрігерлер Түркістан мен Шымкент қалаларының медициналық ұйымдарына емделуге жолдама береді.
<blockquote>
 «Біздің және Оңтүстік Қазақстан аймғында да мықты дәрігерлер жұмыс істейді. Ревматоидты артрит – бұл жүйелі, қабыну ауруы. Сондықтан динамикалық емдеу қажет. Осы, аудандық ауруханаға буындардағы қатты ауырсынумен түстім. Қазір физио емдеу және барлық қажетті процедуралар, дәрі-дәрмектерді қабылдап жүрмін. Міндетті әлеуметтік медициналық сақтандыру жүйесінде сақтандырылғандықтан, маған барлық медициналық қызметтер қолжетімді. Сондай – ақ, емханадан ай сайын гормондық дәрі-дәрмектерді аламын», – дейді пациент.
</blockquote>
Шиелі кентінің тұрғыны Күлтай Ерқонысова аудандық ауруханаға ауыр жағдайда түсті. 75 жастағы кейуана көптеген жылдар бойы аритмиямен, жоғары қан қысымымен ауырады. Қазір Күлтай апа өз қалпына келді.
<blockquote>
 «Мені зембілмен әкелді, бұл инсульт деп уайымдадым. Денсаулық жағдайым қалай жақсарды, дәрігерлер мені облыс орталығының клиникаларының біріне апарып, МРТ-ға түсірді. Шүкір, инсульт жоқ. Дәрігерлерге алғысым шексіз» – дейді Күлтай Ерқонысова.
</blockquote>
Шиелі аудандық ауруханасының терапия бөлімінің меңгерушісі Бақыт Исмағұлованың айтуынша, МӘМС аясында қымбат тұратын анализдерді тапсыру, УДЗ, МРТ түсіру және т. б сақтандырылған азаматтар үшін тегін.
<blockquote>
 «Біз телемедицинаны кеңінен қолданамыз, санавиация белсенді жұмыс істейді. Егер бұрын нақты диагноз қою үшін біздің науқастар облыс орталығына және басқа өңірлерге барса, қазір телемедицина арқылы еліміздің жетекші дәрігерлерімен кеңесеміз», – деп хабарлады Бақыт Исмағұлова.
</blockquote>
Жыл басынан Шиелі аудандық ауруханасының терапия бөлімінде 2 мыңға жуық адам ем қабылдады. Бұл мақсатқа Әлеуметтік медициналық сақтандыру қоры филиалынан 296,9 млн теңге бөлінді.

МӘМС: Клиникаларда емделу, қымбат медициналық қызметтер қолжетімді

<a href="https://kyzylorda-news.kz/">Kyzylorda-news.kz.</a> Қызылорда облысының кәсіпкерлер палатасы биыл қаңтар-қазан аралығында өңірде түрлі қиындыққа тап болған мыңнан аса кәсіпкердің құқығын қорғаған. Бұл туралы Қызылорда облысы кәсіпкерлер палатасының директоры Ғалымбек Жақсылықов айтты.
Палата басшысы кәсіпкерлердің өтініші бойынша жұмыс екі бағытта өрбитінін атап өтті. Бірінші бағытта заңгерлер түскен өтінішке сәйкес жан-жақты зерделеу жұмыстарын жүргізіп, тиісті мемлекеттік органдармен бірге шешу жолдарын қарастырады.
<blockquote>
 «Кәсіпкерлер палатасында менің құқықтық мәселелер жөніндегі орынбасарымнан өзге 2 заңгер бар. Аймақ кәсіпкерлерінің құқығын қорғау үшін уақытпен санаспай, жұмыс істейтін осы үш маман. Бір өтініш үшін ондаған нормативтік-құқықтық құжатты оқып, бірнеше мемлекеттік органмен байланыс орнатады, түрлі ұйымға хат жолдайды. Былай айтқанда, шешілген әр өтініштің артында апталап жасалған еңбек жатыр. Биылдың өзінде Палатаға кәсіпкерлерден 119 өтініш түсті. Әзірге оның 44-і оң шешіліп, 700-ден аса кәсіпкердің құқығы қорғалды», – дейді Ғалымбек Жақсылықов.
</blockquote>
Оң шешілген өтініштер негізінде бизнес өкілдерінің 721,1 млн теңгесі сақталып қалды. Бұл қаржы күші жойылған айыппұлдар, өсімпұлдардан, мемлекет тарапынан қайтарылған қаражат есебінен, сақталып қалған бизнес мүлкінің құнынан және басқаларынан құралған.
Екінші бағытта жиі, жүйелі кездесетін мәселелер Палата жанындағы Кәсіпкерлер құқығын қорғау және сыбайлас жемқорлыққа қарсы іс-қимыл кеңесінде қаралады.
Кәсіпкерлер палатасы директорының орынбасары, Қызылорда облысындағы бизнес-омбудсменнің өкілі Салават Құлмахан осы жылы өткен кеңестің 11 отырысында 14 мәселе қаралғанын айтты. Кеңес кәсіпкерлердің құқығын қорғау бойынша мемлекеттік органдарға 19 ұсыныс беріп, оның 11-і қолдау тапқан. Кеңес жұмысының нәтижесінде 400-ден аса кәсіпкердің құқығы қорғалды.
<blockquote>
 «Бір ғана мысал айтайын, кеңестің қазандағы отырысында Қызылорда облысына қарасты Жалағаш аудандық білім бөлімінің «салынып жатқан балабақшаға қаржы беріледі» деген желеумен жұмыс істеп тұрған балабақшаға қолдау көрсете алмайтыны жазылған ресми хат қаралды. Мемлекеттік орган хатында мектепке дейінгі тәрбие беру ұйымынан бала қабылдауды тоқтатуын да сұраған. Мәселе кеңесте қаралды. Кәсіпкерге құқықтық қолдау көрсетіліп, кәсіпкерлік қызметіне қатысты ескерілетін тұстары түсіндірілді. Ал кәсіпкердің қызметіне кедергі келтіруге тырысқан хат бойынша облыстық білім басқармасы қызметтік тексеру жүргізді. Нәтижесімен Жалағаш аудандық білім бөлімінің үш қызметкері «ескерту» түріндегі тәртіптік жазаға тартылды» – деді Салават Құлмахан.
</blockquote>

Қызылорда облысының кәсіпкерлер палатасы мыңнан аса кәсіпкердің құқығын қорғады

<a href="https://kyzylorda-news.kz/">Kyzylorda-news.kz.</a> Қазақстан коронавирус инфекциясының жаңа штамының пайда болуына орай 3 желтоқсаннан шектеу іс-шараларын күшейтеді. Бұл туралы Үкімет отырысында ҚР Денсаулық сақтау бірінші вице-министрі Марат Шоранов айтты, деп хабарлайды ҚазАқпарат.
<blockquote>
 «Коронавирустық инфекцияның «Омикрон» штамының жаңа нұсқасының пайда болуын ескере отырып, оны республика аумағына әкелуге жол бермеу мақсатында ведомствоаралық комиссияда ағымдағы жылғы 3 желтоқсаннан бастап мынадай шектеу іс-шараларын енгізу туралы шешім қабылданды. Бірінші – Ботсвана, Лесото, Намибия, Зимбабве, Мозамбик, Мадагаскар, Эсватини, Малави, Онтүстік Африка, Танзания және Гонконгтан шетел азаматтарының Қазақстанға келуін шектеу», – деді бірінші вице-министр.
</blockquote>
Оның атап өтуінше, екіншіден, «Омикрон» нұсқасынан туындаған КВИ жағдайлары анықталған Израиль, Чехия, Нидерланды, Бельгия, Ұлыбритания, Италия, Германия, Австралия, Канада және Египеттен келетін адамдар үшін вакцинациясы бар-жоғына қарамастан міндетті ПТР тестілеудің бар болуы енгізіледі.
<blockquote>
 «Үшіншіден, «Омикрон»-нан туындаған КВИ жағдайлары анықталған елдерден келген адамдар ПТР нәтижесіне қарамастан 7 күнге үй карантинге оқшаулануы тиіс. Осыған орай, санитарлық-эпидемиологиялық комитетінің департаменттары, шетелден келген азаматтар туралы ақпаратты жергілікті атқарушы органдарға уақтылы беруді, ал әкімдіктер бұл тұлғаларды поликлиникалар деңгейінде қашықтықтан бақылауды қамтамасыз етуі қажет», – деді Марат Шоранов.
</blockquote>

Омикрон: Қазақстан шектеу шараларын күшейтеді

<a href="https://kyzylorda-news.kz/">Kyzylorda-news.kz.</a>&nbsp;Түркістан қаласында өткен «Халықаралық «Қазақтілі» қоғамы» қоғамдық бірлестігінің VI Құрылтайында мемлекеттік тілдің дамуына қосқан айрықша үлесі үшін қоғамдық бірлестіктің Қызылорда облыстық филиалының төрағасы, «Тіл сақшысы» газетінің бас редакторы, «Тіл жанашыры» белгісінің иегері Сәдуақас Аңсат Президент Жарлығымен бекітілген «Парасат» орденімен марапатталды.
Алқалы жиында орденді Қазақстан Республикасының Мемлекеттік хатшысы Қырымбек Көшербаев табыстады.
Барша сырбойылықтардың атынан қоғам жанашыры Сәдуақас Әбдіқадырұлына облыс әкімінің Алғысы табысталды. Мемлекеттік тілдің мәртебесін асқақ етуге табанды еңбек етіп, ана тілдің беделін көтеруде байыпты бастамалар жасап жүрген азаматқа облыс әкімінің құттықтау хатын облыстық ішкі саясат басқармасының басшысы Мира Қазбекова жеткізіп, құрмет көрсетті.
Сәдуақас Аңсат 1945 жылдың 12 қаңтарында Қызылорда облысы, Қармақшы ауданының Жосалы кентінде дүниеге келген. Сол кенттегі №26 қазақ-орта мектебін 1962 жылы бітіріп, Шымкент қаласындағы қазақ химия-технологиялық институтына түсіп, 1967 жылы «құрылыс-технологі инженері» мамандығын үздік дипломмен аяқтайды.
Еңбек жолын Шымкенттегі темір-бетон зауыттарында бетоншы, арматуршы болып бастаған. Мемлекеттік қызметте, қоғамдық бірлестіктерде жауапты лауазымды қызмет атқарып, елдің әлеуметтік-экономикалық дамуына айрықша үлес қосқан.
Қызылорда қаласында қызмет атқарған жылдары бірнеше мәрте облыстық партия комитеті мүшелігіне кандидат, қалалық кеңестің депутаты болып сайланған.
­Сәдуақас ­Әбдіқадырұлы «КСРО Еңбек ардагері», «Қазақстан Респуликасы Тәуелсіздігіне 20 жыл», «Қазақстан халық Ассамблеясына 10, 20 жыл», «Ұлы Октябрь Революциясына 100 жыл», «Халықаралық «Қазақтілі» қоғамының «Ана тілі» айрықша белгісі», Республикалық «Тіл жанашыры» құрмет белгісі, «Қызылорда қаласына 190 жыл», «Қармақшы ауданына 80 жыл», «Қызылорда облысына 70 жыл», «Комсомолға 100 жыл» мерекелік медальдарымен марапатталған.
Сондай-ақ Қызылорда облыс әкімі мен мәслихатының Құрмет грамотасымен, «Халықаралық Қазақ тілі» қоғамының ҚР көші-қон және демография агенттігінің құрмет грамоталарымен, ел тәуелсіздігінің 10 жылдығына, Қазақстан Үкімет басшысының Алғыс хатының иегері.

Тіл жанашыры Сәдуақас Аңсат «Парасат» орденімен марапатталды

&nbsp;<a href="https://kyzylorda-news.kz/">Kyzylorda-news.kz.</a> 30 қарашада ауқымды антициклон жотасы әлі де республиканың басым бөлігіндегі ауа райын анықтайды. Соған орай жауын-шашынсыз күн райы күтіледі.
Республиканың тек батысында еуропалық циклон жырасы әсерінен жауын-шашын (жаңбыр мен қар түрінде), көктайғақ, тұман, екпінді жел болжанады, деп хабарлайды Қазгидромет.
&nbsp;Қызылорда облысының&nbsp;солтүстігінде тұман күтіледі.

Қазақстан және Қызылорда облысының жаңалықтары: Қоғам