<a href="https://kyzylorda-news.kz/">Kyzylorda-news.kz</a> Бүгін Қазалы ауданының әкімі Алмасбек Есмаханов аудандағы мектеп бітіруші үздік түлектермен кездесуден кейін, аудан әкімдігі ғимаратында жас түлектермен ашық есік күнін өткізді.Аудан басшысы оқушыларға әкімдік ғимаратын аралап көрсетіп, ауданның құрылу тарихын, өңірдің өсіп-өркендеуі жолында еңбек сіңірген ел ағаларының еңбектері жайында айтып берді.Ғимаратты аралау барысында аудан әкімі өзінің жұмыс кабинетімен таныстырып, мемлекеттік қызметтің жауапкершілігі мен елге қызмет етудің маңыздылығы туралы атап өтті. Жастармен еркін форматта пікір алмасқан аудан басшысы олардың болашақ мамандық таңдауы, алға қойған мақсаттары мен білімге деген ұмтылыстары жөнінде сұхбат құрды.Кездесу барысында аудан әкімі жас түлектерге алдағы Ұлттық бірыңғай тестілеуді жоғары деңгейде тапсырып, өздері қалаған жоғары оқу орындарының студенті атануларына тілектестігін білдірді. Ел болашағы – білімді де білікті жастардың қолында екенін атап өтіп, әрдайым ізденісте болып, туған елдің дамуына үлес қосатын азамат болуға шақырды.Кездесу соңында оқушылар аудан басшысымен естелік суретке түсіп, ашық есік күні аясындағы тағылымды жүздесуден ерекше әсер алды.<img src="https://knadmin.beoblood.kz/uploads/Zhas_t_lekter_ashy_esik_k_ni_4675b3ec17.jpg" alt="Жас түлектер ашық есік күні.jpg">

Жас түлектерге арналған ашық есік күні өтті

<a href="https://kyzylorda-news.kz/">Kyzylorda-news.kz</a> Бүгін Қазалы ауданының әкімі Алмасбек Есмаханов аудандағы мектеп бітіруші үздік түлектермен кездесті. Аудан әкімдігінің мәжіліс залында өткен кездесуде аудан басшысы жас түлектерді мектеп бітірулерімен құттықтап, Мемлекет басшысы Қасым-Жомарт Кемелұлы Тоқаевтың жастарға әрдайым үлкен сенім артатынын жеткізді. Сондай-ақ Президентіміздің қолдауының нәтижесінде білім саласындағы атқарылып жатқан игі жұмыстар жайында айтып өтті.<blockquote>– Президентіміз: «Жастар – еліміздің тірегі, мемлекеттің стратегиялық ресурсы» деп атап өткен болатын. Бұл сөз — сіздерге берілген үлкен баға әрі зор жауапкершілік. Бүгін осы залда отырған әрбір түлек — өзінің табандылығы мен еңбекқорлығының арқасында биік белестерді бағындырған жастар. Сіздердің жетістіктеріңізде ұстаздардың қажырлы еңбегі мен ата-аналардың ақ тілеуі жатыр. Мемлекет басшысы өз Жолдауында: «Білімді ұрпақ – ұлттың сапалы болашағының кепілі» екенін ерекше атап өтті. Бүгінде Президентіміздің Жолдауынан туындаған міндеттер аясында елімізде жастардың сапалы білім алуына, жан-жақты дамуына барлық жағдай жасалуда. Осының барлығы – сіздердің жарқын болашақтарыңыз үшін жасалып жатқан қолдау. Сіздерге алдағы үлкен жауапты кезеңдерге сәттілік, жарқын болашақ, биік мақсаттар тілеймін, - деді аудан әкімі Алмасбек Әбілқасымұлы.</blockquote>Кездесуде білім саласының ардагері Дөңес Мешітбай мен «Ерен еңбегі үшін» медалінің және «Ыбырай Алтынсарин» төсбелгісінің иегері, білім саласының ардагері Ләззат Ізбасқан құттықтау сөз сөйлеп, жас түлектердің жарқын болашағына сәттілік тіледі.Жиында әлемнің беделді оқу орындарының грант иегері атанған №216 орта мектептің оқушысы Темірхан Бақдаулет, республикалық олимпиадалардың жеңімпазы Әмірхан Нұртөре және пәндік олимпиадалар жүлдегері Жеткерген Ерасыл сынды халықаралық және республикалық білім додаларында жоғары жетістіктерге жеткен дарынды оқушылар өз ұсыныс-пікірлерін ортаға салды.Кездесу соңында аудан басшысы түлектерге жарқын болашақ, биік мақсат пен толағай табыс тілеп, ел игілігі жолында аянбай еңбек ететін үлкен азамат болуға тілектестігін білдірді.&nbsp;Айта кетейік, биылғы оқу жылында ауданымызда 1015 түлек мектеп бітіргелі отыр. Оның ішінде 943 оқушы ҰБТ-ға ағымдағы жылдың 10 мамырынан бастап - 10 шілде аралығында бақ сынауда. Биыл ауданымызда мектеп бітіретін 1015 түлектің 99-ы «Алтын белгіге», 116-ы «Үздік аттестатқа» үміткер атанып отыр.<img src="https://knadmin.beoblood.kz/uploads/azaly_audany_bitirushi_t_lektermen_kezdesu_2_334a88b4ec.jpg" alt="Қазалы ауданы бітіруші түлектермен кездесу 2.jpg">

Қазалы: Мектеп бітіруші түлектермен кездесті

<a href="https://kyzylorda-news.kz/">Kyzylorda-news.kz</a> &nbsp;Сырдария ауданы әкімі Берік Сәрменбаевтың қатысуымен "Руханият" орталығында «Тарихы терең, келешегі кемел Сырдария» атты тағылымды кітаптың тұсаукесер рәсімі өтті. Оған Қызылорда облыстық тарихи-өлкетану музейінің директоры Нұрмат Мансұр, Қазақстан Журналистер одағының мүшесі, өлкетанушы Жұмабай Байзақұлы, «Қызылорда нюс» ақпараттық агенттігінің бас редакторы, Қорқыт Ата атындағы Қызылорда университетінің докторанты Айжан Абдуллаева, ҚР Мәдениет саласының үздігі Асхат Қожакелдіұлы және ауданның зиялы қауым өкілдері, аудандық мәслихат депутаттары мен аудан тұрғындары қатысты.<img src="https://knadmin.beoblood.kz/uploads/Syrdariya_b9b27698ca.jpg" alt="Сырдария.jpg">Жиында қасиетті Сыр өңірінің шежірелі мекені – Сырдария ауданы тарихы мен бүгінгі тыныс-тіршілігін, рухани болмысы мен тарихи тағдырын кеңінен қамтыған «Тарихы терең, келешегі кемел Сырдария» атты кітаптың маңыздылығы жан-жақты айтылды. Аталған еңбек ауданның сан ғасырлық шежіресін, ел бірлігі мен ынтымағын, ұлтқа қызмет еткен тұлғалардың өнегелі өмір жолын, туған жердің табиғаты мен мәдени мұрасын кейінгі ұрпақ жадында жаңғыртатын құнды туынды екені атап өтілді.<blockquote>– «Тарихы терең, келешегі кемел Сырдария» атты тағылымды еңбек– жай ғана кітап емес, ауданымыздың сан ғасырлық тарихын, елдің бірлігі мен тірлігін, ұлтқа қызмет еткен тұлғалардың өнегелі жолын, туған жердің табиғаты мен мәдени мұрасын ұрпақ жадында жаңғыртатын құнды туынды. Кітапта Сырдарияның өткені ғылыми негізде зерделеніп, тарихи деректер мен ел аузындағы құнды мәліметтер жүйеленіп берілген. Сырдария – тамырын тереңге жайған, тарихы бай, руханияты кемел өңір. Бұл қасиетті топырақтан елге танылған батырлар мен билер, ақын-жазушылар мен мәдениет қайраткерлері шыққан. Сондықтан осындай еңбектің жарық көруі – аудан тарихына деген құрметтің, келер ұрпақ алдындағы жауапкершіліктің айқын көрінісі деп білемін. Жаңару мен жаңғыру кезеңінде аудан тарихын түгендеп, рухани мұрамызды ұлықтау – аса маңызды міндеттердің бірі. Бұл кітап туған жердің тарихын тануға, өскелең ұрпақтың елге деген сүйіспеншілігін арттыруға қызмет етеді деп сенемін. Тарихын таныған елдің болашағы баянды болмақ. Кітапты әзірлеуге атсалысқан ғалымдар мен зерттеушілерге, өлкетанушылар, қаламгерлер мен музей қызметкерлеріне, сондай-ақ осы игі іске қолдау білдірген азаматтарға аудан халқының атынан шынайы ризашылығымды білдіремін. Бұл – көпшіліктің ортақ еңбегі мен жанашырлығының нәтижесі, – деді Берік Әбдіғаппарұлы.</blockquote><img src="https://knadmin.beoblood.kz/uploads/Syrdariya_1_02bf17b75a.jpg" alt="Сырдария 1.jpg">Сонымен қатар, Жұмабай Байзақ, Марат Омаров және Айжан Абдуллаева, Асхат Қожакелдіұлы сөз сөйлеп, жаңа кітаптың тарихи-танымдық маңызына тоқталып, ізгі тілектерін жеткізді. Олар аталмыш еңбектің ел тарихын түгендеуге, ұлттық құндылықтарды дәріптеуге және жас ұрпақтың туған жерге деген сүйіспеншілігін арттыруға қосар үлесі зор екенін атап өтті.<img src="https://knadmin.beoblood.kz/uploads/702625432_2088916768337871_7684500766042778413_n_4d452a1771.jpg" alt="702625432_2088916768337871_7684500766042778413_n.jpg">Кеш барысында кітаптан сыр шертіліп, аудан тарихына қатысты құнды деректер мен тағылымды естеліктер айтылды. Рухани кешке жиналған көпшілік жаңа туындыға жоғары бағасын беріп, тұсаукесер рәсіміне куә болды.Фото: Сырдария ауданы әкімінің баспасөз қызметі

 «Тарихы терең, келешегі кемел Сырдария» атты кітаптың тұсаукесер рәсімі өтті 

<a href="https://kyzylorda-news.kz/">Kyzylorda-news.kz</a> &nbsp;Сырдария аудан әкімі Берік Сәрменбаевтың қатысуымен «Руханият» орталығында музей қызметкерлерінің кәсіби мерекесіне орай және аудандық тарихи-өлкетану музейінің құрылғанына 30 жыл толу мерейтойына арналған мерекелік іс-шара өтті. Оған Қызылорда облыстық тарихи-өлкетану музейінің директоры Нұрмат Мансұр, ауданның зиялы қауым өкілдері, аудандық мәслихат депутаттары мен аудан тұрғындары қатысты.Мерекелік іс-шара басында құрметті меймандар «Қолөнер FEST» тақырыбында қолөнер шеберлерінің арнайы көрмесін тамашалады. Сондай-ақ, «Құмыра ART», «30 жылға-30 жәдігер» көрмесі таныстырылды.Аудан басшысы музей саласының қызметкерлерін кәсіби мерекемен құттықтап, ұлттық құндылықтарды сақтау жолындағы еңбектерін атап өтті.<blockquote>– Мемлекет басшысы Қасым-Жомарт Кемелұлы Тоқаев: «Халықтың тарихи жадын сақтау – ұлттың рухани тұтастығын нығайтудың басты кепілі» деп атап өткен болатын. Сіздер күнделікті еңбектеріңіз арқылы халқымыздың бай тарихи мұрасын жинақтап, зерттеп, сақтап қана қоймай, оны келешек ұрпақтың санасына сіңіруге үлкен үлес қосып келесіздер. Бүгінде музейлер заман талабына сай жаңарып, ғылыми-ағартушылық бағыттағы маңызды орталықтарға айналуда. Цифрландыру, жаңа форматтағы көрмелер ұйымдастыру, тарихи-танымдық жобаларды жүзеге асыру арқылы музейлердің қоғамдағы рөлі артып келеді. Аудандық музейдің қорында көне дәуірден бастап тарихи жәдігерлер жинақталып, бүгінде барлығы 12 113 экспонатпен қамтылған. Аудандық музей қорында сақталған еңбек құралдары, тұрмыстық бұйымдар, тарихи құжаттар, фотосуреттер мен ұлттық қолөнер туындылары аудан тарихынан сыр шертеді. Сырдария аудандық тарихи-өлкетану музейі 2025 жылы жаңадан салынған «Руханият» орталығына көшіріліп, өз жұмысын атқаруда. Осынау құнды жәдігерлеріміздің жаңадан бой көтерген бірліктің ордасы болып саналатын, еліміздің құндылықтар қазынасын толықтыратын «Руханият» орталығы заман талабы мен дер кезінде берілген ғимарат деп есептеймін. Бұл – халықтың мәдени-ағарту жұмыстарына деген аймақ басшысының үлкен қолдауы. Музей қызметкері болу – үлкен жауапкершілік. Ұлттың болмысын, мәдениетін, салт-дәстүрін, тарихи жадын сақтау – әрдайым маңызды міндеттеріңіз болып қала береді. Осы бағыттағы адал еңбектеріңіз бен табандылықтарыңыз үшін баршаңызға шынайы алғысымды білдіремін, – деді Берік Әбдіғаппарұлы.</blockquote>Мерекелік шара барысында музей саласының дамуына үлес қосып жүрген бірқатар сала мамандары аудан әкімінің Алғыс хатымен марапатталды.Өз кезегінде Қызылорда облыстық тарихи-өлкетану музейінің директоры Нұрмат Мансұр да құттықтау лебізін жеткізіп, бірқатар сырдариялықтарға Алғыс хат табыс етті.Мерекелік іс-шара аудан өнерпаздарының қатысуымен өткен концерттік бағдарламаға ұласып, көрермендерге көтеріңкі көңіл-күй сыйлады.Фото: Сырдария ауданы әкімінің баспасөз қызметі

Музей – тарихымыздың айнасы, ұрпаққа аманат

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев авиация саласын дамыту және цифрландыру мәселелері және өңірдің әлеуметтік-экономикалық даму көрсеткіштері сынды бірқатар маңызды мәселелерге қатысты мәжіліс өткізді.Мәжіліске&nbsp;Қазалы&nbsp;ауданы әкімі Алмасбек Есмаханов селекторлық режим арқылы қатысып, мәжілістен кейін жауапты сала басшыларына күн тәртібіндегі мәселеге орай жиналыс өткізді. Жиында ауданның әлеуметтік-экономикалық көрсеткіштері, қоғамдық-саяси ахуалдың тұрақтылығын сақтау, БАҚ және әлеуметтік желілермен жұмысты жетілдіру, көктемгі әскерге шақыру науқанының орындалуы, санитарлық тазалық пен көркейту-көгалдандыру жұмыстарының барысы қаралды.Аудан басшысы мәжілісті бастамас бұрын кадрлық өзгерістерге тоқталып, аудандық мәдениет және тілдерді дамыту бөлімінің басшысы қызметін атқарған Дармағамбет Ғани Хайруллаұлын жаңа қызметке ауысуына байланысты ауданның әлеуметтік-экономикалық дамуына қосқан үлесі үшін ауданның ең жоғары наградасы – «Құрмет» грамотасымен марапаттады.Жиында облыс әкімінің тапсырмасына сәйкес макроэкономикалық көрсеткіштердің орындалуын тұрақты бақылауда ұстау, оқу жылының аяқталуына байланысты мектеп бітіру іс-шараларын жоғары деңгейде ұйымдастыру және балалардың қауіпсіздігін қамтамасыз ету мәселелеріне кеңінен тоқталып, жауапты сала басшыларына нақты тапсырмалар жүктеді.Мәжілісте әлеуметтік желілердегі тұрғындар көтерген мәселелерге уақытылы жауап беру, ресми парақшалардағы ақпараттық жұмыстарды жандандыру, оң бағыттағы контентті көбейту, мемлекеттік бағдарламалар мен ауданда атқарылып жатқан жұмыстарды кеңінен насихаттау қажеттігін де атап өтті. Сонымен қатар, әлеуметтік желілердегі сыни жарияланымдарға жауапты салалар 30 минут ішінде жауап беру жөніндегі алгоритмнің қатаң сақталуын тапсырды.Дербес бөлім басшылары мен кент, қала және ауылдық округ әкімдеріне әлеуметтік желілердегі белсенділікті арттыруды, республикалық және облыстық БАҚ-пен жұмысты күшейтуді, көрнекі ақпарат құралдарын жаңартуды және баспасөзге жазылу жұмыстарын уақытылы аяқтауды ескертті.Жиында аудан әкімі көктемгі мерзімді әскерге шақыру науқанының орындалу барысына да тоқталып, жоспардың төмен деңгейде орындалуына байланысты және «Таза Қазақстан» акциясы аясындағы санитарлық тазалық жұмыстарының барысы, елді мекендердегі бей-берекет қоқыс орындарын жою, түнгі жарық шамдарын ретке келтіру және тазалық жұмыстарын күшейтуге байланысты кент және ауылдық округ әкімдеріне нақты тапсырмалар берді.Мәжіліс қорытындысымен жиында берілген әрбір тапсырманың өз деңгейінде орындалуын салалық орынбасарларына қатаң бақылауды жүктеді.&nbsp;

 Қазалы ауданының әкімі маңызды мәселелерге қатысты мәжіліс өткізді

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен төтенше жағдайлардың алдын алу және оларды жою жөніндегі аудандық комиссия отырысы өтті.Жиында жаз мезгілінің басталуына байланысты азаматтардың судағы қауіпсіздігін қамтамасыз ету мәселесі кеңінен қаралды. Жаз айларында тұрғындардың өзен-көлдер мен су айдындарына баруы жиілейтіндіктен, судағы қайғылы оқиғалардың алдын алу бағытындағы жұмыстарды күшейту қажеттігі айтылды.Аудан аумағындағы су айдындарында қауіпсіздікті қамтамасыз ету бойынша атқарылып жатқан жұмыстар туралы аудандық төтенше жағдайлар бөлімінің бастығы А.Сыдықов баяндама жасады.Аудан әкімі бұл мәселенің алдағы уақытта өзектілігі арта түсетінін атап өтіп, су айдындарындағы қауіпсіздік шараларын толық бақылауға алуды тапсырды.<blockquote>– Әсіресе адамдар көп шоғырланатын Қамыстыбас елді мекеніндегі «Аққұмшық» жағажайында қауіпсіздік талаптарының сақталуын күшейту қажет, – деді аудан басшысы.</blockquote>Сонымен қатар, суға кету фактілерінің алдын алу мақсатында күнделікті рейдтік шараларды ұйымдастыру, тұрғындар арасында тұрақты түсіндіру жұмыстарын жүргізу және рұқсат етілмеген орындарда суға түсуге жол бермеу бойынша нақты бақылау орнату қажеттігін атап өтті.Аудан әкімі жаз мезгіліне санаулы күндер қалғанын ескеріп, «Аққұмшық» жағажайына келушілер саны артатынын жеткізді. Осыған байланысты кәсіпкерлер тарапынан демалушыларға жасалып жатқан жағдайлар мен қызмет сапасына назар аударылды.Қазіргі таңда туризм саласына ерекше басымдық беріліп отырғанын айтқан аудан басшысы жағажайдағы қауіпсіздік, санитарлық тазалық, инфрақұрылым және тынығушыларға қажетті барлық жағдай талапқа сай қамтамасыз етілуі тиіс екенін жауаптыларға қатаң ескертті.Сондай-ақ, жағажай аумағындағы бей-берекет орнатылған әжетханаларды алып тастап, олардың орнына заманауи талапқа сай, бір үлгідегі ақылы санитарлық нысандар салу қажеттігін айтты. Бұдан бөлек, кіреберіс қақпаға QR-код арқылы төлем жасау жүйесін енгізу бойынша тапсырмалар берілді.Жиында жағажай маңындағы кәсіпкерлерге тиесілі кейбір нысандардың қазіргі жағдайы талапқа сай еместігі арнайы слайдтар арқылы көрсетіліп, анықталған кемшіліктерді жаз маусымы басталғанға дейін толық жою міндеттелді.Комиссия отырысында су айдындарындағы қауіпсіздік шараларына қатысты өзге де сын-ескертпелер көтеріліп, жауапты сала басшыларына мәселені толық бақылауға алу тапсырылды.Жиында қаралған келесі мәселе – аудан аумағында орман және дала өрттерінің алдын алу шаралары болды. Бұл бағыттағы атқарылып жатқан жұмыстар туралы Барсакелмес мемлекеттік табиғи қорығының директоры Х.Қаниев баяндады.Аудан әкімі Аманжол Сақыпұлы орман және дала өрттерінің алдын алу бағытындағы жұмыстарды күшейтіп, барлық қажетті профилактикалық және ұйымдастырушылық шараларды шұғыл қабылдауды тапсырды.Сонымен қатар, шаруа қожалықтары тарапынан егістік, жайылым және шабындық алқаптарындағы құрғақ шөптерді өртеу жұмыстары тек бекітілген талаптар мен кестеге сәйкес жүргізілуі керектігі ескертілді.Жиында Конго-Қырым геморрагиялық қызбасының алдын алу мәселесі де қаралды. Аудандық санитариялық-эпидемиологиялық бақылау басқармасының басшысы А.Сатекеева осы бағытта атқарылып жатқан жұмыстар жөнінде хабарлама жасады.Аудан әкімі бұл салада да бірқатар кемшіліктерге жол берілгенін айтып, жауапты басшыларға қатаң ескерту жасады. Сонымен қатар, ауданға қарасты барлық елді мекендерде атқарылып жатқан жұмыстарды нақтылап, қысқа мерзім ішінде тиісті шараларды күшейтуді тапсырды.Фото: Аудан әкімінің баспасөз қызметі

Азаматтардың қауіпсіздігі әркез бақылауда

<a href="https://kyzylorda-news.kz/">Kyzylorda-news.kz</a> Кеше Сырдария ауданы әкімі Берік Сәрменбаевтың төрағалығымен мәжіліс өтті. Күн тәртібінде макроэкономикалық көрсеткіштердің орындалуы, қоғамдық қауіпсіздік, оқу жылын қорытындылау және облыс әкімі тарапынан берілген тапсырмалардың жүзеге асырылу барысы қаралды.Мәжіліс барысында облыс әкімінің авиация саласын дамыту және цифрландыру бағытында берген тапсырмалары жан-жақты пысықталып, жауапты сала басшыларына нақты міндеттер жүктелді. Сонымен қатар мемлекеттік қызметтердің сапасын арттыру, заманауи цифрлық жүйелерді енгізу және инфрақұрылымды жетілдіру мәселелері де назардан тыс қалмады.Жиында алдағы жазғы демалыс кезеңінде оқушылардың бос уақытын тиімді ұйымдастыру, олардың қауіпсіздігін қамтамасыз ету мәселелері кеңінен талқыланды. Әсіресе су айдындарындағы қауіпсіздік шараларын күшейту, балалар арасында түсіндіру жұмыстарын тұрақты жүргізу қажеттігі айтылды.<blockquote>– Балалардың қауіпсіздігі – баршамызға ортақ міндет. Жаз мезгілінде қауіпсіздік талаптарын қатаң сақтап, барлық жауапты мекемелер үйлесімді жұмыс жүргізуі қажет, – деді аудан басшысы.</blockquote>Мәжіліс қорытындысында барлық жауапты мекемелерге берілген тапсырмалардың уақытылы әрі сапалы орындалуын қамтамасыз ету жүктеліп, атқарылатын жұмыстар тұрақты бақылауда болатыны атап өтілді.Фото: Сырдария ауданы әкімінің баспасөз қызметі&nbsp;

Макроэкономикалық көрсеткіштер мен оқу жылының аяқталуы мәселелері қаралды

<a href="https://kyzylorda-news.kz/">Kyzylorda-news.kz</a> Қызылорда облысында инвестициялық ахуалды жақсарту және өңірге жаңа өндірістерді тарту мақсатында инвесторларға ұсынылатын мемлекеттік қолдау шаралары жүйелі түрде кеңейтілуде.Өңірде инвестициялық жобаларды іске асыруда «Қорқыт Ата» арнайы экономикалық аймағы маңызды рөл атқарады. Жалпы аумағы шамамен 550 гектарды құрайтын аймақ аясында өңдеу өнеркәсібі мен жоғары технологиялы өндірістерді дамыту көзделген.Инвесторлар үшін келесі мемлекеттік қолдау шаралары қарастырылған: корпоративтік табыс салығы, жер және мүлік салығы бойынша 100% жеңілдіктер, импорттық қосылған құн салығы мен кедендік баждардан босату, сондай-ақ инвестициялық субсидиялар мен заттай мемлекеттік гранттар беру тетіктері.Сонымен қатар, өндірістік инфрақұрылымды жүргізу, инженерлік желілерге қосу, жеңілдетілген қаржыландыру және инвестициялық жобаларды «бір терезе» қағидаты негізінде сүйемелдеу қызметтері ұсынылады. Қазіргі таңда өңірде &nbsp;6 индустриялық аймақ жұмыс істейді, олардың жалпы аумағы шамамен 515 гектар, онда 160 млрд теңгеден астам инвестиция құны бар жобалар шоғырланған.Сонымен қатар, индустриялық аймақтарда қазіргі таңда шамамен 176 гектар бос жер телімі бар, бұл жаңа инвестициялық жобаларды орналастыруға және өндірістік әлеуетті одан әрі кеңейтуге мүмкіндік береді.Бұдан бөлек, ірі инвестициялық жобалар бойынша инвестициялар туралы келісімдер жасалып, салықтық режимнің тұрақтылығы қамтамасыз етіледі. Бұл ұзақ мерзімді инвестициялық жоспарлауға қолайлы жағдай қалыптастырады.Қабылданып жатқан мемлекеттік қолдау шаралары өңірдің инвестициялық тартымдылығын арттырып, жаңа өндірістерді іске қосуға, экспорттық әлеуетті күшейтуге және тұрақты жұмыс орындарын құруға ықпал етеді деп күтілуде.&nbsp;

Қызылорда облысында инвесторларға арналған мемлекеттік қолдау шаралары кеңейтілуде

<a href="https://kyzylorda-news.kz/">Kyzylorda-news.kz</a> Мәдениет және өнер қызметкерлері күніне орай Астанада «Мәдениет және инновация» республикалық форумы басталды. Іс-шараға еліміздің барлық өңірінен мәдениет ұйымдарының өкілдері, халықаралық сарапшылар, бизнес қауымдастық мүшелері, креативті индустрия және технологиялық компаниялардың мамандары жиналды.Форумның ашылуында ҚР Премьер-Министрінің орынбасары – Мәдениет және ақпарат министрі Аида Балаеваның құттықтау хаты оқылды. Құттықтауда мәдениеттің ұлттық бірегейлікті нығайтудағы, креативті индустрияны дамытудағы және сала жұмысына инновациялық тәсілдерді енгізудің маңызы ерекше екені атап өтілді.<blockquote>«Мемлекет басшысы Қасым-Жомарт Тоқаев атап өткендей, мәдениет – ұлттың төлқұжаты. Бүгінде мәдениет саласы тек рухани құндылықтарды сақтаушы ғана емес, сонымен қатар инновациялар мен креативті индустриялардың қозғаушы күшіне айналып отыр. Осы ретте форум бағдарламасының цифрлық технологияларды, жасанды интеллект құралдарын және заманауи басқару тәсілдерін меңгеруге бағытталуы – уақыт талабынан туындаған маңызды қадам», – делінген құттықтау хатта.</blockquote>Форумның ашылуы барысында Қытай, Үндістан және Германиядан келген халықаралық сарапшылар да сөз сөйледі. Олардың қатарында Jinbang (Henan) Cultural Tourism Development компаниясының төрағасы Мисс Мин, Story Arts Foundation қорының негізін қалаушы Дипа Киран, сондай-ақ live entertainment саласындағы халықаралық продюсер әрі креативті жетекші Артем Бадалян бар.Спикерлер жобаларды жүзеге асыру, сторителлингті дамыту, көпшілік алдында сөйлеу және ауқымды шоу бағдарламаларды ұйымдастырудың маңызы туралы айтты.Форумның басты ерекшелігі – дәстүрлі оқыту үлгісінен нақты жобалар әзірлеуге негізделген тәжірибелік форматқа көшу. Алғашқы күні «Мәдениет пен бизнес: серіктестер мен брендтерге қызықты жобаларды қалай жасауға болады?» тақырыбында панельдік сессия өткізілді. Сонымен қатар кітапхана, архив, музей ісі, мәдени-демалыс, театр және концерт ұйымдарына арналған жеке секциялар өтуде. Қатысушылар үшін іс-шараларды техникалық қамтамасыз ету, визуал технологиялар, сценография және өзге де тәжірибелік бағыттар бойынша шеберлік сағаттары ұйымдастырылды.Форумның екінші күні тәжірибелік жұмысқа басымдық беріледі. Қатысушылар заманауи цифрлық құралдармен танысып, фасилитациялық сессиялар арқылы мәдени ұйымдарға арналған бастамаларды әзірлейді.Жиынның соңғы күнінде командалар өз жобаларын сарапшыларға таныстырып, кейін өңірлерде жүзеге асырылатын үздік жобалар анықталады.

Астанада «Мәдениет және инновация» республикалық форумы басталды

<a href="https://kyzylorda-news.kz/">Kyzylorda-news.kz</a> Бүгін Үкімет отырысынан кейін облыс әкімі мәжіліс өткізіп, онда алғашқы тоқсандағы әлеуметтік-экономикалық даму және бюджеттің атқарылу барысы талқыланды. Бұл жиындағы міндеттер бойынша қала әкімдігінде шаһар басшысы Нұржан Ахатов мәселенің маңызына тоқталды.&nbsp;Қала бойынша барлық негізгі экономикалық көрсеткіштерде оң динамика бар. Бюджеттің игерілуі қалыпты, 1-ші мамырға бюджеттік бағдарлама әкімшілері бойынша шығындары 100 пайыз орындалды.<blockquote>– &nbsp;Дербес бөлім басшылары, кент және ауылдық округ әкімдері жоспарланған жобалардың жүзеге асырылуын, бөлінген қаржының мерзімінде игерілуін тұрақты бақылауда ұстауы қажет. Сонымен қатар, қаланың экономикалық өсімі барлық көрсеткіштер бойынша қамтамасыз етілуі тиіс, – деді Нұржан Сәбитұлы.</blockquote>Күн тәртібінде тұрған келесі мәселе – 2025-2026 оқу жылының аяқталуы, балалардың жазғы демалысын ұйымдастыру, суға шомылу мезгіліндегі сақтық шаралары пысықталып, жауапты мамандарға бірқатар тапсырмалар жүктелді.&nbsp;Биыл қала бойынша 4 436 оқушы 11 сыныпты аяқтайды. &nbsp;Осыған орай шаһар басшысы бірқатар мәселені бақылауды қатаң тапсырды. Оның ішінде, ұлттық бірыңғай тестілеу өтетін күндері төтенше жағдайлардың, оқыс оқиғалардың орын алмауын қамтамасыз етуді, соңғы қоңырау және аттестаттарды салтанатты табыстау мерекелік іс-шараларында бейберекет шығынды болдырмауға, &nbsp;мектеп ұжымдарына сыйлыққа қаражат жинауға, жалға берілетін автокөліктермен экскурсиялар, кортеждер жасауға жол бермеуді міндеттеді.&nbsp;«Адам өмірінен артық ештеңе жоқ. Бірақ өмірін тәуекелге тігетіндер бар. Әр шомылу маусымы басталар алдында түсіндіру жұмыстары жүргізіледі. Сонда да ескермей, аяғы ауыр жағдайларға жетеді. Қайткенде де жағажайлар мен суға түсуге тыйым салынған айдындарда қауіпсіздік шаралары қатаң бақылауға алынуы керек» деді шаһар басшысы.

Маңызды мәселелер пысықталды

<a href="https://kyzylorda-news.kz/">Kyzylorda-news.kz</a> Астанада «Алтын Орда – дала өркениетінің үлгісі ретінде: тарих, археология, мәдениет, бірегейлік» атты халықаралық ғылыми симпозиум аясында көрме ұйымдастырылды. Көрме XIII-XV ғасырларда Еуразия кеңістігінде қалыптасқан Алтын Орда мемлекетінің тарихи-мәдени болмысын Қазақстан аумағынан табылған археологиялық жәдігерлер, қолжазба кітаптар және архив материалдары негізінде таныстыруға арналған.Көрменің негізгі идеясы – көшпелі өмір салтына негізделген, бірақ жоғары деңгейдегі мемлекеттік, экономикалық және қалалық мәдениетке ие өркениетті археологиялық, қолжазбалық және архивтік деректер арқылы көрсету.Іс-шараға ҚР Ғылым және жоғары білім министрі Саясат Нұрбек, мемлекет және қоғам қайраткерлері, министрліктер мен шетелдік дипломатиялық миссиялардың өкілдері, жетекші ғалым-археологтар, тарихшылар мен шығыстанушылар, сондай-ақ музейлер, музей-қорықтар және ғылыми-зерттеу институттарының қызметкерлері қатысты.<img src="https://knadmin.beoblood.kz/uploads/V_Kazahstane_vpervye_predstavleny_mezhdunarodnye_arhivnye_dokumenty_svyazannye_s_Zolotoj_Ordoj2_84e78a7f4f.jpg" alt="В Казахстане впервые представлены международные архивные документы, связанные с Золотой Ордой2.jpg">Бірегей экспонаттар мен ғылыми жаңалықтар:Мемлекет және билік. Тұңғыш рет халықаралық архивтерден алынған дипломатиялық құжаттар ұсынылды. «Хандар шежіресі» қолжазба шиыршығы (XVIII ғ., «Ғылым ордасы» ОҒК) – ұзындығы 267 см болатын каллиграфиялық ескерткіш, ЮНЕСКО-ның «Әлем жады» тізіліміне енгізілген, онда Жошы әулетінен шыққан 104 ханның генеалогиясы бейнеленген. Гүйік ханның Папа IV Иннокентийге жолдаған хаты (1246 ж., Ватикан апостолдық архиві) – қыпшақ және парсы тілдерінде жазылған Алтын Орданың ең көне дипломатиялық құжаты. Тоқтамыс ханның (1381 ж., РҒА Шығыс қолжазбалары институты, Санкт-Петербург) және Темір-Құтлықтың (1398 ж., Король сарайы кітапханасы, Вена) тархандық жарлықтары ордалық іс жүргізудің құқықтық әрі каллиграфиялық мәдениетін көрсетеді. Экспозицияны Ұлық Мұхаммед пен Ахмед хандардың Осман империясы сұлтандарына жолдаған дипломатиялық хаттары (Топқапы музейі архиві, Стамбұл) толықтырды.Дала сәні мен киім үлгілері. Бұл бөлім Алтын Орда ақсүйектерінің заттық әлемін таныстырады. Шеңгелді ескерткішінен (Алматы облысы, XIII – XIV ғ. басы) табылған айдаһар мен феникс бейнеленген жібек маталар Қытай және Иранмен тікелей сауда байланыстары болғанын дәлелдейді. Бозоқ қорымынан табылған арыстан бейнелі күміс білезіктер мен Сығанақ кесенесінен шыққан алтын бас киім әшекейлері зергерлік өнердің жоғары деңгейін көрсетеді. Болған Ана кесенесінен табылған асыл текті әйелдің келбеті антропологиялық деректер мен заттай бұйымдар негізінде ғылыми тұрғыда қайта қалпына келтірілді. Жасанды интеллект көмегімен Орда дәуіріндегі ер адам мен әйелдің салтанатты киімдері қайта жасалды.Әскери іс. Қазақстан мен Ресей аумағындағы Гашун-Уста, Мульта, Золотарёв қалашығы ескерткіштерінен табылған Алтын Орданың ауыр қаруланған атты жауынгерінің сауыт-сайманы мен қару-жарағы көрсетіледі. Нью-Йорктегі Метрополитен музейі коллекциясындағы Жәнібек хан дулығасының 3D-визуализациясы ұсынылады – бұл артефакт Қазақстанда бұрын-соңды көрсетілмеген. Жасанды интеллект көмегімен ондық әскери жүйеге негізделген ордалық әскердің тактикалық тәсілдері қайта жаңғыртылды.Өркениеттер тоғысындағы дала мен қала. Сарайшық, Сығанақ, Баршынкент, Жент қалаларынан табылған керамика, шыны және металл бұйымдар Орда қалаларының күнделікті өмірін бейнелейді. Асанас қалашығынан табылған медициналық құралдар (қола ара мен қасық) дамыған қалалық өмірдің дәлелі болып табылады. Баршынкенттен табылған IHS христограммасы бар батысеуропалық сандықша Ордадағы діни төзімділік пен кең сауда байланыстарының заттай айғағы. Хорезмшахтар мемлекетінің, Шағатай және Үгедей ұлыстарының динарлары бар көмбелер қазақстандық қалалардың Ұлы Жібек жолы бойындағы халықаралық саудаға қатысқанын дәлелдейді. Сығанақ қаласы мен Жошы хан кесенесінің 3D-реконструкциялары археологиялық қазба және геофизикалық зерттеу деректері негізінде жасалған.Мәдениет, ғылым және өнер. Экспозицияға Алтын Орда дәуіріне жататын 23 қолжазба (7 түпнұсқа, 3 факсимильді басылым, 11 электрондық көшірме) қойылған. Олар Құран, дін, тарих, әдебиет, математика, астрономия және медицина тақырыптарын қамтиды. Олардың қатарында Өзбек ханның Құраны (1318 ж., ҚМДБ Ислам ғылыми-зерттеу институты, Алматы), Камаладдин ат-Түркманидің астрономиялық трактаты (1354 ж., Принстон университеті, АҚШ), Ахмад Килани жазған Гиппократқа медициналық түсіндірме (1345 ж., Британ кітапханасы, Лондон), Құтбтың «Хұсрау уа Шырын» поэмасы (1341 ж., Франция ұлттық кітапханасы) бар. Арнайы транскрипция платформасы келушілерге алты ғасыр бұрын шағатай тілінде жазылған мәтіндерді оқуға мүмкіндік береді.<img src="https://knadmin.beoblood.kz/uploads/V_Kazahstane_vpervye_predstavleny_mezhdunarodnye_arhivnye_dokumenty_svyazannye_s_Zolotoj_Ordoj1_703088feff.jpg" alt="В Казахстане впервые представлены международные архивные документы, связанные с Золотой Ордой1.jpg">Мультимедиялық бөлім:Көрме аясында келушілерге тақырыптық бейнематериалдар мен интерактивті контент ұсынылды. Алтын Орда дәуіріне қатысты Қазақстан аумағындағы 70 археологиялық ескерткішті қамтитын интерактивті карта қазақ, орыс және ағылшын тілдерінде жұмыс істейді. LED-экранда Жошы әулетінен шыққан 104 ханның генеалогиялық кестесі көрсетілді. Машиналық көру технологиясы арқылы көне тиындарды оқу, жасанды интеллект негізінде салтанатты киімдер мен Орда әскері тактикасын реконструкциялау, сондай-ақ шағатай қолжазбаларын транскрипциялау платформасы экспозицияны заманауи ғылыми-танымдық кеңістікке айналдырады.Материал ұсынған мекемелер тізімі:Қазақстанның мұражайлары мен мұражай-қорықтары:<ul><li style="text-align:justify;">ҚР Ұлттық музейі;</li><li style="text-align:justify;">ҚР Ұлттық орталық музейі;</li><li style="text-align:justify;">«Сарайшық» мемлекеттік тарихи-мәдени музей-қорығы;</li><li style="text-align:justify;">«Ұлытау» ұлттық тарихи-мәдени және табиғи музей-қорығы;</li><li style="text-align:justify;">«Бозок» мемлекеттік тарихи-мәдени музей-қорығы;</li><li style="text-align:justify;">«Әзірет Сұлтан» Ұлттық тарихи-мәдени музей-қорығы»;</li><li style="text-align:justify;">Ақмола облыстық тарихи-өлкетану музейі;</li><li style="text-align:justify;">Ақтөбе облыстық тарихи-өлкетану музейі;</li><li style="text-align:justify;">Атырау облыстық тарихи-өлкетану музейі;</li><li style="text-align:justify;">Батыс Қазақстан облыстық тарихи-өлкетану музейі;</li><li style="text-align:justify;">Қарағанды облыстық тарихи-өлкетану музейі;</li><li style="text-align:justify;">Қызылорда облыстық тарихи-өлкетану музейі;</li><li style="text-align:justify;">Г.Н.Потанин атындағы Павлодар облыстық тарихи-өлкетану музейі;</li><li style="text-align:justify;">Ықылас атындағы халық музыкалық аспаптар музейі.</li></ul>Ғылыми институттар:<ul><li style="text-align:justify;">Ә.Х.Марғұлан атындағы Археология институты;</li><li style="text-align:justify;">Мұхтар Әуезов атындағы Әдебиет және өнер институты;</li><li style="text-align:justify;">Ислам ғылыми-зерттеу институты;</li><li style="text-align:justify;">Ғылым ордасы.</li></ul>Университеттер:<ul><li style="text-align:justify;">Әлкей Марғұлан атындағы Павлодар педагогикалық университеті;</li><li style="text-align:justify;">Қожа Ахмет Ясауи атындағы Халықаралық қазақ-түрiк университетi;</li><li style="text-align:justify;">Академик Е.А.Бөкетов атындағы Қарағанды ұлттық зерттеу университеті.</li></ul>

Қазақстанда алғаш рет Алтын Ордаға қатысты халықаралық архив құжаттары ұсынылды

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев еліміздің маңызды жобаларына қолдау көрсеткені үшін ЮНЕСКО басшылығына алғыс айтты.<blockquote>«Бұл – ұлт жылнамасы мен әлем тарихы үшін өте маңызды мәселе. Біз халықаралық ғылым қауымдастығымен бірлесе отырып, осы тақырыпты жүйелі әрі жан-жақты зерделеу жұмысын жалғастыруымыз керек. Бірнеше күнге созылатын іс-шараның негізгі мақсаты да – осы. Бұл тұста Қазақстанның бастамасына қолдау көрсеткені үшін ЮНЕСКО басшылығына ризашылығымды айтқым келеді. Бұл форумға қатысып отырған ЮНЕСКО-ның бұрынғы Бас директоры Одрэ Азуле ханымға алғысымды айтамын. Сіз Қазақстан мен ЮНЕСКО арасындағы әріптестікті нығайтуға мол үлес қостыңыз. Симпозиумның осындай беделді жаһандық ұйым аясында өтуі Алтын Орда мұрасының әлемдік ауқымдағы мән-мағынасы зор екенін көрсетеді. Бүгінгі жиынға ЮНЕСКО-ның жоғары деңгейдегі өкілі, Бүкіләлемдік мұралар орталығының директоры Элунду Ассомо Лазар мырза бастаған делегация қатысып отыр. Жалпы, еліміз ЮНЕСКО-ның қолдауымен көптеген маңызды жобаны жүзеге асырды. Нақты айтқанда, Қожа Ахмет Ясауи кесенесі, Тамғалы тас петроглифтері, сондай-ақ бірнеше көне қала бүкіләлемдік мұралар тізіміне енді. Сонымен қатар ұлтымыздың материалдық емес мәдени мұраларын дәріптеу бағытында ауқымды жұмыс жүргізілді. Мәселен, былтыр ғана «Хандар шежіресі» деп аталатын бірегей қолжазба әлемдік деңгейде мойындалды. Бұл – ел билеген тұлғалар туралы мәліметтерді топтастырған, соның ішінде Алтын Орда кезеңін қамтыған құнды құжат. Сондықтан біз байланысымызды одан әрі дамытуға мүдделіміз. Бұл – өзара тиімді, маңызды шаруа», – деді.</blockquote>

Қазақстан және Қызылорда облысының жаңалықтары: Қоғам