<a href="https://kyzylorda-news.kz/">Kyzylorda-news.kz.</a> Бұл өмірде ешкім мұқтаждықты, зәру болуды қаламайтыны белгілі. Әйтсе де қоғамда түрлі тағдыр бар. Өзгеге қол ұшын созып көмектесу қанымызда бар қасиет. Қиналғанды демеп, жақыны болмаса да жанашырлыққа асыққан жастардың күн сайын қатары артып келе жатқаны көңіл қуантады.&nbsp;Сыр өңірінде қайрымдылық шарасына ерікті түрде атсалысатын волонтерлер мен ұйымдар қатары артып келеді. Атап айтар болсақ,&nbsp;облыста ресми түрде 2 126 волонтер тіркелген. Сондай-ақ 30-ға жуық волонтерлік топ бар.Қайырымды болу – рухани дүниемізді жақсартып қана қоймай, әлемді де жақсы жағына қарай өзгерте алады десек, волонтерлердің ерекше ісі осыған дәлел. Қиын сәтте қайырымдылығын аямаған, бірліктің нағыз үлгісін көрсете білген жалынды жастар жақында Жаңақорған ауданында бас қосты. Облыс әкімі&nbsp;Нұрлыбек Нәлібаевтың қолдауымен Қызылорда облыстық жастар ресурстық орталығының ұйымдастыруымен «Birgemiz» волонтерлер слеті өтті. Іс-шара барысында «Birgemiz» волонтерлер, республикалық Фронт офисінің өкілі, тренер Айбек Досымбековтің тәлімгерлігімен жас волонтерлерге шеберлік сағаты өткізіліп, тәжірибесімен бөлісті. Сонымен қатар 120 қатысушы 5 топқа бөлініп, ұлттық спорт сайыстарынан бақ сынасты. Сайыста жүлделі орын иеленген командалар марапат төрінен көрінді.Слет бағдарламасы негізінде түрлі іс-шаралар, пленарлы отырысы жүргізілді. Мұнда жастар бір-бірімен тәжірибе алмасуға, волонтерлікке деген қызығушылығын арттыруға, жаңа мүмкіндіктер туралы ой қозғады. «Аймақтағы волонтерларды ынталандыру және адвокация негіздері» пленарлы отырысында Қызылорда облыстық қоғамдық даму басқармасының басшысы Алмасбек Әбілқасымұлы аймақ үздіктерін марапаттады. Үздіктер қатарында Қармақшы ауданындағы «Қасиетті Қармақшым» қайырымдылық қоры &nbsp;«Үздік волонтерлік ұйым» номинациясымен&nbsp;марапатталды.Шара қонақтары ерікті жандардың игі бастамаларының сәтті жүзеге асуына, ел дамуы жолында адал қызмет ете беретініне сенім білдірді. Айта кетейік, еріктілерге қолдау білдіру, игі істерін насихаттау жыл көлемінде жалғасатын болады.

Қармақшылық еріктілер үздіктер қатарынан көрінді

Жаңақорғанда білім сапасы артып келеді

<a href="https://kyzylorda-news.kz/">Kyzylorda-news.kz.</a> &nbsp; Еліміздегі еңбек күшін реттеу үшін Оңтүстіктен Солтүстікке қоныс аудару бағдарламасының жүзеге асып жатқанына да бірнеше жыл болды. Ол қандай нәтиже берді? Демографиялық тепе-теңдікті ұстап тұруға септігі бар ма? Жалпы еңбек нарығын реттеуде тиімділігін көрсете алды ма?2017-2021 жылдарға арналған «Еңбек» мемлекеттік бағдарламасының үшінші бағыты «Жұмыс күшінің ұтқырлығын арттыру» аясында жұмыс күші көп өңірлерден жұмыс күші жетіспейтін өңірлерге осы уақыт аралығында солтүстікке 735 отбасы (құрамында 1977 адам) қоныс аударған.2022 жылдан бері жаңадан «Қуатты өңірлер – ел дамуының драйвері» ұлттық жобасы іске асырылуда. Жоба аясында алдыңғы жылы өңірден 187 отбасы, ал былтыр 127 отбасы қоныс аударды. Айталық, өткен жылы Қостанай облысына 39, Солтүстік Қазақстанға 41, Павлодарға 32, Шығыс Қазақстанға 10, Ұлытауға 2, Абай облысына 3 отбасы көшіп барды. Бұл отбасылардың құрамында 460 адам бар. Демек осынша адам Солтүстікке көшіп барып, жобаның игілігін көруде деген сөз. Қазір 162 адам тұрақты жұмысқа орналасып, 9-ы кәсіпкерлікпен айналысуға мүмкіндік алды. Сонымен қатар 123 отбасыға материалдық көмек көрсетіліп, 23 отбасы тұрғын үймен қамтамасыз етілді.Биыл Солтүстік Қазақстан, Павлодар, Абай, Ұлытау өңірлеріне ерікті түрде қоныс аударған 1595 отбасының &nbsp;мүшесіне 6100 квота белгіленген. Осыған орай облысқа аталған өңірлерден мамандар келіп, жұмысқа шақырды. Әсіресе, ғылым, білім беру саласына сұраныс жоғары. Одан кейін сервистік, техникалық қызмет көрсету, өндіріс, өнеркәсіп, денсаулық сақтау, жеңіл және жүк көлігімен тасымалдау, мәдениет, спорт, әлеуметтік, қоғамдық тамақтану саласына да сұраныс көп. Солтүстік өңірлерге ауыл, орман және балық шаруашылығының мамандары, электрик, телекоммуникация қызметінің мамандары да қажет.&nbsp;Солтүстік Қазақстан облысы «Еңбек мобильділігі» орталығының директоры Аман Төрегелдиннің айтуынша, медицина саласының мамандары жетіспейді.<blockquote>– Биыл облысқа 2700 адамды орналастыруға және оларды тұрғын үймен қамтып, жұмыс тауып беруге мүмкіндіктер қаралған. Одан басқа да салаларда жұмыс орындары бар. Әрине, көкейлеріңізде «Солтүстіктен неге кетіп жатыр?» деген сауал тұрған болар. Өздеріңізге белгілі, бізде халықтың &nbsp;70 пайыздан астамы – өзге ұлт өкілдері. Олар басқа елдерге көшіп жатыр. Сонымен бірге Астана, Көкшетау секілді мегаполиске қоныс аударып жатқандар жетерлік. Бізде бос жұмыс орны көп. Жеке кәсіпкерлікпен айналысуға да мүмкіндік бар. Сіздерде керісінше халық саны көп. Мәселен, бір грантқа 20-30 адамнан келетін болса, бізде 1 орынға 2 адам болса, екеуі де грантқа ие болады, – деді.</blockquote>Солтүстіктегі тағы бір мәселе – қазақ мектептерінің жабылып қалу қаупі. Сондықтан мейлінше ол жаққа көпбалалы отбасылардың барғаны қажет. Жасыратыны жоқ, кейінгі уақытта бала санын алға тартып, алақан жайып көмек сұраушы қатары артуда. «Аш адамға балық берме, қармақ бер» деген нақыл осындайда еске түседі. Егер осы жоба аясында көпбалалы отбасыларды қоныстандырып, жұмысқа орналастырса, бірнеше мәселе шешілмек.Теріскейге көшіп барғандарға қандай көмек беріледі? Бұл туралы Ұлытау облысының «Еңбек мобильділігі» орталығының директоры Айдар Қойшыбаевтан сұраған едік.<blockquote>– Облыста халық саны аз, жұмыс көп. Бар болғаны 280 мың ғана адам бар. Оның 80 мыңы облыс орталығында тұрады. Біздің өңірде мал шаруашылығы қарқынды дамыған. Егер көпбалалы отбасылар көшіп келетін болса, мемлекеттен берілетін көмектен бөлек, ірі қара және ұсақ мал беріп олардың жем-шөбін 5 жыл бойы қамтамасыз етеміз. Мәселен, былтыр келген отбасыларға 5 ірі қарадан және 10 уақ мал, кейбіреулеріне 3 жылқыдан берілді. Қазір жұмыс жасап, кәсіптерін дамытып отыр. Ұлытау облысы Сыр өңірімен іргелес жатыр. Екі аралықтағы 400 шақырымдық жол жөнделуде. Алдағы уақытта қатынауға да ыңғайлы. Туған-туыс, ағайынмен де араласып тұра бересіздер, – деді ол.</blockquote>Ерікті түрде қоныс аудару кезеңінде мемлекеттен көрсетілетін бірнеше қолдау бар. Айталық, қоныс аударушыға және оның әрбір отбасы мүшесіне бір рет 70 АЕК (258 440 теңге) мөлшерінде көшуге материалдық көмек беріледі. Тұрғын үйді сатып алуға, ипотекалық қарыз бойынша бастапқы жарнаның бір бөлігін жабу, тұрғын үйді сатып алу және салу үшін ақшалай төлем ретінде экономикалық сертификат ұсынылады. Қоныс аударушының отбасына, оның ішінде жалғызбастыларға он екі ай бойы ай сайын тұрғын үйді жалдау (жалға алу) және коммуналдық қызметтерді өтеуге материалдық көмек беріледі. Қалалық жерге қоныс аударса, 1 адам үшін 20 АЕК немесе 73 840 теңге, ал отбасы мүшелерінің саны 2-4 болса 25 АЕК немесе 92300 теңге, отбасы мүшелерінің саны 5 және одан көп болған кезде 30 АЕК немесе 110760 теңге төленеді. Сонымен қатар, ауылдық жерлерге қоныс аударғандарға 1 адам үшін 15 АЕК немесе 55380 теңге, &nbsp;отбасы мүшелерінің саны 2-4 болса 18 АЕК немесе 66456 теңге, &nbsp;отбасы мүшелерінің саны 5 және одан көп болса 21 АЕК немесе 77532 мөлшерінде төленеді. Егер қажет етсе техникалық және кәсіптік білім беру ұйымына және қысқа мерзімді кәсіптік курстарға жіберіледі.Жұмысқа кел, білекті сыбанып…Екі қолға бір күрек таппай жүргендер үшін жыл сайын өңірге теріскейден келіп бос жұмыс орындарын ұсынатын жәрмеңкенің маңызы зор. Осындай мүмкіндікті, әсіресе жастар қалт жібермей, пайдаланып қалуды мақсат етеді. Айталық, Назым Нұрлыбекова есімді бойжеткен биыл Қызылорда медициналық жоғары колледжін «Мейіргер ісі» мамандығы бойынша аяқтағалы отыр. Ол оқуын бітірген бойда Абай облысына жұмысқа тұруды көздейді. «Жетістіктер алаңында» бос жұмыс орындарының жәрмеңкесіне келіп, көкейіндегі сұрақтарға жауап алды. Мемлекеттен берілетін мұндай мүмкіндікті пайдаланатынын айтады.«Болашақ» университетінде әлеуметтік сала, жұмыспен қамту, кәсіпкерлікті қолдау бағытында өткен бос жұмыс орындары жәрмеңкесіне облыс әкімінің бірінші орынбасары Данияр Жаналинов қатысты. Ол &nbsp;«Жетістіктер алаңы» іс-шарасының мән-маңызына тоқталып, кәсібін жүргізем деген жандарға қолайлы мүмкіндік екенін жеткізді.<blockquote>– Өткен жылы облыста 1529 адам қайтарымсыз грант, 492 жас кәсіпкер жеңілдетілген несие алды. Бұл шаралар биыл да жалғасады. Аймақта еңбек нарығын дамытуға 17 млрд теңге қаржы қаралып отыр. Бұл – әлеуметтік қолдауды кеңейту мен адами капиталды дамыту үшін &nbsp;мемлекет тарапынан іске асырылып жатқан әлеуметтік саясаттың айқын көрінісі, – деді.</blockquote>Жәрмеңкеде Солтүстік Қазақстан, Ұлытау, Абай облыстарынан 3500-ге жуық бос жұмыс орны ұсынылды. Басым бөлігі ғылым мен білімге, денсаулық сақтау және мәдениет пен спорт салаларына қатысты.Солтүстік Қазақстан облысы М.Жұмабаев ауданынан келген Нұржамал Тамбекова мектеп директорының орынбасары болып жұмыс істейді. Өзі – осыдан бірнеше жыл бұрын теріскейге қоныс аударғандардың бірі. Сондықтан беріліп отырған мүмкіндікті өзгелер де пайдаланып, өмірін жақсы жаққа қарай өзгерткенін қалайды.<blockquote>– Қандай бағдарлама шықса да, жұртшылық оны зерттеу керек. Өзім Шымкенттің қызымын. 2015 жылы осы бағдарлама ең алғаш шығып, ел дүрлігіп көшіп жатқанда қоныс аударғам. Бірақ ол кезде дәл мұндай жеңілдіктер жоқ-тұғын. Бағдарламаның түпкі мақсатын зерттегім келді. Көшіп бара сала маған жұмыс тауып берді. Жас мамандарға жұмыс көп. Өйткені, Солтүстіктегі өзге ұлттардың өз елдеріне көшуіне байланысты халық саны өте азайып кетті. Соның салдарынан табиғи баланс бұзылды. Керісінше Оңтүстікте адам саны жыл сайын көбеюде. Табиғи апаттардың орын алуының бір себебі де – осы. Тепе-теңдік жоқ. Біз ол жаққа қазақты, жалпы халықты көптеп шоғырландыруымыз керек. Кейбір адамдар соны дұрыс түсінбейді. Оларды еріксіз көшіріп жатқандай боламыз. Сондықтан мәлімет адамдарға дұрыс жетуін қалаймыз. Бұл – өмірін түбегейлі өзгертуді қалайтындарға берілген жақсы мүмкіндік, – дейді ол.</blockquote>«Жетістіктер алаңында» қайтарымсыз грант алып, кәсіп көкжиегін кеңейткен 80 кәсіпкер өз өнімін көпшілікке ұсынды.Ал Қызылорда қаласы аумағындағы 20 жұмыс берушіден 200-ге жуық бос орны өз жұмыскерлерін күтуде. Жалпы Солтүстікке қоныс аудару жобасы бойынша кейінгі 5 жыл ішінде 348 отбасы қоныс аударған. Оларға тиісті қаржы бөлініп, бастаған кәсіптеріне лайықты қолдау жасалып, тұрғын үй, үйді жалдау шығынын өтеуге қажетті көмек көрсетілген. Мұндай қолдауға биыл да ниет білдірген жандар ие бола алады.Айсәуле ҚАРАПАЕВАФото: Сыр бойы &nbsp;

Оңтүстіктен Солтүстікке қоныс аудару бағдарламасы қандай нәтиже берді?

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында ресми түрде 2 мыңнан астам волонтер тіркелді және 30-ға жуық волонтерлік топтар бар. 2022 жылмен салыстырғанда биыл волонтерлер саны 500-ге көбейді.Аймақтың волонтерлері, ұйымдары, жастары, ҮЕҰ-ның өкілдері, қоғамдық пікір көшбасшыларының қатысуымен «BIRGEMIZ» облыстық волонтерлер слеті өтті. Слет бағдарламасы негізінде түрлі іс-шаралар және марапаттау рәсімі, пленарлық отырыс жүргізілді. Сондай-ақ, бір-бірімен тәжірибе алмасуға, жастардың волонтерлікке деген қызығушылығын арттыруға, жаңа мүмкіндіктерге жағдайлар қалыптасты.Іс-шара барысында «Birgemiz» волонтерлер, Республикалық Фронт офисінің өкілі, тренер Досымбеков Айбек Аяпбергенұлының тәлімгерлігімен жас волонтерлерге шеберлік сағатын өтіп, тәжірбиесімен бөлісті.Қатысушылар 5 топқа бөлініп, ұлттық спорт сайыстарынан бақ сынады, жүлделі орын иеленген командалар марапат төрінен көрінді.Аймақтағы волонтерларды ынталандыру және адвокация негіздері пленарлы отырысында облыстық қоғамдық даму басқармасының басшысы Алмасбек Есмаханов аймақ үздіктерін «Үздік волонтерлік ұйым», «Үздік корпоративтік ұйым», «Жомарт ұйым», «Үздік қамқоршы ұйым», «Үздік волонтерлік бастама», «Үздік волонтер», «Жанашыр волонтер», «Төтенше жағдайлар волонтері», «Үздік әлеуметтік волонтер» «Жылы жүрек волонтері» номинацияларымен марапаттады.<blockquote>– Ерікті жастар бұл қоғам үшін маңызды рөл атқарады. Олардың атқарып жатқан әрбір ісі халық игілігі үшін орындалуда. Осы орайда халық үшін, қоғам үшін атқарып жатқан істеріне сәттілік тілеймін. Әрдайым еңбектің жемісін көруге тілектеспін, – деді ол.</blockquote>Шара қонақтары БҰҰ-ның Қызылорда облысы координаторы Қанатбек Айтбайұлы, Жаңақорған ауданы әкімінің орынбасары Бектас Балғабайұлы, Түркістан облысының жастар ресурстық орталығы қатысушыларға тілек білдіріп, игі бастамалардың сәтті жүзеге асуына, ел дамуы жолында адал қызмет ете беретініне сенім білдірді. Еріктілерге қолдау білдіру, игі істерін насихаттау жыл көлемінде жалғасатын болады. &nbsp;

Қызылордада 2 мыңнан астам волонтер тіркелген 

<a href="https://kyzylorda-news.kz/">Kyzylorda-news.kz</a> Соңғы жылдары «Еңбек» бағдарламасы аясында жарты миллион теңгеден астам сомада өтеусіз грант алып, тұрғындар өздері армандаған кәсіптерін ашып, несібелерін тауып жатқандар бар. Мысал үшін айтар болсақ, аталған бағдарламаға елімізде 649 мың адам қатысқан болса, соның 437,3 мыңы жұмысқа орналасып үлгерген. Ал 319,2 мыңы тұрақты жұмыспен қамтамасыз етілген. Жаппай кәсіпкерлікті дамытуға 12,7 мың микрокредит және жаңа бизнес-идеяларды іске асыруға 44,9 мың қайтарымсыз мемлекеттік грант берілген. Қысқа мерзімді оқыту курстарына 18,7 мың адам жіберілген. Ал Шиелі ауданына ойыссақ, мемлекеттік бағдарлама бойынша 4 миллард 260,3 миллион теңгені құрайтын 631 жоба шағын несие және грант қаражатын алды.«Бизнестің жол картасы – 2025» мемлекеттік бағдарламасы – бұл бұрын беймәлім болып келген, сынағы ауыр, сыры мол бизнес әлемінің қыр-сырын мейлінше меңгертуге септігін тигізетін бағдарлама. Жұмыс істеймін деп талпынған жанға кәсіптің аз емес екені белгілі. Әсіресе табиғаты тамылжыған Шиелі ауданында ауыл шаруашылығы саласында мүмкіндік аз емес. Аттылы мал бағып, алтын дән тербетуге әбден болады. Халыққа қызмет көрсету саласында да сұраныс жетіп артылады. Тек қана «Адал еңбегіммен ырыздығымды молайтамын» деген ниет пен ынта болса жеткілікті. Осы орайда мемлекет тарапынан зор көмек көрсетіліп отырғанын айта кетудің артықтығы болмас. Шиелі ауданында аталған бағдарлама аясында 2022 жылы 59 жобаға 856 миллион теңге қаржы қаралған болса, бизнесті дамыту және қолдау мемлекеттік бағдарламасының грант қаражаты есебінен 3 жоба қабылданып, 11 млн теңге бөлінген. Атап айтқанда, Шиелі іргесіндегі Тұран ауылдық округінен жеке кәсіпкерге ұлттық нақыштағы саптама етік тігу өндірісіне 3 млн теңге, Шиелі кентінен «Мега Партс КЗ» ЖШС-іне «Индукциялық пеш арқылы темір бұйымдарын өндіру» жұмысына 3 млн. теңге көлемінде қаржы бөлінген. Ал «Зико» ЖК жаңа құрылыс материалы лего-блок өндірісі жобасына 5 млн теңге қаржы қаралып, кәсіпкерлердің одан әрі жұмыс жасауларына зор мүмкіндіктер берілуде. «Наурыз-Дем» НС» ЖШС арқылы 22 жоба – 596,2 млн теңге, Қызылорда Өңірлік инвестиция орталығы арқылы 18 жоба – 90 млн теңге, Ауыл шаруашылығын қаржылай қолдау қоры 81 жоба – 1 млрд. 290 млн теңге, «Сырдария-1» НС» ЖШС арқылы ауылшаруашылығын дамыту мақсатында 5 жоба – 274 млн теңге, «Жұмыспен қамтудың жол картасы» мемлекеттік бағдарламасы 5 жоба – 32 520 млн теңге, «Ұлттық жоба» аясында грант қаражаты 381 жоба – 446,8 млн. теңгеге қаржыландырылды.Осындай мемлекеттік бағдарламалар талабы бар жанның табысын еселеп, өз кәсібін дөңгелетуге мүмкіндік берсе, екінші жағынан ел ішіндегі жұмыссыздықтың азаюына септігін тигізбек. Шиелі ауданында мемлекеттік бағдарламалардың нәтижесінде жұмыссыздар саны жылдан-жылға қысқарып келеді. Жұмысын жаңа бастағанымен, ісі алға басқан кәсіпкерлердің талпынысын көріп, өзгелердің де ұмтылатындары анық. Айта кету керек, 2022 жылы ауданда жұмыссыздық деңгейі 5,0 процентті құраған екен. Бүгінгі таңда&nbsp;1 млрд 332 млн теңгенің 16 жобасы іске қосылып, 129 тұрақты жаңа жұмыс орындары ашылды.&nbsp;Тарқатып айтар болсақ,&nbsp;«Арсен» ЖК Наубайхана ашуға – 8 млн теңге, «Ажмитова» ЖК кафе және наубайхана ашуға – 100 млн теңге, «Ұлытау Агро» шаруа қожалығына тамшылатып суару арқылы бақша дақылдарын және жоңышқа өсіруге – 20 млн теңге, «Бупежанова» ЖК әк зауытын кеңейтуге – 50 млн теңге, ЖК «Нұрым» Шлакаблок өндіру жұмыстарына – 12 млн теңге, «Жансаулет» Шлакаблок өндіру жұмыстарына – 4 млн теңге, «Нұр» ЖК «Terrace» қоғамдық тамақтану орнына – 100 млн теңге, «Тогаева» «Техникалық қызмет көрсету орталығы» – 30 млн теңге, Қожақов» ЖК «Океан» қонақ үй құрылысына – 100 млн теңге, «Таусамалы-2» ЖК желімдеу орталығына – 8 млн теңге, Досымов Дәулет Нұрмағанбетұлы қоғамдық монша құрылысына – 70 млн теңге, ЖК «Мухамбетова» сауда үйі (Светофор) – 120 млн теңге, «Абылайхан» ЖК «сауда үйінің құрылысына» – 80 млн теңге, «Алибаева» ЖК «Бизнес ғимаратының құрылысына» – 150 млн теңге, «Дәуренбеков» ЖК «Grand Damdi» «Қоғамдық тамақтану орны» – 130 млн теңге, «KUTAU SP» ЖШС «Катау-3» кешеніндегі қиыршық тас зауытына – 350 млн теңге өз қаражаттары есебінен инвестиция салынған. Сонымен қатар, өткен жылы Шиелі ауданында құрылыс материалдарын өндіру бағытында 2 ірі инвестициялық жоба жүзеге асырылуда. Атап айтқанда, «Шиелі Dolomit» ЖШС-ның «Мыңбұлақ кенішіндегі қиыршық тас өндіру зауыты» өткен жылы іске қосылды. Зауыттың жоба құны 1 млрд 316 млн теңге болса, қуаттылығы жылына 1,3 млн тонна тас өндіреді. Аталған зауыт жаңадан 90 адам жұмыспен қамтуға қауқарлы. Ал «ADK GROUP KAZAKSTAN» ЖШС-нің әк өндіру зауытының жоба құны 2 млрд теңгені құрайды. Зауыттың жалпы қуаттылығы тәулігіне 200 тонна әк өндіреді деп күтілуде. Қазіргі уақытта құрылыс жұмыстары жүргізілуде. Сондай-ақ, өндіріс орны жыл соңына дейін іске қосылған жағдайда жаңадан 120 адам жұмыспен қамтылатын болады.Бұл тек бастамасы. Алдағы уақытта да ілкімді іске ұйытқы болатын шаруа жалғаса бермек.

Шиелі – инвестициялық жобаларды жүзеге асыруға қолайлы өңір

<a href="https://kyzylorda-news.kz/">Kyzylorda-news.kz.</a>Өзіміз өмір сүріп, өсіп-өніп жатқан Жаңақорған ауданы өндіріс жағынан әлеуеті бекем, аграрлық салада да айтарлықтай ілгері табыстарға қол жеткізіп келе жатқан, мүмкін сондықтан елі бай, дәулеті сәулетіне сай киелі мекен саналады.Қаратаудың қойнауын мекендеген, бетегесіне береке байырқалаған жазиралы мекеннің тұрмыс-тіршілігін заманауи өмір ағымына бейімдеуде кешегі-бүгінгі басшы тұлғалардың кемел мақсат, келелі жоспар түзген шешімді қадамдары ел тағдырымен тұтаса өріліп, өңір тарихында өзіндік дара таңбасы өрнектеліп қалары табиғи заңдылық дер едім.Бұқараға белгілі, аймақ басшысының қолдауымен өндірісті өңірде қолға алынған айшықты жобаларды нақты іске асыруда осыдан екі жыл бұрын ауданға әкім болып тағайындалған Мұрат Тілеуімбетовтың аз ғана уақыт ішінде аудан өміріне айтарлықтай жаңашылдықтар ендірген жемісті еңбегі жалпақ жұртшылықтан үлкен қолдау тауып, көп көңілінде жағымды имиджімен сақталып қалғанын айту орынды. Қоғам тынысын дөп басып, кез келген саланың жұмысын өрге бастыруда өнегелі қалыптан танбай, тығырықтан жол таба білер қабілетінің орынды бағаланғаны болар, ендігі ретте Мұрат Жолкелдіұлына облыстық мәслихаттың төрағасы ретінде жиі жолымыз түссе ол да жарасып тұр.Қазір жасымыз жетпістен асты, өзіміз де осы өңірдің өсіп-өркендеуіне хал-қадірімізше үлесімізді қосқан жандармыз. Біріміз ауданның құрылыс саласын, біріміз қаржы саласын басқарып, жауапты да сын сәттердің талайын бастан кештік. Нешеме басшылармен тізе қосып еңбек еткенде ел мүддесін бәрінен биік қойдық.Әрбір басшының ұстанымы, мінез-қалыбы, елмен етене тіл табыса білу тәсіл-тәжірибесі әр қилы, сайып келгенде, ел басқару өнері тарпаң төрешілдіктен гөрі көп жүрегінен төте жол тапқан сенім мен ниеттестікке сүйенгенде ойға алған ісің алға басып, кемел мақсатқа қол жеткізуге болады. Міне, Мұрат ініміздің бойынан біз ең бастысы осындай қадір-қасиетін танып сүйсіндік.Бүгінгідей еңбегіміздің зейнетін көрер қариялық жаста қоғам өмірінен қол үзбей, біріміз ауданның, біріміз кент ардагерлер кеңесінің төрағасы ретінде аудан басшысымен бір қатарда елдік мәселелерде жиі тоқайласып, жанынан табылу міндеттілік себепті қажет еткен жерде кеңесімізді беріп, сапарда серік, жанына еріп ел тынысын түгел көзден өткіздік десек те болады. Халықпен кездесулерде атқарған істер мен алдағы міндеттер туралы ағынан жарылып есеп берген аудан әкімінің боямасыз болмысынан ұққанымыз, баламен баланың тілінде, елдің қарияларымен дананың тілінде сөз саптап, күні бұрын көңілге зерделеген жергілікті мәселелерді жіліктей шағып, жіпке тізгенде құр жалаң уәде беру емес әлеуметті болатын іске сендіре білетініне көз жетті. Берген сертке болаттай берік тұрып, жауапты мамандарды жұмылдыруының арқасында ауыл¬дардағы түйткілді мәселелер түбегейлі шешімін тапты. Жолдар салыынды. Жел тұрса сөніп қала беретін жарық мәселесін реттеуде кент және елді мекендердегі ескірген электр желілерін жаңарту жедел қолға алынды. Бұл ретте жоғарыдағыдай уақытты ұстап, аяқты тұсайтын жобаларға демеушілерді жұмылдыру арқылы сараптамалар жедел іске асырылды, нақты мемлекеттік қаржыға мезгілінде қол жетіп, қыруар жұмыс қысқа мерзімде нәтижелі шешімін тапты.Мұрат Тілеуімбетов аудан әкімі болып келген күннен бастап бірінші кезектегі мәселе – балалар серуендейтін, демалатын саябақтың құрылысын салуға кірісті. Құрылыстың негізгі жұмысынан бұрын оның жобалық құжаттамаларын реттеу, сараптамадан өткізу уақытты текке алатынын ескеріп елдік мүддеге екпін беруге елжанды тұлғаларды ынталандырды. Өзі бас болып бас жоспарға тыңнан түрен салып, қатарынан бірнеше құрылыстың тұғыр тіктеуіне тәуекел ету нәтижесінде қиюы табылмай келген көп мәселелердің күрмеуі шешілді. Ауданның әлеуеті жоғарылап жаңа нысандар іске қосылды. Жаңақорған кентінің орталық көшелері түрлі-түсті шамдармен безендіріліп, кент көркі шырайлана түсті. Жастарға арналған "Құмсағат аллеясы" өзіндік ажарымен менмұндаласа, темір жол вокзалы жанынан саялы демалыс орны жасақталып, субұрқақ орнатылуы орталық алаң тынысын ашып, жұртшылыққа көтеріңкі көңіл сыйлап тұр.Мұрат ініміздің тұсында шешімін тапқан теміржол көпірі құрылысы туралы айтпай кетуге болмайды. Оның жарамсыз тұрғанына қырық жылға жуықтады. Құрылысқа сараптама жасап, қазығын бекемдеу мәселесінде демеуші азаматтардың қолқабысы кәдеге жарап, енді оған қажетті қаржыны табуда, құзырлы орынның есігін қағуға келгенде қариялар жағы да қам қылып, аймақ басшысына өтінішімізді айттық. Көпірдің стратегиялық маңызын жан-жақты саралаудан өткізген облыс әкімінің қолдауымен тиісті қаржы қаралып көпір құрылысы басталды. Енді ар жақтағы он алты елді мекеннің шаруашылық тасымалы, өндіріс орнынан қатынайтын ауыр жүк көліктерінің осы көпір арқылы кентті айналып өтуі ішкі жол сапасының бүлінбеуіне, экологиялық ахуалымыздың сақталуына көл-көсір пайдасын тигізбек.Екі жыл бойы Жаңақорған ауданы ауыл шаруашылығы саласында «Үздік аудан» атандық. Ал Жаңақорған кенті «Үлгілі елді мекен» конкурсында «Үлгілі аудан орталығы» номинациясын иеленді. Жайылма, Ақүйік, Шалқия, Құттықожа, Қыраш, Ақүйік, елдімекендері көгілдір отынға қосылды. Тұрғын үй кезегінде тұрған 50 отбасы баспанамен қамтылды. Қаратөбе ауылында ескі тозығы жет¬кен медициналық бекеттің орнына жаңа дәрігерлік амбулатория салынды. Мәдениет және спорт саласында жаңа спорт кешендері мен клуб үйлері ел игілігіне табысталды. 500-ге жуық мүмкіндігі шектеулі балаларға арналған «Қамқорлық» оңалту орталығы ашыл¬ды. Осы ілкімді жұмыстардың барлығын аудан басшысының іскерлік қарым-қабілетінің арқасында жүзеге асқан жарқын жобалар деуімізге әбден болады.Жаңашылдыққа ұмтылу – өткеннің бәрін құрдымға теңеп, күресінге тастау емес. Құм арасынан алтын ажыратқандай құндылықтарды танып, маңдайға басу ұлт тәрбиесінің уызына жарыған көшелі азаматқа ғана тән қасиет. Осыны жетік меңгерген Мұрат ініміздің көп алдында талқыға түскен қандай тақырыпта болсын бой-басыңды елжіретіп, рухыңды жанып түсер салмақты сөз саптауымен басы артық сауал, бостекі пікірге орын қалдырмайтын шешендік қабілеті өз алдына, асыл мен жасықты көңілмен екшеп, әркімге де сый-құрметін әділ еншілете білер кісі танығыштығы табиғаттың тағы бір тегін тартуы сынды.Ол аудандағы жігерлі жастарға көп арқа сүйеді. Сенім арқалатты. “Жаңарған Жаңақорған жаста-ры” қоғамдық бірлестігінің жарқын бастамаларына қолдау танытып отырды.“Құрметтеуге лайықты жан” жобасы аясында ел ішінде еленбей келген қарапайым еңбек адамдарының еңсесін тіктеп, көп алдында лайықты бағасын алуына шынайы қамқорлығын танытты.Ең ауыр жұмысты ең адал адамға жүктеу керек. Осындай принципке жүгінген басшы қолынан іс келетін, өз міндетін тиянақты атқаратын, кәсібіне құрметпен қарайтын жандардан қамқорлығын аямады. Міндетті жұмысында мін арқалап, бей-жай жүруден қысылмайтын жайбасарлардың жонынан таспа тіліп, тап-тұйнақтай қалыпқа түсіруде тегеурінді талап қойып, төмпештеуден де кері тұрмағаны рас. Көптің алдында талқыға түсіп, «жұмысыңды білмейсің, кетесің орныңнан» деген басшының қахарына ілінген талайдың ұнжырғасы түскен ұсқынсыз халіне шынымен жан ашып, шырылдап ара түспесек те мігірсіз талапқа іштей мін таққан кезіміз де болды. Бірақ бізден де бұрын қарауындағылардың жайына жетік үлкен жүрек иесі өндір жасты, өмір талабына ширықтырғаны болмаса солардың бірде-бірін қиянатқа қимады, бірде-бірін орнынан алып, орынсыз жаза арқалатқан жоқ. Есесіне есебіне бекем, ерік-жігері мол, бой-басы жинақы мемлекеттік қызметшілер корпусын тас-түйін тәрбиелеп шығарды деп айтуға болады.Іс басында жүрген лауазымды тұлға болсын, қарапайым еңбек адамы болсын ішкі мәдениеттің тереңдігі әманда мәмілегерлік пен мәртебеге жол ашады. Адами ізгі қасиеттерді асқақ тұтқан абырой иесінің алдағы қызметіне де жеміс тілейміз.Өмірсерік ТАҚЫРБАСОВ,Серқожа ЫДЫРЫСОВ,Жаңақорған ауданының Құрметті азаматтары

Елге жанашырлық мінезден

<a href="https://kyzylorda-news.kz/">Kyzylorda-news.kz.</a> Халқымыздың әл-аухаты мен өмір сүру сапасын жақсарту, тұрғындарға қолайлы инфрақұрылым жасау арқылы жайлы қала мүмкіндіктерін арттыру бағытындағы Мемлекет басшысының тапсырмаларын іске асыруда Сыр өңірінің бас қаласы Қызылордада ауқымды жұмыстар жүзеге асуда.Сыр өңіріндегі аймақ басшысының бастамасымен жүзеге асып жатқан ауқымды жобалар Қызылорда қаласының жарқын болашағына тың серпін бермек.Осы ретте, «Қазақстан Республикасы мәслихаттарының құрылғанына - 30 жылдығы» аясында 2024 жылдың 17-мамыры күні Қызылорда қаласында «Халыққа қолайлы инфрақұрылым. Жайлы шаһар жасау бастамалары» тақырыбында өткен семинар-кеңес жұмысы аясында еліміздің сегіз өңірінен келген қалалық мәслихат төрағалары мен депутаттары Қызылорда қаласының әлеуметтік-экономикалық жетістіктерімен танысу мақсатында, қаладағы бірқатар нысандарды аралады.Депутаттық аралау барысында қала қонақтары Шыны зауыты, «Мағжан и К» ЖШС-нің күріш өңдеу және ас тұзын өндіру зауыты, «Қорқыт ата» әуежайының жаңа терминалының құрылысы, Отбасы орталығының жұмысы, Қызылорда облысы әкімдігінің «Ахуалдық орталығы», Тұрғын үй-құрылыс комбинаты, «Анаға тағзым» орталығының жұмысы, Сырты заманауи панельмен қапталған көпқабатты тұрғын үйлер мен ауладағы ашық ойын-спорт алаңы, Жаңадан салынған автовокзал нысандарының жұмысы мен Сол жағалаудың дамуы барысымен танысты.Семинар қатысушылары өз ретінде қаланы көгалдандыруда мемлекеттік меншікке қарайтын кәсіпорын ашу тиімділігі, кәсіпкерлердің өз туған жерінің түлетуге үлес қосып, әлеуметтік нысандарды салуда белсенділіктеріне ризашылықтарын білдірді және бюджетті тиімді игеру бағытындағы жұмыстарды жән басқа да қаланың даму ерекшеліктерін атап өтті.Қатысушылар семинар-кеңесте айтылған жақсы ойларды өміршең етіп, өзара тәжірибе алмасу арқылы тұрғындардың өмір сүруіне қолайлы орта қалыптастыру жұмысына оң ықпал ететіндігіне сенім білдірді.

Өңірлерден келген қалалық мәслихат төрағалары мен депутаттары қаладағы нысандарды аралады

<a href="https://kyzylorda-news.kz/">Kyzylorda-news.kz</a> Бұрынғыда ауылдағы көрші аға-көкелер көшенің ортасында жиналып, гүбір-гүбір әңгіме айтып тұрушы еді. Ол кезде екі қолға бір күректің табылуы қиын болатын. Қазіргі уақытта, жұмыс істеймін деген адамға ауылда, қалада жұмыс көп. Елден жырақтамай-ақ Шиелі ауданы төңірегіндегі зауыттар мен кәсіпорындар да жұмыс орны жетерлік. Айлық жалақылары да жоғары. Тек білікті, жауапты маман болсаңыз болғаны.&nbsp;Шыны керек, Шиелі ауданында әкімшілік табалдырығын тоздырып, у-шуын шығарып жүрген жандар бар. Бос жұмыс орындарын ұсынса бірі қабылдап, енді бірі ұсынған жұмысты қанағат тұтпай жататындары да кездеседі. Шиелі аудандық жұмыспен қамту орталығы әр апта сайын фейсбук парақшаларына бос жұмыс орындарының тізімін жариялап отырады. Ал енді, шежірелі өлкеде жасы елуден асқан азаматтарды жұмыспен қамту мәселесі қалай жүзеге асырылуда?&nbsp;Өткен жылдан бастап «Күміс жас» жобасы аясында жасы 50-ден асқан азаматтарды жұмыспен қамту туралы заң жобасы бекітілгені жайлы еңбек және халықты әлеуметтік қорғау министрлігінің баспасөз қызметі хабарлаған болатын. Аталған «Күміс жас» жобасына қатысушылар контингентіне 50 жастан асқан жұмыссыз азаматтар енгізілетін болады. Тарқатып айтар болсақ, жобаға қатысу мерзімі 36 айға дейін ғана. Жобаға қатысушылардың жалақысы бойынша мемлекеттен бөлінетін субсидиялар мөлшері ұлғайтылған. Қазіргі таңда елімізде 50 жастан асқан 964 мыңға жуық әйел бар болса, соның 325 мыңы мүлдем жұмыс істемеген. Мемлекеттен осы азаматтар үшін 131 млрд теңге қаржы бөлінген. Соның ішінде әлеуметтік қызмет орындары да бар. Көпбалалы отбасыларға, әлжуаз азаматтарға арналған гранттар да қарастырылған.Иә, елімізде қанша жұмыс орындары көп дегенмен де жасы елуді еңсерген жұмыссыз азаматтардың жұмыс табуы қиын. Бұған жасы елуден асқан кісілердің жұмыс іздеп, екі қолға бір күрек таба алмай, талай мекеменің табалдырығын тоздырып жүргені дәлел. Себебі, жұмыс беруші егде жастағыны емес, жастарды жұмысқа қабылдағанды жөн көреді.Өткен жылы дәл осы жобаға қатысты өңірлік коммуникациялар қызметі орталығында басқарма басшысы&nbsp;Ғабит Жаңабаев: «Қазіргі уақытта «Күміс жас» жобасына өзгерістер енгізілуде. Яғни, аталмыш жобаға 50 жастан асқан әрбір азаматтың қатысуына мүмкіндік қарастырылып, субсидиялау көлемі жұмыс беруші мен келіскен жалақының бірінші жылы 70 пайызын, екінші жылы 65 пайызын, үшінші жылы 60 пайызын. Содан кейін тұрақты жұмыспен қамтылуы тиіс. Жалпы 2023 жылы жұмыссыздық деңгейін 4,8 пайызға, жастар арасындағы жұмыссыздық деңгейі 3,9 пайызға төмендету жоспарлануда», – деген болатын.Шиелі ауданында экономикалық тұрғыдан белсенді халық саны – 36 213. Оның 34 406-сы жұмыспен қамтылған. 17754-і жалдамалы қызметкер болса, 16652-сі өз бетінше жұмыспен қамтылған екен. Ал &nbsp;шежірелі өлкедегі жұмыссыздық деңгейі 4,5 пайызды құрап отыр. Биыл орталыққа 2589 азамат жұмыс іздеуші ретінде тіркеліп, 347 азамат тұрақты жұмыс орындарына орналастырылса, 885 азамат жұмыспен қамтудың белсенді шараларына (ақылы қоғамдық жұмыс, әлеуметтік жұмыс орындары, жастар практикасы, жаңа бизнес-идеяларға қайтарымсыз мемлекеттік грант, алғашқы жұмыс орны, ұрпақтар келісім-шарты, Күміс жас) тартылды.Ұлтының болашағын ойлаған ұлы Абай атамыз «Еңбек етсең ерінбей, тояды қарның тіленбей», демекші кәсіп іздеп, адал еңбекпен тапқан нәпақа қашан да берекелі болмақ. Еңбектің наны тәтті екенін түсіне білген адам жай жатпасы анық.&nbsp;

Шиелі ауданында жұмыссыздық деңгейі қандай?

<a href="https://kyzylorda-news.kz/">Kyzylorda-news.kz.</a> Қызылорда облыстық кәсіпкерлер палатасының директоры Пірмұхаммед Сыздық және мемлекеттік мекеме, құзырлы орган, микрокредиттік ұйым өкілдерімен бірлескен жұмысшы тобы Жаңақорған ауданы кәсіпкерлерімен кездесті.Ең алдымен Палата директоры Өңірлік кеңес мүшелері Гүлнар Бекмырзаева мен Аблан Асенов және Палатаның аудандық филиал директоры Асылжан Жолдасбековпен бірге Жаңақорған ауданы әкімінің орынбасары Бектас Нұридиновпен кездесіп, Мемлекет басшысының кәсіпкерлікті дамыту Тапсырмасын талқылады. Әрі қарай, аудандық Мәдениет үйінде жергілікті кәсіпкерлердің көрмесі өтті. Мұнда 10-нан аса кәсіпкер қолөнер бұйымдарын, кондитерлік өнімдерін, тұрмыстық және құрылыс заттары мен тігін шеберханасының өнімдерін ұсынды.Кездесуді жүргізген Бектас Нұридинов мемлекеттік қолдаулар арқылы аудандағы кәсіпкерлікті дамытудың маңыздылығын атап өтті. Палата директоры Пірмұхаммед Сыздық өз кезегінде жұмысшы топтың миссиясын және кәсіпкерлерге көрсетілетін қолдау түрлеріне тоқталды. Бұдан бөлек, Жаңақорған аудандық прокуратурасының аға прокуроры Әліхан Жоспаров инвестициялық жобаларды іске асыру үшін жан-жақты қолдау көрсету мақсатында жергілікті атқарушы органдармен қатар прокуратура органдары тарапынан жүргізілген шаралар жөнінде баяндады.Жиынға арнайы келген делегация құрамында келген облыстық кәсіпкерлік және өнеркәсіп басқармасы, ауыл шаруашылығы басқармасы, Қызылорда облысы бойынша мемлекеттік кірістер департаменті, «Қазпошта» АҚ Қызылорда облыстық филиалы, «Даму» кәсіпкерлікті дамыту қоры АҚ, «Аграрлық несие корпорациясы» АҚ Қызылорда филиалы қаржы ұйымдарының өкілдері мемлекеттік қолдау шараларына кеңінен түсіндірме жұмыстарын жүргізді.Осы ретте, кәсіпкерлер өз ұсынысын білдірді. Олардың айтуынша бүгінгідей кездесулердің пайдасы орасан зор, барша кездесуге келген бизнес өкілдері өз мәселелерін айтып, сұрақтарына жауап ала алды. Дегенмен, шалғай ауылдардағы кәсіп иелері облыс орталығындағы мекемелерге қайта-қайта барып, құжат жинауға уақыты да мүмкіндігі де бола бермейді, осы себепті ең болмағанда айына бір рет қаржы ұйымдарының өкілдері аудан орталығына келіп, қабылдау өткізсе, ауданға қарасты барша ауыл тұрғындарының мәселесі шешіледі.«Аграрлық несие корпорациясы» АҚ Қызылорда филиалы аталмыш ұсынысты қабыл алып, басшылыққа жеткізетіндігін айтты. Сонымен бірге, кездесуде айтылған барлық ұсыныс-пікірлер алдағы уақытта Өңірлік кеңес отырысында талқыланатын болады.Кездесуден кейін делегация Жаңақорған ауданының туризм аймақтары, киелі «Хорасан ата», «Төлегетай баба», «Қылышты ата» сынды тарихи орындарын аралады.

Жаңақорғандық кәсіпкерлермен кездесу өткізілді

<a href="https://kyzylorda-news.kz/">Kyzylorda-news.kz</a> Мінекей, жайдарлы жаз мезгілінің келуіне де санаулы күндер қалды. Нақ осы мезгілде түрлі жұқпалы аурулардың көбейе түсетіні айдан анық. Әсіресе, жіті ішек инфекциясы, тамақтан улану жағдайлары жиілей түседі. Осы тұста Шиелі ауданындағы жыл бұрынғы ахуалға тоқталып өтсек. 2023 бұл өлкеде жіті ішек инфекциясы белең алған-ды. Сала мамандардың айтуынша, жағдайдың бұлайша у­шығуына ауа райының аптап ыстықтың және жеке бас гигиенасының бұзылуы басты себеп болып отырғанын айтады.2023 жылы 6 айда Шиелі ауданы көлемінде жұқпалы жіті ішек инфекциясының 26 жағдайы есепке алынып, аурушандық көрсеткіш 2022 жылға қарағанда 30,5 пайызға өсіпті. Жұқпалы жіті ішек ауруларымен науқастанғандардың 96,1 %-і (25 жағдайы) 14 жасқа дейінгі балалар, оның ішінде 38,5%-і (10 жағдайы) 2 жасқа дейінгі балалар үлесінде. Аурудың жоғары деңгейде тіркелуіне басты себеп – тұрғындар, әсіресе балалар арасында ішек инфекциялары мен тағамнан уланудың алдын алудағы санитарлық-гигиеналық нормалар мен қағидалардың сақталмауы себеп болып отыр. Балалар арасында жедел асқынған ішек инфекцияларымен сырқаттану жазғы маусымда көбейеді. Бұған қоршаған орта температурасының жоғарылауы, сусынды, көкөністерді, жеміс-жидектерді көп қолдану, азық-түліктің тез бұзылуы себеп болады. Жасыратыны жоқ, жаздың алғашқы айынан бастап тұрғындар мерзімінен ерте піскен бақша&nbsp;өнімдері мен жеміс-жидектерді жиі тұтынады. Атап айтсақ, қарбыз маусым айында сауда сөрелеріне түсе бастайды. Бұл уақытта өнімдер анағұрлым қауіпті, яғни нитратпен улану деңгейі жоғары. Себебі ең жылдам піседі деген сорттардың өзі шілде айының соңына қарай бабына келеді. Ал сапалы әрі қауіпсіз қарбыз тамыз айының соңына қарай жеткізіле бастайды. Өйткені бұл уақытта бақша дақылдары табиғи түрде пісіп, жетіледі.&nbsp;Ал жұқпалы жіті ішек инфекциясының алғашқы белгілері: іштің жиі-жиі судай өтуі, дене қызуының көтерілуі, сәбилердің емшектен бас тартуы, асқа тәбеті болмау, шөлдеу, құсу, бас ауру, жалпы әлсіздік, селқостық, мазасыздық, ауырсыну, кілегейдің пайда болуы. Науқастың жиі құсып, іші өткен сайын&nbsp; жағдайы ауырлай түседі. Өйткені, организм өзіндегі тіршілікке қажетті су мен тұздарды көп жоғалтады. Жоғарыдағы аталған клиникалық белгілер пайда бола бастаса, міндетті түрде дәрігерге көрінуі қажет. Мұндай кезде дәрігер келгенге дейін мүмкіндігінше ем жасай бастаған абзал. Ол үшін сұйықтықты мол, көбірек ішкізген дұрыс. Антибиотик қолдануға болмайды, өйткені аурудың клиникалық сипатын өзгертеді, мұның өзі дұрыс диагноз қоюды қиындатады. Сондықтан сақтық шараларын сақтап, денсаулықты мұқият күткен жөн.Сонымен қатар қызылша ауруы бойынша да Шиелі ауданы көлемінде өткен жылы 7 жағдай тіркеліп, аурушандық көрсеткіші 100 мың адамға шаққанда 8,2 пайызды құраған еді. Бұл көрсеткіш 2022 жылдың 6 айымен салыстырғанда әлдеқайда өскен. Ал қазіргі уақытта эпидемиологиялық ахуалдың тұрақсыз болуы мамандар үшін алаңдатарлық мәселеге айналып отыр. Өйткені, тұрғындар ауру жағдайлары байқалғанда бірден дәрігердің көмегіне жүгінбейді. Көбісі үй жағдайында емделу жолдарын қарастырып, ауруларын асқындырып алады. Ауру жұқтырғандар 3-4 күннен кейін дәрігерлердің көмегіне жүгінеді. Мұның өзі адамның өз өмірі үшін үлкен жауапсыздық секілді.&nbsp;<blockquote>–&nbsp;Жіті ішек инфекциялары – бұл бактериялар, вирустар, қарапайымдылар тудыратын және балалар мен ересек адамдарда ішек қызметінің бұзылуымен (диарея) сипатталатын жұқпалы ауру. Ішек жұқпасы әлемде ең көп таралған инфекциялардың қатарына жатады. Алдын алу шаралары: Ішек инфекцияларының пайда болуының алдын алу үшін тағамдық азық-түліктердің&nbsp; сапасы өте маңызды – көптеген тағамдарда бактериялар тек қана өміршеңдігін сақтап қана қоймай, олар ауру тудырушы адамның қолымен тағамды ауызына апарғанда асқазан-ішек жолына кір қолы арқылы, ластанған су арқылы, сапасыз азық-түліктер арқылы түсіп қарқынды түрде көбейеді.&nbsp;</blockquote><blockquote>Әсіресе, тұтынар алдында термиялық өңдеуден өтілмейтін тағамдар өте қауіпті. Ондай тағамдарға салаттар, винегреттер, сондай-ақ жемістер мен жидектер жатады. Салаттар мен винегреттерді, әртүрлі тұздықтар мен гарнирлерді тоңазытқышсыз түнге қалдыруға болмайды. Жаз және күз маусымында сүт және сүт өнімдерінде бактериялардың көбеюіне қолайлы жағдайлардың туындайтынын білу керек. Жеке адамдардан сатып алған құйылып сатылатын сүтті міндетті түрде қайнату керек.</blockquote><blockquote>Қазіргі таңда, аудан көлемінде аса қауіпті және жедел ішек инфекциясы аурулары бойынша эпидемиологиялық ахуалдың күрделі екендігін ескертіп, барынша қатаң сақтық шараларын сақтауға шақырамыз, – дейді Шиелі аудандық санитариялық-эпидемиологиялық бақылау басқармасының басшысы Гүлзада Айтекеева.</blockquote>Иә, қазіргі уақытта кез келген кеселге бей-жай қарауға болмайды. Әсіресе жұқпалы дертке салғырт қарау өміріңізге үлкен қауіп төндіреді. Сондықтан аталарымыздың «Ауырып ем іздегенше, ауырмаудың жолын ізде» деген тәмсілін естен шығармағанымыз жөн.&nbsp;

Гүлзада Айтекеева: Ішек инфекциясы – қауіпті ауру

<a href="https://kyzylorda-news.kz/">Kyzylorda-news.kz.</a> Биыл халық жазушысы Ә.Тәжібаевтың туғанына 115 жыл! Осыған орай Шиелі аудандық балалар кітапханасының ұйымдастыруымен «Сырда туған сырбаз ақын» атты әдеби кеш өткен болатын.Тағылымы мол шараның негізігі мақсаты да осы, яғни оқушыларды ұлы тұлғаның өміріне қатысты тың деректермен таныстыру болды. Іс-шараның барысын кітапхана қызметкері Г.Жанаева жүргізді. Сондай-ақ Ы.Жақаев атындағы №244 орта мектебінің оқушылары Әділхан Сапарбеков, Альбина Болатбек, Ақназ Әміртай және Шиелі аудандық оқушылар үйінің «Кәусар бұлақ» үйірмесінің мүшелері Гүлбейне Әділхан, Нұрай Еркінқызы, Анель Жұмабекова, Кәусар Қанасқызы, Аяна Қанатқызы, Асылжан Тұрғанбай, Жұлдызай Көшербай, Кәусар Айдосқызы өлең-жырларын жатқа оқыса, жазушының өміржолымен Айерке Айып таныстырып өтті. Сонымен бірге Мәншүк монологын Нұрай Асқар бейнелесе, ал Ақбикеш Смағұлова Ыбырай Жақаевқа арналған «Ағатай» өлеңін оқыды. Жасмин Бектемір, Раяна Абатқан мен Жадыра Сейтқасым «Туған жер» әнін тамылжыта орындап, көпшіліктің ыстық ықыласына бөленді.&nbsp;Кітапхана төріне «Өлеңім өмірім» атты кең көлемде кітап көрме керуені ұйымдастырылып, оған Әбділдә Тәжібаевтың өмірі мен еңбектері жайлы жазылған кітаптар және мерзімді басылым беттеріне жарияланған мақалалары қойылды. Кітапханашы С.Ерғали оқырмандарды кітап көрмемен таныстырды.&nbsp;Әдеби кешті Шиелі аудандық орталықтандырылған кітапхана жүйесінің директоры Г.Жақыпова қорытындылап, шараға қатысқан оқырмандарды алғыс хаттармен марапаттады. Шиелі аудандық балалар кітапханасының меңгерушісі Г.Қоңыратбаева, Ы.Жақаев атындағы №244 орта мектебінің қазақ тілі және әдебиеті пәнінің мұғалімі Н.Боранбаева мен аудандық оқушылар үйінің «Кәусар бұлақ» үйірмесінің жетекшісі П.Мамбеталиева балаларға ізгі тілектерін білдірді.&nbsp;Қосымша дерек болсын, 30-жылдардың соңында М.Әуезов драматург Ә.Тәжібаевтың алғашқы шығармасын оқып, жас ақынның шығармашылық қабілетін байқаған. Ақын «Комсомол сөйлейді», «Кешеден – бүгінге» публицистикалық поэмаларында кейіпкерлердің ойы, сезімі, толқынысын жеткізеді. Оның «Ақ қайың», «Гүлден дала!», «Майра», «Таныстар», «Жартас» және басқа пьесалары бар. Қаламгердің сценарийі бойынша Н.Погодинмен бірге «Жамбыл» көркем фильмі түсірілді. Сондай-ақ А.Пушкин, А.Островский, Г.Гейненің туындыларын қазақ тіліне аударған. 1985 жылы белгілі ақынға «Қазақ ССР-нің Халық жазушысы» құрметті атағы берілді.

Шиелі: Сырда туған сырбаз ақын

<a href="https://kyzylorda-news.kz/">Kyzylorda-news.kz</a> Облыс әкімінің орынбасары Ардақ Зебешевтің төрағалығымен сауда базарларын заманауи талапқа сай жаңғырту мәселесі бойынша мәжіліс өткізілді.Жиында сауда базарларының жай күйі, жаңғырту барысындағы атқарылып жатқан жұмыстар мен құрылыс салу жұмыстарында туындаған кедергілер және екінші деңгейлі банктер арқылы қаржыландыру мәселелері қаралып, талқыланды.Сауда базарларын жаңғырту жөніндегі жол картасы аясында2025 жылдың аяғына дейін 3 сауда базары заманауи талапқа сай салынатын болады. Атап өтетін болсақ, «Сыбаға» ЖШС-і өз қаражаты есебінен «Сұлтан-2» базарындағы бастапқы құрылыс-монтаж жұмыстарын жүргізе бастады. Құрылыс алаңына құрылыс объектісінің паспорты бар маңдайша жазу орнатылды.«Асбол» ЖШС-мен салынатын ғимараттың жұмыс жобасы мен жобалау сметалық құжаттамаларын дайындап, мемлекеттік сараптамаға өткізілді. Банк мақұлдаған жағдайда құрылыс жұмыстарын бастайтын болады.Сонымен қатар, жақын арада Қазақстан Республикасы Сауда және интеграция министрлігімен «Жеке кәсіпкерлікті мемлекеттік қолдау шараларын ішкі сауда субъектілеріне көрсету» туралы қабылданатын қағидасына сәйкес несиенің пайыздық ставкасының 9% ішкі сауда субъектісі төлейді, ал айырмасын мемлекет субсидиялайды. Сондай ақ, 50 % мемлекеттік кепілдеме беріледі.Алдағы уақытта осы қағида шеңберіндегі тиімді шарттар негізінде өңірдегі барлық базарларды жаңғырту жұмыстарын жүргізу ұсынылып, хаттамалық тапсырмалар қабылданды.2025 жылдың аяғына дейін сауда базарларын жаңғырту жөніндегі жол картасына қаладағы «Талғат» базарын қосу жөнінде Қазақстан Республикасы Сауда және интеграция министрлігіне ұсыныс берілетін болады. «Талғат» сауда базары эскиз жобасын әзірлеп, ұсынатындығын жеткізді.Бұл бағытағы жұмыстардың жүргізілуі тұрақты түрде бақылауда болып, ай сайын мәжілісте қаралатын болады.&nbsp;&nbsp;

Қазақстан және Қызылорда облысының жаңалықтары: Қоғам