<a href="https://kyzylorda-news.kz/">Kyzylorda-news.kz</a> Мәжілістің жалпы отырысында қаржы министрі Мәди Такиевтің айтуынша, үкімет "Отбасы банк" салымшыларға берілетін сыйақыны мемлекеттік бюджеттен емес, банктың өз қаражаты есебінен төлеу туралы шешім қабылдады. Бұл туралы <a href="https://stan.kz/otbasi-bank-salimshilarga-siyakini-oz-karazhati-esebine-425195/">Stan.kz</a> ақпарат агенттігі хабарлайды.Мәліметтерге сенсек, салымшыларға берілетін сыйақыны қаржыландыру енді "Отбасы банктың" өз қаражаты есебінен жүзеге асырылады.<blockquote>"Осылайша біз бюджетке түсетін жүктемені азайтамыз. Ал салымшылар үшін ешқандай өзгеріс болмайды – олар бұрынғыдай сыйақыларын алады", – деді министр.</blockquote>Мәди Такиевтің айтуынша, "Отбасы банк" мемлекеттік қаржы институты және оның қаржылық жағдайы тұрақты. 2024 жылы банктің таза табысы 120 миллиард теңгені болған, бұл өз кезегінде салымшылар алдындағы міндеттемелерді бюджет көмегінсіз орындауға мүмкіндік береді.Министрдің дерегінше, банк құрылған сәттен бастап бюджеттен шамамен 900 млрд теңге бөлінген. Қолданыстағы үш жылдық бюджет аясында тағы 200 млрд теңге бөлу жоспарланған еді.<blockquote>"Бұл уақыт ішінде банк клиенттер базасын едәуір кеңейтті – салымшылар саны он есеге өсіп, 2,1 миллион адамнан асты. Сондықтан қаржыландыру тәртібін өзгерту мемлекет шығынын азайтып, азаматтардың мүддесіне әсер етпейді", – деп түйіндеді Мәди Такиев.</blockquote>Фото: Отбасы банк

"Отбасы банк" салымшыларға сыйақыны өз қаражаты есебінен төлейтін болды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев қазақ күресінен үшінші мәрте өткізіліп отырған "Сырдария барысы" аудандық турнирінің ашылу салтанатына қатысты. Спорттық іс-шараға аудандық мәслихат төрағасы Е.Әжікенов, облыстық мәслихат депутаты Ж.Ембергенов, аудандық ардагерлер кеңесінің төрағасы М.Келдібаев, аудандық мәслихат депутаты А.Есназар, аудандық полиция бөлімі бастығының орынбасары Қ.Асанұлы қатысты.Аудан басшысы Республика күні қарсаңында жарысқа қатысушыларға сәттілік тіледі.<blockquote>– Мемлекет басшысы Қасым-Жомарт Кемелұлы Тоқаев «Чемпион болу – ел мерейін асыру деген сөз. Спортшылардың даңқы – барша халықтың даңқы. Олардың мәртебесі – бүкіл мемлекеттің мәртебесі. Сондықтан біз спортшыларымыздың әр жетістігін мақтан тұтуымыз керек. Мұның бәрі спортты насихаттап, саламатты қоғам құру үшін өте маңызды» деп атап көрсетті. Ел Президентінің тапсырмасымен, Үкіметтің және облыс әкімі Нұрлыбек Машбекұлы Нәлібаевтың қолдауымен аймағымызда спорттың бұқаралық сипатын дамытуға ерекше мән берілуде. Облыс орталығында құны 2,7 млрд. теңге болатын үстел теннисі пайдалануға берілді. Жақында заманауи талаптарға сай келетін 11 мың орындық жаңа стадион салтанатты түрде ашылды. Соңғы үш жылда өңірде 20 спорт кешені салынып, «Ауыл – ел бесігі» бағдарламасымен тағы 6 спорт кешені пайдалануға беріледі. «Қазақстан халқына» қорының демеушілігімен 2,9 млрд. теңгеге мүмкіндігі шектеулі жандарға арналған дене шынықтыру-сауықтыру кешені бой көтеруде. Сырдарияның сол жағалауынан 6,8 млрд. теңгеге халықаралық стандарттарға сай, жабық бассейні бар көпсалалы дене шынықтыру-сауықтыру кешенінің құрылысы және облыс орталығынан құны 20,5 млрд. теңге болатын көпбейінді «Қызылорда Арена» спорт кешенінің құрылыс жұмыстары қарқынды жүргізілуде. Сырдария ауданында спортты дамытуға үлкен қолдау жасалып, мәдени-спорттық іс-шаралар көптеп ұйымдастырылуда. Бүгінгі үшінші мәрте ұйымдастырылып отырған «Сырдария барысы» – осының айғағы. Осы жарыс арқылы чемпиондарымыз шығып, ұлттық спортты дамытуға өз үлестерін қосуда, – деді Берік Әбдіғаппарұлы.</blockquote>Турнирдің ашылуында аудандық ардагерлер кеңесінің төрағасы М.Келдібаев та сөз сөйлеп, жас спортшыларға сәттілік тіледі. Турнирге қазақ күресінен аудан намысын қорғап жүрген жас палуандар қатысып, боз кілемде өзара тартысқа түсті.

"Сырдария барысы" турнирінің ашылу салтанаты өтті

​<a href="https://kyzylorda-news.kz/">Kyzylorda-news.kz</a>&nbsp; Қызылорда қаласы бойынша қатты отын жеткізу жұмыстарын 2 оператор жүзеге асырады. Оның ішінде «Хас Ком» ЖШС қоймасында – 14 793 тонна, ал «Олжас 2005» ЖШС қоймасында – 207 тонна көмір қоры қалыптастырылған. Бұл – алдағы жылу беру маусымында тұрғындар мен әлеуметтік нысандарды көмірмен толық қамтамасыз етуге жеткілікті көлемнің бір бөлігі болып табылады.Қала аумағында көмір тапшылығын болдырмау мақсатында операторлар тарапынан тәуліктік үздіксіз жеткізу жұмыстары жүргізілуде. Әлеуметтік нысандарға көмір белгіленген кестеге сәйкес жеткізіліп отыр. Сонымен қатар, тұрғындардың да қажеттіліктерін қанағаттандыру мақсатында қоймаларда сатылым жүйелі түрде ұйымдастырылған.Ағымдағы жылдың тамыз айынан бастап қала тұрғындарына 1 410 тонна көмір сатылды.Жалпы, көмір қорының тұрақты жеткізілуі және қоймалардағы барлығы 15 мың тоннаға жуық қордың болуы – алдағы жылыту маусымын қиындықсыз өткізуге мүмкіндік береді.

Қызылордада көмір қоры жеткілікті

​<a href="https://kyzylorda-news.kz/">Kyzylorda-news.kz</a> Қоғамда моральдық және отбасы құндылықтарын нығайту – Мәдениет және ақпарат министрлігінің басым бағыттарының бірі.2020 жылы елімізде «Қазақстандық отбасылар – 2020» атты алғашқы Ұлттық есеп жарияланды. Есепте ажырасу себептері, отбасылардың әлеуметтік-экономикалық жағдайы, туу динамикасына қатысты деректер мен талдаулар қамтылды.2023 жылы осал санаттағы отбасыларды қолдауға бағытталған Әлеуметтік кодекс қабылданды. Құжатта көпбалалы және табысы төмен отбасыларға арналған нақты әлеуметтік қолдау шаралары, сондай-ақ ана мен бала құқығын қорғау тетіктері қарастырылған.Ел өміріндегі маңызды кезеңдердің бірі – әйелдердің құқықтарын қамтамасыз ету және балалардың қауіпсіздігін күшейту мақсатында қабылданған заңнамалық өзгерістер. Осы заң аясында Қазақстанда тұрмыстық зорлық-зомбылық қылмыстық жауапкершілікке жатқызылып, балаларға қатысты кез келген зорлық-зомбылық түріне қатаң жаза енгізілді.Аталған заңнамаларды жетілдіру шеңберінде тұрмыстық зорлық-зомбылықтың алдын алуға бағытталған кешенді шаралар қабылданды. Отбасы институтын нығайту және кәмелетке толмағандардың қауіпсіздігін қамтамасыз етуге бағытталған жаңа нормалар енгізілді.Осы мақсатта бұрын қызмет етіп келген Отбасын қолдау орталықтарының жұмысы қайта құрылып, олардың қызметі бірыңғай модель бойынша жүйелендірілді. Нәтижесінде мұндай орталықтардың саны ел бойынша төрт есе, 33-тен 131-ге дейін артты.Қазіргі уақытта Мәдениет және ақпарат министрлігі Еңбек және халықты әлеуметтік қорғау министрлігімен бірлесіп, Отбасын қолдау орталықтарында көрсетілетін барлық әлеуметтік қызметтерді автоматтандыру және цифрландыру жұмыстарын белсенді жүргізуде.Отбасы мен некені сақтау және нығайтуға арналған 2025-2027 жылдарға арналған іс-шаралар жоспары әзірленіп, бекітілді. Жоспар отбасы өміріне саналы дайындықты арттыруға және ажырасудың алдын алуға бағытталған.Ұлттық статистика бюросының деректеріне сәйкес, соңғы бес жылда Қазақстанда ажырасу саны 16%-ға төмендеген. Егер 2020 жылы тіркелген ажырасу саны 48,2 мың болса, 2024 жылы бұл көрсеткіш 40,5 мыңға дейін азайды.2024 жылы некеге тұруға өтініш берушілерге арналған тегін алдын ала кеңес беру және оқыту жобасы іске қосылды. Жоба Шымкент және Астана қалаларында пилоттық режимде сәтті жүзеге асырылды.Қазіргі уақытта ҚР Мәдениет және ақпарат министрлігі «Отбасы және дәстүрлі құндылықтарды насихаттау, ата-аналардың балаларды тәрбиелеудегі жауапкершілігін арттыруға бағытталған кешенді шаралар» атты гранттық жобаны іске асыруда.Жобаның негізгі бастамаларының бірі – «Ата-аналар академиясын» құру. Бұл бастама аясында ата-аналарға арналған онлайн-курстар мен оқыту бағдарламалары ұсынылады. Сондай-ақ бала тәрбиесіне қатысты өзекті мәселелер бойынша түсіндіру кездесулері өткізіледі. Жақын арада «Ата-ана.kz» онлайн платформасын іске қосу жоспарланып отыр.Отбасы институтын және моральдық-әлеуметтік құндылықтарды нығайту мақсатында ҚР Мәдениет және ақпарат министрлігі жыл сайын «Мерейлі отбасы» ұлттық конкурсын ұйымдастырады. Соңғы 11 жыл ішінде конкурсқа еліміздің барлық өңірінен 20 мыңнан астам отбасы қатысты.Сонымен қатар, 2023 жылы елімізде Аналар күні (мамыр айының екінші жексенбісі) мен Әкелер күні (маусым айының үшінші жексенбісі) ресми мереке ретінде бекітілді. Қазақстанда жыл сайын қыркүйек айының екінші жексенбісінде Отбасы күні атап өтіледі.<img src="https://knadmin.beoblood.kz/uploads/Whats_App_Image_2025_10_22_at_11_17_28_4b6baf4efb.jpeg" alt="Отбасы саясаты.jpeg">Фото: Нұрболат Нұржаубай

Қазақстанда ажырасу саны азайып келеді

​<a href="https://kyzylorda-news.kz/">Kyzylorda-news.kz</a> Жуырда Мысыр елінің астанасы Каир қаласында жасөспірімдер, жастар және ересектер арасында өткен пара пауэрлифтингтен Әлем чемпионатында қазақстандық спортшылар жоғары нәтиже көрсетті. Бұл дүбірлі додада Сыр елінің мақтаныштары Фариза Төлжан ересек әйелдер арасында 50 кг салмақ дәрежесінде үш тәсілдің қорытындысы бойынша 285 кг нәтижемен Әлем чемпионы атанды. Ал жасөспірімдер арасында сынға түскен Снежанна Бойко 41 кг салмақ дәрежесінде 74 кг көтеріп, Азия және Әлем рекордын жаңартып, қатарынан екінші рет Әлем чемпионы атанды. Жарыс қорытындысы &nbsp;туралы бүгін Өңірлік коммуникациялар қызметінің ақпарат алаңында пауэрлифтингтен облыстың аға жаттықтырушысы Бақытбек Рысбаев, екі дүркін Әлем чемпионы Снежанна Бойко және Әлем чемпионы Фариза Төлжан мәлімдеді.<blockquote>- Мысыр елінде өткен бұл чемпионат өте жоғары деңгейде ұйымдастырылды. Әлемнің түкпір-түкпірінен келген үздік спортшылар арасында бәсеке қызу болды. Соған қарамастан біздің спортшылар өздерін өте сенімді көрсетті. Фариза мен Снежанна - еңбектің, төзім мен жігердің үлгісі. Олардың бұл жетістігі тек Қызылорда облысы үшін емес, бүкіл еліміз үшін үлкен мақтаныш. Біз алдағы уақытта да дайындықты күшейтіп, спортшыларымызды Паралимпиада ойындарына дайындау бағытында жүйелі жұмыс жүргіземіз,-деді Бақытбек Болатұлы.</blockquote>&nbsp;<blockquote>- Әлем чемпионатына дайындық өте жауапты кезең болды. Біз күн сайын жаттығып, әрбір сәтке үлкен жауапкершілікпен қарадық. Бұл жеңіс - &nbsp;менің ғана емес, бапкерлерімнің, командамның және барша жанкүйерлердің еңбегінің нәтижесі. Чемпион атану - &nbsp;үлкен мәртебе, бірақ одан да маңыздысы - &nbsp;еліміздің көк байрағын әлемдік аренада желбірету. Алдағы мақсатымыз - Паралимпиада ойындарында да жүлделі орыннан көріну,-деді Фариза Қалбайқызы.&nbsp;</blockquote>&nbsp;<blockquote>- Бұл менің спорттық жолымдағы ең есте қаларлық жарыстардың бірі болды. Қатты толқыдым, бірақ жаттықтырушым мен құрамадағы спортшылар қолдауы күш берді. Әлем және Азия рекордын жаңарту - мен үшін үлкен жетістік әрі жауапкершілік. Осындай жеңістер арқылы біз еліміздегі пара спорттың дамып келе жатқанын дәлелдейміз. Алдағы уақытта өз нәтижемді одан әрі жақсартып, жаңа рекордтар орнатуға тырысамын,-деді Снежанна Евгеньевна.</blockquote>

Сыр спортшылары пара пауэрлифтингтен әлемдік жарыста үздік атанды

​<a href="https://kyzylorda-news.kz/">Kyzylorda-news.kz</a> Қазақстанда науқастарды томотерапия технологиясымен тегін емдеу алып тасталды. Салдарынан республикадағы жалғыз "Үміт" томотерапия орталығы елуге жуық емделушіні үйіне қайтаруға мәжбүр болған. Бұл туралы <a href="https://stan.kz/kazakstanda-katerli-isik-auruina-shaldikkandardi-tomote-425165/">Stan.kz</a> ақпарат агенттігі Информбюро арнасына сілтеме жасап хабарлайды.Томотерапия Денсаулық сақтау министрлігінің жаңа шешімімен жоғары технологиялық ем түрлерінің тізімінен алып тасталған. Ал оны алмастыратын төлем тетігі бекітілмеген. Соның салдарынан мемлекеттік тапсырыс тоқтап, қатерлі ісік ауруымен күресіп жүрген "Үміт" орталығының науқастары қаржыландырусыз қалған.<blockquote>"Сол шешімнің салдарынан бізге 50-ден аса науқасты емнен шығаруға тура келді. Қазанның үші күні ақпарат алдық. Ал алтысы күні Денсаулық сақтау вице-министрінің бұйрығымен барлық науқастарды үйіне жібердік. Олар мемлекеттік тапсырыс аясында, қор қаржыландырған грант бойынша ем қабылдап жатқан еді", – деді "Үміт" онкологиялық томотерапия орталығының директоры Ержан Шаяхметов.</blockquote>Томотерапия технологиясы ақылы қызмет түріне өтсе бір науқастың толық курсы бірнеше миллион теңгеге дейін барады. Десе де мұндай соманы көпбалалы отбасылар мен зейнеткерлер көтере алмайды. Бұрынғы тариф үш есеге қысқарып, орталықтың жұмысы да тоқтап қалған.<blockquote>"Конституция бойынша әр азаматтың денсаулығын қорғауға құқығы бар. Ал бұл ем түрін тізімнен шығару – сол құқықты жоққа шығару. Көп адамға бұл &nbsp;соңғы мүмкіндік еді", – деді емделуші Серік Доскенов.&nbsp;</blockquote>Терапияның аяқталмай қалуы да науқастар үшін қауіпті. Мамандардың айтуынша, емнің үзілуі мен басқа аппаратқа көшу ағзаға ауыр салмақ түсіріп, асқындыруы мүмкін. Ал көптеген отбасылар қазір аяқталмаған ем үшін несие алып, көмек сұрап жатыр.<blockquote>"Бәріміз халық емеспіз бе? Неге біз үшін ештеңе істелмейді? Балаларым әкесін емдету үшін несие алуға мәжбүр. Бар болғаны 14 процедура қалған еді ғой. Емделіп жүргендерді соңына дейін аяқтап беріңіздер, сосын жабыңыздар", – деді емделушінің туысы Нұрсұлу Ғалиева.&nbsp;</blockquote>Кәсіпкерлер палатасы министрлікке бұл шешімнің заңға қайшы екенін айқан. Ал "Үміт" орталығы жауапты ведомство томотерапияны қайтадан жоғары технологиялық көмек тізіміне енгізіп, нақты әрі әділ тариф бекітуін талап етіп отыр. Өйткені әр өткен күн – науқастар үшін маңызды.Фото: freepik.com

Қазақстанда қатерлі ісік ауруына шалдыққандар тегін емделу мүмкіндігінен айырылды

​<a href="https://kyzylorda-news.kz/">Kyzylorda-news.kz</a> Қазақстанда әлеуметтік желіде құқыққа қайшы контент таратқандарға айыппұл салынбақ. Бұл туралы <a href="https://stan.kz/kazakstanda-zhelide-kykikka-kayshi-kontentke-repost-zha-425152/">Stan.kz</a> ақпарат агенттігі хабарлады.Мәжілістің жалпы отырысында "Құқық бұзушылық профилактикасы туралы" заң жобасы бірінші оқылымда мақұлданды. Заң жобасында құқыққа қайшы контентті орналастырғаны және таратқаны үшін әкімшілік жауапкершілік қарастырылған."Онлайн-платформалар және онлайн-жарнама туралы” заңның 14-баптың 1-тармағына сәйкес, құқыққа қайшы контент дегеніміз:- Қазақстан Республикасының конституциялық құрылысын күшпен өзгертуге, тұтастығын бұзуға шақыру,- мемлекеттің қауіпсіздігіне нұқсан келтіру,- соғысқа үндейтін,- әлеуметтік, нәсілдік, ұлттық, діни, сословиелік және тектік артықшылықты насихаттайтын,- қатыгездік пен зорлық-зомбылықты, суицидті, порнографияны, есірткі мен психотроптық заттарды, олардың аналогтары мен прекурсорларын дәріптейтін,- сепаратизм, алаяқтық идеяларын немесе ұлтаралық және конфессияаралық келісімді бұзуға ықпал ететін ақпарат.Сонымен қатар, Қазақстанның мемлекеттік тұтастығына күмән келтіретін, мемлекеттік құпияны немесе заңмен қорғалатын өзге де құпияны ашатын және өзге де заңмен тыйым салынған ақпарат та құқыққа қайшы контентке жатады.Желіде заң бұзатын контентті жариялағандарды ғана емес, оны қайталап таратқандар, яғни репост жасағандарды да жазалайды деген болжамдар пайда болды.Бұл мәселеге қатысты заң жобасын&nbsp;әзірлеушісі әрі мәжіліс депутаты Магеррам Магеррамов&nbsp;түсіндірді. Депутаттың айтуынша, құқыққа қайшы контентті жасағандар ғана емес, сонымен қатар оны таратқандар да жазаланады.<blockquote>"Онлайн-платформалар және онлайн-жарнама туралы"&nbsp;заңның 14-бабына сәйкес, әкімшілік құқық бұзушылық туралы кодекске өзгерістер енгізілгеннен кейін, құқыққа қайшы ақпаратты таратқандар да, жариялағандар да&nbsp;жазаланады. Видео түсіріп, өз парақшасына орналастырған адам да, &nbsp;ол жазбаға репост жасаған адам да жауапқа тартылмақ", – деді Магеррамов.</blockquote>Депутаттың айтуынша, тіпті видеоны өз парақшасында жариялап "Бұл заң бұзушылық" деп жазса да,&nbsp;құқыққа қайшы контент таратушы болып саналады. Мұндай жағдайда ең дұрыс шешім – мәдениет және ақпарат министрлігіне немесе полицияға хабарлау.<blockquote>"Өз парақшасына салып, астына "Бұл заңды бұзады"&nbsp;деп жазу ақымақтық, не айлакерлік. Егер адам құқыққа қайшы контент жайлы хабарлағысы келсе, ресми органдарға жүгінсін. Ал оны парақшасына жүктеп, өзі таратса – онда ол да заң бұзады және жауапқа тартылады", – деді депутат.</blockquote>Қазіргі уақытта әкімшілік құқық бұзушылық туралы кодексте мұндай бап жоқ.&nbsp;Бірақ парламент түзетулерді қабылдаса, жаңа бап бойынша заң бұзғандар жазаладанады. Оған қоса, жаңа бап осыған дейін жарияланған жазбаларды да қамтиды.<blockquote>"Сондықтан адамдар мұның бәрін өшіруі керек, мен мұнда ешқандай мәселе көріп тұрған жоқпын. Егер біреу үш жыл бұрын құқыққа қайшы контент жариялап, әлі өшірмеген болса – бұл заң бұзушылық. Мұндай контентті парақшасында сақтап отырғандарға таңғаламын", – деді Магеррам Магеррамов.</blockquote>Фото: Нұрболат Нұржаубай

Қазақстанда желіде құқыққа қайшы контентке репост жасағандарға да айыппұл салынбақ

​<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Кемелұлы Тоқаевтың бастамасымен қолға алынып, «AMANAT» партиясы Үкіметпен бірлесіп жүзеге асырып келе жатқан «Ауыл аманаты» жобасы Шиелі ауданында да өз жемісін беруде.Ауыл тұрғындарының табысын арттыруға, жаңа жұмыс орындарын құруға және кәсіпкерлікті дамытуға бағытталған жоба аясында мұнда жаңадан кәсіпкерлік нысан ашылып, кәсіпкерлер жұмыс жасауда. Осы орайда партияның Шиелі аудандық&nbsp;филиалының атқарушы хатшысы Жібек Баймұратова жоба аясында жұмыс жасап жатқан кәсіпкерлермен кездесіп, жүзеге асырылып жатқан жобалардың маңыздылығына тоқталды.&nbsp;<blockquote>«Ауыл тұрғындарының өз кәсібін ашып, тұрмыс сапасын арттыруына бағытталған «Ауыл аманаты» жобасы нақты нәтижесін беруде. Бағдарламаның қолдауымен көптеген азаматтар жаңа кәсіп түрін бастап, ауыл экономикасының дамуына өз үлесін қосып келеді. Жоба – ауыл халқын кәсіпке бейімдеп қана қоймай, олардың әл-ауқатын арттыруға бағытталған әлеуметтік бастама.Партияның басты мақсаты – әр азаматқа еңбек етуге, табыс табуға және туған жерінің дамуына үлес қосуға мүмкіндік беру.»-деді филиалдың атқарушы хатшысы Жібек Баймұратова.</blockquote>Мұнда кондитер өнімдері, бірреттік қолданыстағы қағаз түрлері, қолдан тігілетін қуыршақтар шығарылып тұтынушыларға ұсынылуда.«Ауыл аманаты» жобасы аясында соңғы үш жылда Шиелі ауданы бойынша жалпы құны 968,1 миллион теңгені құрайтын 135 жоба қаржыландырылып, нәтижесінде ауданда жаңа жұмыс орындары ашылып, кәсіпкерлік саласы дамып келеді.

«Ауыл аманаты»: ауыл кәсіпкерлеріне мүмкіндік көп

​<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалы алаңында облыстық мәслихат депутаты, мәслихаттағы «AMANAT» партиясы фракциясының мүшесі Абибуллаева Аида Ибрагимқызы қоғамдық қабылдау өткізіп, азаматтар өтінішін тыңдады.&nbsp;Қабылдауға келушілер тұрақты жұмысқа орналасу, еңбек дауларын шешу және өзге де тақырыптар бойынша өтініштерін білдіріп, ұсыныс-тілектерін ортаға салды.Аида Абибуллаева барлық келушіге заң нормалары бойынша түсіндірме жұмыстарын жүргізіп, тиісті мекеме басшыларымен тікелей байланысу арқылы мәселелерді оңтайлы шешу бойынша ұсынысын білдірді.&nbsp;Фракция мүшесі қабылдау барысында аталған мәселелер бойынша жазбаша өтініш жаздыртып алып, түбегейлі шешілгенше өз бақылауында болатынын айтты.&nbsp;

Фракция мүшесі қабылдау өткізді

​<a href="https://kyzylorda-news.kz/">Kyzylorda-news.kz</a>&nbsp; Адамдық пен татулық – егіз ұғым. Адамда оның біреуі болып, біреуі болмауы мүмкін емес. Ал, екеуінен де мақрұм болу білімсіздіктің белгісі. Ағымы түзу қай дінді алып қарсаңызда ол адамгершілікке, татулыққа шақырады. Бір-біріне құрмет көрсету мен толеранттылықты насихаттайды. Көп ұлтты, діні әртүрлі мемлекетті бірлікте, татулықта ұстау оңай емес. Мемлекет тыныштығын сақтауға діни бірлестіктерді де үлесі зор. Бүгінгі іс-шараның мақсаты да осы «бір жағадан бас, бір жеңнен қол шығарып» &nbsp;татулықта болу.18 қазан – Рухани келісім күні аясында облыстық ғылыми-тәжірибелік конфереция өтті. Оған діни бірлестік өкілдері, дін саласының сарапшылары, теолог мамандар, ғалымдар, өзге өңірлерден келген қонақтар мен мемлекеттік органдардың қызметкерлері қатысты.Конференция барысында Қ.А. Ясауи атындағы ХҚТУ доценті Сержан Оразбай «Рухани келісім – тұрақтылық тұғыры» тақырыбында баяндама жасап, дінаралық татулықтың ұлттық тұрақтылыққа әсерін түсіндірді. Ал Жамбыл облысы дін істері басқармасының өкілі Ерзат Жақыпов болса «Қазіргі жаһандық заманда рухани қауіпсіздік және қазақ халқының рухани болмысы» жайлы жан-жақты ой қозғады.<img src="https://knadmin.beoblood.kz/uploads/1_Ruhani_kelisim_bejbitshilikti_bastauy_f87ec9c75b.jpg" alt="1Рухани келісім – бейбітшіліктің бастауы.jpg">Сондай-ақ, Қорқыт ата атындағы Қызылорда университетінің профессоры Айтжан Оразбақов Сыр өңіріндегі этникалық әртүрлілік пен тарихи қалыптасу жолдарын баяндаса, дінтанушы Әлібек Жаппасбаев өз сөзінде әлеуметтік желілердегі рухани келісім идеяларын тарату тетіктеріне тоқталды.Жиын барысында Қазақстан мұсылмандары діни басқармасының өкілдігі, православ шіркеуі мен пресвитериан қауымдастығының басшылары конфессияаралық өзара құрмет пен түсіністіктің маңыздылығын айтып өтті.Шара соңында дін саласындағы еңбегі үшін бірқатар азаматтар облыс әкімінің және Қазақстан Республикасы Мәдениет және ақпарат министрлігі Дін істері комитетінің алғысымен марапатталып, «Жыраулар үйі» өнерпаздарының дайындаған арнайы жырларын тамашалады.

Рухани келісім –  бейбітшіліктің бастауы

​<a href="https://kyzylorda-news.kz/">Kyzylorda-news.kz</a> Қызылорда қаласындағы Асқар Тоқмағамбетов атындағы Мәдениет үйінде &nbsp;«19-қазан – Құтқарушылар &nbsp;күніне», «Төтенше жағдайлар министрлігінің құрылғанына 30 жыл» толу мерейтойына арналған салтанатты іс-шара өтті.Аталған іс-шараға Қызылорда облысы әкімінің бірінші орынбасары Данияр Жаналинов, облыс аумағында орналасқан ҚР ТЖМ құтқару бөлімшелерінің қызметкерлері, олардың отбасы мүшелері, төтенше жағдайлардың алдын алу және оларды жою жөніндегі іс-шараларға тікелей қатысатын басқа да ұйымдардың өкілдері, сондай-ақ мерекенің құрметті қонақтары - облыстың төтенше жағдайлар жүйесінің ардагерлері қатысты.<img src="https://knadmin.beoblood.kz/uploads/t_arushylar_k_ni_is_shara_cbb315b00c.jpg" alt="Құтқарушылар күні іс-шара.jpg">​ҚР Төтенше жағдайлар министрлігінің халыққа қызмет етіп келе жатқанына 30 жыл! Көмек қажет жерге ең алдымен олар жетеді. Осы 30 жылда мыңдаған адамның өмірі құтқарылды. Жүздеген өрт сөндірілді. Ондаған ірі төтенше жағдайдың салдары жойылды. Жыл басынан бері қызылордалық құтқарушылар 410 адамды құтқарып, 171 адамды эвакуациялаған. 248 зардап шегушіге дәрігерге дейінгі алғашқы көмек көрсетілген. Жалпы 2421 рет түрлі оқиға орындарына шыққан.Салтанатты кеште ​Қызылорда облысы әкімінің Құрмет грамотасымен 7 ардагер, Алғыс хатпен 9 сала ардагері мен қызметкерлер марапатталды.Қызылорда облысы Төтенше жағдайлар департаменті бастығының міндетін уақытша атқарушы полковник Мадияр Мырзагелдиев қызметін мінсіз атқарған қызметкерлерге құрмет грамоталары мен алғыс хаттарды табыстады. «Төтенше жағдайлар министрлігіне 30 жыл» мерейтойлық медалімен 13 адам, &nbsp;Департамент бастығының Алғыс хатымен 6 адам марапатталды.Іс-шараның соңы өңірдің өнерпаздарының және Қызылорда облысының Төтенше жағдайлар департаментінің қызметкерлерінің концерттік бағдарламасына ұласты.<img src="https://knadmin.beoblood.kz/uploads/t_arushylar_k_ni_is_shara_3_d41943e18c.jpg" alt="Құтқарушылар күні іс-шара 3.jpg">

Құтқарушыларға құрмет көрсетті

<a href="https://kyzylorda-news.kz/">Kyzylorda-news.kz</a> Желіде&nbsp;2026 жылдан бастап өзін-өзі жұмыспен қамтыған азаматтарға еңбекке жарамсыздық бойынша төлемақы беріледі деген ақпарат тарады.&nbsp;Еңбек және халықты әлеуметтік қорғау министрлігі осы жағдайға қатысты пікір білдірді. Бұл туралы <a href="https://stan.kz/news-425131/">Stan.kz </a>ақпарат агенттігі хабарлайды.Желідегі тараған ақпаратта төлем&nbsp;Мемлекеттік әлеуметтік сақтандыру қоры (бұдан әрі – МӘСҚ) қаражаты есебінен берілетіні көрсетілген. Алайда министрлік бұқаралық ақпарат құралдары мен әлеуметтік желілерде тараған ақпарат шындыққа сәйкес келмейтінін жеткізді.“Қолданыстағы заңнамаға сәйкес, МӘСҚ қаражаты есебінен әлеуметтік төлемдер міндетті әлеуметтік сақтандыру жүйесінің қатысушыларына тек мынадай әлеуметтік тәуекелдер туындаған жағдайда ғана жүзеге асырылады:<ul><li style="text-align:justify;">еңбек қабілетінен айырылу;</li><li style="text-align:justify;">асыраушысынан айырылу;</li><li style="text-align:justify;">жұмысынан айырылу;</li><li style="text-align:justify;">жүктілікке және босануға, жаңа туған баланы (балаларды) асырап алуға байланысты табысынан айырылу;</li><li style="text-align:justify;">баласы бір жарым жасқа толғанға дейін оның күтіміне байланысты табысынан айырылу.</li></ul>Осыған байланысты МӘСҚ қаражаты есебінен уақытша еңбекке жарамсыздық (ауру парағы негізінде) бойынша төлемдер жалдамалы қызметкерлерге де, өзін-өзі жұмыспен қамтыған азаматтарға да көзделмеген”, –&nbsp;делінген хабарламада.&nbsp;Ведомство 2026 жылдың 1 қаңтарынан бастап өзін-өзі жұмыспен қамтыған азаматтар үшін әлеуметтік төлемдер төлеуді&nbsp;қарастыратын жаңа салық режимі енгізілетінін мәлімдеді.<blockquote>“Бұл режим бойынша міндетті әлеуметтік сақтандыру жүйесіне қатысқан азаматтар әлеуметтік тәуекелдер (мысалы, еңбекке жарамсыздық, жүктілік және т.б.) туындаған жағдайда Мемлекеттік әлеуметтік сақтандыру қоры (МӘСҚ) есебінен төлемдер алуға құқылы болады. Азаматтар мен бұқаралық ақпарат құралдарын тек ресми дереккөздерге сүйенуге шақырамыз”, –&nbsp;делінген хабарламада.&nbsp;</blockquote>Фото: freepik.com

Қазақстан және Қызылорда облысының жаңалықтары: Қоғам