<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда облыстық филиалының қоғамдық қабылдау бөлмесінде Медициналық және фармацевтикалық қызметті бақылау комитетінің Қызылорда облысы бойынша департаменті басшысының міндетін атқарушы Жанерке Жақсылық азаматтарды жеке қабылдап, өтініштерін тыңдады.Қабылдау барысында тұрғындар фармацевтикалық қызмет саласына қатысты өз сауалдарын қойды. Азаматтардың бірі фармацевт мамандығы бойынша орта біліммен дәріхана ашуға қандай мүмкіндіктер бар екенін сұрады.Өтініш иесіне ҚР ДСМ №59 бұйрығына сәйкес, заңды тұлғалар үшін дәріхана немесе оның бөлімшесі басшысының жоғары немесе орта фармацевтикалық білімі және мамандығы бойынша кемінде 3 жыл жұмыс өтілі болуы қажет екені түсіндірілді.Сонымен қатар, заңды тұлға құрмай фармацевтикалық қызметпен айналысатын жеке тұлғалардың да жоғары немесе орта фармацевтикалық білімі және мамандығы бойынша кемінде 3 жыл жұмыс өтілі болуы тиіс екені айтылды.Сондай-ақ қабылдауға келген тағы бір тұрғын фармацевтикалық қызмет лицензиясының берілу мерзіміне қатысты сауал жолдады. Қолданыстағы заңнамаға сәйкес, лицензияны және (немесе) лицензияға қосымшаны беру мерзімі – 15 жұмыс күні, қайта ресімдеу мерзімі – 3 жұмыс күні, ал лицензияның және (немесе) лицензияға қосымшаның телнұсқасын беру мерзімі – 2 жұмыс күні екені түсіндірілді.Қоғамдық қабылдау барысында көтерілген барлық мәселелер бойынша қолданыстағы заңнама аясында тиісті түсіндірмелер беріліп, азаматтардың өтініштері бақылауға алынатыны жеткізілді.

Фармацевтикалық қызмет мәселелері қаралды

<a href="https://kyzylorda-news.kz/">Kyzylorda-news.kz</a> Роза Бағланова атындағы «Қазақконцерт» мемлекеттік академиялық концерттік ұйымының ұйымдастырумен мәдениет қызметкерлер күніне орай «ASTANA MUSICAL» мемлекеттік театрының өнер ұжымы Арал өңіріне келді.&nbsp;Өнер ұжымын Арал ауданы әкімінің орынбасары Н. Бохаев және Қызылорда облысының мәдениет, архивтер және құжаттама басқармасы басшысының орынбасары Ғ.Күлбаев күтіп алып, өңіріміздің мәдени-рухани өміріндегі мұндай тағылымды шаралардың маңыздылығына тоқталды. Кездесу барысында аудан әкімінің орынбасары гастрольдік сапармен келген өнерпаздарға сәттілік тілеп, Арал жұртшылығы атынан ақжарма лебізін білдірді. Мәдениет пен өнердің халықты рухани тұрғыда жақындастыратын үлкен күш екендігін атап өтіп, шығармашылық ұжымның жұмысына табыс тіледі.Елордадан келген талантты өнерпаздар аудан тұрғындарына ерекше мәдени кеш сыйламақ. Концерттік бағдарламада заманауи және классикалық шығармалар, театрландырылған қойылымдар мен әсерлі музыкалық нөмірлер ұсынылады деп күтілуде.Осыған орай, ертең – 21 мамыр күні сағат 17:00-де Арал қаласындағы Аудандық мәдениет үйінде «ASTANA MUSICAL» мемлекеттік театрының концерттік кеші өтеді.<img src="https://knadmin.beoblood.kz/uploads/ASTANA_MUSICAL_NERPAZDARY_ARAL_IRINDE_2_69241e7bba.jpg" alt="«Astana musical» өнерпаздары Арал өңірінде.jpg">

«Astana musical» өнерпаздары Арал өңірінде

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов облыстық «Ерлік» үйлестіру кеңесінің төрағасы Марат Орынбаймен және Ардагерлер одағының Тәжік-Ауған шекарасындағы жауынгерлік қимылдарына әрі әскери қақтығыстарына қатысушылардың Қазалы аудандық қоғамдық бірлестігінің төрағасы Руслан Баймбетовпен кездесті.Кездесу барысында аудан көлеміндегі Тәжік-Ауған шекарасындағы жауынгерлік қимылдарына және әскери қақтығыстарына қатысқан азаматтарды әлеуметтік тұрғыда қолдау, олардың отбасыларына көмек көрсету, қоғамдық ұйымдардың жұмысын жандандыру бағытындағы мәселелер кеңінен талқыланды.Жиында облыстық «Ерлік» үйлестіру кеңесінің төрағасы Марат Орынбай Тәжік-Ауған шекарасындағы жауынгерлік қимылдарына қатысушы бірнеше азаматтың отбасыларына көгілдір отын кіргізуге әлеуметтік қолдау көрсету жөніндегі ұсынысын жеткізді. Сонымен қатар, ардагерлердің тұрмыстық жағдайын жақсарту, оларға жан-жақты қолдау көрсету бағытындағы бірқатар мәселелерді атап өтті.Өз кезегінде аудан әкімі Алмасбек Әбілқасымұлы мемлекет тарапынан ардагерлерге әрдайым құрмет көрсетіліп, әлеуметтік қолдау шаралары назардан тыс қалмайтынын атап өтті. Сондай-ақ, көтерілген мәселелер кезең-кезеңімен қарастырылатынын айтып, салаға жауапты орынбасарына газ кіргізу жұмыстарын үйлестіруді тапсырды.Кездесу барысында қоғамдық бірлестіктің алдағы жұмыс жоспары, ардагер азаматтардың ұсыныс-пікірлері және өзге де әлеуметтік мәселелер төңірегінде пікір алмасу болды.

Қазалы: Облыстық «Ерлік» үйлестіру кеңесінің төрағасымен кездесу өткізді

<a href="https://kyzylorda-news.kz/">Kyzylorda-news.kz</a> Бүгінгі күнгі ипотека – банктер, тұрғын үй кезегі және құжаттарды жинау процесі туралы емес. Көбіне өз пәтеріңізге деген қадам тұрғын үй кешенінің сату кеңсесінен басталады, онда сатып алушыға бірден «1%-дық ипотека», «арнайы мөлшерлеме» немесе «алғашқы жылдарға жеңілдікпен төлемдер» ұсынылады.Мұндай ұсыныстар тұрғын үй бағасының жоғары болуы мен қолданыстағы ипотекалық мөлшерлемелер аясында ерекше тартымды көрінеді. Дегенмен, «тиімді ипотека» жарнамасының сыртында алдын ала білу үшін маңызды қосымша шарттар мен қаржылық жағдайлар болуы мүмкін.Серіктестік ипотека дегеніміз не, ол қалай жұмыс істейді және ақшаны үнемдеуге көмектесе ме, <a href="https://fingramota.kz/kk/post/azastanday-seriktestik-ipoteka-aryz-alushylar-neni-bilui-kerek">Fingramota.kz</a>-пен бірге анықтайық.Серіктестік ипотека дегеніміз не?Серіктестік ипотека – бұл банк пен құрылыс салушының бірлескен бағдарламасы. Банк арнайы шарттармен кредит береді, ал құрылыс компаниясы шығындардың бір бөлігін өзі өтейді немесе мөлшермелені субсидиялайды. Нәтижесінде сатып алушы белгілі бір құрылыс салушыдан және белгілі бір тұрғын үй кешенінен пәтер сатып алғанда ғана неғұрлым тиімді шарттарға ие болады.Бір қарағанда мұндай бағдарламалар өте жақсы көрінеді: бастапқы жарна төмен, ай сайынғы төлем ыңғайлы, ал мөлшерлеме әдеттегі нарыққа қарағанда едәуір тартымды. Бірақ бүгінде серіктестік ипотека төңірегінде түсініспеушілік көп туындауда. Көптеген қарыз алушылар бірнеше жылдан кейін шарттардың өзгеруі мүмкін екеніне және қаржылық жүктеме айтарлықтай өсетініне мән бермей, жарнамалық мөлшерлемеге назар аударады.Көбіне мұндай жағдайлар құрылыс салушыға жаңа тұрғын үй кешенін жедел сату немесе құрылыс кезеңінде сатып алушыларды тарту маңызды болған кезде пайда болады. Бұл банк үшін де тиімді: клиенттері көбейеді және ірі серіктеспен ынтымақтасу арқылы тәуекелдерді азаяды.Сондықтан серіктестік ипотека әдетте адамға емес, нақты бір жылжымайтын мүлік объектісіне байланысты болады. Егер пәтер бағдарламаға қатыспаса, оны жеңілдік шарттарымен ала алмайсың.Неліктен мөлшерлемелер соншалықты төмен көрінеді&nbsp;«0,1%-дық ипотека» жарнамасы бұрыннан жылжымайтын мүлік нарығының таныс бөлігіне айналды. Бірақ көп жағдайда бұл кредиттің бүкіл мерзіміндегі мөлшерлеме туралы емес, уақытша жеңілдік кезеңі жайында.Схема мынадай: алғашқы бір-екі жылда қарыз алушы ең төмен мөлшерлемемен төлейді, содан кейін кредит стандартты шарттарға ауысады. Мұнда көптеген адамды жағымсыз тосын сый күтеді, себебі ай сайынғы төлем екі есе өсуі мүмкін.Мысалы, отбасы 180-200 мың теңге төлемге жоспарлап, ипотека ресімдейді. Жеңілдік кезеңінде мұндай жүктеме расында еңсеретіндей боп көрінеді. Бірақ кейін мөлшерлеме өсіп, төлем 320-350 мың теңгеге жетеді. Егер осы уақыт ішінде отбасының табысы өспесе, бюджетке де үлкен салмақ түседі.Сондықтан мамандар бастапқыда ипотеканы жеңілдік төлеммен емес, жеңілдік кезеңі аяқталғаннан кейінгі есепке көңіл бөлуге кеңес береді.Бұдан басқа, заңнамаға сәйкес барлық қарыз бойынша кредиттік жүктеме қарыз алушының жиынтық табысының 50%-нан аспау керек екенін есте ұстаған жөн. Сондықтан да банк төлемдерді жеңілдік кезеңі аяқталғаннан кейінгі ең жоғары мәнге сүйене отырып есептейді. Егер сатып алушының табысы жеткіліксіз болса, қарыз мүлдем мақұлданбауы мүмкін.Көптеген серіктестік бағдарламаларда жеңілдік кезеңі бірнеше айдан екі-үш жылға дейін, ұзағырақ мерзімге өте сирек созылады. Осыдан кейін шартта жазылған негізгі мөлшерлеме қолданыла бастайды.Жеңілдік кезеңінің аяқталуын кредит шарттарының өзгеруі болып саналмайтынын түсіну керек. Бұл – қарыз алушы құжаттарға қол қою кезінде қабылдайтын алдын-ала қарастырылған тетік. Сондықтан кейінірек төлемнің өсуін даулау мүмкін болмайды.Ипотеканы рәсімдемес бұрын шарттың барлық талаптарын мұқият зерделеу және кредиттің бүкіл мерзіміне төлемдердің толық кестесімен алдын ала танысу маңызды.&nbsp;Қазақстанның қандай банктері серіктестік бағдарламаларын ұсынадыСеріктестік ипотекалық бағдарламаларды бүгінде Қазақстанның көптеген ірі банктері ұсынады. Шарттары нақты тұрғын үй кешеніне, бастапқы жарнаның мөлшеріне және кредит мерзіміне байланысты. Кейбір банктер цифрлық ипотеканы және жеделдетілген онлайн-мақұлдауды белсенді түрде дамытуда, ал кейбір бағдарламалар белгілі бір құрылыс салушылармен ғана бірлесіп іске қосылады.Маңызды! Серіктестік ипотеканы «7-20-25» немесе «Наурыз» сияқты мемлекеттің жеңілдік берген бағдарламаларымен шатастырмаңыз, себебі олардың арасында түбегейлі айырмашылық бар.Мемлекеттік ипотеканы мемлекет субсидиялайды және халықты қолдаудың жекелеген тетіктерімен реттеледі. Серіктестік ипотека – бұл банк пен құрылыс салушының коммерциялық өнімі. Оның шарттарын нарық анықтайды, ал жеңілдіктерді девелопердің өзі немесе қаржы ұйымы береді.Сондықтан серіктестік бағдарламадағы жарнамалық мөлшерлеме жиынтық артық төлемнің аз болатынын білдіре бермейді.Серіктестік исламдық ипотека бола ма?Қазақстанда исламдық ипотека әзірге кеңінен тарамаған өнім болып отыр, бірақ нарық біртіндеп өзгеріп келеді. Классикалық кредиттен айырмашылығы, мұнда бастапқы түсініктегі пайыз болмайды. Банк ақшаны пайызбен бермей, мәмілеге бөліп төлеу, бірлесіп иелік ету немесе кейіннен сатып алу мүмкіндігімен жалдау тетіктері арқылы қатысады.&nbsp;Бұл ретте, егер банк нақты құрылыс салушымен немесе тұрғын үй кешенімен ынтымақтастық жасайтын болса, исламдық ипотека да серіктестік ипотека бола алады.Сарапшылар исламдық ипотеканың қарыз алушыларды ашық шарттарымен, тұрақты төлемдерімен және классикалық пайыздық тетіктердің болмауымен тартатынын атап өтеді. Сонымен қатар, мұндай бағдарламаны рәсімдемес бұрын, кез келген ипотека сияқты, қаржыландырудың барлық шарттарын мұқият зерделеу маңызды.Серіктестік ипотека кімдерге қолайлы?Мұндай бағдарламалар көбінесе табысы тұрақты және алдағы жылдардағы қаржылық жағдайы белгілі адамдарға қолайлы болады. Әсіресе болашақта кірісінің артатынына ниетті немесе кредитті мерзімінен бұрын төлеуді жоспарлап отырған жас отбасылар үшін ыңғайлы.Ал егер ипотека мүмкіндіктер шегінде ресімделсе, серіктестік схемасы проблемалардың көзіне айналуы мүмкін. Әсіресе отбасы уақытша ғана төмен деңгейде болатын төлемге сүйеніп, жеңілдік кезеңі аяқталған кейін жүктеменің артатынын ескермейтін болса, қиындықтар туындауы мүмкін.Тағы бір маңызды мәселе: кейде мөлшерлеме бойынша жеңілдік пәтердің құнында болады. Ресми тұрғыдан алған ипотека тиімді болып көрінеді, бірақ жылжымайтын мүліктің өзі нарықтағы осыған ұқсас нұсқалардан қымбатырақ болып жатады.&nbsp;Ресімдемес бұрын нені білу маңызды?Шартқа қол қоймас бұрын жарнамалық мөлшерлемені ғана емес, кредиттің тұтастай құрылымын мұқият зерттеп алған жөн. Көптеген қарыз алушылар бастапқы жарнаны жан-жақты талқылап, түпкілікті артық төлемге және жеңілдік кезеңі аяқталғаннан кейінгі төлемге мән бермейді деуге болады.Мыналарды алдын ала тексеріп алу аса маңызды:<ul><li style="text-align:justify;">жеңілдік кезеңі аяқталғаннан кейін мөлшерлеме қандай болады;&nbsp;</li><li style="text-align:justify;">ай сайынғы төлем қалай өзгереді;&nbsp;</li><li style="text-align:justify;">пәтердің құны тым жоғары емес пе;&nbsp;</li><li style="text-align:justify;">қосымша комиссиялар мен сақтандыру бар ма;&nbsp;</li><li style="text-align:justify;">құрылыс салушы қаншалықты сенімді.</li></ul>Fingramota.kz кеңестері&nbsp;<ul><li style="text-align:justify;">Жарнамалық мөлшерлемені емес, кредиттің толық құнын салыстырыңыз. Жарнамадағы төмен пайыз белгілі бір кезеңге берілуі мүмкін, сондықтан ипотеканың тұтас мерзімі үшін жалпы артық төлемді бағалау маңызды.</li><li style="text-align:justify;">Төлемдердің толық кестесін алдын ала сұраңыз.&nbsp;Шартқа қол қоймас бұрын жеңілдікті шарттар аяқталғаннан кейінгі кезеңді қоса алғанда, кредиттің барлық кезеңінде ай сайынғы төлемдердің қалай өзгеретінін міндетті түрде нақтылап алыңыз.</li><li style="text-align:justify;">Алдағы уақыттағы қаржылық жүктемені бағалаңыз.&nbsp;Ипотеканы бастапқы төлемге емес, жеңілдік кезеңі аяқталғаннан кейін төленетін сомаға сүйене отырып есептеңіз.</li><li style="text-align:justify;">Тұрғын үйдің бағасын нарықпен салыстырыңыз.&nbsp;Сатып алмас бұрын сол аудандағы осыған ұқсас ұсыныстарды тексеріңіз – кейде «тиімді мөлшерлеме» пәтердің біршама жоғары құнымен өтеледі.</li><li style="text-align:justify;">Қауіпсіздік қоры болмаса, ипотека ресімдемеңіз.&nbsp;Туындауы мүмкін қаржылық қиындықтарды шешу үшін кемінде 6 айдың шығынын өтеуге жететін жинақтарыңыз болған жөн.&nbsp;</li><li style="text-align:justify;">Құрылыс салушының сенімді болуын тексеріңіз.&nbsp;Компанияның беделін, объектілерді өткізу мерзімдерін, сатып алушылардың пікірлерін және кешіктірілмей аяқталған жобалардың бар-жоғын зерттеңіз.</li></ul>Серіктестік ипотека әсіресе ағымдағы нарықтық мөлшерлемелер жағдайында тиімді құрал бола алады. Алайда, қарыз алушы төлемдердің толық құрылымын алдын-ала түсініп, тек жарнама шарттарына сүйеніп қана қоймай, ұзақ мерзімді қаржылық жүктемені бағалаған жағдайда ғана нақты пайдаға қол жеткізуге болады.<img src="https://knadmin.beoblood.kz/uploads/Fingramota_21_05_7b7987b469.png" alt="Финграмота ипотека.png">Өзіңізді, өз ақшаңызды сақтаңыз және қаржылық сауаттылығыңызды Fingramota.kz-пен бірге арттырыңыз!

Қазақстандағы серіктестік ипотека: қарыз алушылар нені білуі керек?

<a href="https://kyzylorda-news.kz/">Kyzylorda-news.kz</a> Қазалы ауданында оқу жылының аяқталуы және жасөспірімдер арасындағы құқықбұзушылықтың алдын алуға байланысты кеңейтілген мәжіліс өтті.Мәжіліске аудан әкімі Алмасбек Есмаханов, аудандық мәслихат төрағасы Ғазиз Әліш, аудан прокуроры Мадияр Бекпанов, аудандық полиция бөлімінің бастығы Нұрлан Ибраев және құқық қорғау органдарының қызметкерлері, аудандық мәслихаттың депутаттары, мекеме-кәсіпорын басшылары, кент, қала және ауылдық округ әкімдері, аудандық қоғамдық кеңес, ардагерлер кеңесі және әйелдер кеңесінің төрағалары, ата-аналар комитетінің өкілдері, аудандағы білім беру ұйымдарының басшылары мен бітіруші сыныптардың сынып жетекшілері қатысты.Роза Бағланова атындағы аудандық мәдениет орталығында «Қауіпсіз қоғам: тәртіп, тәрбие, жауапкершілік» атты тақырыппен өткен жиынға аудан әкімі Алмасбек Есмаханов төрағалық етіп, жалпы аудандағы білім саласындағы өзекті мәселелер мен жасөспірімдер арасында құқық бұзушылық пен қылмыстың алдын алуға бағытталған жұмыстарға тоқталды.<blockquote>– Мемлекет басшысы Қасым-Жомарт Кемелұлы Тоқаев - «Білім тәрбиемен ұштасқанда ғана берекелі, сапалы болады. Білім мен тәрбие – кез келген қоғамның қос тұғыры. Бұл екеуін бір-бірінен бөліп қарауға болмайды» - деп атап өткен болатын. Жас ұрпақтың бойына жалпыұлттық құндылықтарды сіңіру қажет. Әрбір жас отаншыл, жасампаз, жаңашыл, білімпаз, еңбекқор, ұқыпты, үнемшіл болып өсуі керек. Сондай азаматтар ғана мәдениетті, қауіпсіз әрі «Заң мен тәртіп» үстемдік құратын қоғамның іргесін қалайтыны анық. Қай қоғамда болмасын, қашанда ұрпақ тәрбиесі – өте өзекті. Қазақта «Ұяда не көрсең, ұшқанда соны ілерсің» деген нақыл сөз бар. Біз соңғы уақытта бала тәрбиесіне негізгі жауапты – ата-ана екенін ұмытып кеттік. Дегенмен, баланы ортаға бейімдеу, тәлім-тәрбие беруде мектептің рөлі үлкен. Мектеп-бала-ата-ана үштігі үйлесімді жұмыс жасауы керек. Отбасы – ұлттың ұясы. Ұя шайқалса, ұлт әлсірейді. Сондықтан, біз әрбір отбасында өзара құрмет пен сенім орнатуға, зорлық-зомбылықтың кез келген түріне тосқауыл қоюға міндеттіміз. Бұл бағытта барлығымыз бірігіп, жүйелі, нақты жұмыс жүргізуіміз қажет. Себебі бұл тек мемлекеттің ғана емес, бүкіл қоғамның, әрбір азаматтың борышы. Осы орайда барлық мүдделі тараптардың бірлескен, үйлесімді жұмыс жасауға шақырамын, - деді аудан әкімі Алмасбек Әбілқасымұлы.</blockquote>Кеңейтілген мәжілісте аудан прокуроры Мадияр Бекпанов аудандағы түрлі қылмыс пен құқықбұзушылықтардың, жасөспірімдер арасындағы қылмыстардың алдын алу, қылмыстық құқық бұзушылықтарды жасау деректерін төмендету бағытындағы жұмыстарды бірлесе атқаруға шақырды. Сондай-ақ жасөспрімдер қауіпсіздігіне бағытталған түнгі рейд сынды іс-шараларды аудан орталығымен қатар ауылдық округтерде де жүзеге асыру қажеттігін атап өтті.&nbsp;Мәжіліс барысында №170 мектептің ата-аналар комитетінің төрағасы Жеңісбек Аралбаев отбасы құндылықтары, отбасындағы балаға тәрбие берудегі ата-ананың рөлі жайында сөз қозғап, ұрпақ тәрбиесіне қатысты өз ақыл-кеңестері мен ұсыныстарын жеткізді.Мәжілісте оқу жылының аяқталуына байланысты соңғы қоңырау, аттестат тапсыру іс-шараларын талапқа сай өткізу, балалардың жазғы демалысын қауіпсіз әрі мазмұнды ұйымдастыру, жасөспірімдер арасындағы құқықбұзушылықтың, әлімжеттік пен интернетке тәуелділіктің алдын алу мәселелері жан-жақты талқыланды.Сонымен қатар, жаз мезгілінде балалардың қауіпсіздігін қамтамасыз ету, су айдындарындағы қауіпсіздік, жол қозғалысы ережелерін сақтау, түнгі рейд жұмыстарын күшейту, жазғы тынығу лагерьлердің дайындығы мен санитарлық талаптардың орындалуы бойынша жауапты сала басшыларының хабарламалары тыңдалды.Жиын соңында аудан басшысы мәжілісте талқыланған өзекті мәселелер бойынша тиісті сала басшыларына нақты тапсырмалар жүктеп, берілген тапсырмалардың орындалуын салаға жауапты орынбасарына жүктеді.<img src="https://knadmin.beoblood.kz/uploads/azaly_za_men_t_rtip_zhiyn_2_d2498906d5.jpg" alt="Қазалы заң мен тәртіп жиын 2.jpg">

«Қауіпсіз қоғам: тәртіп, тәрбие, жауапкершілік» атты кеңейтілген мәжіліс өтті

<a href="https://kyzylorda-news.kz/">Kyzylorda-news.kz</a> Шиелі ауданының Жөлек ауылдық округінде тұрғындардың салауатты өмір салтын қалыптастыруға бағытталған жаңа спорт кешенінің құрылыс жұмыстары жүргізілуде. Нысан ауыл жастарының спортпен тұрақты айналысуына мүмкіндік жасап, бұқаралық спортты дамытуға серпін береді.Спорт кешенінің жалпы ауданы 982,15 шаршы метрді құрайды. Ғимараттың құрылыс алаңы - 885,40 шаршы метр, құрылыс көлемі - 9 990 текше метр. Нысанның архитектуралық шешімі заманауи талаптарға сай жүзеге асырылып, өлшемі 20х42 метр болатын тіктөртбұрыш пішінінде салынған.Құрылыс жұмыстарын «Интегрострой» ЖШС жүргізсе, техникалық қадағалауды «Строительный контроль» ЖШС, авторлық қадағалауды «ПСК Qabylet» ЖШС жүзеге асырған. Жаңа спорт кешені ауыл тұрғындарының бос уақытын тиімді ұйымдастыруға, жасөспірімдердің спортқа қызығушылығын арттыруға және өңірдегі спорт инфрақұрылымын дамытуға бағытталған маңызды әлеуметтік нысан болып табылады.<img src="https://knadmin.beoblood.kz/uploads/Zh_lek_auyly_rylys_fbbd917c41.jpg" alt="Жөлек ауылы құрылыс.jpg">Шиелі ауданындағы Ақмая және Бәйгеқұм ауылдық округтерінде электр желілерін жаңғырту және тозығы жеткен бағаналарды ауыстыру жұмыстары кезең-кезеңімен жүзеге асырылуда. Бұл жобалар ауыл тұрғындарын сапалы әрі тұрақты электр энергиясымен қамтамасыз етуге бағытталған.Бәйгеқұм ауылындағы ВЛ-10/0,4 кВ электрмен жабдықтау желілерін реконструкциялау жобасына жобалық-сметалық құжаттама әзірленіп, 2023 жылдың 1 желтоқсанында сараптаманың оң қорытындысы алынған.Жоба аясында ауылға 10 кВ болатын 12,3 шақырым және 0,4 кВ болатын 23,6 шақырым электр желілері тартылып, 12 дана трансформатор орнатылады. Нәтижесінде Бәйгеқұм елді мекенінің тұрғындары сапалы әрі тұрақты электр қуатымен қамтылатын болады.Сонымен қатар Ақмая ауылын сыртқы электрмен жабдықтау желісінің құрылысына қатысты мердігер, техникалық және авторлық қадағалау мекемелерімен келісімшарттар жасалған.Нәтижесінде 10 кВ болатын 4,267 шақырым және 0,4 кВ болатын 18,61 шақырым электр желілері жүргізіліп, 501 электр бағанасы орнатылған. Сондай-ақ қуаттылығы әртүрлі 7 трансформатор іске қосылған.Аталған жобалар өңірдің инженерлік инфрақұрылымын жаңғыртып, ауыл тұрғындарының тұрмыс сапасын арттыруға бағытталған маңызды бастамалардың бірі саналады.<img src="https://knadmin.beoblood.kz/uploads/A_maya_elektr_zhelileri_fb219e3dd4.jpg" alt="Ақмая электр желілері.jpg">Сондай-ақ, Шиелі ауданында халықты тұрақты электр энергиясымен қамтамасыз етуде маңызды рөл атқаратын «Шиелі» қосалқы станциясын қайта жаңғырту жұмыстары жүзеге асырылды.1964 жылдан бері жұмыс істеп келе жатқан станция аудан тұрғындарын үздіксіз жарықпен қамтамасыз етіп келеді. Бүгінде аудан бойынша 19 мыңнан астам электр тұтынушы тіркелген. Оның ішінде 17 мыңнан астамы жеке тұлғалар болса, 1900-ден астамы заңды тұлғалар.Жаңғырту нәтижесінде ауданның электрмен қамту жүйесінің сенімділігі артып, тұрғындар мен өндіріс орындарын тұрақты қуат көзімен қамтамасыз ету мүмкіндігі күшейді. Сонымен қатар жаңа технологиялардың енгізілуі апаттық жағдайлардың алдын алып, электр желілерінің тиімді жұмыс істеуіне жол ашады.<img src="https://knadmin.beoblood.kz/uploads/Shieli_osal_y_stancziya_f03213b7aa.jpg" alt="Шиелі қосалқы станция.jpg">Айта кетейік, Шиелі ауданында бұқаралық спортты дамыту және тұрғындарға қолайлы жағдай жасау мақсатында спорт кешеніне күрделі жөндеу жұмыстары жүргізілуде.Жоба аясында нысан толық жаңғыртылып, заманауи талаптарға сай қайта бейімделеді. Ғимараттың жалпы ауданы - 1 816 шаршы метр, құрылыс алаңы - 1 878 шаршы метр, ал құрылыс көлемі -13 152 текше метрді құрайды.Күрделі жөндеу жұмыстары аясында ғимараттың ішкі және сыртқы инфрақұрылымы жаңартылып, спортпен айналысуға қолайлы жағдай қалыптастыру көзделген. Аталған жұмыстар аяқталғаннан кейін спорт кешені аудан тұрғындарының игілігіне беріліп, жастардың спортқа қызығушылығын арттыруға және салауатты өмір салтын насихаттауға ықпал етеді.<img src="https://knadmin.beoblood.kz/uploads/Shieli_sport_kesheni_e54ca658a4.jpg" alt="Шиелі спорт кешені.jpg">Бүгінде Шиелі кентіндегі тұрғындарды аяқ сумен қамтамасыз ететін «Базар» арығына темір-бетонды науа орнату жұмыстары басталды. Жоба су жүйесінің тиімділігін арттырып, су ысырабының алдын алуға бағытталған.Бүгінде Шиелі кентінде 36 мыңнан астам тұрғын тұрады. Елді мекенге «Сырдария» өзенінен 22 бекет арқылы келетін «Базар» арығы тұрғындарды аяқ сумен қамтамасыз етуде маңызды рөл атқарады.Аталған арыққа темір-бетонды науа орнату жобасы бойынша 2023 жылы сараптаманың оң қорытындысы алынған.«Базар» арығының жалпы ұзындығы 8 400 метрді құрайды. Оның 2 886 метріне 2016 жылы темір-бетонды науа салынса, қалған 5 514 метр бөлігіне лоток орнату қажеттілігі туындаған.Жоба толық жүзеге асқан жағдайда су өткізу жүйесінің тиімділігі артып, тұрғындарды аяқ сумен қамтамасыз ету сапасы жақсара түседі.<img src="https://knadmin.beoblood.kz/uploads/Shieli_bazar_ary_yn_zha_yrtu_d56e2b7c9e.jpg" alt="Шиелі базар арығын жаңғырту.jpg">

Шиелі: Атқарылған жұмыстар легі ауқымды

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «PetroKazakhstan Inc» компаниясының президенті Чэнь Даюмен кездесті. Кездесуде өңірдегі инвестициялық жобалардың жүзеге асырылу барысы және алдағы бірлескен жоспарлар талқыланды.Аймақ басшысы компанияның өңірдің әлеуметтік-экономикалық дамуына қосып отырған үлесіне тоқталды. Әсіресе, жұмыс орындарын сақтау, өндіріс үдерістеріне заманауи технологияларды енгізу және экологиялық қауіпсіздікті қамтамасыз ету маңызды бағыттардың қатарында.Кездесуде Оңтүстік Торғай бассейніндегі кен орындарының қазіргі ахуалы сараланды. Бүгінде игеріліп жатқан кен орындарының басым бөлігі өндірістің соңғы кезеңінде, қалдық қор қиын өндірілетін санатқа жатады. Бірқатар ұңғымадағы сулану деңгейі 95 пайызға дейін жетіп, бұл өндіріс көлемінің азаюына, жұмыс орындарының қысқаруына әсер етуі мүмкін.Осыған байланысты жаңа перспективалық учаскелерде геологиялық барлау және игеру жұмыстарын күшейту қажет. Атап айтқанда, өткен жылы аяқталған Арал шөгінді бассейніндегі зерттеулер нәтижесінде шамамен 1,1 млрд тонна шартты отын көлеміндегі көмірсутек белгілері анықталған.Басқосуда әлеуметтік мәселелер де назардан тыс қалмады. Мұнай компаниялары қызметкерлерінің жалақысы мен еңбек жағдайына қатысты талап-тілектері, еңбек ұжымдарындағы тұрақтылықты сақтау шараларын күшейту мәселелері талқыланды.Газ тапшылығының алдын алу үшін газ кен орындарын игеру, газ құбырларын тарту жобаларын жедел жүзеге асыру, бұл іске компания белсенді атсалысуы өте маңызды. Өңірдің әлеуметтік-экономикалық дамуына бағытталған өзара тиімді ынтымақтастық одан әрі нығая береді.

Инвестициялық жобалардың жүзеге асырылу барысы талқыланды

<a href="https://kyzylorda-news.kz/">Kyzylorda-news.kz</a> Мемлекет басшысы Кения Президентінің елімізге жасаған алғашқы тарихи сапары қос мемлекеттің ынтымақтастығын жаңа белеске көтеретініне сенім білдірді.<blockquote>– Кения – Қазақстанның Африка құрлығындағы ең ірі және сенімді сауда серіктесінің бірі. Біз екі елдің ықпалдастығын одан әрі бекемдей түсуге ниеттіміз. Кения Республикасы соңғы жылдары дамудың даңғыл жолына шықты. Шығыс Африканың жауһары саналатын бұл ел қаржы, ауыл шаруашылығы, көлік-логистика және басқа да салаларда елеулі жетістікке қол жеткізді. Найроби қаласы маңызды халықаралық дипломатия орталығы саналады. Мұнда Біріккен Ұлттар Ұйымының бірнеше құрылымы тиімді жұмыс істеп тұр. Жалпы алғанда, Кенияның әлемдік сахнадағы беделі артып келеді. Бұл Президент Рутоның сарабдал саясаты мен көреген көшбасшылығының нәтижесі деп білеміз. Біз былтыр Найробиде өз елшілігімізді аштық. Бұл шешім Қазақстанның Кенияға шынайы ықыласы мен достығын аңғартады. Жалпы, бұл – Қазақстанның Африка құрлығындағы алтыншы дипломатиялық өкілдігі. Еліміз Африка мемлекеттерімен байланысын бекемдеуге баса мән береді, – деді Қазақстан Президенті.</blockquote>

Қасым-Жомарт Тоқаев пен Уильям Руто БАҚ өкілдеріне арналған брифинг өткізді

<a href="https://kyzylorda-news.kz/">Kyzylorda-news.kz</a> Қызылорда облысы бойынша Қылмыстық-атқару жүйесі департаменті қарасты &nbsp;№60 мекемесінің мәжіліс залында жеке құрам қызметкерлеріне арналған &nbsp;жиын өтті. Іс-шараны мекеменің жеке құраммен жұмыс жөніндегі психолог маманы әділет капитаны Моншақ Маханова ұйымдастырды.Жиынның негізгі мақсаты – қызметкерлер арасында құқықтық сауаттылықты арттыру, сыбайлас жемқорлықтың алдын алу, жол қозғалысы қауіпсіздігін түсіндіру және гендерлік теңдік мәселелерін кеңінен насихаттау болды.Іс-шараға арнайы ҚАЖ департаментінің өзіндік қауіпсіздік тобының аса маңызды істер жөніндегі аға жедел уәкілі, әділет подполковнигі Серік Жоламанов, Қызылорда облысы Полиция департаменті Әкімшілік полиция басқармасының аға инспекторы, полиция майоры Б. Байтиков, сондай-ақ Отбасылық зорлық-зомбылыққа қарсы күрес қызметі басқармасының аға инспекторлары, полиция майорлары И. Ишниязова мен Р. Арынғазиева қатысты.Жиын барысында сөз алған әділет подполковнигі Серік Жоламанов қазіргі қоғамда белең алып отырған сыбайлас жемқорлықтың қоғамға тигізер кері әсері мен зардаптары туралы айтып, адалдық пен заңдылық қағидаларын сақтау әрбір қызметкердің басты міндеті екенін атап өтті.Ал полиция майоры Б.Байтиков жол-көлік оқиғаларының алдын алу мақсатында жол жүру ережелерін қатаң сақтау қажеттігін түсіндіріп, қызметкерлерді қауіпсіздік талаптарына жауапкершілікпен қарауға шақырды.Сонымен қатар жиында гендерлік теңдік мәселесіне ерекше назар аударылды. Полиция майоры И. Ишниязова қазіргі таңда гендерлік теңдік мәселесі әлем бойынша өзекті тақырыптардың біріне айналғанын атап өтті. Оның айтуынша, қоғамда әр адамды жынысына қарап емес, біліміне, еңбегіне және адамгершілік қасиеттеріне қарай бағалау маңызды.<blockquote>– Гендерлік теңдік – өркениетті қоғамның негізгі қағидаларының бірі. Әйел мен ер адамның құқықтары мен мүмкіндіктері тең болған кезде ғана қоғам дамып, әділетті орта қалыптасады, – деді ол өз сөзінде.</blockquote>Жиын соңында қызметкерлер мамандарға өздерін толғандырған сұрақтарын қойып, пікір алмасты.<img src="https://knadmin.beoblood.kz/uploads/Whats_App_Image_2026_05_19_at_11_27_34_1_76d16708e6.jpeg" alt="ҚАЖ.jpeg">

Гендерлік теңдік – әділетті қоғамның кепілі

<a href="https://kyzylorda-news.kz/">Kyzylorda-news.kz</a> «AMANAT» партиясы бастамасымен жүзеге асып жатқан «Ауыл аманаты» жобасы ауыл тұрғындарының әл-ауқатын арттырып, кәсіп бастауға ниетті азаматтарға нақты қолдау көрсетіп келеді. Бағдарламаның игілігін көріп отырғандардың бірі қызылордалық &nbsp;кәсіпкер – Нұргүл Бақымова.Шиелі ауданының тұрғыны Нұргүл Базарбекқызы 2025 жылы «Ауыл аманаты» бағдарламасы аясында 2,5 пайыздық жеңілдетілген несие алып, кәсібін жаңа деңгейге көтерді. Кәсіпкер партия қолдауымен 9 миллион 800 мың теңге қаржыға ие болып, өндіріс ауқымын кеңейтіп, қажетті құрал-жабдықтарын жаңартқан. Бүгінде Шиелі кентіндегі «Ауыл аманаты» әлеуметтік дүкенінде өз өнімдерін халыққа ұсынып қана қоймай, әлеуметтік желідегі парақшасы арқылы онлайн сауданы да табысты жүргізіп отыр. Қазіргі таңда тапсырыстар Қазақстанның барлық өңірінен қабылданып, жеткізу қызметі жүйелі жолға қойылған.&nbsp;Нұргүлдің қолынан шыққан жұмсақ ойыншықтар, көрпе-төсек жабдықтары мен тұрмыстық бұйымдарға сұраныс жоғары. Ұлттық нақыш пен сапаны үйлестірген өнімдер тұтынушылардың ерекше ықыласына ие болуда.<blockquote>«Қазір тойдың маусымы болғандықтан, қыз жасауына арналған көрпе-төсек, құрақ бұйымдар мен түрлі тұрмыстық заттарға сұраныс өте жоғары. Нұргүлдің өнімдерінің сапасы ерекше ұнайды. Тігісі ұқыпты, заманауи үлгіде жасалған әрі ұлттық нақышы бар. Сондықтан біз ғана емес, көрші ауылдардан да арнайы келіп алып жатқан адамдар көп. Бағасы да қолжетімді. Осындай сапалы дүниелердің ауылдан шығып жатқаны қуантады», - дейді тұтынушылардың бірі Динара Данабекова.</blockquote>Нұргүлдің қолынан шыққан бұйымдарға сұраныс күн сайын артып келеді. Әсіресе той маусымында көрпе-төсек пен құрақ бұйымдарын іздеп келетіндер көп. Сапалы әрі ұлттық нақышта тігілген дүниелер ауыл тұрғындарының ғана емес, Түркістан, Ақтөбе облыстары мен Шымкент және Астана &nbsp;қаласы тұрғындарының да қызығушылығын тудырып, тапсырыс алып отыр. Кәсібін сүйіспеншілікпен дамытып келе жатқан шебер үшін «Ауыл аманаты» бағдарламасы үлкен мүмкіндікке айналған.<blockquote>«Ауыл аманаты» бағдарламасы менің кәсібіме үлкен серпін берді. Бұрын тек шағын көлемде жұмыс істесем, бүгінде кәсібімді кеңейтіп, еліміздің түкпір-түкпіріне өнім жіберіп отырмын. Ауылда отырып-ақ табыс тауып, өз ісіңді дамытуға болатындығын «AMANAT» партиясының «Ауыл аманаты» жобасы дәлелдеп отыр. Бұл нақты қолдау. Осындай мүмкіндік жасаған «AMANAT» партиясына тек алғыс айтамын», — дейді Нұргүл Бақымова.</blockquote>«AMANAT» партиясының «Ауыл аманаты» жобасы ауыл тұрғындарына тек қаржылай көмек көрсетіп қана қоймай, олардың өз кәсібін дөңгелетіп, тұрақты табыс табуына жол ашып отырған маңызды жоба. Осындай нақты қолдаудың арқасында ауданда кәсіпкерлер қатары да көбейіп, ішкі өнім көлемі 2025 жылдың осы кезеңімен салыстырғанда 97,1 &nbsp;пайызды құрап отыр. Бұл - ауыл экономикасын дамытуға бағытталған партияның жүйелі жұмысының нақты жемісі.<img src="https://knadmin.beoblood.kz/uploads/Whats_App_Image_2026_05_20_at_15_43_15_1_33d95f411e.jpeg" alt="Кәсіпкерлік.jpeg">

«Ауыл аманаты» — ауылдағы кәсіпке берілген үлкен мүмкіндік

<a href="https://kyzylorda-news.kz/">Kyzylorda-news.kz</a> Бүгін Қызылорда қаласы, Локомотив стадионы алаңында VIII Халық ойындары аясындағы облыстық іріктеу жарыстарының салтанатты ашылуы өтті.&nbsp;Ауқымды спорттық шараны Қызылорда облыстық дене шынықтыру және спорт басқармасың басшысы Бахтияр Ғарифоллаұлы ашып беріп, қатысушыларға сәттілік тіледі.Бұқаралық спортты дамытуға бағытталған дүбірлі додаға облыстың қала және аудандарынан іріктелген спортшылар қатысып, өзара мықтыны анықтауда. Жарыстың басты мақсаты – халық арасында салауатты өмір салтын насихаттау, бұқаралық спорттың дамуына серпін беру және ел намысын республикалық деңгейде қорғайтын үздік құраманы жасақтау.Салтанатты іс-шара барысында спорт саласының ардагерлері Николай Некрасов пен Вилорий Пак сөз сөйлеп, қатысушы спортшыларға жеңіс пен толағай табыс тіледі. Сонымен қатар, Нұрпейісов Ибрагим Әбдіғаппарұлы ақ батасын беріп, жарыстың жоғары деңгейде өтіп, ел абыройын асқақтататын айтулы додаға айналуына ізгі ниетін білдірді.Іріктеу кезеңінде спортшылар ұлттық әрі олимпиадалық спорт түрлері бойынша сынға түсіп, өз шеберліктерін паш етеді. Үздік нәтиже көрсеткен сайыскерлер VIII Халық ойындарының республикалық кезеңі финалына жолдама алады. Айтулы додада облыс намысын мыңға жуық спортшы қорғайды деп жоспарлануда.Биылғы республикалық кезең 11-20 маусым аралығында Түркістан қаласында өтеді. Қатысушылар баскетбол, волейбол, шахмат, тоғызқұмалақ, қазақ күресі, кіші аяқдоп, асық ату, қол күресі және кір тасын көтеру секілді дәстүрлі әрі ұлттық спорт түрлерінен бақ сынайды.Бұл жарыс – тек жеңімпаздарды анықтайтын бәсеке ғана емес, ұлттық спорттың мәртебесін асқақтатып, ел ішіндегі спорт мәдениетін нығайтатын тағылымы мол спорт мерекесі.&nbsp;

Қызылорда өңірінде VIII халық ойындарына арналған облыстық іріктеу жарыстары басталды

<a href="https://kyzylorda-news.kz/">Kyzylorda-news.kz</a> Арал ауданында инфрақұрылымды жаңғырту бағытындағы жұмыстар кезең-кезеңімен жүзеге асырылуда. Соның бірі – Аққұм ауылдық округіне қарасты Шижаға елді мекеніндегі электр желілерін жаңарту жобасы. Аталған жоба аясында ауылдың тозығы жеткен электр жүйелері толықтай жаңғыртылып, тұрғындар сапалы әрі тұрақты электр қуатымен қамтамасыз етілді.Жоба шеңберінде Шижаға елді мекенінің 0,4 және 10 кВ әуе электр желілерінің құрылысы жүргізіліп, толық аяқталды. Нәтижесінде 20,6 шақырым жаңа электр желісі тартылып, 9 дана кешенді трансформаторлық қосалқы станция (КТПН) орнатылды. Құрылыс жұмыстарын «Энергомера» ЖШС атқарды.Жаңғырту жұмыстарының нәтижесінде ауылдағы 418 тұрғын үй мен 9 әлеуметтік нысан жаңа әуе электр желісіне қосылды. Бұл өз кезегінде электр энергиясының сапасын арттырып, желідегі кернеу тұрақтылығын қамтамасыз етуге мүмкіндік берді. Аудан көлемінде электр желілерін жаңғырту жұмыстары өзге елді мекендерде де жалғасуда. Атап айтқанда, Арал қаласы мен Сексеуіл кентінде ВЛ-0,4 кВ әуе желілерінің құрылысы жүзеге асырылуда.Арал қаласында атқарылып жатқан жұмыстар аясында 2097 дана темір-бетон тіректері орнатылып, 54 шақырым 0,4 кВ және 8,5 шақырым 10 кВ электр желілері монтаждалды. Сонымен қатар 43 шақырым 0,22 кВ электр желісі жүргізіліп, 1510 абонент жаңа электр желісіне қосылды. Бұдан бөлек, 12 дана 10/0,4 кВ кешенді трансформаторлық қосалқы станция (КТПН) орнатылды. Құрылыс жұмыстарын «КРЭК» АҚ жүргізуде. Жоба 2026 жылға өтпелі негізде іске асырылуда.Сексеуіл кентіндегі электр желілерін қайта жаңғырту жобасы да аудан үшін маңызды инфрақұрылымдық бастамалардың бірі саналады. Қазіргі таңда жоба аясында 98,1 шақырым электр желісін тарту және 28 дана кешенді трансформаторлық қосалқы станция (КТПН) орнату жоспарланған. Құрылыс жұмыстарын «СәтСервис» ЖШС жүзеге асыруда.Жалпы, аудан аумағында жүзеге асырылып жатқан электр желілерін жаңғырту жобалары тұрғындарды сапалы электр энергиясымен қамтамасыз етіп қана қоймай, өңірдің инженерлік инфрақұрылымын дамытуға және халықтың өмір сүру сапасын арттыруға бағытталған маңызды қадамдардың бірі болып табылады.<img src="https://knadmin.beoblood.kz/uploads/Shizha_a_elektr_zhelileri_zha_artyldy_6836ac2659.jpg" alt="Шижаға электр желілері жаңартылды.jpg">

Қазақстан және Қызылорда облысының жаңалықтары: Қоғам