<a href="https://kyzylorda-news.kz/">Kyzylorda-news.kz</a>&nbsp; 2025 жылғы 21 қарашада Қызылорда қаласында «Мемлекеттік тілдің мәртебесін арттырудың тиімді тәжірибелері» тақырыбында республикалық семинар-кеңес ұйымдастырылды. Шараға ҚР Ғылым және жоғары білім министрлігінің Тіл саясаты комитеті, тіл саясатын іске асыру мәселесіне жауапты өңірлік басқармалар, тілдерді оқыту орталықтары және ұлттық компания өкілдері, филолог-ғалымдар, қалалық, аудандық мәдениет және тілдерді дамыту бөлімдерінің басшылары мен тіл мамандары, тіл жанашырлары, «Халықаралық «Қазақ тілі» қоғамы» ҚБ облыстық, аудандық филиал төрағалары, бұқаралық ақпарат құралдары және облыстық, аумақтық мекемелердің мемлекеттік тілге жауапты қызметкерлері қатысты.Семинар екі бөлімнен тұрды: тәжірибелік және пленарлық.Тәжірибелік бөлімде қатысушылар «Анаға тағзым» ғимаратында жиналып, мемлекеттік тілдің қоғамдағы рөлін арттыруға бағытталған әртүрлі практикалық жобалармен танысты.Абай облысы әкімдігінің Мәдениет, тілдерді дамыту және архив ісі басқармасының өкілдері «DIGITAL ABAI» IT-хакатоны арқылы мемлекеттік тілді дамыту тәжірибесін таныстырды.Қостанай облысының «Тілдарын» орталығы «Ұлттық диктант» жобасын өткізудің үздік тәжірибесін ұсынды. Атырау облысы әкімдігінің өкілдері әкімшілік құқық бұзушылықтарды бірыңғай платформа арқылы басқару тәжірибесін бөлісті.Солтүстік Қазақстан облысының өкілдері ресми интернет-ресурстарға мониторинг жүргізу және мемлекеттік мекемелерге тексеру нәтижелері бойынша тәжірибелерін ортаға салды.Қатысушылар әр баяндамадан кейін сұрақ-жауап сессиясына қатысып, өз өңірлерінде қолдануға болатын әдіс-тәсілдерді талқылады.Семинар Қызылорда облысы әкімдігінің ғимаратында жалғасты. Пленарлық бөлімде қатысушылар мемлекеттік тіл саясатын іске асырудағы үздік тәжірибелер, бұқаралық ақпарат құралдарындағы тіл саясатының жүргізілуі, ғылым тілін қазақ тілінде дамыту мәселелері, жасанды интеллект пен цифрлық технологияларды қолдану арқылы тілдің қолданыс аясын кеңейту тақырыптарын талқылады.Атап айтқанда: • Қорқыт ата атындағы Қызылорда университетінің профессорлары мемлекеттік тілдегі ғылыми жұмыстар мен инновацияларды дамыту жолдарын көрсетті.«Тіл-Қазына» орталығы цифрлық технологиялар арқылы қазақ тілінің қолданылуын кеңейту тәжірибесін таныстырды.«Қазақстан темір жолы» ұлттық компаниясы мемлекеттік тілдің ұлттық құндылықтар арқылы мәртебесін арттыру жолдарын ұсынды.«Қазақстанның орыс қауымы» Қызылорда филиалы мемлекеттік тілді үйретудің тиімді әдістерін бөлісті.Шара соңында мемлекеттік тілдің дамуына сүбелі үлесін қосып жүрген еліміздің бір топ азаматтары ҚР Ғылым және жоғары білім министрлігінің «Ана тілін дамытуға қосқан үлесі үшін», «Ахмет Байтұрсынұлы» төсбелгілерімен, Құрмет грамоталарымен және Алғысхаттарымен марапатталды. ​Семинар мемлекеттік тілдің қоғамдағы орнын нығайтуға, оның қолданысын кеңейтуге бағытталған практикалық тәжірибелер мен инновациялық жобаларды бөлісуге арналған маңызды алаң болды.

Қызылордада ​«Мемлекеттік тілдің мәртебесін арттырудың тиімді тәжірибелері» тақырыбында республикалық семинар-кеңес өтті

<a href="https://kyzylorda-news.kz/">Kyzylorda-news.kz</a> Қазақстан экономиканың нақты секторын дамытуға бағытталған «Инвестицияға тапсырыс» ауқымды мемлекеттік бағдарламаны іске қосты.Бағдарламаның басты мақсаты – ішкі нарықта сұранысы жоғары, импорттың үлесі көп тауарларды өндіруге бағытталған шағын, орта және ірі бизнес жобаларға қолдау көрсетуБағдарлама аясында, әсіресе, агроөнеркәсіп кешеніне және өңдеуші өнеркәсіптегі кең тұтынатын тауарларға айрықша көңіл бөлінбек.Ауыл шаруашылығы министрі Айдарбек Сапаровтың айтуынша, аталған бағдарлама елімізде аса жоғары сұранысқа ие бағыттарға инвестиция тартуға жол ашып, импортты алмастыру мен экономиканы әртараптандырудың жүйелі құралына айналады.<blockquote>«Шындығында жаңа қадам негізгі өнімдер бойынша ішкі тапшылықты жоюмен қатар, экспортқа бағытталған өндірістерді қалыптастыруға мүмкіндік беретіні сөзсіз. Бұл өңірлердің тұрақты экономикалық өсуін қамтамасыз етеді», — деді министр.</blockquote>Мемлекет импортты алмастыру және экспорттық әлеуеті жоғары салаларды анықтайды, ал өңірлер нақты жобалар жасап, оларды жүзеге асыруға дайын бизнес-бастамаларды қалыптастырады. Жобалардың тиімділігі, қаржылық және өндірістік мүмкіндіктері «Бәйтерек» холдингі арқылы әбден пысықталады, бұл ашықтықты қамтамасыз етіп, инвестициялық тәуекелдерді азайтуға жол ашады.Ауыл шаруашылығы министрлігі аймақтардың сүт, ет, көкөніс, қант, картоп, балық және басқа негізгі өнімдер бойынша қамтылуын бағалауды, тапшылықтарды және импортқа тәуелділік деңгейін анықтауды, өңдеуші кәсіпорындардың жүктемесін талдауды, аймақтардың шикізаттық әлеуетін бағалауды, сондай-ақ көлемін тез арттыруға мүмкіндік беретін өнімдердің экспорттық әлеуетін саралайтын кешенді талдау жүргізді.Министрлік деректер негізінде әкімдіктерге нақты салаларды және анықталған тапшылықтардың орнын толтыру үшін инвесторлар табуды ұсынды.Агроөнеркәсіп кешеніне қатысты жобалар тізімі: сүт өнімдерін өндіретін фермалар салу, ет және құс шаруашылығын дамыту, сүт, ет, тері мен жүн және балық өңдеу, астықты терең өңдеу, жылыжай кешендерін құру және қант өнеркәсібін дамыту.Аталған бағыттар импортқа тәуелділікті төмендету жөніндегі мемлекеттік стратегияға сәйкес келеді және әр аймақтың ресурстық базасын ескере отырып нақты жобаларды іске асыруға бағытталған.Қазіргі уақытта өңір әкімдіктері, Астана, Алматы және Шымкент қалалары бизнес-қоғамдастық пен «НҰХ «Бәйтерек» АҚ-мен бірлесе отырып, инвестициялық жобалар тізімін скринингтен өткізуде. Бұл кезеңде кейбір жобалар тиісті талаптарға сәйкес келмегендіктен іріктеуден өткізілді. Олар: шикізаттық база жеткіліксіздігі, экономикалық тұрақсыздық, расталған инвестордың болмауы, технологиялық талаптарға сәйкессіздік немесе бұрыннан жүктелген қуаттылықтың қайталануы.Іріктеудің нәтижесінде түпкілікті тапшылықтарды нақты жабуға және импортқа тәуелділікті төмендетуге бағытталған сапалы, теңдестірілген жоба портфелі қалыптасады.Сүт өңдеу Ақмола, Ақтөбе, Алматы, Павлодар облыстарында және Шымкент қаласында дамитын болады. Жоспар бойынша 310 мың тонна дайын өнім шығаратын 10 жоба жүзеге асырылып, жалпы сомасы 67,6 млрд теңге инвестиция тартылмақ.Ең ірі инвестор — SolicoGroup компаниясы (Иран) Алматы облысында жылына 200 мың тонна ірімшік өндіретін зауыт салуды жоспарлап отыр, инвестиция көлемі 33,1 млрд теңге.Құс етімен қамтамасыз ету 80%-ды құрайды.Соның аясында Алматы, Түркістан, Ақмола, Солтүстік Қазақстан облыстары, Жетісу өңірі және Астана қаласында 456,7 мың тоннадан астам дайын өнім шығаратын 23 жоба жүзеге асырылып, жалпы инвестиция көлемі 432,2 млрд теңгеге жететін болады.Ірі жобалардың қатарында инвестиция көлемі 146 млрд теңге, жылдық өнім 120 мың тоннадан асатын «Айтас КЗ» құс фабрикасы бар.Қант бойынша импортқа тәуелділікті төмендету мақсатында Қазақстанда Алматы, Жамбыл және Солтүстік Қазақстан облыстарында бірқатар жобалар іске асырылмақ. Алматы облысында 247,1 инвестиция тартылатын, жылдық қуаты 500 мың тоннаға есептелген QAZAQARABSUGAR жобасы қолға алынбақ.2025 жылы Қазақстан 27 млн тонна астық жинап, рекордтық көрсеткішке қол жеткізді, бұл жоғары қосымша құнды өнім шығару мүмкіндіктеріне жол ашады.Қытайлық «Далян Холдинг» компаниясы Ақмола облысында 3 млн тонна астық өңдеуді жоспарлап отыр, инвестиция көлемі $1,6 млрд.<blockquote>«Әрбір жоба ерекше бақылауда. Олардың табысты жүзеге асуына Министрлік жан-жақты қолдау көрсетеді. Біз аймақтармен және бизнес саласымег жұмысты күшейтуді үздіксіз жалғастырамыз, әрбір жобаның қаржылық тұрақтылығы, технологиялық негізділігі және ел экономикасы үшін барынша тиімділігі қамтамасыз етілуі тиіс», — деп атап өтті министр.</blockquote>Фото: primeminister.kz

«Инвестицияға тапсырыс»: Қазақстан бизнесі мен агросекторы үшін жаңа мүмкіндіктер ашылады

Қызылорда қаласындағы Достық үйінің концерт залында Қазақстан халқы Ассамблеясының 30 жылдығы аясында және «Мың бала» республикалық мәдени-ағартушылық жобасы шеңберінде алғаш рет «Ассамблея аруы – 2025» облыстық сұлулық байқауы ұйымдастырылды. Байқаудың мақсаты — этнос жастары арасындағы бірлікті нығайту, мемлекеттік тілді ұлықтау, ұлттық мәдениетті дәріптеу және шығармашыл жастарды қолдау.Шараны облыстық Қазақстан халқы Ассамблеясы мен облыстық қоғамдық даму басқармасының «Қоғамдық келісім» КММ бірлесіп өткізді.Алғашқы құттықтау сөз алған облыстық қоғамдық даму басқармасының ҚХА Хатшылығы-этносаралық қатынастар мәселелері жөніндегі бөлімінің басшысы Ерлан Сисенбиев жастардың мәдени және рухани дамуына бағытталған мұндай іс-шаралардың маңызын атап өтті.Байқауға 17–27 жас аралығындағы түрлі этнос өкілдерінен құралған 8 ару қатысты. Олар әзірбайжан, орыс, шешен, өзбек, түрік және тәжік этностарының мәдениетін таныстырды.Сайыстың әділ бағалануы үшін қазылар алқасы құрамына мәдениет және өнер саласындағы кәсіби мамандар енді.• Ирина Шек – облыстық Неміс этномәдени бірлестігінің төрағасы.• Руслан Құрманов - «Қоғамдық келісім» КММ директорының орынбасары.• Айкерім Нұрғалиева – «Сыр аруы – 2025» жеңімпазы, республикалық «Қазақ аруы – 2025» финалисті.• Константин Луца – халықаралық байқаулар лауреаты, әнші, ҚХА белсендісі.Сұлулық байқауы төрт бөлім бойынша өтті.1-ші кезең — «Таныстыру»Қатысушылар өздерін шығармашылық форматта таныстырып, ұлттық болмысын, жеке бейнесін көрерменге әсерлі жеткізді.2-ші кезең — «Білім мен парасат сындары»Аруларға Қазақстан халқы Ассамблеясы, ел бірлігі, дәстүр мен мәдениет, ұлттық құндылықтар туралы сұрақтар қойылып, олардың парасат деңгейі мен мемлекеттік тілдегі еркін сөйлеуі бағаланды.3-ші кезең — «Ұлт сәні»Ұлттық киім дефилесі барысында қатысушылар өз этносының дәстүрлі киімін таныстырып, оның мән-мағынасы мен тарихына тоқталды. Бұл кезең көрерменге этностар мәдениетінің алуан түрлілігін көрсетті.4-ші кезең — «Шығармашылық өнер»Қатысушылар ән айтып, би билеп, көркемсөз оқып, аспапта ойнау арқылы өз өнерін паш етті.Шара барысында Пірмағанбет Бексұлтан, Айдос Маханбедиев және «Ассамблея жастарының» сән көрсетілімі көпшіліктің жылы ықыласына бөленді. Қазылар алқасының шешімімен жеңімпаздар мен номинация иегерлері анықталды.Байқау нәтижесінде• Бас жүлде — 100 000 теңге ақшалай жүлдені Сырдария ауданы, славяне этносының белсендісі Лидия Мясцова жеңіп алды.• І орын — 70 000 теңге ақшалай жүлдені Байқоңыр қаласы, әзірбайжан этносының өкілі Сабина Мурадова• ІІ орын — 50 000 теңге ақшалай жүлдені Қызылорда қаласы, «Ассамблея жастары» ұйымының белсендісі, өзбек этносының өкілі Гульбахор Искакова• ІІІ орын — 30 000 теңге жүлдені Қызылорда қаласы,«Болашақ» жоғары колледжінің студенті, тәжік этносының өкілі Нұржайна Джурабаева жеңіп алды.Сондай-ақ, қатысушыларға арнайы номинациялар — 20 000 теңге және «Қоблан наз» дүкенінің сертификаттары табысталды.«Ассамблея аруы – 2025» байқауы этнос жастарының арасындағы мәдени байланыстарды күшейтіп қана қоймай, мемлекеттік тіл мен ұлттық құндылықтарды насихаттаудың жаңа форматын қалыптастырды.

Қызылордада алғаш рет «Ассамблея аруы – 2025» облыстық сұлулық байқауы өтті

<a href="https://kyzylorda-news.kz/">Kyzylorda-news.kz</a> Қорғаныс министрінің орынбасары Дархан Ахмедиевтің айтуынша, “Smart военкомат” жүйесі әскерге шақыртылуға жатпайтын азаматтарды автоматты түрде анықтап, оларды шақырту тізімінен шығарады деп хабарлады <a href="https://baq.kz/qazaqstanda-kim-askerge-shaqyrylmaytyny-belgili-boldy-200025844/">BAQ.KZ</a>.&nbsp;Бұл үшін азаматтардың ешқайда барып, құжат жинауы қажет емес.Әскерге бармайтын санатқа кім жатады:1. Студенттер<ul><li>Университеттер мен колледждерде күндізгі бөлімде оқып жүрген азаматтарға шақырту жіберілмейді.</li><li>Олар тек “оқуда болғандықтан әскерден босатылдыңыз” деген SMS алады.</li><li>Егер студент академиялық демалыс алса, әскери қызметке баруына рұқсат етіледі.</li></ul>2. Денсаулығы жарамсыз азаматтар<ul><li>Медициналық көрсеткіштері бойынша әскери қызметке жарамсыз деп танылғандар.</li><li>Мүгедектігі бар азаматтар да автоматты түрде тізімнен шығарылады.</li></ul>3. Әскерге шақырудан заң бойынша босатылған басқа санаттарАхмедиевтің айтуынша, жүйе әскери міндеттен босатылатын барлық санатты автоматты түрде анықтайды және оларды шақырту процестеріне қатыстырмайды.Фото: pixabay.com

Қазақстанда кім әскерге шақырылмайтыны белгілі болды

<a href="https://kyzylorda-news.kz/">Kyzylorda-news.kz</a> Астанада қызметтік міндетін атқару кезінде қайтыс болған Ұлдана Мырзуанның отбасы кінәлілердің жазадан құтылып кетпеуін талап етіп отыр, деп хабарлайды&nbsp;<a href="https://sn.kz/sn-akparat-agyny/130031-astanadagy-feldsher-olimi-advokat-kin-lilerdi-6-zhylga-sottaudy-surady">Skifnews.kz</a>&nbsp;ақпарат порталы.Марқұмның жақындарының мүддесін қорғап жүрген тарап істі қайта саралау үшін әрекеттенуде.&nbsp;Бұл туралы адвокат Нұрсұлтан Орынұлы берген сұхбатында мәлімдеген.&nbsp;Адвокаттың айтуынша, қазір тергеу жұмыстары белсенді жүріп жатыр. Құқық қорғаушы істі Қылмыстық кодекстің 278-бабынан («Сапасыз салынған құрылыс») қатаңырақ 279-бапқа («Сәулет, қала құрылысы және құрылыс саласындағы қағидаларды немесе нормативтік талаптарды бұзу») ауыстыруды көздейді.Нұрсұлтан Орынұлы әзірге қайғылы оқиғаға нақты кім жауапты екенін айту қиын екенін атап өтті.<blockquote>«Тергеу аяқталғаннан кейін жауапкершілікті кім көтеретіні анықталады. Бұл ПИК болуы мүмкін, құрылыс компаниясы немесе Тұрғын үй басқармасы болуы ықтимал. Үйдің пайдалануға берілгеніне 21 жыл болғаны рас, кепілдік мерзімі де өтіп кеткен. Бірақ бұл ғимарат мүлде тексерілмеуі тиіс дегенді білдірмейді. Қалған ақпарат тергеудің құпиясына байланысты әзірге жарияланбайды», – деді адвокат.</blockquote>Егер істі жаңа баппен қайта қозғау туралы ұсыныс қабылданса, кінәлі деп танылған тұлғалар 6 жылға дейін бас бостандығынан айырылуы мүмкін.Фото: instagram.com/zeineladilet

Астанадағы фельдшер өлімі: Адвокат кінәлілерді 6 жылға соттауды сұрады

<a href="https://kyzylorda-news.kz/">Kyzylorda-news.kz</a> «АМАNАТ» партиясы жанындағы Жастарды қолдау жөніндегі аймақтық кеңестің қорытынды отырысы өтті. Кеңес жиынына «АМАNАТ» партиясы облыстық филиалының төрағасы Базартай Жандос Нұртайұлы, жастарды қолдау бойынша кеңестің мүшелері, қалалық мәслихат депутаттары, атқарушы орган мен БАҚ өкілдері және «Жастар Рухы» ЖҚ оқу орны бөлімшелерінің жетекшілері қатысты.Кеңес отырысының күн тәртібінде 2 мәселе қаралды.<ol><li>Облыс көлемінде жастарға бағытталған әлеуметтік жобалар тиімділігін бағалау. 2025 жылға әлеуметтік қызметтер бойынша жастардан жинақталған сұраныстар бойынша ұсыныстар енгізу;</li><li>Кеңес отырысы бойынша жыл бойы қаралған мәселелердің орындалуы бойынша талдау жасау. Орындалу деңгейі бойынша 2026 жылға ұсыныстар енгізу.</li></ol>Жоғарыда аталған мәселелер бойынша Жастарды қолдау бойынша кеңес төрағасы Баймұрза Әсетхан Қазиханұлы хабарлама жасап, 2025 жылы кеңес мүшелері көтерген мәселелерге тоқталып, олардың шешілгені мен келер жылдың еншісіне өткенін баяндады.Сонымен қатар, кеңес мүшелерінің 2026 жылға өз ұсыныстарын жеткізуін сұрады. Мұнан соң «АМАNАТ» партиясы облыстық филиалының төрағасы Базартай Жандос Нұртайұлы жастардың бүгінгі өзекті мәселелерін тілге тиек етіп, жиын қатысушыларын бірлесе жұмыс жасауға шақырды.Отырыс қорытындысы бойынша кеңес мүшелері 2026 жылға өздерінің ұсыныстарын жеткізіп, жан-жақты талқылады.

Жастарды қолдау жөніндегі аймақтық кеңестің қорытынды отырысы өтті

<a href="https://kyzylorda-news.kz/">Kyzylorda-news.kz</a> Бүгін Қызылордада облыс әкімі Нұрлыбек Нәлібаевтың қатысуымен республикалық ардагерлер кеңесінің көшпелі отырысы өтті. Оған Қазақстанның Еңбек Ері, Парламент Мәжілісінің депутаты, «Ардагерлер ұйымы» республикалық қоғамдық бірлестігі орталық кеңесінің төрағасы Бақтықожа Ізмұхамбетов, төралқа мүшелері, еліміздің барлық өңірінен келген ардагерлер кеңесінің төрағалары, зиялы қауым өкілдері мен ел ағалары қатысты, деп хабарлайды облыс әкімінің баспасөз қызметі.Аймақ басшысы өңірдегі бастамалар, атқарылған жұмыстар, қол жеткен жетістіктерге тоқталды.<blockquote>«Республикалық ардагерлер кеңесі көшпелі отырысының Қызылордада өтуіне бастама көтеріп, шақыртуымызды қабыл алған баршаңызға Сыр жұртшылығының атынан шынайы алғысымды, зор ризашылығымды білдіремін.Бүгінде аймақ экономикасын әртараптандыруға, жерлестеріміздің тұрмыстық жағдайын жақсартуға бағытталған серпінді жобалар іске асуда. Президентіміздің өңірдің даму қарқынына, атқарған жұмысымызға берген оң бағасы Сыр халқы үшін зор мәртебе. Мемлекет басшысының ерекше қолдауы жаңа жетістіктерге жетелейді, еселенген жауапкершілік жүктейді. Тәуелсіздік жылдарында қол жеткізген әрбір жетістігіміз – халқымыздың бірлігі мен берекелі еңбегінің жемісі.Аймағымызда еңбегімен елге сыйлы, ісімен ұлтқа өнеге болған азаматтарға лайықты құрмет көрсетілуде. Президентіміздің ерекше қолдауымен 2022 жылдан бүгінге дейін 300-ге жуық жерлесіміз мемлекеттік наградалармен марапатталды. Олардың жартысына жуығы – қарапайым еңбек ардагерлері мен озаттары. Бүгінде қарттарға, зейнеткерлер мен ардагерлерге қолдау көрсету – жұмысымыздағы басты басымдықтың бірі.Қазыналы қарияларды жан-жақты әлеуметтік қолдау, медициналық қызмет көрсету сапасын арттыру бағытында ауқымды жұмыс бар. Бұл мақсатқа облыстық бюджеттен бөлінетін қаржы көлемі жыл сайын артып келеді.Сіздер – еліміздің рухани тірегі, ұлттық құндылықтарымыздың сақтаушысы, отбасындағы бірліктің, ынтымақтың алтын діңгегісіздер», – деді Н.Нәлібаев.</blockquote>Басқосуда Бақтықожа Ізмұхамбетов көрсетілген қолдауға ризашылығын білдіріп, облыс әкіміне «Ардагерлер ұйымы» РҚБ орталық кеңесінің Алғыс хатын табыстады.Сондай-ақ, мемлекет және қоғам қайраткері, Түркі мемлекеттері ұйымы Ақсақалдар кеңесінің мүшесі Икрам Адырбеков, Мәжіліс депутаты, орталық кеңестің алқа мүшесі Ермұрат Бапи, «Қазақстан мәслихаттары депутаттарының бірлестігі» республикалық қоғамдық ұйымының төрағасы, алқа мүшесі Төлеубек Мұқашев, Атырау, Солтүстік Қазақстан, Қарағанды және Қызылорда облыстық ардагерлер кеңесінің төрағалары Мұрат Өтешов, Ескендір Елеусізов, Ғабит Тұяқов, Серік Дүйсенбаев сөз сөйледі.Жиында аймақ басшысы Адырбеков Икрам Адырбекұлына «Қызылорда облысының дамуына қосқан үлесі үшін» медалін және Қызылорда облысының Құрмет грамотасын табыстады. Дәстүрге сай облыс жұртшылығы атынан сый-сияпат көрсетті.Сонымен қатар, ардагерлер қозғалысы белсенділеріне «Ардагерлер ұйымы» РҚБ орталық кеңесінің Алғыс хаты, «Құрмет белгісі» төсбелгісі, Құрмет грамотасы берілді.

Қызылордада республикалық ардагерлер кеңесінің көшпелі отырысы өтті

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Сенатының жалпы отырысында Премьер-министрдің орынбасары – Ұлттық экономика министрі Серік Жұманғарин 2026-2028 жылдарға арналған жалпы сипаттағы трансферттер көлеміне қатысты заң жобасын таныстырды. Министрдің айтуынша, жаңа құжат өңірлердің республикалық бюджетке тәуелділігін азайтып, инфрақұрылымды дамытуға арналған қаржыландыруды айтарлықтай күшейтеді.Заң жобасы жергілікті бюджеттердің кірістері мен шығындарын 2026-2028 жылдарға нақты көрсетіп, республикалық трансферттер мен субвенциялар көлемін алдын ала бекітуді ұсынады.Жұманғарин даму бюджеті қалай қалыптастырылғанын түсіндірді.<blockquote>«Жергілікті бюджеттер теңгерімделген. Барлық базалық шығыстар ескерілді. Даму бюджеті республикалық бюджеттің мүмкіндігін ескере отырып қалыптастырылды», – деді ол.</blockquote>Жобаның негізгі мақсаты – өңірлердің республикалық бюджетке тәуелділігін біртіндеп азайту және өңірлік инфрақұрылым стандарттарын енгізу арқылы базалық қызметтердің қолжетімділігін теңестіру. Министрдің сөзінше, бұл «өңірлер арасындағы инфрақұрылымдық қамтамасыз етілу деңгейіндегі диспропорцияларды азайтуға» бағытталған.2026-2028 жылдары даму бюджеті жалпы 9,1 трлн теңгені құрайды. Жұманғарин бұл туралы:«Даму бюджеті жыл сайын ұлғаяды: 2026 жылы 1,8 трлн теңге, 2027 жылы 3,2 трлн теңге және 2028 жылы 4,1 трлн теңге», – деп нақтылады.Республикалық бюджет жобасына сәйкес, 2026 жылғы республикалық шығыстар шамамен 27,7-27,8 трлн теңге, кірістер 19,2 трлн теңге шамасында болжанып отыр.Ұлттық экономика министрі жергілікті бюджеттерге келетін трансферттер туралы былай деп түсіндірді:«2026 жылға арналған субвенциялар 5,2 трлн теңге, ал алып қою 879,9 млрд теңге көлемінде жоспарланып отыр. Үкіметтің бағалауы бойынша жергілікті бюджеттердің республикалық бюджет қаражатына тәуелділігі орта есеппен 50,7%-дан 33%-ға дейін төмендейді», – деді Жұманғарин.Талдау: қаржылық теңгерім, дефицит тәуекелдеріКірістер мен шығыстар арасындағы айырма (дефицит қысымы) Келесі үш жылға ұсынылған сандар жергілікті деңгейдегі дефициттің өсуіне нақты нышан береді. Жергілікті кірістер 2026 жылы 10,7 трлн, шығыстар 14,9 трлн теңге болуы – 4,2 трлн теңгелік тапшылықтың алдын ала белгісі.Бұл тенденция 2028 жылға қарай да сақталады: кірістер – 13,3 трлн, шығыстар – 18,7 трлн теңге.Министрдің баяндамасында бұл өсімнің себебі түсіндірілген:«Жергілікті бюджеттердің ағымдағы шығындарының болжамды көлемі инфляцияға индекстеу және өңірдегі мемлекеттік көрсетілетін қызметтерді тұтынушылардың болжамды саны ескеріле отырып есептелді», – дейді Серік Жұманғарин.Трансферт құрылымының жаңғыруы – дербестікке көшу тетігі Заң жобасының негізгі түйіні – өңірлердің өз кірістерін өсіре отырып, трансферттерге тәуелділікті азайту.«Жалпы сипаттағы трансферттердің көлемін айқындау кезінде нысаналы мақсатын сақтайтын ағымдағы нысаналы трансферттер ескерілді», – деп Жұманғарин атап өтті.Ауыл шаруашылығы, су үнемдеу технологиялары, жаңа нысандарды күтіп-ұстау сияқты бағыттарға 2026 жылы 1,5 трлн, 2027 – 1,6 трлн, 2028 – 1,7 трлн теңге қосымша қаралғаны – өңірлік экономиканың өндірістік бөлігін жандандыруға арналған күш.Донор – реципиент моделі қайта өзгереді «2028 жылы Павлодар облысы өзін-өзі қамтамасыз етеді, ал Маңғыстау облысы қайтадан донор болады», – деп баяндамада өте маңызды болжам айтылды.Бұл өңірлік салық базасының өзгеруімен, өнеркәсіп пен инвестиция көлемдерінің артуымен байланысты. Аймақтар арасындағы бюджеттік теңгерімді қайта бөлу – экономикалық та, саяси да салмақты қадам.Министрдің айтуынша, даму бюджетінің ұлғаюы өңірлік стандарттар жүйесін 69,2% деңгейінде қамтамасыз етуге мүмкіндік береді. Бұл аймақтар арасындағы инфрақұрылым сапасын теңестіруге жасалған маңызды қадам. Сонымен бірге республикалық бюджеттен қаржыланатын ірі автомобиль және темір жолдары, әлеуметтік нысандар құрылысы, сондай-ақ «Бәйтерек» АҚ-ның 1 трлн теңгеге капиталдандырылуы өңірлік экономиканың серпінін жеделдетеді.Дегенмен, тәуекелдер де бар. Өңірлік шығыстардың инфляция мен халық санының өсуіне тәуелді болуы ұзақ мерзімді тұрақты қаржыландыруды қиындатуы мүмкін. Трансферттерге тәуелділік азайғанымен, жергілікті кірістерді арттыруға бағытталған реформалар жеткілікті деңгейде жүзеге аспаса, аймақтық тапшылық құрылымдық сипатта сақталуы ықтимал. Сондай-ақ бөлінетін қаржының тиімді игерілуі, жобалардың сапалы орындалуы және жемқорлық тәуекелдері – басты бақылауды қажет ететін бағыттар.Осы жағдайларды ескере отырып, сарапшылар өңірлер бойынша көпсценарийлі бюджеттеу тәсілін енгізуді, инфрақұрылымдық стандарттардың ашықтығын арттыруды, жергілікті кірістерді көбейтетін ұзақмерзімді стратегия қабылдауды және донордан реципиентке өтетін өңірлер үшін әлеуметтік жағынан қауіпсіз өтпелі механизм жасауды ұсынады.

Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады

<a href="https://kyzylorda-news.kz/">Kyzylorda-news.kz</a> &nbsp;Бүгін&nbsp;«AMANAT»&nbsp;партиясының облыстық филиалының төрағасы Жандос Базартай филиал ұжымымен аппарат жиынын өткізіп, алдағы жұмыстың негізгі міндеттерін айқындады.Кеңес барысында филиалдың ағымдағы қызметінің негізгі бағыттары жан-жақты қаралып, құрылымдық бөлімшелердің жұмысы бойынша есептері тыңдалды.Төраға өз сөзінде партия қызметінің сапасын арттыру және халықпен тұрақты байланыс орнату бағытында ұжымның үйлесімді жұмысының маңыздылығын атап өтіп, алдағы кезеңде қойылған міндеттердің толық әрі сапалы орындалуын қамтамасыз етуді тапсырды.

Филиал төрағасы ұжыммен алдағы міндеттерді пысықтады

​<a href="https://kyzylorda-news.kz/">Kyzylorda-news.kz</a> Ақордада Қазақстанға ресми сапармен келген Армения премьер-министрі Никол Пашинянды қарсы алу рәсімі өтті, деп хабарлайды Президенттің баспасөз қызметі.<blockquote>– Аса құрметті Никол Воваевич, Қазақстанға қош келдіңіз! Сіздің сапарыңыз өте маңызды. Екі елдің стратегиялық серіктестік деңгейіндегі қарым-қатынасының дамуына үлкен серпін береді деп сенеміз. Бұл – Қазақстанға алғашқы сапарыңыз. Шын мәнінде, қазақ халқы Армения жұртына, тарихына, салт-дәстүріне, мәдениетіне зор құрметпен қарайды, – деді Мемлекет басшысы Қасым-Жомарт Тоқаев.&nbsp;</blockquote>Сапар барысында бірқатар маңызды келісімге қол қойылды.<blockquote>– Аса құрметті Президент мырза, мені Қазақстанға ресми сапармен шақырып, Астанада қонақжайлық танытқаныңыз үшін алғыс айтамын. Бұл сапар біздің екіжақты қарым-қатынасымызға тың серпін береді. Қос мемлекет арасындағы ынтымақтастықтың жаңа кезеңі Сіздің былтыр Арменияға жасаған ресми сапарыңыздан бастау алды. Соның нәтижесінде маңызды келісімдерге қол қойылды. Оның кейбірі жүзеге асырылды, қалған бөлігі орындалу үстінде. Қазақстанға ресми сапармен келу – мен үшін зор мәртебе, – деді Армения Премьер-министрі Никол Пашинян.</blockquote>Фото: Ақорда

Мемлекет басшысы Армения Премьер-министрімен келіссөз жүргізді

​<a href="https://kyzylorda-news.kz/">Kyzylorda-news.kz</a> Қызылорда облысының азаматтық қорғау қызметтерінің дайындығын пысықтау, қыс мезгіліндегі төтенше жағдайлардың алдын алу және оларды жою бағытында үйлестіруді күшейту үшін 2025 жылдың 20-21 қарашасында өңірде «Қыс-2025» командалық-штабтық оқу-жаттығуы өтті.<img src="https://knadmin.beoblood.kz/uploads/586110707_1965024064055654_8803452577733034012_n_19a8370dc9.jpg" alt="586110707_1965024064055654_8803452577733034012_n.jpg">​«Қыс-2025» оқу-жаттығуы қыс мезгіліндегі қауіп-қатерлердің алдын алуға, халықтың қауіпсіздігін қамтамасыз етуге бағытталған. Мақсаты – «Қысқы кезеңде төтенше жағдайлардың алдын алу және жою жөніндегі іс-қимылдарға Азаматтық қорғаудың мемлектетік жүйесінің басқару органдары мен күштерін дайындау». Аталмыш оқу-жаттығуға азаматтық қорғау құрылымдары, жергілікті атқарушы органдар, еріктілер жұмылдырылды.​20 қарашада азаматтық қорғау мемлекеттік жүйесінің техникаларының саптық қарауы мен жиыны өткізілді. ​Оқу-жаттығуды өткізу орнында жедел штаб құрылып, қыс мезгіліндегі төтенше жағдайлардың алдын алу және оларды жою кезінде азаматтық қорғаудың бағынысты күштері мен құралдары іс-қимылдарының үйлесімдігі мен өзара іс-қимылды жетілдіруі нақтыланды. Оқу-жаттығудың практикалық кезеңіне Арал ауданының әкімі Аманжол Оңғарбаев &nbsp;қатысты. Қызылорда облысы ТЖД бастығының орынбасары полковник Бекболат Әбдіқадыров &nbsp;жалпы оқу-жаттығудың өткізілу барысына жетекшілік жасады.​<img src="https://knadmin.beoblood.kz/uploads/585881818_1965024314055629_788606958502229731_n_2896d59692.jpg" alt="585881818_1965024314055629_788606958502229731_n.jpg">​21 қарашада сағат 9:00-де №1 практикалық оқу-жаттығу - &nbsp;КAZ-06 «Қарабұтақ-Қызылорда-Шымкент» автожолының 1357 шақырымында өтті. Тақырыбы: қыс мезгіліндегі жол-көлік оқиғасы кезіндегі іс-қимыл. Оқу-жаттығудың шартына орай, жолаушылар атвобусы жеңіл автокөлікпен соқтығысты, салдарынан жол-көлік оқиғасы орын алды, жолаушылар автобусында бірнеше азамат жарақаттанып, жеңіл автокөліктің жүргізушісі көліктің ішінен шыға алмай, қыстырылып қалды.Соқтығысқан автокөліктерге авариялық-құтқару жұмысын жүргізу, адамдарды қауіпсіз орынға эвакуациялау, жылы орынмен және ыстық тамақпен қамтамасыз ету, медициналық көмек көрсету, төтенше жағдай зардаптарын жою бағытында тиісті іс-қимылдар жүргізілді. Оған 32 адам, 12 техника қатысты.<img src="https://knadmin.beoblood.kz/uploads/585790683_1965024054055655_8723447969053211899_n_4f8ff7f33e.jpg" alt="585790683_1965024054055655_8723447969053211899_n.jpg">​Сағат 11:00-де Арал аумағында теміржол желісінде №2-ші практикалық оқу-жаттығуы ұйымдастырылды. Тақырыбы: Жолаушылар поезының вагонында өрт оқиғасы орын алып, поезд қозғалысы бірнеше сағат тоқтайды. Вагонда туындаған өрт сөндірілді. Адамдарды қауіпсіз орынға эвакуациялау, жылы орынмен және ыстық тамақпен қамтамасыз ету, медициналық көмек көрсету, ТЖ зардаптарын жою жұмысы жүргізілді. Оған авариялық құтқару құрылымдарынан 20 техника, 53 адам жұмылдырылды.Сағат 13:00-де №3 оқу-жаттығу жүзеге асты. Оқу-жаттығудың сценарийіне сәйкес, Арал ауданында қарлы боран болды. Мал-жанға қолайсыз климат орын алып, салдарынан жол таппай адасқан, мал тасымалымен айналысатын 2 азамат жоғалды. Оларды іздестіру-құтқару жұмысы ұйымдастырылып, далалы жерден &nbsp;адасқан азаматтарды тауып, оларға медициналық көмек көрсетілді. Аталмыш практикалық оқу-жаттығуға - іздестіру-құтқару жұмыстарына &nbsp; 14 техникасымен 64 қызметкер, сонымен бірге 1 кинологиялық есеп тобы белсене қатысты.​Жалпы 2025 жылғы 20-21 қарашасында өңірде ұйымдастырылған «Қыс-2025» облыстық командалық-штабтық оқу-жаттығуға 1154 адам, 339 техника, 1 кинологиялық топ қатыстырылды.<img src="https://knadmin.beoblood.kz/uploads/585427690_1965024234055637_6141139180439706990_n_2982dab82e.jpg" alt="585427690_1965024234055637_6141139180439706990_n.jpg">

«Қыс-2025» командалық-штабтық оқу-жаттығуының практикалық кезеңі өтті

<a href="https://kyzylorda-news.kz/">Kyzylorda-news.kz</a> &nbsp;Қазақстан мұсылмандары діни басқармасының төрағасы, Бас мүфти Наурызбай қажы Тағанұлы Қызылорда қаласында тарихи «Айтбай» мешітінің 150 жылдық тарихына арналған деректі фильм мен «Айтбай мешіті: аңыз бен ақиқат» кітабының тұсаукесер рәсіміне қатысты.Аталған шара «Айтбай» мешітінде бабалар рухына бағышталған Құран хатыммен басталып, Асқар Тоқмағанбетов атындағы қалалық мәдениет үйінде жалғасты.<blockquote>Бас мүфти Наурызбай қажы Тағанұлы алғы сөзінде: ««Алаштың анасы» атанған Сыр өңірінде де тарихы тереңнен бастау алатын Алланың үйлері жетерлік. Солардың арасында биыл іргетасы қалана бастағанына бір ғасырдан астам уақыт өткен «Айтбай» мешітінің орны мүлдем ерекше. Себебі ол – Қызылорда облысындағы ең көне құлшылық үйі ғана емес, сонымен қатар, сәулет өнерінің де ең көркем ескерткіші саналады. Десек те «Айтбай» мешіті өзінің 150 жылдық тарихында басынан талай ақтаңдақ кезеңдер мен нәубетті жылдарды өткізді. Міне, бастауын сонау Перовск кезеңінен алатын мешіттің тарихын түгендеп, халыққа ұсынып отырған деректі туындының біз үшін үлкен жаңалық екені сөзсіз. Осы бағыта аянбай қызмет еткен азаматтардың «Айтбай» мешіті: аңыз бен ақиқат» деп аталатын еңбегіне ерекше алғысымды білдіремін. Бұл кітап – шын мәнінде, тұтас дәуірдің жүгін арқалаған құнды еңбек», – деді.</blockquote>Сондай-ақ, шара барысында қатысушыларға тарихи деректерге негізделген деректі фильм ұсынылды. Жиынға мемлекеттік органдардың өкілдері, зиялы қауым, архив, кітапхана және музей саласының мамандары қатысты.Шара соңында Бас мүфти Наурызбай қажы Тағанұлының атынан бірқатар белгілі сала мамандарына алғыс хаттар табыс етілді.Айта кетейік, кітаптың авторлары – «Айтбай» мешітінің имамы Асхат Асқарұлы және журналист Нұрсұлтан Мықтыбай. Зерттеу жұмыстары сегіз ай бойы жүргізіліп, бұрын жарияланбаған тың деректер, мұрағат құжаттары және тарихи суреттер ғылыми жүйемен топтастырылған.

Қазақстан және Қызылорда облысының жаңалықтары: Қоғам

Қызылордада «Мемлекеттік тілдің мәртебесін арттырудың тиімді тәжірибелері» тақырыбында республикалық семинар-кеңес өтті

«Инвестицияға тапсырыс»: Қазақстан бизнесі мен агросекторы үшін жаңа мүмкіндіктер ашылады

Қызылордада алғаш рет «Ассамблея аруы – 2025» облыстық сұлулық байқауы өтті

Қазақстанда кім әскерге шақырылмайтыны белгілі болды

Астанадағы фельдшер өлімі: Адвокат кінәлілерді 6 жылға соттауды сұрады

Жастарды қолдау жөніндегі аймақтық кеңестің қорытынды отырысы өтті

Қызылордада республикалық ардагерлер кеңесінің көшпелі отырысы өтті

Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады

Филиал төрағасы ұжыммен алдағы міндеттерді пысықтады

Мемлекет басшысы Армения Премьер-министрімен келіссөз жүргізді

«Қыс-2025» командалық-штабтық оқу-жаттығуының практикалық кезеңі өтті

Қызылордада «Айтбай» мешіті туралы деректі фильм мен кітаптың тұсаукесері өтті

Қазақстан және Қызылорда облысының жаңалықтары: Қоғам

Қызылордада ​«Мемлекеттік тілдің мәртебесін арттырудың тиімді тәжірибелері» тақырыбында республикалық семинар-кеңес өтті

«Инвестицияға тапсырыс»: Қазақстан бизнесі мен агросекторы үшін жаңа мүмкіндіктер ашылады

Қызылордада алғаш рет «Ассамблея аруы – 2025» облыстық сұлулық байқауы өтті

Қазақстанда кім әскерге шақырылмайтыны белгілі болды

Астанадағы фельдшер өлімі: Адвокат кінәлілерді 6 жылға соттауды сұрады

Жастарды қолдау жөніндегі аймақтық кеңестің қорытынды отырысы өтті

Қызылордада республикалық ардагерлер кеңесінің көшпелі отырысы өтті

Өңірлерді қолдау күшейеді: 2026-2028 жылдарға арналған трансферттер инфрақұрылымды дамытуға бағытталады

Филиал төрағасы ұжыммен алдағы міндеттерді пысықтады

Мемлекет басшысы Армения Премьер-министрімен келіссөз жүргізді

«Қыс-2025» командалық-штабтық оқу-жаттығуының практикалық кезеңі өтті

Қызылордада «Айтбай» мешіті туралы деректі фильм мен кітаптың тұсаукесері өтті

Қызылордада «Мемлекеттік тілдің мәртебесін арттырудың тиімді тәжірибелері» тақырыбында республикалық семинар-кеңес өтті