Қазіргі таңда, Қызылорда облысы Сырдария ауданы көлемінде орын алып жатқан жол-көлік оқиғалары өзекті мәселелердің бірі болып табылады. Сырдария аудандық полиция бөлімі тарапынан жол-көлік оқиғаларының алдын-алу бағытында профилактикалық және агитациялық іс-шаралар ұйымдастырылуына қарамастан, Сырдария ауданының үстінен өтетін облыстық маңызы бар KN-15 «Қызылорда-Жалағаш» автомобиль жолында соңғы кездерде қайғылы жағдайлардың орын алуымен болатын жол-көлік оқиғалары өсім алуда.Жоғарыда аталған облыстық маңызы бар KN-15 «Қызылорда-Жалағаш» автомобиль жолы III-ші техникалық жол санатына жатуына байланысты, Қазақстан Республикасы Үкіметінің 2014 жылғы 13 қарашадағы № 1196 қаулысымен бекітілген «Жол жүрісі қағидаларының» 10.3 тармағына сәйкес, аталған автомобиль жолында көлік құралдарына сағатына 90 км/сағ аспайтын жылдамдықпен жүру рұқсат етілген.<blockquote>«Құрметті көлік құралдарының жүргізушілері! Сіздерді жол-көлік оқиғаларының алдын-алу мақсатында, көлік құралдарыңызды белгіленген жылдамдықтан асырмай, жол жүрісі қағидаларын қатаң сақтауға шақырамыз», - делінген Сырдария аудандық полиция бөлімінің хабарламасында.</blockquote><img src="https://knadmin.beoblood.kz/uploads/35_0f6f6b31bb.jpg" alt="35.jpg"><img src="https://knadmin.beoblood.kz/uploads/37_04e3b43dac.jpg" alt="37.jpg"><img src="https://knadmin.beoblood.kz/uploads/36_18991cc89b.jpg" alt="36.jpg">

«Қызылорда-Жалағаш» автомобиль жолында 90 км/сағ аспайтын жылдамдықпен жүру рұқсат етілген

<a href="https://kyzylorda-news.kz/">Kyzylorda-news.kz.</a> «Қазгидромет» РМК-ның мәліметінше, желтоқсанның 18-і күні Қазақстан аумағында ауа райы құбылмалы болады. Елдің басым бөлігінде жауын-шашын болады, тек батыста ғана жауын болмайды. Сондай-ақ, республиканың бірқатар аймақтарына тұман түсіп, көктайғақ, бұрқасын болады және жел күшейеді.Қызылорда облысының кей жерлерінде тұман түседі, көктайғақ болады. Түнде кей жерлерде желдің жылдамдығы секундына 15-20 метрге дейін күшейеді.&nbsp; &nbsp;

Желтоқсанның 18-і күнгі ауа райы болжамы

<a href="https://kyzylorda-news.kz/">Kyzylorda-news.kz.</a> «Қазгидромет» РМК мәліметінше, 17 желтоқсан күні республиканың басым бөлігінде жауын-шашынсыз ауа райы сақталады.Еліміздің тек батыс, солтүстік-батысының кей жерлерінде атмосфералық фронтальды бөліктердің өтуіне байланысты жауын-шашын күтіледі. Жекелеген өңірлерде тұман, көктайғақ сақталады, солтүстік-батыста екпінді жел болжанады.Алматы, Қызылорда, Маңғыстау, Атырау, Батыс Қазақстан облыстарының кей өңірінде тұман түсіп, көктайғақ болады. &nbsp;

17 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Бүгінде елде «табысқа кенелемін» деп бар жиған-тергенінен күмәнді қаржылық ұйымдарға салып, қолма-қо немес интернет желісі арқылы қаржысынан айырылып жатқан қазақстандықтар аз емес. Алаяқтық фактілерінің көбейгенін ескерткен Мемлекет басшысы Қасым-Жомарт Тоқаев тиісті мемлекеттік органдарға қаржы пирамидаларына қарсы алдын алу кешенді шараларын жүгізуді міндеттеген еді.&nbsp;Негізінен Қызылордада осы бағытта тіркелген қылмыстардың негізгі бөлігі интернетте (Олх, Колёса) тауарларды сату немесе қызмет көрсету туралы хабарламаны орналастырумен байланысты. Алаяқтар өздерінің құрбандарын арзан бағамен, тауарды не қызметті тез жеткізумен қызықтырады. Сатып алушылардан жартылай немесе толық алдын ала төлем жасауды сұрайды, олардың шоттары үшінші адамдарға ресімделіп отырады.Алаяқтықты жасаудың негізгі және басты себептері азаматтардың сенгіштігі. Осындай қылмыстарды ашу және тергеуде біршама қиындықтар бар, өйткені қылмыскер үшінші адамдарға тіркелген әртүрлі банк карталары мен карталарды, сондай-ақ әртүрлі абоненттік нөмірлерді пайдаланады. Көп жағдайда ақша қаражаттарын шешіп алу үшін жалған адамдарды қатыстырады. Ал, аталған қылмысты ашу үшін заң жүзінде алынған деректерді мүқият талдау қажет екен, бұл нақты ұзақ уақытты талап етеді.Дегенмен, бүгінгі күнге интернет арқылы жасалған алаяқтық қылмыстарының алдын алу, болдырмау бағытында аймақта бірнеше іс-шаралар атқарылуда. Бұқаралық ақпарат құралдары арқылы облыстың тұрғындарына түсіндіру жұмыстары жүргізіліп, алаяқтардың арбауына түсіп қалмау жайлы қандай сақтық шараларын сақтау керектігі түсіндірілуде.Осы мақсатта халыққа қызмет көрсету орындары мен базарларда, сауда орталықтарында плакаттар жапсырылып, жаднамалар таратылған.Сонымен қатар, тауарларды интернеттен сатып алған кезде тауарларды тек тексерілген сайттардан сатып алуды қарастыру керек. Бұл қос сайт емес, ресми бет екеніне көз жеткізіңіз. Көбінесе қылмыскерлер ұқсас сайттарды жасайды, тек ресурстың сипаттамасын өзгертеді, танымал банктердің логотиптерін, сондай-ақ танымал брендтерді пайдаланады, бұл адамды алдаудың тәсілдерінің бірі. Бұл жағдайда, егер сізден тауар үшін алдын-ала төлем сұралса, алдын-ала төлем шарттарын мұқият оқып шығу керек. Алаяқ интернеттен тапқан немесе басқа адамнан алаяқтық жолмен алған жеке куәліктің фотосуретін жібереді. Егер сіз басқа қаладан тауарға тапсырыс берсеңіз, туыстарыңыздан, таныстарыңыздан тауардың бар-жоғын және ұсынылған сипаттамаларға сәйкестігін тексеруді сұраңыз.Егер Сізге ұялы байланыс телефоны арқылы банктен қоңырау шалып, менеджер немесе қауіпсіздік қызметінің қызметкерімін деп таныстырып, Сіз туралы немесе Сіздің шотыңыз туралы мәліметтерді сұрастырып жатады. Егер сіз осы ақпаратты алаяқтарға телефон арқылы хабарласаңыз, ақша қаражаты дереу банк картасынан алынады. Осындай жағдайда сөйлесуді тоқтатып, өз банкіңіздің жедел желісіне дереу қоңырау шалып, осы жағдай туралы хабарлау қажет. Банктің бірде-бір қызметкері клиенттерге қоңырау шалмайды және құпия деректерге қызығушылық танытпайды.Инстаграмм арқылы тауарларды сатып алар алдында, сатушының ресми мекен-жайын, сонымен бірге, Ватсаппен немесе видео байланыс арқылы құжаттарын тексеріп, көз жеткізу қажет.«Сіз жеңімпаз атандыңыз, Сізге арнайы сыйлығымыз бар немесе ақша ұтысы бар, құжаттың көшірмесін жіберіңіз» деп ұялы телефонға мәліметтер түсіп жатады. Осындай жалған мәліметтерге құжаттардың көшірмесін жіберуге болмайды. Сіздің атыңыздан алаяқтар заңсыз іс-әрекеттер жасауы мүмкін.Қызылордалық полицейлер облыс тұрғындарынан интернет-алаяқтық фактілер бойынша жақын маңдағы полиция бөлімшесіне, «102» арнасына немесе «102 мобильді қосымшасына» хабарласуға болатынын ескертеді. &nbsp;<img src="https://knadmin.beoblood.kz/uploads/5_4e38581277.jpg" alt="5.jpg"><img src="https://knadmin.beoblood.kz/uploads/4_c3e455d261.jpg" alt="4.jpg"><img src="https://knadmin.beoblood.kz/uploads/3_58b4710227.jpg" alt="3.jpg">

Алаяқтықтың алдын алу немесе ол туралы хабарлау жолдары

<a href="https://kyzylorda-news.kz/">Kyzylorda-news.kz.</a> Шет елде әр түрлі себептермен жүрген қазақстандықтар үшін жағымды жаңалық. 2022 жылдың 28 қарашасынан бастап Корея Республикасының &nbsp;аумағында «Қазақстан Республикасының шегінен тыс жерлерде тұратын Қазақстан Республикасы азаматтарына паспорттарды рәсімдеу» бойынша мемлекеттік қызметті электрондық форматқа көшіру бойынша «пилоттық жобасы» басталды.Аталған жоба ҚР сыртқы және ішкі істер министрліктерімен Президент Қасым-Жомарт Тоқаевтың Жолдауы аясында жүзеге асырылуда және Қазақстанның Пусан қаласындағы Бас консулдығына жүгінген қазақстандық азаматтарға паспортты 80 күннің орнына 30 күн ішінде алуға мүмкіндік береді.Бүгінгі таңда электрондық құжаттандыру жүйесі Қазақстанның БАӘ (Әбу-Даби, Дубай қалалары), Германия (Берлин, Майндағы Франкфурт, Мюнхен, Ганновер қалалары), Оңтүстік Корея (Сеул, Пусан қалалары), Ресей Федерациясы (Мәскеу, Санкт-Петербург, Қазан, Астрахан, Омбы қалалары), АҚШ (Вашингтон, Нью-Йорк, Сан-Франциско қалалары), Түркия (Анкара, Анталья, Ыстанбұл қалалары) Өзбекстан (Ташкент қ.) мен Жапониядағы (Токио қ.) шетелдік мекемелерінде сәтті жұмыс істейді. &nbsp;<img src="https://knadmin.beoblood.kz/uploads/756258374767341_6292ca29c1.jpg" alt="756258374767341.jpg">

Оңтүстік Кореяда жүрген Қазақстан азаматтарына паспорт дайындау мерзімі қысқартылды

<a href="https://kyzylorda-news.kz/">Kyzylorda-news.kz.</a> Қазгидрометтің хабарлауынша, 26 қараша күні Қазақстан аумағының басым бөлігі суық солтүстік антициклон әсерінде болғандықтан, жауын-шашынсыз күн райы күтіледі&nbsp;Ауа температурасы күрт өзгереді. Еліміздің шығысында және оңтүстік-шығысында атмосфералық фронттардың өтуіне байланысты құбылмалы ауа райы сақталады: кей уақыттарда мол қар жауып, көктайғақ, екпінді жел, бұрқасы болады. &nbsp;

26 қараша күнгі ауа райы болжамы

<a href="https://kyzylorda-news.kz/">Kyzylorda-news.kz.</a> Мемлекет басшысының «халық үніне құлақ асатын мемлекет» тұжырымдамасын жүзеге асыру үшін ашықтықты қамтамасыз ете отырып, тұрғындарды алаңдатқан мәселелердің шешу жолдарын қарастыру және заң аясында дұрыс ақпарат пен бағыт-бағдар беру мақсатында 2022 жылдың 29 қараша күні сағат 15:30-да Қызылорда қаласы, Қазантаев көшесі №43 мекен жайында орналасқан «Қызылорда қалалық жұмыспен қамту, әлеуметтік бағдарламалар және хал актілерін тіркеу» бөлімі ғимаратында «Adal komek» жобасының аясында азаматтарды қабылдау өтеді.Қабылдауға келген азматтар Қызылорда облысының жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Даулетбаеваға өз сұрақтарын қоя алады.«Адал көмек» жобасының мақсаты – азаматтардың құқықтық сауаттылығын арттыру, сондай-ақ халықтың әлеуметтік осал топтарына өмірлік маңызды мәселелерді шешуде құқықтық көмек көрсету болып табылады.&nbsp;Тақырып пен спикер көрсетілген кездесулер анонстары бұқаралық ақпарат құралдарында, Департаменттің &nbsp;www.gov.kz ресми сайтында орналастырылады. Сондай-ақ, мемлекеттік органдардың әлеуметтік желілер беттерінде жарияланады.Шараға қатысуға ниет білдіруші тұрғындар +77079297552 WhatsApp байланыс нөмірі арқылы алдын ала жазылуы қажет. &nbsp;

«Адал көмек» жобасы аясында тұрғындарға заңгерлік көмек көрсетіледі

Kyzylorda-news.kz. Өзіңізге сенімді болуыңыз көп нәрсеге әсер етеді: отбасыдағы қатынас, жұмыста табысқа жету және жеке өмір. Өзіңізге деген сенімділікті қалай арттыруға болады?Жақсы жақтарыңызды дамытыңызӨзіңіздің әлсіз тұстарыңызға мән берудің орнына жақсы жақтарыңызды дамытыңыз. Сіз басқаларға қарағанда бірдеңені жақсырақ жасайсыз. Өзіңіздің мықты тұстарыңызды еске түсіріп, қағазға немесе ұялы телефонға жазып қойыңыз. Бұл тізімнің әрқашан қол астында болғаны жақсы. Қажет кезде онымен өзіңізді қолдай аласыз. Мінсіздіктің артынан қуудың қажеті жоқ. Бірақ дамуды тоқтатпаңыз. Көбірек оқыңыз, жаңа нәрселер біліңіз, саяхаттаңыз.Позитивті ойлаңызОйларыңыз қайда болса, энергияңыз да сол жақта. Ал энергия — өмір. Егер айналаңызда негативті адамдар болса, көп ұзамай сіз де сондай адамға айналасыз. Егер үнемі жаман нәрсе жайлы ойласаңыз, ол шынымен де болады. Айналаңыздағы адамдарға анализ жасаңыз, сіздің өзін-өзі бағалауыңызға кім жағымсыз әсер ететінін анықтаңыз. Содан соң жеке шекара орнату қажет немесе айтылған сөздерге мән бермеуді үйрену керек болады. Әрине, тағы бір әдіс бар: мүмкін болса, мұндай адамдармен мүлдем араласпау.Қажет емес қасиеттерден арылыңызСіз өзіңізді жақсы білесіз және кей қасиеттеріңіз сізді даму жолында тежейтінін түсінесіз. Оны анықтап, қабылдау — проблеманы шешуге деген алғашқы қадам. Сізді артқа тартатын нәрседен арылыңыз. Мақсатыңызға баяу, бірақ сенімді жылжыңыз. Басқа адамдардың сөзінен немесе естілмей қалудан қорықсаңыз, өз пікіріңізді білдіріңіз! Жаңа достар табудан немесе танысудан қорықсаңыз, әңгімені бірінші өзіңіз бастаңыз! Өзгерістерден қорықсаңыз, түбегейлі жаңа нәрсе жасауға тәуекел етіңіз! Қорқыныштарыңызды жеңіңіз және өзгеруден қорықпаңыз! Ештеңе істемесеңіз, жаңа нәрселер орын алмайтынын және ешқандай өзгеріс болмайтынын түсініңіз.Өзіңізге деген сенімділікті арттыру үшін көре алмаушылық, жалқаулық, айыптаушылық, ашуланшақтық секілді қасиеттерден арылу маңызды. Бұл әлсіздіктерді жеңу арқылы алға қойған мақсатыңызға жетесіз.Басқаларға көмектесіңізТек өзіңізбен және өз проблемаларыңызбен алысып жүрсеңіз, сіз қандай да бір жағдаймен басқалардың қолдауын және көмегін аласыз. Бірақ бірдеңе алу кезінде беруді де ұмытпау керек. Егер мән беріп қарасаңыз, әр адамның басында қандай да бір қиындық барын көре аласыз. Көмекті сізден де қатты қажет ететін адамдар да бар. Басқа адамға физикалық та, моральді де қамқор көрсету арқылы өмірдегі өзіңіздің маңыздылығыңызды түсінесіз.&nbsp;Massaget

Өзін-өзі бағалауды арттырудың 4 әдісі  

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы қарашаның 11-не жасалған ауа райы болжамын жариялады.&nbsp;Кәсіпорын таратқан деректерге қарағанда, қарашада атлантикалық циклон жырасы және атмосфералық ағындардың өтуіне байланысты Қазақстан Республикасының басым бөлігінде күн құбылмалы болады. Осыған байланысты жауын-шашын (жаңбыр, қар) жауып, көктайғақ болады, жаяу бұрқасын соғады, солтүстікте, солтүстік-батыста, оңтүстік-шығыста жел күшейеді. Тек, еліміздің батысында, оңтүстік-шығысында ғана күн ашық болады, Қазақстан бойынша тұман түседі.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> 3 қарашада атмосфералық фронталды бөліктердің әсерінен Қазақстанның барлық аумағында құбылмалы күн райы сақталып, жаңбыр мен қар түрінде жауын-шашын болады, деп хабарлайды Қазгидромет.Республика бойынша тұман, екпінді жел болжанады. Елдің батысы мен солтүстігінде жаяу бұрқасын, солтүстігінде, батысы мен орталығында көктайғақ күтіледі. &nbsp;

3 қарашада күн райы қандай болады

<a href="https://kyzylorda-news.kz/">Kyzylorda-news.kz.</a>&nbsp;Брендтер ұсынған топтамалар алуан түрлі болды. Бірі спорттық эстетикадағы ыңғайлы киімдерден ажырағысы келмеді, ал бірі өткен кезеңдерді еске алумен болды. Ал тағы бірі гардеробқа нәзік киімдерді қайтадан оралтқысы келді. Нью-Йорк, Лондон, Милан және Парижде өткен сән көрсетілімдеріндегі күз-қыс 2022/23 топтамаларынан басты 10 трендті ұсынамыз.
<img src="https://kyzylorda-news.kz/wp-content/uploads/2022/08/moda1.jpg" alt="" />
Michael Kors Collection
Ішік
Алдағы күз-қыс мерзімінде табиғи да, экологиялық та ішік танымал болады. Соның ішінде, әсерлі пальтолар мен тондар кең тарайды. Дизайнерлер түрлі түсті ішектен тігілген көзге бірден түсетін ашық түрлерін де, табиғиға жақын ұстамды түрлерін де ұсынды. Қыста тек тондар емес, сондай-ақ ішік аксессуарлар да киюге болады. Мысалы: панамалар, сөмкелер және аяқ киім.
<img src="https://kyzylorda-news.kz/wp-content/uploads/2022/08/moda2.jpg" alt="" />
Bottega Veneta
Былғары total-look
Бұрын да күздің келуімен былғары киімдерді шығаратынбыз. Ал жаңа мерзімде дизайнерлер бастан-аяқ былғары киімдер киюді ұсынды.
<img src="https://kyzylorda-news.kz/wp-content/uploads/2022/08/moda3.jpg" alt="" />
Michael Kors Collection
Фуксия
Фуксия түсін өз топтамаларында Michael Kors, Richard Quinn және Versace секілді брендтер қолданды. Күзде киім үлгісіне фуксия түсті бір киім қосу жеткілікті немесе қалауыңызға қарай, онымен бастан-аяқ киінуге болады.
<img src="https://kyzylorda-news.kz/wp-content/uploads/2022/08/moda4.jpg" alt="" />
Bottega Veneta
Шашақ
Вестерн эстетикасы мен сүйікті fashion-әдіске дизайнерлер әр мерзім сайын оралады. Трендте қайтадан ұзық шашақ болады. Онымен панчо, пальто және кейптер безендірілуі мүмкін.
<img src="https://kyzylorda-news.kz/wp-content/uploads/2022/08/moda5.jpg" alt="" />
Dion Lee
Белі төмен тұратын шалбар
Жазда 2000-жылдардың сәнді киімдерінің бірі — белі төмен тұратын шалбарлар трендке қайтадан оралған болатын. Бұл киім күз-қыс мерзімінде де өз өзектілігін жоғалтпайды.
<img src="https://kyzylorda-news.kz/wp-content/uploads/2022/08/moda6.jpg" alt="" />
Prada
Бомбер
Дизайнерлер әнші Рианнаның сүйікті киімі — бомберді өз топтамаларында жиі қолданды. Әрине, әр бренд бомберді өз стиліне сай безендірді. Мысалы, Prada оны гүлдермен безендірсе, Khaite оның қара былғары түрлерін ұсынды.
<img src="https://kyzylorda-news.kz/wp-content/uploads/2022/08/moda7.jpg" alt="" />
Khaite
Былғары күртке
Күнделікті киюге бомберлерге былғары күрткелер бәсеке бола алады. Былғары күрткелердің қара түсті классикалық түрлері де, түрлі түсті және ақ түрлері де сәнде болады.
<img src="https://kyzylorda-news.kz/wp-content/uploads/2022/08/moda8.jpg" alt="" />
Givenchy
Кең шалбар
Сән үйлерінің креативті директорлары скинни шалбары жайлы ештеңе естігісі келмейді. Алдағы күз-қыс мерзімінде стильді көріну үшін барынша кең джинс шалбарлар киіңіз.
<img src="https://kyzylorda-news.kz/wp-content/uploads/2022/08/moda9.jpg" alt="" />
Valentino
Макси пальто
Күзде және қыста жылы және ұзын пальтолар сәнде болады. Сыртқы киімнің макси ұзындықтағы түрлеріне мән беріңіз.
<img src="https://kyzylorda-news.kz/wp-content/uploads/2022/08/moda10.jpg" alt="" />
Dior
Корсет
Футболка, жейде және топтарды корсеттерге ауыстыруға болады. Dior, Versace және Balmain брендтеріне қарап, корсеттердің алдағы күзде және қыста сәнде болуы мүмкін екенін айтамыз.
<a href="https://massaget.kz/kyizdarga/sn/70224/">massaget.kz</a>

Күздің басты 10 тренді

Kyzylorda-news.kz. Ағзасына темір жетіспейтін адамның қаны аз болады. Әсіресе гемоглобин түсіп кетеді. Ал гемоглобин – қанға түскен оттегіні тасымалдайтын, өкпеден дене мүшелеріне жеткізетін бөлшек. Қанның ақуыз қызыл бөлшегі.
Одан бөлек темір адамның иммунитетін көтеруге, энергия бөлуге, ДНК синтезіне, бұлшық ет жұмысына, қалқанша без гормонының бөлінуіне қатысады.
Сондықтан ағзадағы темір мөлшеріне қарау өте маңызды. Ал ағзаға темір жетпейтінін қалай білеміз?
Ол үшін Ұлыбритания диетологі Роб Хобсонның Express басылымына берген сұхбатында айтылған көп біліне бермейтін белгілерін атап өтейік.
Әлсіздік, аяқ асты әлсіздік. Ағзаға темір жетіспесе, гемоглобин тез түзіліп үлгермейді. Ал гемоглобинді оттегі тасымалдаушы бөлшек екенін жоғарыда айттық. Ендеше гемоглобин жетіспесе – ағзаға оттегі жетпей, тыныс тарылады. Жүрекке салмақ түсіп, қанды қатты айдауға көшеді. Ал оттегі жетпеген соң, буын мен бұлшық ет қуатынан айырылып, содан әлсіздік басталады.
Аққұба, бозарған түр. Бет-әлпет сұрланған, бозарған күйге енсе, тіс пен қабақтың, тырнақтың асты ағара бастаса – бұл темір жетпеудің белгісі. Қанда гемоглобин азайып кеткендіктен, қанның қанық қызыл түсі сола бастайды. Содан ағзаның түкпір тұстарына қан жетпей қалуы мүмкін.
Бас ауру мен бас айналу. Дәрігердің айтуынша, бұл да гемоглобинге байланысты белгі. Яғни, қанда гемоглобин аз болған соң, басқа оттегі жетпей, қан қысымы пайда болады. Содан қан тамыры ісінеді. Бас ауруы содан пайда болады.
Ентігу. Бұл түсінікті. Адамға ағзасына оттегі жетпегесін оны толтыру үшін демігіп тыныс алатыны анық.
Бет-әлпет пен шаш құрғауы. Бәрі оттегінің жетіспеуінен шығады. Басқа оттегі жетпегесін құйқаға оттегі жетпей, құрғап кетеді. Оның үстіне, темір – шаштың өсуіне қажет микроэлемент. Ол жетпесе, шаш түседі.
Көп инфекция. Темір ағзаның иммунитетін қалыптастыруға көмектеседі. Лимфоцит азайған иммунды жасуша инфекцияға қарсы тұра алмайды. Содан ағзада инфекция көбейіп кетеді.
Көңіл-күй түсу. Темір бақыт гормоны – дофаминді бөлісуге қатысады. Ол азайса, адамда көңіл-күй болмайды.
Жерік болу. Ағзасында темір аз адам бір түрлі заттарға жерік болады. Мұз, балшық, бор, қағаз бен әк жеу – осының белгісі.
<a href="https://massaget.kz/layfstayl/Zdorove/65859/">Massaget.kz</a>

Қазақстан және Қызылорда облысының жаңалықтары: Керек дерек