<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы қарашаның 11-не жасалған ауа райы болжамын жариялады.&nbsp;Кәсіпорын таратқан деректерге қарағанда, қарашада атлантикалық циклон жырасы және атмосфералық ағындардың өтуіне байланысты Қазақстан Республикасының басым бөлігінде күн құбылмалы болады. Осыған байланысты жауын-шашын (жаңбыр, қар) жауып, көктайғақ болады, жаяу бұрқасын соғады, солтүстікте, солтүстік-батыста, оңтүстік-шығыста жел күшейеді. Тек, еліміздің батысында, оңтүстік-шығысында ғана күн ашық болады, Қазақстан бойынша тұман түседі.

Жұмаға арналған ауа райы болжамы

<a href="https://kyzylorda-news.kz/">Kyzylorda-news.kz.</a> 3 қарашада атмосфералық фронталды бөліктердің әсерінен Қазақстанның барлық аумағында құбылмалы күн райы сақталып, жаңбыр мен қар түрінде жауын-шашын болады, деп хабарлайды Қазгидромет.Республика бойынша тұман, екпінді жел болжанады. Елдің батысы мен солтүстігінде жаяу бұрқасын, солтүстігінде, батысы мен орталығында көктайғақ күтіледі. &nbsp;

3 қарашада күн райы қандай болады

<a href="https://kyzylorda-news.kz/">Kyzylorda-news.kz.</a>&nbsp;Брендтер ұсынған топтамалар алуан түрлі болды. Бірі спорттық эстетикадағы ыңғайлы киімдерден ажырағысы келмеді, ал бірі өткен кезеңдерді еске алумен болды. Ал тағы бірі гардеробқа нәзік киімдерді қайтадан оралтқысы келді. Нью-Йорк, Лондон, Милан және Парижде өткен сән көрсетілімдеріндегі күз-қыс 2022/23 топтамаларынан басты 10 трендті ұсынамыз.
<img src="https://kyzylorda-news.kz/wp-content/uploads/2022/08/moda1.jpg" alt="" />
Michael Kors Collection
Ішік
Алдағы күз-қыс мерзімінде табиғи да, экологиялық та ішік танымал болады. Соның ішінде, әсерлі пальтолар мен тондар кең тарайды. Дизайнерлер түрлі түсті ішектен тігілген көзге бірден түсетін ашық түрлерін де, табиғиға жақын ұстамды түрлерін де ұсынды. Қыста тек тондар емес, сондай-ақ ішік аксессуарлар да киюге болады. Мысалы: панамалар, сөмкелер және аяқ киім.
<img src="https://kyzylorda-news.kz/wp-content/uploads/2022/08/moda2.jpg" alt="" />
Bottega Veneta
Былғары total-look
Бұрын да күздің келуімен былғары киімдерді шығаратынбыз. Ал жаңа мерзімде дизайнерлер бастан-аяқ былғары киімдер киюді ұсынды.
<img src="https://kyzylorda-news.kz/wp-content/uploads/2022/08/moda3.jpg" alt="" />
Michael Kors Collection
Фуксия
Фуксия түсін өз топтамаларында Michael Kors, Richard Quinn және Versace секілді брендтер қолданды. Күзде киім үлгісіне фуксия түсті бір киім қосу жеткілікті немесе қалауыңызға қарай, онымен бастан-аяқ киінуге болады.
<img src="https://kyzylorda-news.kz/wp-content/uploads/2022/08/moda4.jpg" alt="" />
Bottega Veneta
Шашақ
Вестерн эстетикасы мен сүйікті fashion-әдіске дизайнерлер әр мерзім сайын оралады. Трендте қайтадан ұзық шашақ болады. Онымен панчо, пальто және кейптер безендірілуі мүмкін.
<img src="https://kyzylorda-news.kz/wp-content/uploads/2022/08/moda5.jpg" alt="" />
Dion Lee
Белі төмен тұратын шалбар
Жазда 2000-жылдардың сәнді киімдерінің бірі — белі төмен тұратын шалбарлар трендке қайтадан оралған болатын. Бұл киім күз-қыс мерзімінде де өз өзектілігін жоғалтпайды.
<img src="https://kyzylorda-news.kz/wp-content/uploads/2022/08/moda6.jpg" alt="" />
Prada
Бомбер
Дизайнерлер әнші Рианнаның сүйікті киімі — бомберді өз топтамаларында жиі қолданды. Әрине, әр бренд бомберді өз стиліне сай безендірді. Мысалы, Prada оны гүлдермен безендірсе, Khaite оның қара былғары түрлерін ұсынды.
<img src="https://kyzylorda-news.kz/wp-content/uploads/2022/08/moda7.jpg" alt="" />
Khaite
Былғары күртке
Күнделікті киюге бомберлерге былғары күрткелер бәсеке бола алады. Былғары күрткелердің қара түсті классикалық түрлері де, түрлі түсті және ақ түрлері де сәнде болады.
<img src="https://kyzylorda-news.kz/wp-content/uploads/2022/08/moda8.jpg" alt="" />
Givenchy
Кең шалбар
Сән үйлерінің креативті директорлары скинни шалбары жайлы ештеңе естігісі келмейді. Алдағы күз-қыс мерзімінде стильді көріну үшін барынша кең джинс шалбарлар киіңіз.
<img src="https://kyzylorda-news.kz/wp-content/uploads/2022/08/moda9.jpg" alt="" />
Valentino
Макси пальто
Күзде және қыста жылы және ұзын пальтолар сәнде болады. Сыртқы киімнің макси ұзындықтағы түрлеріне мән беріңіз.
<img src="https://kyzylorda-news.kz/wp-content/uploads/2022/08/moda10.jpg" alt="" />
Dior
Корсет
Футболка, жейде және топтарды корсеттерге ауыстыруға болады. Dior, Versace және Balmain брендтеріне қарап, корсеттердің алдағы күзде және қыста сәнде болуы мүмкін екенін айтамыз.
<a href="https://massaget.kz/kyizdarga/sn/70224/">massaget.kz</a>

Күздің басты 10 тренді

Kyzylorda-news.kz. Ағзасына темір жетіспейтін адамның қаны аз болады. Әсіресе гемоглобин түсіп кетеді. Ал гемоглобин – қанға түскен оттегіні тасымалдайтын, өкпеден дене мүшелеріне жеткізетін бөлшек. Қанның ақуыз қызыл бөлшегі.
Одан бөлек темір адамның иммунитетін көтеруге, энергия бөлуге, ДНК синтезіне, бұлшық ет жұмысына, қалқанша без гормонының бөлінуіне қатысады.
Сондықтан ағзадағы темір мөлшеріне қарау өте маңызды. Ал ағзаға темір жетпейтінін қалай білеміз?
Ол үшін Ұлыбритания диетологі Роб Хобсонның Express басылымына берген сұхбатында айтылған көп біліне бермейтін белгілерін атап өтейік.
Әлсіздік, аяқ асты әлсіздік. Ағзаға темір жетіспесе, гемоглобин тез түзіліп үлгермейді. Ал гемоглобинді оттегі тасымалдаушы бөлшек екенін жоғарыда айттық. Ендеше гемоглобин жетіспесе – ағзаға оттегі жетпей, тыныс тарылады. Жүрекке салмақ түсіп, қанды қатты айдауға көшеді. Ал оттегі жетпеген соң, буын мен бұлшық ет қуатынан айырылып, содан әлсіздік басталады.
Аққұба, бозарған түр. Бет-әлпет сұрланған, бозарған күйге енсе, тіс пен қабақтың, тырнақтың асты ағара бастаса – бұл темір жетпеудің белгісі. Қанда гемоглобин азайып кеткендіктен, қанның қанық қызыл түсі сола бастайды. Содан ағзаның түкпір тұстарына қан жетпей қалуы мүмкін.
Бас ауру мен бас айналу. Дәрігердің айтуынша, бұл да гемоглобинге байланысты белгі. Яғни, қанда гемоглобин аз болған соң, басқа оттегі жетпей, қан қысымы пайда болады. Содан қан тамыры ісінеді. Бас ауруы содан пайда болады.
Ентігу. Бұл түсінікті. Адамға ағзасына оттегі жетпегесін оны толтыру үшін демігіп тыныс алатыны анық.
Бет-әлпет пен шаш құрғауы. Бәрі оттегінің жетіспеуінен шығады. Басқа оттегі жетпегесін құйқаға оттегі жетпей, құрғап кетеді. Оның үстіне, темір – шаштың өсуіне қажет микроэлемент. Ол жетпесе, шаш түседі.
Көп инфекция. Темір ағзаның иммунитетін қалыптастыруға көмектеседі. Лимфоцит азайған иммунды жасуша инфекцияға қарсы тұра алмайды. Содан ағзада инфекция көбейіп кетеді.
Көңіл-күй түсу. Темір бақыт гормоны – дофаминді бөлісуге қатысады. Ол азайса, адамда көңіл-күй болмайды.
Жерік болу. Ағзасында темір аз адам бір түрлі заттарға жерік болады. Мұз, балшық, бор, қағаз бен әк жеу – осының белгісі.
<a href="https://massaget.kz/layfstayl/Zdorove/65859/">Massaget.kz</a>

Адамға темір жетпейтінін білдіретін 8 белгі

<a href="https://kyzylorda-news.kz/">Kyzylorda-news.kz</a>. Сарапшылар жастықты ұзартуға немесе қартаюдың әсерін азайтуға көмектесетін&nbsp;он өнімді атады.
Жастықты ұзартатын негізгі өнімдердің бірі – грек жаңғағы. Құрамында полиқанықпаған майлар мен омега-3 қышқылдары&nbsp;көп болғандықтан, холестеринді реттейді және жүрек ауруының пайда болу қаупін азайтады.
Лосось та пайдалы өнімдер қатарында – ол омега-3 қышқылдары мен ақуыздарға бай. Бұл балық артерияларда холестериннің жиналуына жол бермейді, жүрек соғу жылдамдығын сақтайды және теріні қартаюдың әртүрлі белгілерінен, мысалы, қара дақтар, әжімдер, қоңыр дақтардан қорғайды.
Үздік үштікте көкжидек бар. Аталған жеміс жасқа байланысты жад пен қозғалыс функциясының бұзылуынан қорғайтын күшті антиоксидант.
Шпинат ақыл-ойдың бұзылуын, көру қабілетінің төмендеуін және сүйектің деградациясын төмендетеді.
Сонымен қатар, қартаюдан сақтайтын өнімдерге&nbsp;көк шай, брокколи, зәйтүн майы, ащы шоколад, қызанақ және қызыл қоңыр бұрышы жатады.
<a href="https://stan.kz/">Stan.kz</a>

Қартаюға қарсы 10 өнім

Kyzylorda-news.kz. «Кішкентай ханзада» шығармасы – тұнған пәлсапа. Көпшілік атауын оқып кішкентай ханзаданың басынан кешкендері сөз етілетін болар, балаларға арналған ертегі деп ойласа керек. &nbsp;Шындығында, бұл шығармада әлемнің барлық тұрғынына қатысты ойлар айтылады.&nbsp;
Француз жазушы Антуан де Сент-Экзюперидің үлкендерге арналған балалар ертегісі 1943 жылы жарық көрген. 70 жылда әлем тұрғындары алтын шашты баланы танып, нақылға толы шығармамен сусындап келді. Шығарма 180 тілге аударылған, оқиға желісі бойынша фильм де түсірілген, әуен де жазылған. Бүгін сіздердің назарларыңызға шығармадан алынған дана ойларды ұсынбақпыз. Астарлы нақылды бірге шешейік.
«Әркімнің өсірген раушан гүлі өзіне ыстық, себебі бар уақытын соған арнайды».
Жер – ғажап ғаламшар. Адамдар Жерде айтарлықтай көп емес. 7 миллиард. Тіпті, одан көп болуы да мүмкін. Бірақ, әркімнің ең жақыным деген санаулы адамдары болады. Уайым-қайғы, қуаныш-шаттық деген секілді сәттерді бірге бөліскен адам – Антуан де Сент-Экзюпери айтқан раушан гүлі. Дегенмен, біз адамды емес, онымен өткізген уақытты сағынамыз. Жақын адамыңыз жаныңызда отырса да, «Ех, сол күндер-ай» деп, онымен өткізген шақты еске аламыз.
«Өз-өзіңе жаза тағайында, – дейді патша. – Бұл ең қиыны ғой. Өзіңді сөгу өзгені сөгуден қиынырақ екен. Егер өз-өзіңе жаза сайласаң, ақылдылығыңның белгісі».
Адамдар бір-біріне үкім шығарғанды жақсы көреді. Қазір қарым-қатынас айнасы болған әлеуметтік желіде қит етсе, адамдар бір-бірін сөге жөнеледі. Танымал тұлғалардың өміріне араласып, оларға дұрыс өмір сүру қағидасын үйреткісі келеді. Мінді өзгеден емес, өзіңізден іздеңіз.
«Көз екеу болғанымен көпті көре бермейді. Ал жүрек біреу болса да, бәрін көреді».
«Жүрегіңді тыңда». Көптеген фильмдерден, тіпті достарыңнан жиі еститін даналықтың бірі. Әлемдегі «Мен сені сүйемін» деген сөйлемнен кейін жиі айтылатын сөздердің бірі. Бірақ біз дұрыс қабылдай алмайды екенбіз. Көзбен көріп, шешім шығару – асығыстықтың белгісі. Ал жүрекке салып ойлану – бір басқа.
«Жақындарыңыз үшін жауап бересіз»
Бір минутқа, тіпті бір секундқа жақындарыңызды естен шығаруға рұқсат жоқ. Кеше айтқан жас ғаламына еніп кетпеуіне жауап береміз. Олардың амандығын тілеп, үнемі қамқор болуыңыз керек.

Адамдар бір-біріне үкім шығарғанды жақсы көреді

<a href="https://kyzylorda-news.kz/">Kyzylorda-news.kz</a>. Коуч Лиза Бей­кер биодаралық концепциясын қолдайды. Бұл идеяның мәні мынада: әр адам әртүрлі. Біреуге күз жағады, біреуге жаз ұнайды, ал біреу жұрттан бұрын ерте тұрады, біреу түнімен шабыттана жұмыс істейді. Дегенмен Бейкер әр адамға қолайлы, ортақ қағидалар бар екеніне сенеді. Назарыңызға күнді дұрыс жоспарлауға көмектесетін маманның жеті кеңесін ұсынамыз.
<ol>
<li>Мүмкін болса оятқышсыз ояныңыз</li>
</ol>
Оятқышпен ояну – стресс. Оятқыш ағзада стресс реакцияларының түзілуіне себеп болады.&nbsp;Одан бас тартып үйрену үшін ұйқыға жұмсайтын уақытты есептеп, уақытылы жатыңыз.
<ol start="2">
<li>Әр күнді гаджетсіз бастаңыз</li>
</ol>
Поштада жауап күтіп тұрған хат міндетті түрде болады. Әлеуметтік желіде оқығың кеп тұратын посттар да самсап тұрады. Бірақ соның орнына бес-он минут тыныс алу жаттығуын, медитация жасауға дағдыланған жөн. Ал егер ерте тұрсаңыз, физикалық жаттығуға, таңғы ас жасауға, кітап оқуға уақыт арнаңыз.
<ol start="3">
<li>Күнді уақыт блоктарына бөліңіз</li>
</ol>
Адам бір уақытта бірнеше жұмысты қатар істей алмайды. Істесе де бұл біз ойлағандай емес, бір жұмысты тастай сала екіншісіне ауысып отыру. Бұл адамның жұмыс өнімділігін 40%-ке төмендетіп жібереді. Сондықтан күнді жоспарлағанда әр жұмысқа толығымен беріліп істейтіндей уақыт бөліңіз. Ол үшін браузердегі артық беттерді жауып, хабарламаларды өшіріп қойыңыз. Осындай уақыт блоктары арасында поштаңызды тексеріп, кейінге қалдырған қоңырауларға жауап беруге болады.
<ol start="4">
<li>Спорт пен тамақтану уақытын алдын ала белгілеңіз</li>
</ol>
Біз бір шаруаға уақытым жоқ десе, оны өзіне приоритет санамағаны. Адам өзіне энергия беретін нәрседен басқасына уақыт табуға бейім, уақытылы спортпен шұғылданып,&nbsp;уақытылы тамақтанудың маңызын көбі жете бағалай бермейді. Егер біз клиенттерге, отбасымыз бен достарымызға уақыт тапсақ, не себепті өзімізге уақыт таппаймыз?
<ol start="5">
<li>Бірнеше шаруаны бірге тындырып тастаңыз</li>
</ol>
Бір уақытта бірнеше жұмысты қатар істеу, әрине, зиян. Бірақ бір-біріне кереғар болмайтын шаруалар бар. Мысалы жақындарыңызбен кездескенде бірге дүкен аралап үлгеруге, достарыңызбен кездескенде бірге спортпен шұғылдануға, үй жинап жүріп аудиокітап тыңдауға болады.
<ol start="6">
<li>Ертеңге жоспар құрыңыз</li>
</ol>
Әр минутты жоспарлаудың қажеті жоқ. Ертең істеуіңіз керек ең негізгі шаруаларды тізіп шығыңыз. Ал егер жоспардағы кейбір нәрсе ұнамаса, Брайан Трейсидің “Бақа жеп ал!” кітабындағы қағиданы орындау керек. Автор орындалуы қиын немесе адамға жақпайтын жұмыстарды бақаға теңейді де, алдымен ең үлкен, ұсқынсыз бақаны жеп алуға үндейді.
<ol start="7">
<li>Уақытылы ұйықтаңыз</li>
</ol>
Ұйқыға қанша уақыт керегін анықтап алғаннан кейін қай уақытта оянатыныңызға қарай уақытылы ұйықтап үйреніңіз. Күнді қалай бастасаңыз, солай аяқтаңыз: ешбір гаджетсіз.
<a href="https://massaget.kz/layfstayl/zhadnama/63667/">Massaget</a>

Күнді дұрыс жоспарлауға көмектесетін 7 кеңес

<a href="https://kyzylorda-news.kz/">Kyzylorda-news.kz.</a> Бала тәрбиесі өте күрделі мәселе. Себебі, ол – сенің келешегің. Дүниеге келген әрбір баланың болашаққа басқан қадамында, жеке өмірінде ата-ана тәрбиесінің ізі көрініс береді. Қазақ елі әсіресе қыз бала тәрбиесінде аса мұқияттылықпен қараған. Қыз бала – жат жұрттық, ертең ол бөтен жерде, өзге үйдің түтінін түтетеді, ата-анасының тәлім-тәрбиесін өзге жерге көрсетеді.
Келешекте қыз бала бақытты, табысты, тартымды болуы үшін кішкентайынан не үйретіп, қалай тәрбиелеу керек? Қателіксіз, дұрыс жолды таңдауына, алтын уақытын болмашы істер үшін босқа өткізбеуіне қалай көмектесуге болады? Бұл қыз өсіріп отырған әрбір ата-ананың көкейіндегі сұрақ болса керек. Бірақ мұның аса күрделі, қиын ештеңесі жоқ. Бастысы қыз тәрбиесіндегі маңызды кезеңдерде көңіл тоқтатып, зейін қоя білу қажет, дейді ата-аналардың көптеген сұрақтарын жинақтап, саралап көрген мамандар. Егер қыз тәрбиесінде төмендегі қарапайым ережелерді ескерсе, әрбір ата-ана арманына жетуіне мүмкіндігі мол.
Қыз бала ӘДЕМІ болып бойжетсін десеңіз…
Бірінші ереже. Ешуақытта қыз баланың сырт келбетін сынға алып, артық айтуға болмайды, оларды тек мақтан ету қажет. Себебі қыз баланың келешекте жеке өміріндегі сәттіліктер мен өзіне деген сенімділігі мықты болуы үшін өз тартымдылығын, сүйкімділігін сезіну аса маңызды. Сондықтан қызыңыз айна алдына жиі баратын болса, ол үшін ұрысудың қажеті жоқ, керісінше әдемілігін айтып мақтап қойыңыз. Тек ерте бастан боянуға жол бермеңіз. Уақыты келгенде шамалы жеңіл боянып, сән түзеуге бағыт беріп жіберсеңіз болғаны. Әйел баласының нағыз табиғи сұлулығы, боянған түрден әлдеқайда жоғары бағаланатынын, Ішкі жан дүниесінде өзіне сенімді, көңілі толған, бақытты болса, сыртқы тартымдылығы соғұрлым арта түсетінін айтып түсіндіріңіз!
Қыз бала СҮЙКІМДІ болсын десеңіз…
Екінші ереже. Қыз баласына жақсы көретініңізді жиі айтып, құшаққа алып сүйіп қоюды ұмытпаңыз! Себебі ананың балаға деген махаббаты ешуақытта артық болмайды. Қыз бала ата-анасының өзін қалай жақсы көретінін біліп, келешекте қолдау таба алатынына сенімді болуы қажет. Жанына жақын жандрдың махаббатын сезініп, сенімділікке бой алдырған жан, келешекте шынайы мен өткінші, алдамшысезім арасын ажырата алатын болады. Қыз бала өскен сайын оған өзін қадірлеуді, жақсы көруді, ойындағы сөздерін нақты айта білуге үйрету керек. Себебі адам баласы өзіне қалай қараса, айналасы да сондай көзқараспен қарайды. Сондай-ақ тек өзін ғана емес, айналасындағы жандарды да құрметтеуге үйрету керек.Өзгелердің де әдемі, ақылды, өзі секілді жан екенін түсіндіріңіз!
Қыз бала БАҚЫТТЫ болуы үшін…
Үшінші ереже. Қыз өсірген әрбір ата-ана оның өмірінде қызықты, көңілді сәттердің көп болғанынакөңіл бөлу қажет. Яғни қыз балаға болмашыға жиі ұрсып, көңілін түсірмеу керек. Отбасындағы жандардың өзін қорғайтынына, қолдайтынына сенімді болуына көмектесіңіз! Мүмкіндік болса, жиі сыйлық әперіп қуантып қойыңыз. Бірақ айтқанын орындап, еркелікке салынуына жол бермеңіз. Тек жақсы көргеннен әпергеніңізді айтып отыруды ұмытпаңыз! Сондай-ақ қыз балаға мейлінше ашық түсті, гүлді киімдер кигізуге тырысыңыз. Бұл оның көңілінің көтеріңкі жүруіне көп көмектеседі.
АҚЫЛДЫ қыз тәрбиелеймін десеңіз…
Қызды ақылды, саналы етіп тәрбиелеу – бұл төртінші ереже. Өз қауіпсіздігі үшін адамдарды, жағдайды ажырата білуге үйрету қажет. Бұл бірден болатын нәрсе емес. Дегенмен құлағына құйып айта берген соң бала бірте-бірте ненің жақсы, ненің жаман екенін, пайдалы мен пайдасыздың ара-жігін ажырата бастайтын болады. Ол үшін әрбір ана баласына үлгі болуы қажет. Кез-келген істі ұрыс-керіссіз саналы түрде шешуге тырысыңыз! Әсіресе балалардың көзінше достарыңызбен болса да артық ауыс әңгіме айтып, арзан ойын-күлкіден аулақ болған жөн.
Қыз бала МЕЙІРІМДІ және жанашыр болуы үшін
Бесінші ереже. Қыз баланы мейрімділікке, жанашыр болуға тәрбиелеу керек. Жұмыстан келгенде немесе бас ауырып, балтыр сыздағанда, шәй, су, дәрілерді әкелуге, жеңіл-желпі шамасы жететін нәрселерін әкелуге мүмкіндік беріңіз. Қыз баланың табиғатына өзгеге қамқор болу жазылған. Сондықтан кішкентайынан мейірімді, жанашырлықты бойына сіңіріп өскен бала келешекте өз отбасынан да мейірімді аямайтын болады. Егер қызыңыз өзгелерің кемшілігіне күле қараса бірден тиып тастаған дұрыс. Себебі ешкім өзіне кем болайын деп тілемейді, бұл тағдыр ісі екенін түсіндіріңіз! Әрбір болмайды және болады деген сөзіңіздің жанына анықтамасын қоса айтыңыз. Яғни оның не себепті болмайтынын түсіндіру керек. Бала өзгеге ата-анасынан қорыққанынан емес, ішкі жан дүниесімен жаны ашуы керек.
ПЫСЫҚ болсын десеңіз…
Алтыншы ереже бойынша, қыз баланы міндетті түрде үй шаруасына, еңбекке үйрету керек. Әрине балаға артық, қиын жұмыстар жүктеу дұрыс емес. Бірақ күнделікті үй шаруасы келешек ауыр жұмыс секілді көрінбеу үшін, кішкентай кезінен жәймен жұмсап үйрете берген абзал. Тамақ жасағанда, ыдыстарды тасып беру, шаң сүрту секілді жеңіл жұмыстардан бастаған дұрыс. Бұл жерде де ананың қызы үшін бірінші үлгі екенін ұмытпаңыз! Ол анасына қарап бой түзейді.
Қыз бала талантты әрі ТАБЫСТЫ болуы үшін
Соңғы жетінші ереже – қыз баланы белсенді және жан-жақты етіп тәрбиелеу. Қыз баланы кішкентай кезінен биге, қолөнерге, әнге, суретке тағы басқа неге шамалы икемі, қызығушылығы бар, соның бәріне үйрету қажет. Осы арқылы қыз бала психологиялық тұрғыдан да физикалық жағынан да дамитын болады. Физикалық тұрғыдан денесін түзу ұстап жүруді т,б үйренеді (мысалы бимен, гимнастикамен айналысқан жағдайда). Сондай-ақ табандылық, өжеттілік, мақсатына жету секілді мінез кескіндері қалыптаса бастайды. Баланың болашақ мамандығын таңдауда оның ойымен санасу қажет. Балам үшін не жақсы екенін мен жақсы білем, деп өзімбілемдікке салынуға болмайды. Қыз баланы ерекше мейіріммен, махаббатпен өсіріңіз -нәтижесі міндетті түрде қуантатын болады!
<a href="http://ernur.kz/">ERNUR</a>

Қыз балаға гүлді көйлек кигізу керек, себебі&#8230;

<a href="https://kyzylorda-news.kz/">Kyzylorda-news.kz.</a> Ғалымдар смартфонды өзге заттармен араластырмай бөлек ұстаған жөн дегенді айтады.
Мәселен, Г.В.Плеханов атындағы Ресей экономикалық университетінің доценті Александр Тимофеевтің айтуынша, екі телефонды бір жерге, бірінің үстіне бірін қоюға болмайды. Өйткені қос смартфоннан шыққан радиодыбыс ұлғайып, жанындаға адамдарға қауіп келтіруі мүмкін.
Сондай-ақ ұялы телефонның жанына банк карточкасын қойған да, қабына салып бірге алып жүрген де дұрыс емес. Ұялы телефоннан тараған радиосәуле банк картасының жұмысына, сақталу мерзіміне залал келтіруі ықтимал.
<ul>
<li>Телефонды косметикамен бірге сөмкеге салуға да болмайды. Өйткені косметика қаптамасындағы магниттер дыбыс пен байланысты бұзып, телефон жұмысын баялатады. Ал радиосәуле сіңген косметика адам ағзасы мен терісін қабындыруы мүмкін, – дейді ғалым.</li>
</ul>
Сондай-ақ ғалымның айтуынша, сымсыз құлаққаптан шыққан электромагниттік толқын адам миына әсер етуі мүмкін. Сондықтан оны көп пайдаланбаған жөн.
<a href="https://massaget.kz/layfstayl/tehno/63025/">Massaget</a>

Смартфонның жанына банк картасын қойған дұрыс емес

Kyzlorda-news.kz . Пайдасы жоқтың бәрін таста! Дәл қазір. Жина да қоқысқа таста! 
Мәселен, ылғи аяғыңды қажайтын, кисең болды сүріне беретін туфлиді. Бір жағы істемей қалған құлаққапты. Ескі сервизден қалған жалғыз тәрелкені. Сыртқа шығарып, қоқыстың жанына қалдырып кет. Керек қылған біреу алар. Диетаның тізімін. Тоңазытқыштың сыртында ілініп тұрған. Қалжыңсыз.
Күнде кешке таман хабарласып: “Неткен сұмдық!” дейтін қимасың болады. “Иә, әрине!” деп тұрып ойың басқада болса, нең бар оның сұмдығында, екінші жауап қатпа.
Таңертемен: «Тағы бес минут!» — дегенің телефондағы таймерге бәрібір. Не қарғып тұр, не ерте жатып дағдылан. “Ұят боладыға” тіреп, оятқыш қойма. Істемейді!
Баяғыда істеген істеріңе, таңдауыңа, қарым-қатынастарыңа бола өкінбе. Өкініштің түк пайдасы жоқ. Бәрі дұрыс. Сол кездегі сен үшін ол ең дұрыс шешім болған. Сабақ алғаныңа разы бол.
“Ал, егер…” деме. Ешқашан. Шамаң келсе, істе. Ұнаса — ары қарай жүр. Жапон тілі ұнаса — үйрен, танысқың келсе — хат жаз, басқа жұмыс керек пе — ауыс, шашың ұнамай ма — өзгерт, көңілің тартса — театрға бар. Тағысын тағылар… Тура ертең ұнаған бір істі тындыр. Ойланба. Әрекет қыл.
Қайта-қайта кешірім сұрау әдетінен арыл. Бір рет айтсаң да жеткілікті. Егер шын себебі болса. Қалғаны артық.
“Шабадан қарым-қатынас” — бір болу қиын, тастау аянышты. Қолың талмады ма? Әдемі дөңгелегі бар қымбат кейстерге көш. Өзі жүреді. Рахат. Әдемі, жеңіл, жайлы, сенімді. Сөздің төркіні түсінікті ме?
“Әйтеуір кездесеміз” дейтін уәде, қол тигенде хат жазам, істеймін, ала келем, сыйлаймын дегендер — аптадан артық ауада ілініп тұрса, оған дейін ешкім өліп қалмаса, соның бәрінің түк қажеті болмағаны. Ол адам артық жүк. Таста. Жеңілде.
“Қолымнан келмейді” не “мұны түсінбеймін” деген сөздер — пайдасыз. Оқы, түсін, біл, жасап үйрен, білетін адамның ақысын төлеп істет. Бірақ істе. Өмір өз қажетсіздігіңді түсінуден емес, өмірді жеңілдетуден тұрады. Солай емес пе?
Көзіңе жас үйіріліп, көңілді сыздататын естеліктерден арыл. Шамаң келсе, ұмыт. Қайтадан еске түссе — «delete»- ті бас. Өмірді улай берме. Енді өзгерте алмайтын нәрсеге бола жылама. Өтті, кетті.
Үнемі елдің ығына жығылып, “жақсы адам” боп көрінуге тырысу, айтарың бар кезде де басқаның көңіліне қарауды доғар — бұл мінезді түп-тамырымен жұлып таста. Айт, пікір білдір, сұра, түсіндір. Әдепті түрде, мәдениетті түрде өзіңнің ойыңды жеткізіп үйрен. Жақсы адамдар жұмаққа барады, ал жамандар кез келген есікті ашады.
Қартаюдан қорқу, жаңадан үрейлену, өз сұлулығыңа күмәндану, бақытыңа сенбеу — бәрін қалың қалтаға сап, отқа таста. Күлін көкке ұшыр. Мұның бәрі өмір сүруге кедергі. Еш көмегі жоқ.
Сынған есік, айна, тұтқа, асүйдегі пеш, шәугім, шайнекті жөндеу қымбат. Таста. Жаңасын аласың. Өзің қалағаныңды ал. Интернетте уақыт өлтіруді доғар.
Осыны оқып болған көшеге шығып, серуендеп кел. Далада бәрі басқаша. Самал жел, күн, жауын, қар. Жаяу жүр. Тыныста. Айналаңа қара. Тазалықты сезін. Мұның бәрі өмір ғой. Тіршілік. Бұлар саған жұмыс істейді”.
Алла Эльман 
Аударған Шынар Әбілда

Өміріңе керексіз барлық заттардан арыл

<a href="https://kyzylorda-news.kz/">Kyzylorda-news.kz.</a> Бала үшін ана сүтінен асқан тағам жоқ. Алайда 4-5 айға толғаннан кейін олардың асқазаны жаңа туған кезіне қарағанда жетіліп, дами түседі. Демек сүттен өзге тағамдарды да қорыта алады және қажетсінеді. 6 айға толмаған балалардың тамақтану тәртібі қандай болуы тиіс?
• Таңда сүт; 
• Түске дейін сүтсіз ботқа (жүгері, картоп, ұнтақ ботқасы); 
• Түстен кейін сүт (ана сүті не қоспа) және езілген көкөніс (картоп, сәбіз, брокколи, кәді); 
• Кешке дейін сүт және езілген жеміс (алма, алмұрт); 
• Кешке сүт, компот.
Бір жасқа толмаған балаларға беруге болмайды:
– шұжық өнімдері; 
– кондитерлік тәттілер; 
– теңіз өнімдері; 
– тұзды, майлы ет; 
– қызыл түсті (аллергенді) жемістер мен көкөністер; 
– цитрустық, экзотикалық жемістер; 
– саңырауқұлақ; 
– жаңғақ; 
– бал; 
– чипстер; 
– газдалған сусындар.
8-10 айдан асқан балалар ана сүтінен өзге қосымша тамақ жемейтін болса мынадай келеңсіздіктер болуы мүмкін:
– қаназдық; 
– жаңа дәм мен иісті қабылдау қиынға соғады; 
– шайнауды кеш және қиындықпен үйренеді, демек ас қорытуында да мәселе туындайды; 
– тағамдық құндылықтар жетіспегендіктен, физикалық жетілуі де кешеуілдейді.
<a href="https://massaget.kz/layfstayl/Zdorove/58556/">Massaget</a>

6 айдан асқан балаға қосымша тамақ рационы

Kyzylorda-news.kz. Елімізде темір тұлпар мінгендер қатары күн санап артып келеді. Арамызда алдағы күндері арғымақ мінсем деп жүрген жандар да жетерлік. Жасыратыны жоқ, су жаңа көлік мінетіндер қатары көп емес. Ал бұрын мінілген көлікті сатып аларда нені білген жөн. Оның сапасын қалай анықтауға болады?
• Бұрын мінілген көлікті таңдар кезде, ең бірінші көңіл аударатын нәрсе – оның техникалық жағдайы. Негізінен, автокөлік үлкен 3 бөліктен тұрады. Ол шанағы (кузов), моторы және қосжүрісі (ходовкасы). Осы 3 бөліктің жағдайына баса назар аударған жөн. Егер де олардың жайын тексеруге техникалық біліктілігіңіз жетпесе, машина жөндейтін таныс шеберден немесе техникадан хабары бар досыңыздан көмек сұраңыз.
•&nbsp;Өзіңізге ұнаған машинаны қараған кезде шанақтың жағдайын тексерген дұрыс. Шанақтың тот басу-баспауын, бауырын (днище) тексеру қажет, арнайы қоспалар жақында жағылған болса, өте сақ болған дұрыс. Себебі сатушы иесі тотты жасыру үшін бояп қоюы мүмкін.
•&nbsp;Дөңгелек тұратын ұяның (колесная арка), есіктің ернеулерінің тігістерінде тот болмағаны дұрыс. Ал шанаққа жағылған бояудың бір текті болғаны жөн.
•&nbsp;Көліктің жол апатында (аварияда) болғанын-болмағанын білуге де болады. Мәселен, шанақтың қабысатын бөліктерінің арасындағы ұзын саңылаулардың біркелкі болмауы (капоттың шанақты жауып тұрған кездегі оның оң және сол жағындағы саңылауы), жапқан кезде есіктердің шанақпен нық қабыспауы, шанаққа жағылған бояудың біртекті болмауы, лонжерондарында жамау болса, олар оңдалған болса, онда машина сапасына күмән келтіруге болады.
•&nbsp;Капотты ашып, майдың деңгейін тексеретін таяқшаның ұшындағы жанармайға көңіл бөліңіз. Ол күйедей қап-қара, судай сұйық болмауы тиіс. Моторы жаңадан тазаланып-жуылған болса, ол сатушының май дақтарын жасыруға бағытталған қулығы болуы мүмкін. Ерінбей СТО-да мотор поршеньдарының қысымын тексертіңіз, себебі мотордың қуаты осы қысымға тікелей байланысты.
Қорыта айтқанда, көлік таңдауда бұдан да басқа мән беретін мәселелер көп. Ал бұрын мінілген көлікті сатып аларда сіз неге мән бересіз?
<a href="https://massaget.kz/layfstayl/tehno/bilesiz-be/62911/">Massaget.kz</a>

Қазақстан және Қызылорда облысының жаңалықтары: Керек дерек

Жұмаға арналған ауа райы болжамы

3 қарашада күн райы қандай болады

Күздің басты 10 тренді

Адамға темір жетпейтінін білдіретін 8 белгі

Қартаюға қарсы 10 өнім

Адамдар бір-біріне үкім шығарғанды жақсы көреді

Күнді дұрыс жоспарлауға көмектесетін 7 кеңес

Қыз балаға гүлді көйлек кигізу керек, себебі…

Смартфонның жанына банк картасын қойған дұрыс емес

Өміріңе керексіз барлық заттардан арыл

6 айдан асқан балаға қосымша тамақ рационы

Көлік сатып алушыға 5 кеңес

Қазақстан және Қызылорда облысының жаңалықтары: Керек дерек

Жұмаға арналған ауа райы болжамы

3 қарашада күн райы қандай болады

Күздің басты 10 тренді

Адамға темір жетпейтінін білдіретін 8 белгі

Қартаюға қарсы 10 өнім

Адамдар бір-біріне үкім шығарғанды жақсы көреді

Күнді дұрыс жоспарлауға көмектесетін 7 кеңес

Қыз балаға гүлді көйлек кигізу керек, себебі&#8230;

Смартфонның жанына банк картасын қойған дұрыс емес

Өміріңе керексіз барлық заттардан арыл

6 айдан асқан балаға қосымша тамақ рационы

Көлік сатып алушыға 5 кеңес

Қыз балаға гүлді көйлек кигізу керек, себебі…