Kyzylorda-news.kz. &nbsp;Қазалы ауданының 95 жылдығына арналған мерекелік іс-шаралар басталды.Р.Бағланова атындағы мәдениет орталығында аудан әкімі Мұхтар Оразбаевтың төрағалығымен «Кеше. Бүгін. Болашақ» атты ғылыми-танымдық конференция өтті.Жиынға қоғам қайраткерлері, зиялы қауым өкілдері, Қорқыт ата атындағы Қызылорда университетінің профессор-ғалымдары, аудандардан делегациялар, мәслихат депутаттары, қоғамдық ұйымдар мен БАҚ өкілдері, &nbsp;тұрғындар қатысты.Баяндамашылар тамыры терең, тарихы кенен Қазалы ауданының құрылу тарихы мен бүгінгі тынысы, әлеуметтік-экономикалық даму жолындағы жетістіктері жайында сөз қозғады.Мерейтойға арналған мәдени-көпшілік шаралар Жалаңтөс баһадүр атындағы орталық саябақта ағаш отырғызумен жалғасты. Көгалдандыру Қызылорда облысының 85 жылдығы мен Қазалы ауданының 95 жылдығына орайластырылғандықтан, 95 түп ағаш көшеті отырғызылды. Орталық саябаққа облыс әкімінің орынбасары Мейрамбек Шермағанбет, аудан әкімі Мұхтар Оразбаев және Астана, Алматы, Шымкент, Қызылорда, Батыс Қазақстан облыстарынан келген меймандар, ардагерлер, қоғам қайраткерлері мен мәслихат депутаттары ағаш екті.Мұнан бөлек, осы күні жаңа спорт алаңы пайдалануға берілді. Тұрғындардың өмір сапасын арттыруға, жастардың бос уақытын тиімді өткізуіне арналған алаң Қазалы қаласында бой көтерді. Жаңа спорт алаңының ашылу салтанатында облыс әкімінің орынбасары Мейрамбек Шермағанбет аймақ басшысының аудан халқына арнаған құттықтауын жеткізді.Қазалы ауданының Құрметті азаматы Болатбек Пұсырманов сөз сөйлеп, жиналғандарды мерекемен құттықтады.<img src="https://knadmin.beoblood.kz/uploads/IMG_20231111_WA_0004_b6501b1ce8.jpg" alt="IMG-20231111-WA0004.jpg"><img src="https://knadmin.beoblood.kz/uploads/IMG_20231111_WA_0000_ad4ec00100.jpg" alt="IMG-20231111-WA0000.jpg"><img src="https://knadmin.beoblood.kz/uploads/IMG_20231111_WA_0001_8329c578e4.jpg" alt="IMG-20231111-WA0001.jpg"><img src="https://knadmin.beoblood.kz/uploads/IMG_20231111_WA_0002_3f0b715829.jpg" alt="IMG-20231111-WA0002.jpg">

Қазалы ауданының 95 жылдығына арналған іс-шаралар өтуде

Kyzylorda-news.kz. Биыл облыстың энергия тиімділігін арттыру мақсатында арнайы Жол картасы бекітіліп, 4 жобаға қаржы бөлінді. Нәтижесінде, көше жарықтары шамдарын ауыстыруға және энергия үнемдегіш шамдар орнатуға қаржы қарастырылды. Бұл жөнінде Өңірлік коммуникациялар қызметінің ақпарат алаңында облыстық энергетика және тұрғын үй-коммуналдық шаруашылық басқармасының басшысы Болатбек Ысмағұлов хабарлады.<blockquote>-«Ауыл – Ел бесігі» бағдарламасы аясында Жаңақорған кентіндегі электр желілерін жаңғырту жобасы қолға алынды. Осыған сәйкес, 165,4 шақырымға жуық электр желісінің құрылысы жүргізіліп, 1 дана тарату пункті және 55 дана қосалқы трансформаторлық қондырғылар орнатылды. Сонымен қатар, Сырдария ауданына қарасты елді мекендер, Шиелі кенті, Қазалы ауданы Әйтеке би кентінің электр желілерін қайта жаңғырту бойынша жұмыстар жүргізілуде. Келер жылы «Нұрлы Жер» мемлекеттік бағдарламасы аясында 7 ауданға арнайы қаржы бөлініп, тұрғын үй секторларының инженерлік коммуникациялық инфрақұрылым құрылысын жүргізу жоспарлануда, - деді басқарма басшысы Болатбек Ысмағұлов.</blockquote>Брифинг барысында «Қызылорда электр тарату тораптары» АҚ-ның басқарма төрағасы Батыржан Қаракөзов жыл басынан бері атқарылып жатқан жұмыстарға тоқталды.<blockquote>Мемлекет басшысы жыл сайын энергия үнемдеуге және энергия тиімділігін арттыруға баса назар аудару керектігін айтқан болатын. Осыған сәйкес, біздің мекеме алдағы 6 жылда орындалатын іс-шаралар жоспарын сапалы орындауда. Соның бірі – облыстағы электр желілерінің тозу деңгейі 66 пайызға, ал апаттық ағытулар 30 пайызға &nbsp;төмендеді, - деді Батыржан Көмекбайұлы.</blockquote>

«Ауыл – Ел бесігі»: Жаңақорған кентіндегі электр желілерін жаңғырту жобасы қолға алынды

Kyzylorda-news.kz. 2022 жылдан бастап 10 қараша ҚР &nbsp;«Цифрландыру және ақпараттық технологиялар қызметкерлерінің» кәсіби мерекесі болып бекітілді. Биыл екінші жыл сала мамандары айтулы датаны атап өтуде.Мереке қарсаңында Өңірлік коммуникациялар қызметінің баспасөз алаңына Қызылорда облысы әкімі аппаратының Цифрлық технологиялар бөлімінің басшысы Сәбит Ибадулла атқарылып жатқан жұмыстарды тілге тиек етіп, жүйелі жоспарлармен бөлісті.Қазіргі таңда осы салаға бағытталған бірнеше жобалар сәтті жүзеге асуда. Соның бірі - Astana Hub Халықаралық стартаптар технопаркінің тәжірибесін өңірлерде тарату қолға алынды. Осы ретті Қорқыт Ата атындағы Қызылорда университеті және өңірлік IT парк базасында Kyzylorda Hub өңірлік хабы жұмысын бастады. Бүгінде республикада хабтардың жұмысы бойынша 1-ші орында. Бұл - саланың қарқынды дамуының көрінісі.<blockquote>- Жастардың инновациялық идеяларын, стартаптарды қолдау мақсатында жыл сайын облыс әкімінің қолдауымен Pecha Kucha кездесулері, Hackathon IT жобалар байқауы және жыл қорытындысымен InnoFest Qyzylorda ауқымды инновациялық жобалар фестивалі тұрақты түрде өткізілуде. Осы уақытқа дейін аталған шараларға қатысушылар саны 8000-нан асады – деді Сәбит Ибадуллаұлы.</blockquote>Білім алушыларға құлаққағыс! 11 қараша &nbsp;күні «Smart City Kyzylorda Hackathon» идеялар байқауы өтеді. Байқаудың басты мақсаты – Start-Up жобаларды, цифрлы шешімдер мен талантты мамандарды іздеу. &nbsp;Байқау жеңімпаздары мен үздік қатысушыларға 900 мың теңге жүлде қоры және Қорқыт ата атындағы Қызылорда университетінің 3 оқу гранты табысталады деп күтілуде.

10 қараша ҚР  «Цифрландыру және ақпараттық технологиялар қызметкерлерінің» күні

Kyzylorda-news.kz. 10 қараша – Цифрландыру және ақпараттық технологиялар қызметкерлерінің күніне орай салтанатты шара өтті. Алқалы жиынға Қызылорда облысы әкімі аппаратының басшысы Шахмардан Байманов қатысып, сала мамандарының еңбегіне оң баға беріп, кәсіби мерекемен құттықтады.– ІТ мамандар – халықтың өмір сүру сапасын жақсартуға және жеңілдетуге үлес қосатын ерекше мамандық иелері. Шын мәнінде, цифрландыру әлем экономикасының басты драйверіне айналды. Мемлекет басшысы таяуда өткен Digital Bridge халықаралық форумында «Жасанды интеллект қалаларымызды өмір сүруге және жұмыс істеуге қолайлы әрі толыққанды «ақылды қалаға» айналдыру процесін айтарлықтай дәрежеде оңтайландыра алады» деп атап өткен болатын.Президент тапсырмасын сапалы әрі уақытылы орындауда жасанды интеллект бағытында елеулі қадамдар жасауды Қызылорда өңірі алғашқылардың бірі болып бастауда. Осы ретте сала мамандарын айтулы мерекемен шын жүректен құттықтаймын! –деді Шахмардан Асқарұлы. Мерекелік шарада цифрландыру саласында табысты еңбек етіп жүрген бірқатар мамандар облыс әкімінің Алғыс хатымен марапатталды. Іс-шара соңында мереке иелерінің құрметіне өнерпаздар әннен шашу шашты.

Сала мамандары марапат төрінен көрінді

Kyzylorda-news. kz. &nbsp;Егер сізге картаңыздан/шотыңыздан ақша қаражаты есептен шығарылды деген хабарлама келсе, ең алдымен оның себебін анықтау қажет. Банктер транзакцияларды тоқтата тұру түрінде шектеулер салуға құқылы, сондай-ақ мемлекеттік органдар мен лауазымды &nbsp;адамдардың тиісті шешімдерінің негізінде банктік шоттағы ақшаға тыйым салуы мүмкін. Тыйым салуды соттар, сот орындаушылары тиісті актілер мен қаулылардың негізінде іске асырулары мүмкін. Оған алименттерден төлеуден &nbsp;бас тарту, салықтар, үшінші тұлғалар алдында борыштар, айыппұлдар және т.б. төлемеу жөніндегі шешімдер жатады.&nbsp;Сот орындаушысы деген кім, ол қандай негізде жұмыс істейді және қарызыңыз болмаса, ақшаны заңсыз есептен шығаруды қалай болдырмауға болады – бұл жөнінде Fingramota.kz-ке ҚР Жеке сот орындаушыларының Республикалық Палатасы төрағасының орынбасары Ғалымбек Смағұлов айтып берді. Құқықтық қағидат бойынша сот орындаушысы мемлекеттік және жеке болып екі типке бөлінеді: олардың екеуі де атқарушылық құжаттарды (сот шешімі) орындау жөнінде заңмен жүктелген функцияларды орындайды, алайда олардың арасында айырмашылық бар.Мемлекеттік сот орындаушысы - сот шешіміне сәйкес атқарушылық құжаттарды мәжбүрлеп орындауға бағытталған шараларды қабылдау бойынша мемлекеттік қызметте тұрған және өзіне заңмен жүктелген функцияларды орындайтын лауазымды адам.Жеке сот орындаушысы (ЖСО) - уәкілетті орган берген атқарушылық құжаттарды орындау жөніндегі қызметпен айналысу құқығына лицензия негізінде заңды тұлға құрмай-ақ атқарушылық құжаттарды орындау бойынша жеке практикамен айналысатын Қазақстан Республикасының азаматы. Жеке сот орындаушысының лицензиясы шектеусіз мерзімге берілетін бас лицензия болып табылады және Қазақстанның бүкіл аумағында қолданылады. Жеке сот орындаушыларының өңірлік палатасы елдің барлық аймақтарында бар.Сұрақ: Сот орындаушысының жұмыс қағидаттары туралы айтып беріңізшіЖауап: Сот орындаушысы сот шешіміне сәйкес атқарушылық құжатқа сәйкес ғана әрекет етеді. Мысалы: адам қарыз бойынша борышты қайтармаса, кредиторлар оны сотқа берді. Сот талап-арызды кредитордың пайдасына қанағаттандырған жағдайда, борышкер сот шешімін орындауға не оны заңнамада белгіленген мерзімде даулауға міндетті. Әдетте, апелляциялық мерзім 5 күннен 1 айға дейін беріледі.&nbsp;Егер қарыз алушы бүкіл уақыт ішінде кредитор алдындағы берешегін өтемесе немесе апелляцияға бермесе, кредитор сотта атқару парағын алғаннан кейін, борышты банк арқылы не Республикалық ЖСО палатасы арқылы мәжбүрлеп өндіріп ала алады, олар өз кезегінде қатаң түрде «Атқарушылық іс жүргізу туралы» ҚР Заңында белгіленген схемамен әрекет етеді. Іс жүргізу ашылған кезде жеке сот орындаушысы борышкерді хабардар етеді, SMS-хабарлама автоматты түрде жіберіледі, сот орындаушысы мәжбүрлеп орындау шараларын қабылдайды, борышкердің банктік шоттарындағы ақшалай қаражатты өндіріп алынатын сома шегінде бұғаттайды. &nbsp; 2019 жылғы 24 қыркүйектен бастап «Қазақстан Республикасындағы банктер және банк қызметі туралы», «Төлемдер және төлем жүйелері туралы» Қазақстан Республикасы заңдарының жеке тұлғаның ағымдағы шоттарында ақша қаражатын сақтауға қатысты нормалары енгізілді. Қарыз бойынша мерзімі өткен берешекті 50% шегінде төлем талап негізінде өндіріп алу кезінде клиенттің ағымдағы шоттарында республикалық бюджет туралы заңда тиісті қаржы жылына белгіленген ең төмен күнкөріс деңгейінен кем емес мөлшерде сома қалады.&nbsp;Сұрақ: Қандай жағдайларда қаражатты есептен шығару негізсіз болып саналады?Жауап: Процестердің автоматтандырылуына байланысты банктер немесе ЖСО тарапынан қаражатты дұрыс есептен шығармау барынша азайды. Қазақстан Республикасы Әділет министрлігінің атқарушылық іс жүргізу органдарының автоматтандырылған ақпараттық жүйесі «Жеке тұлғалар» мемлекеттік дерекқорымен интеграцияланған, яғни іс қозғалған кезде тараптарды жеке тұлғалардың мемлекеттік базасымен идентификаттау жүзеге асырылады.&nbsp;Алайда, кейбір жағдайларда олқылықтар орын алуы мүмкін. Мысалы, сот орындаушысы төлем мөлшерін дұрыс есептемеуі және қажетті соманы әр түрлі шоттардан бірнеше рет есептен шығаруы мүмкін. Немесе заң бойынша өндіріп алуға тыйым салынған шоттан ақша алу. Мұндай қорғалған шоттарға мыналар жатады: алимент, жәрдемақы және басқа да әлеуметтік өтемақы алуға арналған арнайы шоттар.«Қазақстан Республикасындағы банктер және банк қызметі туралы» ҚР Заңына сәйкес банктер қарыз алушы банктік қарыз шарты бойынша міндеттемелерді орындамаған кезде, «арнайы» шоттардағы ақшаны қоспағанда, төлем талабын қою арқылы қарыз алушының ағымдағы шоттарындағы қарыз алушының ақшасына даусыз (акцептсіз) тәртіппен өндіріп алуға құқылы. Арнайы шот – бұл «қол сұғылмайтын» банктік шот, оның қаражаты қарыз алушының қарыз бойынша мерзімі өткен берешегі болса да, үшінші тұлғалардың өндіріп алуынан толық қорғалған. ҚР қолданыстағы заңнамасында 2019 жылдан бастап мыналарға: жәрдемақылар мен әлеуметтік төлемдерді есепке жатқызуға; кәмелетке толмаған және еңбекке жарамсыз кәмелетке толған балаларды асырап-бағуға арналған алименттерге; азаматтардың тұрғын үй құрылыс жинақтарын төлеуге; білім беру жинақтау салымдарына арналған шоттардан ақша өндіріп алуға тыйым салу көзделген. Заңнамаға сәйкес арнайы шоттағы ақшаға: тыйым салуға, банктер мен банктік емес ұйымдардың төлем талаптары бойынша, сот орындаушыларының инкассалық өкімдері бойынша өндіріп алуға жол берілмейді.Сұрақ: Адам ешкімге қарыз емес, алайда олқылық орын алғанда, қандай әрекеттер жасау керек?Жауап: Егер сот орындаушысы сіздің дұрыс алынбаған ақшаны қайтару туралы өтініштеріңізге жауап бермесе, ЖСО республикалық палатасына хабарласыңыз (www.zhso.kz). Сіздің ісіңізді жүргізетін сот орындаушысының атына негізсіз есептен шығаруды қайтару туралы өтініш жасаңыз. Өтінішті еркін түрде жасауға болады. Атқарушылық құжаттың нөмірін және негізсіз есептен шығарылған соманы көрсетіңіз. &nbsp;Өтінішке мынадай құжаттарды қоса беріңіз: банктік шоттан &nbsp;үзінді-көшірме, сот орындаушысы борышкердің сіз емес екеніңізге көз жеткізуі үшін жеке басты куәландыратын құжаттардың көшірмесі. Өтініште өзіңіздің қаулының күшін жою және ұсталған соманы қайтару туралы өтінішіңізді көрсетіңіз. Өтінішті e-Otinish қосымшасы арқылы республикалық ЖСО палатасына жіберу оңай болады. Егер сізде мұндай мүмкіндік болмаса, қағазға жазылған өтінішті міндетті түрде екі данада жасап, кеңсе қызметінде тіркеу керек, сіздің көшірмеңізге міндетті түрде тіркеу күнін көрсету отырып, құжаттың қабылданғаны туралы белгі қою керек екенін ескеріңіз.Сұрақ: Сот борышты өндіріп алу туралы шешім қабылдады, бірақ сот орындаушылары соманы дұрыс есептен шығармады. Мұндай жағдайда не істеу керек?Жауап: Өтінішті e-Otinish қосымшасы арқылы Республикалық ЖСО палатасына жіберіңіз. Өтініште сот орындаушысының атын көрсетіңіз және сізден тиісті сомадан артық сома ұстап қалғаны туралы хабарлаңыз. Өтінішке қоса мынадай қажетті құжаттарды беріңіз: борыштың мөлшерін көрсету арқылы сот шешімі және сот орындаушысына жасалған аударымдармен қоса шоттардан үзінді көшірме. Өтініште қате көрсетілген сома бойынша есептен шығарылған қаражатты қайтару туралы өтінішті және ақшаны қайтару қажет болатын шот нөмірін көрсетіңіз.Сұрақ: Борышкерден өндіріп алу заңмен қорғалған ақшаны алып қойған жағдайда не істеу керек?Жауап: Мысал үшін: банк жеке сот орындаушысына сіздің жәрдемақыңызды немесе тұтастай жалақыңызды жіберді. Бұл жағдайда мәселені банк арқылы шешуге тырысыңыз. «Атқарушылық іс жүргізу туралы» Заңға сілтеме жасай отырып, төлемді қайтару туралы өтініш жазыңыз және түскен ақшаны қайтадан тексеру туралы банкке өтініш жасаңыз. Банк сіздің өтінішіңіздің дұрыс екендігіне көз жеткізсе, ол жеке сот орындаушыларына ақшаны қайтару туралы өтінішті өзі бере алады. &nbsp;Сұрақ: Адам алған борышын даулады, сот атқарушылық құжаттың күшін жойды, алайда банк ақшаны сот орындаушысына қайта жіберуді жалғастыруда, бұл жағдайда қайда жүгіну керек?Жауап: Бұл жағдайда банк сіздің борышыңыздың жойылғаны туралы хабарлама алмаған болуы мүмкін. Ондай кезде сіз сот орындаушысынан атқару парағын қайтарып алу туралы қаулыны сұратып, оны банкке ұсынуыңыз керек. Осы әрекеттерді орындағаннан кейін есептен шығару тоқтатылады. Есептен шығарылған және аударылған ақшаны қайтару үшін сіздің ісіңізді жүргізген сот орындаушысына хабарласып, ақшаңызды шотыңызға қайтаруды сұраңыз. Егер сіздің өтінішіңізді қарау ұзақ уақытқа созылса және ЖСО палатасы сіздің өтініштеріңізге жауап бермесе, сондай-ақ ақшаңыз қалай болғанда да қайтарылмаған болса, онда сіздің заңсыз есептен шығарылған қаражатты қайтару туралы талап-арызбен сотқа жүгінуге құқығыңыз бар. Түрлі сұрақтарыңыз туындаған жағдайда, сіз Республикалық ЖСО палатасына мынадай: +7 7172 97 20 58 нөмірі арқылы қоңырау шала аласыз.Егер сіз кредитіңізді бірнеше ай бойы төлей алмайтыныңызды біліп тұрсаңыз, онда кредиторға өз еркіңізбен келіп, жағдайыңызды айтқаныңыз дұрыс. Әдетте қарыз алушыларда жұмысынан айырылу, ауру, басқа да ауыр себептер сияқты уақытша қаржылық қиындықтар және т.б. туындаса, кредиторлар олардың жағдайын түсінуге тырысады. Егер сіздің қаржылық жағдайыңыз қиындап кетсе, кірісіңіздің азайғанын және қосымша табыс табу мүмкіндігіңіздің жоқтығын растайтын құжаттарды дайындап қойыңыз. Сізге кредитті қайта құрылымдау, қайта қаржыландыру немесе төлем кестесін өзгерту сияқты қаржылық жүктемеңізді азайту жолдары ұсынылуы мүмкін. Кредиторлар сот ісін жүргізуге мүдделік танытпайды, себебі бұл процесс ешкімге де керек емес.Кредит бұл - үлкен жауапкершілікті талап ететін ұмытпағаныңыз жөн! &nbsp;

Сот орындаушысы: негізгі функциялары және жұмыс қағидаттары

Kyzylorda-news.kz. Алдын ала мәлімет бойынша, бұрынғы министр елордадағы Bau мейрамханасында мас күйінде әйелін соққыға жыққан.&nbsp; Ішкі істер министрлігі Астана қаласындағы мейрамханалардың біріне келушілер арасында жанжал шығып, салдарынан жарақат алған әйел оқиға орнында қаза болғанын хабарлады. Қалалық Денсаулық сақтау басқармасы 1992 жылы әйелдің көз жұмғанын растады.&nbsp; Күдікті қамауға алынып, тиісті сараптамалар тағайындалды.<img src="https://knadmin.beoblood.kz/uploads/IMG_20231109_215326_070_e6cb1f4e79.jpg" alt="IMG_20231109_215326_070.jpg"><img src="https://knadmin.beoblood.kz/uploads/IMG_20231109_215545_385_b54c330b0a.jpg" alt="IMG_20231109_215545_385.jpg">

Ұлттық экономика экс-министрі Қуандық Бишімбаев ұсталды

Kyzylorda-news.kz. Сырдария ауданына жұмыс сапарымен барған облыс әкімі Нұрлыбек Нәлібаев Қалжан ахун ауылын табиғи газға қосу рәсіміне қатысты.<blockquote>«Баршаңызды бірлігі бекем, тірлігі берекелі Қалжан ахун ауылының «көгілдір отынға» қосылуымен шын жүректен құттықтаймын. Бұл тұрғындардың көптен бергі арманы еді. Президентіміз бен Үкіметтің Сыр өңіріне ерекше қолдауының арқасында аймақ бюджеті өткен жылмен салыстырғанда 57 пайызға өсіп, 609 млрд теңгені құрады. Оның ішінде Сырдария ауданының бюджеті 10,3 млрд теңгеге жетті. Бұл қаражат өзекті мәселелерді шешуге, тұрғындардың өмір сүру сапасын арттыруға жұмсалуда.Облысты газдандыру жоспарының нәтижесі жылдан-жылға жақсарып келеді. Биыл 12 ауылдық елді мекенге газ кіргізу жұмыстары басталды, бұл – 40 мыңнан астам тұрғын табиғи газдың игілігін көреді деген сөз. Осылайша өңірде газбен қамту көрсеткіші 75 пайызға жеткізіледі. Келесі жылы да бұл жұмыстар жалғасады. Республикалық бюджеттен 12 млрд. теңгеге 12 ауылға «көгілдір отын» кіргізу жобалары қолдау тапты. Алдағы жылы осы ауданның А.Тоқмағамбетов, Сәкен Сейфуллин ауылдарына газ жүргізетін боламыз.Ауылдарыңызға келген «көгілдір отын» көптің игілігіне айналып, тұрмыс сапасын арттырып, әлеуметтік жағдайды жақсартуға оң әсер етеді деп сенемін», – деді аймақ басшысы.</blockquote>Іс-шарада «Ауыл – ел бесігі» ұлттық жобасы аясында Қалжан ахун ауылына газ жүргізуге үлес қосқан азаматтар облыс әкімінің Алғыс хатымен марапатталды.Рәсімнен кейін облыс әкімі табиғи газ игілігін көрген үйге кіріп, үй иесіне ізгі тілегін білдірді.Айта кетейік, биыл Сырдария ауданында бірқатар маңызды жоба қолға алынуда. Өңірде 2025 жылға дейін «Жайлы мектеп» ұлттық жобасы аясында құны 98 млрд теңге болатын 21 мектеп құрылысы жүргізілсе, оның біреуі Сырдария ауданында салынбақ.«Ауылдық денсаулық сақтауды жаңғырту» ұлттық жобасы аясында биыл Нағи Ілиясов ауылында дәрігерлік амбулатория пайдалануға беріледі. Мұнан бөлек, Іңкәрдария, А.Тоқмағамбетов, Қалжан ахун ауылдарындағы фельдшерлік амбулатория күрделі жөндеуден өтті. Келер жылы 7 ауданда салтанат сарайы, кітапхана, музей, архив, жастар, ардагерлер мен аналар бас қосатын «Руханият» орталықтары салынады. Осындай орталықтың алғашқысы Сырдария ауданында бой көтермек. Бұдан бөлек, Бесарық ауылында құны 218 млн. теңге болатын спорт кешенінің құрылысы жүргізілуде.Аудандағы автомобиль жолдарын жақсартуға былтыр және биыл 2,3 млрд теңге бөлініп, 60 шақырым жол жөнделді. Амангелді, Жетікөл, Айдарлы және Қоғалыкөл елді мекендерінде 152,4 шақырым электр желісі ауыстырылуда. Оған &nbsp;Ұлттық қордан, республикалық және облыстық бюджеттен 1,5 млрд теңге қаржы бөлінді.

Қалжан ахун ауылына табиғи газ қосылды

&nbsp;Kyzylorda-news. kz. &nbsp;Бүгін Сырдария және Шиелі ауданының тұрғындары Президент бастамасымен қолға алынған пилоттық аудан әкімі сайлауында дауыс беріп, ерекше белсенділік танытты.Таңсәріден ерте келген сайлаушылар маңызды күнде ауызбіршілік танытып, аудан игілігі үшін елеулі қадам жасады.&nbsp;Сағат 20.00-де барлық дауыс беру учаскелері жабылып, өз жұмысын аяқтады.&nbsp;Енді комиссия мүшелері дауыстарды санау жұмыстарына кірісіп, қорытынды ақпаратты жариялайды.&nbsp;Айта кетейік, Сырдарияда 22101, Шиеліде 50402 сайлаушы тіркелген.&nbsp; Екі ауданда барлығы 58 сайлау учаскесі құрылып, 388 комиссия мүшесі қызмет жасауда.<img src="https://knadmin.beoblood.kz/uploads/IMG_20231105_WA_0061_7ce55f6667.jpg" alt="IMG-20231105-WA0061.jpg">

Сайлау учаскелерінда дауыс беру аяқталды 

Kyzylorda-news.kz. Бүгін Қазақстан тарихында аудан және қала әкімдері сайланады.&nbsp;Пилоттық сайлау Қызылорда өңірінің Шиелі және Сырдария ауданында өтіп жатыр. Президент бастамасымен қолға алынған сайлауды жергілікті тұрғындар қолдап, өзі қалаған кандидаттарға дауыс беруде.&nbsp;Таңнан бері сайлаушылар учаскеге ерте келіп, өз таңдауларын жасауда. Екі аудан бойынша 6 кандидатқа 72 мың сайлаушы дауыс бере алады. Сайлау күні дауыс беру учаскелеріне балаларымен бірге келген отбасылардың қатары көп. Көпбалалы отбасылардың саяси науқанда белсенділік танытуы дәстүрге айналған.Дәл осы күні ауданда 2 нәресте дүние есігін ашқан.&nbsp; Саяси науқанда алғаш рет дауыс берген, алғаш рет некеге отырған ерлі-зайыптылар да өз таңдауларын жасады. Екі аудан бойынша 18 жастағы 1011 азамат бірінші рет дауыс беру мәртебесіне ие болды.Мұнан бөлек, әкелер және әжелер ансамблі, полициялар мен ұстаздар династиясының өкілдері де бюллетень алып, дауыс берді.Сайлау күні 109 бірыңғай байланыс орталығы үздіксіз жұмыс жасап тұр. Осы уақыт аралығында әртүрлі сұрақтармен 129 рет қоңырау түскен.&nbsp; Сайлауда 344 азамат үйден дауыс беруге өтініш қалдырған. Олардың бәріне де тасымалданатын жәшік барады.Барлық учаскелерде азаматтардың дауыс беру құпиялығы сақталатын арнайы кабиналар перделермен қамтылған. Сондай-ақ, сайлаудың ашықтығын бақылауға келген тіркеуден өткен байқаушылардың да легі көп. Сағат 15.00-ге дейін учаскелерде заң бұзушылықтар тіркелмеген.&nbsp; Айта кетейік, Шиелі және Сырдарияда барлығы 58 учаске жұмыс жасауда. Дауыс беру жергілікті уақыт 20.00-ге дейін жалғасады.

Сырдария мен Шиелідегі сайлау: маңызды күндегі ерекше сәттер

Kyzylorda-news.kz. Бүгін алғаш рет пилоттық негізде Қызылорда өңірінің Сырдария және Шиелі аудандары әкімінің сайлауы өтуде.&nbsp;Түске дейінгі уақыттарда сайлаушылар белсенді дауыс беріп, өз таңдауларын жасауда. Аккредиттелген байқаушылар мен кандидаттардың сенім білдірген азаматтары сайлаудың ашық өтуін қадағалауда.Qyzylorda телеарнасына Қызылорда облыстық сайлау комиссиясының төрағасы Әділбек Ерсұлтанов, төраға орынбасары Болат Накипов арнайы сұхбат берді.Айта кетейік, Сырдарияда 22101, Шиеліде 50402 сайлаушы тіркелген.&nbsp; Дауыс беру жергілікті уақыт таңғы сағат 07.00-ден басталып, кешкі 20.00-ге дейін жалғасады.&nbsp;

Сайлау барысы ашық әрі заңбұзушылықтарсыз өтіп жатыр 

Kyzylorda-news.kz. Бүгін Сырдария және Шиелі ауданының тұрғындары Президент бастамасымен қолға алынған пилоттық аудан әкімі сайлауында дауыс беріп, ерекше белсенділік танытуда.&nbsp;Саяси науқанда майдангерлер мен түрлі ансамбль өкілдері, бүгін шаңырақ көтерген жас жұбайлар мен өнерпаздар, спортшылар аудан үшін маңызды сәтте өз таңдауларын жасады.Маңызды күннен полицейлер династиясы да тыс қалмады. Олар Шиелі ауданындағы №290 сайлау учаскесіне барып, дауыс берді.&nbsp; Подполковник, ардагер Батырбек Қапарұлы мемлекет үшін маңызды әрбір сайлаудан қалыс қалмай, дауыс беретінін жеткізді. Айта кетейік, Сырдарияда 22101, Шиеліде 50402 сайлаушы тіркелген.&nbsp;Екі ауданда барлығы 58 сайлау учаскесі құрылып, 388 комиссия мүшесі қызмет жасауда.<img src="https://knadmin.beoblood.kz/uploads/IMG_20231105_WA_0015_1f5689fa92.jpg" alt="IMG-20231105-WA0015.jpg">

Полицейлер династиясы маңызды күнде  өз таңдауларын жасады

Kyzylorda-news.kz. Шиелі ауданы, Жиделіарық ауылының көкпаршылары бір кісідей келіп, №299 сайлау учаскесінде өз таңдауларын жасады.Ұлттық спортты серік етіп жүрген жігіттер Шиелі ауданында өтіп жатқан саяси науқанға бір кісідей қатысып қайтпақ ниетте атқа қонған. Саптама етік киіп, тобылғы қамшы ұстаған олар Шиелі ауданы әкімінің сайлауында өз таңдауларын жасады.<blockquote>«Бүгінгі күн біз үшін жауапты күн болды. Сондықтан ауылдағы көкпаршылар жиналып, бірге барып дауыс бердік. Жалпы сайлауға әркім жауапкершілікпен қарап, ел ертеңі үшін дауыс берсе екен», дейді көкпаршы Жомарт Сәрсенбекұлы.</blockquote>Айта кетейік, бүгін алғаш рет пилоттық негізде Қызылорда өңірінің Сырдария және Шиелі аудандары әкімінің сайлауы өтуде.

Қазақстан және Қызылорда облысының жаңалықтары: Керек дерек