Kyzylorda-news.kz. Бүгін алғаш рет Президент бастамасымен Шиелі және Сырдария ауданында пилоттық негізде аудан әкімдерінің сайлауы өтуде.Жергілікті тұрғындардың дауыс беру қарқыны жоғары. Олар таңмен таласа келіп, аудан үшін маңызды күнде бірлік көрсетіп, өз таңдауларын жасады. Елеулі күнде өмірге үшем әкелген ана Әйгерім Баймұрзаева балаларымен бірге келіп, дауыс берді.&nbsp; Ол Сырдария аудандық №167 сайлау учаскесіне тіркелген.<blockquote>Балаларымның жарқын болашағы үшін дауыс бердім. Елім дейтін, туған елін қадірлейтін білетін ұрпақ тәрбиелеу баршамыздың ісіміз. Бүгінгі күннің маңыздылығын балаларым сезінсін деген ниетпен ұлдарымды сайлауға әкелу әдетке айналды,-дейді үшемнің анасы.</blockquote>Айта кетейік, Сырдарияда 22101, Шиеліде 50402 сайлаушы тіркелген.&nbsp; Дауыс беру жергілікті уақыт таңғы сағат 07.00-ден басталып, кешкі 20.00-ге дейін жалғасады.

Үшемнің анасы: Балаларымның жарқын  болашағы үшін дауыс бердім

Kyzylorda-news.kz. Облыс әкімі Нұрлыбек Нәлібаев пен Мәжіліс депутаты Мұрат Әбенов, облыстық мәслихат төрағасы Наурызбай Байқадамовпен бірге Шиелі ауданы Сауысқандық шатқалындағы петроглифтердің жай-күйімен танысты.Жуырда тасқа қашалған тарихи ескерткішке жазу жазып бүлдіру әрекеті тіркелген болатын. Тарихшылар вандализмді тоқтату үшін ескерткіш аумағын қоршап, арнайы күзетші штатын бөлуді ұсынуда.Аймақ басшысы аталған мәселе зерттеліп, шешу жолдары қарастырылатынын атап өтті.<blockquote>«Бұл ескерткіш – &nbsp;мыңжылдықтардан бүгінге жеткен тарихи құндылық, сондықтан оны сақтап, келер ұрпаққа жеткізу – біздің міндетіміз», - деді Нұрлыбек Машбекұлы.</blockquote>Бүгінгі сенбілікте осы аумақта тазалық жұмыстары жүргізілді.Қаратау жотасындағы Сауысқандық шатқалында қола дәуірінің, кейінгі ортағасырлық кезеңнің суреттері мен эпиграфикасы сақталған.Қызылорда облысы әкімдігінің арнайы қаулысымен жартастағы бейнелер кешенінің қорғау аймағы бекітілді. Облыстық тарихи-мәдени мұраларды қорғау және пайдалану жөніндегі ғылыми-әдістемелік кеңес шешімімен бұл &nbsp;орынды Дүниежүзілік Табиғи және мәдени мұралар тізіміне енгізу мәселесі қолдау тапты. Сөйтіп «Сауысқандық шатқалындағы жартастағы бейнелер кешені» ЮНЕСКО және ИСЕКО істері жөніндегі Ұлттық комиссияның шешімімен ЮНЕСКО-ның алдын-ала республикалық тізбесіне енгізілді.<img src="https://knadmin.beoblood.kz/uploads/FB_IMG_1699105201261_4b1793f9ff.jpg" alt="FB_IMG_1699105201261.jpg"><img src="https://knadmin.beoblood.kz/uploads/FB_IMG_1699105182750_616ab4adc7.jpg" alt="FB_IMG_1699105182750.jpg">

Н.Нәлібаев: Тарихи ескерткіштер - келер ұрпақтың да игілі

Kyzylorda-news.kz. Қазгидромет 5 қарашада Қазақстан бойынша синоптикалық жағдай мен қауіпті ауа райы туралы болжам және дауылды ескерту жасады. Синоптиктердің болжауынша, республиканың барлық аумағында жел күшейіп, тұман болады.<blockquote>"Қазақстанның басым бөлігінде антициклонның әсерінен ауа райы жауын-шашынсыз болады. Тек шығыста, орталықта атмосфералық фронттардың әсерінен тұрақсыз ауа райы болады. Жауын-шашын (жаңбыр, қар) болады. Еліміздің оңтүстік-батысында көктайғақ болып, жаңбыр жауады. Елде тұман болады. Қазақстанның солтүстігінде, солтүстік-батысында және оңтүстік-шығысында жел күшейеді".</blockquote>Қызылорда облысының орталығында тұман болады. Күндіз облыстың шығысында жел соғады: 15-20 м/с.

Жексенбіге арналған ауа райы болжамы

&nbsp; Kyzylorda-news.Kz. Бүгін алғаш рет пилоттық негізде Сырдария және Шиелі аудандары әкімінің сайлауы басталды.&nbsp;Аудан және қала әкімдерін тікелей сайлау Президенттің сайлау жүйесін демократияландыру туралы бастамасының бірі.&nbsp;Екі ауданда 58 сайлау учаскесі құрылған. Мұнда барлығы 388 комиссия мүшесі қызмет атқарады.&nbsp;Таңғы 07.00-де барлық учаске ашылып, өз жұмысын бастады.&nbsp;Дауыс беру үй жайлары барлық талаптарға сай жабдықталып, бюллетеньдермен қамтылды.&nbsp;Сондай-ақ, мүгедектігі бар азаматтарға қолайлы жағдайлар жасалып, үйден дауыс беруге өтініш қалдырған азаматтар үшін тасымалданатын жәшіктер апарылатын болады.&nbsp;Айта кетейік, Сырдарияда 22101, Шиеліде 50402 сайлаушы тіркелген.&nbsp; Дауыс беру жергілікті уақыт таңғы сағат 07.00-ден басталып, кешкі 20.00-ге дейін жалғасады.&nbsp;

Сырдария және Шиелі аудандары әкімінің сайлауы басталды 

Kyzylorda-news.kz. Бүгін &nbsp;облыс аумағында өткен кезекті сенбілікте &nbsp;елді мекендер тазартылып, ағаш отырғызылды.&nbsp;Облыс әкімі Нұрлыбек Нәлібаев, Мәжіліс депутаты Мұрат Әбенов, Қазақстанның Еңбек Ерлері Абзал Ералиев пен Имамзада Шағыртаев, ардагерлер "Отбасы орталығы" алдына тал екті. Орталықтан некесін қидырып шыққан жас жұбайларға Абзал Ералиев ақ батасын берді. Айта кетейік, көркейту, тазалық шаралары &nbsp;2 ай бойы жүргізілді.Қала, аудан әкімдіктері, басқармалар, департаменттер мен инспекциялар белгіленген аймақтарда &nbsp;жұмыс атқарды.Сенбілікте &nbsp;бекітілген орындарға 400 &nbsp;түп көшет (сыр талы, қарағаш, терек) егілді.Еске салсақ, күзгі санитарлық тазарту, көркейту және көгалдандыру жұмыстары 2 қыркүйек пен 4 қараша аралығына жоспарланған болатын. Осы мерзім ішінде елді мекендер аумағындағы &nbsp;тұрмыстық қалдықтар шығарылды, ағаш егілді, айнала абаттандырылды.

Облыс аумағында тазалық іс-шаралары атқарылды

Kyzylorda-news.kz. &nbsp;Тарих қатпарындағы шежіресі қалың аймағымыздың 85 жылдығы мен Арал ауданының құрылғанына 95 жыл толуы аясындағы іс-шаралар жалғасуда. Бүгін Арал қаласында &nbsp;бой көтерген екі пәтерлік 50 тұрғын үйде қоныс тойы тойланды.Облыс әкімі Нұрлыбек Нәлібаев жерлестерін қос мерекемен құттықтады.<blockquote>«Халықты баспанамен қамту - мемлекет үшін &nbsp;басым бағыттың бірі. Жыл сайын аймақта тұрғын үй көлемі артуда. «Қуатты өңірлер – ел дамуының драйвері» ұлттық жобасы аясында былтыр 683,2 мың шаршы метр тұрғын үй пайдалануға берілсе, биыл 692,3 мың шаршы метр баспана табысталмақ. &nbsp;Арнайы қабылданған «Сыр жастары» бағдарламасы аясында облыста алғаш рет 100-ден астам жас отбасыға тұрғын үй беріледі. Халықтың әлеуметтік осал топтары үшін 1000 пәтер сатып алу жоспарланған. Жақында Жаңақорған ауданында 50 отбасыға баспана кілті берілсе, Арал ауданында да 100 отбасы баспана қуанышына кенеледі. Бұл - тұрғындардың әл-ауқатын арттыруға бағытталған мемлекеттік қолдаудың нақты көрінісі», - деді аймақ басшысы.</blockquote>Баспана тапсыру рәсімінде Арал ауданының Құрметті азаматы Оразғали Құлмырзаев бата берді.Мердігер мекеменің 4 қызметкері облыс әкімінің Алғыс хатымен марапатталды. Айта кетейік, «Қуатты өңірлер - ел дамуының драйвері» ұлттық жобасы аясында сатып алынатын пәтерлер әлеуметтік осал топтағы азаматтарды тұрғын үймен қамтамасыз етуге арналған. Жаңа үйлер қараша айында толық пайдалануға берілмек.<figure class="image"><img src="https://knadmin.beoblood.kz/uploads/FB_IMG_1698765933637_573a0d2b11.jpg" alt="FB_IMG_1698765933637.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1698765929697_d391d3e564.jpg" alt="FB_IMG_1698765929697.jpg"></figure>&nbsp;<figure class="image"><img src="https://knadmin.beoblood.kz/uploads/FB_IMG_1698765923337_3c101dc771.jpg" alt="FB_IMG_1698765923337.jpg"></figure>

Аралдықтарға жаңа баспана кілті табысталды  

Kyzylorda-news.kz. Облыс әкімі Нұрлыбек Нәлібаев кезектілік тәртібімен жазылған азаматтарды қабылдап, олардың ұсыныс-пікірлерін тыңдады. Бүгінгі жеке қабылдауға 10 адам келді.Қабылдауға жазылғандарды толғандыратын түйткілдердің негізгілері – тұрғын үй алу, жол, жарықтандыру, жұмысқа орналасу және кәсіп ашу. &nbsp;Облыс әкімі қабылдауға келушінің әрбірінің қойған сауалы жіті зерттелетінін айтты. Шешімін қарастыруда ең алдымен заң талаптары ескеріліп, негізге алынады. Кейбір сұрақтар бойынша жауапты тұлғалар сол жерде заң аясында түсіндірме беріп, шешу жолдарын ұсынды.81 жастағы қала тұрғыны «Абзал и К» ТС маңындағы 4 көшеде жарық, су, асфальт, ойын алаңы жоқ екенін, тазалық мәселелерін қозғады. Қала әкіміне аталған шағын ауданға барып, жағдаймен жіті танысу жөнінде тапсырма берілді. Саяжай аумағының 58 жастағы тұрғыны қалаға қатынаудың қиындығын алға тартып, тұрақты қоғамдық көлік маршрутын ұйымдастыруды сұрады. Оның өтініші бойынша таңертең және кешкі уақытта арнайы бағыт ашылатын болды.Ал, әлеуметтік көмек сұрап келушілерге бұл мәселені арнайы комиссия заң аясында қарайтыны айтылды.Еске салайық, тұрғындар облыс әкімінің қабылдауына egov.порталы, е-otinish бірыңғай базасы немесе әкімдікке келіп жазбаша өтініш тастау арқылы жазыла алады.

Облыс әкімі тұрғындарды жеке мәселелерімен қабылдады

Kyzylorda-news.kz. Костенко атындағы шахтада қаза тапқандардың саны 38-ге жетті.29 қазан Астана уақытымен сағат 14:00-дегі жағдай бойынша, Костенко атындағы шахтада 38 адамның денесі табылды, 8 кенші іздестіріліп жатыр.Іздеу жұмыстарын жүргізу қираған шахта жабдықтарының, сондай-ақ жекелеген жерлерде үйінділердің болуымен қиындай түскен.Ақпараттық және психологиялық қолдау көрсету үшін Қарағанды қаласында (ТЖД 8-7212-51-72-23, АрселорМиттал Теміртау 8-7212-49-72-70) және Астанада (8-7172-70-41-08) "жедел желі" телефондары жұмыс істейді.

Шахтада қаза тапқандардың саны 38-ге жетті

Kyzylorda-news.kz. Сағат 10:00-дегі ақпарат бойынша, Костенко атындағы шахтадағы өрт салдарынан 36 кеншінің мерт болғаны анықталды, деп хабарлайды ҚР ТЖМ баспасөз қызметі.<blockquote>"Қазіргі уақытта 36 адамның денесі табылды, 10 кеншіні іздеу жалғасуда.Авариялық-құтқару жұмыстарына «Кәсіби әскерилендірілген авариялық-құтқару қызметтерінің республикалық орталық штабы» ЖШС Қарағанды филиалының тау-кен құтқарушыларының 10 бөлімшесі жұмылдырылды. Газ жағдайын бақылау жалғасуда" делінген хабарламада.</blockquote>Ақпараттық және психологиялық қолдау көрсету үшін Қарағанды қаласында (ТЖД 8-7212-51-72-23, АрселорМиттал Теміртау 8-7212-49-72-70) және Астанада (8-7172-70-41-08) «жедел желі» телефондары жұмыс істейді.

Костенко атындағы шахтадағы апат: 36-шы кеншінің денесі табылды

Kyzylorda-news.kz. Игі іс пен қол ұшын созатын жандарды анықтауға, адамгершілік пен ізгілік құндылықтарын нығайтуға арналған «Қайырымдылық керуені» республикалық &nbsp;байқауы биыл алтыншы рет өткізілуде.Аталған байқаудың негізгі бағыты - ел дамуына үлес қосқан қамқор жандар мен елжанды азаматтарды, меценаттарды анықтау болып табылады. Осыған байланысты өңірлік коммуникациялар қызметінің ақпарат алаңында Қызылорда облысы іскер әйелдер қауымдастығының басқарма мүшесі Гүлнұр Жолдыбаева қайырымдылық шарасының негізгі мақсатына тоқталып өтті.<blockquote>- Қазақстанның іскер әйелдер қауымдастығы жүзеге асыратын додаға әлеуметтік, қоғамдық мәселелерді шешуге үлестерін қосатын және өзгелерді өздерінің игі ісімен ынталандыратын жеке және заңды тұлғалар қатыса алады. Қайырымдылық шарасына «Асар» , «Туған жер», «Батыл жүрек», «Мейірім жолында», «Қайырымдылық тарихы» номинациялары бойынша өтініш қабылданады. Байқауға қатысуға өтінімдер 2023 жылдың 20 желтоқсанына дейін жалғасады. Байқау жеңімпаздары ақпан айының соңында немесе Алғыс айту күніне орай белгілі болады, &nbsp;- деді Гүлнұр Жолдыбаева. &nbsp;</blockquote>Айта кетейік, 2022 жылы “Қайырымдылық керуені” байқауына 78 өтініш түсіп, 35 қатысушы республикалық байқауға жолдама алды.

«Қайырымдылық керуені» республикалық  байқауы өткізілуде

Kyzylorda-news.kz. «AMANAT» партиясының Хатшысы Ержан Жұматұлы Жылқыбаев бейнабайланыс режимінде партияның аумақтық &nbsp;филиалдарында атқарылып жатқан жұмыстар есебін тыңдап, жұмысты жетілдіру бағытында ұсыныстарын берді.Жалпы атап өтейік «AMANAT» партиясында партия Төрағасы, Атқарушы Хатшының төрағалығымен әр апта сайын еліміз бойынша &nbsp;өңірлік филиалдардағы жұмыстарды саралап отыру жолға қойылған.Бүгін партия Хатшысы &nbsp;партияның Қызылорда облыстық филиалына қарасты Арал, Қармақшы, Сырдария және Шиелі аудандарында жыл басынан атқарылған жұмыстарды саралады.Жиынға партияның облыстық филиалының төрағасы Наурызбай Байқадамов, Атқарушы хатшы Ләйлә Төрешова, Атқарушы хатшының орынбасары Алтынбек Жарылқасынов, бөлім басшылары мен аумақтық филиалдардың &nbsp;төрағалары мен Атқарушы хатшылары қатысты.Әрине атқарылған да, алда атқарылатын да &nbsp;жұмыстар жеткілікті. Партия Хатшысы әрбір мәселеге жеке назар аударып, Орталық партия аппараты тарапынан жасалаған мониторинг жұмыстары нәтижесімен тиісті ұсыныстарын берді.Мұнан соң партияның облыстық филиалының төрағасы Наурызбай Байқадамов аумақтық филиалдар басшыларымен жұмысты жетілдіру бағытында айтылған ұсыныстар бойынша жиын өткізіп, нақты тапсырмалар берді.

Партия Хатшысы аумақтық филиалдармен атқарылған жұмыстарды саралады

Kyzylorda-news.kz. "Қазгидромет" 29 қазандағы Қазақстан аумағындағы күн райы болжамын ұсынды.Республиканың басым бөлігінде атмосфералық фронтальды бөліктердің өтуімен күн райы тұрақсыз болады, жауын-шашын (жаңбыр, қар) түсіп, көктайғақ, қар жауады, түнде батыста, орталықта, күндіз Қазақстан Республикасының солтүстік-батысында – қатты жауын-шашын (жаңбыр, қар) болады. Қазақстанда тұман түсіп, жел күшейеді деп болжанды.

Қазақстан және Қызылорда облысының жаңалықтары: Керек дерек

Үшемнің анасы: Балаларымның жарқын болашағы үшін дауыс бердім