<a href="https://kyzylorda-news.kz/">Kyzylorda-news.kz.</a>&nbsp; Осы кезге дейін облыс әкімі Нұрлыбек Нәлібаев азық-түлік қорын көбейту және сырттан алатын өнімдерге деген тәуелділікті азайту үшін әр аудан, қаладағы ауылдарда егін егуге арнайы жер дайындауды және бақша дақылдарын егуді тапсырған еді. Нәтижесінде, аймақта 1454 гектар жер көлемі дайындалды. Жаңақорған ауданына сапары барысында Жайылма ауылдық округіндегі егістік алқабына барды.
Бақша дақылдарын егумен айналысатын шаруалармен кездесіп, егін мәселесінде пікірлесті. 
Аудан әкімі Мұрат Тілеуімбетов 429 гектарға 3003 отбасының егістіктері орналастырылғанын жеткізді. Бұл дақылдардың 203 гектары қосалқы шаруашылықтан, ал 226 гектары шаруа қожалықтарының күшімен егілген тілге тиек етті.
Облыс әкімі қазіргі кезде егісті әртараптандырудың маңызды екенін және әр ауылдың өзіндік ерекшелігін ескере келе, өнімділікті көбейту қажеттігін баса айтты. Сондай-ақ, арналарға су жеткізу, насос қондырғыларын уақытылы алу мәселесін жеделдетуді тапсырды.
<img src="https://kyzylorda-news.kz/wp-content/uploads/2022/06/286737158_318072783847306_1779978005835057249_n.jpg" alt="" />

Нұрлыбек Нәлібаев бақша өнімдерін егумен айналысатын шаруалармен кездесті

Kyzylorda-news.kz. Облыс әкімі Нұрлыбек Нәлібаев отандық автокөлік және арнайы техникалар өндірісімен айналысатын «АгромашХолдинг KZ» акционерлік қоғамы және «Сарыарқа Авто Пром» мен «QazTehna» серіктестігінің өкілдерімен кездесті.
Жиында презентация арқылы қоғамдық көлік, медицина, полиция, ауылшаруашылық салаларына қажетті арнайы техникалар таныстырылды.
Өз кезегінде облыс әкімі қала аумағында қатынайтын қоғамдық көліктердің санын көбейту, арнайы техникаларды алу жұмыстарын жүргізуде алдын ала талдау жұмыстарын жүргізіп, нақты қажеттілікті ескеру керектігін алға тартты.
Талқылау соңында аймақ басшысы өңірдің тұрмыс-тіршілігіне қажетті техникаларды жаңартудың маңыздылығына тоқталып, жауапты сала басшыларына техниканы алу жолдарын заң аясында қарап, нақты ұсыныс беруді тапсырды.
<img src="https://kyzylorda-news.kz/wp-content/uploads/2022/06/fb_img_1654275339681.jpg" alt="" />

Облыс әкімі отандық автокөлік және арнайы техника өндіретін кәсіпорын өкілдерімен кездесті

<a href="https://kyzylorda-news.kz/">Kyzylorda-news.kz.</a> Облыс әкімінің орынбасары Мархабат Жайымбетовтың төрағалығымен өткен кеңесте Жаңақорған ауданының әкімі Мұрат Тлеумбетов 13,5 млрд.теңгені құрайтын 148 жобаны таныстырды. Оның 139-ның жоба-сметалық құжаттары дайын. Қалған 11-і жоба-сметалық құжаттарын әзірлеуді қажет етеді.
Кеңесте Жаңақорған ауданындағы құрылыс нысандары таныстырылып, керекті қаржы көлемі айтылды. Атап айтқанда, білім беру ұйымдары, денсаулық сақтау мекемелері, мәдени нысандар және спорттық орталықтардың құрылыс жұмыстары талқыланды. Соның ішінде елді мекендерді және әлеуметтік нысандарды жылу жүйесімен қамтамасыз ету жобалары бірден қолдау тапты. Дегенмен, бірқатар әлеуметтік нысандардың құрылысы қосымша қаралатын болады. Кейбір жөндеуді қажет ететін ғимараттардың жұмыстары кейінге шегерілді.
Айта кету керек, кеңестің алдағы отырысында Қызылорда қаласындағы құрылыс-нысандарының жобалары қаралады.

Арнайы кеңесте Жаңақорған ауданының 148 жобасы қаралды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімінің жанындағы Кеңестің отырысына Шиелі ауданының жобалары ұсынылды. Облыс әкімінің орынбасары Мархабат Жайымбетов және кеңес мүшелері аудан әкімі Нариман Мақұлбековтің баяндамасын тыңдап, жобаларды талқыға салды.
Шиелі ауданы бойынша 65 жоба ұсынылды. Оның 38-і құрылыс монтаж жұмыстарына, жоба сметалық құжаттарға 27 жоба. Оларды іске асыруға 15,9 млрд. теңге қажеттігі айтылды. Республикалық бюджеттен 14,4 млрд. теңге, облыстық бюджеттен 1,1 млрд. теңге, жергілікті бюджеттен 431 млн. теңгені құрап отыр.
«Алайда, облыс бойынша 205 жобаны іске асыруға 132 млрд. теңге қажет. Сондықтан, алғашқы кезекте елді мекендерді газдандыру, инфрақұрылым жұмыстарын реттеу керек. Ал, Қарғалы елді мекені тұсынан Сырдария өзенінің үстінен өтетін автомобиль көпірінің құрылыс жобасын қосымша зерттеуге жолдаймыз», – деді Мархабат Жайымбетұлы.

Кеңес отырысына Шиелі ауданының жобалары талқыланды

<a href="https://kyzylorda-news.kz/">Kyzylorda-news.kz.</a>&nbsp; Аймақтың инвестициялық әлеуетін арттыру үшін жаңа жобалар керек. Бұл ретте аймақ басшысы қала, аудан әкімдеріне инвестициялық жобалар арқылы қаржы тарту мәселесінде жұмысты ширату қажет екенін нақты тапсырған болатын.
Облыс әкімі Нұрлыбек Нәлібаевтың төрағалығымен өткен жиында да осы мәселе қайта қаралды. 
Отырыста облыс әкімінің орынбасары Мархабат Жайымбетов Қызылорда қаласы мен барлық аудан үшін өзекті жобаларға қаржы бөлу және алдағы перспективалық жоспарлар туралы нақты талдау жүргізіп, Қызылорда облысында өзге өңірлермен салыстырғанда жобалар саны мен көлемі аз екенін алға тартты.
<blockquote>
 «Мәселен, инженерлік инфрақұрылымды жүргізуге біздің аймақ жалпы құны 2,8 млрд. теңге жобаларын ұсынса, көрші Маңғыстау облысы 26 млрд.теңгеге ұсынып отыр. Басқа бағыттар бойынша да әзірлеген жобалар саны кем және көрсеткіштер әлдеқайда төмен», – деді Мархабат Жайымбетов.
</blockquote>
Жиында әр аудан және қала әкімдерінің инженерлік коммуналдық инфрақұрылым орнату, ауыз су, кәріз жүйелерін жақсарту, газ кіргізу, тұрғын үй салу, үйлерді қайта жаңғырту, электр желісін тарту, жылуға қосу сынды негізгі жобалары жан-жақты қаралып, кемшіліктері де ашық айтылды. Мысалы, Сырдария, Жалағаш, Шиелі аудандарының әкімдері инвестиция тартудан әлсіздік танытып, санаулы ғана жобаны әзірлеп ұсынды.
Өз кезегінде қала, аудан әкімдері мен басқарма басшылары атқарылған жұмыстар бойынша есеп беріп, жобаларын қорғап шықты.
Өңір басшысы Нұрлыбек Нәлібаев әкімдердің бюджет қаражатын тиімді бағыттау және республикадан қомақты қаржы тарту жұмыстарына сылбыр қарауының салдарынан көрсеткіштер көңіл көншітпей тұрғанын баса айтты.
<blockquote>
 «Әрбір жобаның артында қаржы тұрады. Жобаларды уақытылы атқарсақ, тұтас аудан, қала халқының әл-ауқатын арттыруға мүмкіндік туады. Өкінішке орай, былтырғы жылы жобалар тым аз жасалған. Соның салдарынан аймаққа бірнеше есе төмен қаржы тартылған. Сондықтан бюджет қаражатына қарап қалмай, демеушілер тартып, инвесторлармен жұмысты күшейту қажет», – деді облыс әкімі.
</blockquote>
Жиын барысында әкімдердің жұмысын саралаған аймақ басшысы қосымша инвестициялық жобаларды 10 күн ішінде әзірлеп, дайын жобалар бойынша қорытынды шығару мен сараптама нәтижесін алу жұмыстарын тездету қажет деді. Ал, міндетін орындай алмаған басшылардың алдағы уақытта жауапкершілігі қаралатынын ескертті.
Сондай-ақ, Нұрлыбек Нәлібаев жоба әзірлеу барысында жол салу, ауыз су тарту және табиғи газ өткізу секілді мәселелерге басты көңіл бөліп, құрылыстың бағасын негізсіз асырып, жұмысты аяқтаудан бас тартқан мердігерлердің жауапкершілігін қарау қажет екенін қатаң тапсырды.
<img src="https://kyzylorda-news.kz/wp-content/uploads/2022/06/285602125_314516337536284_1069364972912525705_n.jpg" alt="" />
<img src="https://kyzylorda-news.kz/wp-content/uploads/2022/06/285451481_314516324202952_2305148201412495329_n.jpg" alt="" />
<img src="https://kyzylorda-news.kz/wp-content/uploads/2022/06/285670331_314516404202944_606156019186327749_n.jpg" alt="" />

Н.Нәлібаев:  Инвестиция тартып, жаңа жобалар әкелу керек

<a href="https://kyzylorda-news.kz/">Kyzylorda-news.kz.</a>&nbsp;Бүгін Халықаралық балаларды қорғау күнінде Қызылорда қаласындағы Тәуелсіздік даңғылының жалғасы саналатын, шағын аудандарының арасын қосатын жаңа магистральды жол ашылды.
Мерекелік іс-шарада облыс әкімі Нұрлыбек Нәлібаев қала тұрғындарын жаңа жолдың ашылуымен құттықтап, игі тілегін арнады.
<blockquote>
 «Адам мен адамды бауырластырып, ел мен елді жақындастыратын жайлы жолдың жайы қай кезеңде де халық үшін маңызы аса зор. 
 Бүгінгі күні қаламыз қарқынды дамып, аумағы кеңейіп, халқының саны да артып келеді. Жаңадан шағын аудандар бой көтеріп, зәулім ғимараттар салынуда. Осы ретте, тұрғындар үшін жүріп-тұруға қолайлы жағдай жасау, қажетті инфрақұрылыммен қамтамасыз ету – алдымыздағы басты міндеттердің бірі. Шын мәнінде, жол қатынасы – бұл ең үлкен өмірлік қажеттілік деуге болады. Ендеше, жол құрылысын жүргізген мамандарға алғыс айтамыз, оның игілігін ел көруді нәсіп етсін!», – деді облыс әкімі.
</blockquote>
Жиында еңбек ардагері, «Қызылорда қаласының құрметті азаматы» Жарылқасын Шәріпов сырбойылықтарды қуанышымен құттықтап, ақ батасын берді.
Ұзындығы 4,6 шақырымды құрайтын жаңа жол арқылы жол-көлік инфрақұрылымының сапасы жақсарады.
Жаңа нысанның лентасын салтанатты түрде кесу рәсімінен кейін Мемлекеттік тумен көмкерілген 30 автокөлік патриоттық автошеру өткізді.
Айта кетейік, биыл облыста көлік жолдарын дамытуға 20 млрд.теңге көлемінде қаржы бөлінеді деп күтілуде. Бұл қаржыға ұзындығы 342 шақырымды құрайтын автомобиль жолдары мен көпір өткелдері және көшелер жөндеуден өткізіледі. Нәтижесінде, облыс аумағында жақсы және қанағаттанарлық жағдайдағы жолдар үлесін 82%-ға жетеді.
<img src="https://kyzylorda-news.kz/wp-content/uploads/2022/06/285341554_313814007606517_6882051509046940440_n.jpg" alt="" />
<img src="https://kyzylorda-news.kz/wp-content/uploads/2022/06/285379951_313814087606509_8710640130775684517_n.jpg" alt="" />
<img src="https://kyzylorda-news.kz/wp-content/uploads/2022/06/285691529_313814077606510_1663435263962172097_n.jpg" alt="" />

Сыр өңірінде жаңа магистральды жол ашылды

<a href="https://kyzylorda-news.kz/">Kyzylorda-news.kz.</a> ҚР Ұлттық экономика министрі Әлібек Қуантыров Сыр еліне жұмыс сапары барысында облыстың бірқатар кәсіпкерлерімен кездесті. Басқосуға облыс әкімі Нұрлыбек Нәлібаев пен сала басшылары қатысты.
Аймақ басшысы кәсіпкерлік пен өнеркәсіп саласында атқарылып жатқан жұмыстарға тоқталып, маңызды жобаларға қолдау көрсетуді сұрады.
<blockquote>
 «Биылғы жылы кәсіпкерлік саласын қаржылай қолдау мақсатында әртүрлі көздерден 12,4 млрд. теңге қаржы қаралды. Қаражат халықты бірінші қажеттіліктегі тауарлармен өзін-өзі қамтамасыз ету үшін «Өңірдің 2023 жылға дейінгі экономикалық даму жоспары» шеңберінде өңдеу өнеркәсібі және өндіріске бағытталуда.
 Құрметті Әлібек Сәкенұлы, негізгі шешілуі тиіс мәселелер бүгін талқыладық. Осыған орай, негізгі капиталға салынған инвестиция көлемін 310 млрд. теңгеге және шикізаттық емес экспорт көлемін 150 млн. АҚШ доллары көлемінде бекітілуіне ықпал жасауыңызды сұраймын, – деді Н.Нәлібаев.
</blockquote>
Өңір экономикасын әртараптандыру мақсатында жалпы құны 667 млрд. теңгені құрайтын 22 ірі инвестициялық жобалар тізімі қалыптастырылды. Бұл жобалардың ішінде 19 жобаға 285 млрд.теңге қаражат қажет. Аталған жобаларды қаржыландыру Қазақстан даму банкі, Өнеркәсіпті дамыту қоры және Агронесие корпорациясымен қарастырылуда. Осыған орай, қолданыстағы заңнама аясында қаржыландыру мәселесінің жылдамдатып қаралуына және шешілуіне ықпал жасау сұралды. 
Индустрияландыру бағдарламасы аясында биылғы жылы 5 жобаны іске қосу жоспарланған. Сонымен бірге, «Шалқия» кен байыту фабрикасы мен кальциленген сода зауытының құрылыстарын ІІ жарты жылдықта бастау көзделуде.
ҚР Ұлттық экономика министрі Әлібек Қуантыров кәсіпкерлікті дамытуды жан-жақты және тікелей қолдауға қатысты Министрлік тарапынан қабылданатын шаралар бойынша жеке тоқталып, Кәсіпкерлікті дамытудың 2021-2025 жылдарға арналған ұлттық жобасы іске асырылып жатқанын атап өтті.
Министрдің айтуынша, ұлттық жоба шеңберінде жаңа құрал – 6% мөлшерлеме бойынша кепілсіз негізде микрокредит беру енгізілді.
Биыл республика бойынша «Ауыл ел бесігі» мемлекеттік бағдарламасы аясында 127,9 млрд.теңге бөлінді, 575 ауылдық елді мекенді қамтумен 1 057 жоба іске асырылатын болады. Оның ішінде Қызылорда облысы бойынша 7,9 млрд.теңге бөлумен 31 ауылды қамту жоспарлануда.
Жиында облыстық кәсіпкерлік және өнеркәсіп басқармасының басшысы Мұса Қалдарбеков аймақтағы өндірісті дамыту бағытында негізгі жұмыстарға тоқталып, алдағы жоспарларды тарқатып берді.
Сонымен қатар «РЗА» акционерлік қоғамының президенті Самұрат Имандосов, «Сыр маржаны» ЖШС директоры, облыстық мәслихат депутаты Мінәжадин Өтеев, «Нұрай» серіктестігінің директоры Сейітқали Алшынбаев, «Шиелі шұжық» серіктестігінің директоры Патима Маханбет ауыл шаруашылығы саласын қолдау, сауда саласын субсидиялау және «Қызылорда» Өңірлік инвестициялық орталығы қызметін ұзарту, несиенің пайыздық мөлшерлемесін субсидиялау бойынша ұсыныстарын жеткізді.
<img src="https://kyzylorda-news.kz/wp-content/uploads/2022/05/285134455_312723331048918_5684481153766130425_n.jpg" alt="" />
<img src="https://kyzylorda-news.kz/wp-content/uploads/2022/05/285489546_312723357715582_897556959086806933_n.jpg" alt="" />
<img src="https://kyzylorda-news.kz/wp-content/uploads/2022/05/285187570_312723564382228_6641197186137610641_n.jpg" alt="" />
<img src="https://kyzylorda-news.kz/wp-content/uploads/2022/05/285311569_312723597715558_3876658975428834033_n.jpg" alt="" />

ҚР Ұлттық экономика министрі өңір кәсіпкерлерімен кездесті

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Ұлттық экономика министрі Әлібек Қуантыров жұмыс сапарымен Сыр еліне келді. Алдымен министр мен облыс әкімі Нұрлыбек Нәлібаев Қызылорда қаласы Ақсуат елді мекеніндегі «КазАгроМир» ЖШС-гі жылыжайының жұмысымен танысты.
Жылыжай мемлекет тарапынан қаржылай қолдау тауып, жұмысын 2020 жылы бастады. Өндіріс орны көкөністерді өсіру және сату есебінен табыс табуда. Мұнда жылына 700 тонна қияр мен қызанақ өндіріліп, республиканың өзге де аймақтарына жіберіледі.
Аумағы 2,2 гектарды құрайтын жылыжай испандық автоматтандырылған технология негізінде жұмыс істейді. Яғни мұнда өсірілетін көкөністердің жыл бойына температурасы реттеліп, тамшылатып суару, тыңайтқыштарды беру процесстері автоматты түрде жүргізіледі.
Облыс әкімі аймақта жергілікті өнімдер қорын көбейтуге ерекше басымдық берілгенін және әрбір ауылдың географиялық ерекшелігіне қарай бақша өнімдерін егу жұмыстары қолға алынғанын атап өтті. Бұл жобаның маусымаралық кезеңде көкөніс өнімдеріне деген бағаны тұрақтандыруға мүмкіндік беретінін қаперге салды.
Жылыжай жұмысымен танысқан министр аграрлық саладағы жобаларды көбейту нарық бағасына тікелей әсер ететінін атап өтіп, осы бағыттағы жұмыстарды одан әрі жетілдіруге мән беру қажет екенін тілге тиек етті.
Мұнан кейін, Әлібек Қуантыров Қосшыңырау ауылдық округ тұрғындарымен кездесіп, Сырдария ауданындағы «Ауыл ел бесігі» мемлекеттік бағдарлама аясында атқарылып жатқан жұмыстарды саралады.
Сондай-ақ, күріш өңдеу зауытының, «Dalatex» ЖШС-гі тігін фабрикасына барып, жұмысын көреді. Мұнан өзге, облыстың Қоғамдық кеңес өкілдерімен, кәсіпкерлермен кездесіп, азаматтардың жеке мәселелері бойынша қабылдау өткізеді.
<img src="https://kyzylorda-news.kz/wp-content/uploads/2022/05/285020486_312458814408703_7882740131340492964_n.jpg" alt="" />
<img src="https://kyzylorda-news.kz/wp-content/uploads/2022/05/285250154_312458674408717_8739895494993938884_n.jpg" alt="" />
<img src="https://kyzylorda-news.kz/wp-content/uploads/2022/05/284991374_312458797742038_6901245261808716568_n.jpg" alt="" />

ҚР Ұлттық экономика министрі Сыр еліне жұмыс сапарымен келді

<a href="https://kyzylorda-news.kz/">Kyzylorda-news.kz.</a> Шиелі ауданында ауыл шаруашылығы дақылдарын егу оңтайлы мерзімдеріне сәйкес жүргізілуде.
Су тапшылығына байланысты ауданда әртараптандыру дақылдарын егуге басымдық беріліп жатыр. Ауданның азық-түлік қауіпсіздігін қамтамасыз ету мақсатында ағымдағы жылы картоп 1201 гектарға, көкөніс 1701 гектарға және бақша дақылдары да 2457 гектарға ұлғайған.
Облыстық ауыл шаруашылық басқармасының дерегінше қазіргі таңда Шиелі ауданының шаруалары суды үнемдеу технологиясын пайдалана отырып, «СЕРІК» шаруа қожалығы тамшылатып суғару әдісімен қызанақ, қияр, қауын, қарбыз егіп жатыр. Сонымен қатар, жаңбырлатып суғару жобасын қолдану арқылы «Ұлытау Агро» ЖШС-гі 40 гектар жоңышқа екті.
Шаруалар тамшылатып суғарудың пайдасы мен тиімділігін байқауда. Бұл өз кезегінде мол өнім алуға мүмкіндік береді.

Шиеліде бақша дақылдарын егу 2457 гектарға ұлғайды

Kyzylorda-news.kz. Өңірлік коммуникациялар қызметінің баспасөз конференциясында ҚР Энергетика министрі Болат Ақшолақов БАҚ өкілдерімен кездесті. Жиын барасында Қызылорда облысында өндірілетін мұнай қорының көрсеткіші мен елді мекендерді табиғи газбен қамтылу жайы баяндалды.
Сондай-ақ, БАҚ өкілдері тарапынан толғандырған сауалдарына жауап берді. ҚР Энергетика министрі Болат Оралұлының айтуынша, бүгінде Қызылорда облысының газдандыру деңгейі 66,5 пайызды құрайды. Сәйкесінше, 550,8 мың адам табиғи газбен қамтылған. Газбен жабдықтау жөніндегі жобаларды іске асыру республикалық және жергілікті бюджет есебінен, сондай-ақ «ҚазақГаз» компаниясының қаражаты арқылы жүргізілуде. Бүгінде Қызылорда облысында жиынтық қуаты – 89 МВт болатын 9 күн электр станциясы жұмыс істеп тұр.
Биыл Қызылорда облысында электр қуаты – 240 МВт болатын жылу электр орталығын салу жоспарлануда. Жобаны іске асыруға құны – 215,1 млрд теңге қаржы көзделіп, 2025 жылы пайдалануға беріледі деп жоспарлануда. Бұл жоба іске асырылса 700 млн.кВт тапшылықты жоюға мүмкіндік болады.
<blockquote>
 Қызылорда облысы мұнай өндіру көлемі бойынша 5-ші өндіруші аймақ болып табылады. Өңірдің мұнай өндіру үлесі ел бойынша 6,14 пайызды құрайды. Былтыр мұнай өндіру көлемі – 4,3 млн.тонна болса, биылғы жылдың 4 айында 1,4 млн.тонна мұнай өндірілген. Аймақта игеріліп жатқан кен орындарының басым бөлігінде мұнай өндірудің табиғи төмендеуі байқалады. Өңірлерді табиғи газбен қамтамасыз ету бағытында былтыр Энергетика министрлігінің бюджеттік бағдарламасы аясында 4 жоба жүзеге асырылды. Аталған жоба арқылы 3 елді мекен немесе 24 мың адам табиғи газға қол жеткізді. Биыл жалғасатын 1 жоба мен 6 жаңа жобаны қаржыландыру үшін республикалық бюджеттен газдандыруға 3,7 млрд.теңге мөлшерінде қаражат көзделген. Осыған сәйкес, Бірлік және Қыраш елді мекендерін газдандыру бойынша 1 жоба аяқталады. Төретам және Ақай елді мекендерін, сондай-ақ Сексеуіл, Махамбет және Наурыз кенттерін газдандыру бойынша қалған жобалар 2023 жылға ауысатын болады, -деді ҚР Энергетика министрі Болат Ақшолақов.
</blockquote>
Қызылорда қаласындағы орталықтандырылған жылумен жабдықтау мекемелерінде 20 аудандық қазандық жылу энергиясын береді. Станцияның негізгі жабдықтарының 82 пайызы тозған. Ал облыстағы «Қызылорда» Өңірлік электр желілік компаниясында» 10 056 км кабель және әуе электр беру желілері арқылы жұмыс істейді. Мұнда электр желілерінің 69 пайызы ескірген.
<blockquote>
 -Қызылорда қаласының тұрғындары үшін электр энергиясының кепілді жеткізушісі – «Энергосервис» ұйымы және облыс бойынша – «Шиелі Жарығы» және «Дәулетэнерго» ұйымдары болып табылады. 2019-2021 жылдары 5 қазандыққа және 3 газ турбиналық қондырғыға күрделі жөндеу жұмыстары жүргізілуде, – деді ҚР Энергетика министрі Болат Ақшолақов.
</blockquote>
<img src="https://kyzylorda-news.kz/wp-content/uploads/2022/05/fb_img_1653789269759.jpg" alt="" />

ҚР Энергетика министрі Болат Ақшолақов БАҚ өкілдерімен кездесті

<a href="https://kyzylorda-news.kz/">Kyzylorda-news.kz</a>. Бүгінде Қызылорда өңірінде жақсы жолдардың үлесі 75% құрайды. Биыл межені 82 пайызға көтеру міндеті тұр. Бұл ретте облыс әкімі Нұрлыбек Нәлібаев сала басшыларына қала, аудан көлемінде жүргізілетін жолдар құрылысының сапалы әрі нақты аяқталуын тапсырды.
Жобалардың жүзеге асыру барысын саралау үшін аймақ басшысы қаладағы Ж.Бекқожаев пен Төле би көшелеріне жүргізіліп жатқан орташа жол жөндеу жұмыстарын көріп, мамандармен пікірлесті.
Жолдардың әрқайсысының жалпы ұзындығы 2,2 шақырымды құрайды. Мердігер «Қызылорда жолдары» және «Ақнұр-авто» компаниялары жөндеу жұмыстарын тамызда аяқтамақ.
Облыс әкімі жол салу жұмыстары барысында барлық инженерлік жүйелерді есепке алу қажеттігін және мердігерлер істі тиянақты әрі сапалы аяқтауы тиіс екенін еске салды.
<blockquote>
 «Жобаларды жүзеге асыру барысында, біріншіден, қажеттігіне, екіншіден, құнына қарайтын боламыз. Биылдың өзінде Қызылорда қаласында жол жөндеуге және салуға 3 млрд. теңге бөлінсе, бюджетті нақтылау барысында осы қаржыны екі есе арттыруды көздеп отырмыз», – деді облыс әкімі. 
 Айта кетейік, өңірде биыл ұзындығы 342 шақырым жол желісін жөндеуден өткізу жоспарда бар.
</blockquote>

Облыс әкімі: Әрбір жоба тиянақты әрі  сапалы аяқталуы тиіс

Kyzylorda-news.kz. Биыл Қызылорда өңірінде жаңа құрылыс нысандары ел игілігіне беріледі. Оның ішінде қызылордалықтар үшін жаңа үлгідегі баспаналар салына бастайды. Жыл аяғына дейін СПМК-70 мөлтек ауданында 500 отбасыға арналған тұрғын үйлер табысталады.
Облыс әкімі құрылысы жүріп жатқан тұрғын үйлерді бағамдап, мердігер компания өкілдерімен кездесті. 
Құрылысы өткен жылдың қаңтар айында басталған 10 несиелік тұрғын үйдің жалпы аумағы 3 мыңнан астам шаршы метрді құрайды.
Облыс әкімі құрылыс жұмыстары сапалы әрі мерзімінде орындалуы қажет екенін баса айтып, бірқатар тапсырмалар берді. 
«Алдағы уақытта құрылысқа үлкен көңіл бөлінеді. Республикалық, облыстық бюджеттен қаражат қарап, инвесторларды тартамыз. Жақында еліміздегі үлкен компаниялардың бірі – «Orda Invest» өкілдері келіп, жаңадан биік үйлерді тұрғызу туралы ұсыныспен шықты. Жоба мақұлданып, құрылысқа жер бөлінді, қазіргі уақытта жобалау жұмыстары жүріп жатыр. Жыл аяғына дейін кем дегенде 14-15 қабатты тұрғын үй тұрғызылады. Мұнан бөлек, сол жағалау бойынан 7 қабатты жаңа үйлердің құрылысын бастаймыз.
Жалпы өңірде салынатын әрбір нысан бұдан-былай арнайы кеңесте қаралып барып, орындалады,-деді Нұрлыбек Нәлібаев. 
Айта кетейік, биыл аймақта «Нұрлы жер» мемлекеттік бағдарламасы аясында 1294 пәтерлік 31 тұрғын үй құрылысын жүргізіп, жыл аяғына дейін 1244 пәтерді құрайтын 30 тұрғын үйді пайдалануға беру жоспарланып отыр.
<img src="https://kyzylorda-news.kz/wp-content/uploads/2022/05/fb_img_1653635245738.jpg" alt="" />
<img src="https://kyzylorda-news.kz/wp-content/uploads/2022/05/fb_img_1653635249392.jpg" alt="" />

Қазақстан және Қызылорда облысының жаңалықтары: Экономика

Нұрлыбек Нәлібаев бақша өнімдерін егумен айналысатын шаруалармен кездесті

Облыс әкімі отандық автокөлік және арнайы техника өндіретін кәсіпорын өкілдерімен кездесті

Арнайы кеңесте Жаңақорған ауданының 148 жобасы қаралды

Кеңес отырысына Шиелі ауданының жобалары талқыланды

Н.Нәлібаев: Инвестиция тартып, жаңа жобалар әкелу керек

Сыр өңірінде жаңа магистральды жол ашылды<strong></strong>

ҚР Ұлттық экономика министрі өңір кәсіпкерлерімен кездесті

ҚР Ұлттық экономика министрі Сыр еліне жұмыс сапарымен келді

Шиеліде бақша дақылдарын егу 2457 гектарға ұлғайды

ҚР Энергетика министрі Болат Ақшолақов БАҚ өкілдерімен кездесті

Облыс әкімі: Әрбір жоба тиянақты әрі сапалы аяқталуы тиіс

Қызылордада 7 және 15 қабатты тұрғын үйлер салынады