<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Сырдария ауданына жасаған жұмыс сапары барысында Шіркейлі ауылындағы «Жаздық бидай» егін жинау науқанының орақ салу рәсіміне қатысты.
Алдымен, аймақ басшысы Шіркейлі ауылындағы «Мәді Қажы» серіктестігінің картоп, көкөніс, бақша дақылдары егістігімен танысып, ауыл тұрғындарымен пікірлесті.
«Мәді Қажы» ЖШС егін және мал шаруашылығымен айналысады. Серіктестік биыл 300 гектар бидай, 400 гектар жаңа жоңышқа егіп, 540 гектар ескі шоңышқаны күтімге алған. Негізгі дақыл күрішті 1900 гектарға бастырған. Облыс әкімінің тапсырмасына сәйкес шаруашылық құрылымдары тарапынан ауыл тұрғындары үшін егіс алқаптарынан 7 гектар қосымша жер дайындалып, 47 отбасыға бөлініп берілді. Жалпы Сырдария ауданы бойынша 150 гектар жерге қосымша егін егілді.
Аудан әкімі Мұрат Ергешбаев аймақ басшысына ауыл шаруашылығы саласында атқарылып жатқан жұмыстарды баяндады. Өз кезегінде, аймақ басшысы биыл егіншілік саласына 4,3 млрд.теңге, мал шаруашылығын субсидиялауға 4 млрд.теңге қаржы қаралғанын айтып, мемлекеттік қолдау шараларының арқасында мал басының өскенін жеткізді. Мәселен, Сырдария ауданында ет 100,9%, сүт 100,9%, мал басы 100-113% аралығында өскен.
Облыс әкімі Еңбек Ері Абзал Ералиевпен бірге жаздық бидайға орақ салу рәсіміне қатысып, шаруалардың табанды еңбектеріне алғысын білдірді. Дала дүбірін думанға бөлеген шарада ауыл тұрғыны, ардагер ұстаз Біләл Мақашев өз батасын беріп, лента қию рәсімі өткізілді.
Айта кетейік, биыл Сырдария ауданында “Күріш өңдеу цехы” ел игілігіне беріледі. Қазір құрылыс жұмыстары толығымен аяқталып, қабылдау актісін алу құжаттары дайындалуда.
<img src="https://kyzylorda-news.kz/wp-content/uploads/2022/06/290984197_333149702339614_1264433152578008894_n.jpg" alt="" />
<img src="https://kyzylorda-news.kz/wp-content/uploads/2022/06/290999718_333149719006279_623442007266231624_n.jpg" alt="" />
<img src="https://kyzylorda-news.kz/wp-content/uploads/2022/06/ris.jpg" alt="" />
<img src="https://kyzylorda-news.kz/wp-content/uploads/2022/06/291163718_333149595672958_7547466074007984907_n.jpg" alt="" />

Қызылорда облысында егінге орақ түсті

<a href="https://kyzylorda-news.kz/">Kyzylorda-news.kz.</a> Аудан әкімдігі жанындағы кәсіпкерлер кеңесінің кезекті отырысы өткізілді. Жиынға төрағалық еткен аудан әкімі С. Сермағамбетов шағын және орта бизнесті дамыту – бүгінгі күннің басты талабы екенін айтты.
Алдымен аудандық кәсіпкерлік, өнеркәсіп және туризм бөлімінің басшысы Р. Жанаев аталған саланың даму барысы жөнінде хабарлама жасады.
Аудан бойынша жұмыс жасап тұрған шағын және орта кәсіпкерлік субъектілері 4270 бірлікті құрайды. Бұл өткен жылғы сәйкес кезеңмен салыстырғанда 16,9 пайызға өсім алған. Дегенмен, аудан бойынша тіркелген кәсіпкерлік субъектілер халық санындағы үлесі бойынша аудандар арасында төменгі көрсеткішті көрсетуде. Жыл басынан бері ауданда мемлекеттік бағдарламалар мен жалпы қаржы институттары арқылы 24 жоба несиелендірілсе, 16 жоба қаржы ұйымдары арқылы мақұлданған.
Бөлім басшысы баяндама барысында кәсіпкерлік нысандардың уақытша тоқтамға қойылған жағдайларын да айтып өтті.
Мұнан кейін аудандық кәсіпкерлік палатасының директоры Н. Ембергенова кәсіпкерлердің құқықтарын қорғау және оларды қолдау бағытында атқарылып жатқан жұмыстарға тоқталды. 
Бұдан бөлек Сазды, Бекбауыл, Жетес би ауылдық округтерінің әкімдерінің кәсіпкерлікті дамыту бағытында жүргізіліп жатқан жұмыстар жөніндегі хабарламасы тыңдалды.
Хабарламашылардан кейін аудан әкімі қала,кент және ауылдық округ әкімдеріне кәсіп жасауға ниетті тұрғындарға мемлекеттік бағдарламалар жөнінде түсіндіріп, қажетті ақыл-кеңес беріп, микро қаржы ұйымдары құжаттарын рәсімдеу үшін сүйемелдеу қажеттігін тапсырды. Сонымен бірге белсенді халық ішінен кәсіпкерлікпен айналысатындардың үлесін нақты айқындау үшін тиісті жұмыс жүргізуді тапсырды.
Сонымен бірге аудан әкімінің жауапты орынбасары мен бөлім басшыларына өз мақсатына пайдаланылмай келе жатқан жер телімдерін заңды түрде қайтару жөнінде және мемлекеттік грант қаражаттарының уақытылы және нысаналы мақсатына сәйкес үйлестірілуін бақылауға алу жүктелді.
<img src="https://kyzylorda-news.kz/wp-content/uploads/2022/06/291239528_3302108543450842_4292559423676819234_n.jpg" alt="" />
<img src="https://kyzylorda-news.kz/wp-content/uploads/2022/06/291318265_3302108506784179_855110502899709179_n.jpg" alt="" />

Арал ауданында кәсіпкерлік саласы 16,9 пайызға өсті

<a href="https://kyzylorda-news.kz/">Kyzylorda-news.kz.</a> Жаңақорған ауданына барған жұмыс сапарында аймақ басшысы Нұрлыбек Нәлібаев Шалқия кен орнына барып, тау-кен байыту комбинатының жұмыс процесімен танысты.
Алдымен өңір басшысы кәсіпорында қызмет атқаратын жұмысшылармен кездесіп, олардың көкейде жүрген мәселелерін тыңдады. Әсіресе, айлық жалақыларын кезең-кезеңімен көтеру қажет екенін алға тартып, жұмысшыларының әлеуметтік қорғалуына ұдайы мән беруі тиіс деді. 
Кәсіпорынның бір ерекшелігі – өндірістік процессте жоғарғы деңгейде цифрлық технология қолдану арқылы қорғасын және мырыш концентраттарын шығарады.
Нысан құрылысын жүргізу үшін сатып алу жұмыстары Еуропалық Қайта құру және Даму Банкінің платформасында өткізілуде, нәтижесі қыркүйек айында айқындалады. Одан әрі құрылыс жұмыстары басталмақ.
Комбинат жылына 4 млн.тонна өнім өндіре алады. Бүгінде кен орнында 8,3 млн. тонна мырыш, 2 млн. тонна қорғасынның қоры бар.
Айта кетейік, 2025 жылы фабрика іске қосылса, 1500-нан аса жаңа жұмыс орнын ашуға мүмкіндік тумақ.
<img src="https://kyzylorda-news.kz/wp-content/uploads/2022/06/290894364_331632462491338_2977629913042935457_n.jpg" alt="" />
<img src="https://kyzylorda-news.kz/wp-content/uploads/2022/06/290826658_331632372491347_634873420762087788_n.jpg" alt="" />

Облыс әкімі Шалқия кен байыту комбинатының жұмысымен танысты

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаев Жаңақорған ауданына жасаған жұмыс сапары аясында кенттегі автоматты газ тарату станциясына барып, Бірлік, Қыраш елді мекендеріне ауылшылык газ тарату желілері жұмысын бастау рәсіміне қатысты.
Алдымен аймақ басшысы аталған елді мекен тұрғындарымен кездесіп, пікірлесті. Мұнан соң, өңір басшысына ауданды газдандыру бойынша атқарылған жұмыстар баяндалды.
Бүгінде табиғи газды облыс халқының 67 пайызы тұтынады. Биыл ауылдық елді мекендерді газдандыру бойынша 13 жоба іске асырыла бастаса, оның 7-уі осы жылы аяқталмақ. Нәтижесінде, 15 мыңнан астам халқы бар 7 елді мекен табиғи газға қол жеткізіп, оны тұтынатын халық санының үлесі 68 пайызға жетеді.
Облыс әкімі газ құбырын салу ісіне жауапты мердігер компанияға жұмыстың сапалы әрі уақытында аяқталу керектігін қаперге салды.
Бүгін басталған жұмыстар нәтижесінде Бірлік елді мекеніндегі 6 әлеуметтік нысан, 440 тұрғын үй, Қыраш елді мекеніндегі 5 әлеуметтік нысан мен 124 тұрғын үй газдандырылады.
Айта кетейік, бүгінде Жаңақорған ауданын табиғи газбен қамту үлесі 34,2 пайызды құрайды. Қазір Төменарық, Шалқия, Құттықожа, Жайылма, Кейден ауылдарына газ желісін тарту жобалары әзірленіп, мемлекеттік сараптама қорытындылары алынған. Ендігі кезекте республикалық бюджеттен қаржыландыру жұмыстары жүргізіледі.
<img src="https://kyzylorda-news.kz/wp-content/uploads/2022/06/290343369_331640149157236_7562047578015008567_n.jpg" alt="" />

Жаңақорған ауданында жыл соңына дейін екі елді мекен газдандырылады

<a href="https://kyzylorda-news.kz/">Kyzylorda-news.kz.</a> Облыс әкімінің тапсырмасына сәйкес «Қуатамлонмұнай» БК ЖШС-нің еңбек ұжымымен облыс әкімінің орынбасары Мархабат Жайымбетов кездесті.
«Қуатамлонмұнай» БК ЖШС-нің еңбек ұжымымен кездесу барысында Мархабат Жайымбетұлы мұнай-газ секторындағы соңғы ахуалға қарамастан әлеуметтік мәселелерді оңтайлы шешіп, жұмыс орындарын қысқартпау қажет екенін алға тартты.
Сондай-ақ, кәсіпорын әлеуметтік міндеттемелерді жыл сайын толық көлемде орындап, өткен жылдың қорытындысы бойынша 161 мың тонна мұнай өндіргенін және компания 460-ға жуық адамды жұмыспен қамтығанын атап өтіп, өз кезегінде туындаған мәселелердің шешілуіне атсалысуға әрқашан дайын екенін жеткізді.
Жиында «Қуатамлонмұнай» БК ЖШС-нің бас директоры Сяо Вэй әлеуметтік міндеттемелерін орындау барысын баяндады.
Ұжым атынан компанияның кәсіподақ төрағасы Айбек Абдреев өндірістегі қызметкерлерді біріктіріп, олардың мүдделерін қорғауда және еңбек қатынастарына байланысты туындаған мәселелерді шешуде кәсіподақ жұмысын таныстырды.
Өз кезегінде, ұжым қызметкерлерінің ұсыныстарын ескере отырып, облыс әкімінің орынбасары Мархабат Жайымбетов Компания басшылығына еңбек ұжымымен жиі кездесіп, компанияның өзекті мәселелеріне назар аударуды ұсынды.
Жиын соңында облыс әкімдігі мен «Қуатамломұнай» кәсіпорны және облыстық кәсіподақ өзара ынтымақтастық туралы үшжақты Меморандумға қол қойды.
Меморандумның мақсаты – еңбек ұжымындағы әлеуметтік – еңбек жағдайы мен өндірістік процестердің тұрақтылығын қамтамасыз ету, жұмыс орындарын сақтау және персоналды жұмыспен қамтуды қамтамасыз ету жөнінде шараларды қабылдау болып табылады.
<img src="https://kyzylorda-news.kz/wp-content/uploads/2022/06/289789069_328153562839228_5825582219363162936_n.jpg" alt="" />

«Қуатамлонмұнай» компаниясымен меморандум жасалды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімінің тапсырмасына сәйкес облыс әкімінің орынбасары Мархабат Жайымбетов «Казпетрол Груп» ЖШС-нің еңбек ұжымымен кездесіп, өзекті мәселелерді талқылады.
Кездесу барысында Мархабат Жайымбетұлы еңбек ұжымдарында жұмыскерлерге әлеуметтік қолдау көрсету, еңбек шарты мен ұжымдық шарттың қатаң сақталуы, еңбек қауіпсіздігі іс-шараларын ұдайы тиянақтай түсу, еңбек адамының лайықты тұрмыс сапасы мен жағдайын жасауға мүдделілік таныту – маңызды міндет екендігін алға тартты.
Сондай-ақ, кәсіпорын әлеуметтік міндеттемелерді жыл сайын толық көлемде орындап, 2021 жылы 48,3 млн. теңгеге әлеуметтік көмек көрсеткендігін және компания 250-ге жуық адамды жұмыспен қамтығанын атап өтіп, өз кезегінде туындаған мәселелердің шешілуіне атсалысуға әрқашан дайын екенін жеткізді.
Жиында «Казпетрол Груп» ЖШС-нің бас директоры Ержан Тазабеков әлеуметтік міндеттемелерін орындау барысын баяндады.
Ұжым атынан компания қызметкері Эльдар Демесинов өндірістегі қызметкерлерді біріктіріп, олардың мүдделерін қорғауда және еңбек қатынастарына байланысты туындаған мәселелерді шешуде кәсіподақ жұмысын таныстырды.
Жиын соңында облыс әкімдігі, «Казпетрол Груп» кәсіпорны және облыстық кәсіподақ өзара ынтымақтастық туралы үшжақты Меморандумға қол қойды.
<img src="https://kyzylorda-news.kz/wp-content/uploads/2022/06/289743736_328148286173089_6829022414727614346_n.jpg" alt="" />

Облыс әкімінің орынбасары мұнайшылармен кездесті

Kyzylorda-news.kz. Соңғы кезде кен орындарының сарқылуына байланысты мұнай өндірісінің көлемі жылдан-жылға қысқарып келеді. Бұл жағдай облыс тұрғындарына да елеулі әсер етеді. Себебі өңірде мұнай-газ саласында 10 мыңға жуық адам жұмыс жасайды. Бұл ретте ірі компанияларда қызмет атқаратын жұмысшылардың жалақысын қысқартпау, еңбек құқықтарын сақтау маңызды.
Облыс әкімінің тапсырмасына сәйкес бүгін облыс әкімінің орынбасары Мархабат Жайымбетов «ҚОР» мұнай компаниясы акционерлік қоғамының ұжымымен кездескенде осы мәселеге ерекше мән берді. 
Жалпы өңірдегі барлық өнеркәсіп өндірісінің 70%-дан астамы мұнай өндіруге тиесілі екендігін атап өтті.
<blockquote>
 Қазіргі таңда «ҚОР» Мұнай компаниясы 300-ге жуық адамды жұмыспен қамтып отыр. Компания өткен жылы 148,6 мың тонна мұнай өндіріп, мұнай компаниялары ішіндегі үлесі 7,7 пайызды құрады, ал, негізгі капиталға салынған инвестиция көлемі – 1,2 млрд.теңге, яғни мұнай компаниялары ішіндегі үлесі 1,6 пайызды құрайды. 
 Бүгінгі таңда жұмысшылардың еңбек құқықтарын қорғау, жұмыс орындарындағы еңбек жағдайын жақсарту, қауіпсіз еңбек жағдайларын жасау және табысын арттыру басты назардағы мәселе,- деді М.Жайымбетов.
</blockquote>
Жиында «ҚОР» мұнай компаниясының бас директоры Даулет Узаков әлеуметтік міндеттемелерін орындау барысын баяндады, ал ұжым өкілі Мақсат Балапанов өндірістегі қызметкерлерді біріктіру және олардың мүдделерін қорғау бойынша кәсіподақ тарапынан атқарылған жұмысты таныстырды.
Кездесу соңында облыс әкімдігі мен «ҚОР» кәсіпорны және кәсіподақ арасында өзара ынтымақтастық туралы үшжақты меморандумға қол қойды.
<img src="https://kyzylorda-news.kz/wp-content/uploads/2022/06/fb_img_1655918066903.jpg" alt="" />

Мархабат Жайымбетов «ҚОР» мұнай компаниясының еңбек ұжымымен кездесті

Kyzylorda-news.kz. Балалар жылы аясында облыс әкімі демеушілер көмегімен қалада спорт алаңдарын салынатынын жеткізді. Бұл ретте жанашыр меценаттардың көмегі мол. Бүгін облыс әкімінің орынбасары Мархабат Жайымбетов аймақтағы ірі бизнес өкілдерімен кездесіп, қайырымдылық жасау және әлеуметтік осал топтарға қолдау шараларын жүзеге асыру барысын нақтылау туралы жиын өткізді.
Мархабат Жайымбетұлы облыс орталығында демеушілер есебінен спорт алаңдарын салу туралы келісімге келгенін еске салды.
<blockquote>
 «Өткен басқосуда, өңіріміздің бетке ұстар құрылыс компаниялары, яғни «СМП-Қызылорда» мекемесінің басшысы Темірхан Әлімқұлов, «Бақ-Береке 2030» мекемесінің жетекшісі Қайрат Ерназаров біздің бастамаға қолдау көрсеткені естеріңізде болар. Бұл қолдауларды біз ерекше бағалаған едік, себебі, оны ескере отырып, Қызылорда қаласының аумағында 50 спорт алаңдарын салуды бастап жатырмыз», – деді М.Жайымбетов.
</blockquote>
Осы ретте, облыс әкімінің орынбасары Арал ауданының Тоқабай елді мекеніндегі апатты мектепті қайта салуға ниет білдірген «Өмірзақ» мекемесінің басшысы Ержан Дәріқожаев пен балаларға арналған спорт алаңдарын салуда белсенділік танытып, құрылыс жұмыстарын алғашқы болып бастаған «Корпорация Алем-құрылыс» мекемесінің басшысы Русланбек Сейітмұратовқа алғыс білдірді. Сондай-ақ, әлеуметтік нысандарды салуға ынталы кәсіпкерлерді барынша жылдам іске кірісуге шақырды.
<img src="https://kyzylorda-news.kz/wp-content/uploads/2022/06/fb_img_1655481017651.jpg" alt="" />

Балалар жылы: Қызылордада 50-ге жуық спорт алаңы салынады

<a href="https://kyzylorda-news.kz/">Kyzylorda-news.kz.</a> Бүгін Үкіметтің кезекті отырысында еліміздің биылғы қаңтар-мамыр айларындағы әлеуметтік-экономикалық дамуының қорытындысы және республикалық бюджеттің орындалуы қаралды.
ҚР ұлттық экономика, қаржы министрі мен ҚР Ұлттық банкінің төрағасы баяндама жасады.
Премьер-Министр экономиканың нақты секторының қарқынды дамуына өңдеу өнеркәсібі айтарлықтай үлес қосатынын жеткізіп, жауапты мемлекеттік органдар мен өңірлердің әкімдеріне осы жұмыс қарқынын сақтауды тапсырды. Ол үшін экономиканы әртараптандыру, инвестициялар тарту және жаңа жұмыс орындарын құруды жалғастыру қажет.
Үкімет жиынынан кейін облыс әкімі Нұрлыбек Нәлібаев қала, аудан әкімдері мен жауапты сала басшыларына негізгі көрсеткіштердегі түсімдерді төмендетпеу және бюджет қаражатын уақытылы игеру, инвестициялық жобаларды көбейту қажет екенін алға тартып, жұмыс қарқынын төмендетпей, межеленген көрсеткіштерге қол жеткізуді тапсырды.
<img src="https://kyzylorda-news.kz/wp-content/uploads/2022/06/288319035_322601593394425_3456284089845010989_n.jpg" alt="" />

Үкімет отырысында өңірлердің әлеуметтік-экономикалық даму нәтижелері қаралды

Kyzylorda-news.kz. Сыр өңірінде бірқатар ірі индустриялық жобаны іске асыру аймақ экономикасына ауқымды инвестиция салуды қажет етеді.
Бүгін облыс әкімі Нұрлыбек Нәлібаев «Kazakh Invest» НК» АҚ Басқарма басшысы Мейіржан Юсуповпен кездесіп, өңірдің инвестициялық әлеуетін арттыру мәселелерін талқылады. 
Аймақ басшысы «Kazakh Invest» басшысына Сыр елінде жаңа жылу электр орталығын салу, шыны зауыты жанынан 8 ілеспе өндіріс ашу, «Арал Сода» кальцийленген сода зауыты мен «Шалқия» тау-кен комбинатын іске қосу секілді ірі инвестициялық жобаларды таныстырды.
<blockquote>
 Қазіргі таңда осы өндірістер бойынша инвесторларды іздестіру жұмыстары жүргізілуде. Мәселен, жылу электр орталығының құрылысын салуға Түркия мен Қытай елдерінің инвесторлары қызығушылық білдіруде. Биыл конкурс өткізіліп, құрылыс-монтаждық жұмыстар басталған жағдайда 1,5 жыл ішінде жаңа жылу орталығы пайдалануға беріледі,-деді облыс әкімі.
</blockquote>
Кездесу барысында Сыр елінде жалпы құны 660 млрд. теңгені құрайтын 26 жобаны жүзеге асыру ұсынылды. Облыс әкімі аймақта мұнай қоры сарқылуына байланысты жаңа өндірістерді ашып, оның арқасында көптеген жұмыс орындарын құру және салық базасын ұлғайту қажеттігін алға тартты. 
Өз кезегінде, Мейіржан Юсупов бірлесіп жұмыс жасауға ниет білдіріп, Қызылордаға іссапары аясында ұсынылған жобалармен жіті танысып, оны іске асыру мүмкіндігін мұқият қарайтынын жеткізді. 
Еске салсақ, жуырда өңірге жұмыс сапармен Энергетика министрі Болат Ақшолақов пен Ұлттық экономика министрі Әлібек Қуантыров келіп, Сыр елінің өзекті мәселелерін талқылаған болатын.

Нұрлыбек Нәлібаев «Kazakh Invest» НК» басшысымен кездесті

Kyzylorda-news.kz. Қармақшы ауданына іссапары аясында облыс әкімі Нұрлыбек Нәлібаев Ақай ауылдық округі мен Төретам кенті тұрғындарымен кездесіп, көкейде жүрген сауалдарын тыңдады.
Басқосуда аудан әкімі Әділбек Ерсұлтанов Ақай ауылдық округі мен Төретам кентіндегі түйінді мәселелер мен алда атқарылар мәселелерді тізбектеді. Атап айтқанда, кәсіпкерлік саласында перспективалы жобаларды гранттық қаржыландыруға ұсыну, жол жөндеу және абаттандыру жұмыстардың барысын баяндады. Сондай-ақ, Төретам кентіндегі денешынықтыру және сауықтыру кешенінің құрылысы, стритбол және жаттығу алаңы салынып, пайдалануға берілгенін жеткізді.
Аймақ басшысы елді-мекен тұрғындары үшін аса маңызды газдандыру мәселесіне қатысты ауыл халқын ақжолтай жаңалықпен қуантты.
<blockquote>
 Елді-мекендерді аралау арқылы халықтың ұсыныс-пікірлері негізінде әлеуметтік мәселелерді саралап келемін. Ақай, Төретам кентінде де, Байқоңыр қаласында көптеген жұмыстар іске асты. Жаңа 1200 орындық мектеп салынды, жаңа аурухана салынды. Байқоңыр қаласының су жүйелерін жаңартуға 12 млрд.теңгеге жоба жасадық. Көпқабатты тұрғын үйлер де салынуда. Бүгін бірқатар нысандарды аралап, жұмыс барысын бағамдап қайттық.
 Сіздердің көкейде жүрген сұрақтардың бірі газдандыру екенін білемін. Сала мамандарының табанды еңбегі мен Сенаторлардың қолдауы негізінде Төретам және Ақай елді мекеніне газ тарту жұмыстарын бастауға қажетті қаражатты бөлінді. Қазіргі таңда конкурс жүргізілуде. Жеңімпаздар анықталғаннан кейін көп ұзамай жұмыс басталмақ,-деді Нұрлыбек Нәлібаев.
</blockquote>
Жиын соңында ардагерлер Жақсылық Қыпшақбайұлы, Смағұл Аралбаев көкейде жүрген сауалдарын қойып, өзекті ұсыныстарын ортаға салды.
<img src="https://kyzylorda-news.kz/wp-content/uploads/2022/06/fb_img_1654827320879.jpg" alt="" />
<img src="https://kyzylorda-news.kz/wp-content/uploads/2022/06/fb_img_1654827318463.jpg" alt="" />

Ақай, Төретам тұрғындары көгілдір отынның игілігін көреді

Kyzylorda-news.kz. Байқоңыр қаласындағы жұмыс сапары аясында облыс әкімі Нұрлыбек Нәлібаев жұлдызды қалашықтағы 50 пәтерлі 5 тұрғын үйдің құрылыс жұмыстарын бақылап көрді.
Өткен жылы “Нұрлы жер” бағдарламасы шеңберінде қолға алынған тұрғын үйлердің жалпы ауданы 15 372,6 шаршы метрді құрайды.
Құрылыс барысын саралаған аймақ басшысы мердігер компанияға пәтерлерді уақытында тапсырып, жұмысты сапалы орындау керектігін қаперге салды.
Айта кетейік, Байқоңырда 2019 жылы «Нұрлы жер» бағдарламасы аясында 50 пәтерлі 5 тұрғын үйлер пайдалануға берілген.
<img src="https://kyzylorda-news.kz/wp-content/uploads/2022/06/fb_img_1654827105061.jpg" alt="" />

Қазақстан және Қызылорда облысының жаңалықтары: Экономика