<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a>&nbsp; Бүгін Үкімет басшысы Әлихан Смайловтың төрағалығымен өткен жиында биылғы жылдың қаңтар-тамыз айындағы әлеуметтік-экономикалық даму қорытындылары және «Цифрландыру, ғылым және инновациялар есебінен серпіліс» ұлттық жобасын іске асыру барысы қаралды. Отырысқа бірқатар министрлер мен онлайн режимде барлық өңірдің әкімдері қатысты. Екі мәселе бойынша министрлер баяндама жасады.
Селекторлық жиында Экономика министрі Әлібек Қуантыров Қызылорда облысының негізгі капиталға салынған инвестициялар көлемінің өсімі 18,3% құрап, республика бойынша алдыңғы қатарда екенін жеткізді.
Әлихан Смайылов инфляцияны тежеу бағытында жұмысты күшейту үшін мемлекеттік органдар мен әкімдіктерге нақты тапсырмалар жүктеді.
Үкімет отырысынан кейін аймақ басшысы Нұрлыбек Нәлібаев қала, аудан әкімдерімен өткізген жиында өңірдің әлеуметтік-экономикалық дамуында өсім байқалғанымен, бірқатар көрсеткіштерді көтеруде қала, аудан әкімдеріне жұмысты үйлестіру қажет деді.
<blockquote class="wp-block-quote">«Аймақта өңдеу өнеркәсібінде 6,2 пайыздық өсім қалыптасты. Әсіресе, Жалағаш пен Арал, Сырдария аудандарында елеулі өсім бар. Дегенмен, өңдеу өнеркәсібі бойынша Қызылорда қаласы мен Қармақшы ауданына жұмысты жандандыру қажет. Құрылыс жұмыстарының көлемін арттыру бағытында Қызылорда қаласындағы көрсеткішті әлі де көтеру керек. Асылбек Өмірбекұлы, қалада құрылыс қарқынды жүріп жатқанын білемін, бірақ мерзімінде түгендеу жұмыстары жүргізілмей, базаға енгізілмей қалғандықтан статистика басқаша. Жұмысты ретке келтіру қажет. Барлық аудандар мен Қызылорда қаласының әкімдеріне экономикалық өсімді ай сайын қамтамасыз ету бойынша шаралар қабылдау міндеттеледі», &#8212; деді Н.Нәлібаев.</blockquote>
<figure class="wp-block-image size-full"><img loading="lazy" width="1024" height="731" src="https://kyzylorda-news.kz/wp-content/uploads/2022/09/306720107_383163460671571_7091659108065254604_n-1.jpg" alt="" class="wp-image-165690" srcset="https://kyzylorda-news.kz/wp-content/uploads/2022/09/306720107_383163460671571_7091659108065254604_n-1.jpg 1024w, https://kyzylorda-news.kz/wp-content/uploads/2022/09/306720107_383163460671571_7091659108065254604_n-1-768x548.jpg 768w" sizes="(max-width: 1024px) 100vw, 1024px" /></figure>
Аймақта инвестиция қарқыны төмен емес. Өткен жылдың сәйкес кезеңімен салыстырғанда инвестиция тарту 18,3 пайызға көбейген. Байқоңыр қаласында «Бәйтерек» ғарыштық зымыран кешенін құру есебінен инвестиция көлемі 32 есе артқан. Аудан бөлінісіне сәйкес, Сырдария, Шиелі, Жалағаш, Қазалы аудандары жоғары өсім динамикасын көрсеткен.
Жиында бюджеттің игерілу барысы да қаралды. Аймақ басшысы облыстық басқармалар, Қызылорда қаласы мен әр ауданның көрсеткішін саралап, жоспарланған барлық қаражаттарды 100% толығымен игеруді, 2022 жылдың 1 қазанына мемлекеттік сатып алу конкурстарын аяқтап, келісім-шарттарды уақытылы тіркеуді тапсырды.
Сонымен қатар қаржының толық, сапалы және уақытылы игерілу мақсатында тауар жеткізушілер және мердігерлермен тиісті жұмыстар жүргізуді жүктеді.
Күн тәртібіндегі екінші мәселе &#8212; &#171;Цифрландыру, ғылым және инновациялар есебінен серпіліс&#187; ұлттық жобасын іске асыру. Ұлттық жоба аясында «Ақылды» қалалардың Эталондық стандартына сәйкес Қызылорда қаласында цифрландыру жобалары жүзеге асырылуда.
Облыс әкімі цифрлық жобалар ең бірінші халықтың өмір сапасын жақсарту, қауіпсіздікті сақтауда оңтайлы қызмет көрсетуі қажет деді. Бұл ретте &#171;Ақылды қалалардың&#187; Эталондық стандартына сәйкес, келер жылдан бастап Арал және Қазалы қалаларында жобаны іске асыру тетігін қарастыруды тапсырды. Сондай-ақ, Қызылорда қаласының қоғамдық көліктерінде электронды билеттеу жүйесіне жеке тасымалдаушылардың да қосылуын, валидаторлармен толық жабдықталуын қамтамасыз етуді жүктеді.
Жиын соңында аймақ басшысы алдағы 9 айдың қорытындысымен барлық көрсеткіштер жоғары деңгейде орындалуы тиіс екенін қаперге салды.
<div class="wp-block-image"><figure class="aligncenter size-full"><img loading="lazy" width="1024" height="668" src="https://kyzylorda-news.kz/wp-content/uploads/2022/09/306845932_383163510671566_4663786709830604869_n.jpg" alt="" class="wp-image-165695" srcset="https://kyzylorda-news.kz/wp-content/uploads/2022/09/306845932_383163510671566_4663786709830604869_n.jpg 1024w, https://kyzylorda-news.kz/wp-content/uploads/2022/09/306845932_383163510671566_4663786709830604869_n-768x501.jpg 768w" sizes="(max-width: 1024px) 100vw, 1024px" /></figure></div>

Қызылорда өңірі негізгі капиталға салынған инвестициялар көлемі бойынша алдыңғы қатарда

<a rel="noreferrer noopener" href="https://kyzylorda-news.kz/" target="_blank">Kyzylorda-news.kz.</a> Нұр-Сұлтан қаласында өткен ауыл шаруашылығы жәрмеңкесіне Сыр елінен жеткізілген 100 тоннадан астам күріш бір күннің ішінде таусылған. Себебі, баға төмен, сұраныс жоғары. 
Елордалық тұрғындарға арнап жеткізілген өнімдердің барлығы да тұрмыстағы қажетті тауарлар болған соң халықтың сатып алу көрсеткіші жоғары деңгейге жетті. Одан бөлек балық өнімінің де өтімділігі байқалған. Бұл туралы Өңірлік коммуникациялар қызметінде өткен баспасөз конференциясында айтылды.
<blockquote class="wp-block-quote">«Сыр Елінен Нұр-Сұлтан қаласына барған өнерпаздар әсем әндерден шашу шашып, елордалықтарға әсерлі көңіл-күй сыйлады. Сонымен қатар, облыс тарапынан қайырымдылық қоры аясында жағдайы төмен отбасыларға азық-түлік себеттері таратылды. Жәрмеңкеде 70-ке жуық Сыр диқандары мен кәсіпорындары 50 жүк автокөлігімен жалпы құны 200 млн теңгені құрайтын 500 тоннадан астам өнімдер елордалық тұрғындарға ұсынылды. Арқа төріндегі тұрғындарға Қызылорда облысының брендіне айналған ақ күріш, балығы мен ас тұзы, қауыны мен қарбызы жеткізілді. Сырбойылықтар жәрмеңкеге 100 тонна күріш, 15 тонна ет және 30 тонна балық өнімі, 80 тонна көкөніс пен жеміс-жидек, 210 тонна бақша өнімі, 50 тонна асқабақ, 3 тонна ас тұзы, 10 тонна сүт өнімі, 5 тоннаға жуық кондитерлік өнім ұсынды», &#8212; деді облыстық ауыл шаруашылығы және жер қатынастары басқармасының басшысы Талғат Дүйсебаев.</blockquote>
<figure class="wp-block-image size-full"><img loading="lazy" width="960" height="640" src="https://kyzylorda-news.kz/wp-content/uploads/2022/09/306838163_1617196105342562_5440724985699559483_n.jpg" alt="" class="wp-image-165685" srcset="https://kyzylorda-news.kz/wp-content/uploads/2022/09/306838163_1617196105342562_5440724985699559483_n.jpg 960w, https://kyzylorda-news.kz/wp-content/uploads/2022/09/306838163_1617196105342562_5440724985699559483_n-768x512.jpg 768w" sizes="(max-width: 960px) 100vw, 960px" /></figure>

Сыр күрішіне сұраныс жоғары

Kyzylorda-news.kz. Қармақшы ауданы әкімінің міндетін атқарушы Біржан Далабаев Жосалы кентіндегі құрылыс және абаттандыру жұмыстарымен танысты.
Биылғы балалар жылына орай аймақ басшысының тапсырмасына сәйкес «Тәуелсіздік» ықшам ауданында салынып жатқан балалар ойын алаңының құрылыс барысын бақылады. Жалпы Қармақшы ауданы бойынша бюджеттен тыс көздер арқылы 5 балалар ойын алаңқайы салынуда. Қазіргі таңда олардың құрылыс жұмыстарының 80 пайызы аяқталып, қазан айында толығымен пайдалануға берілмек.
Одан соң Ү.Томанов көшесіндегі «Шығыс» каналын темірбетон лотокпен қаптау жобасымен танысты. Аталмыш жоба бойынша қазіргі таңда тек қажетті материалдар жинақталғанына көз жеткізіп, сондай-ақ монтаж жұмыстарын мерзімге сәйкес бітіру керектігін тапсырды.
Сонымен қатар, бұқаралық спортты дамытып, халықтың спорттық нысандарға қолжетімділігін арттыру мақсатында «Ауыл – ел бесігі» бағдарламасы аясында салынып жатқан спорт кешенінің жұмысын бақылады. Әрі қарай, орталық аурухананың жылу қазандығын табиғи газға ауыстыру жұмыстарын көрді. Жосалы кентінде абаттандыру жұмыстары жүргізіліп жатқан бірқатар көшелерді аралады.
Біржан Далабайұлы барлық құрылыс және абаттандыру жұмыстарына жауапты мердігерлермен кездесіп, құрылыс жұмыстарын сапалы және мерзімінде атқаруды жүктеді.
<img src="https://kyzylorda-news.kz/wp-content/uploads/2022/09/img-20220910-wa0037.jpg" alt="" />

Қармақшы ауданында 5 балалар ойын алаңқайы салынып жатыр

<a href="https://kyzylorda-news.kz/">Kyzylorda-news.kz.</a> Биыл Шиеліде барлығы 30,1 мың гектарға егін егілді. Ал басты дақыл күріштің көлемі 10 750 гектарды құрады. Ауданда егін көлемін әртараптандыру бағытындағы жұмыстар да өз нәтижесін беруде. Дәлірек айтқанда, биыл жоңышқадан 48 890 тонна өнім жиналса, жаздық бидайдан 410 тонна өнім алынған. Бұл жөнінде Өңірлік коммуникациялар қызметінде өткен брифингте Шиелі ауданының әкімі Нұржан Ахатов мәлімдеді.
<blockquote>
 «Ауданда егін шаруашылығын әртараптандыру мақсатында ескі жоңышқа көлемін – 6147 гектарға, жаңа жоңышқа – 3400 гектарға, соя – 150 гектарға, дәнді жүгері – 110 гектарға, арпа – 50 гектарға, жемдік жүгері – 60 гектарға, мақсары 1494 гектарға артып отыр. Қазіргі таңда көкөніс, бақша дақылдарын жинау жұмыстары қарқынды жүруде. Осы уақытқа дейін көкөністен – 33 620 тонна, бақша дақылдарынан 53 705 тонна өнім жиналды. 25 тамыздан бастап шаруа қожалықтары Сыр салысын жинауды бастады. Бүгінде 10 750 гектар күріштің 1346 гектары орылып, оның 850 гектары бастырылды. Ал мал шаруашылығында төрт түлік мал басы мен одан өндірілген өнім көлемінде тұрақты өсім бар. Атап айтқанда, ауданда мүйізді ірі қара саны – 89 509 бас, уақ мал саны – 136 320 бас, жылқы – 23 778 бас, түйе – 1 656 бас, құс саны 31 918 бас тіркелді. Тиісінше ет өнімі – 101,8 пайызға, сүт – 101,3 пайызға, жұмыртқа 104,6 пайызға артты. Сонымен қатар өзін-өзі әлеуметтік маңызы бар өнімдермен қамтамасыз етуге бағытталған шара қабылданған болатын. Осыған сәйкес, егіс алқаптарынан қосымша 81,1 гектар жер көлемі дайындалып, 350 отбасыға бөлініп берілді. Қазіргі таңда егілген егіннен өнімдер жиналуда», – деді аудан әкімі Нұржан Ахатов.
</blockquote>
<img src="https://kyzylorda-news.kz/wp-content/uploads/2022/09/306041155_1613835102345329_1489803529587641181_n.jpg" alt="" />

Шиелі ауданында ауыл шаруашылығы саласы қарқынды дамуда

<a href="https://kyzylorda-news.kz/">Kyzylorda-news.kz.</a> Экономиканы көтерудің төте жолы – кәсіпкерлікті дамыту. Әсіресе, шағын бизнестің үлесін көбейту арқылы жаңа жұмыс орындарын құрып, халықтың табысын арттыруға мүмкіндік бар. Бұл ретте кәсіпкерлік саласының әлеуетін көтеру үшін бизнес өкілдерімен пікірлесу маңызды.
Облыс әкімі Нұрлыбек Нәлібаев өңірдегі бизнес өкілдерімен кездесіп, ортақ мәселелерді талқылады. Басқосуға «Атамекен» Ұлттық кәсіпкерлер палатасы басқарма төрағасының орынбасары Тимур Нақыпбеков және облыс прокуроры Нұрлан Бижанов пен салалық құрылым басшылары қатысты. 
Жиында отандық өнім өндіру, азық-түлік қорын көбейту және жергілікті тауарөндірушілерді қолдау шаралары мен өңдеу салаларының дамуы ашық айтылды.
Аймақ басшысы мұнай қорының сарқылуына байланысты газ өндіру ісінің көлемін арттыруға басымдық берілгенін, өндіріс орындарының жанынан ілеспе зауыттар ашу арқылы жаңа жұмыс орындары құрылатынын жеткізді. Сондай-ақ, инвестиция тартуға қолайлы жағдай жасау арқылы кәсіпкерлердің жаңа жобаларды жүзеге асыруға мүмкіндік мол екенін қаперге салды.
<blockquote>
 «Инвесторларды қолдау мақсатында «Байқоңыр» әлеуметтік кәсіпкерлік корпорациясының рөлі күшеюде. Оның құрамында «Қызылорда инвестициялық және талдау орталығын» ашып, инвестиция тартуға кең мүмкіндіктері мен қызметтік байланыстары бар ірі кәсіпкерлерді шақырамыз. 
 Алдағы уақытта агроөнеркәсіптік кешенді дамытуға басымдық береміз. Бұл бағытта бірінші кезде ауыл шаруашылығының өнімділігін арттырып, агроөнеркәсіп өнімдерін өңдеу және экспорт көлемін арттыруды қолға аламыз. Өнім өндіруге ынталы азаматтарды қолдаймыз. 
 Келер жылы экспортқа шығарылатын томат концентратын өндіретін зауыттың құрылысын бастаймыз. Ал, әртараптандыру бағытында шет елдерде сұранысы көп азықтық жүгеріні егу қолға алынады. “Ақжарма и К” шаруашылығы СПК-мен бірлесіп жүгері өсіруге қажетті технологияны енгізуге инвестор тартуда. Мұнан бөлек, агро-индустриялық зоналар ашу жоспарымызда бар»,-деді Н.Нәлібаев.
</blockquote>
Кәсіпкерлер палатасының ұсынысымен өткізілген жында Тимур Нақыпбеков мұндай кездесулердің саладағы өзекті мәселелерді ашық талқылауға мүмкіндік беретінін атап өтті.
<blockquote>
 «Атамекеннің» бастамасымен осындай кездесулер барлық облыста ұйымдастырылып жатыр. Қызылорда тоғызыншы өңір. Ал кәсіпкерлік мәселесімен айналысатын жұмыс тобын құрып отырған әзірге жалғыз облыс. Жергілікті мәселелерді әкімдік шешіп берсе, республикалық деңгейдегі проблемаларды Үкіметке біз жеткізіп отыратын боламыз», – деді Атамекен ҰКП Басқарма төрағасының орынбасары Тимур Нақыпбеков.
</blockquote>
Келелі кездесуде Нұрлыбек Нәлібаев шетелдік кәсіпкерлердің тәжірибесі мен инновацияларын енгізу ісі басталғанын тілге тиек етті. Мәселен, украиналық инвесторлармен тұкым шаруашылығын дамыта отырып күріш, бидай, жүгері, соя дақылдардың жаңа сорттарын шығаруда ынтымақтастық орнаса, австралиялық «Рубикон» компаниясының суды пайдалану тиімділігі тәжірибесі қолға алынған.
Жиында сөз алған облыстық кәсіпкерлік және өнеркәсіп басқармасының басшысы Мұса Қалдарбеков кәсіпкерлерді қолдауда әртүрлі көздерден 20 млрд. теңге шамасында қаржы қаралып, бүгінде 700-ден астам жобаға жеңілдікпен несие берілгенін айтты. Ауылдық елді-мекендердің кәсіпкерлері үшін шағын несиелер беру бағытында кәсіпкерлердің 393 жобасы 6,1 млрд. теңгемен қаржыландырылған.
Басқосуда «Жан-Арай» ЖШС директоры Бақдәулет Махашов көтерме-тарату орталығының әлеуетін жоғарылату арқылы азық-түлік өнімдерінің бағасын тұрақтандыру жолдарын ұсынды. Ал, «Ер-Әлі» шаруа қожалығының төрағасы Әліби Бекжанов егін шаруашылығын әртараптандыру туралы тәжірибесімен бөлісіп, бақша дақылдарын көбейтудің желісін жандандыру мәселесін көтерді. 
Облыс әкімі азық-түлік өнімдерінің басым бөлігін сырттан әкелу тәуелділігінен арылу үшін бақша дақылдарын егу ісінде жергілікті кәсіпкерлерді, ынталы бизнесмендерді әрдайым қолдайтынын ашық айтты.
Көкөністердің біразын көрші аймақтардан алатынымыз жасырын емес. Картопты Павлодардан, сәбізді Қостанайдан әкелудеміз. Қалғаны Түркістан облысынан келеді. Бұл проблеманы жою үшін егін егуге ынталы шаруаларға жер бөлуді тапсырып, оларға жағдай жасадық. Бақша өнімдерін, көкөністі егуге біздің өңірдің мүмкіндігі жетеді. Істі ілгерілетіп әкеткен шаруалар да бар. Күрішке ғана иек артып қоюға болмайды. Артылса, өнімді сатуға мүмкіндікті де қарастырамыз,-деді Н.Нәлібаев. 
Сондай-ақ, бірқатар кәсіпкерлер жаңа емхана ашу, бос тұрған ғимараттарды кәсіпкерлік мақсатта пайдалану, туризмді дамыту, жеке балабақшаларға субсидия бөлу, жеңіл өнеркәсіп саласына жағдай жасау сынды өзекті мәселелерін ортаға салды.
Жиын соңында аймақ басшысы өңірде бизнес климатты жақсарту үшін кәсіпкерлердің ұсыныстары мен жобаларын қарайтын арнайы жұмыс тобы құрылатынын жеткізді.
«Атамекен» Ұлттық кәсіпкерлер палатасы басқарма төрағасының орынбасары Тимур Нақыпбеков мұндай жұмыс топтың алғаш болып Қызылорда өңірінде бастау алатыны қуантарлық жағдай деді.
<img src="https://kyzylorda-news.kz/wp-content/uploads/2022/09/305967408_379785947675989_733103968982857324_n.jpg" alt="" />
<img src="https://kyzylorda-news.kz/wp-content/uploads/2022/09/306098574_379785881009329_1201056511243800129_n.jpg" alt="" />

Нұрлыбек Нәлібаев: Жергілікті өнім шығаратын кәсіпкерлерді әрқашан қолдаймыз

Kyzylorda-news.kz. Бүгін облыс әкімі Нұрлыбек Нәлібаевтың қатысуымен облыстық мәслихаттың кезектен тыс XIX сессиясы өтті. Сессияны облыстық мәслихат хатшысы Наурызбай Байқадамов жүргізді. Жиынға облыстық мәслихат депутаттары, басқарма басшылары қатысты.
Күн тәртібінде 4 мәселе қаралды. Атап айтсақ, «2022-2024 жылдарға арналған облыстық бюджет туралы» Қызылорда облыстық мәслихатының 2021 жылғы 13 желтоқсандағы № 72 шешіміне өзгерістер енгізу, Қызылорда облыстық мәслихатының кейбір шешімдерінің күші жойылды деп тану, Қызылорда облысы бойынша іске асырылуы жоспарланатын жергілікті мемлекеттік-жекешелік әріптестік жобаларының тізбесін бекіту және «Азаматтардың жекелеген санаттарына амбулаториялық емдеу кезінде тегін және (немесе) жеңілдікті шарттармен тегін медициналық көмектің кепілдік берілген көлемін, оның ішінде дәрілік заттарды, арнайы емдік өнімдерді, медициналық бұйымдарды қосымша беру туралы» Қызылорда облыстық мәслихатының 2020 жылғы 21 қазандағы № 474 шешіміне толықтыру енгізу туралы.
Сессияда аймақ басшысы ҚР Президенті Жолдауында айтылған барлық бағыттар бойынша нақты шаралар қабылдап, сапалы іске асыру қажет екенін айтты.
<blockquote>
 Мемлекет басшысы «Биыл біз жаңа кезеңге қадам бастық. Халқымыз жалпыұлттық референдумда саяси жаңғыру бағдарын қолдады. Конституциялық реформа жаңа, әділетті Қазақстанды құру жолындағы аса маңызды қадам болды. Еліміздегі саяси жаңғыру енді экономикалық өзгерістерге ұласуға тиіс» деп атап өтті.
 Жолдауда экономиканы әртараптандыру, шикізатқа тәуелділіктен арылу, инвестиция тарту, макроэкономикалық тұрақтылықты қамтамасыз ету және цифрландыру, шағын және орта бизнес пен адам капиталын дамыту, заң үстемдігін орнықтыруға негізгі басымдық берілді.
 Күні кеше ғана Үкіметпен Жолдауды іске асыру жөніндегі жалпыұлттық іс-шаралар жоспарының жобасы мақұлданды.Осының негізінде Өңірлік іс-шаралар жоспары әзірленуде, -деді Н.Нәлібаев.
</blockquote>
Облыс бойынша 7 ай қорытындысымен өнеркәсіп өндірісінің көлемінен басқа барлық негізгі әлеуметтік-экономикалық көрсеткіштер бойынша өткен жылдың сәйкес кезеңімен салыстырғанда өсім қалыптасты. 
Индустрияландыру бағдарламасы аясында биыл құны 7,8 млрд. теңгені құрайтын 3 жобаны іске асыру жоспарлануда. Олар, жылына 1500 тонна құс етін өндіретін құс фабрикасы («Қармақшы құс» ЖШС), 324 тонна балық өңдейтін цех («Тұрған-тамы» ШҚ) және 3 500 тонна тауық етін қайта өңдеу бойынша құс фермасы («Абдулла» ШҚ). 
Индустрия саласына инвестиция тартуға және кіші және орта кәсіпкерлік белдеуін құруға мүмкіндік беретін ірі жоба, ол – шыны зауыты. Оның жанынан 8 ілеспе кәсіпорын кұрылады. Бүгін де инвесторлар 3 жобаның жобалау жұмыстарын бастады (композиттік материал, айна, жұқа әйнек), 5 жобаға инвестор іздестірілуде.
Сонымен қатар аймақ басшысы Президент халықтың әл-ауқатын, әлеуметтік тұрмысын арттыруды тапсырғанын айтып, алдағы міндеттерді саралады.
Атап айтқанда, Сырдария трансшекаралық өзенінің ресурстарын бөлу жөніндегі халықаралық келіссөздерде Қырғызстан, Тәжікстан, Өзбекстан және Қазақстан экономикаларының қажеттіліктерімен қатар Кіші Арал теңізін судың жеке тұтынушысы ретінде ескеру қажеттілігі. «Батыс Еуропа – Батыс Қытай» автомагистралінің Қызылорда қаласынан Ақтөбе облысының шекарасына дейінгі учаскесін екінші санаттан бірінші санатқа ауыстыру мәселесі. Қызылорда қаласында 300 орындық жаңа көп бейінді аурухана (онкологиялық бөлімшесімен) құрылысын салу. Аймақтың өзіндік әлеуеті жетпейтін және орталық деңгейде қолдауды қажет ететін мәселелерді шешу үшін Қызылорда облысының 2023-2027 жылдарға арналған әлеуметтік-экономикалық дамуының кешенді жоспарын бекіту. Осыған сәйкес, облыстың 2023-2027 жылдарға арналған әлеуметтік-экономикалық дамуының кешенді жоспарының жобасы әзірленуде.
Сессияда депутаттар тарапынан қоғамдық көлік мәселесі де қозғалды. Облыс әкімінің айтуынша Қостанай облысындағы зауыттан замануи үлгідегі 150 автобусқа тапсырыс беріліп, жақын арада жеткізілетін болады. Басқосуда айтылған тағы бір мәселе – жолаушы тасымалымен айналысатын жеке кәсіпкерлерге субсидия беру. Бұл ретте Н.Нәлібаев бұл бағыттағы кәсіпкерлерге субсидия бөлу заң жүзінде қаралмағанын алға тартып, былтырғы осы мақсатта бөлінген 500 млн. тенгеге жуық қаржы қайта бюджетке қайтарылғанын және жаңа автобустар алуға бағытталғанын жеткізді. 
Жиын соңында аймақ басшысы мәслихат депуттарына тұрғын үй құрылысын жүргізуге, білім саласында мемлекеттік балабақшалардың қызметін үздіксіз ұйымдастыру мақсатында қызметкерлердің еңбекақысы мен коммуналдық шығындарына, мәдениет және спорт саласында мемлекеттік шығармашылық және спорттық тапсырыстарды қаржыландыруға, І топтағы мүмкіндігі шектеулі жандарға қызмет көрсететін маманның жалақысын төлеуге, техникалық көмекші құралдарымен және арнаулы жүріп-тұру құралдарымен қамтамасыз ету үшін бюджет қаражатын нақтылауды ұсынды. 
Мәслихат сессиясында көтерілген мәселелер бойынша депутаттар тиісті шешім қабылдады.
<img src="https://kyzylorda-news.kz/wp-content/uploads/2022/09/fb_img_1662555800735.jpg" alt="" />
<img src="https://kyzylorda-news.kz/wp-content/uploads/2022/09/fb_img_1662555805916.jpg" alt="" />

Облыстық мәслихаттың кезектен тыс XIX сессиясы өтті

<a href="https://kyzylorda-news.kz/">Kyzylorda-news.kz.</a>&nbsp; Республиканың тек екі аймағында ТМД елдерінде теңдесі жоқ заманауи жаңа жылу электр орталығы салынбақ. Алғашқысы – Сыр елінде бастау алды.
Бүгінге дейін Қызылорда қаласындағы электр жылу орталығы 50-60 жылдан бері үздіксіз жұмыс жасайды. Сондықтан электр желілерінің де әбден тозығы жеткен. Бұл сөзсіз электр жүктемесіне салмақ салады. Өзекті мәселелерді өз уақытында назарға алған аймақ басшысы Энергетика министрлігімен тиісті жұмыстарды атқарып, бірлескен түрде оңтайлы шешім қабылдады. Таяуда ғана қос тарап бірлескен меморандумға қол қойған еді.
Ал, бүгін игілікті қадамның жалғасы ретінде облыс әкімі Нұрлыбек Нәлібаев пен «Акса Энерджи» компаниясының атқарушы комитетінің төрағасының орынбасары Коркут Озтуркмен Сыр елінде бұрын-соңды болмаған заманауи үлгідегі электр орталығының құрылысы басталатын жерге капсула салу рәсіміне қатысты.
Аймақ басшысы Президенттің тапсырмасына сәйкес мұндай ірі жобаның тек өңір үшін ғана емес республикаға маңызы бар екенін тілге тиек етті.
<blockquote>
 «Мемлекет басшысы оңтүстік өңірлерді үздіксіз электр энергиясымен қамтамасыз ету мақсатында 3 жыл ішінде қуаттылығы 1000 мегаваттан астам электр станцияларын салуды тапсырды. 
 Осы тапсырма аясында заманауи қондырғылар республиканың екі аймағында ғана салынады. Алғаш болып, біздің аймақта жүзеге асуда. Құны 215 млрд.теңгеден асатын жоба 36 ай ішінде аяқталады. Осылайша электр станцияны 2025 жылы ел игілігіне табыстайтын боламыз. 
 Аймақ игілігіне арнап салынатын жаңа нысанның іске асуына ұйытқы болған Энергетика министрлігіне және мүдделік танытқан компания басшысы Коркут Өзтүркмен мырзаға барша Сыр жұртшылығының атынан шынайы алғысымызды жеткіземіз»,-деді аймақ басшысы Н.Нәлібаев.
</blockquote>
Қуаттылығы 240 мегаватқа жететін жаңа нысан энергия жетіспеушілігін едәуір төмендетеді. Бұл Тәуелсіздік алған жылдары елімізде бюджеттен тыс қаржы көздерінен, яғни шетелдік инвесторлардың қаржысына іске асырылатын ең ауқымды теңдессіз жоба. 
Түрік компаниясының өкілі мұндай ауқымды жобаны іске асыру энергетикалық қауіпсіздікті және тарифті сақтауға мүмкіндік беретінін жеткізді.
<blockquote>
 «Қазақстан болашағы өте зор ел. Біз осы кезге дейін әлемнің бірнеше мемлекеттеріне энергетикалық бағытта ірі жобаларды іске асырдық. Енді Қазақстанда, оның ішінде Қызылорда өңірінде нысанды салуға ниеттіміз.
 Қызылордамен жасалған 15 жылдық келісім-шарт негізінде біз қаланың энергия мен жылу қажеттілігін қамтамасыз ететін боламыз. Бұл орталық энергетикалық қауіпсіздікті күшейтуге ерекше мүмкіндік береді»,-деді Коркут Озтуркмен.
</blockquote>
Игі іс-шарада мемлекет және қоғам қайраткері Бақберген Досманбетов бұл нысанды салу шешіміне келу халықтың көкейде жүрген мәселесін шешуге жол ашты деді.
<blockquote>
 «Әрине, қала тұрғындары үшін қанша жылдан бері жылуға, электр энергия бағытында қиындықтар туындап, әсіресе қыс мезгілінде проблемалар болатын. 60 жылдан бері қызмет етіп келген орталықтың әлеуеті жетпейтіні белгілі. облыс басшысының өз қаржысына ауқымды нысанды салуға ниетті инвесторды тауып, түрік бауырларымызды шақырғаны бүгінгі жиынның айғағы деп санаймын»,-деді Бақберген Досманбетов.
</blockquote>
Айта кетейік, тағы бір түрік компаниясымен бірге өңірде томат өндіретін зауыт салынбақ. Қазіргі таңда аталған жоба аясында 25-30 миллион доллар көлемінде инвестиция тарту бойынша келісімге келу жұмыстары жүзеге асуда.
<img src="https://kyzylorda-news.kz/wp-content/uploads/2022/09/305686152_379212807733303_3336603808610448745_n.jpg" alt="" />
<img src="https://kyzylorda-news.kz/wp-content/uploads/2022/09/305819129_379212777733306_6242622748611464663_n.jpg" alt="" />
<img src="https://kyzylorda-news.kz/wp-content/uploads/2022/09/305823802_379212884399962_1154652016686383861_n.jpg" alt="" />
<img src="https://kyzylorda-news.kz/wp-content/uploads/2022/09/305921757_379212791066638_5457766268520748989_n.jpg" alt="" />

Сыр елінде жаңа жылу-электр орталығының капсуласы салынды

<a href="https://kyzylorda-news.kz/">Kyzylorda-news.kz.</a> Арал ауданда жылдық қуаттылығы 23 900 тоннадан астам 9 балық өңдеу зауыты жұмыс істейді. «Еврокод» белгісін «Арал балық өңдеу зауыты» және «Арал сервистік дайындау орталығы» ЖШС-гі алған.
Аудан әкімі Серік Сермағамбетовтің айтуынша балық шаруашылығын дамытудың 2021-2030 жылдарға арналған өңірлік бағдарламасына сәйкес ауданға қатысты тауарлық балық өндірісін ұлғайту үшін 7 тауарлы көл тізімге енгізілді.
<blockquote>
 «Тізімде Ақшатау-Сорғақ, Домалақ, Тұщы, Қаракөл, Алаша, Ақбілек және Шөмішкөл көлдері бар. Қазіргі таңда осы бағдарламаны іске асыру шеңберінде тізімге енгізілген көлдердің каналдарын тазалау, қажетті жерлерге гидротехникалық құрылыстарын салу және электр желілерін жеткізу бойынша жұмыстар жүргізілуде. Сонымен қатар тауарлы балық шаруашылығын дамыту мақсатында биылғы жылы 3 тоған шаруашылығын іске қосу жоспарға енгізілді. Аталған жобалар жүзеге асқан жағдайда ішкі нарық тұрақты балық өнімдерімен қамтамасыз етіледі», – деді аудан басшысы.
</blockquote>
<img src="https://kyzylorda-news.kz/wp-content/uploads/2022/08/f0e56d90-3d7f-46fc-90d7-f6738785b398.jpg" alt="" />
Айта кетейік, өткен жылы орын алған қуаңшылықтың Арал ауданының ауылшаруашылығы саласына келтірген зияны орасан зор болды. Биылғы&nbsp; жылы осы шаралардың алдын алу мақсатында су шаруашылығына барлығы 568,2 млн.теңге қаржы қаралып, өз деңгейінде тиісті шара атқарылды. 176,1 млн.теңгеге 8 ұнғыма қазылып, 392,1 млн.теңгеге 6 каналды тазарту жұмыстары жүргізілген.

Арал ауданында жылына 23 900 тонна балық өңделеді

Мемлекет басшысы Қасым-Жомарт Тоқаевтың Қазақстан халқына Жолдауы

<a href="https://kyzylorda-news.kz/">Kyzylorda-news.kz.</a> Жылдың басты құжаты – Президент Жолдауын тыңдаған кәсіпкерлер салаға қатысты саясаттың жаңа деңгейге шыққанын айтып, жоғары бағасын беріп жатыр, дейді Қызылорда облысы кәсіпкерлер палатасының директоры Пірмұхаммед Сыздықов.
Кәсіпкерлерге еркін жұмыс істеуі үшін не қажет? Бірінші кезекте жер телімдері мен қаржылай қолдау қолжетімді болуы тиіс. Бүгінгі Жолдауда Мемлекет басшысы кәсіпкерлерге жер телімдерін ашық әрі жедел бөлудің тиімді тәсілдері айқындалуы керегін және бос жатқан жерлер туралы ақпаратты бизнес өкілдерінің білуі тиіс екенін айтты.
Кәсіпкерлер палатасы 5 жылдан бері жер телімдеріне қатысты ақпарат ашық болуы керек деген ұстаныммен жергілікті атқарушы органмен біре жұмыс жасап келеді. Нәтижесінде өңірдегі Кәсіпкерлерге қызмет көрсету орталығы арқылы кәсіпкерлердің техникалық шарт алу қызметі жеңілдетілді. Сондай-ақ, Қызылорда қаласы әкімдігімен бірлесе аукцион арқылы берілетін жер телімдерінің конкурсын Кәсіпкерлер палатасының алаңында өткізу тәжірибесі енгізілді.
Жолдауда еңбекақы төлеу қорын көбейткен және салық төлемдерін арттырған кәсіпорындарға қолдау көрсетілетіні қуантып отыр. Бұл қадам бизнес өкілдері үшін ынталандырудың жақсы көрсеткіші болмақ және көлеңкелі экономиканың да алдын алары сөзсіз.
Жолдаудың келесі жаңалығы – 2023 жылы жаңа Салық Кодексінің әзірленетіні. Соңғы кезде бізде салыққа қатысты кәсіпкерлердің шағымы көбейіп тұр. Жаңа Кодекс бюджетті толықтыру мақсатында деген желеумен кірістер органдарының кәсіпкерлік қызметіне араласу фактілерін азайтады деп үміттенеміз.
Бұдан өзге, «Мемлекеттік сатып алу туралы» заңның жаңадан қабылданатынын, кәсіпкерлікке қатысты заңнамалық құжаттарға қайта-қайта өзгеріс енгізілмей, 2024 жылдан бастап түсінікті ережелер бекітілетінін естіп қуанып отырмыз.
Жолдауда негізгі бағыттар айқындалды. Ендігі мәселе оның сапалы орындалуы. Кәсіпкерлермен, мемлекеттік органдармен бірге осы бағытта жұмыс істейтін боламыз.

Пірмұхаммед Сыздықов: Жолдауда негізгі бағыттар айқындалды

<a href="https://kyzylorda-news.kz/ru/">Kyzylorda-news.kz</a>. Арал ауданында агроөнеркәсіптік кешенін дамыту мақсатында 2022-2024 жылдарға арналған ауыл шаруашылығы саласын дамытудың Жол картасы бекітілді. Аталған жоба аясында 3 бағыт бойынша 30 жоба іске асырылып, ауданға 792 млн.теңге инвестиция тартылған. Жоба толық жүзеге асса 200-ге жуық адам жаңа жұмыс орнымен қамтамасыз етіледі. Бұл туралы Арал ауданының әкімі Серік Сермағамбетов мәлімдеді.
Аудан әкімінің айтуынша жол картасы бойынша бүгінге күнге 30 жобаның 14 жобасы іске асырылған. Оның 11 жобасы егістік және 3 жобасы мал шаруашылығы мен өндірілетін өнімдер.
<blockquote>
 «Жыл басынан бері 3,8 млрд.теңгені құрайтын ауыл шаруашылығы өнімдері өндіріліп, көрсеткіш 102,1 пайызға орындалды.
 Қазіргі таңда, аудандағы барлық ауыл шаруашылығы құрылымдарында 246&nbsp;191 бас мал өсірілуде. Өткен жылдың осы кезеңімен салыстырғанда мүйізді ірі қара малы 107,7 пайызға, жылқы&nbsp; 111,3 пайызға, түйе 107,6 пайызға және құс 113,2 пайызға артса, қой мен ешкі&nbsp; 95,1 пайыз болып отыр.
 Өңірімізде мал шаруашылығынан алынатын өнім саны да жыл санап көбеюде. Өткен жылмен салыстырғанда ет өндіру (тірілей салмақта сиыр еті) 103,3 пайызға, сүт өндіру 102,1 пайызға, жұмыртқа өндіру 102,2 пайызға орындалды», – деді аудан басшысы.
</blockquote>
Айта кетейік, 2021 жылы ауданнан 1 шаруа қожалығы «Сыбаға» бағдарламасымен Ресей мемлекетінен 58 бас «Қалмық» асыл тұқымды ірі қара малын әкелсе, биылғы жылдың қаңтар айында тағы 1 шаруашылық 44 бас асыл тұқымды қазақтың ақбас сиырын алып, асыл тұқымды шаруашылықтар қатарын толықтыруда.
Қазіргі кезде Арал ауданында барлығы 14 шаруашылық (мүйізді ірі қара – 7, жылқы – 4, қой – 2, түйе – 1) асыл тұқымды мал өсіру бойынша жұмыс атқарып келеді.
<img src="https://kyzylorda-news.kz/wp-content/uploads/2022/08/serik.jpg" alt="" />

Арал ауданына 792 млн. теңге инвестиция тартылды

<a href="https://kyzylorda-news.kz/">Kyzylorda-news.kz.</a> «Бизнестің жол картасы 2020» бағдарламасы аясында индустриялық аймақ құру үшін Арал қаласының солтүстік-шығыс бетінен 6 гектар жер телімібөлінген.
Қазіргі таңда индустриялық аймақта жалпы құны 3,2 млрд. теңгені құрайтын 4 жобаны іске асыру жоспарланып отыр. Оның ішінде 21 азаматты жұмыспен қамтитын, құны 169,8 млн. теңгені құрайтын 2 жоба іске қосылған.
<blockquote>
 «Жалпы құны – 38,3 млн. теңгені құрайтын «Берекет» ШҚ-ның «Ет өнімдерін өндіру және тұшпара цехын ашу» жобасын жүзеге асыру үшін 1 гектар жер телімі табысталды. Қазіргі таңда кешеннің негізігі бөлігі «Ет және ет өнімдерін өндіру» цехының құрылысы аяқталып, қуаттылығы бойынша жылына 550 тонна ет өнімдерін шығару межеленген. Жоба 2016 жылы шілде айының басында іске қосылған. Бүгінде 9 адамды жұмыспен қамтып отыр. Ал, тұшпара цехын ашу бойынша жобалау іздестіру жұмыстары жүргізілуде. Сонымен қатар &nbsp;«Жаңа Арал» ЖШС-нің «Қаптама кірпіш өндіру» жобасының құны – 131,5 млн. теңгені құрайды. &nbsp;Индустриалдық аймақтан 1 гектар жер телімі бөлініп, 2017 жылы тамыз айында іске қосылды. Қуаттылығы бойынша жылына 4,0 млн. тонна кірпіш шығару көзделген. 12 адам жұмыспен қамтылған. Мемлекеттік қолдау шарасы арқылы Арал ауданының индустриялық аймағынан 1 гектар жер телімі және жер қойнауын пайдалану құқығы берілді. Кәсіпорын маусымдық сипатқа ие», – дейді аудан әкімі Серік Сермағамбетов.
</blockquote>
Индустриялық аймаққа кірген тағы бір жоба «Жаңа Арал» ЖШС-нің «Жүн және теріні алғашқы өңдеу» жобасы. Жалпы құны – 70,0 млн. теңге болатын жобаға 3 гектар жер телімі бөлінген. Іске қосылу кезінде 46 адам жұмыспен қамтылатын болады. Жоба бастамашысы бүгінде тері үлгілерін Қытай және Өзбекстан мемлекеттеріне жіберіп, тиісті зерттеу жұмыстарын ұйымдастырылуда. Сондай-ақ, қосымша техникалық тұз өндіру бағытында жұмыстар жүргізуде.
Сонымен қатар, «Qazaq Camel» ЖШС-нің «Түйе сүтінен құрғақ ұнтақ дайындау зауытының құрылысы» жобасына индустриалдық аймақтан 1 гектар жер телімі бөлінген. Жалпы құны – 3 млрд. теңге болатын жобаның қуаттылығы – 700 мың тонна сүт ұнтағын өндіру. Бүгінгі таңда сүт жинақтау ғимаратының құрылысы 100 пайыз аяқталған. Тиісті құрылғылар ағымдағы жылдың қыркүйек айында жеткізіледі деп күтілуде. Құрғақ ұнтақтар шығару цехының ғимараты бойынша жоба сметалық құжаттары дайындалуда. Жалпы жобаны іске қосу мерзімі ағымдағы жылдың желтоқсан айына межеленген.
Айта кетейік, аталған жобалардан бөлек, индустриялық аймақтың жер телімін кеңейту есебінен қосымша жалпы құны – 3,3 млрд. теңге болатын 
2 жобаны енгізу жоспарлануда.
1. «Аралтұз» АҚ-ның жалпы құны – 3 млрд. теңге болатын «Қап шығару зауытының құрылысы» жобасы аясында 250 жұмыс орны ашылады деп жоспарланған.
2. Дара кәсіпкер «Алпысбаев Ықыластың» «Мал бордақылау алаңы және шұжық өндіру цехін ашу» жобасы. Жалпы құны – 320 млн. теңгені құрайды. Іске қосылғанда 25 адам жұмыспен қамтылады.
Бұдан бөлек, қазіргі таңда индустриялық аймақты қосымша 12 гектарға дейін ұлғайту бойынша тиісті жұмыстар ұйымдастырылуда.
<img src="https://kyzylorda-news.kz/wp-content/uploads/2022/08/serik-1.jpg" alt="" />

Қазақстан және Қызылорда облысының жаңалықтары: Экономика