Kyzylorda-news.kz. Бүгін ауыл шаруашылығы саласындағы негізгі мәселелерді талқылау мақсатында «Шопан Ата» Қазақстан Ұлттық мал өсірушілер қауымдастығының бастамасымен шаруалардың ортақ мәселесі талқыланды.
Жиында басқарма басшысы Талғат Дүйсебаев мал шаруашылығы саласындағы өзекті мәселелер бойынша фермерлердің ұсыныс-пікірлерін тыңдады.
Атап айтқанда, шаруа қожалықтары малдарының азығына жұмсалған шығындар құнын арзандатуға субсидияның бөлінбегені наразылық туғызды.
Айта кету керек, өткен жылы орын алған қуаңшылық зардабынан мал азығы дақылдарының өнімділігі төмендеп, шаруашылықтардың мал азығын дайындауда көптеген қиыншылықтар туғызды. Бұл өз кезегінде мал азығы дақылдары бағасының күнделікті қымбаттауына әкеліп, жем-шөптің құны 2 есеге қымбаттап кеткен болатын. Осыған сәйкес, ҚР Үкіметінің резервінен 1,9 млрд. теңге қаржы бөлініп, облыстың 1100 тауарөндірушілеріне төленді.
Биылғы жылы жергілікті бюджеттен мал шаруашылығын субсидиялауға 3,2 млрд. теңге қаржы бөлініп, бүгінгі күні субсидия төлеу жұмыстары жүргізілуде.
Бұдан бөлек, 2021 жылы күту парағына түскен өтінімдерге сәйкес республикалық бюджеттен қосымша 744,9 млн. теңге бөлініп, қаулыға өзгеріс енгізу жұмыстары жүргізіліп, тамыз айында субсидия төленетін болады.
ҚР Ауыл шаруашылығы министрлігінің Қағидасына сәйкес мал азығына кеткен шығындар құнын субсидиялауға қаржы тек жергілікті бюджет қаражаты есебінен жүргізіледі және жергілікті бюджеттің тиісті қаржы жылына көзделген қаражат шегінде субсидияларды беру тәртібі айқындалады. 
Осыған сәйкес, биылғы жылы бюджет тапшылығына орай жем-шөпке қаржы бөлінбеді. Кездесу барысында тиісті түсіндірме берілді.

Басқарма басшысы шаруа қожалық иелерімен кездесті

<a href="https://kyzylorda-news.kz/">Kyzylorda-news.kz.</a> Қазіргі таңда, Қызылорда облысында құрылыс және инженерлік-коммуникациялық инфрақұрылымды дамыту жобалары жүзеге асырылуда.
Атап айтқанда, биыл облыс әкімінің тапсырмасына сәйкес Сыр өңірінде энергетика және тұрғын үй коммуналдық шаруашылығы саласында 17,3 млрд.теңгені құрайтын 106 жоба жүзеге асырылуда.
Солардың бірі Қызылорда қаласында көпбалалы аналарға пайдалануға берілген Бәйтерек тұрғын ауданындағы тұрғын сектордың инженерлік-коммуникациялық инфрақұрылымын дамытуға 1 млрд. 060 млн. теңге бөлінсе, Жаңақорған кентіндегі 10/0,4 кв электржелілік жүйені жаңғыртуға &nbsp;898 млн. 787 мың теңге қаралған.
Сонымен қатар, Қызылорда қаласы мен Жалағаш, Шиелі аудандарында тұрғын үйді жаңғырту жұмыстарын жүргізуге 622 млн. 160 мың теңге бөлінген.
<img src="https://kyzylorda-news.kz/wp-content/uploads/2022/07/59834ec2-fb05-418c-83fa-05d2963e52bd.jpg" alt="" />
Айта кету керек, Қызылорда қаласының тұрғын үй қорында 800-ден астам көпқабатты тұрғын үй болса, соңғы 10 жылдың ішінде 185 көпқабатты үйлерге жаңғырту жұмыстары жүргізілген. Биылғы жылы да осы жұмыстардың жалғасы ретінде облыс орталығындағы 11 үйге қайта жаңғырту жұмыстары жүргізіледі.
Сонымен қатар биыл мемлекеттік бюджет есебінен құрылыс саласында жалпы көлемі 60,6 млрд. теңгені құрайтын 108 жоба жүзеге асыру жоспарлануда.
Оның ішінде облыстық құрылыс, сәулет және қала құрылысы басқармасы арқылы 27, Арал ауданында 5, Қазалы ауданында 13, Қармақшыда 13, Жалағаш пен Сырдарияда 4, Шиелі 5, Жаңақорған 2, Қызылорда қаласында 35 жоба жүзеге асырылмақ.
Бұл жобалардың ішінде: облыстық қан орталығы, неке сарайы, мәдениет саласындағы көпсалалы кешен және 2 оқу корпустарының құрылысы бар.
<img src="https://kyzylorda-news.kz/wp-content/uploads/2022/07/c4d5f752-b222-4d7f-8785-bedc87f503aa.jpg" alt="" />
Аймақ басшысы Нұрлыбек Нәлібаевтың тапсырмасымен жобалардың тиімділігін әрі сапасын қадағалайтын арнайы Кеңес құрылып, жұмыс жасауда.
Бұл кеңестің жұмысы ең алдымен бюджет қаржысының тиімді пайдалануын қадағалау жәнетұрғындар үшін қажетті нысандарды салуды көздейді.
<img src="https://kyzylorda-news.kz/wp-content/uploads/2022/07/9d8d64fc-3bb3-493b-aeb4-994372c9a356.jpg" alt="" />

Сыр елiнде құрылыс және инфрақұрылымды дамыту жобалары қарқынды жүзеге асуда

<a href="https://kyzylorda-news.kz/">Kyzylorda-news.kz.</a> Өңірде жеке кәсіпкерлік саласы қарқынды дамып келеді. Әсіресе шикізат өндірісін қолға алып, ішкі нарықты толықтай қамтамасыз етіп отырған жергілікті өнімдер үлкен сұранысқа ие.
Мәселен «ВЕГА-Пром» ЖШС құрғақ құрылыс қоспаларын өндіру цехы 2015 жылы іске қосылған. Бұл жобаның жалпы құны – 103 млн теңгені құрайды. Бүгінде аталған цехтан 10 түрлі құрғақ құрылыс өнімі шығарылады. Бүгін Өңірлік коммуникациялар қызметінің ұйымдастыруымен өткен баспасөз-туры барысында БАҚ өкілдеріне өндірістің жұмыс барысы таныстырылды.
<blockquote>
 «Бүгінде жеке кәсіпкерлерге мемлекет тарапынан қолдау көп. Соның бірі – «Бизнестің жол картасы 2020» мемлекеттік бағдарламасы арқылы жеке кәсібімді ашу үшін 3 гектар жер алдым. Қазіргі уақытта күніне 75 тоннадан астам өнім өндіреміз. Қазіргі таңда өндіріс қуаттылығын 24 мың тоннаға дейін ұлғайту мақсатында нысанның екінші кезеңін жүзеге асырудамыз. Алдағы уақытта 50 адамға дейін жұмыспен қамтуды жоспарлап отырмыз», – деді «ВЕГА-Пром» ЖШС құрылтайшысы Әбдіхалық Ділманов.
</blockquote>
Ал «Әділханова» ЖК құрылысқа қажетті металл өнімдері өндірісі 2020 жылы іске қосылған. Мұнда күніне 1500 м2 құрылысқа қажетті өнім өндіріледі. Шығарылған тауарлар ішкі нарықты толық қамтамсыз етуде.
<blockquote>
 «Біздің негізгі шығаратын өнімдеріміз құрылысқа қажетті тауарлар. Екі жыл бойы жеке тапсырыстар бойынша жұмыс істеудеміз. Жылдан жылға цехың көлемі ұлғайып, шығаратын өнімнің түрлері көбейіп келеді. Бүгінде 8 адам тұрақты жұмыспен қамтылған. Алдағы уақытта автоматтандыру жүйесіне көшуді жоспарлаудамыз. Бұл өз кезегінде еңбек өнімділігін арттыруға септігін тигізбек», – деді Әділханова» ЖК директоры Исатай Нұржанов.
</blockquote>
<img src="https://kyzylorda-news.kz/wp-content/uploads/2022/07/296205473_1584114941984012_2008785177696570461_n.jpg" alt="" />

Қызылорда облысында өнеркәсіп өндірісі ұлғайып келеді

<a href="https://kyzylorda-news.kz/">Kyzylorda-news.kz.</a> Жалағаш ауданының “Ер-Әли” шаруа қожалығында бір гектар жерге тамшылатып суару әдісімен қант қызылшасы өсірілді. Бұл туралы облыс әкімдігінің баспасөз қызметі хабарлады.
<blockquote>
 – Біз тәжірибе жасап жатырмыз,- дейді шаруа қожалығының төрағасы Ер-Әли Бекжанов.&nbsp; – Француз селекциясы сортын таңдап алдық. Енді оның қалай өсетінін байқаймыз. Ол үшін тыңайтқыш қолданылмады, тек зиянкестерден емделді. Қазан айында егін жинауды жоспарлап отырмыз, өйткені бұл тамыр дақылдары шамамен 220 күн өседі.
</blockquote>
Төрағаның айтуынша, фермада түрлі дақылдармен тәжірибелер жүргізілуде. Мұнда алғашқылардың бірі болып жергілікті селекциядағы күріш өсіріп, бірнеше гектар жерде алма бағын өсіру үшін тамшылатып суару әдісі қолданылған. Су үнемдеу технологиясының арқасында үш жыл қатарынан алманың үлкен өнімін жинады. Мұнан бөлек, бес гектарға сәбіз, 24 гектарға картоп егілді.
Жаңақорған ауданындағы “Сенім” шаруа қожалығы да екі гектар аумаққа қант қызылшасын орналастырды.
<blockquote>
 – Бұл шаруашылықта тамшылатып суару қолданылмады, ауыл шаруашылығы дақылдары кәдімгі әдіспен отырғызылды, – дейді аудандық ауыл шаруашылығы бөлімінің басшысы Дәурен Әбибуллаев. – Бірақ қант қызылшасы суды аз тұтынады, бұл факт. Қазақ егіншілік және Өсімдік шаруашылығы ғылыми-зерттеу институтының ғалымдары өсірген бірінші репродукциялы “Ақсу” қазақстандық селекциясының буданы пайдаланылды. Күзде егінді жинау керек.
</blockquote>
Облыстық ауыл шаруашылығы және жер қатынастары басқармасы мамандарының айтуынша, осы маусымда көкөніс дақылын өсіру қажеттілігі туындады. Біздің республикада шикі қант Таразға немесе Алматыға Латын Америкасы елдерінен өңдеуге түседі. Қант өндіру үшін қант қызылшасы Жамбыл облысында өсіріледі, бірақ бұл көлем ішкі нарықты қамтамасыз ету үшін жеткіліксіз.
<blockquote>
 – Қант қызылшасын өсіру – еліміздің азық-түлік қауіпсіздігін қамтамасыз етудегі негізгі стратегиялық бағыттардың бірі. Қазір елде қант тапшылығы пайда болып, оны лимит бойынша және жоғары бағамен сатылып жатқаны ешкімге құпия емес. Сонымен қатар Қазақстанда қызылша шаруашылығын жаңғырту үшін үлкен мүмкіндіктер бар, оларды пайдалану қажет, – дейді облыстық ауыл шаруашылығы және жер қатынастары басқармасының басшысы Талғат Дүйсебаев.
</blockquote>
Республиканың табиғи-климаттық жағдайы осы ауыл шаруашылығы дақылдарын Алматы және Жамбыл облыстарында өсіруге мүмкіндік береді. Бірақ біздің фермерлер оған қызығушылық танытып, тамшылатып суару әдісін пайдалануда. Сондықтан бұ тәжірибе аймақтың қызылша саласын дамытудың бастауы болуы мүмкін.

Қызылорда облысында қант қызылшасы өсіріледі

<a href="https://kyzylorda-news.kz/">Kyzylorda-news.kz.</a> Облыстың әлеуметтік-экономикалық даму көрсеткішінде оң қарқын бар. Мәселен, осы жылдың бірінші жартыжылдығында облыстың қазынасы – 74 млрд теңгені құрады. Бұл өткен жылмен салыстырғанда 19,5 пайызға жоғары. Сондай-ақ, өңірде халықтың табысын арттыру мақсатында жаңа жұмыс орындары ашылып, аталған бағдарлама аясында халықтың табыс деңгейін арттырудың жүйелі шаралары жүргізілмек.
Бұл жөнінде өңірлік коммуникациялар қызметінде өткен брифингте облыстық экономика және қаржы басқармасының басшысы Нұрғали Қордабай мәлімдеді.
<blockquote>
 «Аймақтың негізгі макроэкономикалық көрсеткішінде айтарлықтай өсім бар. Атап айтсақ, өңдеу өнеркәсібі – 5,8 пайызға, ауыл шаруашылығының жалпы өнімі – 1,5 пайызға, инвестиция тарту – 17,1 пайызға, бөлшек сауда көлемі – 1,4 пайызға, шағын және орта бизнес субъектілерінің саны – 7,9 пайызға артты. Ал облыс бюджеті – 74 млрд теңгені құрап, өткен жылмен салыстырғанда 19,5 пайызға өсті. Оның ішінде салықтық түсімдер – 60,2 млрд теңге болса, салықтық емес түсімдер – 3,7 млрд теңгені құрады. Сондай-ақ, халықтың табысын арттыру бағдарламасы шеңберінде тиісті шаралар жүргізілуде», – деді Нұрғали Рахымшаұлы.
</blockquote>
Облыста жыл басынан бері экономиканың барлық саласында 11 мыңнан астам жаңа жұмыс орны құрылды. Халықтың табысын арттырудың 2025 жылға дейінгі бағдарламасына сәйкес, өңірде жұмыспен қамтуға жәрдемдесу және еңбек ресурстарының біліктілігін арттыруды қамтамасыз ету бағыты жүргізіледі.
<blockquote>
 «Өңірлік жұмыспен қамту картасы шеңберінде осы жылы 128 жоба арқылы 1500-ге жуық жаңа жұмыс орнын құруды жоспарлап отырмыз. Бүгінгі күнге дейін Ұлттық жобалар аясында 522 жұмыс ашылып, онда тұрғындар еңбек етуде. Жалпы еңбек нарығына жыл сайын 32 мыңға жуық азамат маман ретінде келеді. Бұл өз кезегінде тұрақты жұмысқа орналасуға біршама қиындық келтіреді. Осыған орай жұмыссыз жастарды жұмыспен қамтуға арналған «Алғашқы жұмыс», түлектерге арналған «Жастар тәжірибесі», «Ұрпақтар келісімшарты» бойынша жалақы көлемі мен мерзімі ұзартылды», – деді облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева.
</blockquote>
Статистикалық мәліметтер бойынша, халықтың тұтыну шығысының 56,8 пайызы азық-түлік тауарларына, 26,0 пайызы азық-түлік емес тауарларға, 17,2 пайызы ақылы қызметтерді құрады. 2022 жылдың І тоқсанында халықтың орта есеппен жан басына шаққандағы қаржылай табысы – 103 685 теңгені құрады. Бұл өткен жылмен салыстырғанда 21,2 пайызға өскені байқалады. Жалпы халықтың нақты ақшалай табыстары 16,1 пайызға жоғарылаған.

Нұрғали Қордабай: Аймақтың макроэкономикалық көрсеткішінде  өсім бар

<a href="https://kyzylorda-news.kz/">Kyzylorda-news.kz.</a> Кеше облыс әкімінің орынбасары Серік Қожаниязов, облыстық кәсіпкерлік және өнеркәсіп басқармасының басшысы Мұса Қалдарбеков, облыстық ауыл шаруашылығы басқармасы басшысының орынбасары Қайрат Сәрсенбаев, облыстық су шаруашылығы мекемесінің басшысы Роллан Ахметов және аудан әкімі Мұхтар Оразбаев жергілікті сала мамандарымен бірге күріш егумен айналысатын шаруашылық басшыларымен кездесті.
Басықара ауылындағы Ә.Тыныбаев атындағы су торабында өткен кездесуде Сырдария өзеніндегі су тапшылығы сөз болды. Шаруашылық басшылары қазіргі таңда су жетіспеушіліктің салдарынан егілген күріштің бір бөлігі күйіп кетудің алдында тұрғанын тілге тиек етті.
Өз кезегінде облыс әкімінің орынбасары Серік Салауатұлы алдағы уақытта су жетіспеушілік мәселесін болдырмау үшін арнайы жоспарлар жасалып жатқанын жеткізді.
Су торабында аудан әкімінің орынбасары Күнтілес Назымбеков егістікке қатысты Қазалы ауданындағы өзекті мәселелерді тілге тиек етіп, оның шешу жолдарын айтып берді.
Облыс әкімінің орынбасары Серік Қожаниязов күріш егумен айналысатын шаруашылықтардың қазіргі жағдайын көзбен көру үшін «Жалаңтөс батыр» ЖШС-на арнайы барды.
«Жалаңтөс батыр» ЖШС бүгінгі күні су тапшылығын қатты сезініп отырған шаруашылықтың бірі. Қазіргі таңда шаруашылықтың 6 ауыспалы егістігіндегі күріш алқаптарына су жетіспеуде. Бұл мәселені шешу үшін шаруашылыққа су келетін «Оң жаға» магистралды каналының бойына 3 насос қойылды.
Егістік басында шаруашылықтың бүгінгі күндегі хал-ахуалы туралы серіктестіктің директоры Қасқырбай Әлімбай толық айтып берді.
Қазалы ауданына сапары кезінде Серік Салауатұлы «Батыс Еуропа – Батыс Қытай» автожолының бойындағы «Бақыт» кешені, «Полистиробетон өндіру» цехы мен тауарлы бетон өндірісімен айналысатын «LCI-MK» ЖШС филиалында да болып, жұмыстарымен танысты.
Сондай-ақ, аудан кәсіпкерлерімен кездесіп, олардың ой-пікірлерін тыңдады.
<img src="https://kyzylorda-news.kz/wp-content/uploads/2022/07/294046444_1580604242335082_7665331300972592455_n.jpg" alt="" />
<img src="https://kyzylorda-news.kz/wp-content/uploads/2022/07/294481988_1580604479001725_1288382081153128598_n.jpg" alt="" />

Серік Қожаниязов егіс алқабын аралап, шаруашылық басшыларымен кездесті

Kyzylorda-news.kz. Ауданның бірінші жартыжылдығында жалпы бюджет кірісі 104,6 пайызға жетсе, бюджет шығысы 99,9 пайызға орындалды. Сондай-ақ өнеркәсіп өнімінің көлемі 54 млрд 618 млн теңгені құрап, 102,4 пайызға жетті. Ал өңдеу өнеркәсібі өнімінің көлемі 102,9 пайызға орындалған. Бұл туралы Өңірлік коммуникациялар қызметінде өткен баспасөз конференциясында Жаңақорған ауданының әкімі Мұрат Тлеумбетов хабарлады.
<blockquote>
 Жаңақорған ауданы өндірісі мен ауыл шаруашылығы қатар дамыған сондай-ақ кәсіпкерлік саласы өркендеп келе жатқан аудандардың бірі. Бірінші жартыжылдықтың қорытындысы бойынша ауыл шаруашылығы өнімінің жалпы көлемі – 6 млрд 330 млн теңгеге жетті. Бұл өткен жылмен салыстырғанда 101,8 пайызды құрады. Биыл ауданда егін шаруашылығымен айналысатын 485 шаруашылық 36 777 гектарға егін екті. Ал 175 шаруашылық Сыр салысын өсіруде. Егілген күріштің көлемі – 6 300 гектар. Соңғы жылдары ауыл шаруашылығы дақылдарын әртараптандыруға басымдық берілуде. Жалпы дәнді дақылдар 11 467 гектарға егіліп, Талап және Жайылма ауылдық округінде тамшылату арқылы 7 гектар жерде қызанақ өсірілуде. Мал шаруашылығына тоқталсам, ауданда мүйізді ірі қара – 79 982 бас, қой – 346 635 бас, ешкі – 13 569, жылқы – 25 499 бас, түйе – 2 297 бас, құс – 21 743 бас бар. Осыған сәйкес өндірілген ет – 4319,8 тонна болса, сүт – 7286,4 тонна, жұмыртқа – 921 мың дананы құрады. Қысқы мал азығына дайындық жұмыстары жоспарға сәйкес орындалуда. Қазіргі таңда 61,8 мың тонна шөп дайындалды, – деді Жаңақорған ауданының әкімі Мұрат Жолкелдіұлы.
</blockquote>
БАҚ өкілдерімен өткізілген брифингте аудан әкімі су тапшылығы мәселесіне байланысты ауданда атқарылған жұмыстарға тоқталды. Айтуынша, ауданға қарасты «Қожакент» ауылдық округіндегі «Бабакент» каналының 4,6 шақырым тазартылса, Жайылма ауылындағы 22 шақырымдық «Темірбетон» каналына тазарту жұмыстары тамыз айында аяқталмақ. Ал Қаратөбе ауылдық округіндегі Келінтөбе магистралды каналына реконструкциялау жұмыстары жүргізілуде.
<blockquote>
 «Қазсушар» РМК Қызылорда облысы филиалы есебінен Келінтөбе магистралды каналы мен Байкенже ауылдық округіндегі «Күркіреуік» каналына механикалық тазалау жұмыстары жүргізілді. Тау беткейдегі жайылымдарды суландыру үшін ұңғыма қазылды. Су тапшылығын болдырмау мақсатында тиісті жұмыстар жалғасатын болады, – деді Мұрат Жолкелдіұлы.
</blockquote>

Жаңақорған ауданының әлеуметтік-экономикалық көрсеткіші жыл сайын артып келеді

Kyzylorda-news.kz. Қызылорда облысы республикалық бюджеттен қандай мақсатта несие алды? 2010-2022 жылдар аралығындағы аймақтың несие бойынша міндеттемесінің мөлшері қандай? ​2022 жылы облыс тарапынан өтелетін қарыз көлемі қанша?
Осы және өзге де сұрақтарға облыстық экономика және қаржы басқармасының басшысы Нұрғали Қордабай Өңірлік коммуникациялар қызметінің брифинг алаңында жауап берді.
Басқарма басшысының айтуынша, Қызылорда облысының бюджетінің 70 пайызы субвенциялы бағытта. Субвенция – жергілікті өкімет органдарына немесе халық шаруашылығының жекелеген салаларына белгілі бір мақсат үшін берілетін мемлекеттік қаржы жәрдемі. Сондықтан халықтың әл-ауқатын арттыру мақсатында басқа да көздерден қаржы тартуға шешім қабылданған. Мәселен, 2010-2022 жылдар аралығында өңірдегі әлеуметтік-экономикалық, коммуналдық мәселелерді шешу жолындағы жұмыстарды үйлестіріп, қолдау шараларын жүргізу үшін республикалық бюджеттен кредит рәсімделген.
2022 жылдың 1 қаңтарына облыстың бюджеттік кредит міндеттемесі 54,6 млрд теңгені құрап отыр. Бағалы қағаздар бойынша 36,5 млрд теңге, ал осы жылы тағы 6 млрд теңгеге бюджеттік кредит алынды. Сондай-ақ, тұрғын үй құрылысын қаржыландыру үшін 3 млрд теңгеге бағалы қағаздар шығару жоспарланған. Нәтижесінде биыл 10,6 млрд теңге мөлшерінде өтелетін қарыз бекітілген, – деді Н.Рахымшаұлы. 
Қызылорда облысының экономика және қаржы басқармасы алынған кредиттер мен мемлекеттік бағалы қағаздар бойынша бюджеттік бағдарлама әкімшілерімен, аудан және қала әкімдіктерімен міндеттемелердің уақытылы өтелуіне тұрақты мониторинг жүргізіп отырады. Барлық кредиттер бойынша кредиттік шарттар жасалып, ҚР Қаржы министрлігіне тоқсандық есептілік мерзімінде тапсырылуда. Қарыз алушылардың бюджеттік кредит бойынша төлемдері бюджетке уақытылы қайтарылуда.

Қызылорда: Бюджеттік кредит төлемдері уақытылы қайтарылуда

Kyzylorda-news.kz. Жаңақорған ауданында әлеуметтік нысандардың құрылысы қарқынды жүргізілуде. Атап айтсақ, биыл 27 507 шаршы метр болатын тұрғын үйлер аудан халқының игілігіне берілді. Сонымен қатар, ауданда маңызды деп танылатын әлеуметтік нысандардың құрылысы жоспарға сәйкес орындалуда.
<blockquote>
 “Биыл Жаңақорған кентінде 600 орындық мектеп пен МАИ бекетінде 300 орындық мектеп пайдалануға беріледі. Ал Бірлік елді мекенінде 90 орындық балабақша және Өзгент, Жайылма ауылдық округтерінде 150 орындық клубтың құрылыс жұмыстары жүргізілуде. Сондай-ақ, «Саяжай-1» мөлтек ауданында 300 гектар жерге инженерлік инфрақұрылымдарды жүргізуге жоба-сметалық құжаттары әзірленбек. Аталған жоба аясында 1500 аудан тұрғыны жер учаскесімен қамтамасыз етілетін болады”, – деді Жаңақорған ауданының әкімі Мұрат Тлеумбетов.
</blockquote>
Брифинг барысында аудандағы жолдың жайы да айтылды. Бүгінде аудандық маңызы бар жолдың қанағаттанарлық деңгейі 87 пайызға, елді мекендердегі көшелердің қанағаттанарлық жағдайы 51 пайызға жетті.
<blockquote>
 “Биыл барлық маңыздағы жолдарды жөндеуге тиісті қаржы қарастырылды. Ауданға қарасты Екпінді және Ақжол елді-мекеніндегі 2 көпірді қайта қалпына келтіру жұмыстары жүргізіледі”, – деді Мұрат Жолкелдіұлы.
</blockquote>

Жаңақорған ауданында бірнеше әлеуметтік нысан пайдалануға беріледі

Kyzylorda-news.kz. Аймақ басшысының тапсырмасына сәйкес бүгін облыс әкімінің орынбасары Мархабат Жайымбетов Қызылорда қаласындағы құрылысы жүріп жатқан бірқатар нысандардың жұмысын саралады.
Алдымен, Мархабат Жайымбетов «СПМК-70/2» кварталында орналасқан 50 пәтерлік 10 ипотекалық тұрғын үйдің құрылысымен танысты.
Жоба «Нұрлы жер» мемлекеттік бағдарламасы аясында жүзеге асырылуда. Қазір құрылыс-монтаж жұмыстары жүргізілуде. Жыл аяғына дейін 33 615 шаршы метр болатын 500 пәтер пайдалануға беріледі. Облыс әкімінің орынбасары мердігер компания өкілдеріне нысанды сапалы аяқтап, межеленген уақытында тапсыру керектігін қаперге салды.
Мұнан соң, Мархабат Жайымбетов Бәйтерек мөлтек ауданындағы бірнеше жобаның жүзеге асырылуын бағамдады. Тұрғындар үшін маңызды саналатын жол салу, ауыз сумен қамту, көгілдір отын жүргізу жұмыстары кезең-кезеңімен жүзеге асырылуда. Мәселен, Бәйтерек-2 мөлтек ауданына кіре-беріс көшесіне орташа жөндеу жұмыстары қыркүйек айына дейін аяқталады. Облыс әкімінің орынбасары жаңа оқу жылында оқушылардың мектепке кедергісіз қатынауы керектігін ескертіп, жұмысты сапалы жүргізуді тапсырды. Аталған мөлтек аудан көлемінің ұлғаюымен жаңа білім ошағын салу қажеттілігі туындағаны жасырын емес. Қазір бұл аумақта 600 орынға арналған мектеп құрылысы жүргізілуде. Нысанды жаңа оқу жылының І тоқсанында пайдалануға беру жоспарланып отыр.
Қалыптасқан геосаяси жағдайларға қарамастан облыс әкімдігі құрылыс компаниялармен ортақ мәмілеге келді. Бастау алып, жұмысы жоспарланған жобалар аяқсыз қалмайды.
<blockquote>
 Қазір Бәйтерек мөлтек ауданында 1800-ден астам тұрғын үй салынған. 8000-ға жуық тұрғыны бар. Жаңадан бой көтерген мөлтек аудан болғаннан кейін, бірінші кезекте, жол керек. Облыс әкімі тағайындалғаннан кейін, Бәйтерек-1, Бәйтерек-2 көшелерін салуға 500 миллион теңгедей бөлуге ықпал жасады. Осы секілді инфрақұрылымды, инженерлік желілерді салу мен жаңарту жұмыстары қарқынды жүргізілуде. 
 Қазір құрылыс заттарының қымбаттағаны барлығымызға мәлім. Осыған байланысты 3-4 ай бұрын облыстық бюджеттік комиссия қосымша 3,5 млрд.теңге бөлген екен. Бүгінгі таңда аймақтағы құрылыс компаниялармен құжатта көрсетілген қаржымен құрылысты бітіру жөнінде келесімге келдік. Өзіміздің тарапымыздан олардың кейінгі жобаларын қаржыландыруға көмектесетін боламыз, – деді М.Жайымбетов.
</blockquote>
Әрмен қарай, облыс әкімінің орынбасары бастаған топ Бәйтерек мөлтек ауданы және №222 мектеп аумағындағы балаларға арналған ойын алаңы құрылысының барысымен танысып, «Ауыл-Ел бесігі» жобасы шеңберінде Қарауылтөбе елді мекеніндегі 150 орындық клуб құрылысының орындалу барысын таразылады. Шанхай, Оңтүстік аудандардағы және Тәжібаев, Бостандық көшесінің бойындағы су құбыры және кәріз желілерін реконструкциялау жұмыстарын саралады. 
Облыс әкімінің орынбасары Мархабат Жайымбетов мердігер компания мен жауапты мекеме басшыларына құрылыс жұмыстарының сапалы әрі уақытылы тапсыруын тағы бір қаперге салды.
<img src="https://kyzylorda-news.kz/wp-content/uploads/2022/07/fb_img_1657906774767.jpg" alt="" />

Мархабат Жайымбетов Қызылорда қаласындағы құрылыс жұмыстарын бағамдады

<a href="https://kyzylorda-news.kz/">Kyzylorda-news.kz.</a>&nbsp; Бүгін Қызылордада «Қазақстанның үздік тауары» байқауының облыстық кезеңі қорытындыланып, арнайы көрме барысында жеңімпаздар республикалық байқауға жолдама алды. Облыс әкімі Нұрлыбек Нәлібаев көрме жұмысымен танысып, өңірдің беткеұстар тауарөндірушілерін марапаттады.
Алдымен облыс әкімі «Атамекен» кәсіпкерлер палатасы мен «Бизнеске арналған үкімет» мекемесінің қызметімен танысып шықты. Мұндағы кәсіпкерлерге қызмет көрсету орталығы инженерлік-инфрақұрылымға техникалық шарттар алып беру, тауардың сыртқы жарнамалау эскизін даярлап беру сияқты кәсіпкерлерге бірінші кезекте керекті қызметтерді ақысыз негізде жасап береді.
Облыс әкімі кәсіпкерлермен тілдесіп, бизнес өкілдеріне мемлекет тарапынан қолдау көрсетілетінін қаперге салды.
Іс-шара аясында жергілікті тауарөндірушілеріміздің балалар жылына орай тіккен киімдерінен дефиле ұйымдастырылды. Жеке кәсіпкер «Айман Абди» қазақи нақыштағы балаларға арналған киім үлгілерін таныстырса, Светлана Цой балаларға арналған кешкі көйлектер топтамасын көрермен назарына ұсынды, ал «Далатекс» ЖШС «Мектеп формасы» топтамасын көрсетті. 
Аймақ басшысы мұндай көрме-байқау жергілікті өндірушілерге қолдау көрсету, олардың өндіретін тауарлары мен көрсететін қызметтердің сапасын арттыруға ынталандыру екенін атап өтіп, жеңімпаздарды марапаттады.
<blockquote>
 «Құрметті шараға қатысушылар! Жақында ғана Мемлекет басшысы Қасым-Жомарт Кемелұлы Тоқаев еліміздің бизнес өкілдерімен жүздесіп, «Егер бизнес адал жұмыс істеуге дайын әрі креативті, заманға сай сұранысқа ие болса, оны қолдау қажет» – деп, қоғам талабына сай еңбек етіп жүрген кәсіпкерлерді мемлекет әрқашан қолдайтынын жеткізді. 
 Сіздер аймақ экономикасының дамуына, тұрғындардың әл-ауқатының артып, тұрмысының жақсаруына сүбелі үлес қосып келесіздер. Алдағы уақытта да облыстың әлеуметтік-экономикалық әлеуетін арттыруға аянбай еңбек етіп, мемлекеттік бағдарламаларды жүзеге асыруға баршаңызды қатысуға шақырамыз», – деді Н.Нәлібаев.
</blockquote>
Сонымен бірге, көрме-байқауда демеушілік көрсету жөнінде бастама көтерген 9 кәсіпкер арнайы сыйлыққа ие болды. 
Айта кетейік, күні кеше «Атамекен» палатасы жанындағы өңірлік кәсіпкерлер кеңесінің төрағасы лауазымына танымал кәсіпкер Ерлан Раимов тағайындалды.
<img src="https://kyzylorda-news.kz/wp-content/uploads/2022/07/293759380_343909121263672_8689355148250044719_n.jpg" alt="" />
<img src="https://kyzylorda-news.kz/wp-content/uploads/2022/07/294275509_343909231263661_679310299338154917_n.jpg" alt="" />
<img src="https://kyzylorda-news.kz/wp-content/uploads/2022/07/824a8939-scaled.jpg" alt="" />

Қызылорда облысының үздік тауарөндірушілері марапатталды

<a href="https://kyzylorda-news.kz/">Kyzylorda-news.kz.</a> Қызылордада «Қазақстанның үздік тауары – 2022» өңірлік көрме-байқауы өтті. Шараны облыстық кәсіпкерлік және туризм басқармасы мен Кәсіпкерлер палатасы ұйымдастырды.
Атап өткен жөн, ел нарығын жоғары сапалы және бәсекеге қабілетті өніммен толықтыруға жәрдемдесу, кәсіпкерлердің отандық өнімнің сапасын арттыруға бағытталған қызметін жандандыруға ынталандыру мақсатында Президенттің Жарлығымен 2006 жылдан бастап елімізде жыл сайын өңірлік және республикалық деңгейде «Қазақстанның үздік тауары» көрме-байқауы өткізіліп келеді.
&nbsp;&nbsp;«Қазақстанның үздік тауары» көрме-байқауы үш номинация бойынша жүргізіледі:
– «Өндірістік мақсаттағы үздік тауарлар»;
– «Халық тұтынатын үздік тауарлар»;
– «Үздік азық-түлік тауарлары».
Өңірлік көрме-байқаудың 9 жеңімпазы (әр номинацияда үш жеңімпаздан) республикалық конкурсқа қатысады.
Биылғы жылы өңірлік байқауға аймақ кәсіпкерлігінің түрлі саласынан 60-тан астам тауарөндіруші қатысты. Құрамында бизнес, мемлекеттік орган өкілдерінен тұратын сарапшылар конкурсқа қатысушылардың өнімдерімен танысып, бағалау жұмыстарын жүргізді, жеңімпаздарды анықтады.
Сараптамалық топтың анықтауымен «Қазақстанның үздік тауары – 2022» өңірлік көрме-байқаудың жеңімпаздары:
– «Өндірістік мақсаттағы үздік тауарлар» номинациясы бойынша цемент өнімдерін шығаратын «Компания Гежуба Шиели Цемент» ЖШС, мұнай өндірісіне арналған қондырғылар шығаратын «Новомет-Казахстан»&nbsp; ЖШС, поливинилхлорид және төменгі қысымды полиэтилен құбырларын шығаратын «Казахстанская&nbsp; Нефтехимическая Компания Кемикал» ЖШС-нің Қызылорда филиалы;
–&nbsp; «Халық тұтынатын үздік тауарлар» номинациясы бойынша ұлттық киімдер тігумен айналысатын жеке кәсіпкер «Aiman Abdi», құрғақ құрылыс қоспаларын шығаратын «ВЕГА-Пром» ЖШС, жиһаз дайындайтын «Алис трейд Казахстан» ЖШС;
– «Үздік азық-түлік тауарлары» номинациясы бойынша өңделген ет, сүт, көкөніс өнімдерін шығаратын «Аруана Агролидер» ЖШС, күріш және күріш өнімдерін өндіретін «Асыл дән LTD» ЖШС, өнделген балық және балық өнімдерін өндіретін «Қарашалаң Сервистік Дайындау Орталығы» ЖШС.
Аймақ басшысы Нұрлыбек Нәлібаев жеңімпаздарды арнайы дипломдармен, қаржылай сыйлықпен марапаттады.
Шара аясында балалар жылына орай жеңіл өнеркәсіп саласындағы жергілікті таураөндірушілердің, атап айтқанда:
– жеке кәсіпкер «Aiman Abdi»-дің қазақи нақыштағы балаларға арналған киім үлгілерінен;
– жеке кәсіпкер Цой Светлананың балаларға арналған кешкі көйлектер топтамасынан;
– «DALATEX» ЖШС-нің «Мектеп формасы» топтамасынан дефиле көрсетілді.
Сондай-ақ, отандық өнім өндіріп, облыста кәсіпкерлік саласының дамуына қосқан үлесі және өңірлік көрме-байқауына қатысып, белсенділік танытқан кәсіпкерлер облыс әкімінің бірінші орынбасары Серік Қожаниязов пен Кәсіпкерлер палатасының директоры Пірмұхаммед Сыздықовтың алғыс хатымен марапатталды.
Сонымен бірге, көрме-байқауда кәсіпкерлер бизнестің әлеуметтік жауапкершілігі аясында шағын бизнес өкілдеріне демеушілік көрсету жөнінде бастама көтерді. Осылайша сараптамалық топтың ұсынысымен көрме-байқауға жоғары дайындықпен келген 9 кәсіпкер арнайы сыйлықтарға ие болды.
<img src="https://kyzylorda-news.kz/wp-content/uploads/2022/07/824a0219-scaled.jpg" alt="" />
<img src="https://kyzylorda-news.kz/wp-content/uploads/2022/07/824a8862-scaled.jpg" alt="" />
<img src="https://kyzylorda-news.kz/wp-content/uploads/2022/07/824a8891-scaled.jpg" alt="" />
<img src="https://kyzylorda-news.kz/wp-content/uploads/2022/07/824a8867-scaled.jpg" alt="" />

Қазақстан және Қызылорда облысының жаңалықтары: Экономика

Басқарма басшысы шаруа қожалық иелерімен кездесті

<strong>Сыр елiнде құрылыс және инфрақұрылымды дамыту жобалары қарқынды жүзеге асуда</strong>

Қызылорда облысында өнеркәсіп өндірісі ұлғайып келеді

Қызылорда облысында қант қызылшасы өсіріледі

Нұрғали Қордабай: Аймақтың макроэкономикалық көрсеткішінде өсім бар

Серік Қожаниязов егіс алқабын аралап, шаруашылық басшыларымен кездесті

Жаңақорған ауданының әлеуметтік-экономикалық көрсеткіші жыл сайын артып келеді

Қызылорда: Бюджеттік кредит төлемдері уақытылы қайтарылуда

Жаңақорған ауданында бірнеше әлеуметтік нысан пайдалануға беріледі

Мархабат Жайымбетов Қызылорда қаласындағы құрылыс жұмыстарын бағамдады

Қызылорда облысының үздік тауарөндірушілері марапатталды

«Қазақстанның үздік тауары – 2022»: 60-тан астам жергілікті тауарөндіруші қатысты

Қазақстан және Қызылорда облысының жаңалықтары: Экономика

Басқарма басшысы шаруа қожалық иелерімен кездесті

<strong>Сыр елiнде құрылыс және инфрақұрылымды дамыту жобалары қарқынды жүзеге асуда</strong>

Қызылорда облысында өнеркәсіп өндірісі ұлғайып келеді

Қызылорда облысында қант қызылшасы өсіріледі

Нұрғали Қордабай: Аймақтың макроэкономикалық көрсеткішінде өсім бар

Серік Қожаниязов егіс алқабын аралап, шаруашылық басшыларымен кездесті

Жаңақорған ауданының әлеуметтік-экономикалық көрсеткіші жыл сайын артып келеді

Қызылорда: Бюджеттік кредит төлемдері уақытылы қайтарылуда

Жаңақорған ауданында бірнеше әлеуметтік нысан пайдалануға беріледі

Мархабат Жайымбетов Қызылорда қаласындағы құрылыс жұмыстарын бағамдады

Қызылорда облысының үздік тауарөндірушілері марапатталды

«Қазақстанның үздік тауары &#8211; 2022»: 60-тан астам жергілікті тауарөндіруші қатысты

«Қазақстанның үздік тауары – 2022»: 60-тан астам жергілікті тауарөндіруші қатысты