<a href="https://kyzylorda-news.kz/">Kyzylorda-news.kz.</a>&nbsp; Қазақстан кәсіпкерлерінің құқығын қорғау жөніндегі уәкіл Рустам Жүрсінов және «Атамекен» ҰКП Басқарма төрағасының орынбасары Ербол Өстеміров Қызылорда облысына жұмыс сапарымен келді.Олар сапар барысында қызылордалық кәсіпкерлерді жеке мәселелерімен қабылдады.Қабылдауға келген «Гежуба Шиелі компаниясы» ЖШС-нің бас директоры УЧеньхуа өндіріс нысандарының санитарлық-қорғау аумағына қатысты мәселені көтерді.Бұл компания 2018 жылдан бері өңірде цемент өндірумен айналысып келеді. Жылына 1 млн тонна цемент өндіре алады. Жобаның инфрақұрылымына бюджеттен 2,5 млрд теңге, ал кәсіпкердің 64 млрд теңге қаржысы салынған.Алайда 2021 жылдың соңында кәсіпорын орналасқан Шиелі ауданы, Ш.Қодаманов ауылының тұрғындары санитарлық-қорғау аумағы талаптарының сақталмауына шағымданып сотқа береді.Нәтижесінде биыл сәуірде Қызылорда облысының мамандандырылған ауданаралық әкімшілік соты цемент зауытына берілген санитарлық-қорғау аумағына қатысты сала мамандары қорытындысының күшін жойды.Ерекше атап өтетін жайт, облыстық санитариялық-эпидемиологиялық бақылау департаменттің берген ақпаратына сүйенсек, өңірде санитарлық-қорғау аумағының көлемін азайту жөнінде 15 кәсіпкерлік субъектісі 67 рет өтініш берген. Өтініштердің барлығы жоғарыда аталған негіз бойынша қанағаттандырылмаған.Осылайша, жергілікті атқарушы органдардың кәсіпкерлік нысандардың санитарлық аумағынан тұрғын үй құрылысы үшін жер телімдерінің беруі алдағы уақытта облыстағы бірқатар ірі кәсіпорындар жұмысының жаппай тоқтауына алып келуі мүмкін.<blockquote>«Осындай проблема Батыс Қазақстан облысында да болды. Кеше Түркістан облысына бардық. Онда да дәл осындай жағдай. Жергілікті атқарушы органдар санитарлық-қорғау аумақтарына қатысты талаптарға қарамастан, жеке тұрғын үй құрылысы үшін жер телімдерін табыстаған немесе өнеркәсіп кәсіпорындарын салуға рұқсат берген. Бұл өте күрделі, жүйелі мәселе. Оны шешуді бүгін қолға алмаса, алдағы уақытта қиын болуы мүмкін», – деді Рустам Жүрсінов.</blockquote>Бизнес-омбудсмен «Атамекен»-нің басқарма төрағасының орынбасары Ербол Өстеміровке прокуратурамен бірлесіп, санитарлық-қорғау аймақтарына жалпы талдау жүргізуді тапсырды. Талдау нәтижелері бойынша жергілікті атқарушы органдарға санитарлық-қорғау аймақтарының болуына назар аударуды қатаң бақылауға алу туралы ұсыныс енгізуді және аталған мәселені Үкіметтің қарауына да енгізуді жүктеді.Қабылдауға келген «Марал-Нұр» ЖШС директорының орынбасары Әбдімәулен Әбішев қосылған құн салығы есепке жатқызу әдісімен төленетін импортталатын тауарлардың тізбесіне бірқатар тауарларды енгізу мәселесін көтерді.Республика көлемінде кәсіпкерлердің жан-жақтан бірнеше рет берген өтініштерінің негізінде жақында, 21 қазанда ҚР Ұлттық экономика минитрлігінің 2018 жылғы 21 ақпандағы «Қосылған құн салығы есепке жатқызу әдісімен төленетін импортталатын тауарлардың тізбесін және оны қалыптастыру қағидаларын бекіту туралы» бұйрығына өзгерістер енгізілді.Алайда бұл тізбеге «Өздігінен жүрмейтін темір жол немесе трамвай, жолаушылар вагондары; өздігінен жүрмейтін жүк, почта және өзге де арнайы темір жол немесе трамвай вагондары» тармағы енбей қалады. Бұл тармақ осы жылдың 1 қаңтары мен 1 сәуірі аралығында қолданылған тізбеде болған.Қабылдауда көтерілген проблемалардың басым бөлігі мәмілелерді жарамсыз деп тануға қатысты болды.Қызылорда облысы бойынша 9 айда сотта мәмілелерді жарамсыз деп тану жөнінде 150 іс қаралды. Бұл талап арыздардың 127-і немесе 83% мемлекеттік органның пайдасына шешілсе, тек 25-де ғана немесе 17%-да ғана кәсіпкер жеңген.<blockquote>«Мемлекет басшысының тапсырмасы бойынша біз Салық кодексінде тиісті бақылау қағидасын бекітуге тырыстық. Ол үшін тиісті жұмыстарды да жасадық. Алайда Салық кодексіне бұл қағида енбей қалды. Өкінішке орай, Қазақстан Республикасының Жоғарғы Соты нормативтік қаулы жобасын дайындауды кешіктіріп жатыр. Мен үшін бұл елдің ұлттық экономикалық қауіпсіздігіне қатысты аса маңызды мәселе. Сондықтан мәселені Президенттің қарауына ұсынамын», – деді Рустам Жүрсінов.</blockquote>Жеке қабылдауда бұдан өзге, теміржол тасымалына қатысты, жергілікті бюджетте ауылшаруашылық жануарларына арналған жем-шөп шығындарын субсидиялауға қаражаттың жеткіліксіздігі, сондай-ақ жергілікті атқарушы органға қарайтын коммуналдық ұйымның, ауылдық округ әкімдігінің кәсіпкерлер алдындағы қарызын қайтармау мәселелері қаралды.Бизнес-омбудсмен әр сұрақты жеке талдап, шешу жолдарына қатысты кеңесін берді, жүйелі проблемаларды Үкіметтік деңгейде көтеретін болды.<blockquote>«Мемлекет басшысы тоқсан сайын бизнес өкілдерімен кездесіп, салаға қолдау көрсету тетіктерін жетілдіру үстінде. Бұл қадамы арқылы бизнес пен билік арасындағы ашық диалогтың үлгісін көрсетіп келеді. Кәсіпкерлердің шешілмей жатқан проблемасын президентке жеткіземін», – деді Рустам Жүрсінов.</blockquote>Облыс прокуроры Нұрлан Бижановпен кездесу аясында Қызылорда облысының прокуратурасы мен кәсіпкерлер палатасы арасындағы 2023 жылға арналған ынтымақтастықты іске асыру жөніндегі өңірлік жоспарға қол қойылды.Сондай-ақ, бүгін бизнес-омбудсмен облыстық соттың төрағасы Әділхади Шигамбаевпен, Облыстық сыбайлас жемқорлыққа қарсы қызмет департаментінің басшысы Серікжан Мырзаламен және облыс әкімі Нұрлыбек Нәлібаевпен кездеседі.&nbsp;<figure class="image"><img src="https://knadmin.beoblood.kz/uploads/986159d3_6d29_471c_9657_6e80c3014dd8_f512427ef0.jpg" alt="986159d3-6d29-471c-9657-6e80c3014dd8.jpg"></figure>

Бизнес-омбудсмен қызылордалық кәсіпкерлермен кездесті

<a href="https://kyzylorda-news.kz/">Kyzylorda-news.kz.</a> Бүгін аудан әкімдігінде макро-экономикалық көрсеткіштері және қаржының игерілуі бойынша жиын өтті. Аудан әкімінің орынбасары Еркін Әбішевтің төрағалығымен өткізілген мәжіліске дербес бөлім басшылары, аудандық қазынашылық басқармасының басшысы және аудандық статистика басқармасының басшылары қатысты.&nbsp;Арал ауданы әкімінің орынбасары Еркін Әбішев ауданға тартылатын инвестиция көлеміндегі нақты құрылыс жұмыстарының үлесін анықтап, ай сайын сататистикалық есептілікке енгізілуін қамтамасыз етуді тиісті бөлімдерге тапсырды. Сондай-ақ жиында инвестицияның көлемін өткен жылдың деңгейінде сақтап қалу мақсатында барлық мүмкіндіктерді қарастыру қажеттігі айтылды.&nbsp;Мәжілісте тағы бір мәселе, аудан бюджеті қаржысының сапалы, тиімді, толық және уақытылы игерілу керектігі айтылды. Қаржылардың игерілуіне күнделікті бақылау жасап, есепті мерзімде игерілмеу қаупі бар қаржылар қалыптасатын жағдайларда игерілмеу себептерін анықтап, заңға сәйкес тиісті шаралар қабылдауды жауапты бөлімдерге тапсырды.Айта кетейік, 2022 жылдың 10 айының қорытындысымен ауданда 19,1 млрд теңгенің өнеркәсіп өнімі &nbsp;өндірілген. Нақты &nbsp;көлем &nbsp;индексі 122,1%-ды құрады. &nbsp;

 Арал ауданының экономикалық даму көрсеткіштері сараланды

<a href="https://kyzylorda-news.kz/">Kyzylorda-news.kz.</a> Экономика, қаржы және жергілікті басқару мәселелері жөніндегі облыстық мәслихаттың тұрақты комиссияларының «2023-2025 жылдарға арналған облыстық бюджет» жобасын талқылауға байланысты кеңейтілген кезекті отырысы өтті.&nbsp;Отырысқа облыстық экономика және бюджеттік жоспарлау басқармасының басшысы Н.Қордабай, облыстық мәслихат депутаттары Н. Әмитов, Т. Шаутай және ZOOM видео-конференция байланысы арқылы Б. Дүйсенбек, Д. Байрахтарова, І. Тілеп, А. Абибуллаева, Ж. Өздембаев, М. Нәлібаев қатысты. Кеңейтілген отырысқа депутат Талғат Өмірзақұлы төрағалық етті.Комиссияның екінші күнгі отырысында «2023-2025 жылдарға арналған облыстық бюджет» бойынша облыстық кәсіпкерлік және өнеркәсіп, ауылшаруашылығы және жер қатынастары, қоғамдық даму, жұмыспен қамтуды үйлестіру және әлеуметтік бағдарламалар басқармаларының және полиция департаментінің басшысы хабарлама жасап, 2023-2025 жылдарға арналған облыстық бюджетке қатысты негізгі басымдықтар талқыланды.Сондай-ақ, аталған мәселелер бойынша облыстық мәслихат депутаттары өз пікірлерін білдіріп, қойған сұрақтары бойынша тиісті жауаптарын алды. Депутаттар бағдарлама әкімшілеріне ішкі түзетулер мен «AMANAT» партиясының сайлауалды бағдарламасында көрсетілген мәселелерді қарастыруды тапсырды. Сонымен бірге, комиссия мүшелері нысаналы индикаторлардың тікелей және түпкілікті нәтижелерге қол жеткізілмеуін болдырмау үшін жобалардың тиімділігіне әуелбастан терең талдау жасалуы тиіс екендігіне тоқталып, бұл қаражатты үнемді пайдаланудың бірден-бір жолы екендігін ескертті.Отырыс соңында басқарма басшылары депутаттар тарапынан қойылған сұрақтарға жауап беріп, аталған кейбір мәселелердің кезең-кезеңімен орындалатындығын жеткізді.<figure class="image"><img src="https://knadmin.beoblood.kz/uploads/315656800_1311352096292651_1906495088503347059_n_bf87a7e06a.jpg" alt="315656800_1311352096292651_1906495088503347059_n.jpg"></figure>

Бюджет жобасын талқылауға байланысты тұрақты комиссияның отырысы өтіп жатыр 

<a href="https://kyzylorda-news.kz/">Kyzylorda-news.kz.</a> Соңғы 7 ай ішінде Қызылорда өңірінде заманауи нысандар салу ісі қарқын алды. Ел Президенті Қасым-Жомарт Кемелұлы Тоқаевтың Сыр еліне қолдауы негізінде облыс орталығында қала көркін еселеп, ажарын аша түсетін бірнеше зәулім ғимараттың іргетасы қаланып, жаңа әлеуметтік нысан салу бастамасы сәтті түрде жүзеге асуда.Облыс әкімі Нұрлыбек Нәлібаев аймақта туған жеріне жанашыр демеушілерді ортақ іске біріктіріп, 9 млрд.теңгеге жететін ауқымды жобалардың жүзеге асуына дәнекер болды. Нәтижесінде, өңірде бір мезетте Өнер сарайы, Неке сарайы мен Қан орталығының құрылысы басталды. Келер жылы халықаралық әуежайдың жаңа терминалы, стадион мен заманауи үлгідегі Оқушылар сарайы және көпсалалы аурухана салынады.Республика күнінде бірнеше нысан қызылордалықтарға тарту етілді. Жалағаш ауданында құны 431 млн. теңгеге 200 орындық Оқушылар үйі мен 50 орындық Өнер мектебі пайдалануға берілді. Теңізді өлке Арал ауданында 150 млн. теңгеге «Балықшылар монументі» мен аллея ашылды. Меценат қаржысы есебінен Жаңақорған ауданында құны 790 млн.теңгені құрайтын заманауи демалыс паркі ел игілігіне берілді. Ал, Сырдария ауданының Нағи Ілиясов ауылында жергілікті демеушінің қолдауымен 350 млн. теңгеге «Еңбекшілер аллеясы» бой көтерді. Қызылорда қаласындағы Автобус паркі заманауи үлгідегі стандарттарға сай жаңа 82 көлікпен толықты.Келер жылдың соңына қарай Қызылорда қаласында Сұлтан Бейбарыс көшесінің бойынан құны 3,7 млрд.теңгеге 1000 орындық өнер орталығы ел игілігіне беріледі. Мұнда мәдениет саласының симфониялық, эстрадалық және ұлттық өнер бағытында концерттік бағдарламалар мен түрлі форматтағы қоғамдық іс-шаралар да өткізіледі.Аймақта шаңырақ көтеруге ниеттенген жастар үшін құны 1,6 млрд. теңгені құрайтын заманауи үлгідегі Неке сарайы келер жылы тұрғындарға есігін айқара ашады.Сырдың сол жағалауында тағы бір әлеуметтік нысанның іргетасы қаланды. Құны 2,7 млрд. теңгені құрайтын «Қан орталығы» жылына қан мен оның компоненттерін донациялау көрсеткішін 500-ден 10 мыңға дейін жеткізеді.Белгілі кәсіпкер, меценат Марат Дүйсенбаевтың демеушілігімен құрылысы басталған құны 1,5 млрд. теңгені құрайтын «Анаға тағзым» орталығы шаһардың ажарын аша түседі. Өңірдің Түркістан облысымен шекараласатын тұсынан демеуші есебінен құны 200 млн. теңгеге облыстың кіреберіс қақпасының құрылысы жүргізілуде.Мемлекет басшысының биыл жариялаған «Балалар жылына» тарту ретінде Сыр елінде демеушілердің қолдауымен құны 1,6 млрд.теңгеге 80 балалар спорт-ойын алаңы пайдалануға берілді.Сол жағалауда қасбеттері заманауи талаптарға сай келетін 7-9 қабатты тұрғын үй, физика-математикалық мектеп бой көтерсе, «Қазгермұнай» ұлттық компаниясы басшылығымен келісім нәтижесінде жаңадан «Оқушылар сарайы» еңсе тіктейді.Шыны зауыты да алғашқы өнімдерін шығара бастады. Кәсіпорын өндірген 6 вагоннан тұратын алғашқы өнім Шымкент, Алматы және Астана қаласына жөнелтілді.Қазіргі кезде Өзбекстан, Ресей, Түрікменстан, Тәжікстан, Ауғанстан мен Үндістан елі қазақстандық шыны өнімдерін сатып алуға дайын. Алайда шетелге барлық өнімнің тек 30 проценті ғана сатылады. Негізгі міндет – ішкі нарықты қамтамасыз ету. Алдағы уақытта зауыттың жанынан 8 ілеспе өндіріс ашылып, шыны талшық, композиттік материалдар, айна және тағы басқа өнім түрлері жасалады.Облыста түрік компанияларымен бірлескен ынтымақтастық жаңа деңгейге көтерілді. Биыл «Акса энерджи» компаниясымен бірге қала аумағын жылу және электрмен толық қамтамасыз ететін қуаттылығы 240 мегаватты құрайтын жылу электр орталығының іргетасы қаланды. Құны 215 млрд. теңгеден асатын жоба 2025 жылы аяқталады. Тағы бір түрік компаниясымен құны 13,8 млрд. теңгеге жылына 24 мың тонна қызанақ пастасын шығаратын зауыт салу туралы келіссөздер жүргізілуде. KOÇ Holding құрамындағы компанияның бұл өндірісі амақтағы азық-түлік қауіпсіздігін қамтамасыз етіп, экспортқа қабілетті өнімдердің қатарын толықтырады.Қаланың негізгі қақпасы әуежай да қайта жаңарады. Болат Өтемұратовтың тікелей қолдауымен құны 12 млрд. теңге болатын "Қорқыт ата" әуежайының жаңа терминалы салынады. Қазірдің өзінде өзге де демеушілермен 100 млн.теңгеге бұрынғы терминалдың ішкі және сыртқы әрлеу жұмыстары жүргізілді.Биыл өңірде 4 жаңа білім ошағы ашылып, 8 мектеп жыл соңына дейін табысталады. Арал ауданының Тоқабай елді мекеніндегі апатты мектептің орнына 500 млн.теңгеге жаңа білім ордасын салу мәселесі де жеке инвестор қаражатының есебінен шешімін тапты. Ал, «Жайлы мектеп» Ұлттық жоба аясында 21 білім ұясы бой көтермек. Алдағы 3 жылда Қызылорда облысында 27 денсаулық сақтау нысанының құрылысы салынады. Орталық атқарушы органдармен бірге жасалған орнықты жұмыстардың нәтижесінде 36,4 млрд. теңгеге Қызылорда қаласынан көпсалалы аурухана мен емхана тұрғындардың игілігіне қызмет етеді.Спортсүйер қауым алдағы жылдары енді футбол ойындарын жаңа стадионда көруге мүмкіндік алады. «Саутс Ойл» компаниясының демеушілігімен Қызылорда қаласында келер жылы жаңадан жабық стадион салынады.<figure class="image"><img src="https://knadmin.beoblood.kz/uploads/315636436_430904089230841_7159584550456516101_n_a5e3e189be.jpg" alt="315636436_430904089230841_7159584550456516101_n.jpg"></figure>&nbsp;<figure class="image"><img src="https://knadmin.beoblood.kz/uploads/315409775_430904132564170_4075092471947189539_n_2a79915227.jpg" alt="315409775_430904132564170_4075092471947189539_n.jpg"></figure>

Сыр еліндегі серпін: 7 айда ел игілігіне жаңа 18 нысан

<a href="https://kyzylorda-news.kz/">Kyzylorda-news.kz.</a> ҚР Премьер-Министрі Әлихан Смайыловтың төрағалығымен өткен Үкімет отырысында Қазақстанның биылғы 10 айдағы әлеуметтік-экономикалық даму қорытындысы мен жылыту кезеңіндегі өрт қауіпсіздігін қамтамасыз ету мәселелері қаралды. Жиынға министрлер мен селекторлық байланыс арқылы өңір әкімдері қатысты.Бірінші мәселе бойынша Ұлттық экономика министрі Әлібек Қуантыров баяндама жасап, аталған кезеңде республикада ЖІӨ өсу қарқыны 2,5%-ды құрағанын, өңірлер арасында инвестициялардың өсу қарқыны бойынша Қызылорда облысы бірінші орында екенін, яғни аймақтағы өсім 25%-ды құрағанын жеткізді.<blockquote>«Есепті кезеңде инвестицияның өсу қарқыны бойынша үздік көрсеткіштер Қызылорда, Шығыс және Батыс Қазақстан облыстарында тіркелген», - деді Әлібек Қуаңтыров.</blockquote>Министр құрылыс-монтаждау жұмыстарының көлемі бойынша Шымкент қаласы мен Ақмола және Қызылорда облыстары алдыңғы қатарында екенін баса айтты. Есепті кезеңде Сыр өңірінде құрылыс-монтаждау жұмыстарының көлемі 22,9%-ға ұлғайды.Баяндамадан соң Үкімет басшысы барлық негізгі макрокөрсеткіштер бойынша Қостанай, Ақмола, Шығыс Қазақстан, Қызылорда облыстары мен Алматыда өсім бар екенін қоса айтты. Бұл ретте тұрақты даму қарқынын ұстап тұру үшін экономиканы әрі қарай әртараптандыру, инвестиция тарту және тұрақты жұмыс орындарын құру бойынша жұмысты күшейтуді тапсырды.Екінші мәселе бойынша Төтенше жағдайлар министрі Юрий Ильин Қазақстанда жыл басынан бері 9647 өрт тіркеліп, онда қаза тапқанын және әртүрлі дәрежедегі күйіктер мен уланулар орын алғанын хабарлады. Қаза тапқандардың жалпы санының басым бөлігі мас күйінде болған.Премьер-Министр алдағы уақытта қайғылы жағдайларды болдырмас үшін қауіпсіздік шараларын күшейтуді міндеттеді.Селектордан кейін Үкімет басшысының тапсырмаларын орындау бағытында облыс әкімі Нұрлыбек Нәлібаев жиын өткізіп, аймақта макроэкономикалық көрсеткіштер бойынша өңдеу өнеркәсібінде оң тенденция бар екенін жеткізді. Есепті кезеңде 193,8 млрд. теңгенің өнімі өндіріліп, өсім 8,3 пайызды құраған. Дегенмен, мұнай көлемінің азаюына байланысты өңдеу өнеркәсібінде әлі де төмендеу орын алғанын қаперге салды.Жиында аймақ басшысы Қызылорда қаласында өңдеу өнеркәсібінің бірқатар секторы бойынша жұмыстар баяу жүргізілгенін тілге тиек етіп, қала әкімі Асылбек Шәменовке қолда бар барлық ресурстарды пайдаланып, тиісті шаралар қабылдау қажет екенін ескертті.Сондай-ақ, ауыл шаруашылығы өнімінде өсім небәрі 0,1% құрағаны айтылып, төмен көрсеткішке жол берген аудан әкімдеріне жұмысты күшейту тапсырылды.<blockquote>- Мұнай қоры азайды екен деп қол қусыруға болмайды. Жаңа тетіктерді іздеп, өндірісті алға жылжытуға баса мән беру керек. Ауыл шаруашылығы бағытында негізгі астығымыз күріштің көлемі қысқарғанын білесіздер. Егіс басталмас бұрын шаруаларға нақты күріштің көлемін белгілеуді тапсырдым, бізге жалған сандық деректердің қажеті жоқ. Биыл егін егуге ынталы шаруа отбасыларға жер бөліп, қажетті өнімді алуға мүмкіндік қарастырдық. Күрішпен қатар басқа да дақылдарды егіп, әртараптандырудың аясын кеңейтіп, бақша өнімдерін егуге тиіспіз. Сондықтан істің ұтырын таба білу маңызды. Аудан әкімдері мұнай мен күрішке иек артып отыра бермей, өндірісті дамытуға, шағын және орта кәсіпкерлікті жандандыруға және мал шаруашылығының әлеуетін көтеруге жұмыс жүргізуі тиіс,-деді Нурлыбек Нәлібаев.</blockquote>Жиында облыс әкімі азық-түлік қорында тапшылықты болдырмау, халық күнделікті тұтынатын өнімдердің әсіресе күріштің бағасын тұрақты ұстап тұру үшін жауапты сала басшыларына нақты жұмыстарды міндеттеді.Жылыту маусымы кезінде көмір қорының жеткілікті болуын, тұрғын үйлер мен әлеуметтік нысандарда жылу беру жұмыстары іркіліссіз жүруі қажет екенін алға тартты. Жиын соңында бірқатар бағыттар бойынша тапсырмалар берді.<img src="https://knadmin.beoblood.kz/uploads/315201502_430474742607109_3717990531398639302_n_4484fb19e2.jpg" alt="315201502_430474742607109_3717990531398639302_n.jpg"><img src="https://knadmin.beoblood.kz/uploads/315131484_430474855940431_9179784732939079634_n_7a71247ce3.jpg" alt="315131484_430474855940431_9179784732939079634_n.jpg"><img src="https://knadmin.beoblood.kz/uploads/315302657_430474752607108_7924144263915129378_n_02064442e3.jpg" alt="315302657_430474752607108_7924144263915129378_n.jpg">

Қызылорда өңірі инвестициялардың өсу қарқыны бойынша республикада алдыңғы қатарда

<a href="https://kyzylorda-news.kz/">Kyzylorda-news.kz.</a>&nbsp; Бүгін Қазақстанның ұлттық валютасы – төл теңгеміздің айналымға енгізілген күні. Сондай-ақ, 15 қараша республикада қаржыгерлердің кәсіби мерекесі ретінде де аталып өтіледі.&nbsp;Ұлттық теңгенің алғаш пайда болуыҰлттық валюта-бұл елдің заңмен белгіленген ақша бірлігі. Өзінің ұлттық валютасын енгізу Қазақстанның тәуелсіздігін нығайтуда және дербес дамуында маңызды рөл атқарады. Теңге елдің қаржылық Тәуелсіздігінің ажырамас символына айналды. Теңгенің тарихы ең алғаш қазақ даласында күміс монета XV-ғасырда Отырар қаласында «таньга» деген атаумен пайда болған. Ал Ұлттық валютамыздың тарихы 1992 жылдан бастау алады. 1992 жылдың 27 тамызы күні Қазақстаның Ұлттық банкі теңге купюрасының үлгілерін бекіткен болатын.Қазақ валютасын өмірге келтірген суретшілер Тимур Сүлейменов, Меңдібай Алин, Ағымсалы Дүзелханов, Қайролла Әбжәлеловтер ең алғашқы теңгемізде белгілі тарихи тұлғалардың портреттері, Алатау мен Көкшетау көріністері, Қожа Ахмет Яссауи кесенесінің бейнесі, Маңғыстаудан табылған тастағы таңбалар пайдаланды. Бір теңгелік банкнотқа Әбу Насыр әл-Фараби, үш теңгелікте Сүйінбай, бес теңгелікте Құрманғазы, он теңгелікте Шоқан, жиырма теңгелікте Абай, елу теңгелікте Әбілқайыр хан, жүз теңгелікте Абылай хан бейнесі сомдалды.1993 жылы алғашқы теңге партиясы Англияның ең көне әрі әйгілі «Харрисон және ұлдары» фабрикасында басылды. Теңгені елге тасымалдау үшін төрт ИЛ-86 ұшақтары Тұманды Альбион еліне 18 мәрте қатынады. Төл валютамыздың алғашқы партияларын сақтау үшін арнайы жерасты қоймалары дайындалып, дәл осы қоймалардан ұлттық теңгеміз еліміздің барлық өңірлеріндегі банктерге 8 күн ішінде жеткізілген еді.1993 жылдың 15 қарашасында Тәуелсіз Қазақстан Республикасының төл валютасы айналымға енді. Ескі ақшаны қазақстандық теңгеге айырбастау 1993 жылы 15 қарашада сағат 8.00-де басталып, 20 қарашада сағат 20.00-де аяқталды.Қазір банкнот - Ұлттық банктің Алматы қаласындағы Банкнот фабрикасында, ал монета - Өскемендегі Монета сарайында шығарылады.

Бүгін - ұлттық валюта күні

<a href="https://kyzylorda-news.kz/">Kyzylorda-news.kz.</a>&nbsp; ҚР Президентінің «Алтын сапа» сыйлығы жыл сайын өтеді. Байқаудың басты мақсаты – отандық өнімнің сапасын арттыру. Осы тұрғыда &nbsp;компанияларға қойылатын басты критерийлер де белгіленген – &nbsp; ұйымның өнім немесе қызмет сапасы саласында елеулі нәтижелерге қол жеткізуі, өнімнің қауіпсіздігін қамтамасыз етуі, сондай-ақ ұйымның сапаны басқаруда жоғары тиімді әдістерді енгізуі бағаланады.Биыл байқауға қатысу үшін 281 компания өтінім берді. Оның төртеуі Қызылорда облысының кәсіпорны.- «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын» номинациясы бойынша күріш өндірісімен айналысатын «Асыл дән LTD» ЖШС; - «Өндiрiстiк мақсаттағы үздiк кәсiпорын» номинациясы бойынша цемент өндіретін «Компания Гежуба Шиели Цемент» ЖШС мен поливинилхлоридтен және төмен қысымды полиэтиленнен жасалған құбыр өнімдерін өндіретін «Казахстанская &nbsp;Нефтехимическая Компания Кемикал» ЖШС-нің Қызылорда филиалы; - «Қызметтер көрсететiн үздiк кәсiпорын» номинациясы бойынша мұнай кәсібіне арналған жабдықтарды әзірлеу, өндіру, жеткізу, сервистік қызмет көрсету және жөндеу бойынша қызметтер көрсету «Новомет-Казахстан» ЖШС.Жалпы «Алтын сапа» сыйлығын алуға арналған байқауда сыйлық жыл сайын үш номинацияда үш санатта тағайындалады: - «Өндірістік мақсаттағы үздік кәсіпорын»; - «Халық тұтынатын тауарларды шығаратын үздік кәсіпорын»; - «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын»; - «Қызмет көрсету саласындағы үздік кәсіпорын».Әр номинация бойынша келесі cанаттар бойынша үш жүлде беріледі: - Шағын кәсіпкерлік субъектісі; - Орта кәсіпкерлік субъектісі; - Ірі кәсіпкерлік субъектісі. Байқауда сонымен қатар мынадай арнайы сылықтар бар: - «Үздік индустриялық жоба»; - «Үздік инновациялық жоба». Байқау төрт кезеңнен тұрады. Қазіргі кезде сарапшылық комиссия материалдарды алдын ала бағалауды жүргізіп жатыр. Қазақстан Республикасы Президентiнiң 2006 жылғы 9 қазандағы №194 Жарлығына сәйкес барлық ақпарат байқаудың аяқталуына дейін құпия саналады және жарияланбайды.«Алтын сапа» сыйлығын алуға арналған байқауға Қазақстан аумағында тауар өндірумен (қару-жарақ және әскери техника өндірумен айналысатындардан басқа), қызмет көрсетумен айналысатын жеке кәсіпкерлер мен заңды тұлғалар қатыса алады. Толық ақпаратпен www.altynsapa.kz сайтынан танысуға болады&nbsp;&nbsp;

Республикалық «Алтын сапа» байқауына Қызылордадан 4 компания қатысып жатыр

<a href="https://kyzylorda-news.kz/">Kyzylorda-news.kz.</a> Балық саласы – балық аулау және жасанды балық өсіру арқылы экономикалық өсу мен халықты жұмыспен қамтитын экономиканың маңызды салаларының бірі. Қазақстан, оның ішінде Сыр өңірі балық ресурстарына өте бай. Сондай-ақ, негізгі балық аулау Атырау, Алматы, Шығыс Қазақстан және Қызылорда облыстарында жүргізіледі.Осы орайда, бүгін Экология министрі Серікқали Брекешев ҚР Парламенті Мәжілісіндегі Үкімет сағатында республикада балық шаруашылығын дамыту жөніндегі шаралар туралы баяндады.Айта кетейік, табиғи су қоймаларында жыл сайын шамамен 40-45 мың тонна балық ауланады және бұл көрсеткіш жыл сайын өсуде. Сонымен қатар, Қазақстанға шамамен 41 мың тонна балық өнімдері, негізінен мұхит пен теңіз балық түрлері, яғни скумбрия және майшабақ әкелінсе, шамамен 25 мың тонна экспортталады, мұндағы негізгі үлес терең өңделген өнімдерге балық филесіне тиесілі. Бұл ретте, отандық балық өнімдері әлемдік нарықта сәтті бәсекелесуде.<blockquote>«Саланың негізгі міндеті – теңіз балық шаруашылығын игеру және тауарлық балық шаруашылығын дамыту есебінен балықтың ішкі тұтынуын арттыру, сондай-ақ экспорттық әлеуетті және импортты алмастыруды одан әрі арттыру», - деп атап өтті Министр.</blockquote>ДДҰ ұсынымына сәйкес адам баласы жылына кем дегенде 16 кг балық тұтынуы керек, ал Қазақстанда бұл көрсеткіш 4 кг құрайды, бұл жан басына шаққандағы балықтың аз тұтынылуын көрсетеді.Бүгінгі таңда елде мыңнан астам балық шаруашылығы субъектілері жұмыс істейді, оларға 1646 балық шаруашылығы су айдындары мен олардың учаскелері бекітілген. 2021 жылы шамамен 45 мың тонна балық ауланды, ал өсірілген балық көлемі соңғы 5 жылда 5,5 есе - 2,7 мың тоннадан 15 мың тоннаға дейін өсті. Мемлекеттік балық өсіру кәсіпорындары жыл сайын бағалы балық түрлерінің шабақтарын жасанды өсіруді қамтамасыз етеді. Алайда, кәсіпорындардың өндірістік базасы тозғанын және жаңғыртуды талап ететінін ескеру қажет.Осы проблемалық мәселелерді ескере отырып, Мемлекет басшысы Атырау қаласындағы екі бекіре зауытын қайта құру мен жаңғыртуды тапсырды. Сонымен қатар, бағалы балық түрлерін табиғи жолмен молықтыру үшін өзендердің гидрологиялық режимін жақсарту бойынша жұмыстар жүргізілуде, қорғау іс-шаралары күшейтілуде, заңнамалық база жетілдірілуде. «Салық кодексіне өзгерістер енгізу туралы» заң жобасы шеңберінде балық өңдеумен айналысатын субъектілер үшін ҚҚС-ты 70%- ға төмендету көзделеді. Заң жобасы Парламент Сенатында қаралуда.Сондай-ақ, өндірілген және өсірілген балықты терең өңдеуге, қосылған құны жоғары балық өнімдерін шығаруға жағдай жасауға аса көңіл бөлінеді. Көлеңкелі айналымды төмендету үшін балық өнімдерін қадағалаудың ақпараттық жүйесін әзірлеу жүргізілуде.<blockquote>«Өткен жылы Үкімет «Балық шаруашылығын дамытудың 2030 жылға дейінгі бағдарламасын» қабылдады, онда балық шаруашылығына басты назар аударылды. Бүгінгі таңда практикалық іске асыру жұмыстары жүріп жатыр. Нәтижесінде 2030 жылға қарай жылына 270 мың тонна балық өсіру, балық өнімдерін ішкі тұтынуды жылына 134 мың тоннаға дейін ұлғайту, импорт көлемін 45 мың тоннадан 25 мың тоннаға дейін азайту жоспарлануда. Бұдан бөлек, кемінде 10 мың қосымша жұмыс орнын құру және негізінен ауылдық жерлерде халықтың табысын арттыру жоспарлануда», - деді Серікқали Брекешев.</blockquote>Қабылданып жатқан шараларға қарамастан, салада бірқатар проблемалық мәселелерді шешу үшін ведомство басшысы бірқатар ұсыныстар айтып, депутаттық корпус өкілдерін бастаманы қолдауды сұрады.Айта кетейік, балық шаруашылығы мәселелері Мемлекет басшысы мен Үкіметтің ерекше бақылауында.<img src="https://knadmin.beoblood.kz/uploads/baly_sharuashyly_y_9b32e0daa7.jpg" alt="балық-шаруашылығы..jpg">

Серікқали Брекешев: Кемінде 10 мың қосымша жұмыс орнын құру жоспарлануда

<a href="https://kyzylorda-news.kz/">Kyzylorda-news.kz.</a> Қызылордадағы құрылыстың қарқынын қазір ел-жұрт жақсы біледі. &nbsp;Мемлекеттік тұрғын үйлерден бөлек, жеке мақсаттағы құрылыстардан көз сүрінеді. &nbsp;Құрылыс саласында жұмыс істеп, бірнеше зәулім ғимараттардың салынуына түрткі болған қызылордалық Жасұлан Абилов 2019 жылдан бастап сұйық травертин өндірісімен айналысуда. Ал 2021 жылы цехтың жұмысын кеңейту мақсатында «Микробизнес Қызылорда» өңірлік инвестициялық орталығы» арқылы 2 пайыздық несиелендіру бойынша 10 млн теңге қаражат алды. Бұл туралы облыстық кәсіпкерлік және өнеркәсіп басқармасы хабарлады.&nbsp;<blockquote>«Қазіргі уақытта жылу панелін көп шығарып жатырмыз. Осыған сұраныс өте көп. Жеке сектордың тапсырыстарын жиі орындаймыз. Өйткені қазір барлығы десек те болады, үйдің сыртын осы жылу панелімен қаптайды. Бағасы қалтаға қонымды әрі үй де жылы болады. Содан соң сұйық травертин шығарамыз. Мұны өндіру технологиясын Қырғызстаннан үйреніп келдік. Жаз мезгілінде жұмыс өте қауырт болады. Алған несиенің қаражатына пескоблок, полистиролбетон шығаратын жабдықтарын Ресей мемлекетінен алдырттым», – деді Жасұлан Абилов.</blockquote>«Абилов» ЖК құрылыс жабдықтарымен облыс көлемін қамтып отыр. Сұранысқа орай тұтынушыларға дер кезінде жеткізіліп тұрады.Бұл өндіріс орнында сұйық травертиннің көмегімен текстураның түр түрі дайындалады. Нәтижесінде салынып жатқан нысанның интерьеріне, сыртқы көрінісіне әдемілік береді. Көптің талабын ескере отырып, сапалы өнім шығаруда мамандардың біліктіліктері де жоғары болғаны ләзім. Осы бағытта кәсіпкер мамандарды Қырғызстан еліне және Алматы қаласына тәжірибе жинақтауға жіберетінін жеткізді.Кәсіпкер шикізатты жергілікті өндірушілерден де, көрші аймақтардан да сатып алады. Мысалы, Цемент Шиеліден, көбіктен және құрылыс материалдарын өндіруге қажетті химиялық компоненттерді – Алматы мен Шымкенттен сатып алады.Құрылыс маусымының ортасында кәсіпорында шамамен 15 адам жұмыс істейді. Қысқы кезеңде жұмыс, әдетте, тоқтатылады, тек бірнеше адам шағын тапсырыстарды орындайды. Өндіріс процесі автоматтандырылған. Мұнда тапсырыс берушінің қажеттіліктері мен тілектеріне негізделген құрылыс материалдары мен панельдік декор шығарылады.Өндіріс қуаты артып келеді. Мұнда күніне 50 шелек сұйық травертин (сәндік сылақ), бір мың құм блоктары, 50 шаршы метрге дейін төсеніштер, жылу панельдері, күніне 500 кірпіш шығарылады.<img src="https://knadmin.beoblood.kz/uploads/315088755_1306421563452371_4480538986797035345_n_1ea428cf9b.jpg" alt="315088755_1306421563452371_4480538986797035345_n.jpg"><img src="https://knadmin.beoblood.kz/uploads/314901093_1306421576785703_1606024363814455061_n_cb97a919c5.jpg" alt="314901093_1306421576785703_1606024363814455061_n.jpg">

«Микробизнес Қызылорда»: Қызылордада сұйық травертин сұраныста

<a href="https://kyzylorda-news.kz/">Kyzylorda-news.kz.</a>&nbsp; Тұңғыш рет Арал ауданында «Арал Инвест» форумы өтті. Оған еліміздің бірқатар облыстары мен аудандардан делегаттар келіп қатысты. Шараның басты мақсаты - кәсіпкерлік аясын кеңейту, туризм саласын дамыту және инвестиция тарту көлемін арттыру.Маңыздылығы мол жиынға аудан әкімі Серік Сермағамбетов қатысып, ауданда атқарылып жатырған жұмыстар мен алдағы жоспарлар туралы айтып өтті.<blockquote>«Соңғы бес жылда ауданда тіркелген шағын орта кәсіпкерлік субъектілерінің саны 2368 бірлікке, яғни 1,7 есеге өскен. Бұған қоса сауда саласы бойынша да жыл басынан бері бөлшек сауданың көлемі 6,3 млрд. теңгеге, көтерме сауда 13 млрд. теңгеге жетті.Ауданда индустрия инновациялық даму мемлекетік бағдарламасының ІІІ-бесжылдығы аясында 9 жоба енгізіліп, оның 2-і іске асты. Қазіргі таңда жалпы құны 160 млрд.теңгені құрайтын, іске қосылғанда 1352 адамды жұмыспен қамтитын 7 жоба жүзеге асырылуда. Бұдан бөлек, биылдың өзінде біріңғай индустрияландыру картасына қосымша жалпы құны 5 млрд 674 млн. теңге болатын, 5 жоба енгізу мақсатында тиісті жұмыстар жүргізілуде. Нысандар іске қосылғанда 500-ге жуық жергілікті азамат жұмыспен қамтылатын болады.Бүгінгі күні, мемлекеттік бағдарламалар аясында ауданымызға инвестор боламыз деген азаматтарға жер телімдерін алу, тиісті инфрақұрылымдар жеткізу, салалық сүйемелдеу жұмыстары және басқа да қолдау шаралары қарастырылған. Жуырда ауданымызда «Кәсіпкерлер үйін» ашып, таңдау еркіндігі болу үшін «КМФ» шағын қаржы ұйымы мен «Банк Центр Кредит» несие ұйымдарын ауданымызға шақырдық. Бұл өз кезегінде кәсіпкерлеріміз үшін барлық қолайлы жағдай жасау мақсатында қабылданған шаралардың бір бөлігі ғана.Құрметті жиынға қатысушылар, шарамызға инвесторлар мен көршілес облыстардағы әріпестеріміз де келіп қатысуда. Сондықтан да форум жұмысы өз нәтижесін беріп, сіздердің жаңа идеяларыңыз, жобаларыңыз бен бастамаларыңыз өңіріміздің дамуына өз септігін тигізеді деген сенімдемін»,- деп аудан әкімі С. Сермағамбетов форум жұмысына сәттілік тіледі.</blockquote>Мұнан соң жиынға қатысушылар кәсіпкерлік саласын өрістету мен инвестиция көлемін ұлғайту бойынша пікірлерін білдірді. Түрлі сала өкілдері мен тиісті мамандар, кәсіпкерлер Арал ауданына инвестияция тарту және инвесторларға жасалатын қолдаулар туралы баяндамалар жасады.Арал ауданында алғаш рет өткізілген Инвест форум аясында бес жақты меморондум жасалды. Арал ауданы әкімдігінің бастамасымен «Арал Полимер» ЖШС-нің «Қап шығару жобасы» бойынша инфрақұрылым тарту мен өндірілген өнімді өткізу бойынша «Арал СДО» ЖШС, «Арал Тұз» АҚ, «Арал Кварц» ЖШС-келісімге қол қойды.Сондай-ақ осы басқосуда Арал ауданы әкімдігі мен «ЮгГазПроект» ЖШС арасында да меморондум болды. Құжаттың мақсаты ауданда орналасқан елді-мекендерді газдандыру бойынша жоба сметалық құжаттарын аталған демеушілердің көмегімен әзірлеу.Шарада аудан экономикасын дамыту мен кәсіпкерлік саласының өркендеуіне үлес қосып үздік болып танылған бір топ азаматқа аудан әкімі құрмет көрсетіп, алғыс хатпен марапаттады.<img src="https://knadmin.beoblood.kz/uploads/314960713_3410564475938581_2513874408164899235_n_4e840412ba.jpg" alt="314960713_3410564475938581_2513874408164899235_n.jpg"><img src="https://knadmin.beoblood.kz/uploads/315016185_3410564815938547_5472952009914623902_n_4422b0bfa2.jpg" alt="315016185_3410564815938547_5472952009914623902_n.jpg"><img src="https://knadmin.beoblood.kz/uploads/315188843_3410568875938141_4872806160624083726_n_66f255eb78.jpg" alt="315188843_3410568875938141_4872806160624083726_n.jpg"><img src="https://knadmin.beoblood.kz/uploads/314498500_3410565902605105_962898204837178200_n_63bed7340f.jpg" alt="314498500_3410565902605105_962898204837178200_n.jpg"><img src="https://knadmin.beoblood.kz/uploads/315090946_3410565329271829_5545911239469082933_n_0a951cc2cc.jpg" alt="315090946_3410565329271829_5545911239469082933_n.jpg"><img src="https://knadmin.beoblood.kz/uploads/314398778_3410566785938350_9095833263266785345_n_a9d9c31747.jpg" alt="314398778_3410566785938350_9095833263266785345_n.jpg">

Арал ауданында «Арал Инвест» форумы өтті

<a href="https://kyzylorda-news.kz/">Kyzylorda-news.kz.</a> Соңғы жылдары Шиелі ауданында кәсіп ашып, ауданның әлеуметтік-экономикалық әлеуетінің дамуына үлес қосамын деген тұрғындар қатары артқан. Әрине, жұмыс істеймін деп талпынған жанға кәсіптің аз емес екені белгілі. Әсіресе табиғаты тамылжыған Шиелі ауданында ауыл шаруашылығы саласында мүмкіндік аз емес. Халыққа қызмет көрсету саласында да сұраныс жетіп артылады. Тек қана «Адал еңбегіммен ырыздығымды молайтамын» деген ниет пен ынта болса жеткілікті. Осы орайда мемлекет тарапынан зор қолдау барында айта кету керек.&nbsp;«Бизнестің жол картасы – 2025» бағдарламасы аясында биыл ауданда 27 жоба ұсынылып, 580 млн теңге қолдау алған. Арнайы курстан өтіп, бизнес әлеміне қажетті біліммен қаруланғандардың қайтарымсыз грант қаражатын алу мақсатындағы 39 жобасы ұсынылған. Нәтижесінде 3 инновациялық жобаға 11 млн теңге көлемінде қаражат берілген.Осындай мемлекеттік бағдарламалар талабы тұрғындар табысын еселеп, өз кәсібін дөңгелетуге мүмкіндік берсе, екінші жағынан ел ішіндегі жұмыссыздықтың азаюына септігін тигізуде. Ауданда мемлекеттік бағдарламалардың нәтижесінде жұмыссыздар саны жылдан-жылға қысқарып келеді. Жұмысын жаңа бастағанымен, ісі алға басқан кәсіпкерлердің талпынысын көріп, өзгелердің де ұмтылатындары анық. Айта кету керек, биыл ауданда жұмыссыздық деңгейі 5,0 процентті құрап отыр.Бүгінде шағын және орта кәсіпкерлікті дамыту мақсатында аудандағы «Наурыз-Дем» несие серіктестігі арқылы ауыл шаруашылығы бағытында жобалық құны 516,5 млн теңгені құрайтын 13 жоба қолдау тауып, қаржыландыруда. Сонымен қатар «Қызылорда» Өңірлік ¬инвестиция орталығы арқылы жобалық құны 90 млн теңгені құрайтын 18 жоба қолдау тапты. Ал «Аграрлық несие корпорациясы» АҚ арқылы мал шаруашылығын дамыту мақсатында 38 жобаға 448,7 млн теңге несие қаражатын берген. «Сырдария – 1» несие серіктестігі арқылы ауыл шаруашылығын дамыту мақсатында 5 жобаға 274 млн теңге несие қаражатын қарастырған. «Жұмыспен қамтудың жол картасы» мемлекеттік бағдарламасы аясында «Atameken Qyzylorda» МҚҰ-ы арқылы 33 020 млн теңгеге 6 жоба қаржыландырылыпты. Қосымша құны 25 млн теңгені құрайтын 6 жобаның құжаттары әзірленіп, несиелендіруге жолданған екен.Бүгінгі таңда жалпы мемлекеттік бағдарламалар бойынша 2 млрд 790 млн теңгені құрайтын 457 жоба шағын несие және грант қаражатын алып үлгерген. Аудан бойынша жобалық құны 8 млрд 234 млн теңгені құрайтын 31 инвестициялық жоба жүзеге асырылу жоспарда бар. Алдағы уақытта жобалар толықтай іске қосылғанда 381 жаңа жұмыс орны құрылмақ.Осы аталған жобалардың ішінде қазіргі таңда жобалық құны 984 млн теңгені құрайтын 8 жоба іске қосылған. Яғни, ауданда 46 жаңа жұмыс орны ашылған. Ауданда кәсіпкерлердің қатарының артуы, тұрғындардың мемлекеттік қолдауды ұтымды пайдаланып отырғаны десек болады. &nbsp;

Шиелі ауданында кәсіпкерлік саласы қарқынды дамуда

<a href="https://kyzylorda-news.kz/">Kyzylorda-news.kz.</a>&nbsp; Қызылорда облыстық статистика департаменті бастауыш кәсіподақ ұйымының төрайымы Гүлзира Есқараеваға салалық деңгейде өткен «Үздік ұжымдық шарт -2022» республикалық байқауынан ІІІ &nbsp;орын алса, &nbsp;салалық кәсіподақтың кәсіподақ көшбасшылары мен үздік әлеуметтік әріптестерге берілетін жоғары наградасы – «Кәсіподақ қайраткері» медалімен департамент басшысы Мәриям Баекеева марапатталды.8 қараша - ҚР Статистикасының күні аталып өтеді. Осыған орай ҚР СЖРА Ұлттық статистика бюросының Қызылорда облысы бойынша департаментінде мерекелік шара өтті. Шараға қатысқан «Қызмет» салалық кәсіподағының Қызылорда облыстық филиалының төрайымы Сәуле Тұрсынбаева департамент қызметкерлері – кәсіподақ мүшелерін мерекемен құттықтап, сала қызметкерлерінің күнделікті тәжірибелері мен атқарған жұмыстары арқылы еліміздің дамуына, өркендеуіне қосқан үлестерін, салалық кәсіподақ құрамындағы үлкен бастауыш кәсіподақ ұйымдарының бірі әрі 35 жылдан астам кәсіподақтан қол үзбеген, белсенді кәсіподақ ұйымы екенін атап өтті.Салалық кәсіподақтың Үздіктері қатарынан табылған бастауыш ұйымның бірқатар кәсіподақ мүшелері де мерекелік марапаттарға ие болды. «Мемлекеттік қызметкерлер кәсіподағының үздігі» төсбелгісімен департамент басшысының орынбасары Сәуле Рысмаханова, Қызылорда облыстық аумақтық кәсіподақтар бірлестігінің құрмет грамотасымен Жаңақорған статистика бөлімінің бас маманы Нұрлан Орынбаев, Облыстық салалық кәсіподақтың құрмет грамотасымен департаменттің статистикалық ақпаратты пайдаланушылармен жұмыс бөлімінің басшысы Ирина Ан марапатталды.Сонымен қатар, шара барысында департамент қызметкерлері Баян Медетова мен Алтын Мұсаеваға зейнетке шығуларына байланысты құрмет көрсетіліп, сый-сияпаттар табысталды.<figure class="image"><img src="https://knadmin.beoblood.kz/uploads/315733931_3338078819842166_1246971072080692680_n_b1cd340c58.jpg" alt="315733931_3338078819842166_1246971072080692680_n.jpg"></figure>

Қазақстан және Қызылорда облысының жаңалықтары: Экономика