<a href="https://kyzylorda-news.kz/">Kyzylorda-news.kz.</a> Қызылорда облысында 2022 жылы құрылыс жұмыстарының көлемі 116,6 пайызға, ал тұрғын үйді пайдалануға беру көрсеткіші 103,3 пайызға өсті. Сәйкесінше, аймақта 115 нысанның құрылысы жүргізілді. Бұл мақсатқа бюджеттен 24,2 млрд. теңге бөлінген. Бұл туралы Өңірлік коммуникациялар қызметінің ақпараттық алаңында өткен брифингте облыстық құрылыс, сәулет және қала құрылысы басқармасының басшысы Ерлан Төрәлиев мәлімдеді.Брифингте сала басшысы 2023 жылы әлеуметтік нысандар мен тұрғын үй құрылысына мемлекеттік бюджеттен 44,5 млрд. теңге бөлінгенін айтты. Бұл қаржыға 135 нысанның құрылысы жүргізілетін болады.<blockquote>«Биыл құрылыс жұмыстарының көлемі ауқымды болып отыр. Тұрғын үй құрылысы бойынша мемлекеттік бюджеттен 2,7 млрд.теңге қаржы бөлінді. Ол қаржыға 23 тұрғын үйдің құрылысы жүргізілетін болады. Мұнан өзге, қаламыздың сол жағалауындағы көпсалалы дене шынықтыру-сауықтыру кешенінің құрылысын жүргізуге республикалық бюджеттен қаржы алуға өтінім әзірленуде. Сонымен қатар, бюджет есебінен алғаш рет Сырдария өзенінің сол жағалауында 84 пәтерлі 7 қабатты 6 тұрғын үй құрылысын салу жоспарланып отыр. Бұдан бөлек, инженерлік коммуникациялық инфрақұрылым тарту бойынша бюджеттен 46 жобаны іске асыруға қаржы бөлінді», - деді Ерлан Кәрімбекұлы.</blockquote>

Қызылордада құрылыс жұмыстарының көлемі 116,6 пайызға өсті 

<a href="https://kyzylorda-news.kz/">Kyzylorda-news.kz.</a> Өткен жылдың тоғыз айында қазақстандықтардың орташа жалақысы 25%-ға өсті, деп хабарлайды <a href="https://stan.kz/kazakstandiktardin-ortasha-ayligi-kansha-tenge---ylttik-376371/">Stan.kz</a>.2022 жылдың тоғыз айында (қаңтардан қыркүйекке дейін) орташа айлық &nbsp;жалақы 329 366 теңгеге жетті. Өткен жылмен салыстырғанда 24,6%-ға артқан.Жалақы өсімі "Білім берудің басқа түрлері" (оқу орталықтары, деңгейлер бойынша жіктелмейтін курстар) сияқты салада тіркелді, бірден 86,2 %-ға артып, 431 мың теңге болды.Өткен жылдың тоғыз айында ең жоғары жалақы "Бас компаниялардың қызметі және басқару мәселелері бойынша кеңес беру" ( 956 мың теңге), "сақтандыру бойынша қызметтер" (780 мың теңге), "әуе және теңіз көлігі" (735-тен 862 мың теңгеге дейін), сондай-ақ "тау-кен өндіру өнеркәсібі және игеру карьерлер " (622 мың теңге) саласында байқалды."Балық аулау және балық шаруашылығы" салаларында жұмыс істейтін қазақстандықтар ең аз табыс (92 мың теңге) тапты, "Басқа да қызмет түрлерін көрсету" 149 мың теңге, ал "қауіпсіздікті қамтамасыз ету және тергеу жүргізу" саласындағылар 150 мың теңге.Ең жоғары орташа жалақы Атырау облысында – 562 мың теңге. Одан кейін Маңғыстау облысында 500 мың теңге және жаңадан құрылған Ұлытау облысында 444 мың теңге. Ең төменгі орташа жалақыны Солтүстік Қазақстан облысының жұмысшылары алады, ол 231 мың теңге және Шымкент қаласында 246 мың теңге алады.Астанада орташа жалақы 403 мың теңге, Алматыда – 353 мың теңге.Естеріңізге сала кетейік, 2022 жылдың бірінші тоқсанында орташа жалақы 285 433 теңгеге жетті.

Қазақстандықтардың орташа айлығы қанша теңгеге жетті?

<a href="https://kyzylorda-news.kz/">Kyzylorda-news.kz.</a> Қазалы ауданында ауыл арасындағы жолдар мен елдімекенішілік көшелердің жағдайы дұрысталып келеді. Осы мақсатта былтыр 75 шақырым аудандық маңызы бар автомобиль жолдары жөндеуден өтті. Бұл туралы Өңірлік коммуникациялар қызметінде өткен брифингте Қазалы ауданының әкімі Мұхтар Оразбаев хабарлады.<blockquote>Ауданға қарасты ауылдық елдімекендердің автомобиль жолдары жөндеуден өткізіліп, нәтижесінде, жақсы жағдайдағы жолдың үлесі 85 пайызға жеткізілді. Биыл тағы аудандық маңыздағы 4 автомобиль жолын жөндеуден өткізбекпіз. Олар Мұратбаев ауылына кіреберіс, Қазалы-Қожабақы-Бозкөл-Кәукей, Қожабақы-Бекарыстан би, Қазалы-Қожабақы-Бозкөл-Кәукей автомобиль жолдары. Бұл үшін бюджеттен 1,2 млрд. теңге бөлінді. Сонымен қатар, «Ауыл-Ел бесігі» арнайы жобасы шеңберінде биыл Әйтеке би кенті мен Түктібаев, Мұратбаев ауылдарының елдімекенішілік жолдары орташа жөндеуден өткізіледі. Бұдан бөлек, Әйтеке би кенті мен Басықара ауылы арасындағы көпір құрылысы толық аяқталды. Ал «Қарлан» көпірінің құрылысын жалғастыруға бюджеттен 1,6 млрд. теңге бөлінді, - деді аудан әкімі Мұхтар Әуесұлы.</blockquote>

Қазалы қаласы мен Әйтеке би кенті арасындағы төртжолақты жол биыл аяқталады

&nbsp;<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында шағын және орта кәсіпке басымдық беріліп, қолдау күшейтіліп келеді. Мәселен, өткен жылы шағын және орта кәсіпкерлердің саны 71823 бірлікке жеткен. Бұл туралы Өңірлік коммуникациялар қызметінің ақпараттық алаңында өткен брифингте облыстық кәсіпкерлік және өнеркәсіп басқармасының басшысы Қамбарбек Мүбараков баяндады.<blockquote>Қызылорда облысы кәсіпкерлер санының өсу қарқыны бойынша алғашқы бестікке енді. 2022 жылдың 9 айының қорытындысымен 116 мыңнан астам адам жұмыспен қамтылды. Осы кезеңде 459 млрд. теңгенің өнімі өндірілді. Сондай-ақ өткен жылы 3443 кәсіпкерлік бастама гранттармен қаржыландырылып, 2436 жоба банктер мен қаржы институттары арқылы несиелендірілді,-деді Қамбарбек Амангелдіұлы.</blockquote>Брифингте сала басшысы биыл жастарға жылдық өсімі 2,5% болатын шағын несиелер берілетінін айтты. Бұған қоса, ауыл тұрғындарының табысын арттыру мақсатында облысқа 3 млрд. теңге бөлінген. Қаражат облыста жүргізілген скрининг нәтижелерімен айқындалған 28 пилоттық ауылдық округтер бойынша бағытталады.

Қызылорда: Кәсіпкерлік саланың әлеуеті артып келеді

&nbsp;<a href="https://kyzylorda-news.kz/">Kyzylorda-news.kz.</a>&nbsp; Қазалы ауданында өткен жылы 21,2 млрд теңгенің ауыл шаруашылығы өнімдері өндірілді. Ауданнан Ресей, Беларусия, Дания, Германия, Тәжікстан, Қытай, Нидерланды елдеріне 3374,3 тонна күріш, 893,7 тонна балық, 711,1 тонна қамыс экспортқа шығарылды.Бұл туралы Өңірлік коммуникациялар қызметінде өтіп жатқан баспасөз конференциясында Қазалы ауданының әкімі Мұхтар Оразбаев мәлімдеді.&nbsp;

Қазалыда 5 мың тонна өнім экспортталды

<a href="https://kyzylorda-news.kz/">Kyzylorda-news.kz.</a>&nbsp; Қазалы ауданында газдандыру жұмыстары қарқынды жүргізіліп жатыр.Өткен жылы Қазалы қаласы мен Жалаңтөс батыр, Қ.Пірімов, Басықара ауылдары көгілдір отынға қосылды. Ендігі кезекте Абай ауылын газдандыруға жоба-сметасын дайындау үшін аудандық бюджеттен қаржы бөлініп, тиісті құжаттары әзірленді.Сонымен қатар, Ақтан батыр, Жанқожа батыр, Бекарыстан би, Майдакөл, Ү.Түктібаев ауылдарына көгілдір отын жеткізілмек. 5 ауылға магистральдық газ құбырын жеткізу үшін жеке кәсіпкердің демеушілігімен жоба-сметалық құжаттары әзірленіп, сараптамадан өткізілді.Бұл туралы Өңірлік коммуникациялар қызметінде өтіп жатқан баспасөз конференцияда Қазалы ауданының әкімі Мұхтар Оразбаев мәлімдеді.@qyzylordanews

Қазалыда тағы 5 ауылға газ барады

<a href="https://kyzylorda-news.kz/">Kyzylorda-news.kz.</a> 2022 жылдың қаңтар-желтоқсан айларында облыстың барлық макроэкономикалық көрсеткіштері бойынша өсім қалыптасты. Оның ішінде, өңдеу өнеркәсібі көлемі-5,6 пайызға, ауыл шаруашылығының жалпы өнімі-1,8 пайызға, инвестициялар тарту-26,8 пайызға, пайдалануға берілген тұрғын үйлер көлемі-3,3 пайызға, құрылыс жұмыстарының көлемі-16,6 пайызға және сауда көлемі- 2,3 пайызға артты.Бүгін кезекті облыстық мәслихатының сессиясында 2023-2025 жылдарға арналған облыстық бюджетті 6,8 млрд.теңгеге алғашқы нақтылау мәселесі қаралды. Нақтылау барысында облыстық бюджеттің өз кірістерін 3,5 млрд.теңгеге ұлғайту, сондай-ақ бірқатар бюджеттік бағдарлама әкімшілерімен оңтайландырылған 1,5 млрд. теңгені қайта бағыттау жоспарланып отыр. Сонымен қатар, 2023 жылдың 1 қаңтарындағы жағдай бойынша облыстық бюджет қаражаты қалдықтарының қайта бөлуге жататын 1,8 млрд.теңгесі қайта бағытталуда.Бұл қаражат есебінен «Сыр жастары» Қызылорда облысының жастарына жеңілдетілген ипотекалық несие беру бағдарламасы шеңберінде, өңір жастарын қолжетімді баспанамен қамтамасыз ету және жас отбасыларды қолдау мақсатында 5 пайыздық мөлшерлемемен 100 отбасыға тұрғын үй сатып алуға несие беруге 1,2 млрд.теңге; ауылдардың әлеуетін арттыру, елді мекендерді көркейту, қолдау мақсатында «Үлгілі елді мекен» іс шарасын өткізу мақсатында жеңімпаз атанған елді мекенді ынталандыру шығындарына 467,4 млн.теңге бағытталмақ.Айта кетейік, «Сыр жастары» бағдарламасы ҚР Президенті Қасым-Жомарт Тоқаевтың тапсырмасына сәйкес облыс әкімі Нұрлыбек Нәлібаев облыстық жастар форумында жариялады. Бағдарламаға 18-35 жас аралығындағы Қызылорда облысында соңғы 2 жылда тіркеуде тұрған Қазақстан Республикасының азаматтары қатыса алады. Жеңілдетілген несие 19 жылға 5% үстемемен «Отбасы банк» арқылы беріледі, қатысушының банкте үйдің бағасының 10% құрайтын салымы болса жеткілікті.Бағдарламаға білім, денсаулық сақтау, спорт, мәдениет, журналистика саласының мамандары, мемлекеттік және азаматтық қызметшілер, ғылыми қызметкерлер, ұлттық холдингтердің жергілікті филиалдарының, екінші деңгейлі банк қызметкерлері, құрылыс, қоғамдық тамақтану және басқа да қызмет көрсету саласының қызметкерлері мен әлеуметтік қызметкерлер қатыса алады.Сондай-ақ, Қызылорда қаласы аумағында көппәтерлі және жеке тұрғын үйлер құрылысының дамуын, кәсіпорындар өндірісінің кеңеюін, шағын және орта бизнестің дамуын ескере отырып облыс орталығының тұтынушыларын үздіксіз сапалы электр энергиясымен қамтамасыз ету үшін электр жүйесін жаңғыртуға және дамытуға 1,6 млрд.теңге жолдау ұсынылды.Еске салсақ, облыс әкімінің тапсырмасымен өңірдегі электр қуатымен жабдықтау нысандарын тексеру мақсатында комиссия құрылып, бірінші кезекте қаржы талап ететін нысандар бойынша ұсыныс берілген болатын. Комиссия жұмысының нәтижесімен әзірленген ұсыныстар бүгін мәслихат сессиясының қарауына беріліп, кезек күттірмейтін нысандарды жөндеу немесе ауыстыруға қаржы қаралды.Мұнан бөлек, «Қызылорда су жүйесі» мекемесінің материалды-техникалық базасының төмендігінен облыс орталығын уақытылы санитарлық тазалығын қамтамасыз етуде қиындықтар туындауын ескере отырып халыққа уақытылы және сапалы коммуналдық қызметтер көрсетуге арнайы техника алу үшін 992,8 млн.теңге; Қызылорда қаласында салынатын 7 мың орындық стадион құрылысының жоба-сметалық құжаттамасын әзірлеп, мемлекеттік сараптамадан өткізуге 59,7 млн.теңге; жергілікті бюджеттен қаржыландырылатын полиция қызметкерлерінің лауазымдық жалақыларына үстеме ақы төлеуге 368,1 млн.теңге және медициналық ұйымдарды медициналық-техникалық қамтамасыз етуге қосымша 472,1 млн.теңге қарау ұсынылды.<figure class="image"><img src="https://knadmin.beoblood.kz/uploads/325731967_496195785982887_8096128340312076018_n_1912aebae9.jpg" alt="325731967_496195785982887_8096128340312076018_n.jpg"></figure><figure class="image"><img src="https://knadmin.beoblood.kz/uploads/325479782_734277061661190_7664359720930014293_n_be80bcac2e.jpg" alt="325479782_734277061661190_7664359720930014293_n.jpg"></figure>

Электр жүйелерін жаңғыртуға қаржы қаралатын болды

<a href="https://kyzylorda-news.kz/">Kyzylorda-news.kz.</a>&nbsp;Нұрлы жер» бағдарламасымен Сырдария өзенінің сол жағалауындағы №2 шағын ауданда 10 көпқабатты тұрғын үйдің іргетасы қаланды. Тұрғын үйлерді инженерлік инфрақұрылыммен қамтуға бюджеттен 1,2 млрд теңге қаралды. Бүгінде құрылыс жұмыстары аяқталуға жақын. &nbsp; Бұған қоса, жеке инвесторлар есебінен 9,9 млрд теңгеге 509 пәтерлі 18 үйдің құрылысы жүргізіліп жатыр.&nbsp; Бұл туралы Өңірлік коммуникациялар қызметінде өтіп жатқан баспасөз конференциясында Қызылорда қаласының әкімі Асылбек Шәменов хабарлады.&nbsp;

Қызылорда қаласында 28 көпқабатты үйдің құрылысы жүріп жатыр

<a href="https://kyzylorda-news.kz/">Kyzylorda-news.kz.</a>&nbsp; &nbsp;Қызылорда қаласындағы Ақсуат ауылдық округіне 2022 жылы республикалық бюджеттен 4.4 млрд теңге бөлініп, газ желісі тартылып жатыр. Бұл туралы &nbsp;Қызылорда қаласының әкімі Асылбек Шәменов Өңірлік коммуникациялар қызметінде өтіп жатқан баспасөз конференциясында мәлімдеді.&nbsp;<blockquote>«Қала көлемінде газ желісі тартылмаған елді мекендердің бірі - Ақсуат ауылдық округі болатын. Бұл ауылдық округке 2022 жылы республикалық бюджеттен 4.4 млрд теңге бөлініп, құрылыс жұмыстары басталды. Осы жобаны аяқтауға биыл 1 млрд 700 млн теңге бөлінді. Осылайша біз тағы бір елді мекенімізді көгілдір отынға қосатын боламыз», – деді қала әкімі.</blockquote>

Биыл Ақсуат ауылы газға қосылады

<a href="https://kyzylorda-news.kz/">Kyzylorda-news.kz.</a>&nbsp; Өңірде балық шаруашылығын дамыту саласында оң қарқын қалыптасып келеді. Бүгінде тауарлы балық өсіру және сирек кездесетін балық түрлерін көбейту мақсатында 2 тоған шаруашылығы құрылды. Қазіргі таңда онда сазан, ак амур, дөңмандай және африкалық жайын сынды балық түрлері өсірілуде. Сондай-ақ, облыста 2030 жылға дейін 12 мың тоннадан асатын балық шығаратын 16 шарбақтық шаруашылық пен 1200 тонна тауарлы балық өсіретін 12 тоғандық шаруашылық құру жоспарлануда.&nbsp;Бұл жөнінде Өңірлік коммуникациялар қызметінде өткен брифингте Арал-Сырдария облысаралық бассейндік балық шаруашылығы инспекциясы басшысының орынбасары Жанқожа Сапаров хабарлады.<blockquote>«Балық шаруашылығын дамыту бағдарламасы аясында 55 тауарлы су айдыны мен 4 тоған шаруашылығы жұмыс істеуде. Жалпы аталмыш бағдарлама шеңберінде 2030 жылға дейін облыста 16 мың тонна балық өсіру межеленіп отыр. Осыған сәйкес, 15 су айдыны кәсіпшіліктен көл тауарлыға ауыстырылды. Сонымен қатарбалық шабақтарын құтқару және қырылу қауіпін алдын алу бойынша белсенді шаралар жүргізілді. Атап айтқанда, Сырдария және Жалағаш аудандарында жауапты мамандармен бірлесіп, заңсыз балық аулауға қарсы кезекшілік ұйымдастырылды. Осы жұмыстардың арқасында 8 млн данадан астам балық шабақтары құтқарылды. Одан бөлек, "Таза су айдындары" табиғатты қорғау акциясына 500-ге жуық адам қатысып, су айдындарынан 44 тоннаға жуық әр түрлі қоқыс қалдығы шығарылды. Ал "Уылдырық шашу" балық қорғау акциясы басталғалы 214 балық қорғау заңнамасын бұзу дерегі анықталып, тиісті әкімшілік хаттама толтырылды. Биыл да балық шаруашылығын дамыту бағытындағы нәтижелі жұмыстарды жалғастыратын боламыз», - деді Жанқожа Рамбердіұлы. &nbsp;</blockquote>

Балық шаруашылығын дамытуға басымдық беріледі

<a href="https://kyzylorda-news.kz/">Kyzylorda-news.kz.</a> Бүгін ҚР Премьер-Министрі Әлихан Смайыловтың төрағалығымен өткен Үкімет жиынында өңірлердің әлеуметтік-экономикалық даму көрсеткіштері қаралды. Ұлттық экономика министрі Әлібек Қуантыров негізгі капиталға салынған инвестиция қарқыны бойынша Қызылорда өңірі республикада І орында екенін жеткізді. Басқа да салалар бойынша Сыр өңірі алдыңғы көрсеткіштерге қол жеткізді.&nbsp; Қызылорда облысы әкімінің баспасөз&nbsp;қызметі<figure class="image"><img src="https://knadmin.beoblood.kz/uploads/p_14480b0ab5.jpg" alt="p.jpg"></figure><figure class="image"><img src="https://knadmin.beoblood.kz/uploads/l_bda8594029.jpg" alt="l.jpg"></figure><figure class="image"><img src="https://knadmin.beoblood.kz/uploads/o_65b71e6bf0.jpg" alt="o.jpg"></figure>

Негізгі капиталға салынған инвестиция бойынша қызылорда өңірі республикада I орында

<a href="https://kyzylorda-news.kz/">Kyzylorda-news.kz.</a> Бауыржан Қамзаев мәрмар тастан ыдыс жуғыш жасаудың қыр-сырын былтыр сырт жақтан үйреніпті. Осы бағытта бизнес жоспар жасап, 5 миллион теңгеге жуық грант жеңіп алған. Ол ақшаға керек-жарақ қондырғы сатып алып, кәсібін бастап кеткен. Бүгінде мәрмар тастан өнімнің бірнеше түрін жасап, ішкі нарыққа шығарып отыр. Жас кәсіпкер келешекте үлкен цех ашып, кәсібін кеңейтпек.2021-2025 жылдарға арналған кәсіпкерлікті дамыту жөніндегі ұлттық жоба аясында осындай мүмкіндікке ие болдым. Тұрмысқа, дұрысы, үй жағдайына өте қажет раковиналар шығаруға кірістім. Бұл жоба бойынша кәсіпкер болуға ынталылар өзінің жаңа бизнес идеялары арқылы қол жеткізе алады. Өзім «NOMAD» жеке кәсіпкерлігін құрып, раковинаның әр түрін шығарудамын.5 млн теңгеге жуық қайтарымсыз қаржы алған кәсіпкер жігіт шағын баспана ішінен ашқан цехта «NOMAD» белгісімен 12 түрлі раковина шығарады. Түрлі дизайнмен дайындалатын өнім жасанды мәрмәр тастан құйылады.<blockquote>«Оларға қажетті шикізатты да өзімізден табуға болады. Мысалы, бұған Аралдың «Шөміш» ауылы маңынан шығатын кварц құмы, сондай-ақ кальцит, сұйық шайыр (смола), мрамор ұнтағы, гелькоат және түрлі түс беретін пигменттер кіреді. Осыларды өз заңдылығымен араластыра отырып, түрлі формадағы қалыпқа құямыз. Ал раковинаны құятын арнайы қалыпты Шымкенттен алдырдым. Өзім де керек қалыпты істеп алуды сонда үйрендім. Жалпы бұл кәсіпке келуіме көбіне-көп ата-анам, жұбайым қолдау көрсетті. Тағы бір айта кететінім, жергілікті өнімді сатып алуға ынталы кәсіпкерлер жоқ емес. Мысалы, сантехникалық заттар сататын «Рамазан» сауда үйінің иесі алдын ала тапсырыс беріп, өзімізден шығатын өнімді қолдап жүр», – дейді Бауыржан.</blockquote>Шығаратын өнімнің бағасы 21 мың мен 32 мың теңге аралығында. Сырттан келетін раковиналарға қарағанда әлдеқайда арзан әрі сапалы. Сондай-ақ Бауыржан қосымша екі адамды жұмысқа алған. Шағын цех ішінде барлық керекті құрылғы-жабдығы бар. Келешекте жуыну бөлмесіне арналған ванна да істеп көрмекші.Алғаш рет басталған жобаның қадамы әзірге жаман емес. Жергілікті тұрғындар кәсіпкердің арнайы әлеуметтік желідегі парақшасы арқылы өнімді көріп, сатып алуда. Ал Бауыржанның айтуынша, аталған раковина түрлері жаз айларында, әсіресе, құрылыс пен үй жөндеу жұмыстары басталғанда көптеп сатылатынға ұқсайды. Әзірге үйге қажетті өнімнің өз өңірімізден шығатыны қуантып тұр.<figure class="image"><img src="https://knadmin.beoblood.kz/uploads/324898163_491673483079458_2697609778333776304_n_7938729f5e.jpg" alt="324898163_491673483079458_2697609778333776304_n.jpg"></figure>

Қазақстан және Қызылорда облысының жаңалықтары: Экономика