<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорда қаласында жол-көлік инфрақұрылымын дамыту бағытында 231 көшеге жол жөндеу жұмыстарын жүргізу қарастырылған. Осы мақсатта бюджеттің барлық түрлері мен мемлекеттік бағдарламалар арқылы жалпы соммасы 10 млрд. 246 млн. теңге бөлінді. Қазіргі таңда, жол жөндеу жұмыстары «Саяхат», «Бәйтерек» тұрғын аудандарында басталды.&nbsp;Айта кету керек, «Ауыл - Ел бесігі» жобасы аясында&nbsp; Қызылжарма, Ақсуат, Қарауылтөбе, Қосшыңырау, Талсуат, Қызылөзек ауылдық округтерінен барлығы 46 көшеге, Ұлттық қордан бөлінген қаржыға Қарауылтөбе ауылдық округіне қарасты кіре беріс жолдың бойында орналасқан жаңа қоныс аумағына, Қызылорда қаласы - Жезқазған тас жолының бойындағы 150 га жерге, Қызылорда қаласының Сарысу көшесі бойындағы Шорғазы тұйығына және кенттер мен ауылдық округтердің 26 көшесіне қиыршық тас төсеу жұмыстары жүргізіледі.Бұдан бөлек, Қызылорда қаласы мен оған қарасты кент және ауылдық округтердегі 106 көшеге облыстық бюджеттен орташа жол жөндеуге 1 752,6 млн.теңге қаралып, Қызылорда қаласы бойынша 76 көшеге, Бөлкөл кенті бойынша 6 көшеге, Тасбөгет кенті бойынша 14 көшеге және Сабалақ саяжайына 10 көшеге асфальт төселінбек.<figure class="image"><img src="https://knadmin.beoblood.kz/uploads/02_b619692611.JPG" alt="02.JPG"></figure>

Қызылорда қаласында жол жөндеу жұмыстары басталды

<a href="https://kyzylorda-news.kz/">Kyzylorda-news.kz.</a>&nbsp; Өңірде түйеқұс өсіру табысты кәсіпке айналтын секілді. Сырдария ауданы Бесарық ауылында кәдімгі теледидардан ғана көретін африкалық түйеқұс жерсіндірілді. Кейін арнайы салынып жатқан қоражайда 100 түйеқұс күтімге алынып, инкубатор арқылы екі есеге дейін көбейтілмек. Бұл жоба ойдағыдай жүзеге асса, қосымша 10 тұрақты жұмыс орны ашылады.Түп-төркіні Африка құрлығынан өрбитін түйеқұсты әкелуге демеушілік еткен «Абай-Дәулет» ЖШС. Құс Өзбекстан арқылы жеткен. Климаттың ылғалдығы мен жылылығына үйренген бұл құсқа еліміздің климаты басында ыңғайлы болмаған. Сол үшін де әуелгіде бабын жасап, Сарыағашта бір ай бойы үйретілген. Карантинде тұрған. Көпшілікке таңсық, бұрын-соңды өңірде болмаған түйеқұсты ауылға алғаш рет әкелгенде басында жергілікті халық бұған біртүрлі қарағанмен, біраздан соң көздері де, бойлары да үйреніпті. Сұсты көрінетін бұл құстың пайдасы шашетектен көрінеді. Бойы 3 метрге жуықтайтын аталығы 100-140 келі ет береді екен. Ал аналығы әбден толысып-жетілген шағында биіктігі 1 метр 70 сантиметрге жетеді. Қауырсындарын бас киімге, сахналық костюмдерге пайдалануға болады. Жұмыртқасының салмағы 2,5 келіден 4 келіге дейін барады.Шаруашылықты жүргізіп отырған «Бесарық» ЖШС директоры Мақсат Биболатов түйеқұс шаруашылығын қалдықсыз өнім ретінде қарастыра отырып, одан үлкен табыс күтетінін айтты.<blockquote>«Осыдан бір ай бұрын 12 түйеқұстың әрқайсысын 400 мың теңгеден сатып алдық. Көбі 5 жаста. Жуырда екінші бөлігі жетті. Баға өзгеріссіз. Жасы мен салмағына қарамайды. Бұл құсты қазір елімізде өсіруді қолға алған шаруашылықтардың ісі оңынан жүріп жатыр. Өйткені, өнімі сұранысқа ие. Еті пайдалы, әсіресе, қан қысымы және қант диабетімен ауыратындар үшін мың да бір ем екен. Сондықтан қызығушылық уақыт өткен сайын артуда. Бір қызығы, күтімді, қамқорлықты қажет ете бермейді. Шаруашылықта екі баптаушы бәріне үлгеріп жүр. Көбінесе құсқа ашық жер пайдалы. Алда бұлардың өсіп-өнуіне барынша қолайлы жағдай жасаймыз. Негізі 1,5 жасында жұмыртқа туа бастайды. Сәтін салса, инкубатор құрылғысын сатып алу жағын тиісті мамандармен келісіп қойғанбыз», – дейді ол.</blockquote>Негізінен түйеқұсқа шөп, әсіресе, жоңышқа, жүгері, бидай береді. Сондай-ақ, уақытында суарып отырса, бабының аса қиындығы жоқ. Өзі көп ауыра да бермейтін секілді. Ал ауыра қалса, Сарыағаштағы мамандар көмек колын созуға даяр екен. Әзірге түйеқұсты тек өсіріп, санын көбейтуді мақсат еткен шаруашылық, құс саны артқан соң өнімдерін сатумен айналыспақ. Шама жетіп, өнімге сұраныс болса, сыртқы нарықты да байқап көрмек ниетте.<blockquote>«Көпшілік біле бермейді. Негізі түйеқұстың өнімдері өте пайдалы. Терісі, тұяғы, тұмсығы, еті, жұмыртқасы бәрі кәдеге жарайды. Оның үстіне тез өседі, тез көбейеді. Тірі салмағының 60%-ы еттен тұрады. Мейрамханаларда диеталық тағам ретінде сұранысқа ие. Ал оның терісінің беріктігі піл мен қолтырауынның терісіне пара-пар. Оны аяқ киім қаптауға, басқа да сәндік бұйымдарды жасауға пайдалануға болады», – дейді серіктестік директоры.</blockquote>Жалпы түйеқұс жыл бойы емес, негізінен сәуір мен қазан айы аралығында жұмыртқалайды екен. Ол кезде біреуі аптасына бір-екіден, бір маусымда 50-60 жұмыртқаға дейін беруі ықтимал. Нарықтағы бағасы – 3-5 мың аралығында. Ал етінің 1 келісінің бағасы 7-12 мың теңгенің о жақ бұ жағында саудаланады. Демек, жем-шөбін уақытылы берсе, пайдасы да көл-көсір деген сөз.Елімізде «Бесарық» ЖШС сияқты түйеқұсты жерсіндірген фермерлердің қатары көбейді. Келешекте біздің өңірде де бәсекеге қабілетті шаруа қожалықтарының саны артады. Қазірдің өзінде ауылда оған қызығып, сатып алу жолын сұрастырып жатқандардың қатары көбейіпті. Әрине, қарапайым азықпен қоректеніп, өнімді мол беретін, аса қамқорлықты қажет ете бермейтін, ал өнімі қымбат бағада бағаланып жатса, неге өсірмеске? Сұраныс артса, алдағы уақытта бұл бағытта бірталай жұмыстар атқарылатын секілді.Орайы келгенде айта кетейік, бұл ерекше құстар планетада &nbsp;миллиондаған жыл бұрын пайда болды деп саналады. Австралия мен Африка елдерінде өмір сүреді, яғни, шөлейтті жерге барынша бейім. Шамамен 300 жыл бұрын, түйеқұстар тек Африкада ғана емес, Палестинада және Кіші Азияның үлкен аумағында өмір сүрген.&nbsp;

Түйеқұс өсіру табысты кәсіпке айналды 

<a href="https://kyzylorda-news.kz/">Kyzylorda-news.kz.</a>&nbsp; Таяуда аудан әкімі Серік Сермағамбетов жұмыс сапарымен бірнеше ауылдарды аралаған болатын. Аудан басшысы жұмыс сапарында алдымен Аманөткел ауылдық округіне қарасты Аққұлақ елді мекенінде болып, жол құрылысының барысымен танысып өтті.&nbsp;Ауыл тұрғындарының бірнеше жылдан бері көтеріп келе жатқан жол мәселесі биыл шешімін тауып жатыр. Яғни, жалпы ұзындығы 8 шақырымды құрайтын ауылға кіре беріс автомобиль жолының қаржысы республикалық бюджеттен қолдау тауып, жеңімпаз мердігер мекеме анықталған. Ал жобаның жалпы құны – 688,4 миллион теңгені құрайды. Бүнігі күні тиісті жұмыстарды атқаруға республикалық бюджеттен 205 миллион теңге қаржы бөлініп, аталған құрылысты «Строй Модуль – Астана» ЖШС жүргізеді.Ауыл ақсақаладары ел үшін жағымды жаңалыққа ризашылықтарын білдіріп, батасын берді. Осы тұста аудан әкімі Серік Сағитжанұлы жауапты бөлімге құрылысты сапалы әрі уақытылы орындауды тапсырды.&nbsp;Мұнан кейін аудан әкімі Жаңақұрылыс ауылдық округіндегі 21 шақырымды құрайтын «Самара-Шымкент-Қамыстыбас-Аманөткел-Жаңақұрылыс» автожолының құрылыс барысын бағамдады. Бұл нысанның жұмыстары 2021 жылы бастау алған болатын. Жобаның жалпы сомасы 1 млрд. 534 миллион теңгені құраса, тиісінше 2021 жылы 225 миллмон теңге, 2022 жылы 680 миллион теңге бөлінсе қалған 458 миллион теңгесі биыл қаралған. Қазіргі уақытта жолдың астыңғы қабат жұмыстары толығымен аяқталып, бүгінде қалған жұмыстар жалғасуда. Ағымдағы жылы автожол пайдалануға берілмек.&nbsp;Кезекті жұмыс сапары барысында аудан әкімі С.Сермағамбетов 2022-2024 жылдарға арналған «Ауыл шаруашылығын дамытудың Жол картасының» орындалуын саралады. Соған сәйкес бүгінде ауданда ілкімді істер атқарылып жатыр. Мәселен, 2022 жылы ауданда 704,2 гектар егін орналастырылса, биыл егін көлемін 1500 гектарға арттыру көзделуде. Аталған жол картасына орай Қамыстыбас пен Аралқұм ауылдық округтері әкімдіктері бірлесіп Қамыстыбас көлінен Тоқпай көлін толтыру бағытында жасалған каналдың жұмысымен танысты. Бұл гидронысан бюджеттен тыс қаржы көздерінен, яғни кәсіпкерлердің қолдауымен жүзеге асқан. Нәтижесінде Аралқұм ауылдық округі тұрғындарының егін шаруашылығымен және тоғанды балық шаруашылығымен айналысуына мүмкіндік туындап, тиісінше бекітілген жерлерді игеруге инвестор тарту көзделуде.&nbsp;Аудан әкімі ауыл тұрғындарыммен кездесуде іске қосылған канал арқылы ендігі кезекте ауыл шаруашылығымен айналысатын шаруалардың саны артқанын жеткізді. Сондай-ақ диханшылықпен айналысамын деушілерге мемлекеттік қолдаулар мен бағдарламалардың тиімділігін баяндап, баға тұрақтылығын қамтамасыз ету мақсатында жергілікті өнімнің маңыздылығын айтып, ауыл тұрғындарының бастамаларына сәттілік тіледі.

Аралда жаңа жобалар қолға алынды

<a href="https://kyzylorda-news.kz/">Kyzylorda-news.kz.</a> Қазір дәстүрлі емес ауыл шаруашылығы саласына қолдау көп. Кәсіп ашып, пайда тапқысы келген адамға ара өсіріп, бал өндіру, құс пен мал бағып, кәсіп бастауға болады. Тек ерінбей еңбек етсе болғаны.Бүгінде елімізде бөденені өсірушілер саны көбейген. Тіпті кейбір дамыған елдерде бөдененің жұмыртқасын балабақшаларда ас мәзіріне енгізген. Өйткені, жұдырықтай жұмыр құстың жұмыртқасы балалардың талма, демікпе сынды дертіне ем. Оны медицина саласы да мойындап, науқастардың &nbsp;созылмалы өкпе ауруы, туберкулез, гастрит, асқазан, жүрек-қан тамырлары ауруларына қарсы қолдануға кеңес береді.Мемлекет ұсынған тиімді бағдарламаны пайдаланып, шағын кәсібін ширатып жүргендер көбеюде. Солардың бірі – жаңақорғандық Нұрайлым Жамалдин. Ол былтырдан бері құс өсіріп, өнімін аудан тұрғындарына ұсынып келеді.<blockquote>«Өзім жұмыссыз болған соң үйде құр отырғым келмеді. Жолдасыммен ақылдасып, бизнес бастамақ болдым. Осылайша мемлекет ұсынған бағдарламаларды тиімді пайдаланып, құжаттарымызды дайындадық. Былтыр күзде 2021-2025 жылдарға арналған кәсіпкерлікті дамытудың ұлттық жобасы аясында қайтарымсыз грант ұттым. Жалпы сомасы – 1 млн 225 мың теңге. Осы қаражатқа бөдене және оны өсіруге қажетті инкубатор жабдықтарын, арнайы торлы орын мен түрлі дақыл араласқан жем сатып алдық. Қазір жұртшылық бөдене еті мен жұмыртқасының емдік қасиетін жақсы біледі. Ойлау қабілетін арттырып, түрлі жұқпалы аурулардан қорғайды. Дәмі де бөлек, ұзақ сақтауға да төзімді. Негізі ғылымда бөдене жұмыртқасын қарт кісілер мен балаларға, аяғы ауыр немесе жас аналарға көптеп тұтыну керектігін айтады. Әсіресе, бойында әлсіздік бар адамдарға бөдене өнімдері пайдалы», – дейді кәсіпкер.</blockquote>Бүгінде Нұрайлымның 200-ге жуық бөденесі бар. Олардан күніне 50-60 жұмыртқа алып отыр. Аудан тұрғындары кәсіпкерлердің шағын цехынан өнімді емдік қасиеті үшін сатып алады. Ал дәмхана иелері тағамдық мақсатта тапсырыс береді екен. Бір данасы – 50 теңге. Нұрайлым алдағы жаз айларында бөдене шаруашылығын кеңітпекші. Сондай-ақ күркетауық пен өзге де құс түрлерін өсіруді қолға алмақ.<blockquote>«Былтыр осындай шағын кәсіп бастаған аудан тұрғындары көп болды, 360 адам түрлі бағыттағы кәсіп ашу үшін мемлекеттік бағдарламалар арқылы қайтарымсыз қаржы алған. Оның ішінде 285 адам 1 млн 225 мың теңге көлемінде грант ұтса, 75 тұрғынға 612 мың теңгеден мемлекеттік қайтарымсыз қаражат берілді. Биыл да Жаңақорған ауданында жаңа бизнес-идеяларды іске асыру үшін әр адамға 400 айлық есептік көрсеткішпен, яғни, 1 млн 380 мың теңгеден қаржы беріледі», – дейді аудандық жұмыспен қамту бөлімінің маманы Руслан Мұсатаев.</blockquote>Бөдене бағудың бейнеті көп болғанмен, бүгінде сұранысқа ие кәсіптің бірі осы болып тұр. Кейіпкеріміз тынымсыз бейнеттің зейнеті де болатынын айтады. Нәсібін кәсібінен тауып отырған кәсіпкердің болашаққа құрған жоспары көп. Тек мақсат пен мұратқа еңбек жеткізетінін түсінген ол сапалы өнім арқылы отандық кәсіпті дамытқысы келеді. Сонда ғана істің берекесі ар-тып, кәсіпкерлік кең өріс ала түспек.&nbsp;

Жаңақорғандық кәсіпкер бөдене өсірумен айналысуда

<a href="https://kyzylorda-news.kz/">Kyzylorda-news.kz.</a> Былтыр 30 мың 300 гектардан аса егіс егіп, жыл соңында жоғары өнім жинаған Шиелі ауданы ауыл шаруашылығы саласында үздік атанды. Ақ күріштің атасы Ыбырай Жақаевтың ізбасарларының тынымсыз еңбегінің арқасы еді бұл.&nbsp;Өңірде егін мен бау-бақша өсіруден бөлек, аудан көлемінде атқарылып жатқан нәтижелі жұмыс көп. Жаңа құрылыстар, көшелерді жарықтандыру мен абаттандыру, елді мекендер арасындағы жолдарды жөндеу сияқты қажеттіліктер біртіндеп іске асуда. Солардың ішінде маңызды саналатын, халық сұранысы артып отырған мәселе – газдандыру. Аудан әкімдігі берген мәліметке сүйенсек, бүгінде Шиелі халқының 68 пайызы «көгілдір отынға» қол жеткізген.Иә, газға көшу экологиялық жағдайды жақсартуға оң әсер ететіні белгілі. От жағып, күл шығармайтын қалалықтарға қызығатын ауылдағы ағайынға бұл дүние біртіндеп жетіп жатыр. Кейінгі бес жылда аймақта «көгілдір отынға» қол жеткізген ауылдар қатары көбейгені де белгілі.Шиелі ауданына қарасты ауылдың көбісі орталыққа жақын. Тіпті кентпен іргелес қоныстанған елді мекендер бар. Мұның өзі жергілікті жердегі инженерлік-инфрақұрылымдық жағдайды дұрыстауға көп септігін тигізуде.Жоғарыда айтқандай, газ құбырлары тартылып, әр ауылдағы тұрмыстық жағдайдың түзелуі артуда. Бүгінге дейін Шиелі кентінен бөлек, алты елді мекенге «көгілдір отын» келді. Атап айтсақ, «Бидайкөл», «Байсын», Н.Бекежанов, Ш.Қодаманов, «Ақмая» және «Алғабас» ауылдарының тұрғындары осындай игілікті істің қызығын көріп отыр.Осы тақырыпқа орай, ауданда тағы бір қуанышты жаңалықтың лебі бар. Жалпы құны 1 млрд 62 млн теңге болатын, елді мекендерге газ тартуды қамтитын 4 жоба тиісті салалық министрлікке ұсынылыпты. Айтылған төрт жобада көрсетілген мақсат біреу-ақ. Ол – ауданға қарасты тағы да төрт ауылға газ құбырын тарту. Бұлар – «Еңбекші», «Бестам», «Досбол би» және «Жиделіарық» ауылдары. Бұның ішінде биыл құрылысты бастау үшін «Еңбекші» ауылына 270 млн теңгеден астам, ал «Жиделіарыққа» 172 млн, 157 мың теңге қаржы бөлінген. Сонымен қатар ауданға қарасты «Алмалы» мен Ә.Тәжібаев атындағы елді мекенге газ құбырын тарту үшін қажетті 1 млрд 710 мың теңгеге бюджеттік өтінім беріліпті. Қазір жоба министрліктің қарауында.Былтыр М.Шоқай ауылы маңынан құны 2 млрд теңгеден асатын автоматты газ реттегіш станциясының құрылысы басталған еді. Бұған қосымша «Тартоғай» елді мекеніне демеушілер есебінен, сонымен қатар «Майлытоғай» ауылы бойынша ішкі және сыртқы магистральды газ құбырларын тарту үшін жоба-сметалық құжаттары дайындалып жатыр. Бұл үшін аудандық бюджеттен 23 млн теңгеден аса қаражат бөлінген. Айтылған жобалар іске асқанда аудан халқының 85 пайызы газбен қамтылмақ.Айтпақшы, әлеуметтік нысандарды да «көгілдер отынмен» қамту жұмыстары атқарылып келеді. Мысалы, биыл Шиелі кентіндегі №46 және «Алғабас» ауылындағы №157 мектептегі бу қазандықтары газға ауыстырылмақ. Екі жобаның құны 94 млн 515 мың теңге.Талай жыл көмір жағып, ыс пен қою түтіннің құрсауында отырғанға газдың пайдасы тіптен мол. «Көгілдір отын» көмірмен жылытудан арзанға шығады. Ең бастысы, жыл сайын газдандыру жұмысы қарқын алып, халықтың игілігі еселей түсуде. Ауылдың тұрмыс мәдениеті қаланың қарымына иек артып келе жатыр. Ауызсу, жол, жарық, енді газ жетсе тіршілік, тұрмыс атаулының жаңа сипатқа көшкені емес пе?!Шиелі жұрты ғана емес, аймақтағы халықты «көгілдір отынмен» қамту жағы осындай нәтижеге жетіп отыр. Әу баста облыс орталығы мен кейбір кент іші ғана газдандырылған болса, кейінгі жылдары қарқын үдеді. Мысалы, 2015 жылға дейін тек облыс орталығы ғана табиғи газды пайдаланып келді. Ал 2014 жылы «Бейнеу-Шымкент» магистральды газ құбыры пайдалануға беріліп, одан кейін аудан орталықтары мен ауылдық елді мекендер «көгілдір отынға» біртіндеп қол жеткізе бастады. Бүгінде өңірдегі қалалар мен 19 елді мекенге газ құбыры тартылып, ондағы жұрт игілігін көріп отыр.&nbsp;

Газдандыру жұмыстары қарқын алды

<a href="https://kyzylorda-news.kz/">Kyzylorda-news.kz.</a>&nbsp; Ел экономикасын ілгерілетудің негізгі жолы – өнеркәсіптік өндірістің көлемін арттыру. Экономиканы әртараптандыруды және оның шикізат экспортына тәуелділігін азайтуды негізгі мақсат еткелі аймақта өндірістің дамуына барынша басымдық берілді. Нәтижесінде нақты стратегиялық жоспарлар бекітіліп, межелі міндеттер белгіленді. Бастысы, қабылданған нақты шаралар өңдеу секторының дамуына оң әсерін тигізді.Бұлай деуімізге нақты дәлел де бар. Мәселен, облыстың өнеркәсіптік өңдеу саласында 54,1 пайыздық өсім қалыптасып, Қызылорда өңірлер арасында өсiм қарқыны бойынша бірінші орынға шықты. Бұл туралы ҚР Үкіметінің отырысында айтылып, Сыр өңірінің өңдеу өнеркәсібін дамытудағы жоғары көрсеткішке қол жеткізгені ерекше аталып өтілген болатын.2022 жылдың қорытындысы бойынша қаңтарда өткен Үкімет отырысында Ұлттық экономика министрі Әлібек Қуантыров өңдеу өнеркәсібінде оң өсім сақталып отырғанын мәлімдеді. Өндіріс көлемі 3,4%-ға өсіп, көрсеткіш өсуі 18 өңірде тіркелді. Елімізде өңдеу өнеркәсібі салалары бойынша машина жасау өндірісінің 9,4, оның ішінде автомобиль жасаудың 19,1, электр жабдықтарын жасаудың 22,2%-ға өсуі қамтамасыз етілді. Сондай-ақ ел бойынша өсу азық-түлік өндірісі, мұнай өңдеу, химия өнеркәсібі салаларында байқалып отыр.Елімізде индустриялық-инновациялық дамудың мемлекеттік бағдарламасы шеңберінде үшінші бесжылдық кезеңінде шамамен 4,3 трлн теңге сомасына 505 жоба іске қосылып, 45,9 мың тұрақты жұмыс орны құрылған. Индустрия және инфрақұрылымдылық даму министрлігі мәліметінше, биыл елімізде 16,3 мыңға жуық тұрақты жұмыс орнын құра отырып, жалпы сомасы шамамен 1,1 трлн теңгеге 149 жобаны енгізу жоспарлануда. Жобалар барлық өңірлерде іске қосылатын болады.Бұл ретте Сыр өңірінде былтыр құны 4,8 млрд теңгені құрайтын, толық қуаттылыққа шыққанда 175 жұмыс орны ашылатын 7 жоба іске қосылды. Жалпы алғанда, Бірыңғай индустрияландыру картасы аясында облыста құны 613 млрд теңгені құрайтын 6,8 мың жұмыс орнын құруға бағытталған 37 жоба жүзеге асырылуда. Ал 2010-2021 жылдар аралығында іске қосылған индустриялық жобалар арқылы есепті кезеңде 49 млрд теңгенің өнімі өндіріліп, өңдеу өнеркәсібіндегі үлесі 25 пайызды құрады.Облыстық кәсіпкерлік және өнеркәсіп басқармасының мәліметінше, өткен жылы өңдеу өнеркәсібінде өнім көлемі 241,7 млрд теңге болған. Көрсеткіштің өсіміне тамақ өнеркәсібінде «Аралтұз», «РЗА», «Мағжан и К», «Углесбыт», «Қызылдихан», «Ақжарма», жеңіл өнеркәсіпте «Өркен әлем», «Далатекс» серіктестіктерінің, құрылыс индустриясындағы цемент зауыты, «МИР-2001», «LCI-MK» және «Кемикал» құбыр зауытында өнім көлемінің артуы және шыны зауытының өнім шығаруы әсер еткен.Өңдеу өнеркәсібін дамытудағы басты жаңалық – шыны зауытының іске қосылып, былтырғы қазан айынан бастап өнім өндіруі. Былтыр зауыт барлығы 32 мың тоннаға жуық шыны өндіріп, Астана, Алматы, Шымкент қалаларына жіберілді. Алдағы уақытта өнімді Өзбекстан, Тәжікстан және Қырғызстанға экспортқа шығару жоспарлануда.Зауытты іске қосу арқылы шағын және орта кәсіпкерлікті өрістетудің белдеуін дамытып, 8 ілеспе кәсіпорын құруға жұмыс жүргізіледі. Шыны зауытының тағы бір артықшылығы – индустриялық аймақты дамытуға да серпін береді. Бұған қоса, индустрияландыру бағдарламасы аясында биылғы жылы құны 1 млрд теңгені құрайтын 5 жоба іске қосылды.Жалпы, өнеркәсіп саласындағы өсім ірі кәсіпорындардың өнім өндірісін ұлғайту және жаңа жобаларды іске қосу есебінен мүмкін болып отыр. Бұл ретте шыны зауытының іске қосылуы – облыста ғана емес, бүкіл Қазақстан бойынша құрылыс индустриясының дамуына серпін беретін жоба.Сондай-ақ, өңірде басқа да ірі инвестициялық жобаларды іске асыру бойынша жұмыстар жалғастырылуда. Мысалы, агроөнеркәсіп саласында – Жаңақорған ауданындағы «Қызылорда – Агроплюс» серіктестігінің томат пастасын өндіру жобасы қолға алынған. Жоба құны – 28,1 млрд теңге. Қазіргі уақытта жобаның инвесторы әлемнің 13 елінде қызанақ өндірумен айналысатын түрік холдинг компаниясы – «Коч Холдинг». Оның еншілес кәсіпорны «Tat» компаниясымен бірлесіп, тамшылатып суару әдісімен 10 гектар жерге тәжірибелік қызанақ тұқымы егілді.Былтыр тамызда тараптар жобаның жол картасын әзірлеп, атқарылатын шаралар мен мерзімдері көрсетіліп, бекітілді. Зауыт құрылысын бастау үшін жобалау жұмыстары әзірленуде.Тау-кен металлургиясын дамыту мақсатында «Шалқия» және «Баласауысқандық» кеніштерін игеру жобалары іске асырылуда. «Шалқия» – дүние жүзіндегі ең ірі бес кеніштің бірі. Жоба бойынша жаңа стратегиясы әзірленіп, тау-кен бөлігі мен жерүсті кешендері бойынша түзетулер енгізілген. Бүгінде жерасты кенішінің құрылысы жүргізілуде.Шетелдік инвестордың қатысуымен тау-кен металлургия саласындағы екінші жоба – «Баласауысқандық» кен орнын игеру басталды. 2016 жылдан бастап тәжірибелік-өндірістік кешен жұмыс жасайды. Былтыр «Баласауысқандық» ванадий кенішінен Ұлыбританияға аммоний метаванадаты, Ресейге ферромолибден экспортталды.&nbsp;

Аймақта өңдеу өнеркәсібі 54,1 пайыз өсті 

<a href="https://kyzylorda-news.kz/">Kyzylorda-news.kz.</a>&nbsp; Бүгін облыс әкімі Нұрлыбек Нәлібаев аймақтың Қоғамдың кеңесінің отырысына қатысып, 2022 жылдың қорытындылары мен алдағы уақыттағы міндеттері туралы баяндама жасады.Аймақ басшысы өз сөзінде Қоғамдық кеңестер азаматтық қоғамның мүдделерін білдіретін, жұртшылықтың пікірін айтатын, атқарушы органдардың ашықтығын қамтамасыз етуге жәрдемдесетін белді және әлеуетті институтқа айналғанын атап өтті.<blockquote>«Мемлекет басшысы Қасым-Жомарт Кемелұлы Тоқаевтың, Үкімет деңгейіндегі жан-жақты қолдаудың және бірлескен жұмыстардың нәтижесінде Сыр елінде тың жобалар жүзеге асып, ауқымды инвестициялар тартылды. Тіректі салаларда серпінді қадамдар жасалды.Облысымыз 2022 жылдың қорытындысымен әлеуметтік-экономикалық дамудың макрокөрсеткіштері бойынша республика өңірлері арасында жоғары орындарға көтерілді. Инвестиция тарту қарқыны бойынша республика көлемінде бірінші орынға шықты. Өткен жылы атқарылған жұмыстардың нәтижесінде инвестиция көлемі 2021 жылмен салыстырғанда 100,6 млрд. теңгеге артты.Мемлекет басшысының тапсырмасына сәйкес Жалпыұлттық бірыңғай жобалар пулы қалыптасып, оған құны 877 млрд. теңгені құрайтын 30 жоба енгізілді. Өткен жылы құны 5,1 млрд. теңге болатын 4 жоба іске қосылса, биыл құны 13,4 млрд.теңгені құрайтын 9 жобаның іске қосылуы жоспарлануда», - деді Н.Нәлібаев.</blockquote>Аймақ басшысы шетелдік инвесторларды тарту бойынша жүйелі жұмыстар жүргізілетінін айтты. Инвестиция тарту, тұрғын үй салу, инфрақұрылымды дамыту және әлеуметтік салада көптеген жобалар жүзеге асты. Мәселен, түрік инвесторлармен бірге жаңа жылу электр орталығы мен томат пастасын өндіретін ірі зауыт салынбақ. Мемлекет басшысы Қасым-Жомарт Кемелұлы Тоқаевтың Өзбекстан Республикасына ресми сапары аясында көршілес елдің негізгі өндірістік орталықтарының бірі – Науаи облысымен бірлескен Жол картасына қол қойылды.Сөзінің қорытындысында облыс әкімі алдағы Мәжіліс және барлық деңгейдегі мәслихат депуттарын сайлауда азаматтық қоғам өкілдеріне зор сенім артылатынын айтты. Халықтың ынтымағы мен бірлігіне селкеу түспеуі үшін күш-жігер біріктіруге, маңызды кезеңде шет қалмай, тарихи таңдау жасауға шақырды.Жиында қоғамдық кеңес мүшелері бірқатар өзекті мәселе көтеріп, ұсыныс-пікірлерін ортаға салды. Атап айтқанда, өңірде жыраулық дәстүрді дәріптейтін музей салу, мүмкіндігі шектеулі жандарға қоғамдық көлікпен жүруге жеңілдік қарастыру, ауылдық елді мекендерді қаржыландыру және өз кәсібін бастайтын азаматтарды несиелендіру шарттарын оңтайландыру жөнінде ұсыныстар айтылды. Аймақ басшысы барлық ұсыныстар мұқият зерттеліп, бюджет мүмкіндігі мен заңнама талабына сәйкес тиімді шешім қарастырылатынын жеткізді.<figure class="image"><img src="https://knadmin.beoblood.kz/uploads/333999216_879580679799152_4745530635310952523_n_5365128c66.jpg" alt="333999216_879580679799152_4745530635310952523_n.jpg"></figure>&nbsp;<figure class="image"><img src="https://knadmin.beoblood.kz/uploads/334071255_805319750945243_92797285681381229_n_9097e67cef.jpg" alt="334071255_805319750945243_92797285681381229_n.jpg"></figure>

Инвестиция: Қызылорда облысы республика көлемінде бірінші орынға шықты

&nbsp;<a href="https://kyzylorda-news.kz/">Kyzylorda-news.kz.</a> Бүгінде халықтың инфрақұрылымға қолжетімділігі артты. Бұл Мемлекет басшысы Қ.К.Тоқаевтың атқарушы билікке жүктеген тапсырмасы бойынша жүзеге асты. Облыс халқының 97,8 пайызының орталықтандырылған су жүйесіне қосылуы, өткен жылы 6 ауылдық елді мекеннің көгілдір отынға қосылып, халықты газдандыру деңгейі 70 пайызға жеткені көп түйткілді шешті.<blockquote>«Биыл 10 ауылдық елді мекенді газдандыру арқылы оның қамту деңгейін 72 пайызға жеткізу жоспарлануда. Жергілікті маңыздағы 366 шақырым автомобиль жолдарын жөндеу арқылы жақсы жағдайдағы жолдардың үлесі 82 пайызға жеткізілсе, биыл оны 87 пайызға жеткізу жоспарымызда бар.Бұл мақсатқа биыл 29,9 млрд. теңге қаржы қаралды. Жыл көлемінде республикалық бюджеттен қосымша қаржылар түседі деп жоспарлап отырмыз», – деді облыс әкімі Н.Нәлібаев облыстық қоғамдық кеңес отырысында.</blockquote>Сонымен бірге аймақ басшысы Президенттің тікелей бақылауындағы «Қызылорда-Жезқазған» автожолының құрылысы туралы «Халық осы жолдың заманға сай қайта жаңғыртылуын ұзақ күтті. Жолдың ұзындығы 216 шақырым, биыл оның 100 шақырымнан астам бөлігін аяқтау межеленуде. Қалған бөлігі 2025 жылдың соңына дейін толық аяқталып, халық игілігіне берілетін болады.Қаңтар айында Қазақстан Республикасы Үкіметі Аппараты басшысының бірінші орынбасары Ғабит Сыздықбековтің жұмыс сапары аясында «Қызылорда-Жезқазған» автожолын қайта жаңғырту жұмыстарымен арнайы барып таныстым.«Қызылорда-Жезқазған» жолын реконструкциялауға қатысты өзімнің төрағалығыммен арнайы мәжіліс өткізіліп, жоба аясындағы түйткілді мәселелер бойынша тиісті шаралар қабылдау жөнінде жауапты мекемелерге тапсырмалар берілді. Қазір аталған жолдың реконструкциялау мәселелері бойынша облыс әкімінің бірінші орынбасары Серік Салауатұлының төрағалығымен арнайы жұмысшы топ құрылып, құрылыс жұмыстары бақылауға алынды» деп атап өтті.Қазір Ақтөбе облысы бағытындағы жолда жүк көліктерінің қарқыны жыл сайын орташа есеппен 10%-ға өсіп, тәулігіне 10 мың автокөлік қатынауда. Осы бағыттағы 566 шақырым жолды 2 жолақтан 4 жолаққа ауыстыру туралы мәселе Үкімет басшысына жеткізілді.Қызылорда қаласында қоғамдық көлік мәселесі бірте-бірте шешіліп келеді. Қоғамдық кеңес отырысында облыс әкімі Н.Нәлібаев «Бұл бағытта да проблемалық мәселелерді шешуді қолға алдық. «Қызылорда автобус паркіне» «Өнеркәсіпті дамыту қоры» арқылы лизингке жаңа 150 автобус алуға өткен жылы 1,4 млрд теңге қаржы бөлініп, барлығы 150 автобус келді. Бұл мәселені түбегейлі шешу үшін 2023 жылға 1,4 млрд теңгеге тағы 150 автобус алуға қаржы бағытталды. Осылайша, барлығы 300 заманауи, жайлы автобус ел игілігіне табысталады» деді.<figure class="image"><img src="https://knadmin.beoblood.kz/uploads/334071255_805319750945243_92797285681381229_n_9097e67cef.jpg" alt="334071255_805319750945243_92797285681381229_n.jpg"></figure><figure class="image"><img src="https://knadmin.beoblood.kz/uploads/334070642_640939491173021_3297377272707859568_n_c0f72b02d1.jpg" alt="334070642_640939491173021_3297377272707859568_n.jpg"></figure>

Қолжетімді инфрақұрылым халық тұрмысын жақсартады

<a href="https://kyzylorda-news.kz/">Kyzylorda-news.kz.</a> Мемлекет басшысының, Үкімет деңгейіндегі жан-жақты қолдаудың және бірлескен жұмыстардың нәтижесі Сыр еліндегі тың жобалардан көрінеді. Ауқымды инвестициялардың тартылуы тіректі салаларда серпінді қадамдар жасауға мүмкіндік берді.<blockquote>«Облысымыз 2022 жылдың қорытындысымен әлеуметтік-экономикалық дамудың макрокөрсеткіштері бойынша республика өңірлері арасында жоғары орындарға көтерілді.Өңдеу өнеркәсібінің көлемі – 5,6 пайызға, ауыл шаруашылығының жалпы өнімі – 1,8 пайызға, инвестициялар тарту – 26,8 пайызға, пайдалануға берілген тұрғын үйлер көлемі –3,3 пайызға, құрылыс жұмыстарының көлемі – 16,6 пайызға және сауда көлемі – 2,3 пайызға артты.Аймағымыз инвестиция тарту қарқыны бойынша республика көлемінде бірінші орынға шықты. Өткен жылы атқарылған шаралардың нәтижесінде инвестиция көлемі 2021 жылмен салыстырғанда 100,6 млрд. теңгеге артты (308,9 млрд. тг, 409,5 млрд. теңгеге)», – деді облыс әкімі Н.Нәлібаев облыстық қоғамдық кеңес отырысында.</blockquote>Еске салсақ, индустрияландыру бағытындағы құны 1 млрд. теңге болатын 5 жоба, биылға жоспарланған құны 13,4 млрд.теңгені құрайтын 9 жоба шикізатқа тәуелділіктен арылуға, экономиканы әртараптандыруға бағытталған.«Акса энерджи» түрік компаниясымен бірлесіп жылу электр орталығы іргетасының қалануы, «Коч Холдинг» компаниясымен Жаңақорған ауданында «Қызылорда – Агроплюс» серіктестігінің томат пастасын өндіру жобасы, «TAT» компаниясымен бірлесіп, тамшылатып суару әдісімен 10 гектар жерге тәжірибелік қызанақ тұқымы егіліп, жаңа өнім жиналуы – шетелдік инвесторларды тарту бойынша жүргізілген жүйелі жұмыстардың нәтижесі.Шыны зауыты жанынан құны 100 млрд. теңге болатын 8 ілеспе кәсіпорын құру жоспарланып, төртеуі бойынша жобалау жұмыстары басталса, қалған жобаларға инвестор іздестірілуде.<figure class="image"><img src="https://knadmin.beoblood.kz/uploads/334003671_710490967476634_1461675961821333013_n_4a39d0a888.jpg" alt="334003671_710490967476634_1461675961821333013_n.jpg"></figure>&nbsp;<figure class="image"><img src="https://knadmin.beoblood.kz/uploads/334071255_805319750945243_92797285681381229_n_8d6b65a640.jpg" alt="334071255_805319750945243_92797285681381229_n.jpg"></figure>

Нұрлыбек Нәлібаев: Инвестиция 100,6 млрд. теңгеге артты

<a href="https://kyzylorda-news.kz/">Kyzylorda-news.kz.</a> Қазір – баспаналы болудың мүмкіндіктері кеңейген уақыт. Бірақ бағдарламалардың талаптарын еңсере алмайтындар қалай үйлі болмақ? Президент Қасым-Жомарт Тоқаевтың тапсырмасымен әлеуметтік жағынан аз қамтылған азаматтарды тұрғын үймен қамтамасыз етуде біршама жұмыс атқарылды.<blockquote>«Өңірде тұрғын үй құрылысын салу қарқынды жүруде. Қызылорда қаласында үйі апатты деп танылған жерлестерімізге 60 пәтерлі жаңа арендалық, халықтың әлеуметтік жағынан осал топтарына, жетім және ата-анасының қамқорлығынсыз қалған балаларға 50 пәтерлі көпқабатты тұрғын үй тарту етілді. Былтыр мемлекеттік бюджет есебінен тұрғын үй құрылысына 9,1 млрд. теңге қаржы бөлініп, 32 тұрғын үйдің құрылысы жүргізілген, оның 12-сі пайдалануға берілді. Ал, биыл 23 тұрғын үй, барлығы 982 отбасына пәтер кілттері табысталатын болады»,– деді облыс әкімі Нұрлыбек Нәлібаев қоғамдық кеңес отырысында.</blockquote>Бұл ретте арнайы қабылданған «Сыр жастары» бағдарламасына ерекше тоқталуға болады. Облыс әкімі қоғамдық кеңесте «Алғаш рет 130-дан астам жас отбасыға жеңілдетілген ипотекалық несие беру үшін жергілікті бюджеттен 1,2 млрд.теңге, «Отбасы» банкі арқылы 500 млн.теңге барлығы 1,7 млрд.теңге қаражат бөлініп отыр. Бұл жас отбасылардың баспаналы болуына үлкен қолдау болады деп санаймыз», – деп атап өтті.Жастардың жеңілдікпен үйлі болуына қамқорлық жасалуы оларды алаңсыз жұмыс істеуге, қалаған кәсібімен айналсуға ынталандырады.<figure class="image"><img src="https://knadmin.beoblood.kz/uploads/334071255_805319750945243_92797285681381229_n_8d6b65a640.jpg" alt="334071255_805319750945243_92797285681381229_n.jpg"></figure>

Қызылордада тұрғын үй құрылысы қарқын алды 

<a href="https://kyzylorda-news.kz/">Kyzylorda-news.kz.</a>&nbsp; Бүгін ҚР Премьер-Министрі Әлихан Смайыловтың төрағалығымен өткен Үкімет отырысында су тасқынының алдын алуға дайындық және халыққа онкологиялық көмек көрсету мәселелері талқыланды.Үкімет басшысы «Көктем-2023» республикалық оқу-жаттығу шаралары шеңберінде тасқын қаупі туындаған жағдайда нақты іс-қимыл алгоритмін пысықтауды, жарылғыш заттар мен инертті материалдардың қажетті қорын дайындап, хабарландыру жүйелерінің дайындығын тексеруді тапсырды.Үкімет отырысынан соң облыс әкімі Нұрлыбек Нәлібаев ҚР Премьер-Министрі берген тапсырмаларды пысықтау мақсатында жиын өткізіп, облыс аумағында мұз жүру басталғанын атап өтті.<blockquote>«Облыс аумағында мұз жүре бастады. Жаңақорған Шиелі аудандарының аумағы мұздан толықтай тазарып, бүгінгі күні Сырдария ауданы Айдарлы елді мекені тұсында сең жүруде. Солтүстік аудандар мен Қызылорда қаласы тұсында өзен бетінде толықтай мұз тұр, орташа қалыңдығы 32-43 см құрайды. Қазіргі таңда дайындық шараларын күшейтіп, барлық қажетті қорлардың болуын қамтамасыз ету керек», - деді аймақ басшысы.</blockquote>Жиында Арал-Сырдария бассейндік инспекциясы басшысының міндетін атқарушы, «Қазсушар» РМК және «Қазгидромет» Қызылорда филиалының директорлары Сырдария өзеніндегі су жағдайы мен оны қауіпсіз өткізуді қамтамасыз ету жұмыстарының барысын баяндады.Талқылаудан соң Нұрлыбек Машбекұлы Қызылорда қаласы мен аудан әкімдеріне өзен бойындағы қауіпті учаскелерге бақылауды күшейтіп, өзен арнасындағы мұз жүру процесін қадағалауды және материалдық-техникалық, жанар-жағармай қорларын қажетті көлемде жасақтауды тапсырды. Ал, аумақтық жауапты мекемелер облыс көлемінде су тасқынының алдын алу үшін авариялық-құтқару қызметтері мен күш-құралдардың дайындығын үнемі әзірлікте ұстауы тиіс. Оларға мониторинг жұмыстарын жалғастыру және облыс аумағына мол су жіберілген жағдайда оны қауіпсіз өткізу шараларын ұйымдастыру жүктелді.Күн тәртібіндегі екінші мәселе тұрғындар үшін аса өзекті екенін атап өткен облыс әкімі Нұрлыбек Нәлібаев облыстық құрылыс басқармасына халыққа онкологиялық көмек көрсету үшін биыл Қызылорда қаласында салынатын бір ауысымда 100 келушіге арналған емханасы, онкологиялық бөлімшесі бар 300 орындық көп бейінді аурухана құрылысын сапалы жүргізуді тапсырды.Облыстық денсаулық сақтау басқармасына осы бағыттағы жұмыстарды қатаң бақылауға алып, сапалы әрі мерзімінде орындалуын қамтамасыз ету жөнінде міндет қойылды. Атап айтқанда, облыстық онкология орталығынан ашылған ахуалдық орталықтың жұмысын жетілдіріп, науқастарды оңалту және психологиялық қолдау кабинеттерінің санын арттыру керек. Сонымен қатар бастапқы медициналық-санитариялық көмек көрсететін онколог дәрігерлер тапшылығының алдын алу үшін облыс әкімінің гранты арқылы мамандарды резидентурада даярлауға ұсыныс енгізу бойынша тапсырма берілді.<figure class="image"><img src="https://knadmin.beoblood.kz/uploads/333837207_1394550054633620_2057928844185822250_n_56e4b299a2.jpg" alt="333837207_1394550054633620_2057928844185822250_n.jpg"></figure>&nbsp;<figure class="image"><img src="https://knadmin.beoblood.kz/uploads/333798427_1867142110313018_5644335393844118535_n_0bc8bb503b.jpg" alt="333798427_1867142110313018_5644335393844118535_n.jpg"></figure>

Су тасқынының алдын алу мәселелері талқыланды

<a href="https://kyzylorda-news.kz/">Kyzylorda-news.kz.</a> Өткен жылдың қарашасынан бері Қызылорда облысы кәсіпкерлер палатасының жанынан құрылған салалық комитеттердің 26 отырысы өтіп, онда бизнес өкілдерінің 43 мәселесі қаралды. Оның бірқатары шешілді.Қазір Қызылорда облысының кәсіпкерлер палатасында тұрақты 5 салалық комитет жұмыс істейді.Олар: өнеркәсіп, агроөнеркәсіп кешені, адами капиталды дамыту және бизнестің әлеуметтіксаясаты, сауда, қызмет көрсету және туризм, құрылыс комитеті.Салалық комитет бизнес субъектілерінің міндеттері мен мәселелерін шешу үшін мемлекеттік және өзге де ұйымдармен бірлескен іс-қимыл жасауды, яғни анықталған проблема бойынша оны шешу тетіктерін қарап, кәсіпкерлердің мүддесін қорғау, оларды қолдауды көздейді.<blockquote>«Әр комитеттің 13-тен 26-ға дейін мүшесі бар. Барлығы –кәсіпкерлер. Комитеттің төрағаларын мүшелері дауыс беру арқылы анықтады. Соңғы 4 айда осы комиттердің 26 отырысы өтіп, өзекті 43 мәселені қарадық. Мектеп асханалары, балабақшаға мемлекеттік тапсырыс орналастыруға, бос ғимараттарды кәсіпкерлерге сенімгерлік басқаруға беруге байланысты және өзге де проблемаларды жергілікті атқарушы органдармен бірге көтеріп, талқылағанның арқасында дер кезінде тиімді шеше алдық», – дейді Кәсіпкерлер палатасының директоры Пірмұхаммед Сыздықов.</blockquote>Қазір 5 салалық комитетте 104 мүше бар. Комитет мүшелері енді подкомитет құру жұмыстарын ұйымдастырып жатыр.Салалық комитет басшылары: - Өнеркәсіп комитетінің төрағасы – Жаңабай Бекішев, «Квант» ҚМЗ» ЖШС директоры, Өңірлік кеңес мүшесі; - Агроөнеркәсіп кешені комитетінің төрағасы – Нұрлан Іздібаев, «Ақтөбе және К» ЖШС директоры, Өңірлік кеңес мүшесі; - Құрылыс комитетінің төрағасы – Манарбек Еспенбетов, «ПромСтройСервис Е» ЖШС директоры, облыстағы құрылысшылар қауымдастығының төрағасы, Өңірлік кеңес мүшесі; - Сауда, қызмет көрсету және туризм комитетінің төрайымы – Ақмарал Әбдіразақова, облыстағы қоғамдық тамақтандыру және қызмет көрсету саласы қауымдастығының төрайымы; - Адами капиталды дамыту және бизнестің әлеуметтік саясаты комитетінің төрағасы – Әнуар Дәуленбаев, академик С.А. Жиенқұлов атындағы Байқоңыр жоғары колледжінің директоры, Өңірлік кеңес мүшесі.Салалық комитетке қатысты ұсыныс-пікір, сұрақтарыңыз болса Қызылорда облысының кәсіпкерлер палатасына 8 /7242/ 40-09-81 байланыс нөмірі арқылы хабарласа аласыздар. &nbsp;

Қазақстан және Қызылорда облысының жаңалықтары: Экономика