Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Жалағаш ауданына жұмыс сапары кезінде облыс әкімі Нұрлыбек Нәлібаев аудан орталығындағы теміржол арқылы өтетін жаяу жүргіншілер көпірінің ашылу рәсіміне қатысып, тұрғындарды құттықтады.<blockquote>«Мемлекет басшысы Қасым-Жомарт Кемелұлы "Мемлекет жергілікті инфрақұрылымды жаңартады. Мұның бәрі өңірлерді тұрғындар мен инвестиция үшін тартымды етеді" деп атап өтті. Бүгін Жалағаш ауданындағы құрылысы аяқталған маңызды жобалар халық игілігіне берілуде. Жаңа ғана 50 тұрғын үйдің кілтін жерлестерімізге табыстадық. Мырзабай ахун ауылында жаңадан салынған дәрігерлік амбулатория жұмысын бастады. Міне, жылдар бойы шешімі табылмай келген теміржол арқылы өтетін жаяу жүргіншілер көпірі іске қосылады. Халықтың сұранысына сәйкес, аспалы көпір құрылысына облыстық бюджеттен 325,4 млн теңге бөлінді. Көптен күткен қуаныш құтты болсын!», - деді аймақ басшысы.</blockquote>Ашылу рәсімінде еңбек ардагері Қабылбек Нұрмағанбетов жерлестерін құттықтап, бата берді. Сондай-ақ мердігер мекеме өкілдері мен аудан дамуына үлес қосқан азаматтар марапатталды.Айта кетейік, биыл облыс бюджеті өткен жылмен салыстырғанда 57 пайызға өсіп, 609 млрд теңгеге жетті. Оның ішінде Жалағаш ауданының бюджеті - 11 млрд теңге. Бұл қаражат ең өзекті мәселелерді шешуге, аудан тұрғындарының өмір сүру сапасын арттыруға жұмсалуда. Жалағаш ауданындағы автомобиль жолдарын жақсартуға 2,5 млрд теңге қаралып, 64,5 шақырым жол жөнделді. Шәменов пен Ақсу ауылдық округін газдандыру жұмыстары басталды. Мұнан бөлек, ауданда «Ауылдық денсаулық сақтауды жаңғырту» ұлттық жобасы аясында 2 нысан салынды. Бүгін Мырзабай ахун ауылындағы дәрігерлік амбулатория пайдалануға берілсе, жыл соңына дейін Аламесек ауылындағы амбулатория халық игілігіне тапсырылады. Келер жылы Қаракеткен ауылында фельдшерлік-акушерлік бекеттің құрылысы басталады.<img src="https://knadmin.beoblood.kz/uploads/411482306_658723046448943_2321259386337182914_n_a0632cafe1.jpg" alt="411482306_658723046448943_2321259386337182914_n.jpg">&nbsp;<figure class="image"><img src="https://knadmin.beoblood.kz/uploads/411471015_658723179782263_1611200642888246157_n_7ed9ef7d1c.jpg" alt="411471015_658723179782263_1611200642888246157_n.jpg"></figure>

Жалағаш ауданында жаңа көпір пайдалануға берілді

<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорда облысының экономикасында әлеуметтік-экономикалық дамудың негізгі көрсеткіштері бойынша оң өсім байқалды. Бұл жөнінде Өңірлік коммуникациялар қызметінің ақпарат алаңында облыстық статистика департаментінің басшысы Қайрат Әбсұлтанов хабарлады.<blockquote>- Өнеркәсіп өндірісінің көлемі – 102,1%, өңдеу өнеркәсібі – 128,9%, құрылыс жұмыстарының көлемі – 120,4%, негізгі капиталға салынған инвестиция – 118,4%, тұрғын үйлерді пайдалануға беру – 116,3%, көлік – 108,4%, сауда – 104,7%. 2023 жылғы 1 желтоқсанында 10736 заңды тұлға тіркелді. Оның ішінде 8755 бірлік субъекті жұмыс істеп тұр, - деді Қайрат Байғабылұлы.</blockquote>Сонымен қатар, биылғы жылдың III тоқсанында жұмыссыздар саны 16,6 мың адамды құрады. Осылайша, жұмыссыздық деңгейі 4,8% құраған. Статистикалық мәліметтерге сәйкес, Қызылорда облысында 2023 жылдың 3 тоқсанында бір қызметкердің орташа айлық атаулы жалақысы 303675 теңге. Бұл көрсеткіш экономикалық қызметтің барлық түрлерімен айналысатын ірі, орта және шағын кәсіпорындардан алынды. Қазіргі таңда, еңбек ақының ең жоғары шамасы тау-кен өндіру өнеркәсібі және карьерлерді қазу қызметі – 598754 теңге, ең төменгі ауыл, орман және балық шаруашылығы қызметтер саласында 156094 теңге боп белгіленді.

Статистика: Аймақта әлеуметтік-экономикалық даму бойынша өсім бар

Фото: Облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Сыр өңірінде биыл бастау алған нәтижелі жобалар келер жылы да жалғасын табады. Бұл туралы облыс әкімі Нұрлыбек Нәлібаев облыстық мәслихаттың кезекті VIII сессиясында айтты.Аймақ басшысы мәслихат депутаттарына 2024 жылдың бюджет жобасын таныстырып, алдағы жылы да елді мекендерді дамыту, халықтың әл-ауқатын арттыруға арналған жобалар іске асырылатынын айтты.<blockquote>«Облыс орталығын дамыту» бағдарламасы шеңберінде 3,7 млрд.теңге бөлініп, бұл қаржы Қызылорда қаласындағы Жанқожа батыр көшесі арқылы өтетін жол өткелін салуға, Яссауи көшесін қайта жаңғыртуға, Тәуелсіздіктің 25 жылдығы даңғылы арқылы Қызылжарма каналына өтетін көпір құрылысына бағытталды. Мұнымен қоса, «Шағын қалаларды дамыту» бағдарламасы аясында Арал, Қазалы қалаларына 1,6 млрд.теңге қаржы қаралған. Ауылдық елді мекендерде әлеуметтік және инженерлік инфрақұрылымды дамытуда, ауыл халқының әлеуметтік игіліктер мен мемлекеттік қызметтерге қолжетімділігін қамтамасыз етуде, жалпы жайлы өмір сүру ортасын қалыптастыруда «Ауыл – ел бесігі» жобасының маңызы жоғары. Аталмыш жоба аясында 2024 жылы аймағымызға 5,5 млрд.теңге қаржы жоспарланып отыр», – деді Нұрлыбек Машбекұлы.</blockquote>Биыл бастау алған «Ауыл аманаты» жобасы 2024 жылы да жалғасады. Ауыл халқының табысын арттыруды көздейтін жоба аясында республикалық бюджеттен 5,7 млрд.теңге көлемінде несие берілуде. Айта кетейік, 2023 жылға осы жоба шеңберінде 3 млрд.теңге бөлінген болатын.<blockquote>«Сондай-ақ, аймағымызға алғаш рет агроөнеркәсіптік кешен саласындағы инвестициялық жобаларды іске асыруға республикалық бюджеттен берілетін кредит есебінен 5 млрд. теңге бөлінуде. Бұл ауыл шаруашылығы саласында жұмыс істейтін кәсіпкерлерге 2,5 пайыздық несие беруге бағытталады», – деді облыс әкімі.</blockquote>

«Ауыл аманаты» жобасы 2024 жылы да жалғасады

<a href="https://kyzylorda-news.kz/">Kyzylorda-news.kz.</a> Бүгінде аймақ халқының тұрмыс-тіршілігін одан әрі жақсартудың арнайы тұжырымдамасы жасалып, ауқымды инфрақұрылымдық жобалар жүзеге асырылуда. Бұл туралы облыс әкімі Нұрлыбек Нәлібаев облыстық мәслихаттың кезекті VIII сессиясында айтты.<blockquote>«Президентіміз «Мемлекеттік саясаттағы маңызды бағыттың бірі – аймақтарды жан-жақты дамыту. «Қуатты аймақтар – қуатты мемлекет» дегеніміз – жалаң ұран емес. Бұл – Әділетті Қазақстанды құруға қажетті ең басты қағидат. Менің тапсырмаммен ауыл-аймақты дамыту тұжырымдамасы қабылданды. Аймақтарда әлеуметтік, инженерлік және көлік инфрақұрылымын құру – басты міндет» деп нақты атап өтті. Өңірде инженерлік және көлік инфрақұрылымын дамытуда оң нәтижелер бар. Облыстағы жақсы жағдайдағы жолдың үлесі 87,5 пайызға жетті. Сырбойылықтардың 98,1 пайызы орталықтандырылған ауыз сумен қамтылған. Өңірді газбен қамту көрсеткіші 75 пайызды құрады», – деді Нұрлыбек Машбекұлы.</blockquote>Айта кетейік, Мемлекет басшысының еліміздегі жылу-электр орталықтарының жұмысын жандандыру тапсырмасына сәйкес аймақта ірі жоба жүзеге асуда. Қызылорда қаласында жаңа жылу-электр орталығының құрылысы қарқын алды. Бұл – тәуелсіздік жылдарындағы инвестор қаржысына салынатын ең ауқымды, теңдессіз жоба. Өйткені жылу-электр станциясының құрылысы республикада алғашқы болып Сыр өңірінде басталды.

Сыр өңірінде инфрақұрылымды дамыту бойынша арнайы тұжырымдама әзірленді

Фото: Облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Сыр елi Тәуелсiздiк мерекесіне жарқын жетiстiктерімен жеттi. Жыл бойы әлеуметтік-экономикалық дамудың негізгі көрсеткіштері бойынша аймақ республикада үздіктер қатарында болды. Бұл туралы облыс әкімі Нұрлыбек Нәлібаев облыстық мәслихат сессиясында айтты.Аймақ басшысы өз баяндамасында биылғы жылдың негізгі жетістіктерін атап өтті.<blockquote>«Тамыз айынан бері экономикалық дамудың макрокөрсеткіштері бойынша өңірлер арасында алғашқы үштіктеміз. 11 айдың қорытындысында да облыстың барлық негізгі макрокөрсеткіштері бойынша өсім бар. Атап айтқанда, өнеркәсіп өнімінің көлемі 2,1 пайыз, өңдеуші өнеркәсіп көлемі 28,9, ауыл шаруашылығының жалпы өнімі 2,5, инвестициялар тарту 18,4, құрылыс жұмыстары көлемі 20,4, көлік және қоймалау көлемі 8,4, пайдалануға берілген тұрғын үйлер көлемі 16,3 және сауда көлемі 4,7 пайыз артты», – деді аймақ басшысы.</blockquote>2023 жылы аймақ бюджеті 609 млрд теңгеге жетіп, өткен жылмен салыстырғанда 57 пайыз өсті.Ал, 2024 жылға облыс бюджетінің бекітуге ұсынылған көлемі 650 млрд.теңгені құрайды. Бұл 2023 жылға бекітілген (536,9 млрд.теңге) көлемнен 113,1 млрд.теңгеге немесе 21 пайыз артық.Облыс бюджетінің басым бөлігі халықтың тұрмыс-тіршілігі мен әл-ауқатын одан әрі арттыруға бағытталады. Әлеуметтік жаңғырту және мемлекеттік көрсетілетін қызметтердің сапасын арттыруға негізделіп, әлеуметтік бағыты сақталды. Атап айтқанда, бюджет қаржысына «Дені сау ұлт» әрбір азамат үшін сапалы және қолжетімді денсаулық сақтау» ұлттық жобасына сәйкес аудандық ауруханаларды заманауи құрал-жабдықтармен жарақтандыру және амбулаториялық-емханалық көмек көрсететін ұйымдарға медициналық техника сатып алу жоспарланған. Сонымен қатар, көлік инфрақұрылымының басым жобаларын қаржыландыруға, «Ауыл ел – бесігі» жобасы шеңберінде көшелерді, нысандарды күрделі жөндеуге және өзге де әлеуметтік маңызы бар жобаларға жұмсалмақ.

Облыс бюджетінің басым бөлігі халықтың әл-ауқатын арттыруға бағытталады

Фото: Облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Биыл Сыр өңірі әлеуметтік-экономикалық даму көрсеткіштері бойынша республикадағы үздіктер қатарында. Мұнай қорының сарқылуына қарамастан, өңірде жаңа индустриялық жобалар қолға алынып, өнеркәсіп өндірісінде өсім тіркелді. Бұл туралы облыс әкімі Нұрлыбек Нәлібаев облыстық мәслихат сессиясында айтты.<blockquote>«Өңірдегі мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі көлемі биылғы қыркүйек айынан бастап өсті. Өңірлік экономиканың стратегиялық маңызды саласының бірі ретінде өңдеуші өнеркәсіпті дамытудамыз. 2023-2028 жылдар аралығында облыста жалпы құны 1,1 трлн теңге болатын 65 жоба іске қосылады, 9 мыңға жуық жаңа жұмыс орны ашылады. Биыл құны 14,1 млрд. теңге болатын 15 жоба іске қосылды», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/409773863_657594946561753_7554608056046806218_n_d38b2d8799.jpg" alt="409773863_657594946561753_7554608056046806218_n.jpg"></figure>Айта кетейік, облыстағы ірі жобалардың бірі – шыны зауыты жобалық қуаттылығының 88 пайызын игеріп, 173,5 мың тонна өнім шығарды.<figure class="image"><img src="https://knadmin.beoblood.kz/uploads/409824846_657594876561760_6887123215384375575_n_10c8df5757.jpg" alt="409824846_657594876561760_6887123215384375575_n.jpg"></figure>

Қызылорда: Өңдеуші өнеркәсіптің әлеуеті артып келеді

Фото: Облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Биылғы 11 айдың қорытындысымен Қызылорда облысы негізгі даму көрсеткіштері бойынша өңірлер арасында үздік үштікке енді. Өңдеу өнеркәсібінің өсімі бойынша аймақ республикада бірінші орында, ал ауыл шаруашылығында жалпы өнім шығару көлемі бойынша екінші орында. Бұл туралы ҚР Премьер-министрі Әлихан Смайыловтың төрағалығымен өткен Үкімет отырысында Ұлттық экономика министрі Әлібек Қуантыров баяндады, деп хабарлайды облыс әкімінің баспасөз қызметі.<blockquote>«Өңдеу өнеркәсібінде оң өсім сақталуда, өндіріс көлемі 3,4 пайыз өсті. Көрсеткіштің өсімі 13 өңірде тіркелді. Оның ішінде, Қызылорда, Қостанай облыстары мен Алматы қаласында ең жоғары көрсеткіш байқалды», – деді министр.</blockquote>Үкімет жиынынан кейін өткен арнайы мәжілісте облыс әкімі талқыланған мәселелерге кеңінен тоқталып, алдағы жоспарларды орындаудағы басты бағытты айқындады.Қызылорда қаласы мен барлық аудан әкімдеріне, облыстық бағдарлама әкімшілеріне жоспарланған қаражатты 100% толығымен игеру тапсырылды. Жыл аяқталуға жақын, сондықтан қаржы игеруге, жұмыс сапасына қатысты мәселелерде бірінші басшылардың жауапкершілігі қаралатынын қатаң ескертті.<figure class="image"><img src="https://knadmin.beoblood.kz/uploads/410330659_657070096614238_5280387049750457927_n_ac0371506a.jpg" alt="410330659_657070096614238_5280387049750457927_n.jpg"></figure>Фото: Облыс әкімінің баспасөз қызметі<figure class="image"><img src="https://knadmin.beoblood.kz/uploads/410326991_657070236614224_6554090576304634055_n_8047d716f4.jpg" alt="410326991_657070236614224_6554090576304634055_n.jpg"></figure>Фото: Облыс әкімінің баспасөз қызметі<figure class="image"><img src="https://knadmin.beoblood.kz/uploads/410498897_657070363280878_1555749620518047320_n_7d45a6fcff.jpg" alt="410498897_657070363280878_1555749620518047320_n.jpg"></figure>Фото: Облыс әкімінің баспасөз қызметі<figure class="image"><img src="https://knadmin.beoblood.kz/uploads/409661077_657070113280903_9131232920230397055_n_9d3ddf8f7b.jpg" alt="409661077_657070113280903_9131232920230397055_n.jpg"></figure>Фото: Облыс әкімінің баспасөз қызметі<figure class="image"><img src="https://knadmin.beoblood.kz/uploads/409651898_657070383280876_8990621057372844310_n_30ed71852a.jpg" alt="409651898_657070383280876_8990621057372844310_n.jpg"></figure>Фото: Облыс әкімінің баспасөз қызметі<figure class="image"><img src="https://knadmin.beoblood.kz/uploads/409670129_657070386614209_8856933155463081003_n_76a02b0580.jpg" alt="409670129_657070386614209_8856933155463081003_n.jpg"></figure>

Қызылорда облысы даму қорытындысы бойынша үздік үштікте

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласының әкімі Асылбек Шаменовтың төрағалығымен кезекті аппарат мәжілісі өтіп, жиынның күн тәртібінде екі мәселе, яғни орындаушылық тәртіп, 2021-2025 жылдарға арналған Қызылорда облысының Даму жоспарының Қызылорда қаласы бөлінісіндегі нысаналы индикаторларының орындалуы және «Қызылорда су жүйесі» МКК-ның атқарған жұмыстары мен алдағы жоспарлары туралы қаралды. Бірінші мәселе орындаушылық тәртіп бойынша қала әкімінің аппарат басшысы Абатов Жасұлан баяндама жасады.​Бүгінгі күнге дейін мәжілістерде берілген тапсырмалар, барлық деңгейдегі хаттамалық тапсырмалар арнайы ақпараттық жүйеге енгізіліп, күнделікті мониторинг жүргізілуде. Осы ретте, Жасұлан Уәлиұлы хаттамалық тапсырмалар мен хаттарды уақытылы орындамай мерзім бұзушылықтарға жол берген бөлімдерді атап өтті.Өз кезегінде қала әкімі алдағы уақытта орындаушылық тәртіпте кемшіліктер болмауын атап өтіп, тапсырылған әрбір жұмыс, түскен арыз-шағымдар мерзімінде орындалуын қатаң тапсырды.Келесі ретте, қалалық экономика және қаржы бөлімі басшысының міндетін атқарушы Роза Жүнісова 2021-2025 жылдарға арналған Қызылорда облысының Даму жоспарының Қызылорда қаласы бөлінісіндегі нысаналы индикаторларының орындалуы бойынша хабарлады. Баяндамашы дербес бөлімдердің нысаналы индикаторларды орындау барысын саралап, әрбір көрсеткішке талдау жасады.Өздеріңізге белгілі халықты сапалы ауыз сумен қамтамасыз ету жергілікті атқарушы органның бақылауындағы ең маңызды мәселелердің бірі болып табылады.Биыл аталған бағытта қала көлемінде барлық бюджет көздерінен 9,7 млрд. теңгеге жуық қаржы бөлінді. Нәтижесінде қаладағы ауыз су, кәріз желілері мен кәріз сорғы станцияларының тозу деңгейі төмендеді. Бұл бағыттағы жұмыстарды жалғастыру мақсатында биылғы жылы 3,7 млрд. теңгені құрайтын 19 жоба әзірленді. Сәйкесінше, аталған жұмыстар келесі жылы да өз жалғасын табатын болады.Осы ретте «Қызылорда су жүйесі» мекемесінің директоры Бауыржан Әбдіғаппарұлы атқарылған жұмыстар мен алдағы жоспарларға толығырақ тоқталып өтті.​Жиынды қорытындылай келе, шаһар басшысы Асылбек Өмірбекұлы көтерілген мәселелерге байланысты тиісті сала басшыларына бірқатар тапсырмалар жүктеді.<img src="https://knadmin.beoblood.kz/uploads/409788276_3496544697278930_1241052378960921943_n_045faded15.jpg" alt="409788276_3496544697278930_1241052378960921943_n.jpg"><img src="https://knadmin.beoblood.kz/uploads/409764320_3496544727278927_5213525395052299705_n_fa1e81c455.jpg" alt="409764320_3496544727278927_5213525395052299705_n.jpg"><img src="https://knadmin.beoblood.kz/uploads/409712935_3496544763945590_145890150521064891_n_c308624db5.jpg" alt="409712935_3496544763945590_145890150521064891_n.jpg">

Қызылорда қаласында биыл 3,7 млрд. теңгені құрайтын 19 жоба әзірленді

<a href="https://kyzylorda-news.kz/">Kyzylorda-news.kz.</a> Экономикалық дамудың макрокөрсеткіштері бойынша Қызылорда облысында оң динамика қалыптасып, 10 ай ішінде өңірлер арасында көшбасшылар қатарынан көрінді. Әлеуметтік-экономикалық даму қорытындысы бойынша Сыр өңірі республикада төртінші орында. Бұл туралы облыс әкімі Нұрлыбек Нәлібаев Астанада Орталық коммуникациялар қызметінде өткен брифингте хабарлады.Аймақ басшысы атқарылған жұмыстар мен алдағы уақытта қолға алынатын жобалар туралы баяндады.<blockquote>«Жақында облысымызға Мемлекет басшысы Қасым-Жомарт Кемелұлы Тоқаев арнайы жұмыс сапарымен келіп, өңірдің әлеуметтік-экономикалық дамуымен танысып, жоғары бағасын берді. Биылғы 10 айда өңдеу өнеркәсібі 24,2 пайыз, ауыл шаруашылығы 2,6 пайыз, құрылыс жұмыстарының көлемі 21,2 пайыз, тұрғын үй 16,7 пайыз, сауда 4,3 пайыз, көлік және қоймалау көлемі 8,8 пайыз, негізгі капиталға тартылған инвестиция 27,7 пайыз артты. Оның ішінде жеке инвестициялар 34,6 пайыз өсті», - деді облыс әкімі.</blockquote>Жыл басынан бері аймақ бюджеті 57 пайыз ұлғайып, 609 млрд теңгеге жетті, ал облыстың даму бюджетінің көлемі өткен жылмен салыстырғанда 2,5 есе артты.Мұнай қорының сарқылуынан соңғы жылдары өнеркәсіп өндірісінің көлемі төмендеп келгені белгілі. 2012 жылы аймақта 11 млн. тонна мұнай өндірілсе, биыл 3,5 млн. тонна мұнай өндіру күтілуде. Аймақ басшысы өңірде жаңа өндіріс орындары ашылып, инновациялық жобалар жүзеге асырылатынын атап өтті.<blockquote>«Өнеркәсіптің басқа да өндірістерін дамытуды қолға алдық. Нәтижесінде өнеркәсіп өндірісінде оң серпін қалыптасты. Өсім 1,3 пайыз. Облыста алдағы 6 жылда құны 1,1 трлн. теңгені құрайтын 65 жоба іске қосылмақ, 9000-ға жуық жұмыс орны ашылады», - деді Нұрлыбек Машбекұлы.</blockquote><img src="https://knadmin.beoblood.kz/uploads/406801195_654458420208739_4361251375989563532_n_c09c732042.jpg" alt="406801195_654458420208739_4361251375989563532_n.jpg">Биылдың өзінде аймақта құны 14,1 млрд. теңгені құрайтын 15 жоба іске қосылып, өнеркәсіп құрылымында өңдеу өнеркәсібінің үлесі 30 пайызға ұлғайды.Бизнесті қолдау, шағын және орта кәсіпкерлік субъектілерін арттыру бойынша да жетістіктер бар.Мемлекеттік қолдаудың нәтижесінде жұмыс жасап тұрған шағын және орта бизнес субъектілерінің саны 10,3 пайыз артып, 70 977-ге жетті.Биыл кәсіпкерлікті қаржылай қолдауға әртүрлі көздерден 42 млрд. теңге тартылып, 3,5 мыңнан астам жоба қаржыландырылды. Оның 24 млрд. теңгесі мемлекеттік бағдарлама шеңберінде бөлінді. Мемлекеттік қолдау тетігіне қаралған қаржы өткен жылмен салыстырғанда 20 пайыз артық. Қолдау шаралары нәтижесінде шағын және орта кәсіпкерлік саласында жұмыспен қамтылғандар саны 15,8 пайыз өсіп, 124 376 жұмыс орны ашылды.Айта кету керек, Мемлекет басшысының бөлшек салықты енгізу және салықтық ынталандыру шарасын қабылдау тапсырмасын республика көлемінде алғашқылардың бірі болып Қызылорда облысы орындады.<blockquote>«Биыл облыста 35 мың кәсіпкердің мүддесі қамтылған бөлшек салықтың пайыздық мөлшерлемесі 4 пайыздан 2 пайызға төмендетілді. Жастардың кәсіпкерлік бастамаларына 2,5 пайызбен 2,3 млрд теңге жеңілдетілген несие табысталды. Оның ішінде, өндірістік жобаларға басымдық берілді», - деді өз баяндамасында Нұрлыбек Нәлібаев.</blockquote>Осылайша, жыл қорытындысымен шағын және орта бизнестің жалпы өңірлік өнімдегі үлесі 2022 жылмен салыстырғанда 2,4 пайыз артып, 21,5 пайызға жетті<img src="https://knadmin.beoblood.kz/uploads/406501503_654458426875405_1586941847377473178_n_a17e511462.jpg" alt="406501503_654458426875405_1586941847377473178_n.jpg">

Сыр өңірі негізігі экономикалық көрсеткіштер бойынша үздіктер қатарында

Фото: &nbsp;Sputnik Ляля Лилова<a href="https://kyzylorda-news.kz/">Kyzylorda-news.kz.</a>&nbsp;&nbsp; Қызылорда облысының әкімі Нұрлыбек Нәлібаев елордада есептік кездесуінде Ресейге жалға берілген Байқоңыр қаласында қандай абаттандыру жұмыстары жүріп жатқанын айтты, деп хабарлайды <a href="https://kaz.inform.kz/">Kazinform</a>.<blockquote>«Байқоңыр қаласында жерлестеріміз көп. Оларға барлық жағдай жасалып жатыр. Бұрын жабық қала болғандықтан кіріп-шығу қиындау еді. Қазір оның бәрі реттелді, ешқандай шектеу жоқ. Қазіргі таңда жерлестерімізге арнап жаңадан мектеп пен балабақшалар салынуда. Бұрынғы балабақшаларды да күрделі жөндеуден өткізіп жатырмыз. «Жайлы мектеп» жобасы аясында бір мектеп Байқоңыр қаласында салынады. Балалардың білім алуы, балабақша мәселесі толық шешілген», - деді Нұрлыбек Нәлібаев Орталық коммуникациялар қызметінде өткен баспасөз мәслихатында.</blockquote>Сонымен бірге, Байқоңыр қаласының кәріз жүйесін жаңартуға алдағы екі жылға 12 млрд теңге қаражат бөлінді. Бұл жұмыс келесі жылы басталады.<blockquote>«Қазір Байқоңыр – су жүйесі жаңарған, газ толық кіргізілген қала, енді кәріз жүйелері жаңартса, инфрақұрылымға байланысты мәселе болмайды. Одан бөлек, өткен айларда Байқоңыр қаласында төрт тарихи тұлғаларымызға көше атауларын бердік. Олар – Мәншүк Мәметова, Әлия Молдағұлова, Бауыржан Момышұлы, Қорқыт ата. Сондықтан Байқоңыр қаласының әкімшілігімен байланысымыз өте жақсы, мәселе туындаса дер кезінде шешіп жатырмыз. Өткен жылы сондағы қызметкерлерге көпқабатты тұрғын үйлер салуды бастадық. Кезекте тұрған жерлестеріміз бар. Бұл жұмыстар да келесі жылы жалғасады», - деп толықтырды Н. Нәлібаев.</blockquote>

Байқоңыр қаласының қазіргі жай-күйі қандай?

<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорда облысында республикалық және облыстық бюджеттен бөлінген 36 млрд. теңгеге 569 шақырым автомобиль жолы жөндеуден өтті. Облыстағы жақсы жағдайдағы жолдың үлесі 87,5 пайызға жетті. Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«2024 жылы республикалық бюджеттен бөлінетін 14,3 млрд. теңгеге жол инфрақұрылымын жетілдіріп, сапалы жолдар үлесін 92 пайызға жеткізу межеленген», – деді аймақ басшысы.</blockquote>Айта кетейік, жылдар бойы күн тәртібінен түспеген «Қызылорда-Жезқазған» автожолы Президенттің тікелей тапсырмасымен қайта жаңғыртылуда. Жоба құны – 108,5 млрд теңге. Қызылорда облысының аумағына тиесілі 216 шақырым жолдың 104 шақырымы аяқталды. Қалған бөлігі 2025 жылы халық игілігіне беріледі. Мұнан бөлек, көпшілікті толғандырған «Батыс Еуропа – Батыс Қытай» халықаралық дәлізінің Ақтөбе қаласына дейінгі аумағын төрт жолақты жолға айналдыру мәселесі де Мемлекет басшысының тапсырмасымен шешімін таппақ.Жаяу жүргіншілердің қауіпсіздігін қамтамасыз ету үшін теміржол өткелдері мен аспалы көпірлер салынуда.Мәселен, Жалағаш кентіндегі 222 млн. теңгенің теміржол өткелінің құрылысы мамыр айында басталды. Мердігер мекеме «СтандартОйлКзо» ЖШС жұмысты жылдың соңына дейін бітіреді деп жоспарлануда.Арал ауданындағы көпір өткелінің мердігері – «РИТМ» жауапкершілігі шектеулі серіктестігі. Құны 3,1 млрд. теңге болатын көпірдің ұзындығы 940 метр, екі жағына жаяу жүргіншілер жолы мен түнгі жарық шамдары орнатылады. Жақын жерде орналасқан тұрғындарға қолайсыздық тудырмас үшін дыбыс басқыш құрал-жабдықтармен қамтамасыз етіледі.

Сапалы жолдың үлесі арта түспек

<a href="https://kyzylorda-news.kz/">Kyzylorda-news.kz.</a> Облыста негізгі капиталға салынған инвестиция 2021 жылмен салыстырғанда 52 пайызға өсіп, 472 млрд теңгені құрады. Оның 74 пайызы – жеке инвестициялар. Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«Мемлекет басшысы Қасым-Жомарт Кемелұлының патриотизм мен әлеуметтік жауапкершіліктің үлгісін көрсету бастамасын, «Туған жерді бірге түлетейік» үндеуін кәсіпкерлер қолдады. Демеушілер есебінен 37,5 млрд теңге қаржы тартылды. 3,3 млрд теңгеге 630 жобаға жоба-сметалық құжаттама әзірленді», – деді аймақ басшысы.</blockquote>Атап айтқанда, облыс орталығында Қорқыт ата әуежайының жаңа терминалы салынуда. Жобаның жалпы құны – 20 млрд теңге, оның15,7 млрд теңгесі Болат Өтемұратов қорынан. Жергілікті бюджеттен4,3 млрд теңге инфрақұрылымды дамытуға және абаттандыруға қарастырылған. Нысан 2024 жылдың мамыр айына іске қосылады.Мұнан бөлек, «Қазақстан темір жолы» компаниясымен бірлесіп Қызылорда қаласындағы теміржол вокзалы қайта жаңғыртылды. Жоба құны – 577 млн теңге. Сондай-ақ, Қызылорда қаласында құрылысы басталған заманауи үлгідегі Оқушылар сарайы келесі жылы пайдалануға берілмек. «Саутс Ойл» компаниясы музыкалық колледж ғимаратын салады. Жобаға 4,8 млрд теңге жұмсалады.Биыл Қызылорда қаласындағы 1,7 млрд теңгеге салынған «Анаға тағзым» орталығы пайдалануға берілді. Демеушілер есебінен қаланың орталық алаңын қайта жаңғырту жұмыстары басталды, оған 1 млрд теңге қаражат бөлінді. Одан бөлек, облыс орталығындағы 30-дан астам ескі көпқабатты тұрғын үйдің қасбеттері заманауи панельдермен қапталып, 20 көпқабатты тұрғын үйдің аулалары абаттандырылды.Аудандарда да көптеген игі істер қолға алынып, жаңа нысандар пайдалануға берілді. Мысалы, Жаңақорған ауданында 790 млн теңгенің заманауи демалыс паркі, Сырдария ауданы Нағи Ілиясов ауылында450 млн теңгенің «Еңбекшілер паркі» бой көтерді. Арал ауданының Тоқабай ауылында апаттық жағдайдағы мектептің орнына 500 млн теңгеге жаңа мектеп салынуда. Нысан 2023-2024 оқу жылының соңына дейін пайдалануға беріледі. Қармақшы ауданының Жаңажол ауылындағы Орталық алаң «Жаңажол» ЖШС демеушілігімен абаттандырылып, халық игілігіне табысталды. Ал, Жалағаш ауданының Таң ауылында спорт кешені, «Тағзым алаңы» құрылыстарымен қатар, жарықтандыру, абаттандыру жұмыстары жүргізілуде. Сондай-ақ, Қызылорда қаласының Түркістан облысымен шекарасында құны 230 млн теңге болатын облыстың кіреберіс қақпасы ашылды.Айта кетейік, Қызылорда облысы инвестиция тарту бойынша үздік өңірлер қатарында.

Қазақстан және Қызылорда облысының жаңалықтары: Экономика