<a href="https://kyzylorda-news.kz/">Kyzylorda-news.kz.</a>&nbsp;Арал ауданы Көктем елді мекенінің тұрғындарына таза ауыз су жеткізілді. Былтыр басталған құрылыс толықтай аяқталып, «Арал-Сарбұлақ» топтық су құбырына қосылды.Аудан әкімі Серік Сермағамбетов елді мекендегі ауыз суды пайдалануға беру рәсіміне қатысты. Ауыл халқының қуанышына ортақтасқан аудан басшысы әрбір үйге кіргізілген таза әрі сапалы ауыз суды тұрғындардың игіліктеріне пайдалануына тілектестігін жеткізді.<blockquote>«Мемлекет басшысы 2021 жылғы Жолдауында Үкіметке алдағы бес жылда халықты 100 пайыз таза ауыз сумен қамтамасыз етуді тапсырғаны белгілі. Осыған орай тиісті шаралар атқарылып, Ақбасты, Абай, Тоқабай елді мекендерін ауыз су жүйесіне қосу жұмыстары жасалынуда. Өткен айда Құланды ауылына су тұщыту аппараты бар кешенді блок-модул орнатылды. Ал Мойнақ елді мекенінің тұрғындары үшін демеушілік есебінен шахталық құдық қазылды. Ендігі кезекте өздеріңізде ұзақ уақыттан бері күткен таза ауыз судың игілігін көретін боласыздар.Біз ауданымызды дамыту мен өркендету бағытындағы жұмыстарымызды алдағы уақытта да жүйелі түрде жалғастыра беретін боламыз.»-деді аудан басшысы.</blockquote>Одан соң сөз алған ауыл ақсақалы Құдайберген Көлов шалғайдағы шағын елдімекенге көңіл бөліп, халықтың ұзақ жылдан бері аңсап күткен таза ауыз су мәселесінің шешілгеніне тұрғындар атынан алғысын білдірді. Сонымен қатар ауыл халқына әлеуметтік қолдау шараларының кезең-кезеңімен жүргізіліп, денсаулық сақтау нысанының салынып, жақын аралықта құрылысы аяқталатындығына ризашылығын білдірді.Шара барысында ауданның экономикалық және әлеуметтік дамуына үлесін қосып, қоғамдық өмірге белсенді түрде атсалысып жүрген ауыл азаматтары аудан әкімі алғысымен марапатталды.<img src="https://knadmin.beoblood.kz/uploads/414745788_3702515580076801_8354898956076150810_n_e18077e439.jpg" alt="414745788_3702515580076801_8354898956076150810_n.jpg">&nbsp;<figure class="image"><img src="https://knadmin.beoblood.kz/uploads/414734198_3702515386743487_8102057987046154903_n_6cf78033ee.jpg" alt="414734198_3702515386743487_8102057987046154903_n.jpg"></figure>

Көктем елді мекеніне таза ауыз су жеткізілді

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев «Қармақшы құс» ЖШС құс фабрикасының ашылу салтанатына қатысты.Аймақ басшысы қармақшылықтарды жаңа өндіріс орнының ашылуымен құттықтады.<blockquote>«Президентіміз Қасым-Жомарт Кемелұлы халыққа арнаған Жолдауында «Елімізде сапалы ет, сүт, астық өнімдерін терең өңдеуді дамытуға бағытталған жобаларға басымдық берген абзал. Құс фабрикаларын, көкөніс қоймаларын, ет өнімдерін шығаратын кәсіпорындар ашу арқылы азық-түлік қауіпсіздігін қамтамасыз ету қажет», - деген болатын. Облыста құс етіне қажеттілік жылына 14,1 мың тонна. Оның барлығы сырттан келетін. Енді өзімізде өндіріледі. Аймақ тұрғындарын жергілікті өніммен қамтимыз. Жалпы 3 млрд теңгеге іске асқан жобаның бастапқы 456 млн теңгесі «Байқоңыр» әлеуметтік- кәсіпкерлік корпорациясынан бөлінді. Кәсіпкер былтыр «Аграрлық несие корпорациясынан» 880 млн теңге жеңілдетілген несие алып, құс фабрикасын жабдықтады. Жергілікті атқарушы орган инфрақұрылым жүйелерін тартуға қолдау көрсетті. Индустрияландыру бағдарламасы аясында республикалық және облыстық бюджеттен 443,2 млн теңге бөлініп, инженерлік инфрақұрылымы толық жеткізілді. Азық-түлік қауіпсіздігін қамтамасыз етудегі маңызды жоба – құс фабрикасын салған кәсіпкер Нұрлан Тұрғанбекұлына Сыр жұртшылығы атынан шынайы ризашылығымызды білдіріп, алғыс айтамыз!», - деді Нұрлыбек Машбекұлы.</blockquote>Іс-шарада қоғам қайраткері Бекмырза Еламанов жерлестерін құттықтап, ауыл ардагері Исабек Көміршиев жиналған көпшілікке бата берді. Сондай-ақ, ауқымды жобаны іске қосуға атсалысқан азаматтар марапатқа ие болды.Құс фабрикасының жылына 1500 тонна құс етін өндіруге мүмкіндігі бар. Кәсіпорын толық қуаттылыққа шыққанда 160 адамды жұмыспен қамтиды.Айта кетейік, биыл Қызылорда облысында жұмыс жасап тұрған шағын және орта бизнес субъектілерінің саны 10,3 пайызға артып, 70 977 бірлікке жетті. Кәсіпкерлікті қаржылай қолдауға әртүрлі көздерден 42 млрд теңге қаржы тартылып, 3,5 мыңнан астам жоба қаржыландырылды. Мемлекеттік қолдау тетігіне қаралған қаржы өткен жылмен салыстырғанда 20 пайызға артық. Оның ішінде Қармақшы ауданында 2,5 млрд теңгеге 355 жоба қаржыландырылды. Облыста алдағы 6 жылда құны 1,1 трлн теңгені құрайтын 65 жоба жүзеге асып, 9 мыңға жуық жаңа жұмыс орны ашылады. Негізінен өндірістік жобаларға басымдық берілген. Биыл 14,1 млрд теңгенің 15 жобасы іске қосылды.<img src="https://knadmin.beoblood.kz/uploads/414453957_666276105693637_610285665809191307_n_2781947f4d.jpg" alt="414453957_666276105693637_610285665809191307_n.jpg"><img src="https://knadmin.beoblood.kz/uploads/414482383_666275929026988_3580868954068912610_n_kopiya_274311d406.jpg" alt="414482383_666275929026988_3580868954068912610_n - копия.jpg">

Қармақшы ауданында құс фабрикасы жұмысын бастады

Фото: облыс әкімінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Құрылыстың көбеюі әлеуметтік мәселелерді шешіп, бой көтерген тұрғын үйлер, жаңа мектептер мен балабақшалар, дәрігерлік амбулаториялар, демалыс орындары жергілікті тұрғындардың игілігіне жарап, жұмыссыздық деңгейінің азаюына да өз үлесін қосары сөзсіз. Биыл да аймақта осындай оңды жұмыстар жалғасын тауып, бірқатар маңызды нысандардың іргетасы қаланды.&nbsp;Осы жылдың 11 айдың қорытындысымен құрылыс жұмыстарының көлемі Қызылорда облысында 134,1 млрд.теңгеге жетіп, өткен жылдың осы кезеңімен салыстырғанда 20,4 пайызға артты.Жыл соңына дейін 692,3 мың шаршы метр тұрғын үй пайдалануға беру жоспарланған. 11 айдың қорытындысымен702,7 мың шаршы метр тұрғын үй пайдалануға беріліп, жылдық жоспар артығымен орындалып тұр.Мемлекеттік қолдаудың арқасында құрылыс саласына бөлінген бюджет қаражатының көлемі де 3,5 есеге артты.- 2023 жылға 163 жобаны жүзеге асыруға 81 млрд. теңге қаржы бөлініп отыр.- Білім саласында, «Жайлы мектеп» ұлттық жобасы аясында 3 жылда облыста жалпы құны 86,0 млрд.теңгеге 21 білім нысаны салынатын болады, биыл соның 10 жайлы мектептің құрылысы басталды.- Бұған қоса, Қызылорда қаласында 2 000 орынға арналған 4 іргелі мектептің жанынан қосымша ғимараттар салынды.Қазіргі нарықтық бағамен есептегенде бір мектепке орта есеппен 3 млрд теңге кетеді. Ал, жоғарыда аталған бір қосымша құрылысқа 700 млн теңге ғана шығын кеткен.Жалпы, мемелекет қаржы есебінен 10 мектеп құрылысы және оқушылар сарайының құрылысы жүргізілуде, оның ішінде құны 7,6 млрд. теңгені құрайтын 300 орындық жатаққанасымен 400 орындық физика-математика мектеп-интернаты салынуда (2 жаңа мектеп және 4 мектепке қосымша құрылыс пайдалануға берілді).- «ҚазГерМұнай» компаниясымен Қызылорда қаласында құны 2 млрд. 350 млн теңгені құрайтын теңге заманауи үлгідегі «Оқушылар сарайының» құрылысы басталды.- «Саутс Ойл» компаниясы Қызылорда қаласында музыкалық колледж құрылысын салады. Жоба құны 4,8 млрд теңге.- «Қуатты өңірлер – ел дамуының драйвері» ұлттық жобасы аясында 11,8 млрд. теңге қаржы бөлініп отыр.- Бұл қаражатқа 1 346 пәтерді құрайтын 26 тұрғын үйдің құрылысы жүргізілуде.Бұдан бөлек, әлеуметтік жағынан осал топтар үшін пәтер алуға, республикалық бюджеттен 12,3 млрд. теңге және облыстық бюджеттен 1,1 млрд. теңге қаржы бөлініп, жыл соңына дейін 1302 пәтер сатып алу жоспарлануда.Аталған 1302 пәтердің 873 пәтері Қызылорда қаласынан, қалған 416 пәтер аудан орталықтарынан сатып алынды.&nbsp;2023-2024 жылдары облыста «Ауылда денсаулық сақтауды жаңғырту» ұлттық жобасы аясында 27денсаулық сақтау нысанын салу жоспарланып отыр. Биыл солардың құны 4,5 млрд. теңге болатын 16 дәрігерлік амбулатория мен 2 медициналық пункт нысандарының құрылысын бастадық және барлығы жыл соңына дейін аяқталып, пайдалануға берілетін болады.Сонымен қатар, құны 35,5 млрд. теңгені құрайтын емхана мен онкологиялық бөлімшесі бар 300 орындық көпбейінді аурухананың құрылысы және құны 2,7 млрд. теңгені құрайтын облыстық қан орталығының құрылысы жүргізілуде.- Мәдениет саласы бойынша, құны 3,5 млрд. теңгені құрайтын 1000 орындық өнер орталығы, 600 орындық мәдениет үйі және 5 ауылдық клуб құрылысы жүргізілуде.- Өткен жылы басталған құны 1,5 млрд. теңге болатын неке сарайының құрылысы аяқталып, биыл пайдалануға берілді.- Келер жылы 7 ауданда музей, кітапхана, мұрағат, неке қию залы, ардагерлер және аналар, жастар орталықтары, азаматтық қоғам өкілдері мен тарихи-мәдени, рухани ұйымдарды біріктіретін типтік үлгідегі «Руханият» орталықтары салынады.Спорт саласында 13 денешынықтыру сауықтыру кешенінің құрылысы жүргізілуде, оның ішінде құны 6,9 млрд. теңгені құрайтын көпсалалы спорт кешені құрылысын бастадық. Бұл спорт кешенінде ұзындығы 50 метр ені 20 метр болатын олимпиядалық бассейін болады және 7 түрлі спортқа арналған залдармен қамтылады (7 спорт нысаны пайдалануға берілді).<figure class="image"><img src="https://knadmin.beoblood.kz/uploads/414689337_3507306996202700_5438392156283456474_n_9726ded52f.jpg" alt="414689337_3507306996202700_5438392156283456474_n.jpg"></figure>&nbsp;<figure class="image"><img src="https://knadmin.beoblood.kz/uploads/412916590_3507306989536034_1029458082318691846_n_f54b142a73.jpg" alt="412916590_3507306989536034_1029458082318691846_n.jpg"></figure>

Жыл қорытындысы: Аймақта құрылыс жұмыстары қарқынды

Фото: Қызылорда облысының кәсіпкерлер палатасы<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының кәсіпкерлер палатасы алаңында өткен агроөнеркәсіп кешені кеңесі аясында өңірдегі тері өндірісін дамыту тақырыбы талқыланды. Кеңеске өндіріс саласына қатысты тиісті атқарушы орган өкілдері шақырылып, мәселенің мән-жайы кеңінен тарқатылды.Қазақстан Республикасының Индустрия және инфрақұрылымдық даму министрлігі 2019 жылдың наурыз айынан бастап ірі қара малдың терісін экспортқа шығаруға шектеу қойды. Бұл шектеу мал шаруашылығы ие­ле­ріне айтарлықтай шығын әкеліп, отандық кәсіпорындар инфрақұрылымының ішкі нарықтағы теріні сатып алуға дайын болмауы салдарынан қажетсіз лақтырыл­ған терінің көлемі артты.Шет елдерде теріден түрлі бұйымдар шығару технологиясы әлдеқашан дамыған. Еліміздің кей өңірлері осы тәжірибені пайдаланып келеді. Осыған орай, өңірімізде тері шаруашылығымен айналысатын бірнеше кәсіпкер тәжірибе алмасу мақсатымен өзге өңірлердегі, нақтырақ айтсақ Алматы қаласы мен Жамбыл, Түркістан облыстарындағы тері өңдеу зауыттарының жұмысымен танысып келген болатын.<blockquote>Олардың бірі тері өндіруші, өңірлік кеңес мүшесі Аблан Асенов «Түркістан облысы қазіргі таңда мал терісін өздері өңдеп, одан өздері түрлі тері бұйымдарын шығарып отыр. Жергілікті өнімдерге сұраныс та аз емес, себебі өнімнің сапасы әлдеқашан жолға қойылған. Біздің аймақта да тері өндірісімен айналысатын кәсіпкерлер бар, дегенмен біз терінің сапасына емес, санына жұмыс жасап отырмыз. Осы орайда малды механикалық дұрыс сою жұмыстары қолға алынса, яғни теріге зиян келтірмей сойып, әрі қарай оны өңдеуге жағдай жасалса»,-деген ұсынысын білдірді.</blockquote>Бұл ретте, «Байқоңыр» әлеуметтік кәсіпкерлік корпорациясы» АҚ-ның &nbsp;Жобалық басқару департаментінің стратегия және талдау бөлімінің басшысы Индира Ақжігітова «Өңірдегі тері өндірісін оңтайландыру мақсатында департаментпен барлық жағдай жасалуда. Осыған дейін кедендік БАЖ салығын алып тастау жолға қойылса, ендігі кезекте сіздердің өтініштеріңізге орай, өңдеу бағытында жұмыс жасайтын кәсіпкерлер үшін берілетін қаражат көлемін арттыру және субсидияны қайта беру жолдары қарастырылуда» деді.Сонымен бірге облыстық ауыл шаруашылығы және жер қатынастары басқармасы, облыстық кәсіпкерлік және өнеркәсіп басқармасы және облыстық ветеринария басқармаларының өкілдері мәселе төңірегінде сөз қозғады.Кеңес отырысы барысында барлық тарап аймақта тері өңдеу саласының дамуы жолында өз құзіретіндегі мүмкіншіліктерін толық пайдаланып, ел экономикасына үлес қосуға дайын екендігін жеткізді.

Аймақта тері өндірісін дамыту жолға қойылады

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a> Бүгін облыс әкімі Нұрлыбек Нәлібаев Қызылорда қаласына қарасты Қосшыңырау ауылдық округіне газ қосу рәсіміне қатысты. Жыл қорытындыланатын кезде көл-көсір қуанышқа кенелген ауыл тұрғындарын құттықтап, өңір инфрақұрылымын өркендетуде табысты іске асқан жобалар туралы айтты.<blockquote>«Облыстың газдандырылған елді мекендерінің аумағы ұлғайып келеді. Қазір барлық аудан орталығы мен 4 қала (Арал, Қызылорда, Байқоңыр, Қазалы), 24 елді мекен табиғи газ пайдаланады. Биыл 12 ауылдық елді мекенге газ кіргізілуде. Күні кеше Шиелі және Жаңақорған аудандарындағы 5 елді мекенге қосылды. Мамыр айында Қызылорда қаласының Ақсуат ауылдық округі газдандырылды. Ал, бүгіннен бастап Қосшыңырау ауылдық округінің тұрғындары «көгілдір отынның» игілігін көрмек. Келер жылға қаралған 4 млрд. теңгеге тағы 12 елді мекенді газбен қамтамасыз етеміз. 2024 жылдың соңында газдандыру деңгейі 78 пайызға жетеді. «Көгілдір отынның» келуімен ауыл тұрғындарының тұрмыс-тіршілігіндегі кейбір қиындықтар артта қалады деп сенемін», – деді аймақ басшысы.</blockquote>Ауыл тұрғындарын облыстық ардагерлер кеңесінің төрағасы Серік Дүйсенбаев пен Қосшыңырау ауылдық округінің ардагері Әлихан Смайлов құттықтады.Іс-шара қонақтары Берік Әбуовтің үйіне табиғи газ қосу сәтіне куә болды.Айта кетейік, осы ауылдық округті газдандыруға республикалық және жергілікті бюджеттен 662,7 млн.теңге бөлінді, мердігер мекеме – «РемСтрой» ЖШС.<figure class="image"><img src="https://knadmin.beoblood.kz/uploads/414468413_665166532471261_5072796989092962548_n_462a227fe5.jpg" alt="414468413_665166532471261_5072796989092962548_n.jpg"></figure>

Қосшыңырау ауылдық округіне табиғи газ қосылды

Фото: облыс әкімінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp;Бүгін облыс әкімі Нұрлыбек Нәлібаев Жаңақорған, Шиелі аудандарына жұмыс сапарымен барып, 5 елді мекенді табиғи газға қосу рәсіміне қатысты.Алдымен аймақ басшысы Шиелі ауданының Еңбекші, Жиделіарық ауылдарының тұрғындарын Жаңа жыл мерекесімен және газ қосылуымен құттықтады.<blockquote>«Облысты газдандыру қарқыны жылдан-жылға артып келеді. Қазір барлық аудан орталығы мен 4 қала (Арал, Қызылорда, Байқоңыр, Қазалы), 19 елді мекенге газ жеткізілген. Биыл 12 ауылдық елді мекенге тартылуда. Осылайша өңірде тұрғындарды газбен қамту көрсеткіші 75 пайызға жетеді. Биыл аудандағы 40 мыңнан астам тұрғын табиғи газ игілігіне кенелді. Аудандағы 6 елді мекен - Еңбекші, Жиделіарық, Ә.Тәжібаев, Алмалы, Досбол датқа, Бестамға газ тарату желілерін орнату үшін республикалық бюджеттен 1,5 млрд теңге бөлініп, құрылысы жүргізілуде. Бүгін Еңбекші ауылының тұрғындары "көгілдір отын" жаға бастайды. Келер жылға қаралған 4 млрд теңгеге 12 елді мекенді табиғи газбен қамтамасыз етеміз. 2024 жылдың соңында газдандыру деңгейі 78 пайызға жетеді. Ауылдарыңызға келген «көгілдір отын» көптің игілігіне айналып, тұрмыс сапасын арттырып, әлеуметтік жағдайды жақсартуға оң әсер етеді деп сенемін», – деді аймақ басшысы.</blockquote>Еңбек ардагері Сұлтанбек Оразымбетов жерлестерін құттықтап, жиналған қауымға бата берді.Іс-шарада «Ауыл – ел бесігі» ұлттық жобасы аясында газ жүргізуге үлес қосқан азаматтар мен аудан ардагерлері облыс әкімінің Алғыс хатымен марапатталды.Рәсімнен кейін облыс әкімі газ қосылған үйді көріп, ізгі тілегін білдірді.Мұнан бөлек, бүгін Жаңақорған ауданындағы Жайылма, Шалқия, Құттықожа ауылдары да газға қосылып, тұрғындар қуанышы еселенді. Сәуір айында Бірлік, Қыраш елді мекендеріне «көгілдір отын» кіргізілсе, келер жылға Кейден, Төменарық елді мекендері жоспарланған. 2024 жылы 4 млрд теңгеге тағы 12 елді мекенге табиғи газ желілері орнатылмақ. Осылайша, газдандыру деңгейі 78 пайызға жетеді.<figure class="image"><img src="https://knadmin.beoblood.kz/uploads/414478450_664520912535823_3553066846492753217_n_46d9417b12.jpg" alt="414478450_664520912535823_3553066846492753217_n.jpg"></figure>&nbsp;<figure class="image"><img src="https://knadmin.beoblood.kz/uploads/414475922_664520745869173_708957439533828116_n_b3436f5b56.jpg" alt="414475922_664520745869173_708957439533828116_n.jpg"></figure>&nbsp;<figure class="image"><img src="https://knadmin.beoblood.kz/uploads/414458693_664521032535811_4948500974988659274_n_261a30bbb6.jpg" alt="414458693_664521032535811_4948500974988659274_n.jpg"></figure>&nbsp;<figure class="image"><img src="https://knadmin.beoblood.kz/uploads/414455176_664521052535809_1721399350490158688_n_a1dab05086.jpg" alt="414455176_664521052535809_1721399350490158688_n.jpg"></figure>

Сыр өңірінде бір күнде 5 елді мекен газға қосылды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Нұрлыбек Нәлібаев «CNNP Rich Energy Corporation Limited» компаниясының өкілдерімен кездесіп, аймақ үшін маңызды инвестициялық жобалар туралы айтты. Аталған компания еліміз аумағында жаңартылатын энергия көздерін пайдаланып, электр энергиясын өндіру жобаларына қызығушылық танытады.Аймақ басшысы Сыр өңірінде баламалы энергия көздерін пайдалану мүмкіндігі мол екенін жеткізді.<blockquote>«Облысымыз географиялық орналасуы мен климаттық жағдайына байланысты күн және жел энергиясын өндіруде зор әлеуетке ие. Қоршаған ортаны қорғау және «жасыл экономика» бағытындағы перспективалық жобаларды әрқашан қолдаймыз.Мамандардың зерттеуінше, өңірімізде жылына 300-ден астам ашық, бұлтсыз күн болады. Аймақ географиялық жағынан да желді белдеуде орналасқан. Облыстағы күн ұзақтығы жылына 3000 сағатқа дейін және күн энергиясын дамытудың энергетикалық әлеуеті жылына 32 000 млрд. кВт/сағ., ал жел энергиясы жылына 2 700 млрд. кВт/сағ. құрайды. Бизнес ахуал мен инвестициялық әлеуетті жақсарту - аймақтың басым бағыттарының бірі», - деді Нұрлыбек Машбекұлы.</blockquote>Мұнан бөлек, облыс әкімі инвесторларға қолайлы жағдай жасалып, Үкімет тарапынан ауқымды инвестициялық преференциялар ұсынылғанын, жаңа өндірістерді орналастыру үшін өңірде барлық қажетті инженерлік инфрақұрылымы жеткізілген арнайы 6 индустриялық аймақ жұмыс жасайтынын атап өтті.Өз кезегінде, «CNNP Rich Energy Corporation Limited» компаниясының өкілдері аймақ басшысына алғыс айтып, әріптестік орнатуға ниет білдірді.Бүгінде облыс аумағында жиынтық қуаты 89 мегаватт болатын 9 күн электр станциясы жұмыс істейді. Оның үшеуі ірі, шетелдік инвесторлардың қатысуымен салынған. Атап айтқанда, Шиелі ауданында орналасқан қуаттылығы 50 мегаваттық қазақ-британ компаниясына тиесілі «Байконур-Солар» күн электр станциясы, Жалағаш ауданындағы франциялық «Total Eren» компаниясына тиесілі қуаттылығы 28 мегаваттық күн электр станциясы, Жаңақорған ауданындағы «Hevel» компаниясына тиесілі қуаттылығы 10 мегаватт электр станциясы. Сондай-ақ, Шиелі ауданында «Тесис» ЖШС күн электр станциясын салуды жоспарлауда. Қазір қажетті жер учаскесі бөлінген (80 га), жобаны 2025 жылы іске қоспақ.Айта кетейік, тіркелген капиталы 2,2 миллиард юаньды, яғни 310,1 млн. АҚШ долларын құрайтын «China National Nuclear Corporation (CNNC)» және «China National Nuclear Power (CNNP)» платформасы таза энергетикалық жобаларды дамытуға, құрылысын салуға және пайдалануға маманданған.Компания қызметінің негізгі бағыттарына жел, күн, сутегі энергиясы, геотермалдық энергия, жинақтау энергетикасы, зарядтау станциялары және т. б. кіреді.

Облыс әкімі инвесторларға жобаларды таныстырды

Фото: облыс әкімдігінің баспасөз қызметі&nbsp;<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорда облысының экономикалық әлеуетіне тікелей ықпал ететін салаларда даму қарқыны айтарлықтай жоғары. Экономикалық дамудың макрокөрсеткіштері бойынша облыс республикада көш басында.- Мұнай өндіру көлемінің төмендеуіне қарамастан (6,6%), өнеркәсіптің басқа да салаларын дамытуды қолға алу нәтижесінде өнеркәсіп өндірісінің көлемі 2,1 пайызға өсті (өнеркәсіп өндірісінің көлемі 933,8 млрд. теңге).- Индустрияландыру шараларының нәтижесінде өнеркәсіптің өңдеу саласы қарқынды дамуда. Жыл басынан бері 278,8 млрд. теңгенің өнімі өндіріліп, 28,9%-ға өсім қамтамасыз етілді.- Өңірлер арасында өңдеу өнеркәсібінің көрсеткіші бойынша облыс бірінші орында. Осы саладағы ірі кәсіпорынымыз - шыны зауыты қалыпты жағдайда жұмыс жасауда. Келер жылы шыны зауытының ішінен қуаттылығы жылына 5 млн. шаршы метр энергия үнемдейтін жаңа желі іске қосылады. Бүгінгі күні қоңдырғылардың 70%-ы жеткізілді (құны6,7 млрд. теңге).- Энергия үнемдейтін шыны өндірісі жобасынан бөлек, құны 25,2 млрд. теңгені құрайтын 2 жобаның (айна және шыны бөтелкелерін шығару) жобалау жұмыстары басталды.Жалпы алғанда, шыны зауытының аясында шағын және орта кәсіпкерліктің белдеуін дамытуға мүмкіндік мол. Алдағы уақытта зауыт жанынан құны 130 млрд теңгеден асатын түрлі шыны бұйымдарын шығаратын бірнеше ілеспе кәсіпорын құру жұмыстары жүргізіледі.Өңірде өңдеу өнеркәсібін дамытуға бағытталған 2023 - 2028 жылдар аралығында құны 1,1 трлн.теңгені құрайтын 48 жобаның іске асырылуы жоспарлануда. Оның ішінде, биылғы жылы 7 жобасы іске қосылды.- Инвестиция тартуда оң динамика қалыптасты. Есепті кезеңде өңірге 431,6 млрд.теңге инвестиция тартылып, 18,8% өсім қамтамасыз етілді. Оның 72 пайызы - жеке инвестиция. Жалпы, жыл қорытындысымен 472 млрд.теңге инвестиция тартылады.- Тәуелсіздік жылдарындағы жеке инвестор қаржысына салынатын ең ауқымды, теңдессіз жоба – Түрік инвесторларымен бірлесіп, құны 215 млрд теңге болатын жылу-электр орталығы.Мемлекет басшысының «Туған жерді бірге түлетейік» үндеуіне өңірдің жанашыр азаматтары қатысып, 37,5 млрд. теңгенің жобаларын іске асыруда.- Мемлекеттік бағдарламалар аясында, биыл шағын және орта бизнестің 4608 жобасына 62,9 млрд.теңге сомасында барлық қаржы көздерінен қаржылай қолдау көрсетілді.- Мемлекеттік қолдаудың нәтижесінде жұмыс жасап тұрған шағын және орта бизнес субъектілерінің саны 5,4 пайызға, жұмыспен қамтылғандар саны 15,8 пайызға (124 376 адам) артты.- Мемлекет басшысы бөлшек салықты енгізу және салықтық ынталандыру шарасын қабылдады. Биыл облыста 35 мың кәсіпкердің мүддесі қамтылған бөлшек салықтың пайыздық мөлшерлемесі 4 пайыздан 2 пайызға төмендетілді.- Шағын және орта кәсіпкерліктің экономикадағы үлесі өткен жылы 19,1 пайызды құраса, биыл бұл көрсеткіш 21,5 пайызға жеткізілетін болады.- 2023 жылдың 10 айында жалпы сауда айналымы 656,6 млрд. теңгені құрап, өсім 104,7 пайызды құрады. Экономиканың бұл секторына биылғы жылы 24,2 млрд.теңгеге инвестиция тартылды.- Аймақта құны 3,5 млрд. теңгені құрайтын 32 жоба іске қосылып, 358 жаңа жұмыс орны ашылды (сауда және ойын-сауық орталықтары, кондитерлік өнімдер дүкені, құрылыс заттар үйі, монша, тамақтану орындары және көлік жуу орталықтары).- Биылғы жылдың 10 айының қорытындысымен туризм саласына 18,6 млрд. теңге шамасында инвестиция тартылды. Өткен жылдың сәйкес кезеңімен салыстырғанда 3% артық орындалды (17,9 млрд. теңге). Бюджет қаражаты есебінен туризм саласын дамытуға бағытталған 6 іс-шара өткізілді.<figure class="image"><img src="https://knadmin.beoblood.kz/uploads/412841593_1915939428801560_7853074535417137767_n_e0582facc9.jpg" alt="412841593_1915939428801560_7853074535417137767_n.jpg"></figure>&nbsp;<figure class="image"><img src="https://knadmin.beoblood.kz/uploads/412725296_1915939415468228_1571135701020343723_n_72365feeed.jpg" alt="412725296_1915939415468228_1571135701020343723_n.jpg"></figure>

Жыл қорытындысы: Өңірде өңдеу өнеркәсібі артып келеді

Фото: қала әкімдігінің баспасөз қызметі<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласының 2024 жылға арналған бюджеті 58,2 млрд.теңге болып бекітілді. Ол 2023 жылға қарағанда 11 пайызға ұлғайған. Бұл туралы қала әкімі Асылбек Шаменов қалалық мәслихаттың VIII сессиясында айтты.<blockquote>«Қалада аяқ су мәселесі өз шешімін табады. Бұл мақсатта облыс әкімінің тікелей қолдауымен «Жасыл- Қызылорда» коммуналдық мемлекеттік мекемесі құрылды. Ол мекеме қаладағы жасыл желекті баптап, аяқ судың жүретін жолдарын аршып, қажетті шараларды жүзеге асырады. Аталған мекемеге қалалық бюджеттен гүлдер, талдар, тыңайтқыштар, құрал-жабдықтар сатып алуға және жұмысшылардың айлық жалақысына барлығы 579,9 млн. теңге бөлінді»- деді Асылбек Өмірбекұлы.</blockquote><img src="https://knadmin.beoblood.kz/uploads/412353913_3502714479995285_9202059866672786905_n_c56abda9df.jpg" alt="412353913_3502714479995285_9202059866672786905_n.jpg">Мәслихат сессиясында тұрғындардың талап-тілегіне орай, кезекте тұрған көпқабатты 21 тұрғын үйдің қайта жаңғыртудан өткізілетіндігі айтылды. Сондай-ақ қаладағы, шет аймақтардағы жолдарды орташа жөндеуге, қайта жаңғыртуға, көше құрылыстарына республикалық және облыстық бюджеттен 5 млрд. теңге берілді. «Ауыл-ел бесігі» бағдарламасымен бөлінген 1 млрд. 234 млн. теңгеге қалаға қарасты ауылдардың жолдарын жөндеумен қатар, электр желілері жаңартылады.Айта кету керек, биыл бастау алған нәтижелі жобалар келер жылы да жалғасын табады.

«Ауыл-ел бесігі»: Жол жөнделіп, электр желілері жаңартылады

Фото: Өңірлік коммуникациялар қызметі<a href="https://kyzylorda-news.kz/">Kyzylorda-news.kz.</a> Мемлекет басшысының кәсіпкерлерге арналған арнайы «Іскер» жүлдесін қызылордалық «Alexey Sultan Akhmet» ЖШС иеленді. Медицина саласында өңірдің дамуына үлес қосып келе жатқан кәсіпкерлік үшін үлкен қуаныш екені сөзсіз. 2017 жылы бері іске қосылып, пандемия жылдарында да үздіксіз қызмет етіп келе жатқан медициналық емхананың атқарушы директоры Жайна Карлиханова Өңірлік коммуникациялар қызметінің баспасөз алаңында жетістігімен бөлісті.<blockquote>Біз республикада мемлекеттік-жекеменшік серіктестік аясындағы денсаулық сақтау саласындағы алғашқы жобалардың бірі. Жоба 2017 жылдан бүгінгі күнге дейін жүзеге асырылып жатыр және осы жоба аясында бұрынғы №2 қалалық емхана заманауи медициналық құрал-жабдықтармен жабдықталған жаңа ғимаратқа көшті. Біздің емхана 40 мыңға жуық қала тұрғынына қызмет көрсетеді. Медициналық және әкімшілік персоналды қосқанда 300-ден астам адамнан тұрады. Біз тегін медициналық көмектің кепілдік берілген көлемі және консультативтік-диагностикалық көмектің көптеген түрлері бойынша міндетті медициналық сақтандыру шеңберінде міндетті қызметтерді көрсетеміз. Біздің емхана соңғы үлгідегі МРТ, рентген, маммография және ультрадыбыстық құрылғылармен жабдықталған. 2024 жылдың 1 тоқсанында күндізгі стационары бар оңалту орталығы ашуды жоспарлап отырмыз, - деді Жайна Төреханқызы.</blockquote>Биыл «Асыл дән» LTD ЖШС-іне мерейлі 10 жыл толып отыр. Күріш саласында елге қызмет ететін кәсіпкерлік нысан жыл соңында Мемлекет басшысының «Іскер» атты арнайы жүлдесін алды.&nbsp;<blockquote>Қанша жыл бойы өндіріс саласында жұмыс істеп келе жатқан кәсіпкерлік нысан үшін бұл жоғары жүлде. Оның үстіне бұл менің ғана емес, барлық ұжымдағы қызметкерлердің еңбегі. Оны елеп ескерген Президентімізге алғысымызды білдіреміз. Ал, біздің кәсіптегі жаңалықтармен бөліссем. Осы жылы заманауи технологиялармен жаңа зауытты іске қостық. Бұл зауыт бүкіл Еуропа құрлығындағы сертификаттарға сәйкес жұмыс істейді. Біздің мақсатымызда әу бастан осылай болған. Барынша инновациялық бетбұрыс жасап, Сыр бойының күрішін жоғары деңгейге жеткізуді жоспарлап отырмыз. Ішкі өнімді толықтай қамтамасыз етіп, экспортқа шығаруды көздеудеміз, - деді «Асыл дән» LTD ЖШС директорының орынбасары Нұрлан Жомартов.</blockquote>Мемлекет басшысының арнайы жүлдесіне ие болған қызылордалық кәсіпкерлердің қатарында «Ассоль» йодталған ас тұзын өндіретін &nbsp;«Алтын Орда» ЖШС «Ұлы дала елі» конкурсының жеңімпазы атанды.&nbsp;<blockquote>Біз 2016 жылдан бастап йодталған ас тұзын өндіреміз. Бүгінгі күні компанияда 150-ге жуық адамды жұмыспен қамтып отырмыз. Жақында Елордаға барып, жеңімпаз атанып, компаниямыздың мерейі өсті. Сайыстың мақсаты – кәсіпкерлерді шыңдау, олардың жетістіктеріне қолдау көрсету. Қазіргі таңда, өнімнің 70 пайызын экспортқа жіберудеміз. Мәселен, Ресей, Беларусь, Латвия, Литва, Грузия, Моңғолстан және Қырғызстан елінде өніміміз танымалдылыққа ие болуда. Жоспарымыз – өнімнің көлемін көбейту, - деді компания директоры Нариман Абжанов айтты..</blockquote>

Қызылордалық бірқатар кәсіпкер Мемлекет басшысының арнайы жүлдесін алды

<a href="https://kyzylorda-news.kz/">Kyzylorda-news.kz.</a>&nbsp;ҚР Премьер-министрі Әлихан Смайыловтың төрағалығымен өткен Үкімет мәжілісінде авиация саласын дамыту, стихиялық қоқыстарды жою туралы айтылды.Ведомство басшылары мен кейбір өңір әкімдері талқыланған мәселелер, алдағы міндеттер туралы хабарлама жасады.Үкімет жиынынан кейін облыс әкімі Нұрлыбек Нәлібаев арнайы мәжіліс өткізді. Алдағы жылы пайдалануға берілетін «Қорқыт ата» әуежайының жаңа терминалында халықаралық және басқа облыстарға рейстер ашылуы керектігін ескертті.<blockquote>«Жаңа терминалдың мүмкіндігін толық пайдаланып, халықаралық және басқа облыс орталықтарына қатынайтын рейстер ашуымыз керек. Әуежай өзін-өзі қамтамасыз етіп қана қоймай, жергілікті бюджетке қаржы түсіруі тиіс. Салалық министрлікпен белсенді жұмыс атқарып, еліміздің, қажет болса шетелдік әуе компанияларын тартып, рейс санын көбейту қажет. Бағасы облыс тұрғындарына қолжетімді болуы тиіс», – деді Нұрлыбек Машбекұлы.</blockquote>Ұшақтың қауіпсіз және үздіксіз ұшып-қонуын қамтамасыз ету үшін Қызылорда облысының ауыл шаруашылығы және жер қатынастары басқармасына Қызылорда қаласы және Сырдария ауданы әкімдіктерімен бірлесіп, сол маңдағы жер учаскелеріне зерделеу жұмыстарын жүргізу тапсырылды.Күн тәртібіндегі екінші мәселе бойынша елді мекендерде жергілікті тұрғындар қоқысты арнайы белгіленген жерге жеткізбей, қоршаған ортаны ластағаны айтылды. Өңірде биыл ғарыштық мониторинг нәтижесімен 74 стихиялық қоқыс орны анықталып, тазартылған. Бұл қалдықты арнайы полигондарға жеткізбеу салдарынан жиналған. Осыған байланысты, Қызылорда қаласы мен барлық аудандарда 2024 жылдың 1 сәуіріне дейін коммуналдық қалдықтарды басқару бағдарламасы әзірленіп, бекітілуі керектігі қатаң тапсырылды. Экологиялық және санитарлық талаптарға сәйкес келмейтін тұрмыстық қалдықтар полигондарын қалпына келтіріп, мемлекеттік-жекеменшік әріптестік мүмкіндігін қарастыру қажет. Мұнан бөлек, тұрмыстық қалдықтарды уақытылы әкетіп, кәдеге жарату шараларын қолға алу, медициналық және биологиялық қалдықтарды заңдылыққа сәйкес жоюды қамтамасыз ету міндеттелді.<img src="https://knadmin.beoblood.kz/uploads/411501692_661048589549722_4039128443566474024_n_eea1c2cb73.jpg" alt="411501692_661048589549722_4039128443566474024_n.jpg">

Әуе қызметтерін дамыту мәселесі талқыланды

Фото: Қызылорда қаласы әкімінің баспасөз қызметі<a href="https://kyzylorda-news.kz/">Kyzylorda-news.kz.</a> &nbsp;Түрік-неміс компаниясы қала әкімдігімен әріптестік қатынас орнатуға ниетті. Бүгін «Торкам» холдингтің өкілдері шаһар басшысы Асылбек Шаменовпен кездесті.Кездесуде холдингтің директоры Дурмаз Адил Қызылорда қаласында арендалық тұрғын үйлер мен әлеуметтік нысандар салуға мүдделі екендігін жеткізді. Бұл компанияның Түркия, Германия, Нидерланды, Болгария, Алжир, Люксембург және Конго Демократиялық Республикасында шамамен 5000 адамнан тұратын командасы бар. Құрылыс саласында күрделі жобаларды жүзеге асыруда.Әлеуеті зор холдингтің ұсыныстарына қала әкімдігі тарапынан қолдау жасалады. Салынатын үйлер мен әлеуметтік нысандарға жер бөлініп, қажетті инфрақұрылым жеткізіледі. Ең басты талап – құрылыс жұмыстарына жергілікті тұрғындар тартылуы керек деді шаһар басшысы Асылбек Өмірбекұлы. Әзірге ұсынылған жоба мамандармен жан-жақты зерттеледі.<img src="https://knadmin.beoblood.kz/uploads/411221758_3501807463419320_4082554625872387029_n_13a7ba4ead.jpg" alt="411221758_3501807463419320_4082554625872387029_n.jpg">

Қазақстан және Қызылорда облысының жаңалықтары: Экономика