Фото: &nbsp;Sputnik Ляля Лилова<a href="https://kyzylorda-news.kz/">Kyzylorda-news.kz.</a>&nbsp;&nbsp; Қызылорда облысының әкімі Нұрлыбек Нәлібаев елордада есептік кездесуінде Ресейге жалға берілген Байқоңыр қаласында қандай абаттандыру жұмыстары жүріп жатқанын айтты, деп хабарлайды <a href="https://kaz.inform.kz/">Kazinform</a>.<blockquote>«Байқоңыр қаласында жерлестеріміз көп. Оларға барлық жағдай жасалып жатыр. Бұрын жабық қала болғандықтан кіріп-шығу қиындау еді. Қазір оның бәрі реттелді, ешқандай шектеу жоқ. Қазіргі таңда жерлестерімізге арнап жаңадан мектеп пен балабақшалар салынуда. Бұрынғы балабақшаларды да күрделі жөндеуден өткізіп жатырмыз. «Жайлы мектеп» жобасы аясында бір мектеп Байқоңыр қаласында салынады. Балалардың білім алуы, балабақша мәселесі толық шешілген», - деді Нұрлыбек Нәлібаев Орталық коммуникациялар қызметінде өткен баспасөз мәслихатында.</blockquote>Сонымен бірге, Байқоңыр қаласының кәріз жүйесін жаңартуға алдағы екі жылға 12 млрд теңге қаражат бөлінді. Бұл жұмыс келесі жылы басталады.<blockquote>«Қазір Байқоңыр – су жүйесі жаңарған, газ толық кіргізілген қала, енді кәріз жүйелері жаңартса, инфрақұрылымға байланысты мәселе болмайды. Одан бөлек, өткен айларда Байқоңыр қаласында төрт тарихи тұлғаларымызға көше атауларын бердік. Олар – Мәншүк Мәметова, Әлия Молдағұлова, Бауыржан Момышұлы, Қорқыт ата. Сондықтан Байқоңыр қаласының әкімшілігімен байланысымыз өте жақсы, мәселе туындаса дер кезінде шешіп жатырмыз. Өткен жылы сондағы қызметкерлерге көпқабатты тұрғын үйлер салуды бастадық. Кезекте тұрған жерлестеріміз бар. Бұл жұмыстар да келесі жылы жалғасады», - деп толықтырды Н. Нәлібаев.</blockquote>

Байқоңыр қаласының қазіргі жай-күйі қандай?

<a href="https://kyzylorda-news.kz/">Kyzylorda-news.kz.</a>&nbsp; Биыл Қызылорда облысында республикалық және облыстық бюджеттен бөлінген 36 млрд. теңгеге 569 шақырым автомобиль жолы жөндеуден өтті. Облыстағы жақсы жағдайдағы жолдың үлесі 87,5 пайызға жетті. Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«2024 жылы республикалық бюджеттен бөлінетін 14,3 млрд. теңгеге жол инфрақұрылымын жетілдіріп, сапалы жолдар үлесін 92 пайызға жеткізу межеленген», – деді аймақ басшысы.</blockquote>Айта кетейік, жылдар бойы күн тәртібінен түспеген «Қызылорда-Жезқазған» автожолы Президенттің тікелей тапсырмасымен қайта жаңғыртылуда. Жоба құны – 108,5 млрд теңге. Қызылорда облысының аумағына тиесілі 216 шақырым жолдың 104 шақырымы аяқталды. Қалған бөлігі 2025 жылы халық игілігіне беріледі. Мұнан бөлек, көпшілікті толғандырған «Батыс Еуропа – Батыс Қытай» халықаралық дәлізінің Ақтөбе қаласына дейінгі аумағын төрт жолақты жолға айналдыру мәселесі де Мемлекет басшысының тапсырмасымен шешімін таппақ.Жаяу жүргіншілердің қауіпсіздігін қамтамасыз ету үшін теміржол өткелдері мен аспалы көпірлер салынуда.Мәселен, Жалағаш кентіндегі 222 млн. теңгенің теміржол өткелінің құрылысы мамыр айында басталды. Мердігер мекеме «СтандартОйлКзо» ЖШС жұмысты жылдың соңына дейін бітіреді деп жоспарлануда.Арал ауданындағы көпір өткелінің мердігері – «РИТМ» жауапкершілігі шектеулі серіктестігі. Құны 3,1 млрд. теңге болатын көпірдің ұзындығы 940 метр, екі жағына жаяу жүргіншілер жолы мен түнгі жарық шамдары орнатылады. Жақын жерде орналасқан тұрғындарға қолайсыздық тудырмас үшін дыбыс басқыш құрал-жабдықтармен қамтамасыз етіледі.

Сапалы жолдың үлесі арта түспек

<a href="https://kyzylorda-news.kz/">Kyzylorda-news.kz.</a> Облыста негізгі капиталға салынған инвестиция 2021 жылмен салыстырғанда 52 пайызға өсіп, 472 млрд теңгені құрады. Оның 74 пайызы – жеке инвестициялар. Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте айтты.<blockquote>«Мемлекет басшысы Қасым-Жомарт Кемелұлының патриотизм мен әлеуметтік жауапкершіліктің үлгісін көрсету бастамасын, «Туған жерді бірге түлетейік» үндеуін кәсіпкерлер қолдады. Демеушілер есебінен 37,5 млрд теңге қаржы тартылды. 3,3 млрд теңгеге 630 жобаға жоба-сметалық құжаттама әзірленді», – деді аймақ басшысы.</blockquote>Атап айтқанда, облыс орталығында Қорқыт ата әуежайының жаңа терминалы салынуда. Жобаның жалпы құны – 20 млрд теңге, оның15,7 млрд теңгесі Болат Өтемұратов қорынан. Жергілікті бюджеттен4,3 млрд теңге инфрақұрылымды дамытуға және абаттандыруға қарастырылған. Нысан 2024 жылдың мамыр айына іске қосылады.Мұнан бөлек, «Қазақстан темір жолы» компаниясымен бірлесіп Қызылорда қаласындағы теміржол вокзалы қайта жаңғыртылды. Жоба құны – 577 млн теңге. Сондай-ақ, Қызылорда қаласында құрылысы басталған заманауи үлгідегі Оқушылар сарайы келесі жылы пайдалануға берілмек. «Саутс Ойл» компаниясы музыкалық колледж ғимаратын салады. Жобаға 4,8 млрд теңге жұмсалады.Биыл Қызылорда қаласындағы 1,7 млрд теңгеге салынған «Анаға тағзым» орталығы пайдалануға берілді. Демеушілер есебінен қаланың орталық алаңын қайта жаңғырту жұмыстары басталды, оған 1 млрд теңге қаражат бөлінді. Одан бөлек, облыс орталығындағы 30-дан астам ескі көпқабатты тұрғын үйдің қасбеттері заманауи панельдермен қапталып, 20 көпқабатты тұрғын үйдің аулалары абаттандырылды.Аудандарда да көптеген игі істер қолға алынып, жаңа нысандар пайдалануға берілді. Мысалы, Жаңақорған ауданында 790 млн теңгенің заманауи демалыс паркі, Сырдария ауданы Нағи Ілиясов ауылында450 млн теңгенің «Еңбекшілер паркі» бой көтерді. Арал ауданының Тоқабай ауылында апаттық жағдайдағы мектептің орнына 500 млн теңгеге жаңа мектеп салынуда. Нысан 2023-2024 оқу жылының соңына дейін пайдалануға беріледі. Қармақшы ауданының Жаңажол ауылындағы Орталық алаң «Жаңажол» ЖШС демеушілігімен абаттандырылып, халық игілігіне табысталды. Ал, Жалағаш ауданының Таң ауылында спорт кешені, «Тағзым алаңы» құрылыстарымен қатар, жарықтандыру, абаттандыру жұмыстары жүргізілуде. Сондай-ақ, Қызылорда қаласының Түркістан облысымен шекарасында құны 230 млн теңге болатын облыстың кіреберіс қақпасы ашылды.Айта кетейік, Қызылорда облысы инвестиция тарту бойынша үздік өңірлер қатарында.

Сыр өңіріне 472 млрд теңге инвестиция тартылды

<a href="https://kyzylorda-news.kz/">Kyzylorda-news.kz.</a>&nbsp; Сыр өңірінде егін шаруашылығын дамыту және әртараптандыру бойынша кешенді іс-шаралар қолға алынды. Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте хабарлады.<blockquote>«Ауыл шаруашылығы – өңір экономикасының негізгі саласы. Бұл салаға тартылған инвестиция көлемі өткен жылмен салыстырғанда 9,4 млрд теңгені құрап, 36,6 пайызға артты. Аймақтың табиғи-климаттық және топырақ ерекшеліктеріне сай ауыл шаруашылығы саласы толығымен суармалы егіншілікке, оның ішінде күріш егісіне бейімделген. Егін науқанының қорытындысымен әр гектардан 56,5 центнерден өнім алынып, қамбаға</blockquote>503 мың тонна күріш жиналды. Су тапшылығына қарамастан, күріш өнімділігі бойынша өткен жылғы деңгейді сақтап қалдық», – деп баяндады аймақ басшысы.Облыстың ауыл шаруашылығы саласының экспорттық әлеуеті артып, өткізу нарығы кеңеюде. Соңғы екі жылда 84 млн АҚШ долларының өнімдері экспортталды. Экспортталған өнімнің 96 пайызы – өңделген өнім.Суды үнемдеп пайдалану үшін тамшылатып, жаңбырлатып суару әдістерінің қолдану аясын кеңейтуге басымдық берілуде.<blockquote>«Осы жылы су үнемдеу технологиясымен 872 гектарға дақылдар егілді. Бұл тенденцияны жыл сайын 1000 гектарға арттырамыз. Мемлекет басшысы биылғы Жолдауында: «Агроғылымды дамыту және ең бастысы, оны ауыл шаруашылығында іс жүзінде қолдану үшін шаралар қабылдау қажет», – деген болатын. Аймақта күріштің, өзге де дақылдардың жаңа сорттарын шығарып, өнім сапасын арттыру үшін Ыбырай Жақаев атындағы қазақ күріш шаруашылығы ғылыми-зерттеу институтының қызметіне басымдық берудеміз. Жақында Ауыл шаруашылығы ғылым Академиясымен агроөнеркәсіптік кешенді ғылыми және инновациялық дамыту саласындағы ынтымақтастық келісіміне қол қойылды», – деді Қызылорда облысының әкімі.</blockquote>Өнімділігі жоғары, өсу мерзімі қысқа күріштің жаңа сорттарын өндіріске енгізу көзделуде. Ғалымдар бірнеше жаңа сорттарды сынақтан өткізуде. Нәтижесінде пилоттық жобадағы сорттар 10 центнерден жоғары өнім беріп, 10-15 күн ерте пісті. Келесі жылы да оң көрсеткіш сақталса, 2025 жылдан бастап жаңа сорттар қолданысқа енгізілмек.Егіс алқабын әртараптандыру алдағы уақытта да жалғасын таппақ. 2025 жылға қарай күріш алқабы 89 мың гектардан 80 мың гектарға дейін қысқартылады. Оның орнына суды аз қажет ететін дақылдардың егіс көлемі 8,7 мың гектарға ұлғайтылады. Атап айтқанда, майлы дақылдар алқабы13 пайызға, малазықтық дақылдар алқабы 8 пайызға, картоп, көкөніс, бақша дақылдары алқабы 0,5 пайызға, басқа дәнді дақылдар егісі 21 пайызға артады.

Сыр өңірінде егін шаруашылығын әртараптандыруға басымдық берілуде

<a href="https://kyzylorda-news.kz/">Kyzylorda-news.kz.</a>&nbsp; Сыр өңірінде өткен жылы іске қосылған шыны зауыты тұрақты өнім шығарып, оның 70 пайызын ішкі нарыққа, 30 пайызын Ресей, Өзбекстан, Қырғызстан, Тәжікстанға экспорттауда. Бұл туралы облыс әкімі Нұрлыбек Нәлібаев Астана қаласындағы Орталық коммуникациялар қызметінде өткен брифингте баяндады.Зауыттың негізгі қуаттылығы 197 мың тонна. Кәсіпорын іске қосылғалы бері жобалық қуаттылықтың 85 пайызын игеріп, 167 мың тонна өнім шығарды.<blockquote>«Шыны зауытының айналасында шағын және орта кәсіпкерлік белдеуін құруға мүмкіндік мол. Зауыт жанынан құны 130 млрд теңгеден асатын түрлі шыны бұйымдарын шығаратын 8 ілеспе кәсіпорын құрылады», – деді аймақ басшысы.</blockquote>Атап айтқанда, жылына 5 млн шаршы метр энергия үнемдейтін шыны өндірісі іске қосылып, шыны бөтелкелер және алғашқы айна зауытының құрылысы басталмақ. Бұл 3 жобаның жалпы құны 32,3 млрд теңге.Сондай-ақ, Шиелі ауданында 1 млрд теңгенің әк және құрғақ құрылыс қоспаларын шығару цехы іске қосылады.Мұнан бөлек, аймақта алдағы жылы 27,1 млрд теңгенің 10 жобасы жүзеге асып, 630 жұмыс орны құрылады.

Қызылордада шыны зауытының жанынан 8 ілеспе кәсіпорын құрылады

<a href="https://kyzylorda-news.kz/">&nbsp;Kyzylorda-news.kz.</a> &nbsp;Бүгін облыс әкімі Нұрлыбек Нәлібаев Қызылорда қаласында 350 орындық Оқушылар cарайының іргетасын қалау рәсіміне қатысты.Аймақ басшысы жерлестерін заманауи қосымша білім беру орталығының құрылысы басталуымен құттықтады.<blockquote>«Мемлекет басшысы Қасым-Жомарт Кемелұлы «Өскелең ұрпақтың үйлесімді дамуы мен бақытты балалық шағы – біздің жалпыұлттық міндетіміз» деп, балаларға терең әрі тағылымды тәрбие беру қажет екенін атап өтті. Өздеріңіз жақсы білесіздер, Президентіміздің және Үкімет деңгейіндегі жан-жақты қолдаудың нәтижесінде Сыр өңірінде тың жобалар жүзеге асуда. Жарасымды істің жалғасы ретінде бүгін, міне, шаһардың сол жағалауынан «ҚазГерМұнай» компаниясының демеушілігімен 2,3 млрд теңге болатын заманауи үлгідегі Оқушылар сарайының іргетасы қалануда. Жаңа нысан білім мен тәрбие ордасына айналып, онда жеткіншектердің бос уақытын тиімді өткізуіне оңтайлы мүмкіндік жасалады. Балаларға көл-көсір қуаныш сыйлаған компания ұжымына Сыр жұртшылығы атынан шынайы алғысымызды білдіреміз», – деді Нұрлыбек Машбекұлы.</blockquote><figure class="image"><img src="https://knadmin.beoblood.kz/uploads/408106340_653386766982571_4455092880473355935_n_419132f1ec.jpg" alt="408106340_653386766982571_4455092880473355935_n.jpg"></figure>Іс-шарада Қызылорда облысының Құрметті азаматы Әлима Әбдіхалықова да ізгі тілек білдірді.Айта кетейік, өңірдің білім саласына 278 млрд теңге бөлініп, ауқымды жобалар сәтті жүзеге асырылуда. Қазан айында Қызылорда қаласында 600 орындық, қараша айында Шиелі ауданы Байсын ауылында 250 орындық мектептің жаңа ғимараты ел игілігіне табысталды. Бұдан бөлек, Қызылорда қаласындағы 4 мектепке1850 орындық қосымша ғимарат салынды. Жыл соңына дейін Қазалы ауданындағы 250 орындық, Жаңақорған ауданындағы 300 орындық жаңа мектептер пайдалануға берілмек.<figure class="image"><img src="https://knadmin.beoblood.kz/uploads/408149305_653386856982562_5537040784761865778_n_96dd4ed4d8.jpg" alt="408149305_653386856982562_5537040784761865778_n.jpg"></figure>Мемлекет басшысының бастамасымен қолға алынған «Жайлы мектеп» ұлттық жобасы аясында өңірімізде 12 300 орындық 21 мектеп салынады. Биыл 10 мектептің құрылысы басталды. Оның бесеуі облыс орталығынан бой көтеруде. Ал қалған 11-інің құрылысы келер жылы қолға алынады.«Білімді қолдау қоры» есебінен құны 7 млрд. 900 млн теңгені құрайтын дарынды балаларға арналған 400 орындық физика-математика бағытындағы мектеп-интернаттың құрылысы қарқынды жүруде. Жыл соңына дейін «Саутс Ойл» компаниясының демеушілігімен сол жағалаудан 4 млрд. 800 млн теңгеге музыкалық колледждің жаңа ғимаратының құрылысы басталмақ.<img src="https://knadmin.beoblood.kz/uploads/408145956_653386950315886_2126575747656765003_n_b3c9c16895.jpg" alt="408145956_653386950315886_2126575747656765003_n.jpg"><figure class="image"><img src="https://knadmin.beoblood.kz/uploads/408091383_653387083649206_3798454276771443263_n_8b06abff1f.jpg" alt="408091383_653387083649206_3798454276771443263_n.jpg"></figure>&nbsp;&nbsp;&nbsp;&nbsp;

Қызылордада оқушылар сарайының іргетасы қаланды

<a href="https://kyzylorda-news.kz/">&nbsp;Kyzylorda-news.kz.</a>&nbsp; Бұл туралы облыс әкімі Нұрлыбек Нәлібаев ҚР Премьер-министрі Әлихан Смайыловтың төрағалығымен өткен Үкімет отырысында баяндады.Жиында жүк тасымалын және транзитті дамыту, педагогикалық кадр даярлау мәселелері қаралды.Ведомство басшылары мен өңір әкімдері атқарылған жұмыстар, алдағы міндеттер жайлы хабарлама жасады.Нұрлыбек Машбекұлы «Батыс Еуропа-Батыс Қытай» халықаралық автомобиль дәлізінің бойында орналасқан сервистік нысандардың 88,6 пайызы ұлттық стандартқа сәйкес келетінін айтты.<blockquote>«Батыс Еуропа-Батыс Қытай» халықаралық автомобиль дәлізінің Қызылорда облысына тиесілі аумағы – 810,5 шақырым. Оның бойындағы 53 жол бойы сервистік нысанында 1050 адам жұмыспен қамтылған. Бүгінде 47 нысан, яғни 88,6 пайызы ұлттық стандартқа сәйкестендірілген. Осы көрсеткіш бойынша Қызылорда облысы алғашқы үштікке кіреді. Нысандар интернетке қосылған және «Google maps», «Яндекс.Карта» жүйелеріне енгізілген.Стандартқа сай емес 6 кешен бойынша тиісті жұмыстар жасалуда. Оның ішінде 2004 жылы салынған 2 нысан жыл соңына дейін, қалған 4-еуі алдағы жылдың бірінші жартыжылдығында ретке келтіріледі. Алдағы уақытта салынатын жол сервистік объектілер ұлттық стандартқа сәйкес болуын қамтамасыз ету үшін тиісті жұмыстар атқарылады. Бұдан бөлек, жол бойы кешендерін күтіп-ұстау шығындарының бір бөлігі ай сайын өтелуде. Қызылорда облысындағы жол бойы сервистік нысандарының сапалы әрі үздіксіз жұмыс жасауы қатаң бақылауда болады», – деді аймақ басшысы.</blockquote>Үкімет жиынынан кейін облыс әкімі арнайы мәжіліс өткізіп, талқыланған мәселелер бойынша негізгі жұмыс бағыттарын белгіледі. Қызылорда қаласы және аудан әкімдеріне облыстық кәсіпкерлік және өнеркәсіп басқармасымен бірлесіп, жеке жүк тасымалдаушылардың статистикалық ақпаратын жергілікті статистика органдарына мерзімінде ұсыну тапсырылды. Қызылорда облысы бойынша көліктік бақылау инспекциясы мен «ҚазАвтоЖол» акционерлік қоғамының Қызылорда облысы филиалына жол желісінің сақталуын тұрақты бақылау міндеттелді.Күн тәртібіндегі екінші мәселе бойынша өңірлік жоғары оқу орындарының басшыларына педагогикалық мамандықтар бойынша оқуын аяқтаған түлектердің тұрақты жұмысқа тұруын қамтамасыз ету тапсырылды. Ал, облыстық білім басқармасы техникалық және кәсіптік білім беру ұйымдарына педагогикалық кадр даярлауға бөлінетін грант санын арттыру бағытындағы жұмыстарды жүргізуге жауапты.<figure class="image"><img src="https://knadmin.beoblood.kz/uploads/408118290_653282416993006_47204114881661558_n_c8178b85c1.jpg" alt="408118290_653282416993006_47204114881661558_n.jpg"></figure>&nbsp;<figure class="image"><img src="https://knadmin.beoblood.kz/uploads/408138344_653282386993009_6412514929188237646_n_c5e8b2213d.jpg" alt="408138344_653282386993009_6412514929188237646_n.jpg"></figure>&nbsp;<figure class="image"><img src="https://knadmin.beoblood.kz/uploads/408096750_653282373659677_811361999133786766_n_b880d158c0.jpg" alt="408096750_653282373659677_811361999133786766_n.jpg"></figure>

Қызылорда облысы сервистік нысандарды цифрландыру бойынша алғашқы үштікте

<a href="https://kyzylorda-news.kz/">&nbsp;Kyzylorda-news.kz.</a> Облыс әкімі Нұрлыбек Нәлібаев Қызылорда облысына жұмыс сапарымен келген ҚР Көлік министрі Марат Қарабаевпен кездесіп, жол-көлік инфрақұрылымын дамытуға қатысты ұсыныстарын жеткізді.<blockquote>«Биыл облыста жол инфрақұрылымын дамытуға 37,1 млрд теңге бөлініп, 603 шақырым автомобиль жолдары, көшелер және көпір өткелдері жөнделуде. Өткен жылмен салыстырғанда қаралған қаржы екі есе ұлғайды. Келер жылға республикалық бюджетке 53 млрд теңгенің 84 жобасы ұсынылды, 14,3 млрд теңге болатын 31 жоба қолдау тапты. Марат Кәрімжанұлы, қалған жобаларға қаржы бөлінуіне қолдау көрсетуіңізді сұраймын.Өзіңізге белгілі, Мемлекет басшысы Маңғыстау облысына жұмыс сапарында республикалық маңызы бар «Бейнеу-Бозой-Шалқар» жолын бастауды тапсырды. Қазір бұл жоба бойынша қоғамдық тыңдаулар өтуде. Халықтың басым бөлігі жобаның Қызылорда облысы Арал ауданы Сексеуіл кенті арқылы жүргізілгенін қалайды. Бозой және Шалқардың ортасында елді мекен жоқ, яғни халық шоғырланбаған. Жоба Сексеуіл арқылы жүзеге асырылған жағдайда Бозой мен Сексеуілдің ортасындағы 5 елді мекен халқының қатынас мәселесі шешіледі. Орталық және оңтүстік облыстарға қатынайтын батыс халқының жолы 150 шақырымға қысқарады. Осы жолдың бойындағы Ақеспе елді мекенінде шипалы ыстық су бұлағы бар, бұл да туризмді дамытуға оң ықпал етеді. Осыған орай, жобаның Қызылорда облысы арқылы жүргізілуіне ықпал етуіңізді және қолдауыңызды сұраймыз», – деді аймақ басшысы.</blockquote>Жыл басынан бері «Батыс Еуропа-Батыс Қытай» автомобиль жолының «Қызылорда-Ақтөбе» бағытында 33 жол-көлік оқиғасы тіркелгенін алға тартып, жол құрылысын Қызылорда қаласынан бастауды ұсынды. Аймақ басшысы облыстағы теміржол вокзалдарының ғимараттарын күрделі жөндеуге, аумағын абаттандыруға қаражат бөлуді және әуе қатынасына қосымша Астана бағытын, ал келесі жылы жаңа әуежай терминалы жұмысы басталғаннан кейін халықаралық әуе рейстерін қосу туралы өтініш білдірді.Өз кезегінде, Көлік министрі барлық ұсыныстар зерттеліп, шешу мүмкіндіктері қарастырылатынын жеткізді. Сондай-ақ, өңірдегі жоғары деңгейде атқарылған жұмыстар үшін алғысын білдірді.<blockquote>«Осы уақытқа дейін 11 өңірде болдым. Олардың ішінде көлік саласы жағынан қайсысы үздік десе, Қызылорда облысын атар едім. Әуежай, автовокзал, теміржол вокзалы сияқты нысандардағы жұмыстарға қарап Қызылордадан озық аймақ жоқ деп ойлаймын. Бұл тағы да облыс әкімінің жоғары ұйымдастырушылық қабілетін дәлелдейді», - деді министр.</blockquote>

Аймақтың жол-көлік инфрақұрылымын дамыту мәселелері талқыланды

<a href="https://kyzylorda-news.kz/">&nbsp;Kyzylorda-news.kz.</a>&nbsp; ҚР Көлік министрі Марат Қарабаев Сыр өңіріне жұмыс сапарымен келіп, аймақтың жол-көлік инфрақұрылымы нысандарының жұмысымен танысып, облыс тұрғындарымен кездесті.Көлік министрі Қызылорда қаласындағы сол жағалауда бой көтерген жаңа автовокзал құрылысымен танысты. Нысан пайдалануға берілгеннен кейін барлығы 55 автобус маршруты (124 рейс) ұйымдастырылады. Мұнан бөлек, Ташкент қаласына 1 халықаралық рейс, 46 ауданаралық, Астана, Алматы, Шымкент, Жезқазған, Түркістан, Сарыағаш, Жібек жолы (Черняевка), Ақтөбе және тағы басқа қалаларға 8 маршрут жолға шығады. Нысан жаз мезгілінде күніне 3700-ден астам, қыста мыңнан астам жолаушыға қызмет көрсетуге ыңғайластырылып салынады. Құны 975 млн. теңгені құрайтын жаңа автовокзал құрылысы жыл соңына дейін аяқталып, халық игілігіне қызмет етпек.<figure class="image"><img src="https://knadmin.beoblood.kz/uploads/408103791_652885183699396_7683832302402497950_n_1bdabbef57.jpg" alt="408103791_652885183699396_7683832302402497950_n.jpg"></figure>Әрі қарай министр күрделі жөндеуден өткен теміржол вокзалына барды. Өткен ғасырдың басында салынған тарихи нысанды жөндеу жұмыстары сәуір айында басталды. Бүгінде сыртқы және ішкі жөндеу жұмыстары аяқталып, ғимарат жаңа кейіпке еніп, келбеті ажарлана түсті. Вокзал аумағындағы 2-ші перронға және автотұраққа жаңа асфальт жабындысы төселді. Жобаның жалпы құны 577 млн. теңгені құрайды. Оған «Қазақстан Темір Жолы» компаниясынан 322 млн. теңге және жергілікті кәсіпкерлердің демеушілігі есебінен 255 млн. теңге қаржы бөлінді.<figure class="image"><img src="https://knadmin.beoblood.kz/uploads/408142428_652885677032680_1983165307420561318_n_71f97b8ed9.jpg" alt="408142428_652885677032680_1983165307420561318_n.jpg"></figure>Сапар соңында Көлік министрі меценат Болат Өтемұратовтың қоры есебінен құрылысы қарқын алған, халықаралық стандарттарға сай заманауи әуежай терминалымен танысты. Қазіргі әуежай жылына 137 мың адамға қызмет көрсетсе, жаңа терминал іске қосылғаннан кейін 220 мың жолаушыны қабылдай алады. Ал жүк тасымалдау көлемі 150 тоннадан 240 тоннаға дейін ұлғаймақ. Жалпы алаңы 7500 шаршы метр болатын әуежайда телескопиялық трап, жолаушыларға, оның ішінде қозғалыс қабілеті шектеулі азаматтарға ыңғайлы болу үшін эскалаторлар мен лифттер қарастырылмақ. Терминал құрылысы 2024 жылы аяқталады.Сапар барысында Марат Қарабаев өңір тұрғындарымен кездесіп, азаматтарды жеке қабылдады. Облыс орталығындағы көпқабатты тұрғын үйлердің абаттандырылған ауласын көріп, жаңадан ашылған «Анаға тағзым» орталығының жұмысымен танысты. Облыс әкімі Нұрлыбек Нәлібаевпен аймақтың жол-көлік инфрақұрылымын дамыту мәселелерін талқылады.<figure class="image"><img src="https://knadmin.beoblood.kz/uploads/408171949_652885643699350_3352213549143802656_n_b020ddfdfb.jpg" alt="408171949_652885643699350_3352213549143802656_n.jpg"></figure>&nbsp;<figure class="image"><img src="https://knadmin.beoblood.kz/uploads/408149936_652885337032714_6112312968550443526_n_e3ae79dc4b.jpg" alt="408149936_652885337032714_6112312968550443526_n.jpg"></figure>&nbsp;<figure class="image"><img src="https://knadmin.beoblood.kz/uploads/408187412_652886407032607_6164198782042068936_n_dbd28b76a2.jpg" alt="408187412_652886407032607_6164198782042068936_n.jpg"></figure>

ҚР Көлік министрі Сыр өңіріне келді

Фото: Н.Нұржаубай<a href="https://kyzylorda-news.kz/ru">Kyzylorda-news.kz</a>&nbsp; Жыл соңына дейін аймақты газдандыру деңгейін 75 пайызға жеткізу жоспарланған. Облыс әкімінің бірінші орынбасы Серік Қожаниязов Өңірлік коммуникациялар қызметінің баспасөз алаңында осылай мәлімдеді.Жалпы, биыл 26 газбен жабдықтау жобаларын жүзеге асыруға барлығы 9,3 миллиард теңге қаржы бөлініпті. Жыл басынан бері облыс аумағында 4 елді мекен табиғи газға қосылып үлгерген. Ал, 8 елді мекеннің газдандыру жұмыстары аяқталуға жақын. Осылайша, 12 елді мекеннің 40 мыңға жуық тұрғыны табиғи газдың игілігін көретін болады.Мемлекет басшысының тапсырмасына сәйкес, 100 пайыз халықты таза ауыз сумен қамтамасыз ету көзделген. Бүгінде өңірімізде кешенді жоспар әзірленіп, тиісті жұмыстар тізбегі қалыптасқан.<blockquote>Облыс бойынша халық санымен алғанда 98,1 пайызы орталықтандырылған ауыз су жүйесіне қосылған. Осы жылы 23 жобаға барлығы 7,2 миллиард теңге қаржы бөлінді. Жобалар толығымен аяқталған соң, 163 шақырым ауыз су жүйелері жаңғыртылып, 100 мыңнан аса халықтың ауыз сумен қамтылуы жақсарады. Сонымен қатар, облыстық бюджеттен Арал ауданы Құланды елді мекеніне және Шиелі ауданы Жуантөбе елді мекеніне су тұщытқыш орнатуға 38,5 миллион теңге қаржы бөлінді. Жыл соңына дейін ауыл тұрғынын ауыз сумен қамту деңгейін 98,3 пайызға жеткізу жоспарлануда, - деді Серік Салауатұлы.</blockquote>Аймақта келесі өзекті салалардың бірі – энергетика саласы. Серік Қожаниязовтың айтуынша, аймақ басшысы бұл бағытта нақты шараларды қабылдауды тапсырған. Сол себепті өткір мәселенің шеті шыққан сыңайлы. Қызылорда қаласындағы ең бірінші кезекте жөндеуді қажет ететін электр жүйелерін жөндеу мақсатында облыстық бюджеттен 1,6 миллиард теңге қаржы бөлініп, тиісті жұмыстар атқарылуда. Облыстағы электр желілерінің тозу деңгейін төмендету үшін және аталған жұмыстарды жалғастыруға келесі жылға қаржы бөлінген. Брифингте облыс әкімінің бірінші орынбасары жылу беру маусымы мен ТЭЦ жайлы да қоса кетті.<blockquote>Жылу беру маусымы 13 қазаннан басталып, тұрақты өтуде. Облыстағы барлық 1067 әлеуметтік нысан мен орталықтандырылған жылу жүйелеріне қосылған 855 көпқабатты тұрғын үй жылумен қамтамасыз етілуде. Бүгінде ТЭЦ-тің негізгі агрегаттары мен қондырғыларының тозу деңгейі жоғары екендігі баршамызға белгілі. Осы жылы ТЭЦ-тің 2 газотурбиналық қондырғысы мен 1 су қазандығына облыстық бюджет есебінен күрделі жөндеу жұмыстары жүргізілуде. Бұдан басқа, кәсіпорынның өз қаржысы есебінен 9 бу қазандығы мен 1 бу турбинасына және 18 автономды қазандықтарға жөндеу жұмыстары 100 пайызға орындалды, - деді Серік Қожаниязов.</blockquote>

Қызылорда: 8 елді мекеннің газдандыру жұмыстары аяқталуға жақын

Фото: Өңірлік коммуникациялар қызметі<a href="https://kyzylorda-news.kz/ru">Kyzylorda-news.kz</a>&nbsp; Жыл сайын аграрлық саланы дамытуға мемлекет тарапынан көптеген қолдау көрсетілуде. Нақтырақ айтсақ, биыл облыстың аграрлық саласына 18,5 млрд.теңге қаржы бөлінсе, оның 14,0 млрд.теңгесі субсидиялауға қарастырылған. Осы мемлекеттік қолдаудың арқасында ауыл шаруашылығы саласында 202,9 млрд теңгенің өнімі өндіріліп, өсім көрсеткіші 2,6 пайызға артты. Нәтижесінде, негізгі қорға 9,4 млрд.теңге инвестиция салынды. Сондай-ақ, алдағы 3 жыл ішінде агроөнеркәсіп саласында өңделген өнім үлесін 70 пайызға ұлғайту мақсатынла 11 инвестициялық жоба қарастырылды. Бүгінде оның 8 жобасы жүзеге асырылды. Бұл туралы Өңірлік коммуникациялар қызметінің ақпарат алаңында облыс әкімінің бірінші орынбасары Серік Қожаниязов хабарлады.<blockquote>Мемлекет басшысы өз Жолдауында ауыл шаруашылығы саласында егіс түрлерін көбейту бағытында жұмыс жасау қажеттігін айтқан болатын. Бұл ретте аймағымызда әртараптандыру бағыты тиісті деңгейде қолға алынып, егін алқаптары ұлғайып келеді. Биылдың өзінде егіс көлемі өткен жылмен салыстырғанда 4,8 мың гектарға ұлғайып, 193,4 мың гектарға дән себілді. Ал негізгі дақыл күріштің көлемі 89,0 мың гектарды құрады. Егін жинау қорытындысымен күріштен - 503,3 мың тонна, картоптан - 94,4 мың тонна, көкөністен - 152,1 мың тонна, бақша өнімдерінен - 246,6 мың тонна өнім жиналды. Өздеріңіз білетіндей, аймақта су тапшылығы айтарлықтай сезілуде. Осыған сәйкес, егіс көлемін әртараптандыруға басымдық берудеміз. Ал басты дақыл күріш көлемін біртіндеп тұрақтандыра отырып, егіс алқаптарын әртараптандыру мақсатында суды аз қажет ететін майлы, жемшөп және бақша дақылдарын ұлғайтуды жоспарлаудамыз. Сәйкесінше, 2025 жылға қарай күріш алқабы бөлінген су көлеміне қарай 80 мың гектарға тұрақтандырылып, суды аз қажет ететін дақылдардың егіс көлемін 8,7 мың гектарға ұлғайту көзделуде, - деді Серік Қожаниязов.</blockquote>Брифинг барысында облыс әкімінің бірінші орынбасары Серік Салауатұлы су шаруашылығында атқырылған жұмыстарды баяндап, күрделі деп танылған су тапшылығы мәселесінің алдын алу бойынша негізгі шараларды атап өтті.<blockquote>Биылғы вегетациялық кезең өте күрделі су тапшылығы жағдайында өтті. Мемлекетаралық су шаруашылығын үйлестіру комиссиясында Шардара су қоймасына 1 қазанға дейін 4,2 млрд.м3 су түсуі болжанса, нақты 2,4 млрд.м3 немесе 57 пайызы түсті. Осыған қарамастан жауапты министрліктермен және шаруалармен бірлесіп, егілген егістікті судан қалдырмау шараларын барынша жүргіздік. Арнайы жұмыс тобы құрылып, шаруашылықтарға су кезекпен берілді. Шаруалар жоғары орналасқан жерлерге су жеткізу және қашыртқыдағы суды екінші мәрте пайдалану үшін 351 насос қолданды. Сонымен қатар, Су ресурстары және ирригация министрлігімен бірге «Қызылорда облысындағы суармалы жүйелерді қалпына келтірудің жол картасын» әзірледік. Соның аясында облыста тасқын суларды жинақтау, суармалы суды бөлу мен есепке алу процестерін автоматтандыру арқылы ирригациялық инфрақұрылымды қайта құру мен жаңғырту шаралары жүргізілетін болады. Сондай-ақ, Үкіметпен бірлесіп 1 млрд. текше метрге дейін тасқын суды жинақтауға арналған Қараөзек су қоймасын салу жоспарлануда. Одан бөлек, иесіз каналдарды, қашыртқыларды және кіші гидротехникалық құрылыстарды есепке алып, күтіп ұстау үшін облыстық су шаруашылығы мекемесін құруды жоспарлап отырмыз, - деді Серік Салауатұлы.</blockquote>

Агроөнеркәсіп саласында 11 инвестициялық жоба іске қосылмақ

Фото: Н.Нұржаубай<a href="https://kyzylorda-news.kz/ru">Kyzylorda-news.kz</a>&nbsp; Сыр өңірінің әлеуметтік экономикалық әлеуеті айтарлықтай артып келеді. Әсіресе, аймаққа инвестиция тарту көрсеткіші артып, жыл басынан бері 386,4 млрд.теңгені құраған. Бұл туралы Өңірлік коммуникациялар қызметінің ақпарат алаңында облыс әкімінің бірінші орынбасары Серік Қожаниязов хабарлады.<blockquote>«Биыл облысқа 472 млрд.теңге инвестиция тарту жоспарланды. Тиісінше бұл өткен жылмен салыстырғанда 59 млрд.теңгеге артық. Жыл басынан бері өңірге 386,4 млрд.теңге инвестиция тартылып, 27,7 пайыздық өсім қалыптасты. Инвестициялардың 73,6 пайызы жеке инвестициялар есебінен тартылды. Сондай-ақ, биыл кәсіпкерлік саласына байланысты 3 561 жобаға қаржылай қолдау көрсетіліп, жүзеге асырыла бастады. «Кәсіпкерлікті дамыту жөніндегі ұлттық жобасы» аясында жыл басынан бері 24,6 млрд теңгені құрайтын 690 жоба субсидияланды. Бұдан бөлек, аймақта шағын және орта кәсіпкерлік субъектілер саны 10,3 пайызға ұлғайып, 71 мың бірлікке жетті. Экономикалық белсенді халықтың үштен бір бөлігі осы кәсіпкерлік саласында жұмыспен қамтылды. Шағын және орта кәсіпкерліктің экономикадағы үлесі өткен жылы 19,1 пайызды құраса, биыл бұл көрсеткіш 21,5 пайызға жеткізілмек», - деді Серік Салауатұлы.</blockquote>

Қазақстан және Қызылорда облысының жаңалықтары: Экономика