<a href="https://kyzylorda-news.kz/">Kyzylorda-news.kz.</a> «Сарыарқа» магистральдық газ құбырының құрылысы аяқталып, пайдалануға берілді, деп хабарлайды ҚР Энергетика министрлігінің баспасөз қызметі.
Қызылорда облысынан бастау алған «Сарыарқа» газ құбыры еліміздің елордасын, орталық және солтүстік өңірлерін отандық көгілдір отынмен қамтамасыз етуге мүмкіндік береді.
<blockquote>
 «Нұр-Сұлтан, Қарағанды, Теміртау, Жезқазған қалаларының және газ құбыры трассасының бойына жақын орналасқан 171 елді мекеннің шамамен 2,7 млн тұрғыны табиғи газға қол жеткізеді. Аталған газ құбырын салу ҚР Тұңғыш Президенті – Елбасы Н. Ә. Назарбаевтың «Бес әлеуметтік бастама» атты Қазақстан халқына жолдауының аясында және «Сарыарқа магистральдық газ құбыры құрылысын уақтылы аяқтау туралы Мемлекет басшысы Қ.К. Тоқаевтың «Игілік баршаға! Сабақтастық. Әділдік. Өрлеу» сайлауалды бағдарламасы аясында жүзеге асырылды. 2018 жылдың желтоқсан айында Елбасының қатысуымен өткен Телекөпір барысында газ құбырының құрылысын бастау рәсімі өтті. Биылғы қаңтарда техника мен адамдарды жұмылдыру, наурыз айында газ құбырын дәнекерлеу жұмыстары басталды. Құрылыс барысында 1 мыңнан астам техника және шамамен 2 мың адам жұмысқа тартылды», – делінген министрлік мәліметінде.
</blockquote>
Сонымен қатар, құрылыс барысында отандық өндірушілер барынша жұмылдырылды. Бас мердігер – отандық «ҚазҚұрылысСервис» компаниясы. Ілмекті арматура және кран тораптарымен жергілікті өндіруші «Бемер Арматурен Қазақстан» компаниясы, ал автоматтандырылған газ тарату станцияларымен «Батыс Мұнай Газ жабдықтары» компаниялары қамтамасыз етті.
<blockquote>
 «Нормативті мерзіммен салыстырғанда айтарлықтай қысқа мерзімде 1061,3 километр газ құбыры, 5 бірлік қуатты автоматтандырылған газ тарату станциясы, сондай-ақ газ өлшеу стансасы салынды. Бұл жұмыстың үйлесімділігін және біздің мамандарымыздың жоғары кәсіби даярлығын, құрылыс барысында пайдаланылған технологиялардың инновациялығын көрсетеді», – делінген хабарламада.
</blockquote>
Тұтастай алғанда, жобаны іске асыру мультипликативті әсер әкелетінін, шағын және орта бизнестің дамуына, жаңа жұмыс орындарының пайда болуына, сондай-ақ газ құбыры бойындағы өңірлер инфрақұрылымының дамуына серпін беретінін атап өткен жөн.

«Сарыарқа» магистральдық газ құбыры іске қосылды

<a href="https://kyzylorda-news.kz/">Kyzylorda-news.kz.</a> Сәйкесінше өңірдегі құрылыс көлемінің басым бөлігі әлеуметтік нысандардың үлесінде,&nbsp;деп хабарлайды <a href="https://24.kz/kz/zha-aly-tar/o-am/item/364451-yzylorda-oblysy-byudzhetini-50-leumettik-sala-a-b-linedi">«Хабар 24»</a>.
Ағымдағы жылы білім, денсаулық, мәдениет және спорт саласы бойынша 25 көпбейінді кешен құрылысы басталып, 12-сі пайдалануға берілді.
Доңыз жылы ашылған нысандардың көлемі жағынан ең үлкені – жастар орталығы. Сырдарияның сол жағалауына орналасқан сәулетті кешен дарынды, өнерпаз өрендердің басқосу алаңына айналды.
<blockquote>
 «Жастар орталығының қазіргі таңнын өзінде 40 мыңға жуық жас игілігін пайдаланды. ІТ кітапхана, фитнес, мәжіліс, түрлі бағыттағы шара ұйымдастыруға арнайы залдармен қамтылған. Бұл – жастарға мемлекеттің үлкен қолдауы», – дейді жастар ресурстық орталығының директоры Бауыржан Мәстеков.
</blockquote>
Ағымдағы жылы 10 білім нысанының құрылысы жүргізіліп, жартысы аяқталды. Республикалық бюджетке салынған Жаппасбай батыр көшесіндегі 600 орындық мектеп жуырда ел игілігіне берілмек.
<blockquote>
 «Құрылыс негізі 2 жылға есептелген, өткен жылы басталды, биыл жыл соңына пайдалануға қабылдаймыз. Бүгінгі күнге 49 млн теңге, яғни 5% ақшасы қалды. Қалған ақшасы игерілді. Қазір құрал-жабдық тасымалдау, монтаждау жұмыстары жүріп жатыр. Жаппасбай батыр көшесінде көпқабатты үйлерде қазір балабақша жоқ. Саяхат мөлтек ауданына 600 орындық мектеп келесі жылы басталады деп күтіп отырмыз. Басқа да құрылыстар аудандарда бар. Келесі жылғы жоспар биылғы жылдан төмен болмайды», – дейді құрылыс, сәулет және қалақұрылысы басқармасының басшысы Мұхамедиса Әлсеріков.
</blockquote>
Құрылыстағы негізгі облигациялар тұрғын үй нарығына тиесілі. Соңғы жылдары облыс орталығында 15 жаңа шағын аудан бой көтерді. Биылдың өзінде 46 көпқабатты үйдің құрылысы жүргізіліп, қызылордалықтар 720 мың шаршы метр тұрғын үйге қоныстанды.&nbsp;&nbsp;&nbsp;
<blockquote>
 «Қорқыт ата атындағы ҚМУ ғалымдар үйінде тұрып келдім. Міне енді өз пәтеріме жетіп, қуанып жатқан жайым бар. Қос баланың әкесімін. Жастар жылында өзіме қуаныш болып жатыр», – дейді қала тұрғыны Қуандық Нарымбетов.
 «Бұл пәтерді көп күттім. 2016 жылдан бастап салымшы болып келемін. Бұған дейін жалдамалы пәтерде тұрдым. Қазір қолым жетіп жатыр, үлкен рақмет. Әр қазақ баспаналы болсын», – дейді қала тұрғыны Айдана Алтай.
 «Қаржы жинақтап, «Нұрлы жер» бағдарламасы арқылы пәтерге қол жеткіздім. Өзіме ұнаған қабаттан 3 бөлмелі пәтер кілтін алдым. Мемлекетіміз осындай бағдарламаны жасап, халыққа көп көмегі болып отыр», – дейді қала тұрғыны Айжан Жүсіпбекова.
</blockquote>
Құрыш қолды құрылысшылар келесі жылы да жұмыссыз қалмайды. Өңірде 31 нысан бой көтермек. Оның ішінен Сырдария сол жағалауына түсетін драм театр, жабық стадион және аурухананы ерекше атап өтуге болады.

Қызылорда облысы бюджетінің 50% әлеуметтік салаға бөлінеді

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Қуанышбек Ысқақов Арал ауданында жұмыс сапарымен болды. “Aral” қонақ үйінің ашылу рәсіміне қатысып, аудандық оқушылар үйінің құрылыс жұмыстарының барысымен, “Sulpak” сауда орталығының және ЖК “Жалғасбеков Талғаттың” жол бойғы қызмет көрсету кешенінің де жұмысын көрді.
“Aral” қонақ үйі 540 млн. теңгеге «Бизнестің жол картасы – 2020» бағдарламасы аясында салынған. Қонақ үйде 33 жатын бөлме, кафе, мәжіліс зал, шағын кездесу бөлмесі қарастырылған. Аталмыш нысан жеке кәсіпкердің қаржысына салынған. Сол арқылы 40 адамды тұрақты жұмыспен қамтып отыр.
Аймақ басшысы жаңа нысанның ашылуында аудан экономикасының дамуына, сәулетіне үлес қосып отырған жоба басшылығына алғысын айтты.
<blockquote>
 “Аймағымызда құрылыс жұмыстары жылдан-жылға қарқынды дамып, кәсіпкерлеріміз халықтың қажеттілігін қамтамасыз ететін орындарды көптеп ашып, соның нәтижесінде жаңа жұмыс орындары да құрылуда. 2018-2020 жылдар өңірімізде жаппай кәсіпкерлікті қолдау жылы болып жарияланғаны белгілі. Соның екі жылында шағын және орта бизнес өкілдері көптеген ғимараттар салып, жаңа жұмыс орындарын ашып, облыстың көркеюіне үлес қосып келеді. Бүгін, міне, сондай игі істердің бірі – күрделі жөндеуден өткен, заманауи үлгідегі “Aral” қонақ үйі пайдалануға беріліп отыр. Қала тұрғындары мен қонақтарына сапалы қызмет көрсетуді мақсат етіп, қолайлы әрі жайлы жағдайлар жасалған осындай нысандарды көбейтудің маңызы зор”,- деді облыс әкімі Қ.Ысқақов.
</blockquote>
Аймақ басшысы Қуанышбек Досмайылұлы “Aral” қонақ үйінің ашылуынан кейін аудандағы бірқатар нысандарды аралады.
Аудандық оқушылар үйі 1940 жылы салынған ескі ғимаратта жұмыс істеп келген. “Қызылорда облысының құрылыс, сәулет және қала құрылысы басқармасы” ММ тапсырмасымен жаңа аудандық оқушылар үйінің құрылысы басталған. Орталық 250 адамға лайықталған.
Наурыз айында Арал ауданынан тұрмыстық техника сататын ” Sulpak ” дүкені ашылған болатын. 30 аса адамды жұмыспен қамтып отырған сауда орталығының құны 110 млн. теңге.Облыс әкімі кәсіп ашып, халықты жұмыспен қамтуға , өңір экономикасын дамытуға үлес қосқысы келетін барша кәсіп иелеріне жергілікті билік тарапынан қолдау көрсетілетіндігін айтты.
«Батыс Еуропа – Батыс Қытай» халықаралық көлік дәлізі бойындағы «С» және «Д» санатты жол бойы сервистік қызмет көрсету кешенінің құрылыс жұмысы наурыз айында басталған. Жеке кәсіпкер қаражатына салынған аталмыш кешеннің аумағы 600 шаршы метр. Жобаға сәйкес май құю бекеті, қонақ үй, сауда дүкенінің құрылыстары жүргізілуде.
<img src="https://kyzylorda-news.kz/wp-content/uploads/2019/12/26akimataral2.jpg" alt="" />
<img src="https://kyzylorda-news.kz/wp-content/uploads/2019/12/26akimataral3.jpg" alt="" />

Арал ауданында кәсіпкерлік нысандар пайдалануға берілді (ФОТО)

<a href="https://kyzylorda-news.kz/">Kyzylorda-news.kz.</a> Биыл Қармақшы ауданында тіркелген кәсіпкерлік субьектілердің саны 3166 бірлікті құрады. Оның 85 пайызы жұмыс жасап жүрген кәсіпкерлер. Бұл туралы Өңірлік коммуникациялар қызметінің ақпарат алаңында өткен баспасөз конференциясында Қармақшы ауданының әкімі Мұса Қалдарбеков мәлімдеді.
<blockquote>
 «Аудан бойынша кәсіпкерлік негіздерінен 675 адам оқытылды. Оның ішінде «Бастау-бизнес» жобасымен 350 адам, «Бизнес-кеңесші» жобасымен 215 адам, «Жас кәсіпкер» жобасы бойынша 110 адам. Сондай-ақ, «Еңбек» мемлекеттік бағдарламасы аясында 118 кәсіпкер шағын несие алды. Ал бағдарламаның гранттық қолдауы бойынша 197 кәсіпкердің жобасы қаржыландырылды. Сонымен қатар, ауданның өнеркәсіп саласындағы кәсіпорындар тиісті мөлшерде өнім өндіріп, өткен жылмен салыстырғанда 94,3 пайызға артты», – деді Мұса Оспанұлы.
</blockquote>
Мұнан өзге, ауданда «Қарапайым заттар экономикасы» бағдарламасы аясында 2 жоба қаржыландырылуда. Атап айтқанда, Жосалы кентіндегі «Елубаев Әмиттің» жеке қожалығы «Жиһаз цехын ашу» және Қуандария ауылындағы «Олжа» шаруа қожалығы қазақтың ақ бас сиырын сатып алу жобасы бойынша жұмыс жасауда.

Қармақшыда кәсіпкерлік саласы қанат жайып келеді

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>ҚР Үкіметінің №955 қаулысымен «Астана ЭКСПО-2017» ұлттық компаниясы» акционерлік қоғамының атауы «QazExpoCongress» ұлттық компаниясы» акционерлік қоғамы болып өзгерді деп хабарлайды <a href="http://lenta.inform.kz/kz/astana-ekspo-2017-kompaniyasynyn-atauy-ozgerdi_a3597898">ҚазАқпарат</a>.
«QazExpoCongress» ұлттық компаниясы» акционерлік қоғамы акцияларының 100 пайыз мөлшеріндегі мемлекеттік пакетіне иелік ету және пайдалану құқығы ҚР Сауда және интеграция министрлігіне өтеді.
<blockquote>
 «QazExpoCongressке» маңызды мемлекеттік және квазимемлекеттік халықаралық сауда-экономикалық іс-шараларын жүргізу бойынша «Бірыңғай оператордың» өкілеттігі берілетін болады. Құзыреттердің шоғырлануы стандарттар мен тәсілдерді (бірыңғай тұжырымдама, фирмалық стиль мен ұлттық нақышты) біріздендіру, бірыңғай институтционалдық жадынаманы құру арқылы қазақстандық іс-шараларды ұйымдастыру деңгейін арттыруға мүмкіндік береді. Бірыңғай оператордың «толық дайын» іс-шараларды ұйымдастыруы тек қана Қазақстанның сауда-экономикалық мүдделерін қорғауға және бастамаларын ілгерілетуге мемлекеттік органдарды «қайта бағдарлауға» әсерін тигізеді«, – делінген министрлік хабарламасында.
</blockquote>

«Астана ЭКСПО-2017» компаниясының атауы өзгерді

<a href="https://kyzylorda-news.kz/">Kyzylorda-news.kz.</a> Облыс әкімі Қ.Ысқақов бизнес-қауымдастық өкілдерімен кездесті. Шараға ірі, орта және шағын кәсіпкерлік субъектілері, кәсіпкерлік саласындағы мемлекеттік мекемелер, қаржы институттарының басшылары қатысты.
Өткен жылы жаңа тұрақты жұмыс орындарын құру, жұмыссыз азаматтардың санын азайтуға ықпал жасау, аймақта шағын және орта бизнестің үлесін ұлғайту мақсатында жаппай кәсіпкерлікті дамытудың үшжылдығы жарияланды. Биыл үшжылдықтың екінші жылы қорытындылануда. Бұл кезеңдерде облыста кәсіпкерлік саласын дамытып, бизнеске барынша қолайлы жағдай жасауда бизнес өкілдері біршама жетістіктерге жетті. Жаппай кәсіпкерлікті дамыту аясында екі жыл қатарынан кешенді «Жол картасы» әзірленіп, әртүрлі қаржы көздерінен 32 млрд. теңге, осы жылы 34 млрд. теңге қаралған. Сондай-ақ, осы жылы 2 433 жұмыссыз, өзін-өзі жұмыспен қамтыған азаматтар ісін бастауға мемлекеттік бағдарламалар аясында 1 млрд. 75 млн. теңге көлемінде қайтарымсыз грант қаражаттарын иеленген. Сонымен қатар, облыс бойынша 1035 аса жұмыссыздар мен өзін-өзі жұмыспен қамтыған азаматтарға, кәсіпкерлерге 4 млрд. теңгеге жуық шағын несиелер де қарастырылған. Тұрақты бизнестің 134 жобасына екінші деңгейлі банктерден 5 млрд. теңгеден астам несие қаражаты бағытталып, «Бизнестің жол картасы 2020», «Қарапайым заттардың экономикасы» бағдарламалары аясында аз пайыздық несие берілген. Жыл басынан бері 6 мыңға жуық жұмыссыз, өзін-өзі жұмыспен қамтыған азаматтар кәсіпкерлік негіздерінде оқытылған.
Естеріңізге сала кетейік Тәуелсіздік күніне орай өткен республикалық “Алтын сапа-2019” байқауында “СКЗ-U” және “Абай Дәулет” ЖШС үздіктер қатарынан көрінді. Сонымен қатар, аймақ басшысы кәсіпкерлік саласындағы бірқатар жетістіктерге тоқталып, алдағы атқарылатын шаралар туралы айтты.
<blockquote>
 “Жыл басынан бері жұмыс істеп тұрған шағын және орта бизнес субъектілерінің саны 3 081 бірлікке ұлғайып, бүгінде 45 423 бірлікті құрады. Өткен жылдың сәйкесті кезеңімен салыстырғанда өсім 6,7%. Облыстың экономикалық белсенді халқының үштен бір бөлігі, яғни 91 мыңнан аса бөлігі шағын және орта бизнесте жұмыспен қамтылып, 163 млрд. теңгенің өнімі өндірілді. Мемлекет басшысы ел экономикасындағы шағын және орта бизнестің үлесін 2025 жылы 35 пайызға жеткізу қажеттігін атап өтті. Соңғы 5 жыл ішінде өңірімізде шағын және орта кәсіпкерліктің жалпы өңірлік өніміндегі үлесі 4,9 пайызға ұлғайып, 2018 жылдың қорытындысымен 16,9 пайызды құрады. Биылғы жылдың 6 айындағы көрсеткіш 4,9 пайыз болды”,- деді облыс әкімі Қ.Ысқақов.
</blockquote>
Сондай-ақ, шарада кәсіпкерлік саласын дамытуға қосқан үлесі үшін бірқатар бизнес-қауымдастық өкілдері және кәсіпкерлік саласындағы мемлекеттік мекеме басшылары облыс әкімінің Алғыс хаттарымен марапатталды.
<img src="https://kyzylorda-news.kz/wp-content/uploads/2019/12/23akimatkasipker2.jpg" alt="" />
<img src="https://kyzylorda-news.kz/wp-content/uploads/2019/12/23akimatkasipker3.jpg" alt="" />
<img src="https://kyzylorda-news.kz/wp-content/uploads/2019/12/23akimatkasipker4.jpg" alt="" />

Қызылорда облысы әкімінің бизнес-қауымдастық өкілдерімен жыл сайынғы дәстүрлі кездесуі өтті (ФОТО)

<a href="https://kyzylorda-news.kz/">Kyzylorda-news.kz.</a> Ұлттық банк 2020 жылдың 1 қаңтарынан бастап Ұлттық қор трансферттерінің валюта нарығындағы айырбасын ай сайын және тоқсан сайын жариялап отыруы тиіс, деп хабарлайды <a href="https://24.kz/kz/zha-aly-tar/ekonomika/item/362366-memleket-basshysy-mikro-zh-ne-sha-yn-biznes-tabys-saly-ynan-3-zhyl-a-dejin-bosatylady">«Хабар 24»</a>.
<blockquote>
 Бұл – Қазақстан Президентінің Ұлттық қоғамдық сенім кеңесінің екінші отырысында айтқан сөзі. Мемлекет басшысы ақша-несие саясатының стратегиясы қабылданатынын да айтты. Сонымен қатар «Микро және шағын бизнес табыс салығынан 3 жылға дейін босатылады. Оларды тексеруге дәл осындай мерзімге мораторий жарияланды», – деді Қасым-Жомарт Тоқаев.
</blockquote>

Президент микро және шағын бизнес табыс салығынан 3 жылға дейін босатылатынын айтты

<a href="https://kyzylorda-news.kz/">Kyzylorda-news.kz.</a> Биыл ауданда шағын және орта кәсіпкерлікке тіркелген субьектінің саны 4655-ке жетіп, өткен жылдың осы кезеңімен салыстырғанда 103,5 пайызға артқан. Бұл туралы Өңірлік коммуникациялар қызметінің ақпарат алаңында өткен баспасөз конференциясында Шиелі ауданының әкімі Әшім Оразбекұлы мәлімдеді.
<blockquote>
 «Жұмыс жасайтын кәсіпкерлердің саны 4203-ті құрап, 106 пайызға ұлғайды. Сонымен қатар, «Бастау Бизнес» жобасы бойынша кәсіпкерлік негіздерінен 382 адам оқу курсынан өтіп, сертификат алды. Сондай-ақ, «Еңбек» бағдарламасы бойынша 265 жобаға қайтарымсыз грант берілді»,-деді Әшім Оразбекұлы.
</blockquote>
Ал, ауыл шаруашылығын қаржылай қолдау қоры арқылы «Сыбаға» бағдарламасы бойынша 4 азаматқа несие беріліп, оған 795 бас қой алынды.
Мұнан өзге, биыл ауданның өнеркәсіп орындары өндірген өнімдер өткен жылмен салыстырғанда 104,3 пайызға ұлғайды. Оның ішінде өңдеу өнеркәсібі өнімінің көлемі 123,3 пайызға орындалды.
<img src="https://kyzylorda-news.kz/wp-content/uploads/2019/12/20msbshieli2.jpg" alt="" />

Шиеліде кәсіпкерлік саласының аясы кеңейді

28 жылда Қазақстанға қанша инвестиция тартылды

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Бүгін облыс әкімі Қ.Ысқақовтың төрағалығымен облыстық маслихаттың кезекті 40 сессиясы өтті.
Күн тәртібінде 23 мәселе қаралды. Оның ішінде 2020-2022 жылдарға арналған облыстық бюджет жобасын қалыптастыру, Арал, Шиелі, Жаңақорған аудандарында құрылысы жоспарланған жобаларға мемлекеттік-жекешелік әріптестік бойынша мемлекеттік міндеттемелерді қабылдау және т.б мәселелері талқыланып, жыл көлемінде атқарылған жұмыстар қорытындыланды.
Аймақ басшысы облыс бюджетінде нақты қай салаларға басымдық берілетіні туралы айтты. Сонымен қатар, негізгі күш халықтың әл-ауқатын жақсартуға жұмсалатынын жеткізді.
<blockquote>
 “2020-2022 жылдарға арналған облыстық бюджет жобасын қалыптастыру барысындағы басты міндет халықтың әл-ауқатын жақсарту, оның ішінде азаматтардың барлық өтініш-тілектерін жедел әрі тиімді қарастыратын “Халық үніне құлақ асатын мемлекет” тұжырымдамасын іске асыру болып табылады. Сонымен қатар, алдағы үш жылдық кезеңге арналған бюджетті қалыптастыру процесінде көзделген қаражаттың 50% кем емесін азаматтардың өзекті әлеуметтік проблемаларын шешуге бағыттау туралы Мемлекет басшысы Қасым-Жомарт Кемелұлы Тоқаевтың тапсырмасы басшылыққа алынды. Әлеуметтік саланың шығыстары 2020 жылға жалпы шығындар көлемінің 50 пайыздан кем емес жоспарланды”,- деді облыс әкімі Қ. Ысқақов.
</blockquote>
2020-2022 жылдарға арналған жергілікті бюджеттің ерекшелігі – 2020 жылдың 1 қаңтарынан бастап үкімет пен өңірлер арасындағы бюджетаралық қатынастар аясында шағын және орта бизнестен алынатын корпоративтік табыс салығы жергілікті бюджеттерге беріледі. Енді жергілікті органдар кәсіпорындардың санын ұлғайтуға және өндірісті кеңейтуге мүдделі болуы тиіс. Яғни, жергілікті шағын және орта бизнесті дамытуға жақсы ынталандыру болады, бұл өңірді дамытуға және халықтың қажеттілігіне көбірек қаржы бөлуге мүмкіндік береді.
<blockquote>
 “Өңірдің орта мерзімді кезеңге қойылған әлеуметтік – экономикалық даму міндеттерін ескере отырып, үш жылға арналған облыстық бюджет шығыстарының басымдықтары ретінде қорғаныс, қоғамдық қауіпсіздік, білім, денсаулық, әлеуметтік қамсыздандыру, мәдениет, ауылшаруашылығы, кәсіпкерлік салаларына берілетін болады”,- деді аймақ басшысы.
</blockquote>
<img src="https://kyzylorda-news.kz/wp-content/uploads/2019/12/12akimatsessiya2.jpg" alt="" />

Қызылорда облысында бюджеттің 50 % әлеуметтік салаға жұмсалады

<a href="https://kyzylorda-news.kz/">Kyzylorda-news.kz.</a> Қызылорда облысында қуаты жылына 197,1 мың тонна шыны өндіретін зауыт 2020 жылдың шілде айында іске қосылады. Бұл туралы Өңірлік коммуникациялар қызметінің ақпарат алаңында «Orda Glass Ltd» ЖШС-нің басқарма төрағасы Ержан Сағынбаев мәлімдеді.
<blockquote>
 “Қазіргі таңда құрылыс жұмыстарына 11 мердігер компаниядан 219 жұмысшы жұмылдырылды.Құрылыс заттарының басым бөлігі жергілікті жерден алынып жатыр. Жұмысшыларға да бар жағдай жасалған. Зауыт&nbsp;толық іске қосылғанда 160 адам жұмыспен қамтылады.Сонымен қатар, шыны зауытының құрылысына бас мердігер ретінде Чайн Триумф Интернешнл Инжиниринг қытайлық трансұлттық компаниясы тартылды.Үстіміздегі жылдың 4 желтоқсанында серіктестік өкілдерінің “StewartEngineers” вице-президенті Волтером Дениэлмен кездесуі өтті. Нәтижесінде, екі тарап ортақ шешімге келді”,- деді Ержан Сағынбаев.
</blockquote>
Мұнан өзге, шыны зауытын газ және сумен жабдықтау, электр желілерін, автожол және байланыс орнату үшін жұмыстар жүргізілуде.

Қызылордада 2020 жылы шыны зауыты іске қосылады

<a href="https://kyzylorda-news.kz/">Kyzylorda-news.kz.</a> Қазақстан салық төлеушілер қауымдастығы басқару кеңесінің төрайымы Жанат Ертілесова еліміздегі нарық пен салық жеңілдіктері туралы пікір білдірді, деп хабарлайды ҚазАқпарат.
<blockquote>
 «ЭДЫҰ елдерінде табиғи монополиялар деген ұғым жоқ. Дамыған елдердің заңнамасында мұндай ұғым жоқ, тек реттелетін нарықтар бар. Ал Қазақстанда монополиялар ұғымы әлі советтік стандарттар бойынша реттеледі. Мұның барлығына бизнес пен шенеуніктер ресурс жұмсайды. Барлығы сараптауға келмейтін тонналаған қағаз толтырады. Мемлекеттік органдарда экономикалық сараптама ұғымы жоқ. Ал дамыған елдерде сотта да экономикалық сараптама қабылданады. Мұндай заманауи тәсілдерді енгізуді шенеуніктердің өздері құнттамай отыр. Монополияға қарсы комитет жүргізген талдаулардың барлығы баға тым жоғары, алыпсатарларды жою керек дегенге саяды. Бұлай болмайды, бәрін нарықтың өзі реттеуі керек. Ең бастысы – бәсеке болуы керек», – деді Жанат Ертілесова Президенттің Қазақстан халқына Жолдауының алғашқы нәтижелері туралы ғылыми-практикалық конференцияда.
</blockquote>
Сонымен бірге, сарапшы салықтық саясат пен әкімшіліктендіру саласына да тоқталды.
<blockquote>
 «ЭДЫҰ елдерінде ЖІӨ-ге салықтық түсімдер үлесі Қазақстанмен салыстырғанда екі есе көп. Бұл бізде салық құны төмен деген сөз емес, бізде көлеңкелі сектордың үлесі көп. Бәрі салықшыларды жазғырады. Президент Жолдауында салық бойынша жақсы бағыттар бар. Солардың бәрі түпкі нәтижеге дейін атқарылса жақсы болатын еді. Бұл салық декларациясы мен өзін-өзі жұмыспен қамтығандарға қатысты. Елімізде салық жеңілдіктеріне экономикалық бағалау жүргізілмеді. Ал бүкіл салық кодексі – жеңілдіктер. Меніңше, олардың тиімділігін бағалау қажет», – деді спикер.
</blockquote>
Үшіншіден, шағын және орта бизнесті айтқанда, үнемі шағын бизнеске көп көңіл бөлінетінін айтты.
<blockquote>
 «Орта бизнес – еліміздің тұрақты дамуының негізі. Бұл ең өзгермелі бизнес. Бірақ, Салық кодексінде де, Бизнестің жол картасында да орта бизнеске жеңілдік қарастырылмаған. Статистика бойынша, елімізде орта бизнес субъектілері азайып келеді», – деді Жанат Ертілесова.
</blockquote>
Айта кетейік, елордада Президент Қасым-Жомарт Тоқаевтың Қазақстан халқына Жолдауының алғашқы нәтижелері талқыланды. Оған мемлекеттік органдардың, Қазақстанның ғылыми-сараптамалық қауымдастығының 80-нен астам өкілі қатысты.

Қазақстан және Қызылорда облысының жаңалықтары: Экономика

«Сарыарқа» магистральдық газ құбыры іске қосылды

Қызылорда облысы бюджетінің 50% әлеуметтік салаға бөлінеді

Арал ауданында кәсіпкерлік нысандар пайдалануға берілді (ФОТО)

Қармақшыда кәсіпкерлік саласы қанат жайып келеді

«Астана ЭКСПО-2017» компаниясының атауы өзгерді

Қызылорда облысы әкімінің бизнес-қауымдастық өкілдерімен жыл сайынғы дәстүрлі кездесуі өтті (ФОТО)

Президент микро және шағын бизнес табыс салығынан 3 жылға дейін босатылатынын айтты

Шиеліде кәсіпкерлік саласының аясы кеңейді

28 жылда Қазақстанға қанша инвестиция тартылды

Қызылорда облысында бюджеттің 50 % әлеуметтік салаға жұмсалады

Қызылордада 2020 жылы шыны зауыты іске қосылады

Қазақстандағы салық жеңілдіктеріне экономикалық бағалау жүргізу керек – сарапшы

Қазақстан және Қызылорда облысының жаңалықтары: Экономика

«Сарыарқа» магистральдық газ құбыры іске қосылды

Қызылорда облысы бюджетінің 50% әлеуметтік салаға бөлінеді

Арал ауданында кәсіпкерлік нысандар пайдалануға берілді (ФОТО)

Қармақшыда кәсіпкерлік саласы қанат жайып келеді

«Астана ЭКСПО-2017» компаниясының атауы өзгерді

Қызылорда облысы әкімінің бизнес-қауымдастық өкілдерімен жыл сайынғы дәстүрлі кездесуі өтті (ФОТО)

Президент микро және шағын бизнес табыс салығынан 3 жылға дейін босатылатынын айтты

Шиеліде кәсіпкерлік саласының аясы кеңейді

28 жылда Қазақстанға қанша инвестиция тартылды

Қызылорда облысында бюджеттің 50 % әлеуметтік салаға жұмсалады

Қызылордада 2020 жылы шыны зауыты іске қосылады

Қазақстандағы салық жеңілдіктеріне экономикалық бағалау жүргізу керек &#8211; сарапшы

Қазақстандағы салық жеңілдіктеріне экономикалық бағалау жүргізу керек – сарапшы