<a href="https://kyzylorda-news.kz/">Kyzylorda-news.kz.</a> Премьер министрдің бірінші орынбасары, қаржы министрі Әлихан Смайылов 2020 жылдан&nbsp;бастап арнайы салық режимін қолданушы шағын бизнес өкілдері кіріс үшін төлейтін салықтан босатылатынын жеткізді.&nbsp;
<blockquote>
 “2020 жылдан&nbsp;бастап арнайы салық режимін қолданушы шағын бизнес өкілдері кіріс үшін төлейтін салықтан 3 жылға босатылады. Жер қойнауын пайдаланушылар,&nbsp; акцизделінетін тауар өндірушілер, ойын бизнесі және сыртқы экономикаға қатысушыларға бұл жеңілдіктер жүрмейді”, – деді қаржы министрі.&nbsp;
</blockquote>
Сөзінше, орта және шағын кәсіп ұйымдарын тексеруге 3 жылға мораторий жарияланатын көрінеді. Дегенмен министр бұл жағдай кәсіпкерлердің кедендік, салықтық комиссия және қылмыстық іске байланысты тексерістерден босатылады деген сөз емес екендігін қосты.&nbsp;&nbsp;
Әлихан Смайылов шағын және орта кәсіп өкілдерінің&nbsp;онлайн төлемдерді атқаратын кассалық аппараттар мен&nbsp;POS-терминалдарды іске қоса отырып, кіріс пен шығыс туралы салықтық есеп беру отырулары қажет деп ескертті.

Қазақстанда 2020 жылы кімдер салықтан босатылады?

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Қуанышбек Ысқақов Батыс Тұзкөл кен орнында орналасқан,&nbsp; жалпы қуаты 16,5 МВт құрайтын электр станциясының ашылу салтанатына қатысты.
Батыс Тұзкөл кен орнындағы газ турбиналық электр станциясына&nbsp; тапсырыс беруші мекеме «Тузколь Мунай Газ Оперейтинг» ЖШС мен «Петро Казахстан инк» компаниялары. Бас мердігер «Транс Азия Констракшн» ЖШС мекемесі. Электр станцияның құрылысы 2018 жылдың 5 желтоқсанында басталған. Газ турбиналы&nbsp; электростанциясының жиынтық қуаты 16,5 МВт.
Аймақ басшысы барша сала мамандарын жаңа жобаның жүзеге асырылуымен құттықтап, осы ірі жобаны жүзеге асырушыларды облыс әкімінің Алғыс хатымен марапаттады.
<blockquote>
 &nbsp;«Мұнайдың&nbsp; өндіріле бастағанына ғасырдан астам уақыт болды. Ал, қара алтынды өндіру, игеру Сыр өңірінде қолға алынғанына ширек ғасырдан асты. Осы мерзім ішінде аймағымызда мұнайды игерумен оннан аса шетелдік компания айналысып келеді. Бұл өз кезегінде жергілікті мыңдаған тұрғынға жұмыс көзі болып отыр. Мұның сыртында қаншама сервистік компаниялар оларға қызмет көрсетеді. Сондай-ақ,облыс тайқазанына түсетін салық көлемінің артуына да үлесін тигізді.&nbsp; Осылайша, «қара алтыннан» түсетін қыруар қаржы есебінен аймақтың әлеуметтік-экономикалық әлеуеті артып, бір ғана Қызылорда қаласы соңғы жылдары көркейіп, өзгерді. Компаниялардың әлеуметтік жауапкершілігі негізінде атқарылып жатқан істер мақтауға тұрарлық»-, деді облыс әкімі Қуанышбек Ысқақов.
</blockquote>
Сонымен қатар, аймақ басшысы кен орнындағы жұмысшылардың жағдайымен танысып, жатын орын, асхана, өрт сөндіру депосын аралап көрді.
<img src="https://kyzylorda-news.kz/wp-content/uploads/2019/11/27akimattan2.jpg" alt="" />
<img src="https://kyzylorda-news.kz/wp-content/uploads/2019/11/27akimattan3.jpg" alt="" />
<img src="https://kyzylorda-news.kz/wp-content/uploads/2019/11/27akimattan4.jpg" alt="" />

Қызылордада газ трубиналық электр станциясы іске қосылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Несие рәсімдеу барысында қарыз алушылардың ешбірі өзінде қаржылық дағдарыс болып қалады деп ойламайды. Алайда 2018 жылы 1,5 млн мерзімі өткен төлем иелері «аяқ астынан» қиындық болып қалғанын жиі айтқан, деп хабарлайды <a href="https://kaz.nur.kz/1829028-nesieizdi-zabatyn-karazat-zok-bolsa-ne-isteu-kerek.html">Nur.kz</a>.
Бүгін біз осындай жағдайда өзіңізді қалай ұстау керектігін айтамыз.
Ақша болмай қалған жағдайда өзіңізді қалай ұстау керегін түсіну үшін, өзімізді банктің орнына қойып көруіміз керек. Елестетіңіз, сіз Серік есімді алыс туысыңызға қарыз бердіңіз. Әр айдың 20 күні соманың бір бөлігін береді деп күтесіз.
№1 жағдай.
21-күн болады, сосын 22, сосын 23, ал Серік ақша әкелмейді, хабарласпайды. Ол 30-күні ғана “Жұмыста жалақымызды кешіктірді. Енді ғана алдым” деген сөзімен пайда болады.
№2 жағдай.
Серік сізге 19-күні келіп, жалақысының кешіктіріліп жатқанын, ақша түскен бойда, бірден ай сайынғы төлемді жасайтынын хабарлайды.
Қай жағдай сіздің сеніміңізді оятты? Екіншісі болуы керек.
Сондықтан, алғашқы ереже – қаржылық қиындық туындаған жағдайда бірден банкке хабарлаңыз.
Тағы бір жағдайды елестетіп көріңізші. Серік сізге келіп:
<blockquote>
 “Аға, біздің дүкеніміз жабылып, мен жұмыссыз қалдым. Іздеп жатқаныма жарты ай болды, әзірге лайықтысын таппадым. Бірақ пәтерақыны төлеу керек, тамақ жеу керек, сол себепті сізге қарызымды бере алмаймын”, – дейді.
</blockquote>
Бұл жағдайда сіз екі шешім қабылдай аласыз. Біріншісі – оның жақсы жұмысқа орналасып, қаржылық деңгейін бір ретке келтіруіне мүмкін беріп, Серіктің үш айғы төлемін жасамауына рұқсат етесіз.
Екінші шешім – Серікке қарыздың қалған бөлігін ұзақ мерзімге созуды ұсынасыз. Ол берешегін 6 ай емес, 12 ай төлейтін болады делік. Мұндай жағдайда ай сайынғы төлем көлемі азаяды. Оны төлек Серікке де оңай болады.
Екінші ереже – банктен төлемдерді кейінге шегеруді немесе қарызды қайта құрылымдауды сұрайсыз.&nbsp;Егер банк сізді адамгершілігі бар қарыз алушы деп есептесе, онда ол сіздің өтінішіңізді жерге тастамайды.
Қарыз алуші үшін қайта құрылымдаудан гөрі төлемдерді кейінге шегерген тиімді. Банктің екі нұсқаның қайсысын таңдайтыны, қарыз алушінің қандай құжат өткізгеніне байланысты. Ол құжаттар мыналар болуы мүмкін:
<ul>
<li>қысқарту туралы бұйрық және тиісті жазбасы бар еңбек кітапшасының көшірмесі;</li>
<li>егер жұмыс беруші жалақыны кешіктірсе, жұмысты тоқтата тұру туралы сот талабы және өтініш;</li>
<li>қарыз алушының (немесе қарызды төлеуге көмектескен жақын туысының) қайтыс болуы туралы анықтама;</li>
<li>мүгедектік туралы анықтама;</li>
<li>ауыр сырқатты немесе қымбат операцияны қажет ететіндігін растайтын медициналық анықтама;</li>
<li>табыс әкелген мүлікке зиян келтірілгені туралы құжаттар – мысалы, сіз жалға берген үй;</li>
<li>баланың туу туралы куәлігі.</li>
</ul>
Нені жасауға болмайды
Қазақстандық қарыз алушылар үшін несиені жабу үшін екінші бір несие алу стандартты әдіс болып кеткен. Алайда қаржы кеңесшілері мұндай қадамға бармауға кеңес береді. Жаңа несие – жоғары пайыздық мөлшерлемемен берілуі мүмкін. Ал ол қарыз алушы үшін қосымша жүк, соның салдарынан қарызыңызды тағы да төлей алмай қалуыңыз мүмкін.
Сақтық шаралары
Төлемдерді ай сайын уақытылы төлеп отыру үшін, мынадай шараларды қолданыңыз:
– Несие рәсімдеу барысында, ай сайынғы төлем мөлшері сіздің табысыңыздың 30 пайызынан аспайтындай етуге тырысыңыз.
– Қауіпсіздік үшін арнайы қалтаңыз болсын – бір жалақы көлемінде. Үшеу болса тіпті жақсы.
– Мүмкіндік болса несиеңізді қайта қаржыландырыңыз. Көбінесе басқа банктер мұндай қызметті төмен пайыздық мөлшерлемемен ұсынады. Бұл ай сайынғы төлемді азайтады.

Несиеңізді жабатын қаражат жоқ болса не істеу керек?

<a href="https://kyzylorda-news.kz/">Kyzylorda-news.kz.</a> Бензиннің бір литрінің акцизі 2020 жылдың 1 қаңтарынан бастап 10 теңгеге көтеріледі, деп хабарлайды [Sputnik Қазақстан.](http:// https://sputniknews.kz/economy/20191125/12118742/benzin-aktsiz.html)
<blockquote>
 «Акциздердің өсуіне қатысты айтар болсақ, бүгінгі күні қаулы жобасы әзірленіп жатыр, бір литрдің акциз құнына қосымша 10 теңге қосылады деп жоспарлануда», – деді министр Руслан Дәленов дүйсенбіде сенат отырысында.
</blockquote>
Ол бағаның аздап өсетінін айтты. Есептеулер жағдайдың инфляцияға немесе шағын және орта бизнес өндірісінің өзіндік құнына айтарлықтай әсер етпейтіндігін көрсетуде, деп атап өтті Дәленов.
<blockquote>
 «Бүгінгі күні акциздің ең көп үлесі мұнай өңдейтін және сататын компаниялардың шығындары мен пайдасынан тұрады», – деп толықтырды ол. Ұлттық экономика министрлігінің баспасөз қызметі жаңашылдықты 2020 жылдың 1 қаңтарынан бастап енгізу жоспарланып отырғанын мәлімдеді.
</blockquote>

1 қаңтардан бастап бензиннің акциз бағасы көтеріледі

<a href="https://kyzylorda-news.kz/">Kyzylorda-news.kz.</a> Елордада Қызылорда облысының әкімі БАҚ өкілдеріне әлеуметтік-экономикалық даму қорытындылары туралы брифинг өткізді. Брифинг барысында аймақ басшысы сұрақтарға жауап берді.
– Қызылорда облысында нан бағасы қаншалықты тұрақты?
– Солтүстік өңірлерде қуаңшылық, ауа райының ыстық болуына байланысты және экспортқа шығаратын өнімнің көлемі көбеюіне орай нан бағасы көп өңірлерде қымбаттады. Өзге өңірлер секілді Қызылорда облысында да нан бағасы қымбаттады. Қыркүйек айында нан бағасы 60-65 теңге болатын болса, қазір 75-78 теңге жетті. Дегенмен облыста тұрақтандыру қоры жұмыс істейді. Қор арқылы нан бағасын және халықтың көп тұтынатын азық-түлік өнімдерінің бағасын өсірмеу мақсатында жұмыс жасалуда. Президент әкімшілігі, Үкімет тарапынан да тиісті талаптар қойылды. Жыл басында 2 мың тонна ұн алынып, маусым айында таусылды. Сол уақытта Арал қаласындағы ұн өңдеу комбинатынан 700 тонна ұн алынды. Жақын арада тағы да осы комбинаттан қалған ұн әкелінетін болады.
Аймақтағы наубайханаларды арзан ұнмен қамтамасыз ету үшін Шымкент қаласынан тоннасы 105 мың теңге тұратын ұн өнімін алдып отырмыз. Сонымен қатар Рудный қаласындағы компаниямен келісім шартқа отырып, 1 мың тонна арзандатылған ұн алғалы отырмыз.
Жалпы, нан бағасының қымбаттауы байланысты Қызылорда облысы республика бойынша&nbsp; 5 орында, – деп жауап берді аталған сұраққа аймақ басшысы.

Қызылордада нан бағасы тұрақты ма?

<a href="https://kyzylorda-news.kz/">Kyzylorda-news.kz.</a> Бұл туралы елордада ҚР Президенті жанындағы Орталық коммуникациялар қызметінде өтіп жатқан брифингте Қызылорда облысының әкімі Қуанышбек Ысқақов айтты.
<blockquote>
 «Әлеуметтік маңызды мәселелерімізді шешуде бізге мемлекеттік-жекешелік әріптестікті дамыту үлкен демеу болды. Мәселен, мемлекеттік-жекешелік әріптестік арқасында өткен жылдары «Балапан» бағдарламасын мерзімінен бұрын орындай алдық», – дейді облыс әкімі.
</blockquote>
Қазіргі таңда денсаулық сақтау, білім беру, мәдениет, спорт, қоғамдық тәртіп, тұрғын үй коммуналдық шаруашылығы және тағы басқа салаларда 142 жоба бар. Олардың 42-сі бойынша инвесторлармен жобаларды жүзеге асыру туралы келісім шартқа қол қойылған.
Бүгінде Қызылорда облысында мемлекеттік-жекешелік әріптестік принципін пайдалана отырып, жеке инвесторларды ынталандыру, тарту жолға қойылған. Осы арқылы аймақтағы маңызды мәселелер шешімін табуда. Сонымен қатар мемлекеттік-жекешелік әріптестік принципін пайдалану бюджет қаражатын үнемдеп, оларды басқа да әлеуметтік-маңызды мәселелерді шешуге бағытталады.

Қызылордада инвесторлармен 42 жобаға қол қойылды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Биыл қызылордалық күрішшілер әр гектардан 60,3 центнерден өнім жинап, 530,5 мың тонна күріш салысы қамбаға құйылып, жаңа рекордқа қол жеткізді. Бұл туралы елордада ҚР Президенті жанындағы Орталық коммуникациялар қызметінде өтіп жатқан баспасөз мәслихатында Қызылорда облысының әкімі Қуанышбек Ысқақов мәлімдеді.
Аймақ басшысы күріш егуді оның алқабын өсіру есебінен емес, күріш өндіру тиімділігін арттыру есебінен дамытуды көздейтінін айтты.
<blockquote>
 «Биыл күрішшілеріміз жаңа рекордқа қол жеткізді. Әр гектардан 108 центнерден өнім алған күрішшілер де бар. Бұл облыс тарихындағы ең үздік нәтиже, әйтсе де, аяқ судың тапшылығынан қиын болады деген қауіп болды. Бірақ, бұл мәселені шеше алдық. Сонымен қатар, күріш тұқымын сауықтыру және вегетациясы қысқа, бәсекеге қабілетті отандық сорттардың үлесін арттыру бойынша да бірқатар жобалар іске асырылуда. Биыл “Сыр сұлуы”, “Ай-Керім” және басқа да отандық сорттар бірнеше шаруашылықтарда егілді», – дейді облыс әкімі.
</blockquote>
Айта кетейік, &nbsp;Қызылордада күріш таяу шет елдерден басқа,&nbsp; қазір Монғолия, Түркия, Ауғанстан елдеріне экспортталуда.

Қызылордалық күрішшілер рекорд жаңартты

<a href="https://kyzylorda-news.kz/">Kyzylorda-news.kz.</a> Бұл туралы Нұр-Сұлтан қаласында ҚР Президенті жанындағы Орталық коммуникациялар қызметінде өтіп жатқан брифингте Қызылорда облысының әкімі Қуанышбек Ысқақов айтты.
Аймақ басшысының айтуынша, Қызылорда облысындағы кен көздерінің рөлі өңір халқы үшін әлі де ұзақ уақыт бойы маңызды болып қала береді. Сол себепті, жаңа мұнай кен орындарын іздестіру, осы салаға жаңа технологияларды енгізу, газ өндіру мен өңдеу – өте өзекті мәселе.
<blockquote>
 «Қазір осы мәселені шешуге жұмыс істеп жатырмыз. Оның үстіне, мұнай газ саласын дамытуда бізде резервтер бар. Биылғы ақпан айында Қауіпсіздік Кеңесінің отырысында Қызылорда облысының даму мәселелері қаралған кезде біз осы саланы дамыту мәселелерін үлкен блокпен көрсеттік, әсіресе, көмірсутек шикізатының жаңа кен орындарын барлау және газ өндіру мен өңдеу мәселесі. Айта кету керек, осы және Қызылорда облысының кешенді дамуына қатысты бірқатар мәселелер Қазақстан Республикасы Үкіметінің қаулысымен бекітілген 2019-2022 жылдарға арналған облыстың әлеуметтік-экономикалық дамуының кешенді жоспарына енгізілген. Нәтижесінде, 2020 жылы Шу-Сарысу шөгінді бассейні бойынша мұнай-газ перспективалы құрылымдарын анықтау мақсатында жер қойнауын зерттеу жұмыстарын жүргізуді бастаймыз», – деді облыс әкімі.
</blockquote>
Сонымен қатар, өңірдегі аз зерттелген «Арал» және «Сырдария» бассейндерін барлау жоспарланған.
<blockquote>
 «Бұл біз үшін мұнай-газ саласын дамыту мәселесінде айтарлықтай алға басу деген сөз», – деп сөзін қорытты аймақ басшысы Қ. Ысқақов.
</blockquote>

Қызылорда облысы мұнай-газ саласын дамыту бойынша алдыңғы орында

<a href="https://kyzylorda-news.kz/">Kyzylorda-news.kz.</a> Осы жылдың 10 айында Палата кеңесшілерімен 1810 кәсіпкерлік субъектісіне 2136 қызмет көрсетілген. Оның ішінде 398 қызмет – кәсіпкерлерге әзірленген бизнес жоспар. Нәтижесінде қазірдің өзінде жалпы құны 906 млн.327 мың теңгені құрайтын 136 жоба әр түрлі қаржы көздерінен қаржыландырылған.
<blockquote>
 «Аталмыш 136 жобаның 3-еуі 347 млн. теңгеге – екінші деңгейлі банктер арқылы, 69 жоба 385,7 млн.теңгеге – «Ауылшаруашылығын қаржылай қолдау қоры» АҚ Қызылорда облыстық филиалы мен шағын қаржыландыру ұйымдары арқылы, 60 жоба 19,5 млн. теңгеге «Еңбек» жəне «Бизнестің жол картасы» мемлекеттік бағдарламалары аясында қайтарымсыз қаржы арқылы қаржыландырылды. Ал құны 154 млн.теңге болатын 3 жобаға жасалған бизнес-жоспар негізінде ауыл шаруашылығы жер учаскесіне қол жеткізілді. 136 жобаның 37-сі ауыл шаруашылығы, 38-і өңдеу өнеркəсібі, 33-і қызмет көрсету саласы бойынша кəсіпкерлік жобалары болып табылады. Ал 28 жоба – тасымал, қойма, демалыс орны, білім жəне денсаулық саласы жəне т.б.салаларды қамтиды», – дейді Кәсіпкерлер палатасы Қаржылай емес қолдау бөлімінің бастығы Гаухар Елеусінова.
</blockquote>
Мұнан өзге, Кәсіпкерлер палатасының аудандардағы Кәсіпкерлерге қызмет көрсету орталықтарындағы кеңесшілер 10 айда 4462 тұлғаға 8069 кеңес берген.
Сонымен бірге «Бизнес-мектеп» компоненті аясында «Бизнес-кеңесші» оқу курсын 1741 оқып шығып, 265 қатысушының жобасы 372 млн.теңгеге қаржыландырылған. «Бизнес-Өсу» жобасы аясында 133 оқып, 12-сінің жобасы, «Тәлімгерлер тарту арқылы жобалық оқыту» жобасы&nbsp; бойынша 114 адам оқытылып, 7-еуінің жобасы қаржыландырылған.

Қызылордада  палата кеңесшілері 10 айда 398 бизнес-жоспар әзірледі

<a href="https://kyzylorda-news.kz/">Kyzylorda-news.kz.</a> Қызылорда облысында 6 индустриалдық аймақ жұмыс жасауда. Қазіргі таңда 214 га жер игеріліп, 21 жоба іске қосылды. Бұл туралы бүгін Өңірлік коммуникация қызметінің ақпарат алаңында облыстық индустриалдық-инновациялық даму басқармасының басшысы Ринат Сұлтангереев мәлімдеді.
<blockquote>
 “Биыл аймақтарда іске қосылған жобалар өткен жылмен салыстырғанда 15 есеге артық өнім өндірді. Сонымен қатар, шетелдік инвесторлармен бірлесіп энергия көздеріне байланысты 3 жоба жүзеге асырылады. Бұл жобалар іске қосылған соң 60 жаңа жұмыс орындары ашылып, аймақ экономикасының дамуына үлес қосады”, – деді Ринат Сұлтангереев.
</blockquote>
Мұнан өзге, үстіміздегі жылы британдық инвесторлармен бірлесіп жүзеге асырылған «Баласауысқандық» ванадий кен орнынан 203,2 тонна өнім экспортталды.
<img src="https://kyzylorda-news.kz/wp-content/uploads/2019/11/20industraimak2.jpg" alt="" />

Қызылордада 203 тонна ванадий өнімі экспортталған

<a href="https://kyzylorda-news.kz/">Kyzylorda-news.kz.</a> Атырау мұнай өңдеу зауыты ең төменгі сүзгіден өту температурасы -38 градус аязға төзімді дизель отынын шығару мен тиеуді бастады, деп хабарлайды <a href="https://aikyn.kz/economy/development/12447-qazaqstanda--38-gradus-ayazda-qoyulanbaytyn-dizel-otyny/">Aikyn.kz</a>.
<blockquote>
 «Қазақстанның көптеген аймақтарында қыс мезгілі өте суық болатынына байланысты бұл отын түрі отандық тұтынушылар арасында кеңінен сұранысқа ие болады. Алғашқы партиясы Атырау мұнай өңдеу зауытынан 14 қарашада жөнелтілді. Бүгінгі күні 3088 тоннасы тиелді. Атырау МӨЗ-і қараша айында барлығы 3500 тоннаны жөнелтуді жоспарлап отыр», – деп хабарлады «ҚазМұнайГаз» ҰК АҚ Басқарма төрағасының мұнай өңдеу және маркетингі жөніндегі орынбасары Данияр Тиесов.
</blockquote>
Khazar -38 дизель отыны – зауыт үшін де, бүкіл Қазақстан үшін де бірегей өнім. Ол К5 экологиялық санатқа сәйкес келеді, яғни құрамында күкірт пен парафиндері жоқтың қасы және төмен температураның ерекшеліктеріне әсер ететін қоспалары жоқ. Бұл – технологиялық процестің таза өнімі. Қазақстанда осындай қату деңгейі төмен отын терең өңдеу кешенінің Prime D дизель отынын гидротазалау және депарафинизациялау қондырғысында ғана өндіріледі.
Еске сала кетейік, 2018 жылдың соңында АМӨЗ жаңа мұнай өнімдерінің бірнеше түрін шығара бастады: К5 экологиялық санатынан сүзудің шекті температурасы -25 болатын дизель отынын және сүзудің шекті температурасы -32 болатын дизель отынын (Khazar). Бұл ауқымды жаңғырту аясында салынған мұнайды терең өңдеу кешенінің жаңа қондырғыларын іске қосудың арқасында қол жетті. Осылайша, бүгінде АМӨЗ қысқы дизель отындарының келесі түрлерін өндіруге мүмкіндігі бар: сүзудің шекті температурасы -15С,-25С, -32С, -38С болып отыр.

Қазақстанда -38 градус аязда қатпайтын дизель отыны шығарылады

<a href="https://kyzylorda-news.kz/">Kyzylorda-news.kz.</a> <a href="https://kyzylorda-news.kz/"></a>Табысы 92 мың теңгеден аспайтын азаматтар “5-20-25” бағдарламасы бойынша әкімдіктерден кредиттік баспана ала алады. Бұл туралы үкімет отырысында белгілі болды, деп хабарлайды&nbsp;<a href="https://sputniknews.kz/economy/20191118/12057088/92-myn-tenge.html">Sputnik Қазақстан</a>.
<blockquote>
 “Табысы 3,1 ең төмен күнкөріс деңгейіне дейінгі азаматтарға (92 мың теңге) “5-20-25″ бағдарламасы бойынша әкімдіктердің кредиттік баспанасын алу мүмкіндігі беріледі”, – деді индустрия және инфрақұрылымдық даму министрі Бейбіт Атамқұлов үкімет отырысында.
</blockquote>
Министр елімізде тұрғын үйге қолжетімділік сатысы енгізілетінін атап өтті. Оның басты айқындаушы факторы халықтың табысы болмақ.
<blockquote>
 “Әрбір отбасы мүшесіне шаққанда табысы 1 ең төменгі күнкөріс деңгейінен аспайтын азаматтарға (29,7 мың теңге) сатып алу құқығынсыз жалға берілетін баспана ұсынылады. Олар жетім балалар, 1 және 2-топтағы мүгедектер, зейнеткерлер және тағы басқалары”, – деді ол.
</blockquote>
Ведомство басшысының айтуынша, “Бақытты отбасы” бағдарламасы бұрынғысынша табысы 59 мың теңгеге дейінгі қазақстандықтарға қолжетімді болады. Бағдарламаға көпбалалы, толық емес және мүгедек балалары бар отбасылар қатыса алады.
Ал табысы 92 мың теңгеден асатын азаматтарға “7-20-25” бағдарламасы ұсынылады. Табысы 148,5 мың теңгеден асатын адамдар ұлттық банктің “Баспана-хит”, Қазақстан ипотекалық компаниясының “Орда”, тұрғын үй құрылыс жинақ банкінің “Өз үйім” бағдарламалары арқылы жаңа және қолданыстағы пәтерлерді сатып алу мүмкіндігіне ие болады.
<blockquote>
 “Баспана алудың ашықтығы мен бірыңғай жүйелік есепке алуды қамтамасыз ету үшін кезекте тұрғандардың бірыңғай республикалық базасы енгізіліп жатыр”, – деді Атамқұлов.
</blockquote>
База деректері кезекте тұрғандар арасында баспананың қолжетімділігін анықтау үшін пайдаланылады.
Айта кетсек, бүгін үкімет 2020-2025 жылдарға арналған “Нұрлы жер” тұрғын үй-коммуналдық даму мемлекеттік бағдарламасының жобасын мақұлдады.
Жобаға мынадай бес міндет кірді:
<ul>
<li>бірыңғай тұрғын үй саясатын іске асыру;</li>
<li>халықты сапалы ауыз сумен және су бұру қызметтерімен ұтымды қамтамасыз ету;</li>
<li>тұрғын үй-коммуналдық секторды жаңғырту және дамыту;</li>
<li>тұрғын үй қорын күрделі жөндеу және қайта жаңарту;</li>
<li>сәулет, қала құрылысы және құрылыс қызметін жетілдіру.</li>
</ul>

Қазақстан және Қызылорда облысының жаңалықтары: Экономика