Kyzylorda-news.kz. Бүгін облыс әкімі Гүлшара Әбдіқалықова жұмыс сапарымен Шиелі ауданына барды. Алдымен аймақ басшысы Тартоғай елді мекенінің ауыз сумен қамту жүйелерін көріп, бас су қоймасының іске қосылу рәсіміне қатысты.
Ауданда инженерлік, коммуналдық инфрақұрылымды дамытуда, жол сапасын жақсартуда кешенді шаралар қабылданған.
Нәтижесінде елді мекенде 293 дана көру құдықтары орнатылып, қыстақішілік 28,38 шақырым, тұтынушы тұрғын үйлерге дейін 19,26 шақырым ауыз су құбырлары жүргізілді. Жаңа ауыз су нысаны құрылысының сметалық құны 401 млн.теңгені құрайды. Облыс әкімі құрылыс жұмысын сапалы орындағаны үшін мердігер компанияға алғысын білдірді.
Мұнан кейін облыс әкімі Шиелі кенті, «Көкшоқы» мөлтек ауданынан тұрғындарға 3 қабатты 18 пәтерлі тұрғын үйді табыстады. Тұрғын үй құрылысына облыстық бюджеттен 176 млн.теңге қаржы қаралып, бас мердігер «СМП-Қызылорда» ЖШС-і тарапынан құрылыс-монтаждау жұмыстары жүргізілген. Құрылыстың жер көлемі 1,76 гектар, ал ғимараттың жалпы ауданы 60 шаршы метрді құрайды.
Игі шарада баспаналы болған 8 баланың анасы Марал Дастанова облыс әкіміне алғыс білдіріп, тебіреніске толы сәттерімен бөлісті. Қоныс тойын тойлаған тұрғындарға аудан ардагері Жақай Сақбаев бата беріп, ел игілігі жолындағы елеулі істерге ризашылығын білдірді.
Әкім сапары барысында қос жолды темір жол үстінен соғылған автомобиль көпірі құрылысының ашылу салтанатына қатысты. Шиелі станциясының «Шиелі-20 бекет» учаскесіндегі автомобиль жолы көпірі «Жұмыспен қамту жол картасы» аясында салынған. Жобаға 673 млн.теңге қаржы қаралып, құрылыс жұмыстары іске асты. Құрылыс алаңына 75 маман тартылып, 18 техника жұмылдырылды. Көпірдің ұзындығы 60 метр, ені 11 метр, жолдың жалпы ұзындығы 1,2 км.
Облыс әкімі жаңа көпір аудан тұрғындарының алтын уақытын барынша үнемдейтін, тұрғындарды қуантатын маңызды нысан болатынын ерекше атап өтіп, тұрғындарды құттықтады.
Мұнан кейін аймақ басшысы Жаңатұрмыс ауылдық округіне барып, «Жұмыспен қамтудың жол картасы» бағдарламасы аясында іске асқан тұрғын үйлерді газға қосу рәсімін көріп, елдің көптен күткен бастамалы іске сәттілік тіледі.
“Бүгін біз аудандағы тағы бір игілікті істің куәсі болғалы тұрмыз. Өздеріңіз білесіздер, бұған дейін жыл сайынғы есепті кездесуде ауыл халқының көтеріп жүрген ең басты мәселесі ауылға көгілдір отын тарту болатын. Міне, бүгін сол мақсатқа қол жеткізіп, табиғи газды салтанатты түрде қосқалы тұрмыз. Құны 204 млн.теңге болатын бұл жобаға облыстық бюджеттен қаржы қаралып, Жаңатұрмыс ауылдық округі бойынша мыңнан аса ауыл тұрғындарының қуанышына орай 205 тұрғын үй табиғи газбен қамтамасыз етіледі”,-деді Гүлшара Әбдіқалықова.
Шара барысында арнайы қондырғыдан газ алауы жағылып, Жаңатұрмыс халқының тұрғын үйлері газға қосылды. Өңір басшысы айрықша сәтте аудан тұрғыны Р.Мұстафаевтың тұрғын үйіне барып, газды пайдалану жұмысын көріп, отбасыға береке тіледі.
Айту керек, биыл аудан орталығы Шиелі кенті 100 пайыз газбен қамтылған. Жақаев елді мекенінде 260, Бидайкөл елді мекенінде 210 жеке тұрғын үй газға қосылған. Алдағы уақытта Н.Бекежанов, Қодаманов, Ақмая, Алғабас елді мекендерін газдандыру бойынша жұмыстар жалғасады.
Жұмыс сапарының қорытындысында облыс әкімі Гүлшара Әбдіқалықова аудан әкімі Қамбарбек Мүбараковқа негізгі басым салалардағы ауқымды жұмыстарды жалғастыруды және халықтың саулығын сақтауға қажетті шараларды қарқынды іске асыруды тапсырды.
<img src="https://kyzylorda-news.kz/wp-content/uploads/2020/12/fb_img_1608988616707.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608988626763.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608988621129.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608988629615.jpg" alt="" />
<img src="https://kyzylorda-news.kz/wp-content/uploads/2020/12/fb_img_1608988635377.jpg" alt="" />

Облыс әкімі жұмыс сапарымен Шиелі ауданына барып, жаңа әлеуметтік нысандарды ашты

Kyzylorda-news.kz. «Nur Otan» партиясының Қызылорда облыстық штабының сайлауалды үгіт-насихат жұмыстары қарқын алды. Арал қаласында “Есіктен есікке” акциясы бойынша облыстық және аудандық мәслихат депутаттығына үміткерлер Еркебұлан Аяғанов пен Саягүл Мақашева бірнеше тұрғынның үйіне барды.
Үміткерлер кент тұрғындары “Аралтұз” АҚ кәсіподақ ұйымының төрағасы Төлеген Жанназаров, кәсіпкер Жомарт Көшеков, зейнеткер Бекет Ерғазиевтің шаңырағында болып, жағдайларын сұрады. Сондай-ақ, «Nur Otan» партиясының сайлауалды бағдарламасымен таныстырды. 
Партияның басты бағыты − ауданда тұрақты экономикалық даму және халықтың өмір сүру деңгейін арттыру. Ауылшаруашылық құрылымдарына қолдау көрсету, еңбек өнімділігін арттыру жөніндегі жұмыстар жалғастырылады.
<blockquote>
 «Арал ауданында мемлекеттік бағдарламалар және жеке инвесторлар есебінен, «Түйе сүтінен құрғақ ұнтақ дайындау», кальцилендірілген сода өндіру зауыты, ас тұзын өндіру жаңа Испан цехының құрылысы жобасының жүзеге асуына ықпал етеді. Нәтижесінде бұл шаралар 2025 жылға қарай 6,1 мың жұмыс орнын құруға және жұмыссыздық деңгейін 5,1 %-дан 4,7 пайызға төмендетуге мүмкіндік береді», – деді үміткер Еркебұлан Аяғанов.
</blockquote>
Ал, Саягүл Мақашева әлеуемттік қолдау бағытындағы партия көздеген басым бағыттарды жан –жақты таныстырып, «Nur Otan» партиясына дауыс беруге шақырды.
“Nur Otan” партиясы Қызылорда облысының Сайлау қорының қаражатынан төленді
<img src="https://kyzylorda-news.kz/wp-content/uploads/2020/12/img-20201224-wa0022.jpg" alt="" />

Аралда ас тұзын өндіру зауыты салынады

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін облыс әкімі Гүлшара Әбдіқалықова қала әкімі Нұрлыбек Нәлібаевты қабылдап, облыс орталығында атқарылған жұмыстар туралы есебін тыңдады.
Ағымдағы жылы қалада өнеркәсіп өнімдерінің өндіріс көлемі 440,2млрд. теңгеге жетіп, негізгі капиталға салынған инвестиция көлемі 110,9 пайызға артығымен орындалып, 128,4 млрд. теңгені құрады. Облысқа салынған инвестицияның 53,6 пайыз Қызылорда қаласының үлесіне тиген.
<blockquote>
 «Индустриалық-инновациялық дамытудың 2020-2025 жылдарға» арналған мемлекеттік бағдарламасына сай қалада өңірлік кәсіпкерлікті қолдау картасына енгізілген жалпы құны 67,5 млрд. теңгені құрайтын 9 жоба жүзеге асырылуда. Жобалар толық іске қосылғанда 1000-нан аса қызылордалық жұмыспен қамтылатын болады»- деді қала әкімі Нұрлыбек Нәлібаев.
</blockquote>
«Бизнестің жол картасы 2025» бизнесті қолдау мен дамытудың бірыңғай бағдарламасы негізінде бүгінгі таңда жалпы құны 5,2 млрд. теңгені құрайтын 139 жоба қаржыландырылса, мемлекеттік қайтарымсыз гранттар беру бағыты бойынша комиссия шешімімен құны 56,5 млн. теңге болатын 30 адамның жобасы қолдау тапқан. 
«Қарапайым заттар экономикасын дамыту» жеңілдікпен несиелеу арқылы ағымдағы жылы құны 968,3 млн. теңгені құрайтын 13 жоба қаржыландырылған.
Жұмыспен қамтудың 2020-2021 жылдарға арналған «Жол картасы» аясында қала бюджетіне 10 млрд. 889,7 млн. теңге бөлініп, 55 жоба жүзеге асқан. Нәтижесінде бірнеше мәдениет, білім нысандары күрделі жөндеуден өткізіліп, «Тағзым» мемориалы, “Сыр Ана” монументі, «Темір жол» паркі, Назарбаев даңғылы абаттандырылды. Көппәтерлі тұрғын үй аулаларына 30 спорттық және 3 стритбол алаңдары, 70 дана аялдама орнатылды. 2 млрд. теңгеге 68 көшеге тротуарлар салынған. Аталған жобалар аясында барлығы 5379 жұмыс орындары құрылды.
«Ауыл – ел бесігі» арнайы жобасы аясында Ақсуат ауылдық округіндегі №143 мектеп күрделі жөндеуден өткізіліп, 16 көшеге жол жөндеу жұмыстары жүргізілген.
Кездесу соңында өңір басшысы Гүлшара Әбдіқалықова қала әкімі Нұрлыбек Нәлібаевқа облыс орталығының экономикалық даму деңгейін арттыру бағытында тапсырмалар жүктеді.

Гүлшара Әбдіқалықова Нұрлыбек Нәлібаевқа экономикалық даму деңгейін арттыру бағытында тапсырмалар берді

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін облыс әкімі Гүлшара Әбдіқалықова Арал ауданының әкімі Мұхтар Оразбаевты қабылдап, аудандағы жыл бойғы атқарылған жұмыстарды саралады.
Арал ауданда жыл басынан бері өнеркәсіп орындары 14,4 млрд теңгеден артық өнім өндіріп, салыстырмалы көлем индексі 110,6 пайызды көрсетуде.
Жыл ішінде аудан бойынша барлығы 783,6 мың тонна тұз қазылып, 219,1 мың тонна йодталған тұз, 5,4 мың тонна балық, 240 тонна ет, 788 тонна нан және нан өнімдері, 92,4 мың текше метр кварц топырағы өндірілген.
Бүгінде аудандағы шағын және орта бизнес субъектілерінің саны 4 150 бірлікті құраған. Мал шаруашылығын дамыту мақсатында жалпы 564,2 млн. теңге болатын 119 жоба қаржыландырылған. Бұдан бөлек, «Бизнестің жол картасы 2025» мемлекеттік бағдарламасы аясында екінші деңгейлі банктер арқылы жалпы құны 173,0 млн. теңге болатын 7 жоба субсидияланған.
Агроөнеркәсіп кешеніндегі жалпы өнім көлемі 8,9 млрд. теңгені құрап, 2019 жылмен салыстырғанда 102,0 пайызға артқан. 
2019 жылдың сәйкес кезеңімен салыстырғанда мүйізді ірі қара 0,1 пайызға, жылқы 2,8 пайызға, түйе 5,7 пайызға, қой мен ешкі 1,3 пайызға өскен.
Ауданда ауыл шаруашылығы саласы бойынша 26 заңды тұлға мен 856 шаруа қожалығы тіркелсе, оның ішіндегі 7 ауыл шаруашылығы құрылымы асыл тұқымды мал өсірумен айналысады.
Жалпы негізгі капиталға салынған инвестиция ауыл шаруашылығы саласы бойынша 11 айда 156,3 млн. теңге болып, 299,4 пайызға орындалса, тамақ өнімдеріне салынған инвестиция 304,4 млн. теңге болған.
Егін шаруашылығы бойынша аудан көлемінде барлығы 193,0 гектар жерге егін егілген.
Сонымен қатар, ауданнан ағымдағы жыл ішінде «Қамышорда» ЖШС арқылы Германия, Голландия мемлекеттеріне 594 тонна қамыс және Өзбекстан Республикасына «КZ-MBK» ЖШС-гі арқылы 136 тонна I-ші сұрыпты «Аралым ұны» экспортқа жөнелтілген.
Балық шаруашылығы бойынша ағымдағы жылы 6 214 тонна балық ауланса, оның 5 388 тоннанысы өңделген. Оның ішінде 2 159 тоннасы Ресей, Қытай, Германия, Польша, Грузия мемлекеттеріне экспортқа шығарылды.
Кездесу соңында өңір басшысы Гүлшара Әбдіқалықова Арал ауданы әкімі Мұхтар Оразбаевқа эпидемиологиялық ахуалды төмендетпеуге және ауданның экономикалық көрсеткішкетерін арттыру мақсатында бірқатар тапсырмалар жүктеді.

Арал ауданында мал шаруашылығын дамыту мақсатында 119 жоба қаржыландырылған

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a> Бүгін облыс әкімі Гүлшара Әбдіқалықова орынбасары Бақыт Жахановты қабылдап, жыл бойғы атқарылған жұмыстарды саралады.
Жалпы 2012-2020 жылдар нәтижесімен 670,1 мың гектар ауылшаруашылығы жері сауда-саттық жолымен және мемлекеттік бағдарламалар арқылы айналымға енгізілді. 2020 жылға облыс бойынша 60 мың га жерлерді қосымша ауыл шаруашылығы айналымына алу жоспарланған. Аталған жұмыстарға жергілікті бюджеттен 36,2 млн. теңге қаржы қаралып, тиісті жұмыстар жүргізілді. Нәтижесін ағымдағы жылы 66,3 мың га жер табысталған.
Жеке тұрғын үй құрылысын жүргізу мақсатында бүгінгі күні облыста 99 678 азамат кезекте тұр, оның ішінде 60 661 адам Қызылорда қаласының еншісінде. 2014-2019 жылдары барлығы 10 741 учаске берілсе, ағымдағы жылы 1 469 жер учаскесі тұрғындарға табысталған. 
Ағымдағы жылы мақсаты бойынша пайдаланылмаған не заңнаманы бұза отырып пайдаланылған ауыл шаруашылығы мақсатындағы көлемі 11193,5 гектарды құрайтын 48 жер учаскесі мемлекет меншігіне қайтарылған.
Облыс әкімінің орынбасары Бақыт Жаханов агроөнеркәсіптік кешенінің негізгі индикаторларының орындалу барысын да сөз етті. Есепті кезеңде 136,0 млрд. теңгенің өнімі өндіріліп, өткен жылдың сәйкес кезеңімен салыстырғанда өсім 1,4%-ға артқан. Ауыл шаруашылығының негізгі қорына салынған инвестиция көлемі 10,7 млрд. теңгені құрап, өткен жылмен салыстырғанда 1,6 есеге өскен. Сондай-ақ, тамақ өнімдерін өндірудегі негізгі капиталға 1,2 млрд. теңге инвестиция салынып, былтырғы жылмен салыстырғанда 1,6 есеге ұлғайса, ағымдағы жылдың 10 айында облыстан 29,1 млн. долларды құрайтын 87,4 мың тонна ауыл шаруашылығы өнімдері экспортталып, өткен жылдың сәйкесті кезеңімен салыстырғанда 114,0 пайызға өсім алған.
Биылғы жылы 551 мың тоннадан астам күріш өнімі жиналды. Сонымен қатар, есепті кезеңде 33,8 мың тонна ет 81,3 мың тонна сүт және 6,9 млн. дана жұмыртқа өндіріліп, 2019 жылдың сәйкесті кезеңімен салыстырғанда ет өндірісі 2,6 пайызға, сүт өндірісі 2,6 пайызға артты. Ағымдағы жылдың қаңтар-қараша айларында ауыл шаруашылығының негізгі қорына салынған инвестиция көлемі 10,8 млрд. теңгені құрап, өткен жылдың осы кезеңімен салыстырғанда 1,6 есеге ұлғайған.
Аймақтың табиғи ресурстар және табиғатты пайдалануды реттеу басқармасы бойынша аумақтарды дамыту бағдарламасына сәйкес қалдықтарды басқару бағытында негізгі 2 нысаналы индикатор белгіленген. Қалдықтардың өңдеу үлесін арттыру бағытындағы алғашқы индикатор бойынша жоспар 18% орындалған. 2020 жылы жинақталған 117 мың тонна қатты тұрмыстық қалдықтардың 21 мың тоннасы өңделген.
Екінші индикатор негізінде экологиялық және санитариялық талапқа сай, келетін полигондарның үлесін 4,82 % жеткізілген.
Қызылорда облысының ормандарды молықтыру және орман өсіру көлемін ұлғайтудың 2021-2025 жылдарға арналған кешенді жоспары бойынша алдағы 5 жыл ішінде 213,1 мың га жерге 177,5 млн дана ағаш егілмек.
Кездесуде облыстық мемлекеттік сатып алу басқармасының ағымдағы жылы атқарған жұмыстары да талқыланды. Ағымдағы жылы 77,5 млрд. теңгенің 1517 сатып алу конкурсы өткізіліп, нәтижесімен 4,6 млрд. теңге үнемделген.
Кездесуде ветеринария саласында атқарылған жұмыстар да сараланды. Облыс көлемінде ауру ошақтарын болдырмау, алдын алу, эпизоотиялық тұрақтылықты сақтау мақсатында 2020 жылы аса қауіпті 15 түрлі жұқпалы ауруларға қарсы республикалық бюджет есебінен бөлінген 5641,1 мың доза ветеринариялық препараттар уақытылы тасымалданып жеткізілді. Эпизоотиялық іс-шараларды орындауға 984,6 млн. теңге қаржы бөлінді. Бекітілген жоспарға сәйкес, алдын ала вакцина егу және диагностикалық зерттеу іс-шаралары жүргізіліп, бөлінген қаржы толық игерілді.
Кездесу соңында облыс әкімі Гүлшара Әбдіқалықова аталған салалардағы жұмыстарды одан әрі жандандыру мақсатында Бақыт Жахановқа тапсырмалар жүктеді.

Гүлшара Әбдіқалықова орынбасары Бақыт Жахановты қабылдады

<a href="https://kyzylorda-news.kz/?doing_wp_cron=1608783104.5910580158233642578125">Kyzylorda-news.kz.</a>&nbsp; «Атамекен» ҰКП қызмет етуіне әлі де тыйым салынған кәсіпкерлік субъектілеріне кезең-кезеңмен жұмыс істеуге рұқсат беруге шақырады. Үкіметте егер барлық санитарлық нормалар мен цифрлық мониторинг талаптарын қатаң сақталса, ҰКП ұсынысын қарауға дайын.
«Атамекен» бастамасы бойынша 9 ай бойынша жұмыс істеуіне тыйым салынған салалардың бизнесмендері өз проблемаларын ҚР Премьер-министрінің орынбасары және Коронавирустық инфекцияның пайда болуы мен таралуына жол бермеу жөніндегі ведомствоаралық комиссияның төрағасы Ералы Тоғжановқа тікелей қойды. Онлайн кездесуге ҰКП Басқарма мүшелері, кәсіпкерлер, Нұр-Сұлтан, Алматы, Шымкент, Түркістан қалаларының әкім орынбасарлары, сондай-ақ денсаулық сақтау, ішкі істер, цифрлық даму министрліктері басшылығының өкілдері қатысты.
Караоке мен компьютерлік клубтар, бильярд, боулинг, балаларға арналған ойын-сауық орталықтары, фудкорттар және банкет залдарының иелері олардың қызметіне қатаң тыйым салу көлеңкелі нарыққа жол ашатынын бірнеше рет айтқан болатын. Нәтижесінде мониторингтік топтар санитарлық нормаларсыз өткен бұқаралық іс-шараларды тіркейді.
«Атамекен» ҚР ҰКП Басқарма төрағасы Абылай Мырзахметов кәсіпкерлер санитарлық дәрігердің позициясын және коронавирус таралуы қаупін түсінетінін атап өтті.
<blockquote>
 «Бірақ біз тыйым салып, осы салалар жұмыс істемейді деуімізге қарамастан адамдар осы нысандарға баруын тоқтатпады. Нәтиже ретінде біз нақты ситуацияны көрмей отырмыз, кәсіпкерлер көлеңкеде жұмыс істеп жатыр, сыбайлас&nbsp; жемқорлыққа жағдай жасалуда. Сондықтан бізге бизнес нысандарын аса мұқияттылықпен, кезең-кезеңмен ашуды бастауымыз керек. Алматы кәсіпкерлері өз базалары негізінде пилоттық жоба өткізуді ұсынды», – деді Ұлттық палатаның басқарма төрағасы.
</blockquote>
Абылай Мырзахметов пандемия басталғаннан бері «Атамекен» және мемлекет арасында құрылымды диалог орнап, соның нәтижесінде бизнестің 90%-ы шектеумен болса да жұмыс істеп жатқанын атап өтті.
Алайда кәсіпкерліктің 13 мың субъектісіне әлі де тыйым салынған. 1-14 желтоқсан аралығында ҰКП ел ауқымында 42 мың кәсіпкер арасында сауалнама жүргізді, олардың 90%-ы – шағын кәсіпкерліктің өкілдері. Респонденттердің тең жартысы компанияларында қаржы тұрақтылығы нашарлағанын, кіріс жоғалғанын (43%), сұраныс төмендегенін (26%), жалдау құнын төлей алмау (27%), коммуналдық қызметтерді төлей алмау (15%), салық төлей алмау (15%), қызметкерлерге еңбекақы төлеу және қызмет жүргізуге қаражат жетіспеуін (13%) атаған. Әр үшінші респондент үшін жұмыс уақытын жұмыс күндері және демалыс күндері шектеу бизнесті жүргізуде негізгі кедергі саналады. Сауалнамаға қатысқандардың 10%-ы жақын арада кәсіпті жабуға жәжбүр болатынын белгілеген.
<blockquote>
 «Ведомствоаралық комиссия шеңберінде ауқымды жұмыс жүргізілді: іс жүзінде санитарлық талаптарды ескере отырып, кәсіпкерлік қызметпен айналысуға&nbsp; 40-тан астам алгоритм жасалды, мониторингтік топтар тексеруінде жаңа тәсілдер жасалды, санитарлық-эпидемиологиялық жағдайдың (қызыл, сары, жасыл) аумағына байланысты кәсіпкерлік қызметті шектеу бойынша «ойын ережелері» әзірленді. Қызмет етуіне әлі рұқсат етілмеген бизнес салаларына да оңтайлы шешім табуға болады деген сенімдеміз», – деді «Атамекен» ҚР ҰКП Басқарма төрағасының орынбасары Юлия Якупбаева.
</blockquote>
Спикер кәсіпкерлер өз қаржы ағынын, кіріс-шығысын&nbsp; мереке алдындағы қосымша тапсырыс пен түсімдерді ескере отырып есептейтінін атап өтті. Осы себепті бизнес жұмысқа тезірек кірісу үшін санитарлық нормаларды сақтау бойынша қосымша міндеттемелер алуға дайын.
Happylon балалар ойын-сауық паркі желісінің басқарушысы Ләззат Тұрсынбаева болса,&nbsp; СОО-ның балалар аймағында&nbsp; қауіпсіздік қамтамасыз етіп, тіпті шағын 40-минуттық ертеңгілік өткізе алатындарын жеткізді.
<blockquote>
 «Сауда орталықтарында заманауи желдету жүйесі орнатылған, балалар ойын алаңдары 4 шаршы метрден жоғары болып келеді. Оған қоса, төбесі де биік, 10 метрден асады. Мәселен, біздің ойын алаңымыздың биіктігі –&nbsp; 17 метр. Мұндай жағдайда ауа жақсы алмасады,&nbsp; біз бір уақытта сағатына 100 балаға қызмет көрсете аламыз, ал&nbsp; әр 30 минут сайын тазалау жұмыстарын жүргіземіз», –&nbsp; деді кәсіпкер.
</blockquote>
«Вlack star burger» өңірлік директоры Александр Рассказов сауда және ойын-сауық орталығында фудкорттарға жұмыс істеуге болатынын айтты, өйткені мейрамханаларға қарағанда қоғамдық тамақтану орындарында мерекелер жүргізілмейді, ал қонақтың нысанға келу уақыты 20-25 минутты ғана құрайды. Өз кезегінде кәсіпкерлер арнайы белгілерді, әр үстелге дезинфекциялық құралдарды қойып, қонаққа қызмет көрсететін даяшыларды белгілеп, адам ағынын қатаң бақылауға дайын.
Мейрамхана кәсібімен айналысушылардың табысы пандемия&nbsp; кезінде 40%-ға кеміген, енді кәсіпкерлер жеткізушілер, коммуналдық қызмет алдындағы міндетін өтей алмай отыр, сондықтан нысандардың жұмыс уақытын түнгі бірге дейін ұзартуды сұрайды. Банкет залының иелері жоспарланған іс-шараларды СЭҚ қызметкерлеріне алдын ала хабарлауға дайын. Бұл инспектордың өзі мерекеге келіп, талаптар мен қаулының орындалуын тексереуге мүмкіндік береді.
Шығынға батып, көлеңкеге кеткен тағы бір сала – компьютер клубтары. CYBERDOM тең құрылтайшының бірі Максим Исаевтың айтуынша, Нұр-Сұлтанда 120 клубтан 40 клуб жабылып қалған, қалған 80%-ы көлеңкеде жұмыс істеп жатыр.
<blockquote>
 «Бизнесімізде орын саны нақты, біз адам ағынын бақылай аламыз, кәсіпкерлер келушілерге маскалар, дезинфекциялық құралдар мен қолғаптарды тегін таратуға дайын.&nbsp; Әр келушіден кейін жуып-тазалу жүргізіледі», – деді Максим Исаев.
</blockquote>
Жұмысқа кезең-кезеңмен рұқсат беруді бильярд иелері сұрап отыр. Салалық қауымдастық басшысының пікірінше, олар ойын-сауық нысандарына қателікпен жатқызған, өйткені бильярд спорт нысандарына жатады. Нысандар санитарлық нормаларға сәйкес келеді, олар жұмыс бастап, бизнесті сақтап қалу үшін дәрігерлердің барлық талаптарын орындауға дайын.
ҚР Премьер-Министрінің орынбасары Ералы Тоғжанов бас санитарлық дәрігер Ерлан Қиясовқа караоке, фуд-корттар, боулингтер, асханалар, банкет залдары, балалардың ойын-сауық орталықтарына ашылуына санитарлық талаптар бойынша бизнестің бастамаларын қарастыруды тапсырды. Алайда, Ералы Тоғжанов вирустың қайта өршуіне жол бермеу үшін жұмысты мұқият жасау керек екеніне назар аудартты. Ведомствоаралық комиссияның келесі отырысында мейрамханалар, кафелер мен асханалардың жұмыс істеу уақытын қайта қарау туралы ұсыныстар қаралатын болады.
Сондай-ақ, Ералы Тоғжанов өзі-өзі басқару мүмкіндігімен цифрлық мониторингті қолдану мен бейнекамера орнату&nbsp; арқылы санитарлық талаптардың сақталуын қадағалайтын&nbsp; пилоттық жоба идеясын қолдады. Бұл жоба&nbsp; жаңа жылдық мерекелерден кейін іске асырылуы мүмкін.
<img src="https://kyzylorda-news.kz/wp-content/uploads/2020/12/foto-1.jpg" alt="" />

«Атамекен»: Бизнес қызметі тоқтамауы тиіс

<a href="https://kyzylorda-news.kz/">Kyzylorda-news.kz.</a>&nbsp; HalykBank – 2019 жылдың қорытындысы бойынша жылдық есептер және орнықты даму туралы есеп байқауының «Қаржы секторындағы үздік жылдық есеп» номинациясы бойынша жеңімпаз атанды.
«QRA» рейтингтік агенттігі 10-шымерейтолық Жылдық есептер және орнықты даму туралы есептер байқауының қорытындыларын шығарды, «Қаржы секторындағы үздік жылдық есеп» номинациясында HalykBank («Қазақстан Халық Банкі» АҚ) лауреат атанды.
Қазылар ақпараттың ашықтығын, оны талдау және банктің ақпаратты ұсыну сапасы деңгейін жоғары бағалады. Бұл банк клиенттерімен, инвесторлармен және қоғаммен құрметке, сенім мен серіктестікке негізделген қарым-қатынас құратынын білдіреді.
<blockquote>
 «Біз әлемдік трендтерді мұқият қарап отырып, өз қызметімізге үздік тәжірибелерді енгіземіз және де ақпаратты ашу сапасына ден қоямыз. 2020 жылы банк қаржылық емес есептілікті әзірлеу деңгейінде айтарлықтай нәтижеге жетті, оны үздік әлемдік стандарттарға бейімдеу бойынша үлкен жұмыс атқарып, ең ірі әлемдік аудиторлық компанияларының бірінің қолдауыменҚазақстанның қаржы секторы компаниялар арасында алғашқы болып тұңғыш рет 2019 жыл үшін орнықты даму туралы тиісті есепті дайындап, жариялады. Еліміздің 39 қаржы ұйымы таласқан «QRA» РА марапаты біздің жұмысымыздың нәтижесін мойындау болып табылады», – деп HalykBank басқарма төрайымы Үміт Шаяхметова атап өтті.
</blockquote>
Жылдық есептерді бағалау әдістемесі ақпаратты ашу саласындағы соңғы трендер мен стандарттарды ескере отырып, бүкіл әлемнің жылдық есептерінің бенчмарингіне негізделеді.
Осы жылы байқау шеңберінде 2019 жылдың қорытындылары бойынша қазақстандық компаниялардың 111 жылдық есебі және орнықты даму туралы есебі, оның ішінде 39 қаржылық ұйымның және 72 қаржылық емес ұйымның есептері бағаланды.
Halyk Bank (ҚазақстанХалық Банкі) –бөлшек, ШОБ және корпоративтік банктік қызметтерді, сақтандыруды, лизингті, брокерлік қызметтерді және активтерді басқаруды қоса алғанда, түрлі сегменттерде қызмет көрсететін Қазақстандағы жетекші қаржы тобы. Банктің 1998 жылдан бері Қазақстан Қор Биржасында, 2006 жылдан бастап Лондон қор биржасында және 2019 жылғы қазаннан бастап Astana International Exchange биржасында листингі бар. Активтері 2020 жылы 30 қыркүйектегі жағдай бойынша 9,999.1 млрд. теңгені құрайды. Банк Қазақстандағы жетекші кредиттік ұйым болып табылады. Банк ең ірі клиенттер базасына және филиалдар желісіне ие – еліміз бойынша 613 филиал мен бөлімше. Банк Грузияда, Қырғызстанда, Ресейде, Тәжікстанда және Өзбекстанда қызметін жүзеге асырады.
«QRA» рейтингтік агенттігі 10 жылдан астам уақыт бизнес пен корпоративтік басқарудың ашықтығын қамтамасыз ету саласында қызмет етеді.10 жылдан бері жылдық есептер байқауын, сондай-ақ корпоративтік есептілік бойынша семинарлар мен конференциялар өткізеді.

HalykBank «Қаржы секторындағы үздік жылдық есеп» номинациясы бойынша жеңімпаз атанды

<a href="https://kyzylorda-news.kz/">Kyzylorda-news.kz.</a> Ұлттық банк халықтың өтінішін ескеріп, 2006 жылы шығарылған 2000, 5000, 10000 теңгелік банкноттарды ауыстыру мерзімін келесі жылдың бірінші ақпанына дейін ұзартты, деп хабарлайды&nbsp;<a href="https://sputnik.kz/">Sputnik Қазақстан.</a>
Ұлттық банктің баспасөз қызметінің ақпаратынша, 2006 жылғы үлгідегі номиналы 2000, 5000 және 10000 теңгелік банкноттарды қабылдау және ауыстыру мерзімі 2021 жылдың 1 ақпанына дейін ұзартылды.
<blockquote>
 “Халықтың өтінішімен айырбастау мерзімін ұзарту туралы шешім қабылдадық. Кейбір азаматтар, әсіресе, зейнет жасындағы қариялар әртүрлі себепке байланысты ескі банкноттарды уақытында айырбастап үлгермеген”, – деді банктің қолма-қол ақша айналысы департаментінің директоры Жомарт Қажмұратов. &nbsp;&nbsp;&nbsp;&nbsp;&nbsp;
</blockquote>
Айта кетсек, қазақстандықтар ескі банкноттарын Ұлттық банктің филиалдарында ғана айырбастай алады. Олардың мекенжайы мен байланыс телефоны туралы ақпарат банктің сайтында жарияланған.
1 ақпаннан кейін банкноттарды айырбастау тоқтатылады.
Қосымша сұрақтар туындаған жағдайда Ұлттық банктің 1477 байланыс орталығына хабарласуға болады.

Ұлттық банк 2, 5 және 10 мың теңгелік банкноттарға қатысты мәлімдеме жасады

<a href="https://kyzylorda-news.kz/">Kyzylorda-news.kz.</a> Бүгін Үкімет отырысында ҚР Ауыл шаруашылығы министрі Сапархан Омаров егіс алаңдарын әртараптандыру бойынша жоспарды орындамаған өңірлерді атады, деп хабарлайды <a href="https://lenta.inform.kz/kz/kyzylorda-oblysynda-kurish-alanyn-kyskartu-korsetkishi-oryndalmady-saparhan-omarov_a3732742">ҚазАқпарат</a>.
<blockquote>
 «Егіс алаңдарын әртараптандыру жұмыстарын министрлік тұрақты негізде үйлестіретін болады, сондықтан әкімдіктер осы бағыттағы жұмысты жандандырулары қажет. Бұл ретте, Қызылорда облысында күріш алаңын қысқарту жөніндегі көрсеткіш орындалмағанын атап өткен жөн. Мәселен, меморандумға сәйкес Қызылорда облысында 2020 жылы 75 мың гектарды құрауы тиіс еді, алайда нақты егіс алаңы. 89 мың гектарды құрады. Яғни индикативтік көрсеткіштердің жыл сайынғы артуы 14 мың гектардан асады. Осыған ұқсас жағдай Алматы мен Түркістан облыстарында да орын алуда, оларда көрсеткіштен артығы тиісінше 500 гектарды және 2,3 мың гектарды құрайды», – деді министр.
</blockquote>
Сонымен қатар, Түркістан облысында да мақта алаңдарын қысқарту бойынша көрсеткіш орындалмаған. Мәселен, биылғы мақтаның нақты көлемі меморандумда көзделген алаңнан 16 мың гектарға артық болды. Бұдан басқа, Қызылорда және Түркістан облыстарында бидай алаңын қысқарту бойынша көрсеткіш орындалмағаны анықталды. 2020 жылы Қызылорда облысында бидай егілетін алаң Меморандумда көзделгеннен екі есе асып түсті.
Түркістан облысы бойынша да осыған ұқсас жағдай орын алды, онда жыл сайын нақты алаң меморандумның индикативті көрсеткіштерінен асады.
<blockquote>
 «Бұл жерде Алматы облысының көрсеткіші үлгі бола алады, онда бидайдың алаңы 11 мың гектарға төмендеген, осылайша меморандумның индикативті көрсеткіштері орындалған», – деді С. Омаров.
</blockquote>

Қызылорда облысында күріш алаңын қысқарту көрсеткіші орындалмады &#8211; Сапархан Омаров

<a href="https://kyzylorda-news.kz/">Kyzylorda-news.kz</a>. Мемлекет тарапынан әлеуметтік маңызы бар негізгі азық-түлік тауарларының бағалары белгіленген шекті мәндерінен негізсіз артқан жағдайда шекті рұқсат етілген бағалары енгізіледі. Сонымен қатар мемлекет тарапынан азық-түлік тауарларының бағаларын тұрақтандыру үшін тұрақтандыру қорлары жұмыс істейді.
Қызылорда облыстық ауыл шаруашылығы басқармасының дерегінше тұрақтандыру қорында 19 түрлі әлеуметтік маңызы бар негізгі азық-түлік қатарына жататың 2,5 мың тонна өнім бар. Ондағы І-сортты ұн, күріш, макарон, картоп, пияз, қырыққабат, сәбіз, сиыр еті, тауық еті, сүт, қарақұмық жармасы сияқты өнімдер сақталып нарық бағасынан төмен бағада сатылып жатыр. Қала және қала төңірегінде орналасқан 29 әлеуметтік дүкен мен 2 әлеуметтік маркеттерде және қала бойынша жұмыс жасап тұрған 4 «Мирас», «Аль-Асад», «Анвар», «Қызылорда Оптомаркет» сияқты ірі супермаркеттерінде келісім бойынша ашылған әлеуметтік бұрыштарда халыққа ұсынылды.
<blockquote>
 “Әлеуметтік дүкендердегі тауар өтімділігі өте жоғары болғандықтан, қорға қосымша өсімдік майы, қарақұмық жармасы, қырыққабат, картоп, қант сияқты 450 тонна өнім көлемі алынуда. Сонымен қатар баға тұрақтандыру және өнімдермен молайту шараларының тиімділігін арттыру мақсатында облыста әлеуметтік маңызы бар негізгі азық-түлік тауарларын өндіруші кәсіпкерлерге, сауда субъектілеріне айналым схемасы бойынша қайтарымды қарыз беру арқылы азық-түлік бағасын тұрақтандыру шаралары іске асырылуда. Оның ішінде облыс наубайханалары мен тұрғындарды өндіруші бағасымен ұнмен қамтамасыз ету үшін 2 ұн өндіру комбинатына, 2 жұмыртқа өндіруші кәсіпорынға, 1 бордақылау алаңына етпен қамтамасыз ету үшін және 3 кәсіпкерге әлеуметтік бағытта азық-түлік сатылымын қалыптастыруға айналым қаражаттары берілуде”, – делінген басқарманың таратқан хабарламасында.
</blockquote>
Әлеуметтік дүкендердің желісін ұлғайту мақсатында облыс орталығында қолда бар 29 әлеуметтік дүкенге қосымша 20, әр аудан орталықтарында 2 дүкеннен, яғни барлығы 36 әлеуметтік дүкен ашу жоспарлануда. Қазіргі таңда ауа райының суытуына байланысты жәрмеңкелер тоқтатылды, алайда күн жылуымен бұл жұмыстар қайта қалыптасатын болады. Республика бойынша күнбағыс майы, қарақұмық жармасы, қант, жұмыртқа, ұн өнімдерін өндіріп өндеуші кәсіпорындар тарапынан қымбаттаған тауарлардан басқа тауарларға бағалар қалыпты.
Өңірдің табиғи-климаттық жағдайына байланысты облыс азық-түлік тауарларын өндіруінде халықты қарақұмық, қант, өсімдік майы, ұн сияқты әлеуметтік маңызы бар өнім түрлерімен өңірімізде өндірілмеуіне байланысты республиканың басқа өңірлерінен әкелінеді, яғни жасанды тапшылық болдырмау үшін шекті рұқсат етілген бағасын белгілеу экономикалық орынсыз деп табылуда.

Қызылордада келесі жылы 36 әлеуметтік дүкен ашылады

<a href="https://kyzylorda-news.kz/">Kyzylorda-news.kz</a>. Қазіргі таңда Жалағаш ауданында 2377 шағын және орта кәсіпкерлік субъектілері тіркелген. Оның ішінде, 2190 субъектісі немесе 92,1 пайызы нақты жұмыс жасап отыр. Бұл көрсеткіш жыл басынан 2 пайызға өсті. Кәсіпкерлік нысандарда 3620 адам жұмыс істеуде.
Кездесуде аудан әкімі Асылбек Шаменов кәсіпкерлерге ауданымыздың экономикалық дамуына қосқан үлесіне , елімізде орын алған індет кезінде аудан тұрғындарына көрсеткен көмектері үшін зор алғысын білдіріп, бірқатар кәсіпкерлерді облыс, аудан әкімінің алғысымен марапаттады.
Аудандық кәсіпкерлік, өнеркәсіп және туризм бөлімінің басшысы Ғабит Ербол ауданда кәсіпкерлік саласында атқарылып жатқан жұмыстарды баяндап, ауданға қажетті кәсіпорындарды ашу мақсатында бірнеше ұсыныстарын жеткізді.
Кездесуде Абжалелов Абулайс, Тәуіпбаев Асылбек, жас кәсіпкер Жұмбек Еділ сөз сөйледі. Кәсіпкерлерге мемлекет тарапынан қолдау көрсетіліп жатқанын, осындай мүмкіндіктерді тиімді пайдалану қажеттігін атап өтіп, кездесуді ұйымдастырушыларға алғысын білдірді.
Жиында аудан әкімі қорытындылап, бизнесті жүргізу үшін қолайлы жағдай жасау басты міндет екенін атап өтті.
<blockquote>
 “Біз әрдайым бірлескен нәтижелі жұмыстар мен өзіміздің тарапымыздан кәсіпкерліктің дамуына қатысты мәселелерді шешуге, қолдау көрсетуге, қандай да бір идеяларыңыз болса оларды талқылауға әрқашан дайынбыз. Сонымен қатар, қолданыстағы кәсіпкерлік нысандарының мерекелерге байланысты мерзімінде безендіру, тиісті санитарлық талаптарды сақтау және түнгі мезгілде жарықтандыру сияқты жұмыстарды бірігіп атқаруымыз қажет”, – деді Асылбек Шаменов.
</blockquote>
<img src="https://kyzylorda-news.kz/wp-content/uploads/2020/12/131075752_1114310162354394_7212451468854476915_o.jpg" alt="" />
<img src="https://kyzylorda-news.kz/wp-content/uploads/2020/12/131068634_1114309835687760_6738017202744479119_o.jpg" alt="" />

Жалағаш: Кәсіпкерлік саласында өсім бар

<a href="https://kyzylorda-news.kz/">Kyzylorda-news.kz</a>. Бүгін Мемлекет басшысы Қасым-Жомарт Тоқаевтың қатысуымен онлайн режимінде «Алтын сапа» сыйлығын табыстау салтанаты өтті. Әр облыстың аймақ басшылары шараға вкс режимінде қатысты. Президент жиында «Алтын сапа» сыйлығын табыс ету отандық кәсіпкерліктің дамуына елеулі үлес қосқан бизнес сектордың орны ынталандыру әрі қолдаудың жолы екенін атап өтіп, үздіктерді құттықтады.
Жиында іріктеу сынынан өткен кәсіпорындар «Өндірістік мақсаттағы үздік кәсіпорын», «Халыққа арналған тауар шығаратын үздік кәсіпорын», «Қызмет көрсететін үздік кәсіпорын», «Ауылшаруашылық өнімдерін шығарушы үздік кәсіпорын» номинацияларын иеленді. Сондай-ақ, «Ұлы дала елі», «Іскер», «Бизнес кемелділік» аталымында үздіктер анықталды.
Президенттің «Алтын сапа» сыйлығында Сыр елінің екі кәсіпорны арнайы номинация иеленді. «Іскер» аталымы «Абай Дәулет» ЖШС-іне бұйырды. Қазақстан кәсіпкерлерінің құқықтарын қорғау жөніндегі уәкіл Рустам Жүрсінов кәсіпорын басшысы Мұрат Сәрсенбаевқа арнайы марапатты табыстап, құрмет көрсетті.
Айта кету керек, «Абай Дәулет» ЖШС 2016 жылдан бері Қызылорда облысының аумағында өнім өндіру бағытында қызмет етіп келеді. Серіктестік күріш өсіру, бау-бақша өсіру және қой өсірумен айналысады. Өндіріс жанынан жаңа күріш ақтау зауыты ашылған. 80 адамды тұрақты жұмыспен қамтитын әлеуетті зауыт күріш жармасы нарығының ұлғаюына зор үлес қосуда. Кәсіпорын басшысы Мұрат Сәрсенбаев «Жомарт жүрек» азаматы атанып, «Жыл меценаты» номинациясымен марапатталған.
Салтанатты жиында өнімнің сапасы мен қызмет көрсету саласындағы жетістіктері үшін берілетін ТМД сыйлығы Қызылорда облысына бұйырды. «Азық-түлік тауарлар және ауылшаруашылық өнімдер өндірісі» атылымы «Абзал және К» толық серіктестігі лайық деп табылды. Жүлдені Сауда және интеграция министрі Бақыт Сұлтанов табыстады.
«Абзал және К» компаниясы жылына таза ақталған 25 мың тонна күріш өндіреді. Оның 50 пайыздан астамы Ресей, Украина, Тәжікстан, Өзбекстан, Моңғолия елдеріне экспортқа шығарылады. Компания күріш өндірушілердің үздік үштігінің қатарында. Мұнан өзге бизнестің әлеуметтік жауапкершілігі аясында компания биылдың өзінде 54 жаңа жұмыс орнын ашып, жалпы 400-ден астам адамды жұмыспен қамтып отыр.
Облыс әкімі Гүлшара Әбдіқалықова үздіктер қатарынан көрінген Сыр елінің кәсіпкерлерін жеңісімен құттықтап, сәттілік тіледі. Еске сала кетейік, Президенттің «Алтын сапа» сыйлығы 2016 жылдан бері үздіктерге табысталып келеді. Осы кезге дейін байқауға республикадан 2200 астам кәсіпорын қатысқан.
<img src="https://kyzylorda-news.kz/wp-content/uploads/2020/12/130856950_2964656930304023_2813572381770519833_o.jpg" alt="" />

Қазақстан және Қызылорда облысының жаңалықтары: Экономика

Облыс әкімі жұмыс сапарымен Шиелі ауданына барып, жаңа әлеуметтік нысандарды ашты

Аралда ас тұзын өндіру зауыты салынады

Гүлшара Әбдіқалықова Нұрлыбек Нәлібаевқа экономикалық даму деңгейін арттыру бағытында тапсырмалар берді

Арал ауданында мал шаруашылығын дамыту мақсатында 119 жоба қаржыландырылған

Гүлшара Әбдіқалықова орынбасары Бақыт Жахановты қабылдады

«Атамекен»: Бизнес қызметі тоқтамауы тиіс

HalykBank «Қаржы секторындағы үздік жылдық есеп» номинациясы бойынша жеңімпаз атанды

Ұлттық банк 2, 5 және 10 мың теңгелік банкноттарға қатысты мәлімдеме жасады

Қызылорда облысында күріш алаңын қысқарту көрсеткіші орындалмады – Сапархан Омаров

Қызылордада келесі жылы 36 әлеуметтік дүкен ашылады

Жалағаш: Кәсіпкерлік саласында өсім бар

«Алтын сапа» сыйлығында Сыр елінің екі кәсіпорны арнайы номинация иеленді

Қазақстан және Қызылорда облысының жаңалықтары: Экономика

Облыс әкімі жұмыс сапарымен Шиелі ауданына барып, жаңа әлеуметтік нысандарды ашты

Аралда ас тұзын өндіру зауыты салынады

Гүлшара Әбдіқалықова Нұрлыбек Нәлібаевқа экономикалық даму деңгейін арттыру бағытында тапсырмалар берді

Арал ауданында мал шаруашылығын дамыту мақсатында 119 жоба қаржыландырылған

Гүлшара Әбдіқалықова орынбасары Бақыт Жахановты қабылдады

«Атамекен»: Бизнес қызметі тоқтамауы тиіс

HalykBank «Қаржы секторындағы үздік жылдық есеп» номинациясы бойынша жеңімпаз атанды

Ұлттық банк 2, 5 және 10 мың теңгелік банкноттарға қатысты мәлімдеме жасады

Қызылорда облысында күріш алаңын қысқарту көрсеткіші орындалмады &#8211; Сапархан Омаров

Қызылордада келесі жылы 36 әлеуметтік дүкен ашылады

Жалағаш: Кәсіпкерлік саласында өсім бар

«Алтын сапа» сыйлығында Сыр елінің екі кәсіпорны арнайы номинация иеленді

Қызылорда облысында күріш алаңын қысқарту көрсеткіші орындалмады – Сапархан Омаров