<a href="https://kyzylorda-news.kz/">Kyzylorda-news.kz</a> &nbsp;Су ресурстары және ирригация министрлігі Қызылорда облысына жаңадан су қоймасы мен каналдар салуды жоспарлап отыр, деп хабарлады <a href="https://kaz.inform.kz/news/kizilorda-oblisinda-zhanadan-su-koymasi-men-kanaldar-salinadi-5fef26/">Қазақпарат ақпараттық агенттігі</a>Министрліктің мәліметінше, бұдан бөлек, 2 су торабы мен 4 гидротехникалық құрылысқа реконструкция жасалады.Су ресурстары және ирригация министрі Нұржан Нұржігітов аймақтың су шаруашылығы өкілдерімен кездесті. Ведомство басшысы министрліктің негізгі бағыттар бойынша атқарған жұмысы туралы баяндады.Бүгінгі таңда, Қызылорда облысында жалпы ұзындығы 232 шақырымға жуық 5 каналда суды есепке алудың автоматтандырылған жүйесін орната отырып, су жинау станцияларын реконструкциялау жобасы іске асырылып жатыр. Оған қоса, ұзындығы 2600 шақырымнан асатын 16 магистральдық және шаруашылықаралық арналарды автоматтандыру үшін жобалау- сметалық құжаттама әзірленіп жатыр.Облыста су үнемдеу технологияларын енгізу бойынша да жұмыс жалғасып жатыр. Мәселен, өткен жылы Қызылорда облысының шаруалары су үнемдеу технологияларын енгізудің нәтижесінде 200 млн текше метрге жуық су үнемдеді.<blockquote>– Көршілес елдермен екі жақты және үш жақты келіссөздер мен қабылданған шешімдердің нәтижесінде 2024 жылы Шардара су қоймасына 15 млрд текше метрден астам су келді. Оның 4,8 млрд текше метрі суару кезеңінде, ал 10,3 млрд текше метрі вегетацияаралық кезеңде жиналды. Қаратерең су бекеті арқылы Солтүстік Аралға 2,6 млрд текше метр су жіберілді. Салыстырмалы түрде айтсақ, 2022 жылы Аралға бар болғаны 816 млн текше метр су жіберілген еді,- деді Су ресурстары және ирригация министрі Нұржан Нұржігітов.</blockquote>Фото: Су ресурстары және ирригация министрлігі

Қызылорда облысында жаңадан су қоймасы мен каналдар салынады

<a href="https://kyzylorda-news.kz/">Kyzylorda-news.kz</a> Арал ауданында «Өңірлік дамыту және Арал теңізінің Солтүстік бөлігін қалпына келтіру» жобасы талқыланған мәжіліс өтті. Оған ҚР Су ресурстары және ирригация министрі Нұржан Нұржігітов, Парламент Мәжілісінің депутаты Мархабат Жайымбетов, облыс әкімінің орынбасары Бахыт Жаханов, аудан әкімі Аманжол Оңғарбаев, аталған министрліктің өкілдері, жергілікті атқарушы органдардың, су шаруашылығы саласының басшылары, мамандары мен ардагерлер қатысты.Бахыт Жаханов аймақ басшысының тапсырмасына сәйкес өңірде атқарылған жұмыстар мен алдағы жоспарларға тоқталып, жиынға төрағалық етті.Министр су шаруашылығында &nbsp;атқарылған жұмыстарды атап өтіп, алдағы міндеттерді айқындады.<blockquote>«Біз су үнемдеу, трансшекаралық өзендердегі су ресурстарын әділ бөлу мәселесінде көршілес елдермен өзара түсіністікке қол жеткізіп, нақты қадам жасадық. Алдағы уақытта да осындай келіссөздерді жалғастырып, су қоймаларының деңгейін тұрақты ұстап тұруға бар күшімізді саламыз. Жоба ең алдымен өңірдің экологиялық жағдайын жақсартуға, балық шаруашылығы мен туризмді дамытуға және халықтың әл-ауқатын арттыруға бағытталған», - деді Н. Нұржігітов.</blockquote>«Өңірлік дамыту және Арал теңізінің Солтүстік бөлігін қалпына келтіру» жобасының 3 негізгі компоненті бар. Соның 2-еуі Қызылорда облысында тұрақты экономикалық, әлеуметтік және экологиялық қызметті қолдауға арналған. Екінші компоненттің бес бағыты – балық шаруашылығы, туризм, жасыл белдеу құру, егін және мал шаруашылығы. Оған 39 жоба енгізілген, 13-ін Халықаралық «Аралды құтқару қорының» атқарушы дирекциясы, 13-ін жергілікті әкімдіктер, 4 жобаны Балық шаруашылығы ғылыми зерттеу орталығының Арал филиалы, 3 жобаны Ы.Жахаев атындағы Қазақ күріш шаруашылығы ғылыми-зерттеу институты, 6 жобаны әртүрлі ұйымдар, жеке тұлғалар ұсынған. Жобалар іске асқан жағдайда 1927 адам тұрақты жұмыспен қамтылуы жоспарланған.Солтүстік Арал теңізінде су жинақтаудың көлемі мен тиімділігін арттыру, су ресурстарын басқаруды жақсарту, балық шаруашылығы мен экотуризмді дамыту, өңірдің экологиялық жағдайын жақсарту бойынша маңызды бастамалар төңірегінде сөз сабақтаған сала мамандары қатарында Парламент Мәжілісінің депутаты Мархабат Жайымбетов, Су шаруашылығы комитеті төрағасының орынбасары Нұрбек Серіков, Су ресурстарын пайдалануды реттеу және қорғау жөніндегі комитет төрағасы Сейілбек Нұрымбетов, облыстық табиғи ресурстар және табиғат пайдалануды реттеу басқармасының басшысы Серік Сермағамбетов, Халықаралық "Аралды құтқару қорының" Қазақстан Республикасындағы дирекциясының атқарушы директоры Серікәлі Мұхатаев, Балық шаруашылығы ғылыми-өндірістік орталығы Арал филиалының директоры Тынысбек Барақбаев, Қаз ССР Балық шаруашылығы министрі қызметін атқарған ардагер Құдайберген Саржанов және осы жоба бастамашысы, эколог жазушы Сайлаубай Жұбатырұлы бар.Жиында қуаты арттырылатын «Көкарал» бөгетінің су деңгейін 46 метрден 50-51 метр биіктікке дейін көтеру туралы ұсыныс айтылды. Н.Нұржігітов ұсыныстар &nbsp;жан-жақты талқыланып, тиімділігі сала мамандарымен бірге сараланатынын жеткізді.Фото: Қызылорда облысы әкімінің баспасөз қызметі

ҚР  Су ресурстары және ирригация министрі Арал ауданына барды

<a href="https://kyzylorda-news.kz/">Kyzylorda-news.kz</a> Қазақстанда 2025 жылдың 1 ақпанынан бастап электр энергиясының бағасы көтерілуі мүмкін. Оған&nbsp;Энергетика министрлігінің электр энергиясына шекті тарифтерді бекітуі себеп болды. Бұл туралы<a href="https://stan.kz/"> Stan.kz</a> ақпарат агенттігі хабарлайды.&nbsp;Қазақстанның 36 энергия өндіруші ұйымы электр энергиясының шекті тарифтерін түзетуге өтінім берген. Сонымен қатар&nbsp;үш жаңа компания энергия өндіруші ұйымдар тізіміне кіру үшін тарифтерді белгілеу ұсынысын айтқан.&nbsp;Министрдің бұйрығы 22 қаңтарға дейін талқылау үшін "Ашық нормативтік-құқықтық актілер порталына" жарияланды. Бұйрық жобасында энергия өндіруші ұйымдардың көпшілік топтары үшін шекті тарифтерді көтеру көзделген. Құжатта тек топтар көрсетілген. Ал осы топтарға сәйкес ұйымдардың атаулары Энергетика министрінің (05.12.2018 ж., № 476) бұйрығымен берілген.<ul><li style="text-align:justify;">1-топ: "Б.Нұржанов атындағы Екібастұз Мемлекеттік аудандық электр станциясы-1" ЖШС – тариф 2024 жылы 8,27 теңгеден 2025 жылы кВт/сағ үшін 9,50 теңгеге дейін;</li><li style="text-align:justify;">2-топ: "Еуразиялық энергетикалық корпорациясы" АҚ – кВт/сағ үшін 7,98 теңгеден 8,48 теңгеге дейін;</li><li style="text-align:justify;">3-топ: "Екібастұз Мемлекеттік аудандық электр станциясы-2" АҚ – кВт/сағ үшін 13,17-ден 15,67 теңгеге дейін;</li><li style="text-align:justify;">4-топ: "Топар бас тарату электр станциясы" ЖШС – кВт/сағ үшін 15,32-ден 20,84 теңгеге дейін;</li><li style="text-align:justify;">5-топ: Батыров атындағы "Жамбыл Мемлекеттік аудандық электр станциясы" АҚ – кВт сағ үшін 17,73 теңгеден 22,58 теңгеге дейін;</li><li style="text-align:justify;">6-топ: "Қарағанды ​​Энергия Центр" ЖШС – кВт/сағ үшін 14,09 теңгеден 17,64 теңгеге дейін;</li><li style="text-align:justify;">7-топ: "Өскемен ЖЭО" ЖШС– кВт/сағ үшін 14,27-ден 17,82 теңгеге дейін;</li><li style="text-align:justify;">8-топ: "Севказэнерго" АҚ – кВт/сағ үшін 18,61 теңгеден 23,17 теңгеге дейін;</li><li style="text-align:justify;">9-топ: "Астана-Энергия" АҚ – кВт/сағ үшін 9,28-ден 11,71 теңгеге дейін;</li><li style="text-align:justify;">10-топ: "Павлодарэнерго" АҚ (ЖЭО-2,3) – кВт/сағ үшін 18,25-тен 24,29 теңгеге дейін;</li><li style="text-align:justify;">12-топ: "Қазақстан алюминийі" АҚ – кВт/сағ үшін 7,87-ден 8,52 теңгеге дейін;</li><li style="text-align:justify;">13-топ: "Kazakhmys Energy" ЖШС (ЖТЭК, БТЭК) – кВт/сағ үшін 21,42 теңгеден 30,24 теңгеге дейін;</li><li style="text-align:justify;">15-топ: "Согринская ЖЭО" жауапкершілігі шектеулі серіктестігі – кВт/сағ үшін 18,62 теңгеден 20,52 теңгеге дейін;</li><li style="text-align:justify;">16-топ: "Bassel Group LLS" ЖШС – кВт/сағ үшін 16,73-тен 25,48 теңгеге дейін;</li><li style="text-align:justify;">17-топ: "Текелиский энергокомплекс" жауапкершілігі шектеулі серіктестігі – кВт/сағ 20,72-ден 24,17 теңгеге дейін;</li><li style="text-align:justify;">18-топ: "Степногорск ЖЭО" жауапкершілігі шектеулі серіктестігі – кВт/сағ үшін 28,97 теңгеден 38,67 теңгеге дейін;</li><li style="text-align:justify;">19-топ: "Шахтинсктеплоэнерго" жауапкершілігі шектеулі серіктестігі – кВт/сағ үшін 6,36 теңгеден 21,05 теңгеге дейін;</li><li style="text-align:justify;">20-топ: "Атырау ЖЭО" АҚ – кВт/сағ үшін 20,70-тен 23,91 теңгеге дейін;</li><li style="text-align:justify;">21-топ: "Ақтөбе ЖЭО" АҚ – кВт/сағ үшін 12,63 теңгеден 17,54 теңгеге дейін;</li><li style="text-align:justify;">22-топ: "Кентау сервис" МКҚК – кВт/сағ 7,07-ден 37,12 теңгеге дейін;</li><li style="text-align:justify;">23-топ: "Арқалық ТЭК" МКҚК – кВт/сағ үшін 8,44 теңгеден 13,13 теңгеге дейін;</li><li style="text-align:justify;">25-топ: "Жайықтеплоэнерго" АҚ – кВт/сағ 12,52-ден 13,25 теңгеге дейін;</li><li style="text-align:justify;">26-топ: "Алматы электр станциялары" АҚ (ТЭЦ-1,2,3, Қапшағай СЭС, Каскад ГЭС) – кВт/сағ үшін 17,82 теңгеден 20,93 теңгеге дейін;</li><li style="text-align:justify;">27-топ: "МАЭК-Қазатомөнеркәсіп" ЖШС – кВт/сағ үшін 19,45-тен 22,16 теңгеге дейін;</li><li style="text-align:justify;">28-топ: "Жаңажолская Газ турбиналық электр станциясы" жауапкершілігі шектеулі серіктестігі – кВт/сағ үшін 11,85-тен 14,36 теңгеге дейін;</li><li style="text-align:justify;">31-топ: "Crystal Management" АҚ – кВт/сағ үшін 12,44-тен 15,27 теңгеге дейін;</li><li style="text-align:justify;">33-топ: "АЭС Шүлбі ЖЭО" АҚ – кВт/сағ үшін 4,14-тен 5,04 теңгеге дейін;</li><li style="text-align:justify;">34-топ: "АЭС Өскемен ЖЭО" АҚ – кВт/сағ үшін 3,44 теңгеден 4,29 теңгеге дейін;</li><li style="text-align:justify;">37-топ: "Ақтөбе рельс-арқалық зауыты" ЖШС – кВт/сағ үшін 13,05-тен 21,11 теңгеге дейін;</li><li style="text-align:justify;">39-топ: "З-Энергоорталық" АҚ – кВт/сағ үшін 15,09-дан 16,77 теңгеге дейін;</li><li style="text-align:justify;">40-топ: "Қызылордатеплоэлектроцентр" МКК – кВт/сағ үшін 11,58-ден 12,10 теңгеге дейін;</li><li style="text-align:justify;">41-топ: "Таразэнергоцентр" АҚ – кВт/сағ үшін 14,29-дан 21,07 теңгеге дейін;</li><li style="text-align:justify;">42-топ: "Батыс Пауэр" ЖШС&nbsp;– кВт/сағ үшін 14,60 теңгеден 15,89 теңгеге дейін;</li><li style="text-align:justify;">50-топ: "Жайықмұнай" ЖШС – кВт/сағ үшін 9,00-ден 11,92 теңгеге дейін.</li></ul>Бірыңғай сатып алушы үшін электр энергиясының құнының өсуі кВт/сағ үшін шамамен 2 теңге болуы мүмкін.&nbsp;Энергия өндіруші ұйымдар тізіміне үш жаңа кәсіпорынды енгізу жоспарланып отыр. Бірақ олардың атаулары көрсетілмеген.Тарифтерді көтеруге не әсер еттіЖалақының өсуі. 2024 жылы орташа жалақы 18%&nbsp;өсіп, 425 мың теңге болды. 2025 жылы одан әрі 15-20%-ға, 490 мың теңгеге дейін көтерілуі мүмкін.&nbsp;"Жалақыны көтеру білікті кадрларды тартуға және сақтауға бағытталған", – делінген бұйрық жобасында.Кадр тапшылығы. 2024 жылғы қаңтардағы жағдай бойынша энергетика саласында 52,5 мың қызметкер жұмыс істеді. Оның штаттық деңгейі 57 мың, бұл 4,5 мың маман тапшылығын тудырып отыр.&nbsp;Жанармай мен материалдар бағасының өсуі. Көмірдің, газдың және оларды тасымалдаудың, металл және жөндеу жабдықтарының қымбаттауы шығындардың өсуінің негізгі факторлары болды.Фото: Нұрболат Нұржаубай

Қазақстанда 1 ақпаннан бастап электр энергиясы қымбаттамақ

<a href="https://kyzylorda-news.kz/">Kyzylorda-news.kz</a> Қыс мезгілінде тұрғындардың қауіпсіздігін қамтамасыз ету мақсатында облыс аумағында "Мұз-2024" акциясы өтуде. Бұл шараның негізгі мақсаты – қысқы кезеңде су айдындарындағы қауіпсіздік ережелерін түсіндіріп, балық аулау кезінде жазатайым оқиғалардың алдын алуды көздейді. Бүгін Өңірлік коммуникациялар қызметінің ақпарат алаңында облыстық ТЖД Азаматтық қорғаныс басқармасының бастығы Жандос Жүгінісов науқан аясында атқарылған жұмыстарды баяндады.<blockquote>&nbsp;</blockquote><blockquote>– "Мұз-2024" акциясы барысында 4 000-нан астам тұрғынға, оның ішінде 200-ден аса балықшыға нұсқау берілді. Өңірде су айдындарында балық аулау кезіндегі қайғылы оқиғаларды болдырмау, су айдындарында қауіпсіздікті сақтау бойынша күнделікті сағат 14:00 мен 19:00 аралығында рейдтік профилактикалық жұмыстар жүргізілуде. Сондай-ақ, рейдке "МИ-8" және "Еврокоптер" тікұшақтар, дрондар, "МАРШ" және "ТРЭКОЛ" жоғары өту техникалары пайдаланылады. 2024 жылы су айдындарында құтқарушылармен 9 адам құтқарылды. Сонымен қатар, облыстың 69 421 оқушысына "Судағы және мұздағы қауіпсіздік ережелері", "Суда зардап шегушілерді құтқару, алғашқы дәрігерге дейінгі медициналық көмек көрсету тәсілдері" секілді тақырыптар бойынша сабақ өткізілді. Су айдындарында және балық аулау кезіндегі қауіпсіздік қағидаларын бұзу немесе орындамау кезінде ҚР ӘҚБТ Кодексінің 412 бабы бойынша жеке тұлғаларға 7 АЕК айыппұл салынады. Осы ретте Қызылорда облысының төтенше жағдайлар департаменті аймақтағы су айдындарында, мұзда және балық аулау барысында қарапайым қауіпсіздік шараларын сақтауды сұрайды,- деді Жандос Шайымұлы.</blockquote>&nbsp;

Балық аулау кезінде сақ болыңыз!

<a href="https://kyzylorda-news.kz/">Kyzylorda-news.kz</a> Қазгидромет еліміз бойынша 26-28 желтоқсанға арналған ауа райы болжамын жариялады. Еліміздің басым бөлігінде&nbsp;ауа райы тұрақсыз болады. Бұл туралы <a href="https://stan.kz/kar-zhauip-koktaygak-boladi-sinoptikter-elimiz-boyinsha-411677/">Stan.kz</a> ақпарат агенттігі хабарлайды.Синоптиктердің мәліметінше, ел аумақтары&nbsp;солтүстік-батыс циклонының ықпалында болады. Салдарынан&nbsp;ауа райының тұрақсыздығы туындайды. Қар жауып, республиканың оңтүстік-батысында жауын-шашын болады.Елдің оңтүстігінде ғана антициклон әсері&nbsp;негізінен жауын-шашынсыз ауа райы болжанып отырРеспублика бойынша бұрқасын, тұман, екпінді жел болады. Елдің батысында көктайғақ болжанып отыр.Қазақстанның басым бөлігінде ауа температурасы түнде 3 -15 аязға дейін, күндіз 6&nbsp;-5 градус болады.&nbsp;Елдің батысында ғана температуралық режимде күрт өзгерістер болмайды.Фото:&nbsp;pixabay.com

"Қар жауып, көктайғақ болады": Синоптиктер еліміз бойынша алдағы күндерге арналған ауа райы болжамын жариялады

<a href="https://kyzylorda-news.kz/">Kyzylorda-news.kz</a> Бүгіннен бастап алдағы мереке күндеріне орай тәулік бойы кезекшілік ұйымдастырылады. Қала әкімі Нұржан Ахатов жедел жиында жауапты сала басшыларына ықтимал төтенше жағдайларға жедел ден қою және мереке, демалыс күндері кезінде туындауы мүмкін штаттан тыс жағдайлардың алдын алу мен жою бойынша уақытылы шаралар қабылдауды тапсырды.Сонымен қатар, әлеуметтік маңызы бар азық-түлік тауарларының бағасын негізсіз өсірмеу, бейберекет саудаға жол бермеуді жүктеді. Су айдындарындағы, әсіресе балық аулау кезіндегі және жұқа мұз үстіндегі қауіпсіздік шараларын күшейтуді міндеттеді.Фото: ашық дереккөз

 Коммуналдық қызметтер мереке күндері күшейтілген режимде жұмыс істейді

<a href="https://kyzylorda-news.kz/">Kyzylorda-news.kz</a> Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті 2022 жылғы тарифтік сметалар мен қабылданған инвестициялық міндеттемелердің орындалуы жөніндегі есептерді талдау қорытындысы бойынша Департаменттің бұйрықтарымен 14 табиғи монополия субъектісіне қолданыстағы тарифтерді 0,1% - дан 47,7%-ға дейін төмендете отырып, 20 уақытша өтемдік тарифтер бекітілді, онда тұтынушыларға келтірілген залалды қайтару қаражат сомасы шамамен 523,38 млн. теңгені, оның ішінде реттелетін салалар бойынша:- жылу энергетикасы-1 субъектіге 3,04 млн. теңгені;- электр энергетикасы - 1 субъектіге 123,92 млн. теңгені;- кірме жолдар-8 субъектіге 12,33 млн. теңгені;- сумен жабдықтау және су бұру – 3 субъектіге 351,82 млн. теңгені;- газ тасымалдау- 1 субъектіге 32,27 млн.теңгені құрады.Мысалы, уақытша өтемдік тарифтер ҚҚС-сыз:-&nbsp;«Қазсушар» РМК «Сыр суы» филиалы (бұрын «Нұра топтық су құбыры» РМК «Арал» БЖСБ филиалы) суды магистральдық құбырлар мен тарату желілері арқылы беру қызметіне тариф 1 м3 үшін 492,22 теңгеден 468,59 теңгеге дейін немесе 4,8 пайызға, суды тарату желілері арқылы беру қызметіне тариф 1 м3 үшін 421,22 теңгеден 377,48 теңгеге дейін немесе 10,4 пайызға төмендетіліп;- «Қызылорда электр тарату тораптары компаниясы» АҚ-ның электр энергиясын беру қызметіне тариф 1 кВт.сағатқа 7,206 теңгеден 7,08 теңгеге дейін немесе 1,75 пайызға&nbsp;төмендетіліп;- «Қызылорда газ тарату жүйесі» КМК-ның тауарлық газды бөлшек саудада өткізу қызметі бойынша Қызылорда облысы Жалағаш және Жосалы кенттерінің тұтынушылары үшін тариф 1000 текше метр үшін 7446 теңгеден 7145 теңгеге немесе 4,04 пайызға, Қызылорда облысы Тереңөзек кентінің тұтынушылары үшін тариф 7431 теңгеден 6997 теңгеге немесе 5,84 пайызға төмендетіліп;- «Техоснастка-Ремсервис» ЖШС-ніңкірме жолдар қызметіне тариф &nbsp; 1 вагон/сағатқа 1355,90 теңгеден 799,76 теңгеге немесе 41,02 пайызға төмендетіліп;- «Жаңақорған-Құрылыс-2010» ЖШС-несарқынды суды бұру қызметінетариф 1 м3-ге76,34 теңгеден 59,71 теңгеге дейін немесе 21,8 пайызға төмендетіліп бекітілді.&nbsp;ҚР ҰЭМ Табиғи монополияларды&nbsp; реттеу комитетінің Қызылордаоблысы бойынша департаментіФото: <a href="https://kaz.inform.kz/news/kyzylorda-oblysynda-kommunaldyk-kyzmettin-tarifteri-tomendetildi_a3633009/">None</a>

Қызылорда облысында реттелетін қызметтерге тарифтер төмендетілді

<a href="https://kyzylorda-news.kz/">Kyzylorda-news.kz</a> Primeminister.kz сайтыны еліміздің 2024 жылғы даму қорытындылары туралы жарияланымдар сериясын жалғастырады.Мемлекет басшысы Қасым-Жомарт Тоқаевтың бастамасымен биылғы сәуір айынан бастап республикалық «Таза Қазақстан» экологиялық акциясы бастау алды. Іс-шара еліміздегі экологиялық ахуалды жақсартуға, халықтың экологиялық мәдениеті деңгейін арттыруға және азаматтарды қоршаған ортаны қорғау мәселелеріне тартуға бағытталған. Акция еліміздің барлық өңірін қамтып, тұрақты экологиялық болашақ негізін қалады.<img src="https://knadmin.beoblood.kz/uploads/Zhyl_orytyndysy_Taza_aza_stan_ekologiya_bolasha_y_shin_milliondardy_biriktirdi_6c9cbbd79a.jpg" alt="Жыл қорытындысы «Таза Қазақстан» экология болашағы үшін миллиондарды біріктірді.jpg">Осы жылдың наурыз-қараша айлары аралығында ұйымдастырылған акция 5,83 млн-нан астам адамның басын біріктірді, бұл – ел халқының едәуір бөлігін құрайды. Іс-шаралар аясында жаппай сенбіліктер өткізілді, олардың барысында 1,1 млн тоннадан астам қоқыс жиналып, 1,6 млн-нан астам ағаш отырғызылды. Мемлекеттік құрылымдар деңгейінде де, еріктілер мен жеке ұйымдарды қоса алғанда, жұртшылық арасында да белсенді түрде жұмыс жүргізілді.&nbsp;<img class="image_resized" style="width:2428px;" src="https://primeminister.kz/assets/media/02-4_1.jpg" alt="">Рұқсат етілмеген қоқыс үйінділерімен және ауаның ластануымен күрес&nbsp;«Таза Қазақстан» акциясы аясында заңсыз қоқыс үйінділерін анықтау бойынша рейдтер жүргізілді. Аумақтық экология департаменттерімен және жергілікті билік органдарымен бірлесіп көптеген қоқыс орны жойылды.&nbsp;«Таза ауа» рейдтері барысында 482 автокөлік тексеріліп, экологиялық стандарттарды бұзудың 105 фактісі анықталды. 96 жүргізушіге айыппұл мен ескерту түріндегі әкімшілік сипаттағы шаралар қолданылды. Бұл шаралар экологиялық нормаларды сақтаудың маңызды екенін көрсетеді, жол қозғалысына қатысушылардың жауапкершілігін арттырды.&nbsp;Экологияны цифрлық қолдау&nbsp;Жобаның ерекше жетістігі – азаматтарға экология саласындағы проблемалар туралы хабарлауға және оларды шешуге қатысуға мүмкіндік беретін @TazaQazBot цифрлық платформасының құрылуы болды.Осылайша, бір жыл ішінде чат-бот арқылы 7 929 өтінім келіп түсті. Олардың ішінде 7 061 өтінім орындалды, 168-і орындалу сатысында, 23-і өңделуде және 674 өтінім жойылды.&nbsp;Олардың арасында ең жиі келіп түскен өтінімдер: аумақтарды тазалау – 2 142 өтінім, тұрмыстық қоқысты шығару – 668 өтінім, көшелерді абаттандыру – 648 өтінім, жолдарды жөндеу бойынша – 595 өтінім.&nbsp;Өңірлер арасында Алматы көш бастап тұр – 2 014 өтінім. Одан кейінгі орында Астана тұр – 1 587 өтінім. Үшінші орында Қарағанды облысы – 757 өтінім.&nbsp;Чат-бот экологиялық мәселелерді жедел шешуге ықпал ете отырып, азаматтар мен мемлекет арасындағы диалогтың тиімді құралына айналды.&nbsp;Халықтың экологиялық мәдениетін дамыту тұжырымдамасы&nbsp;Қол жеткізілген нәтижелерді нығайту және экологиялық сананы ұзақмерзімді перспективада қалыптастыру мақсатында «Халықтың экологиялық мәдениетін дамытудың 2024-2029 жылдарға арналған тұжырымдамасы» бекітілді. Бұл құжат экологиялық саясаттың негізгі бағыттарын айқындайды.&nbsp;Тұжырымдаманың басымдықтарының бірі – жастарды экологиялық жобаларға тарту болды. Жыл бойы лекциялар, эко-сағаттар және экологиялық зертханаларға экскурсиялар ұйымдастырылды. Осылайша, биыл 90 мыңнан астам ерікті азамат абаттандыру және көгалдандыру акцияларына қатысты.&nbsp;Халықтың экологиялық сауатын арттыру мақсатында қалдықтарды қайта өңдеу, ластану деңгейіне мониторинг жүргізу тақырыптарын жария ету, абаттандыру және эковолонтерлікті дамыту жөнінде конкурстар өткізу жұмыстары жүргізіліп жатыр.&nbsp;Сондай-ақ Тұжырымдаманың негізгі бағыты – азаматтардың белсенді қатысуына жағдай жасау. Өз тиімділігін дәлелдеген @TazaQazBot секілді цифрлы платформаларды дамытуға ерекше көңіл бөлінген. Одан бөлек, экологиялық нормалардың сақталуына және экологиялық стандарттардың енгізілуіне бақылау күшейтілуде.&nbsp;Сонымен қатар келесі жылы тұрақты экологиялық басқару жүйесін құру үшін тұрақтандыру қорларының жұмысын күшейту көзделген. Аумақтарды көгалдандыру және абаттандыру бойынша ауқымды республикалық акциялар өткізу жоспарланған.&nbsp;Бұған қоса, шығарындылар көлемін азайту және экологиялық стандарттарды бақылау үшін ведомствоаралық өзара іс-қимыл күшейтіледі. Цифрлы технологиялар мен медиа ресурстарды қоса алғанда, халыққа экологиялық білім беру бағдарламаларын дамыту көзделген.&nbsp;«Таза Қазақстан» бастамасы аумақтарды тазалаудан әлдеқайда ауқымды міндеттерді қамтиды. Бұл – азаматтардың, бизнестің, мемлекеттік құрылымдар мен қоғамдық ұйымдардың күш-жігерін біріктіретін, экологиялық тұрғыдан саналы өмір салтын насихаттайтын қозғалыс.Кешенді шаралар мен инновациялық технологияларды енгізудің арқасында Қазақстан экологиялық саулыққа, орнықты дамуға және болашақ ұрпақ үшін қолайлы орта құруға маңызды қадамдар жасап отыр.

Жыл қорытындысы: «Таза Қазақстан» экология болашағы үшін миллиондарды біріктірді 

<a href="https://kyzylorda-news.kz/">Kyzylorda-news.kz</a> Сұйытылған газдың бағасын 2030 жылға дейін мемлекет өзі <a href="https://kaz.inform.kz/news/suyitilgan-gaz-bagasin-2030-zhilga-deyn-memleket-retteytn-boldi-zan-normasi-135b90/">реттейді</a>. Сенат екі оқылымда қарап, мақұлдаған биржа саудасы және кәсіпкерлік мәселелері бойынша өзгерістер мен толықтырулар енгізуді көздейтін заңда осындай норма бар.Құжатты таныстырған сенатор Шәкәрім Бұқтұғұтов бұл заң 2 Кодекске және 9 заңға өзгерістер мен толықтырулар енгізуге арналғанын айтты.Атап айтқанда:– әлеуметтік маңызы бар биржалық тауарлардың тізбесін қалыптастыру;– «стандартталған тауар», «стандартталмаған тауар» және «стандартты аукцион режим» ұғымдарын алып тастау;– тауар биржаларының брокерлері мен клирингтік орталықтарын лицензиялау тетігін енгізу;– тауар биржаларын шағын және микробизнес субъектілері санатынан шығару;– тауар биржаларына мемлекеттік бақылауды кеңейту;– тауар биржасы арқылы мемлекеттік сатып алуды жүзеге асыру мүмкіндігін болдырмау;– тауар биржасына шығу үшін жарналардың бірыңғай ең жоғары мөлшерін белгілеу;– биржалық сауда-саттыққа жосықсыз қатысушылардың тізілімін қалыптастыру.<blockquote>– Заңда сұйытылған мұнай газын тауар биржалары арқылы сатуды 2030 жылға дейін, ал электр қуатын реттеу қызметтерін сатып алуды келесі жылдың шілдесіне дейін кейінге қалдыру туралы норма бар, — деді Шәкәрім Бұқтұғұтов.</blockquote>Бұл нормаға түсініктеме берген Энергетика вице-министрі Сұңғат Есімханов 2030 жылға дейін сұйытылған газға деген ішкі сұранысты толық қамтамасыз ететіндей жүйе құрып, осыдан кейін ғана бұл өнімнің саудасын биржаға көшіру туралы шешім қабылданғанын айтты. Оның сөзінше, 2030 жылға дейін сұйытылған газ бағасы біртіндеп көтеріліп отырады.Еске салсақ, қараша айында сұйытылған газды елден сыртқа шығаруға қойылған шектеу жарты жылға ұзартылған еді.&nbsp;Фото: Александр Павский/ Kazinform

Сұйытылған газ бағасын 2030 жылға дейін мемлекет реттейтін болды — Заң нормасы

<a href="https://kyzylorda-news.kz/">Kyzylorda-news.kz</a> Фитосанитариялық қауіпсіздік – аграрлық саладағы ең өзекті мәселенің бірі. Ол ауыл шаруашылығы саласында еңбек өнімділігін арттыруға және өңделген өнімдердің экспортын ұлғайтуға үлкен мүмкіндік береді. Жыл басынан бері Қызылорда облысының аумақтық инспекциясы 2 644 мемлекеттік қызмет көрсетсе, 1 829 фитосанитариялық сертификат табыстаған. Өңірлік коммуникациялар қызметінің ақпарат алаңында ҚР АШМ АӨК МИК Қызылорда облыстық аумақтық инспекциясының басшысы Мұхтар Оразбаев саладағы атқарылған жұмыстарды баяндады.<blockquote>– Жыл басынан бері сауда базарларына жүргізілген бақылау қадағалау жұмыстарының нәтижесінде облыста таралмаған 5 карантиндік нысан анықталды. Залал келген өнімдер сот органдарының шешімімен тәркіленіп, тиісті әдістермен жойылды. Одан бөлек, облыс аумағында азық-түлік қауіпсіздігін қамтасыз ету мақсатында сауда базарларына жүргізілген бақылау және қадағалау жұмыстарының нәтижесінде 144 заң бұзушылық анықталып, айыппұл салынды. Жалпы, өңірде таралған карантиндік зиянкестер қатарына калифорниялық қалқанша сымыры мен қауын шыбыны, карантиндік арамшөп - кекіре мен сарышырмауық жатады. Биыл жатаған у кекіреге қарсы – 142,5 га, қауын шыбынына қарсы – 1 750 га жерге химиялық өңдеу жұмыстары жүргізілді. Сондай-ақ, калифорниялық қалқанша сымырына қарсы – 43,5 га, арамсояуға қарсы – 417,007 га жер өңделді. Айта кету керек, облыс бойынша ерекше қауіпті шегіртке зиянкестерінің қанаттану, шағылысу, жұмыртқа салу кезеңінде 1 484 100 гектарға мониторинг жүргізіліп, қорытындысы бойынша 2025 жылы 60 024 гектар жерге химиялық өңдеу жұмыстарын жүргізуді жоспарлап отырмыз,- деді Мұхтар Әуесұлы.</blockquote><img src="https://knadmin.beoblood.kz/uploads/Auyl_sharuashyly_y_zherlerin_ziyankesterge_arsy_himiyaly_deu_zh_mystary_zh_jeli_zh_rgizildi_c9b23b70f7.jpg" alt="Ауыл шаруашылығы жерлерін зиянкестерге қарсы химиялық өңдеу жұмыстары жүйелі жүргізілді.jpg"><img src="https://knadmin.beoblood.kz/uploads/Auyl_sharuashyly_y_zherlerin_ziyankesterge_arsy_himiyaly_deu_zh_mystary_zh_jeli_zh_rgizildi_1_1c3c479c29.jpg" alt="Ауыл шаруашылығы жерлерін зиянкестерге қарсы химиялық өңдеу жұмыстары жүйелі жүргізілді 1.jpg"><img src="https://knadmin.beoblood.kz/uploads/Auyl_sharuashyly_y_zherlerin_ziyankesterge_arsy_himiyaly_deu_zh_mystary_zh_jeli_zh_rgizildi_2_10700036ca.jpg" alt="Ауыл шаруашылығы жерлерін зиянкестерге қарсы химиялық өңдеу жұмыстары жүйелі жүргізілді 2.jpg"> Фото: Нұрболат Нұржаубай

Ауыл шаруашылығы жерлерін зиянкестерге қарсы химиялық өңдеу жұмыстары жүйелі жүргізілді

<a href="https://kyzylorda-news.kz/">Kyzylorda-news.kz</a> "Қазгидромет" мамандары өңір тұрғындарын қыс мезгілінде ауа райы өзгерістерін бақылап, қауіпсіздік шараларын сақтауға шақырды. Жаңа жыл қарсаңында облыс аумағында қар аралас жаңбыр күтілуде. Салдарынан көктайғақ болып, екпінді жел соғады. Бұл туралы Өңірлік коммуникациялар қызметінің баспасөз алаңында «Қазгидромет» РМК Қызылорда облысы бойынша филиалы Метеоболжау бөлімінің бастығы Айгерім Жөкелова мәлімдеді.<blockquote>– Қызылорда облысында дәл қазір жауын-шашынды ауа райы байқалуда. Бұл Қазақстан аумағында солтүстік-батыстан енген циклон әсерінен қалыптасты. Жауын-шашынды ауа райы 20 желтоқсанға дейін сақталады. Түнгі ауа температурасы -3,+2 шамасында, күндізгі ауа температурасы 0-ден жоғары. Облыс бойынша жаңбыр аралас қар күтілуде. Сонымен қатар облыс аумағында көктайғақ болуы мүмкін. 19 желтоқсаннан 20 желтоқсанға қараған түні өңір бойынша қар жауады. Ауа температурасы 20 желтоқсаннан бастап төмендейді. 20-27 желтоқсан аралығында жауын-шашынсыз ауа райы орнайды. Яғни түнде -5-15 градус аяз, күндізгі ауа температурасы -2-7 градус суық. Ал желтоқсан айының соңында қар аралас жаңбыр жауады. 28-31 желтоқсан аралығында көктайғақ болып, желдің екпінді күші 23-28 м/с күтіледі, – деді Айгерім Болатбекқызы.</blockquote>Жалпы биыл қыс мезгілінде қаңтар-ақпан айларында ауа температурасы климаттық нормадан 1-2 градусқа жоғары, жауын-шашын мөлшер шамасынан түседі деп күтілуде. Сондай-ақ мамандар «112» қызметінен келетін хабарламаға назар аударып, қауіпсіздік ережелерін сақтауға шақырды.<img src="https://knadmin.beoblood.kz/uploads/aua_rajy_f809b546f2.jpg" alt="ауа райы.jpg"><span style="background-color:rgb(246,246,249);color:rgb(102,102,135);font-family:-apple-system, BlinkMacSystemFont, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Фото: freepik.com .jpg

 Қыс мезгілінде ауа райы қандай болады?

<a href="https://kyzylorda-news.kz/">Kyzylorda-news.kz</a> Қазақстанның 16 өңірінде ауа-райының бұзылатыны жөнінде ескерту жарияланды, деп хабарлайды <a href="https://qaz.ulysmedia.kz/news/23685-karly-boran-tuman-koktaigak-bugin-aua-raiy-kandai-bolady/">Ulysmedia.kz.</a>Атырау облысының солтүстігінде, оңтүстігінде, шығысында тұман, көктайғақ күтіледі. Атырауда түнде және таңертең тұман, көктайғақ болады.Күндіз Ұлытау облысының солтүстігінде, орталығында боран соғады. Түнде және таңертең облыстың солтүстігінде, шығысында тұман. Облыстың солтүстігінде, шығысында оңтүстік-шығыс жел, екпіні 15-20 м/с. Жезқазғанда күндіз қарлы боран болады.Күндіз Қарағанды облысының батысында, солтүстігінде боран соғады. Түнде және таңертең облыстың солтүстігінде, шығысында тұман. Облыстың батысында, солтүстігінде, орталығында оңтүстік-шығыс жел, екпіні 15-20 м/с. Қарағандыда күндіз оңтүстік-шығыс жел, екпіні 15-20 м/с.Түнде Қостанай облысының батысында, солтүстігінде төменгі боран, күндіз облыстың батысында, солтүстігінде, оңтүстігінде төменгі боран, көктайғақ болады. Жел оңтүстік-батыс, оңтүстік, 15-20, күндіз облыстың батысында, солтүстігінде, оңтүстігінде екпіні 23 м/с. Қостанайда күндіз боран соғады. Жел оңтүстік-батыс, оңтүстік, 15-20 м/с.Түнде және таңертең Маңғыстау облысының батысында, оңтүстігі, орталығында тұман, солтүстікте, облыстың орталығында көктайғақ болады. Ақтауда түнде және таңертең тұман түседі.Павлодар облысының батысында, солтүстігінде түнде жел, 15-20 м/с.Алматы облысының оңтүстігінде, шығысында, орталығында оңтүстік-шығыс жел, екпіні 17-22 м/с. Қонаевта оңтүстік-шығыс жел, кейде екпіні 17-22 м/с.Түркістан облысының батысында, оңтүстігінде, таулы аймақтарында тұман. Облыстың батысында, оңтүстігінде, солтүстігінде, таулы және тау бөктеріндегі оңтүстік-шығыс жел, 15-20, күндіз облыстың тау асуларында 25 м/с. Түркістанда түнде және таңертең тұман түседі. Оңтүстік-шығыс жел, күндіз екпіні 15-20 м/с.Қызылорда облысының орталығында тұман бар. Оңтүстік жел күндіз облыстың орталығында, 15-20 м/с. Қызылордада жел күндіз, екпіні 15-20 м/с.Батыс Қазақстан облысында көктайғақ. Түнде және таңертең облыстың солтүстігінде, шығысында тұман. Облыстың батысында, солтүстігінде, шығысында оңтүстік-батыстан, батыстан соққан жел, екпіні 15-20 м/с. Оралда көктайғақ. Түнде және таңертең тұман. Жел оңтүстік-батыстан соғады, түнде екпіні 18 м/с.Солтүстік Қазақстан облысының батысында, солтүстігінде түнде боран, күндіз боран соғады. Жел оңтүстік-батыс, 15-20 м/с, облыстың батысында, оңтүстігінде екпіні 23-28 м/с. Оңтүстік-батыстан жел 15-20 м/с.Абай облысының батысы, солтүстігі, орталығында боран. Оңтүстік-шығыс жел батыста, солтүстікте, облыстың орталығында, 15-20, Жарма ауданында екпіні 25 м/с.Түнде және таңертең Шығыс Қазақстан облысының оңтүстігінде тұман түседі. Облыстың оңтүстік-шығысында аздаған боран. Облыстың оңтүстік-шығысындағы оңтүстік-шығыс жел, екпіні 15-20 м/с.Жамбыл облысының таулы аудандарында тұман түседі. Облыстың таулы аудандарында оңтүстік-шығыс жел, Таразда 15-20 м/с. Кейде тұман түседі.Күндіз Ақмола облысының батысында, солтүстігінде, оңтүстігінде боран соғады. Жел оңтүстік, оңтүстік-батыс, екпіні 15-20 м/с, күндіз облыстың солтүстігінде, шығысында кейде 23-28 м/с. Көкшетауда күннің екінші жартысында төменгі боран болады. Жел оңтүстік, оңтүстік-батыс, 15-20 м/с, күндіз екпіні 23 м/с.Жетісу облысының Алакөл көлдері ауданында оңтүстік-шығыс жел, 15-20, екпіні 23-28 м/с, кейде 30 м/с және одан да көп. Түнде және таңертең шығыста, облыстың таулы аймақтарында тұман болады.Сурет: kazlenta.kz

Қазақстан және Қызылорда облысының жаңалықтары: Экология