<a href="https://kyzylorda-news.kz/">Kyzylorda-news.kz.</a>&nbsp;Аймақта 680 мыңнан астам адам МӘМС жүйесіне тіркелген. Бұл жалпы өңір халқының 84 пайызын құрайды. Бұл туралы Өңірлік коммуникациялар қызметінің ақпараттық алаңында өткен брифингте «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлімдеді.&nbsp;<blockquote>«Жүйе іске қосылғаннан бастап облыс тұрғындары қорға 47,8 млрд. теңге аударған. Оның 29,8 млрд. теңгесі жұмыс берушілердің аударымдары болса, қалған 18 млрд. теңгесі жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. Сондай-ақ, жыл сайын медициналық сақтандыру қаражаты есебінен халыққа кардиохирургия, нейрохирургия, урология, травматология, онкология және хирургия бейіндері бойынша көптеген қымбат оталар жүргізіледі. Бұған қоса, МӘМС жүйесінде көрсетілген қызметтердің ішінде оңалту басым бағыттардың бірі болып табылады. Жыл сайын оңалту қызметтерін алу мүмкіндігі жақсарып,медициналық құрылғылардың да, емдеу әдістерінің де саны артып келеді.Оңалту қызметтерін көрсету үшін өткен жылы Әлеуметтік медициналық сақтандыру қорының филиалы 32 медициналық ұйыммен шарт жасасты», - деді Бақыт Торғайбайұлы.</blockquote>Өз сөзінде Қор міндеттердің бірі – пациенттердің құқықтарын қорғау екенін тілге тиек етті. Сондықтан халық медициналық көмек алу кезінде құқықтары бұзылған жағдайда Қорға жүгінеді және келіп түскен арыз-шағымдар ерекше бақылауда болады.Айта кетейік, өткен жылы Қорға облыс тұрғындарынан 1 092 өтініш қабылданып, өңделген.<figure class="image"><img src="https://knadmin.beoblood.kz/uploads/338015652_942774820490093_7215327192959438689_n_e1a26acb2c.jpg" alt="338015652_942774820490093_7215327192959438689_n.jpg"></figure>

Қызылордада 680 мыңнан астам адам МӘМС жүйесіне тіркелген

<a href="https://gemotest.ru/info/spravochnik/zabolevaniya/tuberkulyez/">ФОТО</a><a href="https://kyzylorda-news.kz/">Kyzylorda-news.kz.</a> Сырдария ауданы бойынша 2021 жылы – туберкулез ауруымен 8 науқас тіркелсе, былтыр 11 жаңадан науқас тіркелген, аурушаңдық көрсеткіші 29,1 пайыз. Бұл туралы Сырдария аудандық санитариялық-эпидемиологиялық бақылау басқармасының басшысы Самалбек Өмірбаев мәлімдеді.&nbsp;Бір қуанарлығы балалар мен жас-өспірімдер арасында туберкулез тіркелген жоқ. Облыстық көрсеткішпен салыстырғанда Сырдария ауданы төмен болса да, 2 жылда жоғарылау байқалады. Себебі тіркелу көрсеткіші зейнеткерлер арасында жоғары болып отыр. Оның басты себебі егде жастағы тұрғындар уақытылы медициналық, соның ішінде флюорографиялық зерттеуден өтуі төмендеген.<blockquote>«Былтыр балалар мен жасөспірімдер арасында туберкулез ауруы тіркелген жоқ. Жыл сайын аудандық емханамен бірлесіп «Манту» жоспары бекітіледі, жоспар бойынша көрсеткіш 100 пайыз орындалып, туберкулез диагнозымен өлім-жағдайы тіркелген жоқ. Көбінесе халықтың арасында әлі де болса жыл сайынғы флюорографиялық тексеруден уақытылы өтуден қашып, келмей жүретіндер кездеседі. Олармен түсіндіру жұмыстарын учаскелік медбикелер жүргізіп, емханаға жетектеп әкелетіндері де бар. Негізінен науқаста салқын тиіп, қызуы көтеріліп, екі аптадан астам жөтел, әлсіздік пайда болады. Бұл белгілер дабыл қағатын жағдай. Науқас әлсіреп дәрігерге қаралғанда, флюорографиялық тексеруден өткізіп, зертхана арқылы анықтап, нақты диагнозы қойылады. Бұл дерттен қорқудың қажеті жоқ. Себебі, туберкулез – емделетін дерт. Уақытылы ем-шара қолданғанда дерттен толық айығуға негіз бар», дейді Самалбек Өмірбаев.</blockquote>Туберкулез – негізінен ауа тамшылары арқылы таралатын жұқпалы ауру. Инфекция көзі көбінесе туберкулезбен ауыратын адамдар немесе олардың тұрмыстық заттары болып табылады.Микроорганизмдер адамның тыныс алу жолдарына қақырық тамшыларымен сөйлескенде, түшкіргенде, жөтелгенде, күлгенде немесе шаңмен түседі. Өкпедегі қабыну процесінің дамуымен өкпе туберкулезі дамиды. Туберкулез микобактериясы тек өкпеге ғана емес, басқа мүшелерге де әсер етуі мүмкін, бұл жағдайда өкпеден тыс туберкулез дамиды – сүйектер, буындар, көз¬дер, тері, лимфа түйіндері, жыныс мүшелері және басқа да мүшелер мен жүйелер. Осындай маңызды мәселені біліп, адамдар сақтанып жүрсе, аталған жұқпалы дерттен аулақ болатыны сөзсіз.<blockquote>«Инфекция көзі ауру жануарлар мен адамдар. Туберкулезді жұқтырудың жетекші жолдары – ауа тамшылары. Микобактериялардың сиырдан жұғатын түрі адам үшін ең қауіптісі болып табылады. Патогенді тасымалдау факторлары. Ірі қара мал ауруға шалдыққан кезде туберкулез микобактериясы жануардың сүтімен, нәжісімен, зәрімен бірге сыртқа шығады және көбінесе ауру жасырын түрде, клиникалық көрініссіз өтеді. Жас төл негізінен ауру малдан алынған сүт және майсыз сүт арқылы ауруға шалдығады. Бұзаулардың құрсақішілік инфекциясы болуы мүмкін. Ауру әдетте туберкулездің белсенді түрімен ауыратын адамдардан ауа тамшылары арқылы немесе туберкулезбен ауырған жануарлардан алынған сүт өнімдерін тұтыну арқылы таралады. Сіздің денеңізде туберкулез бактериялары болса да, сіздің иммундық жүйеңіз аурудың алдын алады. Туберкулезді қоршаған ортаның нашарлығы, дұрыс емес тамақтану, жаман әдеттер және жиі стресс тудыруы мүмкін. Туберкулездің алдын алудың бір түрі – БЦЖ екпесін салу. Екпе жаңа туылған нәрестеге салынады. Дегенмен балалар 100 пайыз ауырмайды деп айта алмаймыз, бірақ ауырған жағдайда өміріне қауіп төнбейді, жеңіл түрімен ауруы мүм¬кін. Кейбір ата-аналар балаларына екпе салдыртпай жатады, балаларға зияны тиеді деген оймен. Сондықтан дәрігер ретінде айтарым, екпе алмаған балалар туберкулездің ауыр түріне, менингитке шалдығуы мүмкін. Ал оның зардабы туралы айтудың өзі қиын. Осындай жағдайды болдырмас үшін ата-ана түсіністік танытып, баласын қорғағаны дұрыс», - дейді аудандық санитариялық-эпидемиологиялық бақылау басқармасының басшысы.</blockquote>Уақытылы флюорографиялық тексеруден өтіп, жоғарыда айтып өткен белгілері байқалған жағдайда, дәрігерге көрініп емін алған жағдайда алдын алуға болады. Көбінесе интернет арқылы тұрғындар өздері ем-домын үйден жасап, қызуын түсіріп, шамалы жақсы болса дәрігерге бармай сол күйінде жүре береді. Өкпесінде туберкулез қалдығы қалып қояды да, асқынған кезде туберкулездің ашық түрі пайда болады. &nbsp;

Сырдария: Соңғы екі жылда балалар арасында туберкулез ауруы тіркелмеген

<a href="https://kyzylorda-news.kz/">Kyzylorda-news.kz.</a>&nbsp; Дүниежүзілік денсаулық сақтау ұйымы 1993 жылдан бастап туберкулезді жаһандық проблема деп жариялағаны белгілі.&nbsp;Содан бері, жыл сайын 24 наурыз – Дүниежүзілік туберкулезге қарсы күрес күні болып аталып өтіледi. ДДҰ мәліметтері бойынша туберкулез бүкіл әлемде адам өлімі себептерінің ондығына кіреді. Есепке сәйкес, 2018 жылы әлем бойынша 10 миллионға жуық адам туберкулезбен ауырған.Ал біздің облыста мамандардың айтуынша, туберкулез бойынша тұрақты эпидемиологиялық жағдай қалыптасқан. Кейінгі 5 жылда аурушаңдықтың төмендеу қарқыны байқалады. Мәселен, 2018 жылы 100 мың тұрғынға шаққанда 53,6 (422 жағдай) болса, былтыр 100 мың тұрғынға шаққанда 49,2-ге (407 жағдай) төмендеген. 2020-2021 жылдары ауруды анықтау жұмыстары карантиндік іс-шаралар салдарынан бәсеңдеген.<blockquote>– Covid-19 жұқпалы кеселі өз әсерін тигізді. Алғаш анықталған науқастардың 57,5%-ның коронавируспен ауырғаны ресми түрде тіркелген болса, солардың ішінде 70%-да рентгенография суретінде пневмониядан кейінгі фиброзды өзгерістер қалған, яғни, ауырып жатқан науқастардың иммунитетінің төмендеуі салдарынан туберкулез жұқтыруы мүмкіндігі жоғарылаған. Сонымен қатар, облыс бойынша ересектер арасында денсаулық индексі (ДИ) көрсеткішінің төмендігін байқауға болады, яғни, тұрғындардың 45,2%-ын әртүрлі аурулармен есепке алынған науқастар құрап отыр. Оның ішінде 58,5%-ы – тыныс алу жолдарының аурулары. Демек, денсаулығы нашарлаған адамның иммунды жүйесі әлсіреп, туберкулезге шалдығу көрсеткіші жоғарылайды. Ал жаңадан тіркелген балалардың 63%-ы туберкулезбен ауыратындармен қарым-қатынаста болған, 67%-да қарым-қатынастан соң алғашқы 2 жыл ішінде анықталып отыр. Туберкулез – өздеріңіз білетіндей, әлеуметтік ауру. Анықталған барлық жаңа деректердің ішінде негізгісі –жұмыссыздар 40,3%, мүгедектер 5% және зейнеткерлер 22,3%-ды құрайды, қалғаны – студенттер, оқушылар, ұйымдастырылмаған, әртүрлі салада жұмыс істейтіндер, – дейді облыстық фтизиопульмонология орталығының директоры Әбдіғабит Әбләзім.</blockquote>Сондай-ақ, мамандар балалар мен жасөспірімдер арасында туберкулез дертінің індеттік ахуалы күрделі мәселенің бірі екенін айтады. Десе де, аурушаңдық көрсеткіш бұл контингент арасында былтырмен салыстырғанда төмендегені белгілі болды.Атап айтқанда, облыс бойынша 0-17 жас аралығындағы балалар арасында аурушаңдық көрсеткіші былтыр 100 мың балаға шаққанда 15,8-ді (49) құрап, 2021 жылмен салыстырғанда 14,6%-ға төмендеген. Одан бөлек, жылдан-жылға туберкулездің жұқпалы түрінің төмендеуі байқалады. Мәселен, былтыр барлық жаңа жағдайдың тек 37,1%-ын ғана туберкулез таяқшасын бөлетін науқастар құраған, ал анықталған науқастардың 62,9%-ы туберкулез таяқшасын бөлмейтін болған.<blockquote>– Ауруды және оның дәрілерге тұрақты түрін ерте анықтау үшін Дүниежүзілік денсаулық сақтау ұйымы ұсынған халықаралық стандарттарға сәйкес туберкулезді бактериологиялық және молекулярлық-генетикалық диагностикалаудың жеделдетілген әдістері енгізілді. Қазіргі кезде облыста ауруды және оның тұрақты түрлерін тез анықтауға, диагностикалауға арналған құрал-жабдықтармен қала бойынша облыстық фтизиопульмонология орталығы және аудандық деңгейдегі зертханалар қамтамасыз етілген (барлығы 7 аппарат XpertMTB/RIF). Бұл &nbsp;туберкулездің нақты түрін анықтауға және туберкулез қоздырғышының сезімталдығына сәйкес қажетті ем тағайындауға мүмкіндік береді. 2019 жылдың қаңтар айынан бастап фтизиопульмонология орталығында «Bioner» аппараты жұмыс істейді, ол 3,5 сағат ішінде изониазид, рифампицин препараттарына және 2-қатардағы дәрілерге сезімталдығын зерттей отырып, туберкулез микобактериясының ДНҚ-сын анықтайды. Сонымен қатар, туберкулез микобактериясын дәл анықтау үшін бактериоскопиялық және бактериологиялық әдістер қолданылады (патогенді арнайы қоректік ортаға себу арқылы анықтау). 2018-2019 жылдары USAID желісі бойынша Арал, Қармақшы, Жаңақорған аудандарында және Жаһандық қордың есебінен Қазалы, Сырдария, Шиелі аудандарында G-xpert аппараттары жеткізілді. қазіргі уақытта туберкулезді ерте диагностикалау үшін жеті G-xpert, бір «Bioner» аппаратында зерттеулер жүргізілуде, – деді орталық директоры.</blockquote>Мамандардың айтуынша, жылдан-жылға стационарды алмастыратын технологияларды қолдана отырып, туберкулезбен ауыратын науқастардың стигмасын, қысымын болдырмау үшін пациентке бағдарланған тәсіл, алғашқы медициналық-әлеуметтік көмек мекемелерінде мобильді топтарда бақыланатын емдеу жүргізу, бейнебақылау арқылы емдеу кеңейіп келеді. 2014 жылдан бастап республика бойынша біздің облыс алғашқылардың бірі болып жергілікті бюджеттен туберкулезбен ауыратын науқастарға әлеуметтік көмекке үздіксіз қаражат бөлуде. Мәселен, былтыр 226026,6 мың теңге толығымен игерілген, 1230 науқас айына 31800 теңге көлемінде қаржылық көмек алған.Жоғарыда айтып өткеніміздей, 24 наурыз – Дүниежүзілік туберкулезге қарсы күрес күні. Биылғы ұран – «Біз туберкулезді жеңе аламыз!» Елімізде аурудың алдын алу, анықтау және емдеу тегін және мемлекет есебінен жүзеге асырылады.Ауруды ерте анықтаудың және нәтижелі емдеудің маңызды аспектісі халықтың ол туралы жалпы хабардар болуы және жалған пікірлердің таралмауына тікелей байланысты. Туберкулез – кез келген адам жұқтыруы мүмкін ауа арқылы таралатын жұқпалы ауру. Оған қарсы ұлттық науқан туберкулезден зардап шеккен адамдарды стигмадан, кемсітушіліктен, әлеуметтік оқшаулаудан қорғау және осындай жағымсыз жайттармен күресу үшін күш-жігерді біріктіруге ерекше көңіл бөледі.&nbsp;

Кейінгі 5 жылда аурушаңдықтың төмендеу қарқыны байқалады

<a href="https://kyzylorda-news.kz/ru/">Kyzylorda-news.kz</a>. Бұрын халық «медицина саласынан мән кетті» деуші еді. Олай дейтініне негіз де, түрлі себеп те бар болатын. Өйткені, өз кезегін күту, дәрігерді тағатсыздана тосу, бір қағаз үшін емхананы түгелімен аралау сынды жүйке жұқартарлық жөнсіз әрекеттерден шаршайтын-ды. Сонымен қатар, медициналық мекемелердің құрылғылармен қамтамасыз етілмеуі салдарынан бір емхана тұрмақ, көрші мемлекетті де жағалап кететін. Көпшілікке көмегін тигізеді деп жасалған «Дамумедтің» де дамымай, дағдарғанын көрдік. Мұның бәрі, әлбетте медицинаның осалдығын білдіріп тұр. Кейде бір өзгерісті байқап, көңілдегі күдіктен арылғымыз келгенімен, тасада жасырынған кемшін тұстар су бетіне қайта қалқып шығады. Осылайша, шикіліктер шексіздікке ұласқанын білгенде тағы қапа болады. Бұл мәселе денсаулыққа кеп тірелгенде жұртшылықтың дабыл қағуы орынды. Ересектердің емін былай қойғанда, қазір балалардың асқынған дертіне шипа табылып жатыр ма? Жалпы, балаларда жиі кездесетін аурулар қандай? Облысымыздағы медицинаның қазіргі жайы ше? Мәселенің мәнісін бірге барлап көрелік.Әр ата-ана үшін бауыр еті баласының денсаулығы басты назарда. Сайып келгенде, бала денсаулығы – қоғам және мемлекет үшін де маңызды. Өйткені, бүгінгі жас – елінің ертеңі екені айтпаса да түсінікті. Сондықтан, осы тұста олқылыққа жол бермей, дертке дауа боларлық емді ертерек ескеру керек. Қол-аяқты құрсаулап тастайтын қатерлі ісіктер балалар арасында жиі туындайды. Осындайда «баламның табанына кірген тікен, маңдайыма қадалсын» деп шарқ ұратын ата-аналар арнайы ем-домға жүгінеді. Сол уақытта дәрігерлер дәрменсіздік танытпауы тиіс. Себебі, балаларда күрделі онкологиялық аурулардың көптеп кездесуі аса сақтықты талап етеді. Жалпы, көз аурулары, лейкоз және ақ қан аурулары өте көп таралған.Мәселен, 2017 жылы 558 бала онкологиялық ауруларға шалдықса, оның 230-ы осы лейкоз, ақ қан ауруы болып анықталған.Лейкоз ең бірінші ангинадан және өкпе қабынуынан басталады. Себебі, бұл қабынулар адамның иммунитетін түсіріп, әлсірететін көрінеді. Әлі толық зерттелмеген, анықталуы қиын аурудың белгілерін де бірден болжау мүмкін емес. Десек те, онколог мамандардың айтуынша, ақ қанның алғашқы белгілеріне бас ауыру мен бас айналу, түнде терлеу, асқа деген тәбеттің нашарлауы, дене қызуының күрт көтерілуі, әлсіздік пен шаршау және салмақтың тез азаюы мен жиі инфекция тиюі жатады. Сондықтан дәрігерлер бала денсаулығына салғырт қарамай, уақытылы тексерілу керектігін тілге тиек етеді. Оның үстіне алғашқы кезеңдер де қатерлі аурудың бірден анықталғаны игі, әйтпесе келесі кезеңінде дерт асқынып кетсе, тіпті мықты маман мен қуатты құрылғының өзі қауқарсыз екенін де жасырмады.Балаларда кездесетін келесі кесел – көз аурулары. Әлбетте, еңкейген сәбидің өзі телефонға телмірудің әдетке айналдырғанда, жасөспірімдердің жағдайы мәз емес екенін бірден аңғаруға болады. Мұның көз жанарынан айырылуға дейін апаратын ауыр дерттің бірі. Соңғы жылдары облыс бойынша 18 жасқа дейінгі балалар арасындағы көз ауруына шалдыққан 248134 бала тіркеуде тұрған. Статистикаға сүйенсек, облыста 360 бала көз ауруларынан мүгедектікке шығып отыр. Аурулардың ауыр соққылары сананы сарсаңға салып, белгілері тіпті жүректі ауыртып жібереді. Мамандар бүгінгі күні асқынған дерттің де дауасы табылып, медициналық құрылғылардың көмегімен құлан-таза айығып жатқандарын жеткізді. Бірақ, бұл сөздің жаны бар ма? Осы тұста, облыстық балалар ауруханасы ауыр дерттермен қалай күресіп келеді?<blockquote>– Облыстық балалар ауруханасының 97%-ы заманауи медициналық құралдармен жабдықталған. 2021 жылы аталған орталықта 2500-ден аса ота жасалған. Бұл ауруханада алғаш рет өкпенің буллезді эмфиземасына күрделі ота жасалды. Медицина мамандарының кәсібилігінің арқасында ота сәтті өтті,- дейді облыстық балалар ауруханасының бас дәрігері Зоя Көшенова.</blockquote>Жыл сайын дәрігерлер кәсіби біліктілігін арттыру мақсатында республикада, шетелдерде тәжірибе алмасады екен. Соның нәтижесінде, республикалық емханаларға барып емделетін балалар саны күрт төмендеп, күрделі емдер мен оталар балалар ауруханасында жасалатын көрінеді.<blockquote>– Облыста балалар хирургиясы қарқынды дамып келеді. Бүгінде заманауи құрал-жабдықтардың көмегімен әртүрлі деңгейдегі оталарды тіліксіз, яғни лазер аппаратымен жасаудамыз. Орталықта алғаш рет 16 жастағы баланың өкпесіне ота жасалып, сәтті шықты,- дейді жедел хирургия бөлімінің меңгерушісі Әлімжан Төлегенов.</blockquote>Дәйекті деректерге көз жүгіртсек, өңіріміздегі медицина жағдайы оңалып келе жатқан секілді. Бірақ, бұл құлақты жауыр етер құрғақ сөз бен жайыла берер жалаң сөз боп шықпаса игі. Сайып келгенде, жұртшылықтың «сырты бүтін, іші түтін» әдемі әңгімеге сеніп, талай рет басы тасқа тиіп, аузы күйген.Ендігі медицина саласынан осындай оңды өзгерістер күтеміз. Сонда ғана ауруы жанына батқан балалар мен ересектер аттанға бергісіз айғайға салмай, көрші мемлекеттің көлеңкесінде ем іздеп жүрмес еді. Қорыта айтқанда, іргесі халық үшін деп қаланған ауруханалардың ілгері жылжуы тиіс. Сондықтан, мықты маман мен қуатты құрылғылардан құр қалмағанымыз абзал.

Бала денсаулығы басты орында

<a href="https://kyzylorda-news.kz/">Kyzylorda-news.kz.</a> Міндетті әлеуметтік медициналық сақтандыру жүйесінің өзекті мәселелерінің бірі - халықтың сақтандырылу мәртебесі. Қызылорда облысында МӘМС жүйесінде халықтың 84 пайызы, яғни 680 394 адам, сақтандырылған. 126 196 адам сақтандырылмаған (халықтың 16 пайызы). Олардың арасында бюджеттік және жеке ұйымдардың қызметкерлері аз емес. Жұмысшылардың сақтандырылмауының себептері қандай? Осы сауалмен біз Әлеуметтік медициналық сақтандыру қорының облыстық филиалының директоры Бақыт Исмаханбетовке жүгінген едік.Қор филиалының басшысы 2023 жылғы 1 қаңтардан бастап жұмыс берушілердің жұмыскерлер үшін аударымдары 3 пайызы құрайтынын еске салды. Аударымдардың ең жоғары сомасы 21 000 теңгеден аспауы тиіс. Бұл 10 айлық есептік көрсеткішінің 3 пайызы болып саналады. Азаматтық-құқықтық сипаттағы шарт (АҚС) бойынша жұмыс істейтін қызметкерлер мен жеке тұлғалардың жарналары 2023 жылы табыстарының 2 пайызды құрады. Жарнаның ең жоғары сомасы 14 000 теңгені құрайды. Бұл 10 айлық есептік көрсеткішінің 2 пайызы болып саналады.Егер қызметкердің сақтандыру мәртебесі болмаса, не істеу керек?&nbsp;Ең алдымен, 12 ай ішінде жіберілген төлемдердің мәртебесін тексеру қажет (мысалы, осы жылдың наурыз айынан өткен жылдың наурыз айына дейін).Егер төлемдер қайтарылған болса, қарыз бен өсімпұлды төлеу қажет. Төлем құжаттарын толтыру кезінде төлеуші ЖСН, жеке деректерде, төлем мерзімдерінде және т. б. қателіктер жібереді. МӘМС-ға қате аударылған төлемдерді қайтаруға болады, бірақ басқа кезеңдерге қайта бөлу мүмкін емес.&nbsp;Ақшаны қайтару үшін өз аймағындағы «Азаматтарға арналған үкімет «Мемлекеттік корпорациясы» КЕАҚ филиалына хабарласу қажет (мекен-жайларды https://gov4c.kz/ сайттан табуға болады). Өтінішті толтырғаннан кейін оған төлемді растайтын құжаттарды (төлем тапсырмасы немесе банктен анықтамасы) қоса беріп, қол қойыңыз. Өтініш 15 жұмыс күні ішінде қаралады және ақша төлем жасалған тәртіпте қайтарылады.&nbsp;Өтініште деректердің дұрыс толтырылмауы, төлемді растайтын құжаттардың жоқтығы, ақпараттық жүйелерден растаудың болмауы, сондай-ақ қайтаруды шетелдік азаматтың ресімдеуі - Мемлекеттік корпорацияның қайтарудан бас тартуына себеп бола алады.Егер қызметкер төлемдер болмаған кезеңде ақысыз демалыста болса, онда осы кезеңдер үшін дербес төлеуші ретінде төлеу керек. 2023 жылы ай сайынғы жарна сомасы 3 500 теңгені құрайды (1 ЕТЖ-дан 5 пайыз).Барлық төлемдер түскеннен кейін сақтандыру мәртебесі үш жұмыс күні ішінде беріледі.<figure class="image image_resized" style="width:75%;"><img src="https://knadmin.beoblood.kz/uploads/Bezymyannyj_5398bcd3d1.jpg" alt="Безымянный.jpg"></figure>

АҚС шарттары бойынша жұмыскерлер және жұмыскерлердің сақтандырылмау себептері

<a href="https://kyzylorda-news.kz/ru/">Kyzylorda-news.kz</a>. Шаңырақтың шырайын кіргізіп, бүтін бір әулетті бақытқа бөлейтін шыр етіп дүниеге келген шарананың іңгәлаған дауысы. Он екі мүшесі сау, жүрек соғысы қалыпты сәбиді дүниеге әкелу әрбір ата-ананың арманы десек артық айтқандық емес. Асылында, «дені сау ұрпақ – ұлт болашағы» екені баршаға аян. Отау тігіп, шаңырақ көтерген соң екі жастың денсаулығында қандай да бір кінәраттың болмағаны игі. Тіпті, құрсақ көтергеннен бойына біткен баланы аман-сау жарық дүниеге әкелем дегенше алаңдайтын ата-ана болса, туған-туыстар аман-есен қол-аяғын бауырына алуына тілекші болады. Ежелден қазақ халқы бала десе ішкен асын жерге қойып, дүние есігін ашқан сәбиіне сүйсіне қарап, отыз күн ойын, қырық күн тойын жасайтын болған. Әсте, бүгінде бұл үрдіс үзілген емес. Қуанышы қойнына сыймаған соң, сүйіншілетіп, дүркіретіп тойлайтыны содан. Бірақ, қазіргі таңда денсаулығына немқұрайлықпен қарау сынды салғырттықтың салдарынан сан соғып, олқылықтан опық жеп жүргендер аз емес. Тіпті, кейде мамандардың біліксіздігінен де өмірмен қош айтысқан, өмір мен өлімнің арасында қалған аналар қаншама? Сондықтан соңғы уақыттағы ана мен сәби өліміне қатысты түрлі факторларды қарастыруға болады.Әсте, әркім өз өміріне һәм денсаулығына өзі жауапты. Адам өзіне-өзі жаны ашымаса, бөгде біреуден жанашырлық күтуі тіпті қисынсыз. Әсіресе, ана атанғалы жатқан шақта шамадан тыс шаршаудың, күтіммен қарамаудың кесірінен келеңсіздік пен кедергіге тап болуы ықтимал. Мұндайда қорқыныш пен қауіп те сананы сан саққа бөлген соң психологиялық тұрғыда да соққы алады. Жалпы, жүкті болғанға дейінгі және кейінгі кезеңде денсаулыққа көп көңіл бөлу керектігі жиі айтылады.Асылында, қажетті тексерістерге қолды сілтемей, уақытында қаралып тұрғаны тіпті жақсы. Осы орайда, облыстық жастар денсаулығы орталығы жастарға денсаулығына қатысты кеңес беруде, қолдау көрсетуде, тексерістен өткізудің тиімді тұсын қарастыруда қапы қалған емес. Сонымен қатар, жастардың салауатты өмір сүру қағидатын қалыптастыруға үлес қосып жатқандығы ұлт саулығына септігін тигізетіні сөзсіз. Мәселен, былтыр аталмыш орталыққа 19 мыңнан астам жас жүгініп, емдеу -сауықтыру және қажетті кеңес алу бойынша тиімді шараларды қабылдаған. Соның бірі – отбасын жоспарлау алдындағы негізгі міндеттер. Өмірге дені сау ұрпақ әкелу ата-анаға тікелей байланысты болғандықтан жанұя құрғысы келетін жастардың негізгі мәселелеріне назар аудару – орталықтың басты міндеті.&nbsp;<blockquote>– Біздің орталықтың негізгі бағыты – жастарда кездесетін әр түрлі дерттің алдын алу. Сәйкесінше, орталыққа 10-29 жас аралығындағы кез келген жас жүгіне алады. Біз ең алдымен отбасын құрғысы келетін жастарды толықтай профилактикалық тексеруден өткіземіз. Орталықта гинеколог, уролог, дерматолог, психолог мамандар жұмыс істейді. Олар әрбір азаматты жіті тексеріп, қажетті кеңестерін береді. Қазіргі таңда жастар арасында дұрыс тамақтанбау, қимыл-қозғалыстың аздығы және ағзаға керекті дәруменнің жетіспеуі салдарынан көптеген аурулар пайда болады. Бұл өз кезегінде бала жоспарлап жүрген жандарға әсер етпей қоймайды. Сол себепті жанұя құрғысы келетін әрбір жас міндетті түрде денсаулықтарын тексертіп, дәрігерлерден кеңес алуы қажет, - деді облыстық жастар денсаулығы орталығының валеолог маманы Гүлназ Мазқожа.</blockquote>Яғни, баланың жағдайы әке мен ананың денсаулығына тікелей байланысты. Сол себепті, саулық басты назарда болса, нәрестенің де науқас болмайтыны анық. Медицина мамандары айтып өткендей, ағзаның әлсіздіктен алыс, дәруменге бай болуы қаншалықты маңызды болса, дұрыс тамақтануы да деннің сау болуына әсер етеді. Байқасаңыздар, аталған орталықта тек жас отбасылар ғана емес, жасөспірімдер де тексерістен өтіп, керекті кеңесін алып, сұрақтарына жауап таба алады.Сайып келгенде, сәби сүю, өмірге бала әкелу, 9 ай құрсақта көтеріп, іштегі баланың дамуына қалыпты жағдай жасау оңай емес. Пайдалы мен зиян, зақым мен қажет дегеннің аражігін ажыратып, ескеру керек ескертпе һәм ережелерді қаперде ұстаған жөн. Әйтпегенде, қамсыздықтың ақыры қапаландырып, ойсыздықтың орға жығатынын ешкім жоққа шығармас. Залалын кейін көрмес үшін бала көтермей тұрып көрінудің, тиісінше ем қабылдаудың айыбы жоқ.<blockquote>– Өмірге дені сау бала әкелу – үлкен жауапкершілікті қажет етеді. Мәселен, алкогольді сусындар мен шылым шегу адам денсаулығына зиян тигізумен қатар, оның ұрпағына кері әсер етеді. Сондықтан мейінше зиянды әдеттерден аулақ болу керек. Тағы бір айта кететін жайт, дәрігерлер бала жоспарлау алдында ерлі-зайыптыға арнайы алгоритм әзірлейді. Осы арқылы кез келген ауруды ерте анықтап, емделуге мүмкіндік болады,- деді № 1 қалалық емхананың психолог &nbsp;маманы Мөлдір Әбдірейова.</blockquote>«Дүниеде баланың у-шуына жетер не бар?! Одан асқан сазды әуен ойлап табу мүмкін емес» деп Б.Момышұлы айтпақшы, өмірдің мәні мен сәні сәбидің шат күлкісі деп танығандықтан, бейқамдықтан бала өміріне балта шабылып, ата-ана өзегіне өксік жиналмауы тиіс. Ұрпақ саулығының ұлт болашағы үшін маңызды екенін де естен шығармайық.&nbsp;

Аналарға кеңес: жүкті әйелдің күтіну жолдары

<a href="https://kyzylorda-news.kz/">Kyzylorda-news.kz.</a> Сәби – әр отбасының баға жетпес байлығы, соңында қалған ізі, ұрпақ жалғастырары, көз қуанышы. Қазақ ертеден «Тар құрсақты кеңітіп» дүниеге келген сәбиінің езу тартып күлгеніне, тәй-тәй басқанына, былдырлап сөйлегеніне төбесі көкке жетеді. Әр қадамына той арнайды. Ал, бір перзенттің жоғынан кең дүниесі тарылғандай, қанатынан қайырылғандай күй кешеді. Әсіресе құрсағын кеңітіп, жарып шығатын шарананың болмауы анаға үлкен қасірет болары сөзсіз.Иә, отбасын құрған әрбір жанның бала сүю бақытына бөленіп, сәбиін құшағына алғысы келетіні рас. Десек те, мұндай бақыт біреуге ерте, біреуге кеш бұйырып жатады. Ал «Аңсаған сәби» бағдарламасы осындай отбасылардың үмітін жалғаған жобаға айналуда.2021 жылы ауданда бедеулік есебінде тұрған 7 әйел Аңсаған сәби» бағдарламасы арқылы жүкті болса, былтыр бұл мүмкіндікке 14 отбасы қол жеткізген.<blockquote>«Қазіргі таңда ЭКО-ға қатысқа 6 ана уақытында аман-есен сәбиін дүниеге әкелсе, оның үшеуі мерзімінен бұрын босанды. Өкінішке қарай бір түсік жағдайы орын алды. Барлығының денсаулық жағдайы жіті бақылауда. Ал бір әйел басқа жаққа қоныс аударды. Биыл «Аңсаған сәби» бағдарламасына облыс бойынша 270 квота бөлініп отыр. Соның аясында кезекте тұрған тағы да бірнеше әйелге ана болу бақыты бұйырмақ», – дейді аудандық емхананың гинеколог дәрігері Нұргүл Аширова.</blockquote>Ұрпақ – адам өмірінің жалғасы, болашақтың иесі. Ұрпағы бардың ұтары мол екенін ата-бабамыз ертеден-ақ айтып кеткен. Баланы бақытқа балаған халқымыз үшін бала сүюдің қиындап бара жатқаны үлкен әлеуметтік түйткіл. Қоғам шындығының себебін бірі – экологиядан көрсе, енді бірі – құнарлы, яғни таза өнім тұтынбаудан деп есептейді. Бұрын бедеулік көбінесе әйелдер арасында жиі кездессе, бүгінде ер-азаматтардың денсаулығында кінәрат көп екені жасырын емес. Сол себепті бала сүюге ниетті жандардың тексеруден бірге өтіп, бірге ем қабылдағаны абзал. Сондай-ақ дәрігер мамандар жұбайлар 5-6 жыл, кейде тіпті одан да көп уақытын өткізіп барып, кеш қаралатынын айтып дабыл қағуда.Айта кетейік, Қазақстанда жасанды жолмен ұрықтандыруға квота бөлуге арналған бағдарлама 2010 жылы қолға алынған. Бірақ алғашқыда квотаның саны аз болды. 2021 жылдан бастап Президент Қасым-Жомарт Тоқаевтың тапсырмасына сәйкес елімізде «Аңсаған сәби» мемлекеттік бағдарламасы қолға алынған болатын. Осылайша, экстракорпоральды ұрықтандыруға бөлінетін квота саны да артты. Бұл өз кезегінде еліміздегі мыңдаған отбасының сәби сүю бақытына ие болуына жасалған мүмкіндік. Ал барлық шығын мемлекет қаржысы есебінен төленеді.Бала – өмірдің мәні. Елде әрбір алтыншы отбасы баланың сыңғырлаған күлкісіне мұқтаж. Осыған орай ажырасудың да саны көбейген. Жыл бойынша ажырасқандардың 20 процентінің себебі балалы бола алмағаннан екен. Елімізде сәби болмағандықтан, әрбір алтыншы отбасы ажырасып тынса, «Аңсаған сәби» бағдарламасының арқасында әрбір үшінші әйел сәбилі болуда. Жылт еткен сәулені жарыққа балайтын жандар үшін бұл үлкен қуаныш. Себебі өз қаражатымен ЭКО жасатуға бәрінің мүмкіндігі жоқ. Жасанды ұрықтандырудың бір мүмкіндігі миллионға жуық қаржыны қажет етеді. Десе де, мүмкіндікті пайдаланғанның барлығы бірден балалы болып кете алмайды. Оның да өзіндік алғышарты мен ерекшелігі бар. Алғашқысы әйел 18 бен 42 жас аралығында болуы керек. Одан соң белгіленген гинекологиялық көрсеткіштер нормадан аспауы, фолликулярлық резервтің жоғары болуы маңызды. Сондай-ақ түрлі туа бітті немесе жүре біткен ақаулары да ескеріледі.«Аңсаған сәби» бағдарламасы жайлы айтқанда көпшіліктің арасында ислам діні жасанды ұрықтандыру әдісіне рұқсат бере ме деген сұрақ туындап жатады. Бұған қатысты ҚМДБ-ның ғұламалар кеңесі үкім шығарған. Оған сәйкес, тек өз күйеуінің ғана ұрығын ЭКҰ әдісі арқылы қолдануға шариғи тұрғыдан рұқсат берілген. Ал жасанды ұрықтандыру кезінде донорлық қызметті пайдалану исламға жат болып саналады. Яғни, донорлардан алынған аналық жасуша немесе ұрықты қолдану мұсылманға жат. Мұның діни, моральдық жағынан бөлек, қаржылай тұсы да бар. Дәрігерлер бұл тұрғыдан отбасы мүшелеріне психологиялық тренингтен өтіп, моральдық-этикалық жағын ескеруге кеңес береді.Елімізде «Дені сау ұлт» ұлттық жобасы аясында 2025 жылға дейін жыл сайын бедеулігі расталған 7000 жұпқа міндетті медициналық сақтандыру аясында ЭКҰ жасату қарастырылған. Демек, сәби аңсаған талай отбасының шырағы жанып, шаттығы таситын күні алда.

Нұргүл Аширова: Биыл «Аңсаған сәби» бағдарламасы бойынша 270 квота бөлінген

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалы МӘМС төлемдерін жүзеге асыру кезінде жұмыс берушілер мен қызметкерлер қандай қырларына назар аудару керектігін хабарлайды.Бас сарапшы Айгүл Аханованың айтуынша, жұмыс беруші қызметкерді МӘМС үшін жарналар мен аударымдар туралы хабардар етуі тиіс.&nbsp; Қызметкерге төлемнің екі түрі түседі:&nbsp;аударымдар - оларды жұмыс беруші өз қаражаты есебінен төлейді - 2023 жылы оның мөлшері қызметкер жалақысының 3% құрайды.Аударымдардың максималды мөлшері 10 ЕТЖ-дан 3% - дан аспауы керек (3%*10*70 000=21 000 теңге);&nbsp;жарналар - оларды жұмыс беруші қызметкердің жалақысынан ұстайды, олар қызметкердің жалақысының 2% құрайды. Аударымдардың ең жоғары мөлшері 10 еселенген ЕТЖ - 2% (2%*10*70 000=14 000 теңге).Егер қызметкер МӘМС жарналарын мемлекет төлейтін 6 жеңілдікті санаттың біріне кірсе, онда жұмыс беруші олар үшін аударымдар мен жарналарды төлемейді.&nbsp;Бұл санаттар: балалар; зейнетақы жарналарын алушылар, «Алтын алқа», «Күміс алқа» алқаларымен марапатталған немесе «Батыр ана» атағын алған, сондай-ақ I және II дәрежелі «Ана даңқы» ордендерімен марапатталған көп балалы аналар; мүгедектер; орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысаны бойынша білім алатын адамдар; жүктілікке және босануға, жаңа туған баланы (балаларды) асырап алуға, баланы (балаларды) үш жасқа толғанға дейін оның (олардың) күтіміне байланысты демалыстағы адамдар.Егер тағы сұрақтар туындап жатса, сіз оларды Әлеуметтік медициналық сақтандыру қорының мамандарына байланыс арналары арқылы сұрай аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Осы құралдар арқылы сақтандыру мәртебесін тексеруге болады. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің сайтында egov.kz "Денсаулық сақтау" бөлімінде "Медициналық қызметтер туралы және МӘМС-ға аударылған сомалар туралы ақпарат" мемлекеттік қызметі арқылы білуге болады.&nbsp; <img src="https://knadmin.beoblood.kz/uploads/Platezhi_2023_rabotodateli_kaz_5a71e5c910.jpeg" alt="Платежи 2023 работодатели каз.jpeg">

Жалдамалы қызметкерлер мен жұмыс берушілер МӘМС төлемдері туралы не білуі керек? 

<a href="https://kyzylorda-news.kz/">Kyzylorda-news.kz.</a>&nbsp; Жүйе іске қосылған 2017 жылдың 1 шілдесінен 2023 жылдың 1 наурызға дейінгі аралықта Қызылорда облысының тұрғындары Әлеуметтік медициналық сақтандыру қорына 47,8 млрд. теңге аударды. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.Аударылған қаржының 29,8 млрд. теңгесі жұмыс берушілердің аударымдары болса, қалған 18 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.&nbsp;Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp;Егер тағы сұрақтар туындап жатса, сіз оларды Әлеуметтік медициналық сақтандыру қорының мамандарына байланыс арналары арқылы сұрай аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Осы құралдар арқылы сақтандыру мәртебесін тексеруге болады. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің сайтында egov.kz "Денсаулық сақтау" бөлімінде "Медициналық қызметтер туралы және МӘМС-ға аударылған сомалар туралы ақпарат" мемлекеттік қызметі арқылы білуге болады.&nbsp; &nbsp;

Қызылордалықтар әлеуметтік медициналық сақтандыру қорына 47,8 млрд теңге аударды

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Нұрымбет Сақтағанов 14 наурыз - Көрісу күніне орай, көпбейінді облыстық ауруханадағы науқас жандардың жағдайымен танысып, мерекемен құттықтады.&nbsp;Аймақ басшысының орынбасары емделушілерге жылы лебізін білдірді.<blockquote>«Өздеріңізге белгілі, бұл күн қыс мезгілінен аман-есен шығып, адамзат баласының бір-бірімен қауышатын күні.&nbsp;Көрісу - жаңа жыл, жаңа өмір, жана күн. Яғни, халық көктемге аяқ басып, туыс-туған, көрші-көлеңмен жүздескеніне қуанып, қол алысып, төс қағысады. Бір-біріне деген араздық, өкпе-ренішті ұмытып, амандық тілейді. Ендеше әулеттің көпті көрген үлкеніне амандық-саулық тілеп, ізеттілікті дəріптейтін, алыстағы туған-туыспен көрісіп, татулыққа бастайтын халқымыздың ежелден келе жатқан мерекесі əр шаңыраққа құт-береке əкелсін», - деді Нұрымбет Сақтағанов.</blockquote>Одан соң, облыстық денсаулық сақтау басқармасы басшысының міндетін атқарушы Жангелді Мырзагелдіұлы мен медицина саласының ардагері Тұрғанбай Маханұлы аурухана мұражайымен қатар кардиохирургия, эндоваскулярлы хирургия, хирургия №1 бөлімше жұмыстарымен таныстырды.Ауруханада ішіндегі кардиохирургия бөлімі 20 төсек орынға арналған. Қазіргі таңда мұнда 26 науқас ем алуда.&nbsp;Ал эндоваскулярлы хирургия бөлімінде екі ангиограф орнатылған. Жылына 4 мыңнан аса ота жасалады.&nbsp;Хирургия №1 бөлімшесі 25 төсек орынға арналған, оның ішінде бет жақ хирургиясына 5 төсек орын бөлінген. Қазіргі таңда 19 науқас ем алуда.Көпбейінді облыстық ауруханасында 525 тәуліктік төсек орын қызмет көрсетеді. Оның 170-і хирургиялық, 105-і кардиология, 45 орын инсульттік, 95 орын реабилитациялық, 110-ы терапиялық бейінді. Сонымен қатар 115 төсек орындық күндізгі стационар жыл бойына халыққа медициналық көмек көрсетуде. &nbsp;&nbsp;2021 жылы 30 төсек орындық хирургиялық және терапиялық салаға арналған ақылы бөлім ашылды. Одан бөлек 2020 жылдың 1 шілдесінен бастап «Короновирусты инфекция» індетін жұқтырған соматикалық патологиясы бар науқастарға арналған инфекциялық бөлімше қызмет атқарады. Өткен жылы аталған бөлімшенің төсек орын саны эпидахуалға байланысты 5 төсек орыннан 30 төсек орынға дейін өзгеріп отырды. Жылдың аяғында 5 төсек-орын қызмет атқарды. Жалпы ауруханада 675 төсек орын бар.Көпбейінді облыстық аурухана өңірдегі үшінші деңгейдегі стационарлық көмек көрсететін жалғыз ұйым. Дәрігерлердің 80 пайыздан астамы мен орта медицина қызметкерлерінің 60 пайызының біліктілік санаттары, 74 қызметкердің денсаулық сақтау үздігі, 2 дәрігердің медицина ғылымдарының кандидаты атағы бар. Аурухананың медициналық мақсаттағы бұйымдармен жабдықталуы 95,78 пайызды құрайды.&nbsp;Былтырғы жылы тәулік бойы жұмыс істейтін стационарда 19 534, күндізгі стационарда 5386 науқас ем қабылдады. Жалпы хирургия, жүрекке ашық ота жасау, эндоваскулярлық кардиохирургия, қан тамырлары хирургиясы, офтальмологиялық хирургия, травматология және ортопедия, гинекология, урология, нейрохирургия, жақ-бет хирургиясы және оториноларингология салаларында барлығы 10 мыңнан аса ота жасалады.<figure class="image"><img src="https://knadmin.beoblood.kz/uploads/335413830_1377575222784224_4644081344303019889_n_779f8baf0d.jpg" alt="335413830_1377575222784224_4644081344303019889_n.jpg"></figure><img src="https://knadmin.beoblood.kz/uploads/335417762_595100979145488_1530145755962950294_n_784180e573.jpg" alt="335417762_595100979145488_1530145755962950294_n.jpg"><img src="https://knadmin.beoblood.kz/uploads/335386009_5951660164928111_3526351908947396910_n_8305064442.jpg" alt="335386009_5951660164928111_3526351908947396910_n.jpg"><img src="https://knadmin.beoblood.kz/uploads/336187586_233140335832094_6642610852314130493_n_1_27b6d56129.jpg" alt="336187586_233140335832094_6642610852314130493_n (1).jpg"><img src="https://knadmin.beoblood.kz/uploads/335414478_744437987265160_4972670136303253952_n_50c576ca04.jpg" alt="335414478_744437987265160_4972670136303253952_n.jpg">

Нұрымбет Сақтағанов ауруханадағы емделушілермен кездесті

<a href="https://kyzylorda-news.kz/">Kyzylorda-news.kz.</a> Кім тегін ЭКҰ-ға үміткер бола алады, қайда жүгінуге болады? МӘМС жүйесінде жеңілдік санаты ретінде мәртебесін қалай алуға болады? Осы және басқа да сұрақтарға Шиелі ауданының тұрғындарымен кездесу барысында Әлеуметтік медициналық сақтандыру қорының облыстық филиалының мамандары жауап берді.Шиелі ауданында МӘМС жүйесінде 10 650 тұрғын сақтандырылмаған. Ауданда барлығы 39 427 адам тұрады, халықтың 73% - ы сақтандырылған.Ауданның 23 ауылдық округінің қатарында сақтандырылған азаматтар санының өсуі байқалады. Бұл, ең алдымен, міндетті әлеуметтік медициналық сақтандырудың артықшылықтары туралы халықтың хабардар болуының артуына байланысты, деп атап өтті ӘМСҚ-ның облыстық филиалының директоры Бақыт Исмаханбетов. Сонымен қатар, МӘМС медициналық қызметтері, оның ішінде қымбат қызметтер 15 жеңілдікті санаттағы азаматтарға қолжетімді (https://fms.kz/kz/o-medstrakhovanii/infografika/31374/). Олар үшін мемлекет ай сайын жарна төлейді.МӘМС жүйесінде жеңілдік санаты ретінде сақтандыру мәртебесіне қалай ие болуға болады?, - деп сұрайды ауыл тұрғындары. Бақыт Исмаханбетовтың айтуынша, егер сіз 15 жеңілдік санатының біріне жатсаңыз, бірақ МӘМС-да сақтандырылмаған болсаңыз, Халыққа қызмет көрсету орталығына растайтын құжаттарды тапсыру қажет. Ақпарат мемлекеттік органдарға жіберілгеннен кейін ғана сізге «сақтандырылған» мәртебесі беріледі.Сондай-ақ, кездесуде аудан тұрғындары ЭКҰ қолжетімділігі туралы сұрақтарымен жүгінді. Спикердің ақпараты бойынша, ЭКҰ-ға жолдама алу үшін тіркелген жері бойынша емханаға жүгіну қажет. Жылына бір рет МӘМС бойынша ЭКҰ процедурасынан тегін өтуге болады. МӘМС жүйесінде ЭКҰ жүргізу алдында ерлі-зайыптыларды тексеру көлемі көзделген тізбеге сәйкес жүзеге асырылады. Жыл сайын өңірде ЭКҰ рәсіміне 300-жүзге дейін квота бөлінеді. Қосымша сұрақтар үшін тұрғылықты жері бойынша емхана жанындағы Пациентті қолдау және ішкі сараптама қызметіне хабарласуға болады.Егер мәселе шешілмеген болса, сіз әрқашан Әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Telegram-дағы Qoldau 24/7 және Saqtandyry-Bot мобильді қосымшасы. &nbsp;<figure class="image"><img src="https://knadmin.beoblood.kz/uploads/1_354226eced.jpeg" alt="1.jpeg"></figure>&nbsp;<figure class="image"><img src="https://knadmin.beoblood.kz/uploads/4_22907ee47e.jpeg" alt="4.jpeg"></figure>

МӘМС жүйесінде жеңілдік санаты ретінде мәртебесін қалай алуға болады?

<a href="https://kyzylorda-news.kz/">Kyzylorda-news.kz.</a> Жаңақорған аудандық Адырбек Сопыбеков атындағы аудандық кітапханада Қ.Р Мемлекеттік сыйлығының иегері, «Халық қаһарманы», «Әлем азаматы», Қ.Р. Ұлттық Ғылым Академиясының академигі Мұхтар Әлиевтің 90 жылдығына арналған «Алыптың аты өшпейді» атты ғылыми-танымдық конференция өтті.Қазақстанның денсаулық сақтау жүйесін дамытуда еңбек жолында ауыл дәрігерінен бастап Қазақ КСР Денсаулық сақтау министріне дейінгі сатылардан өткен, жоғарғы Кеңес депутаты ретінде қоғамдық – әлеуметтік салада ерен қолтаңбасын қалдырған тұлғаны еске алуға арналған кешке Мұхтар Әлиевтің туыстары және жас оқырмандар қатысты.Шараны ашқан аудандық мәдениет және спорт бөлімінің басшысы Әбілқайыр Әбілпаттаұлы:<blockquote>«Биыл Мұхтар Әлиев ағамыздың 90 жылдығына орай ел көлемінде мәдени – танымдық шаралар ұйымдастырылып жатыр. Бүгінгі шара соның бір көрінісі.Соңына өшпес ізін қалдырған халықаралық медицина саласында өзіндік өрнегі бар «Әлем азаматы», ауданымыздың «XX ғасыр Адамын» біз әрқашан да мақтан етеміз», – дей келе өзінің Мұхтар Әлиевке арнаған өлеңін оқыды.</blockquote>Ел медицина саласында хирургияның беделді, құрметті көшбасшысы Мұхтар Әліұлы 70 докторлық, 83 кандидаттық диссертацияның, 970 ғылыми еңбектің авторы. 155 авторлық куәлікке ие. Оның 18 шәкірті Мемлекеттік сыйлықтың лауреаты атанған екен.Мұхтар Әліұлы дәрігер, ассистент, хирург, бас хирург, ғылыми хирургиялық орталықтың басшысы, министр қызметіне дейін көтеріліп отандық медицина саласына өлшеусіз үлес қосты. Ол Жаңақорған ауданына қарасты Бөртескен елді мекенінде теміржолшы отбасында дүниеге келген. Анасы Құндыздан үш жасында, әкесі Әліден буыны қатпай көз жазып, жетімдіктің де зардабын тапты. Елге келген бір сапарында Мұхтар ағаның аузынан естіген мына естелігін түртіп алған екенбіз.Күндердің бір күнінде ол түс көреді. Түсінде әлемде Аристотельден кейінгі екінші ұстаз атанған Әл-Фараби «Менің бойымдағы құдыреттің бір ұшқынын сенен көріп тұрмын. Ата-бабамның әруағы қолдасын» деп алақан жайып, батасын берген екен. Сол түсінде көрген ғажайып оның алғы өміріне бағдаршам болды.Мектеп интернатында білім алып, одан әрі Түркістан педагогикалық училищесін тәмамдайды. Ауыл мұғалімі күндіз-түні жанын жегідей жеген ата-ана өмірін жастай жұлып кеткен сырқаттың сырын түсініп, дертке дауа тапсам деген арманын қанат етіп, Алматы қаласындағы медициналық институтқа оқуға түседі. Оның денсаулық саласындағы керемет жеңісіне осылайша жол ашылды.Жиында Жаңақорған ауданы Кеңес ауылында ұзақ жылдар терапевт-дәрігер болған Мұхтар Әліұлының шәкірті Абибулла Акимовтың ұстаз туралы жүрекжарды естелігін оқырмандар экран арқылы тамашалады.Ол Мұхтар Әліұлының Манап Көкеновпен интернатта бірге оқығанын, кейін жүрек қалауымен дәрігерлік жолды таңдағанын айтты. Әріптес ағаның ауылдан барған қаншама ағайынға көмек қолын созғаны, елге әр келген сапарында атқарған қайырымдылық істеріне де тоқталып өтті. Кеңес ауылында және Шәуілдірде елдің рухани тәрбиесін бекемдеп, имандылыққа тәрбиелейтін мешіт салып бергенін айтты. Жақында Шымкент қаласында алтын қолды дәрігердің 90 жылдығы мерекеленіп, ауылдағы ағайын болып қатысып қайтқанын да айтуды ұмытпады.Кеш қонағы, ішкі істер саласының ардагер, ел ағасы Еркін Мұсаев сөз алып, еңбек жолын Шәуілдір, Темір станциясында мұғалім болып бастаған академиктің 90 жылдық мерейтойын Оңтүстік Қазақстан облысында үлкен деңгейде атап өткенін, осы шараға «Халық қаһарманының шәкірттері әріптестері келіп қатысқанын айтты. Осы мерейтой аясында бауырыӨмірзақ Әметовтың «Мұхтар аға» кітабы жарыққа шыққанын айта келе, естелік туындыны аудандық кітапханаға тарту етті. Келесі кезекте кітапхана қызметкері Айнұр Шарап «Ұлттық хирургияның алыбы» атты көрмені оқырман назарына ұсынды. Көрмеге қойылған Адырбек Сопыбековтың кітабында Мұхтар Әлиевтің Орта Азияда ең алғашқы балалардың бүйрегін алмастыруды енгіз¬ген жаңалығын жеткізген «Тарихнама» кітабы, дәрігердің өз туындысы «Хирургиялық аурулардың симптомдары мен синдромдары», Зинабдин Шермұхамедұлының «Өткенім өлшем болар өміріме» атты кітабы, Ыбырайым Жүнісовтың деректі хикаяттардан тұратын жинағының жалпы мазмұны таныстырылды. Осы кітаптардың барлығында Мұхтар ағаның еңбек жолы, ата-анасы, үзеңгілес замандастары туралы кең қамтылған.Кеш барысында аудан орталығындағы №125 Садықбек Сапарбеков атындағы орта мектебінің 10 сынып оқушысы Әсел Ыбырайхан ақын Адырбек Сопыбековтың Мұхтар ағаға арнауын оқыса, 9 сынып оқушысы Алина Шарап Зинабдин Шермұхамедұлының өлеңін жатқа оқып берді. Білімгерлерді рухани орталықққа бастап келген ұстаздары қазақ тілі және әдебиеті пәнінің оқытушысы Сымбат Алшынбекова тағылымды кештен алған мол әсерін ортаға салды.

Қазақстан және Қызылорда облысының жаңалықтары: Денсаулық