<a href="https://kyzylorda-news.kz/">Kyzylorda-news.kz.</a> Былтыр Қызылорда қаласында инфекциялық және паразиттік аурулар бойынша қала тұрғындары арасында жіті ішек инфекцияларының вирусты гепатит, туберкулез, бруцеллез және Конго-Қырым гемаррагиялық қызбасының эпидемиологиялық ахуалы тұрақсыз болып, 19 инфекция көрсеткіші жоғары сипатқа ие болды, ал 7 инфекция көрсеткіштері азайды.<blockquote>«Өткен жылы қалада жіті ішек инфекциясының 1684 оқиғасы (оның ішінде 3 жасқа дейінгі балалар арасында 1419 жағдай) тіркелсе, туберкулезбен 204 науқас жаңадан анықталды. Жедел ішек ауруларының алдын алу мақсатында аурудың басты таралуының себептері - үй жағдайында дайындау технологиясы бұзылған немесе дұрыс сақталмаған тағамдар, сүт өнімдері, сусындар, дұрыс жуылмаған, тазартылмаған жеміс-жидектер, қайнамаған су және бала күтімінің нашарлығы т.б. болдырмау қажет», - деді Қызылорда қалалық санитариялық - эпидемиологиялық бақылау басқармасының басшысы Ерлан Ұзақбаев.</blockquote>Сонымен қатар, жедел вирусты гепатит А ауруының 8 оқиғасы тіркеліп, ауру оқиғалары орын алған мектептер жоспардан тыс тексерілді. Нәтижесінде эпидемиялық көрсеткіш бойынша 386 бала вирусты гепатит А қарсы екпемен қамтылды. Жалпы, Қызылорда қаласында вирусты гепатит А қарсы жоспарлы профилактикалық екпелермен 12 609 бала қамтылған. Бұдан бөлек, Қызылорда қаласында COVID-19 коронавирустық инфекциясының 4216 оқиғасы тіркелді. &nbsp;Аурудың алдын алуда басымды және тиімді шара - вакцинация және ревакцинация болып табылады. COVID-19 инфекциясы қарсы қала халқының 87,9%-ы егумен (егілгені – 225 334) қамтылды. &nbsp;<blockquote>«Қызылорда қаласының әкімшілік аумағы аса қауіпті Конго-Қырым геморрагиялық қызбасының (әрі қарай - ККГЛ) табиғи ошағында орналасқандықтан қолайсыз болып саналады. Өткен жылы Қызылорда қаласында ККГЛ алғашқы диагнозымен 13 жағдайы тіркелсе, «Кене шағу» диагнозымен 446 жағдай анықталды. Жалпы, басқарма мамандарымен 2022 жылы 552 тексеру жүргізілген. Жүргізілген ерекше тәртіп бойынша және жоспардан тыс тексерулер барысында барлығы 324 заңбұзушылықтар анықталып, жауапты тұлғаларға әкімшілік шара көрілді және айыппұлдар салынды, нысандарға бұзушылықты жою туралы ұйғарымдар берілді», - дейді Ерлан Амантайұлы. &nbsp;</blockquote>

Қызылорда қаласында санитариялық-эпидемиологиялық ахуал қандай? 

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорында өткен жылы Қорға жүгінген азаматтардың өтініш-шағымдары бойынша қорытынды жасады. 2022 жылдың 1 қаңтарынан 31 желтоқсанға дейін Бірыңғай ақпараттық медициналық Call-орталығына 759 164 өтінім келіп түскен. &nbsp;Оның ішінде 707,5 мың адам кеңес алса, 24 мың жүгінуші шағым қалдырды. &nbsp;Талдау көрсеткендей, өтініштердің 85%-ында 1406-ға қоңырау шалынған. Шамамен 14% өтінім Қорға Qoldau 24/7» мобильді қосымшасына келіп түсті. Қордың fms.kz ресми сайты, Telegram-дағы @Saqtandyrýbot, ҚР Денсаулық сақтау министрлігінің сайты мен блогы сынды кері байланыс арналары да халық арасында танымал.&nbsp;Әлеуметтік медициналық сақтандыру қорында атап өткендей, өтінімдердің 93%-ында кеңес берілсе, 50 мыңнан астам өтінімді егжей-тегжейлі қарау және жауап беру үшін 2-ші және 3-ші қолдау желісіне жіберілді.Астана, Алматы, Ақмола және Ақтөбе облыстарының тұрғындары әлеуметтік медициналық сақтандыру қоры операторларының кеңесін белсенді пайдаланады.Қорда атап өткендей, республикалық маңызы бар қалаларда ел халқының 20%-ы тұрады. Сәйкесінше бұнда медициналық қызметтерді тұтынушылар &nbsp;басым әрі халық тарапынан жиі сұрақтар қойылады.&nbsp;Әлеуметтік медициналық сақтандыру қоры өзін пациенттердің омбудсмені ретінде ұстанатыны көпшілікке мәлім. Сол себепті адамдар медициналық көмек алу кезінде құқықтары бұзылған жағдайда &nbsp;Қорға жазып, хабарласады. &nbsp;Өткен жылы пациенттер Қорға 24 мың шағым жіберген. Алдыңғы кезеңмен салыстырғанда олардың саны 35%-ға артты (2021 жылы 17,7 мың шағым). Шағымдардың жартысына жуығы Алматы, Астана қалаларына және Қарағанды облысына тиесілі.Азаматтар көбінесе медициналық көмектің сапасыз көрсетілгенін айтып шағымданады (32,6%). Екінші орында – медициналық көмек көрсетуден бас тарту тұр (19%). Сондай-ақ медициналық көмекті ұзақ күту (5,8%), дәрі-дәрмектермен қамтамасыз етуден бас тарту (4,8%), этика мен деонтологияны бұзу &nbsp;(4%), медициналық ұйымның &nbsp;ақпараттық жүйелерінде &nbsp;көрсетілмеген қызметті көрсетілді деп көрсеткен жалған ақпарат (3,2%) бойынша шағымдар түсті.&nbsp;Қордың Қызылорда филиалына 2022 жылы 391 шағым түсті. 2021 жылмен салыстырғанда олардың саны 35% – ға өсті (2021 ж. - 253 шағым).<blockquote>«Пациенттер өз емханаларында бейінді мамандар болмаған кезде, басқа медициналық ұйымдарға жолдама ала алмағандарын немесе &nbsp;ақылы негіздегі тексерулер мен консультацияларға жіберілгендерін, сонымен қатар, уақтылы ем ала алмай немесе сапасыз емделгендерін, бейінді дәрігерлердің консультацияларын ұзақ күткендерін, медицина қызметкерлерінің &nbsp;дөрекі әрекеті, &nbsp;ТМККК кіретін медициналық көмекті алуға сақтандыру мәртебесін заңсыз талап еткендерін және өз құқықтары бұзылғанын айтып шағымданады», - деп атап өтті Қордың Қызылорда облысы бойынша филиалының директоры Бақыт Исмаханбетов.&nbsp;</blockquote>Естеріңізге сала кетейік, Әлеуметтік медициналық сақтандыру қорының сарапшылары әрбір шағым бойынша жоспардан тыс мониторинг жүргізеді және оның қорытындысы бойынша бұзушылықтар &nbsp;расталған жағдайда айыппұл санкциялары қарастырылады. Қор келіп түскен өтініш-шағымдарды талдау және мониторинг арқылы кері байланыс сапасына халықтың көңілі толғанын анықтайды. Жыл қорытындысы бойынша 95,3% толыққанды жауап беріледі.Медициналық қызметтерді көрсетуден бас тартқан жағдайда, медқызметтердің сапасына көңілі толмаған пациенттер медициналық ұйымнан ресми жауап алу және тиісті шаралар қабылдау үшін &nbsp;жоғарыда аталған байланыс арналары бойынша міндетті түрде ресми өтінім қалдыру қажет.&nbsp;Әлеуметтік желілерде жазылған шағымдар процессуалдық шешім қабылдау үшін ресми өтінім &nbsp;болып табылмайды.Егер тағы сұрақтар туындап жатса, сіз өз емханаңыздағы «Пациенттерді қолдау қызметіне» жүгіне аласыз. Ал ол жерде &nbsp;мардымды жауап ала алмасаңыз, Әлеуметтік медициналық сақтандыру қорының келесі байланыс арналары арқылы өтініш жібере аласыз: fms.kz ресми сайты, &nbsp; &nbsp; 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.Осы құралдар арқылы сақтандыру мәртебесін тексеруге болады. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің сайтында egov.kz "Денсаулық сақтау" бөлімінде "Медициналық қызметтер туралы және МӘМС-ға аударылған сомалар туралы ақпарат" мемлекеттік қызметі арқылы білуге болады.&nbsp; &nbsp;

Әлеуметтік медициналық сақтандыру қорына пациенттер қандай шағымдармен жүгінді?

<a href="https://kyzylorda-news.kz/">Kyzylorda-news.kz.</a> Бүгінде облыста жұқпалы аурулар аурушаңдығы бойынша эпидемиологиялық ахуал тұрақты деп бағалануда. Жалпы өңір тұрғындары арасында 99 жұқпалы аурудың 52 түрі бойынша аурушандық анықталмады, ал 12 түрлі жұқпалы ауру көрсеткішінің деңгейі біршама төмендеген. Бұл жайлы Өңірлік коммуникациялар қызметінде өткен брифингте облыстық санитарлық-эпидемиологиялық бақылау департаментінің басшысы Динара Жанабергенова хабарлады.&nbsp;<blockquote>«Аймақта былтыр жіті респираторлы вирусты инфекцияның жұқтыру көрсеткіші 2021 жылмен салыстырғанда 9 пайызға төмендеді. Сонымен қатар былтыр өңірде оба, тырысқақ, құтырма, туляремия, листериоз, лептоспироз сынды аса қауіпті аурулар тіркелген жоқ. Бұдан бөлек, тұмау ауруының алдын алу мақсатында былтыр 85 000 доза екпе сатып алынып, толығымен игерілді. Нақтырақ айтқанда, 82 676 азаматқа вакцина салынып, оның ішінде 20 181 екпе балаларға салынды. Қазіргі таңда тұмауға байланысты эпидемиологиялық жағдай біршама тұрақталды. Ал короновирус инфекциясына қарсы вакцинаның 1-компонентімен 95 пайыз адам қамтылса, 2-ші компонентін өңір халқының 94 пайызы алды. Ал қайта ревакцинациялаудан 70 664 тұрғын өтті. Туберкулез инфекциясының да аурушаңдық көрсеткіші 2021 жылмен салыстырғанда 2 жағдайға төмендеп отыр. Ал балалар арасында 8 жағдайға азайды. Аталған дерттің алдын алу бағытында БЦЖ екпесімен тұрғындарды қамту көрсеткіші 97,2 пайызды құраса, флюрографиялық тексерістен 402 759 адам өтті», - деді департамент басшысы Динара Олжабайқызы.</blockquote><figure class="image"><img src="https://knadmin.beoblood.kz/uploads/Dinara_Zhanabergenov_a89d61869f.jpg" alt="Динара Жанабергенов.jpg"></figure>

Қызылордада эпидемиологиялық ахуал тұрақты

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қоры жыл сайын профилактикалық медициналық тексерулерді қаржыландыруға қаражат бөледі. Уақытында жүргізілген тексерулер аса ауыр ауруларды ерте кезеңде анықтауға және емдеуді бастауға көмектеседі. Скринингтік тексерулерді өткізіп алмау неліктен маңызды және оны қалай жасауға болады? Осы және басқа да сауалдарға «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетовке жауап берді.Скрининг дегеніміз не және ол не үшін қажет?Скрининг – бұл шағымдары жоқ белгілі бір жастағы адамдарды ауруларды ерте сатысында анықтау және алдын алу үшін профилактикалық медициналық тексеру. Яғни, емханаға бір рет бару арқылы сіз арнайы тексеру әдістерін қолдана отырып, қатерлі ісік немесе басқа аурулардың болуының (скрининг түріне байланысты) алдын аласыз немесе олардың пайда болу ықтималдығын уақытында анықтай аласыз.Сақтандыру қажет пе?Профилактикалық қарап-тексеру және скрининг бойынша медициналық көмек ТМККК және МӘМС бойынша көрсетіледі. Яғни учаскелік дәрігердің қабылдауы ТМККК шеңберінде жүргізіледі, сондықтан сақтандырылған тұлға мәртебесі қажет емес. Алайда пациентті консультациялық-диагностикалық қызметтерге (кардиолог, эндокринолог және офтальмологтың консультациясы, талдаулар алу, рентгеннен өту немесе қандай да бір басқа тексерулерден өту) жіберу үшін түлғаның сақтандырылған мәртебесі болу керек, өйткені бұл қызметтер МӘМС жүйесінде көрсетіледі.Кімге және қандай скринингтік тексеруден өту қажет?- 30-39 жас аралығындағы әйелдер мінез-құлық қауіп факторларын ерте анықтау мақсатында скринингтен өтеді. Темекі шегу, дұрыс тамақтанбау, дене белсенділігінің төмен болуына немесе алкогольді шамадан тыс тұтынуға байланысты пациентке салауатты өмір салты мен дұрыс тамақтану жөнінде ұсынымдар беріледі.- 40-тан 70 жасқа дейінгі ерлер мен әйелдер артериялық гипертонияны, жүректің ишемиялық ауруын, қант диабетін және глаукоманы ерте анықтау үшін скринингтен өтеді. Мужчины и женщины в возрасте от 40 до 70 лет проходят скрининг на раннее выявление артериальной гипертонии, ишемической болезни сердца, сахарного диабета и глаукомы. Қан қысымының, холестериннің, қан глюкозасының деңгейі және дене салмағының индексі анықталады.- 30-дан 70 жасқа дейінгі әйелдер жатыр мойны обырын ерте анықтауға тексеруден өтеді, оның ішінде ПАП-тест және тереңдетілген диагностика - (бейне) кольпоскопия, биопсия және гистологиялық зерттеу, бейінді мамандардың консультациясын алады.- 40 – тан 70 жасқа дейінгі әйелдер сүт безі обырын ерте анықтауға-екі проекцияда маммографияға тексеруден өтеді. Қажет болған жағдайда тереңдетілген диагностика - нысаналы маммография, сүт бездерінің УДЗ, трепанобиопсия, пункциялық немесе аспирациялық биопсия, гистология, бейінді мамандардың консультациясы жүргізіледі.- 50-ден 70 жасқа дейінгі ерлер мен әйелдер гемокульт-тесттің көмегімен колоректалдық обырды ерте анықтауға тексеруден өтеді немесе қажет болған жағдайда тереңдетілген диагностика - жаппай бейне колоноскопия, оның ішінде наркоз, эндоскопиялық шертпелі биопсия, гистологиялық зерттеу арқылы мамандардың консультациясын алады.Скринингтер өткізу «Скринингтік зерттеулерге жататын адамдардың нысаналы топтарын, сондай-ақ осы зерттеулерді жүргізу қағидаларын, көлемі мен кезеңділігін бекіту туралы» ҚР ДСМ м.а. № 174 бұйрығымен регламенттеледі.Скринингтен қалай өту керек?Көңіл-күйіңізге, денсаулығыңызға ешқандай шағым болмаса да, скринингтен міндетті түрде өту қажет. Профилактика – сіздің денсаулығыңызды қорғаудың маңызды әдістерінің бірі. Бүкіл әлемдегі медицина қазір дәрігерлердің, мемлекеттің ғана емес, азаматтардың өздерінің де денсаулығы үшін ортақ жауапкершілікті көтеруге шақырады. Сондықтан жасына қарай жасалынатын тексерулерді өткізіп алуға болмайды.Әдетте, пациент тіркелген емхананың учаскелік медбикесі оны скринингтен өтуге шақырады. Алайда, сіз ол жерге жеке куәлігіңіз қолыңызда болса, өздігіңізден хабарласа аласыз.&nbsp;Әрбір емханада скринингтік кабинеттер құрылған, онда дәрігер өмір салты мен тамақтану рационы, зиянды әдеттердің, тұқым қуалайтын аурулардың болуы туралы сұрақтар қояды, бойын, салмағын, қан қысымын өлшейді, қандағы қант пен холестерин деңгейін тексереді. Содан кейін қажет болған жағдайда пациент қосымша тексеруге немесе бейінді маманның кеңесіне жіберіледі. Жүргізілетін іс-шаралар тізбесі скринингтік зерттеу түріне байланысты болады.Халық денсаулығы және денсаулық сақтау жүйесі туралы кодексте қызметкерлерге скринингтік зерттеулерден өту үшін жыл ішінде 3 жұмыс күніне дейін әлеуметтік демалыс берілетінін білу маңызды. Яғни, жұмыс беруші өз қызметкерін оның лауазымы мен орташа жалақысын сақтай отырып, скринингтен өтуге кедергісіз босатуы керек.Егер сұрақтарыңыз болса, сіз оларды емханаңыздан пациенттерге қолдау көрсету қызметіне хабарласып сұрай аласыз. Егер сізге сол жерде көмектесе алмаған жағдайда, онда сіз ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1406 байланыс орталығы, Telegram-да SaqtandyryBot және Qoldau 24/7 мобильді қосымшасы.<figure class="image"><img src="https://knadmin.beoblood.kz/uploads/Whats_App_Image_2023_02_02_at_15_25_57_c619c00554.jpeg" alt="WhatsApp Image 2023-02-02 at 15.25.57.jpeg"></figure>

Кімге және қандай скринингтік тексеруден өту қажет?

<a href="https://kyzylorda-news.kz/">Kyzylorda-news.kz.</a> Қанша жеке кәсіпкер &nbsp;міндетті әлеуметтік медициналық сақтандыру қорына төлем жасайды? &nbsp;Олар өз қызметкерлері үшін қандай көлемде аударым жасайды және жеңілдік санатына кіретін жұмыскерлер үшін төлем жасай ма? Осы және басқа да сұрақтарға біздің тілшімізге «Әлеуметтік медициналық сақтандыру қоры» КЕАҚ Қызылорда облысы бойынша филиалының бас сарапшысы Айгүл Аханова жауап берді.- Жеке кәсіпкерлер міндетті әлеуметтік медициналық сақтандыруға өз пайдасы &nbsp;үшін қанша төлем жасайды?- Жеке кәсіпкерлер мен жеке практикамен айналысатын азаматтар басқа да әлеуметтік аударымдармен қатар міндетті медициналық сақтандыруға белгіленген жарналарды төлейді.2023 жылы осы санаттағы төлеушілер үшін жарналардың мөлшері ЕТЖ-ның 1,4 еселенген мөлшерінің 5%-ын немесе ай сайын 4 900 теңгені құрады. (70 000*1,4)*5% = 4 900 теңге.- Қалай төлейді?- Жеке кәсіпкер ретінде өзі үшін МӘМС төлемін екінші деңгейдегі банктің кез келген бөлімшесі арқылы, оның ішінде мобильді қосымшалар арқылы, сондай-ақ «Қазпошта» АҚ, Касса 24 және Qiwi әмиян өзіне-өзі қызмет көрсету терминалдары арқылы аударуға болады. Төлем коды (ТК) – 122.&nbsp;Сіз ай сайын да, ұзақ мерзімге де алдын ала төлем жасай аласыз. 2-3 жұмыс күні ішінде қаражаттың қайтарылуын міндетті түрде тексеріңіз. Егер ЖСН немесе аты-жөні, төлем сомасы дұрыс көрсетілмеген болса немесе 10 ЕТЖ-дан асатын аударым базасы асып кетсе, жарналар қайтарылуы мүмкін.- Жеке кәсіпкерлер ретінде жұмыс берушілер медициналық сақтандыруға қанша төлейді?- Егер жеке кәсіпкердің жалдамалы қызметкерлері болса, онда олар жұмыс беруші ретінде төлемдер бойынша жауапты болады.&nbsp; Аударымдар (жұмыс берүші қаражаты есебінен) – қызметкерлердің жалақысының 3% мөлшерінде, бірақ 21 000 теңгеден аспайды. Жарналар (қызметкердің жалақысынан ұстап қалу) - қызметкерлердің жалақысынан 2% мөлшерінде, бірақ 14 000 теңгеден аспайды.- Қалай төлем жасауға болады?- Жеке кәсіпкер қызметкерлері үшін МӘМС төлемін банктің кез келген бөлімшесі, оның ішінде мобильді қосымшалар және «Қазпошта» АҚ арқылы аударуға болады. Төлем коды (ТК): 121.- Егер жеке кәсіпкер жеңілдік санатына кіретін болса, МӘМС үшін ақы төлеу қажет пе?- Жеке кәсіпкер өзі немесе оның жалдамалы қызметкерлері келесі санаттарда болған жағдайда жарналар мен аударымдарды төлемейді:• балалар (18 жасқа дейінгі); • зейнетақы төлемдерін алушылар, оның ішінде Ұлы Отан соғысының қатысушылары мен мүгедектері; • «Алтын алқа», «Күміс алқа» алқаларымен наградталған немесе бұрын «Батыр Ана» атағын алған, сондай-ақ I және II дәрежелі «Ана даңқы» ордендерімен марапатталған көп балалы аналар; • мүгедектер; • орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысанында білім алатын адамдар.- Декреттік демалыстағы әйел жеке кәсіпкер болса, МӘМС үшін төлем жасауы керек пе?- Егер әйел жеке кәсіпкер болса, онда ол өзі үшін 4 900 теңге мөлшерінде белгіленген жарнаны төлейді.Бұл санаттағы әйелдер жеңілдік санатына кәсіпкерлік немесе еңбек қызметін жүзеге асырмайтын, табысы жоқ кезде кіреді.&nbsp; Егер жеке кәсіпкер жұмыс жасамаса (кірісі болмаса), онда салық органдарында кәсіпкерлігін тоқтата тұру үшін тиісті рәсімдерді жүргізу қажет.- Егер жеке кәсіпкер зейнеткер немесе мүгедек болса, ол медициналық сақтандыру үшін жарна төлеуі керек пе?- Жоқ. Мүгедектігі бар адамдар МӘМС жарналарын төлеуден толық босатылған азаматтардың жеңілдік санатына жатады, оның ішінде жеке кәсіпкер ретінде де. Сондай-ақ, Қазақстандағы қордан зейнетақы алушылар да МӘМС жарналарын төлеуден босатылды.- Бір мезгілде жалдамалы қызметкер болып табылатын жеке кәсіпкер медициналық сақтандыруға жарна төлей ме?- Иә. Бұл жағдайда «МӘМС туралы» Заңның 28-бабының 3 және 5-тармақтарына сәйкес төлеуші өзінің жалақысының 2%-ын жалдамалы қызметкер ретінде және ЕТЖ-нің 1,4 еселенген мөлшерінің 5% - ын жеке кәсіпкер ретінде 4 900 теңге төлейді. Жеке кәсіпкер қызметі тоқтатылған жағдайда, ҚР Салық заңнамасына сәйкес, МӘМС жарналарын кәсіпкер ретінде төлемеуі тиіс. &nbsp;- Жеке кәсіпкерге МӘМС жарналарын төлемегені үшін өсімпұл салына ма?- Иә. Төлем күнін қоса алғанда, мерзімі өткен әрбір күн үшін қайта қаржыландыру мөлшерлемесінің 2,5 еселенген мөлшерінде өсімпұл есептеледі.&nbsp;Өсімпұлды болдырмау үшін жалдамалы қызметкерлері болса, жарналар мен аударымдарды уақтылы төлеу қажет. Есепті кезеңнен кешіктірмей, яғни кірістер төленген айдан кейінгі айдың 25-күнінен кешіктірмеу керек.- Жарналарды және (немесе) медициналық сақтандыру қорына аударымдарды төлеуден жалтарған жағдайда қандай шаралар қолданылады?- Мемлекеттік кіріс органдары (салық комитеті) аударымдар мен жарналардың уақтылы және толық есептелуіне және аударылуына бақылау жүргізеді. Егер жеке кәсіпкер жарналарды және (немесе) аударымдарды төлеуден жалтарса, әкімшілік жауапкершілікке тартылады.Жұмыс берушiлердiң, жеке кәсiпкерлердiң, жеке нотариустардың, жеке сот орындаушыларының, адвокаттардың, кәсiби медиаторлардың мiндеттi медициналық сақтандыруға аударымдарды және (немесе) жарналарды төлемеуi, уақтылы және (немесе) толық төлемеуi – ескерту жасауға әкеп соғады.Бір жыл ішінде ескерту қайталанған жағдайда айыппұл салынады.&nbsp;• Шағын кәсіпкерлік субъектілеріне МӘМС төленбеген, уақтылы және (немесе) толық төленбеген аударымдар және (немесе) жарналар сомасының 20%-ы мөлшерінде&nbsp; • орта кәсіпкерлік субъектілеріне-30% мөлшерінде • ірі кәсіпкерлік субъектілеріне-50% мөлшерінде- МӘМС жарналарын және/немесе аударымдарын төлеу кезінде жеке кәсіпкер нені есте сақтауы қажет?• Қаражаттың қайтарылмауы үшін алушының ЖСН мен аты-жөнін дұрыс көрсету керек; • Міндетті түрде медициналық сақтандыруға төлемдердің қабылдануын 2-3 жұмыс күн ішінде тексеру қажет. Егер төлем қайтарылған болса, онда дұрыс ақпаратты көрсете отырып, төлемді қайта жүргізу қажет; • Есепті кезеңнен кешіктірмей салық органдарына есептілікті дайындау және тапсыру керек; • Өз жұмыскерлерін МӘМС төлемінің аударылғаны туралы хабардар ету керек.Сіздер үшін fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot жұмыс істейді. Дәл осы құралдар сақтандырылу мәртебесін тексеруге мүмкіндік береді. Сондай-ақ электрондық үкіметтің egov.kz сайтындағы «Денсаулық сақтау» бөліміне өтіп, «Медициналық қызметтер туралы және МӘМС-ға аударылған сомалар туралы ақпарат» мемлекеттік қызметі арқылы медициналық сақтандыру жүйесіндегі өз мәртебеңізді тексеруге мүмкіндік бар.<figure class="image"><img src="https://knadmin.beoblood.kz/uploads/IP_kaz_0e57217490.jpg" alt="ИП каз.jpg"></figure>

Жеке кәсіпкерлердің қайсысы МӘМС жарналарын төлеуден босатылды?

<a href="https://www.belpressa.ru/society/zdravoohranenie/39155.html#">ФОТО</a><a href="https://kyzylorda-news.kz/">Kyzylorda-news.kz.</a> Гемоглобин анализі – дәрігерлер көптеген ауруды диагностикалау және емдеуді бақылау үшін жиі тағайындайтын қарапайым қан сынағы.&nbsp;Егер талдау нәтижелерінде гемоглобин мәндері анықтамалық мәндерден (бақылау диапазонынан) төмен немесе жоғары болса, дәрігер себептерін анықтау үшін тексеріс тағайындай алады.Төмен гемоглобин – ағзадағы оттегі жетіспеушілігін тудырады. Бұл барлық ағзаның жұмысында ақаулық тудыруы мүмкін. Ал жоғары гемоглобин адамға несімен не зиян?Гемоглобин дегеніміз не?"Бұл ағзалар мен тіндерге оттегін жеткізетін эритроциттердің &nbsp;ақуыздық құрамдас бөлігі, сондай-ақ денеден көмірқышқыл газын шығаруға көмектеседі", - дейді кардиолог-гериатр Светлана Мартынова.Адамда гемоглобин мөлшері қандай болуы керек?• Ерлерде – 125-170 г/л аралығында;• Әйелдерде - 115-155 г/л болып саналады."Қандағы гемоглобин концентрациясы адамның жасына байланысты. Иә, жаңа туған нәрестелер ересектерге қарағанда жоғары көрсеткіштерге ие. Сондай-ақ тамақтану ерекшеліктері, зиянды әдеттер - әсіресе темекі шегу, темір мен фолий қышқылының көрсеткіштері, иммунитеттің жағдайы, эритроциттердің морфологиялық және функционалдық ерекшеліктері маңызды", - дейді дәрігер.Төмен гемоглобин жоғары гемоглобинге қарағанда адамдар арасында жиі кездеседі.Гемоглобиннің жоғарылауының белгілері:• шаршау, ұйқышылдық;• жиі бас ауруы және бастың айналуы;• буындардың ауруы;• ішек коликі;• көгерген жерлерде үлкен гематомалардың пайда болуы.Темекі шегушілер зардап шегеді"Жоғары гемоглобин деңгейі ұшқыштар мен биік таулы елді мекендердің тұрғындарына тән, өйткені гемоглобин оттегі тапшылығы фонында көтеріледі. Мұндай жағдайларда сұйықтықты көбірек ішу, қызыл етті тұтынуды азайту, жаңа піскен көкөністерді, шөптерді, сүт өнімдерін, бұршақтарды, теңіз өнімдерін көбірек жеуге тырысу керек", - дейді Светлана Мартынова.Сондай-ақ, гемоглобиннің жоғарылауы темекі шегушілердің қанында жиі кездеседі."Оны қалыпқа келтіру үшін жаман әдеттен бас тарту керек", - &nbsp;дейді терапевт.Темекі шегетіндерде гемоглобин деңгейі көтеріліп нәтижесінде ағза оттегі жетіспеушілігінен зардап шегеді. Бұл маңызды ағзалар мен жүйелердің жұмысына кері әсер етеді, метаболизм зардап шегеді, тромбоз қаупі бар және инфаркт пен инсульт ықтималдығы артады.Неліктен жоғары гемоглобин қауіпті?"Физиология тұрғысынан бұл жағдай қауіпті, өйткені жоғары гемоглобинмен қанның тығыздығы артады. Осыған байланысты адамдарда қан қысымы көтеріліп, ағзалар мен тіндердің қанмен қамтамасыз етілуі нашарлауы мүмкін. Жоғары гемоглобин әсіресе атеросклерозбен ауыратын науқастар үшін қауіпті, өйткені ол тромбоздың және эмболияның ықтималдығын арттырады, бұл өз кезегінде миокард инфарктісі немесе инсульт қаупін арттырады", - деп ескертеді дәрігер.Сондай-ақ, гемоглобиннің жоғарылауы денеде патологиялық процестің болуын көрсетуі мүмкін."Жоғары көрсеткіштер гемохроматозда, жүрек пен өкпенің туа біткен патологиясында, өкпе немесе жүрек жеткіліксіздігінде, бронхтар мен өкпе ауруларында, бауырдың, бүйректің және бүйрек үсті бездерінің онкологиялық ісіктері, лейкоздың кейбір түрлерінде, ауыр дегидратацияда байқалады", - дейді терапевт Светлана Мартынова.Егер гемоглобиннің жоғарылауы анықталса, бұл жағдайды тудырған себепті анықтау үшін маманмен кеңесіп, кешенді диагноздан өту қажет.Ақпарат дереккөзі: <a href="https://massaget.kz/layfstayl/zhadnama/77554/">MASSAGET</a>

Гемоглобин көтерілсе не болады?  

<a href="https://kyzylorda-news.kz/">Kyzylorda-news.kz.</a> 2023 жылдың 1 қаңтарынан бастап Әлеуметтік медициналық сақтандыру қоры стоматологиялық қызмет көрсету үшін стоматологиялық клиникалармен тікелей келісімшарттар жасай бастады. Бұрын шарт &nbsp;емханалар арқылы жасалып келді. Бұл пациенттерге әсер ете ме, Қормен жұмыс жасайтын клиникаларды қалай табуға болады, тісті емдеуге жолдама керек пе – осы және өзге де өзекті сұрақтарға Қор өкілі Ирина Подскочая жауап берді. &nbsp; &nbsp;Биыл МӘМС есебінен стоматологиялық қызмет көрсету бойынша не өзгерді?Стоматологиялық көмек көрсету процесінде еш өзгеріс жоқ, пациенттер &nbsp; бұрынғыдай медициналық көмек алады. Тек келісімшартқа отыру әдісі яғни шарт жасасу жағы өзгерді. Бұған дейін стоматологиялық клиникалар өзара шартқа отыру арқылы қосалқы мердігер ретінде медициналық қызмет көрсетсе, 1 қаңтардан бастап Қор көрсетілген қызметтер көлемін бақылап, сапасына мониторинг жасау үшін &nbsp;тікелей осы клиникалармен шартқа отырды. &nbsp; Демек енді стоматологиялық клиникалар өздерінің қанша қызмет көрсеткенін және Қормен келісімшарт бойынша қанша қызмет көрсететінін өз бетінше қадағалап отыру керек. Бұрын бұнымен артылған жүктемеге қарамастан пациенттің тіркелген емханасы айналысып келді. Салдарынан пациент алмаған медициналық қызметті алды деп жазатын жағдайлар кездеседі. Қор &nbsp;сарапшылары бұны мониторинг жасаған кезде медициналық құжаттардан анықтады.Қазір стоматологиялық көмекті кімдер ала алады? &nbsp;МӘМС жүйесіндегі немесе ТМККК шеңберіндегі стоматологиялық қызметтер барлығына емес, халықтың жекелеген әлеуметтік осал санаттарына ғана қолжетімді. Мысалы, жоспарлы стоматологиялық көмекті тек балалар мен жүкті әйелдер ғана ала алады. Қатты ауырсыну кезінде азаматтардың 10 санаты, оның ішінде балалар мен жүкті әйелдер, зейнеткерлер, мүгедектігі бар адамдар және оларға күтім жасайтын жұмыс істемейтін адамдар, оның ішінде мүгедектігі бар немесе бірінші топтағы мүгедектігі бар балалар, әлеуметтік маңызы бар және жұқпалы аурулары бар пациенттер, көп балалы аналар, атаулы әлеуметтік көмек алушылар және басқалар шұғыл көмек ала алады. &nbsp;Стоматологиялық қызметтерді алу кезінде белгілі бір медициналық ұйымға тіркелу маңызды ма және стоматологиялық клиникалар "өз" емханаларына тіркелуді талап ете ала ма? &nbsp;Жоқ, талап ете алмайды. Қазір біз әлеуметтік желілерде стоматологиялық клиникалардың хабарламаларын көріп отырмыз. Олардың айтуынша, Қор &nbsp;қаржыландыруды қысқартып, қызметтер шектеулі мөлшерде немесе стоматологиялық клиникада тек белгілі бір емханаға тіркелген азаматтардың санатына ғана көрсетілетін болады. Әйтпесе ақылы негізде көмек алу ұсынылады. &nbsp;Бұл ақпарат шындыққа жанаспайтынын айту керек. Бізге осы мәселе бойынша көптеген шағым келіп түсті. Қор оларды қарап, &nbsp;пациенттердің құқығын қорғау бойынша тиісті шаралар қабылдайды. &nbsp;Стоматологиялық қызметтерді алу үшін емханадан жолдама алу керек пе?Емханадан жолдама керек емес. Ең бастысы, пациент МӘМС немесе ТМККК аясында стоматологиялық көмек алушылардың санаттарының біріне кіруі керек және медициналық көрсеткіштері болуы тиіс. &nbsp;МӘМС есебінен стоматологиялық қызметтерді алу үшін сақтандыру мәртебесі қажет пе?Егер медициналық қызмет МӘМС тізіміне кірсе, мысалы жоспарлы медкөмек алу үшін сақтандыру мәртебесі міндетті түрде керек. Егер қызмет ТМККК тізімінде болса, мысалы, қатты ауырсыну болса, онда мәртебе қажет емес және медициналық қызмет тегін көрсетіледі. Пациенттер барлық медициналық қызмет түрлерін тек медициналық көрсеткіштер бойынша ғана ала алады. &nbsp;Сондай-ақ, жоспарлы стоматологиялық көмек алушылар балалар мен жүкті әйелдер екенін атап өткен жөн. Балалар – мемлекет жарна төлейтін азаматтардың бірінші жеңілдік санаты. &nbsp;Сонымен бірге жұмыс істемейтін жүкті әйелдер де жеңілдік санатына кіреді. &nbsp;МӘМС есебінен қандай стоматологиялық қызметтерді алуға болады?Негізі көрсетілетін медициналық қызметтердің тізбесі ауқымды. Кәсіби тілмен айтқанда, стоматологиялық клиникалар амбулаториялық деңгейде консультациялық-диагностикалық қызметтер мен манипуляциялар ұсынады. Мұнда пломбалау, тісті жұлу және жансыздандыру қызметтерін алуға болады. &nbsp; Сондай-ақ МӘМС аясында жақ-бет аймағының туа біткен патологиясы бар балаларға амбулаториялық деңгейде ортодонтиялық пластина орнатылады.Егер пациенттердің стационарлық жағдайда стоматологиялық көмек алуға көрсеткіштері болса, онда ол ауруларды диагностикалау және емдеу хаттамаларына және Қазақстан Республикасында стоматологиялық көмек көрсетуді ұйымдастыру стандартына сәйкес көрсетілетін болады (Ескерту: ҚР ДСМ 2016 жылғы 12 желтоқсандағы No 1053 бұйрығы).&nbsp; &nbsp; Стоматологиялық клиниканы өздігінен таңдауға бола &nbsp;ма?Иә, болады. Тек бұл клиника Әлеуметтік медициналық сақтандыру қорының жеткізушісі болып табылатындығын анықтаған жөн. Жеткізушілердің тізімін fms.kz ресми сайтынан көруге болады немесе клиниканың өзінен сұрау керек. &nbsp;Қазір емханаларда стоматологиялық көмек қарастырылған ба және оған кім жүгіне алады?Тиісті жабдықтары мен мамандары бар емханаларда стоматологиялық көмек алуға болады. Мұнда тек осы емханаға тіркелген азаматтар ғана емес, басқа жерде тіркелген азаматтар да көмек ала алады. Ол үшін тіркеу бөлімі арқылы қабылдауға жазылу керек.Егер пациентке МӘМС есебінен стоматологиялық қызмет көрсетуден бас тартса немесе толық көлемде медициналық көмек көрсетілмесе не істеу керек? &nbsp;Бұл жағдайда сіз осы клиниканың пациенттерді қолдау қызметіне хабарласуыңыз керек немесе Qoldau 24/7 мобильді қосымшасы немесе 1406 &nbsp;нөмірі арқылы Медициналық сақтандыру қорына хабарласуыңыз керек. <img src="https://knadmin.beoblood.kz/uploads/Stomatologiya_2023_kaz_d5d4e1ef98.jpg" alt="Стоматология 2023 каз.jpg"> &nbsp;

МӘМС есебінен стоматологиялық көмекті кім және қалай ала алады?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысының әкімі Нұрлыбек Нәлібаев облыс орталығында салынатын 100 келушіге арналған емханасы бар 300 орындық аурухана мен 7 мың орындық стадион құрылыстарының жобаларын талқылады. Аурухана құрылысының жалпы сметалық құны 36,4 млрд. теңгені құрайды.Кездесуде облыс әкімінің орынбасары Мархабат Жайымбетов пен облыстық құрылыс, сәулет және қала құрылысы басқармасының басшысы Ерлан Төрәлиев аталмыш нысандардың эскиздік жобасын көрсетіп, құрылысы бойынша жұмыстарды баяндады.&nbsp; Айта кетейік, құрамында онкологиялық бөлімшесі бар 300 орындық аурухана мен 7 мың орындық стадион облыс орталығының Сол жағалау мөлтек ауданында салынады.&nbsp;Аймақ басшысы аталмыш нысандарының құрылысын сапалы әрі өз мерзімінде жүргізуді тапсырды.&nbsp;<figure class="image image_resized" style="width:100%;"><img src="https://knadmin.beoblood.kz/uploads/327084004_739502400843433_6005602697552976011_n_d9698c4ac4.jpg" alt="327084004_739502400843433_6005602697552976011_n.jpg"></figure>

Қызылордада 300 орындық аурухана мен стадион құрылысының жобалары таныстырылды

<a href="https://kyzylorda-news.kz/">Kyzylorda-news.kz.</a> Қызылорда облысы бойынша ӘМСҚ филиалының сарапшылары медициналық қызмет берушілерге ТМККК және МӘМС жүйесі аясындағы жұмыстың ерекшелігін түсіндірді.Әлеуметтік медициналық сақтандыру қорының Қызылорда облысы бойынша филиалының мамандары медициналық қызмет берушілермен ZOOM конференциясы арқылы кеңейтілген жұмыс жиналысында 2023 жылға ТМККК және МӘМС шеңберінде бірлесіп жұмыс жасаудың ерекшеліктерін түсіндірді.Атап айтқанда, сарапшылар 2023 жылғы сатып алу жоспарындағы өзгерістер, жаңа есепті жылға медициналық қызметтер көлемін орналастыру ерекшеліктері мен қорытындылары туралы айтты. Сондай-ақ ТМККК және МӘМС жүйесі шеңберіндегі жұмыстың биылғы басымдықтары мен талаптарын түсіндірді, қатысушылар сұрақтарына жауап берді.Биылғы жылы қор филиалы аймақтағы 106 медициналық ұйымымен (30 мемлекеттік, 76 жеке) 86,2 млрд. теңгеге, яғни, ТМККК-51,4 млрд. теңге, МӘМС – 34,8 млрд. теңге келісім шарт жасады.

ӘМСҚ: Қор филиалы 106 медициналық ұйымымен келісім шарт жасады

<a href="https://kyzylorda-news.kz/">Kyzylorda-news.kz.</a> Қызылорда облысында денсаулық сақтау саласының көкжиегі кеңейіп, жыл өткен сайын медициналық мүмкіндіктер молайып келеді. Бүгінде өңірде 18 стационарлық және 22 амбулаториялық-емханалық медицина ұйымы халыққа қызмет көрсетуде. Сондай-ақ, биыл «Ауылдық денсаулық сақтауды жаңғырту» пилоттық ұлттық жобасы аясында 27 нысанның құрылысы бекітіліп, министрліктен қолдау тапты. Қазіргі таңда 15 дәрігерлік амбулатория және 1 медициналық бекеттің жобалық-сметалық құжаттамасы әзірленіп, биыл құрылысы басталатын болады. Бұл туралы Өңірлік коммуникациялар қызметінде өткен брифингте облыстық денсаулық сақтау басқармасы басшысының міндетін атқарушы Жангелді Шайымбетов мәлімдеді.<blockquote>«Бүгінде аймағымызда әрбір азамат үшін сапалы және қолжетімді медициналық көмекті қамтамасыз ету мақсатында «Дені сау ұлт» әрбір азамат үшін сапалы және қолжетімді денсаулық сақтау» ұлттық жобасы аясында ауқымды жұмыстар атқарылуда. Осы жоба шеңберінде 2021 жылы облыс тұрғындарының өмір сүру ұзақтығы 70,83-ті құрады. Сондай-ақ, аудандар мен елдімекендерде сапалы әрі заманауи медициналық ғимараттар салу - басым бағыттардың бірі. Осы орайда, былтыр Қазалы ауданы, Әйтеке би кентінде 80 мыңнан аса тұрғынға қолжетімді және жоғары сапалы бастапқы медициналық-санитарлық көмек көрсететін 250 келушіге арналған емхананың құрылысы аяқталды. Ал Арал ауданы, Тастүбек елдімекені мен Қазалы ауданы, Жұбан ауылында 2 медициналық бекет өз жұмысын бастады», - дейді басқарма басшысының міндетін атқарушы Жангелді Мырзагелдіұлы.&nbsp;</blockquote>Сонымен қатар биыл облыс орталығында бір ауысымда 100 келушіні қабылдауға толық мүмкіндігі бар 300 төсек-орындық көпбейінді аурухананың жобалық-сметалық құжаттамасы әзірленді.&nbsp;<blockquote>«Бұдан бөлек, қалада жылына 5000-10000 жоспарлы донациялық IV санаттағы облыстық қан орталығының құрылысы қарқынды жүргізілуде. Былтыр медициналық мекемелер толықтай заманауи құрал-жабдықтармен қамтамасыз етілді. Одан бөлек, &nbsp;облыстық жедел-жәрдем стансасына 20 дана санитарлық автокөлік алынып, медициналық құрал-жабдықтармен &nbsp;жабдықталуы 100 пайызды құрады. Жалпы Сыр медицинасының елдегі абыройы асқақ. Себебі, өңірдегі тұрғындардың денсаулықтары жақсарып, аймақ дәрігерлері күрделі оталарды жасауда жоғары деңгейде біліктіліктерін көрсетуде. Дәрігерлерінің шетелде тәжірибе алмасу жұмыстары да ширап келеді. Медициналық ұйымдардың барлығы аккредиттеуден өтіп, сапа стандартына сай деп танылды. Сол себепті емдеу ұйымдарымыз талапқа сай, дәрігерлеріміздің білімі мен тәжірибесі ұштасқан деп айта алар едім», - деді Жангелді Шайымбетов.</blockquote><figure class="image"><img src="https://knadmin.beoblood.kz/uploads/325940856_531554188959431_8779497544371063003_n_47df3fecf4.jpg" alt="325940856_531554188959431_8779497544371063003_n.jpg"></figure>

Сыр медицинасының әлеуеті артуда

<a href="https://kyzylorda-news.kz/">Kyzylorda-news.kz.</a>&nbsp; Ең төменгі күнкөріс деңгейі мен айлық есептік көрсеткіш мөлшері инфляцияның болжамды деңгейін ескеріп, жыл сайын белгіленеді. Әлеуметтік медициналық сақтандыру қорының Қызылорда облысы бойынша филиалында МӘМС үшін кімге қанша төлеу керектігі түсіндірілді.Филиал директоры Бақыт Исмаханбетовтың айтуынша, міндетті әлеуметтік медициналық сақтандыруға төлейтін жарналар мен аударымдар &nbsp;көлемі МӘМС туралы заңда бекітілген және ағымдағы жылы өзгеріссіз қалды. Ал ең төменгі жалақы және айлық есептік көрсеткіш базалық әлеуметтік төлемдерінің мөлшері өсуіне байланысты дербес төлеушілер мен жеке кәсіпкерлер төлейтін жарна көлемі артты. &nbsp;2023 ЖЫЛЫ МЕДИЦИНАЛЫҚ САҚТАНДЫРУ ҮШІН КІМ ҚАНША ТӨЛЕЙДІ? &nbsp; Жұмыс берушілер қызметкерлері үшін &nbsp;– жалақының 3% мөлшерінде төлейді. Алайда салық салынатын табыс 10 АЕК (700 000 теңге) &nbsp;аспауы керек, яғни жұмыс берушінің ақша аударымының ең жоғары сомасы 21 000 теңгені құрайды. Қызметкерлер және АҚС шарты бойынша жұмыс істейтіндер - &nbsp;табысының 2% төлейді. Бұл жерде салық салу объектісі 10 ЕТЖ аспайды, ақша аударымының ең жоғары сомасы 14 000 теңгені құрайды.Жеке кәсіпкерлер - &nbsp;ЕТЖ-ның 1,4 еселенген мөлшерінің 5%-ы немесе 4 900 теңге төлейді.&nbsp;Өзін-өзі жұмыспен қамтыға азаматтар (БЖТ төлеушілер): - Республикалық және облыстық маңызы бар қалалардың тұрғындары үшін БЖТ көлемі 1 АЕК құрайды, яғни 3 450 теңге. - Қалған елді мекендердің тұрғындары үшін БЖТ көлемі 0,5 АЕК құрайды, яғни 1 725 теңге. Дербес төлеушілер – 1 ЕТЖ 5% немесе 3 500 теңгеСондай-ақ, 2023 жылдан бастап арнайы салық режимдерін қолданатын микро және шағын кәсіпкерлік субъектілері үшін бірыңғай төлем енгізілді. Осы әдіс бойынша барлық міндетті төлемдердің мөлшері жұмыс берушілер үшін 15%, ал қызметкерлер үшін бірыңғай төлем мөлшерлемесінің 10% құрайды. Бұл ретте төлем есептелетін ең жоғары айлық табыс республикалық бюджет туралы заңда тиісті қаржы жылына белгіленген ең төменгі жалақының 10 еселенген мөлшерінен аспауы тиіс. &nbsp; &nbsp;Бұдан бөлек, мемлекет 15 жеңілдік санатына кіретін азаматтар үшін төлем жасауды жалғастырады. 2023 жылдың 1 қаңтарынан бастап жеңілдік санатындағы әр адамға жарна мөлшері &nbsp; 4 505,6 теңгені құрайды.Бақыт Исмаханбетов сақтандырылмаған азаматтар МӘМС жүйесінің қатысушысы болу үшін ыңғайлы әрі тиімді тәсіл – дербес төлеуші ретінде алдағы 12 айға жарна төлеуге болатынын атап өтті. Мысалы, 2023 жылдың қаңтарынан бастап сақтандыру мәртебесін алу үшін 2023 жылдың қаңтарынан желтоқсанға дейінгі әр айға жеке-жеке 3 500 теңгеден төлем жасау керек. &nbsp;ЕСЕПШІЛЕРДІҢ НАЗАРЫНА!Көпшілік екі жерде жұмыс істейтін қызметкердің жарналар мен аударымдар мөлшерін шекті максимумды қолдана отырып, жалпы кірістен немесе олардың әрқайсысынан түсетін табысты жеке-жеке есептеу керек пе деген сұрақ қояды.&nbsp;Мысалмен түсіндірейік. Қызметкердің бір ұйымдағы жалақысы &nbsp; &nbsp; &nbsp; &nbsp;500 000 теңге, ал екіншісінде – 300 000 теңге делік. МӘМС туралы заңға сәйкес, жарналар мен аударымдарды есептеу үшін ай сайынғы табыс 10 АЕК аспауы тиіс. (10 * 70 000 = 700 000 теңге).&nbsp;Бұл ретте аударымдарды есептеу үшін осы шек әрбір жұмыс беруші бойынша жеке қолданылады (яғни бір жұмыс орнындағы шекті табыс). Қарастырылып отырған мысалда бірінші және екінші ұйымдағы қызметкердің жалақысын жеке-жеке есептегенде 10 АЕК аспайды: 500 000 теңге &lt; 700 000 теңге; 300 000 теңге &lt; 700 000 теңге. Демек аударымдар жалақының толық мөлшеріне сәйкес есептеледі: 500 000 теңге * 3% = 15 000 теңге (бірінші жұмыс орнынан МӘМС-ке аударымдар); 300 000 теңге * 3% = 9 000 теңге (екінші жұмыс орнынан МӘМС-ке аударымдар).Ал жарналарды есептеу үшін қызметкердің бір айдағы барлық кірістерін қосуыңыз керек (яғни жалпы барлық жұмыс берушілер бойынша). Қарастырылып отырған мысалда қызметкердің екі жұмыс орнынан түскен жалпы табысы 10 АЕК асып түседі (500 000 + 300 000 = 800 000 теңге). Демек, жарналардың мөлшері жалпы алғанда 14 000 теңгеден аспауы тиіс. Сонымен, 500 000 * 2% = 10 000 теңге (бірінші жұмыс орнынан МӘМС жарнасы). Ал екінші жұмыс орнынан МӘМС жарнасы: ең жоғары рұқсат етілген жарна 14 000 теңгені құрайды – 10 000 (бірінші жұмыс орнынан ұсталған жарна) = 4 000 теңге. Екінші жұмыс беруші жарна мөлшерін дұрыс есептеуі үшін қызметкер оған аударылған жарналар туралы бірінші жұмыс орнынан анықтама апаруы керек. Бұл анықтама берілмеген жағдайда, екінші жұмыс беруші жарнаны толық көлемде төлейді, яғни &nbsp;300 000 * 2% = 6 000 теңге. Нәтижесінде екі жұмыс орнынан төленген жарналар 16 000 теңгені құрайды. Алайда артық төленген қаражат (рұқсат етілген ең жоғары жарнадан жоғары) қайтарылады: 16 000 – 14 000 = 2 000 теңге.Егер сізде тағы сұрақтар туындаса, өз емханаңыздағы Пациенттерді қолдау қызметіне жүгіне аласыз. Ал ол жерден мардымды жауап ала алмасаңыз, Әлеуметтік медициналық сақтандыру қорының келесі байланыс арналары арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegramдағы SaqtandyryBot. Осы құралдар сақтандыру мәртебесін тексеруге мүмкіндік береді.&nbsp;Сондай-ақ, egov.kz ҚР электрондық үкіметінің сайтында "Денсаулық сақтау" бөлімінде медициналық сақтандыру жүйесіндегі өз мәртебеңізді тексеріп, жүргізілген төлемдер туралы "Медициналық қызметтер туралы және МӘМС-ке аударылған сомалар туралы ақпарат" мемлекеттік қызметі арқылы білуге болады. &nbsp;&nbsp;

МӘМС-2023: Кім қанша төлейді?   

<a href="https://kyzylorda-news.kz/">Kyzylorda-news.kz.</a> Созылмалы аурулары бар азаматтар өздеріне қажетті медициналық көмектің көрсетілетіндігін және учаскелік немесе бейінді дәрігердің жүйелі бақылауында болуы керек екендіктерін &nbsp;білулері тиіс. Созылмалы аурулары бар пациенттерге тегін медициналық көмектің кепілдік берілген көлемі шеңберінде медициналық қызметтер қолжетімді. Бұл туралы біздің тілшімізге Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов айтып берді.Созылмалы аурулар дегеніміз не? Созылмалы аурулар - бұл ұзақ уақытқа созылатын аурулар болып табылады, оларды бақылауға болады, бірақ көп жағдайда оны толық емдеу мүмкін емес. Медициналық тұрғыдан дәл және қажетті емдеулер қолданылған кезде аталған аурулардың &nbsp;өршу ықтималдығын азайтуға болады. Созылмалы аурулардың ықтимал түрлері: &nbsp;жұқпалы және паразиттік аурулар, қан айналымы жүйесінің аурулары, қан және гемопоэтикалық аурулар, тыныс алу, ас қорыту, тірек-қимыл жүйесі және дәнекер тіндерінің аурулары, эндокриндік жүйе, тамақтану және метаболикалық бұзылулар, жүйке жүйесі, несеп-жыныс жүйе аурулары, туа біткен ауытқулар.Динамикалық бақылау қандай мағынаны білдіреді? Созылмалы аурулары бар пациенттерге динамикалық бақылау қарастырылған. Яғни, &nbsp;науқастың &nbsp;денсаулығының жай-күйін жүйелі түрде бақылап отыру &nbsp;және оған белгілі бір кезеңділікпен қажетті медициналық көмек көрсетілуі тиіс. Динамикалық бақылау созылмалы аурудың өршуіне жол бермеу мақсатында &nbsp;жасалады, егер өршу орын алған жағдайда, уақытында қажетті медициналық көмек көрсету қажет.&nbsp; Динамикалық бақылауға мыналар кіреді:  учаскелік дәрігердің мерзімді қабылдауы;  бейінді мамандардың кеңестері;  диагностикалық және зертханалық зерттеулер.&nbsp; Созылмалы аурулары бар пациенттерді бақылау мерзімі реттеліп отырады. Олардың кейбіреулері созылмалы аурудан айыққанша ғана, ал кейбірі өмір бойы дәрігердің бақылауында болады. Созылмалы ауруы бар науқастардың барлығына да динамикалық бақылау жасалады ма? Пациенттің динамикалық бақылау шеңберінде медициналық қызметті алуы үшін ондағы созылмалы ауруды анықтап, осы пациенттің деректерін Диспансерлік науқастардың электрондық тіркеліміне енгізу қажет.&nbsp; Тіркелген жері бойынша динамикалық бақылау үшін есепке қою келесі құжаттардың бірі бойынша жүргізіледі: - учаскелік дәрігердің қорытындысы; - бейінді маманның консультациялық қорытындысы; - стационарлық науқастың медициналық картасынан үзінді көшірме.Дәрігер науқасты қаншалықты жиі тексеруі қажет? Мамандардың қабылдау және зерттеулерден өтудің жиілігі науқастың ауруына немесе жағдайына байланысты болып келеді. Мысалы, кейбір созылмалы аурулардың түрі бойынша мейірбикенің тексерулері 1-3 ай аралығында 1 рет, учаскелік дәрігердің тексеруі – 3-6 айда 1 рет, бейінді маманның тексеруі – жылына 1 рет жүргізіледі. Пациент мерзімді түрде созылмалы ауруына байланысты қажетті сынақтардан, диагностикалық тексеруден өтіп отыруы тиіс. Бұл пациенттің жағдайын бақылау, диспансерлік топты анықтау, сонымен қатар, емдеу курсын түзетіп отыру үшін қажет.Пациенттерді қайда және кім бақылайды? Созылмалы аурулары бар пациенттер тіркелген жері бойынша емханада да, мамандандырылған консультациялық-диагностикалық орталықтарда да бақылауда болады. Бұл Қазақстан Республикасы Денсаулық сақтау министрлігінің № 149 бұйрығында айқындалған (сілтеме: https://adilet.zan.kz/kaz/docs/V2000021513). Созылмалы аурулардың 25 тобы тіркелген жері бойынша емханада, яғни учаскелік дәрігердің бақылауында болады. Аталған медициналық қызметтер ТМККК пакетіне кіреді және оларды МӘМС жүйесінде сақтандырылған мәртебесі жоқ адамдардың да пайдалану мүмкіндігі бар. Екінші топ - бұл консультациялық-диагностикалық орталықтарда ТМККК шеңберінде, яғни бюджет есебінен бақыланатын 37 түрлі әлеуметтік маңызы бар аурулар. Бұларға байланысты медициналық көмекті де &nbsp;сақтандыру мәртебесі жоқ адамдарың алу мүмкіндігі бар. ТМККК және МӘМС шеңберіндегі консультативтік орталықтарда тағы 80 түрлі ауру мен жағдайлар бақыланады. Яғни, осы аурулар мен жағдайлар бойынша динамикалық бақылау жүргізу үшін пациенттің МӘМС жүйесінде сақтандыру мәртебесі болуы қажет. Аурулардың толық тізімімен жоғарыда аталған бұйрықтан танысуға болады.Созылмалы аурулары бар адамдарға тегін дәрі-дәрмектер тиесілі ме? Динамикалық есепте тұрған пациенттерге тегін дәрі-дәрмектер қарастырылған, олар емханада медициналық көрсеткіштер бойынша беріледі. Ол үшін өзіңіздің учаскелік дәрігеріңіз жазған рецепті алып, жеке куәлігіңізді көрсету арқылы &nbsp;дәріханадан, емханадан қажетті дәрі-дәрмектерді ала аласыз. Ауруыңыз бойынша өзіңізге тиесілі дәрілік заттар мен медициналық бұйымдар туралы толығырақ Қазақстан Республикасы &nbsp;Денсаулық сақтау министрлігінің &nbsp;№75 бұйрығында танысуға болады.Егер сізде медициналық көмек алуға байланысты сұрақтар туындайтын болса, сіз өз емханаңыздағы Пациентті қолдау қызметіне хабарласа аласыз. Сондай-ақ, Қорға ресми кері байланыс арналары арқылы өтініш бере аласыз: 1406 байланыс орталығы, "Qoldau 24/7" мобильді қосымшасы, Қордың www.fms.kz сайты, Telegram-дағы Saqtandyry-bot.<figure class="image"><img src="https://knadmin.beoblood.kz/uploads/Hronich_zabolev_kaz_7d1f863f76.jpg" alt="Хронич заболев каз.jpg"></figure> &nbsp;

Қазақстан және Қызылорда облысының жаңалықтары: Денсаулық