<a href="https://kyzylorda-news.kz/">Kyzylorda-news.kz.</a>&nbsp;Тырысқақ – аса қауіпті инфекциялық аурулар тобына жатады. Тырысқақ басқа жіті ішек жұқпаларынан клиникалық ағымының ауырлығымен, жоғары өлім-жітімімен және салыстырмалы түрде қысқа мерзімде ауқымды аумақтарға таралып, халықтың көпшілігіне жұқтыру мүмкіндігімен ерекшеленеді.&nbsp;Қызылорда облысында 2022 жылы тырысқақпен ауырған науқастар тіркелген жоқ. Облыс аумағында тырысқақ бойынша эпидемологиялық бақылау эпидемиологиялық қауіптілікке себеп болатын факторлар кешені бойынша аумақтардың типтерін ескере отырып, сараланып жүзеге асырылады. Қызылорда облысы І типке жататын аумақта орналасқан. Облыстың барлық аумағында жылдың маусымына қарамастан сусыздану белгілерімен үйлескен диарея, құсуы бар жіті ішек инфекцияларымен ауырған науқастар, этиологиясы белгісіз жіті ішек инфекциясы ауруларынан қайтыс болған адамдар тырысқаққа міндетті түрде тексеріледі.2022 жылы біріншілік есеппен тіркелген ЖІА-мен ауырған 1237 адам тырысқаққа тексерілді. Нәтижесінде тырысқақ вибрионы анықталған адамдар болған жоқ. Этиологиясы белгісіз ЖІА-нан қайтыс болу жағдайлары тіркелмеген.Профилактикалық мақсатта психоневрологиялық диспансер және стационарлар емделушерінен 1050 тұлға тырысқаққа тексерілді. Қолайсыз елдерден келген және барып келгеннен кейін 5 күн ішінде сырқаттанған адамдар тіркелген жоқ. Тырысқаққа күдік тудыруға негіз болатын белгілер: қызба (температура – 37оС &nbsp;және одан жоғары), жүрек айну, іш өту, құсу, бас ауруы, сонымен бірге тырысқақ бойынша қолайсыз елдерден әкелінуін ескеру қажет.Қызылорда облысының санитариялық-эпидемиологиялық бақылау департаменті аса қауіпті саналатын тырысқақтың алдын алу үшін келесі сақтық шараларын ұсынады:– жеке гигиена шараларын сақтау: тамақ ішер, тамақ дайындар алдында, әжетханаға барғаннан кейін қолыңызды мұқият жуу;– қайнатылған немесе бөтелкедегі суды ішу;– ұйымдастырылған демалысқа рұқсат етілген су айдындарында шомылу;– теңіздің, мұхиттың және басқа да су объектілерінің шикі және жеткіліксіз пісірілген өнімдерін пайдаланбау;– азық-түлік, жеміс-жидек пен көкөністі рұқсат етілген сауда орындарынан сатып алу;– жемістер мен көкөністерді қайнатылған немесе бөтелкедегі сумен мұқият жуу.Тырысқақ ауруының белгілері пайда болған жағдайда дереу дәрігерге жүгіну қажет. Медициналық көмекке ерте жүгіну тырысқақты тиімді емдеуге және асқынудың алдын алуға мүмкіндік береді.

Тырысқақ ауруының Қызылордадағы эпидахуалы қандай?

&nbsp;<a href="https://kyzylorda-news.kz/">Kyzylorda-news.kz.</a> Қызылордада «Q-MED company group» емханасы ашылды. Бұл Әлеуметтік медициналық сақтандыру қорымен шарт жасасқан облыстағы 26-шы алғашқы медициналық-санитарлық көмек көрсету ұйымы. Жаңа клиника облыс орталығының 6 мыңнан астам тұрғынына қызмет көрсетеді.Қызылордалық Нұргүл Байменова (аты-жөні өзгертілген) үшінші топтағы мүгедек, жүрек-қан тамырлары аурулары бойынша диспансерлік есепте тұр. Емхананы еркін таңдау науқаны кезінде ол жақын жерде тұратындықтан «Q-MED company group» медициналық орталығына тіркелді. Тағы бір себеп. Нұргүлде бала кезінен салмағы артық. Емхананың КТ, МРТ аппараттары 100 келіден астам салмақты көтереді.<blockquote>«Күндізгі стационарда емделіп жатырмын. Мұнда дәрігерлер тәжірибелі, жалпы медициналық қызметкерлер сезімтал. Осы емханаға тіркелгеніме өте қуаныштымын. Барлық дәрі-дәрмектерді уақтылы аламын. Ең бастысы, талдауларды, соның ішінде қымбаттарын тапсыруға, Холтерде, ЭКГ, УДЗ, КТ, МРТ және т.б. диагностикалық тексеруден өтуге мүмкіндік бар», - деп атап өтті Нұргүл Байменова.</blockquote><blockquote>«КТ аппараты сәбилерге де, салмағы 170 келіге дейінгі адамдарға да қарастырылған. Сондай-ақ, емханада салмағы 200 жүз келіден асатын пациенттерге арналған аймақтағы жалғыз МРТ аппараты бар. Сәулеленудің төмен мөлшері рентген аппараты бар. Біздің мамандар оқытылып, тиісті дайындықтан өтті», - деді «Q-MED company group» медициналық орталығының радиология бөлімінің басшысы Димаш Беркімбаев.</blockquote>Емхана «Q-MED company group» жаупкершілігі шектеулі серіктестігінің бастауымен, мемлекеттік кәсіпкерлікті қолдау бойынша кредиттеу бағдарламасы аясында «Даму» Кәсіпкерлікті дамыту қорының» және шетелдік инвестиция тарту арқылы жүзеге асырылып отыр. Медициналық орталық амбулаториялық-емханалық, консультациялық-диагностикалық көмек көрсетеді. Облыс орталығының 6 мыңнан астам тұрғынына 4 аймақ қызмет көрсетеді. Олардың санын 12-ге дейін кеңейтіп, 20 мың адамды қамту жоспарлануда. Емхананың жоспарлы қуаты ауысымына 300 адамға дейін жетеді, дейді емхана мамандары.<blockquote>«Емхана «бір терезе» қағидаты бойынша жұмыс істейді. Зертханалық қызметтерден, диагностикадан, дәрігерлердің кеңесінен және дәрі-дәрмекпен қамтамасыз етуден басқа клиникада жедел жәрдемнің көмегі қарастырылған. Мысалы, МӘМС-те сақтандырылған пациент жүгінді, бірақ ол біздің емханаға тіркелмеген және жергілікті дәрігердің жолдамасы жоқ. Бізде Пациенттерді қолдау қызметі мен қоғамдық қабылдау қызметтері бар, онда осы пациенттердің өтініштері талданады, мәселе сол жерде шешіледі», - дейді «Q-MED company group» медициналық орталығының құрылтайшысы Раушан Базарбай.</blockquote>Сондай-ақ медициналық орталықта студенттік емхана бар, оған 11 колледж студенттері тіркелген. Медициналық орталықта барлығы 60-тан астам маман жұмыс істейді, оның 26-сы дәрігер. Емханада 8 00-ден 19 00-ге дейін 8 /7242/ 71 03 29 телефон нөмірі бойынша байланыс орталығы жұмыс істейді. &nbsp;<figure class="image"><img src="https://knadmin.beoblood.kz/uploads/QMED_1_aa554f40bf.jpeg" alt="QMED 1.jpeg"></figure>&nbsp;<figure class="image"><img src="https://knadmin.beoblood.kz/uploads/QMED_4_966507edd6.jpeg" alt="QMED 4.jpeg"></figure>&nbsp;<figure class="image"><img src="https://knadmin.beoblood.kz/uploads/QMED_15_398e8b02f3.jpeg" alt="QMED 15.jpeg"></figure>

Қызылордада «Q-MED company group» емханасы ашылды

«Damumed»: Жедел қызметке қолжетімділік

<a href="https://kyzylorda-news.kz/">Kyzylorda-news.kz.</a>&nbsp;Мейірбике Мөлдір Үртеова&nbsp;науқас баланы шипалы қолынан бөлек, мейірімді жүзімен емдейді. Бұл Қазалы көпбейінді орталық ауруханасында балалар бөлімінде пост мейіргері Мөлдір Үртеова туралы ата-аналар пікірі.«Баланың білегі ауырса, ананың жүрегі ауырады». Ұл-қызымыз науқастанып қалса, жанымызды қоярға жер таппай шыр-пыр болатынымыз анық. Алладан кейінгі сенеріміз де ақ халатты абзал жандар. Алдына барып, көмегіне зәру екенімізді жеткізгенде дереу іске кірісіп кететін балалар бөліміндегі дәрігерлердің де мейірбикелердің де еңбегі зор. Бүгін әріптестері арасында сыйлы, емделушілер үшін қолы алтын мейірбике Мөлдір Рысдәулетқызы туралы айтпақпыз. Ол Қызылорда облысы Жаңақорған ауданы Төменарық ауылында дүниеге келген. Отбасындағы төрт баланың екіншісі. Орта мектептен кейін Мөлдір Қызылорда медицина колледжін «Емдеу ісі» мамандығы бойынша үздік дипломмен бітіріп шықты. Жалпы тәжірибелі фельдшер біліктілігі берілді. Еңбек жолын Астана қаласындағы 5 қалалық емханада учаскелік мейірбике болып жұмыс бастады. 2012 жылы Қазалыға келін атанды. Бүінде жолдасы Ғалымжан Кәрібаевпен үш бала тәрбиелеп отыр.2013 жылы 2019 жылдар аралығында Қазалы көпбейінді орталық ауруханасында балалар бөлімінде пост мейіргері болып жұмыс жасады. 2019-2021жылдары Қызылорда медициналық жоғарғы колледжінде мейіргер ісінің қолданбалы бакалавры біліктілігін алдым. 2019-2020 жыл аралығында Қазалы көпбейінді орталық ауруханасында «Дені сау бала және патронаждық қызметте» аға мейіргер болып жұмыс атқарды. Үш жылдан бері Қазалы көпбейінді орталық ауруханасында балалар бөлімінде пост мейіргері.Мөлдір білімді әрі биязы мінезді. Сыпайы сөйлеп, кез келген жағдайда салмақтылық танытады. Өмірлік ұстанымы да мінезіне сай. «Ақырын жүріп, анық бас, еңбегің кетпес далаға», дейді ол. Сөзден көрі істің адамы біліктілігінің арқасында өз саласы бойынша бірнеше рет марапат төрінен көрінді. Жуырда ғана «Қызылорда облысы бойынша үздік аурухана мейіргері – 2023» байқауында бас жүлдені жеңіп алды. Алда астанада өтетін республикалық сайыста өзінің біліктілігі мен білімін сынамақ.Ел ішінде жүрген соң, жақсы-жаманды жаңалықтарды естіп, халықтың үніне құлақ сала жүреміз. Осындай бір басқосуда бейтаныс әйел адамның:<blockquote>“Өткенде қызым Інжу ауырып, аурухананың балалар бөліміне түстік. Дәрігер Болтай мен ұжым мүшелеріне риза болдым. Әрбірі өз жұмысына адал, жауапкершілікпен атқарады. Соның ішінде Мөлдір қызыма алғысым шексіз. Тиянақты, өз ісіне адал, білімді әрі мейірімді екен. Он күн ем алып, үйге шықтық. Шүкір, қазір жағдайымыз жақсы”, – деп ризашылық танытып отырғанын байқадым.&nbsp;</blockquote>Оны жанындағылар да қостай кетті. Таныса келе ақ тілегін арнап отырған ананың аты-жөні Бекзат Қуатбаева екенін білдім.Мейірімді мейіргер Мөлдірдің анадан алған алғысы, халықтан алған құрметі оның адал еңбегінің нәтижесі деп түсіндім. Әрбір ақ халатты жанның артынан осындай жүрекжарды лебіздер желдей есетін болса, нұр үстіне нұр болары сөзсіз.

Емі шипа, сөзі дәру мейірбике

<a href="https://kyzylorda-news.kz/">Kyzylorda-news.kz.</a> Аймақтағы денсаулық сақтау саласы бойынша өзекті мәселелер облыстық көпбейінді ауруханада облыс әкімінің орынбасары Нұрымбет Сақтағановтың қатысуымен өткен кезекті алқада талқыланды. Күн тәртібіне ана мен бала денсаулығы, медициналық сақтандыру, халықты иммундау тақырыптары қойылды.&nbsp;Қызылорда облысының санитариялық-эпидемиологиялық бақылау департаменті басшысының орынбасары Әлия Әбдіқайымова вакцинамен басқарылатын инфекциялық аурулардың өңірдегі эпидемиологиялық жағдайы мен оларға қарсы профилактикалық екпелермен қамту барысын баяндады. Аудандар мен облыс орталығындағы бірқатар емханалардағы вакцинациялау жұмыстарының атқарылуы бойынша жүргізілген мониторинг қорытындысын, анықталған кемшіліктерді атап өтті. Олқылықтардың орнын толтыру үшін орындалуы тиіс жұмыстарды ортаға салды.&nbsp;<blockquote>«Профилактикалық екпелерді уақытылы алмау, негізсіз бас тарту, екпемен қамту көрсеткіштерінің төмендеуі – ұжымдық иммунитеттің төмендеуіне, вакцинамен басқарылатын аурулардың бас көтеруіне алып келетіні белгілі. Оның үстіне коронавирус пандемиясы Ұлттық егу күнтізбесіндегі бірқатар егулердің жүргізілуіне өз кедергісін тигізгені жасырын емес. Соның салдарынан бүгінде “А” вирусты гепатиті, қызылша ауруларының эпидахуалы алаңдатарлық деңгейде,» - деді Әлия Әбдіқайымова.</blockquote>

Нұрымбет Сақтағанов денсаулық сақтау өкілдерімен алқа мәжілісін өткізді

<a href="https://kyzylorda-news.kz/">Kyzylorda-news.kz.</a> Ротавирустық инфекция – бұл ротавирустан туындаған жұқпалы ауру. Балаларға ғана емес, ересектерге де әсер ететін «ішек вирусы» туралы жиі естіп жатамыз. Вирус &nbsp;лас қолдар, лас ойыншықтар, лас заттар арқылы ағзаға енеді.Ішек жұқпаларын ертеден «лас қол аурулары» деп атаған. Көбіне вирус немесе бактерия әжетханаға барғаннан кейін жеке бас тазалығын сақтамағаннан жұғады. Бактерия немесе вирустар науқас ұстаған заттың барлығында (төсек-орындар, ыдыс, тамақтар, ойыншықтарда) қалады, сөйтіп олардан сау адамның қолына жұғады.Бала лас саусақтарын жалағанды, тырнақ тістегенді ұнатса, микробтар ауызға лас қолмен түсуі мүмкін. Нашар жуылған көкөністер мен жемістерді пайдалану кезінде де ішек инфекцияларын жұқтыру жағдайы жиілейді.<blockquote>«Қызылорда облысы бойынша 2023 жылдың 3 айында ротавирусты энтерит ауруының 100 жағдайы тіркеліп, 2022 жылмен салыстырғанда 1,7 есеге өсім байқалады. Тіркелген жағдайлардың 100 пайызы 14 жасқа дейінгі балалар арасында анықталды. Жас ерекшелігіне сәйкес кәсіби құрамына қарай аурушаңдықтың 100 пайызын ұйымдаспаған топ балары құраған. Аймақтық тіркелуі бойынша ротавирусты энтеритердің барлығы Қызылорда қаласы үлесінде», - дейді Қызылорда облыстық санитариялық-эпидемиологиялық бақылау департаментінің басшысы Динара Жанабергенова.&nbsp;</blockquote>Ротавирустық гастроэнтеритке тән белгілер – жүрек айнуы, құсу, іш өту және іштің кебуі. Сонымен қатар, көптеген балаларда мұрнынан су ағып, тамағы қызарады, жұтыну кезінде ауырсынады. Ұзақ мерзімді бақылаулар көрсеткендей, аурудың өршуі тұмау эпидемиясы кезінде немесе оның қарсаңында пайда болады, сол үшін де ол ресми емес атау – «ішек тұмауы» атауына ие болған. Бірақ ротавирустың тұмау вирусына ешқандай қатысы жоқ.&nbsp;Инфекцияны жұқтырып, алғашқы шағымдар пайда болғанға дейін шамамен 1 апта уақыт өтеді. Аурудың өзі жедел, 2-3 күн ішінде өтеді, ал &nbsp;қалпына келу кезеңі – 5-7 күн. Бірақ инфекция жұқтырған бала немесе ересек адам аурудың бүкіл кезеңінде жұқпалы болып табылады.&nbsp;Вирусты 5 жасқа дейінгі балалар жиі жұқтырады, әсіресе балабақшаларға, ерте даму орталықтарына, ойын бөлмелеріне баратын балалар ауыруы мүмкін. Сондықтан облысымыздағы санитариялық-эпидемиологиялық бақылау басқармасы мамандары өз аумақтарындағы балабақша, мектептерге барып, жеке гигиена талаптарын сақтаудың маңыздылығын түсіндіріп, «Таза қол» акцияларын өткізеді.&nbsp;Ротавирустық инфекциямен ересек адам да айқын клиникалық көріністермен ауыруы мүмкін, ал балалардың, әсіресе ерте жастағы балалардың ротавирусты жұқтыруы – өте қауіпті. Сондықтан ротавирустық инфекцияның алдын алу әдістерін білу өте маңызды, олар спецификалық және спецификалық емес болуы мүмкін. Дүниежүзілік денсаулық сақтау ұйымы ротавирусқа қарсы тиімді спецификалық құрал ретінде профилактикалық вакцинацияны ұсынады.&nbsp;Ал алдын алу шараларының спецификалық емес түрі гигиеналық ережелерді сақтау болып табылады. Қолды үнемі жуу, көкөністер мен жемістерді мұқият өңдеу және қайнамаған суды қабылдаудан бас тарту ротавирустық инфекция қаупін азайтуға немесе осы аурудың клиникалық көрінісін азайтуға көмектеседі.

Қызылордада биыл ротавирусты энтерит ауруының 100 жағдайы тіркелген

<a href="https://kyzylorda-news.kz/">Kyzylorda-news.kz.</a>&nbsp;Аурудың жақсысы жоқ. Дегенмен, мына ғаламда адамзат баласы атын атаудың өзіне қорқатын дерттен асқан қауіпті ауру жоқ. Ол – қатерлі ісік. Елімізде аталған ауыр дерттен жыл сайын 17 мың адам көз жұмады. Сондықтан обырға бей-жай қарауға болмайды. Ауру асқынса, арғысы өлімге әкеліп соқтыруы да ғажап емес. Бірақ үздіксіз емделіп, онымен күрескен науқасқа құлан-таза айығудың мүмкіндігі мол. Осы ретте біз обыр дерті жайлы көкейде жүрген көп сауалға жауап алу үшін Шиелі аудандық ауруханасының онколог дәрігері Сәуле Әбенқызымен әңгімелескен едік.– Сәуле Әбенқызы, ең әуелі қатерлі ісік жайлы толықтай тарқатсаңыз. Бұл қандай ауру?– Қатерлі ісік – ағзадағы мутацияланған жасушалардан пайда болатын дерт. Бір сөзбен айтқанда ол – өте қауіпті ауру. Сондықтан бұл дертке салғырт қарауға болмайды. Дер кезінде емделмесеңіз, ауру лезде асқынып кетуі мүмкін. Алайда көпшілік адамдар обырды жазылмайтын ауру деп ойлайды. Мүлде олай емес. Мұндай қауіпті диагнозбен ауырған науқас аурудың бастапқы кезеңінен бастап дәрігер тағайындаған ем-домды уақытылы қабылдап, дұрыс күтінсе, сауығып кете алады. Ал ауру асқынған күннің өзінде науқас дертті одан сайын ушықтырып алмас үшін көңіл-күйін түсіріп, уайымға салынбауы тиіс. Себебі бұл дерт – адамның психологиясына да тікелей байланысты.&nbsp;– Обыр дерті неден пайда болады?– Обыр – салауатты өмір салтын ұстамаудан, шылым шегуден, дұрыс тамақтанбаудан, иммунитеттің төмендеуінен, созылмалы дерттің асқынуынан, радиациядан пайда болады. Әрине бұл – болжамды себептер ғана. Ал дерттің нақты себебі әлі күнге дейін белгісіз.&nbsp;– Дамыған елдерде онкологиялық аурулар қаншалықты жиі кездеседі?&nbsp;– Обыр дерті дүние жүзі халықтары арасында соңғы жылдары жиі кездесуде. Мәселен, Америкада жыл сайын әрбір жүз мың адамның 64-і осы қатерлі ісіктен қайтыс болады. Ал соңғы жарты ғасырда бұл көрсеткіш 150-ге жетіп отыр. Көршілес Қытай, Италия, Қырғызстан сынды елдерде де бұл дерт өзекті тақырыпқа айналған. Көптеген әлем елдерінде де ахуал мәз емес.&nbsp;– «Онкология» дегенде адамдардың санасын үрей билейтіні жасырын емес. Дертке шалдыққан науқастардың басым көпшілігі осы себепке байланысты емделуден қашқақтап жүреді. ¬Ауруы әбден асқынғанда ғана дәрігердің көмегіне жүгінеді. Осы мәселені қалай жоюға болады деп ойлайсыз?&nbsp;– Тағы да қайталаймын, рак – қауіпті ауру. Өйткені оған жабысқан талшық өте тез көктейді де, айналасындағы ағзаларға жайылып кетеді. Қысқа мерзімде қан тамырлары арқылы да тұқымын мүше-мүшеге таратып, ұялайды. Тіпті, денені уландырып, оны ыдыратады. Науқастың дәрігерге ¬ауруы әбден асқынған кезде келетіні – рактың тез -жайылуын аңғармай қалуына да тікелей байланысты. Асқынған обыр дертінен жазылу өте қиын. Сондықтан оған қарсы күрестегі ең тиімді шаралардың бірі – халықты жаппай медициналық тексеруден өткізу. Сондай-ақ ауру қаупін туғызатын ақаулар табыла қалса, оларды алдын ала емдеу. Сол үшін мұндай қауіпті аурудан сақтануды әрбір адам мұқият қолға алуы қажет. Егер олай болмаса медицина қызметкерлері тиісті шараларды өздігінен жүргізе алмайды.– Аудан және облыс көлемінде обыр дертімен ауыратын науқастар үшін заманауи медициналық құрал-жабдықтар қаншалықты қолжетімді? Қамтамасыз етілген бе?&nbsp;– Бүгінгі таңда ауру түрін анықтауға арналған заманауи медициналық құралдар облыс және аудан көлемінде өте жақсы жабдықталған. Сонымен қатар науқастар үшін эндоскопиялық тәсілмен зерттеу, күдікті жағдайда биопсиялық және де цитологиялық-гистологиялық тексеру қол жетімді. Мұнымен қоса дертке шалдыққандар алысқа бармай-ақ, облыс көлемінде магниттік томография, ультрадыбыстық зерттеулер секілді озық технологияны пайдалана алады. Ал биылғы жылдан бастап ауданда «компьютерлік -томограф» іске қосылды.– Қазақстанда аталған дертті ақылы емдей ме, жоқ әлде?– Өте орынды сұрақ. Елімізден басқа ешбір мемлекет бұл дертті тегін емдемейді. Шетелде обырды тек ақылы түрде анықтап, ақылы түрде ғана емдейді. Бұл – медициналық ¬туризм деп аталады.&nbsp;– Қатерлі ісіктің бірден байқалмайтыны белгілі. Үй жағдайында сырқатты қалай анықтауға болады?&nbsp;– Қатерлі ісіктің белгілері бастапқыда байқалмайды. Оны басқа аурудың белгілерімен шатастырып алу оңай. Ісік үлкейіп, метастазға айналғанда ғана байқауымыз мүмкін. Десе де, рактың «алғашқы қоңырауын» естудің, сезіктенудің жалпы белгілері көп. Мәселен, ұзақ жөтелу, қақырықта қан көріну, дауыс өзгеруі болған жағдайда өкпе қатерлі ісігінен күдіктену қажет. Ал адам үш күн бойы ас іше алмаса, асқазаны ауырса, сондай-ақ іш өту мен іш қату қатар жүрсе – онкологиялық тексерістен өту қажет. Және де үлкен дәретте қанның ізі болса, онда шұғыл ауруханаға қаралған абзал. Ал денеде жара, түйін, ісікке ұқсас томпақ бүршіктер пайда болса, бұл қатерлі дерттің бір белгісі болуы әбден мүмкін. Сол үшін өзін жайсыз сезінген әрбір науқас дәрігерге қаралып, тексерістен өту қажет.– «Аурудың емі – саудың сәлемі». Осы орайда медицинада адамдардың жан дүниесіне үңілу, сөйлесу, психологиялық көмек көрсету мәселесі қаралған ба?&nbsp;– Иә, қатерлі ісікке шалдыққан науқас ең әуелі өзінің жүйке жүйесімен жұмыс істеуі керек. Қазіргі таңда олар үшін ауданда психолог және әлеуметтік қызметкер жұмыс атқаруда. Есепке алынған әрбір адам осы маманның көмегіне жүгіне алады. Сонымен қатар 4 клиникалық топтағы науқастар үшін аймақ дәрігері, аяжандар мен психолог мамандар ұдайы жұмыс жүргізіп отырады. Науқасқа диагнозы жайлы айту, түсіндір, көңілінен қорқыныш пен уайымды сейілту – мамандардың міндеті. Осыған байланысты біз үнемі психолог мамандар үшін арнайы семинар-тренингтер жүргізіп отырамыз.– Қазіргі таңда ауданда онкологиялық аурумен қанша науқас есепте тұр?– &nbsp;Жалпы, бүгінде онкологиялық ауру бойынша есепте 491 науқас тұрады.&nbsp;– Бұл &nbsp;дертпен ауыратын науқастарға қандайда бір жеңілдік (квота) қарастырыла ма?&nbsp;– Әрине, науқастың ауруы нақты анықталған соң, біз оларды облыстық онкологиялық орталыққа жібереміз. Олар ауру түрі бойынша науқасты &nbsp;қандай ауруханаға жатқызу керектігін өздері шешеді. Республика көлемінде де обыр дертімен ауыртатындар үшін арнайы квота қарастырылған.– Сұхбатыңызға рақмет!

Обыр – оңай дерт емес

<a href="https://kyzylorda-news.kz/">Kyzylorda-news.kz.</a> Бүгін Қазақстанда 31 адам коронавирусқа шалдықты, деп хабарлайды &nbsp;Денсаулық сақтау министрлігі.«30 сәуірдегі мәлімет бойынша, 1 155 адам коронавирус инфекциясынан (–1 000+ және 155 КВИ-) емделуде, олардың ішінде 155 пациент стационарда, 1 000 науқас амбулаториялық деңгейде ем қабылдауда.КВИ+, КВИ- шалдыққандардың арасында 1 адамның жағдайы ауыр, жағдайы өте ауыр, ӨЖЖ аппаратында жатқан науқастар жоқ», - деп жазды ведомстводан.

Бүгін Қазақстанда 31 адам коронавирусқа шалдықты

<a href="https://kyzylorda-news.kz/">Kyzylorda-news.kz.</a> Лейшманиоздар - трансмиссивті жолмен тарайтын, висцералды және терілік клиникалық түрлерінде өтетін зоонозды тропикалық паразитарлы инфекция. Бұл Азия, Африка, Латын Америка және Оңтүстік Европаның тропикалық аймақтарында кең тараған ауру. Бұрынғы Кеңес одағы елдері ішінде лейшманиоз Түркменстан, Тәжікстан, Өзбекстан, Қазақстанның оңтүстік аймақтарында және Грузия мен Арменияда тіркелген.Лейшманиоздар тері лейшманиозы (теріні зақымдайды) және висцералды лейшманиоз (ішкі мүшелерді зақымдайды) деп екіге бөлінеді.<blockquote>«Сыр өңірі ежелден бері висцериалды және тері лейшманиоз ауруларының табиғи ошағы болып есептеледі, 1966-1991 жылдар аралығында висцериалды лейшманиоз ауруларының 625 жағдайы анықталған, негізінен висцериалды лейшманиоз облысымыздың барлық аудандарында тіркелген. Бірақ басым көпшілігі Қармақшы, Жалғаш, Сырдария аудандары мен Қызылорда қаласы аймағындағы елді мекендерде анықталған. 1991-2001 жылдар аралығында, яғни 10 жыл көлемінде бұл ауру мүлдем тіркелмей, 2001 жылдан бастап висцериалды лейшманиоз ауруының табиғи ошақтарының белсенділігі күрт өзгеріп, ауру қайта тіркеле бастады.Соңғы рет облысымызда 2015 жылы тіркелген», - дейді Қызылорда облыстық санитарлық-эпидемиологиялық бақылау департаментінің басшысы Динара Жанабергенова.</blockquote>Департамент басшысының айтуынша, 2001-2015 жылдары облыс бойынша барлығы висцералды лейшманиоздың 12 жағдайы орын алды. ВЛ оқиғалары тіркелген аймақтар: Жалағаш, Шиелі, Тереңөзек, Сырдария, Қызылорда. Соңғы 3 оқиға 2015 жылы Қызылорда қаласында, 2011 жылы Шиелі және Сырдария аудандарында тіркелген, үшеуі де өлім жағдайымен аяқталды. Бұл науқастардың медициналық көмекке кеш жүгіну салдарынан орны алды.2021 жылы облыста тері лейшманиоз ауруының 3 жағдайы, 2022 жылы 10 жағдайы есепке алынды (Сырдария ауданында -5, Жаңақорғанда – 2, Қызылорда қаласында – 3 жағдай). Ауруға шалдыққандардың 70% – ауыл, 30% – қала тұрғындарының үлесінде.Тері-венерологиялық диспансерінің мәліметі бойынша облыс көлемінде 2022 жылы тері лейшманиоз диагнозына күдікті 42 науқас қаралып, оның 10-да диагноз зертханалық жолмен дәлелденген, қалған 32 науқас өз бетінше түрлі ем шаралар қабылдау салдарынан зертханалық жолмен диагноз нақтыланбаған.Висцералды, тері лейшманиоздардың табиғаттағы сақтаушы көзі әрі таратушысы москиттер болып табылады. Өзен суының тасуы, көктемгі мезгілде жер асты суларының жоғары көтерілуі, жағажайларды су басуы, көлшіктердің көбеюі москиттердің өсіп-өнуіне қолайлы жағдай тудырады.Сондай-ақ висцералды, тері лейшманиоз ауруының табиғи резервуарлары болып табылатын егесіз иттер мен мысықтар, жабайы жыртқыш аңдар да қауіп төндіреді.Негізгі профилактикалық шара – қауіпті жәндіктер шағуының алдын алу. Терезелерді маса өтпейтін тормен қаптау, арнайы қорғаныш киімдерін кию қажет. Болжамды тасымалдаушылар адамдардан оқшаулануы, аурудың эпидемиологиясын бақылау, ірі елді мекендерде жаппай аурулардың алдын алуға назар аудару керек. Орналасқан жеріне байланысты үй жануарлары мен ауру тасымалдаушы малмен күресу де оң әсер етуі мүмкін. Қалалар мен тұрғын үй жертөлелері, кәріздердің тазалығы, қоқыс шығаруды ұйымдастыру, полигондарды үнемі шығару және санитарлық шараларды өткізу халық арасында сырқаттанушылықтың өсуінің төмендеуіне әсер етеді. Өлім-жітім науқастардың ауруханаларға бармауына және ауруды емдеу мүмкіндігі туралы білмеуіне байланысты. Сонымен қатар обаға қарсы күрес және облыстық санитариялық-эпидемиологиялық бақылау басқармасы мамандарымен бірігіп, қоршаған ортаны залалсыздандыру мақсатында жұмыла жұмыстар жүргізу қажет. Осы факторлардың жиынтығы адамдар арасында лейшманиозбен ғана емес, сонымен қатар қауіпті және өзекті емес басқа да көптеген аурумен сырқаттанушылықты күрт төмендетуге мүмкіндік береді.

Лейшманиоз инфекциясынан сақтану жолдары қандай?

<a href="https://kyzylorda-news.kz/">Kyzylorda-news.kz.</a> Жылдың төрт мезгілінде де өзектілігін жоғалтпайтын бір мәселе болса, ол – тері күтімі. Қазіргі таңда әлемде қоршаған ортаның қолайсыз әсерінен көптеген адамдар тері ауруларына шалдығуда. Бұл – бір қарағанда қарапайым көрінгенімен, адам денесінің ең нәзік бөлшегінің маңызы зор. Оған бей-жай қарау – қауіпті тері ­ауруларына әкеліп соқтырады. Біз бүгін тері ауруларына байланысты көптеген сауалға жауап табу үшін Шиелі аудандық емханасының дерматовенеролог дәрігері Шахмардан Смайловпен сұхбаттаасқан едік.– Шахмардан Көрегенұлы, ең әуелі тері ауруларына қысқаша тоқталып өтсеңіз. Ол неден пайда болады?– Жалпы адам баласының ең нәзік бөлшегі – тері. Сондықтан да теріге қашан да күтім керек. Тері ауруларының түрі өте көп. Өздеріңіз білетіндей, қазіргі таңда қоршаған ортамызда болып жатқан қолайсыздықтардың салдары теріге әсер етеді. Әсіресе, біз тұратын аймақ шаңды, желді өңір болғандықтан, ол да тері ауруларына жиі шалдықтырады. Бұдан бөлек адам салауатты өмір салтын ұстанбаса, дұрыс тамақтанбаса тері ауруларын өзіне тез қабылдап алады. Бұл – иммундық жүйемен тікелей байланысты.&nbsp;– Жалпы елімізде көп тараған тері ауруларының түрлері қандай?– Елімізде ең көп тараған тері ауруларының түрі – псориаз және микроспория.&nbsp;– Аталған тері аурулары қалай, қайдан пайда болады? Алғашқы белгілері қандай?&nbsp;– Псориаз – терінің созылмалы ауруы болып саналады. Псориазбен ауырған науқастың бас терісінде, тізесінде, білек буындарында, сондай-ақ арқасының төменгі тұстарында тері қатпарларының орнына қатты қышитын тығыз, талаураған қызыл түсті дақтар пайда болады. Кейде әлгі дақтар күлгін түсті болып келеді. Псориазбен &nbsp;бір рет ауырып, айығып шыққан науқасты аталмыш дерттен толық жазылуы мүмкін емес. Өйткені, ауру жасырын формаға ауысып кетуі мүмкін. Сондықтан толық айыққан адамның өзі үнемі дерматологтың бақылауында ¬болуы қажет. &nbsp;Ал микроспория көбінесе жан-жануарлардан жұғатын ауру түрі болып саналады. Мұнымен көп жағдайда балалар жиі ауырады. Себебі кішкентайлар ит пен мысықпен көп ойнайды. Ал балалардың терісі бактерияны тез жұқтырғыш келеді.&nbsp;– Дұрыс тамақтанбау теріге қаншалықты әсер етеді? Мәселен, асқазаны, бауыры ауыратын науқастың терісінде өзгеріс пайда болатыны белгілі. Бұл жөнінде не айтасыз?– Терінің жай-күйі адамның өмір салтына, әсіресе, тамақтануға, асқазан-ішек жолдарының жай-күйіне, гормоналды жүйеге, ағзада паразиттердің бар-жоғына тікелей байланысты. Сондықтан ішікі ағзалары ауыратын науқастың ащы, майлы, тәтті тағамдарды көп тұтынбағаны абзал. Мұндай жағдайда адамның терісі қабынып, бөртіп кетеуі ғажап емес. Сондай-ақ біз адамдарға &nbsp;мүмкіндігінше қоғамдық орындарда тамақтанбауға кеңес береміз. Әсіресе фаст-фуд, сондай-ақ тез дайындалатын консерванттар тері ауруларын қоздырады.– Ал балалардың тері аурулары жөнінде не айтасыз? Қазіргі таңда жаңа туған нәрестелерде көптеген тері аурулары кездеседі. Неліктен?– Балалардың терісі – бала ағзасының күйін көрсететін айнаға ұқсас. Ол жұқпалы, физикалық және химиялық факторлардың әсерінен өте сезімтал келеді. Егер баланың күтімі нашар болса, теріде түрлі аурулар пайда болады. Ол тек теріні ғана бүлдіріп қоймай, басқа да &nbsp;ауруларға шалдықтыруы мүмкін. Көп жағдайда әйел адам жүктілік кезінде дұрыс тамақтанбағандықтан, бір реттік жөргектерді жиі пайдаланғандықтан нәрестенің терісінде түрлі қышыма, диатез, сарғыш сынды аурулар пайда болады. Ал оның алдын алу үшін баланың денесін таза ұстап, апта сайын төсек жаймаларын ауыстырып, баланың киімін жиі жуып, үтіктеп отыру қажет. Бұдан бөлек әйелдің өзі де салауатты өмір салтын ұстануы керек. Сонда балада тері аурулары пайда болмайды. Ал туа бітті пайда болатын тері ауруларына келер болсақ, мұндай аурумен ауратын балалар міндетті түрде біздің бақылауымызда болады. Өйткені мұндай ауру түрімен ауыратын науқастарға үнемі ем-дом шаралары қажет болады.&nbsp;– Тері саулығы үшін не маңызды?– Терінің саулығы үшін өмір салты, тамақтану, жалпы ағзаның саулығы маңызды. Уақытылы тексерулерден, скринингтерден өтіп тұру керек, салауатты өмір салтын ұстану қажет.– Сұхбатыңызға рақмет!

Шахмардан Смайлов: Ең көп тараған тері ауруларының түрі – псориаз және микроспория

<a href="https://kyzylorda-news.kz/">Kyzylorda-news.kz.</a> 28 сәуір – жедел-жәрдем қызметкерлерінің кәсіби мерекесі. Осыған орай жедел жәрдем қызметінің бір күнімен танысуды жөн көрдік. Осылайша облыстық денсаулық сақтау басқармасы БАҚ өкілдері арасында баспасөз турын ұйымдастырды.Бүгінде облыстық медициналық жедел жәрдем стансасы күніне 1300-ден аса шақырту қабылдайды. Ал мереке қарсаңы мен демалыс күндері бұл көрсеткіш тіпті көбейеді. Қашанда ауырып, жаны қысылған жанның қасынан бірінші табылатын жедел жәрдемнің ақ халатты абзал жандар қандай құрметке де лайық. Мұны осы баспасөз турында журналистер қауымы көзбен көріп, жүрекпен сезінді.&nbsp;Денсаулығымыз сыр беріп, жанымыз қысылғанда қасымыздан табылып, көмек қолын созатын ақ халаттылар қауымын басылым беттерінде әрдайым дәріптеп келеміз. Дегенмен сол мамандардың қасында жүріп, жұмыс барысын бірге көру мүлдем басқа дүние. Ең алдымен кезекші-диспетчерлік бөлімге бардық. Мұнда қызу жұмыс жүріп жатыр. Барлық қызметкер бос емес. Соған қарағанда, таңмен таласып жедел жәрдемнің көмегіне жүгінетіндер қатары көп екенін аңғарасың.Біз барғанда диспетчер қызметінде &nbsp;жұмыс істейтін Мирамбек Асанов отырды. Оның жұмысы – негізгі бекеттен түскен шақыртуды қабылдап, жақын маңдағы бригаданы науқастың мекен жайына бағыттау. Облыс бойынша барлық қоңырау негізгі бекетте қабылданады. Ол жердегі мамандар &nbsp;дереу автоматтандырылған «КӨМЕК» жүйесі арқылы қосалқы бекеттерге хабар береді. Қарап отырсаңыз, мұндағы телефонға тыныштық жоқ. Шақырту қабылдаған дәрігерлер, межеге жеткенше асығатын көлік жүргізушілері, дәрі-дәрмек қобдишасын жанынан бір елі тастамайтын фельдшерлер зыр жүгіріп жүр. Осыған қарап, бұл жердегі қайнаған жұмыстың жауапкершілігі мен маңызын ұғынасың. Себебі мұнда адам өмірі мен тағдыры тікелей шешіледі.&nbsp;Бекеттегі бригаданың барлығы шақыртуға кетіпті. Оларды күтуге &nbsp;тура келді. Қазіргі кезде мұнда жарғақ құлағы жастыққа тимей, тынымсыз еңбек етіп, тығырықтан шығар жол іздеп, қауіпті дерттің алдын алуға атсалысып жүрген 950-ден аса қызметкер жұмыс істейді. &nbsp;Оның 78-і дәрігер, ал 500-ден астамы орта буын қызметкерлері.<blockquote>«Бүгінде жедел жәрдем 4 санат бойынша қызмет көрсетеді. Оның ішінде коронавирус алғашқы шұғыл санатта. Сондықтан мамандар діттеген жерге 10-15 минутта тез жетуі керек. Атап айтсақ, бірінші санатқа науқастың өміріне тікелей қауіп төнетін шұғыл медициналық көмек қажет жағдайда он минутта жету керек. Мәселен, &nbsp;жол көлік оқиғасы, төтенше жағдай орын алғанда, адам ес-түссіз қалған жағдайлар жатады. &nbsp;Ал екінші санат бойынша науқастың өміріне қатер төнуі ықтимал, алайда тығырықтан медициналық көмексіз шығуға мүмкіндік болса, жүкті келіншектер мен жүрек қысылатын, қан қысымен, дене қызуы көтерілгендерге он бес минутта барады. &nbsp;Үшінші санатқа жататын науқастың денсаулығына қатер төнуі мүмкін, бірақ жағдайды медициналық көмексіз реттеуге болады. Құсып, іші өтіп жатқан 3 жасқа дейінгі балалар мен жүктіліктің соңғы кезеңіндегі әйелдерге көмек көрсетіледі. Оларға жедел жәрдем қызметі 30 минут ішінде келуі керек. Сонымен бірге төртінші санатқа науқастың денсаулығына және өміріне тікелей қауіп төнбейтін жағдай кіреді. Оған бір сағат уақыт беріліп, емханалардағы жедел медициналық көмек бөлімшелеріне жүгіне алады. Мұндай бөлімшелер шақыртуды жұмыс күндері тәулік бойы қабылдайды», – деді облыстық медициналық жедел жәрдем стансасының бас дәрігердің медицина ісі жөніндегі орынбасары Ғалия Нұрсейтова.</blockquote>Елімізде 2016 жылы Қызылорда мен Павлодар облыстарында жедел жәрдем қызметі бойынша пилоттық жоба енгізілген. Осылайша бұл сала облыстық мәртебеге ие болып отыр. Аталған жобаның негізгі мақсаты – облыс аумағында тұратын халыққа және «Батыс Қытай-Батыс Еуропа» көлік дәлізі бойындағы жолаушыларға дер кезінде жедел көмек көрсетуді жақсарту. Бүгінде аймақтың кез келген нүктесінде тұрып 103-ке телефон соға аласыз. Қоңырау бірден Сall орталығына келіп түседі. Сондай-ақ қазір 103 бірыңғай оперативті бөлімі мен 112 бырыңғай кезекші-диспетчерлік қызметі халыққа бірге қызмет көрсетеді. Айта кету керек, станса құрылымына 4 қалалық, 9 аудандық бөлімше, оперативті және медициналық авиация бөлімі кіреді.Қазіргі кезде халықтың медицинаға, дәрігерлерге деген талабы өте жоғары. Көбі &nbsp;«Бірінші байлық – денаулық» екенін ұғынды. Өйткені адам үшін ең қымбаты – басының амандығы мен денінің саулығы екенін кешегі коронавирустың кезі дәлелдеді. Сондықтан болар, қазір адамдар денсаулығы сыр берсе болды дәрігер көмегіне жүгінеді.&nbsp;Дабылы қосылған жедел жәрдем көлігі жаныңнан желдей ұшқанда, «Аман болса екен» деген сөз еріксіз ойға келеді. Тіпті ағайын-туысты түгендеп, кәдімгідей алаңдап қаласың. Бізге өз қызметіміз ұнайды. Десе де, ақ халат киіп, дәрігер болу мектептегі баланың арманы ғой. Бір кездері бізде медицина қызметкері болуды қиялдадық. Бүгін, міне, араға қанша уақыт салып, ақ халат киіп, балалық арман орындалып, өзімізді дәрігер сезінудеміз.&nbsp;Шақырту күтіп отырғанымызда қала тұрғыны Сайділда Оспановтың демікпе ауруы асқынып, жағдайы нашарлауына байланысты жедел-жәрдем шақырды. Сөйтіп, біздің бір күндік бірлесіп атқаруды көздеген кезекшілігіміз басталып кетті. Қалам-дәптерімізді қолымызға алып, дәрігердің соңынан ердік. Бұл жолы көмек қан қысымы көтеріліп, демікпесі асқынған 60 жастан асқан ер кісіге керек. Діттеген жерге 8 минутта жеттік. Жедел жәрдем қызметкерлері науқастың қан қысымын өлшеп, қант мөлшерін анықтап, тамырына дәрі екті. Науқастың аталған дертпен ауырғанына біраз жылдың көлемі болған. Ол кісіге сол уақытта қан қысымын қалыпқа келтіретін екпе салды. Баста жаны қысылып, мазасызданып, дәрігер көмегіне жүгініп отырған кісіні көзбен көргесін оны сөзге тартып, жағдайын сұрауға ынғайсыздандық. Алдымен өзіміздің қай жақтан келіп тұрғанымызды айтып, таныстырдық. Осылайша жедел жәрдем қызметіне қандай баға беретінін сұрадық. Ол кісі әрдайым уақытылы келіп, көмек көрсететінін ақ халаттыларға алғыстан басқа айтары жоқ екенін жеткізді.&nbsp;Мұндағы жұмыстың қарбаластығы сонша, бригада қызметкерлерінің түскі ас ішуге де уақыты жоқ. Соған қарамастан тұрғындардан түсетін шағым да жетерлік. Оған себеп көп. Оның ішінде аймақтағы атауы жоқ көшелер мен реттік нөмірі дұрыс емес үйлерді іздеумен &nbsp;уақыт өтіп кешігіп барады. Осы мәселе қиындық тудыруда. Алайда қазір жедел жәрдем көлігінің барлығына автоматтандырылған «КӨМЕК» жүйесі қондырылған. Оның тиімділігі соншалық, көліктер бекетке қайта келіп әуре болмайды. Бағыттаушы диспетчер көліктің қай жерде жүргенін компьютер арқылы анықтап, сол бойынша келесі шақыртуға жібереді. Осылайша уақыт үнемдейді әрі артық шығын болмайды. Мамандардың айтуынша, шақыртудың басым көпшілігі қан қысымына қатысты. Сондай-ақ облыс көлемінде жол көлік оқиғасының көп орын алып жатқанын да баса айтты. Тіпті бір күнде бірнеше қайта шақыртулар да көп кездеседі екен.&nbsp;Мәселен біз бағамдаған бір тәулікте 1299 қоңырау түсті. Түскен қоңырауларды – 7 қабылдаушы диспетчер қабылдап, 2 аға дәрігер, 3 бағыттаушы диспетчер, 13 бөлімше диспетчерлері &nbsp;санаттылығы бойынша жедел жәрдем топтарына шақырысты орындауға берді. Бірінші, екінші, үшінші санатты шақыртуды орындау барысында 4 кардиологиялық, 4 педиатриялық, 10 желілік дәрігерлік топ және 32 фельдшерлік топ жұмыс атқарды. Ал 4-ші санатты шақырыстарды орындау барысында емханалар құрамындағы 29 топ жұмыс істеді. Ауруханаға тасымалданған науқастар саны – 261. Олардың ішінде 63 науқас арнайы көмекке, 52 науқас жарақаттар пунктіне, 146 науқас ауруханаға жатқызылуға жеткізілді.Бір сәт өзімізді жедел жәрдем қызметкері ретінде сезініп, олармен етене араласа келе ақ халатты абзал жандардың халыққа қызмет көрсетуі мен қиындықтарын, жұмыстарының өте ауыр екенін сезініп қайттық.<img src="https://knadmin.beoblood.kz/uploads/Whats_App_Image_2023_04_28_at_12_40_15_1_cbd4c86fa4.jpeg" alt="WhatsApp Image 2023-04-28 at 12.40.15 (1).jpeg"><img src="https://knadmin.beoblood.kz/uploads/Whats_App_Image_2023_04_28_at_12_40_15_2_319f9ccce4.jpeg" alt="WhatsApp Image 2023-04-28 at 12.40.15 (2).jpeg">

Қызылордада жедел жәрдем бір тәулікте 1300-ден аса шақырту қабылдайды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысындағы конго-қырым геморрагиялық қызбасының алдын-алу шаралары &nbsp;және «Ана мен бала өлімінің деңгейін төмендету бойынша атқарылып жатқан жұмыстар» барысы бүгін «AMANAT» партиясының облыстық филиалы жанындағы Білім және денсаулық сақтау мәселелері жөніндегі Қоғамдық кеңестің отырысында қаралды.Жиынды кеңес төрағасы Нұридин Амитов ашып, күн тәртібіндегі мәселелер бойынша өңірімізде атқарылуы тиіс біршама жұмыстарға тоқталып өтті.Отырысқа ұсынылған мәселелер бойынша облыстық санитарлық-эпидемиологиялық бақылау департаменті басшысының орынбасары Әлия Әбдікаимова, ветеренария басқармасының бөлім басшысы Марат Ойнаров және Төтенше жағдайлар департаменті басшысының орынбасары, полковник Нұрсұлтан Ибрагимов, денсаулық сақтау басқармасы басшысының орынбасары Жанкелді Шайымбетов хабарлама жасап, кеңес мүшелері тарапынан жолданған сауалдарға жауаптар берді.Мәселен, Қызылорда облысы Конго-Қырым геморрагиялық қызбасы бойынша табиғи ошақ болып табылады. Өңірде КҚГҚ-нан қолайсыз 106 елді мекен бар. Өткен жылы облыста КҚГҚ мен &nbsp;50 күдікті жағдай тіркеліп, оның 20-сы нақтыланды. 6 жағдай өлім-жітіммен аяқталып, 14 науқас қанағаттанарлық жағдайда үйіне шығарылған. Облыстық санитарлық-эпидемиологиялық бақылау департаменті басшысының орынбасары Әлия Әбдікаимованың айтуынша кене шағу жағдайлары былтырғымен салыстырғанда биыл жоғарылап отыр. Былтыр өңірде осы кезеңде 98 жағдай тіркелсе, жыл басынан 126 кене шағу жағдайлары тіркелген. Өсу көрсеткіші 32,3 пайызды құрайды. Мұнан бөлек, Әлия Әбдікаимова жыл сайын Конго-Қырым геморрагиялық қызбасының табиғи ошақтарында профилактикалық превентивтік шаралар жүргізіліп отыратынын, үстіміздегі жылы КҚГҚ-нан қолайсыз 106 елді мекен тіркелгенін, облыс бойынша 238 елді мекен болса, нақты кезеңде олардың 154-і зоолого-паразитологиялық зерттеулермен қамтылғандығын атап өтті. &nbsp;Күн тәртібіндегі екінші мәселеге тоқталар болсақ, өңірде ағымдағы жылдың бірінші тоқсанында 4777 нәресте дүниеге келген. Туу көрсеткіші өткен жылдың осы кезеңімен салыстырғанда 5 пайызға төмендеген. Ана өлімі жағдайы тіркелмеген. 1 жасқа дейінгі нәрестелердің шетінеу көрсеткіші де өткен жылдың 1 тоқсанымен салыстырғанда 47 пайызға төмендеген.&nbsp;Жалпы туылған нәрестелерге жасалған скринингтік тексеру нәтижелері бойынша облыстық денсаулық сақтау басқармасы басшысының орынбасары Жакелді Шайымбетов атап өтті.&nbsp;Оның айтуынша жаңа туылған 4777 нәрестеге 100% &nbsp;неонаталды скрининг тексеруден өткен. &nbsp; Оларға &nbsp;фенилаланин және бірінші рет тиреотропты гормон тексерісі жүргізіліп, нәрестелерде фенилкетонурия ауруы анықталмағандығын жеткізді. &nbsp;Сонымен қатар облыста ерте жастағы балаларда есту қабілетінің ауруын анықтау үшін 22 емдеу алдын-алу ұйымдары тежеліп туындаған отоакустикалық эмиссия құрылғыларымен қамтамасыз етілген, оның ішінде 2 құрылғы Облыстық перинаталдық орталықта, 7 құрылғы аудандық ауруханалардың босану бөлімшелерінде және 13-і МСАК ұйымында екендігін тілге тиек етті.&nbsp;Жиында ұсынылып қаралған мәселелер бойынша кеңес мүшелері нақты ұсыныстарымен бөлісіп, ана мен бала денсаулығын жақсарту. Оларға көрсетілетін ем-дом сапасы және Конго-Қырым геморрагиялық қызбасының алдын-алу бағытындағы жұмыстарды күшейту қажеттігін сөз етті.<figure class="image"><img src="https://knadmin.beoblood.kz/uploads/00fa2dda_e597_46e2_b32a_da66bcec66d5_a2aa57b37d.jpg" alt="00fa2dda-e597-46e2-b32a-da66bcec66d5.jpg"></figure>&nbsp;<figure class="image"><img src="https://knadmin.beoblood.kz/uploads/2e1350f6_caef_4aca_861b_a89338dba2b0_a85427c2c1.jpg" alt="2e1350f6-caef-4aca-861b-a89338dba2b0.jpg"></figure>

Қазақстан және Қызылорда облысының жаңалықтары: Денсаулық