<a href="https://kyzylorda-news.kz/">Kyzylorda-news.kz</a> Денсаулық сақтау министрлігінің Санитариялық-эпидемиологиялық бақылау комитеті желіде тараған Oreo печеньесінің зиян екені туралы ақпаратты жоққа шығарды. Бұл туралы <a href="https://stan.kz/oreo-pechenesi-kauipti-me-densaulik-saktau-ministrligi-428801/">Stan.kz</a> ақпарат агенттігі хабарлайды. &nbsp;Министрліктің мәліментіше, желілерде печеньенің кремді салмасы "пластик желім" екені, ал печеньенің "артерияларды бітейтіні" туралы тараған ақпарат шындыққа жанаспайды. &nbsp;Мұндай таралымдар ғылыми тұрғыда дәлелденбеген. Кондитерлік өнімдер Еуразиялық экономикалық одақ елдерінің аумағында тек техникалық регламенттердің талаптары сақталған жағдайда ғана айналымға жіберіледі.<blockquote>"2025 жылы жүргізілген бақылау сатып алуы аясында Oreo печеньесінің үлгілері зертханалық тексеруден өтті. Микробиологиялық және токсикологиялық көрсеткіштер бойынша техникалық регламент талаптарына сай келмейтін ешқандай сәйкессіздік анықталған жоқ. Барлық үлгілердің таңбалануы белгіленген талаптарға толық сәйкес болды", – делінген хабарламада.</blockquote>Фото: Oreo/instagram

Oreo печеньесі қауіпті ме: Денсаулық сақтау министрлігі тексеру жүргізді

<a href="https://kyzylorda-news.kz/">Kyzylorda-news.kz</a> Қоғамдағы халықтың тамақтану әдеттері соңғы жылдары елеулі өзгерістерге ұшырап, дәстүрлі тағамдар мен заманауи өнімдердің үйлесімі байқалады. Тамақтану мәдениеті мен рациондық таңдаулар адамның денсаулығына тікелей әсер ететіні белгілі, сондықтан қант пен тұзды тұтыну деңгейі, дәрумендер мен биологиялық белсенді қоспаларды қолдану жиілігі ерекше мәнге ие. Еңбек адамдарының тамақтану әдеттері мен тағамдық үлгілерін жан-жақты бағалау және алынған нәтижелер негізінде денсаулықты сақтау мен жақсартуға бағытталған нақты ұсыныстар жасау мақсатында &nbsp;өндірістік және тұрғын үй құрылысы саласында еңбек етіп жүрген 100 құрылысшы респонденттен Әлеуметтік сауалнама алынды.&nbsp;Зерттеу нәтижелері көрсеткендей, құрылысшылардың 42%-ы поливитаминдерді аптасына 1-2 рет қолданса, 30%-ы сирек, ал тек 28%-ы тұрақты түрде қабылдайды. Витамин А-ны респонденттердің 52%-ы аптасына бірнеше рет, 28%-ы сирек, ал 20%-ы әрдайым тұтынады. Витамин С және D тапшылығы да байқалады: тұрғындардың 45%-ы витамин С-ті аптасына 3-4 рет, 35%-ы сирек, ал 20%-ы күнделікті қабылдайды. Бұл көрсеткіштер адамдарда иммундық жүйенің әлсіреуіне, көз және тері денсаулығына кері әсер етуі мүмкін.Қант пен тұздың артық мөлшерде қолданылуы да кең таралған мәселе болып отыр. Сауалнамаға қатысқан құрылысшылардың 38%-ы күніне 1-2 шай қасық қант тұтынатынын айтса, 27%-ы 3-4 шай қасық, ал 15%-ы күніне 5 шай қасықтан астам қант қолданатынын мәлімдеді. Дайын тағамға қосымша тұз қосу әдеті респонденттердің 42%-ында байқалады. Мұндай тенденция жүрек-қан тамырлары ауруларының даму қаупін арттырады және тұрғындарға арналған ақпараттық науқандарды ұйымдастыру, тұзды тұтынуды бақылау қажеттігін көрсетеді.Ет өнімдері Қазақстан тұрғындарының рационында негізгі орын алады. Сауалнамаға қатысқан құрылысшы респонденттердің 48%-ы сиыр етін аптасына 1-2 рет, 30%-ы 3-4 рет тұтынады. Жылқы етін аптасына 1-2 рет қолданатынын 52%, сирек тұтынатынын 25% атап өтті. Қой етін аптасына 1-2 рет тұтынатындар 35%, ал шошқа етін сирек пайдаланатындар 28% құрайды. Тауық еті аптасына 3-4 рет қолданылады деп есептегендер 46%, ал жұмыртқаны аптасына 3-5 рет тұтынатынын 40% айтты. Балық өнімдері мен теңіз өнімдері күнделікті рационда сирек кездеседі: тек 18% респонденттер аптасына бір рет қолданса, қалған 82% тұтынбайды немесе сирек пайдаланады. Бұл омега-3 май қышқылдары мен йод тапшылығына алып келуі мүмкін, сондықтан теңіз өнімдерін рационға қосу ұсынылады.Сүт өнімдері халықтың оның ішінде құрылыс саласында еңбек етіп жүрген мамандардың күнделікті рационында тұрақты орын алады. Йогурт, кефир, айран және ряженканы күнделікті тұтынатындар 42%, аптасына бірнеше рет қолданатындар 38%, сирек пайдаланатындар 20% құрайды. Сүт өнімдерінің әртүрлілігін арттыру ұлттық дәстүрді сақтау мен пайдалы микрофлораны қалыптастыруға септігін тигізеді. Қымыз, шұбат және құрт сияқты ұлттық өнімдердің тұтыну деңгейі төмен (жалпы респонденттердің 22%-ы), бұл дәстүрлі тағам мәдениетін сақтаудың қажеттілігін көрсетеді.Дәнді дақылдардың ішінде күріш, гречка, арпа және манка басты рөл атқарады. Көкөністердің негізгі түрлері – сәбіз (52%), қызылша (48%), қырыққабат (45%) – жеткілікті мөлшерде пайдаланылады. Сирек кездесетін көкөністер мен консервіленген өнімдер аз қолданылады (жалпы 15-18%). Жеміс-жидектерді күнделікті тұтынатындар 40%, аптасына бірнеше рет қолданатындар 38%, ал сирек тұтынатындар 22% құрайды. Сусындар арасында қара шай (65%), компот (42%), жеміс шырыны (35%) және минералды су (28%) негізгі орын алады. Кофе мен какао қалалық және жас аудитория арасында танымал (40%), ал алкогольді сусындар тұтыну деңгейі төмен (12%). Шоколад, печенье және тәтті бәліштерді аптасына 1-4 рет тұтынатындар 48%, күнделікті қолданатындар 12% құрайды.Зерттеу нәтижелері құрылысшылардың рационы дәстүрлі тағамдар мен заманауи өнімдердің үйлесімін сақтай отырып қалыптасқанын көрсетеді. Дегенмен, дәрумендер мен балық өнімдерінің жеткіліксіздігі, қант пен тұздың кейбір топтарда жоғары тұтынылуы, сондай-ақ сирек кездесетін көкөністер мен ұлттық өнімдердің аз пайдаланылуы денсаулыққа теріс әсер етуі мүмкін. Осыған байланысты профилактикалық шаралар ретінде: дәрумендер мен поливитаминдерді қолдануды арттыру, қант пен тұзды шектеу бойынша ақпараттық науқандар ұйымдастыру, ет пен балықты теңестіріп рационға қосу, ұлттық сүт өнімдерін насихаттау, көкөніс пен жеміс-жидек тұтынуды күнделікті жеткілікті деңгейге жеткізу, индустриалды тәттілерді азайту арқылы дәстүрлі тәттілерді пайдалану ұсынылады.Осы шараларды жүзеге асыру арқылы халықтың әсіресе құрылыс саласында тер төгіп жүрген мамандардың тамақтану мәдениеті жақсарып, дәстүрлі және заманауи тағамдардың үйлесімі арқылы денсаулық сақтау деңгейін арттыруға, жүрек-қан тамырлары аурулары мен дәрумен тапшылығынан туындайтын проблемаларды алдын алуға мүмкіндік туады. Сонымен қатар, зерттеу нәтижелері қоғамда денсаулық сақтау саласындағы саясатты қайта қарауға, тамақтану мәдениетін жақсартуға және тұрғындардың өмір сүру сапасын арттыруға негіз бола алады.А.А. АБДУЛДАЕВА, “Астана медицина университеті” КеАҚ,&nbsp; Академик Е.Д.Даленов атындағы&nbsp; профилактикалық медицина ҒЗИ директоры,&nbsp; м.ғ.к., профессор,&nbsp; Г.Н. ДОСЖАНОВА,&nbsp; Бас ғылыми қызметкер, PhD,&nbsp; С.К. САПАРБЕКОВА, Нутрициология магистрі, 1 курс.Коллаж: Б.Салмырза

Құрылысшылардың тиімді тамақтануын ұйымдастыруды гигиеналық бағалау

<a href="https://kyzylorda-news.kz/">Kyzylorda-news.kz</a> &nbsp;Жалағаш ауданындағы іс-сапарында ҚР Парламенті Мәжілісінің депутаты, "AMANAT" партиясы фракциясының мүшесі Мархабат Жайымбетов &nbsp;аудандық аурухананың &nbsp;жұмысымен танысты.Аудан тұрғындарына сапалы медициналық қызмет көрсететін бұл нысан 2020 жылдың 28 желтоқсанында пайдалануға берілген.&nbsp;Құрылыс жұмыстары республикалық бюджет есебінен қаржыландырылып, жобаның жалпы құны 4 млрд 45,0 млн теңгені құрады. Бас мердігер – «Абу Сер» ЖШС.130 төсек-орынға арналған аурухана &nbsp;қазіргі таңда тұрғындарға кешенді медициналық қызмет ұсынып отыр. Оның құрамында: &nbsp;<ul><li style="text-align:justify;">1 аудандық аурухана &nbsp;</li><li style="text-align:justify;">1 аудандық емхана &nbsp;</li><li style="text-align:justify;">12 дәрігерлік амбулатория &nbsp;</li><li style="text-align:justify;">2 фельдшерлік-акушерлік пункт &nbsp;</li><li style="text-align:justify;">2 медициналық бекет бар.</li></ul>Мархабат Жайымбетов аурухананың материалдық-техникалық базасымен, дәрігерлердің жағдайымен және халыққа көрсетіліп жатқан медициналық қызметтің сапасымен танысып, сала мамандарымен пікір алмасты. Медициналық инфрақұрылымды дамыту, жас мамандарды тарту және қызмет сапасын арттыру мәселелері де назардан тыс қалған жоқ.<blockquote>"Аймақтардағы медициналық қызметтің сапасын арттыру – біздің басты міндетіміз. Мұндай сапарлар жергілікті деңгейдегі нақты проблемаларды көруге және шешуге мүмкіндік береді", – деді ол өз сөзінде.</blockquote><img src="https://knadmin.beoblood.kz/uploads/Amanat_mediczinaly_nysan_2_c7d0273a13.jpg" alt="Аманат медициналық нысан 2.jpg">

Медициналық нысан тұрғындардың игілігіне қызмет етіп келеді

<a href="https://kyzylorda-news.kz/">Kyzylorda-news.kz</a> Міндетті әлеуметтік медициналық сақтандыру пакетіне диспансерлік есепте тұрған азаматтардың бірқатар созылмалы аурулары бойынша бақылау мен емдеу енгізілді.Бұл тізімге келесі ауру түрлері кірді:&nbsp;<ul><li style="text-align:justify;">қант диабеті;</li><li style="text-align:justify;">балалардың церебралды сал ауруы;</li><li style="text-align:justify;">дәнекер тіннің жүйелі аурулары;</li><li style="text-align:justify;">ревматизм;</li><li style="text-align:justify;">артериялық гипертония;</li><li style="text-align:justify;">жүректің ишемиялық ауруы және өзге де жүрек аурулары (жүрек жеткіліксіздігі, жүрек ырғағының бұзылыстары);</li><li style="text-align:justify;">төменгі тыныс жолдарының созылмалы аурулары.</li></ul>Бүйрек аурулары, оның ішінде гломерулярлық аурулар, созылмалы бүйрек ауруы;&nbsp;<ul><li style="text-align:justify;">ас қорыту жүйесінің аурулары;</li><li style="text-align:justify;">сүйек-бұлшықет жүйесі мен дәнекер тін аурулары.</li></ul>Бұл диагноздары бар адамдарға амбулаториялық және стационарлық жағдайларда, соның ішінде дәрі-дәрмекпен қамтамасыз етуді, қымбат дәрі-дәрмектерді қоса алғанда, барлық қажетті ем түрлерін алуға мүмкіндік береді.

МӘМС пакетіне қандай созылмалы аурулар кіреді?

<a href="https://kyzylorda-news.kz/">Kyzylorda-news.kz</a> Мемлекет басшысының тапсырмасымен медициналық көмек пакеттері қызметтердің қайталануын болдырмау үшін қайта қаралды.&nbsp;2026 жылдан бастап ТМККК пакетіне әлеуметтік мәні бар 11 ауру түрінің профилактикасы мен диагностикасы енеді. Бұған дейін АИТВ мен туберкулезге күдік болған жағдайда ғана қызмет көрсетілген еді.Енді тізім қатерлі ісіктермен, созылмалы вирустық гепатиттермен және бауыр цирозымен, психикалық және мінез-құлықтық бұзылыстармен, орфандық аурулармен, жүйке жүйесінің дегенеративті ауруларымен, демиелинизациялайтын аурулармен, эпилепсиямен, жедел миокард инфарктісімен (алғашқы 6 ай), инсульттермен (1 жыл ішінде) толықты.Сонымен қатар ТМККК-ға артериялық гипертония, ишемиялық жүрек ауруы, глаукома, қант диабеті, В және С вирустық гепатиттерін ерте анықтауға арналған скринингтер енгізілді. &nbsp;Бұл шаралар пациенттерге дер кезінде диагностика жүргізуге мүмкіндік береді, ауруларды ерте анықтау ем нәтижелерінің жақсаруына оң әсер етеді.2026 жылдан бастап бірқатар созылмалы ауруды, оның ішінде артериялық гипертензияны, қант диабетін, церебралды сал аурын, ревматизмді, дәнекер тінінің жүйелі зақымдануларын, бүйрек ауруларын емдеу және бақылау емхана мен стационарда МӘМС пакетіне ауыстырылды.<img class="image_resized" style="width:100%;" src="https://knadmin.beoblood.kz/uploads/osms_567e5cb345.jpg" alt="осмс.jpg">

2026 жылдан бастап МӘМС жүйесінде не өзгереді?

<a href="https://kyzylorda-news.kz/">Kyzylorda-news.kz</a> &nbsp;Денсаулық сақтау министрлігі әлеуметтік желілерде таралып жатқан балалардың ауруына себеп болады деген "арзан вакциналарды сатып алу" туралы ақпараттың шындыққа сәйкес келмейтінін және жалған екенін мәлімдеді. Аталған мәлімдемелер "Әңгіме бар" подкастында журналист Айнур Асанбердімен болған сұхбатта Нархоз университетінің профессоры ретінде таныстырылған Кулзада Абенова айтқан. Бұл туралы <a href="https://stan.kz/densaulik-saktau-ministrligi-balalarda-auru-tudiratin-a-428517/">Stan.kz</a> ақпарат агенттігі хабарлайды.&nbsp;Министрліктің баспасөз қызметі Қазақстан Республикасында Ұлттық профилактикалық егулер күнтізбесі аясында қолданылатын барлық вакциналар көпсатылы халықаралық және ұлттық сараптамадан өтетінін алға тартты. Сондай-ақ Дүниежүзілік денсаулық сақтау ұйымының (ДДҰ) талаптарына және ұлттық заңнамаға сәйкес тіркеуден өтіп, қолдануға рұқсат алады.Вакциналарды сатып алу "арзандық" қағидаты бойынша емес, сапа, қауіпсіздік және тиімділік көрсеткіштеріне ғана негізделе отырып жүзеге асырылады. Сатып алу барысында келесі талаптар ескеріледі:<ul><li style="text-align:justify;">ДДҰ-ның квалификация алды өтуі немесе қатаң реттеуші бақылауы бар елдерде тіркелуі;</li><li style="text-align:justify;">клиникалық зерттеулердің нәтижелері;</li><li style="text-align:justify;">өндірістік тиісті практика (GMP) халықаралық стандарттарына сәйкестігі;</li><li style="text-align:justify;">тіркеуден кейінгі қауіпсіздік мониторингінің деректері.</li></ul><blockquote>“Вакциналар "балаларда ауру туындатады" деген мәлімдемелердің ешқандай ғылыми дәлелі жоқ және көпжылдық халықаралық бақылау деректеріне қайшы келеді. Керісінше, вакцинация қауіпті жұқпалы аурулардан болатын сырқаттанушылық пен өлім-жітімді едәуір төмендетуге, мыңдаған ауыр асқынулар мен өлім жағдайларының алдын алуға мүмкіндік берді. Соңғы 34 жылда Ұлттық иммундау саясатының арқасында эпидемиялық паротитпен сырқаттану деңгейі 100 еседен астамға төмендеді (1990 жылғы 12 194 жағдайдан 2024 жылы 118 жағдайға дейін), вирусты А гепатиті 32 еседен аса (1990 жылғы 73 962 жағдайдан 2024 жылы 2 289 жағдайға дейін), ал вирусты В гепатиті 92 есеге (1990 жылғы 5 287 жағдайдан 2024 жылы 57 жағдайға дейін) азайды”, – делінген хабарламада.</blockquote>Вакцинацияның арқасында балалар арасында қызылшамен сырқаттану 90%-дан астамға, қызамық пен паротит 95%-ға төмендеді. Полиомиелит 1996 жылдан, дифтерия 2009 жылдан бері тіркелмеген. Бұл деректер ұлттық иммундау бағдарламасының тиімділігін айқын дәлелдейді.Министрлік медициналық білімі мен тиісті кәсіби құзыреті жоқ тұлғалардың мұндай мәлімдемелерді таратуы ата-аналардың денсаулық сақтау жүйесіне деген сенімді әлсірететінін және балалардың денсаулығына нақты қауіп төндіруі мүмкін екенін атап көрсетеді.<blockquote>“Қазақстанда фармакологиялық қадағалау және жағымсыз реакцияларды мониторингтеу жүйесі жұмыс істейді. Оның аясында әрбір тіркелген жағымсыз жағдай мамандар тарапынан мұқият талданады. Қауіп анықталған жағдайда қолданыстағы заңнамаға сәйкес жедел шаралар қабылданады. Қазақстан Республикасы Денсаулық сақтау министрлігі азаматтарды тек ресми ақпарат көздеріне, дәрігерлердің ұсынымдарына және дәлелді медицина деректеріне сенуге, сондай-ақ балалардың денсаулығына жауапкершілікпен қарауға шақырады. Сондай-ақ, жалған ақпарат таратқаны үшін әкімшілік және қылмыстық жауапкершілік көзделгенін еске саламыз”, – деп қосты министрліктің баспасөз қызметі.&nbsp;</blockquote>Фото: pixabay.com

Денсаулық сақтау министрлігі балаларда" ауру тудыратын арзан вакциналар" туралы ақпаратты жоққа шығарды

<a href="https://kyzylorda-news.kz/">Kyzylorda-news.kz</a> Жаңа жыл – үміт пен жаңару кезеңі. Алайда мерекелік көңіл күйге қарамастан, ауруханаларда ем алып жатқан науқастар үшін бұл күндер де қалыпты жұмыс ырғағында өтеді. Күрделі операциялар, шұғыл жағдайлар, босану бөлімшелері, онкологиялық және қан ауруларымен күресіп жатқан адамдар – олардың барлығы донорлық қанға тәуелді. Сондықтан Жаңа жыл қарсаңында Қан орталықтарында донорға деген сұраныс айтарлықтай артады, деп хабарлайды BAQ.KZ тілшісі.Неліктен мереке алдында қан аса қажет?Әдетте мереке күндері жол-көлік оқиғаларының, тұрмыстық жарақаттардың саны көбейеді. Сонымен қатар жоспарлы және шұғыл операциялар тоқтамайды. Ал донорлар саны, керісінше, азаяды: біреулер демалысқа кетеді, енді бірі мерекелік қарбаластан уақыт таба алмайды. Нәтижесінде қан қоры азайып, кейбір науқастар үшін қауіп төнуі мүмкін.Медицина мамандарының айтуынша, қан – жасанды жолмен өндірілмейтін, тек адамнан адамға ғана берілетін ерекше ресурс. Бір донор берген қан үш адамға дейін өмір сыйлауы мүмкін: эритроциттер, плазма және тромбоциттер бөлек қолданылып, әртүрлі науқасқа көмектеседі.<blockquote>Мереке күндері, әсіресе Жаңа жыл қарсаңында донорлық қанға деген қажеттілік айтарлықтай артады. Бұл кезеңде шұғыл операциялар, босану жағдайлары, жол-көлік оқиғалары мен тұрмыстық жарақаттар азаймайды. Ал донорлар саны, керісінше, төмендейді. Сондықтан дәл осындай күндері әрбір донордың көмегі ерекше маңызды, - деп түсіндірді лордадағы "Трансфузиология ғылыми-өндірістік орталығы" ШЖҚ РМК Донорлар кадрларын жинақтау бөлімінің меңгерушісі, дәрігер-трансфузиолог-терапевт Әйгерім Сағамбаева.</blockquote>Мәлімдеуінше, мереке күндері тұрғындарда демалыс болғанымен, Қан орталығы жұмысын тоқтатпайды.<blockquote>Осыған байланысты елордадағы Қан орталығы жаңа жыл мерекесі күндері де демалыссыз жұмыс істейді. Біз азаматтарды мерекелік қарбаласқа қарамастан, уақыт тауып, донор болуға шақырамыз. Қан – баламасы жоқ биологиялық ресурс, оны тек адамнан ғана алуға болады. Бір донордың тапсырған қаны бірнеше науқастың өмірін сақтап қалуы мүмкін. Бұл – өзгеге өмір сыйлайтын ең ізгі әрі жауапты қадам, – дейді дәрігер.</blockquote>Донор болу кімдерге қолжетімді?Қан тапсыру үшін 18 жасқа толған, салмағы 50 келіден асатын, денсаулығы жақсы кез келген азамат донор бола алады. Донор болуға ниет білдірген әр адам алдымен медициналық тексеруден өтеді: қан қысымы, гемоглобин деңгейі, жалпы жағдайы бағаланады. Барлық процедуралар қауіпсіз әрі тегін жүргізіледі.Донорлық – тек көмек емес, денсаулыққа да пайдалыМамандар донорлықтың адамның өзіне де пайдасы бар екенін айтады. Қан тапсыру ағзаны жаңартып, қан түзу жүйесінің жұмысын белсендендіреді. Сонымен қатар тұрақты донорлар өз денсаулығын жиі тексертіп, аурулардың алдын алу мүмкіндігіне ие болады.Ең бастысы – донор болу адамға рухани қанағат сыйлайды. Бір бөтен адамның өміріне үміт сыйлағаныңды сезіну – өлшеусіз бақыт.Жаңа жылдық сыйлықтың ең құндысыҚымбат сыйлықтар мен мерекелік дастарханнан бөлек, жаңа жыл қарсаңында жасалатын ең ізгі іс – донор болу. Бұл – материалдық емес, бірақ адам өмірімен өлшенетін баға жетпес сый. Қан орталықтары дәл осы күндері барлық бейжай қарамайтын азаматтарды донор болуға шақырады.Фото: Нұрболат Нұржаубай

Дәрігер: Жаңа жыл қарсаңында донорлық қанға сұраныс күрт артты

<a href="https://kyzylorda-news.kz/">Kyzylorda-news.kz</a> 2026 жылғы қаңтардан бастап медициналық көмектің бірыңғай пакетіне кезең-кезеңімен көшу басталады, ол:қызметтердің қайталануын қоспағанда, ТМККК мен МӘМС-ті нақты ажырату;аурулардың ерте профилактикасының қолжетімділігін арттыру;әлеуметтік мәні бар ауруларды ерте анықтау бойынша кепілдіктерді кеңейту;ресурстарды қайта бөлудің есебінен жүйенің қаржылық тұрақтылығы;денсаулық сақтаудың толыққанды сақтандыру моделіне жақындау.Медициналық көмектің бірыңғай пакеті шеңберінде онкологиялық ауруларды, артериялық гипертензияны, жүректің ишемиялық ауруын, глаукоманы және қант диабетін ертерек анықтауға арналған скринингтер МӘМС мәртебесіне қарамастан барлық азаматтарға қолжетімді болады.ТМККК пакетінде онкоскринингтердің жалпыға бірдей қолжетімділігі қатерлі ісіктерді ерте сатыларда уақтылы диагностикалауды және емдеуді қамтамасыз етуге мүмкіндік береді. Жүрек-қан тамырлары ауруларын, глаукоманы және қант диабетін уақтылы анықтау асқынулардың алдын алуға және мүгедектікті азайтуға жағдай жасайды.Фото: freepik

Скринингтер МӘМС жоқ барлық азаматтар үшін қолжетімді

<a href="https://kyzylorda-news.kz/">Kyzylorda-news.kz</a> 2026 жылдан бастап МӘМС жүйесі жергілікті бюджеттер қаражаты есебінен қосымша әлеуметтік әл-ауқатының дағдарысты және шұғыл деңгейі бар (Д және Е санаттары) шамамен 1 млн азаматты қамтитын болады. Бұл ел халқының тағы 5%-ы үшін жоспарлы медициналық көмекке қол жеткізуді қамтамасыз етеді.Бұрын хабарланғандай, азаматтардың осы санаттары үшін жарналарды жергілікті атқарушы органдар медициналық көмекке жүгіну фактісі бойынша төлейтін болады. Сондай-ақ, жергілікті бюджеттерге ресми тіркелген жұмыссыздар үшін жарналарды төлеу бойынша шығыстар жүктеледі (қазір мемлекет республикалық бюджеттен жұмыссыздар үшін жарналар төлейді).

Медициналық сақтандырумен +1 млн әлеуметтік осал азаматтарды қамтуды кеңейту

<a href="https://kyzylorda-news.kz/">Kyzylorda-news.kz</a> «Әлеуметтік медициналық сактандыру қоры» КЕАҚ Қызылорда облысы бойынша филиалында Сыбайлас жемқорлықтың қоғам өмірінің түрлі салаларына тигізетін кері әсері, оның салдары, сондай-ақ сыбайлас жемкорлықпен байланысты құқық бұзушылықтардың алдын алу және оған қарсы іс-қимыл, сыбайлас жемқорлыққа қарсы мәдениетті насихаттау мәселелері талқыланды.Филиалдың заңгері Олжас&nbsp;Шаманың сыбайлас жемкорлықпен байланысты құқық бұзушылықтардың алдын алу және оған қарсы іс-қимыл, сыбайлас жемқорлыққа қарсы мәдениетті насихаттау мәселелері және корпоративтік этика жөніндегі баяндамасы тындалды. Сондай-ақ, сыбайлас жемқорлыққа қарсы тестілеуде келтірілген мысалдар негізінде практикалық жағдайлар, қатысушылар мүдделер қақтығысы, лауазымдық өкілеттіктерді теріс пайдалану, сондай-ақ әкімшілік немесе қылмыстық құқық бұзушылық белгілері бар іс-әрекеттер бойынша нақты мысалдарды заңнама тұрғысынан талқылады.Сонымен қатар, Филиал қызметкерлерімен сыйлықтар, заңсыз ақшалай, материалдық сыйақы алу және беру фактілеріне және заңдарда көзделмеген басқа да игіліктер мен артықшылықтар алу фактілеріне (оның ішінде үшінші тұлғалар тарапынан ықтимал арандатушылық әрекеттерге) жол бермеуге, қызмет барысында, жеке тұлғалармен немесе медициналық мекемелердің өкілдерімен тілдесу барысында өзін дұрыс ұстап, сыбайлас жемқорлық сипатындағы әрекеттеріне дайын деген ойға алып келетін сөздерге жол бермеу қажеттігі түсіндірілді.

«Сыбайлас жемқорлыққа қарсы іс-қимыл шаралары» талқыланды

<a href="https://kyzylorda-news.kz/">Kyzylorda-news.kz</a> 2026 жылдан бастап Қазақстанда денсаулық сақтау жүйесінде тегін медициналық кепілдендірілген көмек көлемі мен міндетті әлеуметтік медициналық сақтандыруға қатысты ауқымды өзгерістер күшіне енеді. Бұл туралы Өңірлік коммуникациялар қызметінің баспасөз алаңында облыстық денсаулық сақтау басқармасының басшысы Олжас Искаков пен «Әлеуметтік медициналық сақтандыру қоры» КеАҚ Қызылорда облысы бойынша филиалының директоры Жақсылық Абдусаметов баяндады.<blockquote>"Жаңа өзгерістер Мемлекет басшысының Жолдауында берілген тапсырмаларға сәйкес медициналық көмектің бірыңғай пакетін қалыптастыруға бағытталған. Басты мақсат азаматтардың сақтандыру мәртебесіне қарамастан әлеуметтік маңызы бар аурулар бойынша медициналық көмектің қолжетімділігін арттыру және МӘМС жүйесінің қаржылық тұрақтылығын қамтамасыз ету", – деді облыстық денсаулық сақтау басқармасының басшысы Олжас Искаков.</blockquote>Қызылорда облысында бүгінгі таңда 818 мыңнан астам адам тіркелсе, олардың 83,6 пайызы сақтандырылған. Ал сақтандыру мәртебесі жоқ азаматтарды қамту үшін жаңа тетіктер енгізілмек.<blockquote>"Енді дағдарыстық және шұғыл жағдайдағы әлеуметтік осал азаматтардың, сондай-ақ ресми жұмыссыздардың МӘМС жарналары жергілікті бюджет есебінен төленеді. Бұл сақтандырылмағандар санын айтарлықтай азайтады", – деді филиал директоры Жақсылық Абдусаметов.</blockquote>Сонымен қатар, кемінде бес жыл қатарынан жарна төлеген азаматтар уақытша төлем тоқтаған жағдайда алты айға дейін сақтандырылған мәртебесін сақтай алады. Бұл норма жұмысынан айырылған азаматтарға медициналық көмекті үздіксіз алуға мүмкіндік береді.2026 жылдан бастап онкологиялық аурулар, инфаркт, инсульт, вирустық гепатиттер секілді бірқатар әлеуметтік маңызы бар дерттер бойынша диагностика мен скринингтер сақтандыру мәртебесіне қарамастан тегін жүргізіледі. Ал қант диабеті мен жүрек-қан тамырлары аурулары сияқты созылмалы сырқаттарды емдеу толықтай МӘМС пакетіне ауыстырылады.<img src="https://knadmin.beoblood.kz/uploads/603869577_2486111638451000_3866245832591395122_n_a3f999f557.jpg" alt="603869577_2486111638451000_3866245832591395122_n.jpg"><blockquote>"МӘМС жүйесі азаматтарды миллиондаған теңгеге жететін емдеу шығындарынан қорғайды. Ай сайынғы салыстырмалы түрде аз жарна арқылы тұрғындар медициналық көмектің толық пакетін ала алады", – деп түйіндеді филиал директоры.</blockquote>Спикерлердің айтуынша, МӘМС жүйесіндегі мәртебені уақытылы рәсімдеп, тұрақты сақтап отыру әр азаматтың денсаулығы мен әлеуметтік қауіпсіздігін қамтамасыз етудің тиімді жолы.Фото: freepik.com

МӘМС: Жаңа жылдағы өзгерістер халыққа қандай мүмкіндік береді? 

<a href="https://kyzylorda-news.kz/">Kyzylorda-news.kz</a> 2026 жылға арналған ең төменгі жалақы мөлшері бұрынғы деңгейде бекітілгендіктен, негізгі санаттар бойынша МӘМС-ке төленетін жарналардың мөлшері сақталады. Алайда заңға енгізілген түзетулерге байланысты өзгерістер бар. Бұл туралы Әлеуметтік медициналық сақтандыру қорында түсіндірді.Жарна өсімі – тек мемлекеттік төлемдерге қатысты2025 жылғы шілде айында Мемлекет басшысы МӘМС және медициналық қызметтер көрсету сұрақтары бойынша өзгерістер мен толықтырулар енгізу туралы заңға қол қойды. Оның бір бөлігі денсаулық сақтау жүйесінің қаржылық тұрақтылығын қамтамасыз етуге бағытталған – мемлекет, жұмыс берушілер және азаматтардың ортақ ынымақтастық жауапкершілігін арттыру арқылы.&nbsp; &nbsp; &nbsp; &nbsp; &nbsp;Осы мақсатта әлеуметтік осал санаттағы халық үшін (олардың саны 11 миллионнан асады) мемлекет төлейтін жарналарды кезең-кезеңімен арттыру көзделген: 2027 жылы – 2,2%-дан бастап, 2037 жылға қарай – 4,7%-ға дейін. Қазіргі уақытта мемлекет жарналарының мөлшерлемесі есептеу объектісінің 2%-ын құрайды және бұл мөлшерлеме 2026 жылы да сақталады.Айта кетерлігі, бұл өзгеріс жеңілдік санатындағы азаматтардың өздеріне еш әсер етпейді. Олар бұрынғыдай автоматты түрде сақтандырылған болып қала береді, себебі жарналарды мемлекет төлейді.Жоғарғы шектің өзгеруі нені білдіреді?Денсаулық сақтау жүйесінің тұрақтылығын қамтамасыз ету мақсатында 2026 жылғы 1 қаңтардан бастап қызметкерлердің жарналары мен жұмыс берушілердің аударымдарын есептеу үшін қолданылатын табыстың жоғарғы шегін арттыру енгізілді.&nbsp;Ал пайыздық мөлшерлемелер өзгеріссіз қалады.Қазір &nbsp;аударымдардың ең жоғары мөлшері 25 500 теңгені құрайды (10 ең төменгі жалақы мөлшеріндегі шекті табыстың 3%). 2025 жылы жарнаның ең жоғары мөлшері – 17 000 теңге (10 ЕТЖ-ның 2%-ы).&nbsp; &nbsp; Енді жұмыс берушілер жарналарды 40 ЕТЖ-дан аспайтын табыстан, ал қызметкерлер 20 ЕТЖ-ға дейінгі табыстан төлейтін болады (бастапқыда екі төлем бойынша да шекті 50 АЕК-ке дейін арттыру ұсынылған, алайда заң жобасын талқылау барысында олар төмендетілді).Демек, бұған дейін айлық табысы 850 мың теңгеден асатын қызметкерлер (1–2 млн теңге және одан жоғары табыс алатындар) 17 000 теңгеден артық жарна төлемейтін. Себебі есептеу базасына шектеу қолданылатын. Бұл белгіленген мөлшерлемеге пропорционалды түрде аз болып, айлығы 850 мың теңгеден төмен және жалақысының дәл 2%-ын төлейтін қызметкерлерге қатысты әділетсіз еді.Өзгерістерден кейін қызметкердің ең жоғары жарнасы – 34 000 теңге (1,7 млн теңгенің, яғни 20 ЕТЖ-ның 2%-ы), жұмыс берушінің ең жоғары аударымы – 102 000 теңге (3,4 млн теңгенің, яғни 40 ЕТЖ-ның 3%-ы) болады.Айта кету керек, бұл өзгеріс ай сайынғы табысы 850 мың теңгеден асатын жалдамалы қызметкерлердің небәрі 9%-ына ғана әсер етеді. Ал айлығы 3,4 млн теңгеден асатын қызметкерлер саны – бар болғаны 20 мың адам (0,3%). Қалған 91% жұмыс істейтін азаматтар үшін ештеңе өзгермейді.Қалған төлеушілер үшін жарна мөлшерлемелеріБірыңғай төлем төлеушілер&nbsp; &nbsp; &nbsp; &nbsp; &nbsp;Бірыңғай төлемді жеке кәсіпкерлер мен заңды тұлғалар өз қызметкерлері үшін төлейді.&nbsp;Ол жеке табыс салығын, жұмыс беруші мен қызметкердің міндетті зейнетақы жарналарын, әлеуметтік аударымдарды, сондай-ақ МӘМС бойынша жарналар мен аударымдарды қамтиды.2026 жылғы 1 қаңтардан бастап бірыңғай төлем мөлшері есептелген табыстың 24,8%-ын құрайды.Жеке кәсіпкерлер, шаруа қожалықтарының иелері және жеке практикамен айналысатын тұлғаларБұл санаттар МӘМС-ке 1,4 ЕТЖ-ның 5%-ы мөлшерінде жарна төлейді. 2026 жылы ең төменгі жалақы мөлшері өзгермегендіктен, МӘМС жарнасы да бұрынғыдай – айына 5 950 теңге болып қалады. Бұл табыс деңгейіне қарамастан төленетін тұрақты жарна.&nbsp; &nbsp; &nbsp; &nbsp; &nbsp;Айта кету керек, егер жеке кәсіпкер бір мезгілде басқа ұйымның жалдамалы қызметкері болып, ол үшін МӘМС төлемдері аударылып тұрса да, жеке кәсіпкер ретінде өзі үшін жарна төлеуден босатылмайды. Тек қызметін ресми түрде тоқтатқан немесе әрекетсіз деп танылған жеке кәсіпкерлер ғана жарна төлеуді тоқтатады.Дербес төлеушілер&nbsp; &nbsp; &nbsp; &nbsp; &nbsp;Дербес төлеушілер санатына тұрақты жұмысы жоқ және жеңілдік санаттарына кірмейтін азаматтар жатады.&nbsp; &nbsp; &nbsp; &nbsp; &nbsp;2026 жылы олар үшін МӘМС бойынша ай сайынғы жарна мөлшері 1 ЕТЖ-ның 5%-ын құрайды, яғни 4 250 теңге.&nbsp; &nbsp; &nbsp; &nbsp; &nbsp;Сақтандырылған мәртебесін алу үшін олардың өткен немесе алдағы 12 ай қатарынан төлемдері болуы тиіс. Жарналарды әр айға жеке-жеке төлеу қажет.

Қазақстан және Қызылорда облысының жаңалықтары: Денсаулық