<a href="https://kyzylorda-news.kz/">Kyzylorda-news.kz</a>&nbsp; Алматы тұрғыны Damumed қосымшасында өзінің есірткіге тәуелділер тізімінде тұрғанын байқап&nbsp;қалған.&nbsp;Бұл туралы&nbsp;<a href="https://stan.kz/almatilik-ayeldi-damumed-te-esirtkige-taueldi-dep-otiri-401587/">Stan.kz&nbsp;</a>ақпарат агенттігі&nbsp;хабарлайды.Мадина перзентханадан шыққанын растайтын құжатты алу&nbsp;үшін Damumed қосымшасын жүктеп алған. Сонда 2019 жылы ол әлеуметтік қызметкерге жүгініп, есірткіге тәуелді болған деп жазған. Қабылдау қағазында науқастың нашақор екені көрсетілген. &nbsp;Онымен психокоррекциялық әңгіме жүргізілді деп жазып беріпті. Бірақ әйел оған бармаған.<blockquote>"Қалай мұндайға баруға болады, сонда қандай да бір есеп беру үшін бе? Мен үшін мұны көру өте ауыр болды, түнімен ұйықтай алмадым. Неге біздің елде адамның құқығы мен деректері қорғалмайтыны алаңдатты.&nbsp;Кез келген медицина қызметкері кіріп, мұны көре алады. Мені тағы бір жерге тіркеп қоймады деп үміттенемін", –&nbsp;деді Мадина.</blockquote>Ол eGov-тан нарколог немесе психиатрда есепте тұрмағаны туралы анықтама сұратып, адвокаттарға жүгінген. Ал №17 қалалық емхана бұл жағдайға сараптама жүргізетінін хабарлады.<blockquote>"Емхананың пациенттерді қолдау қызметі егжей-тегжейлерді анықтау және одан әрі өзара әрекеттесу үшін өтініш берушіге хабарласты. &nbsp;Қазақстан Республикасының "Халық денсаулығы және денсаулық сақтау жүйесі туралы" Кодексінің 273-бабына сәйкес "Медицина қызметкерінің құпиялығы" бойынша барлық ақпарат пен талдау нәтижелері өтініш берушіге жеке беріледі", –&nbsp;деп мәлімдеді аурухана әкімшілігі. &nbsp;</blockquote>Фото: Stan.kz

Алматылық әйелді Damumed-те "есірткіге тәуелді" деп өтірік тіркеген

<a href="https://kyzylorda-news.kz/">Kyzylorda-news.kz</a> Ел дамуы динамикасы жергілікті халықтың өсімі мен көрсеткіштері көріністерімен өлшенеді. Денсаулық сақтаудың тиімді жүйесі адами капиталды дамытудың негізгі құрамдас бөлігі болып табылады. Қазақстан халқының санының, азаматтардың өмір сүру ұзақтығының ұзаруы медициналық-демографиялық ахуалдың жақсарумен байланысты. Денсаулық сақтау саласындағы кластерлік әдісті қолданудың перспективаларын арттырып, жаңашылдыққа бой ұрған іргелі ұжым Қазалы аудандық көпбейінді орталық ауруханасы.Бұған дейін тек, облыс орталықтарында ғана болған санаулы емдеу мекемесінің аудан орталығынан бой көтеруі денсаулық саласына бөлінген оң көзқарас, ел әлеуетінің көрінісі. Ауданның – 54932 адамына жауапты орында Қазалыдан өзге көршілес Байқоңыр қаласы, Арал, Қармақшы ауданы тұрғындарына қызмет көрсетіледі. Озық үлгідегі медициналық-диагностикалық құрал-жабдықтар, керек-жарақтармен қамтылған орында 161 жоғары білдімді дәрігер, 770 орта буын қызметкерлер еңбек етеді. Олардың қатарындағы – Денсаулық сақтау саласының үздігі Көбек Наршабай, Бақытгүл Әлішева, Ғалымбек Баймаханов, Серік Айбасов, «Денсаулық сақтау саласына қоқан үлесі үшін төсбелгісінің иегері Раушан Қауовалар бар. Сондай-ақ, өзі жоғары санатты дәрігерлер: акушер-гинеколог Айгүл Медетбаева, интервенционды кардиолог, жүрек ақауларына ота жасаудан облыс көлеміндегі санаулы дәрігердің бірі – Кенесары Баспаев, кардиолог Ләззат Жұбанова, невропатолог Гүлмария Дәрменова, Жаңыл Барақбаева, реаниматолог Асылбек Жиенбаев, акушер-гинеколог Сәуле Құтекеевалар тәжірибесі толысқан мамандар.Ауруханада анестезиология және реанимация, терапия, хирургия, гинекология, ақылы емдеу, кардиология, перзентхана, оңалту, балалар бөлімдері бар. 238 төсекті орын тәулігіне – 250 тексерілуші қабылдауға қауқарлы. Ауруханаға қарасты емхана терепевт, педиатор, тар сала мамандары: кардиолог, невропотолог, окулист, лор, маммолог, эндикринолог, проктолог, уролог, фтизиатр, стоматолог, балалар невропотологы, нарколог, психиатр, рентгенолог, гинеколог мамандармен қамтылған.Инфрақұрылым игілігін көрген аудан тұрғындары қосымша жаңа аудандық емхана, 17 дәрігерлік амбулатория, 5 фельдшерлі-акушерлік пункт, 14 фельдшерлік бекет мекемелер игілігін көруде.Шалғайдағылар да шет қалмайды. Өткен жылы «Қазақстан халқы» қорынан жылжымалы медициналық кешенге қол жеткізген. Құрамында рентген, УДЗ, көз, құлақ қуысы, қан қысымын өлшейтін аппараттар бар мамандар кесте бойынша аралап, алыстағы ағайынның ахуалын аңдайды.Осы жылы денсаулық сақтау басқармасының бастамасымен облыстық онкологиялық орталықтан келген әмбебап медициналық кешеннің де көмегі көп болған. Құрамында жапондық жаңа құрылғы компьютерлік тамограф, ультра дыбыстық тексеру аппараттары онкологиялық қатерлі ісікті ерте сатысында анықтау.Барлық баланы профилактикалық медициналық тексеруден өткізу жұмыстары жүйелі жүргізілуде. Аудандағы барлық 37 мектеп медициналық кабинеттермен жабдықталған.Қазір омырау обыры жасарып келеді. Бұл бағытта маммолог маман жасаған тұжырымдама мен оқылымды облыстық мамандар да оқып, науқастың жағдайын жақсаруға бірлесе әрекет жасайды.Егу жұмыстары басқа аудандарға қарғанда жақсы деңгейде.Медицинада тәулік бойынша емдеуден, күндізгі стационармен қамту қамтамасыз етілген.Былтыр Бозкөл, Кәукей, Абай елді мекендерде жаңа дәрігерлік амбулаториялар халық қажеттілігіне ұсынылған.Бірыңғай ұлттық денсаулық сақтау жүйесін енгізу арқылы бұрын тек үлкен қалаларда жасалатын күрделі операцияларды жасауға қол жеткізген. Ангиограф аппараты 2017 жылы республика бойынша аудандар ішінде алғашқы болып алып, жүрек-қан тамырлары жағдайын анықтап, ота жасау жолға қойылған.Материалдық-техникалық жабдықтармен бірге, көлікпен қамтамасыз ету мәселелерін шешу көптеген маңыздылығы тудырса, биыл соны шешуге жиырма жаңа көлік алу жоспарланған.Жүйелі жұмыс толық құрам арқылы жүзе асады. Емдеу орындарында мамандар тапшылығы жоқ.Бүгінде ел бойынша денсаулық сақтау саласын одан әрі жаңғырту, медициналық қызмет пен дәрі-дәрмектердің сапасын жақсарту және олардың халыққа қол жетімді болуын қамтамасыз ету, сондай-ақ, жүйені цифрландыруға ерекше маңыз беріліп отыр.Тегін дәрі-дәрмек қамтамасыз етуде қиындық жоқКез-келген жағдайда науқастың жағдайын жақсартуға телемедицина және қашықтан мониторинг жасау сынды сандық технологиялар мүмкіндігін пайдалану жолға қойылған.Қағазбастылықтан арылған мамандар санды жүйеде жүйелілікке жол ашып, уақыт үнемдеуге мүмкіндік тудырғанын айтуда.Алғашқы медициналық көмек көрсету қашан да маңызды. Қызмет түрі азаматтардың тұрғылықты жеріне қарамастан, бәріне қолжетімді.Аурудың алдын алатын аппараттар өмір сүру деңгейін жақсартадыЕмханадағы заманауи офтальмолог жарықшақ шамы көз жанары жағдайын терең тексеруге мүмкіндік берген. Сыртқы тексеру кезінде көз бөліктеріне биомикроскопиялық зерттеулер жүргізіп, күшті оптикалық үлкейту арқылы тірі тіндерін тексереді. Жарық шамды тексеру әсіресе, контактілі линзаларды үнемі қолданатын адамдар үшін маңызды.Жүрек-қантамыр аурулары Қазақстандағы өлім-жітім себептерінің көшін бастап келеді. Міндетті әлеуметтік медициналық сақтандыру жүйесінде осы аурулардың алдын алу мен емдеуге көп көңіл бөлінеді. Құнды оталарды Қазалы көпсалалы орталық аудандық ауруханасының мамандары қазір ауданда жасайды. Жаңа ангиограф аппараты кез келген тамырдың үш өлшемді көрінісін көрсете алады. Бұл инсульттің алдын алуда маңызды. Қан тамырларын жақыннан көріп, аяқ тамырларының ақауын анықтайды.Мұндағы рентген-эндоваскулярлық бөлімшесінде ай сайын – 50-60 ота жасалады. Өткен жылы – 523 отаға жүгінгендердің – 315-і аудандық азаматтар болса, өзгелері Арал, Қармақшы, Байқоңыр, Қызылорда Төретам, Астана, Ақтөбеден келген. 2024 жылы – 281 ота өткен. Емделушілер қатарында – Тараз, Ақтөбе, Астаналықтар да бар.Дәрігерлер алда жамбастың варикозды кеңеюіне, аденома және жатыр миомасына оталарды енгізуді жоспарлауда.Аурухананың терапия бөлімі құрамындағы нейроинсульт бөлімшесі 2022 жылы ашылған. Тұрғындар арасында көптеп кездесетін жүрек қан тамыры ауруларын анықтап, алдын алу мақсатында жиырма орынға лайықтап, ашылған бөлімшеде невропотолог дәрігер Гүлмария Дәрменова түрлі ем-шаралар жүргізеді. Церебральды ангиограф аппаратымен жасалған ота қызметіне жүгінетіндер көбін білдік. Коронография әдісімен аяқ шабы арқылы арнайы дәрілік сұйықтық жіберіліп, бас тамырларын бақылайтын мүмкіндігі тұрғындардың денсаулығын түзеуге септігін тигізуде.Ауру ахуалын ерте анықтап, жоғары технологиялық оталар жасауға мүмкіндік беретін ангиографтың арқасында инфаркт, инсульттің алғашқы белгілерінен айыққандар алғысына бөленген рентгенэндоваскулярлық бөлімшесінен көршілес аудандар тұрғындары үзілмейді.<blockquote>– Байқоңыр қаласының тұрғынымын. 2019 жылдан бері жаңа аппаратпен ота жасалғанын естідім. Бұрын Астанаға сабылатынбыз. Қазір келгелі жақсымын, – дейді Омар Әлімбай.</blockquote>Осы жылы аурухана базасында жетпіс орындық перинаталдық бөлім ашылып, бағасы – 646 миллион теңге тұратын МРТ аппараты іске қосылған.Аурухана құрылымындағы жаңа құрылғының бірі ауыз қуысының ақаулары мен тіс ауруларының салдарын тексеретін рентгендік сандық панорамалық аппараты. Оңтүстік Кореяның «Vatech» компаниясының өнімі тіс түбіріндегі асқыну мен салқын тию әсерінен пайда болған ісіну, тістің өзге де, ақауларын анық, нақты көрсете алады. Құрылғыға түсіру қызметі ешқандай жас ерекшелігі мен денсаулық жағдайын таңдамайды. Медициналық-санитарлық көмекті модернизациялау мен дамыту мен медициналық оңалту жұмыстарын жандандыруға үнемі көңіл бөлінетін емдеу орны алдағы уақытта да жаңа жабдықтармен қамтылмақ.Қазалы аудандық көпбейінді орталық аурухананың кардиология бөлімінің меңгерушісі Ләззат Жұбанованың айтуынша, қолданыстағы міндетті әлеуметтік медициналық сақтандыру жүйесі арқылы мүмкіндіктерге мол жол ашылған.<blockquote>– Есептеп қарасаңыз, коронарографияның құны бір науқасқа 500 мың теңге. Ал стентирование салған болса 2 миллион теңге кетеді. Егер науқас порталмен бір күннің ішінде жиырмаға дейін науқас түссе, олардың – 6-7-сі стенттеуден өтеді. Оларды өздері төлесе, қолжетімсіз. МӘМС мүмкіндіктерін пайдалану тиімді, – дейді Қазалы аудандық көпбейінді орталық аурухананың кардиология бөлімінің меңгерушісі Ләззат Жұбанова.</blockquote>2023 жылы скринингтік бақылаудан – 12204 адам өтсе, олардан – 1026 ауру белгілері табылған. 2024 жылдың 5 айында – 8842 жергілікті жан тегін тексеру мүмкіндігін пайдаланған. Жыл ішінде – 972 науқас анықталып, сауықтырылған.<blockquote>«Біздің алдымызда тіркелген емделушілерге білікті және мамандандырылған медициналық жәрдем көрсету, аурухананың материалдық-техникалық базасын нығайту, қызметтің тиімді жүйесін арттыру арқылы тіркелген тұлғалардың денсаулығын жақсарту міндеті тұр», – дейді Қазалы аудандық көпбейінді орталық аурухананың бас дәрігері Бақытгүл Әлішева.</blockquote>Денсаулық – әлеуметтік игіліктің жиынтығы. Ұлт саулығы – мемлекеттің басты байлығы пікірін ұстаным еткен ұжым алдағы уақытта да, ауруды анықтау, олардың алу қағидаттарын одан әрі ілгерілету, медициналық-санитарлық алғашқы көмекті дамыту жөніндегі бірлескен ұсынымдарды дамытуға күш жұмылдырмақ.

Қазалы: Тегін дәрі-дәрмекпен қамтамасыз етуде қиындық жоқ

<a href="https://kyzylorda-news.kz/">Kyzylorda-news.kz</a> &nbsp;Премьер-министр Олжас Бектеновтің төрағалығымен өткен Үкімет отырысында Мемлекет басшысының тапсырмасына сәйкес әзірленген «Денсаулық сақтау инфрақұрылымын дамытудың 2024-2030 жылдарға арналған тұжырымдамасы» қаралды. Ұзақ мерзімді тұжырымдамаға жаңа нысандар салу, ескірген ғимараттарды қайта жаңғырту, заманауи медициналық құрылғылармен жабдықтау мәселелері енгізілген.Үкімет отырысынан кейінгі арнайы мәжілісте облыс әкімі Нұрлыбек Нәлібаев денсаулық сақтау саласының инфрақұрылымын жетілдіруде қолға алынған, жоспарланған жұмыстарға тоқталды.<blockquote>«Қазір аймақта тұрғындардың медициналық қызметке қолжетімділігін арттыру, сала инфрақұрылымын жетілдіру кешенді жүргізілуде. Өткен жылы «Ауылдық денсаулық сақтауды жаңғырту» ұлттық жобасы аясында елді мекендерде 15 жаңа дәрігерлік амбулатория, 1 медициналық бекет пайдалануға берілді. Қалған 11 нысанның құрылысы жыл соңына дейін аяқталып, ел игілігіне табысталады. Жақын күндері ұлттық жоба аясында Шиелі ауданында 30 төсектік инфекциялық бөлімше құрылысы басталады. Барлық елді мекендердегі денсаулық сақтау ұйымдарына 200 санитарлық автокөлік алынуда. Осы кезге дейін облыстық Қан орталығының жеке ғимараты болмаған. Медицина қызметкерлері күні қарсаңында сол жағалаудағы жаңа Қан орталығын пайдалануға беріп, медицина ұйымдарына 50 санитарлық автокөлік табыстаймыз», – деді аймақ басшысы.</blockquote>Нұрлыбек Машбекұлы жауапты мекеме басшыларына құрылысы қолға алынған, қайта жаңғыртудан, күрделі жөндеуден өтетін нысандардағы жұмыс сапасы мен мерзімін қатаң бақылауды тапсырды. Нысандар ең алдымен халыққа ыңғайлы, жайлы болуы тиіс. Мұнан бөлек, облыстық денсаулық сақтау басқармасының басшысына жаңадан пайдалануға берілетін мекемелерді заманауи, қажетті құрылғылармен толық қамтамасыз ету тапсырылды.Еске салсақ, «Ауыл – ел бесігі» бағдарламасы шеңберінде Қызылорда қаласының Досан ауылында жаңа медициналық бекет, Баймұрат батыр ауылында жаңа дәрігерлік амбулатория пайдалануға берілді. Көпбейінді облыстық аурухана базасында жаңа МРТ аппараты іске қосылып, 70 орындық перинаталдық бөлім ашылды. Жергілікті бюджет есебінен Жаңақорған ауданының Төменарық ауылында дәрігерлік амбулаториясымен қоса 15 төсектік ауылдық аурухана құрылысы жүргізілуде. Облыс орталығында бір ауысымда 100 келушіге арналған емханасы және онкологиялық бөлімшесі бар 300 орындық көпбейінді аурухананың құрылысы қарқын алды. Биыл 3 млрд. 800 млн. теңгеге 8 медициналық нысанға күрделі жөндеу жүргізіліп, 5 нысанның жылу жүйесі газға ауыстырылады. Сондай-ақ, өткен жылы облыстың денсаулық сақтау ұйымдарына 513 млн. теңгеге 25 жаңа санитарлық автокөлік берілді.

Сыр өңірінде заманауи қан орталығы ел игілігіне табысталмақ

<a href="https://kyzylorda-news.kz/">Kyzylorda-news.kz</a>&nbsp; Ақ халатты абзал жан дегенде өз мамандығына барынша берілген, адамның тәні мен жанын қоса емдейтін білікті дәрігер көз алдыңа келеді. Оның үстіне ол аяулы дәрігер ана деген асыл жандарға қуаныш сыйлап, іңгәлап дүние есігін ашатын нәрестелерді алғаш ыстық алақанымен аялап, ана құшағына ұсынып, ақ жаулықтылардың өміріне жаңалық әкелетін жан болса, ол мамандық иесіне қандай құрмет көрсетсең да жарасымды. Ал біздің бүгінгі кейіпкеріміз Алтынкүл Төлепбергенқызы бүкіл өмірінің шұғылалы сәттерін денсаулық саласының гүлденуіне, ана мен бала саулығына, ұрпақ пен ұлттың көбею жолында тынымсыз еңбек еткен. Білікті дәрігер Қармақшы ауданына қарасты Дауылкөл ауылдық кеңесінде 1951 жылы 5 қазанда дүниеге келген.Әкесі Төлепберген Өмірбаев, анасы Бәтіш Қабылбайқызы Қызылқұм алқабында мал басын көбейтуге атсалысып, мал шаруашылығы саласында ұзақ жылдар бойы абыроймен еңбек еткен. Ата-анасы жемісті еңбектері үшін бірнеше мәрте аудандық кеңес атқару комитетінің мақтау қағаздарымен марапатталған.Осындай өнегелі отбасында дүниеге келген жанның өмір жолына зер салсақ, 1959 жылы Ақжар ауылындағы №28 қазақ орта мектебінің 1-ші сыныбына барып, 1969 жылы Тәйімбет Көмекбаев ауылындағы №185 орта мектепті бітірді. 1 жыл Қуаңдариядағы №186 орта мектепте аға тәлімгер болып жұмыс істейді.Тұлымшағы желбіреген жас қыз онжылдықты бітірісімен бала арманын қанат қылып, өзінің жүрек қалауымен дәрігерлікті таңдаған. Осылайша ол 1970 жылы Ақтөбе қаласындағы медицина институтына түсіп, армандаған мамандығының тереңіне бойлайды. Институт қабырғасында жүріп өзінің жан-жақты белсенділігін көрсетіп, 1976 жылы жоғары оқу орнын ойдағыдай бітіріп, акушер-гинеколог мамандығын алып шығады. Еңбек жолын аудандық емханада дәрігер болып бастап, әйелдер кеңесі, перзентхана, гинекология бөлімдерінің меңгерушісі қызметтерін абыроймен атқарады.<blockquote>–Менің өмір жолымда үнемі жақсылар мен жайсаңдардың жүргеніне шексіз ризамын. Шүкір, жақсы ұстаздар мені еңбек жолымда білмегенімді үйретіп демеді, дәрігерлік мамандықтың құпиясына қанықтырды. Олардың қатарында акушер-гинекологтар Г.Наурызбаева, Б.Қалымбетова, А.Елемесова, А.Төрешбаев, Р.Кәрібаева, Г.Төралиева, хирург Н.Оңайсыновтар бар. Осындай аға буынның үздіксіз тәлім-тәрбиесінің, үздік тәжірибесінің арқасында еңбек жолын аудандық емханада дәрігер болып бастап, әйелдер кеңесі, перзентхана, гинекология бөлімдерінің меңгерушісі қызметтерінде абыройлы еңбек еттім. Бүгінде құрметті еңбек демалысындағы зейнеткермін. Алайда зейнеттемін деп қол қусырып отырмай, өз тәжірибемді жас дәрігерлерге үйретумен келемін, – дейді ол.</blockquote>Иә, осынау өмір тармағында кейбір жандардың пешенесіне осындай жоғары бақ пен биік абырой бұйырады. Бірақ оның бәрі әсте ерен еңбек, жоғары жауапкершілік, өз мамандығына деген құрметпен келеді. Өзі еселі еңбек еткен жылдары ақ халатты мейірімді жан талай нәрестенің кіндік анасы болып, көптің ыстық ықыласы мен батасын алған. Сол аналардың лебізін тыңдау да бір ғанибет!Нұржамал Бектайқызы, Ақжар ауылының әкімі «Алтынкүл дәрігер менің үш баламның кіндік анасы. Ол кісіге алғысым шексіз. Бүгінде 1993 жылы дүниеге келген Нұржан қазір – инженер, 2000 жылғы егіздерім Нұрсұлтан – юрист, Ерсұлтан – экономист. Бұны неге жазып отырмын? Себебі, олардың бойында осы дәрігердей аңқылдаған ақжарқын, жүрегі даладай жанның жылы алақанының, ақжолтай таза пейілінің табы бар деп білемін» десе, дәрігердің шәкірті Әсем Мерекова «Әрбір адамның өзіне тән ғұмыр жолы, тіршілік баяны бар, бірақ еткен еңбек, көрген бейнет, татқан зейнет, алған асу, жеткен биік әркімнің өмірінде әрқилы. Өзінің өнегелі өмір соқпағында сыйластық пен достықтың ұлағатын ұлықтап, үлкенге құрмет, кішіге ізет бола білген жан ол – Алтынкүл Төлепбергенқызы. Менің денсаулық саласындағы ұстазым. Қармақшы ауданының көптеген балаларының кіндік анасы, акушер-гинекологтардың ардақты ұстазы, ақылшы, сыртта жүрсе де акушерлік салаға тілеуші, тілекші. Құлаған жанды жылы сөзімен демей білетін, аналық ақылын айта білетін сондай ақкөңіл, ақжарқын, маған акушер саласының әліппесін үйреткен, қызығушылығымды арттырған, тұлға болуға баулыған ерекше жан. Осынау жылдар ішінде өмірдің талай белесінен табысты өтіп, бүгінде өркен жайған алып бәйтеректей болып, үлкен әулеттің ақылшысы, тілекшісі, алтын діңгегі болып отыр» дейді ол.Иә, «көп тілегі – көл» деген бар ғой. Мұндай алғыс пен батаны қармақшылық аналардың атынан білікті дәрігер, адам жанының арашасысы Алтынкүл Төлепбергенқызы үнемі естіп келеді. Шынында жақсы сөз – жан шырағы, көңіл биігі.Халықтың риясыз көңілінен шыққан ақ батасы қабыл болып, Алтынкүл апамыз бүгінде құрметті еңбек демалысына абыроймен шығып, үлкен әулеттің отанасы, әзиз әжесі болып, жолдасы Ибракім Тасқараев екеуі 4 перзент тәрбиелеп, одан немере сүйіп, ұлағатты ошақтың түтінін түтетіп отыр. Отағасы Ибракім аға болса инженер-гидротехник, эколог, «ҚР Қоршаған ортаны қорғау саласының үздігі», «Қармақшы ауданының Құрметті азаматы».Ел ардақтысы, алтын қолды дәрігер Алтынкүл Төлепбергенқызының медицина саласында ұзақ жылдар еткен еселі еңбегі жоғары бағаланып, ол аудандық, облыстық, республикалық денсаулық сақтау саласының мақтау грамоталарымен, аудан әкімінің алғыс хаттарымен марапатталып, 2011 жылы «Қазақстан Республикасы Денсаулық сақтау саласының үздігі» белгісін өңіріне тақты. Былтыр облыстық перинаталды орталығының 80 жылдығының мерекелік медалін иеленді.Дәрігердің алақанының жылуын сезініп, өмірдің алтын қақпасын ашқан әрбір сәби мен ана өз ісінің шебері, мейірімді жанға өздерінің жүрек түкпіріндегі алғаусыз алғысын жеткізуде. Ал дәрігердің ізгілікке толы жүрегі елі деп еміреніп тұр. Бәлкім дәрігер бақыты деген осы болар.

Ақ халатты абзал жанның адал еңбегі

<a href="https://kyzylorda-news.kz/">Kyzylorda-news.kz</a> Әлемдегі ең ардақты да құрметті мамандықтың бірі – дәрігерлік. Адам ауруы асқынып, дерті дендеп, дауа іздегенде ақ халатты жандарға жүгінері анық. Ал бала ауырғанда шыбын жаныңды шүберекке түйіп, онымен бірге жүрегің сыздайтыны сөзсіз. Ондайда өз ісіне берілген білікті де білімді балалар дәрігері бізге көмекке келеді.Елімізде бала дәрігері деген қастерлі мамандыққа саналы өмірін арнап жүрген ақ халатты абзал жандар аз емес. Солардың бірі - бүлдіршіндерге медициналық көмек көрсетудің сапасын арттыруға барынша үлес қосып жүрген білікті маман Мырзахметова Зульфия Қайырбекқызы.&nbsp;2006 жылы гастроэнтерология бағытында кандидаттық диссертациясын сәтті қорғады. жан жақты маман десек болады. Ол — жоғары санатты педиатр, гастроэнтеролог, токсиколог, аллерголог, иммунолог.&nbsp;Өзінің 30 жылға жуық еңбек жолында талай сәбидің саулығын сақтауға үлес қосып, дертіне дауа тапқан маман, Қызылорда облыстық балалар ауруханасының педиатрия бөлімінің меңгерушісі Зульфия Қайырбекқызының есімі аналар қауымына жақсы таныс.1996 жылы Алматы мемлекеттік медицина институтын да үздіктер қатарында қызыл дипломмен бітірді.Қызылорда облыстық ауруханасының клинико-диагностикалық зертханасында дәрігер-лаборант болып бастады. Одан соң балалар соматикалық бөлімінде педиатр, 1999-2002 жылдар аралығында облыстық медицина орталығында қызмет атқарып, облыстық балалар ауруханасына ауысады. Онда үш жыл еңбек етіп, тәжірибе жинап, экология және балалар бөлімін басқаруға жауапты болып бекітілді. Жауапкершілігі мол педиатрия бөлімін де абыроймен атқарып келеді.Дәрігердің күн-түн демей бала саулығы жолында атқарған еңбегі елеусіз қалған емес. Соның ішінде 2018 жылы ҚР Денсаулық сақтау саласының үздігі атануы ол үшін үлкен стимул болғаны рас.Сырқаттанған әр балаға мейірім төге қарап, ыждағаттылықпен емдеп, қажет кезінде уақытпен санаспай қызмет орнынан табыла білетін Зульфия Қайырбекқызы қарапайым мінезімен, адалдығымен, еңбексүйгіштігімен көптің құрметіне бөленіп келеді.

Балалардың бабын білген дәрігер

<a href="https://kyzylorda-news.kz/">Kyzylorda-news.kz</a> &nbsp;Адам баласы болмысынан бір нәрсеге бейім, икемді келеді.&nbsp;Табиғат жаратылысының кереметтігі де осында болса керек. Жүрек қалауыңмен сүйікті ісіңмен шұғылданып, оны кәдеге жаратып, қоғамға пайдаңды тигізсең одан асқан бақыт та болмас.Менің кейіпкерім Марал Ноғайбекова күнделікті жұмысында қиындықпен бетпе бет кездесіп, оны бір кісідей еңсеріп келе жатқан жан. Қиындық деп отырғанымыз күш пен білекті қажет ететін қара жұмыс емес, өмірге сәби әкелудегі жауапкершілік. Марал Тоқтарқызы – өз мамандығы арқылы ананың перзент сүюіне бірден бір себепкер болып жүрген ақ халатты абзал жан. Адам өмірі арпалысқан сәттің талай мәрте куәсі болған кездің әрбір секундың бес саусағындай біліп, көзінің алдынан өткізетін дәрігер Марал Ноғайбекова – аудандық аурухананың «Гинекология» бөлімшесінің меңгерушісі.Ақ халатты абзал жан Марал Тоқтарқызы армандаған мамандығын меңгеру үшін алдымен медициналық колледжде оқиды. Өзі туып-өскен Талдықорған қаласындағы колледжді бітіргеннен соң, жоғарғы білім алу үшін Қожа Ахмет Яссауи атындағы Халықаралық қазақ-түрік университетінің емдеу ісі факультетіне оқуға түсіп, оны 2007 жылы бітіреді. Осы оқу орнында интернатурадан ойдағыдай өтіп, жалпы тәжірибелі дәрігер мамандығын алады.Болашағын медицинамен байланыстырған жас маман көп балалы отбасында туып-өсті. Оның тоғыз бірдей бауыры бар. Қажымұхан есімді інісімен егіз. Марал көп балалы отбасынан шыққан жалғыз дәрігер. Басқа бауырлары мұғалім, қаржыгер, заңгер, әскери қызметкер мамандығын меңгерген еліміздің азаматтары.2005 жылы Сыр еліне келін болып түскенде Марал әлі студент болатын. Оқуын ойдағыдай аяқтауына оның жаңа отбасы – жұбайы мен ата-енесі көп қамқорлық көрсетті. Әрине, бұл жас отбасы үшін көмектің ең үлкені болғаны рас.Мамандығы арқылы әріптестері арасында сүйіспеншілікке бөленген дәрігер әріптесі Нейла Әбішеваны, облыстық жетекші, жоғарғы санатты акушер-гинеколог Күләш Махантаева мен Алексей Хегайды мақтан етеді. Өз ісіне шын берілген жандардың әрдайым қолдау көрсетіп, тәжірибесімен бөлісуге, кеңес беруге даяр тұратын қасиетін жоғары бағалайды.Бибісара ЖАНӘЛІ

Марал Ноғайбекова:  Ана мен бала денсаулығы – қоғамның баға жетпес байлығы

<a href="https://kyzylorda-news.kz/">Kyzylorda-news.kz</a>&nbsp; Кеше &nbsp;Қызылордада Көпбейінді облыстық ауруханада күрделі екі ота жасалды. Жиырма төрт жастағы азаматшаға 45 жастағы әпкесі донор болды.&nbsp;Реципиенттің диагнозы: терминалды бүйрек жетіспеушілігі. Ол ең алғаш 2018 жылы трансплантация жасатқан. Ол кезде ағасы донор болған. Алайда науқас пандемия кезінде COVID-19 дертіне шалдығып, бүйрек ауруын асқындырып алып, бүгін екінші мәрте жасатты.&nbsp;Отаны Көпбейінді облыстық аурухананың директоры, PhD доктор, трансплатолог Жасұлан Баймаханов, директордың хирургия жөніндегі орынбасары Ербол Серікұлы және А.Н.Сызғанов атындағы Ұлттық ғылыми хирургия орталығының Бүйрек трансплантациясы, урология және нефрология бөлімшесінің білікті мамандары жасады. Білікті мамандар өз тәжірибесімен еліміздің барлық дәрігерлеріне онлайн шеберлік сағаты арқылы бөлісті. Операция сәтті өтті.&nbsp;Қызылорда облысында білікті мамандар артып, күрделі оталар жасалуда. Айта кету керек, бұл аймақта жасалған бесінші бүйрек трансплатациясы.Қазір Қазақстанда донорлық органдарға бес мыңнан астам адам мұқтаж. Қызылорда облысында созылмалы бүйрек жеткіліксіздігі диагнозымен 600-ден астам адам есепте тұр. Оның ішінде гемодиализде - 370 науқас. Созылмалы бүйрек жеткіліксіздігі бар адамдар күн сайын гемодиализ процедурасынан өтуге мәжбүр. Қызылорда бойынша күту тізімінде 191 пациент бар. Сонымен қатар, жыл сайын бұл ауру аймақтың шамамен 100 тұрғынында анықталады.<img src="https://knadmin.beoblood.kz/uploads/f1520a4c_083c_4e4a_b1db_515e599f7185_3e0d2b23aa.jpg" alt="f1520a4c-083c-4e4a-b1db-515e599f7185.jpg">

Қызылордада бүйрек трансплантациясы жасалды

<a href="https://kyzylorda-news.kz/">Kyzylorda-news.kz</a> Өткен апта соңында медицина саласының майталманы Исмаил Кәрімбаевтың 100 жылдығына орай Шиелі аудандық көпбейінді орталық ауруханасының хирургия бөліміне оның есімі беріліп, арнайы тақтайша мен бюст қойылды. Сондай-ақ аудандық мәдениет үйінде көзкөрген жандардың қатысуымен еске алу шарасы өтті.Жиынға аудан әкімі Нұржан Ахатов, Мәжіліс депутаты Мұрат Ергешбаев арнайы қатысып, 31 жыл бойы Шиелі ауданы медицина саласының тізгінін ұстап, бүгінгі биігіне көтерілуі үшін бел жазбай еңбек еткен Исмаил Кәрімбаевтың есімі ұлықталғаны өнегелі іс екенін атап айтты.Мәдениет үйіндегі еске алу шарасында Исмаил Сейітназарұлының күреске толы еңбек жолы, жарқын бейнесі туралы естеліктер сөз болды. Жиынды медицина ардагері, Шиелі кенті ардагерлер кеңесінің төрағасы Болат Күлімбетов жүргізіп, аудандық ауруханасының бас дәрігері Алмас Әбілпатта баяндама жасады.Исмаил Сейітназарұлының мектеп бітірген шағы Ұлы Отан соғысының басталуына тура келіп, әскер қатарына алынған. Отан қорғауда өзінің батылдығымен танылған жауынгер Украина, Молдова жерлерін жаудан азат етуге қатысты. Майданның алдыңғы шебінде жүрген қазақ солдатының әскери барлау құрамында жау шебінен мол мағлұматтар жинап, «тіл» алып келген ерлігі де аз емес.Соғыстың аты – соғыс, Отан қорғауда жан аямаған ол ауыр жарақат алады. Тез бойын жинап, онан әрі ұрыс қимылдарына қатысып отыруы да өзіндік бір ерлік. Соғыстан оралған соң Алматы медицина институтында оқып, хирург мамандығын алып шығады. Студент кезінен өзінің алғырлығымен танылған ол білікті мамандар назарында болды. Еңбек жолын Шиелі аудандық ауруханасында қатардағы хирург болып бастап, ұйымдастыру қабілетімен танылып, аурухана бас дәрігері лауазымына өседі. Осы қызметін 1984 жылға дейін үзбей 31 жыл атқарды. Оның басшылығы кезінде 1974 жылы жаңа типтегі аурухана ғимараты салынады. Өз кәсібіне деген адалдығы сонша, алыс ауылдарда, науқан кезінде жұмыс басында білте шамның жарығымен ота жасап, адам өміріне арашашы болған.Дәрігер-хирургтің 100 жылдығы құрметіне «Аңызға айналған адам» атты кітаптың тұсауы кесілді. Оны ардагер дәрігер Тұрғанбай Мақанов пен облыстық денсаулық басқармасы басшысының орынбасары Жаңыл Абубакирова орындады. Жерлестері дәрігерді осылайша еске алып, ұрпақтарына ізгі тілек білдірді.

Дәрігер есімі ұлықталды

Фото: zhanaqorgan-tynysy.kz<a href="https://kyzylorda-news.kz/">Kyzylorda-news.kz</a> Биыл тұрғындар арасында тұмауға ұқсас дерт дендеп, күндіз-түні жөтел қысып, көпшіліктің мазасын қашырғанын аңғарып жүрміз. Тынысы тарылған ересектер мен көгере жөтелген кішкентайлардың аянышты халі жан ауыртады. Бұл індеттің кең таралуына не себеп және одан айығудың жолы бар ма?Деміге жөтелген баланы аңғарған көпті көргендер: «Мына бала көкжөтел ғой» деп жатады.&nbsp;Десе де, ақхалаттыдан үлкен үміт күтетін халық дәрігер қаралуынан өткеннен кейін ғана ем-дом қабылдайды. Бір қызығы, дәрігердің қойған диагнозы қариялардың топшылауымен сәйкес келгенмен тиянақты емін жазып бере алмайды. Деректерге сүйенсек, биыл республика бойынша көкжөтел ауруы өршіп, 790 жағдай тіркелген. Оның 98%-ы, яғни 773 жағдайы 14 жасқа дейінгі балалар. Тұрғындар айлап кетпейтін жөтел мен тамақ ауруына ұқсас мазасыздық туындағанын айтып шағымдануда. Әсіресе мектеп жасына дейінгі балаларға кенеше жабысқан сырқат әбден әбігерге салуда. Біздің ауданның ахуалы да мәз емес. Мәселен, өзімнің бір жарым жасар баламда наурыз айында басталған жөтел дәрігердің берген нұсқаулығын бұлжытпай орындасақ та 4 айдан бері айығатын түрі жоқ. Керісінше күшіне мініп алған. Бұл – бір отбасындағы оқиға. Осындай сырқатпен алысып жүрген қаншама жанұя бар.Көкжөтел (коклюш) – жоғары тыныс алу жолдарының шырышты қабықшаларын зақым­дайтын жұқпалы ауру.&nbsp;Ол адам ағзасына ауа тамшылары арқылы түсіп, көмей мен бронхта дамиды. Патогенді микроағзалар бөлетін уыттардың салдарынан қабыну реакциясы туындап, булықпа жөтел пайда болады.<blockquote>– Қазір тұрғындар арасынан жөтелмен ша­ғымданатындар саны артты.&nbsp;Оған экологиялық ахуал да себеп. Сосын көп аналар екпеден бас тартады. Салдарынан, балаларға жұққан ауру ұзақ уақыт бойы кетпей организмнің онымен күресуі қиын болады. Мәселен, жыл басынан бері 5 айдың ішінде маған қарасты аймақтың өзінен 30-дан аса тұрғын осы шағыммен келді. Оның басым бөлігі балалар. Бұл бір аймақтың ғана көрсеткіші. Енді осыған бүкіл аудандағы аймақтар мен ауылдық округтерді қосыңыз. Сондықтан балалар екпені уақытында алса ауру осылай өршімес еді, – дейді аудандық емхананың жалпы тәжірибелік дәрігері Арайлым Әшімова.</blockquote>Дәрігердің сөзінше, ауру асқынса ол мидағы тыныс алу орталығына әсер етіп, нәтижесінде, жөтел күлгенде, ауырғанда немесе сөйлегенде күше­юі мүмкін.&nbsp;Сонымен қоса көкжөтел жүрек-қан тамыр жүйесіне жағымсыз әсер етеді. Иммунитетті әлсіретіп, бір ауырған адам екінші рет қайталап ауыруы мүмкін. Негізі аталған ау­румен көбіне мектеп жасына дейінгі балалар ауырады. Дегенмен кей жағ­дайда ересектердің арасында да кездесіп жатады. Әсіресе, омыраудағы балаларға бұл ауру өте қауіпті. Көкжө­тел жұқтырған адам аурудың белгілері пайда болғаннан бастап, 25-30 күн бойы басқаларға инфекция таратады. Ауруға қарсы екпе алған адамдарда ол жеңіл өтеді.Ауру тудыратын бактерия науқас жөтелгенде немесе сөйлегенде бөлінетін сілекей арқылы жұғады.&nbsp;Сондықтан бұл ауру науқаспен байланыста болған барлық адамда пайда болуы мүмкін. Әсіресе, көкжөтел балабақшада жылдам таралады. Ал ересектерде кейде бұл ауру еш белгі бермейді, бірақ олар тасымалдаушы болады. Көкжөтелге қарсы туа біткен иммунитет жоқ, оны кез келген адам жұқтырып алуы мүмкін. Алайда екпе алған және онымен бұрын ауырған адамда қорғаныш қалыптасады. Жеті жасқа дейінгі балалардың індетті жұқтыруы, балада екпенің болмауы, жұқпаны тасымалдаушымен үнемі байланыста болу қауіпті фактор болып табылады. Егер адам өзінен немесе баласынан көкжөтел белгілерін байқаса міндетті түрде дәрігерге көрінуі керек. Әйтпесе, оның соңы пневмония, апноэ, ми гипоксиясы, бронхит, отит сынды көптеген қауіпті ауруларға ұласуы ықтимал.Айта кетейік, көкжөтел – Bordetella pertussis (бордетелла пертуссис) бактерияларынан тарайтын инфекциялық ауру.&nbsp;Bordetella бактериясына күн сәулесі 1 сағаттай түсіп тұрса, өзінің белсенділігін жояды. Дезинфекциялық препараттар арқылы немесе 50-60 градус ыстықта да жоюға болады.Көкжөтелді жұқтырған адам алғашында өзін салқындап, тұмауратып қалдым деп ойлауы мүмкін.&nbsp;Оны кейде бірнеше күн, кейде екі апта бойы байқамайды. Бастапқыда ол құрғақ жөтел, сәл температураның көтерілуі және мұрын бітелуімен қатар жүреді. Бірақ бірнеше күн өткен соң науқасты ұзаққа дейін кетпейтін булықпа жөтел мазалайды.<blockquote>– Әдетте көкжөтел кезінде дене температурасы қатты көтерілмейді, себебі бактериялар терең тіндерге өтпейді.&nbsp;Егер науқаста қалтырау пайда болса ол жұқпаны екінші рет жұқтыруды білдіреді. Көкжөтелдің негізгі белгісі: тыныс алғанда шулы дыбыстың шығуы, кеуде тұсындағы жағымсыз сезім, тамақтың тітіркенуі, жөтелген уақытта ауа жетпеу, жөтелдің түнде ушығуы, мазасыздық, әлсіздік, науқастың тез шаршауы, тәбеттің нашарлауы, тыныс алудың қысқа уақытқа тоқтап қалуы. Бұл жағдай көбіне сәбилерде кездеседі. Бұл бала өміріне өте қауіпті, – дейді Арайлым Әбдімәжитқызы.</blockquote>Оның айтуынша, балаларда қатты жөтелгеннен апное (тыныс алуының тоқтап қалуы) болуы мүмкін.&nbsp;Бұл бала өміріне қауіп төндіреді. Дәл осы кезде мидың қан айналымы бұзылып, ағзада оттегінің жетіспеуі байқалады. Аурудың асқынуы мидың дамуына әсер етіп, психикалық жағдайын да қиындата түседі. Көкжөтел симптомдары 5-6 апта жеңіл түрде өтеді. Ал ауыр түрде 6-7 айға дейін созылады. Мидың қан айналымынан басқа тағы бір асқыну белгісі – өкпенің қабынуы. Бұл да – өте ауыр ауытқу.Дәрігерлердің айтуынша, аурудың алдын алу­дың бірден-бір жолы вакцина алу.&nbsp;Ауруға қарсы вакцинация екі айлық кезеңнен бастап, бірнеше рет жүргізіледі. Екі және төрт айдан кейін, 18 айында, одан әрі 1-сыныпқа барар кезде салынады.<blockquote>– Екпе алып үлгермеген балалар инфекцияны жұқтыруға бейім келеді.&nbsp;Мұндай кезде оқшаулау шаралары орындалуы керек. Егер адам жоспарлы алуы керек барлық екпені алса, ауруға иммунитет қалыптасады. Жұқтырған жағдайдың өзінде ауру симптомдары жеңіл өтеді. Ал екпе алмаған балаларға жұқса олардың ағзасы аурумен ауыр әрі ұзақ күреседі. Сондықтан ата-аналарға айтарым, дені сау балалардың екпесін уақытылы алып отырғандары абзал, – дейді дәрігер.</blockquote>Жоғарыда айтып өткеніміздей, елде аурудың әбігеріне түсіп жүргендер көп. Соның бірі – Ақер­ке Ниязова. Ол осы аурумен үлкен-кіші демей отбасымен ауырғандарын тілге тиек етті:– Бастапқыда балабақшаға баратын екі балам жөтеліп жүрді. Бір қызығы, олар күндіз емес, тек түнде жөтелді. Кейіннен ауру әжемізге, басқа балаларға, бесіктегі сәбиіме жұқты. Әжеміз бен 8 айлық баламда ауру өте ауыр өтіп жатыр. Ауруханаға да жатып шықтық. Бірақ нәтиже жоқ. Қатты жөтелгенде дем жетпей қиналады, – дейді ол. Ал балаларына екпе алудан түбегейлі бас тарт­қан тұрғын Самал Нұрымбет екпенің еш пайдасы жоқ деген пікірін жасырмады.<blockquote>– Менің үлкен балам жасынан асқанда сәл ысты­ғы көтерілсе есінен танып құлайтынды шығарды.&nbsp;Ол медицинада «фербильді ұстама» деп атала­ды. Дәрігерлердің сөзінше, қазіргі таңда әр үшінші балада осы ұстама бар екен. Оның соншалықты белең алуына не себеп? Мен оның себебін екпеден деп ойлаймын. Өйткені кезкелген екпе баланың миына әсер етуі мүмкін. Одан кейінгі балаларымның ешқайсына екпе алмадым. Өзім топшылағанымдай, ол балаларым қанша ыстығы көтеріліп ауырса да, естен танып құламайды. Бірақ қазір екпе алмаған балаларым көкжөтелмен ауырып жатыр. Таяқтың екі ұшы бар деген осы ғой. Мен екпеден барлық ата-ана бас тартсын демеймін. Дегенмен, әркімнің өз таңдауы бар, – дейді ол.</blockquote>Байырғы медицина қызметкері Алмаш Марат­қызы жалпы халықтың денсаулығына қатты алаң­дайтынын жасырмады.<blockquote>– Менің түсінуімше, қазір ауада белгісіз бір вирус бар.&nbsp;Ыстығы көтеріліп ауырып жүргендер өте көп. Екпені алған да, алмаған да балаларым бар. Барлығы да жөтелдің зардабын шегуде. Жасамаған емім қалмады. Нәтиже жоқ. Үлкен кісілердің өзі қатты жөтелден ауа жетпей тұншығып, қиналуда. Халық арасындағы тараған осы ауруға билік басындағылар бей-жай қарамай бір шара енгізсе екен деймін. Мүмкін оқшаулау жұмыстарын жүргізіп, маскалы режим енгізу керек шығар. Өйткені, ауру осылай асқына берсе, арты ауыр жағдайларға ұласуы ықтимал, – дейді ол.</blockquote>Мәліметтерге зер салсақ, көкжөтел әлемдегі кең тараған аурулар тізіміне кіреді. Дүниежүзілік денсаулық сақтау ұйымының ақпаратынша, әлемде жыл сайын 60 млн-ға жуық адам көкжөтелмен ауырады екен. Демек, көкжөтелге жәй жөтел деп қарамай, дер кезінде ем-шараларын жасау керек.Айсұлу Алданазар

Көкжөтелдің кең таралуына не себеп және одан айығудың жолы бар ма?

<h4 style="margin-left:0px;text-align:justify;">Фото: den-der.kz</h4><h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a>Жаз маусымы басталысымен жіті ішек инфекциясы ауруларының тіркелу көрсеткіші басқа кезеңдерге қарағанда арта бастайды. Оған себеп – ыстық ауа райында тамақ өнімдерінің тез бұзылуы, мерзімінен ерте піскен жеміс-жидектерді мөлшерден тыс қолдану. 2024 жылдың 5 ай қорытындысымен облыс көлемінде жіті ішек инфекцияларының 349 жағдайы тіркелді. 2023 жылдың осы мерзімімен салыстырғанда 9,1%-ға төмендеу тенденциясы байқалады. Облыс көлемінде тіркелген жұқпалы жіті ішек ауруларының 98%-ы &nbsp;Қызылорда қаласында анықталды. 89%-ы 14 жасқа дейінгі балалар арасында, оның ішінде 68%-ы 2 жасқа дейінгі балалар үлесінде.</h4>Қызылорда облысының санитариялық-эпидемиологиялық бақылау қызметінің мамандарымен жүргізілген эпидемиологиялық тексеру қорытындысымен аурудың басты таралу себептерінде үй жағдайында дайындау технологиясы&nbsp;бұзылған немесе дұрыс сақталмаған тағамдарды тұтыну, сүт өнімдері, мерзімінен ерте піскен жеміс-жидектер, сусындар, қайнамаған су және бала күтімінің нашарлығы салдарынан болған. Соңғы уақытта жаздың алғашқы айларынан бастап тұрғындар арасында жіті ішек инфекциялары аурулары мерзімінен ерте піскен бақша өнімдері мен жеміс жидектермен байланыстырған науқастар тіркелуде. Эпиданамнез жинау барысында 13 тұрғын мерзімінен ерте піскен жеміс-жидек пен қауын-қарбызды жегеннен кейін өздерін жайсыз сезінген, – дейді Қызылорда облысының санитариялық-эпидемиологиялық бақылау департаменті басшысы Динара Жаңабергенова.Әдетте қарбыздар маусым айында сауда сөрелерінде пайда бола бастайды. Бұл уақытта өнімдер анағұрлым қауіпті, яғни нитратпен улану деңгейі жоғары. Бұдан бөлек, гербицид, пестицидтердің мөлшерден тыс болуы да денсаулыққа кері әсер етеді. Сонымен қатар жеміс-жидектерді, қарбыз-қауынды сақтау және жеткізу ережесінің бұзылуы да осы өнімнен ауырып қалуға себеп болады.Сондықтан Қызылорда облысының санитариялық-эпидемиологиялық бақылау департаменті ерте піскен жеміс-жидектер мен қауын-қарбыздардан денсаулыққа зиян келмес үшін сақтық шараларына салғырт қарамауды, ауру белгілері байқалған жағдайда медициналық көмекке жүгінуге кеңес береді. Яғни жеке бас гигиенасын сақтап, қолды жиі сабындап жуу, қайнатылған немесе тазартылған, бөтелкедегі суды пайдалану, жеміс-жидектерді міндетті түрде мұқият жуып жеу, ерте піскен бақша өнімдерін тұтынуды мейлінше шектей тұру, субұрқақтарға шомылмау сияқты сақтық шаралары аурудың алдын алуға ықпал етеді.&nbsp;

Ішек инфекцияларынан сақ болыңыз

<a href="https://kyzylorda-news.kz/">Kyzylorda-news.kz</a>&nbsp; "Денсаулық – зор байлық" деп бекер айтылмаса керек-ті. Адамға табиғаттың берген ең ұлы құныдылығы әрине денсаулық екені мәлім. Осыдан 140 жыл бұрын пайда болған туберкулез ауруы адамның басты инфекциялық жауы. Қазіргі таңда жұқпалы дертке байланысты көптеген түсіндірме жұмыстары жүргізілуде.&nbsp;Апта ағымында облыстық фтизиопульмонология орталығының бас дәрігері Нұрлан Әмiр Сырдария ауданына арнайы іс-сапармен келді. Сапар барысында аудандық аурухананың материалдық базасымен танысып, сала мамандарымен пікір алмасқан болатын. Өз кезегінде аудандық аурухананың бас дәрігері Жалғасбек Үсенов медицина саласының маңызды бөлігі – туберкулез дертімен күрес бойынша атқарылып жатқан жұмыстарды тілге тиек етті.Аурухананың «Фтизиатрия» бөлімшесінің қызметкерлерімен кездескен Нұрлан Әмірұлы науқастардың жағдайын саралап, күнделікті жүзеге асып жатқан жұмыстарға көңіл бөлді. Алдағы уақытта облыстық фтизиопульмонология орталығының мамандарымен тығыз байланыс орнатып, науқастардың жағдайын ұдайы бақылауда ұстау керектігін айтты.&nbsp;Кездесу соңында есепті мерзімде атқарылатын жұмыстар жан-жақты пысықталды.

Облыстық фтизиопульмонология орталығының бас дәрігері ауданға іс-сапармен келді

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының орталығынан шалғайда орналасқан Аманкелді және Жетікөл ауылындағы жергілікті халықты медицналық көмекпен қамтамысыз ететін жалпы тәжірибелік дәрігер Жанар Аманкелдина ел алғасын арқалап жүрген жан.Білікті маман Жанар Аманкелдіқызы 1986 жылы қазіргі Шиелі ауданына қарасты Тартоғай елді мекенінде дүниеге келген. Ол – 1992-2003 жылдар аралығында ауылдағы №153 Ш.Есенов атындағы орта мектепте білім алған. Қашанда науқас жанына араша түсетін сала маманы сол кездегі Оңтүстік Қазақстан мемлекеттік акадамиясында «Балалар дәрігері» мамандығы бойынша білімін жетілдірген. Өз кезегінде Жанар Аманкелдіқызының алғашқы еңбек жолы туған жер топарағында басталады. Сонымен қатар аудан орталығындағы «Шапағат» емханасында еңбек етсе, кейіннен оған Шиелі аудандық емханасының бас дәрігерінің балалар жөніндегі орынбасары міндеті жүктелді.&nbsp;Тәжірибесі мол маман 2013 жылы аманкелділік Қайрат Найманмен отау құрады. Берекесі тасыған іргелі ауылдың келіні атанған Жанар Аманкелдіқызы №3 қалалық емханаға педиатр ретінде орналасса, араға бір жал салып, Аманкелді ауылдық ауруханасына қызмет ауыстырады. Міне, 10 жылдан бері аталған елді мекенде еңбек етіп келе жатқан сала маманы абырой биігінен көрініп келеді. 2017-2020 жылдар аралығында ауылдық аурухананың меңгерушісі ретінде қызмет атқарса, бүгінде жалпы тәжірибелік дәрігер көпшілікке денсаулығына байланысты кеңес беруде.Негізінен, Жанар Аманкелдина облыс әкімінің «Сыр үміті» жастар сыйлығының, «Денсаулық сақтау ісіне қосқан үлесі үшін» төс белгісінің, «Қазақстан республикасы денсаулық сақтау саласының үздігі» төсбелгісінің» иегері атанған. Ардақты дәрігер бүгінде 3 перзенттің аяулы анасы.

Қазақстан және Қызылорда облысының жаңалықтары: Денсаулық