<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1544 адам коронавирус індетімен ауырғаны белгілі болды. Бұл туралы www.coronavirus2020.kz сайтында жарияланды.
Оның ішінде 760 адам клиникалық белгілері жоқ тасымалдаушы тіркелді.
Аймақтар бойынша (жалпы/симптомсыз):
Нұр-Сұлтан қаласы – 250 / 136
Алматы қаласы – 271 / 162
Шымкент қаласы – 51 / 35
Ақмола облысы – 51 / 28
Ақтөбе облысы – 22 / 8
Алматы облысы – 73 / 50
Атырау облысы – 58 / 42
Шығыс Қазақстан облысы – 193 / 75
Жамбыл облысы – 52 / 35
Батыс Қазақстан облысы – 80 / 41
Қарағанды облысы – 129 / 40
Қостанай облысы – 65 / 42
Қызылорда облысы – 52 / 21
Маңғыстау облысы – 49 / 9
Павлодар облысы – 50 / 17
Солтүстік Қазақстан облысы – 63 / 5
Түркістан облысы – 35 / 14
Жалпы ел бойынша ауырғандар саны 86 192

Қызылордада өткен тәулікте 52 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Медицина саласы – жауап­кер­­шілігі мол, жүгі ауыр сала­лардың бірі. Сондықтан кез кел­ген адам біліктілік пен аса шыдамдылықты талап ететін жауапты мамандықты жоғары деңгейде меңгеру оңай емес екенін мойындайды.
Бұл саланың маңыздылығы сол, дәрігердің жұмыс барысында ешқашан қателесуіне болмайды. Сол себепті дәрігерлер үнемі тәжірибелік білімін жетілдіріп, ізденіс үстінде болып, өз сала­сында ем жүргізудің барлық тәсілдерін жетік меңгеруі тиіс.
Осындай жауапты әрі білікті дәрігерлердің бірі, COVID-19 инфекциясына қарсы күресте алдыңғы шепте жүрген ақ халатты абзал азамат– «Қазалы теміржол ауруханасы» ЖШС, жан сақтау бөлімінің меңгерушісі, дәрігер анестезиолог реаниматолог Қуанышбаев Жасұлан Серікұлы.
Ерінбей еңбек етіп, өзіне де, еліне де зор пай­дасын тигізген ақ халатты абзал жан – өзгелерге үлгі етуге әбден лайықты еңбек адамы. Өз мамандығын жоғары деңгейде меңгерген азаматты жұртшылық «алтын қолды дәрігер» деп те атайды. Тіпті, тағдыр салған тауқыметтен енді құтылмаспын деп үмітін үзген жандардың өзін емдеп, дертін жазған білікті дәрігерді антына адал, абыройлы жан десек артық айтқандық емес.
<blockquote>
 “Мен ма­мандығыма жан дүниеммен бе­рілген адаммын. Мен үшін «ақ ха­латты абзал жан» деген елдің құр­метті атағы ең биік һәм қа­сиетті ұғым болып саналады. Бүкіл әлемді жайлаған індет біздің елден де айналып өтпеді. Дегенмен келген қиындықты қайыспай көтеріп, біліктілігіміз бен ауызбершілігіміздің арқасында бәрін жеңеміз. Қызмет барысындағы қиындықтар мен шаршағанамыз халық денсаулығының жанында түк те емес. Осы індетпен күресте қызмет етіп жатқан барлық сала қызметкерлеріне соның ішінде біздің дәрігерлерге көрсетеліп жатқан халықтың зор құрметін сезініп жатырмыз. Еңбегіміз еш кетпей бұрыңғы мамыражай қалпымызға оралсақ біз үшін қуаныш сол. Халық өз денсаулығын күтіп, сақтық шараларын сақтаса біз үшін үлкен қолдау, бізге зор көмек болар еді”, – дейді Жасұлан Қуанышбаев.
</blockquote>
<img src="https://kyzylorda-news.kz/wp-content/uploads/2020/07/115742125_1179003789131702_4201056058764582537_o.jpg" alt="" />

Алтын қолды дәрігер

<a href="https://kyzylorda-news.kz/">Kyzylorda-news.kz.</a> Еліміздегі жағдайға байланысты кәсіпкерлер мен жанашыр азаматтар белсенділік танытып, ел үшін көптеген қайырымды істерді атқаруда.
Бүгін Қызылорда облыстық мәслихат депутаты Темірхан Кенжебаев Арал ауданаралық ауруханасына 1 дана оттегі концентраторын сыйға тартты.
Аудан әкімі Мұхтар Оразбаев ауруханаға барып, оттегі концентраторы аппаратын дәрігерлерге табыстады.
Арал ауданаралық ауруханасы бас дәрігерінің орынбасары Қанат Үмбетов оттегі аппараты қызметінің маңыздылығын айтып, бұл игі істің қысылтаяң шақта үлкен көмек болғанын жеткізді. Сондай-ақ, медицина қызметкерлері демеушілік жасаған азаматқа ризашылықтарын білдірді.
Бұл аппарат індет жұқтырғандарды емдеу мақсатында пайдаланылатын болады.
<img src="https://kyzylorda-news.kz/wp-content/uploads/2020/07/fb_img_1595913483598-1.jpg" alt="" />

Арал ауданаралық ауруханасы тағы бір оттегі концентраторымен толықты

<a href="https://kyzylorda-news.kz/">Kyzylorda-news.kz.</a> Денсаулық министрі Бүгін өткен Үкімет отырысында Денсаулық сақтау министрі Алексей Цой қатаң карантин шараларының нәтижесі туралы айтты, деп хабарлайды <a href="https://www.inform.kz/kz/kazakstanda-kvi-zhuktyru-zhagdayy-29-payyzga-azaydy-densaulyk-ministri_a3677295">ҚазАқпарат</a>.
<blockquote>
 «Қатаң карантин шаралары енгізілгелі бері, яғни 5 шілдеден бастап үш аптаның ішінде КВИ жұқтырудың 35 951 жағдайы тіркелді. Жалпы қатаң шектеу шараларын енгізген сәттен кейін тіркелген жағдайлардың 29 пайызға азайғаны байқалады. Қазіргі уақытта COVID-19 вирусын жұқтыру бойынша жағдай күніне орташа есеппен 1600 адам деңгейінде тұрақталды. Сонымен қатар, төсек орындар 43 пайызға, жансақтау бөліміндегі төсек орындар 27 пайызға босады», – деді Алексей Цой.
</blockquote>
Оның айтуынша жұқтырғандардың ішінде сауыққандардың үлесі 63 пайызға артқан.
<blockquote>
 «Осылайша денсаулық сақтау жүйесіне түскен жүктеменің негізгі көрсеткіштерін төмендетуге қол жеткізілді», – деді ол.
</blockquote>

Алексей Цой: Қазақстанда коронавирус жұқтыру жағдайы 29 пайызға азайды

<a href="https://kyzylorda-news.kz/">Kyzylorda-news.kz.</a> Жыл басынан бері Қызылорда облысы бойынша медициналық ұйымдарына 32,2 млрд теңге төленді.
Бұл қаржыландыруды Әлеуметтік медициналық сақтандыру қоры мемлекеттік тапсырыс шеңберінде тегін медициналық қызметтер үшін және міндетті әлеуметтік медициналық сақтандыру пакеті шеңберінде жүзеге асырады.
32,2 млрд теңгенің 25,9 млрд теңгесі тегін медициналық көмектің кепілдік көлеміне берілген, 6,3 млрд теңгесі МӘМС аясындағы қызметтерге бөлінген.
2020 жылға Әлеуметтік медициналық сақтандыру қорының филиалымен 57 медициналық қызмет көрсетушілермен келісім – шарт жасалды, оның ішінде – 30 мемлекеттік медициналық ұйым (52,6%), 27 жеке меншік (47,4%). 
Барлығы 59,9 млрд теңгеге шарттар жасалды, оның ішінде 43,3 млрд теңге (72,2%) тегін медициналық көмектің кепілдік берілген көлемі шеңберінде, 16,6 млрд теңге (27,8%) МӘМС қаржысы құрайды.

Қызылорда: Медициналық ұйымдарға 32,2 млрд теңге төленді

<a href="https://kyzylorda-news.kz/">Kyzylorda-news.kz.</a> Өз істерінің нағыз шебері бола білген ақ халатты жандар талай адамның жүрегіне үміт отын жағып, өмір гүлін сыйлап келеді. Күнделікті науқастарға ем-шаралар көрсетуден бөлек, мобильді топ мүшесі атанып, қауіпті індетпен күрес жүргізіп келе жатқан жанның бірі №3 емхана дәрігері Асыл Аманбекұлы.
«Гиппократ» антын қабылдап, сабырлылық пен салмақтылықты серік еткен жас маман адам жанының бағбаны десек артық айтқанымыз емес.
Мамандығына нағыз берілген жан адам денсаулығының сақшысы қызметін абыроймен атқарып келеді. Бала кезінен дәрігер болуы армандаған Асыл Аманбекұлы Қармақшы ауданында туып өскен. С.Д.Асфендияров атындағы қазақ ұлттық медициналық университеттің түлегі. Еңбек жолын 2017 жылы №3 қалалық емханада жалпы тәжірибелі дәрігер болып бастаған ол абройымен қызметін жалғастырып келеді.
<blockquote>
 “Күнделікті жұмыс барысында әр науқасқа бар ниетімен әрі шынайы пейілімен қамқорлық таныту өте маңызды. Халық алғысына бөлену мен үшін зор бақыт. Білікті дәрігер болу үшін тек жоғары оқу орнын бітіру аздық етеді. Сезімталдық, үлкен жауапкершілік, ұқыптылық әрі күн сайын жаңа нәрсені білуге, үйренуге асық болу арқылы бұл мамандықты меңгеріп, шыңына шығуға мүмкіндік бар. Адамдардың денсаулығы мен өмірін сақтап қалу азаматтық парызым”, – дейді Асыл Аманбекұлы.
</blockquote>
Жаста болса, осы жолда еңбексүйгіштігімен, тиянақтылығымен, жауапкершлігімен және үнемі ізденісте жүретіндігімен ерекшеленетін дәрігердің жетістіктері жоқ емес. Ол бүгінге дейін бірқатар Алғыс хатқа ие болды.
Сондай-ақ Алматы қаласындағы акушерлік-гинекология және перинатология ғылыми орталығында 2 апталық біліктілікті арттыру курсынан өтті. Одан бөлек, «Ая Хан» оқу-клиникалық орталығында «Емдеуге дейінгі кезеңде жедел коронарлы синдром, инсульт диагностикалау және емдеу алгоритмдері» тақырыбындағы семинар-тренинге қатысып, білімін жетілдірді. Сонымен қатар, Ұлттық медициналық білім беру орталығында «Жалпы практика дәрігерлері үшін қант диабеті» бойынша біліктілігін арттырып, сертификатқа ие болды. Қазақ онкология және радиология ғылыми-зерттеу институтында «Онкологиялық қауіпсіздік мәселелері және скринингтік бағдарламаларды жүзеге асыру» циклі бойынша біліктілігін арттырған дәрігер қазір уақытпен санаспай елге қызмет етуде.

Асыл Аманбекұлы: &#8220;Адамдардың денсаулығы мен өмірін сақтап қалу азаматтық парызым&#8221;

<a href="https://kyzylorda-news.kz/">Kyzylorda-news.kz.</a> Қызылордадағы 3 қалалық емхана 65 мыңға жуық адамға қызмет көрсетеді. Карантин уақытында мұнда учаскелік дәрігерлерді үйіне шақыртқандардың қатары көбейді. Бұрын 40-50 адам хабарласса, қазір күніне 100-ге жуық тұрғын дәрігер көмегіне жүгінеді.
Сұранысты қанағаттандыру мақсатында, емханадан қосымша мобильдік топтар құрылды.
Нақтырақ айтсақ бүгінде барлығы 10 мобильді топ жұмыс жасауда. 3 мобильді топ науқастарды көрсеткішіне қарай провизорлық стационарларға тасымалдайды. Оның құрамында 3 дәрігер және 3 жүргізуші бар. Ал 3 мобильді топ “Коронавирусты инфекция нақтыланған жағдай, симптомсыз түрімен және жеңіл ағымы” диагнозы қойылған және стационардан коронавирус инфекциясымен ауырған сондай-ақ орташа дәрежеде емделіп шыққан науқастарды бақылайды.
Сонымен қатар тар буынды мамандармен психологтар көмегін көрсетеді. Келесі 4 мобильді топ үйдегі стационар бойынша ем тағайындалған пневмания диагнозы нақтыланған науқастарға көмек береді.
Бүгінгідей сын-сағатта медицина мамандары өз өмірлерін қатерге тіге жүріп қызмет етуде. Бұл ретте емханада қауіпті дертпен бетпе-бет келген дәрігерлермен қатар, науқастың үйіне барып, ем- дом көрсететін мұндай мобильді бригадалардың да жұмысы жеңіл емес. Ендеше, ақ халатты абзал жандардың ерлікке пара-пар еңбегіне қолдау білдіріп, әр адам бүгінгі сақтық шараларына бейжай қарамауы тиіс.
<img src="https://kyzylorda-news.kz/wp-content/uploads/2020/07/fb_img_1595838022044.jpg" alt="" />
<img src="https://kyzylorda-news.kz/wp-content/uploads/2020/07/fb_img_1595838017143.jpg" alt="" />

Қызылорда: Мобильді топ мүшелері қауіпті індетпен күресуде

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының басшысы Болат Төкежанов амбулаториялық деңгейде емделетін науқастарға қор атынан тегін берілетін дәр-дәрмектер туралы айтып берді, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;
Сақтандыру қорының басшысы осы уақытқа дейін екі келісімге қол қойылғанын айтып, қор есебінен қанша қаражат бөлініп жатқанын жеткізді.&nbsp;Сақтандыру қорының тарапынан бір адамға 48 мың теңге көлемінде қаражат бөлінетіні белгілі болды.&nbsp;
<blockquote>
 “Амбулаториялық деңгейде халықты дәрі-дәрмекпен қамтамасыз ету үшін қор бірыңғай дистрибюьтор “СК-Фармациямен” келісім жасалды. Биылғы 2020 жылға бұл келісім екі бағытта. Бірінші&nbsp;бағыт міндетті&nbsp;медициналық кепілдендірудің көлемі 96 миллиард теңге көлемінде. Екінші бағыт бойынша денсаулық сақтау министрлігімен келісілген алдын ала келісімдерге 24,9 миллиард теңге бөлу көзделіп отыр. Амбулаториялық дәрі-дәрмекпен қамтамассыз ету аясында 2020 жылдың алты айы ішінде 6,9 млн рецепт келіп түсті, рецеп құнын өтеу үшін 57,5 млрд теңге төленді. Медициналық сақтандыру қорының аясында орта есеппен әр науқасқа 48 мың теңге жұмсалды”, – дейді Төкежанов.&nbsp;
</blockquote>
Сонымен қатар, халықты&nbsp;тегін дәрі-дәрмекпен қамтамасыз ету үшін жағдайдың барлығы жасалғанын айтты.&nbsp;
<blockquote>
 “Амбулаториялық деңгейде емделіп жатқан науқастарды дәрі-дәрмекпен қамтамассыз ету “СК-Фармация” арқылы жүзеге асырылып отыр. “СК-Фармация” өз тарапынан емханалармен келісім шартқа отыра алады. Қазіргі таңда барлығы 575 медициналық ұйым тегін дәрі-дәрмекпен қамтамасыз етумен айналысуда. Ересектер мен 18 жасқа дейінгі тегін дәрі-дәрмек алатын адамдар саны көбейтілді. Амбулаториялық деңгейде тегін алуға болатын дәрі-дәрмектер саны 50-ден 140-қа өсті”, – дейді Төкежанов.
</blockquote>

Үйден емделіп жатқан науқастар дәрі-дәрмекті қалай тегін ала алады?

<a href="https://kyzylorda-news.kz/">Kyzylorda-news.kz.</a> Бүгін облыс әкімі Гүлшара Әбдіқалықова облыстық тауарлар мен көрсетілетін қызметтердің сапасы мен қауіпсіздігін бақылау департаменті басшысының м.а. А.Әбдікаимова мен Қызылорда облыстық полиция департаменті басшысының міндетін атқарушы Ш.Амитовті қабылдады. Жиында карантиндік талаптардың сақталуы және карантин кезеңінде анықталған құқық бұзушылықтар талқыланды.
Аймақ басшысы карантин режимін бұзуды болдырмау және құқық бұзушылықтарды дер кезінде анықтау жұмыстарын күшейтіп, карантиндік режим аяқталғаннан кейін де жалғастыруды тапсырды.
<blockquote>
 «Облыс бойынша соңғы күндері коронавирус індеті мен пневмониямен ауырып жатқан азаматтардың санының төмендеуі байқалады. Қабылданған шаралар нәтижесінде төсек-орындардың, өкпені жасанды желдету құрылғыларының, оттегі концентраторларының саны көбеюде. Дегенмен, босансуға болмайды, тұрғындарымыз азаматтық жауапкершілікті берік ұстануы керек. Біз бұған дейін тұрғындарға шектеу талаптарының сақталуының қажеттілігі туралы бірнеше рет үндеу жасаған болатынбыз. Өкінішке орай, бүгінгі күнге дейін облыс бойынша жеке тұлғалар және бизнес субьектілері тарапынан карантиндік талаптардың бұзылу фактілері орын алуда. Карантин режиміне қарамастан облыс аймағында көп адам жинап, ас беру, үй жағдайында той, беташар өткізу байқалады. Карантин кезеңінде анықталған құқық бұзушылықтарды анықтап, тиісті шаралар қабылдау керек. Баршаңызға белгілі 25 шілде күні 82 жасында белгілі академик Кенжеғали Әбенұлы Сағадиев өмірден озды. Сонда, ағайын-туыстарына соңғы өсиеті – көпшілік бір жерге шоғырланбасын, ауруды жұқтыру қауіпі болмасын деп қоштасу рәсімін бір жылдан кейін өткізу болған. Халық арасында осындай сана қалыптасу керек», – деді облыс әкімі Гүлшара Әбдіқалықова.
</blockquote>
Ағымдағы жылдың 5 шілдесінен бастап әкімдік, тауарлар мен көрсетілетін қызметтердің сапасы мен қауіпсіздігін бақылау, полиция департаменттері, бұқаралық ақпарат құралдары өкілдері мен еріктілерден құрылған 24 мобильдік мониторингтік топ жасақталды.
Мобильдік топтар карантиндік режимді бұзу жөнінде 228 дерек анықтап, материалдарын шешім қабылдау үшін аумақтық санитарлық дәрігерлерге жіберді. Полиция қызметкерлері тарапынан 337 құқық бұзушылық анықталған. Ең көбі – Қызылорда қаласы мен Шиелі ауданыда.
Соңғы аптада аймақтағы эпидемиологиялық ахуал тұрақтанып келеді. Дегенмен облыс әкімі қоғамдық орындарда, азаматтар көп шоғырланатын жерлерде міндетті түрде медициналық бетперде тағып, қарапайым гигиеналық нормаларға жіті мән беру керектігін ескертті.
Сонымен қатар, өңір басшысы облыстық полиция департаментіне жасөспірімдер қылмысы, оларға қатысты құқық бұзушылықтар, шомылу кезіндегі жазатайым оқиғалар және тұрмыстық зорлы-зомбылық фактілеріне аса назар аударуды тапсырды.

Гүлшара Әбдіқалықова: «Сақтық шаралары тұрақты түрде сақталуы керек»

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Covid-19, пневмонияға шалдыққан, жіті респираторлық аурудың белгілері бар пациенттерге үйде амбулаториялық-емханалық көмек көрсету үшін 161 мобильді бригада жұмыс істейді. Бұл туралы «Әлеуметтік медициналық сақтандыру қоры» Қызылорда облысы бойынша филиалының директоры Бақыт Исмаханбетов мәлімдеді.
Филиал директорының айтуынша, мобильді бригадалар емхана мен отбасылық амбулатория жанынан уақытша, тіркелген адам санына қарай 5 мың халыққа 1 мобильді бригада деген есеппен құрылады. Мобильді бригаданың құрамына дәрігер және\немесе медбике, қажет болған жағдайда бейінді маман кіреді.
<blockquote>
 “Жоғары дене қызыуы, ЖРВИ белгілері бар, коронавирусқа немесе пневмонияға күдігі бар пациент жұмыс күндері сағат 8.00-ден 18.00-ге дейін, ал қалған уақытта (сағат 18-ден кейін, демалыс, мереке күндері) 103 телефоны бойынша аумақтық емхананың тіркеу бөліміне жүгіне алады”, – деп түсіндірді Бақыт Исмаханбетов.
</blockquote>
Емхананың тіркеу бөлімінде чек-параққа қарап пациенттің жағдайын бағалайды. Одан кейін оператор емханадағы фильтр кабинетіне өтуге кеңес беруі мүмкін немесе мобильді бригаданың шығуын ұйымдастырады.
Науқастың тұрған жеріне келген мамандар оны алғашқы тексеруді, ПТР-тестілеу жүргізеді, көрсеткіштер бойынша рентгенографияға немесе компьютерлік томографияға жолдама береді. Сондай – ақ, олардың міндеттеріне пульсоксиметрия жүргізу, қандағы оттегінің сатурациясы 93% – дан төмендеген жағдайда қажетті бейінді маманмен аудио-немесе бейне кеңес беруді ұйымдастыру кіреді. Осыдан кейін дәрігерлер дәрі-дәрмектерді тағайындайды және пациенттің үйде емдеу немесе стационарға жатқызу туралы мәселені шешеді.
Егер ауру үйде қалса, оның жағдайын бақылау үшін күнделікті емханадан қонырау шалуы керек, ҚР Денсаулық сақтау министрлігінің 2017 жылғы 29 тамыздағы №666 бұйрығына сәйкес тізімнен тегін дәрі-дәрмек беруі тиіс. Сонымен қатар, көрсеткіштер болған жағдайда бейінді мамандардың қашықтықтан консультациясы беріледі. Бұдан басқа, клиникалық хаттама бойынша тегін дәрі-дәрмекпен қамтамасыз етуді қоса алғанда, айғақтары болған жағдайда үйдегі стационар ашылуы мүмкін.
Қордың облыстық филиалдың директоры төлейтін қызметтердің сапасын жақсарту үшін пациенттер шағымдар мен ұсыныстармен 1406 байланыс орталығына жүгінуге, сондай-ақ оларды Qoldau24 \ 7 мобильді қосымшасында қалдыруға болатындығын ескертеді.

Қызылорданың емханаларындағы мобильді бригадалар қалай жұмыс істейді?

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1402 адам коронавирус індетімен ауырғаны белгілі болды. Бұл туралы <a href="https://www.coronavirus2020.kz/">www.coronavirus2020.kz</a> сайты хабарлады.
Қазақстанда өткен тәулікте 1402 адам коронавирус індетімен ауырғаны белгілі болды. Оның ішінде 589 адам клиникалық белгілері жоқ тасымалдаушы тіркелді.
Аймақтар бойынша (жалпы/симптомсыз): 
Нұр-Сұлтан қаласы – 292 / 105 
Алматы қаласы – 221 / 122 
Шымкент қаласы – 54 / 5 
Ақмола облысы – 56 / 32 
Ақтөбе облысы – 25 / 11 
Алматы облысы – 38 / 30 
Атырау облысы – 37 / 31 
Шығыс Қазақстан облысы – 171 / 69 
Жамбыл облысы – 52 / 26 
Батыс Қазақстан облысы – 88 / 50 
Қарағанды облысы – 106 / 40 
Қостанай облысы – 58 / 23 
Қызылорда облысы – 8 / 4 
Маңғыстау облысы – 45 / 13 
Павлодар облысы – 54 / 13 
Солтүстік Қазақстан облысы – 74 / 7 
Түркістан облысы – 23 / 8
Жалпы ел бойынша ауырғандар саны 83122.

Қызылордада өткен тәулікте 8 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Қазақстан халқы Ассамблеясының «Жаңғыру Жолы» жастар қозғалысы #МаскаТағыңыз үгіт-насихат шарасын өткізген болатын.
Мұндағы мақсат – көпшілік орында, көшеде бетперде таратып, халықты карантин тәртібін қатаң сақтауға шақыру. Өзіне және айналасындарға жанашыр болуды тағы бір мәрте еске салу және індеттің ары қарай өршіп кетуіне жол бермеу.
Осы орайда Қызылорда облыстық Қазақстан халқы ассамблеясының ұйымдастыруымен қала мен барлық аудандарда акция жалғасын тапты.
Шарада облыстық ҚХА жанынан құрылған волонтерлер орталығының еріктілері, «Жаңғыру жолы» жастар қозғалысының белсенділері, «Қоғамдық келісім» КММ Шиелі, Арал, Қазалы, Қармақшы, Сырдария, Жалағаш,​ Жаңақорған, Байқоңыр аудандары бойынша этносаралық қарым-қатынастар жөніндегі сарапшылар және аудандық жастар ресурстық орталығы жанынан құрылған волонтер жастар белсенділік танытты.
Бұл күні ерікті жастар орталық алаңда, аллеяларда, Теміржол вокзалында,​ халық көп шоғырланатын жерлерге «Масқа Тағыңыз», «Денсаулығыңызды сақтаңыз» атты жазбалар қалдырды. Маска тағу, жеке гигиенаны қатаң сақтау адам саулығына маңызды екендігін көрсетті.
<img src="https://kyzylorda-news.kz/wp-content/uploads/2020/07/img_20200725_200524_081-1.jpg" alt="" />
<img src="https://kyzylorda-news.kz/wp-content/uploads/2020/07/img-20200725-wa0044.jpg" alt="" />

Қазақстан және Қызылорда облысының жаңалықтары: Денсаулық

Қызылордада өткен тәулікте 52 адамнан коронавирус анықталды

Алтын қолды дәрігер

Арал ауданаралық ауруханасы тағы бір оттегі концентраторымен толықты

Алексей Цой: Қазақстанда коронавирус жұқтыру жағдайы 29 пайызға азайды

Қызылорда: Медициналық ұйымдарға 32,2 млрд теңге төленді

Асыл Аманбекұлы: “Адамдардың денсаулығы мен өмірін сақтап қалу азаматтық парызым”

Қызылорда: Мобильді топ мүшелері қауіпті індетпен күресуде

Үйден емделіп жатқан науқастар дәрі-дәрмекті қалай тегін ала алады?

Гүлшара Әбдіқалықова: «Сақтық шаралары тұрақты түрде сақталуы керек»

Қызылорданың емханаларындағы мобильді бригадалар қалай жұмыс істейді?

Қызылордада өткен тәулікте 8 адам коронавирус жұқтырды

Қызылордада “Маска тағыңыз” акциясы жалғасын тапты

Қазақстан және Қызылорда облысының жаңалықтары: Денсаулық

Қызылордада өткен тәулікте 52 адамнан коронавирус анықталды

Алтын қолды дәрігер

Арал ауданаралық ауруханасы тағы бір оттегі концентраторымен толықты

Алексей Цой: Қазақстанда коронавирус жұқтыру жағдайы 29 пайызға азайды

Қызылорда: Медициналық ұйымдарға 32,2 млрд теңге төленді

Асыл Аманбекұлы: &#8220;Адамдардың денсаулығы мен өмірін сақтап қалу азаматтық парызым&#8221;

Қызылорда: Мобильді топ мүшелері қауіпті індетпен күресуде

Үйден емделіп жатқан науқастар дәрі-дәрмекті қалай тегін ала алады?

Гүлшара Әбдіқалықова: «Сақтық шаралары тұрақты түрде сақталуы керек»

Қызылорданың емханаларындағы мобильді бригадалар қалай жұмыс істейді?

Қызылордада өткен тәулікте 8 адам коронавирус жұқтырды

Қызылордада &#8220;Маска тағыңыз&#8221; акциясы жалғасын тапты

Асыл Аманбекұлы: “Адамдардың денсаулығы мен өмірін сақтап қалу азаматтық парызым”

Қызылордада “Маска тағыңыз” акциясы жалғасын тапты