<a href="https://kyzylorda-news.kz/date/2020/08/05/">Kyzylorda-news.kz.</a> 2020 жылдың 1 қаңтарынан бастап Міндетті әлеуметтік медициналық сақтандыру (әрі қарай-МӘМС) жүйесі енгізіліп, 1 шілдесіне дейін барша азаматтарды шартты түрде сақтандырылып тегін медициналық көмектің кепілдік берілген көлемі (әрі қарай-ТМККК) мен МӘМС жүйесіндегі медициналық пакеттер теңдей көрсетілді.&nbsp; Қазіргі таңда шартты кезеңнің уақыты аяқталды.
Қазіргі таңда МӘМС жүйесіндегі медициналық пакетті алу үшін азаматтар медициналық мекемелерге жүгінген кезде сақтандырылғандар санатында жатпай қалған сәттер көптеп туындауда. Негізгі себептер: мемлекеттің 15 санат үшін төлейтін МӘМС жарнасынан түсіп қалу, өз мәртебелерінің дұрыс анықталмауы, қаражаттардың дұрыс аударылмауы, және т.б. сұрақтар көрініс табуда. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов облыс әкімінің орынбасары Наурызбай Байқадамовтың төрағалығымен өткен МӘМС мәртебесін жүзеге асыру мәселелері жөніндегі селекторлық кеңесте мәлімдеді.
<img src="https://kyzylorda-news.kz/wp-content/uploads/2020/08/selektor-6-scaled.jpg" alt="" />
Мысалы, жоғары немесе орта арнайы оқу орнында оқитын студенттердің мәртебесі «сақтандырылмаған» болса, олар өздері оқитын оқу орнына жүгіну керек. Оқу орнының әкімшілігі әр бір студенттің аты-жөні мен ЖСН-н ақпараттандыру жүйесіне енгізуге міндетті. Егер де студент шетелде оқитын болса, ол Білім және ғылым министрлігінің&nbsp; сандық трансформация Департаментіне (8-7172-7415-33, 74-21-75, 74-24-27) оқу орнында оқитыны туралы дәлелдейтін құжаттарын ұсыну керек. Осыған байланысты бұл мәселе білім басқармасының құзырында.
Ішкі істер органдарында немесе әскери қорғаныс мекемелерінде жұмыс істейтін қызметкерлер МӘМС жүйесіне жарналар мен төлемдер төлеуден босатылуына байланысты, ҚР Денсаулық сақтау министрлігі мен Ішкі істер министрлігі және Қорғаныс министрлігінің бірлескен бұйрықтарына сәйкес, аталған мекемелердің кадр бөліністері әр бір қызметкердің аты-жөні мен ЖСН-н «Тұлғаларды есепке алу жүйесіне» тіркеу қажет. Ол үшін қызметкерлер өздері қызмет атқаратын кадр бөлінісіне немесе Ішкі істер министрлігіне 8-7172-715-229, Қорғаныс министрлігіне 8-7172-721-289, 721-300 телефондарына хабарласу қажет және жергілік органдардың кадр бөлімдері шешу керектігін ескертеміз.
Егер де жеңілдігі бар санаттағы тұлғалар, оның ішінде жұмыс істемейтін жүкті әйелдер, 3 жасқа толмаған бала тәрбиесімен айналысатын жұмыс істемейтін азаматтар, мүгедек бала күтімімен айналысатын істемейтін азаматтар, бала кезінен бірінші топтағы мүгедекке күтім жасауды жүзеге асыратын жұмыс істемейтін азаматтардың мәртебесі «сақтандырылмаған» болса, олар облыстық жұмыспен қамту үйлестіру және әлеуметтік бағдарламалар басқармасы мен Азаматтарға арналған үкімет Мемлекеттік корпорацияның облыстық филиалына жүгіну керектігін айтамыз.
<img src="https://kyzylorda-news.kz/wp-content/uploads/2020/08/selektor-3-scaled.jpg" alt="" />
Жұмыс берушілердің қарамағындағы қызметкерлерге еңбек демалысы кезінде МӘМС жарнасын аудармау себептері көптеп кездесуде.Сондықтан МӘМС заңының 5 бабының 3 бөлімінде көрсетілгендей өткен он екі айдан аспайтындай мерзімде МӘМС жүйесінде медицианлық көмекке құқық алу үшін қорға төленбеген кезең үшін жарналар төлеу міндетті болып саналады. Сондай сұрақтарға Азаматтарға арналғын үкімет Мемлекеттік корпорацияның облыстық филиалына (ГЦВП) жүгіну керектігін айтқымыз келеді. Қор аударымдар мен жарналардың жүру тәртібіне жауап берілмейтіндігін айтқымыз келеді.
Тағы бір өзекті мәселе. 42500 әлеуметтік төлем алған кезде, жұмыссыз ретінде ресми тіркелген азаматтар (15 санатқа жататындар) Біріңғай жиынтық төлемді бір айға төлем жасап өз мәртебесінен айырылған жағдайларда туындаған. Оларға да сақтандырылмаған санат беріліп отыр, өйткені БЖТ төлеген сәттен бастап олардың санаты өзін-өзі жұмыспен қамтығандар болып ауысқан, алайда ары қарай айма ай төленім жүргізбеген. Енді оларды қайта 15 санаттың ішіне кіру керектігін, одан бөлек тіркелемін дегенше өткен айларына жарна&nbsp; жасалуын және тиісті мекемлерге жүгіну керектігін ескертеміз.
Осыған қоса, медициналық мекемелердің қабылдау бөлімдері мен учаскелік мамандардың тұрғындарға дұрыс, толық ақпарат бермеуінен көптеген қиындықтар тудыруда.
Пандемия кезінде шағын және орта бизнес субъектілері үшін жеңілдік мәселесіне ерекше назар аударамыз. ҚР Үкіметінің 2020 жылдың 20 сәуіріндегі №224 Қаулысына сәйкес кейбір үлкен және шағын, орта бизнес өкілдері қарамағындағы қызметкерлерге төленетін салықтық төлемдерден босатылды, оған қоса МӘМС аударымдарынан да босатылған. ШОБ қызметкерлерінің медициналық көмек алу құқығын 2020 жылдың 1 қазанына дейін ұзарту туралы шешім қабылданды. Осыған сәйкес, жұмыс берушілер қызметкерлердің ЖСН номерлері арқылы «Saqtandyry» ақпараттық жүйесінің<a href="https://msb.fms.kz/login">https://msb.fms.kz/login</a> сайтына (одан бөлек Мемлекеттік кірістер департаментінің сайтында да орналасқан) тіркеуі қажет. Сондай-ақ, тіркеуді «Qoldau-24/7» мобильді қосымшасы арқылы өтуге болады.
Сонымен бірге, аймақта ШОБ жұмыскерлерін міндетті медициналық сақтандыру жүйесіне тарту деңгейі төмен. Аталған қаулыға сәйкес, облыс бойынша. 8 427 ШОБмекемелердін 12268 қызметкері МӘМСжарнасынан босатылған. Қазіргі таңда тек 63 ШОБ субъектісі «Saqtandyry» АЖ-да өзектендірілді. Бұл тек 1 262 (10,3%) қызметкері.
Медициналық сақтандыру жүйесіне жарналар мен аударымдарды үкімет қаулысында көрсетілген тізбеге кірмейтін барлық қалған жұмыс берушілер төлеуді жалғастыруда.
Жеке кәсіпкерлер үшін жарналарды төлеу бойынша міндеттемелер қалады. «МӘМС туралы» ҚР Заңының 28 – бабының 5-тармағына сәйкес, ЖК ай сайын 1,4 ЕТЖ-нің 5% – ы, 2975 теңге мөлшерінде жарналарды төлеуді жүзеге асыруға міндетті.
ӘМСҚ әрбір азаматқа МӘМС жүйесінде «сақтандырылған» уақытша мәртебесін алуға мүмкіндік берді. Ол үшін Android смартфондарына арналған PlayMarket және Apple смартфондарына арналған AppStore арқылы «Qoldau-24/7» мобильді қосымшасын жүктеу қажет. Содан кейін мобильді қосымшада тіркеліңіз. Сонымен, азамат уақытша «сақтандырылған» мәртебесін алғаннан кейін 1 ай ішінде өзінің мәртебесін анықтауы керек. Сондай-ақ, «Qoldau-24/7» – де медициналық сақтандыру және пациенттердің құқықтары мәселелері бойынша азаматтардың өтініштері тәулік бойы қабылданады.Азаматтардан келіп түскен барлық өтініштер өңделіп, тіркеу нөмірімен өтініштер тізіліміне түседі. Тұрғындар тарапынан түскен өтініштерге мониторинг жүргізіледі, қажет болған жағдайда белгіленген мерзімде шешім қабылдау үшін сараптамалық бағалауға беріледі. Содан кейін өтініш берушіге қосымшада оның аккаунтында жауап беріледі. Сондай-ақ, «Qoldau-24/7» қосымшасында кеңес алуға, алғыс білдіруді, өз ұсыныстарыңызды білдіруге, МӘМС жүйесіндегі сақтандырылған мәртебесін тексеруге болады.

МӘМС: Қызылорда халқы толық &#8220;сақтандырылған&#8221; ба?

<a href="https://kyzylorda-news.kz/date/2020/08/05/">Kyzylorda-news.kz.</a> Жайлаған індет қоғамның қос өкпесін қысып барады. Бұрыннан-ақ бас ауырып, балтыр сыздаса дәрігерге жүгінетін жұрт қазіргідей уақытта ақ халаттылардың көмегіне тіпті зәру. Науқастарды емдеу үшін өз басын қатерге тігіп, антына адал болған дәрігерлердің ерлігі көпке үлгі.
Қасқырбек Ермаханов – Тәуелсіздіктің құрдасы. Қуаңдария ауылында дүние есігін ашқан ол жастайынан-ақ дәрігер болуды арман етті. Солай арман қуып қалаған саласы бойынша 2008 жылы Қазақ Ұлттық медицина университетіне оқуға түсіп, 2015 жылы қарашаңырақты терапевт мамандығы бойынша тәмамдайды. Одан соң ауданға келіп ауруханада бір жыл терапевт болып қызмет атқарады. Мұнымен Қасқырбек бір орында тоқтап қалмайды.
2016 жыл болғанда Қазақ медициналық үздіксіз білім беру университетіне анестезиология реаниматология мамандығы бойынша резидентураға түсіп, былтыр бітіріп шығады. Бүгінде ол аудандық ауруханада анестезиология реанимацияның бөлім меңгерушісі. Қазіргідей уақытта біздің дәрігермен сұқбатымыз онлайн өрбіді. Көк экранның ар жағынан емен-жарқын байланысқан ол пандемиядағы күресте қандай қиындықтарды бастан кешкенін баяндап берді.
<blockquote>
 “Індетпен күресте қиындықтар көп болды. Алдымен, бұрын соңды мұндай аурумен бетпе бет келмегендіктен тәжірибеміз аз еді. Күн санап өршіп, ауыр жағдайда бөлімшеге жеткен науқастарды көріп тағы жанымыз ауырды. Олардың қиналғанын, өлім мен өмір арасындағы күресін көру біз үшін қиынға тиді. ИВЛ аппараты, оттегі баллондары жетіспеген кездер болды. Ондайда дем жетпей қиналған науқастарға қолымыздан келген бар көмекті аямадық. Әрине, жұмыла көтерген жүк жеңіл. Аудан жұртшылығы, арда азаматтар, аға буын мен ерікті жастардың қолдауы, демеуінің арқасында індетпен күресті күшейте білдік. Қазір толық індетті жеңген жоқпыз. Әлі де жансақтау бөлімінде жатқан науқастар бар. Бірақ алдыңғы айға қарағанда індеттің беті қайтып келеді. Десе де, олай деп, арқаны кеңге жаюға болмайды. Біз әлі де күресудеміз. Қасық қанымыз қалғанша күресуге дайынбыз. Егер біз әлсіз болсақ, науқастар да салын суға кетірер еді ғой. Сол үшін мықты болуға тырыстық. Олардың індеттен айығуына барлық ем-домды жасадық. Онымен қоса психологиялық қолдау көрсетіп, өмір үшін күресуге мотивация бердік. Біздің басты міндетіміз де осы. Дәрігерлерің де жақсы күндерге сенімі мол”, – дейді Қасқырбек Арыстанұлы.
</blockquote>
<img src="https://kyzylorda-news.kz/wp-content/uploads/2020/08/116879071_1564619977042236_6469714182542255176_n.jpg" alt="" />
Ол күніне 10 сағатын науқастармен өткізеді. Демалыстағы кезекшілігі тағы бар. Оның өз өмірін қатерге тіге отырып, өзгенің өмірін сақтап қалу кезіндегі ерлікпен бірдей ерен еңбегі көпке үлгі.

Қасқырбек Ермаханов: Індеттің беті қайтып келеді

<a href="https://kyzylorda-news.kz/date/2020/08/05/">Kyzylorda-news.kz.</a> Қызылорда қаласының әкімі Нұрлыбек Нәлібаев облыс орталығындағы бірқатар медициналық мекемелерге барып, дәрігерлермен кездесті.&nbsp; Медицина қызметкерлерімен тілдескен шаһар басшысы емдеу мекемелеріндегі бірнеше мәселені назарға алды.
&nbsp;&nbsp;Сонымен бірге қала әкімдігінің ұйымдастыруымен және кәсіпкерлердің қолдауымен 39,7 млн. теңгеге алынған 1 өкпені жасанды тыныстандыру аппараты мен 15 оттегі концентраторы табысталды.
<img src="https://kyzylorda-news.kz/wp-content/uploads/2020/08/02-scaled.jpg" alt="" />
Аталған медициналық құралғыларды алуға қолдау білдірген кәсіпкерлер: «Сәт-Сервис» ЖШС, «Бақ-Береке 2030» ЖШС, «Сапақ» ӨК, «Асанас-Дар» ЖШС, СК «МетПромМонтаж» ЖШС, «Нұр-Ай Ақжол» ЖШС, «Алтын Айдарлы» ЖШС.
Жаңа құрылғылардың ішінде 1 өкпені жасанды тыныстандыру аппараты мен 2 оттегі концентраторы қалалық ауруханаға берілсе, облыстық жұқпалы аурулар ауруханасының базасы 3 аппаратпен толықты. Облыстық балалар ауруханасына 5, «Ана мен бала» орталығына 5 жаңа құрылғы табысталды.
<img src="https://kyzylorda-news.kz/wp-content/uploads/2020/08/04-scaled.jpg" alt="" />
Қиын кезеңде қолдан келген көмегін беріп, өз қаражаттары есебінен демеушілік танытқан кәсіпкерлерге шаһар басшысы қала тұрғындарының атынан алғыс білдірді.
&nbsp;ШаҺар басшысы одан кейін&nbsp; медицина саласындағы мәселелерге назар салды. Мәселен облыстық балалар ауруханасының бас дәрігері Зоя Кушенова&nbsp; өзі басқаратын емдеу мекемесінің реанимация бөліміне жөндеу жұмыстарының қажет екенін мәлімдеді. 12 орынға шақталған орталық 3 жылдан бері тек ағымдық жөндеуден өтіп келген. Алайда жансақтау бөлімі толығымен жаңалауды қажет етеді. Бұл мәселені қала әкімі демеушілік есебінен жақын уақытта шешіп беретінін жеткізді.
<img src="https://kyzylorda-news.kz/wp-content/uploads/2020/08/01-scaled.jpg" alt="" />
Айта кетейік, вируспен күресте аймағымыздың ерікті тұрғындары асқан белсенділік танытып, қауіпті кеселден арылуға үлкен септігін тигізіп келеді. Еріктілер қатарында кәсіпкерлер, құрылысшылар, мәслихат депуттары да бар.
Осындай жомарт жүрек, дархан көңіл жандарды қала әкімдігі игі іске ұйыстырып, вируспен күресте жүйелі жұмыстар атқарылуда. Соның нәтижесінде аз уақытта&nbsp; 56,2 млн. теңгеден аса қаржы жиналып, аймақ орталығындағы емдеу мекемелеріне қажетті құрал-жабдықтар алынды.
Сонымен қатар пандемия кезінде 400 ден аса дәрігер отбасынан оқшауланып, белгіленген ғимараттарға орналастырылды. Бұл мәселеде де қала кәсіпкерлерінің қолдауы ерекше. Атап айтқанда «Қызылорда» қонақ үйі 110 дәрігерді жатын орынмен қамтамасыз етсе, «Бәйтерек» қонақ үйінен медицина қызметкерлеріне 49 орын ұсынылып, «Арбат» қонақ үйінде облыстық туберкулез диспансерінің 30 дәрігеріне орын берілген болатын.

Қызылорда қаласының әкімі дәрігерлермен кездесті

<a href="https://kyzylorda-news.kz/">Kyzylorda-news.kz.</a> Тамыз айының басындағы жағдай бойынша әлем халқының 10% ғана коронавирус жұқтырған.
Бұл туралы Дүниежүзілік денсаулық сақтау ұйымының жаңа аурулар мен зооноздар жөніндегі бөлімінің басшысы Мария Ван Керхе мәлімдеді.
Оның айтуынша, әлем халқының 10%-інде ғана коронавирусқа қарсы антиденелер бар.
Осылайша, коронавирусқа қарсы ұжымдық иммунитет әлі қалыптаспағанын айтты. Әлем халқының 60-70% коронавируспен ауырса, ұжымдық иммунитет қалыптасуы мүмкін екенін айтып өтті.
<a href="https://24.kz/kz/zha-aly-tar/lemde/item/414054-lem-khal-yny-10-inde-ana-koronavirus-a-arsy-immunitet-bar-dds">Хабар 24</a>

ДДҰС: Әлем халқының 10%-інде ғана коронавирусқа қарсы иммунитет бар

<a href="https://kyzylorda-news.kz/">Kyzylorda-news.kz.</a> Сырдария ауданының орталығында «Lab Service company» ЖШС-нің «Ансар» дәріханасы жұмыс істейді. Бұл дәріхана тұрғындарға тәулік бойы қызмет көрсетіп, қажетті дәрі-дәрмекпен қамтамасыз етуде.
Аудан халқының сұранысын өтеу мақсатында дәріхана желісі кеңейіп, Тереңөзек орталығында тағы бір «Ансар» дәріханасы ашылды. Дәріхана таңғы 8.30-дан түнгі 22.00-ге дейін қызмет көрсететін болады. Мұнда екі фармацевт маман жұмыс істеп, тұтынушылар сұранысын қамтамасыз етеді.
<img src="https://kyzylorda-news.kz/wp-content/uploads/2020/08/fb_img_1596600063579.jpg" alt="" />
<blockquote>
 “Аудан тұрғындарын дәрі-дәрмекпен қамту үшін дәріхана желісін кеңейту жұмыстары жүргізіліп жатыр. Соның айғағы ретінде бүгін аудан орталығында тағы бір дәріхана есігін айқара ашты. Мұнда коронавирустық инфекцияға қажетті дәрі-дәрмек бар. Бағасы да қолжетімді. Алдағы уақытта аудан елді мекендерінде дәріхана жүйесін ашу жоспарлануда”, – дейді дәріхана меңгерушісі Ардақ Тәжібаев.
</blockquote>
<img src="https://kyzylorda-news.kz/wp-content/uploads/2020/08/fb_img_1596600061030.jpg" alt="" />

Сырдарияда дәріхана желісі кеңейді

Kyzylorda-news.kz. Қызылорда облысына Израиль мен Грузия мемлекеттерінен және “Хуавей Технолоджиз Казахстан” ЖШС компаниясынан гуманитарлық көмек келді.
ҚР Сыбайлас жемқорлыққа қарсы іс-қимыл агенттігі Қызылорда облысы бойынша департаментінің қызметкерлері және Сovid-19 Қазақстан қоғамдық бақылау ұйымының еріктілерімен бірлесіп, келіп түскен препараттар мен жеке қорғану құралдарының облыстық арнайы дәрі-дәрмек қоймасына қабылдау барысына қоғамдық бақылау жүргізді.
Келген гуманитарлық көмектің облыстың емдеу мекемелеріне бекітілген бөлініске сәйкес таратылатын болады.

Қызылордаға гуманитарлық көмек келді

Kyzylorda-news.kz. Үкімет басшысы Асқар Мамин коронавирустың таралу деңгейі төмендеген аймақтарды атады, деп хабарлайды&nbsp;<a href="https://sputniknews.kz/">Sputnik Қазақстан</a>.&nbsp;
Премьер-министрдің айтуынша, бір аптаның ішінде бірқатар облыста инфекцияның репродуктивті көрсеткіші, яғни, вирустың бір адамнан таралу деңгейі 1-ден төмен түсті. Олар: Атырау, Ақтөбе, Маңғыстау, Қызылорда, Шығыс Қазақстан, Жамбыл, Түркістан мен Павлодар облыстары, Нұр-Сұлтан, Шымкент пен Алматы қалалары.
<blockquote>
 “Ал инфекцияның репродуктивтік деңгейі 1-ден жоғары өңірлер: Қостанай мен Ақмола облыстары. Бұл өңірлерде жағдай күрделі және аймақ әкімдерді эпидемияға қарсы шараларды күшейтуге аса назар аударуы қажет”, – деді Мамин үкіметтің онлайн отырысында.&nbsp;
</blockquote>
Үкімет басшысы әлем бойынша 126 мемлекетте коронавирус жұқтырғандардың жаңа өсімі тіркеліп отырғанын да атап өтті.&nbsp;
<blockquote>
 “Пандемияның жаңа толқыны күзде пайда болуы мүмкін және оған дайын болуымыз керек. Оның алдын алу үшін барлық белгіленген талаптардың сақталуын қамтамасыз етіп, жоспарланған іс-шаралар кешенін іске асыру қажет”, – деп атап көрсетті Мамин.
</blockquote>

Асқар Мамин коронавирус пандемиясының жаңа толқыны туралы айтты

Kyzylorda-news.kz. Әлемде коронавирус жұқтырған адамдардың жалпы саны 4 тамызда таңертең 18,2 миллионнан асты. Пандемия 188 елге әсер етті.
Дүниежүзілік денсаулық сақтау ұйымының басшысы Тедрос Аданом Гебрейесус COVID-19-ды құртатын дәрі-дәрмек жоқ екенін айтты.&nbsp;
<blockquote>
 «Қазіргі уақытта ауруды&nbsp;күміс оқ жоқ және, мүмкін, ешқашан болмайды», – деді Гебрейесус.
</blockquote>
Бұл туралы ұйым басшысы Женевадағы (Швейцария) БҰҰ штаб-пәтерінен виртуалды брифинг кезінде айтты. Коронавирустан тиімді вакцинаны алуға деген үлкен үміттерге қарамастан, мәңгіге құтылу мүмкін емес деді ол. Гебрейесус сонымен қатар қазіргі уақытта ауруға қарсы бірқатар вакциналар сынақтардың үшінші кезеңінде тұрғанын атап өтті.
<blockquote>
 ДДСҰ басшысы барлық елдерді денсаулық сақтау шараларын қатаң сақтауға, азаматтарды маскалар киюге шақырды. Бұл Гебрейсейдің пікірінше, бүкіл әлемде ынтымақтың символына айналуы керек.
</blockquote>

ДДСҰ басшысы коронавирусты жою ешқашан мүмкін еместігін мәлімдеді

Kyzylorda-news.kz. Қызылорда қаласының тұрғыны коронавирус пен пневмонияны “емдеудің”&nbsp;ерекше әдісін тапты. Оның дәстүрлі емес медицина әдістері түсірілген видео&nbsp;желіде тарады. Аталған оқиғаға қатысты&nbsp;Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаменті түсініктеме берді,&nbsp;деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.&nbsp;&nbsp;
Қызылорда қаласында өзін емшімін деп таныстырған Кенжебай Тоғызбаевтың “адамдарды коронавирус пен пневмониядан бір минутта емдеп шығарамын”&nbsp;деген бейнежазбасы&nbsp;әлеуметтік желіні шарлап кеткені хабарланған еді.
Емшінің емдеу процесі адам шошытарлық. Тарап жатқан жазбаларда Кенжебай Тоғызбаев науқастанғандарды жатқызып қойып, адамдардың арқасын аяқпен басып береді.&nbsp;
Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінде видеоға түсініктеме берді.
<blockquote>
 “Қызылордада әлеуметтік желілерде коронавирус пен пневмонияны емдейтін өзін-өзі жарнамалаған&nbsp;емші түсірілген видео пайда болды.&nbsp;Жергілікті полиция қызметі видеодағы азаматтың мекен-жайын анықтап, факт бойынша түсіндірме жұмыстарын жүргізіп, жиналған көпшілікті таратып жіберді. Аталған іс-шараны ұйымдастырушы карантиндік талаптарды қайталап бұзған жағдайда болашақта әкімшілік жауапкершілікке тартылатыны туралы қатаң ескертілді.&nbsp;Қазіргі уақытта бұл мекен-жай бойынша жаппай жиналыстар тоқтатылды”, – деп хабарлады департаменттің баспасөз қызметі.
</blockquote>

&#8220;Коронавирус пен пневмониядан бір минутта айықтыратын&#8221; қызылордалық емшінің қызметі тоқтатылды

Kyzylorda-news.kz. Жаңақорған ауданында 2 провизорлық стационар орталығы жабылды. Бұл туралы аудан әкімдігінің баспасөз қызметі хабарлады.
Жаңақорған ауданында барлығы 3 провизорлық стационар орталығы бар болса, соның 2-і жабылды.
Бүгінгі күнде тек ауданаралық ауруханасының жұқпалы аурулар бөлімінде барлығы 23 науқас ем алуда. Олардың ішінде 2 науқастың жағдайы орташа деңгейде, 21 науқастың жағдайы жақсы.
Дәрігерлерлердің айтуынша, апта соңына дейін бұл көрсеткіш те азаяды деп күтілуде.

Жаңақорған ауданындағы 2 провизорлық орталық жабылды

Kyzylorda-news.kz. Әлеуметтік медициналық сақтандыру қоры биыл наурыздан маусым айына дейін медицина қызметкерлерінің еңбекақысына қосымша 1 117,4 млн теңгеден астам қаржы төледі. Үстеме ақы үшін республикалық бюджеттен жалпы 1 559,13 млн теңге бөлінді.
Ең үлкен соманы (35% немесе 393,03 млн теңге) 3-ші тәуекел тобының қызметкерлері алды: провизорлық стационарлардың дәрігерлері, орта және кіші медицина қызметкерлері, жедел медициналық жәрдем дәрігерлері мен фельдшерлер, сонымен қатар санитарлық авиацияның дәрігерлері мен орта медицина қызметкерлері жұмысқа тартылған жағдайда. Ал саны бойынша 3-ші тәуекел тобының медицина қызметкерлері басым – үстеме ақы алған барлық медицина қызметкерінің 51% немесе 3 363 мың адам. Инфекциялы қауіпті аумаққа жұмысқа тартылған медицина қызметкерлері санының ай сайын өсуі байқалады. Егер наурыз айында 520 астам қызметкер үстеме ақы алатын болса, маусым айында олардың саны 2 393 адамға дейін артты.
Бұдан басқа, медициналық сақтандыру жүйесіне қатысушы медициналық ұйымдарды қолдау шаралары қабылданды.
<blockquote>
 «Қазір аурухана мен емханалар өте қиын жағдайда жұмыс істеуде. Оларды қолдау үшін Қор алғытөлем сомасын 50% дейін арттырды. Ал ауылдық ауруханалар желісіндегі қаржылық тұрақтылықты сақтау үшін жоспарлы медициналық қызметтер көлемі төмендегенде базалық қаржыландыру жүргізіледі. Сондай-ақ, пандемия кезеңінде Қор медициналық ұйымдардың шарттық міндеттемелеріне мониторинг жүргізуге мораторий жариялады», – дейді Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>

Әлеуметтік медициналық сақтандыру қоры медицина қызметкерлеріне ақы төлеуді жалғастыруда

Kyzylorda-news.kz. Мемлекет басшысының тапсырмасы бойынша 1 тамыздан бастап халыққа жоспарлы медициналық көмек көрсету жоспары әзірленді. Бірінші кезекте, COVID-19 қарсы күрес жөніндегі іс-шараларға қатыстырылмаған стационарларды кезең-кезеңмен іске қоса отырып, республикалық деңгейдегі мамандандырылған клиникаларда, монопрофильді клиникаларда жоспарлы емдеуге жатқызу қалпына келтіріледі, деп хабарлайды «ӘМСҚ» КЕАҚ Қызылорда облысы бойынша филиалының баспасөз қызметі.
Пандемия кезеңінде көптеген жоспарлы қызмет кейінге қалдырылғанын ескере отырып, Әлеуметтік медициналық сақтандыру қоры медициналық қызметтерге деген сұраныс айтарлықтай өседі деп болжап отыр. Осыған байланысты медициналық көмекті қаржыландыру жоспарына түзетулер енгізілуде.
Қордың болжамы бойынша, үшінші тоқсанда жоспарлы көмек көлемі МӘМС жүйесін енгізу кезінде көзделгендей, жыл басындағы деңгейге дейін өсуі мүмкін.
Ағымдағы жылдың бірінші тоқсанында тәулік бойы жұмыс істейтін стационарларда барлығы 32 896 науқас емделді, оның ішінде жоспарлы түрде 12 584 адам (37,4%), екінші тоқсанда 27 637 науқас емделді, оның ішінде жоспарлы түрде 9 018 адам (32,7%) емделді. Осылайша, екінші тоқсанда МӘМС жүйесіндегі қызметтер көлемі төмендеді: бірінші тоқсанмен салыстырғанда жоспарлы емдеуге жатқызу 4,7% – ға, медициналық оңалту 1,8 есе (45%) төмендеді. Ал жоғары технологиялық қызметтер көлемі 53% – ға өсті.
<blockquote>
 «Денсаулық сақтау жүйесі вирусты жеңеді деп үміттенеміз және Қор пациенттер алдындағы өзінің іске аспай қалған міндеттемелеріне қайта оралады», – деді Бақыт Исмаханбетов.
</blockquote>

Қазақстан және Қызылорда облысының жаңалықтары: Денсаулық

МӘМС: Қызылорда халқы толық “сақтандырылған” ба?

Қасқырбек Ермаханов: Індеттің беті қайтып келеді

Қызылорда қаласының әкімі дәрігерлермен кездесті

ДДҰС: Әлем халқының 10%-інде ғана коронавирусқа қарсы иммунитет бар

Сырдарияда дәріхана желісі кеңейді

Қызылордаға гуманитарлық көмек келді

Асқар Мамин коронавирус пандемиясының жаңа толқыны туралы айтты

ДДСҰ басшысы коронавирусты жою ешқашан мүмкін еместігін мәлімдеді

“Коронавирус пен пневмониядан бір минутта айықтыратын” қызылордалық емшінің қызметі тоқтатылды

Жаңақорған ауданындағы 2 провизорлық орталық жабылды

Әлеуметтік медициналық сақтандыру қоры медицина қызметкерлеріне ақы төлеуді жалғастыруда

Жоспарлы медициналық көмек 1 тамыздан бастап қайта жанданды

Қазақстан және Қызылорда облысының жаңалықтары: Денсаулық

МӘМС: Қызылорда халқы толық &#8220;сақтандырылған&#8221; ба?

Қасқырбек Ермаханов: Індеттің беті қайтып келеді

Қызылорда қаласының әкімі дәрігерлермен кездесті

ДДҰС: Әлем халқының 10%-інде ғана коронавирусқа қарсы иммунитет бар

Сырдарияда дәріхана желісі кеңейді

Қызылордаға гуманитарлық көмек келді

Асқар Мамин коронавирус пандемиясының жаңа толқыны туралы айтты

ДДСҰ басшысы коронавирусты жою ешқашан мүмкін еместігін мәлімдеді

&#8220;Коронавирус пен пневмониядан бір минутта айықтыратын&#8221; қызылордалық емшінің қызметі тоқтатылды

Жаңақорған ауданындағы 2 провизорлық орталық жабылды

Әлеуметтік медициналық сақтандыру қоры медицина қызметкерлеріне ақы төлеуді жалғастыруда

Жоспарлы медициналық көмек 1 тамыздан бастап қайта жанданды

МӘМС: Қызылорда халқы толық “сақтандырылған” ба?

“Коронавирус пен пневмониядан бір минутта айықтыратын” қызылордалық емшінің қызметі тоқтатылды