<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1402 адам коронавирус індетімен ауырғаны белгілі болды. Бұл туралы <a href="https://www.coronavirus2020.kz/">www.coronavirus2020.kz</a> сайты хабарлады.
Қазақстанда өткен тәулікте 1402 адам коронавирус індетімен ауырғаны белгілі болды. Оның ішінде 589 адам клиникалық белгілері жоқ тасымалдаушы тіркелді.
Аймақтар бойынша (жалпы/симптомсыз): 
Нұр-Сұлтан қаласы – 292 / 105 
Алматы қаласы – 221 / 122 
Шымкент қаласы – 54 / 5 
Ақмола облысы – 56 / 32 
Ақтөбе облысы – 25 / 11 
Алматы облысы – 38 / 30 
Атырау облысы – 37 / 31 
Шығыс Қазақстан облысы – 171 / 69 
Жамбыл облысы – 52 / 26 
Батыс Қазақстан облысы – 88 / 50 
Қарағанды облысы – 106 / 40 
Қостанай облысы – 58 / 23 
Қызылорда облысы – 8 / 4 
Маңғыстау облысы – 45 / 13 
Павлодар облысы – 54 / 13 
Солтүстік Қазақстан облысы – 74 / 7 
Түркістан облысы – 23 / 8
Жалпы ел бойынша ауырғандар саны 83122.

Қызылордада өткен тәулікте 8 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> Қазақстан халқы Ассамблеясының «Жаңғыру Жолы» жастар қозғалысы #МаскаТағыңыз үгіт-насихат шарасын өткізген болатын.
Мұндағы мақсат – көпшілік орында, көшеде бетперде таратып, халықты карантин тәртібін қатаң сақтауға шақыру. Өзіне және айналасындарға жанашыр болуды тағы бір мәрте еске салу және індеттің ары қарай өршіп кетуіне жол бермеу.
Осы орайда Қызылорда облыстық Қазақстан халқы ассамблеясының ұйымдастыруымен қала мен барлық аудандарда акция жалғасын тапты.
Шарада облыстық ҚХА жанынан құрылған волонтерлер орталығының еріктілері, «Жаңғыру жолы» жастар қозғалысының белсенділері, «Қоғамдық келісім» КММ Шиелі, Арал, Қазалы, Қармақшы, Сырдария, Жалағаш,​ Жаңақорған, Байқоңыр аудандары бойынша этносаралық қарым-қатынастар жөніндегі сарапшылар және аудандық жастар ресурстық орталығы жанынан құрылған волонтер жастар белсенділік танытты.
Бұл күні ерікті жастар орталық алаңда, аллеяларда, Теміржол вокзалында,​ халық көп шоғырланатын жерлерге «Масқа Тағыңыз», «Денсаулығыңызды сақтаңыз» атты жазбалар қалдырды. Маска тағу, жеке гигиенаны қатаң сақтау адам саулығына маңызды екендігін көрсетті.
<img src="https://kyzylorda-news.kz/wp-content/uploads/2020/07/img_20200725_200524_081-1.jpg" alt="" />
<img src="https://kyzylorda-news.kz/wp-content/uploads/2020/07/img-20200725-wa0044.jpg" alt="" />

Қызылордада &#8220;Маска тағыңыз&#8221; акциясы жалғасын тапты

Kyzylorda-news.kz. Бүгінде «Covid-19» инфекциямен күресіп жатқан дәрігерлерге жан-жақты көмек көрсетілуде. Бұл игілікті істен кәсіпкерлер мен ерікті жастар да қалыс қалмауда.
Жақында Қызылорда облыстық құрылысшылар Қауымдастығы аймақ құрылысшыларының ұйытқы болуымен 32 оттегі концентраторын сатып алған. Соның 2 данасын Қазалы ауданаралық ауруханасына тарту етті. Бүгінгі таңда аурухана дәрігерлері құрылысшылар берген оттегі концентраторымен науқастарды емдеп жатыр.

Құрылысшылар Қазалыдағы ауруханаға 2 оттегі концентраторын тарту етті

Kyzylorda-news.kz. Балаға қандай дәрумен және қаншалықты ұзақ беру – ата-ананы жиі мазалайтын сұрақтың бірі. Жас ата-ана баланы дәрумен жетіспеушілігінен және тұмаудан қорғау үшін дәрумен беру керек деп ойлайды. Балаға қандай дәрумен қажет және барлық балаға бірдей полидәруменді препараттар беру керек пе?
Дәрумендер – тағамдағы химиялық қосылыс. Олардың өсуге, дамуға, зат алмасуға және энергияға өмірлік маңызы бар. Олар өте аз мөлшерде қажет болғандықтан миллиграммен (мг) немесе микрограммен (мкг) өлшенеді. Дәрумендер екі топқа бөлінеді: майда еритін және суда еритін дәрумендер.
Майда еритін дәрумендерге А, Е, D және К дәрумендері жатады. К дәрумені ішектерде бактериялармен бірге синтезделеді. D дәрумені теріде ультракүлгін сәуле әсерінен түзіледі. А мен Е дәрумені тамақпен бірге келеді. А, Е, D дәрумендері бауырда және майлы тінде қорға жиналады, сондықтан олардың артық мөлшері синтетикалық дәрумендер түрінде ұзақ немесе дұрыс емес қолдану кезінде улы болуы мүмкін. Бала дұрыс тамақтанса, дәрумендер жетіспеушілігі орын алмайды.
Суда еритін дәрумендерге С дәрумендері мен В тобының дәрумендері жатады. Суда еритін дәрумендер (В12 дәруменінен басқа) ағзада қорға жиналмайды, олар күнде тамақпен бірге келу керек. Егер бұл дәрумендер артық болса, олар сіңбейді, пайдасын тигізбейді, жай зәрмен бірге шығып кетеді.
Дүниежүзілік денсаулық сақтау ұйымының ұсыныстары бойынша балалар дәрумендер мен микроэлементтерді табиғи жолмен азық-түліктер арқылы алу керек. Жақсы тәбетпен қамтамасыз ететін белсенді өмір салтында бала тағамдық топтардың барлық өнімдерін жесе, ол қосымша синтетикалық дәрумендерді қажет етпейді. Бала алуы қажет азық-түлік топтары:
<ul>
<li>дәнді дақылдар (жарма, макарон, нан);</li>
<li>көкөністер;</li>
<li>жемістер:</li>
<li>сүтті тағамдар;</li>
<li>майлар;</li>
<li>жануар және өсімдік текітілердің ақуыз көзі (ет, балық, бұршақтылар).</li>
</ul>
Фаст-фудта ешқандай дәрумен жоқ. Бала тамағын таблеткамен ауыстыру арқылы бала ағзасын маңызды нәрседен айыруыңыз мүмкін.
Дәруменнің ағзаға сіңуіне көптеген факторлар әсер етеді: жасы мен жынысы, бойы мен салмағы, физикалық белсенділік, тұқым қуалаушылық, өмір сүру салты, зат алмасу ерекшелігі, асқазан-ішектер жолының жағдайы, өткерген аурулары және т.б. Сондықтан балаға қандай дәрумен жетіспейтіндігін, ағзаға сіңу үшін әртүрлі дәрумендер бір-біріне кедергі келтірмес үшін қажетті мөлшерде дәруменді препаратты тек дәрігер жазып бере алады.
Бұрын біраз уақытқа жүзу сапарына кеткен кемешілер балғын көкөніс пен жеміс жемегендіктен діңгене (цинга) ауруына шалдығатын болған. Бұл классикалық авитаминоз қазір өркениетті елдерде кездеспейді, алайда тамақпен бірге аз дәрумен келсе немесе дәрумен ағзаға дұрыс сіңбесе, дәрумен жетіспеушілігі орын алуы мүмкін. С дәрумені коллагенді синтездеуге қажет, өсімдіктен жасалған тамақтан темірдің сіңуін жақсартады, антиоксидант болып табылады және ағзаның қорғаныс реакциясына әсер етеді.
С дәруменінің жеткілікті мөлшері мына өнімдерде болады:
<ul>
<li>1 үлкен апельсин;</li>
<li>1 болгар бұрышы;</li>
<li>2-3 жас картоп;</li>
<li>200 г кез келген қырыққабат.</li>
</ul>
Тамақтағы дәрумендерді қалай сақтауға болады?
<ul>
<li>Суда еритін дәрумендер жарық әсерінен, ұзақ сақтағанда, термиялық өңдегенде (25-тен 100 %-ға дейін дәрумендер жоғалады) және қайта-қайта қатырып-еріткеннен бұзылады;</li>
<li>Жылыжайға қарағанда ашық топырақта өсірілген көкөністердің дәрумендері әлдеқайда көбірек болады;</li>
<li>Дүкеннен әкелген тамақты қаншалықты жылдам пісіріп жесеңіз, соншалықты жақсы. Сондықтан дүкеннен азық-түлікті күнделіктісін күнде сатып әкелген жөн;</li>
<li>Көкөністер мен жемістерді тек жердің алдында тураңыз;</li>
<li>Көкөністер мен жармаларды суға салып қоймаңыз;</li>
<li>Көкөністерді ұзақ қайнатқаннан және пісіргеннен гөрі аз қуырған жақсы;</li>
<li>Міндетті түрде түрлі түсті шикі көкөністер мен жемістер жеңіз.</li>
</ul>
Егер балаңыздың тәбеті жақсы болса және күнде көкөніс пен жеміс-жидек жесе, оған қосымша дәруменді препарат берудің қажеті жоқ. Егер дәрумен бала ағзасына дұрыс сіңбеуі мүмкін деп ойлап, күмәндансаңыз, алдымен дәрігерге көрсетіп, тексерістен өтіңіз. Ал егер балаңыздың тәбеті нашар болса немесе көкөністер мен жемістер жемесе, бірден қосымша дәруменді препарат бермей, алдымен тәбет ашудың жолдарын іздеңіз. Ол туралы да дәрігерден кеңес алсаңыз болады. Себебі балаға тамақпен келген дәрумен аса қажет екенін ұмытпаңыз.
Дереккөз: Massaget.kz

Балаға қандай дәрумен керек?

<a href="https://kyzylorda-news.kz/">Kyzylorda-news.kz.</a> Су балдыры санатына жататын гепарин, көптеген арнайы вирусқа қарсы препараттарға қарағанда, COVID-19-ны анағұрлым тиімді блоктауға қабілетті. Тіпті оның әсері АҚШ-та қолданылатын коронавирустың негізгі препараты Ремдесивирден де жоғары екені белгілі болды. Бұл туралы халықаралық ғалымдар тобы мәлімдеді, деп хабарлайды <a href="https://stan.kz/koronaviruska-karsi-tyratin-tabigi-onim-belgili-boldi-334731/.kz.">Stan.kz.</a>
Ғылыми жұмыстың нысаны теңіз балдырларынан алынған органикалық заттар болған.&nbsp;Гепариннің үш нұсқасы және фукоиданның екі түрі зертелді.&nbsp;Зертханалық зерттеулер in vitro түрінде жүргізілді.
Гепарин молекулалары вирусқа жіберіліп, оны бұғаттайды, осылайша COVID-19 табиғи жолмен жойылады.
Зерттеушілер ретроспективті клиникалық зерттеудің мәліметтеріне назар аударды, соған сәйкес антикоагулянттарды, мысалы гепаринді енгізу, COVID-19 вирусын жұқырғандар қатарына жатқызылған науқастарға, соның ішінде интубацияланған науқастардың өлімінің күрт төмендеуіне, жақсы нәтиже бере алады.
<blockquote>
 “Бұл гепаринмен антикоагулянттық терапияның нәтижесі ме, әлде белгілі бір дәрежеде оның SARS-CoV-2-ге қарсы белсенділігінің нәтижесі ме белгісіз”, – дейді мамандар.
</blockquote>
Олар гепариннің қосымша артықшылықтары бар, мысалы өкпе коагулопатиясын және жүйелі қан кетусіз қабынуды азайту. Осыған байланысты зерттеушілер гепарин немесе фукоидандармен мұрынға арналған спрейді коронавирусты ертерек емдеуде және тіпті алдын-алу үшін қолдануға болады деп санайды.
<blockquote>
 “Біз вирустық инфекцияны оқшаулауды үйреніп жатырмыз. Егер біз пандемияға тез қарсы тұрғымыз келсе, бізге бұл қажет. Шындығында&nbsp;бізде вирусқа қарсы препараттар жоқ. Өзімізді болашақ пандемиядан қорғау үшін бізге пайда болатын вирустарға тез бейімделуге болатын арсенал қажет”, – деді зерттеу жетекшісі, Ренссельер политехникалық институтының профессоры Джонатан Дордик.
</blockquote>

Коронавирусқа қарсы тұратын табиғи өнім белгілі болды

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың төрағалығымен Қызылорда қаласындағы эпидемиологиялық ахуалға қатысты жиын өтті.
Жиында қала әкімі Нұрлыбек Нәлібаев індеттің алдын алу мақсатында атқарылып жатқан жұмыстарды мәлімдеді.
<img src="https://kyzylorda-news.kz/wp-content/uploads/2020/07/fb_img_1595649209578-1.jpg" alt="" />
Бүгінгі күнге дейін облыс орталығында коронавирус, пневмония диагнозымен және ОРВИ инфекциясымен 1966 адам тіркелген. 
Коронавирус жедел респираторлы аурулар мен пневмонияға байланысты тұрғындар тарапынан шақыртулардың күрт көбеюіне байланысты мобильді дәрігерлерді тасымалдау шаралары да қоса ұйымдастырылды. Оған әкімдікке қарасты 30-ға жуық қызметтік көлік тұрғындарға күнделікті жедел қызмет көрсетуге жұмылдырылды. 
Кәсіпкерлер мен еріктілердің тарапынан да 20-ға жуық көлік оттегі баллонын жеткізу мен тағы да басқа қызметтер бойынша көмек көрсетті. Сонымен қатар 27 кәсіпкер 52 млн. теңгеге 77 дана оттегі концентраторы мен 850 дана оттегі баллонын қаладағы ауруханаларға жеткізген. 
«Қызылорда», «Арбат», «Бәйтерек» қонақ үйлері иелерінің демеушілігі мен қалалық «Сырдария» тынығу лагері, қалалық ардагерлер үйі, ҚМУ №4 жатақханасына 401 медициналық қызметкер орналастырылды. 
Бұдан бөлек, қала кәсіпкерлері арқылы 10 мың дана медициналық бетперде қала тұрғындарына тегін таратылып, мүмкіндігі шектеулі азаматтар үшін де волонтерлар арқылы дәрі-дәрмектер жеткізілуде. 
Жиында аймақ басшысы Гүлшара Әбдіқалықова әлі тұрғындар арасында сақтық шаралары дұрыс сақталмай отырғанын айтты.
<blockquote>
 “Қазіргі таңда тұрғындар арасында әлі де сақтық шараларына бейқамдық танытып жүргендер бар. Жыл соңына дейін ас беру сияқты жиындарды тоқтату керек. Мобильді топтарды түсіндірме жұмыстарына араластырып, халыққа кеңінен ақпарат беру қажет ” – деді облыс әкімі. 
</blockquote>
Мәжілісте аймақ басшысы облыс орталығындағы провизорлық орталықтардың жеткілікті болуына баса мән беру керектігін де сөз етті. Ол үшін қажетті ғимараттар, төсек орындармен қамтамасыз ету мәселесін ұдайы назарда ұстау керектігін ескертті.

Гүлшара Әбдіқалықова: Тұрғындар арасында сақтық шаралары дұрыс сақталмай отыр

<a href="https://kyzylorda-news.kz/">Kyzylorda-news.kz.</a> Сыр өңіріндегі жұмыс сапары аясында вице-премьер аймақтағы дәріханалардың дәрі қорына қатысты қабылданған шаралармен танысып, дәріханалар желісінің жұмыс жасау барысын бақылады.
Бүгінгі күні Қызылорда облысы бойынша 328 дәріхана, дәріхана пункттері фармацевтикалық қызметпен айналысады, оның 178-і Қызылорда қаласында орналасқан. Індеттің таралмауына қажетті дәрі-дәрмектердің уақытылы жетуі және бағасының негізсіз көтерілмеуін арнайы мониторингтік топ бақылауда ұстайды. Бүгінгі күнге дейін мониторингтік топ қаладағы 9 емхана мен СҚ-Фармация ЖШС дәрілік қоймасына, 86 дәріханаға мониторинг жүргізді. Соның нәтижесінде аймақта дәріханалардағы ұзын-сонар кезек азайды. Вирусқа қарсы ыстықты түсіретін, қызуды басатын қажетті дәрі-дәрімектің қоры күн сайын жаңартылып отыр. Дәріхана желілері күнделікті дәрілік заттар мен медициналық бұйымдарға тапсырыс беріп, сұранысқа сәйкес қажеттіліктерді қамтамасыз етуде. Бүгінгі күні вирусқа қарсы ыстықты түсіретін, микробты түсіретін дәрілік заттар қоры 354 262 дананы құрайды.
Дәріханада халық тарапынан үнемі сұраныстағы Эуффелин», «С» витамині, «Сумамед», «Ципролет», «В» витаминдер кешені «Милгамма», «Ремаберин», «Полиоксидоний», «Офло», т.б. дәрілік заттары келіп түседі.
Қазіргі таңда «Зерде» жауапкершілігі шектеулі серіктестігінің Қызылорда қаласында 3 дәріханасы бар. Бұған дейін қалада «Зерде» ЖШС-нің бір ғана дәріханасы халыққа қызмет көрсетіп келсе, енді олардың қатары маусым айында 2 дәріханамен толықты. Бұл соңғы кезде қалыптасқан дәрілік тапшылықты жоюға, дәріханаларда қалыптасқан кезекті болдырмауға жол ашты.
Облыс әкімінің тапсырмасына сәйкес дәріханаларға қажетті қорды қалыптастыру үшін бүгінгі күні дистрибюторлармен өзара келісім жолға қойылды. Облыс аумағындағы ірі және кіші дәріханалар желісіне қажеттіліктеріне қарай дәрілік препараттар ұдайы жеткізілуде.
Вице-Премьер Ералы Тоғжанов облыстағы дәрілік заттардың жеткілікті болуын қамтамасыз етуді және халық сұранысындағы дәрілердің ұдайы жетуін назарға алуды жеткізді.
<img src="https://kyzylorda-news.kz/wp-content/uploads/2020/07/116117894_2583911565045230_7239991417486515579_n.jpg" alt="" />

Премьер-Министрдің орынбасары дәріханалардағы дәрі қорын бақылады

<a href="https://kyzylorda-news.kz/">Kyzylorda-news.kz</a>. Бүгін Мемлекет басшысы Қасым-Жомарт Тоқаевтың тапсырмасымен ҚР Премьер-Министрінің орынбасары Ералы Тоғжанов жұмыс сапарымен Қызылорда облысына келді. Сапар барысында Премьер-Министрдің орынбасары Ералы Тоғжанов пен облыс әкімі Гүлшара Әбдіқалықова көпбейінді облыстық аурухананың жұмысымен танысты.
Көпбейінді облыстық аурухана 1998 жылы пайдалануға берілген. Ауруханада&nbsp;жалпы 525 төсек орны бар. 
Емдеу мекемесінде барлығы 1335 қызметкер жұмыс жасайды. Оның ішінде 200 дәрігер, 574 орта буын, 326 кіші медицина қызметкері және 235 басқа да маман бар.
Көпбейінді облыстық ауруханасы бүгінде толық электронды құжат айналымына көшірілді. 
Ауруханада 17 өкпені жасанды желдету аппараты, 300 оттегі баллоны, 6 оттегі концентраторы бар. Бір тәулікте 60 оттегі баллонын пайдалану қажет етіледі.
Науқастарға арналған 30 төсек орындық инфекциялық стационар, 70 фильтр бөлмелері ұйымдастырылған. 70 фильтр бөлмелерінің ішінде 13 орын жансақтау бөліміне арналған. Бүгінгі күні стационарда 7, фильтр бөлмелерінде 38 адам емделуде. 
Науқастарды емдеп жатқан медицина қызметкерлері үйлеріне қайтпай, облыстық ардагерлер үйінде оқшаулануда.
<img src="https://kyzylorda-news.kz/wp-content/uploads/2020/07/116236278_2583783361724717_1679064352022564419_n.jpg" alt="" />

Ералы Тоғжанов көпбейінді Қызылорда облыстық аурухананың жұмысымен танысты

<a href="https://kyzylorda-news.kz/">Kyzylorda-news.kz.</a> Қызылорда облысында коронавирус инфекциясын жұқтырған 2541 адам тіркелді. Оның 1663-і емделіп шықты. Бұл туралы Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасының басшысы Сабит Пазилов баяндады.
<blockquote>
 “Өңірде вирус өршіген кезде жедел жәрдем қызметіндегі бір бригадаға 38-36-ға дейін шақыртулар түссе, қазір 16-18-ге азайды. Ал науқастардың көбейген кезінде қалалық аруханаларда оттегі баллондарын пайдаланушылар саны 170-ке жетсе, қазір 70 баллонға кеміді. Мемлекеттік бюджеттен және жеке кәсіпкерлердің есебінен 112 оттегі концентраторы алынды. Оған қоса көрші мемлекеттерден де гуманитарлық көмектер келді. Оның ішінде дәрілік заттар мен медициналық жабдықтар және қорғаныш құралдары бар”,- деді басқарма басшысы.
</blockquote>
Бүгінде Қазақстан Республикасы Денсаулық сақтау министрлігімен “Коронавирусты инфекциясына байланысты эпидемияға қарсы шаралар жоспары” бекітілді. Аймақ бойынша жоспарда көрсетілген шараларды бағалайтын 18 индикатордың 12-не қол жеткізілген. Ал қалған 4 индикатор төсек санын көбейтуге және ПТР анализдеріне, реанимациялық төсек орындарының, жасанды өкпе желдеткіш аппаратына байланысты болып отыр.
<blockquote>
 “Қазіргі таңда, бұл мәселеге байланысты конкурс жүргізілуде. Мұнан өзге, жұмыс істеп тұрған жасанды өкпе желдеткіш аппараттарының саны 64 болса, қазір 99- ға жетті»,- деді бас дәрігер.
</blockquote>
<img src="https://kyzylorda-news.kz/wp-content/uploads/2020/07/fb_img_1595557372540-1.jpg" alt="" />

Қызылордада коронавирустан 1663 адам емделіп шықты

<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықованың төрағалығымен Шиелі ауданында індеттің алдын-алу және таралуын болдырмау мақсатында атқарылып жатқан жұмыстар бойынша селектор өтті. 
Жиында Шиелі ауданының әкімі Қамбарбек Мүбараков аймақтағы ахуал жөнінде баяндама жасады. 
Аудан бойынша коронавирус инфекциясымен 217 жағдай тіркеліп, 134 адам емделіп шықты. Пневмониядан 555 адам ауырып, 189 жазылып шықты.
Қазіргі уақытта 40 инфекциялық, 100 провизорлық төсек орны бар. Ахуал күрделенген жағдайда пайдалану үшін ескі аурухана ғимаратынан 50 төсек орын дайындалған. Сонымен қатар, «Шиелі аудандық аграрлық колледжі» мен «Гежуба Шиелі Цемент» зауытының жатақханаларынан 200 төсек орын ашуға тиісті жұмыстар жүргізілуде.
Ауданда 12 өкпені жасанды желдету аппараты, 3 оттегі концентраторы, 159 оттегі баллоны бар. Күшейтілген карантин жарияланған кезеңнен бастап аудан бойынша демеушілер мен еріктілер тарапынан аудандық аурухана мен елді мекендерге 4 млн 100 мың теңгеге көмек көрсетілді. 
Одан бөлек, аудан әкімдігінің 5 қызметтік автокөліктері күнделікті жанар-жағар майымен қамтамасыз етіліп, аудандық ауруханаға көмек ретінде пайдалануға берілді.
Шиелі ауданы бойынша 22 дәріхана жұмыс жасайды. Барлық дәріханаларға күнделікті мониторинг жүргізілуде. 
Коронавирустың таралуын шектеу мақсатында әр елді мекеннен 1 мобильдік, кент орталығынан 5 мобильдік топ құрылып жұмыс жасауда. Сонымен қатар аудандағы мониторингтік топтар күнделікті кәсіпкерлік нысандарын және арнайы белгіленген аймақтарын аралап, санитариялық талаптардың сақталуына бақылау жасауда. Тұрғындар арасында отбасылық жиындардан бас тарту туралы түсіндірме жұмыстары үздіксіз жүргізіп келеді. 
Өңір басшысы дәрі-дәрмек қорын уақытылы толықтырып, қажет болған жағдайда пайдаланатын стационар орындарында емделуге жақсы жағдай жасауды тапсырды.
<blockquote>
 «Инфекциялық, провизорлық орындарда емделушілерге дұрыс жағдай жасалу керек. Қосымша рентген, өкпені жасанды желдету аппараттарын алуға жұмыс жасаңыздар. Оттегі концентраторын да көбейту керек. Дәрілік заттардың қоры жеткілікті болсын. Тұрғындар көпшілік орындарда жиналмау керек», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/07/fb_img_1595557094536.jpg" alt="" />

Коронавирус: Шиелі ауданындағы жағдай қандай?

<a href="https://kyzylorda-news.kz/">Kyzylorda-news.kz.</a> Қазақстанда коронавирус инфекциясын емдеу шаралары тағы өзгертілді. Клиникалық хаттамаға осымен 11-ші рет түзету енгізіліп отыр. Бірқатар препаратты алып тастады. Себебі ол дәрілер тиімсіз болып шықты. Бірақ хаттамаға қызуды басатын препараттар мен антикоагуланттар қосылды. Соның бәрін науқастарға тегін тарату жоспарланған, деп хабарлайды <a href="https://sputniknews.kz/">Sputnik Қазақстан</a>.
Маусымның соңында денсаулық сақтау вице-министрі Людмила Бюрабекова коронавирус инфекциясын емдеуге арналған клиникалық хаттаманың 10-шы редакциясын таныстырған болатын. Онда амбулаториялық емдеу кезінде “Гидроксихлорохин” мен “Лопинавир”/”Ритонавир” препараттарын қолдану шаралары қарастырылды. Бұл үйде ем-дом алатындар осы дәрі-дәрмекті ішеді деген сөз. Ал ауруханада жатқандарға “Фавипиравир” да беріледі. Пневмония асқынып кетсе, тағы “Дексаметазон” қосылады.
<blockquote>
 “Бұдан бөлек, үш күн бойы дене қызуы жоғары болмаса, ал компьютерлік томография немесе рентген кезінде өкпеде оң динамика байқалса, пациентті амбулаториялық емдеуге, яғни ауруханадан ерте шығаруға шешім қабылданады”, – деп жазды Бюрабекова.
</blockquote>
Тура он бес күннен кейін коронавирус инфекциясын емдеу тәртібіне өзгеріс енгізілді. &nbsp;
15 шілдеде денсаулық сақтау министрлігі жанындағы бірлескен комиссия клиникалық хаттаманың 10-шы редакциясына тағы түзету жасады. Дәрігерлер “Гидроксихлорохин” және “Лопинавир”&nbsp; сияқты препараттарды алып тастауға шешім қабылдапты. Себебі шетелдік ғалымдар бұл дәрілерді коронавирусқа қарсы қолданған тиімсіз деген қорытындыға келген.
Осы орайда АҚШ президенті Дональд Трамптың коронавирустың алдын алу әдістемесі еске түседі. Мамыр айының ортасында ол безгек ауруына қарсы “Гидроксихлорохиннің” бір таблеткасын күнде ішіп жүргенін айтқан. Бұған дейін Американың басшысы дәл осы препаратты COVID-19 ауруына қарсы тиімді дәрі деп атаған еді. Алайда зерттеулер оны растаған жоқ. Оған қоса, сәуірдің соңында АҚШ-тың санитарлық бақылау басқармасы “Гидроксихлорохинді” немесе “Хлорохинді” қабылдаған науқастардың жүрек ырғағы бұзылатынын мәлімдеді. Енді, Қазақстан ол дәріні коронавирусқа қарсы терапия кезінде қолданбайтын болды. &nbsp;
Денсаулық сақтау вице-министрі Ажар Ғинияттың айтуынша, бүгінде “Ремдесивир” мен “Фавипиравир” коронавирустың ауыр түріне шалдыққандарға көмектеседі деген мәлімет бар. Сондықтан осы препараттар клиникалық хаттамаға енгізілді.
<blockquote>
 “COVID-19 – бұл жаңа инфекция. Әлем ғалымдары осы вирустан емделудің тиімді тәсілдерін іздеп отырады. Бүгінде оны емдеудің нақты бір әдісі жоқ. Сол себепті қазақстандық ғалымдар мен клиницистер әлемдік тәжірибені зерттеп, клиникалық хаттамаға озық әдістерді енгізіп тұрады”, – дейді Ғиният.
</blockquote>
Соңғы хаттамаға коронавирустан амбулаториялық деңгейде, яғни үйде емделу үшін дене қызуын басатын дәрілер мен инъекциялық емес антикоагулянттар да қосылды. Олардың ішінде “Парацетамол”, “Ибупрофен”, “Ривароксабан”, “Апиксабан” мен “Дабигатран” деген препараттар бар. Денсаулық сақтау министрінің сөзіне қарағанда, осы дәрі-дәрмектің бәрі науқастарға тегін таратылады. Ал барлық шығын медицининалық сақтандыру қорының есебінен өтеледі.
<blockquote>
 “Иә, науқас тіркелген жеріндегі емханаға хабарласып, тиісті диагноз қойылса, осы препараттар тегін беріледі. Коронавирус пен пневмония – бұл негізгі диагноздар. Әрине, емхана дәрігерлері аурудың деңгейіне қарайды. Ауыр жағдай емес және үйде емделуге мүмкіндік болса, клиникалық хаттамға енгізілген препараттар пациентке емхана арқылы тегін беріледі”, – деді Цой елордада өткен онлайн брифингте.
</blockquote>
Жаңа хаттама бойынша тегін берілетін препараттардың ішінде антикоагулянттар, яғни қанды сұйылтанын дәрі-дәрмектер бар. Себебі коронавирус инфекциясының салдарынан тромбоз туындайды. Адамның қаны ұйып, тромбтар пайда болады. Осыған байланысты бүгінде ауруханада коронавирусты емдеу кезінде антикоагулянттарды пайдаланады. Бірақ стационарда ол дәріні шприцпен егеді. Ал министрлік үйде емделуге арналған хаттамаға инъекциялық емес түрлерін қосты. Өйткені антикоагулянтты шприцпен салғанда дәрігердің өзі болуы керек. Оны дұрыс салмаса, адамның басқа аурулары асқынып кетуі мүмкін.
Сонымен, дене қызуын түсіретін және қанды сұйылтатын препараттарды карантин жағдайында қалай алуға болады? Елордадағы №5 емхананың бас дәрігері Алтыншаш Табылдинаның айтуынша, медицина мамандары пневмония диагнозын бірнеше жолмен растай алады. Қазіргі жағдайда онлайн-консультация бар, я болмаса, мобильді топтар науқастың үйіне барып, аурудың белгілерін анықтайды.
<blockquote>
 “Егер дене қызуы үш-төрт күннен бері түспей, қан сынамасында С-реактивті ақуызы көбейіп, бактериалдық пневмонияның белгілері болса, біз қажетті дәріні жазып береміз. Оның барлығы дәрі-дәрмекпен тегін қамтамасыз ету тізіміне кіреді”, – деп түсіндірді Табылдина.
</blockquote>
Иә, “Парацетамол” мен “Ибупрофен” сияқты препараттар тегін берілсе, алыпсатарлардың заңсыз кәсібі тыйылуы мүмкін. Дәріханадағы ұзын-сонар кезектер де азаяды. Дегенмен, бүгінде үйде жатып емделетіндердің көбісі емхана дәрігерімен онлайн-байланысқа шықпайды, мобильді топтың келгенін де күтпейді, бірден дәріханаға жүгіреді. Өйткені үнемделген ақшадан бұрын денсаулық қымбат.
Жалпы, қазіргі кезде коронавирустың таралуына қатысты сан алуан болжамдар жасалуда. Біреу пандемия енді басталды десе, енді бірі инфекция адамның ортасына бейімделгеннен кейін әлсірейді деп ойлайды. Дегенмен жаңа вирус кез келген уақытта шығуы мүмкін. Сондықтан адам оған дайын болуы керек.

Хаттамаға түзету енгізілді: Коронавирусты емдеу шарасы тиімсіз болып шықты

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1646 адам коронавирус індетімен ауырғаны белгілі болды. Оның ішінде 778 адам клиникалық белгілері жоқ тасымалдаушы тіркелді. Ал Қызылорда облысында кеше 77 адам індетті жұқтырып, оның 12-сі симптомсыз екені анықталды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша (жалпы/симптомсыз): 
Нұр-Сұлтан қаласы –&nbsp;236&nbsp;/ 166 
Алматы қаласы –&nbsp;216&nbsp;/ 103 
Шымкент қаласы –&nbsp;36&nbsp;/ 20 
Ақмола облысы –&nbsp;53&nbsp;/ 29 
Ақтөбе облысы –&nbsp;39&nbsp;/ 17 
Алматы облысы –&nbsp;69&nbsp;/ 32 
Атырау облысы –&nbsp;138&nbsp;/ 97 
Шығыс Қазақстан облысы –&nbsp;210&nbsp;/ 91 
Жамбыл облысы –&nbsp;48&nbsp;/ 23 
Батыс Қазақстан облысы –&nbsp;99&nbsp;/ 55 
Қарағанды ​​облысы –&nbsp;140&nbsp;/ 53 
Қостанай облысы –&nbsp;52&nbsp;/ 25 
Қызылорда облысы –&nbsp;77&nbsp;/ 12 
Маңғыстау облысы –&nbsp;47&nbsp;/ 15 
Павлодар облысы –&nbsp;68&nbsp;/ 18 
Солтүстік Қазақстан облысы –&nbsp;99&nbsp;/ 7 
Түркістан облысы –&nbsp;19&nbsp;/ 15
Жалпы ел бойынша ауырғандар саны –&nbsp;76&nbsp;799.

Қазақстан және Қызылорда облысының жаңалықтары: Денсаулық

Қызылордада өткен тәулікте 8 адам коронавирус жұқтырды

Қызылордада “Маска тағыңыз” акциясы жалғасын тапты

Құрылысшылар Қазалыдағы ауруханаға 2 оттегі концентраторын тарту етті

Балаға қандай дәрумен керек?

Коронавирусқа қарсы тұратын табиғи өнім белгілі болды

Гүлшара Әбдіқалықова: Тұрғындар арасында сақтық шаралары дұрыс сақталмай отыр

Премьер-Министрдің орынбасары дәріханалардағы дәрі қорын бақылады

Ералы Тоғжанов көпбейінді Қызылорда облыстық аурухананың жұмысымен танысты

Қызылордада коронавирустан 1663 адам емделіп шықты

Коронавирус: Шиелі ауданындағы жағдай қандай?

Хаттамаға түзету енгізілді: Коронавирусты емдеу шарасы тиімсіз болып шықты

Қызылордада өткен тәулікте 77 адам коронавирус жұқтырған

Қазақстан және Қызылорда облысының жаңалықтары: Денсаулық

Қызылордада өткен тәулікте 8 адам коронавирус жұқтырды

Қызылордада &#8220;Маска тағыңыз&#8221; акциясы жалғасын тапты

Құрылысшылар Қазалыдағы ауруханаға 2 оттегі концентраторын тарту етті

Балаға қандай дәрумен керек?

Коронавирусқа қарсы тұратын табиғи өнім белгілі болды

Гүлшара Әбдіқалықова: Тұрғындар арасында сақтық шаралары дұрыс сақталмай отыр

Премьер-Министрдің орынбасары дәріханалардағы дәрі қорын бақылады

Ералы Тоғжанов көпбейінді Қызылорда облыстық аурухананың жұмысымен танысты

Қызылордада коронавирустан 1663 адам емделіп шықты

Коронавирус: Шиелі ауданындағы жағдай қандай?

Хаттамаға түзету енгізілді: Коронавирусты емдеу шарасы тиімсіз болып шықты

Қызылордада өткен тәулікте 77 адам коронавирус жұқтырған

Қызылордада “Маска тағыңыз” акциясы жалғасын тапты